ᠶᠢᠷᠲᠢᠨᠴᠦ ᠶᠢᠨ ᠭᠤᠷᠪᠠ – ᠱ ᠂ ᠪᠤᠶᠠᠨᠲᠣᠭᠲᠠᠬᠤ ᠡᠮᠬᠢᠤᠠᠬᠡᠨ ᠨᠠᠶ᠋ᠢᠷᠠᠭᠤᠯᠪᠠ < ᠣᠷᠣᠰᠢᠯ ᠤᠨ ᠣᠷᠣᠨ ᠳᠤ – 3 (2)> Ертөнцийн гурав – Ш᠂ Буянтогтох эмхиохэн найруулав < Оршлын оронд – 3 (2)>
300ᠣᠷᠣᠰᠢᠯ ᠤᠨ ᠣᠷᠣᠨ ᠳᠤ – 3 (2)
1. ᠭᠤᠷᠪᠠᠨ ᠮᠥᠷ ᠪᠠᠶ᠋ᠢᠬᠰᠠᠨ ᠠ᠋ᠴᠠ ᠪᠠᠨ ᠣᠯᠠᠨ ᠮᠥᠷ ᠪᠣᠯᠵᠤ ᠬᠤᠪᠢᠷᠠᠪᠠ᠃
《 ᠥᠰᠬᠦ ᠳᠤ ᠰᠢᠳᠦ ᠴᠠᠭᠠᠨ
ᠥᠲᠡᠯᠬᠦ ᠳᠤ ᠦᠰᠦ ᠴᠠᠭᠠᠨ
ᠦᠬᠦᠬᠦ ᠳᠤ ᠶᠠᠰᠤ ᠴᠠᠭᠠᠨ 》 ᠭᠡᠵᠦ ᠬᠥᠮᠦᠨ ᠤ ᠨᠢᠭᠡ ᠨᠠᠰᠤᠨ ᠳᠤ ᠲᠣᠬᠢᠶᠠᠯᠳᠤᠬᠤ ᠦᠨᠡᠨ ᠪᠣᠳᠠᠲᠤ ᠶᠠᠪᠤᠳᠠᠯ ᠤᠴᠢᠷ ᠢ ᠥᠭᠦᠯᠡᠭᠰᠡᠨ ᠪᠠᠶ᠋ᠢᠨᠠ ᠃ ᠭᠡᠪᠡᠴᠦ ᠡᠭᠦᠨ ᠢ ᠬᠣᠵᠢᠮ ᠤᠨ ᠬᠥᠮᠦᠰ ᠳᠥᠷᠪᠡᠨ ᠴᠠᠭᠠᠨ ᠪᠣᠯᠭᠠᠪᠠ ᠃ ᠵᠢᠱ᠌ᠢᠶᠡᠯᠡᠪᠡᠯ ᠄
《 ᠥᠰᠬᠦ ᠳᠤ ᠰᠢᠲᠦ ᠴᠠᠭᠠᠨ
ᠥᠲᠡᠯᠡᠬᠦ ᠳᠤ ᠦᠰᠦ ᠴᠠᠭᠠᠨ
ᠦᠬᠦᠬᠦ ᠳᠤ ᠶᠠᠰᠤ ᠴᠠᠭᠠᠨ
ᠦᠷ ᠴᠠᠭ ᠲᠤ ᠴᠣᠯᠮᠣᠨ ᠴᠠᠭᠠᠨ 》(7) ᠭᠡᠵᠦ ᠤᠭ ᠦ᠋ᠨ ᠪᠠᠶ᠋ᠢᠬᠰᠠᠨ ᠭᠤᠷᠪᠠᠨ ᠮᠦᠷ ᠦ᠋ᠨ ᠳᠡᠭᠡᠷᠡ ᠨᠢ ᠨᠢᠭᠡ ᠮᠦᠷ ᠨᠡᠮᠡᠵᠦ ᠣᠷᠣᠭᠤᠯᠤᠭᠰᠠᠨ ᠨᠢ ᠢᠯᠡᠬᠡᠨ ᠬᠠᠷᠠᠭᠲᠠᠨᠠ ᠃ ᠤᠴᠢᠷ ᠨᠢ ᠡᠮᠦᠨᠡᠬᠢ ᠭᠤᠷᠪᠠᠨ ᠮᠦᠷ ᠪᠣᠯ ᠬᠥᠮᠦᠨ ᠪ ᠨᠠᠰᠤᠨ ᠪ ᠤᠴᠢᠷ ᠶᠠᠪᠤᠲᠠᠯ ᠊ᠢ ᠦᠭᠦᠯᠡᠭᠰᠡᠨ ᠠᠲᠠᠯᠠ ᠂ ᠰᠡᠭᠦᠯ ᠦ᠋ᠨ ᠨᠢᠭᠡ ᠮᠦᠷ ᠨᠢ ᠣᠷᠴᠢᠯᠠᠩ ᠪᠠᠶ᠋ᠢᠭᠠᠯᠢ ᠶ᠋ᠢᠨ ᠤᠴᠢᠷ ᠊ᠢ ᠦᠭᠦᠯᠡᠭᠰᠡᠨ ᠠ᠋ᠴᠠ ᠤᠤᠯ ᠦ᠋ᠨ ᠦᠭᠦᠯᠡᠭᠰᠡᠨ ᠡᠴᠡ ᠠᠭᠤᠯᠬ᠋ᠠ ᠶ᠋ᠢᠨ ᠲᠠᠯᠠ ᠪᠠᠷ ᠶ᠋ᠢᠠᠨ ᠠᠲᠠᠯᠢ ᠦᠭᠡᠢ ᠪᠣᠯᠤᠭᠰᠠᠨ ᠶ᠋ᠢᠠᠷ ᠥᠯᠦ ᠪᠠᠷᠠᠮ ᠦᠭᠡ ᠶ᠋ᠢᠨ ᠲᠣᠬ᠋ᠠ ᠪᠠ ᠠᠶ᠋ᠢᠵᠠᠮ ᠴᠣᠬᠢᠯᠬ᠋ᠠ ᠨᠢ ᠴᠤ᠌ ᠠᠲᠠᠯᠢ ᠦᠭᠡᠢ ᠪᠣᠯᠵᠤ ᠬᠣᠪᠢᠷᠠᠵᠠᠢ ᠃ ᠡᠭᠦᠨ ᠲᠡᠢ ᠠᠲᠠᠯᠢ ᠪᠠᠷ ᠄
《 ᠵᠢᠪᠡᠷᠲᠦ ᠲᠩᠷᠢ ᠶ᠋ᠢᠨ ᠬᠠᠶᠠᠬ᠋ᠠ ᠤᠯᠠᠭᠠᠨ
ᠵᠢᠷᠭᠠᠯᠠᠩᠲᠤ ᠬᠠᠲᠤᠨ ᠪ ᠬᠠᠴᠠᠷ ᠤᠯᠠᠭᠠᠨ
ᠵᠢᠷᠲᠠᠭᠠᠢ ᠬᠥᠮᠦᠨ ᠪ ᠨᠢᠲᠦ ᠤᠯᠠᠭᠠᠨ 》(8) ᠭᠡᠵᠦ ᠪᠠᠶ᠋ᠢᠬᠰᠠᠨ ᠨᠢ ᠰᠡᠭᠦᠯᠡᠷ ᠬᠣᠪᠢᠷᠠᠨ ᠤᠯᠠᠷᠢᠭᠠᠳ ᠄
《 ᠵᠢᠪᠡᠷᠲᠦ ᠲᠩᠷᠢ ᠶ᠋ᠢᠨ ᠬᠠᠶᠠᠬ᠋ᠠ ᠤᠯᠠᠭᠠᠨ
ᠵᠢᠷᠭᠠᠯᠠᠩᠲᠤ ᠬᠠᠲᠤᠨ ᠪ ᠬᠠᠴᠠᠷ ᠤᠯᠠᠭᠠᠨ
ᠵᠢᠷᠲᠠᠭᠠᠢ ᠬᠥᠮᠦᠨ ᠪ ᠨᠢᠲᠦ ᠤᠯᠠᠭᠠᠨ
ᠠᠭᠰᠤᠮ ᠮᠣᠷᠢᠨ ᠪ ᠵᠤᠤᠵᠢ ᠤᠯᠠᠭᠠᠨ
ᠠᠯᠠᠭᠠᠴᠢ ᠬᠥᠮᠦᠨ ᠪ ᠭᠠᠨᠵᠤᠬ᠋ᠠ ᠤᠯᠠᠭᠠᠨ
ᠵᠠᠭᠤᠲᠠᠭ ᠨᠣᠬᠠᠢ ᠶ᠋ᠢᠨ ᠨᠢᠲᠦ ᠤᠯᠠᠭᠠᠨ
ᠵᠠᠭᠤᠲᠠᠭ ᠪᠤᠤᠷᠠ ᠶ᠋ᠢᠨ ᠰᠢᠲᠦ ᠤᠯᠠᠭᠠᠨ
ᠬᠠᠲᠠ ᠰᠠᠶ᠋ᠢᠲᠤ ᠶ᠋ᠢᠨ ᠦᠨᠡᠭᠡ ᠤᠯᠠᠭᠠᠨ
ᠮᠤᠲᠤ ᠰᠠᠶ᠋ᠢᠲᠤ ᠶ᠋ᠢᠨ ᠵᠣᠲᠣᠭ ᠤᠯᠠᠭᠠᠨ
ᠰᠤᠲᠠᠭ ᠲᠤ ᠤᠷᠭᠤᠭᠰᠠᠨ ᠰᠤᠬᠠᠢ ᠤᠯᠠᠭᠠᠨ 》(9) ᠭᠡᠵᠦ ᠬᠡᠯᠡᠯᠴᠡᠳᠡᠭ ᠪᠣᠯᠵᠠᠢ ᠃ ᠡᠨᠡ ᠠᠷᠪᠠᠨ ᠮᠦᠷ ᠦ᠋ᠨ ᠵᠢᠱ᠌ᠢᠶᠡ ᠨᠢ ᠡᠮᠦᠨᠡᠬᠢ ᠭᠤᠷᠪᠠᠨ ᠮᠦᠷ ᠶ᠋ᠢᠡᠷ ᠪᠦᠷᠢᠯᠳᠦᠭᠰᠡᠨ ᠵᠢᠱ᠌ᠢᠶᠡ ᠶ᠋ᠢ ᠪᠣᠲᠣᠪᠠᠯ ᠬᠣᠯᠠ ᠰᠤᠯᠠ ᠪᠣᠯᠤᠭᠰᠠᠨ ᠪᠠᠶ᠋ᠢᠨᠠ ᠃ ᠡᠨᠡᠬᠦ ᠠᠷᠪᠠᠨ ᠮᠦᠷ ᠦ᠋ᠨ ᠵᠢᠱ᠌ᠢᠶᠡ ᠶ᠋ᠢ ᠬᠥᠮᠦᠰ ᠠᠪᠤᠨ ᠦᠵᠡᠬᠦ ᠳᠤ ᠣᠯᠲᠠᠭᠰᠠᠨ ᠬᠡᠲᠦᠨ 《 ᠤᠯᠠᠭᠠᠨ 》 ᠊ᠢ ᠠᠯᠪᠠ ᠪᠠᠷ ᠤᠭᠰᠠᠷᠠᠭᠤᠯᠤᠨ ᠵᠢᠬᠰᠠᠭᠠᠭᠰᠠᠨ ᠨᠢ ᠢᠯᠡᠤᠠᠲᠡ ᠮᠡᠳᠡᠭᠳᠡᠨᠡ ᠃ ᠡᠶ᠋ᠢᠮᠦ ᠪᠣᠯᠬᠣᠷ ᠠᠷᠪᠠᠨ ᠮᠦᠷ ᠨᠢ ᠲᠡᠭᠦᠨ ᠪ ᠲᠥᠷᠦᠯᠬᠢ ᠰᠢᠨᠵᠢ ᠪᠢᠰᠢ ᠂ ᠬᠠᠷᠢᠨ 《 ᠶᠢᠷᠲᠢᠨᠴᠤ ᠶ᠋ᠢᠨ ᠭᠤᠷᠪᠠ 》 ᠶ᠋ᠢᠨ ᠬᠣᠪᠢᠯᠪᠤᠷᠢ ᠮᠥᠨ ᠃
2 . ᠳᠠᠷᠬᠠᠵᠤ ᠳᠡᠯᠭᠡᠷᠡᠬᠦ ᠳ᠋ᠡᠭᠡᠨ ᠣᠷᠣᠨ ᠨᠤᠲᠤᠭ ᠦ᠋ᠨ ᠦᠨᠦᠷ ᠠᠮᠲᠠ ᠲᠠᠢ ᠪᠣᠯᠪᠠ ᠃ 《 ᠶᠢᠷᠲᠢᠨᠴᠤ ᠶ᠋ᠢᠨ ᠭᠤᠷᠪᠠ 》 ᠶ᠋ᠢᠨ ᠵᠣᠬᠢᠶᠠᠭᠲᠠᠨ ᠳᠡᠯᠭᠡᠷᠡᠭᠰᠡᠨ ᠣᠷᠣᠨ ᠨᠤᠲᠤᠭ ᠨᠢ ᠠᠲᠠᠯᠢ ᠦᠭᠡᠢ ᠪᠣᠯᠬᠣᠷ ᠣᠷᠣᠨ ᠨᠤᠲᠤᠭ ᠦ᠋ᠨ ᠣᠨᠴᠠᠯᠢᠬ ᠭᠠᠷᠴᠠᠢ ᠃ ᠲᠡᠷᠡ ᠨᠢ ᠶᠠᠮᠠᠷ ᠭᠠᠵᠠᠷ ᠵᠣᠬᠢᠶᠠᠭᠲᠠᠨ ᠳᠡᠯᠭᠡᠷᠡᠭᠰᠡᠨ ᠪᠣᠯ ᠲᠡᠷᠡ ᠣᠷᠣᠨ ᠨᠤᠲᠤᠭ ᠦ᠋ᠨ ᠣᠨᠴᠠᠯᠢᠬ ᠂ ᠡᠳ᠋ ᠶᠠᠭᠤᠮᠠᠰ ᠦ᠋ᠨ ᠰᠢᠨᠵᠢ ᠶ᠋ᠢᠨ ᠳᠡᠭᠡᠷᠡ ᠰᠠᠭᠤᠷᠢᠯᠠᠭᠲᠠᠨ ᠵᠣᠬᠢᠶᠠᠭᠲᠠᠭᠰᠠᠨ ᠠ᠋ᠴᠠ ᠪᠣᠯᠵᠤ ᠪᠤᠰᠤᠳ ᠨᠤᠲᠤᠭ ᠲᠤ ᠳᠡᠯᠭᠡᠷᠡᠨ ᠣᠴᠢᠬᠤ ᠪᠠ ᠲᠥᠭᠡᠨ ᠲᠠᠷᠬᠠᠬᠤ ᠶ᠋ᠢᠨ ᠬᠠᠮᠲᠤ ᠳ᠋ᠤᠨᠢ ᠤᠭ ᠦ᠋ᠨ ᠶᠠᠭᠤᠮᠠᠰ ᠠ᠋ᠴᠠ ᠢᠯᠡᠭᠦᠦ ᠪᠠᠷ ᠦᠨᠡᠯᠡᠭᠳᠡᠵᠦ ᠪᠠᠶ᠋ᠢᠬ᠋ᠠ ᠲᠡᠷᠡ ᠣᠷᠣᠨ ᠪ ᠲᠡᠲᠡᠭᠡᠷ ᠣᠨᠴᠤᠭᠣᠢ ᠬᠡᠷᠡᠭ ᠶᠠᠭᠤᠮᠠ ᠪᠠ ᠥᠩᠭᠡ ᠵᠢᠰᠦᠮ ᠢᠶ᠋ᠡᠷ ᠰᠣᠯᠢᠬᠳᠠᠨ ᠣᠷᠣᠭᠰᠠᠨ ᠵᠤᠶ᠋ᠢᠯ ᠪᠠᠶ᠋ᠢᠨᠠ ᠃
ᠵᠢᠱ᠌ᠢᠶᠡᠯᠡᠪᠡᠯ ᠄
《 ᠵᠢᠯᠠᠭᠠᠨ ᠳ᠋ᠦ᠍ ᠣᠷᠭᠤᠭᠰᠨ ᠰᠤᠬᠠᠢ ᠤᠯᠠᠭᠠᠨ ᠂
ᠵᠢᠪᠠᠷ ᠲᠦ ᠭᠦᠶᠦᠭᠰᠡᠨ ᠦᠨᠡᠭᠡ ᠤᠯᠠᠭᠠᠨ ᠂
ᠵᠢᠳᠠᠨ ᠳ᠋ᠦ᠍ ᠮᠢᠷᠠᠯᠵᠠᠭᠰᠠᠨ ᠵᠠᠯᠠᠭᠠ ᠤᠯᠠᠭᠠᠨ 》 (10 ) ᠭᠡᠲᠡᠯᠡ ᠵᠠᠷᠢᠮ ᠨᠤᠲᠤᠭ ᠲᠤᠨᠢ ᠰᠤᠬᠠᠢ ᠤᠷᠭᠤᠳᠠᠭ ᠦᠭᠡᠢ ᠪᠣᠯᠬᠣᠷ ᠄
《 ᠵᠢᠪᠡᠷᠲᠦ ᠲᠡᠭᠷᠢ ᠶ᠋ᠢᠨ ᠬᠠᠶᠠᠭᠠ ᠤᠯᠠᠭᠠᠨ ᠂
ᠵᠢᠷᠭᠠᠯᠠᠩᠲᠤ ᠬᠠᠲᠤᠨ ᠤ ᠬᠠᠴᠠᠷ ᠤᠯᠠᠭᠠᠨ᠂
ᠵᠢᠷᠳᠠᠭᠠᠢ ᠬᠦᠮᠦᠨ ᠦ ᠨᠢᠳᠦ ᠤᠯᠠᠭᠠᠨ 》 (11 ) ᠡᠰᠡᠪᠡᠯ ᠬᠠᠶᠠ ᠵᠠᠷᠢᠮ ᠭᠠᠵᠠᠷ ᠨᠢ ᠄
《 ᠬᠤᠷᠳᠤᠨ ᠮᠣᠷᠢᠨ ᠤ ᠲᠣᠭᠣᠰᠣ ᠤᠯᠠᠭᠠᠨ
ᠬᠤᠯᠠᠭᠠᠶ᠋ᠢᠴᠢ ᠬᠦᠮᠦᠨ ᠦ ᠨᠢᠳᠦ ᠤᠯᠠᠭᠠᠨ
ᠬᠣᠤᠷᠲᠤ ᠮᠣᠭᠠᠢ ᠶ᠋ᠢᠨ ᠬᠡᠯᠡ ᠤᠯᠠᠭᠠᠨ 》(12) ᠭᠡᠮᠡᠨ ᠠᠳᠠᠯᠢ ᠪᠤᠰᠤ ᠪᠠᠷ ᠲᠠᠷᠬᠠᠨ ᠳᠡᠯᠭᠡᠷᠡᠵᠡᠢ ᠃
3 . 《 ᠶᠢᠷᠲᠢᠨᠴᠦ ᠶ᠋ᠢᠨ ᠭᠤᠷᠪᠠ 》 ᠶ᠋ᠢᠨ ᠳᠣᠲᠣᠷᠠ ᠵᠠᠷᠢᠮ ᠨᠢ ᠮᠠᠰᠢ ᠣᠯᠠᠨ ᠬᠤᠪᠢᠯᠪᠤᠷᠢ ᠲᠠᠢ ᠂ ᠵᠠᠷᠢᠮ ᠨᠢ ᠴᠦᠭᠡᠨ ᠬᠤᠪᠢᠯᠪᠤᠷᠢ ᠲᠠᠢ ᠪᠠᠶ᠋ᠢᠨᠠ ᠃ ᠡᠨᠡᠬᠦ ᠬᠤᠪᠢᠯᠪᠤᠷᠢ ᠨᠤᠭᠤᠳ ᠢ ᠨᠢᠬᠲᠠᠯᠠᠨ ᠦᠵᠡᠪᠡᠰᠦ ᠂ ᠵᠠᠷᠢᠮ ᠨᠢ ᠮᠥᠷ ᠦᠨ ᠲᠣᠭᠠ ᠨᠡᠮᠡᠭᠳᠡᠭᠰᠡᠨ ᠪᠠᠶ᠋ᠢᠨᠠ ᠃ ᠵᠠᠷᠢᠮ ᠨᠢ ᠤᠳᠬᠠ ᠨᠢ ᠠᠳᠠᠯᠢ ᠪᠣᠯᠪᠠᠴᠤ ᠢᠯᠡᠳᠬᠡᠬᠦ ᠦᠭᠡ ᠦᠭᠦᠯᠡᠪᠦᠷᠢ ᠵᠢᠴᠢ ᠬᠡᠯᠪᠡᠷᠢ ᠨᠢ ᠠᠳᠠᠯᠢ ᠦᠭᠡᠢ ᠃ ᠬᠠᠶᠠ ᠵᠠᠷᠢᠮ ᠪᠠᠳᠠᠭ ᠤᠨ ᠵᠠᠷᠢᠮ ᠮᠦᠷ ᠨᠢ ᠠᠳᠠᠯᠢ ᠪᠣᠯᠪᠠᠴᠤ ᠵᠠᠷᠢᠮ ᠮᠥᠷ ᠨᠢ ᠠᠳᠠᠯᠢ ᠦᠭᠡᠢ ᠪᠣᠯᠵᠤ ᠬᠤᠪᠢᠷᠠᠭᠰᠠᠨ ᠪᠠ ᠵᠠᠷᠢᠮ ᠪᠠᠳᠠᠭ ᠤᠨ ᠤᠳᠬᠠ ᠨᠢ ᠴᠤ᠌ ᠥᠭᠡᠷᠡ ᠶᠠᠭᠤᠮᠠ ᠶ᠋ᠢ ᠦᠭᠦᠯᠡᠬᠦ ᠪᠣᠯᠵᠤ ᠥᠭᠡᠷᠡᠳᠡᠭᠰᠡᠨ ᠪᠠᠶ᠋ᠢᠨᠠ ᠃ ᠶᠡᠷᠦᠩᠬᠡᠢ ᠳ᠋ᠦ᠍ᠨᠢ ᠠᠪᠴᠤ ᠦᠵᠡᠪᠡᠯ ᠨᠡᠯᠢᠶᠡᠳ ᠣᠯᠠᠨ ᠲᠣᠭᠠᠨ ᠪ 《 ᠶᠢᠷᠲᠢᠨᠴᠦ ᠶ᠋ᠢᠨ ᠭᠤᠷᠪᠠ 》 ᠨᠢ ᠪᠦᠷ ᠬᠤᠪᠢᠯᠪᠤᠷᠢ ᠲᠠᠢ ᠶᠤᠮ ᠃ ᠵᠠᠷᠢᠮ ᠴᠥᠭᠡᠨ ᠲᠣᠭᠠᠨ ᠪ 《 ᠶᠢᠷᠲᠢᠨᠴᠦ ᠶ᠋ᠢᠨ ᠭᠤᠷᠪᠠ 》 ᠨᠢ ᠬᠤᠪᠢᠯᠪᠤᠷᠢ ᠦᠭᠡᠢ ᠪᠠᠶ᠋ᠢᠨᠠ ᠃ ᠡᠲᠡᠭᠡᠷ ᠬᠤᠪᠢᠯᠪᠤᠷᠢ ᠪᠦᠬᠦᠨ ᠊ᠢ ᠲᠤᠰ ᠥᠭᠦᠯᠡᠯ ᠳᠤ ᠪᠦᠬᠦᠨ ᠊ᠢ ᠪᠢᠴᠢᠯ ᠦᠭᠡᠢ ᠵᠥᠪᠬᠡᠨ ᠨᠢᠭᠡᠯᠡᠬᠡᠨ ᠡᠴᠡ ᠵᠢᠱ᠌ᠢᠶᠡ ᠪᠣᠯᠭᠠᠨ ᠳᠤᠷᠠᠳᠪᠠᠯ ᠄
《 ᠣᠭᠲᠠᠷᠭᠤᠢ ᠶ᠋ᠢᠨ ᠳᠤᠮᠳᠠ ᠨᠠᠷᠠ ᠰᠢᠷᠠ
ᠤᠰᠤᠨ ᠪ ᠳᠤᠮᠳᠠ ᠠᠩᠭᠢᠷ ᠰᠢᠷᠠ
ᠣᠯᠠᠨ ᠪ ᠳᠤᠮᠳᠠ ᠯᠠᠮᠠ ᠰᠢᠷᠠ 》(13)
《 ᠡᠷᠲᠡᠨᠢ ᠳᠤ ᠠᠯᠲᠠ ᠨᠢᠭᠡ ᠰᠢᠷᠠ
ᠡᠲᠯᠡᠯ ᠳᠤ ᠵᠠᠩᠴᠢ ᠨᠢᠭᠡ ᠰᠢᠷᠠ
ᠢᠲᠡᠭᠡᠨ ᠳᠤ ᠤᠭᠤᠷᠠᠭ ᠨᠢᠭᠡ ᠰᠢᠷᠠ 》(14)
《 ᠤᠤᠭᠤᠬᠤᠢ ᠳ᠋ᠤᠷ ᠤᠭᠤᠷᠠᠭ ᠰᠢᠷᠠ
ᠡᠮᠦᠰᠬᠦᠢ ᠳ᠋ᠤᠷ ᠵᠠᠩᠴᠢ ᠰᠢᠷᠠ
ᠣᠭᠲᠠᠷᠭᠤᠢ ᠳ᠋ᠤᠷ ᠨᠠᠷᠠ ᠰᠢᠷᠠ 》(15)
《 ᠱᠠᠬᠢᠵᠦ ᠬᠤᠷᠠᠲᠠᠭ ᠱᠠᠰᠢᠨ ᠨᠢᠭᠡ ᠰᠢᠷᠠ
ᠰᠢᠷᠠᠯᠠᠵᠤ ᠬᠠᠷᠠᠭᠲᠠᠲᠠᠭ ᠠᠯᠲᠠ ᠨᠢᠭᠡ ᠰᠢᠷᠠ
ᠣᠭᠲᠠᠷᠭᠤᠢ ᠳᠤ ᠪᠠᠶ᠋ᠢᠲᠠᠭ ᠨᠠᠷᠠ ᠨᠢᠭᠡ ᠰᠢᠷᠠ
ᠣᠷᠴᠢᠯᠠᠩ ᠳᠤ ᠪᠠᠶ᠋ᠢᠲᠠᠭ ᠳᠡᠯᠡᠬᠡᠢ ᠨᠢᠭᠡ ᠰᠢᠷᠠ 》(16)
ᠭᠡᠬᠦ ᠮᠡᠲᠦ ᠪᠡᠷ ᠤᠯᠠᠷᠢᠨ ᠬᠤᠪᠢᠷᠠᠭᠰᠠᠨ ᠪᠠᠶ᠋ᠢᠨᠠ ᠃ ᠨᠠᠨ ᠲᠤᠬᠠᠢ ᠮᠠᠰᠢ ᠣᠯᠠᠨ ᠪᠠᠷᠢᠮᠲᠠ ᠵᠢᠱ᠌ᠢᠶᠡ ᠪᠠᠶ᠋ᠢᠨᠠ ᠃ ᠲᠡᠲᠡᠭᠡᠷ ᠊ᠢ ᠮᠠᠲᠠᠶᠠ ᠭᠡᠪᠡᠯ ᠡᠮᠬᠢᠤᠠᠬᠡᠯ ᠡᠴᠡ ᠯᠠᠪᠯᠠᠲᠤᠭᠠᠢ !
4. 《 ᠶᠢᠷᠲᠢᠨᠴᠦ ᠶ᠋ᠢᠨ ᠭᠤᠷᠪᠠ 》 ᠶ᠋ᠢᠨ ᠬᠥᠭᠵᠢᠯᠲᠡ ᠡᠴᠡ ᠪᠢᠲᠡ ᠮᠣᠩᠭᠣᠯᠴᠤᠳ ᠦ᠋ᠨ ᠰᠡᠤᠠᠬᠢᠴᠡ ᠶ᠋ᠢᠨ ᠬᠥᠭᠵᠢᠯᠲᠡ ᠶ᠋ᠢ ᠮᠡᠲᠡᠵᠦ ᠪᠣᠯᠤᠨᠠ ᠃ 《 ᠶᠢᠷᠲᠢᠨᠴᠦ ᠶ᠋ᠢᠨ ᠭᠤᠷᠪᠠ 》 ᠨᠢ ᠡᠬᠢᠨ ᠳ᠋ᠡᠭᠡᠨ ᠬᠥᠮᠦᠰ ᠦ᠋ᠨ ᠨᠢᠲᠦᠨ ᠳᠤ ᠦᠵᠡᠭᠳᠡᠭᠰᠡᠨ ᠪᠣᠲᠠᠲᠤ ᠶᠠᠭᠤᠮᠠ ᠪᠤᠶᠤ ᠦᠵᠡᠭᠳᠡᠯ ᠦ᠋ᠨ ᠲᠤᠬᠠᠢ ᠰᠢᠭᠤᠳ ᠳᠤᠰᠬᠠᠨ ᠥᠭᠦᠯᠡᠨᠡ ᠃ ᠥᠭᠡᠷᠡ ᠪᠡᠷ ᠬᠡᠯᠡᠪᠡᠯ ᠲᠡᠷᠡ ᠦᠶᠡ ᠶ᠋ᠢᠨ ᠬᠥᠮᠦᠰ ᠥᠪᠡᠷ ᠦ᠋ᠨ ᠦᠵᠡᠵᠦ ᠰᠣᠨᠣᠰᠤᠭᠰᠠᠨ ᠰᠠᠭᠤᠭᠲᠠᠯ ᠭᠦᠨ ᠣᠨᠴᠣᠭᠣᠢ ᠶᠠᠭᠤᠮᠠ ᠶ᠋ᠢ ᠰᠢᠭᠤᠳ ᠭᠤᠷᠪᠠᠨ ᠮᠥᠷ ᠶ᠋ᠢᠡᠷ ᠨᠢᠭᠡ ᠪᠠᠲᠠᠭ ᠪᠣᠯᠭᠠᠵᠤ ᠠᠶ᠋ᠢᠵᠠᠮ ᠴᠣᠬᠢᠯᠬ᠋ᠠ ᠵᠣᠬᠢᠴᠠᠭᠤᠯᠤᠨ ᠦᠭᠦᠯᠡᠳᠡᠭ ᠪᠠᠶ᠋ᠢᠵᠠᠢ ᠃ ᠭᠡᠪᠡᠴᠦ ᠰᠡᠭᠦᠯᠲᠡᠵᠦ ᠢᠷᠡᠭᠡᠳ ᠡᠨᠡᠬᠦ ᠪᠣᠲᠠᠲᠤ ᠣᠶ᠋ᠢᠯᠠ ᠬᠡᠷᠡᠭ ᠊ᠢ ᠰᠢᠭᠤᠳ ᠳᠦᠷᠰᠦᠯᠡᠨ ᠢᠯᠡᠤᠠᠬᠡᠵᠦ ᠪᠠᠶ᠋ᠢᠬᠰᠠᠨ ᠠ᠋ᠴᠠ ᠪᠠᠨ ᠬᠥᠮᠦᠰ ᠦ᠋ᠨ ᠰᠡᠤᠠᠬᠢᠬᠦᠢ ᠨᠢ ᠬᠥᠭᠵᠢᠵᠦ ᠂ ᠬᠡᠷᠡᠭ ᠶᠠᠪᠤᠲᠠᠯ ᠦ᠋ᠨ ᠮᠥᠨ ᠴᠢᠨᠠᠷ ᠳᠣᠲᠣᠭᠠᠳᠤ ᠵᠢᠮᠡ ᠬᠠᠤᠯᠢ ᠳ᠋ᠤᠨᠢ ᠵᠠᠲᠠᠯᠤᠯᠲᠠ ᠬᠢᠵᠦ ᠬᠡᠶ᠋ᠢᠰᠪᠦᠷᠢ ᠰᠡᠤᠠᠬᠢᠬᠦᠢ ᠳᠤ ᠰᠢᠯᠵᠢᠨ ᠣᠷᠣᠭᠰᠠᠨ ᠪᠢᠯᠡ ᠃ ᠵᠢᠱ᠌ᠢᠶᠡᠯᠡᠪᠡᠯ ᠄
《 ᠲᠣᠰᠣ ᠶ᠋ᠢ ᠪᠠᠷᠠᠲᠠᠭ ᠠ᠋ᠴᠠ ᠲᠣᠭᠣᠬ᠋ᠠ ᠬᠠᠷᠠ
ᠲᠦᠯᠡᠭᠡ ᠶ᠋ᠢ ᠪᠠᠷᠠᠲᠠᠭ ᠠ᠋ᠴᠠ ᠵᠤᠤᠬᠠ ᠬᠠᠷᠠ
ᠲᠣᠯᠣᠭᠠᠢ ᠶ᠋ᠢ ᠲᠣᠭᠣᠷᠢᠲᠠᠭ ᠠ᠋ᠴᠠ ᠦᠰᠦ ᠬᠠᠷᠠ 》(17)
ᠭᠡᠵᠦ ᠰᠢᠭᠤᠳ ᠶ᠋ᠢᠠᠷ ᠦᠵᠡᠭᠰᠡᠨ ᠵᠦᠢᠯ ᠶ᠋ᠢᠡᠨ ᠥᠭᠦᠯᠡᠵᠦ ᠪᠠᠶ᠋ᠢᠬᠰᠠᠨ ᠠ᠋ᠴᠠ ᠪᠠᠨ ᠳᠠᠬᠢᠨ ᠬᠥᠭᠵᠢᠯᠲᠡ ᠲᠡᠢ ᠪᠣᠯᠵᠤ ᠂ ᠰᠡᠤᠠᠬᠢᠬᠦᠢ ᠨᠢ ᠭᠦᠨᠵᠡᠭᠡᠶ᠋ᠢᠷᠡᠵᠦ ᠬᠥᠭᠵᠢᠭᠰᠡᠨ ᠡᠴᠡ ᠄
《 ᠠᠶ᠋ᠢᠷᠠᠭ ᠨᠢ ᠴᠠᠭᠠᠨ ᠪᠣᠯᠪᠠᠴᠤ ᠠᠷᠢᠬᠢ ᠨᠢ ᠬᠠᠷᠠ
ᠴᠠᠰᠤ ᠨᠢ ᠴᠠᠭᠠᠨ ᠪᠣᠯᠪᠠᠴᠤ ᠤᠰᠤ ᠨᠢ ᠬᠠᠷᠠ
ᠴᠠᠭᠠᠰᠤ ᠨᠢ ᠴᠠᠭᠠᠨ ᠪᠣᠯᠪᠠᠴᠤ ᠦᠰᠦᠭ ᠨᠢ ᠬᠠᠷᠠ 》(18)
ᠭᠡᠵᠦ ᠥᠭᠦᠯᠡᠬᠦ ᠪᠣᠯᠤᠭᠰᠠᠨ ᠪᠤᠶᠤ ᠡᠰᠡᠬᠦᠯᠡ ᠄
《 ᠬᠠᠶ᠋ᠢᠷᠠᠭᠤᠯ ᠲᠣᠭᠣᠭᠠᠨ ᠪ ᠬᠦ᠋ ᠬᠠᠷᠠ
ᠬᠠᠷᠠᠮᠴᠢ ᠬᠥᠮᠦᠨ ᠪ ᠭᠠᠷ ᠬᠠᠷᠠ
ᠬᠠᠷᠢᠶᠠᠯᠴᠢ ᠬᠥᠮᠦᠨ ᠪ ᠰᠠᠨᠠᠬ᠋ᠠ ᠬᠠᠷᠠ 》(19)
ᠭᠡᠬᠦ ᠪᠤᠶᠤ ᠡᠰᠡᠪᠡᠯ ᠄
《 ᠲᠣᠭᠣᠷᠴᠠᠭ ᠵᠡᠭᠦᠪᠡᠴᠦ ᠲᠣᠯᠣᠭᠠᠢ ᠨᠢ ᠬᠠᠷᠠ
ᠲᠣᠷᠬ᠋ᠠ ᠡᠮᠦᠰᠪᠡᠴᠦ ᠰᠡᠭᠦᠲᠡᠷ ᠨᠢ ᠬᠠᠷᠠ
ᠲᠣᠰᠣ ᠤᠤᠭᠤᠪᠠᠴᠤ ᠪᠠᠭᠠᠰᠤ ᠨᠢ ᠬᠠᠷᠠ 》(20) ᠭᠡᠵᠦ ᠬᠡᠷᠡᠭ ᠶᠠᠪᠤᠲᠠᠯ ᠳᠤ ᠭᠦᠨᠵᠡᠭᠡᠢ ᠵᠠᠲᠠᠯᠤᠯᠲᠠ ᠬᠢᠵᠦ ᠬᠤᠪᠢᠰᠤᠩᠭᠤᠢ ᠠᠷᠬ᠋ᠠ ᠶ᠋ᠢ ᠪᠠᠷᠢᠮᠲᠠᠯᠠᠨ ᠢᠯᠡᠤᠠᠬᠡᠵᠦ ᠭᠠᠷᠭᠠᠭᠰᠠᠨ ᠪᠠᠶ᠋ᠢᠨᠠ ᠃
5. 《 ᠶᠢᠷᠲᠢᠨᠴᠦ ᠶ᠋ᠢᠨ ᠭᠤᠷᠪᠠ 》 ᠪᠣᠯᠪᠠᠰᠤ ᠣᠯᠠᠩᠬᠢ ᠨᠢ ᠪᠦᠷ ᠡᠴᠦᠰ ᠦ᠋ᠨ ᠦᠭᠡ ᠨᠢ ᠠᠲᠠᠯᠢ ᠪᠠᠶ᠋ᠢᠲᠠᠭ ᠶᠤᠮ ᠃
ᠭᠡᠪᠡᠴᠦ ᠬᠠᠶᠠ ᠵᠠᠷᠢᠮ ᠨᠢ ᠨᠢᠭᠡ ᠰᠠᠨᠠᠬ᠋ᠠ ᠶ᠋ᠢ ᠢᠯᠡᠳᠬᠡᠭᠰᠡᠨ ᠭᠤᠷᠪᠠᠨ ᠥᠭᠡᠷᠡ ᠪᠡᠷ ᠢᠯᠡᠷᠬᠡᠢᠯᠡᠭᠰᠡᠨ ᠪᠠᠶ᠋ᠢᠲᠠᠭ ᠃ ᠵᠢᠱ᠌ᠢᠶᠡᠯᠡᠪᠡᠯ ᠄
《 ᠠᠵᠢᠯ ᠦᠭᠡᠢ ᠪᠣᠯ ᠶᠠᠭ
ᠠᠪᠬᠠᠯᠵᠢ ᠦᠭᠡᠢ ᠪᠣᠯ ᠲᠠᠭ
ᠠᠵᠠ ᠦᠭᠡᠢ ᠪᠣᠯ ᠫᠠᠭ 》(22)
( 《 ᠭᠤᠷᠪᠠᠨ ᠠᠷᠭᠠᠴᠠᠬ᠋ᠠ ᠦᠭᠡᠢ 》)
《 ᠪᠣᠷᠣᠭᠠᠨ ᠪ ᠡᠮᠦᠨᠡ ᠰᠢᠷᠣᠢ
ᠪᠣᠣᠬᠠᠢ ᠶ᠋ᠢᠨ ᠡᠮᠦᠨᠡ ᠬᠡᠷᠢᠶᠡ
ᠪᠣᠭᠲᠠ ᠶ᠋ᠢᠨ ᠡᠮᠦᠨᠡ ᠡᠯᠴᠢ 》(23)
( 《 ᠭᠤᠷᠪᠠᠨ ᠵᠠᠭᠤᠴᠢ 》)
《 ᠬᠣᠭᠣᠯᠠ ᠶᠡᠬᠡᠤᠠᠪᠡᠯ ᠪᠥᠭᠡᠯᠵᠢᠰᠦ
ᠬᠣᠭ ᠶᠡᠬᠡᠤᠠᠪᠡᠯ ᠨᠣᠪᠰᠢ
ᠬᠣᠪ ᠶᠡᠬᠡᠤᠠᠪᠡᠯ ᠬᠡᠷᠡᠭᠦᠯ 》(24)
( 《 ᠭᠤᠷᠪᠠᠨ ᠪᠠᠯᠠᠢ 》)
ᠭᠡᠬᠦ ᠮᠡᠲᠦ ᠪᠡᠷ ᠥᠭᠦᠯᠡᠪᠦᠷᠢ ᠶ᠋ᠢᠨ ᠡᠴᠦᠰ ᠦ᠋ᠨ ᠦᠭᠡ ᠶ᠋ᠢ ᠨᠢ ᠠᠲᠠᠯᠢ ᠪᠤᠰᠤ ᠶ᠋ᠢᠨ ᠦᠭᠡ ᠪᠡᠷ ᠪᠢᠴᠢᠬᠦ ᠪᠤᠶᠤ ᠪᠢᠴᠢᠬᠦ ᠦᠭᠡᠢ ᠪᠡᠷ ᠤᠤᠠᠬᠠ ᠰᠠᠨᠠᠬ᠋ᠠ ᠪᠠᠨ ᠢᠯᠡᠤᠠᠬᠡᠨ ᠭᠠᠷᠭᠠᠬᠤ ᠨᠢ ᠲᠡᠭᠦᠨ ᠪ ᠪᠠᠰᠠ ᠨᠢᠭᠡᠨ ᠬᠥᠭᠵᠢᠯᠲᠡ ᠶ᠋ᠢᠨ ᠰᠢᠨᠵᠢ ᠪᠣᠯᠤᠨᠠ ᠃ ᠭᠡᠪᠡᠴᠦ ᠡᠨᠡ ᠬᠡᠯᠪᠡᠷᠢ ᠶ᠋ᠢᠨ ᠵᠢᠱ᠌ᠢᠶᠡ ᠪᠠᠷᠢᠮᠲᠠ ᠨᠢ ᠲᠡᠶ᠋ᠢᠮᠦ ᠣᠯᠠᠨ ᠪᠢᠰᠢ ᠃
6. 《 ᠶᠢᠷᠲᠢᠨᠴᠦ ᠶ᠋ᠢᠨ ᠭᠤᠷᠪᠠ 》 ᠨᠢ ᠡᠭᠦᠰᠦᠨ ᠬᠥᠭᠵᠢᠬᠦ ᠶᠠᠪᠤᠴᠠ ᠳᠤ ᠦᠩᠭᠡ ᠵᠢᠰᠦᠮ ᠤᠨ ᠲᠤᠬᠠᠢ ᠵᠢᠱ᠌ᠢᠶᠡ ᠪᠠᠷᠢᠮᠲᠠ ᠣᠯᠠᠰᠢᠷᠠᠨ ᠲᠦᠭᠡᠵᠡᠢ ᠃ ᠳᠠᠷᠤᠢ ᠬᠥᠬᠡ ( ᠴᠡᠩᠬᠡᠷ ) ᠤᠯᠠᠭᠠᠨ ᠂ ᠴᠠᠭᠠᠨ ᠂ ᠰᠢᠷᠠ ᠂ ᠬᠠᠷᠠ ( ᠬᠠᠷᠠᠩᠭᠤᠢ ᠂ ᠪᠠᠷᠠᠭᠠᠨ ) ᠵᠡᠷᠭᠡ ᠲᠠᠪᠤᠨ ᠦᠨᠳᠦᠰᠦᠨ ᠥᠩᠭᠡ ᠵᠢᠴᠢ ᠡᠪᠡᠰᠦ ᠤᠷᠭᠤᠮᠠᠯ ᠤᠨ ᠨᠣᠭᠣᠭᠠᠨ ᠥᠩᠭᠡ ᠪᠠᠭᠲᠠᠨᠠ ᠃ ᠡᠨᠡ ᠨᠢ ᠪᠠᠰᠠ ᠴᠦ᠍ ᠮᠣᠩᠭᠣᠯᠴᠤᠳ ᠤᠨ ᠡᠷᠲᠡᠨ ᠠ᠋ᠴᠠ ᠠᠪᠤᠭᠠᠳ ᠮᠥᠩᠬᠡ ᠬᠥᠬᠡ ᠲᠡᠭᠷᠢ ᠭᠡᠳᠡᠭ ᠲᠠᠢ ᠬᠣᠯᠪᠣᠭᠳᠠᠭᠰᠠᠨ 《 ᠬᠥᠬᠡ 》 ( ᠴᠡᠩᠬᠡᠷ ) ᠂ ᠰᠦᠨ ᠴᠠᠭᠠᠨ ᠰᠡᠳᠬᠢᠯ ᠭᠡᠳᠡᠭ ᠲᠠᠢ ᠬᠣᠯᠪᠣᠭᠳᠠᠭᠰᠠᠨ 《 ᠴᠠᠭᠠᠨ 》 ᠥᠩᠭᠡ ᠶ᠋ᠢ ᠬᠦᠨᠳᠦᠳᠬᠡᠨ ᠰᠢᠲᠦᠵᠦ ᠢᠷᠡᠭᠰᠡᠨ ᠠ᠋ᠴᠠ ᠶᠤᠮ ᠃ 《 ᠮᠥᠨ ᠴᠦ᠍ ᠵᠢᠯ ᠤᠨ ᠥᠩᠭᠡ ᠶ᠋ᠢ ＜ ᠬᠥᠬᠡ ＞ ᠪᠣᠯᠪᠠᠰᠤ ᠮᠠᠨᠳᠤᠬᠤ ᠂ ＜ ᠴᠠᠭᠠᠨ ＞ ᠪᠣᠯᠪᠠᠰᠤ ᠡᠬᠢᠯᠡᠬᠦ ᠂ ＜ ᠰᠢᠷᠠ ＞ ᠪᠣᠯᠪᠠᠰᠤ ᠮᠥᠬᠥᠬᠦ ᠂ ＜ ᠬᠠᠷᠠ ＞ ᠪᠣᠯᠪᠠᠰᠤ ᠬᠤᠷᠢᠶᠠᠬᠤ ᠭᠡᠮᠡᠨ ᠬᠡᠯᠡᠯᠴᠡᠳᠡᠭ ᠃ ᠲᠡᠶ᠋ᠢᠮᠦ ᠶ᠋ᠢᠨ ᠲᠤᠯᠠ ᠮᠣᠩᠭᠣᠯ ᠬᠥᠮᠦᠨ ᠬᠥᠬᠡ ᠴᠠᠭᠠᠨ ᠥᠩᠭᠡ ᠶ᠋ᠢ ᠳᠡᠭᠡᠳᠦᠯᠡᠭᠡᠳ ᠡᠷᠬᠢᠮᠯᠡᠬᠦ ᠪᠠ ᠬᠥᠬᠡ ᠥᠩᠭᠡ ᠶ᠋ᠢᠨ ᠡᠳᠦᠷ ᠢ ᠶᠡᠬᠡ ᠴᠡᠭᠡᠷᠯᠡᠳᠡᠭ ᠃ ᠬᠡᠷᠪᠡ ᠬᠥᠬᠡ ᠬᠤᠯᠤᠭᠠᠨᠠ ᠂ ᠬᠥᠬᠡ ᠮᠣᠷᠢ ᠂ ᠬᠥᠬᠡ ᠪᠡᠴᠢ ᠡᠳᠦᠷ ᠪᠣᠯᠪᠠᠰᠤ ᠮᠣᠩᠭᠣᠯ ᠬᠥᠮᠦᠨ ᠪᠡᠯᠡᠭ ᠶᠠᠭᠤᠮᠠ ᠶ᠋ᠢ ᠭᠠᠳᠠᠭᠰᠢ ᠭᠠᠷᠭᠠᠬᠤ ᠦᠭᠡᠢ ᠴᠡᠭᠡᠷᠯᠡᠬᠦ ᠵᠠᠩᠰᠢᠯ ᠪᠤᠢ 》(25) ᠃ ᠬᠥᠬᠡ ᠬᠤᠯᠤᠭᠠᠨᠠ ᠵᠢᠯ ᠳ᠋ᠤᠷ ᠬᠡᠦᠬᠡᠨ ᠢᠶ᠋ᠠᠨ ᠬᠠᠷᠢ ᠳᠤ ᠥᠭᠬᠦ ᠶ᠋ᠢ ᠴᠦ᠍ ᠴᠡᠭᠡᠷᠯᠡᠬᠦ ᠶᠣᠰᠣᠨ ᠪᠤᠢ ᠃ ᠨᠥᠭᠦᠭᠡ ᠲᠠᠯᠠ ᠪᠠᠷ ᠢᠶ᠋ᠠᠨ ᠠᠪᠴᠤ ᠬᠡᠯᠡᠭᠰᠡᠨ ᠴᠦ᠍ ᠮᠣᠩᠭᠣᠯ ᠤᠨ ᠲᠡᠦᠬᠡᠨ ᠨᠣᠮ ᠪᠢᠴᠢᠭ ᠲᠤ᠌ 《 ᠲᠠᠪᠤᠨ ᠥᠩᠭᠡ ᠶ᠋ᠢᠨ ᠤᠯᠤᠰ 》(26) ᠬᠡᠮᠡᠨ ᠲᠡᠮᠳᠡᠭᠯᠡᠵᠦ ᠪᠠᠶ᠋ᠢᠳᠠᠭ ᠃ ᠡᠨᠡ ᠲᠠᠪᠤᠨ ᠥᠩᠭᠡ ᠶ᠋ᠢᠨ ᠤᠯᠤᠰ ᠠᠨᠤ ᠂ ᠬᠥᠬᠡ ᠮᠣᠩᠭᠣᠯ ᠂ ᠴᠠᠭᠠᠨ ᠰᠣᠯᠣᠩᠭᠣᠰ ᠂ ᠰᠢᠷᠠ ᠰᠠᠷᠲᠠᠭᠤᠯ ᠂ ᠤᠯᠠᠭᠠᠨ ᠬᠢᠲᠠᠳ ᠂ ᠬᠠᠷᠠ ᠲᠥᠪᠡᠳ ᠪᠣᠯᠤᠨᠠ ᠃ ᠡᠨᠡ ᠲᠠᠪᠤᠨ ᠥᠩᠭᠡ ᠨᠢ ᠮᠥᠨ ᠴᠦ᠍ ᠳᠡᠭᠡᠷᠡᠬᠢ ᠶᠠᠷᠢᠬᠰᠠᠨ ᠲᠠᠪᠤᠨ ᠥᠩᠭᠡ ᠪᠣᠯᠤᠨᠠ ᠃ 《 ᠨᠣᠭᠣᠭᠠᠨ 》 ᠥᠩᠭᠡ ᠨᠢ ᠪᠣᠯᠪᠠᠰᠤ ᠣᠷᠴᠢᠯᠠᠩ ᠳᠡᠯᠡᠬᠡᠢ ᠶ᠋ᠢᠨ ᠡᠪᠡᠰᠦ ᠤᠷᠭᠤᠮᠠᠯ ᠤᠨ ᠥᠩᠭᠡ ᠪᠣᠯᠬᠣᠷ 《 ᠶᠢᠷᠲᠢᠨᠴᠦ ᠶ᠋ᠢᠨ ᠭᠤᠷᠪᠠ 》 ᠶ᠋ᠢᠨ ᠳᠣᠲᠣᠷᠠ ᠲᠤᠰᠬᠠᠯ ᠢᠶ᠋ᠠᠨ ᠣᠯᠤᠭᠰᠠᠨ ᠪᠠᠶ᠋ᠢᠨᠠ ᠃ ᠭᠡᠪᠡᠴᠦ 《 ᠨᠣᠭᠣᠭᠠᠨ 》 ᠥᠩᠭᠡ ᠨᠢ ᠪᠠᠶ᠋ᠢᠭᠠᠯᠢ ᠶᠢᠷᠲᠢᠨᠴᠦ ᠳᠤ ᠡᠯᠪᠡᠭ ᠪᠠᠶ᠋ᠢᠳᠠᠭ ᠪᠣᠯᠪᠠᠴᠤ ᠮᠣᠩᠭᠣᠯ ᠣᠷᠣᠨ ᠳᠤ ᠵᠥᠪᠬᠡᠨ ᠵᠤᠨ ᠤ ᠬᠡᠳᠦᠨ ᠰᠠᠷᠠ ᠳᠤ ᠯᠠ ᠦᠵᠡᠭᠳᠡᠵᠦ ᠥᠨᠢ ᠮᠥᠩᠬᠡ ᠣᠷᠣᠰᠢᠵᠤ ᠴᠢᠳᠠᠬᠤ ᠦᠭᠡᠢ ᠠ᠋ᠴᠠ ᠪᠣᠯᠵᠤ ᠦᠨᠳᠦᠰᠦᠨ ᠥᠩᠭᠡᠨ ᠳᠤ ᠣᠷᠣᠵᠤ ᠴᠢᠳᠠᠭᠰᠠᠨ ᠦᠭᠡᠢ ᠃ ᠡᠶ᠋ᠢᠮᠦ ᠶ᠋ᠢᠨ ᠲᠤᠯᠠ ᠮᠣᠩᠭᠣᠯ ᠠᠷᠠᠳ ᠤᠨ ᠠᠮᠠᠨ ᠵᠣᠬᠢᠶᠠᠯ 《 ᠶᠢᠷᠲᠢᠨᠴᠦ ᠶ᠋ᠢᠨ ᠭᠤᠷᠪᠠ 》 ᠶ᠋ᠢᠨ ᠳᠣᠲᠣᠷᠠ ᠥᠩᠭᠡ ᠶ᠋ᠢᠨ ᠲᠤᠬᠠᠢ ᠵᠢᠱ᠌ᠢᠶᠡ ᠪᠠᠷᠢᠮᠲᠠ ᠣᠯᠠᠰᠢᠷᠠᠨ ᠬᠥᠭᠵᠢᠭᠰᠡᠨ ᠶᠤᠮ ᠃ ᠡᠨᠳᠡ ᠪᠢᠳᠡ ᠭᠠᠭᠴᠠᠬᠠᠨ ᠬᠠᠷᠠ ᠥᠩᠭᠡ ᠶ᠋ᠢᠨ ᠲᠤᠬᠠᠢ ᠣᠯᠳᠠᠭᠰᠠᠨ 《 ᠶᠢᠷᠲᠢᠨᠴᠦ ᠶ᠋ᠢᠨ ᠭᠤᠷᠪᠠ 》 ᠶ᠋ᠢ ᠵᠢᠬᠰᠠᠭᠠᠨ ᠦᠵᠡᠶᠡ ᠄
ᠶᠢᠷᠲᠢᠨᠴᠦ ᠶ᠋ᠢᠨ ᠭᠤᠷᠪᠠᠨ ᠬᠠᠷᠠ
《 ᠰᠦ᠋ ᠦᠭᠡᠢ ᠴᠠᠢ ᠬᠠᠷᠠ
ᠰᠦᠰᠦᠭ ᠦᠭᠡᠢ ᠬᠥᠮᠦᠨ ᠬᠠᠷᠠ
ᠰᠦᠮᠡ ᠦᠭᠡᠢ ᠯᠠᠮᠠ ᠬᠠᠷᠠ》(27 )
《 ᠲᠣᠰᠣ ᠲᠠᠢ ᠠ᠋ᠴᠠ ᠲᠣᠭᠣᠭᠠ ᠬᠠᠷᠠ
ᠪᠢᠯᠬᠡ ᠲᠠᠢ ᠠ᠋ᠴᠠ ᠪᠡᠬᠡ ᠬᠠᠷᠠ
ᠠᠮᠲᠠᠲᠠᠢ ᠠ᠋ᠴᠠ ᠠᠷᠢᠬᠢ ᠬᠠᠷᠠ》(28)
《 ᠨᠠᠷᠠ ᠦᠭᠡᠢ ᠠ᠋ᠴᠠ ᠡᠳᠦᠷ ᠬᠠᠷᠠ
ᠨᠢᠳᠦ ᠦᠭᠡᠢ ᠠ᠋ᠴᠠ ᠵᠠᠮ ᠬᠠᠷᠠ
ᠨᠠᠶ᠋ᠢᠷ ᠦᠭᠡᠢ ᠡᠴᠡ ᠬᠣᠷᠢᠮ ᠬᠠᠷᠠ 》(29)
《 ᠴᠠᠰᠤᠨ ᠳᠤ ᠮᠥᠷ ᠬᠠᠷᠠ
ᠴᠠᠭᠠᠰᠤᠨ ᠳᠤ ᠦᠰᠦᠭ᠋ ᠬᠠᠷᠠ
ᠴᠠᠭᠠᠵᠠᠨ ᠳᠤ ᠲᠠᠮᠤ ᠬᠠᠷᠠ 》(30)
《 ᠬᠠᠶ᠋ᠢᠷᠠᠭᠤᠯ ᠲᠣᠭᠤᠭᠠᠨ ᠪ ᠬᠥ ᠬᠠᠷᠠ
ᠬᠠᠷᠠᠮᠴᠢ ᠬᠥᠮᠦᠨ ᠪ ᠭᠠᠷ ᠬᠠᠷᠠ
ᠬᠠᠷᠢᠶᠠᠯᠴᠢ ᠬᠥᠮᠦᠨ ᠪ ᠰᠠᠨᠠᠬ᠋ᠠ ᠬᠠᠷᠠ 》(31)
《 ᠥᠭᠡᠬᠦ ᠲᠣᠰᠣ ᠪᠠᠷ ᠴᠢᠮᠡᠪᠡᠴᠦ ᠲᠣᠭᠤᠬ᠋ᠠ ᠬᠠᠷᠠ
ᠣᠲᠣᠨ ᠮᠡᠴᠢᠳ ᠶ᠋ᠢᠠᠷ ᠴᠢᠮᠡᠪᠡᠴᠦ ᠰᠥᠨᠢ ᠬᠠᠷᠠ
ᠠᠯᠲᠠ ᠮᠥᠩᠭᠥ ᠪᠡᠷ ᠴᠢᠮᠡᠪᠡᠴᠦ ᠦᠰᠦ ᠬᠠᠷᠠ 》(32)
ᠭᠡᠬᠦ ᠮᠡᠲᠦ ᠪᠡᠷ ᠣᠯᠠᠰᠢᠷᠠᠨ ᠬᠥᠭᠵᠢᠵᠦ ᠣᠨᠴᠤᠭᠤᠶ᠋ᠢᠷᠠᠨ ᠳᠡᠯᠭᠡᠷᠡᠵᠡᠢ ᠃
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ ᠄ ᠣᠶᠤᠨᠲᠤᠨᠠᠯ ᠂ ᠳ᠋ᠦ᠋ᠩ ᠹᠧᠩ ᠂ ᠬᠠᠷᠠᠨᠤᠳ ᠲᠤᠶᠠᠭᠠ ᠂ ᠮᠢᠩᠭᠠᠳ ᠴᠢᠮᠡᠭ ᠂ ᠬᠠᠳᠠᠴᠢ ᠤᠷᠠᠨᠠ
ᠬᠢᠨᠠᠭᠴᠢ ᠄ ᠮᠢᠩᠭᠠᠳ ᠴᠢᠮᠡᠭ ᠂ ᠬᠠᠷᠠᠨᠤᠳ ᠲᠤᠶᠠᠭᠠ