ᠭᠠᠩᠬ᠋ᠠ ᠶ᠋ᠢᠨ ᠤᠷᠤᠰᠬᠠᠯ – ᠴᠢᠩᠭᠢᠰ ᠡᠵᠡᠨ ᠪ ᠠᠯᠲᠠᠨ ᠤᠷᠤᠭ ᠦ᠋ᠨ ᠲᠡᠦᠬᠡ ᠺᠠᠩᠺᠠ ᠶ᠋ᠢᠨ ᠤᠷᠤᠰᠬᠠᠯ ᠨᠡᠷᠡᠲᠦ ᠪᠢᠴᠢᠭ ᠣᠷᠣᠰᠢᠪᠠ - ᠨᠥ 4 Гангын урсгал – Чингис эзний алтан ургийн түүх Канкны урсгал нэрт бичиг оршив - Нө 4
370 ᠪᠠᠰᠠ ᠪᠣᠭᠤᠳᠠ ᠴᠢᠩᠭᠢᠰ ᠬᠠᠭᠠᠨ ᠤ᠋ ᠡᠷᠬᠢᠮ ᠃ ᠰᠠᠢᠳ ᠶᠢᠰᠦᠨ ᠥᠷᠯᠥᠭᠡ① ᠭᠡᠮᠡᠨ ᠠᠯᠳᠠᠷᠰᠢᠭᠰᠠᠨ ᠠᠨᠤ ᠃ ᠠᠨᠤ ᠸᠠᠩ ᠬᠣᠣ ② ᠬᠠᠪᠠᠨ ᠠᠷᠯᠠᠬᠤᠳ ᠤ᠋ᠨ ᠬᠦᠯᠦᠭ ᠪᠣᠬᠤᠷᠴᠢ᠂ ᠵᠠᠯᠠᠷ ᠤ᠋ᠨ ᠲᠠᠶ᠋ᠢᠰᠢ ᠬᠤᠸᠠ ᠸᠠᠩ ᠮᠤᠬᠤᠯᠠᠢ ③ ᠲᠠᠤ ᠪᠸᠨ ᠬᠢᠶᠠᠨ (ᠴᠢᠶᠠᠨ) ᠬᠣᠣ ᠬᠠᠪᠠᠨ ᠥᠰᠢᠨ ᠦ᠌ ᠬᠠᠢᠷᠠᠲᠤ ᠪᠣᠬᠤᠷᠠᠯ④ ᠣᠶ᠋ᠢᠷᠠᠳ ᠤ᠋ᠨ ᠬᠠᠷᠠ ᠬᠢᠷᠥᠭᠡ ( ᠬᠢᠷᠤ ) ᠂ ᠳᠥᠷᠪᠡᠨ ᠭᠥᠯᠥᠭᠡ ( ᠬᠦᠯᠦᠭ ) ᠂ ᠪᠠᠰᠤᠳ ᠤ᠋ᠨ ᠨᠣᠶᠠᠨ ᠵᠠᠪ⑤ ᠲᠠᠲᠠᠷ ᠤ᠋ᠨ ᠰᠢᠭᠢ ᠬᠤᠲᠤᠭ ᠂ ᠰᠦᠯᠳᠡᠷᠡᠲᠡᠨ ᠦ᠌ ᠲᠣᠷᠬᠠᠨ ᠰᠠᠷᠠ⑥ ᠤᠷᠢᠶᠠᠩᠬᠠᠨ ᠤ᠋ ᠢᠯᠠᠮᠠ ( ᠵᠠᠯᠠᠮᠠ )᠂
— — — —
① ᠶᠢᠰᠦᠨ ᠥᠷᠯᠥᠭᠡ ᠄ ᠶᠢᠰᠦᠨ ᠥᠷᠯᠥᠭ ᠃ᠯᠤᠪᠰᠠᠩᠳᠠᠨᠽᠠᠨ ᠤ᠋ 《 ᠠᠯᠲᠠᠨ ᠲᠣᠪᠴᠢ 》 ᠳ᠋ᠤ᠌《ᠳᠣᠲᠣᠭᠠᠳᠤ ᠶᠢᠰᠦᠨ ᠰᠠᠶ᠋ᠢᠳ 》 ᠭᠡᠳᠡᠭ ᠃ 《 ᠠᠯᠲᠠᠨ ᠲᠣᠪᠴᠢ 》 ᠳ᠋ᠤ᠌ ᠴᠢᠩᠭᠢᠰ ᠦ᠋ᠨ ᠶᠢᠰᠦᠨ ᠥᠷᠯᠥᠭ ᠦ᠋ᠨ ᠲᠤᠬᠠᠢ ᠲᠡᠮᠳᠡᠭᠯᠡᠬᠦ ᠳ᠋ᠡᠭᠡᠨ ᠄ 《 ᠰᠣᠳᠣ ᠪᠣᠭᠳᠠ ᠴᠢᠩᠭᠢᠰ ᠬᠠᠭᠠᠨ ᠵᠠᠬᠠ ᠨᠤᠲᠤᠭ ᠨᠤᠲᠤᠭᠯᠠᠵᠤ ᠶᠠᠪᠤᠬᠤᠢ ᠳ᠋ᠤᠷ ᠢ᠋ᠶ᠋ᠠᠨ ᠳᠣᠲᠣᠭᠠᠳᠤ ᠶᠢᠰᠦᠨ ᠰᠠᠶ᠋ᠢᠳ ᠢ᠋ᠶ᠋ᠠᠨ ᠠᠪᠴᠤ ᠮᠥᠷ ᠬᠠᠷᠠᠵᠤ ᠂ ᠪᠠᠷᠭᠤ ᠬᠠᠷᠠᠵᠤ ᠶᠠᠪᠤᠬᠤ ᠴᠠᠭ ᠲᠤᠷ ᠡᠵᠡᠨ ᠵᠠᠷᠯᠢᠭ ᠪᠣᠯᠤᠷᠤᠨ ᠄ ＜ ᠶᠡᠷᠦ ᠠᠯᠢᠪᠠ ᠵᠦᠭ ᠡᠴᠡ ᠳᠠᠢᠰᠤᠨ ᠪᠣᠯᠬᠤᠶᠠ ᠮᠡᠳᠡᠭᠡ ᠦᠭᠡᠢ᠂ ᠶᠢᠰᠦᠨ ᠰᠠᠶ᠋ᠢᠳ ᠭᠤᠷᠪᠠᠨ ᠬᠤᠪᠢ ᠪᠤᠯᠠ > ᠭᠡᠵᠦ ᠵᠠᠷᠯᠢᠭ ᠪᠣᠯᠪᠠ ᠃ ᠡᠵᠡᠨ ᠢ᠋ᠶ᠋ᠡᠨ ᠵᠠᠷᠯᠢᠭ ᠢ᠋ᠶ᠋ᠠᠷ ᠵᠠᠯᠠᠮᠠ᠂ ᠴᠤᠤ ᠮᠡᠷᠭᠡᠨ᠂ ᠰᠢᠭᠢᠬᠤᠲᠤᠭ ᠡᠨᠡ ᠭᠤᠷᠪᠠ ᠬᠣᠯᠠ ᠨᠢᠭᠡᠨ ᠬᠤᠪᠢ ᠪᠣᠯᠪᠠ ᠃ ᠪᠣᠬᠤᠷᠵᠢ᠂ ᠪᠣᠷᠤᠬᠤᠯ᠂ ᠮᠣᠬᠤᠯᠢᠲᠠᠢ︵ᠮᠤᠬᠤᠯᠠᠢ) ᠡᠨᠡ ᠭᠤᠷᠪᠠ ᠨᠢᠭᠡᠨ ᠬᠤᠪᠢ ᠪᠣᠯᠪᠠ ᠃ ᠰᠤᠯᠰᠤᠷᠲᠠᠢ ᠶ᠋ᠢᠨ ᠲᠣᠷᠬᠤᠨ ᠰᠢᠷᠠ ᠂ ᠪᠠᠰᠤᠳᠲᠠᠢ ᠶ᠋ᠢᠨ ᠵᠡᠪᠡ ᠂ ᠣᠶ᠋ᠢᠷᠠᠳ ᠤ᠋ᠨ ᠬᠠᠷᠠ ᠬᠢᠷᠤ ᠡᠨᠡ ᠭᠤᠷᠪᠠ ᠨᠢᠭᠡᠨ ᠬᠤᠪᠢ ᠪᠣᠯᠵᠤ ᠭᠡᠷ ᠲᠡᠭᠡᠨ ᠰᠠᠭᠤᠪᠠ » ᠭᠡᠵᠡᠢ᠃ ᠡᠨᠡ ᠪᠣᠯ ᠴᠢᠩᠭᠢᠰ ᠬᠠᠭᠠᠨ ᠤ᠋ ᠶᠢᠰᠦᠨ ᠥᠷᠯᠥᠭ ᠦ᠋ᠨ ᠴᠡᠷᠢᠭ ᠵᠠᠰᠠᠭ ᠤ᠋ᠨ ᠶᠠᠪᠤᠳᠠᠯ ᠳ᠋ᠠᠬᠢ ᠠᠵᠢᠯ ᠤ᠋ᠨ ᠬᠤᠪᠢᠶᠠᠷᠢᠯᠠᠯ ᠪᠤᠶᠤ ᠃
② ᠧᠦ ᠸᠠᠩ ᠬᠣᠣ ᠬᠠᠪᠠᠨ ᠄ 1206 ᠣᠨ ᠳ᠋ᠤ᠌ ᠴᠢᠩᠭᠢᠰ ᠬᠠᠭᠠᠨ ᠶᠡᠬᠡ ᠣᠷᠣ ᠰᠠᠭᠤᠵᠤ ᠪᠦᠬᠦ ᠮᠣᠩᠭᠣᠯ ᠤ᠋ᠨ ᠬᠠᠭᠠᠨ ᠪᠣᠯᠤᠭᠰᠠᠨ ᠤ᠋ ᠳᠠᠷᠠᠭᠠ ᠮᠤᠬᠤᠯᠠᠢ ᠶ᠋ᠢ ᠵᠡᠭᠦᠨ ᠭᠠᠷᠤᠨ ᠲᠦᠮᠡᠨ ᠊ᠢ ᠮᠡᠳᠡᠬᠦ ᠨᠣᠶᠠᠨ ᠂ ᠪᠤᠭᠤᠷᠵᠢ ᠶ᠋ᠢ ᠪᠠᠷᠠᠭᠤᠨ ᠭᠠᠷᠤᠨ ᠲᠦᠮᠡᠨ ᠊ᠢ ᠮᠡᠳᠡᠬᠦ ᠨᠣᠶᠠᠨ ᠭᠡᠮᠡᠨ ᠲᠤᠰ ᠲᠤᠰ ᠡᠷᠭᠦᠮᠵᠢᠯᠡᠵᠡᠢ ᠃ ᠬᠢᠲᠠᠳ ᠰᠤᠷᠪᠤᠯᠵᠢ ᠪᠢᠴᠢᠭ ᠲᠦ᠍ ᠪᠤᠭᠤᠷᠵᠢ ᠶ᠋ᠢ ᠢᠣ ᠸᠠᠨ ᠬᠡᠦ (右万户 ) ᠭᠡᠵᠦ ᠲᠡᠮᠳᠡᠭᠯᠡᠳᠡᠭ ᠶᠦ᠍ᠮ ᠂ ᠡᠨᠳᠡ ᠧᠦ ᠸᠠᠩ ᠬᠣᠣ ᠬᠠᠪᠠᠨ ᠭᠡᠵᠦ ᠲᠡᠮᠳᠡᠭᠯᠡᠭᠰᠡᠨ ᠨᠢ ᠬᠢᠲᠠᠳ ᠰᠤᠷᠪᠤᠯᠵᠢ ᠪᠢᠴᠢᠭ ᠲᠡᠬᠢ (右 方户) ᠶ᠋ᠢ ᠠᠪᠢᠶᠠᠴᠢᠯᠠᠨ ᠪᠢᠴᠢᠭᠰᠡᠨ ᠪᠠ 《 ᠬᠠᠪᠠᠨ 》 ᠭᠡᠵᠦ ᠮᠠᠨᠵᠤ ᠦᠭᠡ ᠶ᠋ᠢᠨ 《ᠰᠢᠳᠠᠷ ᠲᠦᠰᠢᠮᠡᠯ 》 ᠭᠡᠰᠡᠨ ᠦᠭᠡ ᠶ᠋ᠢ ᠬᠠᠪᠰᠤᠷᠭᠠᠨ ᠬᠡᠷᠡᠭᠯᠡᠵᠡᠢ ᠃
③ ᠭᠤᠸᠠ ᠸᠠᠩ ᠮᠤᠬᠤᠯᠠᠢ ᠄ ᠬᠢᠲᠠᠳ ᠦᠭᠡ ᠭᠦᠸᠧ ᠸᠠᠩ (国王 ) ᠮᠤᠬᠤᠯᠠᠢ ᠭᠡᠰᠡᠨ ᠊ᠢ ᠮᠣᠩᠭᠣᠯ ᠰᠤᠷᠪᠤᠯᠵᠢ ᠳ᠋ᠤ᠌ ᠭᠤᠸ᠋ᠠ ᠸᠠᠩ ᠮᠤᠬᠤᠯᠢ ᠭᠡᠵᠦ ᠲᠡᠮᠳᠡᠭᠯᠡᠳᠡᠭ ᠪᠣᠢ ᠃ ᠮᠤᠬᠤᠯᠠᠢ (1170 -1223 ) ᠪᠣᠯ ᠴᠢᠩᠭᠢᠰ ᠬᠠᠭᠠᠨ ᠤ᠋ ᠦᠶᠡ ᠳ᠋ᠡᠬᠢ ᠠᠯᠳᠠᠷᠲᠤ ᠴᠡᠷᠢᠭ ᠦ᠋ᠨ ᠡᠷᠳᠡᠮᠲᠡᠨ ᠶᠦ᠍ᠮ ᠃ ᠲᠡᠷᠡ ᠴᠢᠩᠭᠢᠰ ᠊ᠢ ᠳᠠᠭᠠᠵᠤ ᠮᠣᠩᠭᠣᠯ ᠊ᠢ ᠨᠢᠭᠡᠳᠬᠡᠨ ᠮᠣᠩᠭᠣᠯ ᠲᠥᠷᠥ ᠶ᠋ᠢ ᠪᠠᠶ᠋ᠢᠭᠤᠯᠬᠤ ᠳ᠋ᠤ᠌ ᠮᠠᠰᠢ ᠶᠡᠬᠡ ᠭᠠᠪᠢᠶᠠ ᠵᠢᠳᠬᠦᠯ ᠦᠵᠡᠭᠦᠯᠵᠡᠢ᠃ 1211 ᠣᠨ ᠳ᠋ᠤ᠌ ᠮᠤᠬᠤᠯᠠᠢ ᠡᠮᠦᠨᠡᠰᠢ ᠳᠠᠶ᠋ᠢᠯᠠᠬᠤ ᠶᠡᠬᠡ ᠴᠡᠷᠢᠭ ᠊ᠢ ᠳᠠᠶ᠋ᠢᠴᠢᠯᠠᠨ ᠯᠢᠶᠣᠤ ᠳ᠋ᠦ᠋ᠩ᠂ᠯᠢᠶᠣᠤ ᠰᠢ ᠶ᠋ᠢᠨ ᠭᠠᠵᠠᠷ ᠊ᠢ ᠳᠠᠶ᠋ᠢᠯᠠᠨ ᠠᠪᠤᠪᠠ᠃ ᠮᠤᠬᠤᠯᠠᠢ ᠶ᠋ᠢᠨ ᠴᠡᠷᠢᠭ ᠲᠡᠶ᠋ᠢᠨ ᠦ᠌ ᠦᠢᠯᠡᠰ ᠲᠦ᠍ ᠦᠵᠡᠭᠦᠯᠦᠭᠰᠡᠨ ᠭᠠᠪᠢᠶᠠ ᠶ᠋ᠢ ᠦᠨᠳᠦᠰᠦᠯᠡᠨ ᠴᠢᠩᠭᠢᠰ ᠬᠠᠭᠠᠨ ᠲᠡᠭᠦᠨ ᠊ᠢ ᠭᠦᠸᠧ ᠸᠠᠩ (国王 ) ᠡᠷᠭᠦᠮᠵᠢᠯᠡᠵᠡᠢ ᠃ ᠮᠤᠬᠤᠯᠠᠢ ᠶ᠋ᠢ ᠭᠦᠸᠧ ᠸᠠᠩ ᠡᠷᠭᠦᠮᠵᠢᠯᠡᠭᠰᠡᠨ ᠣᠨ ᠵᠢᠯ ᠦ᠋ᠨ ᠲᠤᠬᠠᠢ ᠰᠤᠳᠤᠷ ᠪᠢᠴᠢᠭ ᠲᠦ᠍ ᠠᠳᠠᠯᠢ ᠦᠭᠡᠢ ᠲᠡᠮᠳᠡᠭᠯᠡᠯ ᠪᠠᠶ᠋ᠢᠳᠠᠭ᠃ 《 ᠮᠣᠩᠭᠣᠯ ᠤ᠋ᠨ ᠨᠢᠭᠤᠴᠠ ᠲᠣᠪᠴᠢᠶᠠᠨ 》 ᠳ᠋ᠤ᠌1206 ᠣᠨ ᠳ᠋ᠤ᠌ ᠮᠤᠬᠤᠯᠠᠢ ᠶ᠋ᠢ ᠭᠦᠸᠧ ᠸᠠᠩ ᠡᠷᠭᠦᠮᠵᠢᠯᠡᠪᠡ ᠭᠡᠬᠦ ᠂ 《 ᠶᠤᠸᠠᠨ ᠰᠢ 》 ᠳ᠋ᠦ᠍1217 ᠣᠨ ᠳ᠋ᠤ᠌ ᠭᠦᠸᠧ ᠸᠠᠩ ᠡᠷᠭᠦᠮᠵᠢᠯᠡᠪᠡ ᠭᠡᠬᠦ᠂ᠷᠠᠰᠢᠳ᠋-ᠠᠳ᠋-ᠳ᠋ᠢᠨ ᠦ᠌ ᠬᠡᠯᠡᠬᠦ ᠪᠡᠷ ᠪᠣᠯ1218 ᠣᠨ ᠳ᠋ᠤ᠌ ᠶᠤᠮ ᠭᠡᠨᠡ ᠃ ᠶᠠᠫᠣᠨ ᠤ᠋ ᠡᠷᠳᠡᠮᠲᠡᠨ -ᠮᠤᠷᠠᠺᠠᠮᠠᠢ -ᠮᠠᠰᠼᠢ᠍ᠵᠢ ᠶ᠋ᠢᠨ ᠬᠡᠯᠡᠬᠦ ᠪᠡᠷ ᠪᠣᠯ 《国王 》 ᠭᠡᠰᠡᠨ ᠬᠢᠲᠠᠳ ᠦᠭᠡ ᠠᠯᠢ ᠡᠷᠲᠡ ᠬᠢᠳᠠᠨ ᠪᠠ ᠵᠣᠷᠴᠢᠨ ᠨᠠᠷ ᠤ᠋ᠨ ᠦᠭᠡᠨ ᠳ᠋ᠦ᠍ ᠵᠢᠭᠡᠯᠡᠭᠳᠡᠨ ᠬᠡᠷᠡᠭᠯᠡᠭᠳᠡᠵᠦ ᠪᠠᠶ᠋ᠢᠭᠰᠠᠨ ᠤᠴᠢᠷ ᠠ᠋ᠴᠠ ᠮᠣᠩᠭᠣᠯᠴᠤᠳ ᠪᠠᠰᠠ ᠡᠨᠡ ᠦᠭᠡ ᠶ᠋ᠢ ᠠᠯᠢ ᠡᠷᠲᠡ ᠬᠡᠷᠡᠭᠯᠡᠵᠦ ᠪᠠᠶ᠋ᠢᠭᠰᠠᠨ ᠭᠡᠨᠡ᠃ ᠡᠭᠦᠨ ᠡᠴᠡ ᠦᠵᠡᠪᠡᠯ᠂ 《 ᠨᠢᠭᠤᠴᠠ ᠲᠣᠪᠴᠢᠶᠠᠨ 》 ᠳ᠋ᠤ᠌ ᠮᠤᠬᠤᠯᠠᠢ ᠶ᠋ᠢ1206 ᠣᠨ ᠳ᠋ᠤ᠌ ᠭᠦᠸᠧ ᠸᠠᠩ ᠡᠷᠭᠦᠮᠵᠢᠯᠡᠯᠡ ᠭᠡᠰᠡᠨ ᠨᠢ ᠳᠡᠮᠡᠢ ᠰᠡᠵᠢᠭ ᠲᠡᠢ ᠠᠰᠠᠭᠤᠳᠠᠯ ᠪᠢᠰᠢ ᠶᠦ᠍ᠮ᠃
④ ᠲᠠᠤ ᠹᠧᠨ ᠬᠢᠶᠠᠨ ᠬᠣᠣ ᠥᠰᠢᠨ ᠦ᠌ ᠬᠠᠶ᠋ᠢᠷᠠᠲᠤ ᠪᠣᠬᠤᠷᠠᠯ ᠄ 《 ᠮᠣᠩᠭᠣᠯ ᠤ᠋ᠨ ᠨᠢᠭᠤᠴᠠ ᠲᠣᠪᠴᠢᠶᠠᠨ 》 ᠳ᠋ᠤ᠌ ᠪᠣᠷᠤᠬᠤᠯ ᠭᠡᠵᠡᠢ ᠃ ᠴᠢᠩᠭᠢᠰ ᠬᠠᠭᠠᠨ ᠵᠥᠷᠭᠢᠨ ᠠᠶ᠋ᠢᠮᠠᠭ ᠊ᠢ ᠳᠠᠶ᠋ᠢᠯᠠᠬᠤ ᠳ᠋ᠤ᠌ ᠲᠡᠶ᠋ᠢᠨ ᠦ᠌ ᠳᠤᠮᠳᠠ ᠠ᠋ᠴᠠ ᠣᠯᠵᠤ ᠠᠪᠤᠭᠰᠠᠨ ᠪᠤᠶᠤ᠃ ᠥᠭᠡᠯᠦᠨ ᠡᠬᠡ ᠠᠰᠠᠷᠠᠨ ᠲᠡᠵᠢᠭᠡᠵᠦ ᠡᠷᠡ ᠶ᠋ᠢᠨ ᠲᠤᠶ᠋ᠢᠯ ᠳ᠋ᠤ᠌ ᠬᠦᠷᠭᠡᠪᠡ᠃ ᠴᠢᠩᠭᠢᠰ ᠬᠠᠭᠠᠨ ᠪᠣᠷᠤᠬᠤᠯ ᠊ᠢ ᠄ 《 ᠬᠠᠷᠪᠤᠬᠤ ᠰᠤᠮᠤᠨ ᠳ᠋ᠤ᠌ ᠬᠠᠯᠬᠠᠪᠴᠢ ᠪᠣᠯᠤᠭᠰᠠᠨ ᠰᠤᠷᠬᠢᠷᠠᠬᠤ ᠰᠤᠮᠤᠨ ᠳ᠋ᠤ᠌ ᠰᠠᠷᠠᠪᠴᠢ ᠪᠣᠯᠤᠭᠰᠠᠨ ᠂ ᠲᠣᠯᠣᠭᠠᠢ ᠪᠠᠨ ᠰᠢᠷᠬᠠᠲᠠᠬᠤ ᠳ᠋ᠤ᠌ ᠲᠣᠬᠣᠮ ᠢ᠋ᠶ᠋ᠠᠨ ᠡᠰᠡ ᠠᠯᠳᠠᠭᠰᠠᠨ ᠬᠥᠰᠢᠨ ᠦ᠌ ᠰᠠᠢᠨ ᠪᠣᠷᠤᠬᠤᠯ ᠮᠢᠨᠢ 》 ( 《 ᠯᠦ᠍᠂ ᠠᠯᠲᠠᠨ ᠲᠣᠪᠴᠢ 》 ) ᠭᠡᠵᠦ ᠮᠠᠭᠲᠠᠳᠠᠭ ᠃ ᠴᠢᠩᠭᠢᠰ ᠬᠠᠭᠠᠨ ᠶᠡᠬᠡ ᠣᠷᠣ ᠰᠠᠭᠤᠭᠰᠠᠨ ᠤ᠋ ᠳᠠᠷᠠᠭᠠ ᠲᠡᠷᠢᠭᠦᠨ ᠤᠳᠠᠭᠠ ᠮᠢᠩᠭᠠᠲᠤ ᠶ᠋ᠢᠨ ᠨᠣᠶᠠᠳ ᠊ᠢ ᠡᠷᠭᠦᠮᠵᠢᠯᠡᠬᠦ ᠳ᠋ᠦ᠍ ᠪᠣᠷᠤᠬᠤᠯ ᠊ᠢ ᠡᠷᠭᠦᠮᠵᠢᠯᠡᠪᠡ ᠂ ᠡᠨᠡ ᠤᠴᠢᠷ ᠢ᠋ ᠬᠢᠲᠠᠳ ᠰᠤᠳᠤᠷ ᠲᠤ᠌ ᠲᠧᠦ ᠹᠧᠨ ᠴᠢᠶᠠᠨ ᠬᠤ᠌ ( 《头分千户 》 ) ( ᠠᠩᠬᠠᠨ ᠤᠳᠠᠭᠠ ᠡᠷᠭᠦᠮᠵᠢᠯᠡᠭᠰᠡᠨ ᠮᠢᠩᠭᠠᠲᠤ ᠶ᠋ᠢᠨ ᠨᠣᠶᠠᠨ ) ᠭᠡᠳᠡᠭ᠃ ᠡᠨᠳᠡ ᠡᠨᠡ ᠤᠴᠢᠷ ᠊ᠢ ᠠᠪᠢᠶᠠᠴᠢᠯᠠᠨ ᠲᠡᠮᠳᠡᠭᠯᠡᠵᠡᠢ᠃
⑤ ᠵᠠᠪ ᠄ ᠵᠡᠪᠡ ᠪᠤᠶᠤ ᠃ ᠣᠯᠠᠨ ᠲᠠᠶ᠋ᠢᠴᠢᠭᠤᠳ ᠠᠶ᠋ᠢᠮᠠᠭ ᠤ᠋ᠨ ᠬᠥᠮᠦᠨ ᠂ ᠤᠭ ᠨᠡᠷᠡ ᠵᠢᠷᠭᠤᠭᠠᠲᠠᠢ᠃ ᠬᠠᠷᠪᠤᠯᠭᠠ ᠳ᠋ᠤ᠌ ᠮᠡᠷᠭᠡᠨ ᠤᠴᠢᠷ ᠠ᠋ᠴᠠ ᠴᠢᠩᠭᠢᠰ ᠬᠠᠭᠠᠨ ᠲᠡᠭᠦᠨ ᠳ᠋ᠦ᠍ ᠵᠡᠪᠡ ᠨᠡᠷᠡ ᠥᠭᠪᠡ᠃1211 ᠣᠨ ᠳ᠋ᠤ᠌ ᠠᠯᠲᠠᠨ ᠤᠯᠤᠰ ᠊ᠢ ᠴᠣᠬᠢᠬᠤ ᠳ᠋ᠤ᠌ ᠬᠣᠰᠢᠭᠤᠴᠢ ᠶᠠᠪᠤᠵᠤ ᠂ᠵᠢᠦᠢ ᠶᠦᠩ ᠭᠤᠸᠠᠨ ᠪᠣᠭᠣᠮᠲᠠ ᠶ᠋ᠢ ᠡᠪᠳᠡᠨ ᠾᠧ ᠪᠧᠢ ᠶ᠋ᠢ ᠡᠵᠡᠯᠡᠨ ᠨᠡᠷᠡ ᠮᠠᠨᠳᠤᠪᠠ᠃1219 ᠣᠨ ᠳ᠋ᠤ᠌ ᠴᠢᠩᠭᠢᠰ ᠬᠠᠭᠠᠨ ᠪᠠᠷᠠᠭᠤᠨᠰᠢ ᠳᠠᠶ᠋ᠢᠯᠠᠵᠤ ᠬᠣᠷᠧᠼᠮ ᠊ᠢ ᠡᠵᠡᠯᠡᠬᠦ ᠲᠡᠶ᠋ᠢᠨ ᠳ᠋ᠦ᠍ ᠵᠡᠪᠡ ᠵᠠᠩᠵᠤᠨ ᠭᠠᠪᠢᠶᠠ ᠪᠠᠶ᠋ᠢᠭᠤᠯᠵᠤ᠂ᠬᠡᠪᠴᠠᠬ᠂ᠣᠷᠣᠰ ᠊ᠢ ᠳᠠᠶ᠋ᠢᠯᠠᠬᠤ ᠲᠡᠶ᠋ᠢᠨ ᠳ᠋ᠦ᠍ ᠪᠦᠷ ᠭᠠᠪᠢᠶᠠ ᠪᠠᠶ᠋ᠢᠭᠤᠯᠵᠤ ᠶᠠᠪᠤᠵᠠᠢ᠃1224 ᠣᠨ ᠳ᠋ᠤ᠌ ᠪᠠᠷᠠᠭᠤᠨᠰᠢ ᠳᠠᠶ᠋ᠢᠯᠠᠭᠰᠠᠨ ᠴᠡᠷᠢᠭ ᠮᠣᠩᠭᠣᠯ ᠭᠠᠵᠠᠷ ᠢ᠋ᠶ᠋ᠠᠨ ᠪᠤᠴᠠᠬᠤ ᠵᠠᠮ ᠤ᠋ᠨ ᠳᠤᠮᠳᠠ ᠡᠨᠡ ᠶᠡᠬᠡ ᠵᠠᠩᠵᠤᠨ ᠡᠪᠡᠳᠴᠢᠨ ᠢ᠋ᠶ᠋ᠡᠷ ᠨᠠᠰᠤ ᠪᠠᠷᠠᠵᠠᠢ᠃
⑥ 《 ᠮᠣᠩᠭᠣᠯ ᠤ᠋ᠨ ᠨᠢᠭᠤᠴᠠ ᠲᠣᠪᠴᠢᠶᠠᠨ 》 ᠳ᠋ᠤ᠌ ᠰᠦᠯᠲᠡᠰᠦᠨ ᠦ᠌ ᠰᠤᠷᠬᠠᠨ ᠰᠢᠷᠠ ᠭᠡᠳᠡᠭ ᠃
ᠲᠠᠢᠰᠢ ᠵᠦᠩ ᠱᠤ᠌ ᠯᠢᠩ ᠬᠠᠪᠠᠨ ᠂ ᠭᠤᠸᠠᠩ ᠨᠢᠩ ᠸᠠᠨ ᠵᠢᠩ ᠸᠠᠩ ᠵᠣᠷᠴᠢᠳ ᠤ᠋ᠨ ᠴᠤ᠌ ᠮᠡᠷᠭᠡᠨ ①ᠡᠳᠡ ᠪᠤᠶᠤ ᠃ ᠲᠠᠪᠤᠨ ᠥᠩᠭᠡ ᠂ ᠲᠠᠪᠤᠨ ᠬᠠᠷ ᠤᠯᠤᠰ ② ᠬᠡᠮᠡᠭᠳᠡᠬᠦ ᠢᠨᠤ᠂ ᠵᠠᠷᠢᠮ ᠰᠤᠲᠣᠷᠠ ᠃ ᠬᠥᠬᠡ ᠮᠣᠩᠭᠣᠯ ᠂ ᠤᠯᠠᠭᠠᠨ ᠬᠢᠲᠠᠳ ᠂ ᠬᠠᠷᠠ ᠲᠥᠪᠳᠡ ( ᠲᠥᠪᠡᠳ ) ᠂ ᠰᠠᠷᠠ ( ᠰᠢᠷᠠ ) ᠰᠠᠷᠲᠠᠬᠤᠯ ᠂ ᠴᠠᠭᠠᠨ ᠰᠣᠯᠣᠩᠭᠣᠳ ᠂ ᠡᠳᠡ ᠲᠠᠪᠤᠨ ᠥᠩᠭᠡ ᠪᠥᠭᠡᠳ ᠂ ᠮᠣᠩᠭᠣᠯ ᠤ᠋ᠨ ᠤᠬᠠᠭᠠᠨ ᠲᠤᠯᠠ ᠢᠨᠠᠳᠤ ᠪᠤᠰᠤ ᠳᠥᠷᠪᠡᠨ ᠢᠨᠤ ᠃ ᠳᠥᠷᠪᠡᠨ ᠬᠠᠷᠢ ᠪᠣᠢ ᠬᠡᠮᠡᠵᠦᠬᠦᠢ᠃ ᠵᠠᠷᠢᠮ ᠲᠠᠪᠤᠨ ᠥᠩᠭᠡ ᠤᠷᠢᠳᠤ ᠮᠡᠲᠦ ᠳᠡᠭᠡᠷᠡ ᠂ ᠭᠠᠭᠴᠠ ᠬᠥᠯ ᠳ᠋ᠦ᠍ ᠽᠣᠨᠳ᠋
— — — —
① ᠲᠠᠶ᠋ᠢᠰᠢ ᠵᠦᠩ ᠱᠧ ᠯᠢᠩ ᠬᠠᠪᠠᠨ ᠂ ᠭᠤᠸᠠᠩ ᠨᠢᠩ ᠸᠠᠨ ᠵᠢᠩ ᠸᠠᠩ ᠵᠦᠷᠴᠢᠳ ᠦ᠋ᠨ ᠴᠦ᠍ ᠮᠡᠷᠭᠡᠨ ᠄ ᠮᠣᠩᠭᠣᠯ ᠤ᠋ᠨ ᠲᠡᠦᠬᠡᠨ ᠳ᠋ᠦ᠍ ᠨᠡᠷᠡ ᠠᠯᠳᠠᠷᠰᠢᠭᠰᠠᠨ ᠶᠸᠯᠢᠤᠢ ᠴᠦᠰᠡᠢ(1190-1244) ᠶ᠋ᠢ ᠮᠣᠩᠭᠣᠯ ᠲᠡᠦᠬᠡᠨ ᠰᠤᠷᠪᠤᠯᠵᠢ ᠳ᠋ᠤ᠌ ᠴᠤᠤ ᠮᠡᠷᠭᠡᠨ ᠭᠡᠳᠡᠭ ᠃ ᠶᠸᠯᠢᠤᠢ ᠴᠦᠰᠡᠢ ᠪᠣᠯ ᠬᠢᠲᠠᠳ ᠬᠥᠮᠦᠨ ᠂ ᠮᠣᠩᠭᠣᠯ ᠬᠠᠭᠠᠨᠲᠤ ᠤᠯᠤᠰ ᠤ᠋ᠨ ᠴᠢᠩᠭᠢᠰ ᠪᠠ ᠥᠭᠡᠳᠡᠢ ᠶ᠋ᠢᠨ ᠦᠶᠡ ᠳ᠋ᠡᠬᠢ ᠶᠡᠬᠡ ᠲᠦᠰᠢᠮᠡᠯ ᠪᠤᠶᠤ ᠃1215 ᠣᠨ ᠳ᠋ᠤ᠌ ᠴᠢᠩᠭᠢᠰ ᠬᠠᠭᠠᠨ ᠶᠠᠨ ᠵᠢᠩ ( ᠪᠡᠭᠡᠵᠢᠩ) ᠊ᠢ ᠡᠵᠡᠯᠡᠬᠦ ᠦᠶᠡ ᠳ᠋ᠦ᠍ ᠶᠸᠯᠢᠤᠢ ᠴᠦᠰᠡᠢ ᠮᠣᠩᠭᠣᠯ ᠳ᠋ᠤ᠌ ᠪᠠᠭᠤᠨ ᠥᠭᠪᠡ᠃ ᠲᠡᠭᠦᠨᠴᠡ ᠬᠣᠶ᠋ᠢᠰᠢ ᠶᠸᠯᠢᠤᠢ ᠴᠦᠰᠡᠢ ᠮᠣᠩᠭᠣᠯ ᠲᠥᠷᠥ ᠳ᠋ᠦ᠍ ᠭᠤᠴᠢᠨ ᠵᠢᠯ ᠲᠤᠰᠢᠶᠠᠯ ᠡᠭᠦᠷᠴᠦ ᠵᠦᠩ ᠱᠤ᠌ ᠯᠢᠩ (中书令 ) ᠲᠦᠰᠢᠮᠡᠯ ᠦ᠋ᠨ ᠵᠡᠷᠭᠡ ᠳ᠋ᠦ᠍ ᠬᠦᠷᠴᠦ ᠂ ᠮᠣᠩᠭᠣᠯ ᠲᠥᠷᠥ ᠶ᠋ᠢᠨ ᠤᠯᠤᠰ ᠲᠥᠷᠥ ᠂ ᠠᠵᠤ ᠠᠬᠤᠢ ᠵᠢᠴᠢ ᠤᠳᠬᠠ ᠰᠣᠶᠣᠯ ᠤ᠋ᠨ ᠦᠢᠯᠡᠰ ᠲᠦ᠍ ᠲᠣᠮᠣ ᠶᠡᠬᠡ ᠬᠦᠴᠦᠨ ᠦᠵᠡᠭᠦᠯᠵᠡᠢ ᠃ ᠶᠸᠯᠢᠤᠢ ᠴᠦᠰᠡᠢ ᠨᠠᠰᠤ ᠪᠠᠷᠠᠭᠰᠠᠨ ᠤ᠋ ᠬᠣᠶ᠋ᠢᠨᠠ ᡁᠢ ᠰᠦᠨ ᠦ᠌ ᠠᠩᠬᠠᠨ ᠣᠨ(1330) ᠳ᠋ᠤ᠌ ᠨᠡᠬᠡᠵᠦ ᠭᠤᠸᠠᠩ ᠨᠢᠩ ᠸᠠᠩ ᠡᠷᠭᠦᠮᠵᠢᠯᠡᠨ ᠂ ᠴᠣᠯᠠ ᠶ᠋ᠢ ᠸᠸᠨ ᠶᠸᠩ ᠭᠡᠵᠡᠢ ᠃
② ᠲᠠᠪᠤᠨ ᠥᠩᠭᠡ ᠂ ᠲᠠᠪᠤᠨ ᠬᠠᠷ ᠤᠯᠤᠰ ᠄ ᠮᠣᠩᠭᠣᠯ ᠰᠤᠷᠪᠤᠯᠵᠢ ᠳ᠋ᠤ᠌ 《 ᠲᠠᠪᠤᠨ ᠥᠩᠭᠡ ᠂ ᠳᠥᠷᠪᠡᠨ ᠬᠠᠷᠢ ᠤᠯᠤᠰ 》 ᠭᠡᠵᠦ ᠲᠡᠮᠳᠡᠭᠯᠡᠳᠡᠭ᠃ᠡᠨᠳᠡ《 ᠲᠠᠪᠤᠨ ᠬᠠᠷ 》 ᠭᠡᠰᠡᠨ ᠨᠢ 《 ᠳᠥᠷᠪᠡᠨ ᠬᠠᠷᠢ 》 ᠭᠡᠰᠡᠨ ᠊ᠢ ᠡᠨᠳᠡᠭᠦᠷᠡᠨ ᠪᠢᠴᠢᠭᠰᠡᠨ ᠪᠣᠯᠤᠯᠲᠠᠢ ᠃ ᠤᠴᠢᠷ ᠨᠢ ᠂ᠬᠣᠶ᠋ᠢᠨᠠ ᠲᠠᠶ᠋ᠢᠯᠪᠤᠷᠢᠯᠠᠭᠰᠠᠨ ᠨᠢ 《 ᠲᠠᠪᠤᠨ ᠥᠩᠭᠡ 》 ᠪᠠ 《 ᠳᠥᠷᠪᠡᠨ ᠬᠠᠷᠢ 》 ᠶ᠋ᠢᠨ ᠲᠤᠬᠠᠢ ᠶᠤᠮ ᠃ 《 ᠲᠠᠪᠤᠨ ᠥᠩᠭᠡ ᠳᠥᠷᠪᠡᠨ ᠬᠠᠷᠢ ᠤᠯᠤᠰ 》 ᠤ᠋ᠨ ᠢᠷᠡᠯᠲᠡ ᠪᠠ ᠠᠭᠤᠯᠭᠠ ᠶ᠋ᠢᠨ ᠲᠤᠬᠠᠢ ᠲᠤᠰ ᠨᠣᠮ ᠤ᠋ᠨ ᠤᠳᠤᠷᠢᠳᠬᠠᠯ ᠳ᠋ᠤ᠌ ᠪᠢᠴᠢᠭᠰᠡᠨ ᠊ᠢ ᠦᠵᠡᠮᠦ ᠃
ᠤᠯᠤᠰ ᠂ ᠣᠭᠢᠨ ᠤᠯᠤᠰ ᠂ ᠡᠪᠡᠴᠡᠭᠥᠨ ᠳ᠋ᠡᠭᠡᠨ ᠨᠢᠳᠦ ᠳ᠋ᠦ᠍ ᠤᠯᠤᠰ᠃ ᠨᠣᠬᠠᠢ ᠲᠣᠯᠤᠬᠠᠢ ᠳ᠋ᠤ᠌ ᠤᠯᠤᠰ ② ᠂ ᠡᠳᠡ ᠳᠥᠷᠪᠡᠨ ᠬᠠᠷᠢ ᠪᠤᠶᠤ ᠬᠡᠮᠡᠶ᠋ᠢᠢ ᠃ ᠡᠳᠡᠭᠡᠷ ᠪᠠᠷᠤᠭ ᠰᠤᠳᠤᠷ ᠤ᠋ᠨ ᠦᠭᠡ ᠮᠥᠨ ᠪᠣᠯᠪᠠᠴᠤ ᠰᠢᠨᠵᠢᠯᠡᠪᠡᠰᠦ ᠂ᠲᠡᠳᠡᠭᠡᠷ ᠤᠯᠤᠰ ᠴᠥᠮ ᠪᠣᠭᠳᠠ ᠶ᠋ᠢᠨ ᠰᠣᠶᠣᠯ ᠳ᠋ᠤᠷ ᠳᠠᠭᠠᠭᠰᠠᠨ ᠨᠣᠶᠠᠨ ᠠᠯᠲᠠᠨ [ ᠠᠲᠠᠯᠠ ] ᠂ ᠲᠡᠳᠡᠨ ᠳ᠋ᠦ᠍ᠷ ᠲᠡᠷᠡ ᠮᠡᠲᠦ ᠥᠩᠭᠡ ᠬᠠᠲᠠᠬᠤ ᠬᠠᠷᠢ ᠪᠤᠯᠬᠠᠬᠤ ᠤᠴᠢᠷ ᠤ᠋ᠨ ᠪᠠᠷᠢᠯᠳᠤᠯᠭᠠ ᠲᠣᠳᠣᠷᠬᠠᠢ ᠦᠭᠡᠢ᠂ ᠲᠡᠭᠦᠨ ᠡᠴᠡ᠂ ᠬᠠᠷᠢᠨ ᠴᠢᠩᠭᠢᠰ ᠪᠣᠭᠳᠠ ᠣᠯᠠᠨ ᠥᠪᠡᠷᠡ ᠶᠣᠰᠣᠲᠠᠨ ᠊ᠢ ᠡᠷᠬᠡ ᠳ᠋ᠡᠭᠡᠨ ᠬᠤᠷᠢᠶᠠᠭᠰᠠᠨ ᠠᠲᠠᠯᠠᠨ ᠂ᠰᠢᠳᠠᠷ ᠬᠢᠶᠡ ᠯᠢᠦ ᠵᠦᠩ ᠯᠦ᠍ ᠲᠠᠢᠰᠢ ᠲᠦᠰᠢᠮᠡᠯ ᠷᠠᠰᠢᠶᠠᠨ
— — — —
② ᠡᠨᠳᠡ ᠳᠤᠷᠠᠳᠤᠭᠰᠠᠨ 《 ᠭᠠᠭᠴᠠ ᠬᠥᠯ ᠳ᠋ᠦ᠍ ᠽᠤᠨᠳ᠋ ᠤᠯᠤᠰ ᠂ ᠣᠬᠢᠨ ( ᠥᠬᠢᠨ ) ᠤᠯᠤᠰ ᠂ ᠡᠪᠴᠢᠭᠦᠨ ᠳ᠋ᠡᠭᠡᠨ ᠨᠢᠳᠦ ᠳ᠋ᠦ᠍ ᠤᠯᠤᠰ᠂ ᠲᠣᠯᠤᠬᠠᠢ ᠳ᠋ᠤ᠌ ᠤᠯᠤᠰ》ᠭᠡᠳᠡᠭ ᠪᠣᠯ ᠮᠣᠩᠭᠣᠯ ᠂ ᠬᠢᠲᠠᠳ ᠤ᠋ᠨ ᠡᠷᠲᠡᠨ ᠦ᠌ ᠰᠤᠷᠪᠤᠯᠵᠢ ᠪᠢᠴᠢᠭ ᠲᠦ᠍ ᠪᠦᠷ ᠬᠠᠷᠠᠭᠳᠠᠳᠠᠭ ᠵᠦᠢᠯ ᠪᠤᠶᠤ ᠃ ᠬᠢᠲᠠᠳ ᠤ᠋ᠨ 《 文献通考》 ᠪᠢᠴᠢᠭ ᠲᠦ᠍ ᠥᠬᠢᠨ ᠤᠯᠤᠰ ᠭᠡᠵᠦ ᠹᠦ ᠰᠠᠩ ( ᠶᠠᠫᠣᠨ ) ᠠ᠋ᠴᠠ ᠵᠡᠭᠦᠨᠰᠢ ᠮᠢᠩᠭᠠ ᠢᠯᠡᠭᠦᠦ ᠭᠠᠵᠠᠷ ᠤ᠋ᠨ ᠳᠠᠯᠠᠢ ᠳᠤᠮᠳᠠᠬᠢ ᠨᠢᠭᠡᠨ ᠠᠷᠠᠯ ᠳᠡᠭᠡᠷᠡ ᠪᠠᠶ᠋ᠢᠲᠠᠭ ᠪᠥᠭᠡᠳ ᠡᠨᠳᠡᠬᠢ ᠶ᠋ᠢᠨ ᠡᠮᠡᠭᠲᠡᠢᠴᠦᠳ ᠨᠢ ᠭᠣᠶᠣ ᠭᠠᠩᠬᠠᠨ ᠲᠥᠷᠥᠭᠰᠡᠨ ᠠᠲᠠᠯᠠ ᠡᠷᠡᠭᠲᠡᠢᠴᠦᠳ ᠨᠢ ᠬᠠᠷᠢᠨ ᠬᠥᠮᠦᠨ ᠪᠡᠶᠡᠲᠦ ᠨᠣᠬᠠᠢ ᠲᠣᠯᠣᠭᠠᠢ ᠲᠠᠢ ᠂ ᠳᠠᠭᠤᠨ ᠠᠨᠤ ᠨᠣᠬᠠᠢ ᠬᠤᠴᠠᠬᠤ ᠠᠳᠠᠯᠢ ᠭᠡᠵᠦ ᠬᠠᠴᠢᠨ ᠰᠣᠨᠢᠨ ᠵᠦᠢᠯ ᠢ᠋ᠶ᠋ᠡᠷ ᠲᠡᠮᠳᠡᠭᠯᠡᠵᠡᠢ ᠃ ᠪᠠᠰᠠ ᠤᠮᠠᠷᠠᠲᠤ ᠳᠠᠯᠠᠢ ᠣᠷᠴᠢᠮ《 ᠴᠢᠳᠬᠥᠷ ᠤᠯᠤᠰ 》 ᠭᠡᠵᠦ ᠪᠠᠶ᠋ᠢᠬᠤ ᠪᠠ ᠠᠲᠠᠢ ᠤᠯᠤᠰ ᠨᠢ ᠡᠳᠦᠷ ᠲᠡᠭᠡᠨ ᠤᠨᠲᠠᠵᠤ ᠰᠥᠨᠢ ᠪᠣᠯᠪᠠᠯ ᠲᠣᠭᠣᠷᠢᠳᠠᠭ ᠪᠥᠭᠡᠳ ᠠᠮᠠ ᠠᠨᠤ ᠬᠦᠵᠦᠭᠦᠨ ᠳ᠋ᠡᠭᠡᠨ ᠪᠣᠢ ᠭᠡᠵᠦ ᠲᠡᠮᠳᠡᠭᠯᠡᠭᠰᠡᠨ ᠵᠦᠢᠯᠡᠰ ᠴᠦ᠍ ᠪᠠᠰᠠ ᠪᠣᠢ ᠃ ᠲᠡᠦᠬᠡᠴᠢ ᠢᠨᠵᠠᠨᠨᠠᠰᠢ ᠶ᠋ᠢᠨ ᠲᠡᠮᠳᠡᠭᠯᠡᠭᠰᠡᠨ ᠡᠴᠡ ᠦᠵᠡᠪᠡᠯ ᠡᠨᠡ ᠮᠡᠲᠦ ᠶ᠋ᠢᠨ ᠲᠡᠮᠳᠡᠭᠯᠡᠯ ᠊ᠢ ᠠᠯᠢ ᠡᠷᠲᠡ ᠮᠣᠩᠭᠣᠯ ᠤ᠋ᠨ 《 ᠬᠠᠭᠤᠴᠢᠨ ᠮᠣᠩᠭᠣᠯ ᠦᠭᠡᠰ ᠦ᠋ᠨ ᠰᠤᠳᠤᠷ 》 ᠲᠤ᠌ 《 ᠲᠠᠪᠤᠨ ᠬᠠᠷᠢ ᠬᠢᠯᠢᠭᠡᠳ ᠲᠠᠰᠢᠭ ᠤᠯᠤᠰ 》 ᠭᠡᠵᠦ ᠡᠩ ᠨᠡᠶ᠋ᠢᠲᠡ ᠳ᠋ᠦ᠍ᠨᠢ ᠲᠡᠮᠳᠡᠭᠯᠡᠵᠦ ᠪᠠᠶ᠋ᠢᠬᠰᠠᠨ ᠪᠠ 《 ᠡᠨᠡ ᠦᠶᠡ ᠶ᠋ᠢᠨ ᠦᠭᠡ ᠪᠡᠷ ᠬᠡᠯᠡᠪᠡᠰᠦ ᠡᠲᠡᠭᠡᠳ ᠥᠪᠡᠷᠡ ᠰᠣᠨᠢᠨ ᠵᠢᠭᠲᠡᠢ ᠤᠯᠤᠰ ᠬᠡᠮᠡᠭᠰᠡᠨ ᠦᠭᠡ 》 ( 《 ᠬᠥᠬᠡ ᠰᠤᠳᠤᠷ 》 ) ᠭᠡᠵᠦ ᠲᠠᠶ᠋ᠢᠯᠪᠤᠷᠢᠯᠠᠵᠠᠢ ᠃
ᠲᠠᠨ ᠵᠡᠷᠭᠡᠪᠡᠷ ᠂ ᠬᠢᠲᠠᠳ ᠣᠷᠣᠨ ᠳ᠋ᠤᠷ ᠵᠠᠷᠤᠵᠤ ᠴᠠᠩ ᠴᠥᠩ ᠂ ᠴᠠᠤ ᠴᠤ᠌ ᠶ᠋ᠢ ① ᠨᠡᠷᠡᠲᠦ ᠠᠷᠰᠢ ᠶ᠋ᠢ ᠠᠷᠪᠠᠨ ᠨᠠᠢ᠍ᠮᠠᠨ ᠮᠡᠷᠭᠡᠨ ᠱᠠᠪᠢ ᠲᠠᠢ ᠢᠨᠤ ᠤᠷᠢᠵᠤ ᠲᠠᠪᠤᠨ ᠣᠲᠣᠭᠠᠳ ᠂ ᠶᠣᠰᠣᠲᠤ ᠠᠭᠤᠯᠠᠨ ᠤ᠋ ᠡᠩᠭᠡᠷ ᠲᠣᠷ ᠪᠠᠷᠠᠭᠠᠯᠠᠭᠤᠯᠵᠤ ᠂ ᠲᠥᠷᠥ ᠶ᠋ᠢ ᠪᠠᠷᠢᠬᠤ ᠠᠮᠢᠲᠠᠨ ᠊ᠢ ᠲᠡᠳᠬᠦᠬᠦ ᠶᠣᠰᠣᠨ ᠊ᠢ ᠠᠰᠠᠭᠤᠵᠤ ᠰᠠᠶ᠋ᠢᠰᠢᠶᠠᠨ ᠮᠠᠭᠲᠠᠭᠠᠳ ᠂ ᠲᠥᠪ ᠲᠩᠷᠢ ᠴᠣᠯᠠ ᠡᠷᠭᠦᠵᠦ ᠂ ᠪᠠᠭᠰᠢ ᠶ᠋ᠢᠨ ᠶᠣᠰᠣᠬᠠᠷ ᠂ ᠬᠦᠨᠳᠦᠯᠡᠭᠰᠡᠨ ᠡᠴᠡ ᠡᠬᠢᠯᠡᠨ ᠂ ᠬᠣᠶ᠋ᠢᠰᠢ ᠥᠭᠡᠳᠡᠢ ᠡᠵᠡᠨ ᠂ ᠰᠡᠴᠡᠨ ᠬᠠᠭᠠᠨ ᠲᠠᠨ ᠠᠯᠢᠪᠠ ᠵᠠᠷᠴᠢᠮ ᠵᠢᠷᠤᠮ ᠬᠠᠤᠯᠢ ᠶᠣᠰᠣᠨ ᠊ᠢ ᠴᠥᠮ ᠬᠢᠲᠠᠳ ᠤ᠋ᠨ ᠶᠣᠰᠣᠭᠠᠷ ᠵᠣᠬᠢᠶᠠᠭᠰᠠᠨ ᠊ᠢ ᠪᠣᠳᠣᠪᠠᠰᠤ ᠰᠤᠳᠤᠷ ᠨᠣᠬᠤᠳ ᠲᠤᠷ ᠂ ᠡᠨᠡᠳᠬᠡᠭ ᠦ᠋ᠨ ᠰᠢᠰᠢᠨ ᠦ᠌ ᠬᠠᠭᠠᠨ ᠂ ᠬᠢᠲᠠᠳ ᠤ᠋ᠨ ᠲᠥᠷᠥ ᠶ᠋ᠢᠨ ᠬᠠᠭᠠᠨ ᠂ ᠭᠡᠮᠡᠨ ᠨᠣᠮᠠᠯᠠᠭᠰᠠᠨ ᠯᠤᠭᠠ ᠤᠳᠬᠠ ᠲᠡᠭᠦᠯᠳᠡᠷ ᠮᠡᠲᠦ ᠪᠠᠶ᠋ᠢᠨᠠᠮ ᠃ ᠲᠡᠭᠦᠪᠡᠷ ᠦᠯᠢᠵᠦ
— — — —
① ᠴᠢᠦ ᠴᠦ᠍ ᠶ᠋ᠢ (1147-1227 ) ᠄ ᠶᠤᠸᠠᠨ ᠤᠯᠤᠰ ᠤ᠋ᠨ ᠪᠣᠮᠪᠣ᠂ ᠳ᠋ᠧᠩ ᠵᡁᠸ᠋ ᠴᠢ ᠰᠢᠶᠠ ᠶ᠋ᠢᠨ ᠬᠥᠮᠦᠨ ᠃ ᠡᠷᠭᠦᠭᠰᠡᠨ ᠨᠡᠷᠡ ᠲᠦᠩ ᠮᠢ ᠂ ᠴᠣᠯᠠ ᠴᠠᠩ ᠴᠦᠨ ᠽᠢ ᠭᠡᠳᠡᠭ ᠃1219 ᠣᠨ ᠳ᠋ᠤ᠌ ᠴᠢᠩᠭᠢᠰ ᠬᠠᠭᠠᠨ ᠨᠠᠢ᠍ᠮᠠᠨ ᠠ᠋ᠴᠠ ᠵᠠᠪᠠᠷ ᠪᠣᠯᠤᠨ ᠯᠢᠦ ᠵᠦᠩ ᠯᠦ᠍ ᠭᠡᠳᠡᠭ ᠬᠣᠶᠠᠷ ᠬᠥᠮᠦᠨ ᠊ᠢ ᠲᠣᠮᠢᠯᠠᠨ ᠪᠣᠮᠪᠣ ᠴᠢᠦ ᠴᠦ᠍ ᠶ᠋ᠢ ᠶ᠋ᠢ ᠵᠠᠯᠠᠭᠤᠯᠵᠠᠢ ᠃ ᠡᠨᠡ ᠪᠣᠮᠪᠣ ᠥᠩᠭᠡᠷᠡᠭᠰᠡᠨ ᠳ᠋ᠦ᠍ ᠠᠯᠲᠠᠨ ᠤᠯᠤᠰ ᠪᠠ ᠰᠥᠩ ᠤᠯᠤᠰ ᠠ᠋ᠴᠠ ᠡᠯᠴᠢ ᠲᠣᠮᠢᠯᠠᠨ ᠢᠷᠡᠭᠦᠯᠵᠦ ᠤᠷᠢᠵᠤ ᠵᠠᠯᠠᠭᠰᠠᠨ ᠳ᠋ᠤ᠌ ᠪᠦᠷ ᠣᠴᠢᠭᠰᠠᠨ ᠦᠭᠡᠢ ᠶᠦ᠍ᠮ ᠃ ᠡᠨᠡ ᠤᠳᠠᠭᠠ ᠡᠨᠡ ᠪᠣᠮᠪᠣ ᠥᠪᠡᠷ ᠦ᠋ᠨ ᠱᠠᠪᠢ ᠪᠣᠯᠬᠤ ᠠᠷᠪᠠᠨ ᠨᠠᠢ᠍ᠮᠠᠨ ᠬᠥᠮᠦᠨ ᠊ᠢ ᠳᠠᠭᠠᠭᠤᠯᠤᠨ ᠴᠢᠩᠭᠢᠰ ᠬᠠᠭᠠᠨ ᠲᠠᠢ ᠠᠭᠤᠯᠵᠠᠬᠤ ᠪᠠᠷ ᠮᠣᠩᠭᠣᠯ ᠂ ᠲᠦᠷᠺᠢᠸᠰᠲ᠋ᠠᠨ ᠣᠷᠣᠨ ᠊ᠢ ᠥᠩᠭᠡᠷᠡᠨ ᠂ ᠡᠯᠡᠰᠦ ᠮᠠᠩᠬᠠ ᠶ᠋ᠢ ᠲᠤᠭᠤᠯᠤᠨ ᠴᠠᠰᠤᠲᠤ ᠠᠭᠤᠯᠠ ᠶ᠋ᠢ ᠳᠠᠪᠠᠵᠤ ᠶᠠᠪᠤᠭᠰᠠᠭᠠᠷ1221 ᠣᠨ ᠪᠣᠯᠬᠤ ᠳ᠋ᠤ᠌ ᠴᠢᠩᠭᠢᠰ ᠬᠠᠭᠠᠨ ᠤ᠋ ᠥᠷᠭᠥᠭᠡ ᠪᠠᠶ᠋ᠢᠬᠰᠠᠨ ᠡᠨᠡᠳᠬᠡᠭ ᠦ᠋ᠨ ᠬᠢᠵᠠᠭᠠᠷ ᠬᠦᠷᠴᠦ ᠂ ᠴᠢᠩᠭᠢᠰ ᠬᠠᠭᠠᠨ ᠲᠠᠢ ᠠᠭᠤᠯᠵᠠᠵᠠᠢ ᠃ ᠲᠡᠭᠦᠨ ᠲᠡᠢ ᠬᠠᠮᠲᠤ ᠶᠠᠪᠤᠭᠰᠠᠨ ᠱᠠᠪᠢ ᠪᠣᠯᠬᠤ ᠯᠢ ᡁᠢ ᠴᠠᠩ ᠭᠡᠳᠡᠭ ᠬᠥᠮᠦᠨ 《 ᠴᠠᠩ ᠴᠦᠨ ᠪᠣᠮᠪᠣ ᠶ᠋ᠢᠨ ᠪᠠᠷᠠᠭᠤᠨᠰᠢ ᠵᠣᠷᠴᠢᠭᠰᠠᠨ ᠲᠡᠮᠳᠡᠭᠯᠡᠯ 》 ᠭᠡᠰᠡᠨ ᠵᠠᠮ ᠤ᠋ᠨ ᠲᠡᠮᠳᠡᠭᠯᠡᠯ ᠪᠢᠴᠢᠵᠦ ᠂ ᠲᠤᠬᠠᠢ ᠶ᠋ᠢᠨ ᠦᠶᠡ ᠶ᠋ᠢᠨ ᠮᠣᠩᠭᠣᠯᠴᠤᠳ ᠤ᠋ᠨ ᠲᠤᠬᠠᠢ ᠣᠯᠠᠨ ᠰᠣᠨᠢᠨ ᠵᠦᠢᠯ ᠊ᠢ ᠮᠡᠳᠡᠭᠡᠯᠡᠵᠡᠢ ᠃
ᠰᠠᠭᠤᠪᠠᠰᠤ ᠶᠢᠰᠦᠨ ᠥᠷᠯᠥᠭ ᠡᠬᠤ ᠂ᠶᠢᠰᠦᠨ ᠴᠢᠩ① ᠬᠡᠮᠡᠭᠳᠡᠬᠦ ᠲᠥᠷᠥ ᠶ᠋ᠢᠨ ᠪᠣᠢ ᠦᠭᠡᠢ ᠶᠢᠰᠦᠨ ᠵᠦᠢᠯ ᠦᠢᠯᠡ ᠶ᠋ᠢ ᠳᠠᠭᠠᠭᠰᠠᠨ ᠡᠷᠬᠢᠮ ᠰᠠᠶ᠋ᠢᠳ ᠤ᠋ᠨ ᠬᠢᠭᠡᠳ ᠃ ᠲᠠᠪᠤᠨ ᠥᠩᠭᠡ ᠢᠨᠤ ᠬᠦᠩ ᠱᠠᠩ ᠵᠢᠶᠣᠤ ᠶ᠋ᠢ ᠢᠦᠢ ᠲᠠᠪᠤᠨ ᠮᠠᠭᠠᠪᠤᠳ② ᠤ᠋ᠨ ᠲᠠᠪᠤᠨ ᠴᠢᠨᠠᠷ ᠲᠤ᠌ ᠲᠠᠪᠤᠨ ᠵᠦᠢᠯ ᠣᠪᠣᠭ ᠲᠤᠷ ᠪᠠᠭᠲᠠᠭᠰᠠᠨ ᠂ ᠡᠯᠡ ᠭᠣᠣᠯ ᠤᠯᠤᠰ ᠢᠷᠭᠡᠨ ᠪᠠ ᠳᠥᠷᠪᠡᠨ ᠬᠠᠷᠢ ᠠᠨᠤ ᠼᠢ ᠠᠢ③ ᠬᠡᠮᠡᠭᠳᠡᠬᠦ ᠂ ᠳᠤᠮᠳᠠᠳᠤ ᠤᠯᠤᠰ ᠤ᠋ᠨ ᠳᠥᠷᠪᠡᠨ ᠵᠦᠭ ᠲᠦ᠍ᠷ ᠠᠭᠠᠴᠢ ᠂ ᠠᠯᠪᠠ ᠡᠷᠭᠦᠨ ᠢᠪᠡᠭᠡᠯ ᠳ᠋ᠦ᠍ᠷ ᠬᠦᠷᠲᠡᠭᠴᠢ ᠡᠯᠡ ᠭᠠᠳᠠᠭᠠᠳᠤ ᠤᠯᠤᠰ ᠨᠡᠶ᠋ᠢᠲᠡ ᠶ᠋ᠢᠨ ᠨᠡᠷᠡ ᠪᠥᠭᠡᠳ ᠂ ᠬᠢᠲᠠᠳ ᠤ᠋ᠨ ᠠᠬᠤ ᠶᠣᠰᠣᠨ ᠤ᠋ ᠥᠭᠦᠯᠡᠯ ᠊ᠢ ᠳᠠᠭᠠᠵᠤ ᠮᠣᠩᠭᠣᠯᠴᠢᠯᠠᠨ ᠣᠷᠴᠢᠭᠤᠯᠤᠭᠰᠠᠨ ᠮᠡᠲᠦ ᠪᠠᠶ᠋ᠢᠨᠠᠮ ᠃
— — — —
① ᠶᠢᠰᠦᠨ ᠴᠢᠩ ᠄ ᠶᠢᠰᠦᠨ ᠥᠷᠯᠥᠭ ᠭᠡᠳᠡᠭ ᠊ᠢ ᠬᠢᠲᠠᠳ ᠤ᠋ᠨ ᠨᠣᠶᠠᠳ ᠲᠦᠰᠢᠮᠡᠯ ᠦ᠋ᠨ 《九卿 》 ᠭᠡᠳᠡᠭ ᠵᠡᠷᠭᠡ ᠲᠡᠢ ᠠᠳᠠᠯᠢ ᠭᠡᠵᠦ ᠦᠵᠡᠵᠡᠢ ᠃ 《 九卿》 ᠭᠡᠬᠦ ᠲᠦᠰᠢᠮᠡᠯ ᠦ᠋ᠨ ᠵᠡᠷᠭᠡ ᠳᠠᠭᠤᠳᠠᠯᠭᠠ ᠪᠣᠯ ᠴᠢᠨ ᠤᠯᠤᠰ ᠂ ᠬᠠᠨ ᠤᠯᠤᠰ ᠤ᠋ᠨ ᠦᠶᠡ ᠳ᠋ᠦ᠍ ᠣᠷᠳᠣᠨ ᠤ᠋ ᠳᠣᠲᠣᠷᠠᠬᠢ ᠵᠠᠰᠠᠭ ᠤ᠋ᠨ ᠨᠣᠶᠠᠨ ᠢ᠋ᠶ᠋ᠠᠨ ᠶᠢᠰᠦᠨ ᠵᠦᠢᠯ ᠢ᠋ᠶ᠋ᠡᠷ ᠨᠡᠷᠡᠯᠡᠨ ᠳᠠᠭᠤᠳᠠᠳᠠᠭ ᠪᠠᠶ᠋ᠢᠵᠠᠢ ᠃ᠡᠨᠡ ᠨᠢ ᠬᠡᠷᠡᠭ ᠳᠡᠭᠡᠷᠡ ᠪᠡᠨ ᠲᠤᠬᠠᠢ ᠶ᠋ᠢᠨ ᠦᠶᠡ ᠶ᠋ᠢᠨ ᠲᠥᠪ ᠦ᠋ᠨ ᠴᠡᠷᠢᠭ ᠵᠠᠰᠠᠭ ᠤ᠋ᠨ ᠪᠠᠶ᠋ᠢᠭᠤᠯᠤᠮᠵᠢ ᠨᠤᠭᠤᠳ ᠤ᠋ᠨ ᠶᠡᠷᠦᠩᠬᠡᠢ ᠨᠡᠷᠡᠶ᠋ᠢᠲᠦᠯ ᠪᠣᠯᠬᠤ ᠶᠤᠮ ᠃ ᠮᠢᠩ ᠤᠯᠤᠰ ᠪᠠ ᠴᠢᠩ ᠤᠯᠤᠰ ᠤ᠋ᠨ ᠦᠶᠡ ᠳ᠋ᠦ᠍ ᠶᠡᠬᠡ ᠶᠢᠰᠦᠨ ᠴᠢᠩ ᠂ ᠪᠠᠭᠠ ᠶᠢᠰᠦᠨ ᠴᠢᠩ ᠬᠤᠪᠢᠶᠠᠨ ᠢᠯᠭᠠᠵᠤ ᠪᠠᠶ᠋ᠢᠬᠰᠠᠨ ᠴᠤ᠌ ᠴᠣᠬᠣᠮ ᠶᠠᠮᠠᠷ ᠨᠣᠶᠠᠳ ᠊ᠢ ᠵᠢᠭᠠᠵᠤ ᠪᠠᠶ᠋ᠢᠬᠰᠠᠨ ᠲᠤᠬᠠᠢ ᠨᠠᠷᠢᠨ ᠲᠣᠳᠣᠷᠬᠠᠢ ᠲᠡᠮᠳᠡᠭᠯᠡᠯ ᠦᠭᠡᠢ ᠶᠦ᠍ᠮ ᠃ 《 ᠶᠢᠰᠦᠨ ᠥᠷᠯᠥᠭ 》 ᠭᠡᠳᠡᠭ ᠪᠣᠯ ᠮᠣᠩᠭᠣᠯ ᠲᠥᠷᠥ ᠶ᠋ᠢᠨ ᠦᠶᠡ ᠳ᠋ᠦ᠍ ᠴᠢᠩᠭᠢᠰ ᠬᠠᠭᠠᠨ ᠤ᠋ ᠵᠠᠰᠠᠭ ᠴᠡᠷᠢᠭ ᠦ᠋ᠨ ᠴᠢᠬᠤᠯᠠ ᠡᠷᠬᠡ ᠶ᠋ᠢ ᠠᠳᠬᠤᠭᠰᠠᠨ ᠶᠢᠰᠦᠨ ᠨᠣᠶᠠᠳ ᠢ᠋ᠶ᠋ᠠᠨ ᠶᠢᠰᠦᠨ ᠥᠷᠯᠥᠭ ᠭᠡᠵᠦ ᠡᠷᠭᠦᠮᠵᠢᠯᠡᠨ ᠳᠠᠭᠤᠳᠠᠵᠤ ᠪᠠᠶ᠋ᠢᠬᠰᠠᠨ ᠶᠤᠮ ᠃ ᠡᠨᠡ ᠨᠢ ᠬᠢᠲᠠᠳ ᠤ᠋ᠨ 《九卿 》 ᠭᠡᠳᠡᠭ ᠲᠡᠢ ᠶᠠᠮᠠᠷ ᠴᠤ᠌ ᠬᠣᠯᠪᠣᠭᠠ ᠦᠭᠡᠢ ᠶᠦ᠍ᠮ ᠃
② ᠡᠷᠲᠡᠨ ᠳ᠋ᠡᠭᠡᠨ ᠬᠢᠲᠠᠳ ᠦᠨᠳᠦᠰᠦᠲᠡᠨ ᠳᠠᠭᠤᠨ ᠠᠶᠠᠯᠭᠤ ᠂ ᠴᠢᠨᠠᠷ ᠮᠠᠬᠠᠪᠣᠳ ᠊ᠢ ᠲᠠᠪᠤᠨ ᠠᠶᠠᠯᠭᠤ ᠂ ᠡᠰᠡᠬᠦᠯᠡ ᠲᠠᠪᠤᠨ ᠮᠠᠬᠠᠪᠣᠳ 《宫商角微羽 》 ᠭᠡᠵᠦ ᠲᠡᠮᠳᠡᠭᠯᠡᠵᠦ ᠢᠷᠡᠵᠡᠢ ᠃ ᠡᠭᠦᠨ ᠊ᠢ ᠮᠣᠩᠭᠣᠯ ᠤ᠋ᠨ ᠡᠷᠲᠡᠨ ᠦ᠌ ᠪᠢᠴᠢᠭ ᠲᠦ᠍ ᠪᠠᠰᠠ 《 ᠭᠦᠩᠳᠡᠭᠦᠨ ᠂ ᠰᠠᠩᠲᠠᠭᠤᠨ ᠂ ᠭᠢᠶᠣᠳᠠᠭᠤᠨ ᠂ ᠵᠢᠳᠠᠭᠤᠨ ᠂ ᠶᠦᠳᠠᠭᠤᠨ 》 ᠭᠡᠵᠦ ᠲᠡᠮᠳᠡᠭᠯᠡᠳᠡᠭ ᠶᠦ᠍ᠮ ᠃
③ ᠽᠢ ᠢ ᠄ ᠬᠢᠲᠠᠳ ᠤ᠋ᠨ 《 四夷》 ᠭᠡᠰᠡᠨ ᠦᠭᠡ ᠂ ᠳᠥᠷᠪᠡᠨ ᠬᠠᠷᠢ ᠭᠡᠵᠦ ᠮᠣᠩᠭᠣᠯ ᠤ᠋ᠨ ᠰᠤᠳᠤᠷ ᠪᠢᠴᠢᠭ ᠲᠦ᠍ ᠲᠡᠮᠳᠡᠭᠯᠡᠭᠰᠡᠭᠡᠷ ᠢᠷᠡᠵᠡᠢ ᠃ ᠡᠭᠦᠨ ᠊ᠢ ᠶᠠᠭ ᠬᠢᠲᠠᠳ ᠤ᠋ᠨ 《四夷 》 ᠭᠡᠳᠡᠭ ᠡᠴᠡ ᠢᠷᠡᠯᠡ ᠭᠡᠵᠦ ᠦᠵᠡᠬᠦ ᠳ᠋ᠦ᠍ ᠦᠨᠳᠦᠰᠦ ᠦᠭᠡᠢ ᠶᠦ᠍ᠮ ᠃ 《 ᠲᠠᠪᠤᠨ ᠥᠩᠭᠡ ᠂ ᠳᠥᠷᠪᠡᠨ ᠬᠠᠷᠢ ᠤᠯᠤᠰ 》 ᠭᠡᠳᠡᠭ ᠪᠣᠯ ᠠᠯᠢ ᠡᠷᠲᠡ ᠮᠣᠩᠭᠣᠯ ᠤ᠋ᠨ ᠬᠠᠭᠠᠨᠲᠤ ᠤᠯᠤᠰ ᠤ᠋ᠨ ᠦᠶᠡ ᠳ᠋ᠦ᠍ ᠨᠢᠭᠡᠨᠲᠡ ᠲᠤᠰᠬᠠᠢ ᠨᠡᠷᠡ ᠪᠣᠯᠤᠨ ᠲᠣᠭᠲᠠᠭᠰᠠᠨ ᠪᠠᠶ᠋ᠢᠨᠠ ᠂ ᠬᠢᠲᠠᠳ ᠲᠤ᠌ ᠡᠶ᠋ᠢᠮᠦ ᠲᠤᠰᠬᠠᠢ ᠨᠡᠷᠡ ᠦᠭᠡᠢ ᠶᠦ᠍ᠮ ᠃
ᠵᠢᠷᠭᠤᠭᠠᠨ ᠮᠣᠩᠭᠣᠯ ᠂ ᠳᠥᠷᠪᠡᠨ ᠤᠶ᠋ᠢᠷᠠᠳ ᠬᠡᠮᠡᠭᠳᠡᠬᠦ ᠡᠴᠡ ᠵᠢᠷᠭᠤᠭᠠᠨ ᠲᠦᠭ ᠲᠦᠮᠡᠨ ᠮᠣᠩᠭᠣᠯ① ᠠᠨᠤ ᠵᠠᠷᠢᠮ ᠪᠢᠴᠢᠭ ᠲᠣᠷ ᠲᠦᠮᠡᠨ ᠬᠡᠮᠡᠵᠦᠬᠦᠢ ᠂ ᠨᠠᠢ᠍ᠮᠠᠨ ᠣᠲᠣᠭ ᠴᠠᠬᠠᠷ ᠂ ᠠᠯᠴᠤᠳ ᠬᠢᠭᠡᠳ ᠂ ᠬᠡᠰᠢᠭᠲᠡᠨ ᠂ ᠣᠣᠬᠠᠨ ᠨᠠᠢ᠍ᠮᠠᠨ ᠂ ᠲᠠᠲᠠᠷ ᠡᠳᠡ ᠦᠯᠭᠡ ᠶ᠋ᠢᠨ ᠳᠥᠷᠪᠡᠨ ᠣᠲᠣᠭ ᠪᠣᠢ ᠂ ᠦᠵᠦᠮᠦᠴᠢᠨ ᠬᠠᠬᠤᠴᠢᠳ ᠬᠡᠮᠡᠭᠴᠢᠳ ᠬᠠᠯᠭᠠ ᠡᠳᠡ ᠳᠥᠷᠪᠡᠨ ᠣᠲᠣᠭ ᠪᠣᠢ ᠂ ᠲᠠᠪᠤᠨ ᠣᠲᠣᠭ ᠬᠠᠯᠭᠠ ᠣᠷᠢᠶᠠᠩᠬᠠᠨ ᠡᠳᠡ ᠵᠡᠭᠦᠨ ᠭᠤᠷᠪᠠᠨ ᠲᠦᠭ ᠲᠦᠮᠡᠨ ᠂ ᠠᠷᠪᠠᠨ ᠬᠣᠶᠠᠷ ᠲᠦᠮᠡᠨ ᠣᠷᠳᠣᠰ ᠂ ᠳᠣᠯᠤᠬᠠᠨ ᠲᠦᠮᠡᠨ ᠤᠶ᠋ᠢᠬᠤᠷᠴᠢᠨ ᠂ ᠪᠠᠭᠠᠷᠢᠨ ᠲᠦᠮᠡᠨ ᠥᠰᠢᠨ ᠲᠦᠮᠡᠨ ᠂ ᠪᠠᠶᠠᠳ ᠲᠦᠮᠡᠨ ᠂ ᠤᠷᠠᠳ ᠲᠦᠮᠡᠨ ᠂ ᠬᠣᠩᠭᠢᠷᠠᠳ ᠲᠦᠮᠡᠨ ᠂ ᠢᠳᠡ ᠲᠦᠮᠡᠨ ᠂ ᠰᠠᠯᠵᠤᠤᠲᠠ ᠲᠦᠮᠡᠨ ᠂ ᠶᠡᠬᠡ ᠲᠦᠮᠡᠨ ᠂ ᠵᠢᠷᠭᠢᠨ ᠲᠦᠮᠡᠨ ᠂ ᠶᠦᠩᠰᠢᠶᠠᠪᠤ ᠬᠢᠭᠡᠳ ᠂ ᠨᠠᠰᠤᠳ ᠂ ᠬᠠᠷᠴᠢᠨ ᠡᠳᠡ ᠪᠠᠷᠠᠬᠤᠨ ᠲᠦᠭ ᠲᠦᠮᠡᠨ ᠪᠤᠶᠤ ᠳᠥᠷᠪᠡᠨ ᠲᠦᠭ ᠲᠦᠮᠡᠨ ᠤᠶ᠋ᠢᠷᠠᠳ② ᠠᠨᠤ ᠂ ᠬᠤᠰᠢᠭᠤᠳ ᠲᠤᠷᠠᠭᠤᠳ ᠬᠣᠶᠠᠷ ᠨᠢᠭᠡᠨ ᠂ ᠳᠥᠷᠪᠡᠳ ᠵᠡᠭᠦᠨ
— — — —
① ᠵᠢᠷᠭᠤᠭᠠᠨ ᠲᠦᠭ ᠲᠦᠮᠡᠨ ᠮᠣᠩᠭᠣᠯ ᠄ 《 ᠰᠢᠷᠠ ᠲᠣᠭᠣᠵᠢ 》 ᠳ᠋ᠤ᠌ ᠵᠢᠷᠭᠤᠭᠠᠨ ᠲᠦᠮᠡᠨ ᠮᠣᠩᠭᠣᠯ ᠭᠡᠵᠦ ᠲᠡᠮᠳᠡᠭᠯᠡᠭᠡᠳ ᠲᠡᠭᠦᠨ ᠦ᠌ ᠪᠦᠷᠢᠯᠳᠦᠭᠰᠡᠨ ᠲᠤᠬᠠᠢ ᠲᠡᠮᠳᠡᠭᠯᠡᠭᠰᠡᠨ ᠨᠢ᠄ ᠶᠤᠸᠠᠨ ᠤᠯᠤᠰ ᠤ᠋ᠨ ᠲᠣᠭᠤᠭᠠᠨᠲᠡᠮᠦᠷ ᠤᠬᠠᠭᠠᠨᠲᠤ ᠬᠠᠭᠠᠨ ᠲᠠᠶ᠋ᠢᠲᠦ ( ᠪᠡᠭᠡᠵᠢᠩ ) ᠡᠴᠡ ᠳᠤᠲᠠᠭᠠᠨ ᠭᠠᠷᠬᠤ ᠳ᠋ᠠᠭᠠᠨ ᠳᠥᠴᠢᠨ ᠲᠦᠮᠡᠨ ᠮᠣᠩᠭᠣᠯ ᠤ᠋ᠨ ᠢ᠋ᠶ᠋ᠠᠨ ᠵᠢᠷᠭᠤᠭᠠᠨ ᠲᠦᠮᠡᠨ ᠊ᠢ ᠠᠪᠴᠤ ᠭᠠᠷᠪᠠ ᠃ ᠡᠭᠦᠨ ᠊ᠢ ᠵᠢᠷᠭᠤᠭᠠᠨ ᠲᠦᠮᠡᠨ ᠮᠣᠩᠭᠣᠯ ᠭᠡᠳᠡᠭ ᠃ ᠵᠢᠷᠭᠤᠭᠠᠨ ᠲᠦᠮᠡᠨ ᠮᠣᠩᠭᠣᠯ ᠤ᠋ᠨ ᠵᠡᠭᠦᠨ ᠭᠤᠷᠪᠠᠨ ᠲᠦᠮᠡᠨ ᠨᠢ ᠴᠠᠬᠠᠷ ᠲᠦᠮᠡᠨ ᠂ ᠬᠠᠯᠬᠠ ᠲᠦᠮᠡᠨ ᠂ ᠤᠷᠢᠶᠠᠩᠬᠠᠨ ᠲᠦᠮᠡᠨ ᠂ ᠪᠠᠷᠠᠭᠤᠨ ᠭᠤᠷᠪᠠᠨ ᠲᠦᠮᠡᠨ ᠨᠢ ᠣᠷᠳᠣᠰ ᠲᠦᠮᠡᠨ ᠂ ᠠᠷᠪᠠᠨ ᠬᠣᠶᠠᠷ ᠲᠦᠮᠡᠳ ᠲᠦᠮᠡᠨ ᠂ ᠶᠦᠩᠰᠢᠶᠠᠪᠤ ᠵᠡᠷᠭᠡ ᠪᠣᠯᠤᠨᠠ ᠃ ᠵᠢᠷᠭᠤᠭᠠᠨ ᠲᠦᠮᠡᠨ ᠊ᠢ ᠪᠠᠰᠠ ᠵᠠᠷᠢᠮ ᠰᠤᠳᠤᠷ ᠲᠤ᠌ 《 ᠵᠢᠷᠭᠤᠭᠠᠨ ᠶᠡᠬᠡ ᠤᠯᠤᠰ 》 ᠭᠡᠵᠦ ᠨᠡᠷᠡᠯᠡᠳᠡᠭ ᠪᠤᠶᠤ ᠃ ᠠᠷᠪᠠᠨ ᠳᠣᠯᠣᠳᠤᠭᠠᠷ ᠵᠠᠭᠤᠨ ᠤ᠋ ᠪᠢᠴᠢᠭ ᠰᠤᠳᠤᠷ ᠠ᠋ᠴᠠ ᠦᠵᠡᠬᠦ ᠳ᠋ᠦ᠍ 《 ᠤᠯᠤᠰ 》 ᠪᠠ 《 ᠲᠦᠮᠡᠨ 》 ᠭᠡᠳᠡᠭ ᠨᠢ ᠪᠠᠷᠤᠭ ᠠᠳᠠᠯᠢ ᠤᠳᠬᠠ ᠪᠠᠷ ᠬᠡᠷᠡᠭᠯᠡᠭᠳᠡᠵᠦ ᠪᠠᠶ᠋ᠢᠬᠰᠠᠨ ᠵᠠᠰᠠᠭ ᠵᠠᠬᠢᠷᠭᠠᠨ ᠤ᠋ ᠨᠢᠭᠡᠴᠡ ᠪᠣᠯᠤᠯᠲᠠᠢ ᠃ ᠡᠭᠦᠨ ᠳ᠋ᠦ᠍ ᠲᠣᠳᠣᠯᠠᠭᠤᠱᠢᠲᠠᠢ ᠨᠢᠭᠡ ᠵᠦᠢᠯ ᠭᠡᠪᠡᠯ 《 ᠤᠯᠤᠰ 》 ᠪᠠ 《 ᠲᠦᠮᠡᠨ 》 ᠨᠢ ᠪᠦᠷ ᠴᠢᠩᠭᠢᠰ ᠬᠠᠭᠠᠨ ᠤ᠋ ᠠᠯᠲᠠᠨ ᠤᠷᠤᠭ ᠤ᠋ᠨ ᠬᠢᠨᠢ ᠬᠤᠪᠢ ᠶᠤᠮ ᠃
② ᠳᠥᠷᠪᠡᠨ ᠲᠦᠭ ᠲᠦᠮᠡᠨ ᠤᠶ᠋ᠢᠷᠠᠳ ᠄ 《 ᠰᠢᠷᠠ ᠲᠣᠭᠣᠵᠢ 》 ᠳ᠋ᠤ᠌ ᠳᠥᠷᠪᠡᠨ ᠤᠶ᠋ᠢᠷᠠᠳ ᠭᠡᠵᠦ ᠲᠡᠮᠳᠡᠭᠯᠡᠭᠡᠳ ᠬᠠᠷᠢᠶᠠᠳ ᠲᠦᠮᠡᠨ ᠃ ᠥᠭᠡᠯᠡᠳ ᠲᠦᠮᠡᠨ ᠃ ᠪᠠᠷᠠᠭᠤ ᠂ ᠪᠠᠭᠠᠲᠤᠳ ᠂ ᠬᠤᠶ᠋ᠢᠳ ᠬᠠᠮᠰᠠᠵᠤ ᠨᠢᠭᠡᠨ ᠲᠦᠮᠡᠨ ᠃ ᠬᠤᠰᠢᠭᠤᠳ ᠂ ᠲᠣᠷᠭᠤᠳ ᠂ ᠵᠡᠭᠦᠨ ᠭᠠᠷ ᠂ ᠳᠥᠷᠪᠡᠳ ᠬᠠᠮᠰᠠᠵᠤ ᠨᠢᠭᠡᠨ ᠲᠦᠮᠡᠨ ᠃ 《 ᠳᠥᠷᠪᠡᠨ ᠲᠦᠮᠡᠨ ᠤᠶ᠋ᠢᠷᠠᠳ ᠭᠡᠭᠴᠢ ᠡᠨᠡ 》 ᠭᠡᠵᠡᠢ ᠃ ᠶᠤᠸᠠᠨ ᠤᠯᠤᠰ ᠤ᠋ᠨ ᠦᠶᠡ ᠳ᠋ᠦ᠍ ᠪᠦᠬᠦ ᠮᠣᠩᠭᠣᠯᠴᠤᠳ ᠊ᠢ 《 ᠳᠥᠴᠢᠨ ᠂ ᠳᠥᠷᠪᠡᠨ ᠂ ᠬᠣᠶᠠᠷ 》 ᠳᠠᠷᠤᠢ ᠵᠡᠭᠦᠨ ᠮᠣᠩᠭᠣᠯ ᠤ᠋ᠨ ᠳᠥᠴᠢᠨ ᠲᠦᠮᠡ ᠂ ᠪᠠᠷᠠᠭᠤᠨ ᠮᠣᠩᠭᠣᠯ ᠤ᠋ᠨ ᠳᠥᠷᠪᠡᠨ ᠲᠦᠮᠡ ᠭᠡᠵᠦ ᠨᠡᠶ᠋ᠢᠲᠡᠮ ᠨᠡᠷᠡᠯᠡᠵᠦ ᠪᠠᠶ᠋ᠢᠯᠠ ᠃ ᠮᠢᠩ ᠤᠯᠤᠰ ᠤ᠋ᠨ ᠦᠶᠡ ᠳ᠋ᠦ᠍ ᠤᠶ᠋ᠢᠷᠠᠤᠠᠴᠤᠳ ᠊ᠢ ᠪᠠᠰᠠ ᠮᠥᠨ ᠬᠦ ᠳᠥᠷᠪᠡᠨ ᠲᠦᠮᠡᠨ ᠤᠶ᠋ᠢᠷᠠᠳ ᠭᠡᠵᠦ ᠨᠡᠷᠡᠯᠡᠵᠦ ᠪᠠᠶ᠋ᠢᠵᠠᠢ ᠃
ᠬᠠᠷ ᠡᠳᠡ ᠨᠢᠭᠡᠨ ᠂ ᠬᠤᠬᠤᠨ [ ᠬᠤᠬᠤᠰ ] ᠪᠠᠭᠠᠲᠤᠳ ᠬᠣᠶᠠᠷ ᠨᠢᠭᠡᠨ ᠂ ᠪᠠᠷᠠᠬᠤ ᠂ ᠪᠣᠷᠤᠭᠤᠨ ᠬᠣᠶᠠᠷ ᠨᠢᠭᠡᠨ ᠠᠶ᠋ᠢᠮᠠᠭ ᠪᠣᠢ ᠂ ᠨᠡᠶ᠋ᠢᠲᠡ ᠠᠷᠪᠠᠨ ᠲᠦᠭ ᠲᠦᠮᠡᠨ ᠭᠠᠳᠠᠨ ᠴᠡᠷᠢᠭ ᠂ ᠬᠢᠲᠠᠳ ᠪᠢᠴᠢᠭᠲᠡᠢ ᠵᠠᠭᠤᠨ ᠲᠦᠮᠡᠨ ᠬᠠᠳᠠᠨ ᠪᠢᠴᠢᠭ ᠭᠡᠮᠡᠨ ᠪᠢᠴᠢᠵᠦᠬᠦᠢ ᠃ ᠭᠡᠮᠡᠨ ᠠᠯᠳᠠᠷᠰᠢᠪᠠᠢ ᠃ ᠪᠠᠰᠠ ᠵᠠᠷᠢᠮ ᠪᠢᠴᠢᠬᠲᠦᠷ ᠂ ᠵᠠᠯᠠᠶ᠋ᠢᠳ ᠂ ᠬᠣᠷᠯᠤᠰ ᠂ ᠤᠷᠠᠳ ᠂ ᠳᠥᠷᠪᠡᠳ ᠂ ᠦᠰᠢᠨ ᠂ ᠰᠠᠯᠴᠤᠣᠳ᠋ ᠪᠠᠰᠤᠳ ᠂ ᠮᠠᠩᠬᠤᠳ ᠂ ᠪᠠᠶᠠᠤᠳ ᠂ ᠲᠡᠷᠡᠭᠦᠲᠡ ᠂ ᠳᠠᠯᠠᠨ ᠬᠣᠶᠠᠷ ᠮᠣᠩᠭᠣᠯ③ ᠬᠢᠨ ᠡᠴᠡ ᠲᠠᠩᠬᠤᠳ ᠂ ᠤᠶ᠋ᠢᠬᠤᠷ ᠬᠣᠬᠣᠢ ᠲᠥᠪᠡᠳ ᠤᠯᠤᠰ ᠃ ᠬᠠᠷᠠ ᠬᠢᠲᠠᠳ ᠂ ᠵᠦᠷᠴᠢᠳ ᠲᠡᠷᠡᠭᠦᠲᠡᠨ ᠭᠤᠴᠢᠨ ᠨᠢᠭᠡᠨ ᠬᠠᠷᠢ ᠰᠠᠷᠠᠶ᠋ᠢᠬᠤᠨ ᠰᠤᠯᠤᠩᠬᠤᠳ ᠂ ᠢᠦᠢ ᡁᠢ ᠵᠤᠶ᠋ᠢᠳ ᠲᠡᠷᠡᠭᠦᠲᠡᠨ ᠨᠠᠢ᠍ᠮᠠᠨ ᠼᠠᠬᠠ [ ᠴᠢᠬᠠ ] ④ ᠬᠡᠮᠡᠭᠰᠡᠨ ᠪᠠᠶ᠋ᠢᠨᠠᠮ ᠃ ᠪᠠᠰᠠ ᠪᠤᠰᠤ ᠮᠣᠩᠭᠣᠯ ᠤ᠋ᠨ ᠶᠡᠬᠡ ᠬᠥᠭᠵᠢᠮ ᠂ ᠬᠠᠪᠤᠲᠤ ᠶᠡᠬᠡ ᠳᠠᠩᠬᠤ ᠰᠣᠶ᠋ᠢᠬᠤᠷ ᠵᠢᠬᠢᠰ ᠲᠣᠯᠤᠬᠠᠢ ᠶᠤᠯᠤᠨ ᠠᠶᠠᠯᠬᠤ ᠃ ᠲᠣᠬᠤᠰ ᠲᠡᠷᠡᠭᠦᠲᠡ ᠠᠷᠪᠠᠨ
— — — —
① ᠳᠠᠯᠠᠨ ᠬᠣᠶᠠᠷ ᠮᠣᠩᠭᠣᠯ ᠄ ᠬᠢᠲᠠᠳ ᠰᠤᠷᠪᠤᠯᠵᠢ 《 ᠴᠤᠸᠸ ᠭᠧᠩ ᠯᠦ᠍ 》 ᠪᠢᠴᠢᠭ ᠲᠦ᠍ ᠮᠣᠩᠭᠣᠯ ᠳᠠᠯᠠᠨ ᠬᠣᠶᠠᠷ ᠠᠶ᠋ᠢᠮᠠᠭ ᠭᠡᠵᠦ ᠳᠤᠷᠠᠳᠤᠨ ᠨᠢᠭᠡᠳ ᠨᠢᠭᠡ ᠪᠡᠷ ᠲᠣᠭᠠᠴᠢᠵᠠᠢ ᠃ ᠢᠨᠵᠠᠨᠨᠠᠰᠢ 《 ᠬᠥᠬᠡ ᠰᠤᠳᠤᠷ 》 ᠲᠠᠭᠠᠨ ᠮᠣᠩᠭᠣᠯ ᠊ᠢ ᠠᠷᠪᠠᠨ ᠬᠣᠶᠠᠷ ᠶᠡᠬᠡ ᠤᠯᠤᠰ ᠂ ᠳᠠᠯᠠᠨ ᠲᠠᠪᠤᠨ ᠪᠠᠭᠠ ᠠᠶ᠋ᠢᠮᠠᠭ ᠭᠡᠵᠦ ᠢᠯᠭᠠᠨ ᠲᠡᠮᠳᠡᠭᠯᠡᠵᠡᠢ ᠃
② ᠨᠠᠢ᠍ᠮᠠ ᠽᠠᠬᠠ ᠄ 《 ᠠᠯᠲᠠᠨ ᠤᠷᠤᠭ ᠲᠠᠨ ᠤ᠋ ᠳᠤᠲᠠ ᠲᠡᠦᠬᠡ 》 ᠳ᠋ᠦ᠍ 《 ᠰᠠᠷᠠᠶ᠋ᠢᠬᠤᠯ ᠃ ᠰᠤᠯᠤᠩᠬᠤᠳ ᠃ ᠢᠦᠢ ᠽᠢ ᠵᠣᠬᠤᠨ ᠲᠡᠷᠢᠭᠦᠲᠡᠨ ᠠᠶ᠋ᠢᠮᠠᠨ ᠴᠢᠬᠠ 》 ᠭᠡᠵᠦ ᠲᠡᠮᠳᠡᠭᠯᠡᠭᠰᠡᠨ ᠨᠢ ᠭᠣᠮᠪᠣᠵᠠᠪ ᠤ᠋ᠨ ᠡᠨᠳᠡ ᠲᠡᠮᠳᠡᠭᠯᠡᠭᠰᠡᠨ 《 ᠨᠠᠢ᠍ᠮᠠᠨ ᠽᠠᠬᠠ 》 ᠭᠡᠳᠡᠭ ᠲᠡᠢ ᠪᠠᠷᠤᠭ ᠠᠳᠠᠯᠢᠪᠲᠤᠷ ᠶᠤᠮ ᠃ ᠨᠠᠢ᠍ᠮᠠᠨ ᠽᠠᠬᠠ ᠪᠤᠶᠤ ᠨᠠᠶ᠋ᠢᠮᠠᠨ ᠴᠢᠬᠠ ᠭᠡᠳᠡᠭ ᠪᠣᠯ ᠶᠤᠸᠠᠨ ᠤᠯᠤᠰ ᠤ᠋ᠨ ᠰᠡᠭᠦᠯᠴᠢ ᠪᠡᠷ ᠬᠢᠲᠠᠳ ᠲᠡᠦᠬᠡᠴᠢ ᠲᠤᠤ ᠽᠦᠩ ᠢ ᠶ᠋ᠢᠨ ᠵᠣᠬᠢᠶᠠᠭᠰᠠᠨ 《 ᠠᠨ ᠼᠦᠨ ᠴᠦᠸᠧ ᠬ᠌ᠸᠩ ᠯᠦ᠍ 》 ( 《南村辍耕录 》 ) ᠭᠡᠳᠡᠭ ᠪᠢᠴᠢᠭ ᠲᠦ᠍ ᠠᠩᠬᠠᠨ ᠳᠤᠷᠠᠳᠤᠭᠰᠠᠨ 《 ᠬᠢᠲᠠᠳ ᠨᠠᠢ᠍ᠮᠠᠨ ᠤᠭᠰᠠᠭᠠ 》 (汉人八种 ) ᠭᠡᠳᠡᠭ ᠊ᠢ ᠵᠢᠭᠠᠵᠤ ᠪᠣᠢ ᠃ ᠲᠤᠤ ᠽᠦᠩ ᠢ ᠶ᠋ᠢᠨ ᠲᠡᠮᠳᠡᠭᠯᠡᠭᠰᠡᠨ 《 ᠬᠢᠲᠠᠳ ᠨᠠᠢ᠍ᠮᠠᠨ ᠤᠭᠰᠠᠭᠠ 》 ᠭᠡᠳᠡᠭ ᠨᠢ ᠄ ᠬᠢᠳᠠᠨ (契丹 ) ᠂ ᠰᠤᠯᠤᠩᠬᠤᠳ ( 高丽) ᠵᠦᠷᠴᠢᠨ (女真 ) ᠵᠦᠨᠲᠡᠢ (竹因夕 ) ᠰᠦᠷᠭᠡᠲᠠᠢ ( 术里阔夕) ᠂ ᠵᠣᠬᠤᠨ (竹温 ) ᠵᠤᠶ᠋ᠢᠳ ( 竹亦夕) ᠂ ᠪᠦᠸᠧ ᠬᠠᠢ ( 渤海) ᠪᠣᠯᠤᠨᠠ ᠃ ᠲᠡᠦᠬᠡᠴᠢ ᠨᠠᠷ ᠤ᠋ᠨ ᠰᠤᠳᠤᠯᠤᠯ ᠊ᠢ ᠦᠨᠳᠦᠰᠦᠯᠡᠪᠡᠯ ᠂ ᠵᠦᠨᠲᠡᠢ ᠂ ᠰᠦᠷᠭᠡᠲᠠᠢ ᠂ ᠵᠣᠬᠤᠨ ᠂ ᠵᠤᠶ᠋ᠢᠳ ᠭᠡᠳᠡᠭ ᠨᠢ ᠴᠣᠬᠣᠮ ᠪᠣᠳᠠᠲᠠᠢ ᠶᠠᠮᠠᠷ ᠤᠭᠰᠠᠭᠠ ᠦᠨᠳᠦᠰᠦᠲᠡᠨ ᠊ᠢ ᠵᠢᠭᠠᠭᠰᠠᠨ ᠲᠤᠬᠠᠢ ᠬᠠᠷᠢᠭᠤᠯᠲᠠ ᠣᠯᠤᠭᠠᠳᠤᠢ ᠪᠠᠶ᠋ᠢᠬᠰᠠᠭᠠᠷ ᠃
ᠵᠢᠷᠭᠤᠭᠠᠨ ᠪᠠᠬᠠ ᠬᠥᠭᠵᠢᠮ ᠃ ᠠᠷᠰᠯᠠᠴᠠᠶᠦ ᠬᠠᠷᠠ ᠂ ᠬᠣᠱᠢᠬᠤᠷ ᠂ ᠵᠢᠭᠦᠢ ᠪᠡᠲᠡᠨᠭᠦᠨ ᠲᠡᠷᠡᠭᠦᠲᠡ ᠠᠷᠪᠠᠨ ᠭᠤᠷᠪᠠᠨ ᠪᠣᠢ ᠂ ᠬᠡᠮᠡᠶᠦᠬᠦᠢ①
ᠺᠠᠩ ᠮᠦ᠍ ᠲᠡᠷᠡᠭᠦᠲᠡᠨ ᠨᠠᠩᠭᠢᠶᠠᠳ ᠪᠠ ᠂ ᠮᠣᠩᠭᠣᠯ ᠤ᠋ᠨ
ᠬᠡᠳᠦᠨ ᠲᠡᠦᠬᠡ ᠱᠠᠰᠲᠢᠷ ᠠ᠋ᠴᠠ
ᠺᠠᠯᠲᠤᠷ ᠮᠣᠳᠣᠨ ᠤ᠋ ᠬᠤᠤᠯ ᠰᠠᠯᠠᠭᠠᠨ ᠊ᠢ ᠳᠦᠷᠢᠮᠯᠡᠨ
ᠵᠡᠷᠭᠡᠪᠡᠷ ᠲᠣᠪᠴᠢᠯᠠᠶᠤ ᠵᠢᠭᠰᠠᠭᠰᠠᠨ ᠂
ᠺᠠᠩᠭᠡ ᠶ᠋ᠢᠨ ᠤᠷᠤᠰᠬᠠᠯ ᠬᠡᠮᠡᠬᠦ ᠂ ᠡᠨᠡ ᠪᠢᠴᠢᠭ ᠦ᠋ᠨ
ᠥᠭᠦᠯᠡᠯ ᠬᠢᠭᠡᠳ ᠂ ᠥᠭᠦᠯᠡᠭᠳᠡᠬᠦᠨ
ᠺᠠᠯᠪᠠ ᠡᠴᠦᠰᠲᠡᠯᠡ ᠦᠪᠡᠳᠡᠭᠰᠢ ᠳᠡᠯᠭᠡᠷᠢᠨ
— — — —
① ᠮᠣᠩᠭᠣᠯ ᠤ᠋ᠨ ᠬᠥᠭᠵᠢᠮ ᠦ᠋ᠨ ᠲᠤᠬᠠᠢ ᠮᠣᠩᠭᠣᠯ ᠰᠤᠷᠪᠤᠯᠵᠢ ᠪᠢᠴᠢᠭ ᠲᠦ᠍ ᠲᠡᠮᠳᠡᠭᠯᠡᠭᠰᠡᠨ ᠵᠦᠢᠯᠡᠰ ᠲᠤᠩ ᠬᠣᠮᠰᠠ ᠪᠠᠶ᠋ᠢᠲᠠᠭ ᠃ ᠭᠡᠲᠡᠯᠡ ᠮᠣᠩᠭᠣᠯᠴᠤᠳ ᠤ᠋ᠨ ᠬᠥᠭᠵᠢᠮ ᠠᠶᠠᠯᠭᠤᠨ ᠤ᠋ ᠲᠤᠬᠠᠢ ᠬᠢᠲᠠᠳ ᠰᠤᠷᠪᠤᠯᠵᠢ ᠪᠢᠴᠢᠭ ᠲᠦ᠍ ᠮᠡᠳᠡᠭᠡᠯᠡᠭᠰᠡᠨ ᠵᠦᠢᠯ ᠪᠣᠢ ᠃ ᠶᠤᠸᠠᠨ ᠤᠯᠤᠰ ᠂ ᠮᠢᠩ ᠤᠯᠤᠰ ᠪᠠ ᠴᠢᠩ ᠤᠯᠤᠰ ᠤ᠋ᠨ ᠦᠶᠡ ᠳ᠋ᠦ᠍ ᠮᠣᠩᠭᠣᠯᠴᠤᠳ ᠤ᠋ᠨ ᠬᠥᠭᠵᠢᠮ ᠠᠶᠠᠯᠭᠤ ᠭᠤᠴᠢ ᠭᠠᠷᠤᠢ ᠵᠦᠢᠯ ᠪᠠᠶ᠋ᠢᠬᠰᠠᠨ ᠲᠤᠬᠠᠢ ᠬᠢᠲᠠᠳ ᠤ᠋ᠨ ᠲᠡᠦᠬᠡ ᠰᠤᠳᠤᠷ ᠲᠤ᠌ ᠮᠡᠳᠡᠭᠡ ᠪᠣᠢ ᠃ ᠬᠢᠲᠠᠳ ᠤ᠋ᠨ 《 ᠲᠦᠩ ᡁᠢ ᠪᠢᠴᠢᠭ ᠦ᠋ᠨ ᠵᠠᠯᠭᠠᠪᠤᠷᠢ 》 ( 《续通志 》 ) ᠳ᠋ᠤ᠌ ᠲᠡᠮᠳᠡᠭᠯᠡᠭᠰᠡᠨ ᠡᠴᠡ ᠦᠵᠡᠪᠡᠯ ᠂ ᠶᠤᠸᠠᠨ ᠤᠯᠤᠰ ᠤ᠋ᠨ ᠦᠶᠡ ᠳ᠋ᠦ᠍ ᠲᠠ ᠳᠠ ( ᠮᠣᠩᠭᠣᠯ ) ᠤ᠋ᠨ ᠬᠥᠭᠵᠢᠮ ᠠᠶᠠᠯᠭᠤ ᠬᠣᠷᠢᠨ ᠨᠠᠢ᠍ᠮᠠᠨ ᠵᠦᠢᠯ ᠪᠠᠶ᠋ᠢᠵᠠᠢ ᠃ ᠡᠨᠡ ᠨᠢ ᠳᠠᠷᠤᠢ ᠄ ᠬᠠᠪᠤᠯᠳᠤ ᠂ ᠶᠡᠬᠡ ᠳᠠᠭᠤᠨ ᠂ ᠬᠣᠶ᠋ᠢᠬᠤᠷᠢ ᠂ ᠮᠠᠩᠭᠤᠷ ᠂ ᠴᠢᠳᠬᠥᠷ ᠂ ᠪᠠᠷᠰ ᠲᠣᠯᠣᠭᠠᠢ ᠂ ᠰᠢᠰᠢᠪ ᠂ ᠡᠷᠡᠰ ᠂ ᠮᠣᠩᠭᠣᠯ ᠡᠷᠡᠰ ᠂ ᠰᠢᠯᠢᠳᠡᠭ ᠡᠷᠡᠰ ᠂ ᠠᠶᠠᠯᠭᠤ ᠂ ᠰᠡᠩᠭᠡ ᠬᠦᠮᠲᠡ ᠂ ᠳᠠᠷᠬᠠᠨ ᠂ ᠭᠦᠦᠰᠢ ᠪᠠᠭᠰᠢ ᠂ ᠠᠷᠰᠠᠯᠴᠢᠶᠤ ᠂ ᠡᠷᠡᠨᠡ ᠂ ᠬᠠᠷᠠ ᠬᠤᠰᠢᠭᠤᠷ ᠂ ᠳ᠋ᠦ᠋ᠩ ᠳ᠋ᠠᠮᠪᠠ ᠂ ᠶᠤᠯᠮᠤᠨ ᠂ ᠵᠢᠭᠦᠷ ᠂ ᠫᠤᠩᠰᠤᠭ ᠦᠷ ᠂ ᠪᠠᠯᠳᠠᠨ ᠭᠡᠪᠰᠢ ᠂ ᠰᠢᠷᠡᠭᠡᠳ ᠂ ᠮᠠᠬᠠ ᠂ ᠰᠢᠶᠠᠩ ᠬᠦᠩ ᠂ ᠲᠣᠭᠣᠰ ᠂ ᠠᠯᠲᠠᠨ ᠰᠤᠶ᠋ᠢᠬᠠ ᠵᠡᠷᠭᠡ ᠪᠣᠯᠤᠨᠠ ᠭᠡᠵᠡᠢ ᠃ ᠡᠨᠡ ᠪᠣᠯ ᠮᠣᠩᠭᠣᠯ ᠤ᠋ᠨ ᠬᠥᠭᠵᠢᠮ ᠠᠶᠠᠯᠭᠤᠨ ᠤ᠋ ᠲᠤᠬᠠᠢ ᠬᠢᠲᠠᠳ ᠰᠤᠷᠪᠤᠯᠵᠢ ᠳ᠋ᠤ᠌ ᠮᠡᠳᠡᠭᠡᠯᠡᠭᠰᠡᠨ ᠦᠨᠡᠲᠦ ᠴᠢᠬᠤᠯᠠ ᠮᠠᠲ᠋ᠧᠷᠢᠶᠠᠯ ᠪᠣᠯᠬᠤ ᠶᠤᠮ ᠃ ᠭᠣᠮᠪᠣᠵᠠᠪ ᠪᠣᠯ ᠮᠣᠩᠭᠣᠯ ᠤ᠋ᠨ ᠬᠥᠭᠵᠢᠮ ᠠᠶᠠᠯᠭᠤᠨ ᠤ᠋ ᠲᠤᠬᠠᠢ ᠮᠣᠩᠭᠣᠯ ᠲᠡᠦᠬᠡᠨ ᠳ᠋ᠦ᠍ ᠠᠩᠬᠠᠨ ᠤᠳᠠᠭᠠ ᠲᠡᠮᠳᠡᠭᠯᠡᠭᠰᠡᠨ ᠬᠥᠮᠦᠨ ᠮᠥᠨ ᠃
ᠥᠨᠢᠳᠡ ᠠᠨᠤ ᠶ᠋ᠢ ᠶᠢᠷᠦᠭᠡᠮᠦᠢ᠃ ᠪᠠᠰᠠ ᠂
ᠴᠢᠩ ᠤᠯᠤᠰ ᠤ᠋ᠨ ᠬᠡᠨ [ ᠬᠠᠭᠠᠨ ] ᠲᠥᠷᠥ ᠪᠠᠲᠤᠳᠠ
ᠣᠷᠣᠰᠢᠨ ᠪᠡᠳᠡᠷᠢᠨ ᠥᠷᠭᠡᠳᠬᠡᠭᠡᠳ
ᠴᠢᠳᠠᠭᠴᠢᠳ ᠤ᠋ᠨ ᠠᠷᠰᠯᠠᠨ ᠤ᠋ ᠰᠠᠰᠢᠨ ᠡᠯᠳᠡᠪ ᠶᠣᠰᠣᠨ
ᠪᠦᠭᠦᠳᠡ ᠰᠠᠨᠠᠲᠤᠷ ᠮᠠᠨᠳᠤᠭᠤᠯ ᠃
ᠴᠢᠨᠠᠷ ᠲᠡᠭᠦᠯᠳᠡᠷ ᠡᠯᠡ ᠪᠣᠳᠠᠰ ᠠᠮᠤᠷ ᠢ᠋ᠶ᠋ᠠᠷ
ᠴᠡᠩᠭᠡᠨ ᠪᠣᠯᠪᠠᠰᠤᠷᠠᠭᠠᠳ ᠃
ᠴᠢᠨᠠᠳᠤ ᠬᠢᠵᠠᠬᠠᠷ ᠰᠢᠲᠦᠭᠡᠨ ᠪᠠ ᠰᠢᠲᠦᠭᠴᠢ ᠶ᠋ᠢᠨ
ᠪᠡᠶᠡ ᠪᠡᠷ ᠵᠢᠪᠠᠭᠤᠯᠠᠩᠲᠠᠶᠠ ᠪᠣᠰᠲᠤᠬᠠᠢ ᠃
ᠬᠡᠮᠡᠬᠦ ᠡᠭᠦᠨᠢ ᠰᠤᠷᠭᠠᠭᠤᠯᠢ ᠶ᠋ᠢ ᠨᠡᠶ᠋ᠢᠲᠡ ᠵᠠᠬᠢᠷᠤᠨ ᠰᠤᠷᠭᠠᠭᠴᠢ ᠰᠠᠶ᠋ᠢᠳ ᠤ᠋ᠨ ᠲᠤᠰᠢᠶᠠᠯ ᠳ᠋ᠤ᠌ ᠬᠦ ᠰᠦ᠍ ᠯᠦ᠍ ᠂ ᠺᠤᠮᠪᠤᠵᠠᠪ ᠢ᠋ᠶ᠋ᠠᠷ ᠬᠡᠷᠡᠭᠰᠡᠭᠡᠴᠢᠳ ᠦ᠋ᠨ ᠢᠯᠳᠠᠷᠠ ᠰᠤᠳᠤᠷ ᠨᠤᠭᠤᠳ ᠠ᠋ᠴᠠ᠂ᠲᠡᠭᠦᠵᠦ ᠨᠠᠶ᠋ᠢᠷᠯᠠᠤ᠋ᠯᠭᠠᠪᠠᠢ [ ᠨᠠᠶ᠋ᠢᠷᠠᠭᠤᠯᠪᠠᠢ] ᠃ ᠳᠡᠳ᠋ ᠰᠤᠷᠭᠠᠭᠴᠢ ᠲᠡᠷᠢᠭᠦᠨ ᠯᠠᠮᠠ ᠭᠦᠦᠰᠢ ᠲᠠᠩᠶᠵᠢᠨ ᠠ᠋ᠴᠠ ᠵᠥᠪᠡᠯᠡᠨ ᠪᠠᠷᠢᠯᠳᠤᠭᠤᠯᠵᠤ ᠦᠢᠯᠡᠳᠳᠦᠭᠡᠳ ᠲᠠᠶ᠋ᠢᠴᠢᠩ ᠤᠯᠤᠰ ᠤ᠋ᠨ ᠨᠠᠶ᠋ᠢᠷᠠᠯᠲᠤ ᠲᠦᠪᠡ [ᠲᠥᠪ] ᠦ᠋ᠨ ᠭᠤᠲᠠᠭᠠᠷ ᠣᠨ ᠳᠥᠷᠪᠡᠨ ᠰᠠᠷᠠ ᠶ᠋ᠢᠨ ᠰᠠᠢᠨ ᠡᠳᠦᠷᠡ ᠲᠡᠭᠦᠰᠬᠡᠪᠡᠢ ᠃
ᠳᠠᠭᠠᠯᠳᠤᠭᠤᠯᠤᠯ
ᠭᠣᠮᠪᠣᠵᠠᠪ ᠬᠦᠩ ᠦ᠋ᠨ ᠭᠡᠷ ᠦ᠋ᠨ ᠦᠶᠡ ᠶ᠋ᠢᠨ ᠪᠢᠴᠢᠭ
