ᠭᠠᠩᠬ᠋᠎ᠠ ᠶ᠋ᠢᠨ ᠤᠷᠤᠰᠬᠠᠯ – ᠴᠢᠩᠭᠢᠰ ᠡᠵᠡᠨ ᠪ ᠠᠯᠲᠠᠨ ᠤᠷᠤᠭ ᠦ᠋ᠨ ᠲᠡᠦᠬᠡ ᠺᠠᠩᠺᠠ ᠶ᠋ᠢᠨ ᠤᠷᠤᠰᠬᠠᠯ ᠨᠡᠷᠡᠲᠦ ᠪᠢᠴᠢᠭ ᠣᠷᠣᠰᠢᠪᠠ – ᠠ14 Гангын урсгал – Чингис эзний алтан ургийн түүх Канкны урсгал нэрт бичиг оршив –А14 ᠲᠡᠦᠬᠡ ᠰᠣᠶᠣᠯ

ᠭᠠᠩᠬ᠋᠎ᠠ ᠶ᠋ᠢᠨ ᠤᠷᠤᠰᠬᠠᠯ – ᠴᠢᠩᠭᠢᠰ ᠡᠵᠡᠨ ᠪ ᠠᠯᠲᠠᠨ ᠤᠷᠤᠭ ᠦ᠋ᠨ ᠲᠡᠦᠬᠡ ᠺᠠᠩᠺᠠ ᠶ᠋ᠢᠨ ᠤᠷᠤᠰᠬᠠᠯ ᠨᠡᠷᠡᠲᠦ ᠪᠢᠴᠢᠭ ᠣᠷᠣᠰᠢᠪᠠ – ᠠ14 Гангын урсгал – Чингис эзний алтан ургийн түүх Канкны урсгал нэрт бичиг оршив –А14

ᠴᠢᠩᠭᠢᠰ ᠡᠵᠡᠨ ᠪ ᠠᠯᠲᠠᠨ ᠤᠷᠤᠭ ᠦ᠋ᠨ ᠲᠡᠦᠬᠡ ᠺᠠᠩᠺᠠ ᠶ᠋ᠢᠨ ᠤᠷᠤᠰᠬᠠᠯ ᠨᠡᠷᠡᠲᠦ ᠪᠢᠴᠢᠭ ᠣᠷᠣᠰᠢᠪᠠ

ᠬᠡᠰᠢᠭᠲᠡᠨ ᠦ ᠨᠣᠶᠠᠳ ᠤᠨ ᠤᠭ

                 ᠬᠡᠰᠢᠭᠲᠡᠨ ᠦ᠌ ᠨᠣᠶᠠᠳ ᠤ᠋ᠨ ᠤᠭ① 

    ᠭᠤᠲᠠᠭᠠᠷ ᠳᠥᠲᠥᠭᠡᠷ ᠲᠡᠭᠦᠨᠣ ( ᠳᠡᠭᠦᠦ ) ᠢᠨᠤ ᠤᠶᠢᠵᠦᠩ ᠲᠠᠶᠢᠴᠢᠩ ᠬᠣᠶᠠᠭᠤᠯᠠ ᠵᠡᠭᠦᠨ ᠭᠠᠷ ᠤ᠋ᠨ ᠲᠠᠪᠤᠨ ᠣᠲᠣᠭ ᠊ᠢ ᠲᠠᠷᠤᠭᠯᠠᠪᠠᠢ ᠃②       

— — — — 

① 《 ᠮᠣᠩᠭᠣᠯ ᠤ᠋ᠨ ᠨᠡᠭᠦᠬᠦ ᠮᠠᠯᠵᠢᠯ ᠤ᠋ᠨ ᠲᠡᠮᠳᠡᠭᠯᠡᠯ  》 ᠳ᠋ᠦ᠍ᠷ ᠲᠡᠮᠳᠡᠭᠯᠡᠭᠰᠡᠨ ᠢᠨᠤ ᠄ 《  ᠬᠡᠰᠢᠭᠲᠡᠨ ᠠᠢᠮᠠᠭ ᠠᠨᠤ  ᠮᠤᠯᠲᠤᠱᠢ ᠬᠠᠭᠠᠯᠭ᠎ᠠ  (古北口 ) ᠠ᠋ᠴᠠ ᠵᠡᠭᠦᠨ ᠬᠣᠢᠰᠢ ᠲᠠᠪᠤᠨ ᠵᠠᠭᠤᠨ ᠭᠠᠵᠠᠷ  ᠪᠤᠶᠤ ᠃ ᠨᠡᠢᠰᠯᠡᠯ ᠬᠣᠲᠠᠨ ᠳ᠋ᠤᠷ ᠬᠦᠷᠴᠦ ᠢᠷᠡᠬᠦ ᠢᠨᠤ ᠨᠠᠢ᠍ᠮᠠᠨ ᠵᠠᠭᠤᠨ ᠠᠷᠪᠠᠨ ᠭᠠᠵᠠᠷ ᠃ ᠵᠡᠭᠦᠨ ᠪᠠᠷᠠᠭᠤᠨ ᠬᠠᠷᠢᠯᠴᠠᠨ  ᠠᠯᠤᠰᠯᠠᠭᠰᠠᠨ ᠠᠨᠤ ᠭᠤᠷᠪᠠᠨ ᠵᠠᠭᠤ ᠭᠤᠴᠢᠨ ᠳᠥᠷᠪᠡᠨ ᠭᠠᠵᠠᠷ ᠂ ᠡᠮᠦᠨ᠎ᠡ ᠤᠮᠠᠷ᠎ᠠ ᠬᠠᠷᠢᠯᠴᠠᠨ ᠠᠯᠤᠰᠯᠠᠭᠰᠠᠨ ᠠᠨᠤ ᠭᠤᠷᠪᠠᠨ ᠵᠠᠭᠤ ᠲᠠᠪᠢᠨ ᠳᠣᠯᠣᠭᠠᠨ ᠭᠠᠵᠠᠷ ᠠᠵᠤᠭᠤ ᠃ ᠵᠡᠭᠦᠨ ᠡᠲᠡᠭᠡᠳ ᠢᠨᠤ ᠣᠩᠨᠢᠭᠤᠳ ᠵᠢᠴᠢ ᠪᠠᠭᠠᠷᠢᠨ ᠲᠠᠢ ᠵᠠᠬ᠎ᠠ ᠨᠡᠢᠯᠡᠵᠦᠬᠦᠢ ᠃ ᠪᠠᠷᠠᠭᠤᠨ ᠡᠲᠡᠭᠡᠳ ᠢᠨᠤ ᠬᠠᠭᠤᠴᠢᠳ ᠵᠢᠴᠢ ᠴᠠᠬᠠᠷ ᠤ᠋ᠨ ᠰᠢᠯᠤᠭᠤᠨ ᠬᠥᠬᠡ ᠬᠤᠰᠢᠭᠤᠨ ᠤ᠋ ᠠᠲᠤᠭᠣᠯᠬᠣ ᠭᠠᠵᠠᠷ ᠲᠤᠷ ᠵᠠᠬ᠎ᠠ  ᠨᠡᠢᠯᠡᠵᠦᠬᠦᠢ  ᠂ ᠡᠮᠦᠨ᠎ᠡ ᠡᠲᠡᠭᠡᠳ ᠢᠨᠤ ᠣᠩᠨᠢᠭᠤᠳ ᠲᠤᠷ ᠵᠠᠬ᠎ᠠ ᠨᠡᠢᠯᠡᠵᠦᠬᠦᠢ ᠂ ᠤᠮᠠᠷ᠎ᠠ ᠡᠲᠡᠭᠡᠳ ᠢᠨᠤ ᠦᠵᠦᠮᠦᠴᠢᠨ ᠳ᠋ᠦ᠍ᠷ ᠵᠠᠬ᠎ᠠ ᠨᠡᠢᠯᠡᠵᠦᠬᠦᠢ ᠃ ᠯᠢᠶᠣᠤ ᠤᠯᠤᠰ ᠤ᠋ᠨ ᠦᠶ᠎ᠡ ᠳ᠋ᠦ᠍ ᠳᠡᠭᠡᠳᠦ ᠨᠡᠢᠰᠯᠡᠯ ᠱᠠᠩ ᠵᠢᠩ ᠦ᠋ᠨ ᠵᠠᠮ ᠠᠭᠰᠠᠨ ᠠᠯᠲᠠᠨ ᠤᠯᠤᠰ ᠪᠣᠯᠬᠤ ᠦᠶ᠎ᠡ ᠳ᠋ᠦ᠍ ᠪᠡᠭᠡᠵᠢᠩ ᠦ᠋ᠨ ᠵᠠᠮ ᠳ᠋ᠤ᠌  ᠬᠠᠮᠢᠶᠠᠷᠤᠭᠳᠠᠵᠢ ᠂ ᠶᠤᠸᠠᠨ ᠤᠯᠤᠰ ᠤ᠋ᠨ ᠦᠶ᠎ᠡ ᠳ᠋ᠦ᠍ ᠱᠠᠩᠳᠤ ᠵᠢᠴᠢ ᠢᠩ ᠴᠠᠩ ᠤ᠋ᠨ ᠵᠠᠮ ᠳ᠋ᠤᠷ ᠬᠠᠷᠢᠶᠠᠯᠠᠭᠳᠠᠵᠤᠬᠤᠢ ᠂ ᠮᠢᠩ ᠤᠯᠤᠰ ᠤ᠋ᠨ ᠦᠶ᠎ᠡ ᠳ᠋ᠦ᠍ ᠮᠣᠩᠭᠣᠯ ᠳ᠋ᠤ᠌ ᠣᠷᠣᠪᠠ ᠃ ᠶᠤᠸᠠᠨ ᠤᠯᠤᠰ ᠤ᠋ᠨ ᠲᠠᠢᠽᠦ ᠶ᠋ᠢᠨ ᠠᠷᠪᠠᠨ ᠵᠢᠷᠭᠤᠳᠤᠭᠠᠷ ᠦᠶ᠎ᠡ ᠶ᠋ᠢᠨ ᠠᠴᠢ ᠸᠠᠴᠢᠷ ᠪᠣᠯᠣᠳ ᠠ᠋ᠴᠠ ᠳᠣᠷᠣᠭᠰᠢ ᠬᠣᠶᠠᠷ ᠦᠶ᠎ᠡ ᠤᠯᠠᠮᠵᠢᠯᠠᠭᠠᠳ ᠰᠡᠷᠡᠯᠲᠡᠢ ᠮᠡᠷᠭᠡᠨ ᠨᠣᠶᠠᠨ ᠤ᠋ ᠦᠶ᠎ᠡ ᠳ᠋ᠦ᠍ᠷ ᠲᠡᠭᠦᠨ ᠦ᠌ ᠬᠠᠷᠢᠶᠠᠲᠤ ᠠᠢᠮᠠᠭ ᠢ᠋ᠶ᠋ᠠᠨ ᠬᠡᠰᠢᠭᠲᠡᠨ ᠭᠡᠮᠡᠨ ᠨᠡᠷᠡᠢᠳᠴᠦᠬᠦᠢ  》 ᠭᠡᠵᠡᠢ ᠃  ᠴᠢᠩ ᠤᠯᠤᠰ ᠤ᠋ᠨ ᠦᠶ᠎ᠡ ᠳ᠋ᠦ᠍  ᠬᠡᠰᠢᠭᠲᠡᠨ ᠢ᠋ ᠨᠢᠭᠡ ᠬᠣᠰᠢᠭᠤ ᠪᠣᠯᠭᠠᠨ ᠵᠣᠣ ᠤᠳᠠ ᠶ᠋ᠢᠨ ᠴᠢᠭᠤᠯᠭᠠᠨ ᠳ᠋ᠤᠷ ᠵᠠᠬᠢᠷᠤᠭᠳᠠᠭᠤᠯᠵᠠᠢ ᠃  

② ᠮᠣᠩᠭᠣᠯ ᠰᠤᠷᠪᠤᠯᠵᠢ ᠪᠢᠴᠢᠭ ᠲᠦ᠍ ᠲᠠᠶᠠᠨ ᠬᠠᠭᠠᠨ ᠤ᠋ ᠲᠠᠪᠤᠳᠤᠭᠠᠷ ᠬᠥᠪᠡᠭᠦᠨ ᠠᠯᠴᠤ ᠪᠣᠯᠣᠳ ᠤ᠋ᠨ ᠬᠣᠢᠴᠢ ᠠᠴᠢ ᠨᠠᠷ ᠲᠤᠷ ᠣᠪᠰᠢ ᠣᠶᠢᠵᠣᠩ ᠂ ᠰᠣᠨᠢᠨ ᠲᠠᠶᠢᠴᠢᠩ ᠬᠡᠮᠡᠬᠦ ᠠᠬ᠎ᠠ ᠳᠡᠭᠦᠦ ᠲᠠᠪᠤᠭᠤᠯᠠ ᠪᠠᠢᠵᠤ ᠲᠡᠳᠡᠨ ᠊ᠢ ᠲᠠᠪᠤᠨ ᠣᠲᠣᠭ ᠬᠠᠯᠬ᠎ᠠ ( ᠪᠠᠭᠠᠷᠢᠨ ᠂ ᠵᠠᠷᠤᠳ ᠂ ᠬᠣᠩᠭᠢᠷᠠᠳ ᠂ ᠣᠢᠷᠠᠳ ᠂ ᠪᠠᠶᠣᠳ ᠂ ᠦᠴᠡᠷᠡᠳ ) ᠊ᠢ ᠳᠠᠷᠤᠭᠠᠯᠠᠭᠰᠠᠨ  ᠭᠡᠬᠦ ᠃  

     ᠲᠠᠶᠤᠨ ᠬᠠᠭᠠᠨ ᠤ᠋ ᠲᠠᠪᠤᠳᠤᠭᠠᠷ ᠬᠥᠪᠡᠭᠦᠨ ᠸᠠᠴᠠᠷ  ᠪᠣᠯᠣᠳ① ᠶᠡᠬᠡ ᠲᠦᠮᠡᠨ ② ᠊ᠢ ᠲᠠᠷᠤᠭᠯᠠᠭᠰᠠᠨ ᠲᠡᠭᠥᠨᠥ ᠶᠡᠬᠡ ᠬᠥᠪᠡᠭᠦᠨ ᠲᠠᠷᠴᠢ  ᠲᠠᠢᠵᠢ᠂ ᠲᠡᠭᠦᠨ ᠦ᠌ ᠬᠥᠪᠡᠭᠦᠨ ᠰᠠᠢᠨ ᠠᠯᠠᠭ ᠂ ᠲᠡᠭᠥᠨᠥ ᠬᠥᠪᠡᠭᠦᠨ ᠮᠡᠷᠭᠡᠨ ᠰᠡᠷᠡᠯᠲᠡᠢ ᠂ ᠲᠡᠭᠥᠨᠥ ᠬᠥᠪᠡᠭᠦᠨ ᠲᠠᠮᠪᠠ ᠂ ᠷᠢᠨᠴᠢᠨ ᠬᠣᠩ ᠲᠠᠢᠵᠢ ③  ᠲᠡᠭᠥᠨᠥ ᠬᠥᠪᠡᠭᠦᠨ ᠰᠣᠨᠣᠮ  ᠲᠠᠢᠵᠢ ④ ᠂ ᠲᠡᠭᠥᠨᠥ ᠬᠥᠪᠡᠭᠦᠨ ᠮᠠᠬᠠᠨᠤ  ᠲᠠᠢᠵᠢ ᠠᠶᠤᠰᠢ ⑤ ᠂  ᠬᠡᠰᠢᠭᠲᠡᠨ ᠨᠣᠶᠠᠳ ᠡᠨᠳᠡ ᠪᠣᠢ ᠃ 

— — — —   

① ᠲᠠᠶᠠᠨ ᠬᠠᠭᠠᠨ ᠤ᠋ ᠵᠢᠷᠭᠤᠳᠤᠭᠠᠷ ᠬᠥᠪᠡᠭᠦᠨ ᠪᠣᠯ ᠸᠠᠴᠠᠷ ᠪᠣᠯᠣᠳ ᠶᠤᠮ ᠃ 

② ᠴᠠᠬᠠᠷ ᠨᠠᠢ᠍ᠮᠠᠨ ᠣᠲᠣᠭ ᠢ᠋ ᠶᠡᠬᠡ ᠲᠦᠮᠡᠨ ᠭᠡᠨ᠎ᠡ ᠃ ᠸᠠᠴᠠᠷ ᠪᠣᠯᠣᠳ ᠴᠠᠬᠠᠷ ᠨᠠᠢ᠍ᠮᠠᠨ ᠣᠲᠣᠭ ᠳᠡᠭᠡᠷ᠎ᠡ ᠰᠠᠭᠤᠭᠰᠠᠨ ᠭᠡᠵᠦ 《 ᠡᠷᠳᠡᠨᠢ ᠶ᠋ᠢᠨ ᠲᠣᠪᠴᠢ 》 ᠳ᠋ᠤ᠌ ᠲᠡᠮᠳᠡᠭᠯᠡᠵᠡᠢ ᠃  ᠬᠡᠰᠢᠭᠲᠡᠨ ᠪᠣᠯ ᠲᠤᠬᠠᠢ ᠶ᠋ᠢᠨ ᠦᠶ᠎ᠡ ᠶ᠋ᠢᠨ ᠴᠠᠬᠠᠷ ᠨᠠᠢ᠍ᠮᠠᠨ ᠣᠲᠣᠭ ᠲᠤ᠌ ᠪᠠᠭᠲᠠᠵᠤ ᠪᠠᠢᠭᠰᠠᠨ ᠪᠢᠯᠡ ᠃ 

③ ᠲᠠᠮᠪᠠ ᠷᠢᠨᠴᠢᠨ ᠬᠣᠩ ᠲᠠᠢᠵᠢ ᠄ 《 ᠢᠯᠡᠳᠬᠡᠯ ᠱᠠᠰᠲᠢᠷ 》 ᠲᠤ᠌ ᠲᠡᠷᠮ᠎ᠡ ᠭᠡᠵᠡᠢ ᠃ 《 ᠰᠢᠷ᠎ᠠ ᠲᠣᠭᠣᠵᠢ 》 ᠳ᠋ᠤ᠌ 《 ᠰᠠᠢᠨ ᠠᠯᠠᠭ ᠤ᠋ᠨ ᠬᠥᠪᠡᠭᠦᠨ ᠮᠡᠷᠭᠡᠨ ᠰᠡᠷᠡᠯᠲᠡᠢ ᠨᠣᠶᠠᠨ ᠂ ᠲᠡᠭᠦᠨ ᠦ᠌  ᠬᠥᠪᠡᠭᠦᠨ  ᠳ᠋ᠠᠷᠮ᠎ᠠ ᠪᠥᠬᠡ ᠲᠠᠢᠵᠢ 》 ᠭᠡᠵᠡᠢ ᠃ ᠡᠨᠳᠡ ᠲᠠᠮᠪᠠ ᠷᠢᠨᠴᠢᠨ ᠬᠣᠩ ᠲᠠᠢᠵᠢ ᠭᠡᠰᠡᠨ ᠨᠢ  ᠳ᠋ᠠᠷᠮ᠎ᠠ ᠶ᠋ᠢ  ᠬᠡᠯᠡᠭᠰᠡᠨ ᠪᠣᠯᠤᠯᠲᠠᠢ ᠃ ᠪᠤᠰᠤᠳ ᠰᠤᠳᠤᠷ ᠲᠤ᠌ ᠣᠯᠳᠠᠬᠤ ᠦᠭᠡᠢ ᠪᠠᠢᠨ᠎ᠠ ᠃ 

④ ᠰᠣᠨᠣᠮ  ᠲᠠᠢᠵᠢ ᠂  ᠬᠡᠰᠢᠭᠲᠡᠨ ᠬᠤᠰᠢᠭᠤᠨ ᠤ᠋ ᠵᠠᠰᠠᠭ ᠸᠠᠩ ᠃ 《  ᠳᠡ ᠴᠢᠩ ᠢ ᠲᠦᠩ ᡁᠢ 》  (大清一统志 ) ᠪᠢᠴᠢᠭ ᠲᠦ᠍ ᠲᠡᠮᠳᠡᠭᠯᠡᠭᠰᠡᠨ ᠰᠦᠮᠦᠷ ᠲᠠᠶᠢᠴᠢᠩ ᠪᠤᠶᠤ ᠃ ᠰᠡᠴᠡᠨ ᠬᠠᠭᠠᠨ ᠤ᠋  ᠨᠠᠢ᠍ᠮᠠᠳᠤᠭᠠᠷ ᠣᠨ (1634 ) ᠳ᠋ᠦ᠍ ᠴᠠᠬᠠᠷ ᠠ᠋ᠴᠠ ᠰᠠᠯᠵᠤ ᠬᠠᠷᠢᠶᠠᠲᠤ ᠠᠢᠮᠠᠭ ᠶᠤᠭᠠᠨ ᠠᠪᠴᠤ ᠮᠠᠨᠵᠤ ᠳ᠋ᠤ᠌ ᠣᠷᠣᠵᠤ  ᠥᠭᠪᠡ ᠃ ᠡᠶᠡᠪᠡᠷ ᠵᠠᠰᠠᠭᠴᠢ ᠶ᠋ᠢᠨ ᠶᠢᠰᠦᠳᠦᠭᠡᠷ ᠣᠨ (1652 ) ᠲᠤ᠌ ᠵᠠᠰᠠᠭ ᠲᠡᠷᠢᠭᠦᠲᠡᠨ ᠲᠠᠢᠵᠢ  ᠡᠷᠭᠦᠮᠵᠢᠯᠡᠭᠳᠡᠨ 1656 ᠣᠨ ᠳ᠋ᠤ᠌ ᠨᠠᠰᠤ ᠪᠠᠷᠠᠪᠠ ᠃ 

⑤ ᠠᠶᠤᠰᠢ ᠄ ᠮᠠᠬᠠᠨᠤ ᠶ᠋ᠢᠨ ᠶᠡᠬᠡ ᠬᠥᠪᠡᠭᠦᠨ ᠂ ᠮᠠᠬᠠᠨᠤ ᠶ᠋ᠢᠨ ᠳᠠᠷᠠᠭ᠎ᠠ ᠵᠠᠰᠠᠭ ᠵᠠᠯᠭᠠᠮᠵᠢᠯᠠᠵᠠᠢ ᠃    

ᠭᠠᠩᠬ᠋᠎ᠠ ᠶ᠋ᠢᠨ ᠤᠷᠤᠰᠬᠠᠯ ( ᠪᠦᠬᠦ ᠨᠣᠮ ) Гангын урсгал ( бүх ном )

ᠭᠠᠩᠬ᠋᠎ᠠ ᠶ᠋ᠢᠨ ᠤᠷᠤᠰᠬᠠᠯ ( ᠪᠦᠬᠦ ᠨᠣᠮ ) – ᠴᠤᠶ᠋ᠢᠵᠢ ᠲᠤᠯᠭᠠᠨ ᠬᠠᠷᠢᠴᠠᠭᠤᠯᠵᠤ ᠲᠠᠶ᠋ᠢᠯᠪᠤᠷᠢᠯᠠᠪᠠ Гангын урсгал ( бүх ном )– Чойж Тулган харьцуулж тайлбарлав