ᠮᠢᠩᠭᠠᠨ ᠭᠡᠷᠡᠯ ᠦ᠋ᠨ ᠴᠣᠭ ᠢ᠋ᠶ᠋ᠠᠷ ᠪᠠᠳᠠᠷᠠᠭᠴᠢ ᠦᠵᠡᠰᠬᠦᠯᠡᠩ ᠪᠡᠶᠡ ᠳ᠋ᠦ᠍ ᠂
ᠮᠠᠭᠠᠳ ᠡᠰᠡᠷᠸᠠ ᠶ᠋ᠢᠨ ᠡᠭᠡᠰᠢᠭ ᠢ᠋ᠶ᠋ᠡᠷ ᠨᠣᠮ ᠢ᠋ ᠳᠠᠭᠤᠷᠢᠰᠬᠠᠭᠠᠴᠢ ᠵᠠᠷᠯᠢᠭ ᠲᠤ᠌ ᠂
ᠮᠠᠰᠢ ᠲᠣᠨᠢᠯᠬᠤ ᠶ᠋ᠢᠨ ᠴᠢᠨᠠᠷ ᠲᠤ᠌ ᠠᠮᠤᠷᠯᠢᠭᠰᠠᠨ ᠭᠦᠨ ᠨᠠᠷᠢᠨ ᠰᠡᠳᠬᠢᠯ ᠲᠤ ᠂
ᠮᠠᠩᠯᠠᠢ ᠢᠯᠠᠭᠤᠭᠰᠠᠨ ᠦᠨᠳᠦᠰᠦᠨ ᠪᠯᠠᠮᠠ ᠨᠠᠷ ᠲᠤᠷ ᠵᠠᠯᠪᠠᠷᠢᠮᠤᠢ ᠃
ᠶᠡᠬᠡ ᠠᠴᠢᠲᠤ ᠂
ᠳᠡᠭᠡᠷᠡ ᠲᠩᠷᠢ ᠶ᠋ᠢᠨ ᠵᠠᠶᠠᠭᠠ ᠪᠠᠷ ᠲᠥᠷᠥᠭᠰᠡᠨ ᠂
ᠳᠡᠭᠡᠳᠦ ᠲᠥᠷᠥ ᠶᠣᠰᠣᠨ ᠢ᠋ ᠲᠤᠯᠭᠤᠷᠠᠴᠠ ᠪᠠᠢᠭᠤᠯᠤᠭᠰᠠᠨ ᠂
ᠳᠡᠯᠡᠬᠡᠢ ᠶᠢᠷᠲᠢᠨᠴᠦ ᠳᠠᠬᠢᠨ ᠢ᠋ ᠡᠷᠬᠡ ᠳ᠋ᠦ᠍ᠷ ᠢ᠋ᠶ᠋ᠡᠨ ᠣᠷᠣᠭᠤᠯᠤᠭᠰᠠᠨ ᠂
ᠲᠡᠮᠦᠵᠢᠨ ᠰᠤᠤᠲᠤ ᠴᠢᠩᠭᠢᠰ ᠬᠠᠭᠠᠨ ① ᠭᠡᠮᠡᠨ ᠠᠯᠳᠠᠷᠰᠢᠭᠰᠠᠨ ᠃
— — — —
① ᠶᠤᠸᠠᠨ ᠤᠯᠤᠰ ᠤ᠋ᠨ ᠲᠠᠢᠽᠦ（太祖） ᠬᠠᠭᠠᠨ ᠪᠣᠯᠤᠨᠠ ᠃ ᠨᠡᠷᠡ ᠲᠡᠮᠦᠵᠢᠨ ᠃1206 ᠣᠨ ᠳ᠋ᠤ᠌ ᠣᠯᠠᠨ ᠮᠣᠩᠭᠣᠯ ᠠᠢᠮᠠᠭ ᠢ᠋ ᠨᠢᠭᠡᠳᠬᠡᠨ ᠤᠨᠤᠨ ᠮᠥᠷᠡᠨ ᠦ᠌ ᠲᠡᠷᠢᠭᠦᠨᠡ ᠬᠠᠭᠠᠨ ᠣᠷᠣ ᠰᠠᠭᠤᠵᠤ ᠴᠢᠩᠭᠢᠰ ᠬᠠᠭᠠᠨ ᠭᠡᠮᠡᠨ ᠡᠷᠭᠦᠮᠵᠢᠯᠡᠭᠳᠡᠵᠡᠢ ᠃ ᠲᠡᠷᠡ ᠴᠠᠭ ᠲᠤᠷ ᠴᠢᠪ ᠭᠡᠮᠡᠨ ᠳᠥᠴᠢᠨ ᠲᠠᠪᠤᠨ ᠨᠠᠰᠤᠲᠠᠢ ᠪᠥᠯᠥᠭᠡ ᠃ ᠲᠡᠭᠦᠨᠴᠡ ᠬᠣᠢᠰᠢ ᠨᠤᠲᠤᠭ ᠳᠡᠪᠢᠰᠬᠡᠷ ᠢ᠋ᠶ᠋ᠡᠨ ᠵᠠᠯᠭᠠᠭᠠᠪᠠᠷ ᠥᠷᠭᠡᠳᠬᠡᠨ ᠥᠷᠭᠡᠳᠬᠡᠭᠰᠡᠭᠡᠷ ᠠᠽᠢᠶᠠ ᠧᠦ᠋ᠷᠣᠫᠠ ᠬᠣᠶᠠᠷ ᠲᠢᠪ ᠢ᠋ ᠰᠤᠨᠳᠠᠯᠠᠭᠰᠠᠨ ᠮᠣᠩᠭᠣᠯ ᠬᠠᠭᠠᠨᠲᠤ ᠤᠯᠤᠰ ᠢ᠋ ᠪᠠᠢᠭᠤᠯᠵᠠᠢ ᠃1227 ᠣᠨ ᠳ᠋ᠤ᠌ ᠲᠠᠩᠭᠤᠳ ᠤᠯᠤᠰ ᠢ᠋ ᠳᠠᠢᠯᠠᠬᠤ ᠳᠠᠢᠯᠠᠯᠳᠤᠭᠠᠨ ᠳ᠋ᠤ᠌ ᠴᠢᠩ ᠱᠦᠢ ᠰᠢᠶᠠᠨ (清水县 ) ᠬᠡᠮᠡᠬᠦ ᠭᠠᠵᠠᠷᠠ ᠡᠪᠡᠳᠴᠢᠨ ᠢ᠋ᠶ᠋ᠡᠷ ᠶᠡᠭᠦᠳᠪᠡᠢ ᠃ ᠵᠢᠷᠠᠨ ᠵᠢᠷᠭᠤᠭᠠᠨ ᠨᠠᠰᠤᠲᠠᠢ ᠪᠥᠯᠥᠭᠡ ᠃
ᠲᠠᠪᠤᠨ ᠥᠩᠭᠡ ᠤᠯᠤᠰ① ᠢ᠋ ᠡᠷᠬᠡ ᠳᠦᠷᠢᠶᠡᠨ ᠣᠷᠤᠬᠤᠯᠵᠤ ᠂
ᠲᠠᠩᠰᠤᠭ ᠶᠢᠷᠲᠢᠨᠴᠦ ᠶ᠋ᠢᠨ ᠲᠥᠷᠥ ᠶᠣᠰᠣᠨ ᠢ᠋ ᠲᠦᠪᠰᠢᠳᠬᠡᠵᠦ ᠂
ᠳᠡᠭᠡᠳᠦ ᠰᠡᠰᠬᠢᠶᠡ ᠶ᠋ᠢᠨ ᠬᠦᠩᠬᠡ ᠰᠨᠢᠩᠪᠤ ᠪᠯᠠᠮᠠ ② ᠢ᠋ ᠵᠠᠯᠠᠵᠤ ᠂
ᠲᠡᠷᠢᠭᠦᠨ ᠪᠤᠷᠬᠠᠨ ᠤ᠋ ᠱᠠᠰᠢᠨ ᠢ᠋ ᠳᠡᠯᠭᠡᠷᠡᠭᠦᠯᠦᠭᠰᠡᠨ ᠠᠵᠢᠭᠤ ᠃
— — — —
①ᠲᠠᠪᠤᠨ ᠥᠩᠭᠡ ᠬᠡᠮᠡᠭᠴᠢ ᠨᠢ ᠬᠥᠬᠡ ᠂ ᠤᠯᠠᠭᠠᠨ ᠂ ᠰᠢᠷᠠ ᠂ ᠴᠠᠭᠠᠨ ᠂ ᠬᠠᠷᠠ ᠲᠠᠪᠤᠨ ᠥᠩᠭᠡ ᠶ᠋ᠢ ᠬᠡᠯᠡᠨᠡ ᠃ ᠡᠷᠲᠡᠨ ᠦ᠌ ᠮᠣᠩᠭᠣᠯ ᠲᠡᠦᠬᠡᠴᠢ ᠨᠠᠷ ᠡᠨᠡ ᠬᠦ᠌ ᠲᠠᠪᠤᠨ ᠥᠩᠭᠡ ᠪᠡᠷ ᠲᠠᠪᠤᠨ ᠤᠯᠤᠰ ᠢ᠋ ᠨᠡᠷᠡᠢᠳᠦᠨ ᠥᠭᠦᠯᠡᠳᠡᠭ ᠵᠤᠷᠰᠢᠯ ᠲᠠᠢ ᠪᠠᠢᠵᠠᠢ ᠃ ᠡᠭᠦᠨ ᠳ᠋ᠦ᠍ ᠬᠥᠬᠡ ᠨᠢ ᠮᠣᠩᠭᠣᠯ ᠂ ᠤᠯᠠᠭᠠᠨ ᠨᠢ ᠬᠢᠲᠠᠳ ᠂ ᠰᠢᠷᠠ ᠨᠢ ᠰᠠᠷᠲᠠᠭᠤᠯ ᠂ ᠴᠠᠭᠠᠨ ᠨᠢ ᠰᠣᠯᠣᠩᠭᠣᠰ ᠂ ᠬᠠᠷᠠ ᠨᠢ ᠲᠥᠪᠡᠳ ᠢ᠋ ᠲᠤᠰ ᠲᠤᠰ ᠲᠥᠯᠥᠭᠡᠯᠡᠳᠡᠭ ᠃ ᠮᠣᠩᠭᠣᠯ ᠰᠤᠷᠪᠤᠯᠵᠢ ᠪᠢᠴᠢᠭ ᠲᠦ᠍ ᠲᠠᠢᠯᠪᠤᠷᠢ ᠲᠠᠯᠪᠢᠭᠴᠢ ᠵᠠᠷᠢᠮ ᠮᠡᠷᠭᠡᠳ ᠨᠠᠷ ᠡᠦᠲᠦ ᠪᠣᠯᠲᠠᠯᠠ ᠮᠥᠨ ᠡᠭᠦᠨ ᠢ᠋ ᠵᠢᠷᠤᠮᠯᠠᠨ ᠳᠠᠭᠠᠵᠤ ᠪᠣᠢ ᠃ 《 ᠶᠤᠸᠠᠨ ᠱᠢ 》 (元史 ) ᠪᠢᠴᠢᠭ ᠲᠡᠬᠢ ᠲᠠᠢᠽᠦ ᠶ᠋ᠢᠨ ᠴᠡᠷᠢᠭ ᠲᠦ᠍ 《 ᠡᠵᠡᠨ ᠢ᠋ᠶ᠋ᠡᠷ ᠬᠢᠴᠢᠶᠡᠩᠭᠦᠢ ᠯᠠᠪᠳᠠᠭᠤᠨ ᠂ ᠠᠷᠭᠠ ᠪᠣᠳᠣᠯᠭᠠ ᠠᠨᠤ ᠬᠡᠲᠦᠢᠳᠴᠦ ᠴᠡᠷᠢᠭ ᠬᠡᠷᠡᠭᠯᠡᠬᠦᠢ ᠢᠨᠤ ᠬᠤᠪᠢᠯᠭᠠᠨ ᠮᠡᠲᠦ ᠶ᠋ᠢᠨ ᠣᠴᠢᠷᠠ ᠳᠥᠴᠢᠨ ᠤᠯᠤᠰ ᠢ᠋ ᠮᠥᠬᠥᠭᠡᠨ ᠴᠢᠳᠠᠵᠤᠬᠤᠢ 》 ᠭᠡᠵᠡᠢ ᠃ ᠴᠢᠩᠭᠢᠰ ᠬᠠᠭᠠᠨ ᠨᠠᠰᠤᠨ ᠲᠤᠷᠰᠢᠳᠠ ᠠᠶᠠᠨ ᠪᠠᠢᠯᠳᠤᠭᠠᠨ ᠳ᠋ᠤ᠌ ᠶᠠᠪᠤᠭᠰᠠᠨ ᠲᠤᠯᠠ ᠮᠥᠬᠥᠭᠡᠨ ᠰᠥᠨᠥᠭᠡᠭᠰᠡᠨ ᠤᠯᠤᠰ ᠨᠢ ᠳᠡᠭᠡᠷᠡ ᠥᠭᠦᠯᠡᠭᠰᠡᠨ ᠲᠠᠪᠤᠨ ᠤᠯᠤᠰ ᠤ᠋ᠨ ᠲᠡᠳᠦᠢ ᠯᠡ ᠪᠤᠰᠤ ᠪᠣᠯᠠᠢ ᠃ ᠠᠳᠠ 《 ᠲᠠᠪᠤᠨ ᠥᠩᠭᠡ ᠤᠯᠤᠰ 》 ᠭᠡᠵᠦ ᠲᠡᠮᠳᠡᠭᠯᠡᠭᠰᠡᠨ ᠨᠢ ᠪᠣᠳᠠᠲᠠᠢ ᠲᠠᠪᠤ ᠶ᠋ᠢᠨ ᠲᠣᠭᠠ ᠪᠢᠰᠢ ᠂ ᠲᠡᠭᠦᠨ ᠦ᠌ ᠤᠳᠬᠠ ᠶ᠋ᠢ 《 ᠣᠯᠠᠨ 》 ᠭᠡᠮᠡᠨ ᠣᠢᠯᠠᠭᠠᠪᠠᠯ ᠵᠣᠬᠢᠨᠠ ᠃ ᠠᠳᠠ ᠥᠭᠦᠯᠡᠭᠰᠡᠨ ᠲᠠᠪᠤᠨ ᠤᠯᠤᠰ ᠭᠡᠭᠴᠢ ᠨᠢ ᠣᠯᠠᠨ ᠤᠯᠤᠰ ᠢ᠋ ᠶᠡᠷᠦᠩᠬᠡᠢᠯᠡᠨ ᠵᠢᠭᠠᠭᠰᠠᠨ ᠲᠡᠳᠦᠢ ᠪᠢᠯᠡ ᠃
② ᠡᠭᠦᠨ ᠢ᠋ ᠬᠦᠩᠬᠡ ᠨᠢᠩᠪᠤ ᠭᠡᠮᠡᠨ ᠤᠩᠰᠢᠪᠠᠯ ᠵᠣᠬᠢᠨᠠ ᠃ ᠡᠨᠡ ᠪᠣᠯ ᠲᠥᠪᠡᠳ ᠦ᠋ᠨ ᠪᠤᠷᠬᠠᠨ ᠤ᠋ ᠱᠠᠱᠢᠨ ᠤ᠋ ᠠᠯᠳᠠᠷᠲᠤ ᠡᠷᠳᠡᠮᠲᠡᠨ ᠯᠠᠮᠠ ᠮᠥᠨ ᠃ ᠡᠨᠡ ᠬᠥᠮᠦᠨ ᠰᠡᠰᠬᠢᠶᠡ ᠶ᠋ᠢᠨ ᠱᠠᠰᠢᠨ ᠤ᠋ ᠰᠤᠷᠭᠠᠯ ᠶᠣᠰᠣᠯᠠᠯ ᠢ᠋ ᠰᠠᠢᠲᠤᠷ ᠲᠡᠭᠦᠰᠬᠡᠭᠰᠡᠨ ᠦ᠌ ᠣᠴᠢᠷᠠ ᠶᠡᠬᠡ ᠰᠡᠰᠬᠢᠶᠡ ᠭᠡᠵᠦ ᠡᠷᠭᠦᠮᠵᠢᠯᠡᠭᠳᠡᠵᠡᠢ ᠃ ᠴᠢᠩᠭᠢᠰ ᠬᠠᠭᠠᠨ ᠬᠦᠩᠬᠡ ᠨᠢᠩᠪᠤ ᠶ᠋ᠢ ᠤᠷᠢᠵᠤ ᠨᠣᠮ ᠱᠠᠰᠢᠨ ᠳᠡᠯᠭᠡᠷᠡᠭᠦᠯᠦᠭᠰᠡᠨ ᠭᠡᠬᠦ ᠶᠠᠷᠢᠶᠠ ᠮᠣᠩᠭᠣᠯ ᠲᠥᠪᠡᠳ ᠪᠢᠴᠢᠭ ᠰᠤᠳᠤᠷ ᠤ᠋ᠨ ᠵᠠᠷᠢᠮ ᠳ᠋ᠤᠷ ᠲᠡᠮᠳᠡᠭᠯᠡᠭᠳᠡᠵᠦ ᠪᠠᠢᠳᠠᠭ ᠃ ᠴᠢᠩᠭᠢᠰ ᠬᠠᠭᠠᠨ ᠤ᠋ ᠮᠡᠨᠳᠦᠯᠡᠭᠰᠡᠨ ᠣᠨ ᠵᠢᠯ ᠪᠣᠯ ᠬᠦᠩᠬᠡ ᠨᠢᠩᠪᠤ ᠶ᠋ᠢᠨ ᠨᠠᠰᠤᠨ ᠨᠥᠭᠴᠢᠭᠰᠡᠨ ( 1158 ᠣᠨ ) ᠤ᠋ ᠬᠣᠢᠨᠠᠬᠢ 1162 ᠣᠨ ᠠᠲᠠᠯᠠ ᠴᠢᠩᠭᠢᠰ ᠬᠠᠭᠠᠨ ᠤ᠋ ᠪᠡᠶᠡ ᠶᠠᠭᠠᠬᠢᠨ ᠬᠦᠩᠬᠡ ᠨᠢᠩᠪᠤ ᠶ᠋ᠢ ᠵᠠᠯᠠᠵᠤ ᠨᠣᠮ ᠱᠠᠰᠢᠨ ᠢ᠋ ᠳᠡᠯᠭᠡᠷᠡᠭᠦᠯᠵᠦ ᠴᠢᠳᠠᠬᠤ ᠪᠣᠢ ? ᠡᠨᠡ ᠨᠢ ᠬᠠᠷᠢᠨ ᠴᠤ᠌ ᠬᠣᠢᠴᠢ ᠦᠶᠡ ᠶ᠋ᠢᠨ ᠬᠥᠮᠦᠰ ᠪᠤᠷᠬᠠᠨ ᠱᠠᠰᠢᠨ ᠤ᠋ ᠰᠤᠷᠲᠠᠯᠴᠢᠯᠠᠯ ᠤ᠋ᠨ ᠡᠭᠦᠳᠡᠨ ᠡᠴᠡ ᠳᠡᠮᠡᠢ ᠪᠠᠯᠠᠢ ᠪᠠᠷ ᠵᠣᠬᠢᠶᠠᠨ ᠥᠭᠦᠯᠡᠭᠰᠡᠨ ᠵᠦᠢᠯ ᠪᠣᠯᠬᠤ ᠲᠡᠳᠦᠢ ᠶᠦ᠍ᠮ ᠃
ᠴᠢᠩᠭᠢᠰ ᠬᠠᠭᠠᠨ ᠤ᠋ ᠭᠤᠲᠠᠭᠠᠷ ᠬᠥᠪᠡᠭᠦᠨ ᠥᠭᠡᠳᠡᠢ ᠬᠠᠭᠠᠨ ① ᠂
ᠴᠢᠳᠠᠭᠴᠢ ᠡᠷᠬᠡᠲᠦ ᠰᠡᠰᠬᠢᠶᠡ ᠪᠠᠨᠳᠢᠳᠠ ᠪᠯᠠᠮᠠ ② ᠢ᠋ ᠵᠠᠯᠠᠵᠤ ᠢᠷᠡᠭᠦᠯᠦᠭᠰᠡᠨ ᠂
ᠴᠢᠨᠠᠷ ᠶᠣᠰᠣᠭᠠᠷ ᠶᠢᠷᠲᠢᠨᠴᠦ ᠶ᠋ᠢᠨ ᠲᠥᠷᠥ ᠪᠤᠷᠬᠠᠨ ᠱᠠᠰᠢᠨ ᠊ᠢ ᠵᠢᠯᠣᠭᠣᠳᠤᠭᠠᠳ ᠂
ᠴᠢᠬᠤᠯᠠ ᠶᠡᠬᠡ ᠤᠯᠤᠰ ᠢ᠋ ᠦᠯᠡᠮᠵᠢ ᠮᠠᠰᠢ ᠡᠩᠬᠡ ᠠᠮᠤᠷ ᠵᠢᠷᠭᠠᠭᠤᠯᠤᠭᠰᠠᠨ ᠲᠡᠢᠮᠦ ᠪᠥᠯᠥᠭᠡ ᠃
— — — —
① ᠮᠣᠩᠭᠣᠯ ᠬᠠᠭᠠᠨᠲᠤ ᠤᠯᠤᠰ ᠤ᠋ᠨ ᠲᠠᠶ᠋ᠢᠽᠥ᠋ᠩ (太宗 ) ᠬᠠᠭᠠᠨ ᠪᠣᠯᠤᠨᠠ ᠃1229 ᠣᠨ ᠳ᠋ᠤ᠌ ᠬᠠᠭᠠᠨ ᠣᠷᠣ ᠰᠠᠭᠤᠵᠤ ᠠᠷᠪᠠᠨ ᠭᠤᠷᠪᠠᠨ ᠣᠨ ᠪᠣᠯᠤᠭᠠᠳ1241 ᠣᠨ ᠳ᠋ᠤ᠌ ᠲᠠᠪᠢᠨ ᠵᠢᠷᠭᠤᠭᠠᠨ ᠨᠠᠰᠤᠨ ᠳ᠋ᠠᠭᠠᠨ ᠶᠡᠭᠦᠳᠪᠡᠢ ᠃
② ᠤᠤᠯ ᠨᠡᠷᠡ ᠨᠢ ᠬᠦᠩᠬᠡ ᠵᠠᠯᠰᠠᠨ ᠭᠡᠳᠡᠭ ᠃ ᠬᠦᠩᠬᠡ ᠨᠢᠩᠪᠤ ᠶ᠋ᠢᠨ ᠠᠴᠢ ᠪᠢᠯᠡ ᠃ ᠪᠤᠷᠬᠠᠨ ᠤ᠋ ᠨᠣᠮ ᠳ᠋ᠤ᠌ ᠨᠡᠪᠲᠡᠷᠡᠭᠰᠡᠨ ᠦ᠌ ᠣᠴᠢᠷᠠ ᠰᠡᠰᠬᠢᠶᠡ ᠪᠠᠨᠳᠢᠳᠠ ᠭᠡᠵᠦ ᠡᠷᠭᠦᠮᠵᠢᠯᠡᠭᠳᠡᠪᠡ ᠃ ᠪᠠᠨᠳᠢᠳᠠ ᠬᠡᠮᠡᠭᠴᠢ ᠨᠢ ᠰᠠᠨᠰᠷᠷᠢᠲ ᠦᠭᠡ ᠂ ᠮᠡᠷᠭᠡᠳ ᠡᠷᠳᠡᠮᠲᠡᠨ ᠬᠡᠮᠡᠬᠦ ᠤᠳᠬᠠ ᠲᠠᠢ ᠃ 1246 ᠣᠨ ᠳ᠋ᠤ᠌ ᠥᠭᠡᠳᠡᠢ ᠬᠠᠭᠠᠨ ᠤ᠋ ᠬᠣᠶᠠᠳᠤᠭᠠᠷ ᠬᠥᠪᠡᠭᠦᠨ ᠬᠥᠳᠡᠨ ᠲᠠᠢᠽᠢ ᠶ᠋ᠢᠨ ᠤᠷᠢᠯᠭᠠ ᠪᠠᠷ ᠯᠢᠶᠠᠩ ᠵᠧᠦ (凉州 ) ᠭᠡᠬᠦ ᠡᠳᠦᠭᠡ ᠶ᠋ᠢᠨ ᠭᠠᠨᠰᠦ ᠮᠣᠵᠢ ᠶ᠋ᠢᠨ ᠡᠦ ᠸᠧᠢ ᠰᠢᠶᠠᠨ (武威县 ) ᠳ᠋ᠤ᠌ ᠬᠦᠷᠦᠯᠴᠡᠨ ᠢᠷᠡᠵᠦ ᠲᠥᠪᠡᠳ ᠦ᠋ᠨ ᠲᠥᠯᠥᠭᠡᠯᠡᠭᠴᠢ ᠶ᠋ᠢᠨ ᠬᠤᠪᠢ ᠪᠠᠷ ᠠᠩᠬᠠ ᠤᠳᠠᠭᠠ ᠮᠣᠩᠭᠣᠯ ᠯᠤᠭᠠ ᠤᠯᠤᠰ ᠲᠥᠷᠥ ᠶ᠋ᠢᠨ ᠬᠠᠷᠢᠯᠴᠠᠭᠠ ᠪᠠᠢᠭᠤᠯᠵᠠᠢ ᠃ ᠡᠨᠡ ᠬᠥᠮᠦᠨ ᠦ᠌ ᠵᠣᠬᠢᠶᠠᠨ ᠲᠤᠭᠤᠷᠪᠢᠭᠰᠠᠨ ᠨᠣᠮ ᠵᠣᠬᠢᠶᠠᠯ ᠣᠯᠠᠨ ᠪᠣᠢ ᠂ ᠲᠡᠳᠡᠭᠡᠷ ᠦ᠋ᠨ ᠳᠣᠲᠣᠷᠠ 《Subhasi Taratnanidhi 》 ( ᠰᠠᠢᠨ ᠥᠭᠡᠲᠦ ᠡᠷᠳᠡᠨᠢ ᠶ᠋ᠢᠨ ᠰᠠᠩ ) ᠭᠡᠳᠡᠭ ᠨᠣᠮ ᠨᠢ ᠠᠯᠢ ᠡᠷᠲᠡ ᠶᠤᠸᠠᠨ ᠤᠯᠤᠰ ᠤ᠋ᠨ ᠦᠶᠡ ᠳ᠋ᠦ᠍ ᠮᠣᠩᠭᠣᠯ ᠬᠡᠯᠡᠨ ᠳ᠋ᠦ᠍ ᠣᠷᠴᠢᠭᠤᠯᠤᠭᠳᠠᠨ ᠮᠣᠩᠭᠣᠯ ᠤ᠋ᠨ ᠤᠳᠬᠠ ᠵᠣᠬᠢᠶᠠᠯ ᠤ᠋ᠨ ᠰᠠᠩ ᠳ᠋ᠤ᠌ ᠦᠯᠡᠮᠵᠢ ᠶᠡᠬᠡ ᠨᠥᠯᠥᠭᠡ ᠦᠵᠡᠭᠦᠯᠵᠡᠢ ᠃ ᠬᠦᠩᠬᠡ ᠵᠠᠯᠰᠠᠨ ᠪᠣᠯ ᠪᠠᠰᠠ ᠴᠤ᠌ ᠮᠣᠩᠭᠣᠯ ᠦᠰᠦᠭ ᠢ᠋ ᠥᠭᠡᠷᠡᠴᠢᠯᠡᠨ ᠰᠢᠨᠡᠳᠬᠡᠭᠴᠢ ᠶ᠋ᠢᠨ ᠨᠢᠭᠡ ᠪᠣᠯᠤᠨᠠ ᠃
ᠬᠣᠢᠨᠠ ᠮᠥᠨ ᠲᠡᠭᠦᠨ ᠦ᠌ ᠠᠴᠢ ᠢᠨᠤ ᠬᠤᠪᠢᠯᠭᠠᠨ ᠪᠥᠭᠡᠳ ᠲᠥᠷᠥᠭᠰᠡᠨ ᠂
ᠬᠤᠪᠢᠯᠠᠢ ᠰᠡᠴᠡᠨ ᠬᠠᠭᠠᠨ ① ᠭᠡᠮᠡᠨ ᠠᠯᠳᠠᠷᠰᠢᠭᠰᠠᠨ ᠪᠣᠭᠳᠠ
ᠬᠤᠲᠤᠭ ᠲᠤ᠌ ᠹᠡᠭᠰᠹᠡ ᠪᠯᠠᠮᠠ ② ᠶ᠋ᠢ ᠵᠠᠯᠠᠵᠤ ᠢᠷᠡᠭᠦᠯᠦᠭᠡᠳ ᠂
ᠬᠣᠲᠠᠯᠠ ᠰᠤᠳᠤᠷ ᠲᠠᠷᠨᠢ ᠲᠡᠷᠢᠭᠦᠲᠡᠨ ᠤᠶ᠋ᠢᠭᠤᠷ ᠠᠶᠠᠯᠭᠤ ᠪᠠᠷ ᠣᠷᠴᠢᠭᠤᠯᠤᠭᠠᠳ ᠂
— — — —
① ᠶᠤᠸᠠᠨ ᠤᠯᠤᠰ ᠤ᠋ᠨ ᠱ᠌ᠢᠽᠦ᠍ ᠬᠠᠭᠠᠨ ( 世祖 )ᠪᠣᠯᠤᠨᠠ ᠃ ᠴᠢᠩᠭᠢᠰ ᠬᠠᠭᠠᠨ ᠤ᠋ ᠳᠥᠲᠥᠭᠡᠷ ᠬᠥᠪᠡᠭᠦᠨ ᠲᠤᠯᠤᠢ ᠶ᠋ᠢᠨ ᠬᠥᠪᠡᠭᠦᠨ ᠮᠥᠨ ᠂ 1260 ᠣᠨ ᠳ᠋ᠤ᠌ ᠶᠡᠬᠡ ᠣᠷᠣ ᠵᠠᠯᠭᠠᠮᠵᠢᠯᠠᠵᠤ 1271 ᠣᠨ ᠳ᠋ᠤ᠌ ᠤᠯᠤᠰ ᠤ᠋ᠨ ᠨᠡᠷᠡ ᠪᠡᠨ ᠲᠠᠢᠶᠤᠸᠠᠨ ( 大元 )ᠭᠡᠮᠡᠨ ᠡᠬᠢᠯᠡᠨ ᠨᠡᠷᠡᠢᠳᠴᠦ ᠂ ᠶᠤᠸᠠᠨ ᠤᠯᠤᠰ ᠤ᠋ᠨ ᠲᠤᠯᠭᠤᠷ ᠲᠥᠷᠥ ᠶ᠋ᠢ ᠨᠡᠭᠡᠭᠡᠭᠰᠡᠨ ᠬᠠᠭᠠᠨ ᠪᠣᠯᠤᠭᠠᠳ1279 ᠣᠨ ᠳ᠋ᠤ᠌ ᠡᠮᠦᠨᠡᠲᠦ ᠰᠥᠩ ᠤᠯᠤᠰ ᠢ᠋ ᠮᠥᠬᠥᠭᠡᠵᠦ ᠳᠤᠮᠳᠠᠳᠤ ᠤᠯᠤᠰ ᠢ᠋ ᠨᠢᠭᠡᠳᠬᠡᠪᠡ ᠃ ᠬᠠᠭᠠᠨ ᠣᠷᠣᠨᠠ ᠭᠤᠴᠢᠨ ᠲᠠᠪᠤᠨ ᠵᠢᠯ ᠰᠠᠭᠤᠵᠤ1294 ᠣᠨ ᠳ᠋ᠤ᠌ ᠨᠠᠶᠠᠨ ᠨᠠᠰᠤᠨᠠ ᠬᠠᠯᠢᠪᠠᠢ ᠃
② ᠲᠥᠪᠡᠳ ᠦ᠋ᠨ ᠳᠡᠭᠡᠳᠦ ᠬᠤᠸᠠᠷᠠᠭ ᠃ ᠤᠭ ᠤ᠋ᠨ ᠨᠡᠷᠡ ᠨᠢ ᠯᠤᠵᠠᠢᠵᠠᠯᠰᠠᠨ ᠂ ᠬᠥᠮᠦᠰ ᠹᠡᠭᠰᠹᠡ ᠭᠡᠮᠡᠨ ᠡᠷᠭᠦᠮᠵᠢᠯᠡᠨ ᠳᠠᠭᠤᠳᠠᠳᠠᠭ ᠃ ᠹᠡᠭᠰᠹᠡ ᠭᠡᠳᠡᠭ ᠨᠢ ᠪᠣᠭᠳᠠ ᠬᠡᠮᠡᠬᠦ ᠤᠳᠬᠠ ᠲᠠᠢ ᠦᠭᠡ ᠃1260 ᠣᠨ ᠳ᠋ᠤ᠌ ᠬᠤᠪᠢᠯᠠᠢ ᠶᠡᠬᠡ ᠣᠷᠣ ᠵᠠᠯᠭᠠᠮᠵᠢᠯᠠᠭᠰᠠᠨ ᠤ᠋ ᠳᠠᠷᠠᠭᠠ ᠲᠡᠭᠦᠨ ᠢ᠋ ᠤᠯᠤᠰ ᠤ᠋ᠨ ᠪᠠᠭᠰᠢ ᠭᠡᠵᠦ ᠡᠷᠭᠦᠮᠵᠢᠯᠡᠵᠦ ᠮᠣᠩᠭᠣᠯ ᠰᠢᠨᠡ ᠦᠰᠦᠭ ᠢ᠋ ᠵᠣᠬᠢᠶᠠᠲᠤᠭᠠᠢ ᠭᠡᠵᠦ ᠵᠠᠷᠯᠢᠭ ᠪᠣᠯᠪᠠ ᠃1269 ᠣᠨ ᠳ᠋ᠤ᠌ ᠰᠢᠨᠡ ᠦᠰᠦᠭ ᠢ᠋ ᠵᠣᠬᠢᠶᠠᠨ ᠪᠦᠲᠦᠭᠡᠭᠰᠡᠨ ᠳ᠋ᠦ᠍ ᠬᠤᠪᠢᠯᠠᠢ ᠰᠡᠴᠡᠨ ᠬᠠᠭᠠᠨ ᠵᠠᠷᠯᠢᠭ ᠪᠠᠭᠤᠯᠭᠠᠨ ᠤᠯᠤᠰ ᠳᠠᠶᠠᠭᠠᠷ ᠬᠡᠷᠡᠭᠯᠡᠬᠦ ᠪᠡᠷ ᠲᠣᠭᠲᠠᠪᠠ ᠃ ᠡᠨᠡᠬᠦ ᠰᠢᠨᠡ ᠦᠰᠦᠭ ᠢ᠋ ᠲᠡᠦᠬᠡᠨ ᠳ᠋ᠦ᠍ ᠹᠡᠭᠰᠹᠡ ᠦᠰᠦᠭ ᠭᠡᠳᠡᠭ ᠃ ᠲᠡᠭᠦᠨ ᠦ᠌ ᠬᠣᠢᠨᠠ ᠰᠢᠦᠸᠠᠨ ᠵᠧᠩ ᠶᠤᠸᠠᠨ (宣政院 ) ᠬᠦᠷᠢᠶᠡᠯᠡᠩ ᠦ᠋ᠨ ᠬᠡᠷᠡᠭ ᠮᠡᠳᠡᠭᠴᠢ ᠪᠣᠯᠵᠤ ᠪᠦᠬᠦ ᠤᠯᠤᠰ ᠤ᠋ᠨ ᠪᠤᠷᠬᠠᠨ ᠤ᠋ ᠱᠠᠰᠢᠨ ᠲᠡᠭᠦᠨᠴᠢᠯᠡᠨ ᠲᠥᠪᠡᠳ ᠦ᠋ᠨ ᠪᠦᠬᠦ ᠬᠡᠷᠡᠭ ᠶᠠᠪᠤᠳᠠᠯ ᠢ᠋ ᠪᠦᠷᠢᠨ ᠬᠠᠮᠢᠶᠠᠷᠤᠨ ᠮᠡᠳᠡᠭᠡᠳ ᠶᠤᠸᠠᠨ ᠤᠯᠤᠰ ᠤ᠋ᠨ ᠲᠥᠷᠥ ᠶ᠋ᠢᠨ ᠶᠠᠮᠤᠨᠠ ᠴᠢᠬᠤᠯᠠ ᠰᠠᠢᠳ ᠪᠣᠯᠵᠠᠢ ᠃
ᠪᠤᠷᠬᠠᠨ ᠤ᠋ ᠭᠤᠷᠪᠠᠨ ᠰᠢᠲᠦᠭᠡᠨ① ᠢ᠋ ᠦᠯᠡᠮᠵᠢ ᠲᠠ ᠪᠠᠢᠭᠤᠯᠵᠤ ᠂
ᠪᠦᠷᠢᠨᠡ ᠱᠠᠰᠢᠨ ᠤ᠋ ᠳᠡᠯᠡᠬᠡᠢ ᠶ᠋ᠢ ᠠᠬᠤᠢ ᠶᠡᠬᠡᠳᠡ ᠳᠡᠯᠭᠡᠷᠡᠭᠦᠯᠵᠦ ᠂
ᠪᠦᠬᠦ ᠶᠢᠷᠲᠢᠨᠴᠦ ᠳᠠᠬᠢᠨ ᠤ᠋ ᠡᠩᠬᠡ ᠨᠤᠲᠠ ᠵᠢᠷᠭᠠᠭᠤᠯᠵᠤ ᠂
ᠪᠣᠭᠳᠠ ᠡᠷᠲᠡᠨ ᠦ᠌ ᠴᠡᠭᠷᠡᠸᠠᠷᠳᠢ ᠬᠠᠭᠠᠨ② ᠮᠡᠲᠦ ᠠᠯᠳᠠᠷᠰᠢᠵᠤᠬᠤᠢ ᠃
ᠲᠡᠭᠦᠨ ᠦ᠌ ᠤᠷᠤᠭ ᠲᠤᠷ ᠢᠨᠤ ᠲᠡᠩᠴᠡᠯ ᠦᠭᠡᠢ ᠬᠠᠢᠰᠠᠨ ᠡᠷᠡᠲᠦ ③ ᠬᠦᠯᠦᠭ ᠬᠠᠭᠠᠨ④ ᠲᠥᠷᠥᠵᠦ ᠂
— — — —
① ᠪᠤᠷᠬᠠᠨ ᠂ ᠨᠣᠮ ᠂ ᠬᠤᠸᠠᠷᠠᠭ ᠭᠤᠷᠪᠠ ᠳ᠋ᠤ᠌ ᠰᠦᠰᠦᠭᠯᠡᠨ ᠪᠢᠰᠢᠷᠡᠬᠦ ᠶ᠋ᠢ ᠬᠡᠯᠡᠵᠦ ᠪᠣᠢ ᠃
② ᠡᠷᠲᠡᠨ ᠦ᠌ ᠡᠨᠡᠳᠬᠡᠭ ᠦ᠋ᠨ ᠳᠥᠷᠪᠡᠨ ᠵᠦᠭ ᠢ᠋ ᠲᠠᠢᠯᠠᠭᠴᠢ ᠶᠡᠬᠡ ᠸᠠᠩ ᠢ᠋ ᠵᠢᠭᠠᠵᠤ ᠪᠠᠢᠨᠠ ᠃ ᠬᠢᠲᠠᠳ ᠪᠢᠴᠢᠭ ᠰᠤᠳᠤᠷ ᠲᠤ᠌ ᠵᠤᠸᠠᠨ ᠯᠦᠨ ᠸᠠᠩ (转轮王 ) ᠭᠡᠮᠡᠨ ᠣᠷᠴᠢᠭᠤᠯᠬᠤ ᠪᠠ ᠮᠣᠩᠭᠣᠯ ᠪᠢᠴᠢᠭ ᠰᠤᠳᠤᠷ ᠲᠤ᠌ ᠬᠦᠷᠳᠦᠨ ᠡᠷᠭᠢᠭᠦᠯᠦᠭᠴᠢ ᠬᠠᠭᠠᠨ ᠪᠤᠶᠤ ᠬᠦᠷᠳᠦᠨ ᠣᠷᠴᠢᠭᠤᠯᠤᠭᠴᠢ ᠬᠠᠭᠠᠨ ᠭᠡᠳᠡᠭ ᠃ ᠡᠭᠦᠨ ᠳ᠋ᠦ᠍《 ᠴᠡᠭᠷᠡ 》 ᠬᠡᠮᠡᠭᠴᠢ ᠨᠢ ᠰᠠᠨᠰᠺᠷᠢᠲ ᠦᠭᠡ ᠂ ᠬᠦᠷᠳᠦᠨ ᠭᠡᠬᠦ ᠤᠳᠬᠠ ᠲᠠᠢ ᠪᠥᠭᠡᠳ ᠪᠠᠰᠠ ᠡᠷᠲᠡᠨ ᠦ᠌ ᠡᠨᠡᠳᠬᠡᠭ ᠦ᠋ᠨ ᠬᠦᠷᠳᠦᠨ ᠮᠡᠲᠦ ᠬᠡᠯᠪᠡᠷᠢ ᠲᠡᠢ ᠨᠢᠭᠡᠨ ᠵᠦᠢᠯ ᠦ᠋ᠨ ᠵᠡᠪᠰᠡᠭ ᠢ᠋ ᠬᠡᠯᠡᠨᠡ ᠃ ᠡᠨᠡᠳᠬᠡᠭ ᠦ᠋ᠨ ᠳᠣᠮᠣᠭ ᠲᠤ᠌ ᠥᠭᠦᠯᠡᠭᠰᠡᠨ ᠨᠢ ᠂ ᠡᠷᠲᠡᠨ ᠦ᠌ ᠡᠨᠡᠳᠬᠡᠭ ᠲᠦ᠍ ᠳᠥᠷᠪᠡᠨ ᠵᠦᠭ ᠢ᠋ ᠲᠠᠢᠯᠠᠭᠴᠢ ᠶᠡᠬᠡ ᠸᠠᠩ ᠮᠡᠨᠳᠦᠯᠡᠬᠦ ᠲᠡᠷᠡ ᠴᠠᠭ ᠲᠤ᠌ ᠡᠨᠡ ᠬᠦ᠌《 ᠴᠡᠭᠷᠡ 》 ᠨᠢ ᠬᠡᠢ ᠣᠭᠲᠠᠷᠭᠤᠢ ᠳ᠋ᠤ᠌ ᠠᠶᠠᠨᠳᠠᠭᠠᠨ ᠢᠯᠡᠷᠡᠭᠡᠳ ᠰᠤᠷᠴᠢᠭᠢᠨᠠᠨ ᠡᠷᠭᠢᠯᠳᠦᠵᠦ ᠶᠡᠬᠡ ᠸᠠᠩ ᠤ᠋ᠨ ᠬᠠᠨᠳᠤᠭᠰᠠᠨ ᠵᠦᠭ ᠲᠦ᠍ ᠳᠠᠢᠰᠤᠨ ᠦᠭᠡᠢ ᠶ᠋ᠢ ᠪᠡᠯᠭᠡᠳᠡᠨᠡ ᠭᠡᠵᠡᠢ ᠃ ᠡᠭᠦᠨᠴᠡ ᠳᠥᠷᠪᠡᠨ ᠵᠦᠭ ᠢ᠋ ᠲᠠᠢᠯᠠᠭᠴᠢ ᠶᠡᠬᠡ ᠸᠠᠩ ᠢ᠋ ᠴᠡᠭᠷᠡᠸᠡᠷᠳᠢ ᠬᠠᠭᠠᠨ ᠭᠡᠮᠡᠨ ᠨᠡᠷᠡᠢᠳᠪᠡ ᠃
③ ᠡᠷᠲᠡᠨ ᠦ᠌ ᠮᠣᠩᠭᠣᠯ ᠪᠢᠴᠢᠭ ᠲᠦ᠍ 《 ᠨᠠ 》 (ne ) ᠶᠢ ᠮᠥᠨ 《 ᠡ 》 ᠭᠡᠵᠦ ᠪᠢᠴᠢᠳᠡᠭ ᠶᠣᠰᠣ ᠪᠣᠢ ᠂ ᠡᠷᠡᠲᠦ ᠭᠡᠳᠡᠭ ᠨᠢ ᠨᠡᠷᠡᠲᠦ ᠭᠡᠰᠡᠨ ᠦᠭᠡ ᠃
④ ᠶᠤᠸᠠᠨ ᠤᠯᠤᠰ ᠤ᠋ᠨ ᠭᠤᠲᠠᠭᠠᠷ ᠬᠠᠭᠠᠨ ᠦᠽᠦᠢᠩ ᠬᠠᠭᠠᠨ (武宗 ) ᠃1307 ᠣᠨ ᠳ᠋ᠤ᠌ ᠬᠠᠭᠠᠨ ᠣᠷᠣ ᠰᠠᠭᠤᠵᠤ ᠲᠠᠪᠤᠨ ᠣᠨ ᠪᠣᠯᠤᠭᠠᠳ1311 ᠣᠨ ᠳ᠋ᠤ᠌ ᠭᠤᠴᠢᠨ ᠨᠢᠭᠡᠨ ᠨᠠᠰᠤᠨᠠ ᠬᠠᠯᠢᠪᠠ ᠃
ᠲᠡᠭᠰᠢ ᠬᠠᠮᠤᠭ ᠢ᠋ ᠮᠡᠳᠡᠭᠴᠢ ᠲᠣᠢᠨ ᠴᠦᠰᠬᠢ ᠣᠳ ᠰᠡᠷ ① ᠯᠠᠮᠠ ᠪᠠᠷ ᠮᠣᠩᠭᠣᠯ ᠳ᠋ᠤᠷ ᠃
ᠳᠡᠭᠡᠳᠦ ᠨᠣᠮ ᠤ᠋ᠳ ᠢ᠋ ᠣᠷᠴᠢᠭᠤᠯᠵᠤ ᠣᠯᠠᠨᠠ
ᠲᠠᠮᠠᠭᠠ ᠴᠢᠭᠤᠯᠭᠠᠨ ᠲᠦᠭᠡᠭᠡᠵᠦ ᠳᠡᠯᠭᠡᠷᠡᠭᠦᠯᠪᠡᠢ ᠃
ᠱᠠᠰᠢᠨ ᠲᠥᠷᠥ ᠬᠣᠶᠠᠷ ᠢ᠋ ᠲᠡᠷᠡ ᠴᠠᠭ ᠲᠤᠷ ᠲᠦᠭᠡᠮᠡᠯ ᠢ᠋ᠶ᠋ᠡᠷ ᠂
ᠰᠤᠤ ᠲᠤ ᠴᠢᠩᠭᠢᠰ ᠬᠠᠭᠠᠨ ᠠ᠋ᠴᠠ ᠢᠨᠠᠭᠰᠢᠳᠠ ᠂
ᠰᠤᠷᠠᠭ ᠳ᠋ᠠᠨ ᠠᠷᠪᠠᠨ ᠳᠥᠷᠪᠡᠨ ᠬᠠᠳ ᠤ᠋ᠨ ᠦᠶᠡ ② ᠪᠣᠯᠲᠠᠯᠠ
ᠰᠤᠷᠭᠠᠯ ᠦᠭᠡᠢ ③ ᠪᠢᠯᠢᠭ ᠲᠠᠨ ᠲᠦᠰᠢᠮᠡᠳ ᠲᠡᠳᠬᠦᠯᠴᠢᠵᠦ ᠪᠦᠷ ᠦ᠋ᠨ
ᠰᠤᠳᠤᠷ ᠨᠣᠮ ᠬᠢᠭᠡᠳ ᠲᠥᠷᠥ ᠶᠣᠰᠣᠨ ᠢ᠋ ᠲᠦᠪᠰᠢᠨ ᠪᠠᠷᠢᠭᠰᠠᠨ ᠲᠡᠢᠮᠦ ᠪᠥᠯᠥᠭᠡ ᠃
— — — —
① ᠲᠥᠪᠡᠳ ᠦ᠋ᠨ ᠪᠤᠷᠬᠠᠨ ᠱᠠᠰᠢᠨ ᠤ᠋ ᠠᠯᠳᠠᠷᠲᠤ ᠡᠷᠳᠡᠮᠲᠡᠨ ᠯᠠᠮᠠ ᠂ ᠣᠯ ᠨᠡᠷᠡ ᠨᠢ ᠳ᠋ᠠᠭᠮᠢᠳᠳᠣᠷᠵᠢ ᠭᠡᠳᠡᠭ᠃ ᠪᠤᠷᠬᠠᠨ ᠤ᠋ ᠨᠣᠮ ᠵᠣᠬᠢᠶᠠᠯ ᠢ᠋ ᠮᠣᠩᠭᠣᠯ ᠬᠡᠯᠡᠨ ᠳ᠋ᠦ᠍ ᠣᠷᠴᠢᠭᠤᠯᠤᠭᠰᠠᠨ ᠠᠴᠠ ᠭᠠᠳᠠᠨᠠ ᠪᠠᠰᠠ ᠮᠣᠩᠭᠣᠯ ᠦᠰᠦᠭ ᠲᠦ᠍ ᠥᠭᠡᠷᠡᠴᠢᠯᠡᠯᠲᠡ ᠬᠢᠵᠡᠢ ᠃ ᠲᠡᠭᠦᠨ ᠦ᠌ ᠨᠡᠷᠡ ᠠᠯᠳᠠᠷᠰᠢᠭᠰᠠᠨ ᠵᠣᠬᠢᠶᠠᠯ ᠪᠣᠯ 《 ᠵᠢᠷᠦᠬᠡᠨ ᠦ᠌ ᠲᠣᠯᠢᠲᠤ 》 ᠭᠡᠬᠦ ᠮᠣᠩᠭᠣᠯ ᠬᠡᠯᠡᠨ ᠦ᠌ ᠵᠣᠬᠢᠶᠠᠯ ᠪᠣᠯᠤᠨᠠ ᠃
② ᠴᠢᠩᠭᠢᠰ ᠬᠠᠭᠠᠨ ᠠᠴᠠ ᠡᠬᠢᠯᠡᠨ ᠳᠤᠬᠤᠨ ᠲᠡᠮᠦᠷ ᠬᠠᠭᠠᠨ ᠬᠦᠷᠲᠡᠯᠡ ᠨᠡᠢᠲᠡ ᠠᠷᠪᠠᠨ ᠲᠠᠪᠤᠨ ᠦᠶᠡ ᠤᠯᠠᠮᠵᠢᠯᠠᠵᠠᠢ ᠃ ᠬᠣᠢᠨᠠ ᠳᠠᠭᠠᠯᠳᠤᠭᠤᠯᠵᠤ ᠪᠦᠬᠦᠢ ᠮᠣᠩᠭᠣᠯ ᠬᠠᠳ ᠤ᠋ᠨ ᠦᠶᠡ ᠳᠠᠷᠠᠭᠠᠯᠠᠯ ᠤ᠋ᠨ ᠬᠦᠰᠦᠨᠦᠭ ᠲᠣᠷ ᠨᠠᠷᠢᠪᠴᠢᠯᠠᠮᠤ ᠃
③ ᠡᠢᠨ ᠬᠦ᠌《 ᠦᠭᠡᠢ 》 ᠦᠰᠦᠭ ᠪᠣᠯ ᠡᠳᠦᠭᠡ ᠶ᠋ᠢᠨ 《 ᠡᠳᠡᠭᠡᠷ 》 ᠬᠡᠮᠡᠬᠦ ᠦᠰᠦᠭ ᠦ᠋ᠨ ᠡᠷᠲᠡᠨ ᠦ᠌ ᠪᠢᠴᠢᠯᠭᠡ 《 ᠣᠨᠭᠡᠷ 》 ᠭᠡᠬᠦ ᠶ᠋ᠢᠨ ᠪᠤᠷᠤᠭᠤ ᠬᠠᠭᠤᠯᠤᠯᠭᠠ ᠪᠣᠯᠤᠨᠠ ᠃
ᠤᠷᠢᠳᠤ ᠦᠢᠯᠡᠰ ᠦ᠋ᠨ ᠲᠦᠢᠳᠬᠡᠷ ᠪᠣᠯᠵᠤ ᠤᠬᠠᠮᠰᠠᠷ ᠦᠭᠡᠢ ᠶᠠᠪᠤᠭᠰᠠᠨ ᠳ᠋ᠤᠷ ᠂
ᠤᠴᠠᠷᠠᠵᠤ ᠨᠠᠩᠭᠢᠶᠠᠳ① ᠤᠯᠤᠰ ᠴᠦᠯᠡ ᠬᠠᠭᠠᠯᠭᠠ ᠣᠯᠤᠭᠰᠠᠨ ᠳ᠋ᠤᠷ᠂
ᠤᠬᠠᠭᠠᠨᠲᠤ ᠲᠣᠬᠣᠨᠲᠡᠮᠤᠷ ᠬᠠᠭᠠᠨ② ᠤ᠋ ᠴᠠᠭ ᠲᠤᠷ
ᠤᠯᠠᠷᠢᠵᠤ ᠶᠡᠬᠡ ᠲᠥᠷᠥ ᠪᠡᠨ ᠠᠪᠲᠠᠪᠠᠢ ᠬᠢᠲᠠᠳ ᠤᠯᠤᠰ ᠲᠤᠷ ᠃
ᠬᠠᠷᠢ ᠳᠠᠶ᠋ᠢᠰᠤᠨ ᠬᠦᠴᠦᠨ ᠪᠣᠯᠵᠤ ᠳᠠᠶ᠋ᠢᠳᠤ ᠬᠣᠲᠠ③ ᠶ᠋ᠢ ᠲᠣᠮᠣᠭᠠᠯᠠᠭᠰᠠᠨ ᠴᠠᠭ ᠲᠤᠷ ᠂
ᠬᠠᠭᠠᠨ ᠤ᠋ ᠪᠡᠶᠡ ᠬᠠᠰᠪᠤᠤ ᠲᠠᠮᠠᠭᠠ ᠲᠡᠷᠢᠭᠦᠲᠡᠨ ᠢ᠋
ᠬᠠᠳᠬᠤᠯᠳᠤᠨ ᠥᠭ᠌ᠭᠦᠯᠴᠡᠵᠦ᠍ ᠭᠠᠷᠭᠠᠪᠠᠢ ᠪᠤᠬᠠ ᠲᠡᠮᠦᠷ ᠴᠢᠩᠰᠠᠩ④
ᠬᠠᠨ ᠶᠡᠬᠡ ᠲᠥᠷᠥ ᠬᠣᠴᠣᠷᠪᠠᠰᠤ ᠬᠠᠶ᠋ᠢᠷᠠᠲᠤ ᠠᠮᠢᠨ ᠊ᠢ ᠠᠨᠤ ᠠᠪᠴᠤ ᠭᠠᠷᠤᠭᠰᠠᠨ ᠤᠴᠢᠷ ᠲᠡᠢᠮᠦ ᠪᠥᠯᠥᠭᠡ ᠃
— — — —
① ᠨᠠᠩᠭᠢᠶᠠᠳ ᠢ᠋ ᠪᠠᠰᠠ ᠨᠠᠩᠭᠢᠶᠠᠭᠤᠳ ᠪᠤᠶᠤ ᠨᠠᠩᠭᠢᠶᠠᠰ ᠭᠡᠵᠦ ᠪᠢᠴᠢᠳᠡᠭ ᠃ ᠬᠢᠲᠠᠳ ᠭᠡᠳᠡᠭ ᠦ᠋ᠨ ᠣᠨᠳᠣᠣ ᠳᠠᠭᠤᠳᠠᠯᠭᠠ ᠪᠣᠯᠤᠨᠠ ᠃
② ᠶᠤᠸᠠᠨ ᠤᠯᠤᠰ ᠤ᠋ᠨ ᠡᠴᠦᠰ ᠦ᠋ᠨ ᠬᠠᠭᠠᠨ ᠂ ᠴᠣᠯᠠ ᠨᠢ ᠤᠬᠠᠭᠠᠨᠲᠤ ᠬᠠᠭᠠᠨ （惠宗 ） ᠭᠡᠳᠡᠭ ᠃ 1333 ᠣᠨ ᠳ᠋ᠤ᠌ ᠬᠠᠭᠠᠨ ᠣᠷᠣ ᠰᠠᠭᠤᠵᠤ 1368 ᠣᠨ ᠤ᠋ ᠢᠯᠡᠭᠦᠦ ᠳᠤᠯᠠᠭᠠᠨ ᠰᠠᠷᠠ ᠳ᠋ᠤ᠌ ᠲᠠᠢᠮᠢᠩ ᠤᠯᠤᠰ ᠤ᠋ᠨ ᠴᠡᠷᠢᠭ ᠳᠠᠢᠳᠤ （大都 ） ᠳ᠋ᠤ᠌ ᠰᠢᠬᠠᠮᠳᠠᠭᠤᠯᠤᠨ ᠢᠷᠡᠭᠰᠡᠨᠡ ᠤᠮᠠᠷᠠᠰᠢ ᠵᠢᠭᠤᠲᠠᠵᠤ ᠱᠠᠩᠳᠤ （ 上都 ） ᠳ᠋ᠤ᠌ ᠬᠦᠷᠪᠡ ᠃ 1370 ᠣᠨ ᠳ᠋ᠤ᠌ ᠢᠩ ᠴᠠᠩ ᠬᠣᠲᠠᠨᠠ ᠬᠠᠯᠢᠪᠠᠢ ᠃
③ᠳᠠᠢᠳᠤ （大都 ） ᠭᠡᠳᠡᠭ ᠨᠢ ᠣᠳᠣ ᠶ᠋ᠢᠨ ᠪᠡᠭᠡᠵᠢᠩ ᠬᠣᠲᠠ ᠃
④《ᠶᠤᠸᠠᠨ ᠱᠢ》 ᠪᠢᠴᠢᠭ ᠲᠦ᠍ ᠬᠤᠸᠠᠢ ᠸᠠᠩ (淮王 ） ᠲᠡᠮᠦᠷ ᠪᠤᠬᠠ ᠭᠡᠳᠡᠭ᠃
ᠲᠡᠭᠷᠢ ᠶ᠋ᠢᠨ ᠬᠥᠪᠡᠭᠦᠨ ᠴᠢᠩᠭᠢᠰ ᠬᠠᠭᠠᠨ ᠤ᠋ ᠠᠯᠲᠠᠨ ᠤᠷᠤᠭ① ᠂
ᠳᠡᠭᠡᠳᠦ ᠪᠤᠷᠬᠠᠨ ᠨᠤᠭᠤᠳ ᠬᠤᠪᠢᠯᠭᠠᠨ ᠰᠡᠴᠡᠨ ᠬᠠᠭᠠᠨ ② ᠤ᠋ ᠪᠠᠷᠢᠭᠰᠠᠨ ᠠᠯᠲᠠᠨ ᠬᠠᠷᠰᠢ ᠂
ᠲᠡᠮᠳᠡᠭᠲᠡᠶᠡ ᠪᠣᠳᠢᠰᠤᠩ ③ᠨᠠᠷ ᠤᠬᠠᠭᠠᠨᠲᠤ ᠬᠠᠭᠠᠨ ᠤ᠋ ᠲᠡᠬᠡᠷᠡ ᠂
ᠲᠡᠭᠷᠢ ᠶ᠋ᠢᠨ ᠵᠠᠶᠠᠭᠠᠨ ᠢ᠋ᠶ᠋ᠠᠷ ᠠᠯᠳᠠᠭᠰᠠᠨ ᠤᠴᠢᠷ ᠲᠡᠢᠮᠦ ᠪᠥᠯᠥᠭᠡ ᠃
ᠲᠡᠭᠦᠨ ᠡᠴᠡ ᠢᠨᠠᠭᠰᠢᠳᠠ ᠬᠡᠳᠦᠨ ᠬᠡᠳᠦᠨ ᠬᠠᠳ ᠤ᠋ᠨ ᠦᠶᠡ ᠪᠣᠯᠲᠠᠯᠠ④ ᠂
ᠳᠡᠨᠵᠷᠵᠦ ᠶᠢᠷᠲᠢᠨᠴᠦ ᠶ᠋ᠢᠨ ᠲᠥᠷᠥ ᠪᠤᠷᠬᠠᠨ ᠤ᠋ ᠱᠠᠰᠢᠨ ᠡᠰᠡ ᠲᠣᠭᠲᠠᠵᠤ ᠂
ᠲᠡᠭᠦᠳᠡᠭᠡᠷᠡᠵᠦ ᠬᠠᠨ ᠬᠠᠷᠠᠴᠤ ᠰᠠᠢᠨ ᠮᠠᠭᠤ ᠶ᠋ᠢ ᠦᠯᠦ ᠢᠯᠭᠠᠯᠳᠤᠨ ᠶᠠᠪᠤᠬᠤᠢ ᠳ᠋ᠤᠷ ᠂
ᠲᠡᠷᠡ ᠴᠠᠭ ᠲᠤᠷ ᠪᠣᠷᠵᠢᠭᠢᠨ ᠤ᠋ ᠠᠯᠲᠠᠨ ᠤᠷᠤᠭ ᠴᠦᠯᠦᠢᠳᠡᠭ᠌ᠰᠡᠨ ᠳ᠋ᠦ᠍ᠷ
— — — —
① ᠬᠠᠳ ᠤ᠋ᠨ ᠤᠷᠤᠭ ᠭᠡᠬᠦ ᠤᠳᠬᠠ ᠲᠠᠢ ᠃ᠮᠣᠩᠭᠣᠯ ᠰᠤᠷᠪᠤᠯᠵᠢ ᠪᠢᠴᠢᠭ ᠲᠦ᠍ 《 ᠠᠯᠲᠠᠨ 》 ᠭᠡᠳᠡᠭ ᠨᠢ ᠡᠵᠡᠨ ᠬᠠᠭᠠᠨ ᠤ᠋ ᠲᠥᠯᠥᠭᠡᠨ ᠦ᠌ ᠦᠭᠡ ᠪᠣᠯᠤᠨᠠ ᠃ᠬᠢᠲᠠᠳ ᠦᠰᠦᠭ ᠦ᠋ᠨ 《御 》 ᠲᠡᠢ ᠠᠳᠠᠯᠢ ᠡᠵᠡᠨ ᠬᠠᠭᠠᠨ ᠢ᠋ ᠬᠦᠨᠳᠦᠳᠬᠡᠭᠰᠡᠨ ᠦᠭᠡ ᠪᠣᠯᠤᠨᠠ ᠃ ᠦᠯᠢᠭᠡᠷᠯᠡᠪᠡᠰᠦ ᠂ ᠡᠵᠡᠨ ᠬᠠᠭᠠᠨ ᠤ᠋ ᠪᠡᠶᠡ ᠶ᠋ᠢ ᠠᠯᠲᠠᠨ ᠪᠡᠶᠡ ᠂ ᠡᠵᠡᠨ ᠬᠠᠭᠠᠨ ᠤ᠋ ᠠᠮᠢ ᠨᠠᠰᠤᠨ ᠢ᠋ ᠠᠯᠲᠠᠨ ᠠᠮᠢᠨ ᠂ ᠡᠵᠡᠨ ᠬᠠᠭᠠᠨ ᠤ᠋ ᠴᠢᠷᠠᠢ ᠶ᠋ᠢ ᠠᠯᠲᠠᠨ ᠴᠢᠷᠠᠢ ᠂ ᠡᠵᠡᠨ ᠬᠠᠭᠠᠨ ᠤ᠋ ᠣᠷᠳᠣᠨ ᠢ᠋ ᠠᠯᠲᠠᠨ ᠣᠷᠳᠣᠨ ᠭᠡᠵᠦ ᠥᠭᠦᠯᠡᠳᠡᠭ᠃ ᠠᠯᠲᠠᠨ ᠤᠷᠤᠭ ᠭᠡᠳᠡᠭ ᠨᠢ ᠴᠢᠩᠭᠢᠰ ᠬᠠᠭᠠᠨ ᠤ᠋ ᠰᠢᠭᠤᠳ ᠡᠦᠲᠦᠮ ᠤᠭᠰᠠᠭᠠᠨ ᠤ᠋ ᠬᠦᠨᠳᠦᠳᠬᠡᠯ ᠨᠡᠷᠡᠢᠳᠦᠯ ᠪᠣᠯᠤᠨᠠ ᠃ ᠴᠢᠩᠭᠢᠰ ᠬᠠᠭᠠᠨ ᠪᠣᠯ ᠪᠣᠷᠵᠢᠭᠢᠨ ᠣᠪᠣᠭᠲᠤ ᠲᠤᠯᠠ ᠬᠣᠢᠨᠠᠬᠢ ᠬᠡᠰᠡᠭ ᠲᠦ᠍ ᠪᠠᠰᠠ ᠪᠣᠷᠵᠢᠭᠢᠨ ᠤ᠋ ᠠᠯᠲᠠᠨ ᠤᠷᠤᠭ ᠪᠤᠶᠤ ᠪᠣᠷᠵᠢᠭᠢᠨ ᠤ᠋ ᠤᠷᠤᠭ ᠭᠡᠵᠦ ᠲᠡᠮᠳᠡᠭᠯᠡᠵᠦ ᠪᠠᠢᠳᠠᠭ ᠃
② ᠬᠤᠪᠢᠯᠠᠢ ᠰᠡᠴᠡᠨ ᠬᠠᠭᠠᠨ ᠢ᠋ ᠥᠭᠦᠯᠡᠵᠦ ᠪᠠᠢᠨᠠ ᠃
③ ᠮᠥᠨ ᠪᠠᠰᠠ ᠪᠦᠳᠢᠰᠠᠳᠦ ᠪᠤᠶᠤ ᠪᠦᠳᠢᠰᠠᠳᠦᠡ ᠭᠡᠵᠦ ᠪᠢᠴᠢᠳᠡᠭ ᠃ ᠪᠣᠭᠳᠠ ᠬᠥᠮᠦᠨ ᠂ ᠫᠦᠰᠡ ( 菩萨) ᠭᠡᠬᠦ ᠤᠳᠬᠠ ᠲᠠᠢ ᠃
④ ᠳᠤᠬᠤᠨ ᠲᠡᠮᠦᠷ ᠤᠬᠠᠭᠠᠨᠲᠤ ᠬᠠᠭᠠᠨ ᠠᠴᠠ ᠯᠢᠭᠳᠡᠨ ᠬᠤᠲᠤᠭᠲᠤ ᠬᠠᠭᠠᠨ ᠬᠦᠷᠲᠡᠯᠡᠬᠢ ᠬᠠᠳ ᠤ᠋ᠨ ᠦᠶᠡ ᠤᠯᠠᠮᠵᠢᠯᠠᠯ ᠢ᠋ ᠬᠣᠢᠨᠠ ᠳᠠᠭᠠᠯᠳᠤᠭᠤᠯᠵᠤ ᠪᠠᠢᠭᠠ ᠮᠣᠩᠭᠣᠯ ᠬᠠᠳ ᠤ᠋ᠨ ᠦᠶᠡ ᠵᠠᠯᠭᠠᠮᠵᠢᠯᠠᠯ ᠤ᠋ᠨ ᠬᠦᠰᠦᠨᠦᠭ ᠲᠦ᠍ ᠨᠠᠷᠢᠪᠴᠢᠯᠠᠮᠤ ᠃
ᠪᠣᠯᠬᠤ ᠵᠢᠨᠦᠩ ① ᠡᠴᠡ ᠪᠠᠲᠤ ᠮᠥᠩᠬᠡ ᠨᠡᠷᠡᠲᠦ ᠬᠥᠪᠡᠭᠦᠨ ᠲᠥᠷᠥᠵᠦ ᠂
ᠪᠤᠲᠠ ᠲᠠᠶᠠ ᠡᠴᠢᠭᠡ ᠡᠴᠡᠭᠡᠨ ᠨᠢᠭᠡᠨ ᠨᠠᠰᠤᠲᠠᠢ ᠥᠨᠥᠴᠢᠨ ᠬᠣᠴᠣᠷᠤᠭᠰᠠᠨ ᠳ᠋ᠤᠷ
— — — —
① ᠤᠤᠯ ᠨᠡᠷᠡ ᠪᠠᠶᠠᠨᠮᠥ᠋ᠩᠬᠡ ᠃ ᠪᠣᠯᠬᠤ ᠵᠢᠨᠦᠩ ᠭᠡᠳᠡᠭ ᠨᠢ ᠮᠠᠨᠳᠤᠭᠤᠯ ᠬᠠᠭᠠᠨ ᠤ᠋ ᠡᠷᠭᠦᠭᠰᠡᠨ ᠲᠤᠰᠢᠶᠠᠯ ᠪᠣᠯᠤᠨᠠ ᠃ ᠵᠢᠨᠦᠩ ᠪᠣᠯ ᠲᠠᠢᠮᠢᠩ ᠤᠯᠤᠰ ᠤ᠋ᠨ ᠦᠶᠡ ᠳ᠋ᠦ᠍ ᠮᠣᠩᠭᠣᠯ ᠤ᠋ᠨ ᠬᠠᠭᠠᠨ ᠳ᠋ᠤ᠌ ᠲᠤᠰᠠᠯᠠᠨ ᠪᠠᠷᠠᠭᠤᠨ ᠭᠠᠷᠤᠨ ᠮᠣᠩᠭᠣᠯ ᠢ᠋ ᠮᠡᠳᠡᠭᠡᠴᠢ ᠶ᠋ᠢᠨ ᠲᠤᠰᠢᠶᠠᠯ ᠪᠢᠯᠡ ᠃
② ᠲᠠᠢᠮᠢᠩ ᠤᠯᠤᠰ ᠤ᠋ᠨ ᠦᠶᠡ ᠳ᠋ᠦ᠍ ᠮᠣᠩᠭᠣᠯ ᠢ᠋ ᠮᠠᠨᠳᠤᠭᠤᠯᠤᠭᠰᠠᠨ ᠰᠣᠳᠣ ᠡᠵᠡᠨ ᠳᠠᠶᠤᠨ ᠬᠠᠭᠠᠨ ᠤ᠋ ᠨᠡᠷᠡ ᠪᠣᠯᠤᠨᠠ ᠃ ᠳᠠᠶᠤᠨ ᠬᠠᠭᠠᠨ ᠤ᠋ ᠮᠡᠨᠳᠦᠯᠡᠭᠰᠡᠨ ᠪᠠ ᠬᠠᠯᠢᠭᠰᠠᠨ ᠣᠨ ᠵᠢᠯ ᠢ᠋ ᠡᠯᠡ ᠪᠢᠴᠢᠭ ᠰᠤᠳᠤᠷ ᠲᠤ᠌ ᠲᠡᠮᠳᠡᠭᠯᠡᠵᠦ ᠪᠠᠢᠬᠤ ᠨᠢ ᠪᠦᠷ ᠠᠳᠠᠯᠢ ᠦᠭᠡᠢ ᠃ 《 ᠡᠷᠳᠡᠨᠢ ᠶ᠋ᠢᠨ ᠲᠣᠪᠴᠢ 》 ᠳ᠋ᠤ᠌ ᠳᠠᠶᠤᠨ ᠬᠠᠭᠠᠨ ᠢ᠋ 1464 ᠣᠨ ᠳ᠋ᠤ᠌ ᠮᠡᠨᠳᠦᠯᠡᠵᠦ 1470 ᠣᠨ ᠳ᠋ᠤ᠌ ᠬᠠᠭᠠᠨ ᠣᠷᠣ ᠰᠠᠭᠤᠭᠠᠳ 1543 ᠣᠨ ᠳ᠋ᠤ᠌ ᠬᠠᠯᠢᠵᠤ ᠨᠠᠰᠤᠨ ᠤ᠋ ᠬᠡᠮᠵᠢᠶᠡ ᠨᠠᠶᠠ ᠬᠦᠷᠪᠡᠢ ᠭᠡᠳᠡᠭ ᠃ 《ᠭᠠᠩᠭᠠ ᠶ᠋ᠢᠨ ᠤᠷᠤᠰᠬᠠᠯ 》 ᠳ᠋ᠤ᠌ ᠳᠠᠶᠤᠨ ᠬᠠᠭᠠᠨ ᠢ᠋ ᠲᠡᠮᠦᠷ ᠮᠣᠭᠠᠢ ᠵᠢᠯ （ 1461 ) ᠲᠡᠢ ᠂ ᠭᠠᠬᠠᠢ ᠵᠢᠯ ( 1467 ) ᠳᠣᠯᠣᠭᠠᠨ ᠨᠠᠰᠤᠨ ᠳ᠋ᠤ᠌ ᠶᠡᠬᠡ ᠣᠷᠣ ᠰᠠᠭᠤᠵᠤ ᠂ ᠭᠤᠴᠢᠨ ᠨᠠᠢ᠍ᠮᠠᠨ ᠣᠨ ᠪᠣᠯᠤᠭᠠᠳ ᠮᠣᠳᠣᠨ ᠬᠤᠯᠤᠭᠠᠨᠠ ᠵᠢᠯ ( 1504 ) ᠳᠥᠴᠢᠨ ᠳᠥᠷᠪᠡᠨ ᠨᠠᠰᠤᠨ ᠳ᠋ᠠᠭᠠᠨ ᠬᠠᠯᠢᠪᠠᠢ ᠭᠡᠳᠡᠭ ᠃ᠳᠠᠶᠤᠨ ᠬᠠᠭᠠᠨ ᠤ᠋ ᠮᠡᠨᠳᠦᠯᠡᠭᠰᠡᠨ ᠣᠨ ᠪᠠ ᠬᠠᠯᠢᠭᠰᠠᠨ ᠣᠨ ᠤ᠋ ᠲᠤᠬᠠᠢ ᠶᠠᠫᠣᠨ ᠤᠯᠤᠰ ᠤ᠋ᠨ ᠸᠠᠳᠠᠰᠠᠢ ( 和田清) ᠳ᠋ᠣᠺᠲ᠋ᠣᠷ ᠰᠢᠨᠵᠢᠯᠡᠭᠡᠨ ᠬᠢᠵᠦ ᠲᠡᠭᠦᠨ ᠦ᠌ 《ᠥᠪᠥᠷ ᠮᠣᠩᠭᠣᠯ ᠤ᠋ᠨ ᠣᠯᠠᠨ ᠠᠢᠮᠠᠭ ᠤ᠋ᠨ ᠡᠭᠦᠰᠦᠯ 》 ᠭᠡᠬᠦ ᠵᠣᠬᠢᠶᠠᠯ ᠳ᠋ᠠᠭᠠᠨ ᠂ ᠳᠠᠶᠤᠨ ᠬᠠᠭᠠᠨ ᠤ᠋ ᠶᠡᠬᠡ ᠣᠷᠣ ᠡᠵᠡᠯᠡᠭᠰᠡᠨ ᠣᠨ ᠵᠢᠯ ᠢ᠋ 1479 — 1523 ᠣᠨ ( ᠡᠰᠡᠬᠦᠯᠡ 1480 — 1524 ᠣᠨ ) ᠭᠡᠵᠦ ᠦᠵᠡᠵᠦ ᠳᠥᠴᠢᠨ ᠲᠠᠪᠤᠨ ᠣᠨ ᠰᠠᠭᠤᠷᠢᠨᠠ ᠪᠠᠢᠵᠢᠬᠤᠢ ᠭᠡᠪᠡ ᠃ ᠬᠣᠵᠢᠮ ᠨᠢ 《ᠳᠣᠷᠣᠨᠠ ᠠᠽᠢᠶᠠ ᠶ᠋ᠢᠨ ᠲᠡᠦᠬᠡ ᠶ᠋ᠢᠨ ᠰᠤᠳᠤᠯᠤᠯ 》 （ᠮᠣᠩᠭᠣᠯ ᠤ᠋ᠨ ᠬᠡᠰᠡᠭ ） ᠭᠡᠬᠦ ᠪᠢᠴᠢᠭ ᠲᠦ᠍ ᠤᠤᠯ ᠤ᠋ᠨ ᠥᠭᠦᠯᠡᠭᠰᠡᠨ ᠢ᠋ᠶ᠋ᠡᠨ ᠵᠠᠰᠠᠮᠵᠢᠯᠠᠨ1481—1532 ᠣᠨ （ ᠡᠰᠡᠬᠦᠯᠡ 1482—1533 ᠣᠨ ） ᠭᠡᠳ ᠲᠠᠪᠢᠨ ᠬᠣᠶᠠᠷ ᠣᠨ ᠶᠡᠬᠡ ᠣᠷᠣ ᠰᠠᠭᠤᠪᠠ ᠭᠡᠵᠡᠢ ᠃ ᠶᠠᠫᠣᠨ ᠤᠯᠤᠰ ᠤ᠋ᠨ ᠸᠠᠬᠢᠬᠠᠷᠠ ᠵᠢᠶᠦ᠋ᠨᠫᠠᠢ （ 萩原淳平ᠫᠷᠣᠹᠧᠰᠰᠣᠷ ᠥᠪᠡᠷ ᠦ᠋ᠨ ᠵᠣᠬᠢᠶᠠᠭ᠍ᠰᠠᠨ 《 ᠲᠠᠢᠮᠢᠩ ᠤ᠋ᠨ ᠦᠶᠡ ᠳ᠋ᠡᠬᠢ ᠮᠣᠩᠭᠣᠯ ᠲᠡᠦᠬᠡ ᠶ᠋ᠢᠨ ᠰᠤᠳᠤᠯᠤᠯ 》 ᠭᠡᠬᠦ ᠨᠣᠮ ᠳ᠋ᠤ᠌ ᠪᠠᠨ ᠸᠠᠳᠠᠰᠠᠢ ᠠᠪᠤᠭᠠᠢ ᠶ᠋ᠢᠨ ᠥᠭᠦᠯᠡᠭᠰᠡᠨ ᠢ᠋ ᠡᠰᠡ ᠵᠥᠪᠱᠢᠶᠡᠷᠡᠨ ᠳᠠᠶᠤᠨ ᠬᠠᠭᠠᠨ ᠪᠣᠯ 1464 ᠣᠨ ᠳ᠋ᠤ᠌ ᠮᠡᠨᠳᠦᠯᠡᠵᠦ 1488 ᠣᠨ ᠳ᠋ᠤ᠌ ᠶᠡᠬᠡ ᠣᠷᠣ ᠵᠠᠯᠭᠠᠮᠵᠢᠯᠠᠭᠠᠳ 1519 ᠣᠨ ᠳ᠋ᠤ᠌ ᠬᠠᠯᠢᠵᠤ ᠬᠠᠭᠠᠨ ᠰᠠᠭᠤᠷᠢᠨᠠ ᠭᠤᠴᠢᠨ ᠬᠣᠶᠠᠷ ᠣᠨ ᠤ᠋ ᠲᠡᠳᠦ ᠯᠡ ᠠᠪᠠᠢ ᠬᠡᠮᠡᠪᠡ ᠃ ᠸᠠᠬᠢᠬᠠᠷᠠ ᠠᠪᠤᠭᠠᠢ ᠶ᠋ᠢᠨ ᠥᠭᠦᠯᠡᠭᠰᠡᠨ ᠨᠢ ᠮᠥᠨ ᠴᠦ᠍ ᠦᠨᠡᠨ ᠮᠠᠭᠠᠳ ᠪᠦᠬᠦᠢ ᠰᠤᠷᠪᠤᠯᠵᠢ ᠪᠢᠴᠢᠭ ᠦ᠋ᠨ ᠡᠰᠢ ᠪᠠᠷᠢᠮᠲᠠ ᠪᠠᠷ ᠳᠤᠲᠠᠮᠠᠭ ᠲᠤᠯᠠ ᠦᠨᠡᠨ ᠬᠦ᠌ ᠵᠥᠪ ᠨᠤᠲᠠᠯᠠᠯ ᠭᠡᠵᠦ ᠦᠵᠡᠬᠦ ᠳ᠋ᠦ᠍ ᠮᠥᠨ ᠪᠡᠷᠬᠡ ᠲᠡᠢ ᠪᠢᠯᠡ ᠃ ᠲᠤᠰ ᠨᠣᠮ ᠤ᠋ᠨ ᠬᠣᠢᠨᠠᠬᠢ ᠬᠡᠰᠡᠭ ᠲᠦ᠍ ᠳᠠᠶᠤᠨ ᠬᠠᠭᠠᠨ ᠢ᠋ ᠤᠯᠠᠭᠠᠨ ᠦᠬᠡᠷ ᠵᠢᠯ (1517 ᠣᠨ ) ᠳᠥᠴᠢᠨ ᠳᠥᠷᠪᠡᠨ ᠨᠠᠰᠤᠨ ᠳ᠋ᠠᠭᠠᠨ ᠬᠠᠯᠢᠪᠠᠢ ᠭᠡᠬᠦ ᠡᠴᠡ ᠦᠵᠡᠪᠡᠯ ᠂ ᠲᠡᠭᠦᠨ ᠦ᠌ ᠮᠡᠨᠳᠦᠯᠡᠭᠰᠡᠨ ᠣᠨ ᠨᠢ 1474 ᠣᠨ ᠪᠣᠯᠬᠤ ᠶᠣᠰᠣᠲᠠᠢ ᠃ ᠲᠤᠰ ᠨᠣᠮ ᠤ᠋ᠨ ᠬᠣᠢᠨᠠᠬᠢ ᠬᠡᠰᠡᠭ ᠪᠠ ᠬᠢᠲᠠᠳ ᠰᠤᠷᠪᠤᠯᠵᠢ ᠪᠢᠴᠢᠭ ᠲᠦ᠍ ᠲᠡᠮᠳᠡᠭᠯᠡᠵᠦ ᠪᠦᠬᠦᠢ ᠳᠣᠣᠷᠠ ᠬᠣᠶᠠᠷ ᠦᠶᠡ ᠶ᠋ᠢᠨ ᠬᠠᠭᠠᠨ ( ᠰᠠᠢᠨ ᠠᠯᠠᠭ ᠬᠠᠭᠠᠨ ᠪᠠ ᠪᠣᠳᠢ ᠬᠠᠭᠠᠨ ) ᠤ᠋ ᠶᠡᠬᠡ ᠣᠷᠣ ᠵᠠᠯᠭᠠᠮᠵᠢᠯᠠᠭᠰᠠᠨ ᠣᠨ ᠵᠢᠯ ᠢ᠋ ᠬᠠᠷᠢᠯᠴᠠᠨ ᠤᠶᠠᠯᠳᠤᠭᠤᠯᠤᠨ ᠬᠢᠨᠠᠪᠠᠯ ᠂ ᠲᠤᠰ ᠨᠣᠮ ᠳ᠋ᠤ᠌ ᠳᠠᠶᠤᠨ ᠬᠠᠭᠠᠨ ᠤ᠋ ᠮᠡᠨᠳᠦᠯᠡᠭᠰᠡᠨ ᠪᠠ ᠬᠠᠯᠢᠭᠰᠠᠨ ᠣᠨ ᠵᠢᠯ ᠢ᠋ ᠲᠡᠮᠳᠡᠭᠯᠡᠭᠰᠡᠨ ᠨᠢ ᠬᠠᠷᠢᠨᠴᠤ ᠨᠡᠯᠢᠶᠡᠳ ᠢᠲᠡᠭᠡᠮᠵᠢ ᠲᠡᠢ ᠃
ᠪᠣᠷᠤᠬᠤ ᠰᠡᠳᠬᠢᠯ ᠳ᠋ᠦ᠍ ᠣᠩᠯᠢᠭᠤᠳ① ᠬᠦᠴᠦᠨ ᠪᠣᠯᠵᠤ ᠬᠣᠢᠲᠤ ᠡᠬᠡ ᠶ᠋ᠢ ᠢᠨᠤ ᠂
ᠪᠦᠷᠢᠨ ᠲᠦᠷᠦᠯᠬᠢᠲᠦ ᠮᠠᠨᠳᠤᠬᠠᠢ ᠬᠠᠲᠤᠨ② ᠠᠪᠬᠤᠢ ᠵᠠᠪᠳᠤᠭᠰᠠᠨ ᠳ᠋ᠤᠷ ᠂
ᠡᠷᠲᠡᠨ ᠦ᠌ ᠡᠷᠲᠡᠨ ᠦ᠌ ᠳᠡᠭᠡᠳᠦ ᠪᠣᠭᠳᠠ ᠶ᠋ᠢᠨ③ ᠦᠯᠦ ᠤᠮᠠᠷᠲᠠᠨ ᠂
— — — —
① ᠠᠢᠮᠠᠭ ᠤ᠋ᠨ ᠨᠡᠷᠡ ᠪᠣᠯᠬᠤ ᠣᠩᠨᠢᠭᠤᠳ ᠤ᠋ᠨ ᠬᠠᠭᠤᠴᠢᠨ ᠪᠢᠴᠢᠯᠭᠡ ᠃ ᠡᠨᠳᠡ ᠣᠩᠯᠢᠭᠤᠳ ᠤ᠋ᠨ ᠸᠠᠩ ᠮᠣᠣᠯᠢᠬᠠᠢ ᠶ᠋ᠢ ᠬᠡᠯᠡᠵᠦ ᠪᠣᠢ ᠃ ᠡᠨᠡ ᠸᠠᠩ ᠮᠣᠯᠤᠨ ᠬᠠᠭᠠᠨ ᠢ᠋ ᠬᠣᠣᠷᠯᠠᠭᠰᠠᠨ ᠤ᠋ ᠳᠠᠷᠠᠭᠠ ᠪᠤᠰᠤ ᠣᠯᠠᠨ ᠠᠢᠮᠠᠭ ᠢ᠋ ᠡᠵᠡᠨ ᠮᠡᠳᠡᠬᠦ ᠶ᠋ᠢᠨ ᠬᠠᠮᠲᠤ ᠪᠠᠰᠠ ᠮᠠᠨᠳᠤᠭᠤᠯ ᠬᠠᠭᠠᠨ ᠤ᠋ ᠥᠭᠡᠳᠡ ᠴᠡᠷᠢᠭ ᠬᠡᠷᠡᠭᠯᠡᠭᠰᠡᠨ ᠶᠠᠪᠤᠳᠠᠯ ᠪᠣᠢ ᠃
② ᠲᠦᠮᠡᠳ ᠲᠦᠮᠡᠨ ᠦ᠌ ᠡᠩᠭᠦᠳ ᠣᠲᠣᠭ ᠤ᠋ᠨ ᠴᠣᠷᠤᠰᠪᠠᠢ ᠴᠢᠩᠰᠠᠩ ᠤ᠋ᠨ ᠥᠬᠢᠨ ᠂ ᠮᠠᠨᠳᠤᠭᠤᠯ ᠬᠠᠭᠠᠨ ᠤ᠋ ᠪᠠᠭᠠ ᠬᠠᠲᠤᠨ ᠪᠣᠯᠤᠨᠠ ᠃ ᠮᠠᠨᠳᠤᠭᠤᠯ ᠬᠠᠭᠠᠨ ᠬᠠᠯᠢᠭᠰᠠᠨ ᠤ᠋ ᠬᠣᠢᠨᠠ ᠮᠠᠨᠳᠤᠬᠠᠢ ᠰᠡᠴᠡᠨ ᠬᠠᠲᠤᠨ ᠬᠠᠭᠠᠨ ᠤ᠋ ᠡᠷᠬᠡ ᠶ᠋ᠢ ᠬᠠᠮᠠᠭᠠᠯᠠᠬᠤ ᠶ᠋ᠢᠨ ᠲᠥᠯᠥᠭᠡ ᠬᠣᠷᠴᠢᠨ ᠤ᠋ ᠦᠨᠡᠪᠣᠯᠤᠳ ᠸᠠᠩ ᠤ᠋ᠨ ᠤᠷᠤᠭ ᠤ᠋ᠨ ᠭᠤᠶᠤᠳᠠᠯ ᠢ᠋ ᠡᠰᠡ ᠵᠥᠪᠰᠢᠶᠡᠷᠡᠨ ᠂ ᠳᠣᠯᠣᠭᠠᠨ ᠨᠠᠰᠤᠲᠠᠢ ᠪᠠᠲᠤᠮᠥᠢᠩᠬᠡ ᠶ᠋ᠢ ᠶᠡᠬᠡ ᠣᠷᠣ ᠰᠠᠭᠤᠯᠭᠠᠵᠤ ᠲᠡᠭᠦᠨ ᠯᠤᠭᠡ ᠪᠡᠶᠡ ᠬᠣᠯᠪᠣᠵᠠᠢ ᠃
③《 ᠵᠢᠨ 》 ᠢᠨᠤ 《 ᠪᠠᠨ 》 ᠤ᠋ ᠪᠤᠷᠤᠭᠤ ᠪᠢᠴᠢᠯᠭᠡ ᠃
ᠡᠳᠦᠭᠡ ᠶ᠋ᠢ ① ᠮᠠᠭᠤᠢ ᠣᠩᠯᠢᠭᠤᠳ ᠤᠢᠭᠤᠳ ᠤ᠋ᠨ② ᠠᠷᠭᠠ ᠳ᠋ᠤᠷ ᠦᠯᠦ ᠣᠷᠣᠨ ᠂
— — — —
①《ᠡᠳᠦᠭᠡ ᠶ᠋ᠢ 》 ᠭᠡᠳᠡᠭ ᠨᠢ 《 ᠡᠳᠦᠭᠡ ᠬᠢ》 ᠭᠡᠰᠡᠨ ᠦ᠌ ᠡᠨᠳᠡᠭᠦᠦ ᠪᠢᠴᠢᠯᠭᠡ ᠪᠣᠯᠤᠨᠠ ᠃
② ᠣᠢᠷᠠᠳ ᠮᠣᠩᠭᠣᠯ ᠤ᠋ᠨ ᠨᠢᠭᠡᠨ ᠠᠢᠮᠠᠭ ᠤ᠋ᠨ ᠨᠡᠷᠡ ᠃ 《 ᠭᠠᠩᠭᠠ ᠶ᠋ᠢᠨ ᠤᠷᠤᠰᠬᠠᠯ 》 ᠳ᠋ᠤ᠌ 《 ᠤᠢᠭᠤᠰ 》 ᠭᠡᠵᠦ ᠪᠢᠴᠢᠵᠦ ᠪᠣᠢ ᠃ ᠡᠨᠡ ᠠᠢᠮᠠᠭ ᠪᠣᠯ ᠤᠤᠯ ᠨᠢ ᠭᠤᠷᠪᠠ ᠳᠥᠷᠪᠡᠨ ᠵᠠᠭᠤᠭᠠᠳ ᠬᠥᠮᠦᠨ ᠠᠮᠠ ᠪᠦᠬᠦᠢ ᠥᠴᠦᠬᠡᠨ ᠠᠢᠮᠠᠭ ᠪᠠᠢᠵᠤ ᠲᠣᠷᠫᠠᠨ ᠤ᠋ ᠨᠤᠲᠤᠭ ᠲᠤ᠌ ᠮᠠᠯᠵᠢᠨ ᠠᠮᠢᠳᠤᠷᠠᠵᠤ ᠪᠠᠢᠵᠠᠢ ᠃ ᠬᠣᠵᠢᠮ ᠨᠢ ᠬᠠᠮᠢᠯ ᠤ᠋ᠨ ᠤᠮᠠᠷᠠ ᠳ᠋ᠠᠬᠢ ᠪᠠᠷᠰᠺᠦᠯ ᠦ᠋ᠨ ᠨᠤᠲᠤᠭ ᠲᠤ᠌ ᠰᠢᠯᠵᠢᠨ ᠨᠡᠭᠦᠳᠡᠯᠯᠡᠪᠡ ᠃ ᠠᠷᠪᠠᠨ ᠲᠠᠪᠤᠳᠤᠭᠠᠷ ᠵᠠᠭᠤᠨ ᠤ᠋ ᠵᠢᠷᠠᠭᠠᠳ ᠣᠨ ᠤ᠋ ᠦᠶᠡ ᠪᠣᠯᠬᠤ ᠳ᠋ᠤ᠌ ᠲᠡᠭᠦᠨ ᠦ᠌ ᠨᠣᠶᠠᠨ ᠠᠷᠭᠠ ᠤᠬᠠᠨᠭᠠᠨ ᠶᠡᠬᠡᠲᠦ ᠂ ᠴᠡᠷᠢᠭ ᠲᠡᠢᠨ ᠳ᠋ᠦ᠍ ᠮᠡᠷᠭᠡᠨ ᠪᠠᠺᠠᠷᠰᠠᠨ ᠭᠡᠳᠡᠭ ᠬᠥᠮᠦᠨ ᠦ᠌ ᠳᠠᠢᠴᠢᠯᠠᠯᠲᠠ ᠶ᠋ᠢᠨ ᠳᠣᠣᠷᠠ ᠳᠣᠷᠣᠨᠠᠰᠢ ᠨᠡᠭᠦᠳᠡᠯᠯᠡᠵᠦ ᠪᠣᠷᠣ ᠲᠣᠬᠣᠢ ᠶ᠋ᠢᠨ ᠬᠠᠪᠢ ᠳ᠋ᠤ᠌ ᠬᠦᠷᠪᠡ ᠃ ᠳᠤᠷᠤᠨᠠᠰᠢ ᠰᠢᠯᠵᠢᠨ ᠨᠡᠭᠦᠳᠡᠯᠯᠡᠬᠦ ᠶᠠᠪᠤᠴᠠ ᠳᠤᠮᠳᠠ ᠡᠨᠡ ᠠᠢᠮᠠᠭ ᠤ᠋ᠨ ᠰᠦᠷ ᠬᠦᠴᠦᠨ ᠬᠠᠷᠠᠲᠠᠯᠠ ᠪᠤᠵᠠᠭᠠᠢᠷᠠᠵᠤ ᠬᠥᠭᠵᠢᠪᠡ ᠃ 1475 ᠣᠨ ᠪᠣᠯᠬᠤ ᠳ᠋ᠤ᠌ ᠪᠠᠺᠠᠷᠰᠠᠨ ᠢ᠋ᠶ᠋ᠠᠷ ᠮᠠᠨᠳᠤᠭᠤᠯ ᠢ᠋ ᠬᠠᠭᠠᠨ ᠡᠷᠭᠦᠮᠵᠢᠯᠡᠵᠦ ᠥᠪᠡᠷ ᠦ᠋ᠨ ᠪᠡᠶᠡ ᠪᠡᠨ ᠳᠠᠢᠰᠢ ᠪᠣᠯᠭᠠᠪᠠ ᠃ ᠲᠡᠷᠡ ᠲᠤᠬᠠᠢ ᠳ᠋ᠤ᠌ ᠲᠡᠭᠦᠨ ᠦ᠌ ᠬᠠᠷᠢᠶᠠᠲᠤ ᠢᠷᠭᠡᠨ ᠨᠢᠭᠡᠨᠲᠡ ᠬᠡᠳᠦᠨ ᠲᠦᠮᠡᠨ ᠬᠥᠮᠦᠨ ᠪᠣᠯᠪᠠ ᠃ 1479 ᠣᠨ ᠳ᠋ᠤ᠌ ᠪᠠᠺᠠᠷᠰᠠᠨ ᠨᠠᠰᠤ ᠪᠠᠷᠠᠭᠰᠠᠨ ᠤ᠋ ᠬᠣᠢᠨᠠ ᠂ ᠡᠨᠡ ᠠᠢᠮᠠᠭ ᠤ᠋ᠨ ᠢᠰᠮᠡᠨ ᠪᠠ ᠢᠪᠡᠷᠠᠢ ᠨᠠᠷ ᠤᠷᠢᠳ ᠬᠣᠵᠢᠳ ᠲᠠᠢᠰᠢ ᠶ᠋ᠢᠨ ᠲᠤᠰᠢᠶᠠᠯ ᠢ᠋ ᠵᠠᠯᠭᠠᠮᠵᠢᠯᠠᠨ ᠡᠨᠡ ᠬᠦ᠌ ᠤᠢᠭᠤᠳ ᠠᠢᠮᠠᠭ ᠤ᠋ᠨ ᠤᠯᠤᠰ ᠲᠥᠷᠥ ᠶ᠋ᠢᠨ ᠪᠠᠢᠷᠢ ᠰᠠᠭᠤᠷᠢ ᠶ᠋ᠢ ᠬᠡᠪ ᠢ᠋ᠶ᠋ᠡᠷ ᠪᠠᠢᠯᠭᠠᠵᠠᠢ ᠃ ᠤᠢᠭᠤᠳ ᠬᠡᠮᠡᠬᠦ ᠶ᠋ᠢ ᠬᠢᠲᠠᠳ ᠪᠢᠴᠢᠭ ᠲᠣᠷ ᠶᠧ ᠨᠢ ᠺᠧ ᠯᠢ (野乜克力 ) ᠭᠡᠬᠦ ᠪᠤᠶᠤ ᠪᠠᠰᠠ ᠳᠥᠭᠥᠮᠴᠢᠯᠡᠨ （ 乜克力 ） ᠭᠡᠵᠦ ᠪᠢᠴᠢᠳᠡᠭ ᠃ᠣᠷᠣᠰ ᠤ᠋ᠨ ᠡᠷᠳᠡᠮᠲᠡᠨ ᠹᠸᠷᠸᠲᠱᠨᠢᠸᠢᠳᠸᠷ ᠠᠪᠤᠭᠠᠢ ᠡᠨᠡ ᠨᠡᠷᠡ ᠶ᠋ᠢ ᠲᠠᠢᠯᠪᠤᠷᠢᠯᠠᠨ ᠤᠩᠰᠢᠬᠤ ᠳ᠋ᠠᠭᠠᠨ ᠵᠡᠷᠯᠢᠭ ᠮᠸᠺᠡᠤᠯᠢ （wiIdmekoIi） ᠭᠡᠰᠡᠨ ᠪᠥᠭᠡᠳ ᠶᠠᠫᠣᠨ ᠤ᠋ ᠡᠷᠳᠡᠮᠲᠡᠨ ᠸᠠᠳᠠᠰᠠᠢ ᠳ᠋ᠣᠺᠲ᠋ᠣᠷreh.reh.ko.Ii ᠭᠡᠵᠦ ᠲᠠᠢᠯᠪᠤᠷᠢᠯᠠᠨ ᠤᠩᠰᠢᠵᠠᠢ ᠃ᠡᠭᠦᠨ ᠦ᠌ ᠬᠣᠢᠨᠠ ᠲᠡᠷᠡ ᠪᠠᠰᠠ 乜克力 ᠭᠡᠳᠡᠭ ᠢ᠋ ᠬᠡᠷᠬᠢᠨ ᠤᠩᠰᠢᠬᠤ ᠲᠤᠬᠠᠢ ᠰᠢᠨᠵᠢᠯᠡᠭᠡᠨ ᠬᠢᠵᠦ ᠮᠸᠺᠷᠢᠨ (mekrin ) ᠭᠡᠵᠦ ᠤᠩᠰᠢᠨ ᠲᠠᠢᠯᠪᠤᠷᠢᠯᠠᠵᠠᠢ ᠃ ᠡᠭᠦᠨᠴᠡ ᠡᠬᠢᠯᠡᠨ ᠶᠠᠫᠣᠨ ᠤᠯᠤᠰ ᠵᠠ ᠡᠷᠳᠡᠮ ᠰᠢᠨᠵᠢᠯᠡᠭᠡᠨ ᠦ᠌ ᠬᠢᠨ 乜克力 ᠢ᠋ ᠪᠦᠷ ᠮᠸᠺᠷᠢᠨ ᠭᠡᠵᠦ ᠤᠩᠰᠢᠵᠤ ᠲᠡᠮᠳᠡᠭᠯᠡᠬᠦ ᠪᠣᠯᠵᠠᠢ ᠃ ᠭᠡᠪᠡᠴᠦ ᠮᠣᠩᠭᠣᠯ ᠤ᠋ᠨ ᠲᠡᠦᠬᠡ ᠶ᠋ᠢᠨ ᠰᠤᠷᠪᠤᠯᠵᠢ ᠪᠢᠴᠢᠭ ᠲᠦ᠍野乜克力 ᠪᠤᠶᠤ 乜克力 ᠶ᠋ᠢ 《 ᠤᠢᠭᠤᠳ 》 ᠭᠡᠵᠦ ᠲᠣᠳᠣᠷᠬᠠᠢ ᠲᠡᠮᠳᠡᠭᠯᠡᠵᠦ ᠢᠷᠡᠭᠰᠡᠨ ᠪᠠᠢᠳᠠᠯᠠᠴᠠ ᠰᠢᠨᠵᠢᠪᠡᠯ ᠂ ᠡᠨᠡᠬᠦ野 ᠦᠰᠦᠭ ᠢᠨᠤ ᠬᠠᠷᠢᠨ ᠴᠤ᠌E ( ᠣ ᠦᠰᠦᠭ ᠯᠤᠭᠡ ᠣᠢᠷᠠᠯᠴᠠᠭᠠ ᠠᠶᠠᠯᠭᠤ ) ᠭᠡᠬᠦ ᠠᠪᠢᠶᠠ ᠶ᠋ᠢ ᠲᠡᠮᠳᠡᠭᠯᠡᠭᠰᠡᠨ ᠦᠰᠦᠭ ᠪᠣᠯᠬᠤ ᠠ᠋ᠴᠠ ᠪᠢᠰᠢ ᠡᠭᠦᠨ ᠳ᠋ᠦ᠍ ᠬᠢᠲᠠᠳ ᠤᠳᠬᠠ ᠶ᠋ᠢᠨ 野蛮 ( ᠵᠡᠷᠯᠢᠭ ) ᠭᠡᠬᠦ ᠠᠭᠤᠯᠭᠠ ᠪᠠᠭᠲᠠᠵᠤ ᠦᠭᠡᠢ ᠃ 《乜 》ᠭᠡᠬᠦ ᠦᠰᠦᠭ ᠪᠣᠯ ᠬᠡᠳᠦᠨ ᠵᠦᠢᠯ ᠦ᠋ᠨ ᠳᠠᠭᠤᠳᠠᠯᠭᠠ ᠲᠠᠢ ᠦᠰᠦᠭ ᠲᠤᠯᠠ ᠠᠳᠠnie ( ᠨᠢ ᠦᠰᠦᠩᠯᠤᠭᠡ ᠣᠢᠷᠠᠯᠴᠠᠭᠠ ᠳᠠᠭᠤᠳᠠᠯᠭᠠ ) ᠭᠡᠵᠦ ᠤᠩᠰᠢᠪᠠᠯ ᠵᠣᠬᠢᠬᠤ ᠠ᠋ᠴᠠ ᠬᠠᠷᠢᠨme ᠭᠡᠵᠦ ᠤᠩᠰᠢᠵᠤ ᠦᠯᠦ ᠪᠣᠯᠤᠨᠠ ᠃ ᠡᠨᠡ ᠬᠦ᠌ 野也乜克力 ᠪᠣᠯ ᠤᠢᠭᠤᠷ ᠬᠡᠮᠡᠬᠦ ᠶ᠋ᠢᠨ ᠪᠤᠷᠤᠭᠤ ᠤᠩᠰᠢᠯᠭᠠ ᠪᠣᠯᠬᠤ 《 ᠣᠨᠢᠭᠤᠷ 》 ᠭᠡᠬᠦ ᠦᠭᠡ ᠶ᠋ᠢᠨ ᠠᠪᠢᠶᠠᠴᠢᠯᠠᠭᠰᠠᠨ ᠣᠷᠴᠢᠭᠤᠯᠭᠠ ᠲᠡᠳᠦᠢ ᠶᠦ᠍ᠮ ᠃ ᠣᠢᠭᠤᠳ ᠪᠣᠯ ᠤᠢᠭᠤᠷ ᠭᠡᠬᠦ ᠶ᠋ᠢᠨ ᠣᠯᠠᠨ ᠲᠣᠭᠠᠨ ᠤ᠋ ᠬᠡᠯᠪᠡᠷᠢ ᠪᠣᠯᠤᠨᠠ ᠃ ( ᠣᠯᠳᠣᠢ ᠮᠢᠨᠦ ᠪᠢᠴᠢᠭᠰᠡᠨ 《 ᠳᠤᠮᠳᠠᠳᠤ ᠤᠯᠤᠰ ᠤ᠋ᠨ ᠮᠣᠩᠭᠣᠯ ᠲᠡᠦᠬᠡ ᠶ᠋ᠢᠨ ᠨᠡᠢᠭᠡᠮᠯᠢᠭ ᠦ᠋ᠨ ᠥᠭᠦᠯᠡᠯ ᠦ᠋ᠨ ᠲᠡᠭᠦᠪᠦᠷᠢ 》 ᠶ᠋ᠢᠨ1980 ᠣᠨ ᠤ᠋ ᠬᠤᠭᠤᠴᠠᠭᠠ ᠳ᠋ᠤ᠌ ᠨᠡᠢᠲᠡᠯᠡᠭᠳᠡᠭᠰᠡᠨ 《 野也克力释 》 ᠭᠡᠬᠦ ᠵᠣᠬᠢᠶᠠᠯᠠᠴᠠ ᠦᠵᠡᠮᠦ ) ᠡᠨᠳᠡ ᠳᠤᠷᠠᠳᠤᠭᠰᠠᠨ ᠣᠢᠭᠤᠳ ᠭᠡᠳᠡᠭ ᠨᠢ ᠲᠤᠰ ᠠᠢᠮᠠᠭ ᠤ᠋ᠨ ᠢᠰᠮᠡᠨ ᠲᠠᠢᠰᠢ ᠶ᠋ᠢ ᠬᠡᠯᠡᠵᠦ ᠪᠣᠢ ᠃ ᠲᠡᠷᠡ ᠪᠣᠯ ᠮᠠᠨᠳᠤᠭᠤᠯ ᠬᠠᠭᠠᠨ ᠪᠠ ᠪᠣᠯᠬᠤ ᠵᠢᠨᠦᠩ ᠬᠣᠶᠠᠷ ᠢ᠋ ᠵᠠᠪᠰᠠᠷᠳᠠᠭᠤᠯᠤᠨ ᠬᠠᠳᠬᠤᠵᠤ ᠪᠣᠯᠬᠤ ᠵᠢᠨᠦᠩ ᠢ᠋ ᠳᠠᠢᠵᠢᠨ ᠶᠠᠪᠤᠭᠤᠯᠤᠭᠰᠠᠨ ᠬᠥᠮᠦᠨ ᠶᠦ᠍ᠮ ᠃
ᠡᠷᠳᠡᠨᠢ ᠮᠡᠲᠦ ᠬᠥᠪᠡᠭᠦᠨ ᠢ᠋ᠶ᠋ᠡᠨ ᠨᠢᠭᠡᠨ ᠨᠠᠰᠤᠲᠠᠢ ᠠ᠋ᠴᠠ ᠰᠠᠬᠢᠨ ᠂
ᠡᠷᠬᠡᠲᠦ ᠮᠥᠩᠬᠡ ᠲᠡᠭᠷᠢ ᠡᠴᠢᠭᠡ ᠳ᠋ᠡᠭᠡᠨ ᠥᠴᠢᠵᠦ ᠵᠠᠯᠪᠠᠷᠢᠨ ᠂
《 ᠴᠢᠪᠢᠯᠲᠦ ᠮᠠᠭᠤ ᠰᠡᠳᠬᠢᠯ ᠲᠠᠨ ᠢ᠋ ᠲᠩᠷᠢ ᠡᠵᠡᠨ ᠴᠢ ᠮᠡᠳᠡ ! 》 ᠭᠡᠮᠡᠨ
ᠴᠢᠩ ᠰᠡᠳᠬᠢᠯ ᠢ᠋ᠶ᠋ᠡᠷ ᠬᠠᠲᠠᠭᠤ ᠲᠠ ᠵᠠᠯᠪᠠᠷᠢᠭᠠᠳ
ᠴᠢᠬᠤᠯᠠ ᠬᠥᠪᠡᠭᠦᠨ ᠢ᠋ᠶ᠋ᠡᠨ ᠠᠶᠤᠨ ᠡᠮᠢᠶᠡᠨ ᠰᠠᠬᠢᠨ ᠬᠠᠳᠠᠭᠠᠯᠠᠵᠤ ᠂
ᠴᠢᠨᠳᠠᠮᠠᠨᠢ ᠮᠡᠲᠦ ᠳᠡᠯᠭᠡᠷᠡᠭᠦᠯᠪᠡᠢ ᠪᠣᠷᠵᠢᠭᠢᠨ ᠤ᠋ ᠠᠯᠲᠠᠨ ᠤᠷᠤᠭ ᠢ᠋ ᠃
ᠡᠷᠬᠡᠴᠤᠳ ᠲᠦᠮᠡᠨ ᠢ᠋ ①ᠥᠬᠢᠨ ᠮᠠᠨᠳᠤᠬᠠᠢ ᠬᠠᠲᠤᠨ ᠡᠬᠡ ᠢᠨᠦ ᠂
— — — —
①ᠮᠣᠩᠭᠣᠯ ᠰᠤᠷᠪᠤᠯᠵᠢ ᠪᠢᠴᠢᠭ ᠲᠦ᠍ 《 ᠶ᠋ᠢ ᠂ ᠶ᠋ᠢᠨ 》 ᠬᠣᠶᠠᠷ ᠳᠠᠭᠠᠪᠤᠷ ᠢ᠋ ᠰᠣᠯᠢᠯᠴᠠᠨ ᠪᠢᠴᠢᠬᠦ ᠵᠤᠷᠰᠢᠯ ᠪᠣᠢ ᠃ᠠᠳᠠ ᠪᠠᠢᠭᠠ 《 ᠡᠷᠬᠡᠴᠤᠳ ᠲᠦᠮᠡᠨ ᠢ᠋ 》 ᠭᠡᠰᠡᠨ ᠨᠢ ᠡᠳᠦᠭᠡ ᠶ᠋ᠢᠨ 《 ᠡᠷᠬᠡᠴᠦᠳ ᠲᠦᠮᠡᠨ ᠦ᠌ 》 ᠭᠡᠰᠡᠨ ᠦᠭᠡ ᠪᠣᠯᠤᠨᠠ ᠃ ᠡᠷᠬᠡᠴᠦᠳ ᠭᠡᠳᠡᠭ ᠨᠢ ᠬᠠᠷᠠᠴᠤᠰ ᠠ᠋ᠴᠠ ᠲᠠᠢᠰᠢ ᠪᠠ ᠴᠢᠩᠰᠠᠩ ᠵᠡᠷᠭᠡ ᠨᠣᠶᠠᠨ ᠪᠣᠯᠤᠭᠰᠠᠨ ᠢ᠋ ᠬᠡᠯᠡᠨᠡ ᠃ ᠡᠷᠬᠡᠴᠦᠳ ᠲᠦᠮᠡ ᠭᠡᠳᠡᠭ ᠨᠢ ᠲᠠᠢᠰᠢ ᠪᠤᠶᠤ ᠴᠢᠩᠰᠠᠩ ᠤ᠋ᠨ ᠬᠠᠷᠢᠶᠠᠯᠠᠬᠤ ᠲᠦᠮᠡᠨ ᠢ᠋ ᠵᠢᠭᠠᠨᠠ ᠃ ᠲᠦᠮᠡᠨ ᠪᠣᠯ ᠠᠩᠬᠠᠨ ᠳ᠋ᠠᠭᠠᠨ ᠲᠦᠮᠡᠨ ᠨᠡᠷᠡ ᠴᠡᠷᠢᠭ ᠭᠠᠷᠭᠠᠬᠤ ᠵᠠᠰᠠᠭ ᠵᠠᠬᠢᠷᠭᠠᠨ ᠤ᠋ ᠨᠢᠭᠡᠴᠢ ᠶ᠋ᠢ ᠬᠡᠯᠡᠵᠦ ᠪᠠᠢᠵᠠᠢ ᠃ ᠲᠠᠢᠮᠢᠩ ᠤᠯᠤᠰ ᠤ᠋ᠨ ᠦᠶᠡ ᠪᠣᠯᠬᠤ ᠳ᠋ᠤ᠌ ᠲᠦᠮᠡᠨ ᠦ᠌ ᠬᠡᠪᠴᠢᠶᠡ ᠨᠢ ᠥᠷᠭᠡᠳᠴᠦ ᠭᠠᠭᠴᠠ ᠲᠦᠮᠡᠨ ᠦ᠌ ᠲᠣᠭᠠ ᠶ᠋ᠢ ᠯᠡ ᠵᠢᠭᠠᠬᠤ ᠪᠢᠰᠢ ᠪᠣᠯᠵᠠᠢ ᠃ ᠵᠠᠷᠢᠮ ᠲᠦᠮᠡᠨ ᠦ᠌ ᠳᠣᠲᠣᠷᠠ ᠨᠢᠭᠡᠨᠲᠡ ᠬᠡᠳᠦᠨ ᠲᠦᠮᠡᠨ ᠴᠡᠷᠢᠭ ᠪᠠᠭᠲᠠᠬᠤ ᠪᠣᠯᠪᠠ ᠃ ᠮᠣᠩᠭᠣᠯ ᠰᠤᠷᠪᠤᠯᠵᠢ ᠪᠢᠴᠢᠭ ᠲᠦ᠍ 《ᠲᠦᠮᠡᠨ 》 ᠪᠠ 《 ᠤᠯᠤᠰ 》 ᠢ᠋ ᠨᠢᠭᠡᠨ ᠤᠬᠠᠭᠳᠠᠬᠤᠨ ᠶᠠᠷ ᠬᠡᠷᠡᠭᠯᠡᠨ ᠰᠣᠯᠢᠨ ᠪᠢᠴᠢᠵᠦ ᠪᠠᠢᠳᠠᠭ ᠃ ᠮᠠᠨᠳᠤᠬᠠᠢ ᠬᠠᠲᠤᠨ ᠤ᠋ ᠡᠴᠢᠭᠡ ᠪᠣᠯ ᠲᠦᠮᠡᠳ ᠲᠦᠮᠡᠨ ᠦ᠌ ᠡᠩᠭᠦᠳ ᠣᠲᠣᠭ ᠤ᠋ᠨ ᠴᠢᠩᠰᠠᠩ ᠪᠢᠯᠡ ᠃ ᠡᠢᠮᠦᠡᠴᠡ ᠡᠨᠳᠡ ᠮᠠᠨᠳᠤᠬᠠᠢ ᠬᠠᠲᠤᠨ ᠢ᠋ ᠡᠷᠬᠡᠴᠤᠳ ᠲᠦᠮᠡᠨ ᠦ᠌ ᠥᠬᠢᠨ ᠭᠡᠵᠦ ᠥᠭᠦᠯᠡᠭᠰᠡᠨ ᠠᠵᠢ ᠃
ᠡᠷᠳᠡᠨᠢ ᠮᠡᠲᠦ ᠰᠡᠳᠬᠢᠯᠳᠦ ᠰᠠᠢᠳ ᠯᠤᠭᠠ ᠪᠠᠨ ᠵᠥᠪᠯᠡᠯᠳᠦᠵᠦ
ᠡᠨᠳᠡᠭᠦᠷᠡᠯ ᠦᠭᠡᠢ ᠲᠠᠶᠤᠨ①ᠬᠠᠭᠠᠨ ᠤ᠋ ᠲᠡᠢᠨ ᠰᠠᠢᠰᠢᠶᠠᠭᠰᠠᠨ ᠢ᠋ᠶ᠋ᠠᠷ ᠂
ᠡᠷᠬᠡᠲᠦ ᠪᠣᠷᠵᠢᠭᠢᠨ ᠤ᠋ ᠭᠠᠯ ᠢ᠋ ᠰᠢᠲᠠᠭᠠᠭᠰᠠᠨ ᠢᠨᠦ ᠲᠡᠢᠮᠦ ᠪᠥᠯᠥᠭᠡ ᠃
ᠳᠣᠯᠣᠭᠠᠨ ᠨᠠᠰᠤᠲᠠᠢ ᠬᠣᠢᠲᠤ ᠡᠬᠡ ᠶ᠋ᠢ ᠠᠰᠠᠷᠠᠭᠤᠯᠤᠭᠠᠳ
ᠳᠥᠴᠢᠨ ᠲᠦᠮᠡᠨ ᠮᠣᠩᠭᠣᠯ②ᠴᠢᠭᠤᠯᠵᠤ ᠲᠠᠶᠤᠨ ᠬᠠᠭᠠᠨ ᠴᠣᠯᠠ ᠡᠷᠭᠦᠵᠦ
— — — —
①《ᠲᠠᠶᠤᠨ ᠬᠠᠭᠠᠨ ᠤ᠋ 》 《 ᠶ᠋ᠢᠨ 》 ᠨᠢ ᠡᠳᠦᠭᠡ ᠶ᠋ᠢᠨ 《 ᠢ᠋ 》 ᠲᠡᠢ ᠠᠳᠠᠯᠢ ᠃
②ᠲᠠᠢᠮᠢᠩ ᠤᠯᠤᠰ ᠤ᠋ᠨ ᠦᠶᠡ ᠳ᠋ᠦ᠍ ᠮᠣᠩᠭᠣᠯ ᠢ᠋ ᠵᠡᠭᠦᠨ ᠮᠣᠩᠭᠣᠯ ᠪᠠ ᠪᠠᠷᠠᠭᠤᠨ ᠣᠢᠷᠠᠳ ᠭᠡᠵᠦ ᠬᠣᠶᠠᠷ ᠶᠡᠬᠡ ᠪᠦᠯᠦᠭ ᠬᠤᠪᠢᠶᠠᠯᠠᠨ ᠥᠭᠦᠯᠡᠳᠡᠭ ᠃ᠲᠤᠬᠠᠢ ᠶ᠋ᠢᠨ ᠦᠶᠡ ᠳ᠋ᠦ᠍ ᠮᠣᠩᠭᠣᠯᠴᠤᠳ ᠤ᠋ᠨ ᠳᠠᠳᠬᠠᠯ ᠢ᠋ᠶ᠋ᠠᠷ ᠂ ᠵᠡᠭᠦᠨ ᠮᠣᠩᠭᠣᠯ ᠢ᠋ ᠳᠥᠴᠢᠨ ᠲᠦᠮᠡᠨ ᠂ ᠪᠠᠷᠠᠭᠤᠨ ᠣᠢᠷᠠᠳ ᠢ᠋ ᠳᠥᠷᠪᠡᠨ ᠲᠦᠮᠡᠨ ᠭᠡᠵᠦ ᠦᠵᠡᠳᠡᠭ ᠲᠤᠯᠠ ᠵᠡᠭᠦᠨ ᠮᠣᠩᠭᠣᠯ ᠢ᠋ ᠳᠥᠴᠢᠨ ᠲᠦᠮᠡᠨ ᠮᠣᠩᠭᠣᠯ ᠂ ᠪᠠᠷᠠᠭᠤᠨ ᠣᠢᠷᠠᠳ ᠢ᠋ ᠳᠥᠷᠪᠡᠨ ᠲᠦᠮᠡᠨ ᠣᠢᠷᠠᠳ ᠭᠡᠵᠦ ᠥᠭᠦᠯᠡᠳᠡᠭ ᠃ ᠮᠣᠩᠭᠣᠯ ᠰᠤᠷᠪᠤᠯᠵᠢ ᠪᠢᠴᠢᠭ ᠲᠦ᠍ ᠪᠦᠬᠦᠢ 《 ᠳᠥᠴᠢᠨ ᠳᠥᠷᠪᠡᠨ ᠬᠣᠶᠠᠷ 》 ᠭᠡᠳᠡᠭ ᠦᠭᠡ ᠪᠣᠯ ᠪᠦᠬᠦ ᠮᠣᠩᠭᠣᠯ ᠢ᠋ ᠵᠢᠭᠠᠨ ᠥᠭᠦᠯᠡᠭᠰᠡᠨ ᠪᠢᠯᠡ ᠃ ᠬᠢᠲᠠᠳ ᠪᠢᠴᠢᠭ ᠲᠦ᠍ ᠵᠡᠭᠦᠨ ᠮᠣᠩᠭᠣᠯ ᠢ᠋ ᠲᠠ ᠳᠠ (鞑靼 ) ᠭᠡᠵᠦ ᠪᠠᠷᠠᠭᠤᠨ ᠣᠢᠷᠠᠳ ᠢ᠋ ᠸᠠ ᠯᠠ ( 瓦剌) ᠭᠡᠳᠡᠭ ᠃
ᠲᠥᠷᠥ ᠶᠣᠰᠣᠨ ᠢ᠋ ᠡᠬᠢᠯᠡᠨ ᠲᠦᠰᠢᠮᠡᠳ ᠰᠠᠢᠳ ᠤ᠋ᠨ ᠦᠭᠡᠰ ᠢ᠋ ᠠᠪᠤᠭᠠᠳ
ᠲᠦᠪᠰᠢᠨᠡ ᠵᠣᠬᠢᠶᠠᠨ ᠵᠠᠰᠠᠨ ᠶᠠᠪᠤᠲᠠᠯᠠ ᠪᠠᠰᠠ ᠬᠦ᠌
ᠲᠡᠷᠡ ᠪᠠᠲᠤ ᠮᠥᠩᠬᠡ ᠳᠠᠶᠤᠨ ᠬᠠᠭᠠᠨ ᠠ᠋ᠴᠠ ᠤᠯᠠᠮ ᠰᠠᠯᠵᠤ
ᠲᠡᠳᠡᠭᠡᠷ ᠠᠷᠪᠠᠨ ᠨᠢᠭᠡᠨ ᠬᠠᠳ ᠬᠥᠪᠡᠭᠦᠳ ᠲᠥᠷᠥᠵᠦ ᠪᠦᠷ ᠦ᠋ᠨ ᠄
ᠳᠡᠭᠡᠳᠦ ᠶᠡᠬᠡ ᠬᠥᠪᠡᠭᠦᠨ ᠢᠨᠤ ᠲᠥᠷᠥ ᠪᠠᠢᠬᠤ ①
ᠲᠡᠭᠦᠨ ᠤ ᠳᠡᠭᠦ ᠢᠨᠤ ᠤᠯᠤᠰ ᠪᠠᠢᠬᠤ ②
ᠲᠡᠭᠦᠨ ᠦ᠌ ᠳᠡᠭᠦ ᠢᠨᠤ ᠪᠠᠷᠰᠤ ᠪᠣᠯᠣᠳ ③
ᠲᠡᠭᠦᠨ ᠤ᠋ ᠳᠡᠭᠦ ᠠᠷᠰᠤᠪᠠᠯᠠᠳ④
— — — —
① 《ᠡᠷᠳᠡᠨᠢ ᠶ᠋ᠢᠨ ᠲᠣᠪᠴᠢ 》 ᠳ᠋ᠤ᠌ ᠲᠥᠷᠥ ᠪᠣᠯᠣᠳ ᠭᠡᠵᠦ ᠬᠢᠲᠠᠳ ᠪᠢᠴᠢᠭ ᠲᠦ᠍ ᠲᠢᠶᠧ ᠯᠢ ᠪᠠᠢ ᠬᠦ᠌ (铁力摆户） ᠭᠡᠳᠡᠭ ᠃
② 《 ᠡᠷᠳᠡᠨᠢ ᠶ᠋ᠢᠨ ᠲᠣᠪᠴᠢ 》 ᠳ᠋ᠤ᠌ ᠤᠯᠤᠰ ᠪᠣᠯᠣᠳ ᠭᠡᠵᠦ ᠬᠢᠲᠠᠳ ᠪᠢᠴᠢᠭ ᠲᠦ᠍ ᠡᠦ ᠯᠦ᠍ ᠱᠢ ᠲᠠᠢᠵᠢ (五路士台吉） ᠪᠤᠶᠤ ᠠ ᠡᠯ ᠯᠦᠨ（阿尔伦） ᠭᠡᠳᠡᠭ᠃
③ ᠬᠢᠲᠠᠳ ᠪᠢᠴᠢᠭ ᠲᠦ᠍ ᠪᠠᠷᠰᠤ ᠪᠣᠯᠣᠳ ᠢ᠋ ᠋ᠠ ᠵᠣ᠌ (阿著 ) ᠭᠡᠳᠡᠭ ᠃
④《 ᠡᠷᠳᠡᠨᠢ ᠶ᠋ᠢᠨ ᠲᠣᠪᠴᠢ 》 ᠳ᠋ᠤ᠌ ᠠᠷᠰᠤᠪᠤᠯᠤᠳ ᠭᠡᠵᠦ ᠂ ᠬᠢᠲᠠᠳ ᠪᠢᠴᠢᠭ ᠲᠦ᠍ ᠥᠸᠧ ᠵᠧ ᠬᠣᠩ ᠲᠠᠢᠵᠢ （我折黄台吉） ᠭᠡᠬᠦ ᠪᠤᠶᠤ ᠲᠦᠮᠡᠳ ᠢ᠋ ᠵᠠᠬᠢᠷᠴᠤ ᠪᠠᠢᠭᠰᠠᠨ ᠤ᠋ ᠣᠴᠢᠷᠠ ᠲᠡᠭᠦᠨ ᠢ᠋ ᠪᠠᠰᠠ ᠮᠠᠨ ᠭᠦᠸᠠᠨ ᠴᠧᠨ ( 满宫嗔 ᠮᠣᠩᠭᠣᠯᠵᠢᠨ ᠪᠤᠶᠤ ᠂ ᠲᠦᠮᠡᠳ ᠢ᠋ ᠪᠠᠰᠠ ᠮᠣᠩᠭᠣᠯᠵᠢᠨ ᠭᠡᠳᠡᠭ ) ᠭᠡᠵᠦ ᠳᠠᠭᠤᠳᠠᠳᠠᠭ ᠃
ᠲᠡᠭᠦᠨ ᠦ᠌ ᠳᠡᠭᠦ ᠢᠨᠤ ᠦᠳᠡ ᠪᠡᠯᠡᠳ ①
ᠲᠡᠭᠦᠨ ᠦ᠌ ᠳᠡᠭᠦ ᠢᠨᠤ ᠡᠯ ᠪᠤᠬᠤᠷᠠ ②
ᠲᠡᠭᠦᠨ ᠦ᠌ ᠳᠡᠭᠦ ᠢᠨᠤ ᠠᠯ ᠪᠤᠬᠤᠷᠠ③
ᠲᠡᠭᠦᠨ ᠦ᠌ ᠳᠡᠭᠦ ᠢᠨᠤ ᠭᠡᠭᠡᠨ ᠮᠥᠩᠬᠡ ④
ᠲᠡᠭᠦᠨ ᠦ᠌ ᠳᠡᠭᠦ ᠢᠨᠤ ᠴᠠᠭ ᠮᠥᠩᠬᠡ ᠪᠣᠢ⑤
ᠲᠡᠭᠦᠨ ᠦ᠌ ᠳᠡᠭᠦ ᠢᠨᠤ ᠭᠡᠷᠡᠰᠡᠨᠵᠢ ⑥
ᠲᠡᠭᠦᠨ ᠦ᠌ ᠳᠡᠭᠦ ᠢᠨᠤ ᠤᠪᠠᠰᠠᠨᠵᠢ ⑦ ᠨᠡᠷᠡᠲᠡᠨ ᠬᠥᠪᠡᠭᠦᠳ ᠪᠦᠯᠦᠭᠡᠢ᠃
— — — —
①《 ᠡᠷᠳᠡᠨᠢ ᠶ᠋ᠢᠨ ᠲᠣᠪᠴᠢ》 ᠳ᠋ᠤ᠌ ᠸᠴᠢᠷ ᠪᠣᠯᠣᠳ ᠭᠡᠵᠦ ᠬᠢᠲᠠᠳ ᠪᠢᠴᠢᠭ ᠲᠦ᠍ ᠠ ᠴᠢ ᠯᠠᠢ ᠲᠠᠢᠵᠢ (阿赤赖台吉 ) ᠭᠡᠳᠡᠭ ᠃
②《 ᠡᠷᠳᠡᠨᠢ ᠶ᠋ᠢᠨ ᠲᠣᠪᠴᠢ 》 ᠳ᠋ᠤ᠌ ᠠᠯᠴᠤᠪᠤᠯᠤᠳ ᠭᠡᠵᠦ ᠬᠢᠲᠠᠳ ᠪᠢᠴᠢᠭ ᠲᠦ᠍ ᠨᠠ ᠯᠢ ᠪᠤ᠌ ᠯᠠ ᠲᠠᠶ᠋ᠢᠵᠢ (纳力不刺台吉 ) ᠭᠡᠳᠡᠭ ᠃
③《 ᠡᠷᠳᠡᠨᠢ ᠶ᠋ᠢᠨ ᠲᠣᠪᠴᠢ 》 ᠳ᠋ᠤ᠌ ᠠᠷᠠᠪᠤᠯᠤᠳ ᠭᠡᠵᠦ ᠬᠢᠲᠠᠳ ᠪᠢᠴᠢᠭ ᠲᠦ᠍ ᠨᠠ ᠯᠢ ᠪᠤ᠌ ᠯᠠᠢ ᠲᠠᠶ᠋ᠢᠵᠢ (纳力不赖台吉 ) ᠭᠡᠳᠡᠭ ᠃
④ ᠡᠷᠳᠡᠨᠢ ᠵᠠ ᠲᠣᠪᠴᠢ 》 ᠳ᠋ᠤ᠌ ᠭᠡᠷᠡᠪᠤᠯᠤᠳ ᠭᠡᠳᠡᠭ ᠃
⑤《 ᠡᠷᠳᠡᠨᠢ ᠶ᠋ᠢᠨ ᠲᠣᠪᠴᠢ 》 ᠳ᠋ᠤ᠌ ᠭᠡᠷᠡᠲᠦ ᠳᠠᠢᠴᠢ ᠭᠡᠳᠡᠭ ᠃
⑥ ᠰᠢᠷᠠ ᠲᠣᠭᠣᠵᠢ ᠳ᠋ᠤ᠌ ᠭᠡᠷᠡᠰᠡᠨᠵᠡ ᠵᠠᠯᠠᠶ᠋ᠢᠷ ᠲᠠᠢᠵᠢ ᠭᠡᠳᠡᠭ ᠃
⑦《ᠡᠷᠳᠡᠨᠢ ᠶ᠋ᠢᠨ ᠲᠣᠪᠴᠢ》 ᠳ᠋ᠤ᠌ ᠣᠪᠰᠢᠭᠤᠨ ᠴᠢᠩ ᠲᠠᠶ᠋ᠢᠵᠢ ᠪᠤᠶᠤ ᠣᠪᠰᠠᠨᠵᠠ ᠴᠢᠩ ᠲᠠᠶ᠋ᠢᠵᠢ ᠭᠡᠨᠡ ᠃ ᠰᠢᠷᠠ ᠲᠣᠭᠣᠵᠢ ᠳ᠋ᠤ᠌ ᠳᠥᠭᠥᠮᠴᠢᠯᠡᠨ ᠴᠢᠩ ᠲᠠᠶ᠋ᠢᠵᠢ ᠭᠡᠳᠡᠭ ᠃ ᠰᠢᠶᠣᠤ ᠳᠠ ᠾᠧᠩ ( 肖大亨) ᠦ᠋ᠨ ᠵᠣᠬᠢᠶᠠᠭᠰᠠᠨ 《 ᠮᠣᠩᠭᠣᠯ ᠵᠠᠩ ᠰᠤᠷᠲᠠᠬᠤᠨ 》 (北 虏风俗) ᠭᠡᠬᠦ ᠪᠢᠴᠢᠭ ᠲᠦ᠍ ᠣᠪᠰᠠᠨᠵᠠ ᠴᠢᠩ ᠲᠠᠢᠵᠢ ᠶ᠋ᠢ ᠡᠦ ᠪᠠ ᠱᠠᠨ ᡁᠢ ᠲᠠᠢᠵᠢ ( 五八只台吉) ᠭᠡᠵᠡᠢ ᠃
396