ᠥᠬᠢᠨ ᠳ᠋ᠡᠭᠡᠨ ᠪᠢᠴᠢᠭᠰᠡᠨ ᠰᠢᠯᠦᠭ- ᠭ · ᠴᠢᠩᠪᠠᠭᠠᠲᠤᠷОхиндээ бичсэн шүлэг-га · чинбаатар
390ᠥᠬᠢᠨ ᠳ᠋ᠡᠭᠡᠨ ᠪᠢᠴᠢᠭᠰᠡᠨ ᠰᠢᠯᠦᠭ
—2008.9.17 ᠪ ᠥᠷᠯᠥᠭᠡ ᠶ᠋ᠢᠨ3 ᠄15 ᠳ᠋ᠤ᠌ ᠥᠬᠢᠨ ᠴᠡᠴᠡᠨᠨᠣᠮ ᠮᠢᠨᠢ ᠮᠠᠨᠳᠤᠯᠠᠭᠰᠠᠨ ᠪᠢᠯᠡ
ᠭ · ᠴᠢᠩᠪᠠᠭᠠᠲᠤᠷ
ᠠᠪᠤ ᠨᠢ ᠮᠠᠭᠤ ᠥᠬᠢᠨ ᠢ᠋ᠶ᠋ᠡᠨ
ᠦᠷ ᠦ᠋ᠨ ᠴᠠᠭᠠᠨ ᠭᠡᠭᠡ ᠲᠡᠢ ᠬᠠᠮᠲᠤ 《 ᠠᠰᠠᠵᠤ 》 ᠬᠦᠯᠢᠶᠡᠯᠡ !
ᠠᠯᠲᠠᠨ ᠨᠠᠷᠠ ᠶ᠋ᠢ ᠳᠠᠭᠠᠭᠤᠯᠵᠤ ᠲᠥᠷᠥᠭᠰᠡᠨ ᠥᠬᠢᠨ ᠦ᠌ ᠪᠡᠨ
ᠠᠯᠠᠭᠠᠨ ᠴᠢᠨᠡᠭᠡ ᠨᠢᠭᠤᠷ ᠊ᠢ ᠦᠨᠦᠷᠯᠡᠬᠦ ᠳ᠋ᠦ᠍
ᠠᠪᠤ ᠮᠢᠨᠢ ᠨᠠᠮᠠᠶ᠋ᠢ ᠶᠠᠭᠠᠬᠢᠵᠤ ᠯᠠ ᠰᠠᠨᠠᠳᠠᠭ ᠪᠠᠶ᠋ᠢᠬᠰᠠᠨ ᠊ᠢ
ᠠᠩᠬᠠ ᠤᠳᠠᠭᠠ ᠪᠠᠨ ᠣᠶ᠋ᠢᠯᠠᠭᠠᠬᠤ ᠰᠢᠭ᠋ ᠪᠣᠯᠵᠤ ᠪᠢᠯᠡ !
ᠠᠪᠤ ᠨᠢ ᠮᠠᠭᠤ ᠥᠬᠢᠨ ᠢ᠋ᠶ᠋ᠡᠨ
ᠦᠷ ᠦ᠋ᠨ ᠴᠣᠯᠮᠣᠨ ᠲᠠᠢ ᠬᠠᠮᠲᠤ 《 ᠳᠦᠷᠡᠯᠵᠡᠵᠦ 》 ᠬᠦᠯᠢᠶᠡᠯᠡ !
ᠠᠵᠠ ᠵᠢᠷᠭᠠᠯ ᠊ᠢ ᠨᠠᠳᠠ ᠳᠠᠭᠠᠭᠤᠯᠵᠤ ᠢᠷᠡᠭᠰᠡᠨ ᠥᠬᠢᠨ ᠦ᠌ ᠪᠡᠨ
ᠠᠩᠭᠠᠯᠵᠠᠨ ᠤᠬᠢᠯᠠᠬᠤ ᠶ᠋ᠢ ᠬᠠᠷᠠᠭᠰᠠᠨ ᠳᠠᠷᠤᠢ
ᠡᠵᠢ ᠮᠢᠨᠢ ᠨᠠᠮᠠᠶ᠋ᠢ ᠶᠠᠭᠠᠬᠢᠵᠤ ᠯᠠ ᠬᠠᠶ᠋ᠢᠷᠠᠯᠠᠲᠠᠭ ᠪᠠᠶ᠋ᠢᠬᠰᠠᠨ ᠤ᠋
ᠡᠷᠬᠢᠮ ᠤᠴᠢᠷ ᠊ᠢ ᠤᠬᠠᠭᠠᠷᠠᠬᠤ ᠰᠢᠭ᠋ ᠪᠣᠯᠵᠤ ᠪᠢᠯᠡ !
ᠠᠪᠤ ᠨᠢ ᠮᠠᠭᠤ ᠥᠬᠢᠨ ᠢ᠋ᠶ᠋ᠡᠨ
ᠦᠷ ᠰᠥᠨᠢ ᠶ᠋ᠢᠨ ᠵᠠᠭᠠᠭ ᠊ᠢ ᠬᠦᠪᠦᠷᠢᠳᠦᠨ ᠪᠠᠶ᠋ᠢᠵᠤ ᠯᠠ ᠬᠦᠯᠢᠶᠡᠯᠡ !
ᠠᠮᠤᠷᠵᠢᠬᠤ ᠭᠠᠵᠠᠷ ᠤ᠋ᠨ ᠡᠭᠦᠳᠡᠨ ᠳᠡᠭᠡᠷᠡ ᠴᠠᠭ ᠮᠡᠷᠡᠭᠰᠡᠭᠡᠷ ᠵᠣᠭᠰᠣᠨ
ᠠᠷᠪᠠᠨ ᠰᠠᠷᠠ ᠲᠡᠭᠡᠭᠡᠭᠰᠡᠨ ᠡᠵᠢ ᠶ᠋ᠢᠨ ᠴᠢᠨᠢ ᠲᠥᠯᠥᠭᠡ ᠠᠯᠭᠠᠰᠠᠬᠤ ᠳ᠋ᠤ᠌
ᠠᠪᠤ ᠯᠠ ᠡᠵᠢ ᠬᠣᠶᠠᠷ ᠮᠢᠨᠢ ᠨᠠᠮᠠᠶ᠋ᠢ ᠪᠠᠨ ᠶᠠᠭᠠᠬᠢᠵᠤ ᠬᠠᠶ᠋ᠢᠷᠠᠯᠠᠲᠠᠭ ᠤ᠋ᠨ
ᠠᠭᠤᠤ ᠶᠡᠬᠡ ᠡᠨᠡᠷᠢᠯ ᠊ᠢ ᠨᠢ ᠰᠠᠶᠢ ᠯᠠ ᠤᠬᠠᠭᠠᠷᠠᠬᠤ ᠰᠢᠭ᠋ ᠯᠡ ᠪᠣᠯᠪᠠ !
ᠠᠪᠤ ᠡᠵᠢ ᠬᠣᠶᠠᠷ ᠤ᠋ᠨ ᠮᠢᠨᠢ ᠨᠠᠷᠠ ᠶᠡᠭᠦᠯᠡᠭᠰᠡᠨ ᠬᠠᠶ᠋ᠢᠷᠠ ᠶ᠋ᠢ
ᠠᠪᠤ ᠨᠢ ᠣᠳᠣ ᠥᠬᠢᠨ ᠳ᠋ᠡᠭᠡᠨ ᠥᠭᠬᠦ ᠪᠣᠯᠤᠨᠠ
ᠬᠠᠷᠢᠭᠤᠯᠠᠵᠤ ᠴᠢᠳᠠᠰᠢ ᠦᠭᠡᠢ ᠲᠡᠷᠡ ᠶᠡᠬᠡ ᠬᠠᠶ᠋ᠢᠷᠠ ᠢᠩᠭᠢᠵᠦ
ᠬᠠᠯᠠᠭᠤᠨ ᠠᠮᠢ ᠶ᠋ᠢᠨ ᠦᠷᠭᠦᠯᠵᠢᠯᠡᠯ ᠢ᠋ᠶ᠋ᠡᠷ ᠮᠥᠩᠬᠡᠷᠡᠳᠡᠭ ᠶᠦ᠍ᠮ ᠪᠠᠶ᠋ᠢᠨᠠ
ᠠᠪᠤ ᠨᠢ ᠮᠠᠭᠤ ᠥᠬᠢᠨ ᠢ᠋ᠶ᠋ᠡᠨ
ᠠᠯᠠᠭ ᠳᠡᠯᠡᠬᠡᠢ ᠶ᠋ᠢᠨ ᠵᠢᠪᠠᠷ ᠪᠦᠬᠦᠨ ᠡᠴᠡ ᠬᠠᠭᠠᠴᠠᠶ᠋ᠢᠯᠠᠵᠤ ᠥᠰᠬᠡᠨᠡ !
2008 ᠣᠨ ᠤ᠋9 ᠳ᠋ᠦ᠍ᠭᠡᠷ ᠰᠠᠷᠠ ᠶ᠋ᠢᠨ17 ᠤ᠋ ᠰᠥᠨᠢ ᠠᠮᠤᠷᠵᠢᠬᠤ ᠭᠠᠵᠠᠷ ᠤ᠋ᠨ ᠡᠭᠦᠲᠡᠨᠡ ᠬᠦᠯᠢᠶᠡᠨ ᠪᠠᠶ᠋ᠢᠬᠤ
ᠵᠠᠭᠤᠷᠠ ᠪᠠᠨ ᠡᠷᠢᠶᠡᠴᠢᠵᠦ ᠂2008 ᠣᠨ ᠤ᠋9 ᠳ᠋ᠦ᠍ᠭᠡᠷ ᠰᠠᠷᠠ ᠶ᠋ᠢᠨ20 ᠳ᠋ᠤ᠌ ᠵᠠᠰᠠᠵᠤ ᠰᠡᠶ᠋ᠢᠷᠡᠭᠦᠯᠪᠡ ᠃
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ ᠄ ᠣᠤᠠᠬᠠᠨᠰᠣ ᠠ᠋