ᠡᠷᠳᠡᠨᠢ ᠲᠤᠨᠤᠮᠠᠯ ᠨᠡᠷᠡᠲᠦ ᠰᠤᠳᠤᠷ ᠣᠷᠣᠰᠢᠪᠠ - 5 Эрдэнэ тунамал нэрт судар оршив - 5
286ᠡᠷᠳᠡᠨᠢ ᠲᠤᠨᠤᠮᠠᠯ ᠨᠡᠷᠡᠲᠦ ᠰᠤᠳᠤᠷ ᠣᠷᠣᠰᠢᠪᠠ - 5
ᠭᠠᠷ ᠲᠤᠷ ᠢᠨᠤ ᠡᠷᠢᠭᠡ① ᠪᠠᠷᠢᠭᠤᠯᠵᠤ ᠭᠠᠭᠴᠠ ᠭᠠᠭᠴᠠ ᠲᠠᠲᠠᠵᠤ ᠪᠦᠷᠢᠨ ᠤᠩᠰᠢ ᠭᠡᠮᠡᠨ
ᠬᠠᠮᠤᠭ ᠠᠮᠢᠲᠠᠨ ᠳ᠋ᠤᠷ ᠲᠡᠷᠢᠭᠦᠯᠡᠰᠢ ᠦᠭᠡᠢ ᠡᠴᠢᠭᠡ ᠡᠬᠡ ᠡᠰᠡ ᠪᠣᠯᠤᠭᠰᠠᠨ ᠦᠭᠡᠢ ᠶ᠋ᠢᠨ ᠲᠤᠯᠠ ᠂
ᠬᠠᠢᠷᠠᠯᠠᠨ ᠨᠢᠭᠦᠯᠡᠰᠬᠦᠢ ᠰᠡᠳᠬᠢᠯ ᠦ᠋ᠨ ᠡᠭᠦᠳᠡᠨ ᠡᠴᠡ ᠬᠢᠴᠢᠶᠡᠨ ᠪᠢᠰᠢᠯᠭᠠᠵᠤ ᠤᠩᠰᠢᠪᠠᠰᠤ ᠂
ᠬᠠᠮᠤᠭ ᠢ᠋ ᠮᠡᠳᠡᠭᠴᠢ ᠬᠣᠩᠰᠢᠮ ᠪᠣᠳᠢᠰᠤᠩ ᠤ᠋ᠨ ᠬᠤᠲᠤᠭ ᠣᠯᠬᠤ ᠪᠣᠯᠤᠶᠤ ᠬᠡᠮᠡᠪᠡ ᠃
《 ᠡᠨᠡ ᠵᠢᠷᠭᠤᠭᠠᠨ ᠦᠰᠦᠭ ᠦ᠋ᠨ ᠴᠢᠨᠠᠷ ᠶᠣᠰᠣᠨ ᠢᠨᠤ ᠬᠡᠮᠡᠪᠡᠰᠦ ᠂
ᠡᠷᠬᠡᠨ 0) ᠤᠸᠠ ᠦᠰᠦᠭ ᠲᠡᠭᠷᠢ ᠨᠠᠷ ᠤ᠋ᠨ ᠣᠮᠣᠭ ᠲᠤ᠌ ᠲᠦᠷᠦᠬᠦᠢ ᠦᠬᠦᠬᠦᠢ ᠡᠴᠡ ᠲᠣᠨᠢᠯᠭᠠᠵᠤ ᠂
ᠡᠷᠬᠡᠲᠦ ᠮᠠ᠋ ᠦᠰᠦᠭ ᠠᠰᠤᠷᠢ② ᠨᠠᠷ ᠤ᠋ᠨ ᠪᠠᠢᠷᠢᠯᠠᠯᠳᠤᠨ ᠲᠡᠮᠡᠴᠡᠯᠳᠦᠬᠦᠢ ᠡᠴᠡ ᠲᠣᠨᠢᠯᠭᠠᠵᠤ ᠂
ᠡᠯᠡ ᠸᠢ ᠦᠰᠦᠭ ᠬᠥᠮᠦᠨ ᠦ ᠳᠥᠷᠪᠡᠨ ᠵᠣᠪᠠᠯᠠᠩ③ ᠠ᠋ᠴᠠ ᠲᠣᠨᠢᠯᠭᠠᠵᠤ ᠂
ᠵᠢᠪᠬᠤᠯᠠᠩᠲᠤ ᠫᠠᠳ ᠦᠰᠦᠭ ᠠᠳᠤᠭᠤᠰᠤᠨ ᠤ᠋ ᠬᠡᠯᠡᠭᠡᠢ ᠮᠤᠩᠬᠠᠭ ᠵᠣᠪᠠᠯᠠᠩ ᠠ᠋ᠴᠠ ᠲᠣᠨᠢᠯᠭᠠᠵᠤ ᠂
ᠵᠢᠴᠢ ᠮᠸ ᠦᠰᠦᠭ ᠪᠢᠷᠢᠳ④ ᠦ᠋ᠨ ᠥᠯᠥᠰᠬᠦᠢ ᠤᠮᠳᠠᠭᠠᠰᠬᠤᠢ ᠵᠣᠪᠠᠯᠠᠩ ᠠ᠋ᠴᠠ ᠲᠣᠨᠢᠯᠭᠠᠵᠤ ᠂
— — — —
①ᠡᠷᠢᠭᠡ ᠶ᠋ᠢᠨ ᠮᠥᠬᠥᠯᠢᠭ ᠦ᠋ᠨ ᠲᠣᠭᠠ ᠨᠢ ᠠᠳᠠᠯᠢ ᠦᠭᠡᠢ ᠂ ᠣᠯᠠᠩᠬᠢ ᠠᠨᠤ ᠨᠢᠭᠡ ᠵᠠᠭᠤ ᠨᠠᠢ᠍ᠮᠠᠨ ᠮᠥᠬᠥᠯᠢᠭ ᠲᠡᠢ ᠃ᠡᠢᠮᠦ ᠡᠷᠢᠭᠡ ᠪᠡᠷ ᠮᠠᠨᠢ ᠲᠣᠭᠠᠯᠠᠪᠠᠯ ᠨᠢᠭᠡ ᠵᠠᠭᠤ ᠪᠥᠭᠡᠳ ᠨᠠᠢ᠍ᠮᠠᠨ ᠵᠦᠢᠯ ᠦ᠋ᠨ ᠵᠣᠪᠠᠨᠢᠯ ᠢ᠋ ᠠᠷᠢᠯᠭᠠᠵᠤ ᠴᠢᠳᠠᠬᠤ ᠭᠡᠨᠡ ᠃
②ᠰᠠᠨᠰᠷᠺᠷᠢᠲ ᠦᠭᠡ Asura ᠶᠢᠨ ᠠᠪᠢᠶᠠᠴᠢᠯᠠᠭᠰᠠᠨ ᠣᠷᠴᠢᠭᠤᠯᠬᠠ ᠂ ᠲᠡᠢᠨ ᠳ᠋ᠦ᠍ ᠳᠤᠷᠠᠲᠠᠢ ᠰᠠᠬᠢᠭᠤᠯᠰᠤᠨ ᠢ᠋ ᠬᠡᠯᠡᠨᠡ ᠃
③ᠲᠥᠷᠥᠬᠦ ᠂ ᠥᠲᠡᠯᠬᠦ ᠂ ᠡᠪᠡᠳᠬᠦ ᠂ ᠦᠬᠦᠬᠦ ᠵᠡᠷᠭᠡ ᠬᠥᠮᠦᠨ ᠦ᠌ ᠶᠢᠷᠲᠢᠨᠴᠦ ᠶ᠋ᠢᠨ ᠳᠥᠷᠪᠡᠨ ᠵᠦᠢᠯ ᠦ᠋ᠨ ᠵᠣᠪᠠᠯᠠᠩ ᠢ᠋ ᠬᠡᠯᠡᠨᠡ ᠃
④ᠰᠠᠨᠰᠷᠺᠷᠢᠲ ᠦᠭᠡ preta ᠶᠢᠨ ᠠᠪᠢᠶᠠᠴᠢᠯᠠᠭᠰᠠᠨ ᠣᠷᠴᠢᠭᠤᠯᠭᠠ ᠂ ᠲᠠᠮᠤ ᠶ᠋ᠢᠨ ᠡᠭᠦᠳᠡ ᠶ᠋ᠢ ᠰᠠᠬᠢᠬᠤ ᠥᠯᠥᠨ ᠴᠢᠳᠬᠥᠷ ᠢ᠋ ᠬᠡᠯᠡᠨᠡ ᠃
ᠵᠢᠷᠭᠠᠯᠠᠩ ᠲᠤ ᠬᠣᠩ ᠦᠰᠦᠭ ᠲᠠᠮᠤ ᠶ᠋ᠢᠨ ᠬᠦᠢᠲᠡᠨ ᠬᠠᠯᠠᠭᠤᠨ ᠵᠣᠪᠠᠯᠠᠩ ᠠ᠋ᠴᠠ ᠲᠣᠨᠢᠯᠭᠠᠵᠤ ᠂
ᠵᠢᠷᠭᠤᠭᠠᠨ ᠦᠰᠦᠭ ᠦ᠋ᠨ ᠴᠢᠨᠠᠷ ᠲᠤᠭᠤᠯᠠᠰᠢ ᠦᠭᠡᠢ ᠂ ᠴᠠᠭᠯᠠᠰᠢ ᠦᠭᠡᠢ ᠂ ᠥᠯᠢᠰᠢ ᠦᠭᠡᠢ ᠪᠣᠯᠤᠶᠤ ᠃
ᠬᠠᠮᠤᠭ ᠪᠤᠷᠬᠠᠨ ᠨᠤᠭᠤᠳ ᠤ᠋ᠨ ᠭᠦᠨ ᠨᠠᠷᠢᠨ ᠬᠤᠷᠢᠶᠠᠩᠭᠤᠢ ᠲᠠᠷᠨᠢ ᠂
ᠬᠠᠮᠤᠭ ᠳᠡᠭᠡᠳᠦ ᠨᠣᠮ ᠤ᠋ᠨ ᠬᠤᠷᠢᠶᠠᠩᠭᠤᠢ ᠦᠷᠡ ᠦᠰᠦᠭ① ᠂
ᠬᠠᠮᠤᠭ ᠠᠮᠢᠲᠠᠨ ᠢ᠋ ② ᠬᠠᠷᠠᠩᠭᠤ ᠶ᠋ᠢ ᠠᠷᠢᠯᠭᠠᠭᠴᠢ ᠴᠣᠭ᠍ᠲᠤ ᠨᠠᠷᠠᠨ ᠂
ᠭᠠᠢᠬᠠᠮᠰᠢᠭ᠋ ᠭᠦᠨ ᠨᠠᠷᠢᠨ ᠵᠢᠷᠭᠤᠭᠠᠨ ᠦᠰᠦᠭ ᠦ᠋ᠨ ᠴᠢᠨᠠᠷ ᠲᠤᠭᠤᠯᠠᠰᠢ ᠦᠭᠡᠢ ᠪᠤᠶᠤ ᠃
《 ᠦᠷᠭᠦᠯᠵᠢ ᠲᠠᠰᠤᠷᠠᠯ ᠦᠭᠡᠢ ᠣᠷᠣᠭᠰᠠᠨ ᠬᠤᠷᠠ ᠴᠠᠰᠤᠨ ᠢ᠋ ᠲᠤᠭᠤᠯᠠᠵᠤ ᠬᠡᠮᠡᠯᠵᠦ ᠴᠢᠳᠠᠶᠤ ᠂
ᠦᠯᠡᠮᠵᠢ ᠵᠢᠷᠭᠤᠭᠠᠨ ᠦᠰᠦᠭ ᠢ᠋ ᠨᠢᠭᠡᠨ ᠲᠠ ᠤᠩᠰᠢᠭᠰᠠᠨ ᠤ᠋ ᠠᠴᠢ ᠶ᠋ᠢ ᠲᠤᠭᠤᠯᠠᠵᠤ ᠦᠯᠦ ᠴᠢᠳᠠᠶᠤ ᠂
ᠥᠴᠦᠬᠡᠨ ᠬᠤᠷᠢᠶᠠᠵᠤ ᠲᠣᠪᠴᠢᠯᠠᠨ ᠠᠢᠯᠠᠳᠬᠠᠵᠤ ᠤᠬᠠᠭᠤᠯᠤᠮᠤᠢ ᠪᠢ ᠂
ᠤᠷᠠᠨᠠ ᠬᠠᠭᠠᠨ ᠬᠠᠲᠤᠨ ᠨᠠᠢ᠍ᠮᠠᠨ ᠦᠶᠡ ᠳ᠋ᠦ᠍ ᠰᠠᠨᠸᠠᠷ③ ᠊ᠢ ᠰᠠᠬᠢ !》 ᠬᠡᠮᠡᠭᠰᠡᠨ ᠳ᠋ᠦ᠍ᠷ ᠂
— — — —
① ᠮᠠᠨᠢ ᠶ᠋ᠢᠨ ᠵᠢᠷᠭᠤᠭᠠᠨ ᠦᠰᠦᠭ ᠤᠸᠠ ᠮᠠ᠋ ᠸᠢ ᠫᠠᠳ᠋ᠮᠸ ᠾᠤᠤ ᠶ᠋ᠢ ᠬᠡᠯᠡᠵᠡᠢ ᠃ ᠡᠨᠡ ᠵᠢᠷᠭᠤᠭᠠᠨ ᠦᠰᠦᠭ ᠪᠣᠯ ᠪᠤᠷᠬᠠᠨ ᠤ᠋ ᠨᠣᠮ ᠤ᠋ᠨ ᠦᠨᠳᠦᠰᠦᠨ ᠶᠣᠰᠣᠨ ᠮᠥᠨ ᠪᠥᠭᠡᠳ ᠡᠪᠡᠰᠦ ᠮᠣᠳᠣᠨ ᠤ᠋ ᠦᠷᠡ ᠦᠨᠳᠦᠰᠦ ᠮᠡᠲᠦ ᠲᠤᠯᠠ ᠲᠡᠭᠦᠨ ᠢ᠋ ᠦᠷᠡ ᠦᠰᠦᠭ ᠭᠡᠮᠡᠨ ᠨᠡᠷᠡᠢᠳᠳᠡᠭ ᠃
②《 ᠠᠮᠢᠲᠠᠨ ᠢ᠋ 》ᠭᠡᠳᠡᠭ ᠨᠢ 《 ᠠᠮᠢᠲᠠᠨ ᠤ᠋ 》 ᠭᠡᠰᠡᠨ ᠦᠭᠡ ᠃
③ ᠰᠠᠨᠰᠷᠺᠷᠢᠲ ᠦᠭᠡ Sanvar ᠶ᠋ᠢᠨ ᠠᠪᠢᠶᠠᠴᠢᠯᠠᠭᠰᠠᠨ ᠣᠷᠴᠢᠭᠤᠯᠭᠠ ᠂ ᠴᠡᠭᠡᠷᠯᠡᠯ ᠭᠡᠬᠦ ᠤᠳᠬᠠ ᠲᠠᠢ ᠃ᠯᠠᠮᠠ ᠬᠤᠸᠠᠷᠠᠭ ᠤ᠋ᠨ ᠴᠡᠭᠡᠷᠯᠡᠯ ᠦ᠋ᠨ ᠵᠦᠢᠯ ᠨᠠᠢ᠍ᠮᠠ ᠪᠠᠢᠳᠠᠭ ᠃ ᠡᠢᠮᠦ ᠡᠴᠡ ᠨᠠᠢ᠍ᠮᠠᠨ ᠦᠶᠡᠲᠦ ᠰᠠᠨᠸᠠᠷ ᠪᠤᠶᠤ ᠪᠠᠰᠠ ᠨᠠᠢ᠍ᠮᠠᠨ ᠭᠡᠰᠢᠭᠦᠳᠦ ᠰᠠᠨᠸᠠᠷ ᠭᠡᠵᠦ ᠥᠭᠦᠯᠡᠳᠡᠭ ᠃
《 ᠲᠡᠢᠨ ᠢ᠋ᠶ᠋ᠡᠷ ᠪᠥᠭᠡᠰᠦ ᠨᠠᠢ᠍ᠮᠠᠨ ᠦᠶᠡ ᠳ᠋ᠦ᠍ ᠰᠠᠨᠸᠠᠷ ᠶᠠᠮᠪᠠᠷ ᠪᠣᠢ ? 》 ᠭᠡᠮᠡᠨ ᠠᠰᠠᠭᠤᠪᠠᠰᠤ ᠂
ᠲᠡᠷᠡ ᠯᠠᠮᠠ ᠵᠠᠷᠯᠢᠭ ᠪᠣᠯᠣᠷ ᠤ᠋ᠨ ᠄ 《 ᠡᠩ ᠤᠷᠢᠳᠠ ᠡᠷᠲᠡ ᠮᠠᠨᠠᠭᠠᠷ ᠪᠣᠰᠴᠤ ᠂
ᠳᠡᠭᠡᠳᠦ ᠭᠤᠷᠪᠠᠨ ᠡᠷᠳᠡᠨᠢᠰ ᠲᠣᠷ ᠢᠲᠡᠭᠡᠯ ᠶᠠᠪᠤᠭᠤᠯᠤᠭᠠᠳ
ᠲᠡᠭᠰᠢ ᠳᠥᠷᠪᠡᠨ ᠴᠠᠭᠯᠠᠰᠢ ᠦᠬᠡᠷ ① ᠢ᠋ ᠪᠢᠰᠢᠯᠭᠠᠭᠳᠠᠬᠤᠢ ᠃
ᠠᠷᠢᠭᠤᠨ ᠭᠤᠷᠪᠠᠨ ᠡᠷᠳᠡᠨᠢ ᠡᠴᠡ ᠥᠭᠡᠷᠡ ᠢᠪᠡᠭᠡᠯᠳᠦ ᠦᠭᠡᠢ ᠂
ᠠᠴᠢᠲᠠᠨ ᠳ᠋ᠤᠷ ᠡᠴᠢᠭᠡ ᠡᠬᠡ ᠸᠴᠢᠷ ᠲᠦ᠍ ᠪᠠᠭᠰᠢ② ᠠ᠋ᠴᠠ ᠶᠡᠬᠡ ᠠᠴᠢᠲᠤ ᠦᠭᠡᠢ ᠂
ᠠᠮᠢᠲᠠᠨ ᠡᠴᠢᠭᠡ ᠡᠬᠡ ᠭᠡᠮᠡᠨ ᠮᠡᠳᠡᠵᠦ ᠰᠠᠨᠸᠠᠷ ᠢ᠋ ᠰᠠᠬᠢᠭᠳᠠᠬᠤᠢ ᠪᠤᠶᠤ ᠂
ᠠᠯᠢᠮᠠᠳ ᠨᠢ᠋ᠮᠠ ᠦᠶᠡ ᠬᠡᠮᠡᠪᠡᠰᠦ ᠡᠢᠮᠦ ᠪᠤᠶᠤ ᠄
ᠠᠮᠢᠨ ᠢ᠋ ᠦᠯᠦ ᠳᠠᠰᠤᠯ ᠤ᠋ᠨ ᠡᠰᠡ ᠦᠭᠭᠦᠭᠰᠡᠨ ᠢ᠋ ᠦᠯᠦ ᠠᠪᠬᠤᠢ ② ᠪᠠ
— — — —
① ᠪᠣᠳᠢᠰᠠᠳ᠋ᠸᠠ ᠶ᠋ᠢᠨ ᠬᠠᠮᠤᠭ ᠠᠮᠢᠲᠠᠨ ᠳ᠋ᠤᠷ ᠦᠵᠡᠭᠦᠯᠬᠦ ᠠᠰᠠᠷᠠᠬᠤᠢ ᠰᠡᠳᠬᠢᠯ᠂ ᠬᠠᠮᠤᠭ ᠠᠮᠢᠲᠠᠨ ᠢ᠋ ᠭᠠᠰᠢᠭᠤᠨ ᠤ᠋ ᠬᠢᠵᠠᠭᠠᠷ ᠠ᠋ᠴᠠ ᠠᠪᠤᠷᠠᠬᠤ ᠶ᠋ᠢᠨ ᠨᠢᠭᠦᠯᠡᠰᠦᠭᠦᠢ ᠰᠡᠳᠬᠢᠯ᠂ ᠬᠠᠮᠤᠭ ᠠᠮᠢᠳᠠ ᠶ᠋ᠢ ᠵᠣᠪᠠᠯᠠᠩᠠᠴᠠ ᠰᠠᠯᠭᠠᠵᠤ ᠵᠢᠷᠭᠠᠯᠠᠩ ᠢ᠋ ᠣᠯᠭᠣᠬᠤ ᠪᠠᠶᠠᠷᠯᠠᠬᠤᠢ ᠰᠡᠳᠬᠢᠯ ᠂ ᠬᠠᠮᠤᠭ ᠠᠮᠢᠲᠠᠨ ᠳ᠋ᠤᠷ ᠦᠵᠡᠭᠦᠯᠬᠦ ᠥᠴᠦᠬᠡᠨ ᠴᠦ᠍ ᠰᠢᠨᠤᠬᠠᠢ ᠦᠭᠡᠢ ᠨᠠᠮᠵᠢᠬᠤᠢ ᠰᠡᠳᠬᠢᠯ ᠢᠨᠤ ᠠᠴᠢ ᠭᠠᠪᠢᠶᠠ ᠬᠢᠵᠠᠭᠠᠯᠠᠰᠢ ᠦᠭᠡᠢ ᠬᠡᠮᠡᠬᠦ ᠲᠤᠯᠠ ᠂ ᠳᠥᠷᠪᠡᠨ ᠴᠠᠭᠯᠠᠰᠢ ᠦᠭᠡᠢ ᠰᠡᠳᠬᠢᠯ ᠭᠡᠨᠡ ᠂ ᠳᠥᠭᠥᠮᠴᠢᠯᠡᠭᠡᠳ ᠳᠥᠷᠪᠡᠨ ᠴᠠᠭᠯᠠᠰᠢ ᠦᠭᠡᠢ ᠭᠡᠨᠡ ᠃
② ᠰᠢᠭᠡᠮᠦᠨᠢ ᠪᠤᠷᠬᠠᠨ ᠢ᠋ ᠥᠭᠦᠯᠡᠵᠦ ᠪᠣᠢ ᠃
③ ᠡᠰᠡ ᠦᠭᠭᠦᠭᠰᠡᠨ ᠢ᠋ ᠦᠯᠦ ᠠᠪᠬᠤ ᠭᠡᠳᠡᠭ ᠨᠢ ᠬᠤᠯᠠᠭᠠᠢ ᠬᠣᠪᠳᠣᠭ ᠦᠯᠦ ᠬᠢᠬᠦ ᠤᠳᠬᠠ ᠲᠠᠢ ᠃
ᠠᠷᠢᠭᠤᠨ ᠪᠤᠰᠤ ᠶᠠᠪᠤᠳᠠᠯ ᠢ᠋ ① ᠲᠡᠪᠴᠢᠭᠡᠳ ᠬᠤᠳᠠᠯ ᠦᠯᠦ ᠥᠭᠦᠯᠡᠬᠦᠢ ᠪᠠ ᠂
ᠠᠨᠳᠠᠭᠤᠷᠠᠵᠤ ᠴᠠᠭ ᠪᠤᠰᠤ ᠶ᠋ᠢᠨ ᠢᠳᠡᠭᠡᠨ ᠦᠯᠦ ᠢᠳᠡᠨ ② ᠴᠢᠮᠡᠭᠯᠡᠨ ᠦᠯᠦ ᠰᠤᠷᠴᠢᠬᠦᠢ③ ᠪᠠ ᠂
ᠠᠰᠤᠷᠤ ᠮᠠᠰᠢ ᠬᠥᠭ ᠳᠠᠭᠤᠨ ᠴᠡᠩᠭᠡᠯᠳᠦᠬᠦᠢ④ ᠰᠠᠨᠳᠠᠯᠢ ᠲᠡᠷᠢᠭᠦᠲᠡᠨ ᠢ᠋ ᠲᠡᠪᠴᠢᠬᠦᠢ ⑤ᠪᠤᠶᠤ !》
ᠭᠡᠮᠡᠨ ᠨᠣᠮᠯᠠᠨ ᠵᠠᠷᠯᠢᠭ ᠪᠣᠯᠵᠤ ᠠᠢᠯᠠᠳᠬᠠᠭᠰᠠᠨ ᠳ᠋ᠤᠷ ᠂
ᠭᠡᠭᠡᠨ ᠬᠠᠭᠠᠨ ᠬᠠᠲᠤᠨ ᠬᠠᠮᠤᠭ ᠪᠦᠭᠦᠳᠡ ᠶᠡᠬᠡ ᠤᠯᠤᠰ ᠪᠢᠰᠢᠷᠡᠵᠦ ᠂
ᠭᠡᠮ ᠦᠭᠡᠢ ᠨᠠᠢ᠍ᠮᠠᠨ ᠦᠶᠡ ᠳ᠋ᠦ᠍ ᠰᠠᠨᠸᠠᠷᠢ ᠬᠢᠨᠠᠵᠤ ᠰᠠᠬᠢᠭᠠᠳ ᠂
ᠭᠡᠲᠦᠯᠭᠡᠭᠴᠢ ᠪᠤᠷᠬᠠᠨ ᠤ᠋ ᠨᠣᠮ ᠤ᠋ᠨ ᠶᠣᠰᠣᠨ ᠲᠡᠷᠢᠭᠦᠨ ᠰᠣᠨᠣᠰᠤᠭᠰᠠᠨ ᠰᠢᠯᠲᠠᠭᠠᠨ ᠢᠨᠤ ᠲᠡᠢᠮᠦ ᠪᠥᠯᠥᠭᠡ ᠃
ᠠᠯᠳᠠᠷᠰᠢᠭᠰᠠᠨ ᠪᠣᠭᠳᠠ ᠠᠯᠲᠠᠨ ᠬᠠᠭᠠᠨ ᠡᠷᠡ ᠤᠰᠤᠨ ᠪᠡᠴᠢᠨ ᠵᠢᠯᠠ ⑥ ᠪᠠᠰᠠ ᠬᠦ᠌ ᠂
— — — —
① ᠠᠷᠢᠭᠤᠨ ᠪᠤᠰᠤ ᠶᠠᠪᠤᠳᠠᠯ ᠭᠡᠰᠡᠨ ᠨᠢ ᠰᠠᠳᠤᠷ ᠰᠠᠮᠠᠭᠤᠨ ᠶᠠᠪᠤᠬᠤ ᠶ᠋ᠢ ᠥᠭᠦᠯᠡᠭᠰᠡᠨ ᠦᠭᠡ ᠃
② ᠴᠠᠭ ᠪᠤᠰᠤ ᠶ᠋ᠢᠨ ᠢᠳᠡᠭᠡᠨ ᠦᠯᠦ ᠢᠳᠡᠨ ᠭᠡᠳᠡᠭ ᠨᠢ ᠡᠳᠦᠷ ᠳᠦᠯᠢ ᠥᠩᠭᠡᠷᠡᠭᠰᠡᠨ ᠦ᠌ ᠬᠣᠢᠨᠠ ᠢᠳᠡᠭᠡᠨ ᠢᠳᠡᠬᠦ ᠶ᠋ᠢ ᠲᠡᠪᠴᠢᠬᠦ ᠭᠡᠰᠡ ᠤᠳᠬᠠ ᠲᠠᠢ ᠃
③ ᠴᠢᠮᠡᠭᠯᠡᠨ ᠦᠯᠦ ᠰᠤᠷᠴᠢᠬᠦᠢ ᠭᠡᠳᠡᠭ ᠣᠸ᠋ᠠ ᠡᠩᠭᠡᠰᠬᠡ ᠲᠦᠷᠭᠡᠨ ᠬᠤᠸᠠᠷ ᠴᠡᠴᠡᠭ ᠢ᠋ᠶ᠋ᠡᠷ ᠵᠠᠰᠠᠵᠤ ᠴᠢᠮᠡᠭᠯᠡᠬᠦ ᠶ᠋ᠢ ᠲᠡᠪᠴᠢᠬᠦ ᠭᠡᠰᠡᠨ ᠤᠳᠬᠠ ᠲᠠᠢ ᠃
④ᠬᠥᠭ ᠳᠠᠭᠤᠨ ᠴᠡᠩᠭᠡᠯᠳᠦᠬᠦᠢ ᠭᠡᠰᠡᠨ ᠨᠢ ᠳᠠᠭᠤᠤ ᠬᠥᠭᠵᠢᠮ ᠪᠥᠵᠢᠭ ᠨᠠᠭᠠᠳᠤᠮ ᠢ᠋ ᠦᠵᠡᠵᠦ ᠰᠣᠨᠣᠰᠬᠤ ᠶ᠋ᠢ ᠬᠡᠯᠡᠨᠡ᠃
⑤ ᠰᠠᠨᠳᠠᠯᠢ ᠲᠡᠷᠢᠭᠦᠲᠡᠨ ᠢ᠋ ᠲᠡᠪᠴᠢᠬᠦ ᠭᠡᠳᠡᠭ ᠨᠢ ᠥᠨᠳᠥᠷ ᠶᠡᠬᠡ ᠰᠠᠨᠳᠠᠯᠢ ᠳ᠋ᠤ᠌ ᠬᠡᠪᠲᠡᠬᠦ ᠪᠠ ᠰᠠᠭᠤᠵᠤ ᠦᠯᠦ ᠪᠣᠯᠬᠤ ᠭᠡᠰᠡᠨ ᠤᠳᠬᠠ ᠲᠠᠢ ᠃
⑥ ᠮᠣᠩᠭᠣᠯ ᠤ᠋ᠨ ᠣᠨ ᠲᠣᠭᠠᠯᠠᠯ ᠤ᠋ᠨ ᠬᠠᠷᠠ ᠡᠷᠡ ᠪᠡᠴᠢᠨ ᠵᠢᠯ ᠲᠡᠢ ᠠᠳᠠᠯᠢ ᠂ ᠯᠦᠩ ᠴᠢᠩ ᠦ᠋ᠨ ᠵᠢᠷᠭᠤᠳᠤᠭᠠᠷ ᠣᠨ ( 1572 ) ᠃
ᠠᠯᠳᠠᠭᠰᠠᠨ ᠳᠠᠢᠳᠤ ᠶ᠋ᠢ ᠠᠳᠠᠯᠢᠳᠬᠠᠨ ᠬᠥᠬᠡ ᠬᠣᠲᠠ ᠶ᠋ᠢ ᠰᠡᠳᠦᠵᠦ ᠂ ①
ᠠᠷᠪᠠᠨ ᠬᠣᠶᠠᠷ ᠲᠦᠮᠡᠳ ② ᠶᠡᠬᠡ ᠤᠯᠤᠰ ᠢ᠋ᠶ᠋ᠠᠨ ᠬᠤᠷᠢᠶᠠᠵᠤ ᠵᠠᠬᠢᠷᠤᠭᠠᠳ ᠂
ᠠᠳᠠᠯᠢᠳᠬᠠᠰᠢ ᠦᠭᠡᠢ ᠤᠷᠠᠨᠠ ᠵᠣᠬᠢᠶᠠᠨ ᠵᠠᠰᠠᠵᠤ ᠵᠥᠪᠰᠢᠶᠡᠷᠡᠭᠡᠳ ᠂
— — — —
① ᠸᠠᠨ ᠯᠢ ᠶ᠋ᠢᠨ ᠭᠤᠲᠠᠭᠠᠷ ᠣᠨ ( 1575 ) ᠤ᠋ ᠶᠢᠰᠦᠳᠦᠭᠡᠷ ᠰᠠᠷᠠ ᠳ᠋ᠤ᠌ ᠪᠠᠢᠭᠤᠯᠤᠨ ᠳᠠᠭᠤᠰᠪᠠ ᠂ ᠠᠯᠲᠠᠨ ᠬᠠᠭᠠᠨ ᠳᠡᠢᠮᠢᠩ ᠡᠴᠡ ᠬᠣᠲᠠ ᠶ᠋ᠢᠨ ᠨᠡᠷᠡ ᠭᠣᠶᠣᠭᠰᠠᠨᠠ ᠳᠠᠢᠮᠢᠩ ᠤ᠋ᠨ ᠵᠠᠰᠠᠭ ᠤ᠋ᠨ ᠭᠠᠵᠠᠷ ᠠ᠋ᠴᠠ ᠬᠦᠢ ᠬᠤᠸᠠ (归化 ) ᠭᠡᠵᠦ ᠨᠠᠷᠠᠯᠠᠪᠠ ᠃
② ᠪᠠᠰᠠ ᠠᠷᠪᠠᠨ ᠬᠣᠶᠠᠷ ᠣᠲᠣᠭ ᠲᠦᠮᠡᠳ ᠭᠡᠳᠡᠭ ᠃ ᠠᠷᠪᠠᠨ ᠬᠣᠶᠠᠷ ᠲᠦᠮᠡᠳ ᠲᠦ᠍ ᠴᠣᠬᠣᠮ ᠠᠯᠢ ᠠᠯᠢ ᠣᠲᠣᠭ ᠪᠠᠭᠲᠠᠬᠤ ᠶ᠋ᠢ ᠡᠷᠳᠡᠮᠲᠡᠨ ᠨᠠᠷ ᠬᠠᠷᠠᠬᠠᠨ ᠲᠣᠳᠣᠯᠠᠭᠠᠳᠤᠢ ᠪᠠᠢᠭᠰᠠᠭᠠᠷ ᠃ ᠶᠠᠫᠣᠨ ᠤ᠋ ᠮᠣᠩᠭᠣᠯᠴᠢ ᠡᠷᠳᠡᠮᠲᠡᠨ ᠸᠠᠳᠠᠰᠠᠢ ᠲᠡᠭᠦᠨ ᠦ᠌《 ᠳᠤᠮᠳᠠᠳᠤ ᠭᠤᠷᠪᠠᠨ ᠬᠢᠵᠠᠭᠠᠷ ᠪᠠ ᠪᠠᠷᠠᠭᠤᠨ ᠭᠤᠷᠪᠠᠨ ᠬᠢᠵᠠᠭᠠᠷ ᠳᠠᠬᠢ ᠸᠠᠩ ᠬᠦᠩ ᠦ᠋ᠨ ᠲᠤᠬᠠᠢ ᠥᠭᠦᠯᠡᠬᠦ ᠨᠢ 》 ᠭᠡᠬᠦ ᠥᠭᠦᠯᠡᠯ ᠳ᠋ᠡᠭᠡᠨ : 《 ᠳ᠋ᠦᠸᠧ ᠯᠦᠸᠧ ᠳ᠋ᠦ᠍ ᠮᠠᠨ (多罗土蛮 ) ᠭᠡᠭᠴᠢ ᠨᠢ ᠳᠣᠯᠣᠭᠠᠨ ᠲᠦᠮᠡᠳ ᠢ᠋ ᠬᠡᠯᠡᠵᠦ ᠪᠠᠢᠬᠤ ᠪᠥᠭᠡᠳ 《 ᠡᠷᠳᠡᠨᠢ ᠶ᠋ᠢᠨ ᠲᠣᠪᠴᠢ 》 ᠳ᠋ᠤ᠌ ᠡᠬᠢᠯᠡᠩᠭᠦᠲᠡ ᠭᠠᠭᠴᠠ ᠳᠣᠯᠣᠭᠠᠨ ᠲᠦᠮᠡᠳ ᠭᠡᠵᠦ ᠲᠡᠮᠳᠡᠭᠯᠡᠵᠦ ᠪᠠᠢᠭᠠᠳ ᠬᠣᠢᠰᠢ ᠪᠣᠯᠬᠤᠶᠠ ᠰᠠᠶᠢ ᠠᠷᠪᠠᠨ ᠬᠣᠶᠠᠷ ᠲᠦᠮᠡᠳ ᠭᠡᠵᠦ ᠳᠤᠷᠠᠳᠳᠠᠭ ᠪᠣᠯᠵᠠᠢ ᠃ ᠁ ᠠᠷᠪᠠᠨ ᠬᠣᠶᠠᠷ ᠲᠦᠮᠡᠳ ᠭᠡᠭᠴᠢ ᠶ᠋ᠢ ᠬᠢᠨᠠᠵᠤ ᠦᠵᠡᠪᠡᠯ ᠬᠣᠵᠢᠮ ᠤ᠋ᠨ ᠦᠶᠡ ᠬᠥᠭᠵᠢᠨ ᠪᠠᠢᠭᠰᠠᠭᠠᠷ ᠪᠦᠷᠢᠯᠳᠦᠨ ᠲᠣᠭᠲᠠᠭᠰᠠᠨ ᠠᠷᠪᠠᠨ ᠬᠣᠶᠠᠷ ᠬᠠᠷᠠᠭᠤᠯ (十二哨 ) ᠪᠣᠯᠤᠯᠲᠠᠢ ᠃ ᠶᠡᠷᠦᠩᠬᠡᠢᠯᠡᠪᠡᠯ ᠂ ᠴᠦᠷᠦᠭᠡ ᠶ᠋ᠢᠨ ᠦᠶᠡ ᠳ᠋ᠦ᠍ ᠨᠡᠷᠡ ᠠᠯᠳᠠᠷᠰᠢᠭᠰᠠᠨ ᠱᠦᠨ ᠢ ᠸᠠᠩ ᠤ᠋ᠨ ᠵᠢᠷᠭᠤᠭᠠᠨ ᠶᠡᠬᠡ ᠠᠢᠮᠠᠭ ᠠᠷᠪᠠᠨ ᠬᠣᠶᠠᠷ ᠬᠠᠷᠠᠭᠤᠯ ᠭᠡᠳᠡᠭ ᠨᠢ ᠠᠯᠢ ᠡᠷᠲᠡ ᠲᠡᠭᠦᠨ ᠦ᠌ ᠡᠪᠦᠭᠡ ᠠᠯᠲᠠᠨ ᠤ᠋ ᠦᠶᠡ ᠳ᠋ᠦ᠍ ᠨᠢᠭᠡᠨᠲᠡ ᠣᠷᠣᠰᠢᠨ ᠪᠠᠢᠭᠰᠠᠨ ᠨᠢ ᠨᠢᠭᠡᠨᠲᠡ ᠰᠡᠵᠢᠭᠯᠡᠯ ᠦᠭᠡᠢ ᠵᠦᠢᠯ ᠪᠣᠯᠵᠠᠢ 》 ᠭᠡᠪᠡ ᠃ 《 ᠬᠤᠸᠠᠩ ᠮᠢᠩ ᠵᠢᠦ ᠪᠢᠶᠠᠨ ᠺᠠᠣ 》 (皇明九边考 ) ᠪᠢᠴᠢᠭ ᠦ᠋ᠨ ᠳᠣᠯᠣᠳᠤᠭᠠᠷ ᠪᠣᠳᠢ ᠳ᠋ᠤ᠌ ᠲᠡᠮᠳᠡᠭᠯᠡᠭᠰᠡᠨ ᠨᠢ ᠄ 《 ᠮᠣᠩᠭᠣᠯᠵᠢᠨ ᠤ᠋ ᠳᠣᠲᠣᠷᠠ ᠨᠠᠢ᠍ᠮᠠᠨ ᠠᠢᠮᠠᠭ ᠪᠠᠢᠵᠤ ᠂ ᠥᠩᠭᠡᠷᠡᠭᠰᠡᠨ ᠦᠶᠡ ᠬᠣᠱᠣᠢ ᠳ᠋ᠤ᠌ ᠬᠠᠷᠢᠶᠠᠯᠠᠭᠳᠠᠨ ᠪᠠᠢᠯᠠ ᠃ ᠡᠳᠦᠭᠡ ᠪᠣᠯᠬᠤᠶᠠ ᠠᠯᠲᠠᠨ ᠤ᠋ ᠮᠠᠲᠠᠯ ᠤ᠋ᠨ ᠳᠣᠣᠷᠠ ᠪᠣᠯᠵᠤ ᠵᠢᠷᠭᠤᠭᠠᠨ ᠠᠢᠮᠠᠭ ᠪᠣᠯᠵᠠᠢ ᠃ ᠲᠡᠷᠡ ᠨᠢ ᠳ᠋ᠦᠸᠧ ᠯᠦᠸᠧ ᠳ᠋ᠦ᠍ ᠮᠠᠨ（多罗土蛮） ᠂ ᠸᠧᠢ ᠡᠦ ᠡᠯ （畏兀儿）᠂ ᠡᠦ ᠱᠸᠨ（兀甚） ᠂ ᠪᠠ ᠶᠣᠣ（叭要） ᠂ ᠡᠦ ᠯᠦ᠍（兀鲁） ᠂ ᠳ᠋ᠦ᠍ ᠵᠢᠢ ᠯᠡ（土吉喇） ᠂ ᠵᠡᠷᠭᠡ ᠪᠣᠯᠤᠨᠠ 》 ᠭᠡᠵᠦ ᠃ ᠡᠳᠡᠭᠡᠷ ᠬᠢᠲᠠᠳ ᠠᠪᠢᠶᠠ ᠪᠠᠷ ᠲᠡᠮᠳᠡᠭᠯᠡᠭᠰᠡᠨ ᠵᠢᠷᠭᠤᠭᠠᠨ ᠠᠢᠮᠠᠭ ᠢ᠋ ᠮᠣᠩᠭᠣᠯᠴᠢᠯᠠᠪᠠᠯ ᠳᠠᠷᠤᠢ ᠳᠣᠯᠣᠭᠠᠨ ᠲᠦᠮᠡᠳ ᠂ ᠤᠢᠭᠤᠷᠵᠢᠨ ᠂ ᠦᠬᠦᠰᠢᠨ ᠂ ᠪᠠᠶᠠᠭᠤᠳ ᠂ ᠣᠷᠤᠭᠤᠳ ᠂ ᠬᠣᠩᠭᠢᠷᠠᠳ（土吉喇 ᠭᠡᠳᠡᠭ ᠨᠢ王吉喇 ᠶ᠋ᠢᠨ ᠡᠨᠳᠡᠭᠦᠦ ᠪᠢᠴᠢᠯᠭᠡ） ᠪᠣᠯᠤᠨᠠ ᠃ ᠠᠷᠪᠠᠨ ᠬᠣᠶᠠᠷ ᠲᠦᠮᠡᠳ ᠭᠡᠵᠦ ᠳᠣᠯᠣᠭᠠᠨ ᠲᠦᠮᠡᠳ ( ᠪᠠᠰᠠ ᠳᠣᠯᠣᠭᠠᠨ ᠣᠲᠣᠭ ᠲᠦᠮᠡᠳ ᠭᠡᠳᠡᠭ ) ᠦ᠋ᠨ ᠳᠡᠭᠡᠷᠡ ᠥᠨᠥᠬᠢ ᠲᠠᠪᠤᠨ ᠠᠢᠮᠠᠭ ᠣᠲᠣᠭ ᠢ᠋ ᠨᠡᠮᠡᠭᠰᠡᠨ ᠪᠠᠢᠨᠠ ᠃
ᠬᠣᠷᠤᠭᠤᠨᠠ ᠬᠠᠨ ᠢ᠋① ᠥᠪᠡᠷᠡ ᠬᠠᠲᠤᠨ ᠮᠥᠷᠡᠨ ᠦ᠌ ᠭᠣᠣᠯ ᠳ᠋ᠤᠷ ᠂
ᠭᠠᠵᠠᠷ ᠤ᠋ᠨ ᠲᠡᠮᠳᠡᠭ ᠦ᠋ᠳ ᠪᠦᠷᠢᠳᠦᠭᠰᠡᠨ ᠰᠠᠢᠨ ᠪᠡᠯᠭᠡᠲᠦ ᠣᠷᠣᠨ ᠳ᠋ᠤᠷ ᠂
ᠭᠠᠢᠬᠠᠮᠰᠢᠭ᠋ ᠦᠵᠡᠰᠬᠦᠯᠡᠩᠲᠦ ᠨᠠᠢ᠍ᠮᠠᠨ ᠠᠰᠠᠷ ᠲᠤ᠌ ᠬᠣᠲᠠ ᠬᠢᠭᠡᠳ ᠂
ᠬᠠᠰ ᠤᠷᠲᠤ ᠬᠠᠷᠰᠢ ᠤᠷᠠᠨᠠ ᠪᠠᠢᠭᠤᠯᠤᠭᠰᠠᠨ ᠤᠴᠢᠷ ᠢᠨᠦ ᠲᠡᠢᠮᠦ ᠪᠥᠯᠥᠭᠡ ᠃
ᠲᠡᠭᠦᠨ ᠦ᠌ ᠬᠣᠢᠨᠠ ᠯᠠᠮᠠ ᠪᠠᠰᠠ ᠠᠯᠲᠠᠨ ᠬᠠᠭᠠᠨ ᠳ᠋ᠤ᠌ ᠡᠢᠨ ᠭᠡᠮᠡᠨ ᠠᠢᠯᠠᠳᠬᠠᠪᠠᠢ :
《 ᠳᠡᠭᠡᠳᠦ ᠪᠣᠭᠳᠠ ᠰᠡᠴᠡᠨ ᠬᠠᠭᠠᠨ ᠂ ᠹᠡᠭᠰᠪᠡ ᠯᠠᠮᠠ ᠬᠣᠶᠠᠷ ᠤ᠋ᠨ ᠶᠣᠰᠣᠭᠠᠷ
ᠲᠡᠭᠰᠢ ᠲᠥᠷᠥ ᠱᠠᠰᠢᠨ ᠢ᠋ ᠪᠠᠢᠭᠤᠯᠤᠭᠰᠠᠨ ᠤ᠋ ᠳᠦᠷᠢ ᠪᠡᠷ ᠦᠢᠯᠡᠳᠬᠦ ᠪᠥᠭᠡᠰᠦ
ᠲᠡᠨᠳᠡ ᠪᠠᠷᠠᠭᠤᠨ ᠡᠲᠡᠭᠡᠳ ᠮᠠᠨᠤ ᠲᠥᠪᠡᠳ ᠦ᠋ᠨ ᠮᠥᠩᠬᠡ ᠭᠠᠵᠠᠷᠠ ᠂
ᠡᠩ ᠤᠷᠢᠳᠠ ᠾᠬᠤᠨ᠋ᠭᠡᠭ ᠦ᠋ᠨ ᠸᠴᠢᠷ ᠲᠦ᠍ ᠣᠷᠣᠨ ③ ᠳ᠋ᠤᠷ ᠢᠨᠤ ᠂
— — — —
① ᠬᠣᠷᠭᠣᠨᠠ ᠬᠠᠨ ᠢ᠋ ᠪᠠᠰᠠ ᠬᠠᠷᠠᠭᠤᠨᠠ ᠬᠠᠨ ᠪᠤᠶᠤ ᠬᠠᠷᠤᠨᠠ ᠬᠠᠨ ᠭᠡᠳᠡᠭ ᠃ ᠳᠠᠯᠠᠨ ᠬᠠᠷᠠ ᠠᠭᠤᠯᠠ ᠶ᠋ᠢᠨ ᠣᠨᠳᠣᠣ ᠨᠡᠷᠡ ᠪᠣᠯᠤᠨᠠ ᠃ ᠶᠠᠫᠣᠨ ᠤ᠋ ᠮᠣᠩᠭᠣᠯᠴᠢ ᠡᠷᠳᠡᠮᠲᠡᠨ ᠺᠡᠤᠪᠢᠶᠠᠰᠢ ᠳᠠᠺᠡᠰᠢᠷᠠᠤ (小林高四郎 ) ᠥᠪᠡᠷ ᠦ᠋ᠨ ᠣᠷᠴᠢᠭᠤᠯᠤᠨ ᠲᠠᠢᠯᠪᠤᠷᠢ ᠲᠠᠯᠪᠢᠭᠰᠠᠨ 《 ᠠᠯᠲᠠᠨ ᠲᠣᠪᠴᠢ 》 ( 蒙古黄金史 ) ᠳ᠋ᠤ᠌ ᠬᠠᠷᠠᠭᠤᠨᠠ ᠬᠠᠨ ᠬᠡᠮᠡᠬᠦ ᠶ᠋ᠢ ᠬᠢᠩᠭᠠᠨ ᠳᠠᠪᠠᠬᠠ ᠭᠡᠵᠦ ᠲᠠᠢᠯᠪᠤᠷᠢᠯᠠᠵᠠᠢ ᠃ ᠡᠨᠡ ᠪᠤᠷᠤᠭᠤ ᠪᠣᠯᠪᠠ ᠃
② ᠬᠠᠲᠤᠨ ᠭᠣᠣᠯ ᠢ᠋ ᠬᠡᠯᠡᠵᠦ ᠪᠠᠢᠨᠠ ᠃
③ ᠰᠢᠭᠡᠮᠦᠨᠢ ᠶ᠋ᠢᠨ ᠮᠡᠨᠳᠦᠯᠡᠭᠰᠡᠨ ᠪᠠ ᠪᠤᠷᠬᠠᠨ ᠪᠣᠯᠤᠭᠰᠠᠨ ᠭᠠᠵᠠᠷ ᠢ᠋ ᠬᠡᠯᠡᠨᠡ ᠃ ᠮᠥᠨ ᠵᠠᠷᠢᠮ ᠤ᠋ᠳ ᠲᠤᠷ ᠰᠢᠭᠡᠮᠦᠨᠢ ᠶ᠋ᠢᠨ ᠨᠣᠮ ᠠᠢᠯᠠᠳᠤᠭᠰᠠᠨ ᠮᠠᠬᠢᠳᠠ (magadha ) ᠣᠷᠣᠨ ᠢ᠋ ᠪᠠᠰᠠ ᠸᠴᠢᠷ ᠲᠦ᠍ ᠣᠷᠣᠨ ᠭᠡᠳᠡᠭ ᠃
ᠡᠷᠬᠡᠲᠦ ᠢᠯᠠᠵᠤ ᠲᠡᠭᠦᠰ ᠨᠥᠭᠴᠢᠭᠰᠡᠨ ᠰᠢᠭᠡᠮᠦᠨᠢ ① ᠪᠤᠷᠬᠠᠨ ᠤ᠋ ᠂
ᠡᠷᠭᠢᠨ ᠠᠷᠪᠠᠨ ᠬᠣᠶᠠᠷ ᠨᠠᠰᠤᠨ ᠤ᠋ ᠪᠡᠶᠡ ᠶ᠋ᠢ ᠲᠡᠭᠷᠢᠰ ᠦ᠋ᠨ ᠡᠷᠬᠡᠲᠦ ᠬᠤᠷᠮᠤᠰᠲᠠ ᠪᠠᠷ ᠂
ᠡᠷᠳᠡᠨᠢ ᠪᠠᠰᠢᠰᠤ ᠬᠡᠷᠮᠢ ᠬᠡᠮᠡᠬᠦ ᠬᠤᠪᠢᠯᠭᠠᠨ ᠤᠷᠠᠨ ᠢ᠋ᠶ᠋ᠠᠷ ᠬᠢᠯᠭᠡᠭᠰᠡᠨ ᠂
ᠢᠯᠠᠵᠤ ᠲᠡᠭᠦᠰ ᠨᠥᠭᠴᠢᠭᠰᠡᠨ ᠰᠢᠭᠡᠮᠤᠨᠢ ᠪᠤᠷᠬᠠᠨ ᠥᠪᠡᠷ ᠢ᠋ᠶ᠋ᠡᠨ ᠬᠤᠲᠤᠭ ᠣᠷᠣᠭᠤᠯᠤᠭᠰᠠᠨ ᠂
— — — —
① ᠪᠤᠷᠬᠠᠨ ᠤ᠋ ᠱᠠᠰᠢᠨ ᠡᠭᠦᠳᠦᠭᠰᠡᠨ ᠬᠥᠮᠦᠨ ᠂ ᠨᠡᠢᠲᠡ ᠶ᠋ᠢᠨ ᠣᠨ ᠲᠣᠭᠠᠯᠠᠯ ᠵᠠ ᠡᠮᠦᠨᠡ ᠲᠠᠪᠤ — ᠵᠢᠷᠭᠤᠳᠤᠭᠠᠷ ᠡᠰᠡᠬᠦᠯᠡ (6— 7 ᠳ᠋ᠤᠭᠠᠷ) ᠵᠠᠭᠤᠨ ᠤ᠋ ᠦᠶᠡ ᠪᠡᠷ ᠡᠨᠡᠳᠬᠡᠭ ᠲᠦ᠍ ᠪᠠᠢᠭᠰᠠᠨ ᠵᠢᠭᠠᠷ ᠤᠯᠤᠰ ᠠᠷᠢᠭᠤᠨ ᠢᠳᠡᠭᠡᠲᠦ ᠬᠠᠭᠠᠨ ᠤ᠋ ᠬᠥᠪᠡᠭᠦᠨ ᠃ ᠲᠡᠷᠡ ᠪᠣᠯ ᠱᠠᠺᠢ ᠤᠭᠰᠠᠭᠠᠨ ᠤ᠋ ᠬᠥᠮᠦᠨ ᠃ ᠣᠪᠣᠭ ᠴᠠᠤᠳᠠᠮᠠ ᠂ ᠨᠡᠷᠡ ᠰᠢᠳᠠᠳᠠᠷᠳᠠ ᠭᠡᠳᠡᠭ ᠃ ᠱᠠᠭᠢᠮᠤᠨᠢ ᠭᠡᠳᠡᠭ ᠨᠢ ᠲᠡᠭᠦᠨ ᠦ᠌ ᠡᠷᠭᠦᠮᠵᠢᠯᠡᠭᠰᠡᠨ ᠴᠣᠯᠠ ᠪᠥᠭᠡᠳ ᠱᠠᠺᠢ ᠤᠭᠰᠠᠭᠠᠨ ᠤ᠋ ᠪᠣᠭᠳᠠ ᠬᠥᠮᠦᠨ ᠬᠡᠮᠡᠭᠰᠡᠨ ᠤᠳᠬᠠ ᠲᠠᠢ ᠦᠭᠡ᠃ ᠲᠡᠷᠡ ᠬᠠᠷᠠᠬᠠᠨ ᠪᠠᠭᠠ ᠠᠴᠠ ᠪᠠᠨ ᠰᠤᠷᠬᠤ ᠳᠤᠷᠠᠲᠠᠢ ᠪᠥᠭᠡᠳ ᠪᠣᠳᠣᠯᠭᠠ ᠭᠦᠨ ᠪᠠᠢᠳᠠᠭ ᠃ᠲᠡᠷᠡ ᠬᠠᠯᠠᠭᠤᠨ ᠨᠠᠷᠠᠨ ᠤ᠋ ᠳᠣᠣᠷᠠ ᠲᠠᠷᠢᠶᠠᠨ ᠠᠵᠢᠯ ᠬᠢᠵᠦ ᠪᠦᠬᠦᠢ ᠲᠠᠷᠢᠶᠠᠴᠢᠨ ᠂ ᠨᠠᠰᠤᠨ ᠠᠬᠠᠰᠢᠷᠠᠭᠠᠳ ᠬᠦᠳᠡᠭᠢ ᠪᠣᠯᠤᠭᠰᠠᠨ ᠥᠲᠡᠭᠦᠰ ᠬᠥᠮᠦᠨ ᠂ ᠡᠨᠡᠯᠦᠨ ᠬᠡᠪᠲᠡᠵᠦ ᠲᠠᠮᠢᠷ ᠠᠯᠳᠠᠷᠠᠭᠰᠠᠨ ᠡᠪᠡᠳᠴᠢᠲᠡᠢ ᠬᠥᠮᠦᠨ ᠂ ᠲᠥᠷᠥᠯ ᠬᠠᠨᠢᠠᠴᠠ ᠪᠠᠨ ᠬᠠᠭᠠᠴᠠᠵᠤ ᠨᠠᠰᠤᠨ ᠨᠥᠭᠴᠢᠭᠰᠡᠨ ᠬᠥᠮᠦᠨ ᠵᠡᠷᠭᠡ ᠶ᠋ᠢᠨ ᠵᠣᠪᠠᠯᠠᠩᠲᠤ ᠪᠠᠢᠳᠠᠯ ᠢ᠋ ᠦᠵᠡᠭᠡᠳ ᠬᠥᠮᠦᠨ ᠦ᠌ ᠶᠢᠷᠲᠢᠨᠴᠦ ᠳ᠋ᠡᠬᠢ ᠡᠨᠡ ᠮᠡᠲᠦ ᠮᠥᠩᠬᠡ ᠪᠤᠰᠤ ᠶ᠋ᠢ ᠤᠬᠠᠨ ᠮᠡᠳᠡᠭᠡᠳ ᠶᠢᠷᠲᠢᠨᠴᠦᠡᠴᠡ ᠵᠠᠢᠯᠠᠬᠤ ᠬᠦᠰᠡᠯ ᠢ᠋ ᠡᠪᠦᠷᠯᠡᠪᠡ ᠃ ᠬᠣᠷᠢ ᠵᠢᠰᠦᠨ ᠨᠠᠰᠤᠨ ᠳ᠋ᠠᠭᠠᠨ ᠲᠡᠷᠡ ᠥᠪᠡᠷ ᠦ᠋ᠨ ᠸᠠᠩ ᠤ᠋ᠨ ᠣᠷᠳᠣᠨ ᠤ᠋ ᠲᠣᠬᠢᠯᠢᠭ ᠰᠠᠢᠬᠠᠨ ᠠᠮᠢᠳᠤᠷᠠᠯ ᠲᠡᠭᠦᠨᠴᠢᠯᠡ ᠢᠷᠡᠭᠡᠳᠦᠢ ᠳ᠋ᠦ᠍ᠷ ᠵᠠᠯᠭᠠᠮᠵᠢᠯᠠᠬᠤ ᠸᠠᠩ ᠤ᠋ᠨ ᠰᠠᠭᠤᠷᠢᠨ ᠵᠡᠷᠭᠡ ᠶ᠋ᠢ ᠪᠦᠷ ᠣᠷᠬᠢᠵᠤ ᠭᠡᠷᠡᠴᠡ ᠪᠡᠨ ᠭᠠᠷᠴᠤ ᠭᠡᠵᠢᠭᠡ ᠦᠰᠦ ᠪᠡᠨ ᠬᠢᠷᠭᠠᠭᠠᠳ ᠲᠦᠳᠡ ᠪᠣᠯᠪᠠ ᠃ ᠲᠡᠨᠳᠡᠴᠡ ᠵᠢᠷᠭᠤᠭᠠᠨ ᠵᠢᠯ ᠪᠣᠯᠤᠭᠠᠳ᠂ ᠡᠨᠡ ᠮᠡᠲᠦ ᠬᠠᠲᠠᠭᠤᠵᠢᠯᠲᠠᠢ ᠭᠠᠰᠢᠭᠤᠨ ᠪᠢᠰᠢᠯᠭᠠᠯ ᠬᠢᠬᠦ ᠨᠢ ᠮᠥᠨ ᠴᠦ᠍ ᠬᠥᠮᠦᠨ ᠦ᠌ ᠶᠢᠷᠲᠢᠨᠴᠦ ᠳ᠋ᠦ᠍ ᠲᠤᠰᠠ ᠦᠭᠡᠢ ᠭᠡᠴᠦ ᠰᠡᠳᠬᠢᠵᠦ ᠣᠯᠤᠭᠠᠳ ᠨᠢᠭᠡᠨ ᠫᠢᠫᠠᠯᠯᠠ ᠮᠣᠳᠣᠨ ᠳᠣᠣᠷᠠ ᠬᠦᠷᠴᠦ ᠰᠠᠭᠤᠭᠠᠳ ᠶᠢᠷᠲᠢᠨᠴᠦ ᠶ᠋ᠢᠨ ᠵᠣᠪᠠᠯᠠᠩ ᠲᠠᠢᠯᠬᠤ ᠲᠥᠪ ᠶᠣᠰᠣᠨ ᠣᠨᠣᠯ ᠢ᠋ ᠰᠠᠨᠠᠵᠤ ᠂ ᠭᠤᠴᠢᠨ ᠲᠠᠪᠤᠨ ᠨᠠᠰᠤᠨ ᠳ᠋ᠠᠭᠠᠨ ᠪᠡᠯᠭᠡ ᠪᠢᠯᠢᠭ ᠦ᠋ᠨ ᠣᠨᠣᠯ ᠢ᠋ ᠣᠯᠵᠤ ᠪᠤᠷᠬᠠᠨ ᠪᠣᠯᠪᠠ᠃ ᠲᠡᠭᠦᠨᠴᠡ ᠬᠣᠢᠰᠢ ᠳᠥᠴᠢᠨ ᠢᠯᠡᠭᠦᠦ ᠵᠢᠯ ᠦ᠋ᠨ ᠳᠣᠲᠣᠷᠠ ᠡᠨᠡᠳᠬᠡᠭ ᠦ᠋ᠨ ᠣᠯᠠᠨ ᠭᠠᠵᠠᠷ ᠲᠤ᠌ ᠬᠦᠷᠴᠦ ᠪᠤᠷᠬᠠᠨ ᠤ᠋ ᠶᠣᠰᠣᠨ ᠢ᠋ ᠨᠣᠮᠯᠠᠨ ᠨᠠᠶᠠᠨ ᠨᠠᠰᠤᠨᠠ ᠨᠥᠭᠴᠢᠵᠡᠢ᠃
ᠢᠮᠠᠭᠲᠠ ᠴᠥᠪ ᠦ᠋ᠨ ᠴᠠᠭ ① ᠳᠠᠬᠢ ᠠᠮᠢᠲᠠᠨ ᠤ᠋ ᠲᠤᠯᠠ ᠰᠢᠲᠦᠭᠡᠨ ᠪᠣᠯᠭᠠᠭᠰᠠᠨ ᠂
ᠢᠯᠠᠭᠤᠭᠰᠠᠨ ᠪᠤᠷᠬᠠᠨ ᠪᠠᠭᠰᠢ ᠯᠤᠭᠠ ᠢᠯᠭᠠᠯ ᠦᠭᠡᠢ ᠤᠴᠠᠷᠠᠭᠰᠠᠨ ᠠᠮᠢᠲᠠᠨ ᠂
ᠢᠯᠡᠳᠡ ᠦᠵᠡᠭᠡᠳ ᠰᠡᠴᠡ ᠭᠤᠷᠪᠠᠨ ᠬᠣᠣᠷ ᠤ᠋ᠨ ᠡᠪᠡᠳᠴᠢᠨ ᠠᠮᠤᠷᠯᠢᠭᠠᠳ ᠂
ᠵᠠᠰᠠᠳᠠᠭ ᠦᠭᠡᠢ ᠰᠦᠰᠦᠭ ᠪᠢᠰᠢᠷᠡᠯ ᠲᠥᠷᠥᠭᠦᠯᠦᠭᠴᠢ᠂
ᠵᠢᠬᠠ ᠦᠨᠡᠨ ᠢ᠋ᠶ᠋ᠡᠷ ᠦᠵᠡᠬᠦᠢ ᠰᠣᠨᠣᠰᠬᠤᠢ ᠡᠷᠳᠡᠮ ᠯᠦᠭᠡ ᠲᠡᠭᠦᠰᠦᠭᠰᠡᠨ ᠂
ᠵᠢᠶᠠᠭᠠ ᠲᠤ ᠬᠠᠮᠤᠭ ᠲᠩᠷᠢ ᠬᠥᠮᠦᠨ ᠦ᠌ ᠴᠣᠭ ᠵᠢᠪᠬᠤᠯᠠᠩ ᠳ᠋ᠤ᠌ ᠪᠣᠯᠤᠭᠰᠠᠨ ᠡᠨᠡ ᠰᠢᠲᠦᠭᠡᠨ ᠢ᠋ ᠂
ᠵᠠᠯᠠᠵᠤ ᠲᠡᠭᠷᠢ ᠨᠠᠷ ᠤ᠋ᠨ ᠭᠠᠵᠠᠷᠠ ᠲᠠᠪᠤᠨ ᠸᠠᠭᠣᠨ ᠵᠢᠯ ᠲᠤᠰᠠᠯᠠᠨ ᠰᠠᠭᠤᠪᠠᠢ 》 ᠃
《ᠲᠡᠷᠡ ᠣᠷᠣᠨ ᠠ᠋ᠴᠠ ᠪᠡᠯᠭᠡ ᠪᠢᠯᠢᠭ ᠦ᠋ᠨ ᠳ᠋ᠠᠭᠢᠨᠢ ③ᠨᠤᠭᠤᠳ ᠵᠠᠯᠠᠵᠤ ᠂
ᠲᠡᠨᠳᠡ ᠥᠷᠥᠨᠡ ᠳ᠋ᠦ᠍ ᠣᠷᠣᠢ ᠶ᠋ᠢᠨ ᠴᠢᠮᠡᠭ ᠦ᠋ᠨ ᠣᠷᠣᠨ ᠳ᠋ᠤᠷ ᠲᠠᠪᠤᠨ ᠵᠠᠭᠤᠨ ᠵᠢᠯᠠ ᠰᠠᠭᠤᠪᠠᠢ ᠃
— — — —
① ᠰᠢᠭᠡᠮᠦᠨᠢ ᠨᠠᠰᠤ ᠨᠦᠴᠢᠭᠰᠡᠨ ᠦ᠌ ᠬᠣᠢᠨᠠ ᠪᠤᠷᠬᠠᠨ ᠨᠣᠮ ᠤ᠋ᠨ ᠶᠣᠰᠣᠨ ᠢ᠋ ᠶᠠᠪᠤᠭᠤᠯᠤᠭᠰᠠᠨ ᠲᠠᠪᠤᠨ ᠵᠠᠭᠤᠨ ᠵᠢᠯ ᠢ᠋ ᠲᠥᠪ ᠨᠣᠮᠲᠤ ᠴᠠᠭ( ᠬᠢᠲᠠᠳ ᠲᠤ᠌正法时 ) ᠭᠡᠨᠡ ᠂ ᠲᠡᠭᠦᠨᠴᠡ ᠬᠣᠢᠰᠢ ᠦᠨᠳᠦᠰᠦᠨ ᠳ᠋ᠡᠭᠡᠨ ᠨᠣᠮ ᠵᠠ ᠶᠣᠰᠣᠨ ᠶᠠᠪᠤᠭᠳᠠᠭᠤᠯᠤᠭᠰᠠᠨ ᠮᠢᠩᠭᠠᠨ ᠵᠢᠯ ᠢ᠋ ᠳᠦᠷᠢᠮᠲᠦ ᠨᠣᠮᠲᠤ ᠴᠠᠭ (象法时 ) ᠭᠡᠨᠡ ᠂ ᠲᠡᠭᠦᠨᠴᠡ ᠬᠣᠢᠰᠢ ᠨᠣᠮ ᠤ᠋ᠨ ᠶᠣᠰᠣᠨ ᠳᠣᠷᠣᠢᠲᠠᠨ ᠶᠠᠪᠤᠭᠰᠠᠨ ᠨᠢᠭᠡᠨ ᠲᠦᠮᠡᠨ ᠵᠢᠯ ᠢ᠋ ᠴᠥᠪ ᠦ᠋ᠨ ᠴᠠᠭ (ᠬᠢᠲᠠᠳ ᠲᠤ᠌末法时 ) ᠭᠡᠨᠡ ᠃
② ᠬᠣᠪᠳᠣᠭ᠂ ᠠᠲᠠᠭᠠ ᠂ ᠮᠤᠩᠬᠠᠭ ᠭᠤᠷᠪᠠᠨ ᠢ᠋ ᠬᠡᠯᠡᠨᠡ ᠃ ᠪᠤᠷᠬᠠᠨ ᠤ᠋ ᠱᠠᠰᠢᠨᠲᠠᠨ ᠡᠨᠡ ᠭᠤᠷᠪᠠ ᠶ᠋ᠢ ᠠᠯᠢᠪᠠ ᠵᠣᠪᠠᠯᠠᠩ ᠤ᠋ᠨ ᠦᠨᠳᠦᠰᠦ ᠭᠡᠵᠦ ᠦᠵᠡᠳᠡᠭ ᠃ᠡᠭᠦᠨᠴᠡ ᠲᠡᠭᠦᠨ ᠢ᠋ ᠭᠤᠷᠪᠠᠨ ᠬᠣᠣᠷ ᠪᠤᠶᠤ ᠭᠤᠷᠪᠠᠨ ᠡᠪᠡᠳᠴᠢᠨ ᠭᠡᠵᠦ ᠥᠭᠦᠯᠡᠳᠡᠭ ᠃
③ ᠰᠠᠨᠰᠺᠷᠢᠲ ᠦᠭᠡ dahini ᠶ᠋ᠢᠨ ᠠᠪᠢᠶᠠᠴᠢᠯᠠᠭᠰᠠᠨ ᠣᠷᠴᠢᠭᠤᠯᠭᠠ᠂ ᠣᠭᠲᠠᠷᠭᠤᠢ ᠪᠠᠷ ᠶᠠᠪᠤᠭᠴᠢ ᠬᠡᠮᠡᠬᠦ ᠤᠳᠬᠠ ᠲᠠᠢ ᠃
ᠲᠡᠨᠳᠡᠴᠡ ᠣᠭᠲᠠᠷᠭᠤᠢ ᠪᠠᠷ ᠷᠢᠳᠢ ᠬᠤᠪᠢᠯᠭᠠᠨ ᠢ᠋ᠶ᠋ᠠᠷ ᠥᠭᠡᠳᠡ ᠪᠣᠯᠵᠤ ᠢᠷᠡᠭᠡᠳ ᠂
ᠳᠡᠭᠡᠳᠦ ᠡᠨᠡᠳᠬᠡᠭ ᠦ᠋ᠨ ᠸᠴᠢᠷ ᠲᠦ᠍ ᠣᠷᠣᠨ ᠳ᠋ᠤᠷ ᠲᠠᠪᠤᠨ ᠵᠠᠭᠤᠨ ᠵᠢᠯᠡ ᠲᠤᠰᠠᠯᠠᠨ ᠰᠠᠭᠤᠪᠠᠢ 》 ᠃
《 ᠤᠯᠠᠮ ᠪᠠᠰᠠ ᠬᠦ᠌ ᠬᠢᠲᠠᠳ ᠤ᠋ᠨ ᠪ᠊ᠷᠢᠰᠳᠢᠮ ᠴᠠᠶᠠ ① ᠬᠡᠮᠡᠬᠦ ᠬᠠᠭᠠᠨ ᠵᠠᠯᠠᠵᠤ ᠂
ᠤᠴᠠᠷᠠᠵᠤ ᠬᠢᠲᠠᠳ ᠤ᠋ᠨ ᠭᠠᠵᠠᠷᠠ ᠲᠠᠪᠤᠨ ᠵᠠᠭᠤᠨ ᠵᠢᠯ ᠳ᠋ᠦ᠍ᠷ ᠲᠤᠰᠠᠯᠠᠨ ᠰᠠᠭᠤᠪᠠᠢ ᠃
ᠦᠯᠡᠮᠵᠢ ᠲᠡᠭᠦᠨ ᠡᠴᠡ ᠲᠥᠪᠡᠳ ᠦ᠋ᠨ ᠴᠩᠷᠠᠸᠠᠷᠳᠢ ᠬᠠᠭᠠᠨ ᠵᠠᠯᠠᠵᠤ
ᠦᠷᠭᠦᠯᠵᠢᠳᠡ ᠮᠠᠨᠤ ᠲᠥᠪᠡᠳ ᠦ᠋ᠨ ᠲᠠᠬᠢᠯ ᠤ᠋ᠨ ᠰᠢᠲᠦᠭᠡᠨ ᠭᠠᠢᠬᠠᠮᠰᠢᠭ ᠲᠤ ᠪᠤᠷᠬᠠᠨ ᠪᠥᠯᠥᠭᠡ 》᠃
《ᠲᠤᠰᠠ ᠳ᠋ᠤ᠌ ᠢᠯᠭᠤᠭᠰᠠᠨ ᠲᠡᠷᠡ ᠪᠤᠷᠬᠠᠨ ᠤ᠋ ᠵᠦᠭ ᠲᠦ᠍ᠷ ᠬᠦᠰᠡᠨ ᠦᠢᠯᠡᠳᠴᠦ ᠂
ᠳᠣᠯᠣᠭᠠᠨ ᠠᠯᠬᠤᠬᠤ ᠶ᠋ᠢᠨ ᠲᠡᠳᠦᠢ ᠣᠳᠴᠤ ᠶᠡᠭᠦᠳᠬᠡᠪᠡᠰᠦ ᠂
ᠲᠤᠭᠤᠯᠤᠭᠰᠠᠨ ᠪᠤᠷᠬᠠᠨ ᠤ᠋ ᠵᠢᠷᠭᠠᠯᠠᠩᠲᠤ ᠣᠷᠣᠨ ᠳ᠋ᠤᠷ ᠲᠥᠷᠥᠬᠦ ᠪᠣᠯᠵᠤ ᠂
— — — —
①ᠡᠨᠡᠳᠬᠡᠭ ᠦ᠋ᠨ ᠬᠥᠮᠦᠰ ᠳᠠᠩ ᠤᠯᠤᠰ ᠤ᠋ᠨ ᠬᠤᠸᠠᠷᠠᠭ ᠰᠢᠦᠸᠠᠨ ᠵᠤᠸᠠᠩ ( 玄策 ) ᠊ᠢ ᠡᠷᠭᠦᠮᠵᠢᠯᠡᠭᠰᠡᠨ ᠨᠡᠷᠡ ᠃ ᠰᠢᠦᠸᠠᠨ ᠵᠤᠸᠠᠩ ᠨᠡᠢᠲᠡ ᠶ᠋ᠢᠨ ᠣᠨ ᠲᠣᠭᠠᠯᠠᠯ ᠤ᠋ᠨ 629 ᠣᠨ ᠳ᠋ᠤ᠌ ᠡᠨᠡᠳᠬᠡᠭ ᠤᠯᠤᠰ ᠲᠤ᠌ ᠬᠦᠷᠴᠦ ᠨᠣᠮ ᠵᠠᠯᠠᠭᠠᠳ 645 ᠣᠨ ᠳ᠋ᠤ᠌ ᠴᠠᠩ ᠠᠨ (长安 )ᠬᠣᠲᠠᠨᠠ ᠪᠤᠴᠠᠵᠤ ᠢᠷᠡᠪᠡ ᠃ ᠲᠡᠭᠦᠨ ᠦ᠌ ᠵᠠᠯᠠᠵᠤ ᠢᠷᠡᠭᠰᠡᠨ ᠰᠤᠳᠤᠷ ᠰᠠᠨᠰᠷᠴᠢᠲ ᠦᠰᠦᠭ ᠢ᠋ᠶ᠋ᠡᠷ ᠪᠢᠴᠢᠭᠳᠡᠭᠰᠡᠨ ᠵᠢᠷᠭᠤᠭᠠᠨ ᠵᠠᠭᠤ ᠲᠠᠪᠢᠨ ᠳᠣᠯᠣᠭᠠᠨ ᠵᠦᠢᠯ ᠪᠠᠢᠨᠠ ᠃ ᠲᠡᠷᠡ ᠤᠯᠤᠰ ᠲᠠᠭᠠᠨ ᠬᠠᠷᠢᠵᠤ ᠢᠷᠡᠭᠰᠡᠨ ᠦ᠌ ᠬᠣᠢᠨᠠ ᠡᠳᠡᠭᠡᠷ ᠰᠤᠳᠤᠷ ᠢ᠋ ᠣᠷᠴᠢᠭᠤᠯᠬᠤ ᠠᠵᠢᠯ ᠳ᠋ᠤ᠌ ᠰᠡᠳᠬᠡᠯ ᠰᠢᠭᠤᠳᠴᠤ ᠨᠡᠢᠲᠡ ᠳᠠᠯᠠᠨ ᠲᠠᠪᠤᠨ ᠵᠦᠢᠯ ᠦ᠋ᠨ ᠰᠤᠳᠤᠷ ᠨᠢᠭᠡ ᠮᠢᠩᠭᠠ ᠭᠤᠷᠪᠠᠨ ᠵᠠᠭᠤ ᠭᠤᠴᠢᠨ ᠲᠠᠪᠤᠨ ᠪᠣᠳᠢ ᠣᠷᠴᠢᠭᠤᠯᠵᠤ ᠂ ᠳᠤᠮᠳᠠᠳᠤ ᠤᠯᠤᠰ ᠲᠤ᠌ ᠪᠤᠷᠬᠠᠨ ᠤ᠋ ᠨᠣᠮ ᠰᠤᠳᠤᠷ ᠢ᠋ ᠣᠷᠴᠢᠭᠤᠯᠤᠨ ᠦᠢᠯᠡᠳᠦᠭᠴᠢᠳ ᠦ᠋ᠨ ᠳᠣᠲᠣᠷᠠᠬᠢ ᠨᠢᠭᠡᠨ ᠣᠨᠴᠠ ᠣᠷᠣᠢᠯᠠᠭᠰᠠᠨ ᠬᠥᠮᠦᠨ ᠪᠣᠯᠵᠠᠢ ᠃
ᠲᠤᠩᠭᠠᠯᠠᠭ ᠲᠡᠢᠮᠦ ᠭᠠᠢᠬᠠᠮᠱᠢᠭ ᠪᠤᠷᠬᠠᠨ ᠤ᠋ ᠰᠢᠲᠦᠭᠡᠨ ᠪᠥᠯᠥᠭᠡ ᠃
ᠪᠠᠰᠠ ᠪᠠᠷ ᠮᠠᠨᠤ ᠲᠥᠪᠡᠳ ᠦ᠋ᠨ ᠣᠷᠣᠨ ᠳ᠋ᠤᠷ ᠴᠣᠩᠭᠡᠪᠡ ① ᠶ᠋ᠢᠨ ᠪᠠᠢᠭᠤᠯᠤᠭᠰᠠᠨ ᠂
ᠪᠠᠶᠠᠰᠬᠤᠯᠠᠩ ᠲᠡᠭᠦᠰ ᠴᠣᠭ᠍ᠲᠣ ᠣᠷᠣᠨ ᠳ᠋ᠤᠷ ᠰᠢᠭᠡᠮᠦᠨᠢ ᠶ᠋ᠢᠨ ᠱᠠᠰᠢᠨ ᠢ᠋ ᠪᠠᠷᠢᠭᠴᠢ ᠂
ᠪᠠᠭᠰᠢ ᠪᠤᠷᠰᠠᠩ ᠬᠤᠸᠠᠷᠠᠭ ᠤ᠋ᠳ ᠤ᠋ᠨ ᠣᠬᠢ ᠬᠣᠩᠰᠢᠮ ᠪᠣᠳᠢᠰᠠᠲᠤ ᠶ᠋ᠢᠨ ᠬᠤᠪᠢᠯᠭᠠᠨ ᠂
ᠪᠠᠰᠦᠢ᠍ᠨᠳ᠋ᠨᠠᠮ ᠷᠬᠢᠮᠠᠰᠤ ②ᠬᠠᠮᠤᠭ ᠢ᠋ ᠮᠡᠳᠡᠭᠴᠢ ᠳ᠋ᠠᠯᠡᠢ ᠯᠠᠮᠠ ᠪᠠᠷ ᠂
— — — —
① ᠯᠠᠮᠠ ᠶ᠋ᠢᠨ ᠱᠠᠰᠢᠨ ᠢ᠋ ᠰᠢᠨᠡᠴᠢᠯᠡᠭᠴᠢ ᠪᠠ ᠰᠢᠷᠠ ᠶ᠋ᠢᠨ ᠱᠠᠰᠢᠨ ᠢ᠋ ᠡᠭᠦᠳᠦᠭᠴᠢ ᠬᠥᠮᠦᠨ ᠃ ᠨᠡᠷᠡ ᠯᠤᠪᠰᠠᠩᠴᠠᠬᠠᠪᠠ ᠭᠡᠳᠡᠭ ᠃ 1357 ᠣᠨ ᠳ᠋ᠤ᠌ ᠬᠥᠬᠡᠨᠠᠭᠤᠷ ᠮᠣᠵᠢ ᠶ᠋ᠢᠨ ᠰᠢᠨᠢᠩ (西宁 ) ᠣᠷᠴᠢᠮ ᠳ᠋ᠠᠬᠢ ᠴᠣᠩᠺᠡᠨ ᠭᠡᠬᠦ ᠭᠠᠵᠠᠷ ᠮᠡᠨᠳᠦᠯᠡᠭᠰᠡᠨ ᠦ᠌ ᠣᠴᠢᠷᠠ ᠴᠤᠩᠺᠠᠪᠠ ᠨᠡᠷᠡ ᠲᠡᠢ ᠪᠣᠯᠵᠠᠢ ᠃ ᠳᠣᠯᠣᠭᠠᠨ ᠨᠠᠰᠤᠨ ᠳ᠋ᠠᠭᠠᠨ ᠭᠡᠷ ᠡᠴᠡ ᠭᠠᠷᠴᠤ ᠲᠣᠢᠨ ᠪᠣᠯᠤᠭᠠᠳ ᠠᠷᠪᠠᠨ ᠳᠣᠯᠣᠭᠠᠨ ᠨᠠᠰᠤᠨ ᠳ᠋ᠠᠭᠠᠨ ᠲᠥᠪᠡᠳ ᠲᠦ᠍ ᠬᠦᠷᠴᠦ ᠨᠣᠮ ᠰᠤᠷᠪᠠ ᠃ ᠭᠤᠴᠢᠨ ᠵᠢᠷᠭᠤᠭᠠᠨ ᠨᠠᠰᠦᠨᠠ ᠯᠠᠮᠠ ᠶ᠋ᠢᠨ ᠱᠠᠰᠢᠨ ᠤ᠋ ᠢᠯᠵᠠᠷᠠᠨ ᠳᠣᠷᠣᠢᠲᠠᠭᠰᠠᠨ ᠪᠠᠢᠳᠠᠯ ᠡᠳᠦᠷ ᠢᠷᠡᠬᠦᠶᠡ ᠬᠦᠨᠳᠦ ᠬᠡᠴᠡᠭᠦᠦ ᠪᠣᠯᠵᠤ ᠪᠠᠢᠭᠠ ᠶ᠋ᠢ ᠰᠠᠢᠲᠤᠷ ᠠᠵᠢᠭᠯᠠᠨ ᠮᠡᠳᠡᠵᠦ ᠂ ᠲᠡᠭᠦᠨ ᠳ᠋ᠦ᠍ ᠰᠢᠨᠡᠴᠢᠯᠡᠯ ᠬᠢᠵᠦ ᠰᠢᠨᠡ ᠱᠠᠰᠢᠨ ᠢ᠋ ᠡᠭᠦᠳᠦᠨ ᠪᠦᠲᠦᠭᠡᠬᠦ ᠭᠡᠵᠦ ᠵᠣᠷᠢᠭ ᠰᠢᠭᠤᠳᠪᠠ ᠃ ᠲᠡᠭᠦᠨᠴᠡ ᠯᠠᠮᠠ ᠨᠠᠷ ᠡᠬᠡᠨᠡᠷ ᠠᠪᠬᠤ ᠂ ᠠᠷᠢᠬᠢ ᠤᠤᠭᠤᠬᠤ ᠵᠡᠷᠭᠡ ᠶ᠋ᠢ ᠴᠠᠭᠠᠵᠠᠯᠠᠭᠰᠠᠨ ᠰᠢᠨᠡ ᠰᠠᠬᠢᠯ ᠰᠠᠨᠸᠠᠷ ᠵᠣᠬᠢᠶᠠᠵᠤ ᠭᠡᠭᠡᠨ ᠬᠤᠪᠢᠯᠭᠠᠨ ᠦᠶᠡ ᠤᠯᠠᠷᠢᠬᠤ ᠳᠦᠷᠢᠮ ᠲᠣᠭᠲᠠᠭᠠᠵᠠᠢ ᠃ ᠮᠥᠨ ᠪᠠᠰᠠ ᠮᠠᠯᠠᠭᠠᠢ ᠬᠤᠪᠴᠠᠰᠤ ᠪᠠᠨ ᠰᠢᠷᠠ ᠥᠩᠭᠡ ᠪᠡᠷ ᠰᠣᠯᠢᠭᠰᠠᠨ ᠤ᠋ ᠤᠴᠢᠷ ᠠ᠋ᠴᠠ ᠲᠡᠭᠦᠨ ᠦ᠌ ᠡᠭᠦᠳᠦᠭᠰᠡᠨ ᠱᠠᠰᠢᠨ ᠢ᠋ ᠰᠢᠷᠠ ᠶ᠋ᠢᠨ ᠱᠠᠰᠢᠨ ᠭᠡᠬᠦ ᠪᠣᠯᠪᠠ ᠃ 1419 ᠣᠨ ᠳ᠋ᠤ᠌ ᠴᠣᠩᠺᠠᠪᠠ ᠨᠠᠰᠤᠨ ᠡᠴᠦᠰ ᠪᠣᠯᠤᠭᠰᠠᠨ ᠤ᠋ ᠬᠣᠢᠨᠠ ᠲᠡᠭᠦᠨ ᠦ᠌ ᠬᠣᠶᠠᠷ ᠶᠡᠬᠡ ᠱᠠᠪᠢ — ᠠᠩᠬᠠᠳᠤᠭᠠᠷ ᠲᠥᠷᠥᠯ ᠦ᠋ᠨ ᠳᠠᠯᠠᠢ ᠯᠠᠮᠠ ᠷᠭᠡᠨᠳᠤᠨ ᠷᠤᠪᠪᠠ ᠂ ᠠᠩᠬᠠᠳᠤᠭᠠᠷ ᠲᠥᠷᠥᠯ ᠦ᠋ᠨ ᠪᠠᠨᠴᠢᠨ ᠯᠠᠮᠠ ᠭᠡᠸᠯᠠᠪᠠᠰᠠᠩ ᠬᠣᠶᠠᠷ ᠰᠢᠷᠠ ᠶ᠋ᠢᠨ ᠱᠠᠰᠢᠨ ᠤ᠋ ᠡᠷᠬᠡ ᠶ᠋ᠢ ᠠᠳᠬᠤᠵᠤ ᠯᠠᠮᠠ ᠶ᠋ᠢᠨ ᠱᠠᠰᠢᠨ ᠤ᠋ ᠳᠣᠲᠣᠷᠠ ᠬᠠᠮᠤᠭ ᠤ᠋ᠨ ᠲᠣᠮᠣ ᠡᠷᠬᠡ ᠰᠦᠷᠳᠡᠨ ᠪᠣᠯᠵᠠᠢ ᠃
② ᠭᠤᠲᠠᠭᠠᠷ ᠳᠠᠯᠠᠢ ᠯᠠᠮᠠ ᠶ᠋ᠢᠨ ᠨᠡᠷᠡ ᠃
ᠠᠷᠪᠠᠨ ᠢᠯᠡᠭᠦᠦ ᠨᠠᠰᠤᠨ ᠳ᠋ᠤᠷ ᠢ᠋ᠶ᠋ᠠᠨ ᠲᠡᠷᠡ ᠯᠠᠮᠠ ᠮᠠᠨᠤ ᠂
ᠠᠯᠲᠠᠨ ᠬᠠᠭᠠᠨ ᠴᠢᠮᠠ ᠯᠣᠬᠠ ᠠᠭᠤᠯᠵᠠᠬᠤ ᠶ᠋ᠢᠨ ᠪᠠᠯᠠᠩ ᠦᠵᠡᠭᠦᠯᠵᠦ ᠂
ᠠᠷᠢᠭᠤᠨ ᠪᠤᠷᠬᠠᠨ ᠤ᠋ ᠱᠠᠰᠢᠨ ᠵᠡᠭᠦᠨ ᠡᠲᠡᠭᠡᠳ ᠳᠡᠯᠭᠡᠷᠡᠬᠦᠢ ᠪᠡᠯᠡᠭ ᠪᠣᠢ ᠬᠡᠮᠡᠭᠰᠡᠨ ᠪᠥᠯᠥᠭᠡᠢ ᠂
ᠠᠳᠠᠯᠢᠳᠬᠠᠰᠢ ᠦᠭᠡᠢ ᠪᠤᠷᠬᠠᠨ ᠤ᠋ ᠨᠣᠮᠯᠠᠭᠰᠠᠨ ᠭᠡᠨᠵᠤᠷ ᠂ ᠰᠳᠡᠨᠵᠤᠷ ①ᠬᠡᠮᠡᠬᠦ ᠨᠣᠮ ᠤ᠋ᠳ ᠪᠥᠯᠥᠭᠡ 》᠃
《ᠲᠡᠢᠮᠦ ᠲᠡᠢᠮᠦ ᠭᠠᠢᠬᠠᠮᠰᠢᠭ᠋ ᠲᠠᠨ ᠦᠯᠡᠮᠵᠢ ᠮᠠᠰᠢ ᠣᠯᠠᠨ ᠵᠦᠢᠯ ᠲᠠᠨ ᠪᠤᠶᠤ ᠂
ᠳᠡᠭᠡᠳᠦ ᠶᠡᠬᠡ ᠬᠠᠭᠠᠨ ᠴᠢ ᠤᠷᠢᠳᠤ ᠹᠠᠭᠰᠪᠠ ᠯᠠᠮᠠ ᠰᠡᠴᠡᠨ ᠬᠠᠭᠠᠨ ᠬᠣᠶᠠᠷ ᠤ᠋ᠨ ᠶᠣᠰᠣᠭᠠᠷ ᠂
ᠲᠡᠭᠰᠢ ᠪᠤᠷᠬᠠᠨ ᠤ᠋ ᠱᠠᠰᠢᠨ ᠢ᠋ ᠵᠢᠯᠣᠭᠠᠳᠬᠤ ᠶ᠋ᠢ ᠬᠦᠰᠡᠨ ᠦᠢᠯᠡᠳᠪᠡᠰᠦ ᠂
ᠲᠡᠨᠳᠡ ᠵᠣᠣ ᠷᠢᠮᠪᠤᠴᠠᠢ ② ᠲᠡᠷᠢᠭᠦᠯᠡᠨ ᠬᠠᠮᠤᠭ ᠪᠤᠷᠠᠬᠠᠳ ᠤ᠋ᠨ ᠰᠢᠲᠦᠭᠡᠨ ᠳ᠋ᠦ᠍ᠷ ᠂
ᠬᠣᠳᠣᠭ ᠲᠤ ᠳ᠋ᠠᠯᠠᠢ ᠯᠠᠮᠠ ᠡᠬᠢᠯᠡᠨ ᠣᠯᠠᠨ ᠬᠤᠸᠠᠷᠠᠭ ᠤ᠋ᠳ ᠲᠤᠷ ᠵᠡᠳ ᠮᠠᠨᠴᠠ ③ᠬᠢᠭᠡᠳ ᠂
— — — —
① ᠲᠥᠪᠡᠳ ᠬᠡᠯᠡ ᠪᠡᠷ ᠪᠢᠴᠢᠭᠳᠡᠭᠰᠡᠨ ᠪᠤᠷᠬᠠᠨ ᠱᠠᠰᠢᠨ ᠤ᠋ ᠨᠣᠮ ᠰᠤᠳᠤᠷ ᠤ᠋ᠨ ᠡᠮᠬᠢᠳᠬᠡᠯ ᠃ ᠪᠤᠷᠬᠠᠨ ᠱᠠᠰᠢᠨ ᠤ᠋ ᠨᠣᠮ ᠰᠤᠳᠤᠷ ᠨᠢ ᠳᠣᠣᠷᠠᠬᠢ ᠮᠡᠲᠦ ᠭᠤᠷᠪᠠᠨ ᠪᠦᠯᠦᠭ ᠡᠴᠡ ᠪᠦᠷᠢᠯᠳᠦᠵᠡᠢ ᠃ ᠠᠩᠬᠠᠨ ᠪᠦᠯᠦᠭ ᠨᠢ ᠰᠢᠬᠡᠮᠦᠨᠢ ᠶ᠋ᠢᠨ ᠨᠣᠮᠯᠠᠳᠬᠠᠯ ᠂ ᠳᠡᠳ᠋ ᠪᠦᠯᠦᠭ ᠨᠢ ᠯᠠᠮᠠ ᠬᠤᠸᠠᠷᠠᠭ ᠤ᠋ᠨ ᠰᠠᠬᠢᠯ ᠰᠠᠨᠸᠠᠷ ᠪᠠ ᠰᠦᠮᠡ ᠬᠡᠢᠳ ᠦ᠋ᠨ ᠵᠤᠷᠰᠢᠯ ᠂ ᠭᠤᠲᠠᠭᠠᠷ ᠪᠦᠯᠦᠭ ᠨᠢ ᠮᠡᠷᠭᠡᠳ ᠬᠤᠸᠠᠷᠠᠭ ᠨᠠᠷ ᠢ᠋ᠶ᠋ᠠᠷ ᠰᠢᠭᠡᠮᠦᠨᠢ ᠶ᠋ᠢᠨ ᠨᠣᠮᠯᠠᠳᠬᠠᠯ ᠳ᠋ᠤ᠌ ᠲᠠᠯᠪᠢᠭᠰᠠᠨ ᠥᠭᠦᠯᠡᠯ ᠲᠠᠢᠯᠪᠤᠷᠢ ᠵᠡᠷᠭᠡ ᠪᠣᠯᠤᠨᠠ ᠃《 ᠭᠡᠨᠵᠤᠷ 》 (ᠭᠠᠨᠵᠤᠤᠷ ) ᠪᠣᠯ ᠡᠬᠢᠨ ᠦ᠌ ᠬᠣᠶᠠᠷ ᠪᠦᠯᠦᠭ ᠦ᠋ᠨ ᠡᠮᠬᠢᠳᠬᠡᠯ ᠪᠣᠯᠬᠤ ᠪᠥᠭᠡᠳ 《 ᠰᠳ᠋ᠠᠨᠵᠤᠤᠷ 》 ( ᠳ᠋ᠠᠨᠵᠤᠤᠷ )ᠪᠣᠯ ᠭᠤᠲᠠᠭᠠᠷ ᠪᠦᠯᠦᠭ ᠦ᠋ᠨ ᠡᠮᠬᠢᠳᠬᠡᠯ ᠪᠣᠯᠤᠨᠠ ᠃
② ᠵᠣᠣ ᠬᠡᠮᠡᠬᠦ ᠢᠨᠦ ᠪᠤᠷᠬᠠᠨ ᠤ᠋ ᠬᠥᠷᠥᠭ ᠭᠡᠬᠦ ᠤᠳᠬᠠ ᠲᠠᠢ ᠂ ᠷᠢᠮᠪᠤᠴᠠᠢ ᠭᠡᠬᠦ ᠨᠢ ᠡᠷᠳᠡᠨᠢ ᠭᠡᠬᠦ ᠤᠳᠬᠠ ᠲᠠᠢ ᠃ ᠵᠣᠣ ᠷᠢᠮᠪᠤᠴᠠᠢ ᠭᠡᠵᠦ ᠴᠣᠩᠺᠠᠪᠠ ᠶ᠋ᠢ ᠬᠡᠯᠡᠨᠡ ᠃
③ ᠪᠠᠰᠠ ᠮᠠᠨᠵᠠ ᠪᠤᠶᠤ ᠮᠠᠩᠵᠠ ᠭᠡᠵᠦ ᠪᠢᠴᠢᠨᠡ ᠃ ᠯᠠᠮᠠ ᠬᠤᠸᠠᠷᠠᠭ ᠨᠠᠷ ᠲᠤ᠌ ᠥᠭᠯᠢᠭᠡ ᠪᠣᠯᠭᠠᠨ ᠡᠷᠭᠦᠬᠦ ᠴᠠᠢ ᠤᠮᠳᠠᠭᠠᠨ ᠢ᠋ ᠬᠡᠯᠡᠨᠡ ᠃
ᠬᠣᠲᠠᠯᠠ ᠥᠭᠯᠢᠭᠡ ᠪᠠᠷᠠᠮᠢᠳ ᠢ᠋ ᠥᠭᠴᠦ ᠢᠯᠡᠭᠡᠭᠡᠳ ᠵᠠᠯᠠᠨ ᠠᠢᠯᠠᠳᠬᠠᠵᠤ ᠪᠦᠷ ᠦ᠋ᠨ ᠂
ᠬᠤᠪᠢᠯᠭᠠᠨ ᠢ᠋ᠶ᠋ᠠᠷ ᠪᠦᠲᠦᠭᠰᠡᠨ ᠦ᠌ ᠰᠦᠮᠡ ᠬᠡᠢᠳ ᠲᠣᠷ ᠪᠤᠶᠠᠨ ᠢ᠋ ᠦᠢᠯᠡᠳᠬᠡᠭᠦᠯᠦᠭᠡᠳ ᠂
ᠬᠣᠲᠠᠯᠠ ᠠ᠋ᠴᠠ ᠭᠡᠨᠵᠤᠷ ᠰᠳᠡᠨᠵᠤᠷ ᠲᠡᠷᠢᠭᠦᠲᠡᠨ ᠬᠠᠮᠤᠭ ᠨᠣᠮ ᠤ᠋ᠳ ᠢ᠋ ᠵᠠᠯᠠᠵᠤ ᠢᠷᠡᠪᠡᠰᠦ ᠂
ᠪᠤᠷᠬᠠᠨ ᠤ᠋ ᠱᠠᠰᠢᠨ ᠠᠬᠤᠢ ᠶᠡᠬᠡᠳᠡ ᠳᠡᠯᠭᠡᠷᠡᠵᠦ ᠪᠦᠷ ᠦ᠋ᠨ ᠂
ᠪᠦᠬᠦ ᠬᠠᠮᠤᠭ ᠠᠮᠢᠲᠠᠨ ᠤ᠋ ᠮᠤᠩᠬᠠᠭ ᠤ᠋ᠨ ᠬᠠᠷᠠᠩᠭᠤᠢ ᠶ᠋ᠢ ᠠᠷᠢᠯᠭᠠᠭᠠᠳ ᠂
ᠪᠣᠭᠳᠠ ᠬᠦᠷᠳᠦᠨ ᠣᠷᠴᠢᠭᠤᠯᠤᠭᠴᠢ ①ᠴᠡᠭᠷᠠᠸᠠᠷᠳ᠋ᠢ ᠬᠠᠭᠠᠨ ᠮᠡᠲᠦ ᠠᠯᠳᠠᠷᠰᠢᠭᠠᠳ ᠂
ᠪᠤᠷᠬᠠᠨ ᠤ᠋ ᠬᠤᠲᠤᠭ ᠢ᠋ ᠣᠯᠵᠤ ᠰᠦᠭᠡᠸᠠᠳ᠋ᠢ② ᠳ᠋ᠤᠷ ᠲᠦᠷᠦᠮᠦ 》 ᠭᠡᠮᠡᠨ ᠠᠢᠯᠠᠳᠬᠠᠭᠰᠠᠨ ᠳ᠋ᠤᠷ ᠂
ᠡᠷᠲᠡᠨ ᠦ᠌ ᠬᠤᠷᠢᠶᠠᠭᠰᠠᠨ ᠪᠤᠶᠠᠨ ᠢᠷᠦᠭᠡᠯ ᠦ᠋ᠨ ᠬᠦᠴᠦᠨ ᠢ᠋ᠶ᠋ᠡᠷ ᠂
ᠡᠰᠡᠷᠭᠦᠯᠴᠡᠭᠴᠢ ᠳᠠᠢᠰᠤᠨ ᠢ᠋ ᠳᠠᠷᠤᠭᠠᠳ ᠨᠣᠮᠳ᠋ᠤᠷ ᠪᠢᠰᠢᠷᠡᠭᠴᠢ ᠂
ᠡᠷᠬᠡᠲᠦ ᠠᠯᠲᠠᠨ ᠬᠠᠭᠠᠨ ᠡᠷᠳᠡᠨᠢ ᠵᠣᠩᠬᠢᠨ ᠬᠠᠲᠤᠨ ᠬᠣᠶᠠᠭᠤᠯᠠ ᠂
— — — —
①ᠬᠦᠷᠳᠦᠨ ᠣᠷᠴᠢᠭᠤᠯᠤᠭᠴᠢ ᠭᠡᠳᠡᠭ ᠨᠢ ᠴᠡᠭᠷᠠᠸᠠᠷᠳ᠋ᠢ ᠭᠡᠬᠦ ᠦᠭᠡ ᠶ᠋ᠢ ᠤᠳᠬᠠᠨᠴᠢᠯᠠᠨ ᠣᠷᠴᠢᠭᠤᠯᠤᠭᠰᠠᠨ ᠦᠭᠡ ᠪᠣᠯᠤᠨᠠ ᠃
②ᠥᠷᠥᠨᠡ ᠳᠠᠬᠢᠨ ᠤ᠋ ᠪᠠᠶᠠᠰᠬᠤᠯᠠᠩ ᠤ᠋ᠨ ᠲᠤᠢᠯ ᠤ᠋ᠨ ᠣᠷᠣᠨ ᠢ᠋ ᠬᠡᠯᠡᠨᠡ ᠃ ᠪᠷᠬᠠᠨ ᠤ᠋ ᠨᠣᠮ ᠳ᠋ᠤ᠌ ᠥᠭᠦᠯᠡᠭᠰᠡᠨ ᠨᠢ ᠂ ᠲᠡᠷᠡ ᠣᠷᠣᠨᠠ ᠭᠠᠰᠢᠭᠤᠳᠠᠯᠲᠠᠨ ᠭᠡᠮᠡᠨ ᠦᠭᠡᠢ ᠂ ᠭᠠᠭᠴᠠ ᠪᠠᠢᠬᠤ ᠠᠨᠤ ᠣᠯᠠᠨ ᠪᠠᠶᠠᠰᠬᠤᠯᠠᠩᠲᠠᠨ ᠪᠥᠯᠥᠭᠡ ᠃ ᠬᠥᠮᠦᠨ ᠨᠠᠷ ᠬᠡᠷᠪᠡ ᠠᠮᠢᠲᠤᠸᠠ ᠪᠤᠷᠬᠠᠨ ᠳ᠋ᠤᠷ ᠰᠠᠢᠲᠤᠷ ᠳᠠᠭᠠᠳᠬᠠᠨ ᠵᠠᠯᠪᠠᠷᠢᠪᠠᠰᠤ ᠢᠷᠡᠬᠦᠢ ᠲᠥᠷᠥᠯ ᠳ᠋ᠡᠭᠡᠨ ᠲᠡᠷᠡ ᠬᠦ᠌ ᠪᠠᠶᠠᠰᠬᠤᠯᠠᠩ ᠤ᠋ᠨ ᠲᠤᠢᠯ ᠤ᠋ᠨ ᠣᠷᠣᠨ ᠳ᠋ᠤ᠌ ᠣᠴᠢᠵᠤ ᠲᠥᠷᠥᠮᠦᠢ ᠭᠡᠨᠡ ᠃
ᠡᠴᠢᠭᠡ ᠪᠠᠯᠮᠠ ① ᠶ᠋ᠢᠨ ᠵᠠᠷᠯᠢᠭ ᠢ᠋ ᠰᠣᠨᠣᠰᠴᠤ ᠪᠡᠶᠡᠰᠦᠨ ᠵᠥᠪᠰᠢᠶᠡᠵᠦ ᠪᠦᠷ ᠦ᠋ᠨ ᠃
ᠬᠦᠨᠳᠦᠯᠡᠵᠦ ᠯᠠᠮᠠ ᠶ᠋ᠢᠨ ᠵᠠᠷᠯᠢᠭ ᠢ᠋ᠶ᠋ᠠᠷ ᠬᠠᠭᠠᠨ ᠡᠬᠢᠯᠡᠨ ᠬᠠᠮᠤᠭ ᠨᠣᠶᠠᠳ ᠰᠠᠢᠳ ᠪᠦᠭᠦᠳᠡᠭᠡᠷ ᠂
ᠬᠦᠰᠡᠵᠦ ᠮᠥᠩᠬᠡ ᠭᠠᠵᠠᠷᠠ ②ᠳ᠋ᠠᠯᠠᠢ ᠪᠠᠯᠮᠠ ᠶ᠋ᠢ ᠵᠠᠯᠠᠵᠤ ᠪᠤᠶᠠᠨ ᠦᠢᠯᠡᠳᠬᠦ ᠶ᠋ᠢᠨ ᠲᠤᠯᠠ ᠂
ᠬᠦᠷᠴᠦ ᠵᠠᠯᠠ ᠭᠡᠮᠡᠨ ᠰᠳ᠋ᠠᠭᠯᠤᠩ ᠨᠠᠩᠰᠤ ᠦᠵᠡᠩ ᠵᠠᠢᠰᠠᠩ ᠳᠠᠶᠤᠨ ᠬᠢᠶᠡ ③ᠪᠣᠮᠪᠣ ᠰᠡᠨᠳᠢᠩ ᠡᠬᠢᠯᠡᠨ ᠂
ᠬᠥᠬᠡ ᠨᠣᠬᠠᠢ ᠵᠢᠯᠡ ④ᠵᠠᠷᠯᠢᠭ ᠤ᠋ᠨ ᠪᠢᠴᠢᠭ ᠰᠢᠲᠦᠭᠡᠨ ᠦ᠌ ᠪᠡᠯᠡᠭ ᠢ᠋ ᠥᠭᠴᠦ ᠶᠠᠪᠤᠭᠤᠯᠪᠠᠢ ᠃
ᠪᠠᠰᠠ ᠪᠤᠰᠤ ᠠᠯᠲᠠᠨ ᠮᠥᠩᠭᠥᠨ ᠲᠡᠷᠢᠭᠦᠲᠡᠨ ᠡᠷᠳᠡᠨᠢ ᠡᠳ᠋ ᠠᠭᠤᠷᠠᠬᠤᠰ ᠤ᠋ᠨ ᠬᠢᠭᠡᠳ ᠢ᠋ ᠂
ᠪᠠᠷᠠᠮᠢᠳ ᠥᠭᠯᠢᠭᠡ ᠲᠡᠷᠢᠭᠦᠲᠡᠨ ᠲᠤᠭᠤᠯᠠᠰᠢ ᠦᠭᠡᠢ ᠣᠯᠠᠨ ᠵᠦᠢᠯ ᠲᠠᠨ ᠤ᠋ ⑤᠂
ᠪᠠᠶᠠᠰᠬᠠᠬᠤ ᠮᠡᠲᠦ ᠣᠯᠠᠨᠲᠣᠭᠠᠲᠠᠨ ᠬᠡᠷᠡᠭᠯᠡᠭᠳᠡᠬᠦᠨ ᠢ᠋
— — — —
①ᠤᠤᠯ ᠨᠡᠷᠡ ᠨᠢ ᠠᠰᠢᠩ ᠯᠠᠮᠠ ᠭᠡᠳᠡᠭ ᠃ ᠡᠴᠢᠭᠡ ᠯᠠᠮᠠ ᠭᠡᠳᠡᠭ ᠨᠢ ᠲᠡᠭᠦᠨ ᠢ᠋ ᠡᠷᠭᠦᠮᠵᠢᠯᠡᠨ ᠳᠠᠭᠤᠳᠠᠭᠰᠠᠨ ᠴᠣᠯᠠ ᠃ ᠬᠢᠲᠠᠳ ᠪᠢᠴᠢᠭ ᠲᠦ᠍ ᠠᠢ ᠴᠢ ᠭᠠᠢ(哀气盖 ) ᠭᠡᠵᠦ ᠪᠢᠴᠢᠭᠰᠡᠨ ᠨᠢ ᠡᠴᠢᠭᠡ ᠶ᠋ᠢ ᠠᠪᠢᠶᠠᠴᠢᠯᠠᠨ ᠣᠷᠴᠢᠭᠤᠯᠤᠭᠰᠠᠨ ᠦᠭᠡ ᠃
②ᠲᠥᠪᠡᠳ ᠣᠷᠣᠨ ᠢ᠋ ᠬᠡᠯᠡᠵᠦ ᠪᠠᠢᠨᠠ ᠃
③ᠠᠯᠲᠠᠨ ᠬᠠᠭᠠᠨ ᠤ᠋ ᠵᠢᠷᠤᠮ ᠤ᠋ᠨ ᠬᠥᠪᠡᠭᠦᠨ ᠃ ᠬᠢᠲᠠᠳ ᠪᠢᠴᠢᠭ ᠲᠦ᠍ ᠴᠢᠶᠠ ᠲᠠᠢᠵᠠᠢ (恰台吉) ᠭᠡᠳᠡᠭ ᠃ ᠲᠡᠷᠡ ᠨᠢ ᠲᠣᠭᠲᠠᠭᠠ ᠬᠣᠲᠠᠨ ᠳ᠋ᠤ᠌ ᠰᠠᠭᠤᠭᠰᠠᠨ ᠤ᠋ ᠲᠤᠯᠠ ᠪᠠᠰᠠ ᠲᠣᠭᠲᠠᠭᠠ (脱脱 ) ᠭᠡᠳᠡᠭ ᠃
④ᠬᠥᠬᠡ ᠡᠮᠡ ᠨᠣᠬᠠᠢ ᠵᠢᠯ ᠂ ᠸᠠᠨ ᠯᠢ (万历 ) ᠶ᠋ᠢᠨ ᠭᠤᠲᠠᠭᠠᠷ ᠣᠨ (1575 )᠃
⑤《 ᠣᠯᠠᠨ ᠵᠦᠢᠯ ᠲᠠᠨ ᠤ᠋ 》 ᠭᠡᠳᠡᠭ ᠨᠢ 《 ᠣᠯᠠᠨ ᠵᠦᠢᠯ ᠲᠠᠨ ᠢ᠋ 》 ᠭᠡᠰᠡᠨ ᠦᠭᠡ ᠃
ᠪᠢᠬᠢᠯᠡᠵᠦ᠍ ᠶᠠᠪᠤᠭᠤᠯᠪᠠᠢ ᠦᠯᠦ ᠲᠠᠨᠢᠬᠤ ᠦᠯᠦ ᠮᠡᠳᠡᠬᠦ ᠲᠥᠪᠡᠳ ᠤᠯᠤᠰ ᠲᠤᠷ ᠃
ᠢᠯᠭᠤᠭᠰᠠᠨ ᠪᠣᠭᠳᠠ ᠬᠠᠭᠠᠨ ᠤ᠋ ᠵᠠᠷᠯᠢᠭ ᠢ᠋ᠶ᠋ᠠᠷ ᠦᠯᠦ ᠲᠦᠳᠡᠨ ᠬᠢᠴᠢᠶᠡᠨ ᠶᠠᠪᠤᠵᠤ ᠂
ᠢᠮᠠᠭᠲᠠ ᠬᠥᠬᠡ ᠨᠠᠭᠤᠷ ᠤ᠋ᠨ ᠴᠠᠪᠴᠢᠶᠠᠯ ᠨᠡᠷᠡᠲᠦ ᠭᠠᠵᠠᠷᠠ ① ᠲᠦᠷᠭᠡᠨᠡ ᠬᠦᠷᠴᠦ ᠂
ᠢᠯᠠᠩᠭᠤᠶᠠ ᠬᠠᠭᠠᠨ ᠤ᠋ ᠵᠠᠷᠯᠢᠭ ᠢ᠋ᠶ᠋ᠠᠷ ᠭᠤᠷᠪᠠᠨ ᠤᠯᠤᠰ ② ᠢ᠋ ᠵᠠᠬᠢᠷᠤᠨ ᠰᠦᠮᠡ ᠪᠠᠷᠢᠨ ᠳᠠᠭᠤᠰᠴᠤ ᠂
ᠢᠯᠡᠳᠡ ᠰᠠᠭᠠᠲᠠᠯ ᠦᠭᠡᠢ ᠮᠥᠩᠬᠡ ᠭᠠᠵᠠᠷᠠ ᠠᠷᠪᠠᠨ ᠰᠠᠷᠠ ᠶᠠᠪᠤᠵᠤ ᠬᠦᠷᠪᠡᠢ ᠃
ᠵᠣᠣ ᠰᠢᠭᠡᠮᠦᠨᠢ ᠶ᠋ᠢᠨ ᠡᠮᠦᠨ ᠲᠡᠯᠡᠬᠡᠶᠡ ᠡᠬᠢᠯᠡᠨ ᠬᠤᠸᠠᠷᠠᠭ ᠤ᠋ᠳ ᠯᠣᠬᠠ ᠠᠭᠤᠯᠵᠠᠵᠤ ᠂
ᠵᠣᠷᠢᠭᠯᠠᠵᠤ ᠢᠯᠡᠭᠡᠭᠰᠡᠨ ᠮᠠᠨᠳ᠋ᠭ ③ ᠡᠷᠭᠦᠭᠡᠳ ᠪᠡᠯᠡᠭ ᠪᠡᠯᠡᠭ ᠦ᠋ᠳ ᠦ᠋ᠨ ᠢ᠋ᠶ᠋ᠠᠨ ᠦᠵᠦᠭᠦᠯᠵᠦ ᠂
ᠵᠢᠪᠬᠤᠯᠠᠩ ᠲᠤ ᠬᠠᠭᠠᠨ ᠤ᠋ ᠵᠠᠷᠯᠢᠭ ᠢ᠋ ᠳᠡᠯᠭᠡᠷᠡᠩᠭᠦᠶᠡ ᠠᠢᠯᠠᠳᠬᠠᠨ ᠲᠤᠭᠤᠯᠠᠵᠤ ᠂
ᠵᠣᠬᠢᠰᠲᠠᠶᠠ ᠰᠦᠮᠡ ᠬᠡᠢᠳ ᠲᠡᠷᠢᠭᠦᠲᠡᠨ ᠳ᠋ᠦ᠍ᠷ ᠪᠤᠶᠠᠨ ᠢ᠋ᠶ᠋ᠠᠨ ᠦᠯᠡᠮᠵᠢ ᠲᠦᠭᠡᠭᠡᠵᠦ ᠂
《 ᠡᠩ ᠤᠷᠢᠳᠠ ᠲᠠᠨ ᠤ᠋ ᠳᠡᠭᠡᠳᠦ ᠹᠩᠰᠪᠠ ᠪᠠᠯᠮᠠ ᠶ᠋ᠢ ᠮᠠᠨᠤ ᠤᠷᠢᠳᠤᠰ ᠂
— — — —
① ᠬᠢᠲᠠᠳ ᠪᠢᠴᠢᠭ ᠲᠦ᠍ ᠴᠢᠶᠠ ᠪᠢ ᠴᠢᠶᠠ (恰卜恰) ᠭᠡᠨᠡ ᠃ ᠬᠥᠬᠡᠨᠠᠭᠤᠷ ᠤ᠋ᠨ ᠡᠮᠦᠨᠡᠬᠢ ᠬᠦᠩ ᠾᠧ ( 共和) ᠣᠷᠴᠢᠮ ᠪᠣᠢ ᠃
②ᠬᠣᠢᠨᠠ ᠬᠡᠰᠡᠭ ᠲᠦ᠍ ᠬᠢᠲᠠᠳ ᠂ ᠲᠥᠪᠡᠳ ᠂ ᠮᠣᠩᠭᠣᠯ ᠭᠤᠷᠪᠠᠨ ᠤᠯᠤᠰ ᠭᠡᠳᠡᠭ ᠃
③ ᠰᠠᠨᠰᠺᠷᠢᠲ ᠦᠭᠡ mandala ᠶᠢᠨ ᠠᠪᠢᠶᠠᠴᠢᠯᠠᠭᠰᠠᠨ ᠣᠷᠴᠢᠭᠤᠯᠭᠠ᠃ ᠪᠤᠷᠬᠠᠨ ᠱᠠᠰᠢᠨ ᠤ᠋ ᠲᠣᠭᠲᠠᠭᠠᠯ ᠶᠣᠰᠣᠭᠠᠷ ᠣᠯᠠᠨ ᠪᠤᠷᠬᠠᠳ ᠤ᠋ᠨ ᠬᠥᠷᠥᠭ ᠢ᠋ ᠳᠡᠰ ᠳᠠᠷᠠᠭᠠᠯᠠᠨ ᠵᠢᠭᠰᠠᠭᠠᠭᠰᠠᠨ ᠵᠢᠷᠤᠭ ᠪᠤᠶᠤ ᠱᠤᠭᠤᠮᠠᠯ ᠢ᠋ ᠬᠡᠯᠡᠨᠡ ᠃
ᠡᠷᠬᠡᠲᠦ ᠪᠣᠭᠳᠠ ᠰᠤᠤᠲᠤ ᠰᠡᠴᠡᠨ ᠬᠠᠭᠠᠨ ᠵᠠᠯᠠᠵᠤ ᠢᠷᠡᠭᠦᠯᠦᠭᠡᠳ ᠂
ᠡᠷᠭᠢᠨ ᠲᠠᠪᠤᠨ ᠥᠩᠭᠡ ᠤᠯᠤᠰ ᠲᠤᠷ ᠪᠤᠷᠬᠠᠨ ᠤ᠋ ᠱᠠᠰᠢᠨ ᠢ᠋ ᠳᠡᠯᠭᠡᠷᠡᠭᠦᠯᠦᠭᠰᠡᠨ ᠦ᠌ ᠶᠣᠰᠣᠭᠠᠷ ᠂
ᠡᠷᠬᠡᠲᠦ ᠬᠣᠳᠣᠭ ᠲᠤ ᠳᠠᠯᠠᠢ ᠯᠠᠮᠠ ᠴᠢᠮᠠᠢ ᠬᠦᠰᠡᠬᠦᠢ ᠰᠡᠳᠬᠢᠯ ᠦ᠋ᠨ ᠡᠭᠦᠳᠡᠨ ᠡᠴᠡ ᠵᠠᠯᠠᠮᠤᠢ 》 ᠃
《 ᠥᠷᠥᠰᠢᠶᠡᠩᠭᠦᠢ ᠰᠡᠳᠬᠢᠯ ᠦ᠋ᠨ ᠡᠭᠦᠳᠡᠨ ᠡᠴᠡ ᠡᠨᠡᠷᠢᠨ ᠨᠢᠭᠦᠯᠡᠰᠦᠭᠡᠳ ᠂
ᠥᠭᠡᠳᠡ ᠪᠣᠯᠵᠤ ᠮᠠᠨᠤ ᠮᠣᠩᠭᠣᠯ ᠤ᠋ᠨ ᠭᠠᠵᠠᠷᠠ ᠱᠠᠰᠢᠨ ᠢ᠋ ᠳᠡᠯᠭᠡᠷᠡᠭᠦᠯᠦᠨ ᠰᠣᠶᠣᠷᠬᠠ !
ᠥᠪᠡᠷ ᠪᠤᠰᠤᠳ ᠲᠤᠷ ᠲᠤᠰᠠᠲᠤ ᠦᠢᠯᠡᠰ ᠢ᠋ ᠠᠢᠯᠠᠳ ᠤ᠋ᠨ ᠰᠣᠶᠣᠷᠬᠠ !
ᠦᠯᠡᠮᠵᠢ ᠮᠠᠰᠢ ᠰᠦᠰᠦᠯᠬᠦᠢ ᠪᠢᠰᠢᠷᠡᠬᠦᠢ ᠪᠡᠷ ᠵᠠᠯᠠᠮᠤᠢ ᠂ ᠵᠠᠯᠠᠷᠠᠨ ᠰᠣᠶᠣᠷᠬᠠ !》 ᠭᠡᠮᠡᠨ ᠥᠴᠢᠪᠡᠰᠦ ᠂
ᠬᠠᠮᠤᠭ ᠢ᠋ ᠮᠡᠳᠡᠭᠴᠢ ᠳᠠᠯᠠᠢ ᠪᠯᠮᠠ ᠨᠢᠭᠦᠯᠡᠰᠬᠦᠢ ᠨᠢᠳᠦᠪᠡᠷ ᠦᠵᠡᠵᠦ ᠂
《 ᠬᠠᠭᠠᠨ ᠪᠢᠳᠡ ᠬᠣᠶᠠᠭᠤᠯᠠ ᠤᠷᠢᠳᠤ ᠲᠥᠷᠥᠯ ᠳ᠋ᠦ᠍ᠷ ᠪᠤᠶᠠᠨ ᠦᠢᠯᠡᠳᠦᠭᠰᠡᠨ ᠢ᠋ᠶ᠋ᠡᠷ ᠂
ᠬᠠᠮᠲᠤ ᠵᠣᠯᠭᠠᠯᠳᠤᠵᠤ ᠱᠠᠰᠢᠨ ᠢ᠋ ᠳᠡᠯᠭᠡᠷᠡᠬᠦ ᠶ᠋ᠢᠨ ᠪᠡᠯᠡᠭ ᠪᠣᠢ !》 ᠭᠡᠮᠡᠨ ᠵᠠᠷᠯᠢᠭ᠋ ᠪᠣᠯᠵᠤ ᠂
ᠭᠠᠢᠬᠠᠮᠰᠢᠭ᠋ ᠪᠤᠷᠬᠠᠨ ᠤ᠋ ᠱᠠᠰᠢᠨ ᠢ᠋ ᠰᠠᠬᠢᠭᠴᠢ ᠪᠢᠬᠠᠷ ᠬᠠᠭᠠᠨ ① ᠬᠥᠮᠦᠨ ᠦ ᠪᠡᠶᠡ ᠳ᠋ᠦ᠍ᠷ ᠣᠷᠣᠵᠤ ᠂
— — — —
① ᠪᠤᠷᠬᠠᠨ ᠱᠠᠰᠢᠨ ᠢ᠋ ᠥᠮᠥᠭᠯᠡᠭᠴᠢ ᠰᠠᠬᠢᠭᠤᠯᠰᠤᠨ ᠤ᠋ ᠬᠤᠪᠢᠯᠠᠭᠠᠨ ᠭᠡᠳᠡᠭ ᠃ ᠲᠡᠷᠡ ᠨᠢ ᠲᠡᠭᠷᠢ ᠪᠤᠷᠬᠠᠨ ᠯᠤᠭᠠ ᠠᠭᠤᠯᠵᠠᠵᠤ ᠴᠢᠳᠠᠬᠤ ᠪᠠᠷ ᠦᠯᠦ ᠪᠠᠷᠠᠮ ᠪᠠᠰᠠ ᠬᠠᠮᠤᠭ ᠠᠮᠢᠲᠠᠨ ᠤ᠋ ᠭᠠᠰᠢᠭᠤᠨ ᠵᠣᠪᠠᠯᠠᠩ ᠢ᠋ ᠠᠷᠢᠯᠭᠠᠨ ᠥᠭᠴᠦ ᠴᠢᠳᠠᠨᠠ ᠭᠡᠨᠡ ᠃
ᠢᠯᠠᠵᠤ ᠲᠡᠭᠦᠰ ᠨᠥᠭᠴᠢᠭᠰᠡᠨ ᠪᠤᠷᠬᠠᠨ ᠪᠠᠭᠰᠢ ① ᠶ᠋ᠢᠨ ᠪᠡᠶᠡ ᠵᠣᠣ ᠷᠢᠨᠪᠤᠴᠠᠢ ᠶ᠋ᠢᠨ ᠡᠮᠦᠨᠡ ᠂
ᠢᠯᠠᠭᠤᠭᠰᠠᠨ ᠬᠠᠮᠤᠭ ᠢ᠋ ᠮᠡᠳᠡᠭᠴᠢ ᠳᠠᠯᠠᠢ ᠪᠠᠯᠮᠠ ᠡᠬᠢᠯᠡᠨ ᠬᠤᠸᠠᠷᠠᠭ ᠤ᠋ᠳ ᠤ᠋ᠨ ᠴᠢᠭᠤᠯᠭᠠᠨ ᠳ᠋ᠤᠷ᠂
ᠢᠮᠠᠭᠲᠠ ᠲᠥᠪᠡᠳ ᠦ᠋ᠨ ᠶᠡᠬᠡ ᠪᠠᠭᠠ ᠥᠭᠯᠢᠭᠡ ᠶ᠋ᠢᠨ ᠡᠵᠡᠳ ② ᠣᠯᠠᠨ ᠬᠤᠷᠠᠭᠰᠠᠳ ᠲᠤᠷ ᠂
ᠢᠯᠠᠩᠭᠤᠶᠠ ᠮᠣᠩᠭᠣᠯ ᠤ᠋ᠨ ᠡᠯᠴᠢᠰ ᠪᠦᠭᠦᠳᠡ ᠳ᠋ᠦ᠍ᠷ ᠪᠢᠬᠠᠷ ᠬᠠᠭᠠᠨ ᠡᠢᠨ ᠥᠭᠦᠯᠡᠷᠦᠨ :
《 ᠣᠷᠣᠢ ᠶ᠋ᠢᠨ ᠴᠢᠮᠡᠭ ᠪᠠᠳᠮᠠ ᠰᠠᠮᠪᠠᠦᠠ ᠪᠠᠭᠰᠢ ③ ᠶ᠋ᠢᠨ ᠵᠠᠷᠯᠢᠭ ᠢ᠋ᠶ᠋ᠠᠷ ᠂
ᠣᠬᠢ ᠮᠣᠷᠢᠨ ᠲᠡᠷᠢᠭᠦᠲᠦ ᠡᠷᠬᠡᠲᠦ ᠬᠠᠭᠠᠨ④ ᠤ᠋ ᠤᠳᠤᠷᠢᠭᠤᠯᠰᠤᠨ ᠦᠵᠦᠭᠦᠯᠦᠭᠰᠡᠨ ᠂
ᠤᠭᠤᠭᠠᠲᠠᠨ ᠪᠢᠬᠠᠷ ᠬᠠᠭᠠᠨ ᠮᠢᠨᠦ ᠦᠭᠡ ᠰᠢᠳᠤᠷᠬᠤ ᠤᠳ᠋ᠬᠠ ᠮᠠᠭᠠᠳᠤᠳ᠋ᠬᠠ ᠬᠣᠶᠠᠷ ᠠ᠋ᠴᠠ ᠂
ᠦᠴᠡ ᠮᠠᠬᠠᠤᠨ ᠤᠳ᠋ᠬᠠ ᠬᠡᠮᠡᠬᠦ ᠥᠭᠦᠯᠡᠬᠦᠢ ᠡᠴᠡ ᠬᠠᠭᠠᠴᠠᠭᠰᠠᠨ ᠂
— — — —
① ᠰᠢᠭᠡᠮᠦᠨᠢ ᠶ᠋ᠢ ᠬᠡᠯᠡᠵᠦ ᠪᠣᠢ ᠃
② ᠥᠭᠯᠢᠭᠡ ᠶ᠋ᠢᠨ ᠡᠵᠡᠨ ᠭᠡᠳᠡᠭ ᠨᠢ ᠰᠦᠮᠡ ᠬᠡᠢᠳ ᠲᠦ᠍ ᠡᠳ᠋ ᠠᠭᠤᠷᠠᠰᠤᠨ ᠪᠠ ᠢᠳᠡᠭᠡᠨ ᠤᠮᠳᠠᠭᠠᠨ ᠢ᠋ ᠡᠷᠭᠦᠨ ᠥᠭᠭᠦᠭᠰᠡᠳ ᠢ᠋ ᠥᠭᠦᠯᠡᠨᠡ ᠂ ᠡᠳᠡᠭᠡᠷ ᠥᠭᠯᠢᠭᠡ ᠶ᠋ᠢ ᠬᠦᠯᠢᠶᠡᠨ ᠠᠪᠬᠤ ᠰᠦᠮᠡ ᠬᠡᠢᠳ ᠢ᠋ ᠲᠠᠬᠢᠯ ᠤ᠋ᠨ ᠣᠷᠣᠨ ᠭᠡᠨᠡ ᠃
③ ᠡᠨᠡᠳᠬᠡᠭ ᠦ᠋ᠨ ᠬᠥᠮᠦᠨ ᠃ ᠨᠢᠭᠤᠴᠠ ᠲᠠᠷᠨᠢ ᠳ᠋ᠤ᠌ ᠶᠡᠬᠡᠯᠡ ᠨᠡᠪᠲᠡᠷᠡᠭᠰᠡᠨ ᠭᠡᠳᠡᠭ ᠃ ᠨᠡᠢᠲᠡ ᠶ᠋ᠢᠨ ᠣᠨ ᠲᠣᠭᠠᠯᠠᠯ ᠤ᠋ᠨ ᠨᠠᠢ᠍ᠮᠠᠳᠤᠭᠠᠷ ᠵᠠᠭᠤᠨ ᠤ᠋ ᠦᠶᠡ ᠳ᠋ᠦ᠍ ᠲᠥᠪᠡᠳ ᠲᠦ᠍ ᠢᠷᠡᠵᠦ ᠂ ᠲᠥᠪᠡᠳ ᠦ᠋ᠨ ᠣᠷᠣᠨ ᠤ᠋ ᠱᠠᠰᠢᠨ ᠯᠤᠭᠠ ᠤᠶᠠᠯᠳᠤᠭᠤᠯᠤᠨ ᠯᠠᠮᠠ ᠶ᠋ᠢᠨ ᠱᠠᠰᠢᠨ ᠢ᠋ ᠡᠭᠦᠳᠦᠨ ᠵᠣᠬᠢᠶᠠᠵᠠᠢ ᠃
④ ᠵᠢᠷᠭᠤᠭᠠᠨ ᠠᠷᠢᠶᠠᠪᠠᠯᠤ ᠶ᠋ᠢᠨ ᠨᠢᠭᠡ ᠃ ᠮᠣᠷᠢᠨ ᠲᠣᠯᠣᠭᠠᠢ ᠪᠠᠷ ᠡᠬᠢᠯᠡᠬᠦ ᠲᠤᠯᠠ ᠡᠨᠡ ᠨᠡᠷᠡ ᠶ᠋ᠢ ᠣᠯᠵᠠᠢ ᠃
ᠰᠢᠳᠤᠷᠬᠤ ᠤᠳ᠋ᠬᠠ ᠢᠨᠦ᠍ ᠨᠠᠢ᠍ᠮᠠᠨ ᠠᠷᠠ① ᠬᠢᠭᠡᠳ ᠲᠠᠪᠤᠨ ᠪᠡᠶᠡ ᠳ᠋ᠦ᠍ᠷ ᠦᠢᠯᠡᠰ ᠢ᠋ ᠪᠦᠲᠦᠭᠡᠵᠦ ᠂
ᠰᠢᠯᠲᠠᠭᠠᠨ ᠬᠠᠮᠤᠭ ᠢ᠋ ᠮᠡᠳᠡᠭᠴᠢ ᠦᠵᠡᠭᠰᠡᠭᠡᠷ ᠲᠡᠭᠦᠯᠳᠡᠷ ᠲᠤᠰᠠᠲᠤ ᠳᠠᠯᠠᠢ ᠹᠯᠠᠮᠠ ᠬᠢᠭᠡᠳ ᠂
ᠰᠢᠯᠤᠭᠤᠨ ᠪᠣᠳᠢᠰᠠᠳ᠋ᠸᠠ ᠠᠯᠲᠠᠨ ᠬᠠᠭᠠᠨ ᠪᠢᠳᠡ ᠪᠦᠬᠦᠢ ᠪᠡᠷ ᠡᠩ ᠤᠷᠢᠳᠠ ᠂
ᠰᠢᠮᠳᠠᠵᠤ ᠴᠣᠭ ᠲᠤ᠌ ᠵᠡᠰ ᠥᠩᠭᠡ ᠳ᠋ᠦ᠍ ᠠᠭᠤᠯᠠ ᠶ᠋ᠢᠨ ᠡᠮᠦᠨᠡ ᠦᠵᠦᠭᠦᠷᠡ ᠪᠠᠳᠮᠠ ᠰᠠᠮᠪᠠᠸᠠ ᠶ᠋ᠢᠨ ᠡᠮᠦᠨᠡ ᠡᠴᠡ ᠂
ᠬᠣᠲᠠᠯᠠ ᠪᠦᠭᠦᠳᠡᠭᠡᠷ ᠲᠡᠩᠭᠡᠷᠢᠬᠯᠠᠭᠰᠠᠨ ᠪᠤᠶᠠᠨ ᠤ᠋ ᠢᠷᠦᠭᠡᠯ ᠦ᠋ᠨ ᠬᠦᠴᠦᠨ ᠢ᠋ᠶ᠋ᠡᠷ ᠂
ᠬᠣᠩᠰᠢᠮ ᠪᠣᠳᠢᠰᠤᠩ ᠤ᠋ᠨ ᠬᠤᠪᠢᠯᠭᠠᠨ ᠪᠤᠶᠠᠨ ᠳ᠋ᠤ᠌ ᠳᠠᠯᠠᠢ ᠯᠠᠮᠠ ᠪᠠᠷᠠᠭᠤᠨ ᠡᠲᠡᠭᠡᠳ ᠲᠥᠷᠥᠵᠦ ᠂
ᠬᠤᠪᠢᠯᠭᠠᠨ ᠠᠯᠲᠠᠨ ᠬᠠᠭᠠᠨ ᠵᠡᠭᠦᠨ ᠡᠲᠡᠭᠡᠳ ᠮᠣᠩᠭᠣᠯ ᠤ᠋ᠨ ᠭᠠᠵᠠᠷᠠ ᠲᠥᠷᠥᠵᠦ ᠂
ᠲᠡᠭᠦᠨ ᠦ᠌ ᠲᠤᠯᠠᠳᠠ ᠦᠵᠡᠭᠰᠡᠭᠡᠷ ᠲᠡᠭᠦᠯᠳᠡᠷ ᠲᠤᠰᠠᠲᠤ ᠳᠠᠯᠠᠢ ᠯᠠᠮᠠ ᠴᠢ ᠪᠡᠷ ᠂
ᠲᠡᠨᠳᠡ ᠮᠣᠩᠭᠣᠯ ᠤ᠋ᠨ ᠬᠠᠭᠠᠨ ᠤ᠋ ᠵᠠᠷᠯᠢᠭ ᠢ᠋ᠶ᠋ᠠᠷ ᠥᠭᠡᠳᠡ ᠪᠣᠯᠵᠤ ᠣᠳᠪᠠᠰᠤ᠂
ᠲᠡᠭᠰᠢ ᠬᠠᠮᠤᠭ ᠠᠮᠢᠲᠠᠨ ᠢ᠋ ᠭᠡᠢᠭᠦᠯᠵᠦ ᠡᠷᠳᠡᠨᠢ ᠱᠠᠰᠢᠨ ᠢ᠋ ② ᠨᠠᠷᠠᠨ ᠣᠷᠭᠣᠮᠤᠢ 》 ᠭᠡᠮᠡᠨ ᠂
ᠲᠡᠭᠦᠳᠡᠭᠡᠷᠡᠯ ᠦᠭᠡᠢ ᠪᠢᠬᠠᠷ ᠬᠠᠭᠠᠨ ᠤᠳᠤᠷᠢᠭᠤᠯᠰᠤᠨ ᠦᠵᠦᠭᠦᠯᠦᠭᠰᠡᠨ ᠳ᠋ᠦ᠍ᠷ ᠂
— — — —
①ᠡᠮᠦᠨᠡᠬᠢ ᠬᠡᠰᠡᠭ ᠲᠦ᠍ 《 ᠭᠠᠳᠠᠬᠠ ᠲᠠᠨ ᠬᠠᠭᠠᠯᠭᠠᠰ 》 ᠭᠡᠰᠡᠨ ᠢ᠋ 《 ᠠᠲᠠᠭᠠ ᠲᠠᠨ ᠬᠠᠭᠠᠯᠭᠠᠰ 》 ᠭᠡᠵᠦ ᠪᠢᠴᠢᠭᠰᠡᠨ ᠡᠴᠡ ᠦᠵᠡᠪᠡᠯ ᠡᠨᠡ ᠬᠦ᠌ 《᠊ᠨ᠌ᠨ᠌ᠷᠠ 》ᠨᠢ ᠬᠠᠷᠢᠨ 《 ᠊ᠨ᠋ᠨ᠋ᠷᠠᠷᠡ 》( ᠭᠠᠷᠠ ) ᠭᠡᠰᠡᠨ ᠦᠰᠦᠭ ᠪᠣᠯᠤᠯᠲᠠᠢ ᠃
②《 ᠱᠠᠰᠢᠨ ᠢ᠋ 》 ᠭᠡᠰᠡᠨ ᠨᠢ 《 ᠱᠠᠰᠢᠨ ᠤ᠋ 》 ᠭᠡᠰᠡᠨ ᠦᠭᠡ ᠃
ᠲᠥᠪᠡᠳ ᠦ᠋ᠨ ᠶᠡᠬᠡ ᠪᠠᠭᠠ ᠯᠠᠮᠠ ᠨᠠᠷ ᠪᠤᠷᠰᠠᠩ ᠬᠤᠸᠠᠷᠠᠭ ᠤ᠋ᠳ ᠪᠦᠬᠦᠢ ᠪᠡᠷ ᠂
ᠳᠣᠲᠣᠷᠬᠠᠶᠠ ᠮᠣᠩᠭᠣᠯ ᠤ᠋ᠨ ᠭᠠᠵᠠᠷᠠ ᠥᠭᠡᠳᠡ ᠪᠤᠯᠬᠤᠢ ᠶ᠋ᠢ ᠨᠡᠪᠲᠡᠷᠡᠭᠦᠯᠦᠭᠡᠳ ᠂
ᠲᠡᠳᠦᠢ ᠮᠣᠩᠭᠣᠯ ᠤ᠋ᠨ ᠡᠯᠴᠢᠰ ᠲᠣᠷ ᠬᠤᠲᠤᠭ ᠲᠤ᠌ ᠳᠠᠯᠠᠢ ᠯᠠᠮᠠ ᠱᠠᠰᠢᠨ ᠢ᠋ ᠰᠠᠬᠢᠭᠴᠢ ᠬᠣᠶᠠᠭᠤᠯᠠ ᠂
ᠳᠤᠮᠳᠠ ᠬᠤᠷ ᠲᠠᠠᠤ ᠡᠨᠳᠡ ᠰᠠᠭᠤᠭᠠᠳ ᠣᠯᠠᠩᠬᠢᠨ ᠲᠠᠠᠤ ᠡᠴᠢᠵᠦ ᠶᠡᠬᠡ ᠬᠠᠭᠠᠨ ᠳ᠋ᠤᠷ ᠡᠢᠨ ᠠᠢᠯᠠᠳᠬᠠᠭᠲᠤᠨ :
《ᠤᠷᠢᠳᠤ ᠲᠥᠷᠥᠯ ᠲᠤᠲᠤᠮ ᠳ᠋ᠤᠷ ᠬᠠᠭᠠᠨ ᠪᠢᠳᠡ ᠬᠣᠶᠠᠭᠤᠯᠠ ᠂
ᠤᠴᠠᠷᠠᠵᠤ ᠲᠠᠬᠢᠯ ᠤ᠋ᠨ ᠣᠷᠣᠨ ᠥᠭᠯᠢᠭᠡ ᠶ᠋ᠢᠨ ᠡᠵᠡᠨ ᠪᠣᠯᠤᠯᠴᠠᠵᠤ ᠂
ᠦᠯᠡᠮᠵᠢ ᠪᠤᠷᠬᠠᠨ ᠤ᠋ ᠱᠠᠰᠢᠨ ᠢ᠋ ᠣᠯᠠᠨ ᠲᠠ ᠳᠡᠯᠭᠡᠷᠡᠭᠦᠯᠦᠭᠰᠡᠨ ᠪᠥᠯᠥᠭᠡ ᠂
ᠥᠭᠡᠳᠡ ᠪᠣᠯᠵᠤ ᠮᠣᠩᠭᠣᠯ ᠤ᠋ᠨ ᠭᠠᠵᠠᠷᠠ ᠠᠮᠢᠲᠠᠨ ᠤ᠋ ᠲᠤᠰᠠ ᠶ᠋ᠢᠨ ᠲᠤᠯᠠ ᠤᠳᠤᠮᠤᠢ ᠪᠢ 》 ᠃
ᠠᠯᠲᠠᠨ ᠬᠠᠭᠠᠨ ᠦᠬᠡᠷ ᠵᠢᠯᠡ ① ᠬᠢᠲᠠᠳ ᠲᠥᠪᠡᠳ ᠮᠣᠩᠭᠣᠯ ᠭᠤᠷᠪᠠᠨ ᠤᠯᠤᠰ ᠤ᠋ᠨ ᠠᠭᠤᠯᠵᠠᠷ ᠲᠤᠷ ᠂
ᠠᠷᠢᠭᠤᠨᠠ ᠪᠠᠢᠭᠤᠯᠤᠭᠰᠠᠨ ᠴᠠᠪᠴᠢᠶᠠᠯ ᠤ᠋ᠨ ᠰᠦᠮᠡ② ᠳ᠋ᠦ᠍ᠷ ᠥᠭᠡᠳᠡ ᠪᠣᠯᠵᠤ ᠢᠷᠡᠭᠡᠳ ᠂
ᠠᠯᠳᠠᠷᠰᠢᠭᠰᠠᠨ ᠵᠣᠣ ᠷᠢᠠᠪᠤᠴᠠᠢ ᠶ᠋ᠢᠨ ᠡᠮᠦᠨᠡ ᠡᠴᠡ ᠪᠢᠳᠡ ᠪᠡᠷ ᠥᠭᠡᠳᠡ ᠪᠣᠯᠵᠤ ᠡᠴᠢᠭᠡᠳ ᠂
ᠠᠮᠤᠭᠤᠯᠠᠩ ᠢ᠋ᠶ᠋ᠠᠷ ᠴᠠᠪᠴᠢᠶᠠᠯ ᠤ᠋ᠨ ᠰᠦᠮᠡ ᠳ᠋ᠦ᠍ᠷ ᠵᠣᠯᠭᠠᠯᠳᠤᠬᠤ ᠪᠡᠯᠡᠭ ᠪᠣᠢ ᠭᠡᠮᠡᠨ ᠠᠢᠯᠠᠳᠬᠠ ᠃
— — — —
①ᠤᠯᠠᠭᠠᠨ ᠡᠮᠡ ᠦᠬᠡᠷ ᠵᠢᠯ ᠂ ᠸᠠᠨ ᠯᠢ ᠶ᠋ᠢᠨ ᠲᠠᠪᠤᠳᠤᠭᠠᠷ ᠣᠨ ( 1577 )᠃
②ᠬᠢᠲᠠᠳ ᠪᠢᠴᠢᠭ ᠲᠦ᠍ ᠶᠠᠩ ᠬᠤᠸᠠ ᠰᠧ (仰华寺) ᠭᠡᠳᠡᠭ ᠃ ᠸᠠᠨ ᠯᠢ ᠶ᠋ᠢᠨ ᠠᠷᠪᠠ ᠶᠢᠰᠦᠳᠦᠭᠡᠷ ᠣᠨ ( 1591 ) ᠳ᠋ᠦ᠍ ᠲᠠᠢᠮᠢᠩ ᠤ᠋ᠨ ᠴᠡᠷᠢᠭ ᠡᠨᠡ ᠰᠦᠮᠡ ᠶ᠋ᠢ ᠭᠠᠯᠳᠠᠨ ᠰᠦᠢᠳᠬᠡᠵᠡᠢ ᠃