ᠵᠧᠺ ᠪᠠ ᠪᠤᠷᠴᠠᠭ ᠤᠨ ᠮᠣᠳᠣЖек ба буурцгийн мод
432ᠵᠧᠺ ᠪᠠ ᠪᠤᠷᠴᠠᠭ ᠤᠨ ᠮᠣᠳᠣ
ᠡᠷᠲᠡ ᠤᠷᠢᠳᠤ ᠶ᠋ᠢᠨ ᠴᠠᠭ ᠲᠤ ᠵᠸᠺ ᠭᠡᠬᠦ ᠵᠢᠭᠠᠯ ᠬᠦᠦ ᠲᠣᠰᠬᠣᠨ ᠤ᠋ ᠣᠢᠷᠠᠯᠴᠠᠭᠠᠬᠢ ᠵᠢᠵᠢᠭᠬᠡᠨ ᠪᠠᠢᠰᠢᠩ ᠳ᠋ᠤ᠌ ᠡᠵᠢ ᠲᠡᠢ ᠪᠡᠨ ᠬᠠᠮᠲᠤ ᠠᠮᠢᠳᠤᠷᠠᠳᠠᠭ ᠪᠠᠢᠵᠠᠢ᠃
ᠲᠡᠳᠡᠨ ᠳ᠋ᠦ᠍ ᠮᠥᠩᠭᠥ ᠣᠯᠬᠤ ᠡᠬᠢ ᠡᠭᠦᠰᠪᠦᠷᠢ ᠪᠠᠢᠭᠰᠠᠨ ᠦᠭᠡᠢ᠂ ᠥᠯ ᠵᠠᠯᠭᠠᠭᠤᠯᠬᠤ ᠶ᠋ᠢᠨ ᠲᠤᠯᠠᠳᠠ ᠲᠡᠳᠡᠨ ᠪᠦᠬᠦ ᠶᠠᠭᠤᠮᠠ ᠪᠠᠨ ᠵᠠᠷᠤᠵᠠᠢ᠃
ᠲᠡᠳᠡᠨ ᠳ᠋ᠦ᠍ ᠵᠥᠪᠬᠡᠨ ᠰᠦᠨ ᠦ᠌ ᠦᠨᠢᠶᠡ ᠯᠡ ᠦᠯᠡᠳᠡᠭᠰᠡᠨ ᠪᠠᠢᠪᠠ᠃
ᠲᠡᠳᠡ ᠶᠠᠳᠠᠭᠤ ᠪᠣᠯᠬᠣᠷ ᠵᠸᠺ ᠪᠣᠯᠤᠨ ᠵᠸᠺ ᠦ᠋ᠨ ᠡᠵᠢ ᠣᠯᠠᠨ ᠰᠥᠨᠢ ᠬᠣᠭᠣᠰᠣᠨ ᠬᠣᠳᠣᠭᠣᠳᠣ ᠲᠠᠢ ᠤᠨᠲᠠᠳᠠᠭ ᠪᠠᠢᠪᠠ᠃
ᠵᠸᠺ ᠥᠷᠯᠥᠭᠡ ᠪᠦᠷᠢ ᠦᠨᠢᠶᠡ ᠪᠡᠨ ᠰᠠᠭᠠᠳᠠᠭ ᠴᠤ᠌ ᠦᠨᠢᠶᠡᠨ ᠦ᠌ ᠰᠦ ᠠᠪᠬᠤ ᠶ᠋ᠢᠨ ᠲᠤᠯᠠᠳᠠ ᠲᠡᠵᠢᠭᠡᠯ ᠥᠭᠬᠦ ᠶᠣᠰᠣᠲᠠᠢ᠂ ᠪᠠᠰᠠ ᠲᠡᠳᠡᠨ ᠳ᠋ᠦ᠍ ᠮᠥᠩᠭᠥ ᠪᠠᠢᠭᠰᠠᠨ ᠦᠭᠡᠢ᠂ ᠲᠡᠭᠡᠭᠡᠳ ᠵᠸᠺ ᠦ᠋ᠨ ᠡᠵᠢ ᠨᠢᠭᠡ ᠶᠠᠭᠤᠮᠠ ᠪᠣᠳᠣᠵᠤ ᠣᠯᠤᠯᠠ᠃ ᠡᠵᠢ ᠨᠢ ᠵᠸᠺ ᠳᠡᠭᠡᠷᠡ ᠣᠴᠢᠵᠤ ᠭᠠᠭᠴᠠ ᠦᠨᠢᠶᠡ ᠪᠡᠨ ᠬᠤᠳᠠᠯᠳᠤ ᠭᠡᠵᠡᠢ᠃
ᠵᠸᠺ᠄ ᠣᠢᠯᠠᠭᠠᠯᠠ ᠡᠵᠢ ᠠ᠋᠃
ᠵᠸᠺ ᠦᠨᠢᠶᠡ ᠪᠡᠨ ᠵᠠᠷᠤᠬᠤ ᠪᠠᠷ ᠵᠠᠬᠠ ᠤᠷᠤᠭᠤ ᠶᠠᠪᠤᠬᠤ ᠵᠠᠮ ᠳ᠋ᠠᠭᠠᠨ ᠶᠡᠬᠡ ᠬᠠᠴᠢᠨ ᠲᠥᠷᠬᠦ ᠲᠡᠢ ᠡᠪᠦᠭᠡᠨ ᠲᠡᠢ ᠲᠠᠭᠠᠷᠠᠯᠳᠤᠪᠠ ᠭᠡᠨᠡ᠂
ᠡᠪᠦᠭᠡᠨ᠄ ᠥᠷᠯᠥᠭᠡᠨ ᠦ᠌ ᠮᠡᠨᠳᠦ ᠵᠸᠺ?
ᠵᠸᠺ᠄ ᠥᠷᠯᠥᠭᠡᠨ ᠦ᠌ ᠮᠡᠨᠳᠦ᠂
ᠡᠪᠦᠭᠡᠨ᠄ ᠡᠨᠡ ᠦᠨᠢᠶᠡ ᠶ᠋ᠢ ᠬᠠᠮᠢᠭᠠᠰᠢ ᠪᠠᠨ ᠠᠪᠴᠤ ᠶᠠᠪᠤᠵᠤ ᠪᠠᠢᠭᠠ ᠶᠤᠮ ᠪᠣᠢ ᠵᠢᠭᠠᠯ ᠠ᠋?
ᠵᠸᠺ᠄ ᠪᠢ ᠦᠨᠢᠶᠡ ᠪᠡᠨ ᠬᠤᠳᠠᠯᠳᠤᠬᠤ ᠪᠠᠷ ᠵᠠᠬᠠ ᠤᠷᠤᠭᠤ ᠶᠠᠪᠤᠵᠤ ᠪᠠᠢᠨᠠ᠃
ᠡᠪᠦᠭᠡᠨ᠄ ᠦ᠁ ᠬᠦᠦ ᠮᠢᠨᠢ ᠳᠡ᠂ ᠲᠡᠭᠡᠬᠦ ᠶ᠋ᠢᠨ ᠲᠤᠯᠠᠳᠠ ᠲᠡᠢᠮᠦ ᠬᠣᠯᠠ ᠶᠠᠪᠤᠬᠤ ᠬᠡᠷᠡᠭ ᠦᠭᠡᠢ ᠰᠢᠦ ᠳᠡ᠂ ᠦᠨᠢᠶᠡ ᠶ᠋ᠢ ᠪᠡᠨ ᠨᠠᠳᠠ ᠳ᠋ᠤ᠌ ᠥᠭᠴᠢᠬᠡ᠂ ᠪᠢ ᠬᠤᠳᠠᠯᠳᠤᠵᠤ ᠠᠪᠤᠶᠠ᠂
ᠵᠸᠺ᠄ ᠲᠠ ᠮᠢᠨᠦ ᠦᠨᠢᠶᠡ ᠶ᠋ᠢ ᠠᠪᠤᠭᠠᠳ ᠣᠷᠣᠨ ᠳ᠋ᠤ᠌ ᠨᠢ ᠨᠠᠳᠠᠳᠤ ᠶᠠᠭᠤ ᠥᠭᠬᠦ ᠶᠦᠮ
ᠪᠣᠢ?
ᠡᠪᠦᠭᠡᠨ᠄ ᠨᠠᠳᠠᠳᠤ ᠴᠢᠮᠠ ᠰᠢᠭ᠋ ᠰᠠᠢᠬᠠᠨ ᠬᠦᠦ ᠳ᠋ᠦ᠍ ᠥᠭᠬᠦ ᠣᠨᠴᠠᠭᠠᠢ ᠶᠠᠭᠤᠮᠠ ᠪᠠᠢᠭᠠ ᠰᠢᠦ᠂
ᠵᠸᠺ᠄ ᠲᠡᠷᠡ ᠴᠢᠨᠢ ᠶᠠᠭᠤ ᠶᠤᠮ?
ᠡᠪᠦᠭᠡᠨ᠄ ᠪᠢ ᠴᠢᠮᠠ ᠳ᠋ᠤ᠌ ᠲᠠᠪᠤᠨ ᠰᠢᠷᠬᠡᠭ ᠰᠢᠳᠢᠲᠦ ᠪᠤᠭᠤᠷᠴᠠᠭ ᠥᠭᠭᠦᠨᠡ᠃
ᠵᠸᠺ ᠪᠦᠷ ᠶᠠᠭᠠᠬᠢᠬᠤ ᠪᠠᠨ ᠮᠡᠳᠡᠬᠦ ᠪᠡᠨ ᠪᠠᠢᠯᠠ᠂᠃
ᠵᠸᠺ᠄ ᠡᠨᠡ ᠪᠤᠭᠤᠷᠴᠠᠭ ᠨᠢᠭᠡ ᠯᠡ ᠥᠭᠡᠷᠡ ᠶᠦᠮ ᠠ᠂ ᠪᠤᠭᠤᠷᠴᠠᠭ ᠭᠠᠢᠬᠠᠮᠠᠷ ᠬᠠᠴᠢᠨ ᠬᠠᠷᠠᠭᠳᠠᠵᠤ ᠪᠠᠢᠪᠠ᠂ ᠠᠪᠤᠷᠭᠤ ᠲᠣᠮᠣ ᠪᠤᠭᠤᠷᠴᠠᠭ ᠪᠠᠢᠯᠠ᠃ ᠶᠠᠮᠠᠷ ᠨᠢᠭᠡ ᠡᠩ ᠦ᠋ᠨ ᠪᠤᠭᠤᠷᠴᠠᠭ ᠠ᠋ᠴᠠ ᠲᠣᠮᠣ᠃
ᠵᠸᠺ᠄ ᠡᠨᠡ ᠪᠤᠷᠴᠠᠭ ᠨᠠᠳᠠ ᠳ᠋ᠤ᠌ ᠬᠡᠷᠡᠭ ᠦᠭᠡᠢ᠂ ᠪᠢ ᠡᠭᠦᠨ ᠢ᠋ᠶ᠋ᠡᠷ ᠶᠡᠷᠦ ᠨᠢ ᠶᠠᠭᠠᠬᠢᠬᠤ ᠶᠤᠮ ᠪᠣᠢ?
ᠡᠪᠦᠭᠡᠨ᠄ ᠡᠨᠡ ᠡᠩ ᠦ᠋ᠨ ᠨᠢᠭᠡ ᠪᠤᠭᠤᠷᠴᠠᠭ ᠪᠢᠰᠢ ᠠ᠋᠂ ᠵᠢᠭᠠᠯ ᠠ᠂ ᠷᠢᠳᠢ ᠰᠢᠳᠢ ᠲᠡᠢ ᠶᠦᠮ ᠰᠢᠦ᠃
ᠵᠡᠺ᠄ ᠷᠢᠳᠢ ᠰᠢᠳᠢ ᠲᠡᠢ! ᠦᠨᠡᠨ ᠤᠤ? ᠲᠡᠭᠡᠭᠡᠳ ᠶᠠᠮᠠᠷ ᠷᠢᠳᠢ ᠰᠢᠳᠢ ᠲᠡᠢ ᠶᠦᠮ ᠪᠣᠢ?
ᠡᠪᠦᠭᠡᠨ᠄ ᠡᠨᠡ ᠪᠤᠭᠤᠷᠴᠠᠭ ᠶᠡᠬᠡ ᠷᠢᠳᠢ ᠰᠢᠳᠢ ᠲᠡᠢ ᠪᠣᠯᠬᠣᠷ ᠡᠳᠡᠨ ᠢ᠋ ᠭᠠᠵᠠᠷ ᠲᠤ ᠰᠠᠭᠤᠯᠭᠠᠬᠤ ᠶᠤᠮ ᠪᠣᠯ ᠭᠠᠭᠴᠠᠬᠠᠨ ᠰᠥᠨᠢ ᠶ᠋ᠢᠨ ᠳᠣᠲᠣᠷᠠ ᠲᠩᠷᠢ ᠳ᠋ᠦ᠍ ᠬᠦᠷᠲᠡᠯᠡ ᠤᠷᠭᠤᠭᠰᠠᠨ ᠪᠠᠢᠨᠠ᠃
ᠵᠸᠺ ᠢᠲᠡᠭᠡᠵᠡᠢ᠂ ᠷᠢᠳᠢ ᠰᠢᠳᠢ ᠲᠡᠢ ᠭᠡᠬᠦ ᠪᠡᠷ ᠨᠢ ᠦᠨᠢᠶᠡ ᠪᠡᠨ ᠪᠤᠭᠤᠷᠴᠠᠭ ᠢ᠋ᠶ᠋ᠠᠷ ᠰᠣᠯᠢᠵᠤ ᠣᠷᠬᠢᠪᠠ᠃
ᠡᠪᠦᠭᠡᠨ᠄ ᠵᠠ᠂ ᠴᠢ ᠣᠳᠣ ᠢᠩᠭᠢᠭᠡᠳ ᠦᠨᠢᠶᠡ ᠪᠡᠷ ᠢ᠋ᠶ᠋ᠡᠨ ᠰᠣᠯᠢᠵᠤ ᠠᠪᠤᠯᠠ ᠰᠢᠦ᠃
ᠵᠡᠺ ᠡᠵᠢ ᠳ᠋ᠡᠭᠡᠨ ᠦᠵᠡᠭᠦᠯᠬᠦ ᠰᠠᠨ ᠭᠡᠵᠦ ᠶᠡᠬᠡ ᠳᠣᠭᠳᠣᠯᠤᠯᠠ ᠃ ᠭᠡᠷ ᠲᠡᠭᠡᠨ ᠬᠠᠷᠢᠬᠤ ᠵᠠᠮ ᠳ᠋ᠠᠭᠠᠨ ᠵᠸᠺ ᠢᠨᠢᠶᠡᠮᠰᠦᠭᠯᠡᠵᠦ ᠬᠠᠯᠠᠭᠠᠰᠤ ᠤᠷᠤᠭᠤ ᠪᠠᠨ ᠭᠠᠷ ᠢ᠋ᠶ᠋ᠠᠨ ᠶᠠᠪᠤᠭᠤᠯᠤᠯᠠ᠃
ᠵᠸᠺ᠄ ᠡᠨᠡ ᠪᠤᠷᠴᠠᠭ ᠢ᠋ ᠬᠠᠷᠠ ᠳᠠ ᠡᠵᠢ ᠠ᠋᠂᠂ ᠶᠡᠬᠡ ᠷᠢᠳᠢ ᠰᠢᠳᠢ ᠲᠡᠢ ᠰᠢᠦ᠂
ᠡᠵᠢ᠄ ᠶᠠᠭᠤ! ᠴᠢ ᠦᠨᠢᠶᠡ ᠪᠡᠨ ᠡᠨᠡ ᠬᠠᠴᠢᠨ ᠪᠤᠭᠤᠷᠴᠠᠭ ᠢ᠋ᠶ᠋ᠠᠷ ᠰᠣᠯᠢᠴᠢᠬᠠᠵᠤ ᠪᠠᠢᠭᠠ ᠶᠤᠮ ᠤᠤ?
ᠵᠸᠺ᠄ ᠳᠡᠭᠡᠯ ᠦᠭᠡᠢ ᠶᠠᠭᠠᠬᠢᠬᠤᠪ ᠡᠵᠢ ᠠ᠋᠂
ᠡᠵᠢ᠄ ᠴᠢ ᠦᠨᠢᠶᠡ ᠪᠡᠨ ᠪᠤᠭᠤᠷᠴᠠᠭ ᠢ᠋ᠶ᠋ᠠᠷ ᠰᠣᠯᠢᠭᠰᠠᠨ ᠪᠠᠢᠨᠠ ᠰᠢᠦ ᠳᠡ᠂ ᠶᠠᠮᠠᠷ ᠤᠬᠠᠭᠠᠨ ᠦᠭᠡᠢ ᠶᠦ᠍ᠮ ᠪᠣᠢ᠂
ᠡᠵᠢ ᠨᠢ ᠠᠭᠤᠷᠯᠠᠭᠠᠳ ᠪᠤᠷᠴᠠᠭ ᠢ᠋ ᠴᠣᠩᠬᠣ ᠪᠠᠷ ᠭᠠᠷᠭᠠᠭᠠᠳ ᠰᠢᠳᠡᠴᠢᠬᠡᠯᠡ᠃
ᠡᠵᠢ᠄ ᠶᠠᠭᠠᠬᠢᠳᠠᠭ ᠲᠡᠨᠡᠭ ᠬᠦᠦ ᠪᠣᠢ!
ᠵᠸᠺ ᠶᠡᠬᠡ ᠭᠤᠨᠢᠭᠲᠠᠢ ᠪᠠᠢᠪᠠ᠂ ᠳᠡᠭᠡᠪᠦᠷ ᠦ᠋ᠨ ᠬᠥᠨᠳᠡᠢ ᠳ᠋ᠡᠬᠢ ᠵᠢᠵᠢᠭᠬᠡᠨ ᠥᠷᠥᠭᠡ ᠤᠷᠤᠭᠤ ᠪᠠᠨ ᠭᠦᠶᠦᠯᠡ᠂ ᠲᠡᠭᠡᠭᠡᠳ ᠢᠩᠭᠢᠵᠦ ᠪᠣᠳᠣᠵᠤ ᠭᠡᠨᠡ《ᠪᠢ ᠶᠠᠭᠠᠬᠢᠵᠤ ᠲᠡᠢᠮᠦ ᠤᠬᠠᠭᠠᠨ ᠦᠭᠡᠢ ᠪᠠᠢᠵᠤ ᠴᠢᠳᠠᠪᠠ᠂ ᠪᠢ ᠦᠨᠢᠶᠡ ᠪᠡᠨ ᠪᠤᠷᠴᠠᠭ ᠢ᠋ᠶ᠋ᠠᠷ ᠰᠣᠯᠢᠴᠢᠬᠠᠭᠰᠠᠨ ᠰᠢᠦ ᠳᠡ᠂ ᠠ᠋᠁ ᠠ᠋᠁》ᠣᠷᠣᠨ ᠳ᠋ᠠᠭᠠᠨ ᠤᠬᠢᠯᠠᠭᠰᠠᠭᠠᠷ ᠣᠷᠣᠢ ᠶ᠋ᠢᠨ ᠬᠣᠭᠣᠯᠠ ᠪᠠᠨ ᠴᠤ᠌ ᠢᠳᠡᠯ ᠦᠭᠡᠢ ᠤᠨᠲᠠᠭᠠᠳ ᠥᠭᠭᠦᠯᠡ᠃
ᠮᠠᠷᠭᠠᠰᠢ ᠥᠷᠯᠥᠭᠡ ᠨᠢ ᠨᠠᠷᠠ ᠮᠠᠨᠳᠤᠬᠤ ᠳ᠋ᠤ᠌ ᠵᠸᠺ ᠰᠡᠷᠢᠭᠡᠳ ᠴᠣᠩᠬᠣ ᠪᠠᠷ ᠭᠠᠳᠠᠭᠰᠢ ᠬᠠᠷᠠᠯᠠ᠂ ᠲᠩᠷᠢ ᠳ᠋ᠦ᠍ ᠬᠦᠷᠦᠭᠰᠡᠨ ᠥᠨᠳᠥᠷ ᠪᠤᠭᠤᠷᠴᠠᠭ ᠤ᠋ᠨ ᠡᠰᠢ ᠶ᠋ᠢ ᠬᠠᠷᠠᠭᠠᠳ ᠵᠸᠺ ᠶᠡᠬᠡ ᠯᠡ ᠭᠠᠢᠬᠠᠵᠠᠢ᠂
ᠵᠸᠺ᠄᠂ ᠠ᠋ ᠁ᠪᠤᠷᠬᠠᠨ ᠮᠢᠨᠢ᠂ ᠦᠨᠡᠬᠡᠷ ᠷᠢᠳᠢ ᠰᠢᠳᠢ ᠲᠡᠢ ᠪᠤᠭᠤᠷᠴᠠᠭ ᠪᠠᠢᠵᠠᠢ᠃
ᠲᠡᠷᠡ ᠪᠤᠭᠤᠷᠴᠠᠭ ᠤ᠋ᠨ ᠮᠣᠳᠣ ᠤᠷᠤᠭᠤ ᠠᠪᠠᠷᠢᠬᠤ ᠪᠠᠷ ᠰᠢᠢᠳᠦᠯᠡ᠃ ᠪᠤᠭᠤᠷᠴᠠᠭ ᠤ᠋ᠨ ᠮᠣᠳᠣ ᠲᠩᠷᠢ ᠳ᠋ᠦ᠍ ᠬᠦᠷᠲᠡᠯᠡ ᠤᠷᠭᠤᠵᠠᠢ᠂ ᠬᠥᠭᠡᠷᠦᠬᠦᠢ ᠵᠸᠺ ᠠᠪᠠᠷᠢᠭᠰᠠᠭᠠᠷ ᠠᠪᠠᠷᠢᠭᠰᠠᠭᠠᠷ ᠡᠴᠦᠰ ᠲᠦ᠋ᠨᠢ ᠡᠭᠦᠯᠡᠰ ᠬᠥᠪᠴᠦ ᠪᠠᠢᠭᠠ ᠶ᠋ᠢ ᠬᠠᠷᠠᠪᠠ ᠭᠡᠨᠡ᠃
ᠵᠸᠺ᠄ ᠦ᠁᠂ ᠶᠠᠩᠵᠤ ᠲᠠᠢ ᠶᠤᠮ ᠠ᠂ ᠡᠨᠡ ᠳᠡᠭᠡᠷᠡ ᠡᠴᠡ ᠪᠦᠬᠦ ᠶᠠᠭᠤᠮᠠ ᠵᠢᠵᠢᠭᠬᠡᠨ ᠬᠠᠷᠠᠭᠳᠠᠵᠤ ᠪᠠᠢᠨᠠ᠂ ᠳᠠᠬᠢᠭᠠᠳ ᠵᠢᠭᠠᠬᠠᠨ ᠠᠪᠠᠷᠢᠲᠠᠯᠠ ᠲᠡᠷᠡ ᠨᠠᠷᠠᠨ ᠤ᠋ ᠭᠡᠷᠡᠯ ᠳ᠋ᠦ᠍ ᠭᠢᠯᠲᠠᠭᠠᠨᠠᠭᠰᠠᠨ ᠠᠪᠤᠷᠭᠤ ᠲᠣᠮᠣ ᠠᠯᠲᠠᠨ ᠬᠠᠭᠠᠯᠭᠠᠨ ᠳ᠋ᠤ᠌ ᠬᠦᠷᠪᠡ᠂
ᠵᠸᠺ᠄ ᠠ!᠁
ᠴᠠᠭᠠᠰᠢ ᠪᠠᠨ ᠶᠠᠪᠤᠲᠠᠯᠠ ᠬᠠᠭᠠᠯᠭᠠ ᠳᠡᠯᠭᠡᠭᠳᠡᠯᠡ᠂ ᠲᠩᠷᠢ ᠳ᠋ᠡᠬᠢ ᠡᠵᠡᠨᠲᠦ ᠭᠦᠷᠦᠨ ᠪᠠᠢᠪᠠ᠂
ᠷᠢᠳᠢ ᠰᠢᠳᠢ ᠶ᠋ᠢᠨ ᠮᠡᠲᠦ!
ᠵᠸᠺ ᠡᠵᠡᠨᠲᠦ ᠭᠦᠷᠦᠨ ᠦ᠌ ᠭᠤᠸᠠ ᠰᠠᠢᠬᠠᠨ ᠳ᠋ᠤ᠌ ᠠᠯᠮᠠᠢᠷᠠᠵᠠᠢ᠂ ᠡᠵᠡᠨᠲᠦ ᠭᠦᠷᠦᠨ ᠤᠷᠤᠭᠤ ᠣᠷᠣᠬᠤ ᠳ᠋ᠠᠭᠠᠨ ᠲᠡᠷᠡ ᠠᠶᠤᠮᠰᠢᠭᠲᠠᠢ ᠠᠪᠤᠷᠭᠤ ᠪᠡᠶᠡ ᠲᠡᠢ ᠬᠥᠮᠦᠨ ᠰᠠᠨᠳᠠᠯᠢ ᠳᠡᠭᠡᠷᠡ ᠤᠨᠲᠠᠵᠤ ᠪᠠᠢᠬᠤ ᠶ᠋ᠢ ᠬᠠᠷᠠᠪᠠ᠂ ᠵᠸᠺ ᠪᠤᠷᠴᠠᠭ ᠤ᠋ᠨ ᠮᠣᠳᠣ ᠪᠠᠷ ᠠᠪᠠᠷᠢᠭᠠᠳ ᠶᠡᠬᠡ ᠥᠯᠥᠰᠴᠡᠢ᠂ ᠲᠡᠢᠮᠦ ᠡᠴᠡ ᠳᠣᠲᠣᠭᠰᠢ ᠪᠠᠨ ᠣᠷᠣᠭᠠᠳ ᠰᠡᠮᠡᠭᠡᠷᠬᠡᠨ ᠭᠠᠯ ᠲᠣᠭᠣᠭᠠ ᠤᠷᠤᠭᠤ ᠶᠠᠪᠤᠯᠠ᠂ ᠭᠠᠯ ᠲᠣᠭᠣᠭᠠᠨ ᠳ᠋ᠤ᠌ ᠰᠢᠨᠡ ᠵᠢᠮᠢᠰ᠂ ᠰᠦ ᠬᠠᠷᠠᠭᠳᠠᠪᠠ᠂ ᠵᠢᠮᠢᠰ ᠤᠷᠤᠭᠤ ᠭᠠᠷ ᠢ᠋ᠶ᠋ᠠᠨ ᠰᠤᠩᠭᠠᠭᠠᠳ ᠶᠠᠭ ᠠᠪᠬᠤ ᠶ᠋ᠢᠨ ᠳᠠᠪᠠᠭᠠᠨ ᠳᠡᠭᠡᠷᠡ ᠴᠢᠩᠭᠠ ᠴᠢᠮᠡᠭᠡ ᠭᠠᠷᠬᠤ ᠨᠢ ᠲᠡᠷᠡ᠂
ᠵᠸᠺ᠄ ᠠ᠋᠁! ᠡᠨᠡ ᠣᠳᠣ ᠶᠠᠭᠤᠨ ᠴᠢᠮᠡᠭᠡ ᠪᠣᠢ?
ᠵᠸᠺ ᠶᠡᠬᠡ ᠠᠶᠤᠵᠠᠢ᠂ ᠵᠢᠵᠢᠭᠬᠡᠨ ᠨᠦᠬᠡᠨ ᠳᠣᠲᠣᠷᠠ ᠨᠢᠭᠤᠭᠳᠠᠬᠤ ᠪᠠᠷ ᠭᠦᠶᠦᠯᠡ᠃
ᠠᠪᠤᠷᠭᠤ ᠪᠡᠶᠡᠲᠦ᠄ ᠬᠢ ᠬᠠᠢ ᠬᠣᠣ ᠭᠦᠮ᠁᠂ ᠠᠩᠭ᠌ᠯᠢ ᠬᠥᠮᠦᠨ ᠦ᠌ ᠴᠢᠰᠤ ᠦᠨᠦᠷᠲᠦᠭᠡᠳ ᠪᠠᠢᠨᠠ᠂ ᠦᠬᠦᠭᠰᠡᠨ ᠴᠤ᠌ ᠪᠠᠢᠭ᠂ ᠠᠮᠢᠳᠤ ᠴᠤ᠌ ᠪᠠᠢᠭ᠂ ᠪᠢ ᠲᠡᠷᠡ ᠬᠥᠮᠦᠨ ᠢ᠋ ᠣᠯᠵᠤ ᠢᠳᠡᠬᠦ ᠳ᠋ᠡᠭᠡᠨ ᠯᠡ ᠢᠳᠡᠬᠦ ᠪᠣᠯᠤᠨᠠ ᠭᠠᠢᠭᠤᠢ᠂ ᠰᠢᠷᠠᠭᠰᠠᠨ ᠲᠠᠯᠬᠠᠨ ᠳᠡᠭᠡᠷᠡ ᠲᠠᠯᠪᠢᠭᠰᠠᠨ ᠬᠥᠮᠦᠨ ᠡᠴᠡ ᠢᠯᠡᠭᠦᠦ ᠠᠮᠲᠠᠲᠠᠢ ᠶᠠᠭᠤᠮᠠ ᠭᠡᠵᠦ ᠬᠠᠮᠢᠭᠠ ᠴᠤ᠌ ᠪᠠᠢᠬᠤ ᠦᠭᠡᠢ᠂ ᠠᠮ ᠠᠮᠲᠠᠲᠠᠢ᠂ ᠬᠡᠩ ᠬᠡᠩ ᠬᠡᠩ᠁
ᠠᠪᠤᠷᠭᠤ ᠪᠡᠶᠡᠲᠦ ᠶᠠᠮᠠᠷ ᠴᠤ᠌ ᠬᠥᠮᠦᠨ ᠣᠯᠵᠤ ᠴᠢᠳᠠᠭᠰᠠᠨ ᠦᠭᠡᠢ᠂ ᠲᠡᠢᠮᠦ ᠡᠴᠡ ᠰᠢᠷᠡᠭᠡᠨ ᠳᠡᠭᠡᠷᠡ ᠪᠠᠢᠭᠰᠠᠨ ᠬᠣᠭᠣᠯᠠ ᠪᠠᠨ ᠢᠳᠡᠯᠡ᠃
ᠵᠸᠺ᠄ ᠠ᠋᠂ ᠠ᠋᠂᠂ ᠠ᠋᠁
ᠠᠪᠤᠷᠭᠤ ᠪᠡᠶᠡᠲᠦ᠄ ᠬᠡ ᠠ᠁᠁
ᠲᠡᠷᠡ ᠠᠯᠲᠠᠨ ᠵᠣᠭᠣᠰ ᠲᠠᠢ ᠬᠡᠲᠡᠪᠴᠢ ᠪᠡᠨ ᠭᠠᠷᠭᠠᠵᠤ ᠢᠷᠡᠯᠡ᠂ ᠵᠣᠭᠣᠰ ᠢ᠋ᠶ᠋ᠠᠨ ᠲᠣᠭᠠᠯᠠᠭᠠᠳ ᠰᠢᠷᠡᠭᠡᠨ ᠳᠡᠭᠡᠷᠡ ᠲᠠᠯᠪᠢᠵᠤ ᠣᠷᠬᠢᠪᠠ᠃
ᠲᠡᠭᠡᠭᠡᠳ ᠲᠡᠷᠡ ᠤᠨᠲᠠᠬᠤ ᠪᠠᠷ ᠶᠠᠪᠤᠯᠠ᠃
ᠵᠸᠺ ᠨᠢᠭᠤᠭᠳᠠᠭᠰᠠᠨ ᠭᠠᠵᠠᠷ ᠠ᠋ᠴᠠ ᠪᠠᠨ ᠰᠡᠮᠡᠭᠡᠷᠬᠡᠨ ᠭᠠᠷᠴᠤ ᠠᠯᠲᠠᠨ ᠵᠣᠭᠣᠰ ᠲᠠᠢ ᠬᠡᠦᠳᠡᠢ ᠶ᠋ᠢ ᠠᠪᠬᠤ ᠪᠠᠷ ᠰᠢᠢᠳᠦᠯᠡ᠂ ᠡᠵᠢ ᠨᠢ ᠲᠡᠭᠦᠨ ᠳ᠋ᠦ᠍ ᠠᠭᠤᠷᠯᠠᠬᠤ ᠪᠠᠨ ᠪᠣᠯᠢᠨᠠ ᠭᠡᠵᠦ ᠪᠣᠳᠣᠵᠠᠢ᠃
ᠵᠸᠺ᠄ ᠠ᠁᠂ ᠡᠨᠡ ᠶᠡᠬᠡ ᠬᠦᠨᠳᠦ ᠶᠦᠮ ᠠ᠂ ᠡᠭᠦᠨ ᠢ᠋ ᠠᠪᠤᠭᠠᠳ ᠡᠨᠳᠡ ᠡᠴᠡ ᠵᠢᠭᠤᠲᠠᠨᠠ᠃
ᠠᠯᠲᠠ ᠲᠠᠢ ᠬᠡᠦᠳᠡᠢ ᠶ᠋ᠢ ᠠᠪᠤᠭᠠᠳ ᠪᠤᠷᠴᠠᠭ ᠤ᠋ᠨ ᠮᠣᠳᠣ ᠪᠠᠷ ᠭᠤᠯᠭᠤᠨ ᠪᠠᠭᠤᠯᠠ᠃ ᠭᠡᠷ ᠲᠡᠭᠡᠨ ᠣᠴᠢᠭᠠᠳ ᠡᠵᠢ ᠳ᠋ᠡᠭᠡᠨ ᠠᠯᠲᠠᠨ ᠵᠣᠭᠣᠰ ᠢ᠋ᠶ᠋ᠠᠨ ᠥᠭᠪᠡ᠃
ᠡᠵᠢ᠄ ᠱᠤᠤᠳᠠᠢ ᠳᠦᠭᠦᠷᠡᠩ ᠠᠯᠲᠠ ᠤᠤ᠂ ᠬᠡᠩ᠂ ᠡᠭᠦᠨ ᠢ᠋ ᠬᠠᠮᠢᠭᠠ ᠠ᠋ᠴᠠ ᠠᠪᠤᠭᠰᠠᠨ ᠶᠤᠮ?
ᠵᠸᠺ ᠪᠣᠯᠤᠭᠰᠠᠨ ᠶᠠᠪᠤᠳᠠᠯ ᠢ᠋ ᠪᠦᠭᠦᠳᠡ ᠶ᠋ᠢ ᠨᠢ ᠡᠵᠢ ᠳ᠋ᠡᠭᠡᠨ ᠶᠠᠷᠢᠯᠠ᠂ ᠠᠯᠲᠠ ᠲᠠᠢ ᠪᠣᠯᠤᠭᠰᠠᠨ ᠳ᠋ᠠᠭᠠᠨ᠂ ᠪᠠᠰᠠ ᠬᠦᠦ ᠪᠡᠨ ᠡᠰᠡᠨ ᠮᠡᠨᠳᠦ ᠡᠷᠭᠢᠵᠦ ᠢᠷᠡᠭᠰᠡᠨ ᠳ᠋ᠦ᠍ ᠡᠵᠢ ᠨᠢ ᠶᠡᠬᠡᠳᠡ ᠪᠠᠶᠠᠷᠯᠠᠵᠠᠢ᠃
ᠬᠡᠳᠦ ᠬᠣᠨᠣᠭ ᠤ᠋ᠨ ᠳᠠᠷᠠᠭᠠ᠂ ᠵᠸᠺ ᠳᠠᠬᠢᠭᠠᠳ ᠪᠤᠭᠤᠷᠴᠠᠭ ᠤ᠋ᠨ ᠮᠣᠳᠣ ᠤᠷᠤᠭᠤ ᠠᠪᠠᠷᠢᠯᠠ᠃ ᠳᠡᠭᠡᠭᠰᠢ ᠪᠡᠨ ᠠᠪᠠᠷᠢᠭᠰᠠᠭᠠᠷ ᠠᠪᠤᠷᠭᠤ ᠪᠡᠶᠡᠲᠦ ᠶ᠋ᠢᠨ ᠪᠠᠢᠰᠢᠩ ᠳ᠋ᠤ᠌ ᠬᠦᠷᠪᠡ᠂ ᠠᠪᠤᠷᠭᠤ ᠪᠡᠶᠡᠲᠦ ᠳᠠᠬᠢᠭᠠᠳ ᠯᠠ ᠤᠨᠲᠠᠵᠤ ᠪᠠᠢᠯᠠ᠂ ᠭᠡᠪᠡᠴᠦ ᠡᠨᠡ ᠤᠳᠠᠭᠠ ᠲᠡᠷᠡ ᠬᠤᠷᠬᠢᠷᠠᠵᠤ ᠪᠠᠢᠪᠠ᠂ ᠶᠡᠬᠡ ᠴᠢᠩᠭᠠ ᠬᠤᠷᠬᠢᠷᠠᠵᠤ ᠪᠠᠢᠭᠰᠠᠨ ᠪᠣᠯᠬᠣᠷ ᠵᠸᠺ ᠶᠠᠭᠠᠷᠠᠨ ᠨᠢᠭᠡ ᠨᠦᠬᠡ ᠤᠷᠤᠭᠤ ᠣᠷᠣᠵᠤ ᠴᠢᠬᠢ ᠪᠡᠨ ᠳᠠᠷᠤᠯᠠ᠂ ᠠᠪᠤᠷᠭᠤ ᠪᠡᠶᠡᠲᠦ ᠰᠡᠷᠢᠯᠡ᠂ ᠵᠸᠺ ᠠᠶᠤᠭᠰᠠᠨ ᠳ᠋ᠠᠭᠠᠨ ᠶᠠᠭᠠᠷᠠᠨ ᠭᠦᠶᠦᠵᠦ ᠣᠷᠣᠨ ᠳᠣᠣᠷᠠ ᠨᠢᠭᠤᠭᠳᠠᠪᠠ᠂
ᠠᠪᠤᠷᠭᠤ ᠪᠡᠶᠡᠲᠦ᠄ ᠬᠢ ᠬᠠᠢ ᠬᠣᠣ ᠭᠦᠮ᠂ ᠠᠩᠭ᠌ᠯᠢ ᠬᠥᠮᠦᠨ ᠦ᠌ ᠴᠢᠰᠤ ᠦᠨᠦᠷᠲᠦᠭᠡᠳ ᠪᠠᠢᠬᠤ ᠰᠢᠭ᠋ ᠯᠡ᠂ ᠠᠮᠢᠳᠤ ᠴᠤ᠌ ᠪᠠᠢᠭ᠂ ᠦᠭᠡᠢ ᠴᠤ᠌ ᠪᠠᠢᠭ᠂ ᠪᠢ ᠲᠡᠷᠡ ᠬᠥᠮᠦᠨ ᠢ᠋ ᠣᠯ ᠪᠦᠷᠵᠤ ᠢᠳᠡᠨᠡ᠂ ᠰᠢᠷᠠᠭᠰᠠᠨ ᠲᠠᠯᠬᠠᠨ ᠳᠡᠭᠡᠷᠡ ᠲᠠᠯᠪᠢᠭᠰᠠᠨ ᠬᠥᠮᠦᠨ ᠡᠴᠡ ᠢᠯᠡᠭᠦᠦ ᠠᠮᠲᠠᠲᠠᠢ ᠶᠠᠭᠤᠮᠠ ᠭᠡᠵᠦ ᠬᠠᠮᠢᠭᠠ ᠴᠤ᠌ ᠪᠠᠢᠬᠤ ᠦᠭᠡᠢ᠂ ᠠᠮ᠂ ᠠᠮ᠂ ᠠᠮᠲᠠᠲᠠᠢ! ᠡᠩ ᠡᠩ ᠡᠩ
ᠡᠨᠳᠡ ᠶᠠᠮᠠᠷ ᠴᠤ᠌ ᠬᠥᠮᠦᠨ ᠠᠯᠠᠭᠠ ᠪᠠᠢᠨᠠ᠃
ᠠᠪᠤᠷᠭᠤ ᠪᠡᠶᠡᠲᠦ ᠬᠡᠨ ᠢ᠋ ᠴᠤ᠌ ᠣᠯᠤᠭᠰᠠᠨ ᠦᠭᠡᠢ᠃ ᠳᠠᠷᠠᠭᠠ ᠨᠢ ᠨᠢᠭᠡ ᠲᠠᠬᠢᠶᠠ ᠭᠠᠷᠭᠠᠵᠤ ᠢᠷᠡᠭᠡᠳ ᠬᠠᠰᠬᠢᠷᠪᠠ᠃
ᠠᠪᠤᠷᠭᠤ ᠪᠡᠶᠡᠲᠦ᠄ ᠣᠳᠣᠬᠠᠨ ᠠᠯᠲᠠᠨ ᠥᠨᠳᠡᠭᠡ ᠭᠠᠷᠭᠠ᠂ ᠠ ᠬᠠ ᠬᠠ ᠬᠠ ᠬᠠ ᠬᠠ ᠬᠠ᠁
ᠲᠠᠬᠢᠶᠠ ᠠᠯᠲᠠᠨ ᠥᠨᠳᠡᠭᠡ ᠭᠠᠷᠭᠠᠯᠠ᠂ ᠥᠨᠳᠡᠭᠡ ᠶ᠋ᠢ ᠨᠢ ᠠᠪᠤᠷᠭᠤ ᠪᠡᠶᠡᠲᠦ ᠰᠠᠭᠰᠤᠨ ᠳ᠋ᠤ᠌ ᠨᠡᠮᠡᠭᠡᠳ ᠤᠨᠲᠠᠬᠤ ᠪᠠᠷ ᠶᠠᠪᠤᠵᠠᠢ᠃ ᠠᠪᠤᠷᠭᠤ ᠪᠡᠶᠡᠲᠦ ᠶ᠋ᠢ ᠳᠣᠲᠣᠭᠰᠢ ᠪᠠᠨ ᠣᠷᠣᠬᠤ ᠳ᠋ᠤ᠌᠂ ᠵᠸᠺ ᠵᠠᠮ ᠳ᠋ᠤ᠌ ᠴᠡᠪᠡᠷ ᠪᠣᠯᠤᠭᠰᠠᠨ ᠢ᠋ ᠮᠡᠳᠡᠪᠡ᠃ ᠥᠨᠥᠬᠢ ᠲᠠᠬᠢᠶᠠ ᠶ᠋ᠢ ᠠᠪᠤᠭᠠᠳ ᠪᠤᠭᠤᠷᠴᠠᠭ ᠤ᠋ᠨ ᠮᠣᠳᠣ ᠤᠷᠤᠭᠤ ᠶᠠᠭᠠᠷᠠᠨ ᠶᠠᠪᠤᠯᠠ᠃ ᠭᠡᠷ ᠲᠡᠭᠡᠨ ᠬᠠᠷᠢᠭᠰᠠᠨ ᠤ᠋ ᠳᠠᠷᠠᠭᠠ ᠲᠡᠷᠡ ᠡᠵᠢ ᠳ᠋ᠡᠭᠡᠨ ᠪᠦᠬᠦ ᠶᠠᠪᠤᠳᠠᠯ ᠢ᠋ ᠶᠠᠷᠢᠪᠠ᠃
ᠵᠸᠺ᠄ ᠬᠠᠷᠠ ᠳᠠ ᠡᠵᠢ ᠠ᠋᠂ ᠡᠨᠡ ᠤᠳᠠᠭᠠ ᠪᠢ ᠲᠠᠬᠢᠶᠠ ᠠᠪᠴᠢᠷᠠᠯᠠ᠂ ᠠᠯᠲᠠᠨ ᠥᠨᠳᠡᠭᠡ ᠭᠠᠷᠭᠠᠳᠠᠭ ᠶᠤᠮ᠃ ᠶᠠᠭᠠᠬᠢᠳᠠᠭ ᠢ᠋ ᠨᠢ ᠬᠠᠷᠠᠵᠤ ᠪᠠᠢ᠄《 ᠣᠳᠣᠬᠠᠨ ᠠᠯᠲᠠᠨ ᠥᠨᠳᠡᠭᠡ ᠭᠠᠷᠭᠠ᠂ ᠬᠠ᠂ ᠬᠠ》
ᠵᠸᠺ ᠦ᠋ᠨ ᠡᠵᠢ ᠶᠡᠬᠡ ᠪᠠᠶᠠᠷᠯᠠᠵᠠᠢ᠃
ᠵᠸᠺ ᠭᠤᠷᠪᠠᠳᠠᠬᠢ ᠤᠳᠠᠭᠠ ᠪᠠᠨ ᠪᠤᠭᠤᠷᠴᠠᠭ ᠤ᠋ᠨ ᠮᠣᠳᠣ ᠤᠷᠤᠭᠤ ᠠᠪᠠᠷᠢᠵᠤ ᠠᠪᠤᠷᠭᠤ ᠪᠡᠶᠡᠲᠦ ᠶ᠋ᠢᠨ ᠡᠵᠡᠨᠲᠦ ᠭᠦᠷᠦᠨ ᠳ᠋ᠦ᠍ ᠣᠴᠢᠪᠠ᠂ ᠡᠨᠡ ᠤᠳᠠᠭᠠ ᠠᠪᠤᠷᠭᠤ ᠪᠡᠶᠡᠲᠦ ᠶᠡᠬᠡ ᠰᠠᠢᠬᠠᠨ ᠪᠣᠰᠤᠭᠠ ᠶᠠᠲᠤᠭᠠᠨ ᠳᠡᠭᠡᠷᠡ ᠬᠥᠭᠵᠢᠮ ᠲᠣᠭᠯᠠᠵᠤ ᠪᠠᠢᠬᠤ ᠶ᠋ᠢ ᠬᠠᠷᠠᠪᠠ᠂ ᠵᠸᠺ ᠰᠢᠷᠡᠭᠡᠨ ᠳᠣᠣᠷᠠ ᠨᠢᠭᠤᠭᠳᠠᠯᠠ᠃
ᠠᠪᠤᠷᠭᠤ ᠪᠡᠶᠡᠲᠦ᠄ ᠬᠢ ᠬᠠᠢ ᠬᠣᠣ ᠭᠦᠮ᠂ ᠠᠩᠭ᠌ᠯᠢ ᠬᠥᠮᠦᠨ ᠦ᠌
ᠴᠢᠰᠤ ᠦᠨᠦᠷᠲᠦᠭᠡᠳ ᠪᠠᠢᠬᠤ ᠴᠢᠨᠢ᠂ ᠠᠮᠢᠳᠤ ᠴᠤ᠌ ᠪᠠᠢᠭ᠂ ᠦᠬᠦᠭᠰᠡᠨ ᠴᠤ᠌ ᠪᠠᠢᠭ ᠂ ᠪᠢ ᠲᠡᠭᠦᠨ ᠢ᠋ ᠣᠯᠵᠤ ᠢᠳᠡᠬᠦ ᠳ᠋ᠡᠭᠡᠨ ᠯᠡ ᠢᠳᠡᠨᠡ᠂ ᠰᠢᠷᠠᠭᠰᠠᠨ ᠲᠠᠯᠬᠠᠨ ᠳᠡᠭᠡᠷᠡ ᠲᠠᠯᠪᠢᠭᠰᠠᠨ ᠬᠥᠮᠦᠨ ᠡᠴᠡ ᠢᠯᠡᠭᠦᠦ ᠠᠮᠲᠠᠲᠠᠢ ᠶᠠᠭᠤᠮᠠ ᠭᠡᠵᠦ ᠬᠠᠮᠢᠭᠠ ᠴᠤ᠌ ᠪᠠᠢᠬᠤ ᠦᠭᠡᠢ ᠰᠢᠦ ᠳᠡ᠂ ᠠᠮ᠂ ᠠᠮᠲᠠᠲᠠᠢ! ᠥᠨᠥᠳᠥᠷ
ᠪᠢ ᠶᠠᠭᠠᠬᠢᠵᠤ ᠬᠢᠵᠦ ᠪᠠᠢᠭᠠᠳ ᠴᠤ᠌ ᠲᠡᠷᠡ ᠠᠩᠭ᠌ᠯᠢ ᠬᠥᠮᠦᠨ ᠢ᠋ ᠣᠯᠤᠨᠠ᠃
ᠬᠠᠮᠢᠭᠠ ᠰᠠᠢ ᠦᠭᠡᠢ ᠬᠠᠢᠭᠰᠠᠨ ᠪᠣᠯᠪᠠᠴᠤ ᠣᠯᠳᠠᠭᠰᠠᠨ ᠦᠭᠡᠢ᠃
ᠮᠠᠰᠢ ᠶᠡᠬᠡ ᠶᠠᠳᠠᠷᠠᠭᠰᠠᠨ ᠪᠣᠯᠬᠣᠷ ᠲᠡᠷᠡ ᠤᠨᠲᠠᠬᠤ ᠪᠠᠷ ᠶᠠᠪᠤᠯᠠ᠃ ᠲᠡᠷᠡ ᠬᠣᠭᠣᠷᠣᠨᠳᠣ ᠵᠸᠺ ᠪᠣᠰᠤᠭᠠ ᠶᠠᠲᠤᠭᠠ ᠶ᠋ᠢ ᠠᠪᠤᠭᠠᠳ ᠶᠠᠭ ᠶᠠᠪᠤᠬᠤ ᠭᠡᠵᠦ ᠪᠠᠢᠯᠠ᠃ ᠭᠡᠨᠡᠳᠲᠡ ᠰᠢᠳᠢᠲᠦ ᠶᠠᠲᠤᠭᠠ ᠢᠩᠭᠢᠵᠦ ᠬᠠᠰᠬᠢᠷᠪᠠ ᠄《ᠲᠤᠰᠠᠯᠠᠭᠠᠷᠠᠢ ᠡᠵᠡᠨ ᠮᠢᠨᠢ ᠨᠠᠳᠠ ᠳ᠋ᠤ᠌ ᠲᠤᠰᠠᠯᠠᠭᠠᠴᠢ᠂ ᠨᠢᠭᠡ ᠬᠦᠦ ᠨᠠᠮᠠ ᠶ᠋ᠢ ᠬᠤᠯᠠᠭᠠᠢᠯᠠᠵᠤ ᠪᠠᠢᠨᠠ᠂ ᠨᠠᠮᠠ ᠶ᠋ᠢ ᠲᠠᠨ ᠠ᠋ᠴᠠ ᠠᠪᠴᠤ ᠶᠠᠪᠤᠬᠤ ᠨᠢ 》 ᠂
ᠠᠪᠤᠷᠭᠤ ᠪᠡᠶᠡᠲᠦ ᠭᠡᠨᠡᠳᠲᠡ ᠰᠡᠷᠢᠭᠡᠳ ᠵᠸᠺ ᠢ᠋ ᠪᠣᠰᠤᠭᠠ ᠶᠠᠲᠤᠭᠠ ᠲᠠᠢ ᠶᠠᠪᠤᠬᠤ ᠶ᠋ᠢ ᠬᠠᠷᠠᠪᠠ᠂
ᠠᠭᠤᠷᠯᠠᠭᠰᠠᠨ ᠠᠪᠤᠷᠭᠤ ᠪᠡᠶᠡᠲᠦ ᠵᠸᠺ ᠦ᠋ᠨ ᠠᠷᠤ ᠠ᠋ᠴᠠ ᠭᠦᠶᠦᠯᠡ᠃
ᠠᠪᠤᠷᠭᠤ ᠪᠡᠶᠡᠲᠦ᠄ᠮᠢᠨᠦ ᠲᠠᠬᠢᠶᠠ ᠶ᠋ᠢ ᠪᠠᠰᠠ ᠤᠭᠤᠲᠠ ᠲᠠᠢ ᠠᠯᠲᠠ ᠶ᠋ᠢ ᠴᠢ ᠬᠤᠯᠠᠭᠠᠢᠯᠠᠵᠠᠢ᠂ ᠡᠭᠦᠨ ᠦ᠌ ᠴᠢᠨᠢ ᠲᠥᠯᠥᠭᠡ ᠪᠢ ᠴᠢᠮᠠ ᠶ᠋ᠢ ᠰᠢᠢᠳᠬᠡᠨᠡ᠃
ᠭᠡᠪᠡᠴᠦ ᠵᠸᠺ ᠬᠡᠲᠦᠷᠬᠡᠢ ᠬᠤᠷᠳᠤᠨ ᠪᠠᠢᠪᠠ᠂ ᠲᠡᠷᠡ ᠪᠤᠭᠤᠷᠴᠠᠭ ᠤ᠋ᠨ ᠮᠣᠳᠣ ᠪᠠᠷ ᠬᠠᠷᠠ ᠬᠤᠷᠳᠤ ᠪᠠᠷ ᠢ᠋ᠶ᠋ᠠᠨ ᠭᠤᠯᠭᠤᠨ ᠪᠠᠭᠤᠯᠠ᠃ ᠬᠠᠭᠤᠷᠲᠠᠭᠰᠠᠨ ᠢ᠋ᠶ᠋ᠠᠨ ᠮᠡᠳᠡᠭᠰᠡᠨ ᠠᠪᠤᠷᠭᠤ ᠪᠡᠶᠡᠲᠦ ᠲᠡᠭᠦᠨ ᠦ᠌ ᠠᠷᠤ ᠠ᠋ᠴᠠ ᠳᠠᠭᠠᠯᠠ᠃ ᠵᠸᠺ ᠭᠤᠯᠭᠤᠭᠠᠳ ᠯᠠ᠂ ᠭᠤᠯᠭᠤᠭᠠᠳ ᠯᠠ᠂ ᠪᠤᠭᠤᠷᠴᠠᠭ ᠤ᠋ᠨ ᠮᠣᠳᠣ ᠪᠠᠷ ᠠᠯᠢ ᠪᠣᠯᠬᠣᠷ ᠬᠤᠷᠳᠤᠨ ᠪᠠᠭᠤᠭᠠᠳ ᠭᠡᠷ ᠡᠴᠡ ᠪᠡᠨ ᠰᠦᠬᠡ ᠠᠪᠴᠢᠷᠠᠵᠠᠢ᠂ ᠵᠸᠺ ᠪᠤᠷᠴᠠᠭ ᠤ᠋ᠨ ᠮᠣᠳᠣ ᠶ᠋ᠢ ᠴᠠᠪᠴᠢᠵᠤ ᠡᠬᠢᠯᠡᠯᠡ᠃ ᠪᠤᠷᠴᠠᠭ ᠤ᠋ᠨ ᠮᠣᠳᠣ ᠲᠠᠰᠤᠷᠠᠵᠤ ᠠᠪᠤᠷᠭᠤ ᠪᠡᠶᠡᠲᠦ ᠤᠨᠠᠵᠤ ᠭᠡᠳᠡᠰᠦ ᠨᠢ ᠬᠠᠭᠠᠷᠠᠵᠠᠢ᠂ ᠳᠡᠭᠡᠷᠡ ᠡᠴᠡ ᠨᠢ ᠪᠤᠷᠴᠠᠭ ᠤ᠋ᠨ ᠮᠣᠳᠣ ᠳᠠᠷᠤᠵᠤ ᠤᠨᠠᠪᠠ᠃
ᠵᠸᠺ ᠦ᠋ᠨ ᠡᠵᠢ ᠡᠭᠦᠨ ᠢ᠋ ᠬᠠᠷᠠᠭᠠᠳ ᠶᠡᠬᠡᠳᠡ ᠰᠠᠨᠳᠤᠷᠴᠠᠢ᠂ ᠵᠸᠺ ᠢ᠋ ᠪᠡᠨ ᠡᠨᠡ ᠲᠠᠯᠠ ᠠ᠋ᠴᠠ ᠪᠣᠯᠢᠭᠤᠯᠤᠭᠠ ᠦᠭᠡᠢ ᠨᠢ ᠥᠪᠡᠷ ᠦ᠋ᠨ ᠬᠢᠨ ᠪᠤᠷᠤᠭᠤ ᠭᠡᠳᠡᠭ ᠢ᠋ ᠣᠢᠯᠠᠭᠠᠪᠠ᠃ ᠵᠸᠺ ᠰᠢᠨᠤᠯ ᠳ᠋ᠤ᠌ ᠪᠠᠨ ᠬᠥᠲᠥᠯᠦᠭᠳᠡᠵᠦ᠂ ᠡᠨᠡ ᠪᠦᠭᠦᠳᠡ ᠡᠴᠡ ᠪᠣᠯᠵᠤ ᠠᠮᠢ ᠪᠠᠨ ᠠᠯᠳᠠᠵᠤ ᠮᠡᠳᠡᠬᠦ ᠪᠡᠷ ᠪᠠᠢᠯᠠ᠂ ᠲᠡᠭᠡᠭᠡᠳ ᠵᠸᠺ ᠳᠡᠭᠡᠷᠡ ᠣᠴᠢᠵᠤ ᠬᠠᠷᠠᠮᠰᠠᠭᠰᠠᠨ ᠰᠡᠳᠬᠢᠯ ᠢ᠋ᠶ᠋ᠡᠷ ᠪᠦᠭᠦᠳᠡ ᠶ᠋ᠢ ᠲᠠᠢᠯᠪᠤᠷᠢᠯᠠᠵᠤ ᠥᠭᠴᠡᠢ᠃
ᠵᠸᠺ ᠦ᠋ᠨ ᠡᠵᠢ᠄ ᠵᠸᠺ᠂ ᠴᠢᠮᠠ ᠪᠠᠷ ᠶᠠᠭᠤᠮᠠ ᠬᠤᠯᠠᠭᠠᠢᠯᠠᠭᠤᠯᠤᠭᠰᠠᠨ ᠢ᠋ ᠮᠢᠨᠢ ᠠᠭᠤᠴᠢᠯᠠᠭᠠᠷᠠᠢ᠂ ᠪᠢ ᠴᠢᠮᠠ ᠶ᠋ᠢ ᠰᠤᠷᠭᠠᠬᠤ ᠶᠣᠰᠣᠲᠠᠢ ᠪᠠᠢᠵᠠᠢ᠂ ᠠᠪᠤᠷᠭᠤ ᠪᠡᠶᠡᠲᠦ ᠴᠢᠮᠠ ᠶ᠋ᠢ ᠪᠠᠷᠢᠭᠰᠠᠨ ᠪᠣᠯ ᠶᠠᠭᠠᠬᠢᠬᠤ ᠪᠠᠢᠭᠰᠠᠨ ᠪᠣᠢ᠂ ᠴᠢ ᠥᠨᠥᠳᠥᠷ ᠨᠠᠳᠠ ᠲᠠᠢ ᠢᠩᠭᠢᠭᠡᠳ ᠪᠠᠢᠵᠤ ᠪᠠᠢᠬᠤ ᠦᠭᠡᠢ ᠪᠠᠢᠯᠠ᠂ ᠠ᠋᠁ ᠠ᠋᠁
ᠵᠸᠺ᠄ ᠡᠵᠢ ᠠ᠋᠂ ᠪᠢ ᠥᠨᠥᠳᠥᠷ ᠰᠠᠢᠨ ᠰᠤᠷᠭᠠᠮᠵᠢ ᠠᠪᠤᠯᠠ᠂ ᠪᠢ ᠰᠠᠢᠨ ᠬᠥᠳᠡᠯᠮᠦᠷᠢᠯᠡᠵᠦ ᠮᠥᠩᠭᠥ ᠣᠯᠬᠤ ᠪᠣᠯᠤᠨᠠ᠃
ᠵᠸᠺ ᠡᠵᠢ ᠲᠡᠢ ᠪᠡᠨ ᠶᠡᠬᠡ ᠪᠠᠶᠠᠨ ᠪᠣᠯᠵᠤ᠂ ᠠᠮᠤᠷ ᠰᠠᠢᠬᠠᠨ ᠳ᠋ᠠᠭᠠᠨ ᠵᠢᠷᠭᠠᠭᠰᠠᠨ ᠶᠤᠮ᠃
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠠᠯᠲᠠᠨᠬᠤᠶᠠᠭ ᠂ ᠪᠠᠳᠠᠷᠠᠯᠲᠤ
ᠦᠰᠦᠭ ᠬᠠᠲᠠᠭᠴᠢ᠄ ᠢᠷᠠᠭᠤᠬᠠᠨ
ᠦᠰᠦᠭ ᠬᠢᠨᠠᠭᠴᠢ᠄ ᠰᠡᠷᠭᠦᠯᠡᠩ ᠂ᠢᠷᠡᠭᠡᠳᠦᠢ᠂ ᠭᠠᠷᠮᠠ