ᠡᠷᠳᠡᠨᠢ ᠲᠤᠨᠤᠮᠠᠯ ᠨᠡᠷᠡᠲᠦ ᠰᠤᠳᠤᠷ ᠣᠷᠣᠰᠢᠪᠠ - 7 Эрдэнэ тунамал нэрт судар оршив - 7
314 ᠬᠤᠲᠤᠭ ᠲᠤ᠌ ᠳᠠᠯᠠᠢ ᠯᠠᠮᠠ ᠡᠬᠢᠯᠡᠨ ᠭᠤᠷᠪᠠᠨ ᠬᠤᠲᠤᠭᠲᠠᠨ ᠲᠦᠰᠢᠶᠡᠲᠦ ᠠᠯᠲᠠᠨ ᠰᠡᠴᠡᠨ ᠬᠠᠭᠠᠨ ᠳ᠋ᠤᠷ ᠂
ᠬᠣᠲᠠᠯᠠ ᠡᠰᠷᠦᠨ ᠶᠡᠬᠡ ᠬᠦᠴᠦᠨ ᠳ᠋ᠦ᠍ ᠴᠡᠭᠷᠡᠸᠡᠷᠳᠢ ᠨᠣᠮ ᠤ᠋ᠨ ᠬᠠᠭᠠᠨ ᠴᠣᠯᠠ ᠡᠷᠭᠦᠵᠦ ᠮᠥᠩᠭᠥᠨ ᠲᠠᠮᠠᠭᠠ ᠯᠠᠮᠠ ᠰᠣᠶᠣᠷᠬᠠᠪᠠᠢ᠃
ᠬᠤᠪᠢᠲᠤ ᠤᠶᠠᠨᠴᠣ ᠵᠥᠩᠭᠢᠨ ᠬᠠᠲᠤᠨ ᠢ᠋ ᠳ᠋ᠡᠷᠡ ᠪᠣᠳᠢᠰᠤᠩ ᠤ᠋ᠨ ᠬᠤᠪᠢᠯᠭᠠᠨ ᠠᠷᠶᠠ ᠳ᠋ᠠᠷᠠ ᠴᠣᠯᠠ ᠰᠣᠶᠣᠷᠬᠠᠪᠠᠢ ᠃
ᠭᠤᠷᠪᠠᠨ ᠲᠦᠮᠡᠨ ᠦ᠌ ᠨᠣᠶᠠᠳ ᠲᠤᠷ ᠳ᠋ᠡᠳ᠋ ᠳ᠋ᠡᠳ᠋ ᠢ᠋ᠶ᠋ᠡᠷ ᠲᠤᠰ ᠪᠦᠷᠢ ᠴᠣᠯᠠ ᠨᠠᠷᠠ ᠥᠭᠭᠦᠭᠰᠡᠨ ᠢ᠋ ᠬᠣᠷᠢᠶᠠᠨ ᠪᠢᠴᠢᠪᠡᠢ ᠃
ᠪᠠᠶᠠᠨ ᠪᠠᠭᠰᠢ ᠶ᠋ᠢ ᠡᠨᠡᠳᠬᠡᠭ ᠲᠥᠪᠡᠳ ᠮᠣᠩᠭᠣᠯ ᠭᠤᠷᠪᠠᠨ ᠬᠡᠯᠡᠨ ᠦ᠌ ᠳᠡᠯ ᠰᠣᠶᠣᠷᠬᠠᠵᠤ ᠂
ᠪᠠᠶᠠᠰᠬᠤᠯᠠᠩ ᠲᠤ᠌ ᠪᠤᠷᠬᠠᠨ ᠤ᠋ ᠨᠣᠮ ᠤ᠋ᠳ ᠢ᠋ ᠣᠷᠴᠢᠭᠤᠯᠵᠤ ᠬᠡᠯᠡᠮᠦᠷᠴᠢᠯᠡᠭᠰᠡᠨ ᠦ᠌ ᠲᠤᠯᠠᠳᠠ ᠂
ᠪᠠᠭᠰᠢ ᠠᠶᠤᠰᠢ ① ᠶ᠋ᠢ ᠠᠨᠠᠨᠲᠠ ᠮᠠᠨᠵᠦᠰᠢᠷᠢ ᠭᠦᠰᠢ ᠴᠣᠯᠠ ᠰᠣᠶᠣᠷᠬᠠᠵᠤ ᠪᠠᠭᠰᠢ ᠨᠠᠷ ᠤ᠋ᠨ ᠣᠬᠢ ᠪᠣᠯᠭᠠᠪᠠᠢ ᠃
ᠪᠠᠰᠠ ᠪᠠᠷ ᠨᠣᠮ ᠶᠢᠷᠲᠢᠨᠴᠦ ᠶ᠋ᠢᠨ ᠦᠢᠯᠡᠰ ᠢ᠋ ᠦᠯᠦ ᠡᠨᠳᠡ ᠶᠠᠪᠤᠭᠤᠯᠬᠤ ᠶ᠋ᠢᠨ ᠲᠤᠯᠠ ᠬᠢᠲᠡᠲᠡᠢ ᠳ᠋ᠦ᠍ᠷ ᠂
ᠦᠢᠵᠡᠩ ᠰᠡᠴᠡᠨ ᠬᠣᠨᠵᠢᠨ ᠴᠣᠯᠠ ᠰᠣᠶᠣᠷᠬᠠᠵᠤ ᠲᠦᠰᠢᠮᠡᠳ ᠦ᠋ᠨ ᠡᠷᠭᠢᠨ ᠪᠣᠯᠭᠠᠪᠠᠢ ᠂
ᠦᠨᠡᠬᠡᠷ ᠬᠠᠮᠤᠭ ᠢ᠋ ᠮᠡᠳᠡᠭᠴᠢ ᠬᠤᠲᠤᠭ ᠲᠤ᠌ ᠳᠠᠯᠠᠢ ᠡᠬᠢᠯᠡᠨ ᠪᠤᠷᠰᠠᠩ ᠬᠤᠸᠠᠷᠠᠭ ᠤ᠋ᠳ ᠢ᠋ ᠂
ᠦᠯᠡᠮᠵᠢ ᠬᠡᠨᠵᠤᠷ ᠰᠳᠡᠡᠵᠤᠷ ᠨᠣᠮ ᠪᠤᠷᠬᠠᠨ ᠢ᠋ ᠵᠠᠯᠠᠵᠤ ᠱᠠᠰᠢᠨ ᠤ᠋ ᠵᠦᠭ ᠲᠦ᠍ᠷ ᠬᠦᠴᠦᠨ ᠢ᠋ᠶ᠋ᠡᠨ ᠥᠭᠪᠡ ᠬᠡᠮᠡᠵᠦ ᠰᠠᠷᠠᠮᠡᠢ ᠶ᠋ᠢ ᠂
— — — —
① ᠲᠡᠢᠮᠢᠩ ᠤᠯᠤᠰ ᠤ᠋ᠨ ᠦᠶᠡ ᠳ᠋ᠡᠬᠢ ᠮᠣᠩᠭᠣᠯ ᠤ᠋ᠨ ᠠᠯᠳᠠᠷᠲᠤ ᠣᠷᠴᠢᠭᠤᠯᠤᠭᠴᠢ ᠃ ᠰᠠᠨᠰᠺᠷᠢᠲ ᠦᠭᠡ ᠂ ᠲᠥᠪᠡᠳ ᠦᠭᠡ ᠶ᠋ᠢ ᠲᠡᠮᠳᠡᠭᠯᠡᠬᠦ ᠳ᠋ᠦ᠍ ᠳᠥᠭᠥᠮ ᠪᠣᠯᠭᠠᠬᠤ ᠶ᠋ᠢᠨ ᠲᠤᠰᠠᠳᠠ 1617 ᠣᠨ ᠳ᠋ᠤ᠌ ᠠᠯᠢ ᠭᠠᠯᠢ ᠦᠰᠦᠭ ᠭᠡᠵᠦ ᠵᠣᠬᠢᠶᠠᠵᠠᠢ ᠃ ᠠᠯᠢ ᠭᠡᠰᠡᠨ ᠨᠢ ᠡᠭᠡᠰᠢᠭ ᠦᠰᠦᠭ ᠂ ᠭᠠᠯᠢ ᠭᠡᠰᠡᠨ ᠨᠢ ᠭᠡᠢᠭᠦᠯᠦᠭᠴᠢ ᠦᠰᠦᠭ ᠢ᠋ ᠬᠡᠯᠡᠨᠡ ᠃
ᠤᠷᠠᠨ ᠲᠠᠩᠭᠠᠷᠢᠭ ᠲᠠᠶᠤᠨ ᠬᠢᠶᠡ ᠴᠣᠯᠠ ᠰᠣᠶᠣᠷᠬᠠᠵᠤ ᠲᠠᠢ ᠳᠠᠷᠬᠠᠨ ᠪᠣᠯᠭᠠᠪᠠᠢ᠃
ᠦᠢᠵᠡᠩ ᠵᠠᠢᠰᠠᠩ ᠢ᠋ ᠱᠠᠰᠢᠨ ᠤ᠋ ᠵᠦᠭ ᠲᠦ᠍ᠷ ᠬᠦᠴᠦᠨ ᠢ᠋ᠶ᠋ᠡᠨ ᠥᠭᠴᠦ ᠥᠩᠭᠡᠷᠡᠭᠰᠡᠨ ᠦ᠌ ᠲᠤᠯᠠ ᠬᠥᠪᠡᠭᠦᠨ ᠢ᠋ ᠢᠨᠤ ᠰᠡᠷᠡᠩ ᠢ᠋ ᠂
ᠦᠯᠡᠮᠵᠢ ᠬᠠᠢᠷᠠᠯᠠᠵᠤ ᠦᠢᠵᠡᠩ ᠵᠠᠢᠰᠠᠩ ᠴᠣᠯᠠ ᠰᠣᠶᠣᠷᠬᠠᠵᠤ ᠂
ᠦᠷᠭᠦᠯᠵᠢᠳᠡ ᠳᠠᠯᠠᠢ ᠯᠠᠮᠠ ᠶ᠋ᠢ ᠬᠢᠴᠢᠶᠡᠨ ᠵᠠᠯᠠᠵᠤ ᠬᠦᠴᠦᠨ ᠢ᠋ᠶ᠋ᠡᠨ ᠥᠭᠭᠦᠭᠰᠡᠨ ᠦ᠌ ᠲᠤᠯᠠ ᠰᠠᠮᠪᠤᠲᠠᠷᠠ ᠴᠣᠯᠠ ᠰᠣᠶᠣᠷᠬᠠᠵᠤ ᠳ᠋ᠠᠢ ᠳᠠᠷᠬᠠᠨ ᠪᠣᠯᠭᠠᠪᠠᠢ ᠃
ᠤᠷᠢᠳᠤ ᠪᠤᠶᠠᠨ ᠢᠷᠦᠭᠡᠯ ᠦ᠋ᠨ ᠬᠦᠴᠦᠨ ᠢ᠋ᠶ᠋ᠡᠷ ᠤᠷᠭᠤᠮᠠᠯ ᠨᠠᠷᠠᠨ ᠮᠡᠲᠦ ᠱᠠᠰᠢᠨ ᠢ᠋ ᠳᠡᠯᠭᠡᠷᠡᠭᠦᠯᠬᠦ ᠶ᠋ᠢᠨ ᠲᠤᠯᠠ ᠂
ᠤᠴᠢᠷᠠᠯᠳᠤᠵᠤ ᠲᠠᠬᠢᠯ ᠤ᠋ᠨ ᠣᠷᠣᠨ ᠥᠭᠯᠢᠭᠡ ᠶ᠋ᠢᠨ ᠡᠵᠡᠨ ᠪᠣᠯᠤᠯᠴᠠᠵᠤ
ᠤᠯᠠᠮ ᠪᠠᠰᠠ ᠨᠢᠭᠡᠨ ᠨᠢᠭᠡᠨ ᠲᠣᠷᠢᠶᠠᠨ ᠨᠠᠷᠠ ᠴᠣᠯᠠ ᠡᠷᠭᠦᠮᠵᠢᠯᠡᠭᠰᠡᠨ ᠦ᠌ ᠰᠢᠯᠲᠠᠭᠠᠨ ᠲᠡᠢᠮᠦ ᠪᠥᠯᠥᠭᠡ ᠃
ᠡᠷᠬᠡᠨ ᠸᠴᠢᠷᠠ ᠳ᠋ᠠᠷᠠ ᠰᠠᠢᠨ ᠴᠣᠭᠲᠤ ᠪᠤᠶᠠᠨ ᠲᠤ᠌ ᠳᠠᠯᠠᠢ ᠯᠠᠮᠠ ᠵᠠᠷᠯᠢᠭ ᠪᠣᠯᠣᠷ ᠤ᠋ᠨ :
《 ᠡᠷᠲᠡᠨ ᠦ᠌ ᠬᠤᠷᠢᠶᠠᠭᠰᠠᠨ ᠪᠤᠶᠠᠨ ᠢᠷᠦᠭᠡᠷᠦᠨ ᠬᠦᠴᠦᠨ ᠬᠢᠭᠡᠳ ᠂
ᠡᠷᠬᠡᠲᠦ ᠵᠣᠣ ᠰᠢᠭᠡᠮᠦᠨᠢ ᠶ᠋ᠢᠨ ᠠᠳᠢᠰᠲᠢᠳ ᠢ᠋ᠶ᠋ᠠᠷ ᠪᠢᠳᠡ ᠬᠣᠶᠠᠭᠤᠯᠠ ᠂
ᠡᠳᠦᠭᠡ ᠤᠴᠢᠷᠠᠯᠳᠤᠵᠤ ᠬᠣᠶᠠᠷ ᠶᠣᠰᠣᠨ ᠢ᠋ ᠪᠦᠲᠦᠭᠡᠬᠦ ᠶ᠋ᠢᠨ ᠲᠤᠯᠠᠳᠠ ᠂
ᠵᠣᠣ ᠰᠢᠭᠡᠮᠦᠨᠢ ᠶ᠋ᠢᠨ ᠡᠮᠦᠨᠡ ᠮᠠᠨᠳᠠᠯ ᠡᠷᠭᠦᠬᠦᠢ ᠬᠡᠷᠡᠭ 》 ᠭᠡᠮᠡᠨ ᠠᠢᠯᠠᠳᠬᠠᠪᠠᠰᠤ
ᠶᠡᠬᠡ ᠵᠢᠷᠭᠠᠯᠠᠩ ᠲᠤ᠌ ᠬᠦᠴᠦᠲᠦ ᠴᠡᠭᠷᠡᠸᠡᠷᠲᠢ ᠠᠯᠲᠠᠨ ᠬᠠᠭᠠᠨ ᠲᠡᠷᠢᠭᠦᠲᠡᠨ ᠬᠠᠮᠤᠭ ᠪᠦᠭᠦᠳᠡᠭᠡᠷ ᠂
ᠵᠢᠴᠢ ᠡᠷᠬᠡ ᠪᠤᠰᠤ ᠰᠦᠰᠦᠭ ᠪᠢᠰᠢᠷᠡᠯ ᠢ᠋ ᠡᠭᠦᠰᠬᠡᠵᠦ ᠪᠦᠷ ᠦ᠋ᠨ ᠵᠥᠪᠰᠢᠶᠡᠭᠡᠳ ᠂
ᠵᠢᠪᠬᠤᠯᠠᠩ ᠲᠠᠶᠠ ᠮᠢᠩᠭᠠᠨ ᠰᠢᠵᠢᠷ ᠢ᠋ᠶ᠋ᠠᠷ ᠮᠠᠨᠳᠠᠯ ᠢ᠋ ᠡᠭᠦᠳᠦᠭᠡᠳ ᠂
ᠠᠯᠳᠠᠷᠰᠢᠭ᠍ᠰᠠᠨ ᠡᠰᠷᠦᠨ ᠶᠡᠬᠡ ᠬᠦᠴᠦ ᠳ᠋ᠦ᠍ ᠴᠡᠭᠷᠡᠸᠡᠷᠲᠢ ᠨᠣᠮ ᠤ᠋ᠨ ᠠᠯᠲᠠᠨ ᠬᠠᠭᠠᠨ ᠂
ᠠᠰᠢᠩ ᠬᠡᠮᠡᠬᠦ ᠡᠴᠢᠭᠡ ᠪᠯᠠᠮᠠ ᠷᠳᠥ᠋ᠨᠷᠵᠢ ᠪᠠᠭ᠍ᠰᠢ ᠲᠡᠷᠢᠭᠦᠲᠡᠨ ᠢ᠋
ᠠᠷᠢᠭᠤᠨ ᠢᠯᠠᠵᠤ ᠲᠡᠭᠦᠰ ᠨᠥᠭᠴᠢᠭᠰᠡᠨ ᠵᠣᠣ ᠰᠢᠭᠡᠮᠦᠨᠢ ᠶ᠋ᠢᠨ ᠭᠡᠭᠡᠨ ᠦ᠌ ᠡᠮᠦᠨᠡ ᠂
ᠠᠯᠢᠮᠠᠳ ᠬᠡᠷᠡᠭᠯᠡᠭᠳᠡᠬᠦᠨ ᠣᠯᠠᠨ ᠵᠦᠢᠯᠲᠦ ᠥᠭᠯᠢᠭᠡ ᠪᠢᠷᠡᠮᠢᠳ ᠢ᠋ ᠥᠭᠴᠦ ᠢᠯᠡᠭᠡᠪᠡᠢ ᠃
ᠲᠡᠭᠦᠨ ᠦ᠌ ᠬᠣᠢᠨᠠ ᠬᠠᠮᠤᠭ ᠢ᠋ ᠮᠡᠳᠡᠭᠴᠢ ᠸᠴᠢᠷᠠ ᠳ᠋ᠠᠷᠠ ᠳᠠᠯᠠᠢ ᠯᠠᠮᠠ ᠶ᠋ᠢᠨ ᠭᠡᠭᠡᠨ ᠳ᠋ᠦ᠍ᠷ ᠂
ᠲᠡᠭᠦᠰ ᠡᠰᠷᠦᠨ ᠶᠡᠬᠡ ᠬᠦᠴᠦᠲᠦ ᠴᠡᠭᠷᠡᠸᠡᠷᠲᠢ ᠨᠣᠮ ᠤ᠋ᠨ ᠠᠯᠲᠠᠨ ᠬᠠᠭᠠᠨ ᠡᠢᠨ ᠭᠡᠮᠡᠨ ᠥᠴᠢᠷᠦᠨ :
《ᠲᠡᠭᠰᠢ ᠬᠠᠮᠤᠭ ᠢ᠋ ᠮᠡᠳᠡᠭᠴᠢ ᠸᠴᠢᠷᠠ ᠳ᠋ᠠᠷᠠ ᠳᠠᠯᠠᠢ ᠯᠠᠮᠠ ᠠᠢᠯᠠᠳ ᠤ᠋ᠨ ᠰᠣᠶᠣᠷᠬᠠ !
ᠲᠡᠨᠳᠡᠴᠡ ᠪᠤᠷᠬᠠᠨ ᠪᠠᠭᠰᠢ ᠶ᠋ᠢᠨ ᠨᠣᠮᠯᠠᠭᠰᠠᠨ ᠰᠤᠳᠤᠷ ᠲᠠᠷᠨᠢ ᠲᠣᠭᠠ ᠲᠣᠮᠰᠢ ᠦᠭᠡᠢ ᠪᠤᠶᠤ ᠂
ᠲᠡᠢᠨ ᠢ᠋ᠶ᠋ᠡᠷ ᠪᠥᠭᠡᠰᠦ ᠡᠳᠡᠭᠡᠷ ᠬᠠᠮᠤᠭ ᠨᠣᠮ ᠤ᠋ᠳ ᠢ᠋ ᠮᠥᠨ ᠴᠢᠨᠠᠷ ᠢ᠋ ᠨᠢᠭᠡᠨᠡ ᠬᠤᠷᠢᠶᠠᠭᠰᠠᠨ ᠂
ᠲᠡᠭᠦᠯᠳᠡᠷ ᠪᠤᠷᠬᠠᠨ ᠤ᠋ ᠬᠤᠲᠤᠭ ᠢ᠋ ᠤᠯᠠᠭᠠᠭᠴᠢ ᠪᠤᠶᠤ ?》ᠭᠡᠮᠡᠨ ᠠᠢᠯᠠᠳᠬᠠᠭᠰᠠᠨ ᠳ᠋ᠤᠷ ᠂
ᠲᠡᠨᠳᠡ ᠬᠠᠮᠤᠭ ᠢ᠋ ᠮᠡᠳᠡᠭᠴᠢ ᠸᠴᠢᠷᠠ ᠳ᠋ᠠᠷᠠ ᠳᠠᠯᠠᠢ ᠯᠠᠮᠠ ᠵᠠᠷᠯᠢᠭ ᠪᠣᠯᠤᠷᠤᠨ :
《ᠲᠡᠭᠦᠰ ᠢᠯᠠᠭᠤᠭᠰᠠᠨ ᠪᠤᠷᠬᠠᠨ ᠪᠠᠭᠰᠢ ᠶ᠋ᠢᠨ ᠨᠣᠮᠯᠠᠭᠰᠠᠨ ᠨᠣᠮ ᠲᠣᠭᠠ ᠲᠣᠮᠰᠢ ᠦᠭᠡᠢ ᠪᠤᠶᠤ!
ᠠᠶᠠ ! ᠲᠡᠢᠨ ᠢ᠋ᠶ᠋ᠡᠷ ᠪᠥᠭᠡᠰᠦ ᠪᠤᠷᠬᠠᠨ ᠤ᠋ ᠬᠤᠲᠤᠭ ᠢ᠋ ᠣᠯᠬᠤᠶᠠ ᠳᠤᠲᠠ ᠮᠥᠷ ᠂
ᠠᠷᠢᠭᠤᠨ ᠲᠡᠩᠰᠡᠯ ᠦᠭᠡᠢ ᠨᠢᠭᠤᠴᠠ ᠲᠠᠷᠨᠢ ᠸᠴᠢᠷᠲᠤ ᠬᠥᠯᠭᠡᠨ ᠪᠥᠯᠥᠭᠡ》 ᠬᠡᠮᠡᠭᠰᠡᠨ ᠳ᠋ᠦ᠍ᠷ᠂
ᠠᠯᠲᠠᠨ ᠬᠠᠭᠠᠨ ᠥᠴᠢᠵᠦ : 《 ᠡᠷᠲᠡ ᠹᠡᠭᠰᠪᠡ ᠯᠠᠮᠠ ᠮᠠᠨᠤ ᠳᠡᠭᠡᠳᠦ ᠰᠡᠴᠡᠨ ᠬᠠᠭᠠᠨ ᠳ᠋ᠤᠷ ᠂
ᠠᠯᠳᠠᠷᠰᠢᠭ᠍ᠰᠠᠨ ᠭᠡᠶᠡ ᠴᠢᠷᠠ ᠶ᠋ᠢᠨ ᠮᠠᠨᠳᠠᠯ ᠤ᠋ᠨ ᠡᠷᠬᠡ ᠶ᠋ᠢ ᠰᠣᠶᠣᠷᠬᠠᠪᠠ ᠭᠡᠮᠡᠨ ᠰᠣᠨᠣᠰᠳᠠᠯᠤᠬᠠ ᠂
ᠲᠡᠷᠡ ᠬᠡᠢ ᠳ᠋ᠴᠢᠷᠠ ᠶ᠋ᠢᠨ ᠠᠪᠠᠰᠢᠭ᠌ ᠠᠯᠢᠨ ᠳ᠋ᠤᠷ ᠬᠠᠷᠢᠶᠠ ᠳ᠋ᠤ᠌ ᠪᠤᠶᠤ ? 》ᠭᠡᠮᠡᠨ ᠥᠴᠢᠪᠡᠰᠦ ᠂
ᠲᠡᠭᠰᠢ ᠬᠠᠮᠤᠭ ᠢ᠋ ᠮᠡᠳᠡᠭᠴᠢ ᠬᠤᠲᠤᠭ ᠲᠤ᠌ ᠳᠠᠯᠠᠢ ᠯᠠᠮᠠ ᠵᠠᠷᠯᠢᠭ ᠪᠣᠯᠤᠷᠤᠨ :
《 ᠲᠡᠷᠡ ᠬᠡᠢ ᠸᠴᠢᠷ ᠦ᠋ᠨ ᠠᠪᠠᠰᠢᠭ᠌ ᠢᠨᠤ ᠬᠡᠮᠡᠪᠡᠰᠦ ᠂
ᠳᠡᠩᠰᠡᠯ ᠦᠭᠡᠢ ᠨᠢᠭᠤᠴᠠ ᠲᠠᠷᠨᠢ ᠸᠴᠢᠷᠲᠤ ᠬᠥᠯᠭᠡᠨ ᠦ᠌ ᠠᠪᠠᠰᠢᠭ᠌ ᠪᠥᠯᠥᠭᠡ 》ᠬᠡᠮᠡᠭᠰᠡᠨ ᠳ᠋ᠦ᠍ᠷ᠂
ᠠᠯᠲᠠᠨ ᠬᠠᠭᠠᠨ ᠠᠷᠢᠭᠤᠨ ᠰᠦᠰᠦᠭ ᠪᠢᠰᠢᠷᠡᠯ ᠢ᠋ᠶ᠋ᠡᠷ ᠡᠢᠨ ᠭᠡᠮᠡᠨ ᠠᠢᠯᠠᠳᠬᠠᠷ ᠤ᠋ᠨ:
《 ᠠᠶᠠ ! ᠬᠠᠮᠤᠭ ᠢ᠋ ᠮᠡᠳᠡᠭᠴᠢ ᠸᠴᠢᠷᠠ ᠳ᠋ᠠᠷᠠ ᠳᠠᠯᠠᠢ ᠯᠠᠮᠠ ᠲᠡᠢᠮᠦ ᠪᠥᠭᠡᠰᠦ ᠪᠡᠷ ᠂
ᠠᠩᠬᠠ ᠤᠷᠢᠳᠠ ᠹᠡᠭᠰᠪᠡ ᠯᠠᠮᠠ ᠮᠠᠨᠤ ᠳᠡᠭᠡᠳᠦ ᠰᠡᠴᠡᠨ ᠬᠠᠭᠠᠨ ᠳ᠋ᠤᠷ ᠂
ᠠᠯᠳᠠᠷᠰᠢᠭ᠍ᠰᠠᠨ ᠬᠡᠢ ᠸᠴᠢᠷᠠ ᠶ᠋ᠢᠨ ᠠᠪᠠᠰᠢᠭ᠌ ᠢ᠋ ᠰᠣᠶᠣᠷᠬᠠᠭᠰᠠᠨ ᠤ᠋ ᠶᠣᠰᠣᠭᠠᠷ
ᠡᠳᠦᠭᠡ ᠨᠠᠳᠤᠷ ᠰᠣᠶᠣᠷᠬᠠᠵᠤ ᠪᠣᠯᠤᠮᠤ ? 》ᠭᠡᠮᠡᠨ ᠥᠴᠢᠨ ᠠᠢᠯᠠᠳᠬᠠᠭᠰᠠᠨ ᠳ᠋ᠤᠷ ᠂
ᠡᠷᠬᠡᠨ ᠬᠠᠮᠤᠭ ᠢ᠋ ᠮᠡᠳᠡᠭᠴᠢ ᠸᠴᠢᠷᠠ ᠳ᠋ᠠᠷᠠ ᠳᠠᠯᠠᠢ ᠯᠠᠮᠠ ᠡᠢᠨ ᠭᠡᠮᠡᠨ ᠵᠠᠷᠯᠢᠭ ᠪᠣᠯᠵᠤ :
《ᠡᠷᠬᠡᠲᠦ ᠶᠡᠬᠡ ᠬᠠᠭᠠᠨ ᠴᠢᠨᠦ ᠠᠢᠯᠠᠳᠨᠬᠠᠭ᠍ᠴᠢ ᠵᠠᠷᠯᠢᠭ ᠮᠠᠰᠢ ᠵᠥᠪ ᠪᠤᠶᠤ ᠂
ᠡᠷᠲᠡ ᠰᠡᠴᠡᠨ ᠬᠠᠭᠠᠨ ᠳ᠋ᠤᠷ ᠹᠡᠭᠰᠪᠡ ᠯᠠᠮᠠ ᠬᠡᠢ ᠸᠴᠢᠷᠠ ᠶ᠋ᠢᠨ ᠠᠪᠠᠰᠢᠭ᠌ ᠰᠣᠶᠣᠷᠬᠠᠭᠰᠠᠨ ᠦᠨᠡᠨ ᠪᠣᠢ ᠃
ᠲᠠᠩᠭᠢᠷᠢᠭ ᠦ᠋ᠨ ᠨᠢᠳᠦᠨ ᠤ ᠴᠡᠴᠡᠭᠡᠢ ᠮᠡᠲᠦ ᠰᠠᠬᠢᠨ ᠴᠢᠳᠠᠭᠠᠳ ᠂
ᠲᠠᠩᠰᠦᠬᠠ ᠪᠤᠷᠬᠠᠨ ᠤ᠋ ᠱᠠᠰᠢᠨ ᠢ᠋ ᠳᠡᠯᠭᠡᠷᠡᠭᠦᠯᠦᠭᠡᠳ
ᠲᠡᠭᠰᠢ ᠶᠢᠷᠲᠢᠨᠴᠦ ᠶ᠋ᠢᠨ ᠲᠥᠷᠥ ᠶ᠋ᠢ ᠵᠣᠬᠢᠶᠠᠨ ᠪᠠᠢᠭᠤᠯᠤᠭᠠᠳ ᠂
ᠲᠠᠬᠢᠯ ᠤ᠋ᠨ ᠣᠷᠣᠨ ᠥᠭᠯᠢᠭᠡ ᠶ᠋ᠢᠨ ᠡᠵᠡᠨ ᠪᠣᠯᠤᠯᠴᠠᠭᠰᠠᠨ ᠶᠣᠰᠣ ᠲᠡᠢᠮᠦ ᠪᠥᠯᠥᠭᠡ ᠃
ᠲᠡᠭᠦᠨᠴᠢᠯᠡᠨ ᠬᠦ᠌ ᠡᠳᠦᠭᠡ ᠪᠢ ᠪᠡᠷ ᠶᠡᠬᠡ ᠬᠠᠭᠠᠨ ᠴᠢᠮᠠ ᠳ᠋ᠤᠷ ᠂
ᠳᠡᠩᠰᠡᠯ ᠦᠭᠡᠢ ᠨᠢᠭᠤᠴᠠ ᠲᠠᠷᠨᠢ ᠸᠴᠢᠷ ᠲᠤ ᠬᠥᠯᠭᠡᠨ ᠦ᠌ ᠠᠪᠠᠰᠢᠭ᠌ ᠤ᠋ᠨ ᠡᠷᠬᠡ ᠶ᠋ᠢ
ᠲᠡᠭᠦᠰᠬᠡᠵᠦ ᠬᠠᠭᠠᠨ ᠬᠠᠲᠤᠨ ᠬᠣᠲᠠᠯᠠ ᠰᠦᠰᠦᠭᠲᠡᠨ ᠳ᠋ᠦ᠍ᠷ ᠰᠣᠶᠤᠷᠠᠭᠰᠤᠭᠠᠢ ! 》ᠭᠡᠮᠡᠨ ᠵᠠᠷᠯᠢᠭ ᠪᠣᠯᠪᠠᠰᠤ ᠂
ᠳᠡᠭᠡᠳᠦ ᠡᠰᠷᠦᠨ ᠴᠩᠷᠸᠡᠷᠳᠢ ᠨᠣᠮ ᠤ᠋ᠨ ᠬᠠᠭᠠᠨ ᠡᠬᠡ ᠳ᠋ᠡᠷᠡ ᠶ᠋ᠢᠨ ᠬᠤᠪᠢᠯᠭᠠᠨ ᠵᠥᠩᠭᠢᠨ ᠬᠠᠲᠤᠨ ᠪᠦᠭᠦᠳᠡᠭᠡᠷ ᠂
ᠬᠥᠪᠡᠭᠦᠳ ᠨᠣᠶᠠᠳ ᠪᠠᠭᠰᠢ ᠨᠠᠷ ᠰᠠᠢᠳ ᠲᠦᠰᠢᠮᠡᠳ ᠪᠦᠭᠦᠳᠡᠭᠡᠷ ᠂
ᠬᠦᠰᠡᠬᠦᠢ ᠰᠦᠰᠦᠭ ᠪᠢᠰᠢᠷᠡᠯ ᠦ᠋ᠨ ᠡᠭᠦᠳᠡᠨ ᠡᠴᠡ ᠨᠢᠭᠡᠨ ᠦᠵᠦᠭᠦᠷ ᠲᠦ᠍ ᠰᠡᠳᠬᠢᠯ ᠢ᠋ᠶ᠋ᠡᠷ ᠂
ᠭᠦᠨ ᠨᠠᠷᠢᠨ ᠨᠢᠭᠤᠴᠠ ᠲᠠᠷᠨᠢ ᠶ᠋ᠢᠨ ᠠᠪᠠᠰᠢᠭ᠌ ᠤ᠋ᠨ ᠡᠷᠬᠡ ᠶ᠋ᠢ ᠠᠪᠬᠤᠢ ᠳ᠋ᠤᠷ ᠢ᠋ᠶ᠋ᠠᠨ ᠂
ᠬᠦᠨᠳᠦᠯᠡᠵᠦ ᠪᠣᠭᠳᠠ ᠳᠠᠯᠠᠢ ᠯᠠᠮᠠ ᠳ᠋ᠤᠷ ᠭᠤᠷᠪᠠᠨ ᠭᠣᠣᠯ ① ᠤ᠋ᠨ ᠲᠥᠪᠡᠳ ᠤᠯᠤᠰ ᠢ᠋ ᠡᠬᠢᠯᠡᠨ ᠂
ᠠᠯᠲᠠᠨ ᠮᠥᠩᠭᠥᠨ ᠢ᠋ᠶ᠋ᠡᠷ ᠡᠭᠦᠳᠦᠭᠰᠡᠨ ᠮᠠᠨᠳᠠᠯ ᠢ᠋ ᠡᠷᠭᠢᠨ ᠪᠣᠯᠭᠠᠭᠠᠳ
ᠠᠷᠢᠭᠤᠨᠠ ᠳᠣᠯᠣᠭᠠᠨ ᠡᠷᠳᠡᠨᠢ②ᠨᠠᠢ᠍ᠮᠠᠨ ᠲᠠᠬᠢᠯ ③ ᠪᠦᠷᠢᠨᠡ ᠲᠡᠭᠦᠰ ᠬᠢᠭᠡᠳ ᠂
ᠠᠩᠬᠠᠨ ᠤ᠋ ᠦᠨᠡ ᠲᠠᠨ ᠡᠯᠳᠡᠪ ᠵᠦᠢᠯ ᠡᠷᠳᠡᠨᠢ ᠡᠳ᠋ ᠲᠠᠸᠠᠷ ᠨᠤᠭᠤᠳ ᠢ᠋ ᠴᠣᠭᠴᠠᠯᠠᠵᠤ ᠂
ᠠᠰᠤᠷᠤ ᠮᠠᠰᠢ ᠰᠦᠰᠦᠯᠬᠦᠢ ᠪᠢᠰᠢᠷᠡᠬᠦᠢ ᠰᠡᠳᠬᠢᠯ ᠦ᠋ᠨ ᠡᠭᠦᠳᠡᠨ ᠡᠴᠡ ᠡᠷᠭᠦᠵᠦ ᠪᠦᠷ ᠦ᠋ᠨ ᠃
ᠭᠠᠭᠴᠠ ᠦᠵᠦᠭᠦᠷ ᠲᠦ᠍ ᠰᠡᠳᠬᠢᠯ ᠢ᠋ᠶ᠋ᠡᠷ ᠠᠪᠠᠰᠢᠭ᠌ ᠤ᠋ᠨ ᠡᠷᠬᠡ ᠶ᠋ᠢ ᠰᠣᠨᠣᠰᠬᠤᠢ ᠴᠠᠭ ᠲᠤᠷ ᠂
ᠬᠠᠮᠤᠭ ᠢ᠋ ᠮᠡᠳᠡᠭᠴᠢ ᠸᠴᠢᠷᠠ ᠳ᠋ᠠᠷᠠ ᠳᠠᠯᠠᠢ ᠯᠠᠮᠠ ᠥᠪᠡᠷᠢᠶᠡᠨ ᠪᠣᠯᠪᠠᠰᠤᠷᠠᠭᠤᠯᠵᠤ᠂
ᠭᠠᠢᠬᠠᠮᠰᠢᠭ ᠨᠢᠭᠦᠯᠡᠰᠬᠦᠢ ᠰᠡᠳᠬᠢᠯ ᠢ᠋ᠶ᠋ᠡᠷ ᠡᠨᠡᠷᠢᠨ ᠦᠵᠡᠵᠦ ᠂
ᠭᠠᠪᠢᠶᠠ ᠲᠤ᠌ ᠬᠡᠢ ᠸᠴᠢᠷᠠ ᠶ᠋ᠢᠨ ᠠᠪᠠᠰᠢᠭ᠌ ᠢ᠋ ᠳᠡᠯᠭᠡᠷᠡᠩᠭᠦᠶᠡ ᠨᠣᠮᠯᠠᠨ ᠰᠣᠶᠣᠷᠬᠠᠪᠠᠢ ᠃
— — — —
① ᠭᠤᠷᠪᠠᠨ ᠭᠣᠣᠯ ᠬᠡᠮᠡᠭᠴᠢ ᠢᠨᠦ ᠬᠥᠬᠡᠨᠠᠭᠤᠷ ᠮᠣᠵᠢ ᠳ᠋ᠠᠬᠢ ᠣᠳᠣᠨ ᠲᠠᠯᠠ ᠨᠠᠭᠤᠷ ᠲᠤ᠌ ᠴᠢᠳᠬᠤᠬᠤ ᠠᠯᠲᠠᠨ ᠭᠣᠣᠯ ᠂ ᠵᠠᠯᠢᠩ ᠨᠠᠭᠤᠷ ᠲᠤ᠌ ᠴᠢᠳᠬᠤᠬᠤ ᠪᠠᠷᠠᠭᠪ ᠭᠣᠣᠯ ᠂ ᠬᠠᠷᠠ ᠳᠠᠷᠬᠠᠨ ᠭᠣᠣᠯ ᠭᠤᠷᠪᠠ ᠶ᠋ᠢ ᠬᠡᠯᠡᠨᠡ ᠃
② ᠠᠯᠲᠠ ᠂ ᠮᠥᠩᠭᠥᠨ ᠂ ᠮᠠᠨᠤᠤ ᠂ ᠬᠤᠪᠠ ᠂ ᠱ᠌ᠢᠷᠦ ᠵᠡᠷᠭᠡ ᠳᠣᠯᠣᠭᠠᠨ ᠵᠦᠢᠯ ᠦ᠋ᠨ ᠡᠷᠳᠡᠨᠢᠰ ᠢ᠋ ᠥᠭᠦᠯᠡᠵᠦ ᠪᠣᠢ ᠃
③ ᠬᠦᠵᠢ ᠂ ᠵᠤᠯᠠ ᠂ ᠰᠡᠴᠡᠭ ᠂ ᠢᠳᠡᠭᠡᠨ ᠂ ᠦᠨᠦᠷ ᠭᠡᠬᠦ ᠮᠡᠲᠦ ᠶ᠋ᠢᠨ ᠨᠠᠢ᠍ᠮᠠᠨ ᠵᠦᠢᠯ ᠦ᠋ᠨ ᠲᠠᠬᠢᠯᠭᠠ ᠶ᠋ᠢᠨ ᠡᠳ᠋ ᠢ᠋ ᠥᠭᠦᠯᠡᠵᠦ ᠪᠣᠢ ᠃
ᠡᠷᠭᠢᠨ ᠦᠨᠳᠦᠰᠦᠨ ᠦ᠌ ᠠᠪᠠᠰᠢᠭ᠌ ᠤ᠋ᠨ ᠡᠷᠬᠡ ᠶ᠋ᠢ ᠣᠯᠤᠭᠠᠳ
ᠡᠨᠳᠡᠭᠦᠷᠡᠯ ᠦᠭᠡᠢ ᠲᠠᠩᠭᠢᠷᠢ᠍ᠭ ᠢ᠋ ᠨᠢᠳᠦᠨ ᠦ᠌ ᠴᠡᠴᠡᠭᠡᠢ ᠮᠡᠲᠦ ᠰᠠᠬᠢᠨ ᠴᠢᠳᠠᠪᠠᠰᠤ ᠂
ᠡᠨᠡ ᠨᠠᠰᠤᠨ ᠡᠨᠡ ᠪᠠᠶᠠᠨ ᠳ᠋ᠤᠷ ᠪᠤᠷᠬᠠᠨ ᠪᠣᠯᠤᠮᠤ ᠰᠠᠢᠨ ᠵᠠᠶᠠᠭᠠ ᠲᠠᠨ᠂
ᠡᠰᠡ ᠪᠥᠭᠡᠰᠦ ᠳᠣᠯᠣᠭᠠᠨ ᠲᠥᠷᠥᠯ ᠳ᠋ᠦ᠍ ᠡᠭᠡᠨᠡᠭᠲᠡ ᠲᠡᠢᠨ ᠡᠰᠡ ᠪᠦᠲᠦᠪᠡᠰᠦ ᠠᠷᠪᠠᠨ ᠵᠢᠷᠭᠤᠭᠠᠨ ᠲᠥᠷᠥᠯ ᠡᠴᠡ ᠢᠨᠠᠷᠤ ᠪᠦᠲᠦᠵᠦ ᠃
ᠴᠡᠭᠷᠡᠸᠡᠷᠲᠢ ᠨᠣᠮ ᠤ᠋ᠨ ᠠᠯᠲᠠᠨ ᠭᠡᠭᠡᠨ ᠬᠠᠭᠠᠨ ᠴᠢᠭᠤᠯᠵᠤ ᠬᠡᠯᠡᠯᠴᠡᠭᠡᠳ ᠲᠡᠭᠦᠨ ᠦ᠌ ᠬᠣᠢᠨᠠ ᠳᠠᠷᠤᠢ ᠳ᠋ᠤᠷ ᠂
ᠴᠠᠭᠠᠨ ᠮᠠᠯᠭᠠ ᠂ ᠣᠢᠷᠠᠳ ᠬᠣᠶᠠᠷ ᠤᠯᠤᠰ ᠲᠤᠷ ᠪᠤᠳᠢᠰᠤ ᠰᠠᠳᠰᠢ ᠤᠴᠢᠷᠬᠠᠢ ᠬᠦᠶᠡᠨ ᠡᠬᠢᠯᠡᠨ
ᠴᠠᠪᠴᠢᠶᠠᠯ ᠤ᠋ᠨ ᠰᠦᠮᠡ ᠡᠴᠡ ᠶᠠᠪᠤᠭᠤᠯᠪᠠᠢ ᠯᠦᠩ ᠭᠦᠶᠡᠩ ᠳᠠᠢᠴᠢᠩ ᠥᠷᠯᠥᠭ ᠭᠦᠶᠡᠩ ᠲᠠᠢᠵᠢ ᠲᠡᠷᠢᠭᠦᠯᠡᠨ ᠂
ᠴᠠᠭᠠᠵᠢᠯᠠᠵᠤ ᠲᠤᠷᠰᠢᠭᠤᠯ ᠲᠦᠰᠢᠮᠡᠳ ᠡᠯᠴᠢᠰ ᠢ᠋ᠶ᠋ᠡᠨ ᠢᠯᠡᠭᠡᠪᠡᠢ ᠦᠳᠲᠡᠷ ᠪᠥᠭᠡᠳ ᠃
ᠡᠰᠷᠦᠨ ᠶᠡᠬᠡ ᠬᠦᠴᠦᠲᠦ ᠴᠡᠭᠷᠡᠸᠡᠷᠲᠢ ᠠᠯᠲᠠᠨ ᠬᠠᠭᠠᠨ ᠤ᠋ ᠵᠠᠷᠯᠢᠭ ᠢ᠋ᠶ᠋ᠠᠷ ᠮᠣᠷᠳᠠᠭᠠᠳ
ᠡᠨᠳᠡᠭᠦᠷᠡᠯ ᠦᠭᠡᠢ ᠶᠠᠪᠤᠵᠤ ᠲᠡᠳᠡᠭᠡᠷ ᠲᠦᠰᠢᠮᠡᠳ ᠬᠤᠸᠠ ᠠᠮᠤ ᠪᠠᠷ ᠲᠤᠷᠰᠢᠭᠤᠯᠵᠤ ᠶᠠᠪᠤᠲᠠᠯᠠ ᠂
ᠡᠷᠬᠡᠴᠦᠳ ᠦ᠋ᠨ ᠭᠣᠣᠯ ᠢ᠋ ᠮᠢᠩᠭᠠᠨ ① ᠤ᠋ ᠵᠠᠬᠠᠲᠤ ᠮᠠᠨᠳᠠᠯ ᠪᠠᠭᠠᠲᠤᠷ ᠡᠬᠢᠯᠡᠨ ᠣᠤᠷᠴᠠᠭ②ᠢᠷᠭᠡᠨ ᠢ᠋ ᠦᠵᠡᠭᠡᠳ ᠂
ᠡᠷᠬᠡ ᠳ᠋ᠡᠭᠡᠨ ᠣᠷᠣᠭᠤᠯᠵᠤ ᠶᠠᠪᠤᠭᠠᠳ ᠪᠠᠰᠠ ᠬᠦ᠌ ᠮᠥᠨ ᠪᠥᠭᠡᠳ ᠂
— — — —
①《 ᠡᠷᠬᠡᠴᠦᠳ ᠦ᠋ᠨ ᠭᠣᠣᠯ ᠤ᠋ᠨ ᠮᠢᠩᠭᠠᠨ 》 ᠭᠡᠵᠦ ᠪᠢᠴᠢᠪᠡᠰᠦ ᠵᠦᠢ ᠲᠡᠢ ᠪᠢᠯᠡ ᠃
② ᠡᠮᠦᠨᠡᠬᠢ ᠬᠡᠰᠡᠭ ᠲᠣᠷ ᠭᠠᠷᠤᠭᠰᠠᠨ 《 ᠣᠭᠤᠷᠴᠠᠭ 》》 ᠭᠡᠬᠦ ᠶ᠋ᠢᠨ ᠥᠭᠡᠷᠡ ᠪᠢᠴᠢᠯᠭᠡ ᠃
ᠲᠡᠭᠦᠨᠴᠡ ᠴᠢᠨᠠᠭᠰᠢ ᠴᠠᠭᠠᠨ ᠮᠠᠯᠬ᠋ᠠ ᠶ᠋ᠢᠨ ᠬᠣᠲᠠ ᠲᠤᠰᠯᠠᠵᠤ ᠶᠠᠪᠤᠨ ᠠᠲᠠᠯᠠ᠂
ᠲᠡᠨᠳᠡ ᠴᠠᠭᠠᠨ ᠮᠠᠯᠬ᠋ᠠ ᠶ᠋ᠢᠨ ᠪᠦᠯᠦᠭ ᠢᠷᠭᠡᠨ ᠯᠦ᠋ᠭᠡ ᠵᠣᠯᠭᠠᠯᠳᠤᠵᠤ ᠳᠠᠷᠤᠭᠠᠳ ᠂
ᠳᠠᠷᠪᠢᠰ ᠪᠠᠭᠠᠲᠤᠷ ᠨᠡᠷᠡᠲᠦ ᠬᠥᠮᠦᠨ ᠢ᠋ ᠪᠠᠷᠢᠵᠤ ᠠᠪᠤᠭᠠᠳ ᠪᠠᠰᠠ ᠬᠦ᠌ ᠂
ᠳᠠᠷᠤᠢ ᠳ᠋ᠤᠷ ᠴᠠᠭᠠᠨ ᠮᠠᠯᠭᠠ ᠶ᠋ᠢᠨ ᠬᠠᠮᠢᠯ ᠨᠡᠷᠡᠲᠦ ᠬᠣᠲᠠ① ᠳ᠋ᠤᠷ ᠬᠦᠷᠪᠡᠢ ᠃
ᠬᠦᠷᠦᠭᠡᠳ ᠰᠡᠴᠡ ᠡᠷᠲᠡ ᠴᠢᠩᠭᠢᠰ ᠬᠠᠭᠠᠨ ᠠ᠋ᠴᠠ ᠰᠠᠯᠤᠭᠰᠠᠨ ᠲᠥᠷᠥᠯ ᠲᠥᠷᠥᠭᠰᠡᠨ ᠢ᠋ ᠳᠤᠷᠠᠳᠤᠭᠰᠠᠨ ᠲᠣᠷ᠂
ᠬᠦᠨᠳᠦᠯᠡᠵᠦ ᠶᠡᠬᠡ ᠬᠠᠭᠠᠨ ᠤ᠋ ᠵᠠᠷᠯᠢᠭ ᠢ᠋ᠶ᠋ᠠᠷ ᠲᠡᠳᠡᠭᠡᠷ ᠲᠦᠰᠢᠮᠡᠳ ᠢ᠋ ᠠᠰᠠᠷᠠᠨ ᠬᠠᠢᠷᠠᠯᠠᠵᠤ ᠂
ᠬᠦᠷᠭᠡᠵᠦ ᠲᠠᠲᠠᠯᠠᠭᠠ ᠥᠭ ᠭᠡᠮᠡᠨ ᠡᠯᠴᠢᠰ ᠢ᠋ᠶ᠋ᠡᠨ ᠠᠮᠠᠯᠠᠪᠠᠢ ᠬᠥᠮᠦᠨ ᠪᠠᠭᠰᠢ ᠲᠡᠷᠢᠭᠦᠯᠡᠨ ᠂
ᠬᠦᠷᠴᠦ ᠬᠡᠯᠡᠯᠴᠡᠭᠰᠡᠨ ᠲᠦᠰᠢᠮᠡᠳ ᠢ᠋ ᠲᠤᠰ ᠲᠤᠰ ᠪᠦᠷᠢ ᠤᠷᠤᠭ ᠪᠣᠯᠭᠠᠵᠤ ᠂
ᠠᠷᠪᠠᠨ ᠬᠣᠶᠠᠷ ᠬᠣᠲᠠ ᠴᠠᠭᠠᠨ ᠮᠠᠯᠠᠭᠠᠢᠨ ᠡᠵᠡᠨ ᠠᠪᠲᠤᠭᠢᠷᠠᠮ ᠬᠠᠭᠠᠨ②
ᠠᠯᠲᠠᠨ ᠬᠠᠭᠠᠨ ᠠᠬᠠ ᠶᠤᠭᠠᠨ ᠡᠯᠴᠢᠰ ᠢ᠋ ᠢᠨᠤ ᠦᠯᠡᠮᠵᠢ ᠮᠠᠰᠢ ᠬᠦᠨᠳᠦᠯᠡᠭᠡᠳ ᠂
ᠠᠰᠤᠷᠤ ᠮᠠᠰᠢ ᠪᠡᠶᠡᠰᠴᠦ ᠲᠥᠷᠥ ᠨᠡᠢᠯᠡᠶᠡ ᠭᠡᠮᠡᠨ ᠲᠠᠲᠠᠯᠠᠭᠠ ᠪᠠᠭᠤᠯᠮᠠᠷᠢ ᠣᠯᠠᠨ ᠵᠦᠢᠯ ᠂
— — — —
①ᠡᠳᠦᠭᠡ ᠶ᠋ᠢᠨ ᠰᠢᠨᠵᠢᠶᠠᠩ ᠳ᠋ᠠᠬᠢ ᠬᠠᠮᠢᠯ ᠬᠣᠲᠠ ᠃
②ᠴᠠᠭᠠᠲᠠᠢ ᠬᠠᠭᠠᠨ ᠤ᠋ ᠬᠣᠢᠴᠢ ᠮᠠᠨᠰᠤᠷ ᠬᠠᠭᠠᠨ ᠤ᠋ ᠳᠡᠭᠦᠦ ᠰᠠᠢᠳ (ᠬᠢᠲᠠᠳ ᠪᠢᠴᠢᠭ ᠲᠣᠷ赛德 ᠭᠡᠬᠦ ) ᠬᠠᠭᠠᠨ ᠤ᠋ ᠠᠴᠢ ᠠᠪᠳᠤᠷᠺᠢᠷᠢᠮ (Abdurkarim )ᠬᠠᠭᠠᠨ ᠃ 1533 ᠣᠨ ᠳ᠋ᠤ᠌ ᠰᠠᠢᠳ ᠬᠠᠭᠠᠨ ᠨᠠᠰᠤᠨ ᠡᠴᠦᠰᠯᠡᠭᠰᠡᠨ ᠦ᠌ ᠳᠠᠷᠠᠭᠠ ᠲᠡᠭᠦᠨ ᠦ᠌ ᠬᠥᠪᠡᠭᠦᠨ ᠠᠪᠲᠤᠷᠷᠠᠰᠢᠳ (Abdur Rashid ) ᠰᠠᠭᠤᠷᠢᠨ ᠊ᠢ ᠵᠠᠯᠭᠠᠪᠠ ᠃ 1566 ᠣᠨ ᠳ᠋ᠤ᠌ ᠠᠪᠳᠤᠷᠷᠠᠰᠢᠳ ᠨᠠᠰᠤᠨ ᠡᠴᠦᠰᠯᠡᠭᠰᠡᠨᠡ ᠲᠡᠭᠦᠨ ᠦ᠌ ᠬᠥᠪᠡᠭᠦᠨ ᠠᠪᠳᠤᠷᠺᠡᠷᠢᠮ ᠰᠠᠭᠤᠷᠢᠨ ᠢ᠋ ᠵᠠᠯᠭᠠᠪᠠ ᠃
ᠠᠯᠮᠠᠰ ᠡᠷᠳᠡᠨᠢ ᠠᠷᠭᠤᠮᠠᠭ ᠲᠤᠮᠣᠴᠠᠭ ᠮᠣᠷᠢ ᠠᠭᠲᠠ ᠭᠢᠵᠢᠷ ᠲᠡᠮᠡᠭᠡᠨ ᠲᠡᠷᠢᠭᠦᠯᠡᠨ ᠥᠭᠴᠦ ᠶᠠᠪᠤᠭᠤᠯᠪᠠᠢ ᠃
ᠲᠡᠳᠡᠭᠡᠷ ᠡᠯᠴᠢᠰ ᠲᠦᠰᠢᠮᠡᠳ ᠣᠢᠷᠠᠳ ᠲᠦᠮᠡᠨ ᠳ᠋ᠦ᠍ᠷ ᠦᠯᠦ ᠭᠦᠷᠦᠨ ᠂
ᠲᠡᠨᠳᠡᠴᠡ ᠬᠤᠸᠠ ᠠᠮᠤ ᠳᠠᠷᠬᠠᠨ ᠥᠷᠯᠥᠭ ᠢ᠋ ᠣᠢᠷᠠᠳ ᠤᠯᠤᠰ ᠲᠤᠷ ᠢᠯᠡᠭᠡᠭᠡᠳ ᠂
ᠲᠡᠭᠦᠨᠴᠡ ᠢᠨᠠᠭᠰᠢ ᠬᠠᠷᠠᠵᠤ ᠴᠠᠭ᠌ᠷᠡᠸᠠᠷᠲᠢ ᠠᠯᠲᠠᠨ ᠬᠠᠭᠠᠨ ᠤ᠋ ᠭᠡᠭᠡᠨ ᠳ᠋ᠦ᠍ᠷ ᠵᠣᠯᠭᠠᠵᠤ ᠂
ᠳᠠᠷᠤᠢ ᠳ᠋ᠤᠷ ᠴᠠᠭᠠᠨ ᠮᠠᠯᠠᠭᠠᠢᠨ ᠡᠯᠴᠢᠰ ᠲᠠᠲᠠᠯᠠᠭᠰᠢ ᠬᠦᠷᠭᠡᠵᠦ ᠥᠭᠭᠦᠭᠰᠡᠨ ᠪᠥᠯᠥᠭᠡ ᠃
ᠬᠤᠲᠤᠭ ᠲᠤ᠌ ᠳᠠᠯᠠᠢ ᠯᠠᠮᠠ ᠶ᠋ᠢ ᠲᠡᠷᠡ ᠤᠴᠢᠷ ᠲᠤᠷ ᠶᠤᠩᠯᠤᠨ ᠳ᠋ᠠᠬᠢ ᠺᠡᠷᠮᠡ ᠯᠠᠮᠠ ① ᠬᠢᠭᠡᠳ ᠂
ᠬᠤᠪᠢᠯᠭᠠᠨ ᠢᠯᠠᠭᠤᠭᠰᠠᠨ ᠣᠷᠣᠨ ᠳ᠋ᠠᠬᠢ ᠬᠠᠮᠤᠭ ᠯᠠᠮᠠ ᠨᠠᠷ ᠪᠦᠭᠦᠳᠡᠭᠡᠷ ᠂
ᠬᠣᠲᠠᠯᠠ ᠬᠠᠮᠤᠭ ᠲᠥᠪᠡᠳ ᠦ᠋ᠨ ᠣᠷᠣᠨ ᠳ᠋ᠠᠬᠢ ᠥᠭᠯᠢᠭᠡ ᠶ᠋ᠢᠨ ᠡᠵᠡᠳ ᠵᠠᠯᠠᠵᠤ ᠪᠦᠷᠦᠨ ᠂
ᠬᠤᠷᠢᠶᠠᠵᠤ ᠥᠭᠯᠢᠭᠡ ᠶ᠋ᠢᠨ ᠪᠠᠷᠠᠮᠢᠳ ᠢ᠋ ᠲᠥᠭᠡᠳᠡᠯᠡ ᠡᠷᠭᠦᠵᠦ ᠤᠳᠤᠷᠢᠭᠤᠯᠰᠤᠨ ᠠᠪᠠᠰᠢᠭ᠌ ᠢ᠋ ᠠᠪᠤᠪᠠᠢ ᠃
ᠪᠠᠭᠰᠢ ᠢᠯᠠᠭᠤᠭᠰᠠᠨ ᠳᠠᠯᠠᠢ ᠯᠠᠮᠠ ᠶ᠋ᠢ ᠪᠠᠰᠠ ᠬᠦ᠌ ᠡᠷᠡᠨᠮᠦ② ᠭᠠᠮᠰᠤ ③ ᠶ᠋ᠢᠨ ᠳᠤᠤᠳᠠᠩ ᠨᠣᠶᠠᠨ ᠵᠠᠯᠠᠵᠤ ᠂
— — — —
① ᠯᠾᠰᠡ ᠡᠴᠡ ᠤᠮᠠᠷᠠᠰᠢ ᠳᠠᠯᠠᠨ ᠭᠠᠵᠠᠷ ᠳᠠᠬᠢ ᠶᠣᠩᠯᠣᠨ ᠰᠦᠮᠡ ( ᠬᠢᠲᠠᠳ ᠪᠢᠴᠢᠭ ᠲᠦ᠍业郎寺 ᠭᠡᠨᠡ ) ᠶ᠋ᠢᠨ ᠭᠡᠭᠡᠨ ᠃ ᠤᠤᠯ ᠨᠡᠷᠡ ᠨᠢ ᠰᠢᠨᠰᠢᠶᠡᠪᠠ ᠰᠸᠳᠡᠩᠳᠦᠷᠵᠢ ᠭᠡᠳᠡᠭ ᠃ ᠤᠯᠠᠭᠠᠨ ᠮᠠᠯᠠᠭᠠᠢᠳᠠᠨ ᠺᠡᠷᠮᠡ ᠶ᠋ᠢᠨ ᠱᠠᠰᠢᠨ ᠤ᠋ ᠭᠡᠭᠡᠨ ᠪᠣᠯᠬᠣᠷ ᠺᠡᠷᠮᠡ ᠯᠠᠮᠠ ᠭᠡᠵᠡᠢ ᠃
② ᠪᠠᠰᠠ ᠠᠷᠰᠤ ᠭᠡᠳᠡᠭ ᠂ ᠳᠠᠷᠤᠢ ᠯᠢᠶᠠᠩ ᠵᠧᠦ ( 凉州) ᠶ᠋ᠢ ᠬᠡᠯᠡᠨᠡ ᠃ ᠣᠳᠣ ᠶ᠋ᠢᠨ ᠭᠠᠨᠰᠦ ᠮᠣᠵᠢ ᠶ᠋ᠢᠨ ᠡᠦ ᠸᠧᠢ ᠰᠢᠶᠠᠨ ( 武威县) ᠪᠣᠯᠤᠨᠠ ᠃
③ ᠭᠠᠨ ᠵᠧᠦ (甘州 )᠂ ᠣᠳᠣ ᠶ᠋ᠢᠨ ᠭᠠᠨᠰᠦ ᠮᠣᠵᠢ ᠶ᠋ᠢᠨ ᠵᠠᠩ ᠶᠧ ᠰᠢᠶᠠᠨ ( 张掖县) ᠪᠣᠯᠤᠨᠠ ᠃
ᠪᠡᠯᠬᠡᠰ ᠢ᠋ ᠢᠨᠦ ᠤᠬᠠᠰᠤᠭᠠᠢ ᠭᠡᠮᠡᠨ ᠦᠯᠦ ᠮᠥᠷᠭᠥᠨ ᠡᠰᠡ ᠪᠢᠰᠢᠷᠡᠵᠦ ᠂
ᠪᠡᠯᠭᠡᠳᠡᠵᠦ ᠰᠢᠲᠠᠭᠠᠭᠰᠠᠨ ᠬᠦᠵᠢ ᠶ᠋ᠢᠨ ᠦᠨᠡᠰᠦᠨ ᠢᠨᠤ ᠂
ᠪᠡᠯᠭᠡ ᠳᠠᠶᠠ ᠲᠡᠭᠷᠢ ᠨᠠᠷ ᠤ᠋ᠨ ᠦᠰᠦᠭ ᠪᠣᠯᠤᠭᠰᠠᠨ ᠳ᠋ᠤᠷ ᠪᠢᠰᠢᠷᠡᠵᠦ ᠬᠦᠨᠳᠦᠯᠡᠪᠡᠢ ᠬᠢᠲᠠᠳ ᠤᠯᠤᠰ ᠲᠤᠷ ᠃
ᠲᠠᠲᠠᠴᠠ ᠴᠠᠪᠴᠢᠶᠠᠯ ᠤ᠋ᠨ ᠰᠦᠮᠡ ᠳ᠋ᠦ᠍ᠷ ᠥᠭᠡᠳᠡ ᠪᠣᠯᠵᠤ ᠢᠷᠡᠭᠡᠳ
ᠳᠠᠯᠠᠢ ᠯᠠᠮᠠ᠂ ᠠᠯᠲᠠᠨ ᠬᠠᠭᠠᠨ ᠯᠤᠭᠠ ᠠᠭᠤᠯᠵᠠᠵᠤ ᠪᠦᠷ ᠦ᠋ᠨ ᠡᠢᠨ ᠭᠡᠮᠡᠨ ᠠᠢᠯᠠᠳᠬᠠᠪᠠᠢ :
《ᠲᠡᠭᠦᠰ ᠡᠰᠷᠦᠨ ᠶᠡᠬᠡ ᠬᠦᠴᠦᠲᠦ ᠴᠡᠭᠷᠡᠸᠡᠷᠳᠢ ᠬᠠᠭᠠᠨ ᠮᠣᠩᠭᠣᠯ ᠤ᠋ᠨ ᠭᠠᠵᠠᠷᠠ ᠥᠭᠡᠳᠡ ᠪᠣᠯᠵᠤ ᠂
ᠲᠡᠭᠰᠢ ᠱᠠᠰᠢᠨ ᠢ᠋ ᠳᠡᠯᠭᠡᠷᠡᠭᠦᠯᠬᠦ ᠲᠤᠯᠠ ᠰᠦᠮᠡ ᠬᠡᠢᠳ ᠪᠠᠢᠭᠤᠯᠳᠠᠬᠤᠢ ᠪᠤᠶᠤ !
ᠪᠣᠳᠢᠰᠤᠩ ᠪᠢ ᠪᠥᠭᠡᠳ ᠳᠡᠭᠡᠭᠰᠢ ᠨᠣᠯᠠᠮ ①ᠳᠠᠯᠠ ᠶ᠋ᠢᠨ ᠬᠡᠢᠳ ᠲᠣᠷ ᠣᠳ᠋ᠴᠤ ᠂
ᠪᠣᠳᠠᠲᠠᠶᠠ ᠥᠭᠯᠢᠭᠡ ᠶ᠋ᠢᠨ ᠡᠵᠡᠳ ᠲᠡᠷᠢᠭᠦᠲᠡᠨ ᠠᠮᠢᠲᠠᠨ ᠤ᠋ ᠲᠤᠰᠠ ᠶ᠋ᠢᠨ ᠲᠤᠯᠠᠳᠠ ᠂
ᠪᠤᠷᠰᠠᠩ ᠬᠤᠸᠠᠷᠠᠭ ᠤ᠋ᠳ ᠤ᠋ᠨ ᠠᠢᠮᠠᠭ ᠢ᠋ ᠲᠣᠭᠲᠠᠭᠠᠬᠤ ᠬᠡᠢᠳ ᠪᠠᠷᠢᠬᠤ ᠪᠥᠯᠥᠭᠡ ᠃
ᠪᠤᠷᠬᠠᠨ ᠤ᠋ ᠱᠠᠰᠢᠨ ᠳ᠋ᠤᠷ ᠲᠤᠰᠠᠯᠠᠪᠠᠰᠤ ᠪᠦᠬᠦ ᠥᠭᠯᠢᠭᠡ ᠶ᠋ᠢᠨ ᠡᠵᠡᠳ ᠲᠠᠨ ᠳ᠋ᠤᠷ ᠠᠴᠢ ᠲᠤᠰᠠ ᠢᠨᠤ ᠶᠡᠬᠡ ᠪᠤᠶᠤ !
ᠶᠡᠬᠡ ᠬᠠᠭᠠᠨ ᠴᠢ ᠮᠣᠩᠭᠣᠯ ᠤ᠋ᠨ ᠭᠠᠵᠠᠷᠠ ᠥᠭᠡᠳᠡ ᠪᠣᠯᠵᠤ ᠬᠦᠷᠦᠭᠡᠳ
ᠶᠡᠷᠦ ᠡᠴᠢᠭᠡ ᠡᠬᠡ ᠪᠣᠯᠤᠭᠰᠠᠨ ᠬᠠᠮᠤᠭ ᠠᠮᠢᠲᠠᠨ ᠤ᠋ ᠲᠤᠰᠠ ᠶ᠋ᠢᠨ ᠲᠤᠯᠠᠳᠠ ᠂
— — — —
① ᠪᠠᠰᠠ ᠨᠢᠷᠤᠮ ᠭᠡᠵᠦ ᠪᠢᠴᠢᠳᠡᠭ ᠃ ᠳᠤᠮᠳᠠᠳᠤ ᠤᠯᠤᠰ ᠪᠠ ᠨᠸᠪᠡᠯ ᠤᠯᠤᠰ ᠤ᠋ᠨ ᠵᠠᠭᠠᠨ ᠳᠡᠭᠡᠷᠡ ᠪᠦᠬᠦᠢ ᠨᠢᠷᠦᠮ （聂拉木） ᠪᠣᠯᠤᠨᠠ ᠃
ᠶᠡᠷᠦᠩᠬᠡᠢ ᠪᠤᠷᠬᠠᠨ ᠤ᠋ ᠱᠠᠰᠢᠨ ᠢ᠋ ᠦᠯᠡᠮᠵᠢ ᠮᠠᠰᠢ ᠳᠡᠯᠭᠡᠷᠡᠭᠦᠯᠬᠦᠢ ᠬᠢᠭᠡᠳ ᠂
ᠶᠡᠭᠦᠳᠬᠡᠯ ᠦᠭᠡᠢ ᠪᠤᠷᠰᠠᠩ ᠬᠤᠸᠠᠷᠠᠭ ᠤ᠋ᠳ ᠤ᠋ᠨ ᠠᠢᠮᠠᠭ ᠢ᠋ ᠲᠣᠭᠲᠠᠭᠠᠬᠤᠢ ᠰᠡᠳᠬᠢᠵᠦ ᠂
ᠡᠷᠳᠡᠨᠢᠰ ᠦ᠋ᠨ ᠳᠡᠭᠡᠳᠦ ᠠᠯᠲᠠ ᠮᠥᠩᠭᠥᠨ ᠲᠡᠷᠢᠭᠦᠲᠡᠨ ᠡᠯᠳᠡᠪ ᠵᠦᠢᠯ ᠡᠷᠳᠡᠨᠢᠰ ᠢ᠋ᠶ᠋ᠡᠷ ᠂
ᠡᠷᠭᠢᠨ ᠢᠯᠠᠵᠤ ᠲᠡᠭᠦᠰ ᠨᠥᠭᠴᠢᠭᠰᠡᠨ ᠵᠣᠣ ᠰᠢᠭᠡᠮᠦᠨᠢ ᠶ᠋ᠢᠨ ᠪᠡᠶᠡ ᠤᠷᠠᠨᠠ ᠪᠠᠢᠭᠤᠯᠪᠠᠰᠤ ᠂
ᠡᠰᠷᠦᠨ ᠶᠡᠬᠡ ᠬᠦᠴᠦᠲᠦ ᠴᠡᠭᠷᠡᠳᠡᠷᠲᠢ ᠬᠠᠭᠠᠨ ᠮᠡᠲᠦ ᠠᠯᠳᠠᠷᠰᠢᠮᠤᠢ ᠴᠢ!
ᠮᠠᠨᠵᠤᠰᠢᠷᠢ ᠬᠤᠪᠢᠯᠭᠠᠨ ᠬᠤᠲᠤᠭ ᠲᠤ᠌ ᠯᠠᠮᠠ ᠶ᠋ᠢ ᠵᠠᠯᠠᠵᠤ ᠥᠭᠡᠳᠡ ᠪᠣᠯᠭᠠ !
ᠮᠠᠰᠢ ᠢᠯᠠᠭᠤᠭᠰᠠᠨ ᠲᠡᠷᠡ ᠯᠠᠮᠠ ᠨᠠᠮᠠ ᠯᠤᠭᠠ ᠢᠯᠭᠠᠯ ᠦᠭᠡᠢ ᠬᠦᠨᠳᠦᠯᠡᠨ ᠂
ᠮᠠᠭᠠᠳ ᠢ᠋ᠶ᠋ᠠᠷ ᠲᠡᠭᠦᠨ ᠦ᠌ ᠵᠠᠷᠯᠢᠭ ᠢ᠋ ᠪᠤᠰᠤ ᠦᠯᠦ ᠪᠣᠯᠭᠠᠨ ᠠᠴᠢᠯᠠ!
ᠮᠠᠩᠯᠠᠢ ᠲᠡᠷᠡ ᠱᠠᠰᠢᠨ ᠳ᠋ᠤᠷ ᠲᠤᠰᠠᠯᠠᠮᠤᠢ 》ᠭᠡᠮᠡᠨ ᠵᠠᠷᠯᠢᠭ ᠪᠣᠯᠪᠠᠰᠤ ᠡᠯᠡ ᠃
ᠴᠡᠭᠷᠡᠸᠡᠷᠳᠢ ᠠᠯᠲᠠᠨ ᠬᠠᠭᠠᠨ ᠲᠡᠷᠢᠭᠦᠲᠡᠨ ᠭᠤᠷᠪᠠᠨ ᠲᠦᠮᠡᠨ ᠦ᠌ ᠨᠣᠶᠠᠳ ᠴᠢᠭᠤᠯᠵᠤ ᠂
ᠴᠠᠭᠯᠠᠰᠢ ᠦᠭᠡᠢ ᠡᠷᠳᠡᠮ ᠲᠦ ᠳᠠᠯᠠᠢ ᠯᠠᠮᠠ ᠶ᠋ᠢ ᠵᠠᠯᠠᠵᠤ ᠬᠦᠷᠭᠡ ᠬᠡᠮᠡᠵᠦ ᠂
ᠴᠠᠬᠠᠷ ᠬᠢᠴᠢᠬᠦ ᠳᠠᠢᠴᠢᠩ ᠂ ᠤᠢᠭᠤᠷᠵᠢᠨ ᠪᠢᠩᠲᠦ ①᠂ ᠶᠤᠩᠰᠢᠶᠠᠪᠤ ᠪᠠᠷᠬᠤ ᠠᠪᠠᠢ ②ᠡᠬᠢᠯᠡᠵᠦ ᠂
— — — —
①ᠠᠯᠲᠠᠨ ᠬᠠᠭᠠᠨ ᠤ᠋ ᠳᠥᠲᠥᠭᠡᠷ ᠬᠥᠪᠡᠭᠦᠨ ᠃ ᠤᠢᠭᠤᠷᠵᠢᠨ ᠠᠢᠮᠠᠭ ᠢ᠋ ᠮᠡᠳᠡᠵᠦ ᠪᠠᠢᠭᠰᠠᠨ ᠤ᠋ ᠲᠤᠯᠠ ᠤᠢᠭᠤᠷᠵᠢᠨ ᠪᠢᠩᠲᠦ ᠭᠡᠨᠡ ᠃ ᠵᠢᠶᠠ ᠵᠢᠩ ᠦ᠋ᠨ ᠣᠨ ᠤ᠋ ᠰᠡᠭᠦᠯᠴᠢ ᠪᠡᠷ ᠬᠥᠬᠡᠨᠠᠭᠤᠷ ᠲᠤ᠌ ᠨᠡᠭᠦᠳᠡᠯᠯᠡᠨ ᠨᠤᠲᠤᠭᠰᠢᠭᠠᠳ ᠬᠥᠬᠡᠨᠠᠭᠤᠷ ᠳᠠᠬᠢ ᠲᠦᠮᠡᠳ ᠦ᠋ᠨ ᠡᠵᠡᠨ ᠪᠣᠯᠪᠠ ᠃
②ᠡᠮᠦᠨᠡ ᠬᠡᠰᠡᠭ ᠲᠦ᠍ ᠭᠠᠷᠤᠭᠰᠠᠨ ᠪᠠᠷᠠᠬᠤ ᠰᠡᠴᠡᠨ ᠳᠠᠢᠴᠢᠩ ᠲᠠᠢᠵᠢ ᠶ᠋ᠢᠨ ᠥᠪᠡᠷᠡ ᠨᠡᠷᠡ ᠪᠣᠯᠤᠨᠠ ᠃
ᠴᠠᠭ ᠦᠭᠡᠢ ᠡᠷᠳᠡᠮ ᠲᠦ ᠠᠶᠤᠰᠢ ᠬᠥᠰᠢ ᠡᠷᠳᠡᠨᠢ ᠮᠠᠨᠢ ᠰᠡᠳᠢᠩ ᠲᠡᠷᠢᠭᠦᠲᠡᠨ ᠢ᠋ ᠰᠠᠭᠤᠯᠭᠠᠵᠤ ᠂
ᠬᠦᠨᠳᠦᠯᠡᠵᠦ ᠪᠤᠷᠬᠠᠨ ᠤ᠋ ᠱᠠᠰᠢᠨ ᠢ᠋ ᠵᠢᠯᠣᠭᠣᠳᠬᠤ ᠶ᠋ᠢᠨ ᠲᠤᠯᠠᠳᠠ ᠂
ᠬᠦᠷᠭᠡᠵᠦ ᠵᠠᠯᠠ ᠭᠡᠮᠡᠨ ᠲᠡᠳᠡᠭᠡᠷ ᠨᠣᠶᠠᠳ ᠰᠠᠢᠳ ᠢ᠋ ᠢᠯᠡᠭᠡᠭᠡᠳ ᠂
ᠬᠥᠬᠡ ᠨᠠᠭᠤᠷ ᠠ᠋ᠴᠠ ᠢᠨᠠᠭᠰᠢ ᠮᠠᠨᠵᠦᠰᠢᠷᠢ ᠬᠤᠲᠤᠭ ᠲᠤ᠌ ᠶ᠋ᠢ ᠵᠠᠯᠠᠵᠤ ᠥᠭᠡᠳᠡ ᠪᠣᠯᠭᠠᠵᠤ ᠂
ᠬᠦᠷᠴᠦ ᠢᠷᠡᠪᠡᠢ ᠮᠣᠩᠭᠣᠯ ᠤ᠋ᠨ ᠭᠠᠵᠠᠷᠠ ᠬᠣᠲᠠᠯᠠ ᠬᠠᠭᠠᠨ ᠬᠠᠲᠤᠨ ᠬᠠᠮᠤᠭ ᠪᠦᠭᠦᠳᠡᠭᠡᠷ ᠃
ᠲᠡᠭᠦᠨ ᠦ᠌ ᠬᠣᠢᠨ᠋ᠨ ᠴᠠᠭᠠᠨ ᠯᠤᠤ ᠵᠢᠯᠡ ① ᠬᠠᠭᠠᠨ ᠤ᠋ ᠪᠡᠶᠡ ᠪᠡᠷᠬᠡ ᠬᠠᠯᠠᠭᠤᠨ ᠪᠣᠯᠤᠭᠰᠠᠨ ᠳ᠋ᠤᠷ ᠂
ᠲᠡᠭᠰᠢ ᠨᠣᠮ ᠤ᠋ᠨ ᠭᠦᠨ ᠴᠢᠨᠠᠷ ᠢ᠋ ᠡᠰᠡ ᠤᠬᠠᠭᠰᠠᠨ ᠰᠠᠢᠳ ᠲᠦᠰᠢᠮᠡᠳ ᠠᠨᠤ ᠂
ᠳᠠᠷᠤᠢ ᠳ᠋ᠤᠷ ᠤᠷᠢᠳᠠ ᠤᠰᠠᠳᠬᠠᠭᠰᠠᠨ ᠪᠤᠷᠤᠭᠤ ᠦᠵᠡᠯ ᠢ᠋ ᠨᠠᠷᠢᠨ ᠰᠢᠲᠦᠭᠰᠡᠨ ᠳ᠋ᠦ᠍ᠷ᠂
ᠲᠡᠷᠡ ᠴᠠᠭ ᠲᠤ᠌ ᠮᠠᠨᠵᠦᠰᠢᠷᠢ ᠬᠤᠲᠤᠭ ᠲᠤ᠌ ᠰᠡᠳᠬᠢᠯ ᠢ᠋ᠶ᠋ᠡᠨ ᠮᠠᠰᠢ ᠡᠮᠭᠡᠨᠢᠨ ᠵᠣᠪᠠᠵᠤ ᠂
ᠭᠤᠷᠪᠠᠨ ᠡᠷᠳᠡᠨᠢ ᠯᠠᠮᠠ ᠡᠷᠳᠡᠮ ᠨᠣᠮ ᠤ᠋ᠨ ᠰᠠᠬᠢᠭᠤᠯᠰᠤᠨ ᠳ᠋ᠤᠷ ᠵᠠᠯᠪᠠᠷᠢᠵᠤ᠂
ᠬᠤᠷᠳᠤᠨᠠ ᠬᠡᠲᠦᠷᠬᠡᠢ ᠶ᠋ᠢᠨ ᠶᠠᠪᠤᠳᠠᠯ ᠢ᠋ ᠰᠢᠮᠳᠠᠨ ᠦᠢᠯᠡᠳᠦᠭᠰᠡᠨ ᠳ᠋ᠦ᠍ᠷ ᠰᠢᠲᠦᠵᠦ ᠂
ᠬᠣᠲᠠᠯᠠ ᠬᠠᠭᠠᠨ ᠤ᠋ ᠬᠠᠯᠠᠭᠤᠨ ᠠᠮᠤᠷᠯᠢᠭᠠᠳ ᠳᠠᠷᠤᠢ ᠳ᠋ᠤᠷ ᠰᠡᠷᠭᠦᠵᠦ ᠂
— — — —
① ᠴᠠᠭᠠᠨ ᠯᠤᠤ ᠵᠢᠯ ᠂ ᠶᠠᠨ ᠯᠢ ᠶ᠋ᠢᠨ ᠨᠠᠢ᠍ᠮᠠᠳᠤᠭᠠᠷ ᠣᠨ ( 1580 ) ᠣᠨ ᠃
ᠬᠤᠷᠢᠮᠯᠠᠵᠤ ᠪᠠᠶᠠᠰᠤᠯᠴᠠᠨ ᠦᠢᠯᠡᠳᠬᠦᠢ ᠤᠴᠢᠷ ᠲᠤᠷ ᠵᠣᠯᠭᠠᠵᠤ ᠂
ᠮᠠᠨᠵᠤᠰᠢᠷᠢ ᠬᠤᠲᠤᠭ ᠲᠤ᠌ ᠬᠠᠭᠠᠨ ᠤ᠋ ᠭᠡᠭᠡᠨ ᠳ᠋ᠦ᠍ᠷ ᠡᠢᠨ ᠭᠡᠮᠡᠨ ᠠᠢᠯᠠᠳᠬᠠᠪᠠᠢ :
《 ᠮᠠᠰᠢ ᠢᠯᠠᠭᠤᠭᠰᠠᠨ ᠶᠡᠬᠡ ᠬᠠᠭᠠᠨ ᠴᠢ ᠭᠤᠷᠪᠠᠨ ᠡᠷᠳᠡᠨᠢ ᠬᠢᠭᠡᠳ ᠂
ᠮᠠᠨᠳᠦᠷ ᠰᠦᠰᠦᠭ ᠪᠢᠰᠢᠷᠡᠯ ᠴᠢᠨᠦ ᠦᠯᠡᠮᠵᠢ ᠰᠠᠢᠨ ᠪᠥᠭᠡᠳᠡᠯᠡ ᠂
ᠮᠠᠭᠠᠳ ᠡᠰᠡ ᠠᠷᠢᠯᠤᠭᠰᠠᠨ ᠰᠠᠢᠳ ᠲᠦᠰᠢᠮᠡᠳ ᠶᠡᠬᠡ ᠤᠯᠤᠰ ᠴᠢᠨᠦ ᠨᠣᠮ ᠳ᠋ᠤᠷ ᠪᠢᠰᠢᠷᠡᠯ ᠥᠴᠦᠬᠡᠨ ᠪᠤᠶᠤ !
ᠲᠡᠢᠮᠦ ᠶ᠋ᠢᠨ ᠲᠤᠯᠠ ᠪᠤᠷᠬᠠᠨ ᠤ᠋ ᠱᠠᠰᠢᠨ ᠳ᠋ᠤᠷ ᠲᠤᠰᠠᠯᠠᠵᠤ ᠦᠯᠦ ᠴᠢᠳᠠᠮᠤ ᠪᠢ ᠂
ᠳ᠋ᠡᠭᠡᠳᠦ ᠶᠡᠬᠡ ᠬᠠᠭᠠᠨ ᠴᠢᠨᠦ ᠡᠰᠡᠨ ᠪᠦᠬᠦᠢ ᠡᠴᠡ ᠥᠭᠡᠳᠡ ᠪᠣᠯᠵᠤ ᠂
ᠲᠡᠨᠳᠡ ᠲᠥᠪᠡᠳ ᠦ᠋ᠨ ᠭᠠᠵᠠᠷᠠ ᠬᠠᠷᠢᠮᠤᠢ ᠂ ᠦᠯᠦ ᠲᠦᠳᠡᠭᠦᠯ ᠦ᠋ᠨ ᠰᠣᠶᠣᠷᠬᠠ ! 》ᠭᠡᠮᠡᠨ ᠥᠴᠢᠪᠡᠰᠦ᠂
ᠳᠠᠷᠤᠢ ᠴᠠᠩᠷᠠᠳᠠᠷᠲᠢ ᠨᠣᠮ ᠤ᠋ᠨ ᠠᠯᠲᠠᠨ ᠬᠠᠭᠠᠨ ᠡᠢᠨ ᠭᠡᠮᠡᠨ ᠠᠢᠯᠠᠳᠬᠠᠪᠠᠢ :
《 ᠬᠣᠲᠣᠯᠠ ᠢᠯᠠᠭᠤᠭᠰᠠᠨ ᠪᠡᠯᠭᠡ ᠪᠢᠯᠢᠭ ᠢ᠋ ᠨᠢᠭᠡᠨᠡ ᠬᠤᠷᠢᠶᠠᠭᠰᠠᠨ ᠂
ᠬᠣᠴᠣᠷᠯᠢ ᠦᠭᠡᠢ ᠠᠮᠢᠲᠠᠨ ᠤ᠋ ᠬᠠᠷᠠᠩᠭᠤᠢ ᠶ᠋ᠢ ᠠᠷᠢᠯᠭᠠᠭᠴᠢ ᠴᠣᠭᠲᠤ ᠨᠠᠷᠠᠨ ᠂
ᠬᠤᠲᠤᠭ ᠲᠠᠨ ᠤ᠋ ᠮᠥᠷ ᠲᠣᠷ ᠤᠳᠤᠷᠢᠳᠤᠭᠴᠢ ᠠᠢᠮᠠᠭ ᠤ᠋ᠳ ᠤ᠋ᠨ ᠨᠣᠶᠠᠨ ᠂
ᠬᠤᠪᠢᠯᠭᠠᠨ ᠪᠡᠶᠡᠲᠦ ᠮᠠᠨᠵᠦᠰᠢᠷᠢ ᠠᠢᠯᠠᠳᠤᠨ ᠰᠣᠶᠣᠷᠬᠠ ᠭᠡᠭᠡᠨ ᠳ᠋ᠡᠭᠡᠨ !
ᠡᠰᠡ ᠤᠬᠠᠭᠰᠠᠨ ᠣᠯᠠᠨ ᠤᠯᠤᠰ ᠢ᠋ ᠰᠥᠭᠡᠭᠡᠵᠦ ᠂
ᠡᠷᠬᠡᠲᠦ ᠨᠣᠮ ᠤ᠋ᠨ ᠵᠠᠰᠠᠭ ᠢ᠋ ᠴᠢᠩ ᠪᠠᠬᠢᠳᠠ ᠦᠢᠯᠡᠳᠴᠦ ᠂
ᠡᠷᠭᠢᠨ ᠵᠣᠣ ᠰᠢᠭᠡᠮᠦᠨᠢ ᠡᠯᠳᠡᠪ ᠡᠷᠳᠡᠨᠢᠰ ᠢ᠋ᠶ᠋ᠡᠷ ᠡᠭᠦᠳᠴᠦ ᠂
ᠡᠳᠡᠭᠡᠷᠢ ᠪᠦᠲᠦᠭᠡᠰᠦᠭᠡᠢ ᠰᠠᠭᠤᠨ ᠰᠣᠶᠣᠷᠬᠠ !》 ᠭᠡᠮᠡᠨ ᠥᠴᠢᠵᠦ ᠂
ᠲᠡᠳᠦᠢ ᠭᠤᠷᠪᠠᠨ ᠲᠦᠮᠡᠨ ᠶᠡᠬᠡ ᠤᠯᠤᠰ ᠴᠢᠭᠤᠯᠤᠭᠠᠳ
ᠳᠡᠭᠡᠳᠦ ᠨᠣᠮ ᠤ᠋ᠨ ᠵᠠᠰᠠᠭ ᠢ᠋ ᠬᠢᠪ ᠦ᠋ᠨ ᠵᠠᠩᠭᠢᠶᠠ ᠮᠡᠲᠦ ᠦᠢᠯᠡᠳᠦᠭᠰᠡᠨ ᠳ᠋ᠦ᠍ᠷ᠂
ᠳᠠᠷᠤᠢ ᠳ᠋ᠤᠷ ᠮᠠᠨᠵᠦᠰᠢᠷᠢ ᠬᠤᠲᠤᠭ ᠲᠦᠳᠡᠬᠦᠢ ᠵᠠᠷᠯᠢᠭ ᠢ᠋ ᠰᠣᠶᠣᠷᠬᠠᠪᠠᠢ ᠃
ᠲᠡᠨᠳᠡᠴᠡ ᠬᠠᠭᠠᠨ ᠲᠡᠷᠢᠭᠦᠲᠡᠨ ᠬᠠᠮᠤᠭ ᠢ᠋ᠶ᠋ᠠᠷ ᠰᠦᠰᠦᠭ ᠪᠢᠰᠢᠷᠡᠯ ᠢ᠋ ᠲᠥᠷᠥᠭᠦᠯᠵᠦ ᠪᠦᠷᠦᠨ ᠃
ᠬᠠᠮᠤᠭ ᠢ᠋ ᠮᠡᠳᠡᠭᠴᠢ ᠳᠠᠯᠠᠢ ᠯᠠᠮᠠ ᠶ᠋ᠢᠨ ᠵᠠᠷᠯᠢᠭ ᠤ᠋ᠨ ᠶᠣᠰᠣᠭᠠᠷ
ᠭᠠᠢᠬᠠᠮᠰᠢᠭ ᠵᠣᠣ ᠰᠢᠭᠡᠮᠦᠨᠢ ᠶ᠋ᠢᠨ ᠪᠡᠶᠡ ᠪᠠᠢᠭᠤᠯᠬᠤ ᠶ᠋ᠢᠨ ᠲᠤᠯᠠ ᠡᠯᠳᠡᠪ ᠡᠷᠳᠡᠨᠢᠰ ᠢ᠋ ᠴᠣᠭᠴᠠᠯᠠᠵᠤ ᠂
ᠭᠠᠪᠢᠶᠠ ᠲᠤ ᠪᠠᠯᠪᠤ ① ᠶ᠋ᠢᠨ ᠤᠷᠠᠨ ᠳ᠋ᠤᠷ ᠥᠭᠭᠦᠭᠡᠳ ᠡᠭᠦᠳᠴᠦ ᠳᠠᠭᠤᠰᠤᠭᠰᠠᠨ ᠤ᠋ ᠬᠣᠢᠨᠠ ᠂
ᠬᠠᠭᠠᠨ ᠬᠠᠲᠤᠨ ᠲᠡᠷᠢᠭᠦᠲᠡᠨ ᠬᠠᠮᠤᠭ ᠶᠡᠬᠡ ᠤᠯᠤᠰ ᠬᠣᠲᠣᠯᠠ ᠪᠦᠭᠦᠳᠡᠭᠡᠷ ᠂
— — — —
① ᠨᠧᠪᠠᠯ ᠤᠯᠤᠰ ᠢ᠋ ᠪᠠᠯᠪᠤ ᠭᠡᠨᠡ ᠃
ᠡᠯᠳᠡᠪ ᠵᠦᠢᠯ ᠡᠷᠳᠡᠨᠢ ᠠᠯᠲᠠᠨ ᠮᠥᠩᠭᠥᠨ ᠣᠯᠠᠨ ᠲᠣᠭᠠ ᠲᠠᠨ ᠢ᠋ ᠂
ᠡᠮᠡᠭᠡᠯ ᠬᠠᠵᠠᠭᠠᠷ ᠲᠣᠬᠣᠵᠤ ᠠᠷᠭᠤᠮᠠᠭ ᠲᠤᠮᠣᠴᠠᠭ ᠮᠣᠷᠢᠨ ᠲᠡᠷᠢᠭᠦᠲᠡᠨ ᠬᠥᠯᠭᠡᠳ ᠢ᠋ ᠂
ᠡᠩ ᠦᠭᠡᠢ ᠣᠯᠠᠨ ᠲᠣᠭᠠ ᠲᠠᠨ ᠮᠠᠯ ᠢ᠋ ᠴᠤᠭᠵᠠᠯᠠᠭᠤᠯᠵᠤ ᠭᠣᠣᠯ ᠳᠠᠯᠠ ᠳᠦᠭᠦᠷᠲᠡᠯᠡ ᠂
ᠡᠷᠭᠢᠨ ᠶᠡᠬᠡ ᠪᠤᠶᠠᠨ ᠢ᠋ ᠴᠠᠭᠯᠠᠰᠢ ᠦᠭᠡᠢ ᠡᠷᠭᠦᠵᠦ ᠪᠦᠷ ᠦ᠋ᠨ ᠃
ᠮᠠᠨᠵᠤᠰᠢᠷᠢ ᠬᠤᠲᠤᠭ ᠲᠤ᠌ ᠡᠬᠢᠯᠡᠨ ᠳᠥᠷᠪᠡᠨ ᠵᠦᠢᠯ ᠬᠤᠸᠠᠷᠠᠭ ① ᠦ᠋ᠳ ᠢ᠋ ᠵᠠᠯᠠᠵᠤ ᠂
ᠮᠠᠩᠯᠠᠢ ᠢᠯᠬᠤᠭ᠋ᠰᠠᠨ ᠵᠣᠣ ᠷᠢᠮᠪᠤᠴᠢ ᠳ᠋ᠤ᠌ ᠬᠤᠲᠤᠭ ᠣᠷᠣᠰᠢᠭᠤᠯ ᠤ᠋ᠨ ᠠᠷᠪᠠᠢ ᠰᠠᠴᠤᠬᠤᠢ ᠳ᠋ᠤᠷ ᠂
ᠮᠠᠭᠠᠳ ᠢ᠋ᠶ᠋ᠠᠷ ᠣᠭᠲᠠᠷᠭᠤᠢ ᠠ᠋ᠴᠠ ᠰᠡᠴᠡᠭ ᠦ᠋ᠨ ᠬᠤᠷᠠ ᠣᠷᠣᠭᠠᠳ ᠰᠡᠴᠡ ᠂
ᠮᠠᠰᠢ ᠲᠠᠪᠤᠨ ᠥᠩᠭᠡ ᠰᠣᠯᠣᠩᠭᠠ ᠳᠣᠲᠣᠷᠬᠠᠶᠠ ᠲᠠᠲᠠᠵᠤ ᠂
ᠲᠠᠩᠰᠤᠭ ᠭᠠᠢᠬᠠᠮᠰᠢᠭ᠋ ᠪᠡᠯᠬᠡᠰ ᠬᠣᠲᠠᠯᠠ ᠠᠮᠢᠳᠠᠨᠠ ᠦᠵᠡᠭᠳᠡᠭᠰᠡᠨ ᠳ᠋ᠦ᠍ᠷ᠂
ᠲᠡᠨᠳᠡ ᠡᠰᠷᠦᠨ ᠶᠡᠬᠡ ᠬᠦᠴᠦᠲᠦ ᠴᠩᠷᠡᠸᠠᠷᠳᠢ ᠨᠣᠮ ᠤ᠋ᠨ ᠠᠯᠲᠠᠨ ᠬᠠᠭᠠᠨ ᠲᠡᠷᠢᠭᠦᠲᠡᠨ ᠂
ᠲᠡᠭᠰᠢ ᠬᠣᠲᠠᠯᠠ ᠶᠡᠬᠡ ᠤᠯᠤᠰ ᠵᠠᠰᠠᠳᠠᠭ ᠶᠣᠰᠣᠨ ᠦᠭᠡᠢ ᠪᠢᠰᠢᠷᠡᠯ ᠢ᠋ ᠣᠯᠵᠤ ᠭᠠᠢᠬᠠᠪᠠᠢ᠃
ᠲᠡᠭᠦᠰ ᠢᠯᠠᠭᠤᠭᠰᠠᠨ ᠪᠤᠷᠬᠠᠨ ᠤ᠋ ᠰᠠᠰᠢᠨ ᠳ᠋ᠤᠷ ᠦᠨᠡᠨ ᠮᠠᠭᠠᠳ ᠢ᠋ᠶ᠋ᠠᠷ ᠣᠷᠣᠭᠰᠠᠨ ᠢᠨᠤ ᠲᠡᠢᠮᠦ ᠪᠥᠯᠥᠭᠡ ᠃
— — — —
① ᠪᠤᠷᠬᠠᠨ ᠤ᠋ ᠱᠠᠪᠢᠨᠠᠷ ᠤ᠋ᠨ ᠳᠣᠲᠣᠷᠠ ᠭᠡᠷ ᠡᠴᠡ ᠭᠠᠷᠤᠭᠰᠠᠨ ᠱᠠᠪᠢᠨᠠᠷ ᠣᠨ ᠡᠷᠡᠭᠲᠡᠢ ᠶ᠋ᠢ ᠨᠢ ᠪᠢᠺᠰᠦ᠍ ( Bhiksu ) ᠭᠡᠵᠦ ᠂ ᠡᠮᠡᠭᠲᠡᠢ ᠶ᠋ᠢ ᠪᠠᠷᠰᠥ᠋ᠨᠢ ( Bhiksuni ) ᠭᠡᠨᠡ ᠃ ᠭᠡᠷ ᠲᠦ᠍ ᠪᠠᠢᠬᠤ ᠱᠠᠪᠢᠨᠠᠷ ᠤ᠋ᠨ ᠡᠷᠡᠭᠲᠡᠢ ᠶ᠋ᠢ ᠨᠢ ᠥᠫᠡᠰᠡᠺᠡᠨ (优婆塞 ) ᠭᠡᠵᠦ ᠡᠮᠡᠭᠲᠡᠢ ᠶ᠋ᠢ ᠨᠢ ᠥᠫᠰᠢᠺᠡᠨ (优婆 ) ᠭᠡᠨᠡ ᠃ ᠡᠨᠡ ᠳᠥᠷᠪᠡ ᠶ᠋ᠢ ᠬᠠᠮᠲᠤ ᠳ᠋ᠤᠨᠢ ᠳᠥᠷᠪᠡᠨ ᠵᠦᠢᠯ ᠬᠤᠸᠠᠷᠠᠭ ᠭᠡᠵᠦ ᠬᠡᠯᠡᠨᠡ ᠃