ᠰᠢᠭᠤᠷᠭᠠᠨ ᠳ᠋ᠤ᠌ （ ᠬᠡᠯᠡ ᠪᠢᠴᠢᠭ – ᠶᠢᠰᠦᠳᠦᠭᠡᠷ ᠳᠡᠪᠲᠡᠷ） Шуурганд（ Хэл бичиг – Есдүгээр дэвтэр）
350ᠰᠢᠭᠤᠷᠭᠠᠨ ᠳ᠋ᠤ᠌
ᠦᠨᠡᠰᠦᠨ ᠰᠠᠷᠠᠯ ᠡᠭᠦᠯᠡᠰ ᠨᠡᠲᠦᠶ᠋ᠢᠵᠦ᠂ ᠥᠷᠯᠥᠭᠡᠨ ᠪ ᠬᠦᠢᠲᠡᠨ ᠰᠠᠯᠬᠢ ᠢᠰᠬᠡᠷᠦᠨ ᠱᠤᠤᠭᠢᠭᠠᠳ᠂ ᠥᠷᠭᠡᠨ ᠲᠠᠯᠠ ᠶ᠋ᠢᠨ ᠡᠪᠡᠰᠦ ᠬᠤᠯᠤᠰᠤ ᠶ᠋ᠢ ᠬᠤᠶ᠋ᠢᠯᠠᠷᠠᠭᠤᠯᠤᠨᠠ᠂ ᠬᠠᠴᠠᠷ ᠵᠦᠰᠦᠴᠢᠬᠡᠮᠡᠷ ᠵᠢᠭᠡᠬᠦᠨ ᠵᠢᠪᠠᠷ ᠬᠤᠷᠤᠭᠤ ᠶ᠋ᠢ ᠬᠠᠭᠠᠷᠢᠵᠤ᠂ ᠵᠤᠳ ᠲᠠᠢ ᠲᠡᠭᠷᠢ ᠶ᠋ᠢᠨ ᠬᠦᠢᠲᠡᠨ ᠴᠢᠷᠠᠢ ᠲᠠᠭᠠᠯᠠᠮᠵᠢ ᠦᠭᠡᠶ᠋ᠢᠬᠡᠨ ᠪᠠᠶ᠋ᠢᠯᠠ᠃
ᠰᠡᠷᠡᠩ ᠮᠠᠯ ᠶ᠋ᠢᠠᠨ ᠤᠰᠤᠯᠠᠭᠠᠳ ᠭᠡᠷ ᠲᠡᠭᠡᠨ ᠣᠷᠤᠲᠠᠯᠠ ᠡᠮᠡᠭᠡ ᠡᠵᠢ ᠨᠢ ᠄《 ᠬᠦᠦ ᠮᠢᠨᠢ᠂ ᠨᠡᠬᠡᠢ ᠳᠡᠪᠡᠯ ᠶ᠋ᠢᠡᠨ ᠡᠮᠦᠰ ! ᠡᠨᠡ ᠡᠲᠦᠷ ᠦ᠋ᠨ ᠲᠡᠭᠷᠢ ᠶ᠋ᠢᠨ ᠰᠢᠨᠵᠢ ᠰᠢᠭᠤᠷᠬ᠋ᠠ ᠪᠣᠯᠬᠤ ᠲᠥᠯᠥᠪ ᠲᠡᠢ 》ᠭᠡᠵᠦ ᠬᠡᠯᠡᠪᠡ᠃
ᠰᠡᠷᠡᠩ ᠡᠮᠡᠭᠡ ᠡᠵᠢ ᠶ᠋ᠢᠨ ᠶ᠋ᠢᠡᠨ ᠦᠭᠡ ᠪᠡᠷ ᠨᠡᠬᠡᠢ ᠳᠡᠪᠡᠯ ᠶ᠋ᠢᠡᠨ ᠡᠮᠦᠰᠬᠦ ᠳ᠋ᠡᠭᠡᠨ᠄《 ᠠᠪᠠᠬ᠋ᠠ ᠣᠲᠣ ᠬᠤᠷᠠᠯ ᠶ᠋ᠢᠠᠨ ᠲᠡᠭᠦᠰᠭᠡᠬᠡᠳ ᠭᠠᠷᠴᠤ ᠢᠷᠡᠭᠰᠡᠨ ᠳ᠋ᠠ 》ᠭᠡᠵᠦ ᠬᠡᠯᠡᠪᠡ᠃
ᠤᠤᠯ ᠨᠢ ᠰᠡᠷᠡᠩ ᠦ᠋ᠨ ᠠᠪᠠᠬ᠋ᠠ ᠭᠠᠯᠰᠠᠩ ᠲᠠᠪᠤᠨ ᠡᠲᠦᠷ ᠦ᠋ᠨ ᠡᠮᠦᠨᠡ ᠨᠢᠭᠡᠲᠦᠯ ᠳᠡᠭᠡᠷᠡ ᠮᠠᠯᠴᠢᠨ ᠪ ᠵᠢᠱ᠌ᠢᠶᠡᠴᠢᠳ ᠦ᠋ᠨ ᠬᠤᠷᠠᠯ ᠳᠤ ᠶᠠᠪᠤᠬᠰᠠᠨ ᠪᠠᠶ᠋ᠢᠵᠠᠢ᠃ ᠰᠡᠷᠡᠩ᠂ ᠠᠪᠠᠬ᠋ᠠ ᠪᠠᠨ ᠶᠠᠪᠤᠬᠤ ᠶ᠋ᠢᠨ ᠡᠮᠦᠨᠡ ᠡᠲᠦᠷ ᠨᠢ ᠠᠮᠠᠷᠠᠯᠲᠠ ᠪᠠᠷ ᠢᠷᠡᠭᠡᠳ ᠠᠪᠠᠬ᠋ᠠ ᠪᠠᠨ ᠶᠠᠪᠤᠬᠰᠠᠨ ᠪ ᠬᠣᠶ᠋ᠢᠨᠠ ᠲᠡᠭᠦᠨ ᠊ᠢ ᠣᠷᠣᠯᠠᠨ ᠪᠠᠷᠢᠭᠠᠲᠠ ᠶ᠋ᠢᠨ ᠮᠠᠯ ᠊ᠢ ᠬᠠᠷᠢᠭᠤᠯᠬᠤ ᠪᠣᠯᠵᠠᠢ᠃ ᠰᠡᠷᠡᠩ ᠡᠨᠡ ᠵᠢᠯ ᠠᠷᠪᠠᠨ ᠵᠢᠷᠭᠤᠭᠠᠨ ᠨᠠᠰᠤᠲᠠᠢ᠂ ᠲᠡᠭᠡᠲᠦ ᠵᠡᠷᠭᠡ ᠶ᠋ᠢᠨ ᠳᠤᠮᠳᠠᠳᠤ ᠰᠤᠷᠭᠠᠭᠤᠯᠢ ᠶ᠋ᠢᠨ ᠨᠢᠭᠡᠲᠦᠭᠡᠷ ᠣᠨ ᠪ ᠰᠤᠷᠤᠬᠴᠢ ᠶᠤᠮ᠃ ᠲᠡᠭᠦᠨ ᠳᠤ ᠥᠪᠡᠷ ᠦ᠋ᠨ ᠭᠡᠷ ᠨᠤᠲᠤᠭ ᠦ᠋ᠨ ᠬᠢᠨᠢ ᠦᠵᠡᠮᠵᠢ ᠪᠠᠶ᠋ᠢᠲᠠᠯ ᠲᠤᠶ᠋ᠢᠯ ᠦ᠋ᠨ ᠰᠠᠶ᠋ᠢᠬᠠᠨ ᠦᠵᠡᠭᠳᠡᠵᠦ᠂ ᠲᠠᠨᠠ ᠰᠤᠪᠤᠳ ᠰᠢᠭ᠋ ᠪᠠᠶᠠᠨ ᠰᠦᠷᠦᠭ ᠨᠢ ᠬᠢᠵᠠᠭᠠᠯᠠᠰᠢ ᠦᠭᠡᠢ ᠪᠠᠶᠠᠷ ᠪᠠᠬᠠᠲᠤᠯ ᠊ᠢ ᠨᠢ ᠲᠥᠷᠥᠭᠦᠯᠦᠨᠡ᠃ ᠲᠡᠷᠡ᠂ ᠥᠷᠯᠥᠭᠡ ᠪᠦᠷᠢ ᠡᠷᠲᠡᠯᠡᠵᠦ ᠪᠣᠰᠤᠭᠠᠳ ᠮᠠᠯ ᠶ᠋ᠢᠠᠨ ᠪᠡᠯᠴᠢᠭᠡᠷᠯᠡᠭᠦᠯᠳᠡᠭ ᠪᠠᠶ᠋ᠢᠨᠠ᠃
ᠰᠡᠷᠡᠩ ᠳᠡᠪᠡᠯ ᠶ᠋ᠢᠡᠨ ᠡᠮᠦᠰᠴᠦ ᠭᠠᠷᠴᠤ ᠢᠷᠡᠭᠡᠳ ᠮᠣᠷᠢ ᠪᠠᠨ ᠡᠮᠡᠭᠡᠯᠯᠡᠵᠦ᠂ ᠤᠷᠬ᠋ᠠ ᠪᠠᠨ ᠳᠣᠬᠤᠶ᠋ᠢᠯᠠᠨ ᠮᠣᠷᠲᠠᠩᠭᠤᠲᠠ ᠪᠡᠯᠴᠢᠭᠡᠷ ᠵᠦᠭ ᠶ᠋ᠢᠡᠨ ᠪᠡᠯᠴᠢᠭᠡᠷᠯᠡᠨ ᠶᠠᠪᠤᠵᠤ ᠪᠠᠶ᠋ᠢᠬ᠋ᠠ ᠦᠬᠡᠷ ᠰᠦᠷᠦᠭ ᠦ᠋ᠨ ᠵᠦᠭ ᠳᠠᠪᠬᠢᠨ ᠬᠦᠷᠪᠡ᠃ ᠰᠡᠷᠡᠩ ᠳᠤ ᠡᠨᠡ ᠬᠦ ᠥᠷᠭᠡᠨ ᠶᠡᠬᠡ ᠪᠡᠯᠴᠢᠭᠡᠷ ᠲᠡᠭᠡᠨ ᠡᠪᠡᠰᠦᠨ ᠰᠤᠷ ᠊ᠢ ᠡᠮᠬᠦᠯᠡᠵᠦ ᠶᠠᠪᠤᠬ᠋ᠠ ᠮᠠᠯ ᠰᠦᠷᠦᠭ ᠨᠢ ᠶᠠᠭᠠᠬᠢᠬᠰᠠᠨ ᠰᠠᠶ᠋ᠢᠬᠠᠨ ᠬᠠᠷᠠᠬᠳᠠᠬᠤ ᠪᠥᠭᠡᠳ ᠶᠠᠭᠤᠲᠠᠢ ᠶᠡᠬᠡ ᠪᠠᠶᠠᠷ ᠪᠠᠬᠠᠲᠤᠯ ᠊ᠢ ᠨᠢ ᠣᠷᠬᠢᠯᠤᠭᠤᠯᠬᠤ ᠠᠵᠢ ! ᠡᠨᠡ ᠭ᠌ᠱᠠᠨᠠ《 ᠲᠠᠯᠠ ᠨᠤᠲᠤᠭ ᠦ᠋ᠨ ᠡᠷᠲᠡᠨᠢ ᠪᠣᠯᠤᠬᠰᠠᠨ ᠡᠲᠡᠭᠡᠷ ᠣᠯᠠᠨ ᠮᠠᠯ ᠰᠦᠷᠦᠭ ᠦ᠋ᠳ᠂ ᠡᠬᠡ ᠣᠷᠣᠨ ᠪ ᠮᠢᠨᠢ ᠮᠠᠨᠲᠤᠯ ᠴᠡᠴᠡᠭᠯᠡᠯ ᠳᠤ ᠶᠠᠮᠠᠷ ᠶᠡᠬᠡ ᠬᠤᠪᠢ ᠨᠡᠮᠡᠭᠦᠷᠢ ᠪᠠᠨ ᠦᠵᠡᠭᠦᠯᠵᠦ᠂ ᠬᠣᠪᠣᠷ ᠭᠠᠷᠤᠯᠲᠠ ᠪᠠᠨ ᠥᠭᠭᠦᠭᠡ ᠪᠣᠯ !
ᠡᠶ᠋ᠢᠮᠦ ᠰᠠᠶ᠋ᠢᠬᠠᠨ ᠪᠠᠶᠠᠯᠢᠬ ᠭᠠᠷᠤᠯᠲᠠ ᠲᠠᠢ ᠪᠠᠶᠠᠨ ᠴᠢᠨᠡᠭᠡᠯᠢᠭ ᠣᠷᠣᠨ ᠪ ᠪᠠᠨ ᠢᠷᠡᠭᠡᠲᠦᠢ ᠶ᠋ᠢᠨ ᠴᠡᠴᠡᠭᠯᠡᠯ ᠊ᠢ ᠲᠤᠯᠭᠠᠭᠤᠷᠢᠯᠠᠵᠤ᠂ ᠡᠬᠡ ᠣᠷᠣᠨ ᠳ᠋ᠠᠭᠠᠨ ᠬᠠᠮᠤᠭ ᠬᠦᠴᠦ ᠪᠡᠨ ᠵᠣᠷᠢᠭᠤᠯᠵᠤ᠂ ᠬᠠᠮᠲᠤ ᠨᠡᠶ᠋ᠢᠲᠡ ᠶ᠋ᠢᠨ ᠲᠥᠯᠥᠭᠡ ᠨᠠᠰᠤ ᠪᠠᠷ ᠶ᠋ᠢᠠᠨ ᠵᠢᠤᠠᠬᠦᠬᠦ ᠪᠣᠯ ᠡᠬᠡ ᠣᠷᠣᠨ ᠪ ᠡᠵᠡᠨ ᠮᠢᠨᠦ᠂ ᠬᠢᠵᠠᠭᠠᠯᠠᠰᠢ ᠦᠭᠡᠢ ᠵᠢᠷᠭᠠᠯ ᠳ᠋ᠠ ᠁ 》ᠭᠡᠬᠦ ᠪᠠᠶᠠᠷ ᠪᠠᠬᠠᠲᠤᠯᠲᠤ ᠪᠣᠲᠣᠯ ᠲᠡᠭᠦᠨ ᠪ ᠪᠣᠷᠣ ᠤᠯᠠᠭᠠᠨ ᠵᠢᠷᠦᠬᠡᠨ ᠳ᠋ᠤᠨᠢ ᠴᠢᠩᠭᠠᠷᠠᠭᠠᠳ᠂ ᠬᠤᠷᠠ ᠰᠠᠯᠬᠢᠨ ᠳᠤ ᠪᠤᠯᠪᠠᠰᠤᠷᠠᠬᠳᠠᠬᠰᠠᠨ ᠬᠥᠷᠥᠰᠦᠯᠢᠭ ᠪᠣᠷᠣ ᠬᠠᠴᠠᠷ ᠡᠴᠨ ᠨᠢ ᠢᠨᠢᠶᠡᠮᠰᠦᠭᠯᠡᠯ ᠢᠯᠡᠷᠡᠨᠡ᠃
ᠬᠠᠯᠢᠭᠤᠷᠠᠨ ᠳᠣᠯᠬᠢᠶᠠᠯᠠᠬᠰᠠᠨ ᠥᠷᠭᠡᠨ ᠠᠭᠤᠲᠠᠮ ᠪᠡᠯᠴᠢᠭᠡᠷ ᠲᠦ ᠬᠠᠷᠠᠬ᠋ᠠ ᠪᠠᠬᠲᠠᠮᠠ ᠮᠠᠯ ᠰᠦᠷᠦᠭ ᠦ᠋ᠳ ᠰᠢᠮᠡ ᠲᠡᠵᠢᠭᠡᠯᠲᠦ ᠡᠪᠡᠰᠦᠨ ᠰᠤᠷ ᠊ᠢ ᠠᠮᠠ ᠠᠮᠠ ᠪᠠᠷ ᠡᠮᠬᠦᠯᠡᠵᠦ ᠶᠠᠪᠤᠨᠠ᠃ ᠰᠦᠷᠦᠭ ᠦ᠋ᠨ ᠳᠤᠮᠳᠠ ᠬᠠᠶᠠ ᠨᠢᠭᠡ ᠮᠥᠭᠡᠷᠡᠬᠦ ᠪᠢᠷᠠᠭᠤ ᠲᠤᠭᠤᠯ ᠦ᠋ᠨ ᠳᠠᠭᠤᠨ ᠰᠣᠨᠣᠰᠲᠠᠨᠠ᠃
ᠲᠠᠭᠠᠯᠠᠮᠵᠢ ᠦᠭᠡᠢ ᠪᠠᠶ᠋ᠢᠬᠰᠠᠨ ᠲᠡᠭᠷᠢ ᠶ᠋ᠢᠨ ᠴᠢᠷᠠᠢ ᠦᠲᠡ ᠪᠣᠯᠬᠤ ᠶ᠋ᠢᠨ ᠬᠢᠷᠢ ᠳ᠋ᠤ᠌ ᠤᠯᠠᠮ ᠯᠡ ᠪᠦᠷᠬᠦᠶ᠋ᠢᠭᠡᠳ ᠬᠥᠪᠡᠭᠡ ᠬᠢᠵᠠᠭᠠᠷ ᠦᠭᠡᠢ ᠬᠥᠬᠡ ᠡᠭᠦᠯᠡᠰ ᠨᠡᠲᠦᠶ᠋ᠢᠵᠦ᠂ ᠬᠦᠢᠲᠡᠨ ᠰᠠᠯᠬᠢ ᠪᠠᠷᠠᠭᠤᠨ ᠬᠣᠶ᠋ᠢᠨᠠ ᠠ᠋ᠴᠠ ᠢᠰᠬᠡᠷᠬᠦ ᠳᠤ ᠪᠢᠯᠵᠤᠤᠬᠠᠢ ᠰᠦᠷᠦᠭ ᠰᠦᠷᠦᠭ ᠶ᠋ᠢᠡᠷ ᠱᠤᠯᠤᠭᠠᠨᠠᠵᠤ ᠭᠠᠷᠤᠯᠠ᠃ ᠰᠡᠷᠡᠩ ᠬᠡᠲᠦᠶ᠋ᠢᠪᠡᠷ ᠳᠤᠷᠰᠢᠯᠭᠠ ᠦᠭᠡᠢ ᠪᠠᠬ᠋ᠠ ᠨᠠᠰᠤᠨ ᠪ ᠰᠤᠷᠤᠬᠴᠢ ᠪᠣᠯᠪᠠᠴᠤ ᠡᠨᠡ ᠪᠣᠯ ᠶᠡᠬᠡ ᠵᠤᠳ ᠪᠣᠯᠬᠤ ᠶ᠋ᠢᠨ ᠲᠡᠮᠲᠡᠭ ᠭᠡᠭᠴᠢ ᠶ᠋ᠢ ᠮᠡᠲᠡᠵᠦ ᠪᠠᠶ᠋ᠢᠯᠠ᠃ ᠲᠡᠷᠡ ᠮᠠᠯᠠᠭᠠᠢ ᠶ᠋ᠢᠨ ᠴᠢᠬᠢᠪᠴᠢ ᠪᠡᠨ ᠶᠠᠪ ᠪᠠᠭᠤᠲᠠᠯᠠ ᠳᠠᠷᠤᠭᠠᠳ᠂ ᠮᠠᠯ ᠶ᠋ᠢᠠᠨ ᠤᠷᠤᠭᠤᠲᠠᠭᠤᠯᠬᠤ ᠦᠭᠡᠢ ᠶ᠋ᠢᠨ ᠲᠥᠯᠥᠭᠡ ᠨᠥᠮᠥᠷᠢ ᠳᠤ ᠣᠷᠣᠭᠤᠯᠬᠤ ᠪᠠᠷ ᠰᠢᠢᠤᠠᠪᠡ᠃
ᠤᠲᠠᠯ ᠦᠭᠡᠢ ᠦᠨᠡᠬᠡᠷ ᠴᠤ᠌ ᠬᠠᠷᠠ ᠰᠠᠯᠬᠢ ᠦᠯᠢᠶᠡᠵᠦ᠂ ᠴᠠᠰᠤ ᠰᠢᠭᠤᠷᠤᠭᠠᠳ ᠨᠢᠲᠦ ᠴᠠᠪᠴᠢᠬᠤ ᠶ᠋ᠢᠨ ᠭ᠌ᠱᠠᠨ ᠳᠤ ᠭᠠᠵᠠᠷ ᠳᠡᠯᠡᠬᠡᠢ ᠴᠠᠶ᠋ᠢᠷᠠᠪᠠ᠃
ᠲᠠᠭᠠᠲᠠᠶ᠋ᠢᠬᠠᠨ ᠪᠡᠯᠴᠢᠵᠦ ᠪᠠᠶ᠋ᠢᠬᠰᠠᠨ ᠮᠠᠯ ᠰᠦᠷᠦᠭ᠂ ᠬᠠᠬ᠋ᠠ ᠬᠥᠯᠲᠡᠮᠡ ᠬᠦᠢᠲᠡᠨ ᠰᠠᠯᠬᠢᠨ ᠳᠤ ᠳᠣᠬᠲᠠᠵᠤ ᠶᠠᠲᠠᠨ ᠤᠷᠤᠭᠤᠲᠠᠨ ᠭᠦᠶᠦᠯᠴᠡᠨᠡ᠃ ᠰᠡᠷᠡᠩ ᠴᠠᠰᠤ ᠰᠠᠯᠬᠢᠨ ᠪ ᠡᠰᠡᠷᠭᠦ ᠮᠣᠷᠢ ᠪᠠᠨ ᠳᠠᠰᠢᠭᠤᠷᠳᠠᠵᠤ᠂ ᠲᠠᠰᠤᠷᠠᠯᠲᠠ ᠦᠭᠡᠢ ᠬᠠᠰᠬᠢᠷᠤᠨ᠂ ᠤᠷᠤᠭᠤᠲᠠᠨ ᠪᠠᠶ᠋ᠢᠬ᠋ᠠ ᠮᠠᠯ ᠊ᠢ ᠴᠢᠨᠡᠭᠡ ᠪᠠᠷ ᠶ᠋ᠢᠠᠨ ᠬᠠᠰᠢᠵᠤ ᠯᠡ ᠪᠠᠶ᠋ᠢᠯᠠ᠃ ᠬᠡᠲᠦᠨ ᠵᠠᠭᠤᠨ ᠮᠠᠯ ᠦ᠋ᠨ ᠡᠨᠡ ᠦᠵᠦᠭᠦᠷ ᠊ᠢ ᠨᠢ ᠬᠤᠮᠢᠲᠠᠯᠠ ᠨᠥᠭᠦᠭᠡ ᠦᠵᠦᠭᠦᠷ ᠨᠢ ᠵᠦᠭ ᠦᠭᠡᠢ ᠤᠷᠤᠭᠤᠲᠠᠭᠠᠳ᠂ ᠰᠤᠮᠤ ᠰᠢᠭ᠋ ᠬᠤᠷᠲᠤᠯᠠᠨ ᠳᠠᠪᠬᠢᠪᠠᠴᠤ ᠭᠠᠬᠴᠠ ᠬᠥᠮᠦᠨ ᠬᠠᠰᠢᠨ ᠳᠣᠬᠲᠠᠭᠠᠬᠤ ᠳᠤ ᠪᠡᠷᠬᠡ ᠪᠠᠶ᠋ᠢᠯᠠ᠃ ᠭᠡᠪᠡᠴᠦ ᠰᠡᠷᠡᠩ ᠨᠢᠭᠡ ᠮᠠᠯ ᠴᠤ᠌ ᠤᠷᠤᠭᠤᠳᠠᠭᠤᠯᠤᠯ ᠦᠭᠡᠢ ᠠᠮᠢ ᠲᠡᠮᠡᠴᠡᠨ ᠬᠠᠰᠢᠨᠠ᠃ ᠲᠡᠭᠦᠨ ᠪ ᠬᠠᠴᠠᠷ ᠬᠠᠮᠠᠷ ᠥᠭᠡᠲᠡ ᠨᠢ ᠵᠢᠭᠡᠭᠦᠨ ᠴᠠᠰᠤ ᠪᠠᠷ ᠭᠤᠶᠠᠲᠠᠵᠤ᠂ ᠵᠢᠭᠢᠲᠠᠯᠠ ᠢᠰᠭᠦᠯᠦᠭᠰᠡᠨ ᠬᠣᠶᠠᠷ ᠬᠥᠯ ᠨᠢ ᠴᠤ᠌ ᠲᠠᠭᠠᠷᠠᠬᠤ ᠰᠢᠭ᠋ ᠪᠣᠯᠤᠯᠠ᠃ ᠭᠡᠪᠡᠴᠦ ᠰᠡᠷᠡᠩ ᠳᠤ ᠡᠨᠡ ᠨᠢ ᠥᠴᠦᠬᠡᠨ ᠴᠤ᠌ ᠮᠡᠳᠡᠭᠳᠡᠭᠰᠡᠨ ᠦᠭᠡᠢ᠃ ᠤᠷᠤᠭᠤᠲᠠᠨ ᠭᠦᠶᠦᠯᠴᠡᠬᠦ ᠮᠠᠯ ᠯᠡ ᠲᠡᠭᠦᠨ ᠪ ᠥᠷᠦᠴᠡ ᠵᠢᠷᠦᠬᠡ ᠶ᠋ᠢ ᠨᠢ ᠪᠠᠴᠢᠮᠲᠠᠭᠤᠯᠤᠨᠠ᠃ ᠲᠡᠷᠡ᠂ ᠲᠣᠯᠣᠭᠠᠢ ᠰᠡᠭᠰᠦᠷᠦᠨ ᠤᠷᠤᠭᠤᠲᠠᠬᠤ ᠮᠠᠯ ᠊ᠢ ᠠᠮᠢᠰᠬᠤᠬ᠋ᠠ ᠠᠪᠤᠯ ᠦᠭᠡᠢ ᠬᠠᠰᠢᠵᠤ ᠯᠡ ᠪᠠᠶ᠋ᠢᠯᠠ᠃ ᠰᠠᠯᠬᠢᠨ ᠪ ᠬᠦᠴᠦ ᠤᠯᠠᠮ ᠯᠡ ᠨᠡᠮᠡᠭᠳᠡᠵᠦ᠂ ᠴᠠᠰᠤ ᠶ᠋ᠢ ᠬᠤᠶ᠋ᠢᠯᠠᠷᠠᠭᠤᠯᠤᠨ᠂ ᠴᠠᠰᠤᠨ ᠪ ᠣᠷᠣᠬᠤ ᠪᠠ ᠰᠢᠭᠤᠷᠬᠤ ᠠᠯᠢ ᠨᠢ ᠴᠤ᠌ ᠮᠡᠳᠡᠭᠳᠡᠬᠦ ᠦᠭᠡᠢ᠃ ᠠᠯᠤᠰ ᠦ᠋ᠨ ᠠᠭᠤᠯᠠᠰ᠂ ᠠᠭᠤᠲᠠᠮ ᠬᠦᠳᠡᠭᠡᠨ ᠪ ᠲᠡᠮᠲᠡᠭ ᠪᠠᠶ᠋ᠢᠴᠠ ᠨᠢ ᠴᠤ᠌ ᠦᠭᠡᠢ ᠪᠣᠯᠤᠯᠠ᠃ ᠰᠡᠷᠡᠩ ᠵᠦᠭ ᠴᠢᠭ᠌ ᠦᠭᠡᠢ ᠭᠦᠶᠦᠯᠴᠡᠬᠦ ᠮᠠᠯ ᠦ᠋ᠳ ᠶ᠋ᠢᠠᠨ ᠬᠠᠰᠬᠢᠷᠤᠨ ᠳᠠᠰᠢᠭᠤᠷᠳᠠᠬᠰᠠᠭᠠᠷ ᠪᠠᠶ᠋ᠢᠵᠤ ᠤᠷᠬ᠋ᠠ ᠶ᠋ᠢᠨ ᠬᠣᠶ᠋ᠢᠪᠢ ᠪᠠᠨ ᠭᠡᠭᠡᠭᠰᠡᠨ ᠶ᠋ᠢᠡᠨ ᠴᠤ᠌ ᠮᠡᠳᠡᠭᠰᠡᠨ ᠦᠭᠡᠢ᠃ ᠲᠡᠭᠦᠨ ᠪ ᠮᠠᠯᠠᠭᠠᠢ ᠶ᠋ᠢᠨ ᠴᠢᠬᠢᠪᠴᠢᠨ ᠳ᠋ᠡᠭᠡᠨ ᠲᠠᠬ ᠳᠠᠷᠤᠬᠳᠠᠬᠰᠠᠨ ᠴᠢᠬᠢᠨ ᠳ᠋ᠤᠨᠢ ᠭᠡᠨᠡᠤᠠᠲᠡ ᠨᠢᠭᠡ ᠬᠥᠮᠦᠨ ᠪ ᠳᠠᠭᠤᠨ ᠰᠤᠨᠤᠰᠲᠠᠵᠤ᠂ ᠭᠠᠶ᠋ᠢᠬᠠᠨ ᠬᠠᠷᠠᠬᠤ ᠳᠤ ᠲᠡᠷᠲᠡᠭᠡ ᠦᠵᠦᠭᠦᠷ ᠦ᠋ᠨ ᠮᠠᠯ ᠦ᠋ᠳ ᠴᠤ᠌ ᠬᠤᠮᠢᠬᠳᠠᠬᠤ ᠰᠢᠭ᠋ ᠪᠣᠯᠤᠯᠠ᠃ ᠲᠡᠷᠡ ᠶᠠᠭᠠᠷᠠᠨ ᠮᠠᠯᠠᠭᠠᠢ ᠶ᠋ᠢᠨ ᠪᠦᠴᠡ ᠪᠠᠨ ᠲᠠᠶ᠋ᠢᠯᠤᠨ ᠴᠢᠩᠨᠠᠪᠠᠯ ᠠᠪᠠᠬ᠋ᠠ ᠶ᠋ᠢᠨ ᠬᠢᠨᠢ ᠬᠦᠩᠬᠢᠨᠡᠭᠰᠡᠨ ᠪᠦᠲᠦᠭᠦᠨ ᠳᠠᠭᠤᠨ ᠲᠣᠪ ᠲᠣᠲᠣᠬᠠᠨ ᠰᠣᠨᠣᠰᠲᠠᠨᠠ᠃
ᠢᠷᠡᠯᠲᠡ ᠄
ᠲᠠᠪᠤᠨ ᠵᠢᠯ ᠦᠨ ᠲᠦᠷᠢᠮᠳᠦ ᠪᠠᠭᠠ ᠰᠤᠷᠭᠠᠭᠤᠯᠢ ᠳᠤ ᠦᠵᠡᠬᠦ
ᠬᠡᠯᠡ ᠪᠢᠴᠢᠭ ᠶᠢᠰᠦᠳᠦᠭᠡᠷ ᠲᠡᠪᠳᠡᠷ ※
ᠦᠪᠦᠷ ᠮᠤᠩᠭᠤᠯ ᠤᠨ ᠰᠤᠷᠭᠠᠨ ᠬᠦᠮᠦᠵᠢᠯ ᠦᠨ ᠬᠡᠪᠯᠡᠯ ᠦᠨ ᠬᠤᠷᠢᠶᠠ ᠨᠠᠢᠢᠷᠠᠭᠤᠯᠤᠨ ᠬᠡᠪᠯᠡᠭᠦᠯᠪᠡ
ᠦᠪᠦᠷ ᠮᠤᠩᠭᠤᠯ ᠤᠨ ᠰᠢᠨᠬᠤᠸᠠ ᠨᠤᠮ ᠤᠨ ᠲᠡᠯᠭᠡᠭᠦᠷ ᠲᠠᠷᠬᠠᠭᠠᠪᠠ
ᠦᠪᠦᠷ ᠮᠤᠩᠭᠤᠯ ᠤᠨ ᠮᠤᠩᠭᠤᠯ ᠪᠢᠴᠢᠭ ᠬᠡᠪᠯᠠᠬᠦ ᠦᠢᠯᠡᠳᠪᠦᠷᠢ ᠬᠡᠪᠯᠡᠪᠡ
1981 ᠤᠨ ᠤ 5 ᠰᠠᠷᠠ ᠳᠤ ᠬᠤᠶᠠᠳᠤᠭᠠᠷ ᠬᠡᠪ ᠢ ᠬᠢᠪᠡ
1984 ᠤᠨ ᠤ 4 ᠰᠠᠷᠠ ᠳᠤ ᠲᠦᠷᠪᠡᠳᠦᠭᠡᠷ ᠤᠳᠠᠭᠠ ᠶ᠋ᠢᠨ ᠬᠡᠪᠯᠡᠯ ᠡᠴᠡ ᠰᠣᠩᠭᠣᠪᠠ ᠃
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ ᠄ ᠨᠠᠷᠠᠨᠰᠣᠶᠣᠯ
ᠬᠢᠨᠠᠭᠴᠢ ᠄ ᠲᠣ᠋ · ᠨᠠᠨᠲᠢᠨ
2023.3.14