ᠺᠠᠲ᠋ᠧᠷᠢᠨ ᠭᠦᠩᠵᠦ ᠪᠣᠯᠤᠨ ᠬᠤᠪᠢ ᠲᠠᠪᠢᠯᠠᠩКатерин гүнж болон хувь тавилан _ Catherine and Her Destiny
428ᠺᠠᠲ᠋ᠧᠷᠢᠨ ᠭᠦᠩᠵᠦ ᠪᠣᠯᠤᠨ ᠬᠤᠪᠢ ᠲᠠᠪᠢᠯᠠᠩ
ᠡᠷᠲᠡ ᠳᠡᠭᠡᠷᠡ ᠴᠠᠭ ᠲᠤ᠌ ᠣᠳᠣ ᠪᠢᠳᠡᠨ ᠠᠮᠢᠳᠤᠷᠠᠵᠤ ᠪᠠᠢᠭᠠ ᠡᠨᠡ ᠨᠤᠲᠤᠭ ᠠ᠋ᠴᠠ ᠠᠯᠤᠰ ᠬᠣᠯᠠ ᠶ᠋ᠢᠨ ᠨᠢᠭᠡᠨ ᠡᠵᠡᠨᠲᠦ ᠤᠯᠤᠰ ᠲᠤ᠌ ᠨᠢᠭᠡᠨ ᠭᠦᠩᠵᠦ ᠠᠮᠢᠳᠤᠷᠠᠨ ᠰᠠᠭᠤᠳᠠᠭ ᠪᠠᠢᠵᠠᠢ᠃
ᠭᠠᠵᠠᠷ ᠤ᠋ᠨ ᠭᠦᠩᠵᠦ ᠤᠤ? ᠬᠠᠷᠢᠨ ᠠ᠋᠂ ᠡᠳᠦᠷᠵᠢᠨ ᠨᠣᠮ ᠤᠩᠰᠢᠳᠠᠭ ᠭᠡᠳᠡᠭ ᠡᠴᠡ ᠥᠭᠡᠷᠡ ᠭᠦᠩᠵᠦ ᠶ᠋ᠢᠨ ᠲᠤᠬᠠᠢ ᠪᠠᠷᠤᠭ ᠮᠡᠳᠡᠬᠦ ᠦᠭᠡᠢ᠃
ᠭᠦᠩᠵᠦ ᠨᠢᠳᠦᠨ ᠦ᠌ ᠰᠢᠯ ᠵᠡᠭᠦᠳᠡᠭ᠃ ᠬᠠ ᠬᠠ ᠬᠠ
ᠮᠢᠨᠦ ᠳᠤᠷᠠᠲᠠᠢ ᠭᠦᠩᠵᠦ ᠪᠢᠰᠢ ᠯᠡ ᠳᠧ
ᠪᠢᠰᠢ ᠠ᠋᠂ ᠪᠢᠰᠢ
ᠤᠢᠳᠬᠠᠷ ᠲᠠᠢ᠃
ᠬᠥᠮᠦᠰ ᠲᠠᠨ ᠢ᠋ ᠤᠢᠳᠬᠠᠷ ᠲᠠᠢ ᠭᠡᠨᠡ᠃
ᠬᠢ ᠬᠢ ᠬᠢ᠂ ᠵᠦᠭᠡᠷ ᠳᠡ᠂ ᠪᠢ ᠣᠳᠣ ᠵᠠᠪ ᠦᠭᠡᠢ ᠪᠠᠢᠨᠠ᠂ ᠡᠨᠡ ᠴᠢᠨᠠᠭᠰᠠᠨ ᠥᠨᠳᠡᠭᠡ ᠶ᠋ᠢ ᠰᠢᠯᠢᠨ ᠰᠠᠪᠠᠨ ᠳ᠋ᠤ᠌ ᠪᠠᠭᠲᠠᠭᠠᠵᠤ ᠬᠢᠬᠦ ᠬᠡᠷᠡᠭᠲᠡᠢ ᠪᠠᠢᠨᠠ᠃
ᠳᠠᠬᠢᠭᠠᠳ ᠲᠤᠷᠰᠢᠯᠲᠠ ᠬᠢᠬᠦ ᠭᠡᠵᠦ ᠪᠠᠢᠭᠠ ᠶᠤᠮ ᠤᠤ? ᠭᠠᠷᠤᠶᠠ᠂ ᠬᠥᠭᠵᠢᠯᠳᠦᠶᠡ ᠯᠡ ᠳᠡ᠃ ᠦᠳᠡᠰᠢᠯᠡᠭᠡ ᠬᠢᠶᠡ᠃ ᠰᠢᠨᠡ ᠬᠥᠮᠦᠰ ᠲᠡᠢ ᠠᠭᠤᠯᠵᠠᠵᠠᠭᠠᠶᠠ ᠯᠠ ᠳᠠ᠃
ᠠ᠂ ᠴᠢᠳᠠᠯᠠ᠃
ᠮᠢᠨᠦ ᠦᠭᠡ ᠶ᠋ᠢ ᠰᠣᠨᠣᠰᠴᠤ ᠪᠠᠢᠨᠠ ᠤᠤ?
ᠶᠠᠭᠠᠬᠢᠵᠤ ᠴᠢᠳᠠᠴᠢᠬᠠᠪᠠ ᠭᠡᠳ ᠴᠢ ᠭᠠᠢᠬᠠᠵᠤ ᠪᠠᠢᠭᠠ ᠳᠧ? ᠲᠡᠢᠮᠦ ᠪᠠᠢᠵᠠ ᠳᠠ?
ᠦᠭᠡᠢ ᠰᠢᠦ᠃
ᠬᠠᠷᠠᠵᠤ ᠪᠠᠢᠭᠠᠷᠠᠢ᠃ ᠡᠬᠢᠯᠡᠭᠡᠳ ᠰᠢᠲᠠᠵᠤ ᠪᠠᠢᠭᠠ ᠴᠠᠭᠠᠰᠤ ᠪᠠᠨ ᠰᠢᠯᠢᠨ ᠳ᠋ᠦ᠍ ᠬᠢᠨᠡ᠃
ᠮᠡᠳᠡᠮᠡᠷ ᠦᠭᠡᠢ ᠪᠠᠢᠨᠠ᠃
ᠰᠢᠯᠢᠨ ᠳᠣᠲᠣᠷᠠᠬᠢ ᠰᠢᠲᠠᠭᠰᠠᠨ ᠴᠠᠭᠠᠰᠤ ᠠᠭᠠᠷ ᠢ᠋ ᠨᠢ ᠳᠡᠯᠡᠭᠡᠳ ᠳᠠᠷᠤᠯᠲᠠ ᠨᠢ ᠳᠡᠭᠡᠭᠰᠢᠯᠡᠨᠡ᠃ ᠲᠡᠭᠡᠭᠡᠳ ᠬᠦᠴᠢᠯᠳᠦᠷᠦᠭᠴᠢ ᠶ᠋ᠢ ᠪᠠᠭᠠᠰᠬᠠᠬᠤ ᠦᠶᠡ ᠳ᠋ᠦ᠍ ᠠᠭᠠᠷ ᠤ᠋ᠨ ᠬᠢᠨᠢ ᠪᠠᠭᠤᠷᠠᠵᠤ ᠥᠨᠳᠡᠭᠡ ᠶ᠋ᠢ ᠳᠣᠭᠣᠭᠰᠢ ᠪᠠᠨ ᠰᠤᠷᠤᠭᠠᠳ ᠣᠷᠣᠭᠤᠯᠴᠢᠬᠠᠵᠤ ᠪᠠᠢᠭᠠ ᠶᠤᠮ ᠯᠠ ᠳᠠ᠃
ᠳᠠᠭᠤᠰᠴᠢᠬᠠᠭᠰᠠᠨ ᠤᠤ?
ᠡᠨᠡ ᠲᠤᠷᠰᠢᠯᠲᠠ ᠤᠤ? ᠳᠠᠭᠤᠰᠴᠢᠬᠠᠭᠰᠠᠨ ᠠ᠋᠃
ᠭᠦᠩᠵᠦ ᠠ᠋᠂ ᠬᠠᠭᠠᠨ ᠡᠵᠡᠨ᠂᠂᠂᠂
ᠠᠪᠤ ᠠ᠋᠂ ᠠᠪᠤ ᠠ᠋᠂ ᠦᠭᠡᠢ᠃
ᠡᠵᠡᠨ ᠬᠠᠭᠠᠨ ᠢ᠋ ᠲᠡᠭᠷᠢ ᠳ᠋ᠦ᠍ ᠬᠠᠯᠢᠭᠰᠠᠨ ᠤ᠋ ᠳᠠᠷᠠᠭᠠ᠂ ᠴᠣᠷ ᠤ᠋ᠨ ᠭᠠᠭᠴᠠ ᠤᠭᠰᠠᠭᠠ ᠵᠠᠯᠭᠠᠮᠵᠢᠯᠠᠭᠴᠢ ᠭᠠᠵᠠᠷ ᠤ᠋ᠨ ᠭᠦᠩᠵᠦ ᠨᠤᠷᠸᠠ ᠤᠯᠤᠰ ᠤ᠋ᠨ ᠬᠠᠲᠤᠨ ᠬᠠᠭᠠᠨ ᠪᠣᠯᠤᠯᠠ᠃
ᠭᠡᠪᠡᠴᠦ ᠬᠥᠮᠦᠰ ᠲᠡᠢᠮᠦ ᠰᠠᠢᠨ ᠢᠲᠡᠭᠡᠵᠦ ᠥᠭᠬᠦ ᠦᠭᠡᠢ ᠯᠡ ᠪᠠᠢᠯᠠ᠃ ᠶᠠᠭᠠᠬᠢᠭᠠᠳ ᠭᠡᠪᠡᠯ ᠭᠠᠵᠠᠷ ᠤ᠋ᠨ ᠭᠦᠩᠵᠦ ᠡᠮᠦᠨᠡ ᠨᠢ ᠤᠯᠤᠰ ᠢ᠋ᠶ᠋ᠠᠨ ᠤᠳᠤᠷᠢᠳᠴᠤ ᠦᠵᠡᠭᠡ ᠦᠭᠡᠢ ᠪᠣᠯᠬᠣᠷ ᠭᠦᠩᠵᠦ ᠦᠷᠭᠦᠯᠵᠢ ᠨᠣᠮ ᠱᠠᠭᠠᠢᠵᠤ ᠰᠠᠭᠤᠳᠠᠭ ᠪᠣᠯᠬᠣᠷ ᠰᠢᠦ ᠳᠡ᠃
ᠲᠡᠢᠮᠦ ᠠ᠋᠂ ᠣᠳᠣ ᠯᠠ ᠪᠣᠯ ᠲᠠ ᠬᠠᠲᠤᠨ ᠬᠠᠭᠠᠨ ᠪᠣᠯᠤᠯᠠ ᠰᠢᠦ ᠳᠧ
ᠰᠠᠢᠨ ᠮᠡᠳᠡᠬᠦ ᠦᠭᠡᠢ ᠪᠠᠢᠨᠠ ᠠ᠋᠂ ᠺᠠᠹᠠᠲ᠋ᠦᠰ᠃ ᠪᠢ ᠪᠡᠯᠡᠨ ᠪᠣᠯᠤᠭᠠ ᠦᠭᠡᠢ ᠶᠦᠮ ᠰᠢᠭ ᠪᠠᠢᠨᠠ᠃
ᠭᠦᠩᠵᠦ ᠠ᠋᠂ ᠬᠠᠭᠠᠨᠲᠤ ᠤᠯᠤᠰ ᠤᠷᠤᠭᠤ ᠮᠠᠨᠢ ᠳᠠᠢᠰᠤᠨ ᠤ᠋ᠳ ᠳᠠᠭᠠᠷᠢᠵᠤ ᠪᠠᠢᠨᠠ᠃
ᠶᠠᠭᠤ?
ᠰᠠᠢᠳ ᠠ᠋᠂ ᠶᠠᠭᠤ ᠪᠣᠯᠤᠭᠠ ᠪᠣᠢ?
ᠶᠣᠯᠣ ᠤᠯᠤᠰ ᠤ᠋ᠨ ᠬᠣᠷᠣᠨ ᠰᠠᠨᠠᠭᠠᠲᠤ ᠬᠠᠭᠠᠨ ᠫᠠᠨᠲ᠋ᠤ ᠮᠠᠨ ᠤ᠋ ᠬᠠᠭᠠᠨ ᠤ᠋ ᠨᠠᠰᠤ ᠪᠠᠷᠠᠭᠰᠠᠨ ᠢ᠋ ᠮᠡᠳᠡᠭᠡᠳ ᠪᠢᠳᠡᠨ ᠤᠷᠤᠭᠤ ᠳᠣᠪᠲᠣᠯᠤᠯᠠ᠃ ᠪᠢᠳᠡᠨ ᠳ᠋ᠦ᠍ ᠲᠡᠢᠮᠦ ᠣᠯᠠᠨ ᠴᠡᠷᠢᠭ ᠪᠠᠢᠬᠤ ᠦᠭᠡᠢ᠃
ᠭᠦᠩᠵᠦ ᠮᠢᠨᠢ ᠠ᠋᠂ ᠠᠮᠢ ᠪᠠᠨ ᠪᠣᠳᠣᠵᠤ ᠵᠢᠭᠤᠲᠠᠬᠤ ᠬᠡᠷᠡᠭᠲᠡᠢ᠂ ᠲᠡᠭᠡᠪᠡᠯ ᠮᠠᠨ ᠤ᠋ ᠤᠯᠤᠰ ᠶᠠᠭᠠᠬᠢᠬᠤ ᠪᠣᠯᠵᠤ ᠪᠠᠢᠨᠠ᠃
ᠬᠡᠲᠦᠷᠬᠡᠢ ᠣᠷᠣᠢᠲᠠᠭᠰᠠᠨ ᠠ᠋᠂ ᠪᠠᠭᠤᠵᠤ ᠥᠭᠬᠦ ᠡᠴᠡ ᠥᠭᠡᠷᠡ ᠠᠷᠭᠠ ᠦᠭᠡᠢ ᠪᠣᠯᠤᠭᠰᠠᠨ ᠠ᠋᠃ ᠬᠤᠷᠳᠤᠨ ᠵᠢᠭᠤᠲᠠ᠃ ᠤᠭᠰᠠᠭᠠ ᠵᠠᠯᠭᠠᠮᠵᠢᠯᠠᠭᠴᠢ ᠶ᠋ᠢ ᠠᠮᠢᠳᠤ ᠦᠯᠡᠳᠡᠭᠡᠬᠦ ᠦᠭᠡᠢ ᠪᠠᠢᠬᠠ᠃
ᠭᠡᠬᠦ ᠳ᠋ᠡᠭᠡᠨ᠂᠂᠂᠂
ᠲᠠ ᠪᠡᠯᠡᠨ ᠪᠣᠯᠬᠤ ᠪᠠᠷ ᠢ᠋ᠶ᠋ᠠᠨ ᠡᠷᠭᠢᠵᠦ ᠢᠷᠡᠭᠡᠷᠡᠢ! ᠣᠳᠣ ᠵᠢᠭᠤᠲᠠ᠃
ᠨᠢᠭᠡᠨ ᠬᠣᠨᠵᠢᠶᠠ ᠤᠳᠠᠴᠢᠬᠠᠯᠠ᠃ ᠣᠳᠣ ᠠᠶᠤᠯ ᠦᠭᠡᠢ ᠪᠠᠢᠬᠤ᠃ ᠰᠠᠭᠤᠭᠠᠳ ᠬᠦᠯᠢᠶᠡᠵᠦ ᠪᠠᠢᠭᠠᠷᠠᠢ᠃ ᠪᠢ ᠣᠢᠷᠠ ᠬᠠᠪᠢ ᠶ᠋ᠢ ᠰᠢᠯᠭᠠᠵᠤ ᠦᠵᠡᠭᠡᠳ ᠢᠳᠡᠬᠦ ᠶᠠᠭᠤᠮᠠ ᠣᠯᠤᠭᠠᠳ ᠢᠷᠡᠶᠡ᠃
ᠺᠠᠹᠠᠲ᠋ᠦᠰ ᠢ᠋ ᠶᠠᠪᠤᠭᠰᠠᠨ ᠤ᠋ ᠳᠠᠷᠠᠭᠠ ᠺᠠᠲ᠋ᠠᠷᠢᠨ ᠨᠠᠭᠤᠷ ᠤ᠋ᠨ ᠡᠷᠭᠢ ᠳ᠋ᠦ᠍ ᠰᠠᠭᠤᠭᠠᠳ ᠭᠠᠰᠢᠭᠤᠳᠠᠨ ᠤᠬᠢᠯᠠᠯᠠ᠃
ᠭᠡᠲᠡᠯᠡ ᠭᠡᠨᠡᠳᠲᠡ ᠬᠠᠵᠠᠭᠤ ᠪᠠᠷ ᠨᠢ ᠨᠢᠭᠡ ᠶᠠᠭᠤᠮᠠ ᠥᠩᠭᠡᠷᠡᠬᠦ ᠰᠢᠭ ᠪᠣᠯᠪᠠ᠃
ᠠ?
ᠺᠠᠲ᠋ᠠᠷᠢᠨ᠂᠂᠂᠂
ᠠ? ᠶᠠᠭᠤ ᠶᠠᠭᠤ ᠭᠡᠰᠡᠨ ᠪᠣᠢ? ᠬᠡᠨ ᠪᠣᠢ?
ᠪᠢ ᠴᠢᠨᠦ ᠬᠤᠪᠢ ᠲᠠᠪᠢᠯᠠᠩ ᠪᠠᠢᠨᠠ᠃
ᠮᠢᠨᠦ ᠶᠠᠭᠤ ᠭᠡᠨᠡ? ᠶᠠᠭᠠᠬᠢᠭᠠᠳ ᠨᠠᠳᠠᠳᠤ ᠬᠠᠷᠠᠭᠳᠠᠬᠤ ᠦᠭᠡᠢ ᠪᠠᠢᠨᠠ᠃
ᠬᠠᠮᠢᠭᠠ ᠨᠢ ᠨᠢᠭᠤᠭᠳᠠᠵᠤ ᠪᠠᠢᠭᠠ ᠶᠤᠮ ᠪᠣᠢ?
ᠠ? ᠢᠩᠭᠢᠬᠦ ᠳ᠋ᠦ᠍ ᠲᠠ ᠬᠡᠨ ᠪᠣᠢ?
ᠪᠢ ᠴᠢᠨᠦ ᠰᠣᠩᠭᠣᠭᠰᠠᠨ ᠵᠠᠮ᠂ ᠴᠢᠨᠦ ᠰᠣᠩᠭᠣᠭᠰᠠᠨ ᠰᠢᠢᠳᠪᠦᠷᠢ᠂ ᠴᠢᠨᠦ ᠶᠠᠪᠤᠭᠠ ᠦᠭᠡᠢ ᠵᠠᠮ᠃ ᠴᠢ ᠨᠠᠮᠠᠢ ᠪᠦᠲᠦᠭᠡᠭᠰᠡᠨ᠃ ᠪᠢ ᠴᠢᠨᠦ ᠬᠤᠪᠢ ᠲᠠᠪᠢᠯᠠᠩ᠃
ᠦᠭᠡᠢ᠂ ᠡᠢᠮᠦ ᠶᠠᠭᠤᠮᠠ ᠪᠠᠢᠬᠤ ᠪᠣᠯᠤᠮᠵᠢ ᠦᠭᠡᠢ᠃ ᠵᠢᠩᠬᠢᠨᠢ ᠪᠠᠢᠬᠤ ᠶᠣᠰᠣ ᠦᠭᠡᠢ᠃ ᠡᠨᠡ ᠵᠡᠭᠦᠳᠦ ᠪᠠᠢᠬᠠ ᠠ᠃ ᠪᠢ᠂᠂᠂᠂ ᠦᠭᠡᠢ᠂ ᠵᠡᠭᠦᠳᠦ ᠪᠢᠰᠢ ᠯᠡ ᠳᠧ᠃
ᠲᠡᠢᠮᠦ ᠠ᠋᠂ ᠺᠠᠲ᠋ᠠᠷᠢᠨ᠂ ᠪᠢ ᠴᠢᠮᠠ ᠰᠢᠭ᠋ ᠵᠢᠩᠬᠢᠨᠢ᠃
ᠶᠠᠭᠤ ᠭᠡᠬᠦ ᠳ᠋ᠡᠭᠡᠨ ᠴᠢ ᠶᠠᠭᠤ ᠬᠦᠰᠡᠭᠡᠳ ᠪᠠᠢᠭᠠ ᠶᠤᠮ ᠪᠣᠢ?
ᠮᠢᠨᠦ ᠬᠦᠰᠡᠵᠦ ᠪᠠᠢᠭᠠ ᠵᠦᠢᠯ ᠴᠢᠬᠤᠯᠠ ᠪᠢᠰᠢ ᠠ᠋᠃ ᠴᠢᠨᠦ ᠬᠦᠰᠡᠯ ᠯᠡ ᠬᠠᠮᠤᠭ ᠤ᠋ᠨ ᠴᠢᠬᠤᠯᠠ᠃ ᠬᠤᠷᠳᠤᠨ ᠬᠡᠯᠡ᠃ ᠴᠢ ᠠᠵᠠ ᠵᠢᠷᠭᠠᠯ ᠲᠠᠢ ᠢᠷᠡᠭᠡᠳᠦᠢ ᠶ᠋ᠢ ᠴᠦ᠍ ᠶᠦᠮ ᠤᠤ?
ᠡᠢᠮᠦ ᠶᠠᠭᠤᠮᠠ ᠪᠠᠢᠬᠤ ᠶᠣᠰᠣ ᠦᠭᠡᠢ᠃ ᠬᠡᠷᠪᠡ ᠪᠢ ᠣᠳᠣ ᠠᠵᠠ ᠵᠢᠷᠭᠠᠯ ᠢ᠋ ᠬᠦᠰᠡᠪᠡᠯ ᠦᠯᠡᠳᠡᠭᠰᠡᠨ ᠠᠮᠢᠳᠤᠷᠠᠯ ᠳ᠋ᠠᠭᠠᠨ ᠵᠣᠪᠠᠵᠤ ᠰᠢᠨᠠᠯᠤᠵᠤ ᠮᠠᠭᠠᠳ ᠦᠭᠡᠢ᠃ ᠣᠳᠣ ᠠᠵᠠ ᠵᠢᠷᠭᠠᠯ ᠲᠠᠢ ᠠᠮᠢᠳᠤᠷᠠᠭᠰᠠᠨ ᠠ᠋ᠴᠠ ᠢᠷᠡᠭᠡᠳᠦᠢ ᠳ᠋ᠦ᠍ ᠠᠵᠠ ᠵᠢᠷᠭᠠᠯ ᠲᠠᠢ ᠠᠮᠢᠳᠤᠷᠠᠬᠤ ᠨᠢ ᠴᠢᠬᠤᠯᠠ ᠪᠢᠵᠡ ᠳᠡ᠃ ᠢᠷᠡᠭᠡᠳᠦᠢ ᠪᠡᠨ ᠰᠠᠢᠬᠠᠨ ᠪᠣᠯᠭᠠᠬᠤ ᠭᠡᠵᠦ ᠬᠢᠴᠢᠶᠡᠵᠦ ᠪᠠᠢᠭᠠ ᠪᠣᠯᠬᠣᠷ᠂ ᠲᠡᠭᠡᠭᠡᠳ ᠴᠦ᠍ ᠪᠢᠳᠡ ᠭᠸᠠ ᠶ᠋ᠢᠨ ᠬᠤᠪᠢ ᠳ᠋ᠤ᠌ ᠢᠩᠭᠢᠵᠦ ᠲᠥᠷᠥᠭᠰᠡᠨ ᠪᠣᠯᠬᠣᠷ᠂᠂᠂᠂
ᠠ᠂᠂᠂᠂
ᠲᠡᠭᠡᠬᠦ ᠪᠡᠷ ᠶᠠᠮᠠᠷ ᠴᠤ᠌ ᠡᠷᠡᠭᠦᠯ ᠤᠬᠠᠭᠠᠨ ᠲᠠᠢ ᠬᠥᠮᠦᠨ ᠵᠡᠭᠦᠳᠦᠨ ᠳ᠋ᠦ᠍ ᠯᠡ ᠤᠴᠠᠷᠠᠵᠤ ᠪᠣᠯᠬᠤ ᠡᠢᠮᠦ ᠢᠲᠡᠭᠡᠮᠡᠷ ᠦᠭᠡᠢ ᠨᠥᠬᠥᠴᠡᠯ ᠪᠠᠢᠳᠠᠯ ᠳ᠋ᠤ᠌ ᠢᠩᠭᠢᠵᠦ ᠬᠡᠯᠡᠬᠦ ᠪᠠᠢᠬᠤ ᠯᠠ ᠳᠠ᠃ ᠣᠳᠣ ᠵᠢᠭᠠᠬᠠᠨ ᠵᠣᠪᠠᠭᠰᠠᠨ ᠴᠤ᠌ ᠬᠠᠮᠢᠶᠠ ᠦᠭᠡᠢ᠃ ᠢᠷᠡᠭᠡᠳᠦᠢ ᠳ᠋ᠦ᠍ ᠰᠠᠢᠨ ᠰᠠᠢᠬᠠᠨ ᠠᠮᠢᠳᠤᠷᠠᠬᠤ ᠶ᠋ᠢ ᠶᠡᠬᠡ ᠯᠡ ᠬᠦᠰᠡᠬᠦ ᠪᠠᠢᠬᠤ᠃
ᠲᠡᠢᠮᠦ ᠠ᠋᠃ ᠬᠡᠩ
ᠠ᠋᠂ ᠰᠠᠶᠢ ᠴᠢᠮᠠᠢ ᠶᠠᠭᠤ ᠭᠡᠰᠡᠨ ᠰᠠᠢᠨ ᠢ᠋ ᠣᠢᠯᠭᠠᠭᠰᠠᠨ ᠦᠭᠡᠢ᠃
ᠪᠢ ᠠᠵᠠ ᠵᠢᠷᠭᠠᠯ ᠲᠠᠢ ᠢᠷᠡᠭᠡᠳᠦᠢ ᠶ᠋ᠢ ᠰᠣᠩᠭᠣᠨᠠ᠃
ᠲᠡᠭᠷᠢ ᠮᠢᠨᠢ᠂ ᠵᠠ ᠶᠠᠭᠠᠬᠢᠬᠤᠪ᠃ ᠬᠦᠰᠡᠭᠰᠡᠨ ᠢ᠋ᠶ᠋ᠡᠷ ᠴᠢᠨᠢ ᠪᠣᠯᠭᠠᠶᠠ ᠯᠠ ᠳᠠ᠃
ᠢᠩᠭᠢᠵᠦ ᠬᠡᠯᠡᠭᠡᠳ ᠳᠠᠪᠠᠯᠭᠠᠨ ᠪᠤᠴᠠᠭᠠᠳ ᠨᠠᠭᠤᠷ ᠤ᠋ᠨ ᠤᠰᠤ ᠤᠷᠤᠭᠤ ᠰᠢᠩᠭᠡᠭᠡᠳ᠂ ᠨᠠᠭᠤᠷ ᠤ᠋ᠨ ᠮᠠᠨᠳᠠᠯ ᠤᠳᠠᠯ ᠦᠭᠡᠢ ᠨᠠᠮᠤᠭᠤᠬᠠᠨ ᠪᠣᠯᠵᠤ ᠠᠨᠢᠷ ᠴᠢᠮᠡᠭᠡ ᠦᠭᠡᠢ ᠨᠠᠮ ᠭᠦᠮ ᠪᠦᠷᠬᠦᠯᠡ᠃
ᠰᠠᠶᠢ ᠶᠠᠭᠤ ᠪᠣᠯᠤᠭᠰᠠᠨ ᠪᠣᠢ?
ᠰᠥᠨᠢ ᠨᠠᠭᠤᠷ ᠤ᠋ᠨ ᠡᠷᠭᠢ ᠳᠡᠭᠡᠷᠡ ᠤᠨᠲᠠᠵᠤ ᠠᠮᠠᠷᠠᠭᠰᠠᠨ ᠤ᠋ ᠪᠠᠨ ᠳᠠᠷᠠᠭᠠ ᠭᠠᠵᠠᠷ ᠤ᠋ᠨ ᠵᠠᠭ ᠳᠡᠭᠡᠷᠡ ᠬᠦᠷᠰᠢ ᠵᠡᠷᠭᠡᠯᠡᠳᠡᠭᠡ ᠦᠷ ᠦ᠋ᠨ ᠭᠡᠭᠡ ᠤᠷᠤᠭᠤ ᠶᠠᠪᠤᠯᠠ᠃
ᠲᠡᠷᠡ ᠬᠣᠶᠠᠷ ᠨᠢᠭᠡ ᠵᠢᠵᠢᠭ ᠲᠣᠰᠬᠣᠨ ᠳ᠋ᠤ᠌ ᠣᠴᠢᠭᠠᠳ ᠵᠠᠬᠠ ᠪᠠᠷ ᠳᠠᠭᠠᠷᠢᠨ ᠥᠩᠭᠡᠷᠡᠵᠦ ᠪᠠᠢᠯᠠ᠃
ᠭᠡᠲᠡᠯᠡ ᠭᠦᠩᠵᠦ ᠨᠢᠭᠡᠨ ᠡᠮᠡᠭᠡᠨ ᠢ᠋ ᠬᠦᠨᠳᠦ ᠠᠴᠢᠶᠠ ᠪᠠᠷᠢᠭᠠᠳ ᠶᠠᠪᠤᠵᠤ ᠪᠠᠢᠬᠤ ᠶ᠋ᠢ ᠣᠯᠵᠤ ᠬᠠᠷᠠᠯᠠ᠃ ᠭᠣᠢᠪᠠᠭᠰᠠᠭᠠᠷ ᠶᠠᠪᠤᠭᠠ ᠶ᠋ᠢ ᠨᠢ᠃
ᠡᠮᠧ ᠠ᠋᠂ ᠲᠠᠨ ᠳ᠋ᠤ᠌ ᠲᠤᠰᠠᠯᠠᠬᠤ ᠤᠤ?
ᠶᠠᠭᠠᠬᠢᠭᠠᠳ ᠨᠠᠳᠠ ᠳ᠋ᠤ᠌ ᠲᠤᠰᠠᠯᠠᠬᠤ ᠭᠡᠳ ᠪᠠᠢᠭᠠ?
ᠡᠩ᠂ ᠡᠨᠡ ᠬᠣᠲᠠ ᠳ᠋ᠤ᠌ ᠠᠩᠬᠠ ᠢᠷᠡᠭᠰᠡᠨ ᠶᠦᠮ᠃ ᠠᠵᠢᠯ ᠬᠡᠷᠡᠭᠲᠡᠢ ᠪᠠᠢᠨᠠ᠃ ᠪᠢ ᠴᠦᠩᠬᠦ ᠶ᠋ᠢ ᠴᠢᠨᠢ ᠡᠷᠭᠦᠵᠦ ᠥᠭᠭᠦᠶᠡ᠃ ᠬᠠᠷᠢᠨ ᠲᠠ ᠨᠠᠳᠠ ᠳ᠋ᠤ᠌ ᠭᠡᠷ ᠦ᠋ᠨ ᠦᠢᠯᠡᠴᠢᠯᠡᠭᠴᠢ᠂ ᠡᠰᠡᠬᠦᠯᠡ ᠨᠠᠷᠢᠨ ᠤ᠋ ᠪᠣᠣᠪᠣ ᠶ᠋ᠢᠨ ᠭᠠᠵᠠᠷ ᠴᠤ᠌ ᠶᠤᠮ ᠤᠤ ᠮᠥᠩᠭᠥ ᠣᠯᠵᠤ ᠪᠣᠯᠬᠤ ᠭᠠᠵᠠᠷ ᠵᠠᠷᠤᠵᠤ ᠥᠭᠬᠦ ᠦᠭᠡᠢ ᠤᠤ?
ᠠᠵᠢᠯ ᠬᠠᠢᠵᠤ ᠶᠠᠪᠤᠭᠠ ᠶᠤᠮ ᠤᠤ? ᠠᠰᠢᠭᠦᠢ ᠳᠡ᠂ ᠪᠢ ᠭᠡᠷ ᠦ᠋ᠨ ᠦᠢᠯᠡᠴᠢᠯᠡᠭᠴᠢ ᠬᠠᠢᠵᠤ ᠪᠠᠢᠭᠰᠠᠨ ᠶᠤᠮ ᠯᠠ ᠳᠠ᠃ ᠠᠷᠪᠠᠨ ᠮᠥᠩᠭᠥᠨ ᠵᠣᠭᠣᠰ ᠥᠭᠭᠦᠶᠡ᠂ ᠢᠯᠡᠭᠦᠦ ᠥᠭᠴᠦ ᠴᠢᠳᠠᠬᠤ ᠦᠭᠡᠢ᠃ ᠬᠠᠷᠢᠨ ᠮᠠᠨ ᠤ᠋ ᠭᠡᠷ ᠲᠦ᠍ ᠠᠮᠢᠳᠤᠷᠠᠵᠤ ᠪᠣᠯᠤᠨᠠ᠃
ᠲᠡᠭᠡᠪᠡᠯ ᠬᠠᠷᠢᠨ ᠰᠠᠢᠬᠠᠨ ᠪᠠᠢᠨᠠ᠃ ᠪᠠᠶᠠᠷᠯᠠᠯᠠ᠃
ᠢᠩᠭᠢᠭᠡᠳ ᠺᠠᠲ᠋ᠠᠷᠢᠨ ᠡᠮᠡᠭᠡᠨ ᠦ᠌ ᠭᠡᠷ ᠲᠦ᠍ ᠠᠵᠢᠯ ᠬᠢᠳᠡᠭ ᠪᠣᠯᠤᠯᠠ᠃ ᠠᠵᠢᠯ ᠢ᠋ᠶ᠋ᠠᠨ ᠴᠤ᠌ ᠰᠠᠢᠨ ᠬᠢᠳᠡᠭ ᠪᠠᠢᠪᠠ᠃
ᠭᠡᠲᠡᠯᠡ ᠨᠢᠭᠡ ᠡᠳᠦᠷ ᠡᠮᠡᠭᠡᠨ ᠵᠠᠬᠠ ᠤᠷᠤᠭᠤ ᠶᠠᠪᠤᠵᠤ ᠭᠦᠩᠵᠦ ᠠᠵᠢᠯ ᠢ᠋ᠶ᠋ᠠᠨ ᠬᠢᠭᠡᠳ ᠴᠣᠩᠬᠣᠨ ᠤ᠋ ᠬᠠᠵᠠᠭᠤ ᠳ᠋ᠤ᠌ ᠰᠠᠭᠤᠯᠠ᠃
ᠦ᠂ ᠠᠰᠢᠭᠦᠢ᠃ ᠡᠨᠳᠡ ᠪᠠᠢᠭᠰᠠᠨ ᠶᠤᠮ ᠤᠤ? ᠺᠠᠲ᠋ᠠᠷᠢᠨ᠂
ᠡᠩ᠂ ᠴᠢ ᠴᠢᠨᠢ?
ᠴᠢᠮᠠ ᠶ᠋ᠢ ᠢᠩᠭᠢᠭᠡᠳ ᠵᠦᠭᠡᠷ ᠣᠷᠬᠢᠨᠠ ᠭᠡᠵᠦ ᠪᠣᠳᠣᠭᠠ ᠤᠤ?
ᠴᠢ ᠠᠵᠠ ᠵᠢᠷᠭᠠᠯ ᠲᠠᠢ ᠢᠷᠡᠭᠡᠳᠦᠢ ᠶ᠋ᠢ ᠰᠣᠩᠭᠣᠭᠰᠠᠨ ᠪᠠᠢᠵᠠ ᠳᠠ! ᠰᠠᠨᠠᠵᠤ ᠪᠠᠢᠨᠠ ᠤᠤ?
ᠬᠠ ᠬᠠ ᠬᠠ
ᠲᠡᠭᠡᠭᠡᠳ ᠡᠮᠡᠭᠡᠨ ᠦ᠌ ᠬᠠᠢᠷᠠᠲᠠᠢ ᠬᠤᠪᠴᠠᠰᠤ ᠪᠠᠨ ᠬᠠᠳᠠᠭᠠᠯᠠᠳᠠᠭ ᠱᠦᠭᠦᠢ ᠳ᠋ᠦ᠍ ᠨᠢ ᠣᠷᠣᠭᠠᠳ ᠪᠦᠬᠦ ᠬᠤᠪᠴᠠᠰᠤ ᠶ᠋ᠢ ᠨᠢ ᠤᠷᠠᠵᠤ ᠲᠠᠰᠤᠳᠠᠭᠠᠳ ᠲᠡᠭᠡᠭᠡᠳ ᠪᠦᠭᠦᠳᠡ ᠶ᠋ᠢ ᠨᠢ ᠲᠦᠢᠳᠬᠡᠨ ᠭᠠᠵᠠᠷ ᠢ᠋ᠶ᠋ᠠᠷ ᠨᠢᠭᠡ ᠲᠠᠷᠬᠠᠵᠤ ᠬᠠᠶᠠᠯᠠ᠃
ᠦ᠂ ᠦ᠋᠂᠂᠂᠂
ᠦᠭᠡᠢ᠂ ᠡᠮᠧ ᠨᠠᠮᠠᠢ ᠠᠭᠤᠴᠢᠯᠠᠬᠤ ᠦᠭᠡᠢ ᠪᠠᠢᠬᠤ᠃
ᠲᠡᠢᠮᠦ ᠠ᠋᠂ ᠴᠢᠮᠠ ᠶ᠋ᠢ ᠬᠠᠷᠠᠭᠤᠯ ᠤ᠋ᠳ ᠲᠤ᠌ ᠬᠡᠯᠡᠵᠦ ᠴᠦ᠍ ᠮᠠᠭᠠᠳ ᠦᠭᠡᠢ᠂ ᠡᠰᠡᠪᠡᠯ ᠴᠢᠮᠠ ᠶ᠋ᠢ ᠪᠠᠷᠢᠭᠠᠳ ᠥᠭᠴᠦ ᠮᠠᠭᠠᠳ ᠦᠭᠡᠢ᠃
ᠲᠡᠭᠡᠭᠡᠳ ᠪᠢ ᠣᠳᠣ ᠶᠠᠭᠠᠬᠢᠬᠤ ᠪᠣᠢ?
ᠵᠢᠭᠤᠲᠠ᠃ ᠡᠰᠡᠬᠦᠯᠡ ᠦᠯᠡᠳᠡᠭᠡᠳ ᠲᠣᠬᠢᠷᠠᠭᠰᠠᠨ ᠰᠢᠢᠳᠬᠡᠯ ᠢ᠋ᠶ᠋ᠡᠨ ᠡᠭᠦᠷ᠃ ᠬᠠ ᠬᠠ ᠬᠠ
ᠭᠦᠩᠵᠦ ᠬᠡᠰᠡᠭᠬᠡᠨ ᠵᠠᠭᠤᠷᠠ ᠲᠡᠨᠡᠭᠡᠯᠵᠢᠨ ᠵᠣᠭᠰᠣᠵᠤ ᠪᠠᠢᠭᠠᠳ ᠶᠠᠭᠠᠷᠠᠨ ᠬᠥᠳᠡᠯᠦᠯᠡ᠃
ᠭᠦᠩᠵᠦ ᠬᠠᠭᠠᠯᠭᠠ ᠨᠡᠬᠡᠭᠡᠳ ᠵᠢᠭᠤᠲᠠᠨ ᠣᠳᠤᠯᠠ᠃
ᠺᠠᠹᠠᠲ᠋ᠦᠰ ᠬᠤᠷᠳᠤᠯᠠᠭᠠᠷᠠᠢ᠃
ᠶᠠᠭᠤ!?
ᠬᠠ ᠬᠠ ᠬᠠ
ᠨᠢᠭᠡ ᠬᠡᠳᠦ ᠬᠣᠨᠣᠭ ᠤ᠋ᠨ ᠳᠠᠷᠠᠭᠠ ᠭᠦᠩᠵᠦ ᠨᠠᠷᠢᠨ ᠪᠣᠣᠪᠣ ᠶ᠋ᠢᠨ ᠭᠠᠵᠠᠷ ᠠᠵᠢᠯ ᠬᠢᠯᠡ᠃ ᠭᠡᠪᠡᠴᠦ ᠳᠠᠬᠢᠭᠠᠳ ᠯᠠ ᠬᠤᠪᠢ ᠲᠠᠪᠢᠯᠠᠩ ᠨᠢ ᠬᠦᠷᠴᠦ ᠢᠷᠡᠭᠡᠳ ᠪᠦᠭᠦᠳᠡ ᠶ᠋ᠢ ᠲᠦᠢᠳᠬᠡᠵᠦ ᠣᠷᠬᠢᠬᠤ ᠨᠢ ᠲᠡᠷᠡ ᠠ᠋᠃
ᠬᠠ᠂᠂᠂᠂ ᠵᠢᠭᠤᠲᠠ᠃
ᠦ᠂ ᠦ᠂ ᠬᠤᠷᠳᠤᠯᠠᠭᠠᠷᠠᠢ᠃ ᠺᠠᠹᠠᠲ᠋ᠦᠰ᠂ ᠵᠢᠭᠤᠲᠠ᠃
ᠶᠠᠭᠤ!? ᠳᠠᠬᠢᠭᠠᠳ ᠤᠤ?
ᠡᠢᠨᠬᠦ ᠤᠷᠲᠤ ᠤᠳᠠᠭᠠᠨ ᠠᠷᠪᠠᠨ ᠨᠢᠭᠡᠨ ᠰᠠᠷᠠ ᠶ᠋ᠢᠨ ᠲᠤᠷᠰᠢ ᠭᠦᠩᠵᠦ ᠶ᠋ᠢ ᠬᠠᠮᠢᠭᠠ ᠨᠢᠭᠡ ᠣᠴᠢᠬᠤ ᠪᠦᠷᠢ ᠳ᠋ᠦᠨᠢ ᠬᠤᠪᠢ ᠲᠠᠪᠢᠯᠠᠩ ᠨᠢ ᠣᠯᠵᠤ ᠣᠴᠢᠭᠠᠳ ᠭᠦᠩᠵᠦ ᠶ᠋ᠢ ᠬᠦᠴᠦ ᠪᠡᠷ ᠵᠢᠭᠤᠲᠠᠭᠠᠬᠤ ᠠ᠋ᠴᠠ ᠥᠭᠡᠷᠡ ᠠᠷᠭᠠ ᠦᠭᠡᠢ ᠪᠣᠯᠭᠠᠳᠠᠭ ᠪᠠᠢᠪᠠ᠃ ᠡᠴᠦᠰ ᠲᠦ᠋ᠨᠢ ᠭᠦᠩᠵᠦ ᠰᠡᠭᠦᠯᠴᠢ ᠶ᠋ᠢᠨ ᠠᠢᠯ ᠠ᠋ᠴᠠ ᠥᠭᠡᠷᠡ ᠵᠢᠭᠤᠲᠠᠬᠤ ᠠ᠋ᠴᠠ ᠪᠠᠨ ᠠᠷᠭᠠ ᠦᠭᠡᠢ ᠪᠣᠯᠤᠭᠰᠠᠨ ᠪᠠᠢᠨᠠ᠃ ᠪᠦᠷ ᠰᠡᠳᠬᠢᠯ ᠢ᠋ᠶ᠋ᠡᠷ ᠤᠨᠠᠭᠰᠠᠨ ᠭᠦᠩᠵᠦ ᠠᠨᠢᠷ ᠴᠢᠮᠡᠭᠡ ᠦᠭᠡᠢ ᠨᠠᠭᠤᠷ ᠤ᠋ᠨ ᠡᠷᠭᠢᠨ ᠳᠡᠭᠡᠷᠡ ᠰᠠᠭᠤᠭᠠᠳ ᠥᠩᠭᠡᠷᠡᠭᠰᠡᠨ ᠠᠮᠢᠳᠤᠷᠠᠯ ᠢ᠋ᠶ᠋ᠠᠨ ᠡᠷᠭᠢᠴᠡᠭᠦᠯᠦᠨ ᠪᠣᠳᠣᠵᠤ ᠦᠵᠡᠯᠡ᠃
ᠡᠩ᠂ ᠡᠩ
ᠶᠠᠭᠤᠨ ᠠ᠋ᠴᠠ ᠠᠶᠤᠭᠠᠳ ᠢᠩᠭᠢᠵᠦ ᠵᠢᠭᠤᠲᠠᠭᠠᠳ ᠪᠠᠢᠭᠠ ᠶᠤᠮ ᠪᠣᠢ? ᠮᠢᠨᠦ ᠮᠡᠳᠡᠬᠦ ᠺᠠᠲ᠋ᠠᠷᠢᠨ ᠭᠦᠩᠵᠦ ᠨᠣᠮ ᠳ᠋ᠤ᠌ ᠳᠤᠷᠠᠲᠠᠢ᠂ ᠥᠭᠡᠷᠡ ᠬᠡᠳᠦ ᠬᠡᠳᠦᠨ ᠬᠠᠴᠢᠨ ᠡᠲᠡᠭᠡᠳ ᠵᠠᠩ ᠲᠠᠢ ᠪᠣᠯᠪᠠᠴᠤ ᠬᠡᠵᠢᠶᠡ ᠴᠦ᠍ ᠪᠠᠭᠤᠵᠤ ᠥᠭᠳᠡᠭ ᠦᠭᠡᠢ ᠪᠠᠢᠭᠰᠠᠨ ᠰᠢᠦ ᠳᠡ᠃
ᠲᠡᠢᠮᠦ ᠠ᠋᠂ ᠴᠢᠨᠦ ᠵᠥᠪ᠃ ᠬᠤᠪᠢ ᠲᠠᠪᠢᠯᠠᠩ ᠳ᠋ᠠᠭᠠᠨ ᠭᠣᠮᠣᠳᠠᠭᠠᠳ ᠡᠨᠳᠡ ᠢᠩᠭᠢᠭᠡᠳ ᠰᠠᠭᠤᠵᠤ ᠪᠤᠯᠠᠬᠤ ᠦᠭᠡᠢ᠂ ᠬᠤᠪᠢ ᠲᠠᠪᠢᠯᠠᠩ ᠢ᠋ᠶ᠋ᠠᠨ ᠪᠢ ᠥᠪᠡᠷ ᠢ᠋ᠶ᠋ᠡᠨ ᠰᠢᠢᠳᠦᠨᠡ᠃
ᠲᠡᠢᠮᠦ ᠠ᠋᠂ ᠡᠩ᠂ ᠶᠠᠭ ᠶᠠᠭᠤ ᠭᠡᠰᠡᠨ ᠢ᠋ ᠨᠢ ᠣᠢᠯᠭᠠᠭᠰᠠᠨ ᠦᠭᠡᠢ᠃
ᠢᠩᠭᠢᠭᠡᠳ ᠺᠠᠲ᠋ᠠᠷᠢᠨ ᠦᠷ ᠦ᠋ᠨ ᠭᠡᠭᠡ ᠤᠯᠤᠰ ᠤ᠋ᠨ ᠨᠡᠢᠰᠯᠡᠯ ᠤᠷᠤᠭᠤ ᠶᠠᠪᠤᠪᠠ᠃
ᠦᠷ ᠦ᠋ᠨ ᠭᠡᠭᠡ ᠤᠯᠤᠰ ᠤ᠋ᠨ ᠬᠠᠭᠠᠨ ᠲᠠᠢ ᠠᠭᠤᠯᠵᠠᠵᠤ< ᠲᠤᠰᠠᠯᠠᠭᠠᠴᠢ> ᠭᠡᠵᠦ ᠭᠤᠶᠤᠬᠤ ᠪᠠᠷ ᠣᠴᠢᠯᠠ᠃
ᠪᠸᠷᠨᠡᠷᠲ ᠬᠠᠭᠠᠨ ᠳ᠋ᠤ᠌ ᠪᠣᠳᠣᠬᠤ ᠶᠠᠭᠤᠮᠠ ᠶᠡᠬᠡ ᠪᠠᠢᠭᠠ᠃ ᠬᠡᠨ ᠲᠡᠢ ᠴᠦ᠍ ᠠᠭᠤᠯᠵᠠᠬᠤ ᠦᠭᠡᠢ᠃ ᠲᠠᠷᠢᠶᠠᠴᠢᠨ ᠤ᠋ ᠠᠴᠢᠭᠰᠠᠨ ᠱᠠᠯᠠᠭᠠ ᠶ᠋ᠢ ᠰᠢᠢᠳᠴᠦ ᠴᠢᠳᠠᠬᠤ ᠬᠥᠮᠦᠨ ᠪᠠᠢᠪᠠᠯ ᠠᠭᠤᠯᠵᠠᠨᠠ ᠭᠡᠰᠡᠨ᠃
ᠲᠠᠷᠢᠶᠠᠴᠢᠨ ᠤ᠋ ᠠᠴᠢᠭᠰᠠᠨ ᠱᠠᠯᠠᠭᠠ ᠭᠡᠨᠡ ᠠ᠋?
ᠣᠨᠢᠰᠣᠭᠠ ᠳᠠᠭᠠᠪᠤᠷᠢ ᠪᠠᠢᠭᠠ ᠶᠤᠮ᠃ ᠬᠠᠭᠠᠨ ᠮᠠᠨᠢ ᠳᠠᠭᠠᠪᠤᠷᠢ ᠶ᠋ᠢ ᠳᠠᠭᠠᠭᠰᠠᠨ ᠬᠥᠮᠦᠨ ᠳ᠋ᠦ᠍ ᠬᠡᠮᠵᠢᠶᠡᠯᠡᠰᠢ ᠦᠭᠡᠢ ᠶᠡᠬᠡ ᠠᠯᠲᠠ ᠡᠷᠳᠡᠨᠢᠰ ᠥᠭᠭᠦᠨᠡ ᠭᠡᠵᠦ ᠠᠮᠠᠯᠠᠭᠰᠠᠨ᠃ᠦᠨᠡᠨ ᠢ᠋ ᠬᠡᠯᠡᠬᠦ ᠳ᠋ᠦ᠍ ᠬᠠᠭᠠᠨ ᠤ᠋ ᠬᠤᠪᠢ ᠲᠠᠪᠢᠯᠠᠩ ᠬᠦᠷᠴᠦ ᠢᠷᠡᠭᠡᠳ ᠢᠩᠭᠢᠵᠦ ᠬᠡᠯᠡᠭᠰᠡᠨ ᠶᠦᠮ᠃ ᠡᠨᠡ ᠳᠠᠭᠠᠪᠤᠷᠢ ᠶ᠋ᠢ ᠳᠠᠭᠠᠵᠤ ᠴᠢᠳᠠᠪᠠᠯ ᠮᠥᠷᠥᠭᠡᠳᠦᠯ ᠦ᠋ᠨ ᠢ᠋ᠶ᠋ᠡᠨ ᠪᠦᠰᠡᠭᠦᠢ ᠲᠡᠢ ᠲᠠᠨᠢᠯᠴᠠᠨᠠ ᠭᠡᠵᠦ ᠬᠡᠯᠡᠭᠰᠡᠨ ᠶᠦᠮ᠃
ᠶᠠᠮᠠᠷ ᠣᠨᠢᠰᠣᠭᠠ ᠶ᠋ᠢᠨ!?
ᠵᠠ᠂ ᠪᠢ ᠴᠢᠮᠠ ᠳ᠋ᠤ᠌ ᠬᠡᠯᠡᠶᠡ᠃
ᠨᠢᠭᠡ ᠲᠠᠷᠢᠶᠠᠴᠢᠨ ᠭᠣᠣᠯ ᠭᠠᠲᠤᠯᠬᠤ ᠭᠡᠵᠦ ᠵᠠᠪᠢᠨ ᠳᠡᠭᠡᠷᠡ ᠢᠷᠡᠯᠡ᠃ ᠵᠠᠬᠠ ᠳᠡᠭᠡᠷᠡ ᠡᠴᠡ ᠨᠢᠭᠡ ᠦᠨᠡᠭᠡ᠂ ᠨᠢᠭᠡ ᠲᠠᠬᠢᠶᠠ᠂ ᠰᠢᠭᠤᠳᠠᠢ ᠳᠦᠭᠦᠷᠡᠩ ᠦᠷᠡ ᠲᠠᠷᠢᠶᠠ ᠠᠪᠴᠢᠷᠠᠵᠠᠢ᠃ ᠭᠡᠨᠡᠳᠲᠡ ᠠᠴᠢᠭᠰᠠᠨ ᠱᠠᠯᠠᠭᠠ ᠨᠢ ᠳᠣᠭᠣᠭᠰᠢᠯᠠᠨ ᠪᠠᠢᠪᠠ᠃ ᠲᠡᠷᠡ ᠡᠵᠡᠨ ᠦ᠌ ᠵᠠᠪᠢᠨ ᠳᠡᠭᠡᠷᠡ ᠨᠢᠭᠡ ᠤᠳᠠᠭᠠ ᠳ᠋ᠤ᠌ ᠨᠢᠭᠡ ᠯᠡ ᠶᠠᠭᠤᠮᠠ ᠠᠴᠢᠬᠤ ᠪᠣᠯᠤᠮᠵᠢ ᠲᠠᠢ ᠭᠡᠨᠡ᠃ ᠬᠣᠶᠠᠷ ᠶᠠᠭᠤᠮᠠ ᠠᠴᠢᠪᠠᠯ ᠵᠠᠪᠢ ᠨᠢ ᠳᠠᠭᠠᠬᠤ ᠦᠭᠡᠢ ᠬᠥᠮᠥᠷᠢᠨᠡ᠃ ᠲᠠᠷᠢᠶᠠᠴᠢᠨ ᠦᠨᠡᠭᠡ ᠲᠠᠬᠢᠶᠠ ᠬᠣᠶᠠᠷ ᠢ᠋ ᠦᠯᠡᠳᠡᠭᠡᠬᠦ ᠪᠣᠯᠤᠮᠵᠢ ᠦᠭᠡᠢ᠃ ᠦᠨᠡᠭᠡ ᠲᠠᠬᠢᠶᠠ ᠶ᠋ᠢ ᠪᠠᠷᠢᠭᠠᠳ ᠢᠳᠡᠴᠢᠬᠡᠨᠡ᠃ ᠲᠡᠭᠡᠯᠡ ᠭᠡᠳ ᠲᠠᠬᠢᠶᠠ ᠪᠠᠨ ᠦᠷᠡ ᠲᠠᠷᠢᠶᠠ ᠲᠠᠢ ᠬᠠᠮᠲᠤ ᠦᠯᠡᠳᠡᠭᠡᠵᠦ ᠪᠣᠯᠬᠤ ᠦᠭᠡᠢ᠃ ᠲᠠᠬᠢᠶᠠ ᠪᠦᠭᠦᠳᠡ ᠶ᠋ᠢ ᠢᠳᠡᠴᠢᠬᠡᠨᠡ᠃ ᠲᠠᠷᠢᠶᠠᠴᠢᠨ ᠡᠨᠡ ᠭᠤᠷᠪᠠ ᠶ᠋ᠢ ᠶᠠᠭᠠᠬᠢᠵᠤ ᠭᠣᠣᠯ ᠤ᠋ᠨ ᠨᠥᠭᠦᠭᠡ ᠲᠠᠯᠠ ᠳ᠋ᠤ᠌ ᠭᠠᠷᠭᠠᠭᠰᠠᠨ ᠶᠤᠮ ᠪᠣᠯ ᠠ᠋᠃
ᠪᠢ ᠮᠡᠳᠡᠬᠦ ᠶᠦᠮ ᠪᠠᠢᠨᠠ᠃ ᠵᠠ᠂ ᠲᠡᠭᠡᠬᠦ ᠪᠡᠷ ᠨᠠᠮᠠ ᠶ᠋ᠢ ᠬᠠᠭᠠᠨ ᠳᠡᠭᠡᠷᠡ ᠬᠦᠷᠭᠡᠵᠦ ᠥᠭᠬᠦ ᠦᠭᠡᠢ ᠤᠤ? ᠪᠢ ᠣᠨᠢᠰᠣᠭᠠ ᠶ᠋ᠢ ᠨᠢ ᠳᠠᠭᠠᠵᠤ ᠥᠭᠭᠦᠶᠡ᠃ ᠠᠯᠲᠠ ᠠᠪᠪᠠᠯ ᠲᠠ ᠬᠣᠶᠠᠷ ᠲᠤ᠌ ᠪᠦᠭᠦᠳᠡ ᠶ᠋ᠢ ᠨᠢ ᠬᠤᠪᠢᠶᠠᠵᠤ ᠥᠭᠭᠦᠨᠡ᠃
ᠬᠠᠷᠠᠭᠤᠯ ᠤ᠋ᠳ ᠭᠦᠩᠵᠦ ᠶ᠋ᠢ ᠣᠷᠳᠣᠨ ᠳ᠋ᠤ᠌ ᠳᠠᠭᠠᠭᠤᠯᠤᠨ ᠣᠷᠣᠯᠠ᠃
ᠪᠢᠷᠨᠠᠷᠲ ᠬᠠᠭᠠᠨ ᠬᠤᠷᠳᠤᠬᠠᠨ ᠰᠢᠭ᠋ ᠬᠠᠷᠢᠭᠤᠯᠲᠠ ᠶ᠋ᠢ ᠰᠣᠨᠣᠰᠬᠤ ᠶ᠋ᠢ ᠬᠦᠰᠡᠵᠦ ᠪᠠᠢᠯᠠ᠃
ᠲᠠᠷᠢᠶᠠᠴᠢᠨ ᠤ᠋ ᠠᠴᠢᠭᠰᠠᠨ ᠱᠠᠯᠠᠭᠠ ᠣᠨᠢᠰᠣᠭᠠ ᠶ᠋ᠢ ᠳᠠᠭᠠᠵᠤ ᠴᠢᠳᠠᠨᠠ ᠭᠡᠰᠡᠨ ᠤᠤ?
ᠲᠡᠢᠮᠦ ᠠ᠋᠂ ᠦᠨᠡᠨ ᠢ᠋ ᠬᠡᠯᠡᠬᠦ ᠳ᠋ᠦ᠍ ᠡᠨᠡ ᠶᠡᠬᠡ ᠠᠮᠠᠷᠬᠠᠨ᠃
ᠲᠡᠭᠡᠪᠡᠯ ᠬᠡᠯᠡᠭᠡᠴᠢ!
ᠡᠬᠢᠯᠡᠭᠡᠳ ᠲᠠᠷᠢᠶᠠᠴᠢᠨ ᠲᠠᠬᠢᠶᠠ ᠪᠠᠨ ᠠᠪᠴᠤ ᠭᠣᠣᠯ ᠭᠠᠲᠤᠯᠬᠤ ᠳ᠋ᠤ᠌ ᠦᠨᠡᠭᠡ ᠦᠷᠡ ᠲᠠᠷᠢᠶᠠ ᠬᠣᠶᠠᠷ ᠡᠷᠭᠢ ᠳᠡᠭᠡᠷᠡ ᠦᠯᠡᠳᠡᠨᠡ᠃
ᠳᠠᠷᠠᠭᠠ ᠨᠢ ᠦᠨᠡᠭᠡ ᠪᠡᠨ ᠠᠪᠴᠤ ᠶᠠᠪᠤᠨᠠ᠃ ᠦᠨᠡᠭᠡ ᠪᠡᠨ ᠭᠣᠣᠯ ᠤ᠋ᠨ ᠨᠥᠭᠦᠭᠡ ᠲᠠᠯᠠ ᠳ᠋ᠤ᠌ ᠦᠯᠡᠳᠡᠭᠡᠳ ᠲᠠᠬᠢᠶᠠ ᠪᠠᠨ ᠵᠠᠪᠢᠨ ᠳ᠋ᠠᠭᠠᠨ ᠰᠠᠭᠤᠯᠭᠠᠭᠠᠳ ᠪᠤᠴᠠᠭᠠᠳ ᠡᠷᠭᠢ ᠳᠡᠭᠡᠷᠡ ᠪᠡᠨ ᠢᠷᠡᠨᠡ᠃ ᠲᠡᠭᠡᠭᠡᠳ ᠳᠠᠷᠠᠭᠠ ᠨᠢ ᠲᠠᠬᠢᠶᠠ ᠪᠠᠨ ᠦᠯᠡᠳᠡᠭᠡᠭᠡᠳ ᠦᠷᠡ ᠲᠠᠷᠢᠶᠠ ᠪᠠᠨ ᠠᠪᠴᠤ ᠶᠠᠪᠤᠨᠠ᠃ ᠲᠡᠭᠡᠪᠡᠯ ᠦᠨᠡᠭᠡ ᠦᠷᠡ ᠲᠠᠷᠢᠶᠠ ᠶ᠋ᠢ ᠢᠳᠡᠵᠦ ᠴᠢᠳᠠᠬᠤ ᠦᠭᠡᠢ᠃ ᠡᠴᠦᠰ ᠲᠦ᠋ᠨᠢ ᠲᠠᠬᠢᠶᠠ ᠪᠠᠨ ᠠᠪᠤᠭᠠᠳ ᠢᠷᠡᠪᠡᠯ ᠡᠴᠦᠰ ᠲᠦ᠋ᠨᠢ ᠬᠡᠨ ᠢ᠋ ᠨᠢ ᠢᠳᠡᠭᠦᠯᠬᠦ ᠦᠭᠡᠢ ᠪᠡᠷ ᠭᠣᠣᠯ ᠤ᠋ᠨ ᠨᠥᠭᠦᠭᠡ ᠡᠷᠭᠢ ᠳᠡᠭᠡᠷᠡ ᠭᠠᠷᠭᠠᠵᠤ ᠴᠢᠳᠠᠨᠠ᠃
ᠠ!? ᠭᠠᠢᠬᠠᠯᠲᠠᠢ᠃ ᠳᠠᠭᠠᠪᠤᠷᠢ ᠶ᠋ᠢ ᠳᠠᠭᠠᠴᠢᠬᠠᠯᠠ᠃ ᠳᠠᠭᠠᠴᠢᠬᠠᠯᠠ ᠰᠢᠲᠠ᠃ ᠦᠭᠡᠢ᠂ ᠶᠠᠭᠠᠬᠢᠵᠤ ᠳᠠᠭᠠᠴᠢᠬᠠᠪᠠ!?
ᠦᠨᠡᠨ ᠢ᠋ ᠬᠡᠯᠡᠬᠦ ᠳ᠋ᠦ᠍ ᠪᠢ ᠣᠷᠳᠣᠨ ᠳ᠋ᠤ᠌ ᠪᠠᠨ ᠪᠠᠢᠬᠤ ᠳ᠋ᠤ᠌ ᠪᠠᠨ ᠮᠠᠰᠢ ᠣᠯᠠᠨ ᠣᠨᠢᠰᠣᠭᠠ ᠳᠠᠭᠠᠪᠤᠷᠢ ᠲᠠᠢ ᠨᠣᠮ ᠤᠩᠰᠢᠳᠠᠭ ᠪᠠᠢᠭᠰᠠᠨ ᠶᠤᠮ᠃
ᠣᠷᠳᠣᠨ ᠳ᠋ᠤ᠌ ᠪᠠᠨ ᠭᠡᠨᠡ?
ᠺᠠᠲ᠋ᠠᠷᠢᠨ ᠢᠩᠭᠢᠭᠡᠳ ᠬᠠᠨ ᠬᠦᠦ ᠳ᠋ᠦ᠍ ᠥᠪᠡᠷ ᠦ᠋ᠨ ᠠᠶᠤᠮᠰᠢᠭᠲᠤ ᠠᠮᠢᠳᠤᠷᠠᠯ ᠢ᠋ ᠶᠠᠷᠢᠵᠤ ᠥᠭᠭᠦᠯᠡ᠃
ᠴᠢ ᠨᠣᠷᠸᠠᠢ ᠤᠯᠤᠰ ᠤ᠋ᠨ ᠭᠠᠵᠠᠷ ᠤ᠋ᠨ ᠭᠦᠩᠵᠦ ᠭᠡᠵᠦ ᠤᠤ?
ᠲᠡᠢᠮᠦ ᠠ᠋᠂ ᠡᠷᠬᠢᠮᠲᠥ ᠡᠵᠡᠨ ᠠ᠋᠃ ᠠᠴᠢ ᠶ᠋ᠢ ᠴᠢᠨᠢ ᠪᠢ ᠮᠠᠷᠲᠠᠬᠤ ᠦᠭᠡᠢ᠃ ᠡᠵᠡᠨᠲᠦ ᠤᠯᠤᠰ ᠢ᠋ᠶ᠋ᠠᠨ ᠡᠷᠭᠢᠭᠦᠯᠵᠦ ᠠᠪᠬᠤ ᠳ᠋ᠤ᠌ ᠮᠢᠨᠢ ᠲᠤᠰᠠᠯᠠᠭᠠᠴᠢ᠃ ᠲᠠᠨ ᠤ᠋ ᠴᠡᠷᠢᠭ ᠠᠷᠪᠢᠨ᠂ ᠫᠠᠨᠲ᠋ᠤ ᠬᠠᠭᠠᠨ ᠢ᠋ ᠠᠮᠠᠷᠬᠠᠨ ᠬᠥᠭᠡᠭᠡᠳ ᠶᠠᠪᠤᠭᠤᠯᠴᠢᠬᠠᠵᠤ ᠴᠢᠳᠠᠨᠠ᠃
ᠨᠠᠮᠠ ᠶ᠋ᠢ ᠵᠦᠭᠡᠷ ᠯᠡ ᠪᠢᠷᠨᠠᠷᠲ ᠭᠡᠵᠦ ᠳᠠᠭᠤᠳᠠ᠃ ᠲᠡᠭᠡᠭᠡᠳ ᠴᠦ᠍ ᠪᠢ ᠴᠢᠮᠠ ᠳ᠋ᠤ᠌ ᠲᠤᠰᠠᠯᠠᠨᠠ᠃
ᠮᠠᠷᠭᠠᠰᠢ ᠥᠷᠯᠥᠭᠡ ᠨᠢ ᠡᠷᠲᠡ ᠨᠣᠷᠸᠠᠢ ᠡᠵᠡᠨᠲᠦ ᠤᠯᠤᠰ ᠢ᠋ ᠭᠦᠨ ᠨᠣᠢᠷ ᠠ᠋ᠴᠠ ᠪᠠᠨ ᠰᠡᠷᠡᠵᠦ ᠠᠮᠵᠢᠭᠠ ᠦᠭᠡᠢ ᠪᠠᠢᠬᠤ ᠳ᠋ᠤ᠌ ᠪᠢᠷᠨᠠᠷᠲ ᠬᠠᠭᠠᠨ ᠭᠠᠵᠠᠷ ᠤ᠋ᠨ ᠭᠦᠩᠵᠦ ᠲᠡᠢ ᠬᠠᠮᠲᠤ ᠨᠣᠷᠸᠠᠢ ᠤᠯᠤᠰ ᠤᠷᠤᠭᠤ ᠳᠠᠭᠠᠷᠢᠵᠤ ᠣᠷᠳᠣᠨ ᠢ᠋ ᠪᠤᠴᠠᠭᠠᠨ ᠠᠪᠴᠠᠢ᠃
ᠫᠠᠨᠲ᠋ᠤ ᠬᠠᠭᠠᠨ ᠣᠷᠣᠨ ᠠ᠋ᠴᠠ ᠪᠠᠨ ᠪᠣᠰᠤᠭᠠ ᠦᠭᠡᠢ ᠪᠠᠢᠵᠤ ᠪᠠᠢᠭᠠᠳ ᠪᠠᠷᠢᠭᠳᠠᠨ ᠱᠣᠷᠣᠩ ᠳ᠋ᠤ᠌ ᠬᠣᠷᠢᠭᠳᠠᠯᠠ᠃
ᠲᠡᠭᠡᠭᠡᠳ ᠨᠣᠷᠸᠠᠢ ᠤᠯᠤᠰ ᠤ᠋ᠨ ᠬᠠᠭᠤᠴᠢᠨ ᠰᠠᠢᠳ ᠴᠡᠷᠢᠭ ᠦ᠋ᠳ ᠢ᠋ ᠨᠢ ᠪᠦᠭᠦᠳᠡ ᠶ᠋ᠢ ᠨᠢ ᠱᠣᠷᠣᠩ ᠠ᠋ᠴᠠ ᠰᠤᠯᠠᠯᠠᠯᠠ᠃
ᠭᠦᠩᠵᠦ ᠠ᠋᠂ ᠲᠠ ᠪᠢᠳᠡᠨ ᠢ᠋ ᠠᠪᠤᠷᠠᠬᠤ ᠪᠠᠷ ᠢᠷᠡᠭᠰᠡᠨ ᠶᠦᠮ ᠪᠠᠢᠨᠠ᠃ ᠦᠭᠡᠢ᠃ ᠬᠠᠲᠤᠨ ᠬᠠᠭᠠᠨᠲᠠᠨ ᠠ᠋᠃
ᠪᠦᠷ ᠡᠷᠲᠡ ᠢᠷᠡᠵᠦ ᠴᠢᠳᠠᠭᠠ ᠦᠭᠡᠢ ᠳ᠋ᠦ᠍ ᠠᠭᠤᠴᠢᠯᠠᠭᠠᠷᠠᠢ᠃ ᠬᠤᠪᠢ ᠲᠠᠪᠢᠯᠠᠩ ᠲᠠᠢ ᠪᠠᠨ ᠲᠡᠮᠡᠴᠡᠯᠳᠦᠭᠡᠳ ᠤᠳᠠᠴᠢᠬᠠᠯᠠ᠃
ᠺᠠᠲ᠋ᠠᠷᠢᠨ ᠭᠦᠩᠵᠦ ᠶ᠋ᠢ ᠡᠷᠭᠢᠨ ᠢᠷᠡᠭᠰᠡᠨ ᠢ᠋ ᠳᠤᠭᠤᠯᠤᠭᠠᠳ ᠤᠯᠤᠰ ᠣᠷᠣᠨ ᠳᠠᠶᠠᠭᠠᠷ ᠢ᠋ᠶ᠋ᠠᠨ ᠪᠠᠶᠠᠷᠯᠠᠨ ᠤᠭᠲᠤᠵᠠᠢ᠃
ᠢᠩᠭᠢᠭᠡᠳ ᠺᠠᠲ᠋ᠠᠷᠢᠨ ᠭᠦᠩᠵᠦ ᠬᠠᠲᠤᠨ ᠬᠠᠭᠠᠨ ᠪᠣᠯᠤᠯᠠ᠃
ᠨᠣᠷᠸᠠᠢ ᠶ᠋ᠢᠨ ᠬᠠᠲᠤᠨ ᠬᠠᠭᠠᠨ ᠮᠠᠨᠳᠤᠲᠤᠭᠠᠢ᠂ ᠨᠣᠷᠸᠠᠢ ᠶ᠋ᠢᠨ ᠬᠠᠲᠤᠨ ᠬᠠᠭᠠᠨ ᠮᠠᠨᠳᠤᠲᠤᠭᠠᠢ᠃
ᠺᠠᠲ᠋ᠠᠷᠢᠨ ᠬᠠᠲᠤᠨ ᠬᠠᠭᠠᠨ ᠤᠤ? ᠶᠡᠬᠡ ᠤᠬᠠᠭᠠᠨ ᠲᠠᠢ᠂ ᠪᠢ ᠬᠠᠲᠤᠨ ᠬᠠᠭᠠᠨ ᠰᠢᠭ᠋ ᠬᠥᠮᠦᠨ ᠪᠣᠯᠤᠨᠠ᠃
ᠨᠢᠳᠦᠨ ᠰᠢᠯ ᠲᠡᠢ ᠭᠦᠩᠵᠦ ᠤᠤ? ᠮᠡᠳᠡᠭᠡᠵᠢ ᠰᠠᠢᠨ ᠪᠠᠢᠯᠭᠦᠢ ᠶᠠᠭᠠᠬᠢᠬᠤᠪ᠃
ᠺᠠᠲ᠋ᠠᠷᠢᠨ ᠬᠠᠲᠤᠨ ᠬᠠᠭᠠᠨ ᠮᠠᠨᠳᠤᠲᠤᠭᠠᠢ᠃
ᠺᠠᠲ᠋ᠠᠷᠢᠨ ᠬᠠᠲᠤᠨ ᠬᠠᠭᠠᠨ
ᠺᠠᠲ᠋ᠠᠷᠢᠨ ᠬᠠᠲᠤᠨ ᠬᠠᠭᠠᠨ ᠰᠠᠢᠬᠠᠨ ᠰᠡᠳᠬᠢᠯ ᠲᠡᠢ ᠤᠳᠤᠷᠢᠳᠤᠭᠴᠢ ᠪᠣᠯᠵᠤ ᠨᠣᠷᠸᠠᠢ ᠤᠯᠤᠰ ᠤ᠋ᠨ ᠢ᠋ᠶ᠋ᠠᠨ ᠪᠦᠬᠦ ᠬᠥᠮᠦᠰ ᠦ᠋ᠨ ᠬᠠᠢᠷᠠ ᠶ᠋ᠢ ᠲᠠᠲᠠᠵᠤ ᠴᠢᠳᠠᠭᠰᠠᠨ ᠶᠤᠮ᠃ ᠤᠳᠠᠯ ᠦᠭᠡᠢ ᠬᠠᠪᠤᠷ ᠪᠣᠯᠵᠤ ᠺᠠᠲ᠋ᠠᠷᠢᠨ ᠬᠠᠲᠤᠨ ᠬᠠᠭᠠᠨ ᠪᠢᠷᠨᠠᠷᠲ ᠬᠠᠭᠠᠨ ᠲᠠᠢ ᠭᠡᠷᠯᠡᠵᠦ ᠡᠵᠡᠨᠲᠦ ᠤᠯᠤᠰ ᠲᠤ᠌ ᠬᠥᠯ ᠲᠡᠢ ᠨᠠᠢᠷ ᠨᠠᠭᠠᠳᠤᠮ ᠪᠣᠯᠤᠭᠰᠠᠨ ᠶᠤᠮ᠃
ᠴᠢ ᠦᠨᠡᠬᠡᠷ ᠬᠥᠭᠡᠷᠦᠬᠦᠢ ᠶᠦᠮ ᠠ᠋᠃
ᠴᠢᠮᠠ ᠶ᠋ᠢ ᠬᠡᠨ ᠭᠡᠳᠡᠭ ᠤᠤ?
ᠢᠩᠭᠢᠬᠦ ᠳ᠋ᠦ᠍ ᠨᠠᠳᠠ ᠲᠠᠢ᠂᠂᠂᠂
ᠬᠡᠷᠡᠭ ᠦᠭᠡᠢ᠃
ᠬᠡᠷᠡᠭ ᠦᠭᠡᠢ ᠭᠡᠨᠡ᠃ ᠶᠠᠮᠠᠷ ᠰᠣᠳᠣᠨ ᠨᠡᠷᠡ ᠪᠣᠢ? ᠲᠡᠢᠮᠦ ᠪᠠᠢᠭᠠ ᠪᠢᠵᠡ ᠳᠡ?
ᠬᠦᠢ᠂ ᠬᠡᠷᠡᠭ ᠦᠭᠡᠢ᠃ ᠬᠠᠮᠢᠭᠠ ᠣᠴᠢᠬᠤ ᠭᠡᠵᠦ ᠪᠠᠢᠭᠠ ᠶᠤᠮ ᠪᠣᠢ?
ᠬᠠ ᠬᠠ ᠬᠠ
ᠢᠩᠭᠢᠭᠡᠳ ᠭᠦᠩᠵᠦ ᠳᠠᠭᠠᠵᠤ ᠪᠠᠢᠭᠰᠠᠨ ᠬᠤᠪᠢ ᠲᠠᠪᠢᠯᠠᠩ ᠳᠠᠬᠢᠵᠤ ᠢᠷᠡᠭᠡ ᠦᠭᠡᠢ ᠭᠡᠳᠡᠭ᠃
ᠭᠦᠩᠵᠦ ᠥᠪᠡᠷ ᠦ᠋ᠨ ᠵᠠᠮ ᠢ᠋ ᠰᠣᠩᠭᠣᠵᠤ ᠬᠤᠪᠢ ᠲᠠᠪᠢᠯᠠᠩ ᠢ᠋ᠶ᠋ᠠᠨ ᠬᠥᠮᠦᠨ ᠥᠪᠡᠷ ᠢ᠋ᠶ᠋ᠡᠨ ᠰᠣᠩᠭᠣᠳᠠᠭ ᠢ᠋ ᠪᠠᠲᠤᠯᠠᠭᠰᠠᠨ ᠶᠤᠮ᠃
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠰᠣᠯᠣᠩᠭᠤᠸᠠ ᠂ ᠠᠰᠬᠠ
ᠦᠰᠦᠭ ᠬᠢᠨᠠᠭᠴᠢ᠄ ᠭᠠᠷᠮᠠ ᠢᠷᠡᠭᠡᠳᠦᠢ