ᠡᠷᠳᠡᠨᠢ ᠲᠤᠨᠤᠮᠠᠯ ᠨᠡᠷᠡᠲᠦ ᠰᠤᠳᠤᠷ ᠣᠷᠣᠰᠢᠪᠠ - 9 Эрдэнэ тунамал нэрт судар оршив - 9
218ᠡᠷᠳᠡᠨᠢ ᠲᠤᠨᠤᠮᠠᠯ ᠨᠡᠷᠡᠲᠦ ᠰᠤᠳᠤᠷ ᠣᠷᠣᠰᠢᠪᠠ - 9
ᠬᠠᠮᠤᠭ ᠢ᠋ ᠮᠡᠳᠡᠭᠴᠢ ᠳᠠᠯᠠᠢ ᠯᠠᠮᠠ ᠥᠪᠡᠷ ᠢ᠋ᠶ᠋ᠡᠨ ᠵᠠᠷᠯᠢᠭ ᠪᠣᠯᠵᠤ :
《 ᠭᠠᠢᠬᠠᠮᠰᠢᠭ᠋ ᠪᠣᠭᠳᠠ ᠡᠰᠷᠦᠨ ᠶᠡᠬᠡ ᠬᠦᠴᠦᠲᠦ ᠴᠡᠭᠷᠡᠸᠡᠷᠳᠢ ᠠᠯᠲᠠᠨ ᠬᠠᠭᠠᠨ ᠠ᠋ᠴᠠ ᠮᠠᠨᠤ ᠂
ᠬᠠᠮᠤᠭ ᠲᠥᠷᠥᠯ ᠲᠤᠲᠤᠮ ᠳ᠋ᠤᠷ ᠪᠤᠶᠠᠨ ᠪᠢᠯᠢᠭ ᠦ᠋ᠨ ᠴᠢᠭᠤᠯᠭᠠᠨ ᠢ᠋ ᠬᠤᠷᠢᠶᠠᠭᠰᠠᠨ ᠤ᠋ ᠬᠦᠴᠦᠨ ᠢ᠋ᠶ᠋ᠡᠷ ᠂
ᠡᠷᠬᠡᠲᠦ ᠬᠦᠴᠦᠲᠦ ᠬᠠᠭᠠᠨ ᠬᠥᠮᠦᠨ ᠪᠣᠯ ᠤ᠋ᠨ ᠲᠥᠷᠥᠭᠡᠳ ᠂
ᠡᠷᠳᠡᠨᠢ ᠪᠤᠷᠬᠠᠨ ᠤ᠋ ᠱᠠᠰᠢᠨ ᠬᠢᠭᠡᠳ ᠶᠢᠷᠲᠢᠨᠴᠦ ᠶ᠋ᠢᠨ ᠲᠥᠷᠥ ᠶ᠋ᠢ ᠲᠥᠪᠰᠢᠨᠡ ᠪᠠᠷᠢᠵᠤ ᠂
ᠡᠨᠡ ᠵᠦᠭ ᠦ᠋ᠨ ᠠᠮᠢᠲᠠᠨ ᠤ᠋ ᠲᠤᠰᠠ ᠶ᠋ᠢ ᠶᠡᠬᠡ ᠲᠠ ᠦᠢᠯᠡᠳᠦᠭᠰᠡᠨ ᠪᠥᠯᠥᠭᠡ ᠃
ᠡᠷᠭᠢᠨ ᠲᠡᠢᠮᠦ ᠪᠤᠶᠠᠨ ᠤ᠋ ᠠᠴᠢ ᠦᠷᠡ ᠶ᠋ᠢ ᠪᠣᠯᠪᠠᠰᠤᠷᠠᠭᠰᠠᠨ ᠤ᠋ ᠬᠦᠴᠦ ᠪᠡᠷ ᠂
ᠪᠤᠷᠬᠠᠨ ᠤ᠋ ᠱᠠᠰᠢᠨ ᠴᠤᠯᠤᠢᠳᠡᠭᠰᠡᠨ ᠲᠡᠷᠡ ᠤᠴᠢᠷ ᠲᠤᠷ ᠨᠢᠭᠦᠯᠡᠰᠬᠦᠢ ᠪᠡᠷ ᠢᠷᠡᠵᠦ ᠂
ᠪᠣᠳᠢᠰᠤᠩ ᠠᠯᠲᠠᠨ ᠬᠠᠭᠠᠨ ᠮᠣᠩᠭᠣᠯ ᠤᠯᠤᠰ ᠲᠤᠷ ᠲᠤᠰᠠᠯᠠᠨ ᠲᠥᠷᠥᠯ ᠣᠯᠵᠤ ᠂
ᠪᠣᠯᠵᠢᠮᠳᠠᠶᠠ ᠥᠴᠦᠬᠡᠨ ᠢᠳᠡᠷ ᠴᠠᠭ ᠲᠠᠭᠠᠨ ᠬᠠᠲᠠᠭᠤ ᠳᠣᠭᠰᠢᠨ ᠤ᠋① ᠡᠷᠬᠡ ᠳ᠋ᠡᠭᠡᠨ ᠣᠷᠣᠭᠤᠯᠵᠤ ᠂
ᠪᠣᠭᠳᠠ ᠢᠷᠦᠭᠡᠷ ᠢ᠋ᠶ᠋ᠡᠷ ᠲᠠᠬᠢᠯ ᠤ᠋ᠨ ᠣᠷᠣᠨ ᠨᠠᠮᠠ ᠯᠤᠭᠠ ᠤᠴᠠᠷᠠᠯᠳᠤᠵᠤ ᠂
— — — —
①《 ᠬᠠᠲᠠᠭᠤ ᠳᠣᠭᠰᠢᠨ ᠤ᠋ 》 ᠭᠡᠳᠡᠭ ᠨᠢ 《 ᠬᠠᠲᠠᠭᠤ ᠳᠣᠭᠰᠢᠨ ᠢ᠋ 》ᠭᠡᠰᠡᠨ ᠦᠭᠡ ᠃
ᠡᠷᠬᠡᠲᠦ ᠪᠤᠷᠬᠠᠨ ᠤ᠋ ᠱᠠᠰᠢᠨ ᠤ᠋ ᠡᠨᠡ ᠵᠦᠭ ᠲᠦ᠍ᠷ ᠲᠤᠯᠭᠤᠷᠠᠴᠠ ᠪᠠᠢᠭᠤᠯᠤᠭᠠᠳ ᠂
ᠡᠷᠲᠡᠨ ᠦ᠌ ᠳᠥᠷᠪᠡᠨ ᠲᠢᠪ ① ᠢ᠋ ᠡᠵᠡᠯᠡᠭᠴᠢ ᠴᠡᠭᠷᠡᠸᠡᠷᠳᠢ ᠬᠠᠭᠠᠨ ᠮᠡᠲᠦ ᠂
ᠡᠢᠮᠦ ᠶᠡᠬᠡ ᠪᠣᠭᠳᠠ ᠶ᠋ᠢᠨ ᠭᠡᠭᠡᠨ ᠬᠡᠭᠦᠷᠢ ᠦᠳᠡᠯᠡ ᠳ᠋ᠣᠷᠢ ᠬᠠᠳ ᠮᠡᠲᠦ ᠂
ᠡᠨᠡ ᠠᠯᠲᠠᠨ ᠳᠡᠯᠡᠬᠡᠢ ᠳ᠋ᠦ᠍ᠷ ᠣᠷᠣᠰᠢᠭᠤᠯᠪᠠᠰᠤ ᠪᠡᠯᠬᠡᠰ ᠢᠨᠤ ᠶᠠᠭᠢᠨ ᠤᠬᠠᠮᠤᠢ !
ᠭᠡᠭᠡᠨ ᠬᠡᠭᠦᠷᠢ ᠢᠨᠦ ᠬᠠᠢᠯᠵᠤ ᠪᠡᠯᠬᠡᠰ ᠢ᠋ ᠢᠨᠦ ᠤᠬᠠᠪᠠᠰᠤ ᠂
ᠭᠡᠲᠦᠯᠭᠡᠭᠴᠢ ᠪᠤᠷᠬᠠᠨ ᠪᠠᠭᠰᠢ ᠶ᠋ᠢᠨ ᠰᠤᠪᠤᠷᠭᠠ ᠮᠡᠲᠦ ᠪᠤᠰᠬᠠᠪᠠᠰᠤ ᠂
ᠭᠡᠮ ᠦᠭᠡᠢ ᠠᠴᠢ ᠲᠤᠰᠠ ᠢᠨᠤ ᠶᠡᠬᠡ ᠪᠤᠶᠤ ! 》 ᠭᠡᠮᠡᠨ ᠵᠠᠷᠯᠢᠭ ᠪᠣᠯᠪᠠᠰᠤ ᠂
ᠬᠡᠯᠡᠯᠴᠡᠵᠦ ᠬᠠᠭᠠᠨ ᠬᠠᠲᠤᠨ ᠶᠡᠬᠡ ᠪᠠᠭᠠ ᠨᠣᠶᠠᠳ ᠵᠥᠪᠰᠢᠶᠡᠷᠡᠨ ᠠᠢᠯᠠᠳᠬᠠᠪᠠᠰᠤ ᠂
ᠸᠴᠢᠷᠠ ᠳ᠋ᠠᠷᠠ ᠳ᠋ᠠᠯᠠᠢ ᠯᠠᠮᠠ ᠭᠠᠬᠠᠢ ᠵᠢᠯ ② ᠦ᠋ᠨ ᠭᠤᠷᠪᠠᠨ ᠰᠠᠷᠠ ᠶ᠋ᠢᠨ ᠬᠣᠷᠢᠨ ᠵᠢᠷᠭᠤᠭᠠᠨᠠ ᠂
ᠤᠷᠢᠳᠤ ᠲᠡᠭᠦᠨᠴᠢᠯᠡᠨ ᠢᠷᠡᠭᠰᠡᠳ ᠦ᠋ᠨ ᠭᠡᠭᠡᠨ ᠬᠡᠭᠦᠷ ᠦ᠋ᠨ ᠶᠣᠰᠣᠭᠠᠷ ᠮᠠᠨᠳᠠᠯ ᠡᠭᠦᠳᠴᠦ ᠂
ᠦᠯᠡᠮᠵᠢ ᠨᠣᠮ ᠤ᠋ᠨ ᠲᠥᠷᠥ ᠪᠡᠷ ᠲᠠᠬᠢᠯ ᠪᠣᠯᠭᠠᠨ ᠬᠠᠢᠯᠤᠭᠰᠠᠨ ᠴᠠᠭ ᠲᠤᠷ ᠂
— — — —
① ᠪᠤᠷᠬᠠᠨ ᠤ᠋ ᠱᠠᠰᠢᠨ ᠤ᠋ ᠨᠣᠮ ᠪᠢᠴᠢᠭ ᠲᠣᠷ ᠥᠭᠦᠯᠡᠭᠰᠡᠨ ᠰᠦᠮᠪᠦᠷ ᠠᠭᠤᠯᠠ ᠶ᠋ᠢᠨ ᠲᠣᠭᠣᠷᠢᠨ ᠳ᠋ᠠᠬᠢ ᠳᠥᠷᠪᠡᠨ ᠲᠢᠪ ᠢ᠋ ᠬᠡᠯᠡᠵᠡᠢ ᠃ ᠲᠡᠷᠡ ᠳᠥᠷᠪᠡᠨ ᠲᠢᠪ ᠭᠡᠳᠡᠭ ᠨᠢ ᠂ ᠡᠮᠦᠨᠡ ᠴᠠᠮᠪᠤ ᠳ᠋ᠢᠪ ᠂ ᠬᠢᠲᠠᠳ ᠰᠤᠳᠤᠷ ᠲᠤ᠌ 南瞻部洲 ᠭᠡᠳᠡᠭ ᠂ ᠳᠣᠷᠣᠨᠠ ᠦᠯᠡᠮᠵᠢ ᠪᠡᠶᠡᠲᠦ ᠲᠢᠪ ᠂ ᠬᠢᠲᠠᠳ ᠰᠤᠳᠤᠷ ᠲᠤ᠌ 东胜神洲 ᠭᠡᠨᠡ ᠂ ᠥᠷᠥᠨᠡ ᠦᠬᠡᠷ ᠡᠳ᠋ᠯᠡᠭᠴᠢ ᠲᠢᠪ ᠂ ᠬᠢᠲᠠᠳ ᠪᠢᠴᠢᠭ ᠲᠦ᠍西牛货洲 ᠭᠡᠨᠡ ᠂ ᠤᠮᠠᠷᠠ ᠮᠠᠭᠤ ᠳᠠᠭᠤᠲᠤ ᠲᠢᠪ ᠂ ᠬᠢᠲᠠᠳ ᠰᠤᠷᠣᠷ ᠲᠤ᠌北俱卢洲 ᠭᠡᠨᠡ ᠃
②ᠤᠯᠠᠭᠠᠨ ᠡᠮᠡ ᠭᠠᠬᠠᠢ ᠵᠢᠯ ᠂ ᠳᠠᠷᠤᠢ ᠸᠠᠨ ᠯᠢ ᠶ᠋ᠢᠨ ᠠᠷᠪᠠᠨ ᠲᠠᠪᠤᠳᠤᠭᠠᠷ ᠣᠨ 《1587 》᠃
ᠣᠭᠲᠠᠷᠭᠤᠢ ᠶ᠋ᠢᠨ ᠥᠩᠭᠡ ᠬᠬᠢᠷ ᠦᠭᠡᠢ ᠳᠤᠩᠭᠠᠯᠠᠨ ᠭᠡᠭᠡᠨ ᠪᠣᠯᠤᠭᠠᠳ ᠂
ᠲᠠᠪᠤᠨ ᠥᠩᠭᠡ ᠰᠣᠯᠣᠩᠭᠠ ᠤᠷᠭᠤᠯᠵᠤ ᠰᠡᠴᠡᠭ ᠦ᠋ᠨ ᠬᠤᠷᠠ ᠣᠷᠣᠪᠠᠢ ᠂
ᠲᠠᠩᠰᠤᠭ ᠭᠠᠢᠬᠠᠮᠰᠢᠭ ᠪᠡᠯᠬᠡᠰ ᠬᠣᠲᠠᠯᠠ ᠪᠦᠭᠦᠳᠡ ᠲᠠ ᠦᠵᠡᠭᠳᠡᠪᠡᠢ ᠂
ᠲᠠᠪᠤᠨ ᠰᠡᠢᠪᠠᠷ ᠣᠳᠤᠭᠰᠠᠳ ᠤ᠋ᠨ ᠬᠥᠷᠥᠩᠭᠡ ᠦᠰᠦᠭ ① ᠭᠠᠷᠪᠠᠢ ᠂
ᠲᠡᠭᠰᠢ ᠬᠠᠮᠤᠭ ᠶᠡᠬᠡ ᠤᠯᠤᠰ ᠦᠯᠡᠮᠵᠢ ᠮᠠᠰᠢ ᠰᠠᠢᠰᠢᠶᠠᠨ ᠭᠠᠢᠬᠠᠯᠳᠤᠪᠠᠢ ᠃
ᠬᠣᠢᠨᠠ ᠪᠠᠰᠠ ᠭᠡᠭᠡᠨ ᠬᠡᠭᠦᠷ ᠦ᠋ᠨ ᠬᠣᠮᠬᠠᠨ ᠤ᠋ ᠠᠮᠠᠰᠠᠷᠢ ᠨᠡᠬᠡᠵᠦ ᠂
ᠬᠤᠷᠢᠶᠠᠵᠤ ᠠᠯᠲᠠᠨ ᠰᠠᠪᠠ ᠳ᠋ᠤᠷ ᠡᠷᠳᠡᠨᠢ ᠵᠢᠭᠦᠴᠡ ᠪᠡᠷ ᠠᠪᠬᠤᠢ ᠳ᠋ᠤᠷ ᠂
ᠬᠤᠲᠤᠭ ᠲᠤ᠌ ᠬᠠᠭᠠᠨ ᠤ᠋ ᠭᠡᠭᠡᠨ ᠬᠡᠭᠦᠷ ᠦ᠋ᠨ ᠠᠮᠤᠷᠯᠢᠩᠭᠤᠢ ᠳᠡᠯᠭᠡᠷᠡᠩᠭᠦᠢ ᠡᠷᠬᠡ ᠲᠣᠭᠰᠢᠨ ᠪᠤᠷᠬᠠᠨ ᠪᠠ ᠂
ᠬᠣᠩᠰᠢᠮ ᠪᠣᠳᠢᠰᠤᠩ ᠤ᠋ᠨ ᠦᠷᠡ ᠴᠠᠭᠠᠨ ᠾᠷᠢ ᠮᠮᠠ ᠦᠰᠦᠭ② ᠦ᠋ᠳ ᠲᠡᠷᠢᠭᠦᠲᠡᠨ ᠂
ᠰᠠᠬᠠᠷᠠᠯ ᠦᠭᠡᠢ ᠪᠡᠶᠡ ᠬᠡᠯᠡ ᠰᠡᠳᠬᠢᠯ ᠦ᠋ᠨ ᠰᠢᠲᠦᠭᠡᠨ ᠲᠠᠪ᠊ᠬᠤᠷᠯᠠᠭᠤᠯᠵᠤ ᠬᠠᠷᠭᠠᠭᠠᠳ ᠂
ᠰᠡᠢᠪᠠᠷ ᠣᠳᠤᠭᠰᠠᠳ ᠤ᠋ᠨ ᠬᠥᠷᠥᠩᠭᠡ ᠦᠰᠦᠭ ᠲᠡᠷᠢᠭᠦᠲᠡᠨ ᠂
— — — —
① ᠤᠳᠬᠠ ᠠᠨᠤ ᠡᠮᠦᠨᠡ ᠬᠡᠰᠡᠭ ᠲᠦ᠍ ᠭᠠᠷᠤᠭᠰᠠᠨ 《 ᠦᠷᠡ ᠦᠰᠦᠭ 》 ᠲᠡᠢ ᠠᠳᠠᠯᠢ ᠃
②ᠾᠷᠢ ᠦᠰᠦᠭ ᠭᠡᠳᠡᠭ ᠨᠢ ᠤᠸᠠ ᠮᠠ᠋ ᠸᠢ ᠫᠠᠳ᠋ ᠮᠧ ᠾᠤᠤ ᠵᠢᠷᠭᠤᠭᠠᠨ ᠦᠰᠦᠭ ᠢ᠋ ᠬᠡᠯᠡᠨᠡ ᠃ ᠦᠷᠡ ᠦᠰᠦᠭ ᠪᠠ ᠬᠥᠷᠥᠩᠭᠡ ᠦᠰᠦᠭ ᠭᠡᠳᠡᠭ ᠨᠢ ᠾᠷᠢ ᠦᠰᠦᠭ ᠦ᠋ᠨ ᠮᠣᠩᠭᠣᠯ ᠣᠷᠴᠢᠭᠤᠯᠭᠠ ᠃
ᠰᠡᠴᠡᠯᠡᠯ ᠦᠭᠡᠢ O ) ᠤᠸᠠ ᠬᠣᠩ ᠳ᠋ᠷᠠᠩ ᠾᠷᠢ ᠊ᠮᠮᠨ ᠠ᠋ ᠊ᠮᠮᠨ ᠬᠡᠮᠡᠬᠦ ᠦᠰᠦᠭ ᠦ᠋ᠳ
ᠰᠡᠴᠡ ᠲᠠᠪᠤᠨ ᠥᠩᠭᠡ ᠰᠤᠪᠤᠳ ᠡᠷᠢᠭᠡ ᠭᠢᠯᠬᠢᠭᠰᠡᠨ ᠮᠡᠲᠦ ᠳᠣᠲᠣᠷᠬᠠᠶᠠ ᠭᠠᠷᠪᠠᠢ ᠃
ᠴᠠᠭᠠᠨ ᠯᠠᠪᠠᠢ ᠲᠦᠪᠰᠢᠶᠡᠷᠡᠬᠦᠶᠡ ᠣᠷᠣᠩᠬᠢ ᠳ᠋ᠤ᠌ ᠪᠠ ᠂
ᠴᠠᠭᠯᠠᠰᠢ ᠦᠭᠡᠢ ᠲᠠᠪᠤᠨ ᠥᠩᠭᠡ ᠱᠠᠷᠢᠯ① ᠨᠤᠭᠤᠳ ᠪᠠ ᠂
ᠴᠠᠭ ᠦᠭᠡᠢ ᠪᠡᠯᠬᠡᠰ ᠬᠣᠲᠣᠯᠠ ᠲᠠ ᠦᠵᠡᠭᠳᠡᠭᠰᠡᠨ ᠳ᠋ᠦ᠍ᠷ ᠰᠦᠰᠦᠯ ᠦ᠋ᠨ ᠪᠢᠰᠢᠷᠡᠵᠦ ᠂
ᠲᠠᠪᠤᠨ ᠥᠩᠭᠡ ᠤᠯᠤᠰ ᠲᠤᠰ ᠲᠤᠰ ᠪᠦᠷᠢ ᠮᠥᠷᠭᠥᠯ ᠦ᠋ᠨ ᠣᠷᠣᠨ ᠪᠣᠯᠭᠠᠨ ᠠᠪᠤᠪᠠᠢ ᠂
ᠲᠡᠳᠦᠢ ᠭᠠᠢᠬᠠᠮᠰᠢᠭ᠋ ᠲᠤ᠌ ᠭᠡᠭᠡᠨ ᠬᠡᠭᠦᠷᠢ ᠡᠷᠲᠡᠨ ᠦ᠌ ᠰᠡᠢᠪᠠᠷ ᠣᠲᠣᠭᠰᠠᠳ ᠤ᠋ᠨ ᠂
ᠲᠡᠭᠰᠢ ᠱᠠᠷᠢᠯ ᠳ᠋ᠤ᠌ ᠰᠤᠪᠤᠷᠭᠠᠨ ᠤ᠋ ᠶᠣᠰᠣᠭᠠᠷ ᠡᠷᠳᠡᠨᠢ ᠠᠯᠲᠠᠨ ᠮᠥᠩᠭᠥᠨ ᠢ᠋ᠶ᠋ᠡᠷ ᠪᠣᠳᠢᠴᠢᠳ ᠬᠡᠮᠡᠬᠦ
ᠲᠡᠨᠳᠡᠴᠡ ᠪᠠᠯᠪᠤ ᠶ᠋ᠢᠨ ᠤᠷᠠᠨ ᠢ᠋ᠶ᠋ᠠᠷ ᠠᠬᠤᠢ ᠶᠡᠬᠡ ᠲᠠ ᠡᠭᠦᠳᠦᠨ ᠣᠷᠣᠰᠢᠭᠤᠯᠵᠤ ᠪᠦᠷ ᠦ᠋ᠨ ᠃
ᠵᠣᠣ ᠰᠢᠭᠡᠮᠦᠨᠢ ᠰᠦᠮᠡ ᠶ᠋ᠢᠨ ᠪᠠᠷᠠᠭᠤᠨ ᠡᠲᠡᠭᠡᠳ ᠲᠣᠷ ᠵᠢᠪᠠᠠᠤᠯᠠᠩ ᠳ᠋ᠤ᠌ ᠬᠥᠬᠡ ᠤᠷᠲᠤ ᠬᠠᠷᠰᠢ ᠪᠣᠰᠬᠠᠵᠤ ᠪᠠᠢᠭᠤᠯᠤᠭᠠᠳ ᠂
— — — —
①ᠰᠠᠨᠰᠺᠷᠢᠲ ᠦᠭᠡ charila ᠶᠢᠨ ᠠᠪᠢᠶᠠᠴᠢᠯᠠᠭᠰᠠᠨ ᠣᠷᠴᠢᠭᠤᠯᠭᠠ ᠪᠣᠯᠤᠨᠠ ᠃ ᠪᠤᠷᠬᠠᠨ ᠪᠠ ᠪᠣᠭᠳᠠᠰ ᠤ᠋ᠨ ᠬᠡᠭᠦᠷ ᠶᠠᠰᠤᠨ ᠢ᠋ ᠬᠡᠯᠡᠨᠡ ᠃
ᠵᠣᠬᠢᠰᠲᠠᠶᠠ ᠵᠴᠢᠷᠠ ᠪᠠᠨᠢ① ᠶ᠋ᠢᠨ ᠬᠤᠪᠢᠯᠭᠠᠨ ᠷᠵᠠᠷᠤᠩ ᠬᠤᠲᠤᠭ ᠲᠤ᠌ ᠲᠡᠷᠢᠭᠦᠲᠡᠨ ᠂
ᠵᠢᠴᠢ ᠳᠥᠷᠪᠡᠨ ᠠᠢᠮᠠᠭ ᠬᠤᠸᠠᠷᠠᠭ ᠤ᠋ᠳ ᠠᠷᠪᠠᠢ ᠰᠠᠴᠤᠵᠤ ᠬᠤᠲᠤᠭ ᠣᠷᠣᠰᠢᠭᠤᠯᠵᠤ ᠲᠠᠯᠪᠢᠪᠠᠢ ᠃
ᠠᠯᠳᠠᠷᠰᠢᠭᠰᠠᠨ ᠲᠡᠭᠦᠰ ᠴᠣᠭ ᠲᠤ᠌ ᠸᠴᠢᠷᠠ ᠳ᠋ᠠᠷᠠ ᠳᠠᠯᠠᠢ ᠯᠠᠮᠠ ᠶ᠋ᠢ ᠲᠡᠷᠡ ᠤᠴᠢᠷ ᠲᠤᠷ ᠂
ᠠᠷᠪᠠᠨ ᠬᠣᠶᠠᠷ ᠲᠦᠮᠡᠳ ᠦ᠋ᠨ ᠥᠭᠯᠢᠭᠡ ᠶ᠋ᠢᠨ ᠡᠵᠡᠳ ᠨᠣᠶᠠᠳ ᠲᠤᠰ ᠲᠤᠰ ᠪᠦᠷᠢ ᠵᠠᠯᠠᠵᠤ ᠂
ᠠᠰᠤᠷᠤ ᠮᠠᠰᠢ ᠪᠤᠶᠠᠨ ᠪᠠᠷᠠᠮᠢᠳ ᠢ᠋ ᠴᠠᠭᠯᠠᠰᠢ ᠦᠭᠡᠢ ᠡᠷᠭᠦᠵᠦ ᠪᠦᠷ ᠦ᠋ᠨ ᠂
ᠠᠷᠢᠭᠤᠨ ᠪᠤᠷᠬᠠᠨ ᠤ᠋ ᠱᠠᠰᠢᠨ ᠳ᠋ᠤᠷ ᠤᠯᠠᠮ ᠪᠠᠰᠠ ᠵᠡᠷᠭᠡ ᠪᠡᠷ ᠣᠷᠣᠪᠠᠢ ᠃
ᠪᠠᠰᠠ ᠪᠠᠷ ᠬᠦᠨᠳᠦᠯᠡᠨ ᠬᠠᠭᠠᠨ ᠳᠠᠢᠴᠢᠩ② ᠲᠡᠷᠢᠭᠦᠲᠡᠨ ᠬᠠᠷᠠᠴᠢᠨ ᠲᠦᠮᠡᠨ ᠢ᠋ᠶ᠋ᠡᠷ ᠂
ᠪᠠᠭᠰᠢ ᠢᠯᠠᠭᠤᠭᠰᠠᠨ ᠳᠠᠯᠠᠢ ᠯᠠᠮᠠ ᠶ᠋ᠢ ᠵᠠᠯᠠᠵᠤ ᠬᠦᠰᠡᠬᠦᠢ ᠰᠡᠳᠬᠢᠯ ᠦ᠋ᠨ ᠡᠭᠦᠳᠡᠨᠴᠡ ᠂
ᠪᠠᠷᠠᠮᠢᠳ ᠥᠭᠯᠢᠭᠡ ᠲᠡᠷᠢᠭᠦᠲᠡᠨ ᠢ᠋ ᠴᠠᠭᠯᠠᠰᠢ ᠦᠭᠡᠢ ᠡᠷᠭᠦᠵᠦ ᠪᠦᠷ ᠦ᠋ᠨ ᠃
ᠪᠠᠶᠠᠰᠬᠤᠯᠠᠩ ᠳᠠᠶᠠ ᠨᠣᠮ ᠤ᠋ᠨ ᠬᠤᠷᠢᠮ ᠤ᠋ᠳ ᠢ᠋ᠶ᠋ᠠᠷ ᠴᠡᠩᠭᠡᠯᠳᠦᠵᠦ ᠰᠠᠭᠤᠨ ᠠᠲᠠᠯᠠ ᠂
— — — —
①ᠰᠠᠨᠰᠷᠺᠷᠢᠲ ᠦᠭᠡ pani ᠶᠢᠨ ᠠᠪᠢᠶᠠᠴᠢᠯᠠᠭᠰᠠᠨ ᠣᠷᠴᠢᠭᠤᠯᠭᠠ ᠂ ᠭᠠᠷ ᠭᠡᠬᠦ ᠤᠳᠬᠠ ᠲᠠᠢ ᠃ ᠸᠴᠢᠷᠠ ᠪᠠᠨᠢ ᠭᠡᠬᠦ ᠶ᠋ᠢ ᠮᠣᠩᠭᠣᠯ ᠢ᠋ᠶ᠋ᠠᠷ ᠸᠴᠢᠷ ᠪᠠᠷᠢᠭᠴᠢ ᠭᠡᠬᠦ ᠪᠤᠶᠤ ᠲᠥᠪᠡᠳ ᠢ᠋ᠶ᠋ᠡᠷ ᠲᠤᠷᠴᠢᠴᠠᠩ ᠭᠡᠵᠦ ᠭᠠᠷ ᠲᠠᠭᠠᠨ ᠸᠴᠢᠷ ᠪᠠᠷᠢᠭᠰᠠᠨ ᠪᠣᠳᠢᠰᠠᠳ᠋ᠸᠠ ᠪᠤᠷᠬᠠᠨ ᠢ᠋ ᠬᠡᠯᠡᠨᠡ ᠃
②ᠳᠠᠢᠴᠢᠩ ᠭᠡᠳᠡᠭ ᠨᠢ ᠡᠮᠦᠨᠡ ᠬᠡᠰᠡᠭ ᠲᠦ᠍ ᠭᠠᠷᠤᠭᠰᠠᠨ ᠬᠥᠨᠳᠡᠯᠡᠨ ᠳᠠᠢᠴᠢᠩ ᠂ ᠪᠠᠢᠬᠤᠨᠲᠠᠢ ᠬᠥᠨᠳᠡᠯᠡᠨ ᠬᠠᠭᠠᠨ ᠤ᠋ ᠠᠪᠠᠭᠠ ᠪᠣᠯᠤᠨᠠ ᠃
ᠬᠤᠯᠤᠭᠠᠨᠠ① ᠵᠢᠯ ᠳ᠋ᠦ᠍ ᠬᠠᠷᠠᠴᠢᠨ ᠤ᠋ ᠵᠢᠭᠠᠰᠤᠲᠠᠢ ᠨᠡᠷᠡᠲᠦ ᠭᠠᠵᠠᠷᠠ ②
ᠬᠤᠲᠤᠭ ᠲᠤ᠌ ᠳᠠᠯᠠᠢ ᠯᠠᠮᠠ ᠬᠠᠮᠤᠭ ᠠᠮᠢᠲᠠᠨ ᠳ᠋ᠤᠷ ᠮᠥᠩᠬᠡ ᠪᠤᠰᠤ ᠶ᠋ᠢᠨ ᠳᠦᠷᠢ ᠦᠵᠦᠭᠦᠯᠦᠭᠰᠡᠨ ᠳ᠋ᠦ᠍ᠷ ᠂
ᠬᠣᠲᠣᠯᠠ ᠪᠦᠭᠦᠳᠡᠭᠡᠷ ᠪᠤᠷᠬᠠᠨ ᠤ᠋ ᠱᠠᠷᠢᠯ ᠳ᠋ᠤ᠌ ᠰᠤᠪᠤᠷᠭᠠᠨ ᠡᠭᠦᠳᠴᠦ ᠂
ᠬᠤᠪᠢᠯᠭᠠᠨ ᠳᠠᠯᠠᠢ ᠯᠠᠮᠠ ᠶ᠋ᠢᠨ ᠭᠡᠭᠡᠨ ᠬᠡᠭᠦᠷᠢ ᠵᠣᠣ ᠰᠢᠭᠡᠮᠦᠨᠢ ᠶ᠋ᠢᠨ ᠤᠮᠠᠷᠠ ᠵᠦᠭ ᠲᠦ᠍ᠷ ᠣᠷᠣᠰᠢᠭᠤᠯᠪᠠᠢ ᠃
ᠬᠠᠮᠤᠭ ᠢ᠋ ᠮᠡᠳᠡᠭᠴᠢ ᠸᠴᠢᠷᠠ ᠳ᠋ᠠᠷᠠ ᠳ᠋ᠠᠯᠠᠢ ᠯᠠᠮᠠ ᠥᠪᠡᠷ ᠢ᠋ᠶ᠋ᠡᠨ ᠪᠥᠭᠡᠳ ᠂
ᠬᠠᠮᠤᠭ ᠠᠮᠢᠳᠠᠨᠠ ᠮᠥᠩᠬᠡ ᠪᠤᠰᠤ ᠶ᠋ᠢᠨ ᠳᠦᠷᠢ ᠦᠵᠦᠭᠦᠯᠦᠭᠡᠳ ᠂
ᠭᠠᠢᠬᠠᠮᠰᠢᠭ᠋ ᠪᠤᠷᠬᠠᠨ ᠤ᠋ ᠱᠠᠰᠢᠨ ᠢ᠋ ᠳᠡᠯᠭᠡᠷᠡᠭᠦᠯᠬᠦ ᠶ᠋ᠢᠨ ᠲᠤᠯᠠ ᠨᠢᠷᠸᠠᠨ ③ ᠪᠣᠯᠤᠭᠠᠳ ᠂
ᠬᠠᠷᠢᠨ ᠪᠠᠰᠠ ᠡᠨᠡ ᠵᠦᠭ ᠳᠠᠬᠢᠨ ᠢ᠋ ᠨᠢᠭᠦᠯᠡᠰ ᠦ᠋ᠨ ᠰᠡᠳᠬᠢᠵᠦ ᠪᠦᠷ ᠦ᠋ᠨ ᠃
ᠴᠡᠭᠷᠡᠸᠠᠷᠳ᠋ᠢ ᠡᠰᠷᠦᠨ ᠶᠡᠬᠡ ᠬᠦᠴᠦ ᠳ᠋ᠦ᠍ ᠠᠯᠲᠠᠨ ᠬᠠᠭᠠᠨ ᠤ᠋ ᠠᠴᠢ ᠬᠥᠪᠡᠭᠦᠨ ᠠᠨᠤ ᠂
— — — —
①ᠰᠢᠷᠠ ᠡᠷᠡ ᠬᠤᠯᠤᠭᠠᠨᠠ ᠵᠢᠯ ᠂ ᠸᠠᠨ ᠯᠢ ᠶ᠋ᠢᠨ ᠠᠷᠪᠠᠨ ᠵᠢᠷᠭᠤᠳᠤᠭᠠᠷ ᠣᠨ (1588) ᠃
②ᠲᠤᠬᠠᠢ ᠶ᠋ᠢᠨ ᠦᠶᠡ ᠳ᠋ᠦ᠍ ᠬᠠᠷᠠᠴᠢᠨ ᠲᠦᠮᠡᠨ ᠴᠢᠭᠤᠯᠤᠯᠲᠤ ᠬᠠᠭᠠᠯᠭᠠ ᠶ᠋ᠢᠨ ᠭᠠᠳᠠᠨᠠ ᠺᠠᠢ ᠫᠢᠩ (开平) ᠣᠷᠴᠢᠮ ᠢ᠋ᠶ᠋ᠠᠷ ᠨᠣᠲᠣᠭ᠍ᠰᠢᠨ ᠮᠠᠯᠵᠢᠨ ᠪᠠᠢᠵᠠᠢ ᠃ᠡᠨᠳᠡ ᠳᠤᠷᠠᠳᠤᠭᠰᠠᠨ ᠵᠢᠭᠠᠰᠤᠲᠠᠢ ᠭᠡᠳᠡᠭ ᠨᠢ ᠡᠳᠦᠭᠡ ᠶ᠋ᠢᠨ ᠰᠢᠯᠤᠭᠤᠨ ᠬᠥᠬᠡ ᠬᠤᠰᠢᠭᠤᠨ ᠤ᠋ ᠰᠠᠩ ᠤ᠋ᠨ ᠳᠠᠯᠠᠢ ᠨᠢᠭᠡᠳᠦᠯ ᠦ᠋ᠨ ᠵᠢᠭᠠᠰᠤᠲᠠᠢ ᠨᠠᠭᠤᠷ ᠢ᠋ ᠬᠡᠯᠡᠨᠡ ᠃
③ᠰᠠᠨᠰᠺᠷᠢᠲ ᠦᠭᠡ nirvana ᠪᠣᠯᠤᠨᠠ ᠃ ᠤᠭ ᠤᠳᠬᠠ ᠨᠢ ᠲᠦᠷᠦᠬᠦᠢ ᠦᠬᠦᠬᠦᠢ ᠶ᠋ᠢᠨ ᠭᠠᠰᠢᠭᠤᠨ ᠠ᠋ᠴᠠ ᠠᠩᠭᠢᠵᠢᠷᠠᠵᠤ ᠥᠯᠢᠰᠢ ᠦᠭᠡᠢ ᠮᠥᠩᠬᠡ ᠶ᠋ᠢᠨ ᠬᠦᠰᠡᠯᠡᠩᠲᠦ ᠣᠷᠣᠨ ᠳ᠋ᠤ᠌ ᠬᠦᠷᠬᠦ ᠶ᠋ᠢ ᠥᠭᠦᠯᠡᠵᠡᠢ ᠃ ᠬᠣᠵᠢᠮ ᠨᠢ ᠬᠤᠪᠢᠯᠭᠠᠨ ᠯᠠᠮᠠ ᠨᠠᠷ ᠤ᠋ᠨ ᠨᠠᠰᠤᠨ ᠡᠴᠦᠰᠯᠡᠬᠦ ᠶ᠋ᠢ ᠥᠭᠦᠯᠡᠬᠦ ᠪᠣᠯᠵᠠᠢ ᠃
ᠴᠠᠭ ᠦᠭᠡᠢ ᠰᠦᠰᠦᠭ ᠪᠢᠰᠢᠷᠡᠯ ᠳ᠋ᠦ᠍ ᠰᠦᠮᠪᠦᠷ ᠰᠡᠴᠡᠨ ᠴᠥᠭᠦᠭᠦᠷ ① ᠂ ᠪᠢᠬ᠌ᠴᠤᠭ ᠪᠢᠬᠢᠵᠢ ② ᠬᠣᠶᠠᠷ ᠠ᠋ᠴᠠ ᠂
ᠴᠠᠭᠠᠨ ᠪᠤᠶᠠᠨ ᠳ᠋ᠤ᠌ ᠰᠠᠷᠠ ᠳ᠋ᠠ ᠦᠬᠡᠷ ᠵᠢᠯ③ ᠳ᠋ᠦ᠍ᠷ ᠬᠤᠪᠢᠯᠭᠠᠨ ᠤ᠋ ᠪᠡᠶᠡ ᠪᠡᠷ ᠂
ᠴᠠᠭᠯᠠᠰᠢ ᠦᠭᠡᠢ ᠡᠯᠳᠡᠪ ᠵᠦᠢᠯ ᠳ᠋ᠦ᠍ ᠪᠡᠯᠬᠡᠰ ᠢ᠋ ᠦᠵᠦᠭᠦᠯ ᠦ᠋ᠨ ᠲᠦᠷᠪᠡᠢ ᠃
ᠬᠠᠨ ᠲᠡᠭᠷᠢ ᠨᠠᠷ ᠣᠭᠲᠠᠷᠭᠤᠢ ᠠ᠋ᠴᠠ ᠰᠡᠴᠡᠭ ᠦ᠋ᠨ ᠬᠤᠷᠠᠰ ᠢ᠋ ᠣᠷᠣᠭᠤᠯᠪᠠᠢ ᠂
ᠬᠠᠮᠤᠭ ᠢ᠋ ᠮᠡᠳᠡᠭᠴᠢ ᠤᠮᠠᠢ ᠠ᠋ᠴᠠ ᠭᠠᠷᠤᠭᠠᠳ ᠰᠡᠴᠡ ᠵᠢᠷᠭᠤᠭᠠᠨ ᠦᠰᠦᠭ ᠢ᠋ ᠳᠣᠲᠣᠷᠠᠬᠠᠶᠠ ᠤᠩᠰᠢᠪᠠᠢ ᠂
ᠭᠠᠢᠬᠠᠮᠰᠢᠭ᠋ ᠲᠤ᠌ ᠬᠤᠸᠠᠷᠠᠭ ᠤ᠋ᠳ ᠨᠣᠮ ᠤ᠋ᠨ ᠳᠠᠭᠤᠨ ᠢ᠋ ᠡᠰᠷᠦᠨ ᠳᠠᠭᠤᠨ ᠢ᠋ᠶ᠋ᠠᠷ ᠳᠠᠭᠤᠷᠢᠰᠬᠠᠪᠠᠢ ᠂
ᠬᠠᠮᠤᠭ ᠪᠦᠭᠦᠳᠡ ᠶᠡᠬᠡ ᠤᠯᠤᠰ ᠦᠵᠡᠵᠦ ᠦᠯᠡᠮᠵᠢ ᠮᠠᠰᠢ ᠰᠠᠢᠰᠢᠶᠠᠨ ᠮᠠᠭᠲᠠᠪᠠᠢ ᠃
— — — —
①ᠠᠯᠲᠠᠨ ᠬᠠᠭᠠᠨ ᠤ᠋ ᠠᠴᠢ ᠂ ᠰᠡᠩᠭᠡ ᠳᠦᠭᠦᠷᠡᠩ ᠬᠠᠭᠠᠨ ᠤ᠋ ᠲᠠᠪᠤᠳᠤᠭᠠᠷ ᠬᠥᠪᠡᠭᠦᠨ ᠪᠣᠯᠤᠨᠠ ᠃ ᠪᠠᠰᠠ ᠳᠥᠭᠥᠮᠴᠢᠯᠡᠨ ᠰᠦᠮᠪᠦᠷ ᠲᠠᠢᠵᠢ ᠭᠡᠳᠡᠭ ᠃ 《 ᠪᠦᠭᠦᠳᠡ ᠡᠨᠠᠢᠷᠠᠮᠳᠠᠬᠤ ᠮᠣᠩᠭᠣᠯ ᠠᠷᠠᠳ ᠤᠯᠤᠰ ᠤ᠋ᠨ ᠲᠡᠦᠬᠡ 》 (ᠲᠡᠷᠢᠭᠦᠨ ᠪᠤᠳᠠᠢ ) ᠳ᠋ᠤ᠌ ᠰᠦᠮᠪᠦᠷ ᠊ᠢ ᠬᠠᠷᠢᠨ ᠠᠯᠲᠠᠨ ᠬᠠᠭᠠᠨ ᠤ᠋ ᠳᠡᠭᠦᠦ ᠭᠡᠰᠡᠨ ᠨᠢ ᠪᠤᠷᠤᠭᠤ ᠪᠣᠯᠵᠠᠢ ᠃ᠪᠤᠷᠤᠭᠤ ᠪᠣᠯᠤᠭᠰᠠᠨ ᠤ᠋ ᠰᠢᠯᠲᠠᠭᠠᠨ ᠨᠢ ᠰᠢᠶᠣᠤ ᠳᠠ ᠾᠧᠩ ᠦ᠋ᠨ ᠪᠢᠴᠢᠭᠰᠡᠨ 《 ᠪᠧᠢ ᠯᠦ᠍ ᠹᠧᠩ ᠰᠦ᠍ 》 ( 北掳风俗) ᠪᠢᠴᠢᠭ ᠲᠡᠬᠢ ᠲᠡᠮᠳᠡᠭᠯᠡᠯ ᠢ᠋ ᠪᠤᠷᠤᠭᠤ ᠣᠢᠯᠠᠭᠠᠭᠰᠠᠨ ᠠ᠋ᠴᠠ ᠪᠣᠯᠵᠠᠢ ᠃ ᠲᠡᠭᠦᠨ ᠳ᠋ᠦ᠍ 《 ᠰᠦᠮᠪᠦᠷ ᠲᠠᠢᠵᠢ ᠪᠠᠷ ᠱᠠᠩ ᠭᠦ (上谷) ᠭᠠᠵᠠᠷ ᠤ᠋ᠨ ᠪᠠᠷᠠᠭᠤᠨ ᠬᠣᠢᠲᠤ ᠣᠷᠣᠨ ᠳ᠋ᠤᠷ ᠨᠤᠲᠤᠭᠰᠢᠨ ᠰᠠᠭᠤᠳᠠᠭ ᠂ ᠡᠳᠦᠭᠡ ᠶ᠋ᠢᠨ ᠱᠦᠨ ᠢ ᠸᠠᠩ ᠤ᠋ᠨ ᠲᠥᠷᠥᠭᠰᠡᠨ ᠳᠡᠭᠦᠦ ᠪᠥᠯᠥᠭᠡ 》 ᠭᠡᠵᠡᠢ ᠃ ᠰᠢᠶᠣᠤ ᠳᠠ ᠾᠧᠩ ᠦ᠋ᠨ ᠡᠨᠡ ᠪᠢᠴᠢᠭ ᠪᠣᠯ ᠸᠠᠨ ᠯᠢ ᠶ᠋ᠢᠨ ᠬᠣᠷᠢᠨ ᠬᠣᠶᠠᠳᠤᠭᠠᠷ ᠣᠨ (1594 ) ᠳ᠋ᠦ᠍ ᠪᠢᠴᠢᠭᠳᠡᠭᠰᠡᠨ ᠪᠢᠯᠡ ᠃ ᠡᠭᠦᠨ ᠳ᠋ᠦ᠍ ᠳᠤᠷᠠᠳᠤᠭᠰᠠᠨ ᠱᠦᠨ ᠢ ᠸᠠᠩ ᠭᠡᠳᠡᠭ ᠨᠢ ᠠᠯᠲᠠᠨ ᠬᠠᠭᠠᠨ ᠢ᠋ ᠵᠢᠭᠠᠭᠰᠠᠨ ᠪᠤᠰᠤ ᠂ ᠬᠠᠷᠢᠨ ᠰᠡᠩᠭᠡ ᠳᠦᠭᠦᠷᠡᠩ ᠬᠠᠭᠠᠨ ᠤ᠋ ᠠᠬᠠᠮᠠᠳ ᠬᠥᠪᠡᠭᠦᠨ ᠭᠤᠲᠠᠭᠠᠷ ᠦᠶᠡ ᠶ᠋ᠢᠨ ᠱᠦᠨ ᠢ ᠸᠠᠩ ᠨᠠᠮᠤᠳᠠᠢ ᠰᠡᠴᠡᠨ ᠬᠠᠭᠠᠨ ᠢ᠋ ᠵᠢᠭᠠᠭᠰᠠᠨ ᠪᠢᠯᠡ ᠃
② ᠪᠠᠢᠵᠢ ᠶ᠋ᠢᠨ ᠣᠨᠳᠣᠣ ᠪᠢᠴᠢᠯᠭᠡ ᠂ ᠲᠠᠢᠵᠢ ᠬᠥᠮᠦᠨ ᠦ᠌ ᠬᠠᠲᠤᠨ ᠢ᠋ ᠪᠠᠢᠵᠢ ᠭᠡᠵᠦ ᠬᠦᠨᠳᠦᠳᠬᠡᠨ ᠳᠠᠭᠤᠳᠠᠳᠠᠭ ᠃
③ ᠰᠢᠷᠠ ᠡᠮᠡ ᠦᠬᠡᠷ ᠵᠢᠯ ᠂ ᠸᠠᠨ ᠯᠢ ᠶ᠋ᠢᠨ ᠠᠷᠪᠠᠨ ᠳᠣᠯᠣᠳᠤᠭᠠᠷ ᠣᠨ (1589 ) ᠃
ᠰᠢᠷᠠ ᠨᠣᠬᠠᠢ ᠵᠢᠯᠡ ①ᠲᠡᠭᠦᠨ ᠦ᠌ ᠬᠣᠢᠨᠠ ᠷᠵᠢ ᠷᠤᠩ ᠬᠤᠲᠤᠭ ᠲᠤ᠌ ᠡᠬᠢᠯᠡᠨ ᠳ᠋ᠠᠯᠠᠢ ᠯᠠᠮᠠ ᠶ᠋ᠢᠨ ᠬᠦᠷᠢᠶᠡ ᠬᠦᠷᠭᠡᠨ ᠂
ᠰᠢᠯᠤᠭᠤᠨ ᠪᠣᠳᠢᠰᠤᠩ ᠠᠯᠲᠠᠨ ᠬᠠᠭᠠᠨ ᠤ᠋ ᠤᠷᠤᠭᠤᠯ ᠣᠭᠤᠷᠴᠠᠭ ᠤᠯᠤᠰ ᠢ᠋ ᠵᠠᠩᠭᠢᠯᠠᠨ ᠂
ᠰᠢᠮᠳᠠᠵᠤ ᠨᠠᠮᠤᠲᠠᠢ ᠰᠡᠴᠡᠨ ᠬᠠᠭᠠᠨ ᠵᠥᠩᠭᠡᠨ ᠬᠠᠲᠤᠨ ᠪᠤᠳᠠᠰᠢᠷᠢ ᠬᠣᠩ ᠲᠠᠢᠵᠢ ᠡᠬᠢᠯᠡᠨ ᠲᠦᠮᠡᠳ ᠢ᠋ᠶ᠋ᠡᠷ ᠂
ᠰᠢᠯᠭᠠᠷᠠᠵᠤ ᠬᠠᠢᠳᠠᠭ ᠮᠣᠷᠳᠠᠭᠠᠳ ᠬᠥᠬᠡ ᠨᠠᠭᠤᠷ ᠲᠤᠷ ᠠᠮᠤᠭᠤᠯᠠᠩᠡ ᠪᠠᠷᠰ ᠵᠢᠯᠡ ② ᠬᠦᠷᠴᠦ ᠪᠦᠷ ᠦ᠋ᠨ ᠃
ᠷᠵᠢ ᠷᠤᠩ ᠬᠤᠲᠤᠭ ᠲᠤ᠌ ᠡᠬᠢᠯᠡᠨ ᠳᠠᠯᠠᠢ ᠯᠠᠮᠠ ᠶ᠋ᠢᠨ ᠴᠠᠭᠠᠨ ᠬᠦᠷᠢᠶᠡ ᠶ᠋ᠢ ᠬᠦᠷᠭᠡᠭᠦᠯᠵᠦ ᠂
ᠡᠷᠳᠡᠨᠢ ᠢᠯᠠᠭᠤᠭᠰᠠᠨ ᠵᠣᠣ ᠰᠢᠭᠡᠮᠦᠨᠢ ᠶ᠋ᠢᠨ ᠡᠮᠦᠨᠡ ᠲᠠᠬᠢᠯ ᠪᠠᠷᠠᠮᠢᠳ ᠢ᠋ ᠡᠷᠭᠦᠷᠡ ᠢᠯᠡᠭᠡᠵᠦ ᠂
ᠡᠯᠴᠢ ᠳᠣᠷᠵᠢ ᠪᠠᠭᠰᠢ ᠳᠠᠷᠬᠠᠨ ᠮᠡᠳᠡᠭᠡᠴᠢ ᠲᠡᠷᠢᠭᠦᠲᠡᠨ ᠢ᠋ᠶ᠋ᠡᠷ ᠬᠥᠷᠭᠡᠭᠦᠯᠦᠭᠰᠡᠨ ᠳ᠋ᠦ᠍ᠷ ᠂
ᠡᠷᠬᠡᠲᠦ ᠬᠠᠭᠠᠨ ᠬᠠᠲᠤᠨ ᠤ᠋ ᠵᠠᠷᠯᠢᠭ ᠢ᠋ᠶ᠋ᠠᠷ ᠰᠠᠭᠠᠲᠠᠯ ᠦᠭᠡᠢ ᠶᠠᠪᠤᠵᠤ ᠬᠦᠷᠦᠭᠡᠳ ᠂
ᠬᠣᠲᠠᠯᠠ ᠢᠯᠠᠭᠤᠭᠰᠠᠨ ᠵᠣᠣ ᠰᠢᠭᠡᠮᠦᠨᠢ ᠲᠡᠷᠢᠭᠦᠲᠡᠨ ᠰᠦᠮᠡ ᠬᠡᠢᠳ ᠲᠣᠷ ᠪᠤᠶᠠᠨ ᠢ᠋ᠶ᠋ᠠᠨ ᠡᠷᠭᠦᠵᠦ ᠂
ᠬᠤᠲᠤᠭ ᠲᠤ᠌ ᠳᠠᠯᠠᠢ ᠯᠠᠮᠠ ᠶ᠋ᠢᠨ ᠴᠠᠭᠠᠨ ᠬᠦᠷᠢᠶᠡ ᠲᠡᠷᠢᠭᠦᠲᠡᠨ ᠬᠤᠸᠠᠷᠠᠭ ᠤ᠋ᠳ ᠢ᠋ ᠠᠮᠤᠭᠤᠯᠠᠩ ᠬᠦᠷᠭᠡᠵᠦ ᠂
ᠬᠤᠪᠢᠯᠭᠠᠨ ᠳᠡᠭᠡᠳᠦ ᠯᠠᠮᠠ ᠨᠠᠷ ᠠ᠋ᠴᠠ ᠢᠷᠦᠭᠡᠷ ᠬᠤᠲᠤᠭ ᠢ᠋ ᠣᠷᠣᠰᠢᠭᠤᠯᠵᠤ ᠂
ᠬᠤᠷᠳᠤᠨᠠ ᠮᠥᠩᠬᠡ ᠭᠠᠵᠠᠷᠠ ᠠ᠋ᠴᠠ ᠡᠩᠬᠡ ᠠᠮᠤᠭᠤᠯᠠᠩ ᠶᠠᠪᠤᠵᠤ ᠢᠷᠡᠪᠡᠢ ᠃
— — — —
① ᠡᠨᠡᠬᠦ ᠰᠢᠷᠠ ᠨᠣᠬᠠᠢ ᠵᠢᠯ ( ᠸᠠᠨ ᠯᠢ ᠶ᠋ᠢᠨ ᠬᠣᠷᠢᠨ ᠵᠢᠷᠭᠤᠳᠤᠭᠠᠷ ᠣᠨ ᠂ 1598 ) ᠭᠡᠳᠡᠭ ᠨᠢ ᠰᠢᠷᠠ ᠡᠮᠡ ᠦᠬᠡᠷ ᠵᠢᠯ ( ᠸᠠᠨ ᠯᠢ ᠶ᠋ᠢᠨ ᠠᠷᠪᠠᠨ ᠳᠣᠯᠣᠳᠤᠭᠠᠷ ᠣᠨ ᠂1589 ) ᠯᠦ᠍ᠭᠡ ᠡᠨᠳᠡᠭᠦᠷᠡᠭᠰᠡᠨ ᠪᠣᠯᠤᠯᠲᠠᠢ ᠃
② ᠴᠠᠭᠠᠨ ᠡᠷᠡ ᠪᠠᠷᠰ ᠵᠢᠯ ᠂ ᠸᠠᠨ ᠯᠢ ᠶ᠋ᠢᠨ ᠠᠷᠪᠠᠨ ᠨᠠᠢ᠍ᠮᠠᠳᠤᠭᠠᠷ ᠣᠨ (1590 ) ᠃
ᠬᠠᠭᠠᠨ ᠬᠠᠲᠤᠨ ᠪᠠᠰᠠ ᠪᠠᠷ ᠪᠠᠷᠰ ᠵᠢᠯᠡ ᠥᠪᠡᠷ ᠢ᠋ᠶ᠋ᠡᠨ ᠴᠠᠪᠴᠢᠶᠠᠯ ᠤ᠋ᠨ ᠰᠦᠮᠡ ᠳ᠋ᠦ᠍ᠷ ᠂
ᠭᠠᠢᠬᠠᠮᠰᠢᠭ᠋ ᠲᠤ᠌ ᠰᠾᠬᠠᠯᠤᠩ ᠴᠣᠷᠵᠢ ᠯᠠᠮᠠ ᠶ᠋ᠢ ᠵᠠᠯᠠᠵᠤ ᠢᠷᠡᠭᠦᠯᠦᠭᠡᠳ ᠂
ᠬᠠᠢᠷᠠᠯᠠᠬᠤ ᠮᠡᠲᠦ ᠪᠤᠶᠠᠨ ᠪᠠᠷᠠᠮᠢᠳ ᠢ᠋ ᠠᠬᠤᠢ ᠶᠡᠬᠡ ᠳᠡ ᠡᠷᠭᠦᠵᠦ ᠪᠦᠷ ᠦ᠋ᠨ ᠂
ᠬᠠᠪᠢᠶᠠ ᠳ᠋ᠤ᠌ ᠰᠤᠳᠤᠷ ᠳᠠᠨᠳᠠᠷᠢᠰ ᠤ᠋ᠨ ᠡᠭᠦᠳᠡᠨ ᠡᠴᠡ ᠡᠯᠳᠡᠪ ᠵᠦᠢᠯ ᠳ᠋ᠦ᠍ ᠨᠣᠮ ᠤ᠋ᠳ ᠢ᠋ ᠰᠣᠨᠣᠰᠪᠠᠢ ᠃
ᠳᠡᠭᠦᠨᠦ ᠬᠣᠢᠨᠠ ᠴᠠᠭᠠᠨ ᠲᠠᠤᠯᠠᠢ ᠵᠢᠯ ᠦ᠋ᠨ ①ᠬᠤᠪᠢᠯᠭᠠᠨ ᠰᠡᠷᠡᠳᠡ ②ᠪᠤᠬᠠ ᠶ᠋ᠢᠨ ᠭᠣᠣᠯ ᠳ᠋ᠤᠷ ᠂
ᠳᠡᠭᠡᠳᠦ ᠰᡁᠨᠬᠣᠯᠠᠩ ᠴᠣᠷᠵᠢ ᠲᠡᠷᠢᠭᠦᠲᠡᠨ ᠰᠢᠷᠠ ᠤᠯᠠᠭᠠᠨ ᠮᠠᠯᠠᠭᠠ ᠲᠠᠨ ③ᠦ ᠬᠤᠸᠠᠷᠠᠭ ᠤ᠋ᠳ ᠢ᠋ ᠴᠢᠭᠤᠯᠭᠠᠵᠤ ᠂
ᠳᠡᠯᠭᠡᠷᠡᠩᠭᠦᠢ ᠶᠡᠬᠡ ᠪᠤᠶᠠᠨ ᠪᠠᠷᠠᠮᠢᠳ ᠢ᠋ ᠴᠠᠭᠯᠠᠰᠢ ᠦᠭᠡᠢ ᠡᠷᠭᠦᠵᠦ ᠪᠦᠷ ᠦ᠋ᠨ ᠂
ᠲᠡᠭᠰᠢᠳᠡ ᠠᠬᠤᠢ ᠶᠡᠬᠡ ᠢᠷᠥᠬᠡᠷ ᠪᠤᠶᠠᠨ ᠢ᠋ ᠨᠡᠢᠲᠡ ᠦᠢᠯᠡᠳᠦᠭᠰᠡᠨ ᠲᠡᠢᠮᠦ ᠪᠣᠯᠠᠢ ᠃
ᠪᠠᠰᠠ ᠪᠠᠷ ᠬᠠᠭᠠᠨ ᠬᠠᠲᠤᠨ ᠠᠴᠢ ᠬᠣᠩ ᠲᠠᠢᠵᠢ ④ᠲᠡᠷᠢᠭᠦᠲᠡᠨ ᠲᠦᠮᠡᠳ ᠦ᠋ᠨ ᠨᠣᠶᠠᠳ ᠂
— — — —
①ᠴᠠᠭᠠᠨ ᠡᠮᠡ ᠲᠠᠤᠯᠠᠢ ᠵᠢᠯ ᠂ ᠸᠠᠨ ᠯᠢ ᠶ᠋ᠢᠨ ᠠᠷᠪᠠ ᠶᠢᠰᠦᠳᠦᠭᠡᠷ ᠣᠨ (1519) ᠃
②ᠬᠤᠪᠢᠯᠭᠠᠨ ᠰᠠᠷᠠ ᠭᠡᠳᠡᠭ ᠨᠢ ᠴᠠᠭᠠᠨ ᠰᠠᠷᠠ ᠶ᠋ᠢ ᠬᠡᠯᠡᠨᠡ ᠃
③ᠰᠢᠷᠠ ᠶ᠋ᠢᠨ ᠱᠠᠰᠢᠨ ᠪᠠ ᠤᠯᠠᠭᠠᠨ ᠤ᠋ ᠱᠠᠰᠢᠨ ᠢ᠋ ᠥᠭᠦᠯᠡᠵᠦ ᠪᠣᠢ ᠃ ᠰᠢᠷᠠ ᠶ᠋ᠢᠨ ᠱᠠᠰᠢᠨ ᠪᠣᠯ ᠰᠢᠷᠠ ᠬᠤᠪᠴᠠᠳ ᠰᠢᠷᠠ ᠮᠠᠯᠠᠭᠠᠢ ᠡᠮᠦᠰᠦᠨᠡ ᠂ ᠤᠯᠠᠭᠠᠨ ᠤ᠋ ᠱᠠᠰᠢᠨ ᠪᠣᠯ ᠤᠯᠠᠭᠠᠨ ᠬᠤᠪᠴᠠᠳ ᠤᠯᠠᠭᠠᠨ ᠮᠠᠯᠠᠭᠠᠢ ᠡᠮᠦᠰᠦᠨᠡ ᠂ ᠡᠢᠮᠦ ᠶ᠋ᠢᠨ ᠲᠤᠯᠠ ᠲᠡᠳᠡᠨ ᠢ᠋ ᠰᠢᠷᠠ ᠮᠠᠯᠠᠭᠠᠢᠳᠠᠨ ᠂ ᠤᠯᠠᠭᠠᠨ ᠮᠠᠯᠠᠭᠠᠢᠳᠠᠨ ᠭᠡᠵᠦ ᠲᠤᠰ ᠲᠤᠰ ᠨᠡᠷᠡᠢᠳᠦᠨ ᠥᠭᠦᠯᠡᠬᠦ ᠪᠣᠯᠵᠠᠢ ᠃
④ ᠨᠠᠮᠤᠲᠠᠢ ᠰᠡᠴᠡᠨ ᠬᠠᠭᠠᠨ ᠤ᠋ ᠠᠴᠢ ᠪᠣᠱᠣᠭ ᠲᠤ᠌ ᠬᠣᠩ ᠲᠠᠶ᠋ᠢᠵᠢ ᠃
ᠪᠠᠷᠠᠭᠤᠨ ᠡᠲᠡᠭᠡᠳ ᠦ᠋ᠨ ᠬᠢᠲᠠᠳ ᠲᠥᠪᠡᠳ ᠰᠢᠷᠠᠢᠭᠤᠷ ᠵᠠᠷᠯᠢᠭ ᠠ᠋ᠴᠠ ᠡᠲᠡᠭᠡᠳ ᠶᠠᠪᠤᠭᠰᠠᠨ ᠢ᠋ ᠭᠡᠰᠡᠭᠡᠵᠦ ᠂
ᠪᠠᠷᠢᠮᠲᠠᠯᠠᠵᠤ ᠥᠪᠡᠷ ᠦ᠋ᠨ ᠡᠷᠬᠡ ᠳ᠋ᠦ᠍ᠷ ᠣᠷᠣᠭᠤᠯᠤᠭᠠᠳ ᠲᠠᠯᠪᠢᠵᠤ ᠪᠦᠷ ᠦ᠋ᠨ ᠂
ᠪᠠᠶᠠᠰᠬᠤᠯᠠᠩ ᠲᠠᠶᠠ ᠴᠠᠭᠠᠨ ᠲᠠᠤᠯᠠᠢ ᠵᠢᠯᠡ ᠡᠰᠡᠨ ᠲᠥᠭᠡᠯ ᠬᠠᠷᠢᠵᠤ ᠪᠠᠭᠤᠪᠠᠢ ᠃
ᠬᠣᠢᠨᠠ ᠪᠠᠰᠠ ᠪᠠᠭᠤᠭᠠᠳ ᠰᠡᠴᠡ ᠬᠠᠷᠠ ᠯᠤᠤ ᠵᠢᠯᠡ① ᠬᠠᠭᠠᠨ ᠡᠬᠢᠯᠡᠨ ᠬᠠᠮᠤᠭ ᠪᠦᠭᠦᠳᠡᠭᠡᠷ ᠂
ᠬᠤᠪᠢᠯᠭᠠᠨ ᠢ᠋ᠶ᠋ᠠᠷ ᠲᠥᠷᠥᠭᠰᠡᠨ ᠳᠠᠯᠠᠢ ᠯᠠᠮᠠ② ᠳ᠋ᠤᠷ ᠬᠦᠰᠡᠬᠦᠢ ᠰᠡᠳᠬᠢᠯ ᠦ᠋ᠨ ᠡᠭᠦᠳᠡᠨᠴᠡ ᠮᠥᠷᠭᠥᠨ ᠂
ᠬᠣᠲᠠᠯᠠ ᠪᠦᠭᠦᠳᠡᠭᠡᠷ ᠴᠠᠭᠠᠨ ᠨᠠᠬᠤᠢ ③ ᠨᠡᠷᠡᠲᠦ ᠭᠠᠵᠠᠷᠠ ᠬᠦᠷᠦᠭᠡᠳ ᠂
ᠬᠤᠲᠤᠭ ᠲᠤ᠌ ᠳᠠᠯᠠᠢ ᠯᠠᠮᠠ ᠯᠤᠭᠠ ᠡᠯᠳᠡᠪ ᠵᠦᠢᠯ ᠳ᠋ᠦ᠍ ᠪᠡᠯᠬᠡᠰ ᠢ᠋ ᠪᠡᠯᠭᠡᠯᠡᠵᠦ ᠠᠭᠤᠯᠵᠠᠯᠳᠤᠪᠠᠢ ᠃
— — — —
①ᠬᠠᠷᠠ ᠡᠷᠡ ᠯᠤᠤ ᠵᠢᠯ ᠂ ᠸᠠᠨ ᠯᠢ ᠶ᠋ᠢᠨ ᠬᠣᠷᠢᠳᠤᠭᠠᠷ ᠣᠨ (1592 )᠃
②ᠨᠠᠮᠤᠲᠠᠢ ᠰᠡᠴᠡᠨ ᠬᠠᠭᠠᠨ ᠤ᠋ ᠳᠡᠭᠦᠦ ᠰᠦᠮᠪᠦᠷ ᠲᠠᠢᠵᠢ ᠶ᠋ᠢᠨ ᠬᠥᠪᠡᠭᠦᠨ ᠳᠥᠲᠥᠭᠡᠷ ᠲᠥᠷᠥᠯ ᠦ᠋ᠨ ᠳᠠᠯᠠᠢ ᠯᠠᠮᠠ ᠶᠣᠨᠳᠣᠨᠵᠠᠮᠰᠤ ᠶ᠋ᠢ ᠬᠡᠯᠡᠵᠡᠢ ᠃
③ ( ᠪᠧᠢ ᠯᠦ᠍ ᠹᠧᠩ ᠰᠦ᠍ ) ᠪᠢᠴᠢᠭ ᠲᠡᠬᠢ ᠳᠠᠭᠠᠯᠳᠤᠭᠤᠯᠤᠯ ᠪᠣᠯᠬᠤ 《 ᠮᠣᠩᠭᠣᠯ ᠤ᠋ᠨ ᠦᠶᠡ ᠵᠠᠯᠭᠠᠮᠵᠢᠯᠠᠯ 》 ᠳ᠋ᠤ᠌ ᠲᠡᠮᠳᠡᠭᠯᠡᠭᠰᠡᠨ ᠢ᠋ ᠦᠨᠳᠦᠰᠦᠯᠡᠪᠡᠯ᠂ ᠰᠦᠮᠪᠦᠷ ᠲᠠᠢᠵᠢ 《 ᠰᠢᠦᠸᠠᠨ ᠹᠦ ᠬᠣᠲᠠ ᠶ᠋ᠢᠨ ᠬᠠᠷᠢᠶᠠ ᠳᠣᠣᠷᠠᠲᠤ ᠪᠠᠷᠠᠭᠤᠨ ᠭᠠᠷᠤᠨ ᠵᠠᠮ ᠤ᠋ᠨ ᠴᠢᠭ ᠤᠮᠠᠷᠠᠲᠤ ᠬᠢᠯᠢ ᠶ᠋ᠢᠨ ᠭᠠᠳᠠᠨᠠ ᠪᠠᠢᠭᠠ ᠴᠠᠭᠠᠨ ᠨᠠᠭᠤᠷ (察哈猱儿 )ᠭᠡᠬᠦ ᠭᠠᠵᠠᠷ ᠲᠤᠷ ᠨᠤᠲᠤᠭᠯᠠᠨ ᠮᠡᠯᠵᠢᠮᠦᠢ 》 ᠭᠡᠵᠡᠢ ᠃ ᠡᠨᠳᠡ 《ᠴᠠᠭᠠᠨ ᠠᠬᠤᠢ 》 ᠭᠡᠰᠡᠨ ᠨᠢ ᠴᠠᠭᠠᠨ ᠨᠠᠭᠤᠷ ᠭᠡᠬᠦ ᠶ᠋ᠢᠨ ᠡᠨᠳᠡᠭᠦᠦ ᠪᠢᠴᠢᠯᠭᠡ ᠪᠣᠯᠤᠨᠠ ᠃ ᠴᠠᠭᠠᠨ ᠨᠠᠭᠤᠷ ᠭᠡᠬᠦ ᠭᠠᠵᠠᠷ ᠪᠣᠯ ᠡᠳᠦᠭᠡ ᠶ᠋ᠢᠨ ᠤᠯᠠᠭᠠᠨᠴᠠᠪ ᠠᠢᠮᠠᠭ ᠤ᠋ᠨ ᠱᠠᠩᠳᠤ ᠰᠢᠶᠠᠨ（商都县） ᠤ᠋ ᠡᠮᠦᠨᠡ ᠬᠢᠵᠠᠭᠠᠷ ᠲᠤ᠌ ᠪᠣᠢ ᠃
ᠳᠠᠯᠠᠢ ᠯᠠᠮᠠ ᠠᠭᠤᠯᠵᠠᠵᠤ ᠨᠠᠢᠷᠠᠯᠳᠤᠨ ᠰᠠᠬᠤᠭᠤᠢ ᠤᠴᠢᠷ ᠲᠤᠷ ᠂
ᠳᠠᠷᠤᠢ ᠳ᠋ᠤᠷ ᠨᠠᠨᠭᠢᠶᠠᠭᠠᠳ① ᠤᠯᠤᠰ ᠠ᠋ᠴᠠ ᠬᠣᠯᠢᠶᠠ ᠮᠥᠩᠬᠡ ᠪᠡᠷ ᠲᠡᠷᠢᠭᠦᠲᠡᠨ ᠮᠢᠩᠭᠠᠨ ᠴᠡᠷᠢᠭ ᠂
ᠳᠠᠬᠢ ᠪᠠᠰᠠ ᠭᠠᠯ ᠳ᠋ᠤ᠌ ᠨᠣᠶᠠᠨ② ᠳ᠋ᠤᠷ ᠤᠷᠪᠠᠵᠤ ᠣᠷᠣᠭᠰᠠᠨ ᠢ᠋ ᠲᠡᠭᠦ ᠶᠦ᠍ᠭᠡᠨ ᠡᠵᠡᠯᠡᠵᠦ ᠂
ᠳᠡᠢᠮᠢᠩ ᠬᠠᠭᠠᠨ ᠤ᠋ ᠢᠯᠡᠭᠡᠭᠰᠡᠨ ᠡᠯᠴᠢᠰ ᠲᠣᠷ ᠶᠡᠬᠡ ᠲᠥᠷᠥ ᠶ᠋ᠢ ᠰᠠᠨᠠᠵᠤ ᠪᠦᠷ ᠦ᠋ᠨ ᠃
ᠴᠠᠭᠯᠠᠰᠢ ᠦᠭᠡᠢ ᠪᠤᠶᠠᠨ ᠳ᠋ᠤ᠌ ᠨᠠᠮᠤᠲᠠᠢ ᠰᠡᠴᠡᠨ ᠬᠠᠭᠠᠨ ᠪᠠᠷᠢᠵᠤ ᠥᠭᠭᠦᠭᠰᠡᠨ ᠳ᠋ᠦ᠍ᠷ ᠂
ᠴᠠᠭ ᠦᠭᠡᠢ ᠪᠡᠶᠡᠰᠴᠦ ᠬᠢᠲᠠᠳ ᠤᠯᠤᠰ ᠡᠩ ᠦᠭᠡᠢ ᠰᠠᠩ ᠡᠷᠡ ③ ᠭᠠᠷᠭᠠᠭᠰᠠᠨ ᠳ᠋ᠤᠷ ᠂
ᠴᠡᠬ᠌ᠷᠠᠸᠠᠷᠳ᠋ᠢ④ ᠬᠢᠲᠠᠳ ᠮᠣᠩᠭᠣᠯ ᠤ᠋ᠨ ᠶᠡᠬᠡ ᠲᠥᠷᠥ ᠶ᠋ᠢ ᠲᠦᠪᠰᠢᠳᠬᠡᠭᠡᠳ ᠂
ᠴᠡᠬ᠌ᠷᠠᠸᠠᠷᠳ᠋ᠢ ᠠᠯᠲᠠᠨ ᠬᠠᠭᠠᠨ ᠡᠪᠦᠭᠡ ᠶᠦ᠍ᠭᠡᠨ ᠪᠠᠢᠭᠤᠯᠤᠭᠰᠠᠨ ᠲᠥᠷᠥ ᠶ᠋ᠢ ᠰᠢᠨᠡᠳᠬᠡᠭᠰᠡᠨ ᠤᠴᠢᠷ ᠲᠡᠢᠮᠦ ᠪᠥᠯᠥᠭᠡ ᠃
— — — —
①ᠨᠠᠩᠭᠢᠶᠠᠳ ᠭᠡᠬᠦ ᠶ᠋ᠢᠨ ᠣᠨᠳᠣᠣ ᠪᠢᠴᠢᠯᠭᠡ ᠃
②ᠰᠡᠩᠭᠡ ᠳᠦᠭᠦᠷᠡᠩ ᠬᠠᠭᠠᠨ ᠤ᠋ ᠶᠢᠰᠦᠳᠦᠭᠡᠷ ᠬᠥᠪᠡᠭᠦᠨ ᠃
③ᠡᠷᠡ ᠭᠡᠳᠡᠭ ᠨᠢ 《 ᠨᠠᠷᠠ 》 ᠭᠡᠬᠦ ᠶ᠋ᠢᠨ ᠤᠢᠭᠤᠷᠵᠢᠨ ᠮᠣᠩᠭᠣᠯ ᠪᠢᠴᠢᠭ ᠦ᠋ᠨ ᠪᠢᠴᠢᠯᠭᠡ ᠃ ᠤᠢᠭᠤᠷᠵᠢᠨ ᠮᠣᠩᠭᠣᠯ ᠪᠢᠴᠢᠭ ᠲᠦ᠍ ᠡᠬᠡᠰᠢᠭ ᠠᠪᠢᠶᠠ ᠦᠭᠡ ᠶ᠋ᠢᠨ ᠡᠬᠢᠨ ᠳ᠋ᠦ᠍ ᠣᠷᠣᠪᠠᠯ ᠴᠥᠮ ᠳᠢᠳᠡᠮ ᠳ᠋ᠦ᠍ ᠶᠠᠪᠤᠳᠠᠭ ᠃ ᠡᠭᠦᠨ ᠳ᠋ᠦ᠍ 《 ᠠᠷᠠ 》 ᠬᠡᠮᠡᠬᠦ ᠶ᠋ᠢᠨ ᠲᠠᠲᠠᠮ 《 ᠡ᠊ 》 ᠶ᠋ᠢ ᠠᠪᠤᠪᠠᠯ 《 ᠊ᠡᠷᠠ 》 ᠪᠣᠯᠤᠨᠠ ᠃ᠡᠭᠦᠨ ᠡᠴᠡ ᠭᠠᠳᠠᠨᠠ ᠤᠢᠭᠤᠷᠵᠢᠨ ᠮᠣᠩᠭᠣᠯ ᠪᠢᠴᠢᠭ ᠲᠦ᠍ ᠶᠡᠬᠡᠮᠰᠦᠭ ᠪᠢᠴᠢᠭ ᠪᠠᠷᠢᠮᠲᠠ ᠳ᠋ᠤ᠌ ᠳᠤᠰᠤᠯ ᠲᠠᠯᠪᠢᠬᠤ ᠦᠭᠡᠢ ᠵᠠᠩᠰᠢᠯ ᠪᠠᠢᠳᠠᠭ ᠃ ᠡᠭᠦᠨᠴᠡ ᠦᠵᠡᠪᠡᠯ ᠡᠨᠳᠡ ᠪᠢᠴᠢᠭᠰᠡᠨ 《 ᠊ᠡᠷᠠ 》 ᠭᠡᠳᠡᠭ ᠨᠢ 《 ᠨᠠᠷᠠ 》 (nere ) ᠪᠣᠯᠤᠨᠠ ᠃ 《 ᠰᠠᠩ ᠊ᠡᠷᠠ 》 (Sang nere ) ᠪᠣᠯ ᠡᠮᠦᠨᠡᠬᠢ ᠬᠡᠰᠡᠭ ᠲᠦ᠍ ᠪᠠᠢᠭᠠ 《 ᠨᠡᠷᠡ ᠰᠠᠩ 》 ᠭᠡᠬᠦ ᠯᠦ᠍ᠭᠡ ᠨᠢᠭᠡᠨ ᠠᠳᠠᠯᠢ ᠤᠳᠬᠠ ᠲᠠᠢ ᠃
④ ᠴᠠᠬ᠌ᠷᠠᠸᠠᠷᠳᠢ ᠭᠡᠬᠦ ᠦᠰᠦᠭ ᠦ᠋ᠨ ᠳᠣᠣᠷᠠ ᠨᠠᠮᠤᠳᠠᠢ ᠰᠡᠴᠡᠨ ᠬᠠᠭᠠᠨ ᠭᠡᠬᠦ ᠦᠭᠡ ᠣᠷᠬᠢᠭᠳᠠᠭᠰᠠᠨ ᠪᠣᠯᠤᠯᠲᠠᠢ ᠃
ᠬᠤᠪᠢᠯᠭᠠᠨ ᠤ᠋ ᠪᠠᠶᠠᠪᠠᠷ ᠲᠤᠰᠠᠯᠠᠭᠴᠢ ᠳᠠᠯᠠᠢ ᠯᠠᠮᠠ ᠶ᠋ᠢ ᠪᠤᠶᠠᠨ ᠳ᠋ᠤ᠌ ᠴᠠᠭᠠᠨ ᠨᠠᠭᠤᠷ ᠠ᠋ᠴᠠ ᠢᠨᠠᠷᠤ ᠂
ᠬᠣᠲᠠᠯᠠ ᠠ᠋ᠴᠠ ᠡᠷᠭᠢᠨ ᠨᠠᠮᠤᠲᠠᠢ ᠰᠡᠴᠡᠨ ᠬᠠᠭᠠᠨ ᠡᠬᠢᠯᠡᠨ ᠬᠠᠮᠤᠭ ᠶᠡᠬᠡ ᠤᠯᠤᠰ ᠪᠦᠭᠦᠳᠡᠭᠡᠷ ᠂
ᠬᠤᠷᠳᠤᠨᠠ ᠥᠭᠯᠢᠭᠡ ᠪᠠᠷᠠᠮᠢᠳ ᠢ᠋ ᠡᠩ ᠦᠭᠡᠢ ᠡᠷᠭᠦᠵᠦ ᠪᠠᠷᠢᠭᠠᠳ ᠵᠠᠯᠠᠨ ᠠᠢᠯᠠᠳᠬᠠᠭᠰᠠᠨ ᠳ᠋ᠤᠷ ᠂
ᠬᠤᠲᠤᠭ ᠲᠤ᠌ ᠳᠠᠯᠠᠢ ᠯᠠᠮᠠ ᠶ᠋ᠢᠨ ᠵᠢᠯᠤᠭᠠ ᠢᠨᠠᠭᠰᠢ ᠵᠠᠯᠠᠵᠤ ᠢᠷᠡᠬᠦᠢ ᠰᠣᠨᠣᠰᠤᠭᠠᠳ ᠰᠡᠴᠡ ᠂
ᠡᠮᠦᠨᠠ ᠢᠨᠤ ᠭᠦᠨᠴᠤᠭ ᠲᠠᠢᠵᠢ ᠡᠬᠢᠯᠡᠨ ᠮᠣᠩᠭᠣᠯᠵᠢᠨ ᠲᠦᠮᠡᠳ ᠢ᠋ᠶ᠋ᠡᠷ ᠤᠭᠲᠤᠵᠤ ᠂
ᠡᠷᠭᠢᠨ ᠬᠠᠮᠤᠭ ᠢ᠋ ᠮᠡᠳᠡᠭᠴᠢ ᠳᠠᠯᠠᠢ ᠯᠠᠮᠠ ᠳ᠋ᠤᠷ ᠪᠠᠶᠠᠨ ᠵᠢᠷᠦᠬᠡᠨ ᠨᠡᠷᠡᠲᠦ ᠭᠠᠵᠠᠷᠠ ᠬᠦᠷᠴᠦ ᠂
ᠡᠷᠳᠡᠨᠢ ᠠᠯᠲᠠᠨ ᠮᠥᠩᠭᠥᠨ ᠲᠡᠷᠢᠭᠦᠲᠡᠨ ᠪᠡᠯᠡᠭ ᠪᠠᠷᠠᠮᠢᠳ ᠢ᠋ᠶ᠋ᠠᠨ ᠡᠷᠭᠦᠨ ᠪᠠᠷᠢᠵᠤ ᠂
ᠡᠷᠬᠡᠲᠦ ᠬᠠᠭᠠᠨ ᠬᠠᠲᠤᠨ ᠡᠴᠢᠭᠡ ᠡᠬᠡ ᠶᠦ᠍ᠭᠡᠨ ᠤᠭᠲᠤᠭᠤᠯ ᠤ᠋ᠨ ᠢᠯᠡᠭᠡᠭᠰᠡᠨ ᠢ᠋ ᠠᠢᠯᠠᠳᠬᠠᠵᠤ ᠢᠷᠡᠨ ᠠᠲᠠᠯᠠ ᠂
ᠬᠠᠭᠠᠨ ᠬᠠᠲᠤᠨ ᠂ ᠠᠴᠢ ᠬᠣᠩ ᠲᠠᠢᠵᠢ ᠲᠡᠷᠢᠭᠦᠲᠡᠨ ᠬᠣᠲᠠᠯᠠ ᠪᠦᠭᠦᠳᠡᠭᠡᠷ ᠤᠭᠲᠤᠵᠤ ᠂
ᠭᠠᠢᠬᠠᠮᠰᠢᠭ᠋ ᠲᠤ᠌ ᠢᠯᠠᠭᠤᠭᠰᠠᠨ ᠴᠢᠮᠡᠭ ᠲᠤᠭ ᠢ᠋ ᠰᠢᠬᠦᠷ ᠤᠷᠤᠩᠬᠠ ᠬᠡᠢᠷᠢ ᠲᠡᠷᠢᠭᠦᠲᠡᠨ ᠢ᠋ ᠪᠠᠢᠭᠤᠯᠵᠤ ᠂
ᠬᠠᠮᠤᠭ ᠢ᠋ᠶ᠋ᠠᠷ ᠡᠯᠳᠡᠪ ᠵᠦᠢᠯ ᠴᠠᠩ ᠬᠡᠩᠭᠡᠷᠭᠡ ᠪᠢᠪᠠ ᠪᠠᠯᠠᠷ ᠪᠦᠷᠢᠶᠡ ᠪᠢᠰᠬᠢᠭᠦᠷ ᠬᠢᠭᠡᠳ ᠢ᠋ ᠳᠠᠭᠤᠷᠢᠰᠬᠠᠵᠤ ᠂
ᠬᠠᠮᠤᠭ ᠢ᠋ ᠮᠡᠳᠡᠭᠡᠴᠢ ᠳ᠋ᠠᠯᠠᠢ ᠯᠠᠮᠠ ᠶ᠋ᠢ ᠵᠣᠣ ᠰᠢᠭᠡᠮᠦᠨᠢ ᠶ᠋ᠢᠨ ᠡᠮᠦᠨᠠ ᠥᠭᠡᠳᠡ ᠪᠣᠯᠭᠠᠵᠤ ᠪᠠᠢᠭᠤᠯᠤᠭᠰᠠᠨ ᠳ᠋ᠤᠷ ᠂
ᠠᠯᠳᠠᠷᠰᠢᠭᠰᠠᠨ ᠲᠡᠭᠦᠰ ᠴᠣᠭ ᠲᠤ᠌ ᠸᠴᠢᠷᠠ ᠳ᠋ᠠᠷᠠ ᠳ᠋ᠠᠯᠠᠢ ᠯᠠᠮᠠ ᠳᠥᠷᠪᠡᠨ ᠨᠠᠰᠤᠨ ᠳ᠋ᠤᠷ ᠢ᠋ᠶ᠋ᠠᠨ ᠂
ᠠᠶᠤᠯ ᠦᠭᠡᠢ ᠠᠷᠰᠯᠠᠨ ᠲᠤ ᠳᠠᠪᠠᠴᠠᠩ ᠤ᠋ᠨ ᠳ᠋ᠡᠭᠡᠷᠡ ᠢᠨᠦ ᠂
ᠠᠩᠬᠡᠷᠠᠲᠢ ᠭᠥᠷᠦᠭᠡᠰᠦᠨ ᠦ᠌ ᠠᠷᠠᠰᠤᠨ ᠤ᠋ ᠳᠡᠪᠢᠰᠴᠦ ᠰᠠᠭᠤᠭᠠᠳ ᠰᠡᠴᠡ ᠂
ᠠᠰᠤᠷᠤ ᠮᠠᠰᠢ ᠳᠥᠷᠪᠡᠨ ᠵᠦᠢᠯ ᠬᠤᠸᠠᠷᠠᠭ ᠤ᠋ᠳ ᠤ᠋ᠨ ᠳᠤᠮᠳᠠ ᠂
ᠡᠰᠷᠤᠠ ᠶ᠋ᠢᠨ ᠡᠭᠡᠰᠢᠭ ᠢ᠋ᠶ᠋ᠡᠷ ᠨᠣᠮ ᠢ᠋ ᠨᠣᠮᠯᠠᠭᠰᠠᠨ ᠳ᠋ᠤᠷ ᠂
ᠬᠠᠭᠠᠨ ᠬᠠᠲᠤᠨ ᠲᠡᠷᠢᠭᠦᠲᠡᠨ ᠬᠠᠮᠤᠭ ᠪᠦᠭᠦᠳᠡᠭᠡᠷ ᠦᠯᠡᠮᠵᠢ ᠮᠠᠰᠢ ᠪᠢᠰᠢᠷᠡᠵᠦ ᠬᠦᠨᠳᠦᠯᠡᠪᠡᠢ ᠃
ᠭᠠᠢᠬᠠᠮᠰᠢᠭ᠋ ᠲᠤ᠌ ᠵᠣᠬᠢᠰᠲᠤ ᠪᠤᠶᠠᠨ ᠪᠠᠷᠠᠮᠢᠳ ᠢ᠋ ᠲᠥᠭᠡᠳᠡᠯᠡ ᠡᠷᠭᠦᠵᠦ ᠪᠠᠷᠢᠪᠠᠢ ᠃
ᠬᠠᠮᠤᠭ ᠪᠤᠷᠰᠠᠩ ᠬᠤᠸᠠᠷᠠᠭ ᠤ᠋ᠳ ᠤ᠋ᠨ ᠠᠢᠮᠠᠭ ᠢ᠋ ᠲᠡᠭᠰᠢ ᠬᠦᠨᠳᠦᠯᠡᠨ ᠲᠠᠬᠢᠪᠠᠢ ᠃
ᠬᠠᠮᠤᠭ ᠢ᠋ ᠮᠡᠳᠡᠭᠴᠢ ᠥᠪᠡᠷ ᠢ᠋ᠶ᠋ᠡᠨ ᠪᠥᠭᠡᠳ ᠨᠣᠮ ᠤ᠋ᠨ ᠳᠠᠭᠤᠨ ᠢ᠋ ᠠᠷᠪᠠᠨ ᠵᠦᠭ ᠲᠦ᠍ᠷ ᠯᠤᠤᠰ ᠤ᠋ᠨ ᠳᠠᠭᠤᠨ ᠮᠡᠲᠦ ᠳᠠᠭᠤᠷᠢᠰᠠᠬᠠᠪᠠᠢ ᠃
ᠲᠡᠭᠦᠨ ᠦ᠌ ᠬᠣᠢᠨᠠ ᠬᠠᠷᠠ ᠮᠣᠭᠠᠢ ᠵᠢᠯᠡ ① ᠬᠤᠪᠢᠯᠭᠠᠨ ᠰᠠᠷᠠ ᠶ᠋ᠢᠨ ᠢᠷᠥᠬᠡᠷ ᠢ᠋ ᠂
ᠳᠡᠭᠡᠳᠦ ᠮᠥᠩᠬᠡ ᠭᠠᠵᠠᠷ ᠤ᠋ᠨ ᠵᠣᠣ ᠰᠢᠭᠡᠮᠦᠨᠢ ᠶ᠋ᠢᠨ ᠡᠮᠦᠨᠡ ᠢᠷᠦᠭᠡᠬᠦ ᠶ᠋ᠢᠨ ᠶᠣᠰᠣᠭᠠᠷ ᠂
ᠳ᠋ᠠᠯᠠᠢ ᠯᠠᠮᠠ ᠲᠡᠷᠢᠭᠦᠲᠡᠨ ᠳᠥᠷᠪᠡᠨ ᠠᠢᠮᠠᠭ ᠬᠤᠸᠠᠷᠠᠭ ᠤ᠋ᠳ ᠤ᠋ᠨ ᠴᠢᠭᠤᠯᠭᠠᠨ ᠰᠡᠯᠲᠡ ᠪᠡᠷ ᠂
ᠲᠡᠭᠰᠢ ᠬᠠᠮᠤᠭ ᠠᠮᠢᠲᠠᠨ ᠤ᠋ ᠲᠤᠰᠠ ᠶ᠋ᠢᠨ ᠲᠤᠯᠠ ᠦᠷᠭᠦᠯᠵᠢ ᠲᠠᠰᠤᠷᠠᠯ ᠦᠭᠡᠢ ᠢᠷᠦᠭᠡᠷ ᠢ᠋ ᠢᠷᠥᠭᠡᠯᠭᠡᠪᠡᠢ ᠃
ᠬᠤᠲᠤᠭ ᠲᠤ᠌ ᠳᠠᠯᠠᠢ ᠯᠠᠮᠠ ᠶ᠋ᠢᠨ ᠰᠠᠢᠨ ᠠᠯᠳᠠᠷ ᠠᠷᠪᠠᠨ ᠵᠦᠭ ᠲᠦ᠍ᠷ ᠲᠥᠭᠡᠮᠡᠯᠡ ᠰᠣᠨᠣᠰᠳᠠᠭᠰᠠᠨ ᠳ᠋ᠤᠷ᠂
— — — —
① ᠬᠠᠷᠠ ᠡᠮᠡ ᠮᠣᠭᠠᠢ ᠵᠢᠯᠡ ᠂ ᠸᠠᠨ ᠯᠢ ᠶ᠋ᠢᠨ ᠬᠣᠷᠢᠨ ᠨᠢᠭᠡᠳᠦᠭᠡᠷ ᠣᠨ (1593 )᠃
ᠬᠣᠲᠠᠯᠠ ᠪᠦᠭᠦᠳᠡ ᠳᠥᠴᠢᠨ ᠲᠦᠮᠡᠨ ᠮᠣᠩᠭᠣᠯ ᠵᠡᠷᠭᠡᠪᠡᠷ ᠪᠢᠰᠢᠷᠡᠯ ᠢ᠋ ᠡᠭᠦᠰᠬᠡᠵᠦ ᠂
ᠬᠤᠷᠢᠶᠠᠵᠤ ᠥᠭᠯᠢᠭᠡ ᠪᠠᠷᠠᠮᠢᠳ ᠢ᠋ ᠦᠯᠡᠮᠵᠢ ᠮᠠᠰᠢ ᠡᠷᠭᠦᠵᠦ ᠬᠦᠨᠳᠦᠯᠡᠨ ᠲᠠᠬᠢᠭᠰᠠᠨ ᠳ᠋ᠤᠷ ᠂
ᠬᠤᠪᠢᠯᠭᠠᠨ ᠳᠠᠯᠠᠢ ᠯᠠᠮᠠ ᠶ᠋ᠢᠨ ᠨᠠᠷᠠ ᠠᠯᠳᠠᠷ ᠱᠠᠰᠢᠨ ᠢ᠋ ᠠᠷᠪᠠᠨ ᠵᠦᠭ ᠲᠦ᠍ᠷ ᠠᠯᠳᠠᠷᠰᠢᠪᠠᠢ ᠃
ᠬᠠᠷᠠ ᠯᠤᠤ ᠵᠢᠯ ᠡᠴᠡ ᠲᠡᠷᠢᠭᠦᠯᠡᠵᠦ ᠴᠠᠭᠠᠨ ᠬᠤᠯᠤᠭᠤᠨᠠ ᠵᠢᠯᠡ ᠬᠦᠷᠲᠡᠯᠡ ᠂①
ᠬᠠᠮᠤᠭ ᠤ᠋ᠨ ᠡᠬᠡ ᠪᠢᠯᠢᠭ ᠪᠠᠷᠠᠮᠢᠳ ᠢ᠋ ᠣᠷᠴᠢᠭᠤᠯᠵᠤ ᠳᠡᠪᠲᠡᠷ ᠲᠣᠷ ᠣᠷᠣᠰᠢᠭᠤᠯᠪᠠᠢ ᠃
ᠬᠠᠭᠠᠨ ᠬᠠᠲᠤᠨ ᠲᠡᠷᠢᠭᠦᠲᠡᠨ ᠬᠣᠲᠠᠯᠠ ᠪᠦᠭᠦᠳᠡᠭᠡᠷ ᠵᠥᠪᠰᠢᠶᠡᠵᠦ ᠪᠦᠷ ᠦ᠋ᠨ ᠂
ᠬᠠᠮᠤᠭ ᠢ᠋ ᠮᠡᠳᠡᠭᠴᠢ ᠳᠠᠯᠠᠢ ᠯᠠᠮᠠ ᠶ᠋ᠢᠨ ᠵᠠᠷᠯᠢᠭ ᠢ᠋ᠶ᠋ᠠᠷ ᠪᠠᠷᠠᠭᠤᠨ ᠡᠲᠡᠭᠡᠳ ᠮᠥᠩᠬᠡ ᠭᠠᠵᠠᠷᠠ ᠂
ᠮᠢᠩᠭᠠᠨ ᠲᠠᠪᠤᠨ ᠵᠠᠭᠤᠨ ᠰᠢᠵᠢᠷ ᠢ᠋ᠶ᠋ᠡᠷ ᠡᠭᠦᠳᠦᠭᠰᠡᠨ ᠮᠥᠩᠭᠥᠨ ᠮᠠᠨᠳᠠᠯ ᠢ᠋ ᠲᠡᠷᠢᠭᠦᠯᠡᠨ ᠂
ᠮᠠᠰᠢ ᠡᠯᠳᠡᠪ ᠵᠦᠢᠯ ᠡᠷᠳᠡᠨᠢ ᠡᠳ᠋ ᠲᠠᠸᠠᠷ ᠨᠤᠭᠤᠳ ᠢ᠋ ᠮᠥᠩᠬᠡ ᠭᠠᠵᠠᠷᠠ ᠬᠦᠷᠭᠡᠨ ᠂
ᠢᠮᠠᠭᠲᠠ ᠢᠯᠠᠭᠤᠭᠰᠠᠨ ᠵᠣᠣ ᠰᠢᠭᠡᠮᠦᠨᠢ ᠳ᠋ᠦ᠍ᠷ ᠲᠠᠬᠢᠯ ᠥᠭᠯᠢᠭᠡ ᠪᠠᠷᠠᠮᠢᠳ ᠢ᠋ ᠡᠷᠭᠦᠨ ᠂
ᠮᠠᠨᠵᠢᠨ ᠵᠠᠳ ②ᠬᠢᠭᠡᠳ ᠢ᠋ ᠲᠥᠭᠡᠬᠦᠢᠨ ᠲᠤᠯᠠ ᠡᠯᠴᠢ ᠰᠢᠷᠡᠭᠡ ᠳ᠋ᠦ᠍ ᠭᠦᠰᠢ ᠴᠣᠷᠴᠢ ③ ᠲᠡᠷᠢᠭᠦᠲᠡᠨ ᠂
— — — —
① ᠬᠠᠷᠠ ᠡᠷᠡ ᠯᠤᠤ ᠵᠢᠯ ( ᠸᠠᠨ ᠯᠢ ᠶ᠋ᠢᠨ ᠬᠣᠷᠢᠳᠤᠭᠠᠷ ᠣᠨ ᠂1592 ᠣᠨ ) ᠠ᠋ᠴᠠ ᠴᠠᠭᠠᠨ ᠡᠷᠡ ᠬᠤᠯᠤᠭᠠᠨᠠ ᠵᠢᠯ ( ᠸᠠᠨ ᠯᠢ ᠶ᠋ᠢᠨ ᠬᠣᠷᠢᠨ ᠨᠠᠢ᠍ᠮᠠᠳᠤᠭᠠᠷ ᠣᠨ ᠂ 1600 ᠣᠨ ) ᠬᠦᠷᠲᠡᠯᠡᠬᠢ ᠶ᠋ᠢ ᠬᠡᠯᠡᠵᠦ ᠪᠣᠢ ᠃
② ᠡᠮᠦᠨᠡ ᠬᠡᠰᠡᠭ ᠲᠦ᠍ ᠵᠠᠳ ᠮᠠᠨᠵᠠ ᠭᠡᠵᠦ ᠪᠢᠴᠢᠵᠡᠢ ᠃
③ ᠪᠠᠰᠠ ᠰᠢᠳᠢᠲᠦ ᠭᠠᠪᠴᠤ ᠭᠡᠨᠡ ᠂ ᠳᠥᠲᠥᠭᠡᠷ ᠳᠠᠯᠠᠢ ᠯᠠᠮᠠ ᠶ᠋ᠢᠨ ᠨᠣᠮ ᠤ᠋ᠨ ᠪᠠᠭᠰᠢ ᠂ ᠬᠥᠬᠡᠬᠣᠲᠠ ᠶ᠋ᠢᠨ ᠰᠢᠷᠡᠭᠡᠲᠦ ᠵᠣᠣ ᠶ᠋ᠢᠨ ᠠᠩᠬᠠᠳᠤᠭᠠᠷ ᠲᠥᠷᠥᠯ ᠦ᠋ᠨ ᠬᠤᠪᠢᠯᠭᠠᠨ ᠪᠣᠯᠬᠤ ᠰᠢᠷᠡᠭᠡᠲᠦ ᠭᠦᠰᠢ ᠴᠣᠷᠵᠢ ᠶ᠋ᠢ ᠬᠡᠯᠡᠨᠡ ᠃
ᠰᠠᠢᠳ ᠠ᠋ᠴᠠ ᠮᠣᠩᠭᠣᠯᠵᠢᠨ ᠤ᠋ ᠲᠥᠭᠡᠳᠦ ᠳᠠᠷᠬᠠᠨ ᠭᠦᠶᠡᠩ ᠲᠠᠢᠵᠢ ᠰᠢᠷᠠᠪ ᠵᠠᠮᠰᠤ ᠬᠢᠭᠡᠳ ᠂
ᠰᠡᠴᠡ ᠣᠷᠣᠭᠠᠳ ᠤᠢᠭᠤᠷᠵᠢᠨ ᠠ᠋ᠴᠠ ᠤᠩ ᠭᠦᠰᠢ ᠵᠢᠰᠦᠲᠡᠢ ᠰᠠᠷᠮᠢᠯᠢ ᠬᠢᠭᠡᠳ ᠂
ᠰᠠᠢᠳ ᠲᠦᠰᠢᠮᠡᠳ ᠲᠡᠷᠢᠭᠦᠲᠡᠨ ᠲᠠᠪᠤᠨ ᠠᠢᠮᠠᠭ ᠲᠤᠷᠰᠢᠭᠤᠯ ᠢ᠋ ᠴᠤᠭᠯᠠᠭᠤᠯᠤᠭᠠᠳ ᠂
ᠰᠡᠴᠡᠯᠡᠯ ᠦᠭᠡᠢ ᠬᠠᠭᠠᠨ ᠬᠠᠲᠤᠨ ᠡᠮᠦᠨᠡ ᠡᠴᠡᠭᠡᠨ ᠵᠠᠬᠢᠷᠴᠤ ᠶᠠᠪᠤᠭᠤᠯᠪᠠᠢ ᠦᠳᠲᠡᠷ ᠪᠥᠭᠡᠳ ᠃
ᠬᠤᠲᠤᠭ ᠲᠤ᠌ ᠳᠠᠯᠠᠢ ᠯᠠᠮᠠ ᠶ᠋ᠢᠨ ᠠᠳᠢᠰᠲᠢᠳ ᠤ᠋ᠨ ᠢᠪᠡᠭᠡᠯ ᠢ᠋ᠶ᠋ᠡᠷ ᠂
ᠬᠣᠲᠠᠯᠠ ᠶ᠋ᠢᠨ ᠡᠵᠡᠨ ᠬᠠᠭᠠᠨ ᠬᠠᠲᠤᠨ ᠤ᠋ ᠪᠤᠶᠠᠨ ᠤ᠋ ᠤᠴᠠᠷᠠᠯ ᠢ᠋ᠶ᠋ᠠᠷ ᠠᠮᠤᠭᠤᠯᠠᠩ ᠬᠦᠷᠴᠦ ᠂
ᠬᠤᠪᠢᠯᠭᠠᠨ ᠵᠣᠣ ᠰᠢᠭᠡᠮᠦᠨᠢ ᠶ᠋ᠢᠨ ᠡᠮᠦᠨᠡ ᠮᠠᠨᠳᠠᠯ ᠡᠷᠭᠦᠭᠡᠳ ᠪᠠᠷᠠᠮᠢᠳ ᠢ᠋ᠶ᠋ᠠᠷ ᠲᠦᠭᠡᠭᠡᠵᠦ ᠂
ᠭᠤᠷᠪᠠᠨ ᠬᠡᠢᠳ ① ᠲᠡᠷᠢᠭᠦᠲᠡᠨ ᠪᠰᠠᠮᠠ ᠴᠥᠩᠭᠥᠷ ᠷᠰᠠᠩ ②ᠪᠷᠠᠰᠢ ᠯᠤᠩᠪᠤ ③ᠤᠷᠢ ᠭᠦᠷᠪᠦᠯᠡᠨ ᠂
— — — —
① ᠺᠠᠯᠳᠠᠨ ᠰᠦᠮᠡ (甘丹寺) ᠂ ᠵᠧᠪᠠᠩ ᠰᠦᠮᠡ ᠂ ᠰᠸᠷᠠ ᠰᠦᠮᠡ ᠶ᠋ᠢ ᠬᠡᠯᠡᠵᠦ ᠪᠣᠢ ᠃ ᠺᠠᠯᠳᠠᠨ ᠰᠦᠮᠡ ᠪᠣᠯ ᠯᡁᠡᠰᠨ ᠡᠴᠡ ᠵᠡᠭᠦᠨᠰᠢ ᠲᠠᠪᠢᠨ ᠭᠠᠵᠠᠷ ᠤ᠋ᠨ ᠦᠵᠦᠭᠦᠷ ᠲᠦ᠍ ᠪᠣᠢ ᠂ 1409 ᠣᠨ ᠳ᠋ᠤ᠌ ᠴᠥᠩᠭᠡᠪᠡ ᠪᠠᠢᠭᠤᠯᠵᠠᠢ ᠃ ᠵᠧᠪᠠᠩ ᠰᠦᠮᠡ ᠪᠣᠯ ᠯᡁᠡᠰᠨ ᠦ᠌ ᠪᠠᠷᠠᠭᠤᠨ ᠪᠡᠶᠡ ᠳ᠋ᠦ᠍ ᠪᠣᠢ ᠂ 1416 ᠣᠨ ᠳ᠋ᠤ᠌ ᠴᠥᠩᠭᠡᠪᠡ ᠶ᠋ᠢᠨ ᠱᠠᠪᠢ ᠷᠠᠰᠢᠪᠠᠯᠲᠠᠨ ᠪᠠᠢᠭᠤᠯᠵᠠᠢ ᠃ ᠰᠸᠷᠠ ᠰᠤᠮᠠ ᠶ᠋ᠢ ᠪᠠᠰᠠ ᠠᠯᠲᠠᠨ ᠠᠭᠤᠯᠠ ᠶ᠋ᠢᠨ ᠰᠦᠮᠡ (金山寺) ᠭᠡᠨᠡ ᠂ ᠯᡁᠡᠰᠨ ᠦ᠌ ᠬᠣᠢᠲᠤ ᠲᠠᠯᠠ ᠳ᠋ᠤ᠌ ᠪᠣᠢ ᠂ 1419 ᠣᠨ ᠳ᠋ᠤᠷ ᠴᠥᠩᠬᠡᠪᠡ ᠶ᠋ᠢᠨ ᠨᠥᠭᠥᠭᠡ ᠱᠠᠪᠢ ᠱᠠᠬᠢᠶᠧᠰᠢ ᠪᠠᠢᠭᠤᠯᠵᠠᠢ ᠃
②ᠡᠨᠡ ᠰᠦᠮᠡ ᠪᠣᠯ ᠰᠢ ᠺᠠᠩ (西康 ) ᠤ᠋ᠨ ᠯᠢ ᠳᠠᠩ (理塘 ) ᠳ᠋ᠤ᠌ ᠪᠣᠢ ᠂ ᠪᠠᠰᠠ ᠯᠢ ᠳᠠᠩ ᠰᠦᠮᠡ ᠭᠡᠵᠦ ᠳᠠᠭᠤᠳᠠᠨᠠ ᠃ 1580 ᠣᠨ ᠳ᠋ᠤ᠌ ᠭᠤᠲᠠᠭᠠᠷ ᠳᠠᠯᠠᠢ ᠯᠠᠮᠠ ᠪᠰᠦ᠋ᠨᠳ᠋ᠨᠠᠮ ᠷᠬᠢᠡᠮᠰᠤ ᠪᠠᠢᠭᠤᠯᠵᠠᠢ ᠃
③ ᠷᠢᠭᠠᠠᠼ ( 日喀则) ᠤ᠋ᠨ ᠡᠮᠦᠨᠡ ᠪᠣᠢ ᠃ 1447 ᠣᠨ ᠳ᠋ᠤ᠌ ᠴᠥᠩᠭᠡᠪᠡ ᠶ᠋ᠢᠨ ᠱᠠᠪᠢ ᠠᠩᠬᠠᠳᠤᠭᠠᠷ ᠲᠥᠷᠥᠯ ᠦ᠋ᠨ ᠳᠠᠯᠠᠢ ᠯᠠᠮᠠ ᠷᠭᠡᠨᠳᠦᠨ ᠷᠤᠪᠪᠠ ᠪᠠᠢᠭᠤᠯᠵᠠᠢ ᠃
ᠦᠯᠡᠮᠵᠢ ᠬᠡᠲᠦᠷᠬᠡᠶᠡ ᠪᠣᠯᠤᠭᠰᠠᠨ ᠬᠠᠮᠤᠭ ᠬᠡᠢᠳ ᠰᠦᠮᠡ ᠨᠤᠭᠤᠳ ᠲᠤᠷ ᠂
ᠦᠷᠭᠦᠯᠵᠢ ᠲᠠᠰᠤᠷᠠᠯ ᠦᠭᠡᠢ ᠥᠭᠯᠢᠭᠡ ᠪᠠᠷᠠᠮᠢᠳ ᠢ᠋ ᠡᠷᠭᠦᠭᠡᠳ ᠂
ᠦᠨᠡᠬᠡᠷ ᠳᠠᠯᠠᠢ ᠯᠠᠮᠠ ᠶ᠋ᠢᠨ ᠳᠡᠭᠡᠳᠦ ᠲᠥᠷᠥᠯ ᠳ᠋ᠦ᠍ᠷ ᠴᠢᠬᠤᠯᠠ ᠠᠭᠴᠢ ᠪᠰᠠᠩᠵᠤᠳ ᠪᠠ ① ᠲᠡᠷᠢᠭᠦᠲᠡᠨ ᠂
ᠦᠯᠡᠮᠵᠢ ᠴᠠᠭᠠᠨ ᠬᠦᠷᠢᠶᠡ ᠡᠬᠢᠯᠡᠨ ᠬᠤᠸᠠᠷᠠᠭ ᠤ᠋ᠳ ᠢ᠋ ᠵᠠᠯᠠᠵᠤ ᠢᠷᠡᠵᠦᠬᠦᠢ ᠃
ᠲᠡᠭᠦᠰ ᠴᠣᠭ ᠲᠤ᠌ ᠪᠠᠶᠠᠰᠬᠤᠯᠠᠩ ᠤ᠋ᠨ ᠣᠷᠣᠨ ᠳ᠋ᠠᠬᠢ ᠬᠤᠸᠠᠷᠠᠭ ᠤ᠋ᠳ ᠤ᠋ᠨ ᠡᠷᠭᠢᠨ ᠲᠤᠯᠪᠠ ᠴᠣᠷᠵᠢ ᠬᠢᠭᠡᠳ ᠂
ᠲᠡᠭᠦᠳᠡᠭᠡᠷᠡᠯ ᠦᠭᠡᠢ ᠶᠠᠷᠯᠤᠩ ᠬᠠᠭᠠᠨ ᠤ᠋ ᠡᠯᠴᠢ ᠬᠢᠭᠡᠳ ᠭᠤᠷᠪᠠᠨ ᠬᠡᠢᠳ ᠦ᠋ᠨ ᠡᠯᠴᠢᠰ ᠪᠠ ᠂
ᠲᠥᠪᠡᠳ ᠦ᠋ᠨ ᠶᠡᠬᠡ ᠪᠠᠬᠠ ᠨᠣᠶᠠᠳ ᠤ᠋ᠨ ᠡᠯᠴᠢᠰ ᠬᠣᠲᠠᠯᠠ ᠪᠦᠭᠦᠳᠡᠭᠡᠷ ᠂
ᠲᠡᠭᠰᠢ ᠬᠠᠮᠤᠭ ᠢ᠋ ᠮᠡᠳᠡᠭᠴᠢ ᠳᠠᠯᠠᠢ ᠯᠠᠮᠠ ᠶ᠋ᠢ ᠵᠠᠯᠠᠬᠤ ᠶ᠋ᠢᠨ ᠲᠤᠯᠠ ᠢᠷᠡᠭᠰᠡᠨ ᠪᠤᠶᠤ ᠃
ᠢᠷᠡᠭᠡᠳ ᠰᠡᠴᠡ ᠲᠤᠯᠪᠠ ᠴᠣᠷᠵᠢ ᠪᠰᠠᠩᠵᠤᠳ ᠪᠠ ᠲᠡᠷᠢᠭᠦᠲᠡᠨ ᠲᠥᠪᠡᠳ ᠦ᠋ᠨ ᠮᠠᠷᠭᠢᠨ ᠯᠠᠮᠠ ᠨᠠᠷ ᠂
ᠢᠯᠠᠭᠤᠭᠰᠠᠨ ᠬᠤᠪᠢᠯᠭᠠᠨ ᠪᠡᠶᠡ ᠲᠤ ᠳᠠᠯᠠᠢ ᠯᠠᠮᠠ ᠶ᠋ᠢᠨ ᠬᠤᠪᠢᠯᠭᠠᠨ ᠮᠥᠨ ᠪᠤᠶᠤ ᠪᠤᠰᠤ ᠪᠤᠶᠤ ᠭᠡᠮᠡᠨ ᠰᠡᠵᠢᠭᠯᠡᠭᠰᠡᠨ ᠳ᠋ᠦ᠍ᠷ ᠂
ᠢᠯᠡᠳᠡ ᠳᠤᠲᠠᠷᠠ ᠳᠠᠯᠠᠢ ᠪᠯᠠᠮᠠ ᠪᠡᠯᠬᠡᠰ ᠢ᠋ ᠦᠵᠦᠭᠦᠯᠵᠦ ᠡᠴᠢᠨᠡ ᠳ᠋ᠡᠬᠢ ᠦᠢᠯᠡᠰ ᠢ᠋ ᠤᠬᠠᠭᠰᠠᠨ ᠳ᠋ᠤᠷ᠂
ᠢᠯᠠᠩᠭᠤᠶᠠ ᠬᠠᠮᠤᠭ ᠢ᠋ ᠰᠦᠷ ᠢ᠋ᠶ᠋ᠡᠷ ᠳᠠᠷᠤᠭᠰᠠᠨ ᠳ᠋ᠤᠷ ᠰᠦᠰᠦᠯᠵᠦ ᠪᠢᠰᠢᠷᠡᠭᠡᠳ ᠬᠦᠨᠳᠦᠯᠡᠵᠦ ᠲᠡᠭᠡᠪᠡᠢ ᠃
ᠲᠡᠭᠦᠨ ᠦ᠌ ᠬᠣᠢᠨ᠋ᠨ ᠬᠠᠮᠤᠭ ᠢ᠋ ᠮᠡᠳᠡᠭᠴᠢ ᠳᠠᠯᠠᠢ ᠯᠠᠮᠠ ᠥᠪᠡᠷ ᠢ᠋ᠶ᠋ᠡᠨ ᠪᠥᠭᠡᠳ ᠂
— — — —
① ᠰᠦᠮᠡ ᠶ᠋ᠢᠨ ᠰᠠᠩ ᠤ᠋ᠨ ᠮᠡᠳᠡᠭᠡᠴᠢ ᠯᠠᠮᠠ ᠃
ᠲᠡᠭᠰᠢ ᠮᠣᠩᠭᠣᠯ ᠤ᠋ᠨ ᠣᠷᠣᠨ ᠳ᠋ᠠᠬᠢ ᠥᠭᠯᠢᠭᠡ ᠶ᠋ᠢᠨ ᠡᠵᠡᠳ ᠲᠣᠷ ᠢ᠋ᠶ᠋ᠠᠨ ᠵᠠᠷᠯᠢᠭ ᠪᠣᠯᠵᠤ :
《 ᠲᠡᠨᠳᠡ ᠪᠠᠷᠠᠭᠤᠨ ᠡᠲᠡᠭᠡᠳ ᠮᠥᠩᠬᠡ ᠭᠠᠵᠠᠷ ᠤ᠋ᠨ ᠵᠣᠣ ᠰᠢᠭᠡᠮᠦᠨᠢ ᠶ᠋ᠢᠨ ᠡᠮᠦᠨ᠋ᠨ ᠡᠴᠡ ᠂
ᠲᠡᠭᠦᠰ ᠢᠯᠠᠭᠤᠭᠰᠠᠨ ᠽᠦᠩᠭᠡᠪᠡ ᠶ᠋ᠢᠨ ᠰᠢᠷᠡᠭᠡᠨ ᠦ᠌ ᠴᠣᠷᠵᠢ ᠶ᠋ᠢᠨ ᠲᠣᠢᠨ ᠪᠣᠯᠬᠤ ᠶᠣᠰᠣ ᠲᠤ ᠪᠥᠯᠥᠭᠡ ᠪᠢ ! 》
ᠭᠡᠮᠡᠨ ᠵᠠᠷᠯᠢᠭ ᠪᠣᠯᠤᠭᠠᠳ ᠠᠢᠯᠠᠳᠳᠤᠭᠰᠠᠨ ᠤᠴᠢᠷ ᠲᠤᠷ ᠂
ᠭᠡᠮ ᠦᠭᠡᠢ ᠶᠡᠬᠡᠡ᠋ ᠪᠠᠭᠠ ᠨᠣᠶᠠᠳ ᠴᠢᠭᠤᠯᠤᠭᠠᠳ ᠂
ᠬᠡᠯᠡᠯᠴᠡᠵᠦ ᠬᠠᠭᠠᠨ ᠬᠠᠲᠤᠨ ᠬᠠᠮᠤᠭ ᠪᠦᠭᠦᠳᠡᠭᠡᠷ ᠂
ᠭᠡᠲᠦᠯᠭᠡᠭᠴᠢ ᠳᠠᠯᠠᠢ ᠯᠠᠮᠠ ᠶ᠋ᠢᠨ ᠵᠠᠷᠯᠢᠭ ᠤ᠋ᠨ ᠬᠠᠷᠢᠭᠤ ᠡᠢᠨ ᠭᠡᠮᠡᠨ ᠠᠢᠯᠠᠳᠬᠠᠪᠠᠢ :
《 ᠬᠠᠮᠤᠭ ᠠᠮᠢᠲᠠᠨ ᠢ᠋ ᠢᠯᠭᠠᠯ ᠦᠭᠡᠢ ᠨᠢᠭᠦᠯᠡᠰ ᠦ᠋ᠨ ᠪᠥᠭᠡᠳᠡᠯᠡ ᠂
ᠬᠠᠢᠷᠠᠯᠠᠨ ᠥᠷᠥᠰᠢᠶᠡᠬᠦᠢ ᠰᠡᠳᠬᠢᠯ ᠢ᠋ᠶ᠋ᠡᠷ ᠡᠨᠡ ᠵᠦᠭ ᠲᠡᠭᠡᠨ ᠳᠤᠷᠠᠳᠤᠭᠠᠳ ᠰᠡᠴᠡ ᠂
ᠭᠠᠢᠬᠠᠮᠰᠢᠭ᠋ ᠨᠢᠭᠦᠯᠡᠰᠬᠦᠢ ᠪᠡᠷ ᠮᠠᠨᠤ ᠬᠠᠳ ᠤ᠋ᠨ ᠤᠷᠤᠭ ᠲᠤᠷ ᠲᠥᠷᠥᠵᠦ ᠪᠥᠯᠥᠭᠡ ᠴᠢ !
ᠬᠠᠮᠤᠭ ᠢ᠋ ᠮᠡᠳᠡᠭᠴᠢ ᠡᠨᠡ ᠵᠣᠣ ᠰᠢᠭᠡᠮᠦᠨᠢ ᠶ᠋ᠢᠨ ᠡᠮᠦᠨᠡ ᠲᠣᠢᠨ ᠪᠣᠯᠤᠨ ᠰᠣᠶᠣᠷᠬᠠ ! 》 ᠭᠡᠮᠡᠨ ᠥᠴᠢᠪᠡᠰᠦ ᠂
ᠡᠷᠳᠡᠮ ᠲᠤ ᠳᠠᠯᠠᠢ ᠯᠠᠮᠠ ᠵᠠᠷᠯᠢᠭ ᠪᠣᠯᠵᠤ ᠂ : 《 ᠳᠡᠭᠡᠳᠦᠰ ᠦ᠋ᠨ ᠶᠣᠰᠣᠭᠠᠷ ᠰᠢᠷᠡᠭᠡᠨ ᠦ᠌ ᠴᠣᠷᠵᠢ ᠠ᠋ᠴᠠ ᠪᠤᠰᠤ ᠂
ᠡᠨᠡ ᠵᠦᠭ ᠲᠦ᠍ᠷ ᠨᠠᠳᠤᠷ ᠯᠠᠮᠠ ᠪᠣᠯᠬᠤ ᠬᠥᠮᠦᠨ ᠦᠭᠡᠢ ᠪᠤᠶᠤ !
ᠡᠷᠭᠢᠨ ᠠᠮᠢᠲᠠᠨ ᠤ᠋ ᠲᠤᠰᠠ ᠶ᠋ᠢᠨ ᠲᠤᠯᠠ ᠲᠣᠢᠨ ᠪᠣᠯᠤᠨ ᠣᠳᠤᠮᠤᠢ ᠂ ᠦᠯᠦ ᠢᠳᠬᠠᠨ ᠰᠣᠶᠣᠷᠬᠠ !
ᠡᠢᠮᠦ ᠰᠠᠢᠨ ᠦᠢᠯᠡ ᠳ᠋ᠦ᠍ᠷ ᠮᠢᠨᠦ ᠲᠤᠰᠠᠯᠠᠪᠠᠰᠤ ᠠᠴᠢ ᠲᠤᠰᠠ ᠢᠨᠤ ᠶᠡᠬᠡ ᠪᠤᠶᠤ ! 》ᠭᠡᠮᠡᠨ ᠦᠯᠦ ᠪᠣᠯᠤᠨ ᠶᠠᠪᠤᠬᠤᠢ ᠳ᠋ᠤᠷ ᠂
ᠪᠠᠷᠠᠭᠤᠨ ᠭᠤᠷᠪᠠᠨ ᠲᠦᠮᠡᠨ ᠵᠡᠭᠦᠨ ᠭᠤᠷᠪᠠᠨ ᠲᠦᠮᠡᠨ ᠰᠦᠢ ᠬᠡᠴᠡ ᠦᠯᠡᠮ
ᠪᠠᠰᠠ ᠪᠠᠷ ᠬᠣᠶᠠᠷ ᠶᠡᠬᠡ ᠤᠯᠤᠰ ᠤ᠋ᠨ ᠲᠥᠷᠥ ᠬᠥᠳᠡᠯ ᠦ᠋ᠨ ᠵᠠᠪᠳᠤᠭᠰᠠᠨ ᠳ᠋ᠤᠷ ᠂
ᠪᠠᠭᠰᠢ ᠢᠯᠠᠭᠤᠰᠠᠨ ᠳᠠᠯᠠᠢ ᠯᠠᠮᠠ ᠥᠪᠡᠷ ᠢ᠋ᠶ᠋ᠡᠨ ᠪᠥᠭᠡᠳ ᠂
ᠪᠠᠶᠠᠰᠬᠤᠯᠠᠩ ᠲᠤ ᠵᠣᠣ ᠰᠢᠭᠡᠮᠦᠨᠢ ᠶ᠋ᠢᠨ ᠡᠮᠦᠨᠡ ᠵᠢᠷᠭᠤᠭᠠᠨ ᠲᠦᠮᠡᠨ ᠢ᠋ ᠴᠢᠭᠤᠯᠭᠠᠭᠠᠳ ᠂
ᠲᠡᠭᠰᠢ ᠨᠢᠭᠦᠯᠡᠰᠬᠦᠢ ᠰᠡᠳᠬᠢᠯ ᠦ᠋ᠨ ᠡᠭᠦᠳᠡᠴᠡ ᠡᠪᠳᠡᠷᠡᠯ ᠦᠭᠡᠢ ᠸᠴᠢᠷ ᠮᠡᠲᠦ ᠵᠠᠷᠯᠢᠭ ᠢ᠋ᠶ᠋ᠠᠷ ᠂
ᠲᠡᠳᠡᠭᠡᠷ ᠵᠢᠷᠭᠤᠭᠠᠨ ᠲᠦᠮᠡᠨ ᠢ᠋ ᠤᠷᠠᠨ ᠠᠷᠭᠠ ᠪᠠᠷ ᠡᠶᠡ ᠲᠦᠷ ᠢ᠋ᠶ᠋ᠡᠨ ᠣᠷᠣᠭᠤᠯᠵᠤ ᠂
ᠳᠡᠭᠡᠳᠦᠰ ᠦ᠋ᠨ ᠪᠠᠢᠭᠤᠯᠤᠭᠰᠠᠨ ᠲᠥᠷᠥ ᠱᠠᠰᠢᠨ ᠢ᠋ ᠵᠠᠰᠠᠨ ᠵᠣᠬᠢᠶᠠᠨ ᠵᠠᠰᠠᠭᠠᠳ ᠂
ᠲᠡᠭᠦᠳᠡᠭᠡᠷᠡᠯ ᠦᠭᠡᠢ ᠶᠡᠬᠡ ᠤᠯᠤᠰ ᠤ᠋ᠨ ᠲᠥᠷᠥ ᠶ᠋ᠢ ᠡᠩᠬᠡ ᠠᠮᠤᠭᠤᠯᠵᠤ ᠪᠦᠷ ᠦ᠋ᠨ ᠃
ᠨᠠᠰᠤᠳᠠ ᠬᠠᠮᠤᠭ ᠢ᠋ ᠮᠡᠳᠡᠭᠴᠢ ᠳᠠᠯᠠᠢ ᠯᠠᠮᠠ ᠵᠠᠷᠯᠢᠭ ᠪᠣᠯᠵᠤ ᠡᠯᠡ ᠂
ᠨᠠᠷᠮᠠᠢ ᠥᠭᠯᠢᠭᠡ ᠶ᠋ᠢᠨ ᠡᠵᠡᠳ ᠯᠤᠭᠠ ᠪᠠᠨ ᠵᠥᠪᠰᠢᠶᠡᠯᠳᠦᠵᠦ ᠬᠠᠷᠠ ᠪᠠᠷᠰ ᠵᠢᠯᠡ① ᠂
ᠨᠠᠢᠮᠠᠨ ᠰᠠᠷᠠ ᠶ᠋ᠢᠨ ᠰᠠᠢᠨ ᠡᠳᠦᠷ ᠪᠠᠷᠠᠭᠤᠨ ᠡᠲᠡᠭᠡᠳ ᠮᠥᠩᠬᠡ ᠭᠠᠵᠠᠷᠠ ᠥᠭᠡᠳᠡ ᠪᠣᠯᠬᠤᠢ ᠴᠠᠭ ᠲᠤᠷ ᠂
— — — —
①ᠬᠠᠷᠠ ᠡᠷᠡ ᠪᠠᠷᠰ ᠵᠢᠯ ᠂ ᠸᠠᠨ ᠯᠢ ᠶ᠋ᠢᠨ ᠭᠤᠴᠢᠳᠤᠭᠠᠷ ᠣᠨ (1602 ) ᠃
ᠨᠠᠮᠤᠳᠠᠢ ᠰᠡᠴᠡᠨ ᠬᠠᠭᠠᠨ ᠵᠥᠩᠭᠡᠨ ᠬᠠᠲᠤᠨ ᠬᠣᠶᠠᠷ ᠂ ᠬᠠᠳ ᠤ᠋ᠨ ᠤᠷᠤᠭ ᠲᠤᠷ ᠬᠣᠪᠢᠯ ᠤ᠋ᠨ ᠲᠥᠷᠥᠭᠰᠡᠨ ᠦᠷᠡ ᠶᠦ᠍ᠭᠡᠨ ᠂
ᠬᠠᠮᠤᠭ ᠮᠡᠳᠡᠭᠴᠢ ᠳᠠᠯᠠᠢ ᠯᠠᠮᠠ ᠠ᠋ᠴᠠ ᠬᠠᠭᠠᠴᠠᠨ ᠶᠠᠳᠠᠨ ᠪᠥᠭᠡᠳᠡᠯᠡ ᠡᠷᠬᠡ ᠦᠭᠡᠢ ᠂
ᠭᠠᠢᠬᠠᠮᠰᠢᠭ᠋ ᠲᠤ᠌ ᠡᠯᠳᠡᠪ ᠵᠦᠢᠯ ᠬᠤᠪᠴᠠᠰᠤᠨ ᠴᠢᠮᠡᠭ ᠭᠡᠷ ᠲᠡᠷᠭᠡᠨ ᠲᠡᠷᠢᠭᠦᠲᠡᠨ ᠢ᠋ ᠪᠡᠯᠡᠳᠴᠦ ᠂
ᠬᠠᠷᠢᠶᠠ ᠲᠤ ᠤᠨᠤᠬᠤᠢ ᠬᠥᠯᠬᠦᠢ ᠲᠡᠮᠡᠭᠡᠨ ᠮᠣᠷᠢᠨ ᠯᠠᠤᠰᠠ ᠲᠡᠷᠢᠭᠦᠲᠡᠨ ᠬᠥᠯᠭᠡᠳ ᠢ᠋ ᠂
ᠬᠠᠢᠷᠠᠯᠠᠬᠤ ᠮᠡᠲᠦ ᠡᠳ᠋ ᠲᠠᠸᠠᠷ ᠨᠤᠭᠤᠳ ᠢ᠋ ᠬᠤᠷᠢᠶᠠᠵᠤ
ᠠᠭᠤᠯᠠ ᠮᠡᠲᠦ ᠴᠣᠭᠴᠠᠯᠠᠭᠠᠳ ᠂
ᠠᠯᠲᠠᠨ ᠰᠠᠪᠠ ᠳ᠋ᠤ᠌ ᠮᠥᠩᠭᠥᠨ ᠰᠠᠪᠠ ᠳ᠋ᠤᠷ ᠠᠯᠲᠠᠨ ᠢ᠋ ᠴᠤᠭᠯᠠᠵᠤ ᠳᠦᠭᠦᠷᠭᠡᠭᠡᠳ ᠂
ᠠᠳᠠᠯᠢᠳᠬᠠᠰᠢ ᠦᠭᠡᠢ ᠽᠠᠮᠪᠤᠲᠢᠪ① ᠳᠠᠬᠢ ᠬᠡᠷᠡᠭᠯᠡᠭᠳᠡᠬᠦᠨ ᠢ᠋ ᠡᠷᠭᠦᠵᠦ ᠪᠦᠷ ᠦ᠋ᠨ ᠂
ᠠᠯᠳᠠᠷᠰᠢᠭᠰᠠᠨ ᠲᠡᠭᠦᠰ ᠴᠣᠭ ᠲᠤ᠌ ᠸᠴᠢᠷᠠ ᠳᠡᠷᠡ ᠳᠠᠯᠠᠢ ᠯᠠᠮᠠ ᠶ᠋ᠢ ᠬᠦᠷᠭᠡᠬᠦ ᠶ᠋ᠢᠨ ᠲᠤᠯᠠ ᠂
ᠪᠠᠶᠠᠭᠤᠳ ᠤ᠋ᠨ ᠴᠣᠢᠷ ᠵᠠᠮᠰᠤ ᠴᠣᠷᠵᠢ ᠲᠠᠢᠵᠢ ② ᠪᠠᠭᠠ ᠬᠣᠷᠢᠶᠠᠨ ᠤ᠋ ᠤᠨᠪᠤ ᠲᠠᠢᠵᠢ ③ ᠂
— — — —
① ᠪᠤᠷᠬᠠᠨ ᠤ᠋ ᠱᠠᠰᠢᠨ ᠤ᠋ ᠰᠤᠳᠤᠷ ᠨᠣᠮ ᠳ᠋ᠤᠷ ᠥᠭᠦᠯᠡᠭᠰᠡᠨ ᠳᠥᠷᠪᠡᠨ ᠲᠢᠪ ᠦ᠋ᠨ ᠨᠢᠭᠡ ᠪᠣᠯᠤᠨᠠ ᠃ ᠡᠨᠡ ᠲᠢᠪ ᠲᠦ᠍ ᠴᠠᠮᠪᠤ ᠭᠡᠬᠦ ᠮᠣᠳᠣᠨ ᠤᠷᠭᠤᠬᠤ ᠪᠥᠭᠡᠳ ᠲᠡᠭᠦᠨ ᠦ᠌ ᠴᠡᠴᠡᠭ ᠨᠢ ᠠᠩᠬᠢᠯᠤᠮᠠᠯ ᠰᠠᠢᠬᠠᠨ ᠦᠨᠦᠷ ᠲᠡᠢ ᠭᠡᠨᠡ ᠃
②ᠠᠯᠲᠠᠨ ᠬᠠᠭᠠᠨ ᠤ᠋ ᠠᠴᠢ ᠪᠠᠶᠠᠭᠤᠳ ᠪᠠᠭᠠᠲᠤᠷ ᠲᠠᠢᠵᠢ ᠶ᠋ᠢᠨ ᠲᠠᠪᠤᠳᠤᠭᠠᠷ ᠬᠥᠪᠡᠭᠦᠨ ᠂ ᠪᠠᠰᠠ ᠯᠠᠮᠠ ᠲᠠᠢᠵᠢ ᠭᠡᠨᠡ ᠃
③ᠰᠡᠩᠭᠡ ᠳᠦᠭᠦᠷᠡᠩ ᠬᠠᠭᠠᠨ ᠤ᠋ ᠠᠴᠢ ᠂ ᠭᠠᠯ ᠳ᠋ᠤ᠌ ᠨᠣᠶᠠᠨ ᠤ᠋ ᠬᠥᠪᠡᠭᠦᠨ ᠂ ᠪᠠᠰᠠ ᠣᠨᠪᠣ ᠴᠥᠭᠡᠬᠦᠷ ᠭᠡᠳᠡᠭ ᠃ 1628 ᠣᠨ ᠳ᠋ᠤ᠌ ᠳᠠᠢᠴᠢᠩ ᠤᠯᠤᠰ ᠲᠤ᠌ ᠣᠷᠣᠵᠤ ᠥᠭᠭᠦᠭᠡᠳ ᠵᠡᠭᠦᠨ ᠣᠷᠣᠨ ᠳ᠋ᠠᠬᠢ ᠲᠦᠮᠡᠳ ᠪᠠᠷᠠᠭᠤᠨ ᠭᠠᠷᠤᠨ ᠬᠤᠰᠢᠭᠤᠨ ᠤ᠋ ᠵᠠᠰᠠᠭ ᠨᠣᠶᠠᠨ ᠪᠣᠯᠪᠠ ᠃
ᠪᠠᠰᠠ ᠪᠠᠷ ᠬᠠᠭᠠᠨ ᠤ᠋ ᠠᠴᠢ ᠪᠣᠱᠣᠭ ᠲᠤ᠌ ᠬᠣᠩ ᠲᠠᠢᠵᠢ ᠤᠪᠠᠶᠠᠨ ᠴᠥᠭᠡᠬᠦᠷ ᠲᠠᠢᠵᠢ ᠡᠬᠢᠯᠡᠨ ᠂
ᠪᠠᠭᠰᠢ ᠨᠠᠷ ᠳᠠᠪᠠᠨᠠᠩ ᠦ᠋ᠳ ᠰᠠᠢᠳ ᠲᠦᠰᠢᠮᠡᠳ ᠲᠡᠷᠢᠭᠦᠲᠡᠨ ᠲᠠᠪᠤᠨ ᠠᠢᠮᠠᠭ ᠲᠤᠷᠰᠢᠭᠤᠯ ᠴᠡᠷᠢᠭ ᠢ᠋ᠶ᠋ᠡᠷ ᠂
ᠪᠠᠶᠠᠰᠬᠤᠯᠠᠩ ᠲᠤ ᠬᠠᠮᠤᠭ ᠢ᠋ ᠮᠡᠳᠡᠭᠴᠢ ᠳᠠᠯᠠᠢ ᠯᠠᠮᠠ ᠶ᠋ᠢ ᠬᠦᠷᠭᠡᠭᠦᠯ ᠦ᠋ᠨ ᠢᠯᠡᠭᠡᠵᠦᠬᠦᠢ ᠃