ᠴᠠᠰᠤᠨ ᠬᠠᠲᠤᠨЦасан Хатан _ Snow Queen
470ᠴᠠᠰᠤᠨ ᠬᠠᠲᠤᠨ
ᠡᠷᠲᠡ ᠤᠷᠢᠳᠤ ᠶ᠋ᠢᠨ ᠴᠠᠭ ᠲᠤ᠌ ᠺᠸᠢ᠂ ᠭᠸᠷᠳᠠ ᠭᠡᠬᠦ ᠬᠣᠶᠠᠷ ᠰᠠᠢᠨ ᠨᠠᠢᠵᠠ ᠪᠠᠢᠵᠠᠢ᠃
ᠲᠡᠳᠡ ᠵᠡᠷᠭᠡᠴᠡᠭᠡ ᠬᠠᠭᠠᠯᠭᠠᠨ ᠤ᠋ ᠬᠥᠷᠰᠢ ᠨᠦ᠍ᠭᠦᠳ ᠪᠠᠢᠯᠠ᠃ ᠬᠣᠶᠠᠷ ᠨᠠᠢᠵᠠ ᠬᠣᠶᠠᠭᠤᠯᠠ ᠪᠠᠨ ᠰᠠᠷᠠᠨᠠᠢ ᠴᠡᠴᠡᠭ ᠲᠦ᠍ ᠳᠤᠷᠠᠲᠠᠢ ᠪᠥᠭᠡᠳ ᠳᠤᠮᠳᠠ ᠶ᠋ᠢᠨ ᠭᠠᠵᠠᠷ ᠲᠤ᠌ ᠪᠠᠨ ᠰᠠᠷᠠᠨᠠᠢ ᠶ᠋ᠢᠨ ᠪᠤᠲᠠ ᠲᠠᠷᠢᠵᠠᠢ᠃
ᠺᠸᠢ ᠶ᠋ᠢᠨ ᠡᠵᠢ ᠡᠳᠦᠷ ᠪᠣᠯᠭᠠᠨ ᠲᠡᠳᠡᠨ ᠳ᠋ᠦ᠍ ᠦᠯᠢᠭᠡᠷ ᠶᠠᠷᠢᠵᠤ ᠥᠭᠳᠡᠭ ᠪᠠᠢᠭᠰᠠᠨ ᠶᠤᠮ᠃
ᠡᠪᠦᠯ ᠦ᠋ᠨ ᠨᠢᠭᠡᠨ ᠡᠳᠦᠷ ᠡᠮᠧ ᠨᠢ ᠲᠡᠳᠡᠨ ᠳ᠋ᠦ᠍ ᠴᠠᠰᠤᠨ ᠬᠠᠲᠤᠨ ᠤ᠋ ᠲᠤᠬᠠᠢ ᠦᠯᠢᠭᠡᠷ ᠶᠠᠷᠢᠯᠠ᠃
《ᠴᠠᠰᠤᠨ ᠬᠠᠲᠤᠨ ᠪᠣᠯ ᠬᠠᠷᠭᠢᠰ ᠱᠤᠯᠤᠮ᠂ ᠲᠡᠷᠡ ᠬᠥᠮᠦᠨ ᠦ᠌ ᠰᠡᠳᠬᠢᠯ ᠢ᠋ ᠮᠥᠰᠥ ᠪᠣᠯᠭᠠᠨ ᠬᠤᠪᠢᠷᠠᠭᠠᠵᠤ ᠪᠣᠭᠣᠯ ᠢ᠋ᠶ᠋ᠠᠨ ᠪᠣᠯᠭᠠᠵᠤ ᠴᠢᠳᠠᠨᠠ᠃》
《 ᠪᠢᠳᠡ ᠥᠪᠡᠷᠰᠡᠳ ᠢ᠋ ᠪᠡᠨ ᠴᠠᠰᠤᠨ ᠬᠠᠲᠤᠨ ᠠ᠋ᠴᠠ ᠠᠪᠤᠷᠠᠬᠤ ᠶᠣᠰᠣᠲᠠᠢ ᠶᠤᠮ ᠪᠠᠢᠨᠠ》
《 ᠬᠠ ᠬᠠ᠂ ᠬᠡᠷᠪᠡ ᠲᠡᠷᠡ ᠡᠨᠳᠡ ᠢᠷᠡᠪᠡᠯ ᠪᠢ ᠲᠡᠭᠦᠨ ᠢ᠋ ᠭᠠᠯ ᠳᠡᠭᠡᠷᠡ ᠬᠠᠢᠯᠤᠭᠤᠯᠤᠭᠠᠳ ᠤᠰᠤᠨ ᠬᠠᠲᠤᠨ ᠪᠣᠯᠭᠠᠴᠢᠬᠠᠶᠠ ᠯᠠ ᠳᠠ》
ᠬᠠ ᠬᠠ ᠬᠠ᠁
《 ᠬᠦᠢ᠂ ᠨᠢᠭᠡ ᠬᠥᠮᠦᠨ ᠢᠨᠢᠶᠡᠵᠦ ᠰᠣᠨᠣᠰᠤᠭᠳᠠᠭᠠᠳ ᠪᠠᠢᠨᠠ ᠳᠠ!》
《 ᠬᠡᠨ ᠪᠣᠢ᠂ ᠴᠣᠩᠬᠣᠨ ᠤ᠋ ᠳᠡᠷᠭᠡᠳᠡ ᠬᠥᠮᠦᠨ ᠵᠣᠭᠰᠣᠵᠤ ᠪᠠᠢᠨᠠ ᠤᠤ?》
ᠺᠸᠢ ᠴᠣᠩᠬᠣ ᠨᠡᠭᠡᠭᠡᠭᠡᠳ ᠲᠡᠨᠳᠡ ᠬᠥᠮᠦᠨ ᠪᠠᠢᠭᠠ ᠡᠰᠡᠬᠦ ᠶ᠋ᠢ ᠰᠢᠯᠭᠠᠪᠠ᠃ ᠴᠠᠰᠤ ᠣᠷᠣᠵᠤ ᠪᠠᠢᠯᠠ᠂ ᠺᠸᠢ ᠶ᠋ᠢᠨ ᠨᠢᠳᠦ ᠤᠷᠤᠭᠤ ᠨᠢᠭᠡ ᠶᠠᠭᠤᠮᠠ ᠣᠷᠣᠴᠢᠬᠠᠯᠠ᠃
《 ᠠ᠂ ᠮᠢᠨᠦ ᠨᠢᠳᠦ᠁》
ᠨᠢᠳᠦᠨ ᠦ᠌ ᠬᠢᠨᠢ ᠳᠠᠷᠠᠭᠠ ᠨᠢᠭᠡ ᠶᠠᠭᠤᠮᠠ ᠵᠢᠷᠦᠬᠡ ᠤᠷᠤᠭᠤ ᠨᠢ ᠬᠠᠳᠬᠤᠴᠢᠬᠠᠯᠠ᠃
《 ᠠ᠂ ᠮᠢᠨᠦ ᠵᠢᠷᠦᠬᠡ᠁》
《 ᠶᠠᠭᠤ ᠪᠣᠯᠤᠭᠰᠠᠨ ᠪᠣᠢ᠂ ᠺᠸᠢ ᠴᠢ ᠡᠪᠡᠳᠦᠭᠡ ᠤᠤ?》
《 ᠡᠨᠡ ᠴᠢᠮᠠ ᠳ᠋ᠤ᠌ ᠣᠭᠲᠣ ᠬᠠᠮᠢᠶᠠ ᠦᠭᠡᠢ᠂ ᠬᠣᠢᠰᠢ ᠪᠠᠨ ᠪᠣᠯ!》
ᠭᠸᠷᠳᠠ ᠭᠠᠢᠬᠠᠵᠤ ᠣᠷᠬᠢᠯᠠ᠂ ᠺᠸᠢ ᠡᠮᠦᠨᠡ ᠨᠢ ᠬᠡᠵᠢᠶᠡ ᠴᠤ᠌ ᠥᠪᠡᠷ ᠲᠦ᠍ ᠨᠢ ᠡᠢᠮᠦ ᠵᠠᠩ ᠭᠠᠷᠭᠠᠵᠤ ᠪᠠᠢᠭᠰᠠᠨ ᠦᠭᠡᠢ᠂
ᠲᠡᠷᠡ ᠡᠳᠦᠷ ᠡᠴᠡ ᠡᠬᠢᠯᠡᠨ ᠺᠸᠢ ᠬᠠᠴᠢᠨ ᠠᠪᠤᠷᠢ ᠭᠠᠷᠭᠠᠬᠤ ᠪᠣᠯᠪᠠ᠃ ᠭᠸᠷᠳᠠ ᠠ᠋ᠴᠠ ᠠᠯᠢ ᠪᠣᠯᠬᠤ ᠳ᠋ᠤ᠌ ᠯᠠ ᠶᠡᠬᠡ ᠳᠡᠭᠡᠷᠡᠩᠭᠦᠢ ᠬᠠᠨᠳᠤᠬᠤ ᠪᠣᠯᠵᠠᠢ᠃ ᠭᠸᠷᠳᠠ ᠺᠸᠢ ᠶ᠋ᠢᠨ ᠡᠨᠡ ᠵᠠᠩ ᠢ᠋ ᠣᠢᠯᠠᠭᠠᠵᠤ ᠴᠢᠳᠠᠭᠰᠠᠨ ᠦᠭᠡᠢ᠃
ᠨᠢᠭᠡᠨ ᠡᠳᠦᠷ ᠺᠸᠢ ᠴᠢᠷᠭᠠ ᠪᠠᠨ ᠠᠪᠤᠭᠠᠳ ᠭᠠᠷᠤᠯᠠ᠃
《 ᠺᠸᠢ ᠶᠠᠪᠤᠵᠤ ᠬᠠᠮᠲᠤ ᠲᠣᠭᠯᠠᠶᠠ》
《 ᠦᠭᠡᠢ᠂ ᠪᠢ ᠶᠠᠪᠤᠵᠤ ᠲᠣᠮᠣ ᠬᠥᠪᠡᠭᠦᠳ ᠲᠡᠢ ᠲᠣᠭᠯᠠᠨᠠ》
《 ᠺᠸᠢ ᠬᠣᠶᠠᠭᠤᠯᠠ ᠪᠠᠨ ᠰᠠᠢᠨ ᠨᠠᠢᠵᠠ ᠨᠤᠭᠤᠳ ᠰᠢᠦ ᠳᠡ᠂ ᠴᠢ ᠶᠠᠭᠠᠬᠢᠭᠠᠳ ᠨᠠᠳᠠ ᠲᠠᠢ ᠶᠠᠷᠢᠬᠤ ᠪᠠᠨ ᠪᠤᠯᠢᠴᠢᠬᠠᠭᠰᠠᠨ ᠪᠣᠢ?》
《ᠺᠸᠢ᠁》
ᠺᠸᠢ ᠭᠸᠷᠳᠠ ᠶ᠋ᠢ ᠣᠭᠲᠣ ᠬᠠᠢᠬᠤᠷᠤᠯ ᠦᠭᠡᠢ ᠴᠢᠷᠭᠠ ᠪᠠᠨ ᠬᠥᠳᠡᠯᠭᠡᠵᠦ ᠡᠬᠢᠯᠡᠯᠡ᠃ ᠭᠸᠷᠳᠠ ᠠᠷᠤ ᠠ᠋ᠴᠠ ᠨᠢ ᠳᠠᠭᠠᠬᠤ ᠭᠡᠵᠦ ᠬᠢᠴᠢᠶᠡᠭᠰᠡᠨ ᠴᠤ᠌ ᠺᠸᠢ ᠶᠡᠬᠡ ᠬᠤᠷᠳᠤᠨ ᠶᠠᠪᠤᠭᠰᠠᠨ ᠤᠴᠢᠷ ᠤᠳᠠᠯ ᠦᠭᠡᠢ ᠭᠸᠷᠳᠠ ᠳ᠋ᠤ᠌ ᠬᠠᠷᠠᠭᠳᠠᠬᠤ ᠪᠠᠨ ᠪᠠᠢᠯᠠ᠃ ᠤᠷᠮᠠ ᠨᠢ ᠬᠤᠭᠤᠷᠠᠭᠰᠠᠨ ᠭᠡᠷ ᠲᠤ ᠪᠡᠨ ᠢᠷᠡᠯᠡ᠃
ᠺᠸᠢ ᠶ᠋ᠢᠨ ᠴᠢᠷᠭᠠ ᠬᠤᠷᠳᠤᠨ ᠶᠠᠪᠤᠵᠤ ᠪᠠᠢᠯᠠ᠂ ᠭᠡᠨᠡᠳᠲᠡᠬᠡᠨ ᠪᠤᠭᠤ ᠬᠥᠯᠭᠡᠯᠡᠭᠰᠡᠨ ᠰᠡᠦᠬᠡ ᠲᠡᠷᠭᠡ ᠡᠮᠦᠨᠡ ᠨᠢ ᠭᠠᠷᠴᠤ ᠢᠷᠡᠭᠡᠳ ᠺᠸᠢ ᠶ᠋ᠢᠨ ᠴᠢᠷᠭᠠ ᠶ᠋ᠢ ᠴᠢᠷᠴᠦ ᠶᠠᠪᠤᠯᠠ᠃ ᠡᠬᠢᠨ ᠳ᠋ᠦ᠍ ᠪᠡᠨ ᠺᠸᠢ ᠳᠤ ᠠᠶᠠᠲᠠᠢᠬᠠᠨ ᠪᠠᠢᠭᠰᠠᠨ ᠴᠤ᠌ ᠳᠠᠷᠠᠭᠠ ᠨᠢ ᠠᠶᠤᠵᠤ ᠡᠬᠢᠯᠡᠯᠡ᠃ ᠰᠡᠦᠬᠡ ᠺᠸᠢ ᠶ᠋ᠢ ᠴᠠᠰᠤᠨ ᠤ᠋ ᠣᠷᠣᠨ ᠳ᠋ᠤ᠌ ᠠᠪᠴᠢᠷᠠᠵᠠᠢ᠃ ᠺᠸᠢ ᠶ᠋ᠢᠨ ᠡᠮᠦᠨᠡ ᠲᠣᠮᠣ ᠴᠠᠰᠤᠨ ᠰᠢᠯᠲᠦᠭᠡᠨ ᠬᠠᠷᠠᠭᠳᠠᠪᠠ᠃ ᠰᠡᠦᠬᠡᠨ ᠡᠴᠡ ᠨᠢᠭᠡ ᠬᠥᠮᠦᠨ ᠪᠠᠭᠤᠯᠠ᠂ ᠲᠡᠷᠡ ᠴᠠᠰᠤᠨ ᠬᠠᠲᠤᠨ ᠪᠠᠢᠪᠠ᠃
《 ᠴᠠᠰᠤᠨ ᠤ᠋ ᠣᠷᠣᠨ ᠳ᠋ᠤ᠌ ᠲᠠᠪᠠᠲᠠᠢ ᠮᠣᠷᠢᠯᠠ! ᠺᠸᠢ》
ᠺᠸᠢ ᠶ᠋ᠢ ᠶᠠᠭᠤ ᠴᠤ᠌ ᠬᠡᠯᠡᠵᠦ ᠠᠮᠵᠢᠭᠠ ᠦᠭᠡᠢ ᠪᠠᠢᠬᠤ ᠳ᠋ᠤ᠌ ᠴᠠᠰᠤᠨ ᠬᠠᠲᠤᠨ ᠭᠠᠷ ᠢ᠋ᠶ᠋ᠠᠨ ᠺᠸᠢ ᠶ᠋ᠢᠨ ᠲᠣᠯᠣᠭᠠᠢ ᠳᠡᠭᠡᠷᠡ ᠲᠠᠯᠪᠢᠯᠠ᠂ ᠬᠠᠲᠤᠨ ᠤ᠋ ᠷᠢᠳᠢ ᠰᠢᠳᠢ ᠦᠢᠯᠡᠴᠢᠯᠡᠵᠦ ᠺᠸᠢ ᠲᠡᠭᠦᠨ ᠢ᠋ ᠳᠠᠭᠠᠬᠤ ᠠ᠋ᠴᠠ ᠥᠭᠡᠷᠡ ᠶᠠᠭᠤ ᠴᠤ᠌ ᠬᠢᠵᠦ ᠴᠢᠳᠠᠭᠰᠠᠨ ᠦᠭᠡᠢ᠂ ᠴᠠᠰᠤᠨ ᠬᠠᠲᠤᠨ ᠺᠸᠢ ᠶ᠋ᠢ ᠰᠢᠯᠲᠦᠭᠡᠨ ᠤᠷᠤᠭᠤ ᠠᠪᠴᠤ ᠶᠠᠪᠤᠯᠠ᠃
ᠭᠸᠷᠳᠠ ᠺᠸᠢ ᠶ᠋ᠢ ᠬᠦᠯᠢᠶᠡᠭᠰᠡᠭᠡᠷ᠃ ᠭᠡᠪᠡᠴᠦ ᠺᠸᠢ ᠡᠷᠭᠢᠵᠦ ᠢᠷᠡᠭᠰᠡᠨ ᠦᠭᠡᠢ᠂ ᠲᠡᠷᠡ ᠬᠠᠮᠢᠭᠠ ᠰᠠᠢ ᠦᠭᠡᠢ ᠬᠠᠢᠭᠠᠳ ᠴᠤ᠌ ᠺᠸᠢ ᠶ᠋ᠢ ᠣᠯᠵᠤ ᠴᠢᠳᠠᠭᠰᠠᠨ ᠦᠭᠡᠢ᠃ ᠵᠤᠨ ᠪᠣᠯᠵᠤ ᠭᠸᠷᠳᠠ ᠺᠸᠢ ᠶ᠋ᠢ ᠣᠯᠵᠤ ᠭᠡᠷ ᠲᠦ᠍ ᠨᠢ ᠠᠪᠴᠢᠷᠠᠬᠤ ᠪᠠᠷ ᠰᠢᠢᠳᠦᠯᠡ᠃ ᠭᠸᠷᠳᠠ ᠡᠮᠧ ᠲᠡᠢ ᠡᠨᠡ ᠲᠤᠬᠠᠢ ᠶᠠᠷᠢᠪᠠ
《 ᠴᠢ ᠵᠣᠷᠢᠭᠲᠠᠢ ᠥᠬᠢᠨ ᠶᠦᠮ ᠠ᠋᠂ ᠭᠸᠷᠳᠠ᠂ ᠴᠢ ᠵᠠᠪᠠᠯ ᠠᠮᠵᠢᠯᠲᠠ ᠳ᠋ᠤ᠌ ᠬᠥᠷᠥᠭᠡᠷᠡᠢ!》
《 ᠪᠠᠶᠠᠷᠯᠠᠯᠠ᠂ ᠡᠮᠧ ᠠ᠋》
《 ᠡᠨᠡ ᠲᠣᠯᠢ ᠶ᠋ᠢ ᠠᠪᠤᠭᠠᠳ ᠶᠠᠪᠤ ᠶᠡᠬᠡ ᠲᠤᠰᠠ ᠪᠣᠯᠤᠨᠠ ᠰᠢᠦ》
ᠭᠸᠷᠳᠠ ᠲᠣᠯᠢ ᠶ᠋ᠢ ᠠᠪᠤᠭᠠᠳ ᠺᠸᠢ ᠶ᠋ᠢ ᠬᠠᠢᠬᠤ ᠠᠶᠠᠨ ᠵᠠᠮ ᠳ᠋ᠤ᠌ ᠪᠠᠨ ᠭᠠᠷᠤᠯᠠ᠃ ᠲᠡᠷᠡ ᠭᠡᠷ ᠡᠴᠡ ᠪᠡᠨ ᠶᠡᠬᠡ ᠬᠣᠯᠠ ᠶᠠᠪᠤᠵᠠᠢ᠃ ᠵᠠᠮ ᠳ᠋ᠤ᠌ ᠪᠠᠨ ᠲᠡᠷᠡ ᠠᠩ ᠠᠮᠢᠲᠠᠨ ᠠ᠋ᠴᠠ᠂ ᠠᠷᠢᠶᠠᠲᠠᠨ ᠵᠢᠭᠦᠷᠲᠡᠨ ᠡᠴᠡ᠂ ᠮᠥᠨ ᠮᠣᠳᠣᠳ ᠠ᠋ᠴᠠ᠂ ᠰᠠᠯᠬᠢᠨ ᠠ᠋ᠴᠠ ᠺᠸᠢ ᠶ᠋ᠢ ᠬᠠᠷᠠᠭᠰᠠᠨ ᠡᠰᠡᠬᠦ ᠶ᠋ᠢ ᠠᠰᠠᠭᠤᠯᠠ᠂ ᠺᠸᠢ ᠶ᠋ᠢ ᠬᠡᠨ ᠴᠤ᠌ ᠬᠠᠷᠠᠭᠠ ᠦᠭᠡᠢ ᠪᠠᠢᠪᠠ᠃ ᠭᠡᠪᠡᠴᠦ ᠲᠡᠷᠡ ᠪᠠᠭᠤᠵᠤ ᠦᠭᠭᠰᠡᠨ ᠦᠭᠡᠢ ᠤᠷᠤᠭᠰᠢ ᠪᠠᠨ ᠯᠠ ᠶᠠᠪᠤᠭᠠᠳ ᠪᠠᠢᠯᠠ᠃ ᠶᠡᠬᠡ ᠬᠣᠯᠠ ᠠᠯᠬᠤᠭᠰᠠᠨ ᠤ᠋ ᠳᠠᠷᠠᠭᠠ ᠲᠡᠷᠡ ᠭᠣᠣᠯ ᠤ᠋ᠨ ᠣᠢᠷᠠᠯᠴᠠᠭᠠ ᠢᠷᠡᠯᠡ᠂ ᠬᠠᠷᠢᠨ ᠬᠡᠨ ᠴᠤ᠌ ᠲᠡᠨᠳᠡ ᠪᠠᠢᠭᠰᠠᠨ ᠦᠭᠡᠢ᠂ ᠭᠸᠷᠳᠠ ᠬᠡᠰᠡᠭ ᠪᠣᠳᠣᠵᠤ ᠪᠠᠢᠭᠠᠳ ᠭᠣᠣᠯ ᠠ᠋ᠴᠠ ᠠᠰᠠᠭᠤᠯᠠ᠄《 ᠬᠦᠨᠳᠦᠲᠦ ᠭᠣᠣᠯ ᠮᠢᠨᠢ! ᠮᠢᠨᠦ ᠨᠠᠢᠵᠠ ᠺᠸᠢ ᠶ᠋ᠢ ᠬᠠᠷᠠᠭᠰᠠᠨ ᠡᠰᠡᠬᠦ ᠪᠡᠨ ᠬᠡᠯᠡᠭᠡᠴᠢ᠂ ᠨᠠᠢᠵᠠ ᠮᠠᠨᠢ ᠠᠯᠠᠭᠠ ᠪᠣᠯᠴᠢᠬᠠᠭᠠᠳ᠁》 ᠨᠢᠭᠡ ᠬᠡᠰᠡᠭ ᠬᠠᠷᠢᠭᠤ ᠪᠠᠢᠭᠰᠠᠨ ᠦᠭᠡᠢ᠂ ᠭᠸᠷᠳᠠ ᠶ᠋ᠢᠨ ᠤᠷᠮᠠ ᠬᠤᠭᠤᠷᠠᠵᠤ ᠲᠡᠨᠳᠡ ᠡᠴᠡ ᠶᠠᠭ ᠶᠠᠪᠤᠬᠤ ᠭᠡᠵᠦ ᠪᠠᠢᠯᠠ᠃ ᠬᠠᠷᠢᠨ ᠶᠠᠭ ᠲᠡᠷᠡ ᠦᠶᠡ ᠳ᠋ᠦ᠍ ᠬᠠᠮᠢᠭᠠ ᠠ᠋ᠴᠠ ᠶᠤᠮ ᠨᠢᠭᠡ ᠴᠠᠬᠤᠯᠠᠢ ᠭᠠᠷᠴᠤ ᠢᠷᠡᠭᠡᠳ ᠮᠥᠷᠦᠨ ᠳᠡᠭᠡᠷᠡ ᠨᠢ ᠰᠠᠭᠤᠴᠢᠬᠠᠪᠠ᠃
《 ᠪᠢ ᠴᠢᠮᠠ ᠳ᠋ᠤ᠌ ᠲᠤᠰᠠᠯᠠᠵᠤ ᠴᠢᠳᠠᠨᠠ᠂ ᠭᠡᠬᠦ ᠳ᠋ᠡᠭᠡᠨ ᠴᠢ ᠡᠬᠢᠯᠡᠭᠡᠳ ᠨᠠᠳᠠ ᠳ᠋ᠤ᠌ ᠨᠢᠭᠡ ᠶᠠᠭᠤᠮᠠ ᠥᠭᠬᠦ ᠶᠣᠰᠣᠲᠠᠢ》 ᠢᠩᠭᠢᠭᠡᠳ ᠰᠢᠪᠠᠭᠤ ᠨᠢᠰᠴᠢᠬᠡᠯᠡ᠃
ᠭᠸᠷᠳᠠ ᠡᠨᠡ ᠦᠭᠡ ᠶ᠋ᠢ ᠭᠣᠣᠯ ᠬᠡᠯᠡᠭᠰᠡᠨ ᠪᠠᠢᠵᠤ ᠲᠠᠭᠠᠷᠠᠨᠠ ᠭᠡᠵᠦ ᠪᠣᠳᠣᠪᠠ᠃ ᠲᠡᠷᠡ ᠵᠡᠭᠦᠯᠲᠡ ᠪᠡᠨ ᠠᠪᠤᠭᠠᠳ ᠭᠣᠣᠯ ᠤᠷᠤᠭᠤ ᠤᠨᠠᠭᠠᠯᠠ᠃ ᠭᠡᠨᠡᠳᠲᠡ ᠨᠢᠭᠡ ᠵᠠᠪᠢ ᠭᠸᠷᠳᠠ ᠶ᠋ᠢ ᠴᠢᠭᠯᠡᠨ ᠢᠷᠡᠪᠡ᠃ ᠬᠠᠷᠢᠨ ᠵᠠᠪᠢ ᠬᠣᠭᠣᠰᠣᠨ ᠪᠠᠢᠯᠠ᠂ ᠲᠡᠷᠡ ᠵᠠᠪᠢᠨ ᠳ᠋ᠤ᠌ ᠰᠠᠭᠤᠲᠠᠯᠠ ᠵᠠᠪᠢ ᠥᠪᠡᠷ ᠢ᠋ᠶ᠋ᠡᠨ ᠬᠥᠳᠡᠯᠵᠦ ᠡᠬᠢᠯᠡᠯᠡ᠃ ᠵᠠᠪᠢ ᠭᠸᠷᠳᠠ ᠶ᠋ᠢ ᠭᠣᠣᠯ ᠤ᠋ᠨ ᠨᠥᠭᠦᠭᠡ ᠲᠠᠯᠠ ᠳ᠋ᠤ᠌ ᠬᠦᠷᠭᠡᠯᠡ᠃ ᠲᠡᠷᠡ ᠵᠠᠪᠢᠨ ᠠ᠋ᠴᠠ ᠪᠠᠭᠤᠭᠠᠳ ᠨᠢᠭᠡᠨ ᠴᠡᠴᠡᠷᠯᠢᠭ ᠦ᠋ᠨ ᠡᠮᠦᠨᠡ ᠢᠷᠡᠭᠰᠡᠨ ᠪᠠᠢᠪᠠ᠃ ᠶᠠᠩᠵᠤ ᠪᠦᠷᠢ ᠶ᠋ᠢᠨ ᠴᠡᠴᠡᠭᠡᠰ ᠲᠡᠢ ᠶᠡᠬᠡ ᠰᠠᠢᠬᠠᠨ ᠴᠡᠴᠡᠷᠯᠢᠭ ᠪᠠᠢᠯᠠ᠃ ᠭᠸᠷᠳᠠ ᠠᠮᠢᠳᠤᠷᠠᠯ ᠳ᠋ᠠᠭᠠᠨ ᠡᠢᠮᠦ ᠣᠯᠠᠨ ᠶᠠᠩᠵᠤ ᠶ᠋ᠢᠨ ᠴᠡᠴᠡᠭᠡᠰ ᠬᠠᠷᠠᠵᠤ ᠪᠠᠢᠭᠰᠠᠨ ᠦᠭᠡᠢ᠂ ᠴᠡᠴᠡᠭᠡᠰ ᠢ᠋ ᠬᠠᠷᠠᠬᠤ ᠳ᠋ᠤ᠌ ᠭᠸᠷᠳᠠ ᠳᠤ ᠰᠠᠢᠬᠠᠨ ᠪᠠᠢᠯᠠ᠂ ᠭᠡᠬᠦ ᠳ᠋ᠦ᠍ ᠪᠡᠨ ᠲᠡᠷᠡ ᠪᠠᠰᠠ ᠴᠡᠴᠡᠭᠡᠰ ᠶᠠᠮᠠᠷ ᠴᠤ᠌ ᠠᠩᠬᠢᠯᠤᠮᠠ ᠦᠨᠦᠷ ᠦᠭᠡᠢ ᠪᠠᠢᠭᠠ ᠶ᠋ᠢ ᠠᠩᠵᠠᠭᠠᠷᠠᠵᠠᠢ᠃ ᠭ᠌ᠸᠷᠳᠠ ᠶ᠋ᠢ ᠨᠢᠭᠡ ᠡᠮᠡᠭᠲᠡᠢ ᠴᠢᠭᠯᠡᠨ ᠢᠷᠡᠯᠡ᠃
《 ᠲᠠᠪᠠᠲᠠᠢ ᠮᠣᠷᠢᠯᠠ ᠥᠬᠢᠨ ᠮᠢᠨᠢ》
《 ᠪᠠᠶᠠᠷᠯᠠᠯᠠ》
《 ᠴᠢ ᠬᠡᠨ ᠪᠣᠢ ᠥᠬᠢᠨ ᠮᠢᠨᠢ᠂ ᠡᠨᠳᠡ ᠶᠠᠮᠠᠷ ᠬᠡᠷᠡᠭ ᠢ᠋ᠶ᠋ᠡᠷ ᠢᠷᠡᠭᠡ ᠪᠣᠢ?》
《 ᠪᠢ ᠪᠣᠯ ᠭᠸᠷᠳᠠ᠂ ᠪᠢ ᠥᠪᠡᠷ ᠦ᠋ᠨ ᠨᠠᠢᠵᠠ ᠺᠸᠢ ᠶ᠋ᠢ ᠬᠠᠢᠵᠤ ᠪᠠᠢᠨᠠ᠂ ᠲᠠ ᠮᠢᠨᠦ ᠨᠠᠢᠵᠠ ᠶ᠋ᠢ ᠬᠠᠷᠠᠭᠰᠠᠨ ᠤᠤ?》
《 ᠺᠸᠢ ᠭᠡᠨᠡ᠂ ᠦᠭᠡᠢ ᠳᠡ᠂ ᠰᠠᠨᠠᠭᠠᠨ ᠳ᠋ᠤ᠌ ᠣᠷᠣᠬᠤ ᠦᠭᠡᠢ ᠪᠠᠢᠨᠠ》
《 ᠦ᠂᠂᠂᠂ ᠲᠡᠭᠡᠪᠡᠯ ᠴᠤ᠌ ᠪᠢ ᠶᠠᠪᠤᠶᠠ ᠳᠠ᠂ ᠲᠠᠨ ᠳ᠋ᠤ᠌ ᠲᠦᠪᠡᠭ ᠣᠳᠤᠭᠰᠠᠨ ᠪᠣᠯ ᠠᠭᠤᠴᠢᠯᠠᠭᠠᠷᠠᠢ》
《 ᠬᠦᠯᠢᠶᠡ ᠯᠡ ᠳᠡ᠂ ᠶᠠᠭᠤ ᠭᠡᠰᠡᠨ ᠪᠣᠢ᠂ ᠺᠢ ᠭᠡᠰᠡᠨ ᠤᠤ? ᠡᠭᠦᠪᠡᠷ ᠨᠢᠭᠡ ᠬᠦᠦ ᠶᠠᠪᠤᠬᠤ ᠶ᠋ᠢ ᠬᠠᠷᠠᠭᠰᠠᠨ ᠰᠠᠨᠠᠭᠳᠠᠬᠤ ᠶᠤᠮ᠂ ᠨᠠᠮᠠ ᠶ᠋ᠢ ᠳᠠᠭᠠᠭᠠᠳ ᠶᠠᠪᠤ᠂ ᠲᠡᠷᠡ ᠡᠳᠦᠷ ᠶᠠᠭᠤ
ᠪᠣᠯᠤᠭᠰᠠᠨ ᠢ᠋ ᠪᠢ ᠶᠠᠷᠢᠵᠤ ᠥᠭᠶᠡ》
ᠡᠮᠡᠭᠲᠡᠢ ᠭᠧᠷᠳᠠ ᠳ᠋ᠤ᠌ ᠴᠠᠢ ᠬᠢᠵᠦ ᠦᠭᠯᠡ᠃ ᠭᠸᠷᠳᠠ ᠲᠡᠭᠦᠨ ᠳ᠋ᠦ᠍ ᠺᠸᠢ ᠶᠠᠭᠠᠬᠢᠵᠤ ᠠᠯᠠᠭᠠ ᠪᠣᠯᠤᠭᠰᠠᠨ ᠢ᠋ ᠶᠠᠷᠢᠪᠠ᠃ ᠴᠠᠰᠤᠨ ᠬᠠᠲᠤᠨ ᠤ᠋ ᠲᠠᠯᠠ ᠪᠠᠷ ᠡᠷᠡᠭᠡᠯᠵᠡᠭᠡ ᠪᠡᠨ ᠴᠤ᠌ ᠬᠡᠯᠡᠯᠡ᠃
《 ᠠ᠂ ᠦ ᠴᠠᠰᠤᠨ ᠬᠠᠲᠤᠨ᠂ ᠲᠡᠷᠡ ᠪᠣᠯ ᠱᠤᠯᠤᠮ᠂ ᠲᠡᠷᠡ ᠱᠤᠯᠤᠮ ᠠ᠋ᠴᠠ ᠪᠣᠯᠤᠭᠠᠳ ᠮᠢᠨᠦ ᠪᠦᠬᠦ ᠴᠡᠴᠡᠭᠡᠰ ᠠᠩᠬᠢᠯᠤᠮᠠ ᠦᠨᠦᠷ ᠢ᠋ᠶ᠋ᠡᠨ ᠠᠯᠳᠠᠴᠢᠬᠠᠭᠰᠠᠨ᠂ ᠪᠢ ᠲᠡᠷᠡ ᠮᠠᠭᠤ ᠳ᠋ᠤ᠌ ᠰᠤᠷᠭᠠᠵᠤ ᠥᠭᠮᠡᠷ ᠪᠠᠢᠨᠠ》
ᠬᠡᠰᠡᠭ ᠬᠤᠭᠤᠴᠠᠭᠠᠨ ᠤ᠋ ᠳᠠᠷᠠᠭᠠ ᠡᠮᠡᠭᠲᠡᠢ ᠭᠸᠷᠳᠠ ᠶ᠋ᠢᠨ ᠦᠰᠦ ᠶ᠋ᠢ ᠰᠠᠮᠨᠠᠵᠤ ᠡᠬᠢᠯᠡᠯᠡ᠃ ᠷᠢᠳᠢ ᠰᠢᠳᠢ ᠶ᠋ᠢᠨ ᠰᠠᠮ ᠪᠠᠢᠵᠠᠢ᠃ ᠦᠨᠡᠨ ᠳ᠋ᠦ᠍ ᠪᠡᠨ ᠲᠡᠷᠡ ᠡᠮᠡᠭᠲᠡᠢ ᠭᠠᠭᠴᠠᠭᠠᠷᠳᠠᠭᠰᠠᠨ ᠪᠣᠯᠬᠣᠷ ᠭᠸᠷᠳᠠ ᠶ᠋ᠢ ᠥᠪᠡᠷ ᠲᠡᠢ ᠪᠡᠨ ᠤᠳᠠᠭᠠᠨ ᠪᠠᠢᠯᠭᠠᠬᠤ ᠶ᠋ᠢ ᠬᠦᠰᠡᠭᠰᠡᠨ ᠪᠠᠢᠵᠠᠢ᠃ ᠡᠨᠡ ᠰᠢᠳᠢᠲᠦ ᠰᠠᠮ ᠢ᠋ᠶ᠋ᠠᠷ ᠳᠠᠮᠵᠢᠭᠤᠯᠤᠨ ᠲᠡᠷᠡ ᠭᠸᠷᠳᠠ ᠶ᠋ᠢᠨ ᠳᠤᠷᠠᠰᠤᠮᠵᠢ ᠶ᠋ᠢ ᠠᠷᠢᠯᠭᠠᠵᠠᠢ᠃ ᠭᠸᠷᠳᠠ ᠤᠨᠲᠠᠭᠠᠳ ᠥᠭᠭᠦᠯᠡ᠂ ᠰᠡᠷᠡᠬᠦ ᠳ᠋ᠡᠭᠡᠨ ᠶᠠᠭᠤ ᠴᠤ᠌ ᠰᠠᠨᠠᠬᠤ ᠪᠠᠨ ᠪᠠᠢᠭᠰᠠᠨ ᠪᠠᠢᠯᠠ᠃
《 ᠪᠢ ᠬᠠᠮᠢᠭᠠ ᠪᠠᠢᠨᠠ?》
《 ᠴᠢ ᠨᠠᠳᠠ ᠲᠠᠢ ᠬᠠᠮᠲᠤ ᠪᠠᠢᠨᠠ ᠥᠬᠢᠨ ᠮᠢᠨᠢ᠂ ᠮᠢᠨᠦ ᠴᠡᠴᠡᠷᠯᠢᠭ ᠲᠦ᠍》 ᠡᠮᠡᠭᠲᠡᠢ ᠶ᠋ᠢᠨ ᠷᠢᠳᠢ ᠰᠢᠳᠢ ᠭᠸᠷᠳᠠ ᠶ᠋ᠢᠨ ᠠᠷᠢᠭᠤᠨ ᠰᠡᠳᠬᠢᠯ ᠳ᠋ᠦ᠍ ᠨᠥᠯᠥᠭᠡᠯᠡᠭᠰᠡᠨ ᠦᠭᠡᠢ᠂ ᠲᠡᠷᠡ ᠡᠮᠡᠭᠲᠡᠢ ᠶ᠋ᠢᠨ ᠮᠠᠯᠠᠭᠠᠢ ᠶ᠋ᠢᠨ ᠳᠡᠭᠡᠷᠡᠬᠢ ᠭᠣᠶᠣᠮᠰᠣᠭ ᠰᠠᠷᠠᠨᠠᠢ ᠶ᠋ᠢ ᠬᠠᠷᠠᠭᠰᠠᠨ ᠳᠠᠷᠤᠢ ᠳ᠋ᠤ᠌ ᠪᠠᠨ ᠺᠸᠢ ᠶ᠋ᠢ ᠪᠣᠯᠤᠨ ᠺᠸᠢ ᠶ᠋ᠢᠨ ᠲᠠᠯᠠ ᠪᠠᠷ ᠪᠦᠭᠦᠳᠡ ᠶ᠋ᠢ ᠰᠠᠨᠠᠪᠠ᠃
《 ᠪᠢ ᠠᠯᠢ ᠪᠣᠯᠬᠤ ᠬᠤᠷᠳᠤᠨ ᠺᠸᠢ ᠶ᠋ᠢ ᠣᠯᠬᠤ ᠶᠣᠰᠣᠲᠠᠢ᠂ ᠪᠢ ᠴᠤ᠌ ᠶᠠᠪᠤᠶᠠ ᠳᠠ》
ᠡᠮᠡᠭᠲᠡᠢ ᠭᠸᠷᠳᠠ ᠶᠢ ᠵᠣᠭᠰᠣᠭᠠᠬᠤ ᠭᠡᠵᠦ ᠣᠷᠣᠯᠳᠣᠭᠰᠠᠨ ᠴᠤ᠌ ᠭᠸᠷᠳᠠ ᠬᠠᠲᠠᠭᠤ ᠰᠢᠢᠳᠦᠭᠰᠡᠨ ᠪᠠᠢᠯᠠ᠃ ᠥᠬᠢᠨ ᠵᠠᠪᠢ ᠤᠷᠤᠭᠤ ᠪᠤᠴᠠᠵᠤ ᠣᠴᠢᠭᠠᠳ ᠵᠠᠪᠢᠨ ᠳ᠋ᠤ᠌ ᠰᠠᠭᠤᠭᠰᠠᠨ ᠶᠤᠮ᠂ ᠵᠠᠪᠢ ᠬᠥᠳᠡᠯᠵᠦ ᠡᠬᠢᠯᠡᠭᠰᠡᠨ ᠴᠤ᠌ ᠭᠸᠷᠳᠠ ᠬᠠᠮᠢᠭᠠᠰᠢ ᠪᠠᠨ ᠶᠠᠪᠤᠬᠤ ᠪᠠᠨ ᠮᠡᠳᠡᠭᠰᠡᠨ ᠦᠭᠡᠢ᠃
《 ᠦ ᠭᠣᠣᠯ ᠮᠢᠨᠢ! ᠵᠠᠮ ᠢ᠋ᠶ᠋ᠠᠨ ᠣᠯᠬᠤ ᠳ᠋ᠤ᠌ ᠮᠢᠨᠢ ᠲᠤᠰᠠᠯᠠᠭᠠᠴᠢ ᠳᠠ᠂》 ᠵᠠᠯᠪᠠᠷᠢᠵᠤ ᠳᠠᠭᠤᠰᠤᠭᠠ ᠦᠭᠡᠢ ᠪᠠᠢᠲᠠᠯᠠ ᠨᠢᠭᠡᠨ ᠬᠡᠷᠢᠶᠡ ᠲᠡᠭᠦᠨ ᠤᠷᠤᠭᠤ ᠨᠢᠰᠴᠦ ᠢᠷᠡᠭᠡᠳ《 ᠬᠣᠢᠲᠤ ᠵᠦᠭ ᠲᠦ᠍ ᠶᠠᠪᠤ》 ᠭᠡᠵᠦ ᠵᠢᠭᠠᠯᠠ᠃ᠭᠸᠷᠳᠠ ᠬᠡᠰᠡᠭ ᠬᠤᠭᠤᠴᠠᠭᠠ ᠳ᠋ᠤ᠌ ᠬᠡᠷᠢᠶᠡ ᠶ᠋ᠢ ᠳᠠᠭᠠᠪᠠ᠃ ᠮᠥᠰᠦᠲᠠᠢ ᠲᠠᠩᠭᠢᠰ ᠢ᠋ᠶ᠋ᠠᠷ ᠠᠶᠠᠯᠠᠭᠰᠠᠭᠠᠷ ᠨᠢᠭᠡᠨ ᠬᠥᠯᠭᠡ ᠳ᠋ᠦ᠍ ᠬᠦᠷᠦᠯᠡ᠃ ᠭᠸᠷᠳᠠ ᠬᠥᠯᠭᠡ ᠤᠷᠤᠭᠤ ᠠᠪᠠᠷᠢᠯᠠ᠃
《 ᠡᠨᠡ ᠬᠥᠯᠭᠡ ᠨᠠᠮᠠ ᠶ᠋ᠢ ᠴᠠᠰᠤᠨ ᠬᠠᠲᠤᠨ ᠤ᠋ ᠰᠢᠯᠲᠦᠭᠡᠨ ᠳ᠋ᠦ᠍ ᠬᠦᠷᠭᠡᠬᠦ ᠪᠣᠯᠪᠠ ᠤᠤ》
ᠳᠠᠯᠠᠢ ᠶ᠋ᠢᠨ ᠳᠡᠭᠡᠷᠡᠮᠴᠢᠨ ᠪᠦᠰᠡᠭᠦᠢ ᠭᠸᠷᠳᠠ ᠶ᠋ᠢᠨ ᠡᠮᠦᠨᠡ ᠭᠠᠷᠴᠤ ᠢᠷᠡᠯᠡ᠃
《ᠴᠢ ᠲᠥᠭᠡᠷᠢᠴᠢᠬᠡ ᠤᠤ ?ᠥᠬᠢᠨ ᠠ᠋ !ᠴᠢ ᠳᠠᠯᠠᠢ ᠶ᠋ᠢᠨ ᠳᠡᠭᠡᠷᠡᠮᠴᠢᠨ ᠦ᠌ ᠬᠥᠯᠭᠡ ᠳ᠋ᠦ᠍ ᠪᠠᠢᠨᠠ》ᠭᠸᠷᠳᠠ ᠲᠡᠭᠦᠨ ᠳ᠋ᠦ᠍ ᠺᠸᠢ ᠪᠣᠯᠤᠨ ᠴᠠᠰᠤᠨ ᠬᠠᠲᠤᠨ ᠤ᠋ ᠲᠠᠯᠠ ᠪᠠᠷ ᠪᠦᠭᠦᠳᠡ ᠶ᠋ᠢ ᠬᠡᠯᠡᠯᠡ᠃ ᠳᠠᠯᠠᠢ ᠶ᠋ᠢᠨ ᠳᠡᠭᠡᠷᠡᠮᠴᠢᠨ ᠪᠦᠰᠡᠭᠦᠢ ᠲᠡᠳᠡᠨ ᠢ᠋ ᠦᠷᠦ ᠡᠪᠡᠳᠴᠡᠢ᠃
《 ᠴᠢ ᠺᠸᠢ ᠶ᠋ᠢ ᠴᠠᠰᠤᠨ ᠬᠠᠲᠤᠨ ᠤ᠋ ᠰᠢᠯᠲᠦᠭᠡᠨ ᠡᠴᠡ ᠭᠠᠷᠭᠠᠵᠤ ᠠᠪᠴᠤ ᠴᠢᠳᠠᠬᠤ ᠦᠭᠡᠢ᠂ ᠲᠡᠭᠦᠨ ᠢ᠋ ᠮᠠᠷᠲᠠ!》
《 ᠪᠢ ᠶᠠᠮᠠᠷ ᠴᠤ᠌ ᠦᠨᠡᠬᠡᠷ ᠬᠠᠮᠢᠶᠠ ᠦᠭᠡᠢ᠃ ᠺᠸᠢ ᠶ᠋ᠢ ᠣᠯᠤᠨᠠ᠂ ᠪᠢ ᠵᠣᠪᠠᠬᠤ ᠴᠠᠭ ᠲᠤ᠌ ᠨᠢ ᠨᠠᠢᠵᠠ ᠶ᠋ᠢ ᠪᠡᠨ ᠣᠷᠬᠢᠬᠤ ᠦᠭᠡᠢ》
《 ᠨᠠᠳᠠ ᠳ᠋ᠤ᠌ ᠦᠨᠡᠨ ᠳ᠋ᠦ᠍ ᠪᠡᠨ ᠨᠠᠢᠵᠠ ᠪᠠᠢᠬᠤ ᠦᠭᠡᠢ ᠯᠡ ᠳᠡ᠂ ᠲᠡᠢᠮᠦ ᠡᠴᠡ ᠪᠢ ᠴᠢᠮᠠ ᠶ᠋ᠢ ᠠᠪᠴᠤ ᠦᠯᠡᠳᠡᠮᠡᠷ ᠯᠡ ᠪᠠᠢᠨᠠ᠃ ᠭᠡᠬᠦ ᠳ᠋ᠦ᠍ ᠪᠡᠨ ᠴᠢᠨᠦ ᠵᠠᠩ ᠴᠢᠨᠠᠷ ᠮᠢᠨᠦ ᠰᠡᠳᠬᠢᠯ ᠢ᠋ ᠬᠥᠳᠡᠯᠭᠡᠯᠡ᠂ ᠨᠠᠢᠵᠠ ᠶ᠋ᠢ ᠪᠡᠨ ᠣᠯᠬᠤ ᠳ᠋ᠤ᠌ ᠴᠢᠨᠢ ᠪᠢ ᠲᠤᠰᠠᠯᠠᠨᠠ》
ᠮᠠᠷᠭᠠᠰᠢ ᠥᠷᠯᠥᠭᠡ ᠨᠢ ᠳᠠᠯᠠᠢ ᠶ᠋ᠢᠨ ᠳᠡᠭᠡᠷᠡᠮᠴᠢᠨ ᠪᠦᠰᠡᠭᠦᠢ ᠭᠸᠷᠳᠠ ᠳ᠋ᠤ᠌ ᠴᠠ ᠪᠤᠭᠤ ᠥᠭᠭᠦᠯᠡ᠃
《 ᠡᠨᠡ ᠪᠣᠯ ᠴᠠᠰᠤᠨ ᠤ᠋ ᠣᠷᠣᠨ ᠤ᠋ ᠬᠠᠮᠤᠭ ᠤ᠋ᠨ ᠬᠤᠷᠳᠤᠨ ᠴᠠ ᠪᠤᠭᠤ ᠪᠠᠢᠭᠠ ᠶᠤᠮ᠂ ᠴᠢᠮᠠ ᠶ᠋ᠢ ᠴᠠᠰᠤᠨ ᠬᠠᠲᠤᠨ ᠤ᠋ ᠰᠢᠯᠲᠦᠭᠡᠨ ᠳ᠋ᠦ᠍ ᠬᠦᠷᠭᠡᠵᠦ ᠥᠭᠭᠦᠨᠡ》
《 ᠦ᠂ ᠪᠠᠶᠠᠷᠯᠠᠯᠠ》
《 ᠲᠡᠷᠡ ᠮᠠᠭᠤ ᠬᠦᠢᠲᠡᠨ ᠱᠤᠯᠤᠮ ᠢ᠋ ᠪᠣᠯᠭᠣᠭᠠᠳ ᠥᠭᠭᠦᠭᠡᠷᠡᠢ》
ᠭᠸᠷᠳᠠ ᠴᠠ ᠪᠤᠭᠤ ᠶ᠋ᠢ ᠤᠨᠤᠭᠠᠳ ᠬᠣᠯᠠ ᠵᠠᠮ ᠲᠤᠭᠤᠯᠤᠭᠰᠠᠨ ᠤ᠋ ᠡᠴᠦᠰ ᠲᠦ᠍ ᠨᠢᠭᠡᠨ ᠴᠠᠰᠤᠨ ᠣᠷᠣᠴᠨᠨ ᠳ᠋ᠤ᠌ ᠬᠦᠷᠪᠡ᠃ ᠲᠡᠨᠳᠡ ᠨᠢᠭᠡ ᠡᠪᠦᠭᠡᠨ ᠲᠡᠢ ᠲᠠᠭᠠᠷᠠᠵᠠᠢ᠃
《 ᠵᠠ ᠥᠬᠢᠨ ᠮᠢᠨᠢ ᠴᠢ ᠲᠣᠯᠢ ᠶ᠋ᠢ ᠠᠪᠴᠢᠷᠠᠭᠰᠠᠨ ᠪᠢᠵᠡ ᠳᠡ》
ᠭᠸᠷᠳᠠ ᠡᠨᠡ ᠶ᠋ᠢ ᠰᠣᠨᠣᠰᠤᠭᠠᠳ ᠭᠠᠢᠬᠠᠯᠠ᠃ ᠤᠬᠠᠭᠠᠨᠲᠤ ᠡᠪᠦᠭᠡᠨ ᠲᠣᠯᠢᠨ ᠤ᠋ ᠲᠠᠯᠠ ᠪᠠᠷ ᠶᠠᠭᠠᠬᠢᠵᠤ ᠮᠡᠳᠡᠭᠰᠡᠨ ᠢ᠋ ᠣᠢᠯᠠᠭᠠᠭᠰᠠᠨ ᠦᠭᠡᠢ᠃ ᠭᠸᠷᠳᠠ ᠲᠣᠯᠢ ᠪᠠᠨ ᠭᠠᠷᠭᠠᠵᠤ ᠤᠬᠠᠭᠠᠨᠲᠤ ᠡᠪᠦᠭᠡᠨ ᠳ᠋ᠦ᠍ ᠦᠵᠡᠭᠦᠯᠦᠯᠡ᠃
《 ᠡᠨᠡ ᠨᠠᠳᠠ ᠳ᠋ᠤ᠌ ᠴᠠᠰᠤᠨ ᠬᠠᠲᠤᠨ ᠢ᠋ ᠢᠯᠠᠬᠤ ᠳ᠋ᠤ᠌ ᠲᠤᠰᠠᠯᠠᠬᠤ ᠪᠣᠯᠪᠠ ᠤᠤ?》
《 ᠦᠭᠡᠢ᠂ ᠡᠨᠡ ᠪᠣᠯ ᠰᠢᠳᠢᠲᠦ ᠲᠣᠯᠢ᠂ ᠲᠣᠯᠢ ᠦᠨᠡᠨ ᠢ᠋ ᠵᠥᠪᠬᠡᠨ ᠦᠨᠡᠨ ᠢ᠋ ᠯᠡ ᠦᠵᠡᠭᠦᠯᠳᠡᠭ ᠶᠦᠮ ᠰᠢᠦ ᠳᠡ》
ᠳᠠᠷᠠᠭᠠ ᠨᠢ ᠤᠬᠠᠭᠠᠨᠲᠤ ᠡᠪᠦᠭᠡᠨ ᠭ᠌ᠸᠷᠳᠠ ᠳ᠋ᠤ᠌ ᠴᠠᠰᠤᠨ ᠬᠠᠲᠤᠨ ᠬᠡᠨ ᠪᠠᠢᠭᠰᠠᠨ ᠢ᠋ ᠶᠠᠷᠢᠵᠤ ᠥᠭᠪᠡ᠃
《 ᠴᠠᠰᠤᠨ ᠬᠠᠲᠤᠨ ᠵᠢᠭᠠᠬᠠᠨ ᠪᠠᠢᠬᠤ ᠳ᠋ᠤ᠌ ᠪᠠᠨ ᠶᠡᠬᠡ ᠰᠠᠢᠬᠠᠨ ᠰᠡᠳᠬᠢᠯ ᠲᠡᠢ ᠴᠣᠪᠣᠭᠣ ᠥᠬᠢᠨ ᠪᠠᠢᠭᠰᠠᠨ ᠶᠤᠮ᠃ ᠶᠠᠪᠤᠭᠰᠠᠨ ᠭᠠᠵᠠᠷ ᠲᠤ᠌ ᠨᠢ ᠴᠡᠴᠡᠭᠡᠰ ᠳᠡᠯᠪᠢᠯᠡᠳᠡᠭ᠂ ᠲᠡᠭᠡᠭᠡᠳ ᠪᠠᠰᠠ ᠢᠨᠢᠶᠡᠬᠦ ᠳ᠋ᠦ᠍ ᠨᠢ ᠨᠢᠳᠦ ᠨᠢ ᠨᠠᠷᠠᠨ ᠤ᠋ ᠭᠡᠷᠡᠯ ᠮᠡᠲᠦ ᠭᠢᠯᠠᠯᠵᠠᠳᠠᠭ ᠪᠠᠢᠯᠠ᠃ ᠶᠡᠬᠡ ᠣᠨᠴᠠᠭᠠᠢ ᠵᠢᠷᠭᠠᠯᠲᠠᠢ ᠥᠬᠢᠨ ᠪᠠᠢᠭᠰᠠᠨ᠂ ᠨᠡᠷᠡ ᠶ᠋ᠢ ᠨᠢ ᠯᠢᠯᠠ ᠭᠡᠳᠡᠭ ᠪᠠᠢᠭᠰᠠᠨ᠂ ᠭᠡᠪᠡᠴᠦ ᠬᠥᠮᠦᠨ ᠪᠦᠷ ᠯᠢᠯᠠ ᠶ᠋ᠢ ᠱᠤᠯᠤᠮ ᠭᠡᠵᠦ ᠪᠣᠳᠣᠵᠠᠢ᠃ ᠲᠡᠢᠮᠦ ᠪᠣᠯᠬᠣᠷ ᠯᠠ ᠬᠡᠦᠬᠡᠳ ᠦ᠋ᠳ ᠯᠢᠯᠠ ᠲᠠᠢ ᠲᠣᠭᠯᠠᠬᠤ᠂ ᠦᠭᠡ ᠰᠣᠯᠢᠬᠤ ᠶ᠋ᠢ ᠬᠣᠷᠢᠭᠯᠠᠳᠠᠭ ᠪᠠᠢᠯᠠ ᠰᠢᠦ ᠳᠡ᠂ ᠲᠡᠭᠡᠭᠡᠳ ᠯᠡ ᠭᠠᠭᠴᠠᠭᠠᠷ ᠢ᠋ᠶ᠋ᠠᠨ ᠭᠤᠨᠢᠭᠲᠠᠢ ᠪᠠᠢᠬᠤ ᠪᠣᠯᠤᠭᠰᠠᠨ ᠶᠤᠮ ᠳᠠ᠂ ᠤᠳᠠᠬᠤ ᠦᠭᠡᠢ ᠪᠦᠬᠦ ᠵᠦᠢᠯ ᠳ᠋ᠦ᠍ ᠡᠷᠭᠢᠨ ᠲᠣᠭᠣᠷᠢᠨ ᠤ᠋ ᠬᠥᠮᠦᠨ ᠪᠦᠷᠢ ᠳ᠋ᠦ᠍ ᠳᠤᠷᠠ ᠦᠭᠡᠢ ᠪᠣᠯᠵᠤ ᠡᠬᠢᠯᠡᠯᠡ᠃ ᠲᠡᠭᠡᠭᠡᠳ ᠨᠢᠭᠡ ᠡᠳᠦᠷ ᠲᠡᠷᠡ ᠬᠦᠰᠡᠯ ᠢ᠋ᠶ᠋ᠡᠨ ᠰᠢᠪᠡᠨᠡᠭᠰᠡᠨ ᠶᠦᠮ᠂《 ᠨᠠᠳᠠ ᠳ᠋ᠤ᠌ ᠮᠠᠭᠤᠬᠠᠢ ᠬᠠᠨᠳᠤᠭᠰᠠᠨ ᠪᠦᠬᠦᠨ ᠮᠥᠰᠥ ᠪᠣᠯᠤᠨ ᠬᠤᠪᠢᠷᠠ᠂ 》ᠲᠡᠭᠡᠭᠡᠳ ᠯᠢᠯᠠ ᠬᠥᠮᠦᠨ ᠪᠦᠷᠢ ᠡᠴᠡ ᠬᠣᠯᠠ ᠮᠥᠰᠥᠨ ᠰᠢᠯᠲᠦᠭᠡᠨ ᠪᠠᠷᠢᠭᠰᠠᠨ ᠶᠤᠮ ᠳᠠ᠂ ᠠᠮᠢᠳᠤᠷᠠᠯ ᠳ᠋ᠠᠭᠠᠨ ᠬᠠᠢᠷᠠ᠂ ᠠᠵᠠ ᠵᠢᠷᠭᠠᠯ ᠢ᠋ ᠮᠡᠳᠡᠷᠡᠯ ᠦᠭᠡᠢ ᠭᠠᠪ ᠭᠠᠭᠴᠠᠭᠠᠷ ᠢ᠋ᠶ᠋ᠠᠨ ᠥᠰᠦᠭᠰᠡᠨ᠃ ᠲᠡᠷᠡ ᠶ᠋ᠢ ᠪᠢᠲᠡᠭᠡᠢ ᠤᠰᠠᠳᠬᠠᠭᠠᠷᠠᠢ! ᠬᠣᠷᠣᠨ ᠮᠠᠭᠤ ᠪᠣᠳᠣᠯ ᠢ᠋ ᠨᠢ ᠯᠡ ᠤᠰᠠᠳᠬᠠᠴᠢᠬᠠ᠃ ᠰᠢᠳᠢᠲᠦ ᠲᠣᠯᠢ ᠴᠢᠨᠢ ᠲᠡᠭᠡᠬᠦ ᠳ᠋ᠦ᠍ ᠴᠢᠨᠢ ᠲᠤᠰᠠᠯᠠᠨᠠ᠃ ᠲᠡᠭᠦᠨ ᠳ᠋ᠦ᠍ ᠬᠡᠨ ᠪᠠᠢᠭᠰᠠᠨ ᠢ᠋ ᠨᠢ ᠰᠠᠨᠠᠭᠤᠯᠵᠤ ᠴᠢᠳᠠᠪᠠᠯ ᠴᠢ ᠺᠸᠢ ᠨᠠᠢᠵᠠ ᠶ᠋ᠢ ᠪᠡᠨ ᠠᠪᠤᠷᠠᠵᠤ ᠴᠢᠳᠠᠨᠠ ᠭᠡᠰᠡᠨ ᠦᠭᠡ ᠵᠠ ᠦᠦ!》
ᠭᠸᠷᠳᠠ ᠴᠠᠰᠤᠨ ᠬᠠᠲᠤᠨ ᠤ᠋ ᠰᠢᠯᠲᠦᠭᠡᠨ ᠳ᠋ᠦ᠍ ᠣᠴᠢᠪᠠ᠃
ᠺᠸᠢ ᠨᠢᠭᠡ ᠪᠤᠯᠤᠩ ᠳ᠋ᠤ᠌ ᠪᠠᠢᠯᠠ᠂ ᠲᠡᠷᠡ ᠮᠥᠰᠥᠨ ᠰᠡᠢᠯᠪᠦᠷᠢ ᠬᠢᠵᠦ ᠪᠠᠢᠪᠠ᠃
《 ᠠ᠂ ᠦ᠂ ᠺᠸᠢ ᠴᠢᠮᠠ ᠶ᠋ᠢ ᠬᠠᠷᠠᠭᠠᠳ ᠮᠠᠰᠢ ᠶᠡᠬᠡ ᠪᠠᠶᠠᠷᠯᠠᠵᠤ ᠪᠠᠢᠨᠠ᠂ ᠪᠢ ᠪᠠᠢᠨᠠ᠂ ᠭᠸᠷᠳᠠ᠂ ᠨᠠᠮᠠ ᠶ᠋ᠢ ᠲᠠᠨᠢᠬᠤ ᠦᠭᠡᠢ ᠪᠠᠢᠭᠠ ᠶᠤᠮ ᠤᠤ? ᠺᠸᠢ》
ᠺᠸᠢ ᠥᠭᠡᠳᠡ ᠡᠴᠡ ᠨᠢ ᠬᠠᠷᠠᠭᠰᠠᠨ ᠴᠤ᠌ ᠬᠠᠷᠢᠭᠤ ᠦᠵᠡᠭᠦᠯᠦᠭᠰᠡᠨ ᠦᠭᠡᠢ᠂ ᠭᠡᠨᠡᠳᠲᠡᠬᠡᠨ ᠬᠠᠮᠢᠭᠠ ᠠ᠋ᠴᠠ ᠶᠤᠮ ᠴᠠᠰᠤᠨ ᠬᠠᠲᠤᠨ ᠭᠠᠷᠤᠭᠠᠳ ᠢᠷᠡᠯᠡ᠃
《 ᠡᠨᠳᠡᠬᠢ ᠶ᠋ᠢᠨ ᠪᠤᠰᠤᠳ ᠪᠦᠬᠦ ᠵᠦᠢᠯᠡᠰ ᠦ᠋ᠨ ᠠᠳᠠᠯᠢ ᠪᠠᠷ ᠺᠸᠢ ᠶ᠋ᠢᠨ ᠵᠢᠷᠦᠬᠡ ᠮᠥᠰᠥ ᠪᠣᠯᠤᠨ ᠬᠤᠪᠢᠷᠠᠭᠰᠠᠨ᠂ ᠡᠨᠳᠡ ᠡᠴᠡ ᠶᠠᠪᠤ! ᠣᠳᠣ ᠺᠸᠢ ᠮᠢᠨᠦ ᠪᠣᠭᠣᠯ᠂ ᠣᠷᠬᠢᠵᠤ ᠶᠠᠪᠤᠬᠤ ᠦᠭᠡᠢ ᠪᠣᠯ ᠴᠢᠮᠠ ᠶ᠋ᠢ ᠴᠤ᠌ ᠭᠡᠰᠡᠨ ᠮᠥᠰᠥ ᠪᠣᠯᠭᠠᠵᠤ ᠬᠤᠪᠢᠷᠠᠭᠠᠨᠠ》
《 ᠺᠸᠢ ᠪᠤᠴᠠᠭᠠᠳ ᠢᠷᠡᠭᠡᠴᠢ ᠳᠡ ᠪᠢ ᠴᠢᠮᠠ ᠶ᠋ᠢ ᠰᠠᠨᠠᠭᠠᠳ ᠪᠠᠢᠨᠠ ᠪᠢ ᠴᠢᠮᠠ ᠶ᠋ᠢ ᠭᠡᠷ ᠲᠦ᠍ ᠠᠪᠠᠴᠢᠬᠤ ᠪᠠᠷ ᠢᠷᠡᠯᠡ ᠶᠠᠪᠤᠵᠠᠭᠠᠶᠠ》 ᠭᠸᠷᠳᠠ ᠶ᠋ᠢᠨ ᠨᠢᠯᠪᠤᠰᠤ ᠺᠸᠢ ᠶ᠋ᠢᠨ ᠭᠠᠷ ᠳᠡᠭᠡᠷᠡ ᠤᠨᠠᠪᠠ᠃ ᠬᠠᠯᠠᠭᠤᠨ ᠰᠡᠳᠬᠢᠯ ᠬᠠᠢᠷᠠ ᠡᠨᠡᠷᠢᠯ ᠨᠥᠯᠥᠭᠡᠯᠡᠵᠡᠢ᠃ ᠺᠸᠢ ᠠᠭᠠᠵᠢᠮ ᠢ᠋ᠶ᠋ᠠᠷ ᠳᠤᠷᠠᠰᠤᠮᠵᠢ ᠪᠠᠨ ᠡᠷᠭᠢᠭᠦᠯᠦᠨ ᠣᠯᠤᠭᠰᠠᠨ ᠶᠤᠮ᠃
《 ᠭᠸᠷᠳᠠ ᠠ᠋᠂ ᠦ᠂ ᠪᠢ ᠴᠢᠮᠠ ᠶ᠋ᠢ ᠲᠠᠨᠢᠯᠠ᠂ ᠪᠢ ᠪᠦᠭᠦᠳᠡ ᠶ᠋ᠢ ᠰᠠᠨᠠᠵᠤ ᠪᠠᠢᠨᠠ》
ᠴᠠᠰᠤᠨ ᠬᠠᠲᠤᠨ ᠡᠭᠦᠨ ᠢ᠋ ᠬᠠᠷᠠᠭᠠᠳ ᠶᠡᠬᠡᠳᠡ ᠬᠢᠯᠢᠩᠨᠡᠵᠦ ᠭᠸᠷᠳᠠ ᠶ᠋ᠢ ᠬᠠᠷᠢᠶᠠᠬᠤ ᠪᠠᠷ ᠰᠢᠳᠢᠲᠦ ᠳᠣᠬᠢᠭᠤᠷ ᠢ᠋ᠶ᠋ᠠᠨ ᠭᠠᠷᠭᠠᠵᠤ ᠢᠷᠡᠯᠡ᠃ ᠭᠸᠷᠳᠠ ᠰᠢᠳᠢᠲᠦ ᠲᠣᠯᠢ ᠪᠠᠨ ᠭᠠᠷᠭᠠᠵᠤ ᠢᠷᠡᠭᠡᠳ ᠬᠠᠷᠢᠶᠠᠯ ᠤ᠋ᠨ ᠥᠭᠡᠳᠡ ᠡᠴᠡ ᠪᠠᠷᠢᠯᠠ᠃ ᠬᠠᠷᠢᠶᠠᠯ ᠪᠠᠢᠬᠤ ᠦᠭᠡᠢ ᠪᠣᠯᠪᠠ᠃ ᠳᠠᠷᠠᠭᠠ ᠨᠢ ᠴᠠᠰᠤᠨ ᠬᠠᠲᠤᠨ ᠭᠸᠷᠳᠠ ᠶᠢᠨ ᠰᠢᠳᠢᠲᠦ ᠲᠣᠯᠢ ᠶ᠋ᠢ ᠬᠠᠷᠠᠯᠠ᠃ ᠲᠡᠭᠦᠨ ᠳ᠋ᠦ᠍ ᠥᠪᠡᠷ ᠦ᠋ᠨ ᠬᠢᠨᠢ ᠴᠢᠷᠠᠢ ᠪᠢᠰᠢ᠂ ᠪᠢᠴᠢᠬᠠᠨ ᠥᠬᠢᠨ ᠦ᠌ ᠴᠢᠷᠠᠢ ᠬᠠᠷᠠᠭᠳᠠᠵᠠᠢ᠂ ᠭᠡᠨᠡᠳᠲᠡᠬᠡᠨ ᠴᠠᠰᠤᠨ ᠬᠠᠲᠤᠨ ᠡᠷᠭᠢᠭᠡᠳ ᠵᠢᠭᠠᠬᠠᠨ ᠥᠬᠢᠨ ᠪᠣᠯᠵᠤ ᠬᠤᠪᠢᠷᠠᠭᠰᠠᠨ᠃
《 ᠺᠸᠢ ᠭᠸᠷᠳᠠ ᠲᠠ ᠬᠣᠶᠠᠷ ᠲᠤ᠌ ᠪᠠᠶᠠᠷᠯᠠᠯᠠ᠂ ᠬᠡᠨ ᠪᠣᠯᠬᠤ ᠶ᠋ᠢ ᠮᠢᠨᠢ ᠰᠠᠨᠠᠭᠤᠯᠤᠭᠰᠠᠨ ᠳ᠋ᠤ᠌ ᠪᠠᠶᠠᠷᠯᠠᠯᠠ᠂ ᠪᠢ ᠣᠳᠣ ᠬᠣᠷᠣᠨ ᠰᠠᠨᠠᠭᠠᠨ ᠠ᠋ᠴᠠ ᠠᠩᠭᠢᠵᠢᠷᠠᠯᠠ》
ᠺᠸᠢ ᠭᠸᠷᠳᠠ ᠬᠣᠶᠠᠷ ᠯᠢᠯᠠ ᠲᠠᠢ ᠰᠠᠯᠬᠤ ᠶᠣᠰᠣ ᠬᠢᠭᠡᠳ ᠭᠡᠷ ᠲᠤ ᠪᠡᠨ ᠬᠠᠷᠢᠵᠠᠭᠠᠯᠠ᠃
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠲᠦᠮᠡᠳ ᠣᠨᠳᠣᠷᠮᠠ
ᠬᠢᠨᠠᠭᠴᠢ᠄ ᠣᠳᠬᠠᠨᠰᠤᠡ ᠢᠷᠡᠭᠡᠳᠦᠢ