ᠷᠠᠢᠨᠠᠳᠤᠤ （ ᠬᠡᠯᠡ ᠪᠢᠴᠢᠭ – ᠶᠢᠰᠦᠳᠦᠭᠡᠷ ᠳᠡᠪᠲᠡᠷ） Райнадоо（ Хэл бичиг – Есдүгээр дэвтэр）
298ᠷᠠᠢᠨᠠᠳᠤᠤ
ᠪᠣᠭᠣ ᠠᠩᠨᠠᠬᠤ ᠤᠯᠠᠷᠢᠯ ᠦ᠋ᠨ ᠡᠬᠢᠨ ᠪ ᠨᠢᠭᠡᠨ ᠡᠲᠦᠷ ᠪᠢᠯᠡ᠃ ᠪᠢ ᠳᠡᠭᠦᠦ ᠲᠡᠢ ᠪᠡᠨ ᠬᠣᠶᠠᠭᠤᠯᠠ ᠮᠣᠲᠣᠨ ᠭᠡᠷ ᠦ᠋ᠨ ᠶ᠋ᠢᠡᠨ ᠭᠠᠲᠠᠨᠠ ᠭᠠᠷ ᠶ᠋ᠢᠠᠨ ᠬᠣᠯᠪᠣᠨ ᠵᠣᠭᠰᠣᠵᠤ ᠪᠠᠶ᠋ᠢᠲᠠᠯᠠ ᠭᠡᠨᠡᠤᠠᠲᠡ ᠳᠣᠪᠣ ᠶ᠋ᠢᠨ ᠴᠠᠭᠠᠨᠠ ᠠ᠋ᠴᠠ ᠠᠪᠠ ᠶ᠋ᠢᠨ ᠨᠣᠬᠠᠢ ᠶ᠋ᠢᠨ ᠬᠤᠴᠠᠬᠤ ᠳᠠᠭᠤᠨ ᠳᠤᠭᠤᠯᠳᠠᠪᠠ᠃
ᠨᠣᠬᠠᠢ ᠬᠤᠴᠠᠬᠤ ᠳᠠᠭᠤᠨ ᠪ ᠳᠠᠭᠠᠤ ᠥᠯᠥᠩ ᠡᠪᠡᠰᠦ ᠶ᠋ᠢ ᠱᠣᠷᠴᠢᠭᠢᠨᠠᠭᠤᠯᠤᠨ ᠭᠦᠶᠦᠵᠦ ᠪᠠᠶ᠋ᠢᠬᠤ ᠴᠢᠮᠡᠭᠡ ᠭᠠᠷᠪᠠ᠃ ᠠᠪᠠ ᠶ᠋ᠢᠨ ᠨᠣᠬᠠᠳ ᠳᠣᠪᠣ ᠶ᠋ᠢᠨ ᠣᠷᠣᠢ ᠶ᠋ᠢ ᠣᠷᠢᠶᠠᠨ ᠨᠠᠰᠢ ᠭᠦᠶᠦᠨ ᠢᠷᠡᠬᠦ ᠰᠢᠭ᠌ ᠪᠣᠯᠤᠯᠠ᠃ ᠨᠣᠬᠠᠳ ᠦ᠋ᠨ ᠠᠷᠤ ᠳ᠋ᠤ᠌ ᠬᠡᠲᠦ ᠬᠡᠲᠦᠨ ᠬᠥᠮᠦᠨ ᠭᠦᠶᠦᠵᠦ ᠪᠠᠶ᠋ᠢᠬᠤ ᠰᠢᠭ᠋ ᠰᠠᠨᠠᠭᠲᠠᠪᠠ᠃ ᠭᠡᠨᠡᠤᠠᠲᠡ ᠨᠣᠬᠠᠢ ᠶ᠋ᠢᠨ ᠳᠠᠭᠤᠨ ᠥᠭᠡᠷᠡᠲᠡᠵᠦ《 ᠭᠠᠩ ᠭᠠᠩ 》ᠭᠠᠰᠠᠯᠬᠤ ᠪᠣᠯᠤᠯᠠ᠃ ᠡᠨᠡ ᠪᠠᠷᠤᠭ ᠭᠥᠷᠥᠭᠡᠰᠦᠨ ᠪ ᠦᠨᠦᠷ ᠊ᠢ ᠠᠯᠲᠠᠭᠰᠠᠨ ᠠ᠋ᠴᠠ ᠪᠣᠯᠤᠭᠰᠠᠨ ᠪᠣᠯᠤᠯᠲᠠᠢ᠃
ᠤᠲᠠᠯ ᠦᠭᠡᠢ ᠨᠢᠭᠡᠨ ᠨᠥᠷᠥᠭᠡ ᠨᠢᠰᠬᠦ ᠮᠡᠲᠦ ᠲᠦᠷᠭᠡᠨ ᠶ᠋ᠢᠡᠷ ᠳᠣᠪᠣ ᠶ᠋ᠢ ᠳᠠᠪᠠᠨ ᠮᠠᠨ ᠪ ᠭᠡᠷ ᠵᠦᠭ ᠳᠠᠪᠬᠢᠨ ᠢᠷᠡᠯᠡ᠃
《 ᠬᠥᠮᠦᠨ ᠰᠠᠭᠤᠵᠤ ᠪᠠᠶ᠋ᠢᠬ᠋ᠠ ᠭᠡᠷ ᠲᠦ ᠣᠷᠣᠬᠤ ᠠ᠋ᠴᠠ ᠠᠶᠤᠬᠤ ᠳ᠋ᠠᠭᠠᠨ ᠠᠮᠢᠰᠬᠤᠯ ᠨᠢ ᠪᠥᠭᠯᠡᠷᠡᠵᠦ ᠪᠠᠶ᠋ᠢᠬᠤ ᠶᠤᠮ ᠤᠤ · ᠡᠰᠡᠬᠦᠯᠡ ᠪᠢᠲᠡᠨ ᠊ᠢ ᠨᠠᠶ᠋ᠢᠵᠠ ᠨᠥᠬᠥᠷ ᠨᠢ ᠪᠣᠯᠬᠤ ᠶ᠋ᠢ ᠮᠡᠳᠡᠭᠰᠡᠨ ᠶᠤᠮ ᠦᠦ 》 ᠭᠡᠵᠦ ᠨᠠᠮᠠᠶ᠋ᠢ ᠪᠣᠲᠣᠵᠤ ᠪᠠᠶ᠋ᠢᠬᠤ ᠵᠠᠭᠤᠷᠠ ᠡᠨᠡ ᠪᠢᠴᠢᠬᠠᠨ ᠨᠥᠷᠥᠭᠡ ᠬᠠᠷᠢᠨ ᠨᠢᠭᠡ ᠮᠧᠲ᠋ᠷ ᠭᠠᠷᠤᠢ ᠥᠨᠲᠥᠷ ᠰᠢᠪᠡᠭᠡ ᠶ᠋ᠢ ᠦᠰᠦᠷᠦᠨ ᠳᠠᠪᠠᠵᠤ ᠮᠠᠨ ᠪ ᠳᠡᠷᠭᠡᠳᠡ ᠣᠶ᠋ᠢᠷᠠᠲᠤᠨ ᠢᠷᠡᠭᠡᠳ ᠳᠠᠭᠵᠢᠵᠤ ᠵᠣᠭᠰᠣᠯᠠ᠃ ᠭᠣᠶᠣ ᠰᠠᠶ᠋ᠢᠬᠠᠨ ᠨᠢᠲᠦ ᠨᠢ ᠠᠶᠤᠭᠰᠠᠨ ᠠ᠋ᠴᠠ ᠪᠣᠯᠵᠤ ᠭᠢᠯᠤᠩ ᠭᠢᠯᠤᠩ ᠭᠡᠷᠡᠯᠲᠦᠵᠦ ᠵᠠᠪᠠᠵᠢ ᠠ᠋ᠴᠠ ᠨᠢ ᠬᠥᠭᠡᠰᠦ ᠭᠠᠷᠴᠤ ᠪᠠᠶ᠋ᠢᠯᠠ᠃
ᠬᠥᠭᠡᠷᠦᠬᠦᠢ ᠨᠥᠷᠥᠭᠡ ᠠᠩᠭᠠᠨ ᠬᠠᠲᠠᠭᠰᠠᠨ ᠬᠠᠮᠠᠷ ᠶ᠋ᠢᠠᠷ ᠶ᠋ᠢᠠᠨ ᠮᠢᠨᠦ ᠭᠠᠷ ᠊ᠢ ᠦᠨᠦᠷᠯᠡᠪᠡ᠃ ᠠᠶᠤᠵᠤ ᠰᠠᠨᠲᠤᠷᠤᠨ ᠮᠡᠯᠡᠷᠡᠨ ᠵᠣᠭᠰᠣᠵᠤ ᠪᠠᠶ᠋ᠢᠬᠰᠠᠨ ᠳᠡᠭᠦᠦ ᠪᠢᠲᠡ ᠬᠣᠶᠠᠭᠤᠯᠠ ᠡᠨᠡ ᠦᠶᠡ ᠳ᠋ᠤ᠌ ᠰᠠᠶᠢ ᠰᠡᠬᠡᠰᠬᠢᠵᠦ ᠨᠥᠷᠥᠭᠡ ᠶ᠋ᠢᠨ ᠮᠢᠨᠲᠠᠰᠤᠨ ᠵᠥᠭᠡᠯᠡᠨ ᠬᠦᠵᠦᠭᠦᠦ ᠶ᠋ᠢ ᠴᠢᠩᠬ᠋ᠠ ᠭᠡᠭᠴᠢ ᠲᠡᠪᠡᠷᠢᠪᠡ᠃ ᠨᠥᠷᠥᠭᠡ ᠳᠤᠲᠠᠭᠠᠬᠤ ᠭᠡᠰᠡᠨ ᠪᠣᠯᠪᠠᠴᠤ ᠤᠲᠠᠯ ᠦᠭᠡᠢ ᠪᠤᠴᠠᠵᠤ ᠢᠷᠡᠭᠡᠳ ᠪᠡᠶᠡ ᠳ᠋ᠤ᠌ ᠮᠢᠨᠢ ᠴᠢᠩᠬ᠋ᠠ ᠨᠠᠭᠠᠯᠲᠤᠪᠠ᠃ ᠡᠨᠡ ᠨᠢ《 ᠶᠠᠭᠠᠬᠢᠭᠠᠳ ᠴᠤ᠌ ᠪᠠᠶ᠋ᠢᠭᠠᠳ ᠭᠡᠰᠡᠨ ᠠᠮᠢ ᠶ᠋ᠢ ᠮᠢᠨᠢ ᠠᠪᠤᠷᠠᠬᠤ ᠪᠣᠯᠪᠠ ᠤᠤ 》ᠭᠡᠵᠦ ᠪᠢᠲᠡᠨ ᠊ᠢ ᠭᠤᠶᠤᠵᠤ ᠪᠠᠶ᠋ᠢᠬᠤ ᠰᠢᠭ᠋ ᠰᠠᠨᠠᠭᠲᠠᠯᠠ᠃
ᠪᠢ ᠨᠥᠷᠥᠭᠡ ᠶ᠋ᠢ ᠲᠤᠶ᠋ᠢᠯ ᠶ᠋ᠢᠠᠷ ᠬᠠᠶ᠋ᠢᠷᠠᠯᠠᠵᠤ ·《 ᠡᠨᠡ ᠨᠥᠷᠥᠭᠡ ᠳ᠋ᠤ᠌ ᠷᠠᠶ᠋ᠢᠨᠠᠲᠤᠤ ᠭᠡᠰᠡᠨ ᠨᠡᠷᠡ ᠥᠭᠭᠦᠶᠡ ! 》 ᠭᠡᠵᠦ ᠬᠡᠯᠡᠭᠡᠳ ᠳᠡᠭᠦᠦ ᠪᠡᠨ ᠬᠠᠷᠠᠯᠠ᠃
ᠭᠡᠲᠡᠯᠡ ᠳᠡᠭᠦᠦ ᠮᠢᠨᠢ ᠬᠠᠷᠢᠨ ᠡᠭᠦᠨ ᠡᠴᠡ ᠬᠣᠯᠠ ᠢᠯᠡᠭᠦᠦ ᠶᠠᠪᠤᠲᠠᠯ ᠊ᠢ ᠪᠣᠲᠣᠵᠤ ᠪᠠᠶ᠋ᠢᠬᠰᠠᠨ ᠠᠵᠢ᠃ ᠠᠪᠠ ᠶ᠋ᠢᠨ ᠨᠣᠬᠠᠳ ᠨᠥᠷᠥᠭᠡ ᠶ᠋ᠢᠨ ᠦᠨᠦᠷ ᠊ᠢ ᠳᠠᠭᠠᠵᠤ ᠤᠲᠠᠯ ᠦᠭᠡᠢ ᠳᠣᠪᠣ ᠶ᠋ᠢ ᠳᠠᠪᠠᠵᠤ ᠡᠨᠲᠡ ᠢᠷᠡᠬᠦ ᠪᠣᠯᠤᠨᠠ᠃ ᠢᠩᠭᠢᠪᠡᠯ ᠪᠢᠴᠢᠬᠠᠨ ᠨᠥᠷᠥᠭᠡ ᠠᠶᠤᠭᠠᠳ ᠳᠤᠲᠠᠭᠠᠬᠤ ᠨᠢ ᠮᠡᠲᠡᠭᠡᠵᠢ ᠶ᠋ᠢᠨ ᠬᠡᠷᠡᠭ᠃ ᠬᠦᠴᠦ ᠮᠡᠲᠡᠨ ᠲᠡᠯᠴᠢᠯᠡᠨ ᠳᠤᠲᠠᠭᠠᠬᠤ ᠨᠥᠷᠥᠭᠡ ᠶ᠋ᠢ ᠪᠢᠲᠡ ᠶᠠᠭᠠᠬᠢᠬᠰᠠᠨ ᠴᠤ᠌ ᠵᠣᠭᠰᠣᠭᠠᠵᠤ ᠴᠢᠲᠠᠬᠤ ᠦᠭᠡᠢ᠃ ᠲᠦᠷᠭᠡᠨ ᠭᠦᠶᠦᠬᠦ ᠠᠪᠠ ᠶ᠋ᠢᠨ ᠨᠣᠬᠠᠳ ᠦ᠋ᠨ ᠡᠮᠦᠨᠡ ᠷᠠᠶ᠋ᠢᠨᠠᠲᠣᠣ ᠶ᠋ᠢ ᠲᠠᠯᠪᠢᠵᠤ ᠶᠠᠪᠤᠭᠤᠯᠬᠤ ᠨᠢ ᠶᠠᠭ ᠬᠣᠣᠷᠯᠠᠭᠰᠠᠨ ᠲᠠᠢ ᠠᠲᠠᠯᠢ ᠪᠣᠯᠤᠨᠠ᠃ ᠭᠡᠲᠡᠯᠡ ᠴᠣᠬᠣᠮ ᠶᠠᠭᠠᠬᠢᠪᠠᠯ ᠵᠣᠬᠢᠬᠤ ᠪᠢᠯᠡ !
《 ᠮᠢᠬᠠ 》
ᠳᠡᠭᠦᠦ ᠮᠢᠨᠢ ᠨᠠᠮ ᠰᠢᠭ᠋ ᠪᠣᠯᠪᠠᠴᠤ ᠴᠢᠩᠬ᠋ᠠ ᠳᠠᠭᠤᠨ ᠶ᠋ᠢᠠᠷ ᠢᠩᠭᠢᠵᠦ ᠬᠠᠰᠬᠢᠷᠪᠠ᠃ ᠪᠢ ᠳᠡᠭᠦᠦ ᠶ᠋ᠢᠨ ᠬᠡᠯᠡᠭᠰᠡᠨ ᠊ᠢ ᠳᠣᠣᠷᠠ ᠪᠠᠨ ᠤᠬᠠᠵᠤ ᠣᠯᠤᠯᠠ᠃ ᠳᠡᠭᠦᠦ ᠮᠢᠨᠢ ᠷᠠᠶ᠋ᠢᠨᠠᠲᠣᠣ ᠶ᠋ᠢ ᠠᠪᠤᠷᠠᠬᠤ ᠭᠡᠰᠡᠨ ᠰᠠᠨᠠᠬ᠋ᠠ ᠪᠠᠨ ᠬᠡᠯᠡᠵᠦ ᠪᠠᠶ᠋ᠢᠬᠤ ᠠᠵᠢ᠃ ᠡᠨᠡ ᠦᠶᠡ ᠳ᠋ᠤ᠌ ᠨᠥᠷᠥᠭᠡ ᠠᠶᠤᠨ ᠬᠡᠯᠮᠡᠭᠳᠡᠭᠰᠡᠨ ᠨᠢᠲᠦ ᠪᠡᠷ ᠳᠣᠪᠣ ᠶ᠋ᠢᠨ ᠣᠷᠣᠢ ᠶ᠋ᠢ ᠰᠢᠷᠲᠡᠵᠦ · ᠪᠤᠯᠪᠠᠷᠠᠢ ᠵᠥᠭᠡᠯᠡᠨ ᠬᠠᠮᠠᠷ ᠶ᠋ᠢᠠᠨ ᠰᠠᠷᠲᠠᠭᠠᠨᠠᠭᠤᠯᠤᠨᠠ᠃
ᠪᠢ ᠨᠥᠷᠥᠭᠡ ᠶ᠋ᠢ ᠲᠠᠬᠢᠶᠠᠨ ᠡᠭᠦᠷ ᠲᠤ ᠨᠢᠭᠤᠶᠠ ᠭᠡᠵᠦ ᠦᠢᠯᠡ ᠪᠡᠨ ᠪᠠᠷᠠᠵᠤ ᠦᠵᠡᠯᠡ᠃ ᠭᠡᠪᠡᠴᠦ ᠨᠥᠷᠥᠭᠡ ᠲᠠᠬᠢᠶᠠᠨ ᠡᠭᠦᠷ ᠦ᠋ᠨ ᠦᠨᠦᠷ ᠡᠴᠡ ᠪᠣᠯᠤᠭᠠᠳ ᠶᠠᠭᠠᠬᠢᠬᠰᠠᠨ ᠴᠤ᠌ ᠣᠷᠣᠬᠤ ᠦᠭᠡᠢ ᠪᠠᠶ᠋ᠢᠯᠠ᠃
《 ᠬᠥᠶᠢ ᠬᠤᠷᠲᠤᠨ · ᠬᠤᠷᠲᠤᠨ ! ᠡᠨᠡ ᠳᠣᠲᠣᠷᠠ ᠣᠷᠣ 》 ᠭᠡᠵᠦ ᠬᠡᠯᠡᠭᠰᠡᠭᠡᠷ ᠠᠷᠠᠢ ᠭᠡᠵᠦ ᠲᠦᠯᠬᠢᠵᠦ ᠣᠷᠣᠭᠤᠯᠪᠠ᠃ ᠪᠢ ᠡᠭᠦᠲᠡ ᠶ᠋ᠢ ᠨᠢ ᠫᠠᠰᠬᠢᠲᠠᠯᠠ ᠬᠠᠭᠠᠭᠰᠠᠨ ᠳ᠋ᠤ᠌ ᠷᠠᠶ᠋ᠢᠨᠠᠲᠣᠣ ᠶᠡᠬᠡᠯᠡ ᠰᠣᠴᠢᠵᠤ ᠨᠠᠲᠠ ᠠ᠋ᠴᠠ ᠵᠠᠶ᠋ᠢᠯᠠᠨ ᠳᠤᠲᠠᠭᠠᠬᠤ ᠭᠡᠰᠡᠨ ᠶ᠋ᠢᠡᠨ ᠡᠷᠭᠢᠭᠡᠳ ᠪᠠᠰᠠ ᠰᠠᠨᠲᠤᠷᠴᠤ ᠬᠠᠵᠠᠭᠤ ᠳ᠋ᠤ᠌ ᠢᠷᠡᠭᠡᠳ ᠪᠡᠶᠡ ᠶ᠋ᠢ ᠮᠢᠨᠢ ᠱᠦᠷᠭᠦᠭᠡᠨᠡ᠃
ᠡᠨᠡ ᠦᠶᠡ ᠳ᠋ᠤ᠌ ᠲᠣᠭᠣᠭᠠᠨ ᠭᠡᠷ ᠲᠦ ᠭᠦᠶᠦᠨ ᠣᠷᠣᠭᠰᠠᠨ ᠳᠡᠭᠦᠦ ᠮᠢᠨᠢ ᠲᠣᠮᠣ ᠬᠡᠰᠡᠭ᠋ ᠮᠢᠬᠠ ᠠᠪᠴᠢᠷᠠᠪᠠ᠃ ᠡᠨᠡ ᠪᠣᠯ ᠮᠠᠨ ᠪ ᠣᠷᠣᠢ ᠶ᠋ᠢᠨ ᠵᠠᠭᠤᠰᠢᠨ ᠪ ᠮᠢᠬᠠ ᠪᠢᠯᠡ᠃ ᠳᠡᠭᠦᠦ ᠮᠢᠨᠢ ᠮᠢᠬᠠ ᠶ᠋ᠢ ᠭᠦᠰᠭᠦᠯᠡᠭᠰᠡᠭᠡᠷ ᠳᠣᠪᠣ ᠳᠡᠭᠡᠷᠡ ᠭᠠᠷᠴᠤ ᠣᠤᠠᠪᠠ᠃
ᠳᠡᠭᠦᠦ ᠮᠢᠨᠢ ᠣᠶ᠋ᠢᠮᠠ ᠶ᠋ᠢᠨ ᠪᠤᠲᠠᠨ ᠪ ᠤᠭ ᠲᠦ ᠨᠢᠭᠤᠭᠲᠠᠵᠤ ᠨᠣᠬᠠᠢ ᠶ᠋ᠢᠨ ᠭᠦᠶᠦᠬᠦ ᠵᠠᠮ ᠦ᠋ᠨ ᠡᠮᠦᠨᠡ ᠨᠢ ᠮᠢᠬᠠ ᠪᠠᠨ ᠬᠠᠶᠠᠵᠤ ᠥᠭᠭᠦᠯᠡ᠃ ᠭᠡᠲᠡᠯᠡ ᠨᠣᠬᠠᠢ ᠬᠠᠷᠢᠨ ᠨᠥᠷᠥᠭᠡ ᠶ᠋ᠢᠨ ᠮᠥᠷ ᠊ᠢ ᠰᠢᠩᠰᠢᠯᠡᠭᠰᠡᠭᠡᠷ ᠮᠢᠬᠠ ᠶ᠋ᠢ ᠣᠶ᠋ᠢᠰᠢᠶᠠᠭᠰᠠᠨ ᠦᠭᠡᠢ ᠥᠩᠭᠡᠷᠡᠯᠡ᠃ ᠳᠡᠭᠦᠦ ᠪᠠᠰᠠ ᠨᠢᠭᠡ ᠭᠡᠰᠡᠭ ᠊ᠢ ᠰᠢᠷᠲᠡᠭᠰᠡᠨ ᠴᠢᠨᠢ ᠶᠠᠭ ᠨᠣᠬᠠᠢ ᠶ᠋ᠢᠨ ᠬᠠᠮᠠᠷ ᠳᠣᠣᠷᠠ ᠨᠢ ᠤᠨᠠᠪᠠ᠃ ᠨᠣᠬᠠᠢ ᠲᠡᠭᠦᠨ ᠊ᠢ ᠠᠵᠢᠬ ᠴᠤ᠌ ᠦᠭᠡᠢ ᠡᠮᠬᠦᠵᠦ ᠠᠪᠤᠯᠠ᠃ ᠬᠣᠶ᠋ᠢᠨᠠ ᠠ᠋ᠴᠠ ᠨᠢ ᠭᠠᠷᠴᠤ ᠢᠷᠡᠭᠰᠡᠨ ᠪᠠᠰᠠ ᠨᠢᠭᠡ ᠨᠣᠬᠠᠢ ᠬᠠᠷᠢᠨ ᠲᠦᠷᠦᠭᠦᠨ ᠳ᠋ᠤ᠌ ᠬᠠᠶᠠᠭᠰᠠᠨ ᠮᠢᠬᠠ ᠶ᠋ᠢ ᠣᠯᠵᠤ ᠦᠵᠡᠭᠡᠳ ᠲᠡᠭᠦᠵᠦ ᠢᠲᠡᠪᠡ᠃
ᠬᠣᠶᠠᠷ ᠨᠣᠬᠠᠢ ᠰᠢᠲᠡᠭᠰᠡᠨ ᠮᠢᠬᠠ ᠶ᠋ᠢ ᠭ᠌ᠱᠠᠨ ᠵᠠᠭᠤᠷᠠ ᠢᠲᠡᠵᠦ ᠪᠠᠷᠠᠭᠠᠪᠠ᠃ ᠢᠩᠭᠢᠭᠡᠳ ᠷᠠᠶ᠋ᠢᠨᠠᠲᠣᠣ ᠮᠢᠨᠢ ᠠᠶᠤᠯ ᠠ᠋ᠴᠠ ᠬᠡᠯᠲᠦᠷᠢᠯᠡ᠃ ᠨᠣᠬᠠᠳ ᠰᠢᠨᠡ ᠮᠢᠬᠠ ᠣᠯᠵᠤ ᠢᠲᠡᠭᠡᠳ ᠬᠠᠮᠠᠷ ᠨᠢ ᠨᠢᠭᠡᠨᠲᠡ ᠦᠨᠦᠷ ᠢᠯᠭᠠᠵᠤ ᠴᠢᠲᠠᠬᠤ ᠦᠭᠡᠢ ᠪᠣᠯᠵᠠᠢ᠃ ᠤᠲᠠᠯ ᠦᠭᠡᠢ ᠳᠣᠪᠣ ᠪᠠᠷ ᠭᠠᠷᠴᠤ ᠢᠷᠡᠭᠰᠡᠨ ᠠᠩᠴᠢᠳ · ᠡᠷᠭᠢᠴᠡᠨ ᠬᠣᠷᠭᠣᠲᠠᠵᠤ ᠪᠠᠶ᠋ᠢᠬᠤ ᠨᠣᠬᠠᠳ ᠶ᠋ᠢᠠᠨ ᠵᠠᠩᠲᠤᠷᠤᠨ ᠠᠭᠤᠷᠯᠠᠭᠰᠠᠭᠠᠷ ᠪᠤᠲᠠ ᠰᠦᠭᠡᠭ ᠦ᠋ᠨ ᠳᠤᠮᠳᠠᠭᠤᠷ ᠪᠤᠴᠠᠵᠤ ᠶᠠᠪᠤᠯᠠ᠃
ᠢᠩᠭᠢᠭᠡᠳ ᠳᠦᠭᠰᠢᠭᠦᠷᠢᠲᠦ ᠪᠠᠶ᠋ᠢᠲᠠᠯ ᠠᠷᠢᠯᠤᠭᠰᠠᠨ ᠪᠣᠯᠪᠠᠴᠤ ᠷᠠᠶ᠋ᠢᠨᠠᠲᠣᠣ ᠶ᠋ᠢ ᠲᠠᠯᠪᠢᠵᠤ ᠶᠠᠪᠤᠭᠤᠯᠬᠤ ᠶ᠋ᠢᠨ ᠲᠥᠯᠥᠭᠡ ᠰᠡᠤᠠᠬᠢᠯ ᠵᠣᠪᠠᠵᠤ ᠪᠠᠶ᠋ᠢᠯᠠ᠃ ᠠᠲᠠᠭ ᠲᠠᠭᠠᠨ ᠠᠩ ᠦ᠋ᠨ ᠤᠯᠠᠷᠢᠯ ᠊ᠢ ᠥᠩᠭᠡᠷᠡᠭᠦᠯᠬᠦ ᠦᠭᠡᠢ ᠪᠣᠯ ᠲᠠᠯᠪᠢᠵᠤ ᠪᠣᠯᠬᠤ ᠦᠭᠡᠢ᠃ ᠪᠢᠲᠡ ᠠᠬᠠᠰ ᠵᠠᠬᠠᠰ ᠶ᠋ᠢᠠᠨ ᠭᠤᠶᠤᠵᠤ ᠵᠢᠵᠢᠭ᠌ ᠭᠡᠷ ᠦ᠋ᠨ ᠭᠠᠲᠠᠭᠤᠷ ᠪᠠᠬᠠᠨ ᠶᠡᠬᠡ ᠰᠢᠭ᠌ ᠲᠡᠮᠦᠷ ᠲᠣᠣᠷ ᠦ᠋ᠨ ᠬᠠᠰᠢᠶᠠ ᠪᠠᠷᠢᠭᠤᠯᠵᠤ ᠷᠠᠶ᠋ᠢᠨᠠᠲᠣᠣ ᠶ᠋ᠢ ᠠᠩ ᠦ᠋ᠨ ᠤᠯᠠᠷᠢᠯ ᠥᠩᠭᠡᠷᠡᠲᠡᠯᠡ ᠡᠨᠲᠡ ᠲᠡᠵᠢᠭᠡᠬᠦ ᠪᠡᠷ ᠪᠣᠯᠪᠠ᠃
ᠡᠲᠦᠷ ᠰᠠᠷᠠ ᠶ᠋ᠢᠨ ᠥᠩᠭᠡᠷᠡᠬᠦ ᠶ᠋ᠢ ᠳᠠᠭᠠᠯᠳᠤᠨ ᠷᠠᠶ᠋ᠢᠨᠠᠲᠣᠣ ᠪᠢᠲᠡᠨ ᠲᠡᠢ ᠤᠯᠠᠮ ᠤᠯᠠᠮ ᠳᠠᠰᠤᠯᠴᠠᠪᠠ᠃ ᠡᠬᠢᠨ ᠳ᠋ᠡᠭᠡᠨ ᠬᠣᠷᠣᠬ᠋ᠠ ᠠ᠋ᠴᠠ ᠭᠠᠷᠭᠠᠬᠤ ᠳ᠋ᠤ᠌ ᠨᠣᠭᠲᠤᠯᠠᠵᠤ ᠪᠠᠶ᠋ᠢᠬᠰᠠᠨ ᠨᠢ ᠤᠲᠠᠭᠰᠠᠨ ᠴᠤ᠌ ᠦᠭᠡᠢ ᠨᠣᠭᠲᠣ ᠬᠡᠷᠡᠭ ᠦᠭᠡᠢ ᠪᠣᠯᠤᠭᠠᠳ ᠪᠢᠴᠢᠬᠠᠨ ᠷᠠᠶ᠋ᠢᠨᠠᠲᠣᠣ ᠶᠠᠭ ᠨᠣᠬᠠᠢ ᠰᠢᠭ᠋ ᠮᠠᠨ ᠊ᠢ ᠳᠠᠭᠠᠭᠠᠳ ᠶᠠᠪᠤᠲᠠᠭ᠃ ᠭᠣᠶᠣ ᠰᠠᠶ᠋ᠢᠬᠠᠨ ᠠᠯᠬᠤᠴᠠ ᠪᠠᠷ ᠮᠠᠨ ᠪ ᠡᠮᠦᠨᠡ ᠲᠣᠭᠯᠠᠨ ᠲᠣᠭᠯᠠᠨ· ᠮᠠᠨ ᠊ᠢ ᠡᠷᠭᠢᠵᠦ ᠬᠠᠷᠠᠲᠠᠭ ᠪᠠ ᠤᠷᠲᠤ ᠬᠣᠶᠠᠷ ᠴᠢᠬᠢ ᠪᠡᠨ ᠰᠡᠷᠲᠡᠶ᠋ᠢᠯᠭᠡᠨ ᠮᠠᠨ ᠊ᠢ ᠰᠢᠷᠲᠡᠨ ᠠᠵᠢᠬᠯᠠᠲᠠᠭ᠃
ᠷᠠᠶ᠋ᠢᠨᠠᠲᠣᠣ ᠤᠲᠠᠯ ᠦᠭᠡᠢ ᠨᠡᠷᠡ ᠪᠡᠨ ᠴᠡᠭᠡᠵᠢᠯᠡᠵᠦ ᠨᠡᠷᠡ ᠪᠡᠷ ᠨᠢ ᠳᠠᠭᠤᠳᠠᠭᠰᠠᠭᠠᠷ ᠭᠦᠶᠦᠨ ᠢᠷᠡᠳᠡᠭ ᠪᠣᠯᠵᠠᠢ᠃ ᠶᠠᠮᠠᠷ ᠴᠤ᠌ ᠶᠠᠭᠤᠮᠠ ᠶ᠋ᠢ ᠭᠣᠯᠣᠬ᠋ᠠ ᠦᠭᠡᠢ ᠢᠳᠡᠳᠡᠭ · ᠨᠡᠩ ᠴᠤ᠌ ᠣᠷᠣᠰ ᠰᠢᠬᠢᠷ ᠲᠤ ᠬᠠᠮᠤᠭ ᠠ᠋ᠴᠠ ᠳᠤᠷᠠᠲᠠᠢ ᠶᠤᠮ᠃ ᠡᠬᠢᠨ ᠳ᠋ᠡᠭᠡᠨ ᠳᠡᠭᠦᠦ ᠮᠢᠨᠢ ᠠᠯᠢᠶᠠᠷᠬᠠᠨ ᠪᠠᠬ᠋ᠠ ᠰᠠᠬ᠋ᠠ ᠥᠭᠴᠦ ᠦᠵᠡᠭᠰᠡᠨ ᠴᠢᠨᠢ ᠶᠡᠬᠡ ᠯᠡ ᠲᠠᠪᠠ ᠳ᠋ᠤᠨᠢ ᠲᠠᠭᠠᠷᠠᠭᠰᠠᠨ ᠰᠢᠭ᠋ ᠬᠡᠵᠢᠶᠡ ᠴᠤ᠌ ᠮᠠᠷᠲᠠᠬᠤ ᠦᠭᠡᠢ ᠪᠣᠯᠪᠠ᠃ ᠬᠣᠵᠢᠮ ᠨᠢ ᠳᠡᠭᠦᠦ ᠶ᠋ᠢᠨ ᠬᠣᠶ᠋ᠢᠨᠠ ᠠ᠋ᠴᠠ ᠳᠠᠭᠠᠵᠤ · ᠬᠣᠩᠰᠢᠶᠠᠷ ᠶ᠋ᠢᠠᠨ ᠬᠠᠷᠮᠠᠨ ᠳ᠋ᠤᠨᠢ ᠴᠢᠬᠢᠭᠡᠳ ᠯᠤᠶ᠋ᠢᠪᠠᠷᠲᠠᠬᠤ ᠪᠣᠯᠵᠠᠢ᠃
ᠨᠢᠭᠡᠨ ᠰᠥᠨᠢ ᠭᠡᠨᠡᠤᠠᠲᠡ ᠳᠡᠭᠦᠦ ᠮᠢᠨᠢ ᠪᠠᠶ᠋ᠢᠨ ᠪᠠᠶ᠋ᠢᠨ ᠮᠢᠨᠦ ᠭᠠᠷ ᠊ᠢ ᠳᠠᠲᠠᠵᠤ ᠪᠠᠶ᠋ᠢᠯᠠ᠃
《 ᠡᠭᠡᠴᠢ ᠠ᠋ · ᠷᠠᠶ᠋ᠢᠨᠠᠲᠣᠣ ᠶ᠋ᠢᠨ ᠬᠣᠷᠣᠭᠠᠨ ᠪ ᠭᠠᠲᠠᠨᠠ ᠶᠠᠮᠠᠷ ᠨᠢᠭᠡᠨ ᠶᠠᠭᠤᠮᠠ ᠪᠠᠶ᠋ᠢᠬᠤ ᠰᠢᠭ᠋ ᠪᠠᠶ᠋ᠢᠨᠠ᠃ ᠪᠠᠭᠠᠪᠠᠭᠠᠢ ᠶᠤᠮ ᠤᠤ · ᠮᠠᠯᠤᠷ ᠶᠤᠮ ᠤᠤ ᠪᠤᠤ ᠮᠡᠲᠡ 》ᠭᠡᠵᠦ ᠳᠡᠭᠦᠦ ᠰᠡᠮᠡᠬᠡᠷ ᠬᠡᠯᠡᠪᠡ᠃ ᠬᠣᠶᠠᠭᠤᠯᠠ ᠲᠡᠷᠡ ᠳᠣᠣᠷᠠ ᠪᠠᠨ ᠴᠣᠩᠬᠣ ᠪᠠᠷ ᠭᠠᠷᠴᠤ ᠬᠣᠭᠣᠯᠠᠨ ᠭᠡᠷ ᠦ᠋ᠨ ᠣᠷᠣᠢ ᠳᠡᠭᠡᠷᠡ ᠭᠠᠷᠪᠠ᠃ ᠲᠡᠨᠲᠡ ᠡᠴᠡ ᠬᠦᠷᠢᠶᠡᠨ ᠳᠣᠲᠣᠷᠠ ᠣᠷᠣᠬᠤ ᠳ᠋ᠤ᠌ ᠶᠠᠮᠠᠷ ᠴᠤ᠌ ᠰᠠᠭᠠᠳ ᠦᠭᠡᠢ ᠶᠤᠮ᠃
ᠪᠢᠲᠡ ᠬᠡᠷᠡᠮ ᠦ᠋ᠨ ᠰᠡᠭᠦᠲᠡᠷ ᠊ᠢ ᠳᠠᠭᠠᠵᠤ ᠨᠥᠷᠥᠭᠡ ᠶ᠋ᠢᠨ ᠬᠣᠷᠣᠬ᠋ᠠ ᠦᠵᠡᠭᠳᠡᠬᠦ ᠭᠠᠵᠠᠷ ᠬᠦᠷᠪᠡ᠃ ᠡᠨᠡ ᠰᠥᠨᠢ ᠰᠠᠷᠠ ᠲᠠᠢ ᠪᠣᠯᠪᠠᠴᠤ ᠡᠭᠦᠯᠡᠨ ᠳ᠋ᠤ᠌ ᠬᠠᠯᠠᠭᠯᠠᠭᠲᠠᠵᠤ ᠶᠠᠮᠠᠷ ᠨᠢᠭᠡᠨ ᠬᠠᠷᠠ ᠶᠠᠭᠤᠮᠠ ᠲᠡᠮᠦᠷ ᠲᠣᠣᠷ ᠦ᠋ᠨ ᠭᠠᠲᠠᠨᠠ ᠳᠠᠰᠤᠷᠠᠯ ᠦᠭᠡᠢ ᠬᠥᠲᠡᠯᠵᠦ ᠪᠠᠶ᠋ᠢᠬᠤ ᠰᠢᠭ᠋ ᠬᠠᠷᠠᠭᠲᠠᠨᠠ᠃
ᠦᠵᠡᠭᠰᠡᠭᠡᠷ ᠪᠠᠶ᠋ᠢᠲᠠᠯᠠ ᠨᠢᠲᠦᠨ ᠪ ᠬᠠᠷᠠᠬ᠋ᠠ ᠲᠣᠲᠤᠷᠠᠭᠠᠳ ᠷᠠᠶ᠋ᠢᠨᠠᠲᠣᠣ ᠬᠣᠷᠣᠬ᠋ᠠ ᠠ᠋ᠴᠠ ᠪᠠᠨ ᠭᠠᠷᠴᠢᠬᠠᠭᠰᠠᠨ ᠪᠠᠶ᠋ᠢᠬᠤ ᠶ᠋ᠢ ᠣᠯᠵᠤ ᠦᠵᠡᠯᠡ᠃ ᠪᠢᠲᠡ ᠶᠡᠬᠡ ᠭᠠᠶ᠋ᠢᠬᠠᠯᠠ ᠄ ᠬᠡᠷᠪᠡ ᠳᠠᠶ᠋ᠢᠰᠤᠨ ᠢᠷᠡᠭᠰᠡᠨ ᠪᠣᠯ ᠷᠠᠶ᠋ᠢᠨᠠᠲᠣᠣ ᠯᠠᠪ ᠬᠣᠷᠣᠬ᠋ᠠ ᠠ᠋ᠴᠠ ᠪᠠᠨ ᠭᠠᠷᠬᠤ ᠦᠭᠡᠢ ᠶᠤᠮ᠃
ᠡᠨᠡ ᠦᠶᠡᠰ ᠰᠠᠷᠠᠨ ᠠᠪᠠᠬᠠᠢ ᠪᠢᠲᠡᠨ ᠪ ᠰᠡᠵᠢᠭ᠋ ᠊ᠢ ᠲᠠᠶ᠋ᠢᠯᠬᠤ ᠭᠡᠰᠡᠨ ᠰᠢᠭ᠌ ᠡᠭᠦᠯᠡᠨ ᠪ ᠵᠠᠪᠰᠠᠷ ᠶ᠋ᠢᠠᠷ ᠲᠤᠩᠭᠠᠯᠠᠭ ᠨᠢᠭᠤᠷ ᠶ᠋ᠢᠠᠨ ᠴᠤᠬᠤᠶ᠋ᠢᠯᠭᠠᠪᠠ᠃ ᠡᠭᠦᠨ ᠳ᠋ᠤ᠌ ᠪᠢᠲᠡ ᠬᠣᠶᠠᠭᠤᠯᠠ ᠵᠤᠯᠠ ᠶ᠋ᠢᠨ ᠭᠡᠷᠡᠯ ᠰᠢᠭ᠌ ᠳᠥᠷᠪᠡᠨ ᠨᠢᠲᠦ ᠨᠠᠰᠢ ᠰᠢᠷᠲᠡᠵᠦ ᠪᠠᠶ᠋ᠢᠬᠤ ᠶ᠋ᠢ ᠣᠯᠵᠤ ᠬᠠᠷᠠᠯᠠ᠃
ᠭ᠌ᠱᠠᠨ ᠵᠠᠭᠤᠷᠠ ᠬᠣᠶᠠᠷ ᠵᠤᠯᠠ ᠶ᠋ᠢᠨ ᠭᠡᠷᠡᠯ ᠨᠢ ᠵᠠᠮᠬᠠᠷᠠᠭᠠᠳ ᠬᠠᠰᠢᠶᠠᠨ ᠪ ᠭᠠᠲᠠᠨᠠ ᠪᠠᠶ᠋ᠢᠬᠰᠠᠨ ᠴᠣᠪᠣᠭᠣ ᠰᠡᠷᠭᠦᠯᠡᠩ ᠠᠮᠢᠲᠠᠨ ᠬᠠᠷᠠᠩᠭᠤᠢ ᠵᠦᠭ ᠳᠤᠲᠠᠭᠠᠨ ᠣᠤᠠᠪᠠ᠃ ᠡᠨᠡ ᠪᠣᠯ ᠭᠠᠩᠭᠠᠩ ᠪᠡᠶᠡ ᠲᠡᠢ ᠰᠤᠭᠤ ᠮᠥᠨ ᠪᠣᠯᠬᠤ ᠨᠢ ᠯᠠᠪ᠃ ᠪᠠᠷᠤᠭ ᠷᠠᠶ᠋ᠢᠨᠠᠲᠣᠣ ᠶ᠋ᠢᠨ ᠡᠬᠡ ᠮᠥᠨ ᠭᠡᠰᠡᠨ ᠊ᠢ ᠪᠢᠲᠡ ᠮᠡᠲᠡᠵᠦ ᠣᠯᠤᠯᠠ᠃
ᠪᠢᠲᠡ ᠬᠣᠶᠠᠭᠤᠯᠠ ᠭᠠᠷᠤᠭᠰᠠᠨ ᠲᠠᠢ ᠪᠠᠨ ᠠᠲᠠᠯᠢ ᠶᠠᠭ ᠳᠠᠭᠤ ᠴᠢᠮᠡᠭᠡ ᠦᠭᠡᠢ ᠪᠡᠷ ᠴᠣᠩᠬᠣ ᠪᠠᠷ ᠥᠷᠥᠭᠡᠨ ᠳ᠋ᠡᠭᠡᠨ ᠣᠷᠣᠭᠠᠳ ᠣᠷᠣ ᠳᠡᠭᠡᠷᠡ ᠪᠡᠨ ᠨᠡᠯᠢᠶᠡᠳ ᠤᠲᠠᠲᠠᠯᠠ ᠨᠢᠲᠦ ᠪᠡᠨ ᠪᠦᠯᠲᠡᠶ᠋ᠢᠯᠭᠡᠨ ᠬᠠᠷᠠᠩᠭᠤᠢ ᠰᠥᠨᠢ ᠶ᠋ᠢ ᠰᠢᠷᠲᠡᠭᠰᠡᠭᠡᠷ ᠬᠡᠪᠲᠡᠯᠡ᠃
ᠳᠡᠳ᠋ ᠡᠲᠦᠷ ᠪᠢᠲᠡ ᠥᠴᠥᠭᠡᠲᠦᠷ ᠰᠥᠨᠢ ᠶ᠋ᠢᠨ ᠢᠷᠡᠭᠰᠡᠨ ᠰᠤᠭᠤ ᠷᠠᠶ᠋ᠢᠨᠠᠲᠣᠣ ᠶ᠋ᠢᠨ ᠬᠠᠨᠢᠲᠠᠨ ᠨᠢ ᠪᠠᠶ᠋ᠢᠭᠠᠰᠠᠢ ᠭᠡᠵᠦ ᠬᠡᠯᠡᠯᠴᠡᠪᠡ᠃ ᠤᠴᠢᠷ ᠨᠢ ᠷᠠᠶ᠋ᠢᠨᠠᠲᠣᠣ ᠠ᠋ᠴᠠ ᠰᠠᠯᠬᠤ ᠶᠠᠪᠤᠲᠠᠯ ᠊ᠢ ᠪᠣᠲᠣᠬᠤ ᠠ᠋ᠴᠠ ᠵᠠᠶ᠋ᠢᠯᠠᠰᠬᠢᠪᠡ᠃
ᠲᠡᠷᠡ ᠡᠲᠦᠷ ᠷᠠᠶ᠋ᠢᠨᠠᠲᠣᠣ ᠡᠲᠦᠷ ᠲᠤᠵᠢ ᠲᠣᠭᠲᠠᠪᠤᠷᠢ ᠦᠭᠡᠢ ᠪᠠᠶ᠋ᠢᠵᠤ · ᠣᠢ ᠰᠢᠭᠤᠢ ᠳᠣᠲᠣᠷᠠ ᠠ᠋ᠴᠠ ᠶᠠᠮᠠᠷ ᠨᠢᠭᠡᠨ ᠴᠢᠮᠡᠭᠡ ᠰᠣᠨᠣᠰᠲᠠᠬᠤ ᠪᠣᠯᠪᠠ ᠤᠤ ᠭᠡᠰᠡᠨ ᠮᠠᠶᠢᠬ ᠲᠠᠢ ᠦᠷᠭᠦᠯᠵᠢ ᠴᠢᠬᠢ ᠪᠡᠨ ᠰᠡᠷᠲᠡᠶ᠋ᠢᠯᠭᠡᠨ ᠴᠢᠮᠡᠭᠡ ᠴᠢᠩᠨᠠᠵᠤ ᠪᠠᠶ᠋ᠢᠯᠠ᠃ ᠣᠷᠣᠰ ᠰᠢᠬᠢᠷ ᠲᠤ ᠴᠤ᠌ ᠳᠡᠮᠡᠢ ᠳᠤᠷᠠ ᠦᠭᠡᠢ ᠪᠣᠯᠪᠠ᠃
ᠰᠥᠨᠢ ᠨᠢ ᠳᠡᠭᠦᠦ ᠪᠢᠲᠡ ᠬᠣᠶᠠᠭᠤᠯᠠ ᠬᠠᠮᠢᠬ᠋ᠠ ᠣᠷᠣᠵᠤ ᠬᠡᠪᠲᠡᠭᠰᠡᠨ ᠴᠤ᠌ ᠤᠨᠲᠠᠵᠤ ᠳᠡᠶ᠋ᠢᠯᠬᠦ ᠦᠭᠡᠢ · ᠶᠠᠮᠠᠷ ᠴᠤ᠌ ᠳᠠᠭᠤᠨ ᠊ᠢ ᠣᠯᠵᠤ ᠰᠣᠨᠣᠰᠤᠭᠰᠠᠨ ᠦᠭᠡᠢ ᠪᠠᠶ᠋ᠢᠲᠠᠯᠠ · ᠷᠠᠶ᠋ᠢᠨᠠᠲᠣᠣ ᠶ᠋ᠢᠨ ᠬᠣᠷᠣᠬ᠋ᠠ ᠶ᠋ᠢᠨ ᠭᠠᠲᠠᠨᠠ ᠭᠣᠶᠣ ᠰᠠᠶ᠋ᠢᠬᠠᠨ ᠪᠣᠷᠣᠪᠲᠤᠷ ᠶᠠᠭᠤᠮᠠ ᠣᠶ᠋ᠢᠷᠠᠲᠤᠨ ᠢᠷᠡᠵᠦ ᠪᠠᠶ᠋ᠢᠬᠤ ᠰᠢᠭ᠋ ᠪᠣᠲᠣᠭᠲᠠᠭᠠᠳ ᠰᠠᠨᠠᠬ᠋ᠠ ᠲᠥᠪᠲᠡᠬᠦ ᠦᠭᠡᠢ ᠬᠣᠶᠠᠭᠤᠯᠠ ᠪᠠᠨ ᠳᠠᠬᠢᠨ ᠬᠡᠷᠡᠮ ᠦ᠋ᠨ ᠬᠠᠵᠠᠭᠤ ᠪᠠᠷ ᠬᠠᠰᠢᠶᠠ ᠵᠦᠭ ᠣᠶ᠋ᠢᠷᠠᠲᠤᠯᠠ᠃
ᠵᠠ ᠶᠠᠮᠠᠷ ᠪᠤᠢ ? ᠲᠡᠷᠡ ᠰᠤᠭᠤ ᠦᠨᠡᠬᠡᠷ ᠬᠦᠷᠦᠭᠡᠳ ᠢᠷᠡᠭᠰᠡᠨ ᠪᠠᠶ᠋ᠢᠵᠠᠢ᠃ ᠪᠢᠲᠡᠨ ᠊ᠢ ᠣᠶ᠋ᠢᠷᠠᠲᠤᠬᠤ ᠲᠠᠢ ᠵᠡᠷᠭᠡ ᠳᠣᠣᠷᠠ ᠪᠠᠨ ᠭᠣᠳ ᠭᠠᠷᠤᠨ ᠳᠤᠲᠠᠭᠠᠯᠠ᠃ ᠣᠢ ᠰᠢᠭᠤᠢ ᠳᠣᠲᠣᠷᠠ ᠰᠤᠭᠤ ᠶ᠋ᠢᠨ ᠮᠣᠲᠣ ᠱᠦᠷᠭᠦᠬᠦ ᠳᠠᠭᠤᠨ ᠱᠣᠷ ᠱᠣᠷ ᠰᠣᠨᠣᠰᠲᠠᠨᠠ᠃ ᠰᠤᠭᠤ ᠬᠣᠯᠠᠲᠠᠬ᠋ᠠ ᠦᠭᠡᠢ · ᠮᠥᠤᠠᠲᠥ ᠵᠤᠯᠵᠠᠬ᠋ᠠ ᠳ᠋ᠠᠭᠠᠨ ᠪᠤᠴᠠᠵᠤ ᠢᠷᠡᠬᠦ ᠶ᠋ᠢ ᠪᠢᠲᠡ ᠮᠡᠲᠡᠵᠦ ᠪᠠᠶ᠋ᠢᠯᠠ᠃
ᠳᠡᠭᠦᠦ ᠪᠢᠲᠡ ᠬᠣᠶᠠᠭᠤᠯᠠ ᠲᠡᠷᠡ ᠳᠣᠣᠷᠠ ᠪᠠᠨ ᠬᠣᠷᠣᠬ᠋ᠠ ᠶ᠋ᠢᠨ ᠳᠡᠷᠭᠡᠳᠡ ᠣᠴᠢᠵᠤ ᠵᠣᠷᠢᠬ ᠭᠠᠷᠭᠠᠨ ᠬᠠᠭᠠᠯᠬ᠋ᠠ ᠶ᠋ᠢ ᠨᠢ ᠨᠡᠭᠡᠭᠡᠪᠡ᠃ ᠷᠠᠶ᠋ᠢᠨᠠᠲᠣᠣ ᠳᠣᠣᠷᠠ ᠪᠠᠨ ᠭᠠᠷᠴᠤ ᠢᠷᠡᠨ ᠬᠠᠮᠠᠷ ᠶ᠋ᠢᠠᠷ ᠶ᠋ᠢᠠᠨ ᠮᠢᠨᠦ ᠭᠠᠷ ᠊ᠢ ᠱᠦᠷᠭᠦᠭᠡᠪᠡ᠃ ᠪᠢᠲᠡ ᠭᠠᠵᠠᠷ ᠲᠤ ᠣᠴᠣᠶ᠋ᠢᠨ ᠰᠠᠭᠤᠵᠤ ᠷᠠᠶ᠋ᠢᠨᠠᠲᠣᠣ ᠶ᠋ᠢ ᠲᠡᠪᠡᠷᠢᠵᠦ ᠠᠪᠤᠭᠠᠳ ᠬᠦᠵᠦᠭᠦᠨ ᠳ᠋ᠤᠨᠢ ᠬᠠᠴᠠᠷ ᠶ᠋ᠢᠠᠨ ᠨᠠᠭᠠᠯᠲᠤᠭᠤᠯᠵᠤ ᠄《 ᠣᠲᠣ ᠠᠩ ᠦ᠋ᠨ ᠬᠤᠭᠤᠴᠠᠬ᠋ᠠ ᠥᠩᠭᠡᠷᠡᠭᠰᠡᠨ ᠲᠤᠯᠠ ᠡᠬᠡ ᠶ᠋ᠢᠨ ᠶ᠋ᠢᠡᠨ ᠲᠡᠨᠲᠡ ᠬᠠᠷᠢᠬᠤ ᠦᠭᠡᠢ ᠪᠣᠯ ᠪᠣᠯᠬᠤ ᠦᠭᠡᠢ ᠰᠢᠦ 》ᠭᠡᠵᠦ ᠬᠡᠯᠡᠭᠡᠳ ᠨᠢᠯᠪᠤᠰᠤ ᠪᠠᠨ ᠬᠣᠷᠢᠬᠯᠠᠵᠤ ᠳᠡᠢᠯᠦᠭᠰᠡᠨ ᠦᠭᠡᠢ ᠪᠥᠮᠪᠥᠷᠢᠭᠦᠯᠴᠢᠬᠡᠯᠡ᠃
ᠪᠢᠲᠡ ᠲᠡᠨᠲᠡ ᠡᠴᠡ ᠵᠠᠶ᠋ᠢᠯᠠᠬᠤ ᠶ᠋ᠢ ᠬᠦᠰᠡᠪᠡ᠃ ᠭᠡᠲᠡᠯᠡ ᠷᠠᠶ᠋ᠢᠨᠠᠲᠣᠣ ᠮᠥᠨ ᠮᠠᠨ ᠊ᠢ ᠳᠠᠭᠠᠬᠤ ᠭᠡᠯᠡ᠃
《 ᠬᠠᠮᠢᠬ᠋ᠠ ᠣᠴᠢᠬᠤ ᠪᠤᠢ ? ᠶᠠᠭᠤᠨ ᠳ᠋ᠤ᠌ ᠨᠠᠮᠠᠶ᠋ᠢ ᠳᠠᠭᠠᠭᠤᠯᠬᠤ ᠦᠭᠡᠢ ᠪᠣᠢ ? 》ᠭᠡᠵᠦ ᠬᠡᠯᠡᠵᠦ ᠪᠠᠶ᠋ᠢᠬᠤ ᠰᠢᠭ᠋ ᠪᠠᠶ᠋ᠢᠯᠠ᠃ ᠭᠡᠪᠡᠴᠦ ᠪᠢᠲᠡ ᠷᠠᠶ᠋ᠢᠨᠠᠲᠣᠣ ᠶ᠋ᠢ ᠡᠬᠡ ᠶ᠋ᠢᠨ ᠬᠢᠨᠢ ᠵᠦᠭ ᠬᠠᠨᠲᠤᠭᠤᠯᠤᠨ ᠲᠠᠯᠪᠢᠵᠤ ᠶᠠᠪᠤᠭᠤᠯᠤᠯᠠ᠃ ᠡᠨᠡ ᠨᠢ ᠪᠢᠲᠡᠨ ᠳ᠋ᠤ᠌ ᠶᠠᠭᠠᠬᠢᠬᠰᠠᠨ ᠭᠤᠨᠢᠬ ᠲᠠᠢ ᠪᠠᠶ᠋ᠢᠬᠰᠠᠨ ᠠᠵᠢ ! ᠷᠠᠶ᠋ᠢᠨᠠᠲᠣᠣ ᠤᠴᠢᠷ ᠤᠬᠠᠭᠠᠨ ᠊ᠢ ᠣᠯᠬᠤ ᠦᠭᠡᠢ ᠰᠢᠭ᠌ ᠲᠦᠷ ᠴᠠᠭ ᠠᠭᠤᠷᠯᠠᠭᠰᠠᠨ ᠮᠡᠲᠦ ᠲᠡᠨᠲᠡ ᠪᠡᠨ ᠵᠣᠭᠰᠣᠵᠤ ᠪᠠᠶ᠋ᠢᠯᠠ᠃ ᠡᠨᠡ ᠦᠶᠡ ᠳ᠋ᠤ᠌ ᠪᠢᠲᠡ ᠲᠦᠷᠭᠡᠨ ᠭᠡᠭᠴᠢ ᠭᠡᠷ ᠦ᠋ᠨ ᠣᠷᠣᠢ ᠳᠡᠭᠡᠷᠡ ᠠᠪᠠᠷᠢᠨ ᠭᠠᠷᠪᠠ᠃
ᠭᠡᠲᠡᠯᠡ ᠳᠠᠬᠢᠨ ᠨᠢᠭᠡ ᠤᠲᠠᠬ᠋ᠠ ᠬᠣᠶ᠋ᠢᠰᠢ ᠡᠷᠭᠢᠨ ᠬᠠᠷᠠᠬᠤ ᠦᠭᠡᠢ ᠪᠡᠷ ᠭᠡᠷ ᠲᠡᠭᠡᠨ ᠣᠷᠣᠵᠤ ᠴᠢᠲᠠᠬᠤ ᠦᠭᠡᠢ ᠪᠠᠶ᠋ᠢᠯᠠ᠃
ᠷᠠᠶ᠋ᠢᠨᠠᠲᠣᠣ ᠲᠦᠷ ᠵᠠᠭᠤᠷᠠ ᠶᠠᠭᠠᠬᠢᠬᠤ ᠪᠠᠨ ᠣᠯᠬᠤ ᠦᠭᠡᠢ ᠰᠠᠷᠠᠨ ᠪ ᠭᠡᠷᠡᠯ ᠳ᠋ᠤ᠌ ᠵᠣᠭᠰᠣᠵᠤ ᠪᠠᠶ᠋ᠢᠪᠠ᠃ ᠤᠲᠠᠯ ᠦᠭᠡᠢ ᠬᠠᠷᠠᠩᠭᠤᠢ ᠳᠣᠲᠣᠷᠠ ᠠ᠋ᠴᠠ ᠭᠡᠷᠡᠯ ᠰᠠᠴᠤᠷᠠᠭᠰᠠᠨ ᠬᠣᠶᠠᠷ ᠨᠢᠲᠦ ᠦᠵᠡᠭᠳᠡᠭᠡᠳ ᠭᠣᠶᠣ ᠰᠠᠶ᠋ᠢᠬᠠᠨ ᠪᠡᠶᠡ ᠲᠡᠢ ᠰᠣᠭᠣ ᠬᠥᠪᠬᠦ ᠮᠡᠲᠦ ᠬᠦᠷᠴᠦ ᠢᠷᠡᠯᠡ᠃ ᠷᠠᠶ᠋ᠢᠨᠠᠲᠣᠣ ᠠᠭᠠᠵᠢᠮ ᠶ᠋ᠢᠠᠷ ᠠᠯᠬᠤᠭᠰᠠᠭᠠᠷ ᠡᠬᠡ ᠳ᠋ᠡᠭᠡᠨ ᠣᠶ᠋ᠢᠷᠠᠲᠤᠵᠤ ᠣᠴᠢᠯᠠ᠃ ᠵᠤᠯᠠ ᠶ᠋ᠢᠨ ᠭᠡᠷᠡᠯ ᠰᠢᠭ᠌ ᠳᠥᠷᠪᠡᠨ ᠨᠢᠲᠦ ᠪᠢᠲᠡᠨ ᠊ᠢ ᠰᠢᠷᠲᠡᠵᠦ ᠪᠠᠶ᠋ᠢᠬᠰᠠᠨ ᠶ᠋ᠢᠠᠨ ᠭ᠌ᠱᠠᠨ ᠵᠠᠭᠤᠷᠠ ᠪᠠᠷᠠ ᠦᠭᠡᠢ ᠪᠣᠯᠵᠤ · ᠬᠣᠶᠠᠷ ᠬᠠᠷᠠ ᠰᠡᠭᠦᠲᠡᠷ ᠶᠠᠭ ᠰᠠᠶ᠋ᠢᠬᠠᠨ ᠵᠡᠷᠭᠡᠴᠡᠨ ᠭᠦᠶᠦᠵᠦ ᠣᠢ ᠰᠢᠭᠤᠢ ᠳᠣᠲᠣᠷᠠ ᠣᠷᠣᠭᠠᠳ ᠣᠷᠣ ᠦᠭᠡᠢ ᠵᠠᠮᠬᠠᠷᠠᠪᠠ᠃
ᠪᠢᠲᠡ ᠬᠣᠶᠠᠭᠤᠯᠠ ᠳᠣᠪ ᠳᠤᠭᠤᠢ ᠥᠪᠡᠷ ᠥᠪᠡᠷ ᠦ᠋ᠨ ᠣᠷᠣᠨ ᠳ᠋ᠠᠭᠠᠨ ᠣᠷᠣᠵᠤ ᠬᠡᠪᠲᠡᠯᠡ᠃ ᠪᠠᠬᠠᠨ ᠤᠲᠠᠭᠰᠠᠨ ᠪ ᠬᠣᠶ᠋ᠢᠨᠠ ᠳᠡᠭᠦᠦ ᠶ᠋ᠢᠨ ᠮᠡᠭᠰᠢᠨ ᠣᠬᠢᠯᠠᠬᠤ ᠳᠠᠭᠤᠨ ᠲᠣᠯᠣᠭᠠᠢ ᠪᠠᠨ ᠪᠦᠲᠡᠭᠡᠵᠦ ᠪᠠᠶ᠋ᠢᠬᠰᠠᠨ ᠮᠢᠨᠦ ᠴᠢᠬᠢᠨ ᠳ᠋ᠤ᠌ ᠳᠤᠭᠤᠯᠳᠠᠪᠠ᠃
ᠢᠷᠡᠯᠲᠡ ᠄
ᠲᠠᠪᠤᠨ ᠵᠢᠯ ᠦᠨ ᠲᠦᠷᠢᠮᠳᠦ ᠪᠠᠭᠠ ᠰᠤᠷᠭᠠᠭᠤᠯᠢ ᠳᠤ ᠦᠵᠡᠬᠦ
ᠬᠡᠯᠡ ᠪᠢᠴᠢᠭ ᠶᠢᠰᠦᠳᠦᠭᠡᠷ ᠲᠡᠪᠳᠡᠷ ※
ᠦᠪᠦᠷ ᠮᠤᠩᠭᠤᠯ ᠤᠨ ᠰᠤᠷᠭᠠᠨ ᠬᠦᠮᠦᠵᠢᠯ ᠦᠨ ᠬᠡᠪᠯᠡᠯ ᠦᠨ ᠬᠤᠷᠢᠶᠠ ᠨᠠᠢᠢᠷᠠᠭᠤᠯᠤᠨ ᠬᠡᠪᠯᠡᠭᠦᠯᠪᠡ
ᠦᠪᠦᠷ ᠮᠤᠩᠭᠤᠯ ᠤᠨ ᠰᠢᠨᠬᠤᠸᠠ ᠨᠤᠮ ᠤᠨ ᠲᠡᠯᠭᠡᠭᠦᠷ ᠲᠠᠷᠬᠠᠭᠠᠪᠠ
ᠦᠪᠦᠷ ᠮᠤᠩᠭᠤᠯ ᠤᠨ ᠮᠤᠩᠭᠤᠯ ᠪᠢᠴᠢᠭ ᠬᠡᠪᠯᠠᠬᠦ ᠦᠢᠯᠡᠳᠪᠦᠷᠢ ᠬᠡᠪᠯᠡᠪᠡ
1981 ᠤᠨ ᠤ 5 ᠰᠠᠷᠠ ᠳᠤ ᠬᠤᠶᠠᠳᠤᠭᠠᠷ ᠬᠡᠪ ᠢ ᠬᠢᠪᠡ
1984 ᠤᠨ ᠤ 4 ᠰᠠᠷᠠ ᠳᠤ ᠲᠦᠷᠪᠡᠳᠦᠭᠡᠷ ᠤᠳᠠᠭᠠ ᠶ᠋ᠢᠨ ᠬᠡᠪᠯᠡᠯ ᠡᠴᠡ ᠰᠣᠩᠭᠣᠪᠠ ᠃
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ ᠄ ᠣᠲᠣᠨᠬᠤᠸᠠᠷ
ᠬᠢᠨᠠᠭᠴᠢ ᠄ ᠲᠣ᠋ · ᠨᠠᠨᠲᠢᠨ
2023 .3 .13