ᠠᠯᠲᠠᠨ ᠰᠢᠪᠠᠭᠤАлтан шувуу
504ᠠᠯᠲᠠᠨ ᠰᠢᠪᠠᠭᠤ
ᠡᠷᠲᠡ ᠤᠷᠢᠳᠤ ᠶ᠋ᠢᠨ ᠴᠠᠭ ᠲᠤ᠌ ᠡᠨᠡ ᠳᠡᠯᠡᠬᠡᠢ ᠳ᠋ᠦ᠍ ᠴᠣᠷ ᠭᠠᠭᠴᠠ ᠣᠨᠴᠠᠭᠠᠢ ᠨᠢᠭᠡᠨ ᠠᠯᠢᠮᠠᠨ ᠤ᠋ ᠮᠣᠳᠣ ᠲᠠᠢ ᠬᠠᠭᠠᠨ ᠪᠠᠶ᠋ᠢᠵᠠᠢ ᠭᠡᠨᠡ᠃ ᠮᠣᠳᠣᠨ ᠠ᠋ᠴᠠ ᠠᠯᠲᠠᠨ ᠠᠯᠢᠮᠠ ᠤᠷᠭᠤᠳᠠᠭ ᠪᠠᠶ᠋ᠢᠪᠠ ᠃ ᠴᠡᠴᠡᠷᠯᠢᠭᠴᠢ ᠪᠡᠷ ᠡᠳᠦᠷ ᠪᠦᠷᠢ ᠠᠯᠲᠠᠨ ᠠᠯᠢᠮᠠ ᠶ᠋ᠢ ᠲᠣᠭᠠᠯᠠᠵᠤ ᠬᠠᠭᠠᠨ ᠳ᠋ᠤ᠌ ᠠᠶ᠋ᠢᠯᠠᠤᠠᠬᠠᠲᠠᠭ ᠪᠠᠶ᠋ᠢᠬᠰᠠᠨ ᠠᠵᠢ᠃ 《 ᠨᠢᠭᠡ ᠠᠯᠢᠮᠠ ᠠᠯᠠᠭᠠ ᠪᠣᠯᠤᠭᠰᠠᠨ ᠪᠠᠶ᠋ᠢᠨᠠ ᠃ 》 ᠨᠢᠭᠡ ᠠᠯᠢᠮᠠ ᠠᠯᠠᠭᠠ ᠪᠣᠯᠤᠭᠰᠠᠨ ᠭᠡᠳᠡᠭ ᠊ᠢ ᠰᠣᠨᠣᠰᠤᠭᠠᠳ ᠬᠠᠭᠠᠨ ᠡᠵᠡᠨ ᠶᠡᠬᠡᠳᠡ ᠠᠭᠤᠷᠯᠠᠪᠠ᠃ 《 ᠪᠢ ᠬᠤᠯᠠᠭᠠᠶ᠋ᠢᠴᠢ ᠶ᠋ᠢᠨ ᠠᠮᠢ ᠶ᠋ᠢ ᠬᠡᠯᠲᠦᠷᠢᠭᠦᠯᠬᠦ ᠦᠭᠡᠢ᠃ 》 ᠲᠡᠷᠡ ᠣᠷᠣᠢ ᠴᠡᠴᠡᠷᠯᠢᠭᠴᠢ ᠤᠤᠭᠠᠨ ᠬᠦᠦ ᠪᠡᠨ ᠠᠯᠢᠮᠠᠨ ᠤ᠋ ᠮᠣᠳᠣ ᠶ᠋ᠢ ᠬᠠᠮᠠᠭᠠᠯᠠᠭᠤᠯᠬᠤ ᠪᠠᠷ ᠮᠠᠨᠠᠭᠠᠨ ᠳ᠋ᠤ᠌ ᠭᠠᠷᠭᠠᠵᠠᠢ᠃ ᠭᠡᠪᠡᠴᠦ ᠰᠥᠨᠢ ᠳᠤᠮᠳᠠ ᠪᠣᠯᠬᠤ ᠳ᠋ᠤ᠌ ᠤᠤᠭᠠᠨ ᠬᠦᠦ ᠨᠢ ᠤᠨᠲᠠᠭᠠᠳ ᠥᠭᠴᠡᠢ ᠭᠡᠨᠡ᠃ ᠳᠠᠷᠠᠭᠠ ᠶ᠋ᠢᠨ ᠥᠷᠯᠥᠭᠡ ᠨᠢ ᠣᠬᠢᠭᠠᠳ ᠨᠢᠭᠡ ᠠᠯᠢᠮᠠ ᠠᠯᠠᠭᠠ ᠪᠣᠯᠤᠭᠰᠠᠨ ᠪᠠᠶ᠋ᠢᠪᠠ ᠃ ᠪᠢ ᠥᠨᠥᠳᠥᠷ ᠢ᠋ᠶ᠋ᠡᠷ ᠬᠣᠶᠠᠳᠠᠬᠢ ᠬᠦᠦ ᠪᠡᠨ ᠮᠠᠨᠠᠭᠠᠨ ᠳ᠋ᠤ᠌ ᠭᠠᠷᠭᠠᠨᠠ᠃ ᠣᠷᠣᠢ ᠪᠣᠯᠵᠤ ᠴᠡᠴᠡᠷᠯᠢᠭᠴᠢᠨ ᠦ᠌ ᠬᠣᠶᠠᠳᠠᠬᠢ ᠬᠦᠦ ᠮᠠᠨᠠᠭᠠᠨ ᠳ᠋ᠤ᠌ ᠭᠠᠷᠴᠤ ᠪᠠᠶ᠋ᠢᠭᠠᠳ ᠮᠥᠨ ᠯᠡ ᠰᠥᠨᠢ ᠳᠤᠮᠳᠠ ᠲᠡᠰᠦᠯᠭᠦᠢ ᠤᠨᠲᠠᠵᠤ ᠣᠷᠬᠢᠪᠠ᠃ ᠳᠠᠷᠠᠭᠠ ᠶ᠋ᠢᠨ ᠥᠷᠯᠥᠭᠡ ᠨᠢ ᠮᠥᠨ ᠯᠡ ᠨᠢᠭᠡ ᠠᠯᠢᠮᠠ ᠠᠯᠠᠭᠠ ᠪᠣᠯᠤᠭᠰᠠᠨ ᠪᠠᠶ᠋ᠢᠵᠠᠢ ᠭᠡᠨᠡ᠃ ᠴᠡᠴᠡᠷᠯᠢᠭᠴᠢᠨ ᠦ᠌ ᠭᠤᠷᠪᠠᠳᠠᠬᠢ ᠪᠤᠶᠤ ᠣᠳᠬᠣᠨ ᠬᠦᠦ ᠲᠡᠷᠡ ᠰᠥᠨᠢ ᠮᠠᠨᠠᠭᠠᠨ ᠳ᠋ᠤ᠌ ᠭᠠᠷᠬᠤ ᠪᠠᠷ ᠪᠣᠯᠪᠠ᠃ 《 ᠭᠠᠷᠤᠭᠠᠳ ᠢᠷᠡ ! ᠠᠯᠢᠮᠠᠨ ᠤ᠋ ᠬᠤᠯᠠᠭᠠᠶ᠋ᠢᠴᠢ ᠠ᠋᠂ ᠥᠪᠡᠷ ᠊ᠢ ᠪᠡᠨ ᠬᠠᠷᠠᠭᠤᠯ ! 》 ᠰᠥᠨᠢ ᠳᠤᠮᠳᠠ ᠠᠷᠪᠠᠨ ᠬᠣᠶᠠᠷ ᠴᠠᠭ ᠪᠣᠯᠬᠤ ᠳ᠋ᠤ᠌ ᠤᠳᠬᠤᠨ ᠬᠦᠦ ᠠᠭᠠᠷ ᠲᠤ᠌ ᠨᠢᠭᠡᠨ ᠰᠡᠷᠴᠢᠭᠢᠨᠡᠬᠦ ᠴᠢᠮᠡᠭᠡ ᠰᠣᠨᠣᠰᠪᠠ᠃ ᠴᠡᠪᠡᠷ ᠠᠯᠲᠠᠨ ᠰᠢᠪᠠᠭᠤ ᠨᠢᠰᠴᠦ ᠢᠷᠡᠵᠦ ᠪᠠᠶ᠋ᠢᠨᠠ ᠭᠡᠨᠡ᠃ ᠠᠯᠲᠠᠨ ᠠᠯᠢᠮᠠᠨ ᠠ᠋ᠴᠠ ᠬᠣᠰᠢᠭᠤ ᠪᠠᠷ ᠢ᠋ᠶ᠋ᠠᠨ ᠳᠤᠩᠰᠢᠵᠤ ᠡᠬᠢᠯᠡᠪᠡ ᠭᠡᠨᠡ᠃ ᠴᠡᠴᠡᠷᠯᠢᠭᠴᠢᠨ ᠦ᠌ ᠬᠦᠦ ᠥᠨᠳᠥᠷ ᠲᠦ᠍ ᠦᠰᠦᠷᠦᠨ ᠰᠢᠪᠠᠭᠤ ᠤᠷᠤᠭᠤ ᠨᠤᠮᠤ ᠰᠤᠮᠤ ᠪᠠᠷ ᠢ᠋ᠶ᠋ᠠᠨ ᠬᠠᠷᠪᠤᠯᠠ᠃ ᠭᠡᠪᠡᠴᠦ ᠰᠤᠮᠤ ᠰᠢᠪᠠᠭᠤ ᠶ᠋ᠢ ᠭᠡᠮᠲᠦᠭᠡᠵᠦ ᠴᠢᠳᠠᠭᠰᠠᠨ ᠦᠭᠡᠢ᠃ ᠰᠡᠭᠦᠯ ᠡᠴᠡ ᠨᠢ ᠨᠢᠭᠡ ᠥᠳᠥ ᠤᠨᠠᠵᠠᠢ᠃ ᠲᠡᠭᠡᠭᠡᠳ ᠰᠢᠪᠠᠭᠤ ᠨᠢᠰᠦᠨ ᠣᠳᠤᠯᠠ ᠃ ᠠᠯᠲᠠᠨ ᠥᠳᠥ ᠶ᠋ᠢ ᠳᠠᠷᠠᠭᠠ ᠶ᠋ᠢᠨ ᠥᠷᠯᠥᠭᠡ ᠨᠢ ᠬᠠᠭᠠᠨ ᠳ᠋ᠤ᠌ ᠠᠪᠴᠢᠷᠠᠵᠤ ᠬᠠᠷᠠᠭᠤᠯᠪᠠ᠃ ᠬᠠᠭᠠᠨ ᠤ᠋ ᠲᠦᠰᠢᠮᠡᠯ ᠦ᠋ᠳ ᠴᠦ᠍ ᠢᠷᠡᠭᠰᠡᠨ ᠪᠠᠶ᠋ᠢᠪᠠ ᠃ ᠲᠦᠰᠢᠮᠡᠯ ᠦ᠋ᠳ ᠠᠯᠲᠠᠨ ᠠᠯᠢᠮᠠ ᠲᠠᠢ ᠮᠣᠳᠣ ᠶ᠋ᠢ ᠬᠠᠭᠠᠨᠲᠤ ᠤᠯᠤᠰ ᠤ᠋ᠨ ᠪᠦᠬᠦ ᠡᠳ᠋ ᠬᠥᠷᠥᠩᠭᠡ ᠡᠴᠡ ᠦᠨᠡᠲᠡᠢ ᠭᠡᠳᠡᠭ ᠳᠡᠭᠡᠷᠡ ᠰᠠᠨᠠᠯ ᠲᠠᠯᠪᠢᠪᠠ᠃ 《 ᠨᠠᠳᠠ ᠳ᠋ᠤ᠌ ᠭᠠᠭᠴᠠ ᠥᠳᠥ ᠶᠠᠮᠠᠷ ᠴᠤ᠌ ᠬᠡᠷᠡᠭ ᠦᠭᠡᠢ᠃ ᠪᠢ ᠠᠯᠲᠠᠨ ᠰᠢᠪᠠᠭᠤ ᠶ᠋ᠢ ᠪᠠᠷᠢᠬᠤ ᠶᠣᠰᠣᠲᠠᠢ᠂ ᠠᠯᠲᠠᠨ ᠰᠢᠪᠠᠭᠤ ᠶ᠋ᠢ ᠨᠠᠳᠠ ᠳ᠋ᠤ᠌ ᠠᠪᠴᠢᠷᠠᠬᠤ ᠵᠣᠷᠢᠭᠲᠠᠢ ᠬᠥᠮᠦᠨ ᠪᠠᠶ᠋ᠢᠭᠠ ᠪᠣᠯ ᠶᠠᠭ ᠣᠳᠣ ᠬᠡᠯᠡ ! 》 ᠴᠡᠴᠡᠷᠯᠢᠭᠴᠢᠨ ᠦ᠌ ᠤᠤᠭᠠᠨ ᠬᠦᠦ ᠵᠣᠷᠢᠭ ᠰᠢᠯᠤᠭᠤᠳᠤᠨ ᠤᠷᠤᠭᠰᠢ ᠪᠠᠨ ᠠᠯᠬᠤᠯᠠ᠃ 《 ᠰᠠᠢᠨ ᠪᠠᠶ᠋ᠢᠨᠠ ! 》 ᠤᠤᠭᠠᠨ ᠬᠦᠦ ᠠᠯᠲᠠᠨ ᠰᠢᠪᠠᠭᠤ ᠪᠠᠷᠢᠬᠤ ᠪᠠᠷ ᠵᠠᠮ ᠳ᠋ᠤ᠌ ᠪᠠᠨ ᠭᠠᠷᠤᠯᠠ᠃ ᠲᠡᠭᠦᠨ ᠊ᠢ ᠣᠢ ᠳ᠋ᠤ᠌ ᠢᠷᠡᠬᠦ ᠳ᠋ᠦ᠍ ᠮᠣᠳᠣᠨ ᠤ᠋ ᠬᠠᠵᠠᠭᠤ ᠳ᠋ᠤ᠌ ᠨᠢᠭᠡᠨ ᠦᠨᠡᠭᠡ ᠰᠠᠭᠤᠵᠤ ᠪᠠᠶ᠋ᠢᠬᠤ ᠶ᠋ᠢ ᠬᠠᠷᠠᠪᠠ᠃ ᠤᠤᠭᠠᠨ ᠬᠦᠦ ᠨᠤᠮᠤ ᠰᠤᠮᠤ ᠪᠠᠷ ᠢ᠋ᠶ᠋ᠠᠨ ᠬᠠᠷᠪᠤᠬᠤ ᠪᠠᠷ ᠦᠨᠡᠭᠡ ᠤᠷᠤᠭᠤ ᠣᠨᠢᠯᠠᠪᠠ᠃ 《 ᠨᠠᠮᠠ ᠶ᠋ᠢ ᠪᠢᠲᠡᠭᠡᠢ ᠬᠠᠷᠪᠤᠭᠠᠴᠢ ! ᠬᠠᠷᠢᠭᠤ ᠳ᠋ᠤᠨᠢ ᠪᠢ ᠴᠢᠮᠠ ᠳ᠋ᠤ᠌ ᠨᠢᠭᠡ ᠴᠢᠬᠤᠯᠠ ᠵᠥᠪᠯᠡᠯᠭᠡ ᠥᠭᠭᠦᠶᠡ ᠂ ᠪᠢ ᠴᠢᠮᠠ ᠶ᠋ᠢ ᠶᠠᠮᠠᠷ ᠬᠡᠷᠡᠭ ᠢ᠋ᠶ᠋ᠡᠷ ᠡᠨᠳᠡ ᠢᠷᠡᠭᠰᠡᠨ ᠊ᠢ ᠮᠡᠳᠡᠨᠡ ᠃ ᠴᠢ ᠠᠯᠲᠠᠨ ᠰᠢᠪᠠᠭᠤ ᠶ᠋ᠢ ᠬᠠᠶ᠋ᠢᠵᠤ ᠣᠯᠬᠤ ᠪᠠᠷ ᠢᠷᠡᠭᠰᠡᠨ ᠪᠢᠵᠡ ᠳᠡ 》 《 ᠲᠡᠶ᠋ᠢᠮᠦ ᠠ᠋ ! 》 《 ᠨᠠᠮᠠ ᠶ᠋ᠢ ᠰᠠᠢᠨ ᠰᠣᠨᠣᠰ ! ᠴᠢ ᠣᠷᠣᠢ ᠭᠡᠬᠦ ᠳ᠋ᠦ᠍ ᠲᠣᠰᠬᠣᠨ ᠳ᠋ᠤ᠌ ᠬᠦᠷᠴᠦ ᠣᠴᠢᠨᠠ᠃ ᠥᠭᠡᠳᠡ ᠥᠭᠡᠳᠡ ᠡᠴᠡ ᠪᠡᠨ ᠬᠠᠷᠠᠭᠰᠠᠨ ᠬᠣᠶᠠᠷ ᠳᠠᠮ ᠪᠠᠭᠤᠳᠠᠯ ᠪᠠᠶ᠋ᠢᠭᠠ ᠶ᠋ᠢ ᠣᠯᠵᠤ ᠬᠠᠷᠠᠨᠠ᠃ ᠨᠢᠭᠡ ᠨᠢ ᠭᠠᠳᠠᠨᠠ ᠠ᠋ᠴᠠ ᠪᠠᠨ ᠥᠩᠭᠡᠯᠢᠭ ᠳᠣᠬᠢ ᠲᠤᠬᠠᠲᠠᠢ ᠬᠠᠷᠠᠭᠳᠠᠨᠠ ᠃ ᠬᠠᠷᠢᠨ ᠨᠥᠭᠥᠭᠡ ᠨᠢ ᠶᠡᠬᠡ ᠨᠣᠣᠷᠬᠠᠢ ᠬᠠᠷᠠᠭᠳᠠᠨᠠ ᠃ ᠲᠠ ᠨᠣᠣᠷᠬᠠᠢ ᠪᠠᠶ᠋ᠢᠰᠢᠩ ᠰᠣᠩᠭᠣᠵᠤ ᠬᠣᠨᠣᠭᠯᠠᠬᠤ ᠶᠣᠰᠣᠲᠠᠢ᠃ 》 ᠬᠠᠷᠢᠨ ᠬᠦᠦ ᠳᠣᠲᠣᠷᠠ ᠪᠠᠨ ᠨᠢᠭᠡ ᠮᠠᠭᠤ ᠠᠷᠢᠶᠠᠲᠠᠨ ᠡᠶ᠋ᠢᠮᠦ ᠵᠦᠢᠯ ᠦ᠋ᠨ ᠲᠤᠬᠠᠢ ᠶᠠᠭᠤ ᠪᠠᠨ ᠮᠡᠳᠡᠨᠡ ᠭᠡᠵᠦ ᠭᠡᠮᠡᠨ ᠪᠣᠳᠣᠪᠠ ᠃ ᠲᠡᠭᠡᠭᠡᠳ ᠦᠨᠡᠭᠡ ᠤᠷᠤᠭᠤ ᠬᠠᠷᠪᠤᠭᠰᠠᠨ ᠪᠣᠯᠪᠠᠴᠤ ᠤᠨᠤᠭᠰᠠᠨ ᠦᠭᠡᠢ ᠭᠡᠨᠡ᠃ ᠦᠨᠡᠭᠡ ᠣᠢ ᠶ᠋ᠢᠨ ᠭᠦᠨ ᠤᠷᠤᠭᠤ ᠵᠢᠭᠤᠲᠠᠨ ᠣᠷᠣᠯᠠ᠃ ᠤᠤᠭᠠᠨ ᠬᠦᠦ ᠴᠠᠭᠠᠱᠢ ᠶᠠᠪᠤᠭᠰᠠᠭᠠᠷ ᠥᠭᠡᠳᠡ ᠥᠭᠡᠳᠡ ᠡᠴᠡ ᠪᠡᠨ ᠬᠠᠷᠠᠭᠰᠠᠨ ᠬᠣᠶᠠᠷ ᠳᠠᠮ ᠪᠠᠭᠤᠳᠠᠯ ᠲᠠᠢ ᠲᠣᠰᠬᠣᠨ ᠳ᠋ᠤ᠌ ᠬᠦᠷᠦᠯᠴᠡᠨ ᠢᠷᠡᠪᠡ᠃ ᠨᠢᠭᠡ ᠶ᠋ᠢᠨ ᠬᠢᠨᠢ ᠭᠠᠳᠠᠨᠠ ᠨᠢ ᠬᠥᠮᠦᠰ ᠳᠠᠭᠤᠯᠠᠵᠤ ᠪᠥᠵᠢᠭᠯᠡᠨ ᠨᠠᠶ᠋ᠢᠷᠯᠠᠵᠤ ᠪᠠᠶ᠋ᠢᠭᠠ ᠬᠠᠷᠠᠭᠳᠠᠨᠠ ᠃ ᠬᠠᠷᠢᠨ ᠨᠥᠭᠥᠭᠡ ᠳᠠᠮ ᠪᠠᠭᠤᠳᠠᠯ ᠨᠢ ᠪᠣᠬᠢᠷ ᠨᠣᠣᠷᠬᠠᠢ ᠬᠠᠷᠠᠭᠳᠠᠪᠠ ᠃ ᠤᠤᠭᠠᠨ ᠬᠦᠦ ᠡᠶ᠋ᠢᠨ ᠪᠣᠳᠣᠪᠠ ᠃ ᠡᠨᠡ ᠨᠣᠣᠷᠬᠠᠢ ᠪᠣᠬᠢᠷ ᠪᠠᠶ᠋ᠢᠰᠢᠩ ᠳ᠋ᠤ᠌ ᠬᠣᠨᠣᠬᠤ ᠨᠢ ᠲᠡᠨᠡᠭ ᠶᠠᠪᠤᠳᠠᠯ ᠶᠤᠮ ᠪᠠᠶ᠋ᠢᠨᠠ ᠃ ᠲᠡᠭᠡᠭᠡᠳ ᠲᠠᠩᠰᠤᠭ ᠪᠠᠶ᠋ᠢᠰᠢᠩ ᠢ᠋ᠶ᠋ᠠᠨ ᠰᠣᠩᠭᠣᠨ ᠣᠷᠣᠵᠤ ᠤᠮᠳᠠ ᠤᠤᠭᠤᠨ ᠬᠣᠭᠣᠯᠠ ᠢᠳᠡᠵᠦ ᠲᠤᠬᠠᠯᠠᠭᠰᠠᠭᠠᠷ ᠰᠢᠪᠠᠭᠤ ᠪᠠᠰᠠ ᠬᠠᠭᠠᠨᠲᠤ ᠤᠯᠤᠰ ᠢ᠋ᠶ᠋ᠠᠨ ᠮᠠᠷᠲᠠᠵᠤ ᠣᠷᠬᠢᠪᠠ ᠭᠡᠨᠡ᠃ ᠬᠡᠳᠦᠨ ᠡᠳᠦᠷ ᠦ᠋ᠨ ᠳᠠᠷᠠᠭᠠ ᠤᠤᠭᠠᠨ ᠬᠦᠦ ᠨᠢ ᠪᠤᠴᠠᠵᠤ ᠢᠷᠡᠭᠡ ᠦᠭᠡᠢ ᠤᠴᠢᠷ ᠬᠣᠶᠠᠳᠠᠬᠢ ᠬᠦᠦ ᠨᠢ ᠠᠶᠠᠨ ᠳ᠋ᠤ᠌ ᠭᠠᠷᠪᠠ ᠭᠡᠨᠡ᠃ ᠲᠡᠭᠦᠨ ᠳ᠋ᠦ᠍ ᠴᠦ᠍ ᠪᠠᠰᠠ ᠢᠵᠢᠯ ᠵᠦᠢᠯ ᠲᠣᠬᠢᠶᠠᠯᠳᠤᠵᠠᠢ ᠃ ᠦᠨᠡᠭᠡ ᠲᠡᠢ ᠲᠠᠭᠠᠷᠠᠵᠤ ᠦᠨᠡᠭᠡ ᠲᠡᠭᠦᠨ ᠳ᠋ᠦ᠍ ᠵᠥᠪᠯᠡᠯᠭᠡ ᠥᠭᠪᠡ ᠃ ᠭᠡᠪᠡᠴᠦ ᠲᠡᠷᠡ ᠪᠡᠷ ᠬᠣᠶᠠᠷ ᠳᠠᠮ ᠪᠠᠭᠤᠳᠠᠯ ᠤ᠋ᠨ ᠡᠮᠦᠨᠡ ᠢᠷᠡᠬᠦ ᠳ᠋ᠦ᠍ ᠠᠬᠠ ᠨᠢ ᠲᠡᠭᠦᠨ ᠊ᠢ ᠲᠠᠩᠰᠤᠭ ᠪᠠᠶ᠋ᠢᠰᠢᠩ ᠤ᠋ᠨ ᠭᠠᠳᠠᠨᠠ ᠠ᠋ᠴᠠ ᠳᠠᠭᠤᠳᠠᠪᠠ ᠭᠡᠨᠡ᠃ ᠬᠣᠶᠠᠳᠠᠬᠢ ᠬᠦᠦ ᠶᠠᠪᠤᠵᠤ ᠣᠴᠢᠯᠠ᠃ ᠮᠥᠨ ᠯᠡ ᠠᠯᠲᠠᠨ ᠰᠢᠪᠠᠭᠤ ᠪᠣᠯᠤᠨ ᠬᠠᠭᠠᠨᠲᠤ ᠤᠯᠤᠰ ᠢ᠋ᠶ᠋ᠠᠨ ᠮᠠᠷᠲᠠᠵᠤ ᠣᠷᠬᠢᠪᠠ ᠭᠡᠨᠡ᠃ ᠣᠬᠢᠭᠠᠳ ᠬᠡᠳᠦᠨ ᠡᠳᠦᠷ ᠥᠩᠭᠡᠷᠡᠵᠦ ᠴᠡᠴᠡᠷᠯᠢᠭᠴᠢᠨ ᠦ᠌ ᠤᠳᠬᠤᠨ ᠬᠦᠦ ᠴᠦ᠍ ᠮᠥᠨ ᠠᠳᠠᠯᠢ ᠠᠯᠲᠠᠨ ᠰᠢᠪᠠᠭᠤᠨ ᠤ᠋ ᠡᠷᠢᠯ ᠳ᠋ᠦ᠍ ᠭᠠᠷᠬᠤ ᠪᠠᠷ ᠰᠢᠢᠳᠴᠡᠢ ᠃ 《 ᠭᠤᠶᠤᠶᠠ᠂ ᠠᠪᠤ ᠠ᠋ ! ᠨᠠᠮᠠ ᠶ᠋ᠢ ᠶᠠᠪᠤᠭᠤᠯᠤᠭᠠᠴᠢ ᠳᠠ ! ᠠᠪᠤ ᠨᠢ ᠠᠶᠤᠵᠠᠢ ᠭᠡᠨᠡ᠃ 《 ᠪᠢ ᠬᠡᠲᠦᠶ᠋ᠢᠨᠡᠢ ᠬᠣᠶᠠᠷ ᠬᠦᠦ ᠪᠡᠨ ᠠᠯᠳᠠᠭᠰᠠᠨ 》 《 ᠲᠠ ᠨᠠᠮᠠ ᠶ᠋ᠢ ᠠᠯᠳᠠᠬᠤ ᠦᠭᠡᠢ ᠳᠡ ᠂ ᠠᠪᠤ ᠮᠢᠨᠢ ! ᠨᠠᠳᠠ ᠳ᠋ᠤ᠌ ᠢᠳᠡᠭᠡ 》
ᠡᠴᠦᠰ ᠲᠦ᠍ ᠨᠢ ᠴᠡᠴᠡᠷᠯᠢᠭᠴᠢᠨ ᠵᠥᠪᠰᠢᠶᠡᠷᠡᠪᠡ᠃ ᠣᠳᠬᠣᠨ ᠬᠦᠦ ᠣᠢ ᠳ᠋ᠤ᠌ ᠢᠷᠡᠭᠡᠳ ᠦᠨᠡᠭᠡ ᠲᠡᠢ ᠲᠠᠭᠠᠷᠠᠵᠤ ᠭᠡᠨᠡ᠃ ᠦᠨᠡᠭᠡ ᠥᠨᠥᠬᠢ ᠵᠥᠪᠯᠡᠯᠭᠡ ᠪᠡᠨ ᠥᠭᠴᠡᠢ᠃ 《 ᠠᠯᠲᠠᠨ ᠰᠢᠪᠠᠭᠤ ᠶ᠋ᠢ ᠣᠯᠤᠮᠠᠷ ᠪᠠᠶ᠋ᠢᠪᠠᠯ ᠨᠣᠣᠷᠬᠠᠢ ᠪᠠᠶ᠋ᠢᠰᠢᠩ ᠊ᠢ ᠰᠣᠩᠭᠣᠭᠠᠷᠠᠢ ! 》 《 ᠪᠠᠶᠠᠷᠯᠠᠯᠠ ! ᠤᠬᠠᠭᠠᠯᠢᠭ ᠬᠥᠭᠰᠢᠨ ᠦᠨᠡᠭᠡ ᠮᠢᠨᠢ ! 》 ᠮᠢᠨᠦ ᠰᠡᠭᠦᠯ ᠦ᠋ᠨ ᠳᠡᠭᠡᠷᠡ ᠰᠠᠭᠤ ! ᠲᠡᠭᠡᠪᠡᠯ ᠲᠡᠨᠳᠡ ᠬᠤᠷᠳᠤᠨ ᠣᠴᠢᠨᠠ᠃ 》 ᠤᠳᠠᠯ ᠦᠭᠡᠢ ᠲᠡᠳᠡ ᠲᠣᠰᠬᠣᠨ ᠳ᠋ᠤ᠌ ᠬᠦᠷᠴᠦ ᠢᠷᠡᠪᠡ᠃ ᠤᠳᠬᠤᠨ ᠬᠦᠦ ᠨᠣᠣᠷᠬᠠᠢ ᠪᠠᠶ᠋ᠢᠰᠢᠩ ᠳ᠋ᠤ᠌ ᠣᠷᠣᠵᠤ ᠪᠥᠬᠡ ᠭᠡᠭᠴᠢ ᠨᠢ ᠤᠨᠲᠠᠪᠠ᠃ ᠥᠷᠯᠥᠭᠡ ᠪᠣᠯᠬᠤ ᠳ᠋ᠤ᠌ ᠦᠨᠡᠭᠡ ᠣᠬᠢᠨ ᠨᠢᠭᠡ ᠦᠨᠡᠲᠦ ᠵᠥᠪᠯᠡᠯᠭᠡ ᠥᠭᠬᠦ ᠪᠡᠷ ᠬᠦᠷᠴᠦ ᠢᠷᠡᠪᠡ᠃ 《 ᠰᠢᠯᠲᠦᠭᠡᠨ ᠳ᠋ᠦ᠍ ᠬᠦᠷᠴᠦ ᠣᠴᠢᠬᠤ ᠬᠦᠷᠲᠡᠯᠡ ᠪᠡᠨ ᠴᠢᠭ ᠢ᠋ᠶ᠋ᠡᠷ ᠢ᠋ᠶ᠋ᠡᠨ ᠶᠠᠪᠤᠭᠠᠷᠠᠢ ! ᠣᠴᠢᠬᠤ ᠳ᠋ᠤ᠌ ᠴᠢᠨᠢ ᠰᠢᠯᠲᠦᠭᠡᠨ ᠦ᠌ ᠬᠠᠷᠠᠭᠤᠯ ᠦ᠋ᠳ ᠪᠦᠭᠦᠳᠡ ᠤᠨᠲᠠᠵᠤ ᠪᠠᠶ᠋ᠢᠬᠤ ᠪᠣᠯᠤᠨᠠ᠃ ᠲᠡᠳᠡᠨ ᠦ᠌ ᠠᠩᠬᠠᠷᠤᠯ ᠳ᠋ᠤ᠌ ᠥᠷᠲᠥᠬᠦ ᠬᠡᠷᠡᠭ ᠦᠭᠡᠢ᠃ ᠰᠢᠯᠲᠦᠭᠡᠨ ᠤᠷᠤᠭᠤ ᠣᠷᠣᠬᠤ ᠳ᠋ᠤ᠌ ᠨᠢᠭᠡ ᠥᠷᠥᠭᠡ ᠲᠠᠭᠠᠷᠠᠬᠤ ᠪᠣᠯᠤᠨᠠ᠃ ᠲᠡᠷᠡ ᠥᠷᠥᠭᠡᠨ ᠳ᠋ᠦ᠍ ᠠᠯᠲᠠᠨ ᠰᠢᠪᠠᠭᠤ ᠮᠣᠳᠣᠨ ᠲᠣᠣᠷ ᠲᠤ᠌ ᠰᠠᠭᠤᠵᠤ ᠪᠠᠶ᠋ᠢᠭᠠ ᠂ ᠬᠠᠵᠠᠭᠤᠬᠠᠨ ᠳ᠋ᠤᠨᠢ ᠨᠢᠭᠡ ᠦᠵᠡᠰᠬᠦᠯᠡᠩᠲᠦ ᠠᠯᠲᠠᠨ ᠲᠣᠣᠷ ᠪᠣᠢ ᠃ ᠭᠡᠬᠦ ᠳ᠋ᠦ᠍ ᠲᠣᠣᠷ ᠊ᠢ ᠰᠣᠯᠢᠬᠤ ᠭᠡᠵᠦ ᠣᠷᠣᠯᠳᠣᠬᠤ ᠬᠡᠷᠡᠭ ᠦᠭᠡᠢ᠂ ᠦᠭᠡᠢ ᠪᠣᠯ ᠴᠢ ᠬᠠᠷᠠᠮᠰᠠᠨᠠ ᠰᠢᠦ ! 》 ᠲᠡᠭᠡᠭᠡᠳ ᠦᠨᠡᠭᠡ ᠰᠡᠭᠦᠯ ᠢ᠋ᠶ᠋ᠡᠨ ᠣᠬᠢᠭᠠᠳ ᠰᠤᠩᠭᠠᠨ ᠵᠠᠯᠠᠭᠤ ᠡᠷᠡ ᠰᠡᠭᠦᠯ ᠦ᠋ᠨ ᠳᠡᠭᠡᠷᠡ ᠨᠢ ᠰᠠᠭᠤᠪᠠ ᠭᠡᠨᠡ᠃ ᠲᠡᠳᠡ ᠲᠡᠷᠡ ᠳᠠᠷᠤᠢ ᠰᠢᠯᠲᠦᠭᠡᠨ ᠦ᠌ ᠬᠠᠭᠠᠯᠭᠠᠨ ᠤ᠋ ᠡᠮᠦᠨᠡ ᠢᠷᠡᠪᠡ᠃ ᠤᠳᠬᠤᠨ ᠬᠦᠦ ᠰᠢᠯᠲᠦᠭᠡᠨ ᠤᠷᠤᠭᠤ ᠣᠷᠣᠵᠤ ᠦᠨᠡᠭᠡᠨ ᠦ᠌ ᠬᠡᠯᠡᠭᠰᠡᠨ ᠥᠷᠥᠭᠡ ᠶ᠋ᠢ ᠣᠯᠵᠠᠢ ᠭᠡᠨᠡ᠃ ᠡᠶ᠋ᠢᠮᠦ ᠰᠠᠢᠬᠠᠨ ᠰᠢᠪᠠᠭᠤ ᠶ᠋ᠢ ᠡᠶ᠋ᠢᠮᠦ ᠮᠠᠭᠤᠬᠠᠢ ᠲᠣᠣᠷ ᠲᠠᠢ ᠠᠪᠴᠤ ᠶᠠᠪᠤᠵᠤ ᠪᠣᠯᠬᠤ ᠦᠭᠡᠢ᠃ 》 ᠭᠡᠪᠡᠴᠦ ᠲᠣᠣᠷ ᠊ᠢ ᠰᠣᠯᠢᠬᠤ ᠪᠠᠷ ᠲᠣᠣᠷ ᠤ᠋ᠨ ᠬᠠᠭᠠᠯᠭᠠ ᠶ᠋ᠢ ᠨᠡᠭᠡᠭᠡᠲᠡᠯᠡ ᠰᠢᠪᠠᠭᠤ ᠴᠢᠩᠭᠠ ᠴᠢᠮᠡᠭᠡ ᠭᠠᠷᠭᠠᠨ ᠤᠨᠲᠠᠵᠤ ᠪᠣᠢ ᠬᠠᠷᠠᠭᠤᠯ ᠦ᠋ᠳ ᠊ᠢ ᠰᠡᠷᠡᠭᠡᠵᠦ ᠣᠷᠬᠢᠪᠠ᠃ ᠤᠳᠬᠤᠨ ᠬᠦᠦ ᠪᠠᠷᠢᠭᠳᠠᠵᠠᠢ ᠃ ᠳᠠᠷᠠᠭᠠ ᠶ᠋ᠢᠨ ᠥᠷᠯᠥᠭᠡ ᠨᠢ ᠲᠡᠭᠦᠨ ᠊ᠢ ᠰᠢᠭᠦᠨ ᠬᠡᠯᠡᠯᠴᠡᠬᠦ ᠳ᠋ᠦ᠍ ᠬᠠᠭᠠᠨ ᠤ᠋ ᠪᠦᠬᠦ ᠲᠦᠰᠢᠮᠡᠯ ᠦ᠋ᠳ ᠲᠡᠭᠦᠨ ᠳ᠋ᠦ᠍ ᠦᠬᠦᠬᠦ ᠶᠠᠯᠠ ᠣᠨᠣᠭᠠᠬᠤ ᠰᠠᠨᠠᠯ ᠭᠠᠷᠭᠠᠪᠠ᠃ 《 ᠥ᠂ ᠥᠷᠥᠰᠢᠶᠡᠯᠲᠦ ᠬᠠᠭᠠᠨᠲᠠᠨ ᠮᠢᠨᠢ ᠮᠢᠨᠦ ᠠᠮᠢ ᠶ᠋ᠢ ᠭᠡᠯᠳᠦᠷᠢᠭᠦᠯᠦᠭᠡᠴᠢ ᠳᠡ ! 》 《 ᠨᠢᠭᠡ ᠪᠣᠯᠵᠣᠯ ᠲᠠᠢ ᠂ ᠠᠮᠢ ᠶ᠋ᠢ ᠴᠢᠨᠢ ᠭᠡᠯᠳᠦᠷᠢᠭᠦᠯᠦᠶᠡ ᠂ ᠨᠠᠳᠠ ᠳ᠋ᠤ᠌ ᠢᠰᠬᠡᠷᠬᠦ ᠰᠠᠯᠬᠢ ᠰᠢᠬ ᠬᠤᠷᠳᠤᠨ ᠳᠠᠪᠬᠢᠳᠠᠭ ᠠᠯᠲᠠᠨ ᠮᠣᠷᠢ ᠶ᠋ᠢ ᠣᠯᠵᠤ ᠠᠪᠴᠢᠷᠠ ᠲᠡᠭᠡᠪᠡᠯ ᠪᠢ ᠴᠢᠨᠦ ᠠᠮᠢ ᠶ᠋ᠢ ᠭᠡᠯᠳᠦᠷᠢᠭᠦᠯᠦᠭᠡᠳ ᠵᠣᠭᠰᠣᠬᠤ ᠦᠭᠡᠢ᠂ ᠠᠯᠲᠠᠨ ᠰᠢᠪᠠᠭᠤ ᠶ᠋ᠢ ᠴᠢᠮᠠ ᠳ᠋ᠤ᠌ ᠥᠭᠬᠦ ᠪᠣᠯᠤᠨᠠ ᠰᠢᠦ ! 》 ᠵᠠᠯᠠᠭᠤ ᠡᠷᠡ ᠠᠶᠠᠨ ᠵᠠᠮ ᠳ᠋ᠤ᠌ ᠪᠠᠨ ᠭᠠᠷᠪᠠ᠃ ᠨᠠᠶ᠋ᠢᠵᠠ ᠦᠨᠡᠭᠡ ᠲᠡᠢ ᠪᠡᠨ ᠣᠴᠢᠵᠤ ᠠᠭᠤᠯᠵᠠᠲᠠᠯᠠ 《ᠮᠢᠨᠦ ᠵᠥᠪᠯᠡᠯᠭᠡ ᠶ᠋ᠢ ᠳᠠᠭᠠᠬᠤ ᠦᠭᠡᠢ ᠪᠣᠯ ᠶᠠᠮᠠᠷ ᠠᠶᠤᠯ ᠲᠠᠢ ᠵᠦᠢᠯ ᠪᠣᠯᠬᠤ ᠶ᠋ᠢ ᠣᠳᠣ ᠴᠢ ᠣᠶ᠋ᠢᠯᠠᠭᠠᠪᠠ ᠦᠦ ? ᠭᠡᠬᠦ ᠳ᠋ᠦ᠍ ᠪᠡᠨ ᠴᠢ ᠪᠣᠯ ᠰᠠᠢᠨ ᠬᠥᠮᠦᠨ᠂ ᠲᠡᠶ᠋ᠢᠮᠦ ᠡᠴᠡ ᠪᠢ ᠴᠢᠮᠠ ᠳ᠋ᠤ᠌ ᠠᠯᠲᠠᠨ ᠮᠣᠷᠢ ᠣᠯᠬᠤ ᠳ᠋ᠤ᠌ ᠴᠢᠨᠢ ᠲᠤᠰᠠᠯᠠᠬᠤ ᠪᠣᠯᠤᠨᠠ᠃ ᠰᠢᠯᠲᠦᠭᠡᠨ ᠳ᠋ᠦ᠍ ᠲᠤᠯᠵᠤ ᠣᠴᠢᠬᠤ ᠬᠦᠷᠲᠡᠯᠡ ᠪᠡᠨ ᠴᠢᠭ ᠢ᠋ᠶ᠋ᠡᠷ ᠢ᠋ᠶ᠋ᠡᠨ ᠶᠠᠪᠤᠬᠤ ᠶᠣᠰᠣᠲᠠᠢ ᠰᠢᠦ ! ᠲᠡᠨᠳᠡ ᠣᠴᠢᠭᠠᠳ ᠠᠯᠲᠠᠨ ᠮᠣᠷᠢ ᠵᠦᠴᠢᠶᠡᠨ ᠳ᠋ᠦ᠍ ᠪᠡᠨ ᠪᠠᠶ᠋ᠢᠭᠠ ᠶ᠋ᠢ ᠴᠢ ᠣᠯᠵᠤ ᠬᠠᠷᠠᠨᠠ᠃ ᠬᠠᠵᠠᠭᠤᠬᠠᠨ ᠳ᠋ᠤ᠌ ᠨᠢ ᠠᠳᠤᠭᠤᠴᠢᠨ ᠬᠤᠷᠬᠢᠷᠠᠨ ᠤᠨᠲᠠᠵᠤ ᠪᠠᠶ᠋ᠢᠭᠠ ᠃ ᠮᠣᠷᠢ ᠶ᠋ᠢ ᠴᠢᠮᠡᠭᠡ ᠦᠭᠡᠢ ᠠᠪᠴᠤ ᠶᠠᠪᠤ ! ᠭᠡᠬᠦ ᠳ᠋ᠦ᠍ ᠪᠡᠨ ᠬᠠᠭᠤᠴᠢᠨ ᠡᠮᠡᠭᠡᠯ ᠊ᠢ ᠮᠣᠷᠢᠨ ᠳᠡᠭᠡᠷᠡ ᠲᠣᠬᠣᠬᠤ ᠶᠣᠰᠣᠲᠠᠢ᠂ ᠳᠡᠷᠭᠡᠳᠡ ᠨᠢ ᠪᠠᠶ᠋ᠢᠭᠠ ᠠᠯᠲᠠᠨ ᠡᠮᠡᠭᠡᠯ ᠊ᠢ ᠲᠣᠬᠣᠵᠤ ᠪᠣᠯᠬᠤ ᠦᠭᠡᠢ ᠰᠢᠦ ! 》 ᠬᠡᠯᠡᠭᠰᠡᠨ ᠢ᠋ᠶ᠋ᠡᠷ ᠨᠢ ᠪᠣᠯᠵᠤ ᠬᠦᠦ ᠮᠣᠷᠢ ᠶ᠋ᠢ ᠬᠠᠷᠠᠭᠠᠳ ᠡᠶ᠋ᠢᠨ ᠬᠦ ᠪᠣᠳᠣᠵᠠᠢ ᠃ ᠠᠯᠲᠠᠨ ᠡᠮᠡᠭᠡᠯ ᠊ᠢ ᠲᠣᠬᠣᠬᠤ ᠶᠣᠰᠣᠲᠠᠢ ! ᠠᠯᠲᠠᠨ ᠮᠣᠷᠢ ᠠᠯᠲᠠᠨ ᠡᠮᠡᠭᠡᠯ ᠲᠡᠢ ᠪᠠᠶ᠋ᠢᠬᠤ ᠤᠴᠢᠷᠲᠠᠢ ! ᠠᠯᠲᠠᠨ ᠡᠮᠡᠭᠡᠯ ᠊ᠢ ᠠᠪᠲᠠᠯᠠ ᠠᠳᠤᠭᠤᠴᠢᠨ ᠰᠡᠷᠡᠵᠦ ᠴᠢᠩᠭᠠ ᠪᠠᠷ ᠴᠢᠷᠠᠯᠠᠨ ᠤᠬᠢᠯᠠᠵᠤ ᠡᠬᠢᠯᠡᠪᠡ ᠭᠡᠨᠡ᠃ ᠬᠠᠷᠠᠭᠤᠯ ᠦ᠋ᠳ ᠭᠦᠶᠦᠨ ᠢᠷᠡᠵᠦ ᠵᠠᠯᠠᠭᠤ ᠡᠷᠡ ᠪᠠᠷᠢᠭᠳᠠᠪᠠ ᠃ ᠲᠡᠭᠦᠨ ᠳ᠋ᠦ᠍ ᠦᠬᠦᠬᠦ ᠶᠠᠯᠠ ᠣᠨᠣᠭᠠᠪᠠ ᠭᠡᠨᠡ᠃
ᠭᠡᠪᠡᠴᠦ ᠵᠠᠯᠠᠭᠤ ᠡᠷᠡ ᠬᠠᠭᠠᠨ ᠡᠵᠡᠨ ᠡᠴᠡ ᠭᠤᠶᠤᠪᠠ᠃ 《 ᠴᠢ ᠨᠠᠳᠠ ᠳ᠋ᠤ᠌ ᠦᠵᠡᠰᠬᠦᠯᠡᠩᠲᠦ ᠭᠦᠩᠵᠦ ᠣᠯᠵᠤ ᠠᠪᠴᠢᠷᠠᠵᠤ ᠴᠢᠳᠠᠪᠠᠯ ᠪᠢ ᠠᠮᠢ ᠶ᠋ᠢ ᠴᠢᠨᠢ ᠭᠡᠯᠳᠦᠷᠢᠭᠦᠯᠦᠭᠡᠳ ᠵᠣᠭᠰᠣᠬᠤ ᠦᠭᠡᠢ ᠠᠯᠲᠠᠨ ᠰᠢᠪᠠᠭᠤ᠂ ᠠᠯᠲᠠᠨ ᠮᠣᠷᠢ ᠶ᠋ᠢ ᠴᠢᠮᠠ ᠳ᠋ᠤ᠌ ᠥᠭᠭᠦᠨᠡ ᠰᠢᠦ ! 》 ᠢᠩᠭᠢᠭᠡᠳ ᠵᠠᠮ ᠳ᠋ᠤ᠌ ᠪᠠᠨ ᠭᠠᠷᠴᠤ ᠣᠬᠢᠨ ᠬᠥᠭᠰᠢᠨ ᠦᠨᠡᠭᠡ ᠲᠡᠢ ᠠᠭᠤᠯᠵᠠᠬᠤ ᠪᠠᠷ ᠣᠴᠢᠵᠠᠢ᠃ 《 ᠴᠢ ᠮᠢᠨᠦ ᠦᠭᠡ ᠶ᠋ᠢ ᠰᠣᠨᠣᠰᠤᠭᠰᠠᠨ ᠪᠣᠯ ᠴᠢ ᠡᠳᠦᠢ ᠳ᠋ᠦ᠍ ᠠᠯᠲᠠᠨ ᠰᠢᠪᠠᠭᠤ᠂ ᠠᠯᠲᠠᠨ ᠮᠣᠷᠢ ᠶ᠋ᠢ ᠠᠪᠴᠤ ᠴᠢᠳᠠᠬᠤ ᠪᠠᠶ᠋ᠢᠬᠰᠠᠨ ᠃ ᠵᠠ ᠶᠠᠭᠠᠬᠢᠬᠤᠪ᠂ ᠪᠢ ᠴᠢᠮᠠ ᠳ᠋ᠤ᠌ ᠣᠬᠢᠭᠠᠳ ᠨᠢᠭᠡ ᠤᠳᠠᠭᠠ ᠲᠤᠰᠠᠯᠠᠶᠠ ! ᠰᠢᠯᠲᠦᠭᠡᠨ ᠳ᠋ᠦ᠍ ᠬᠦᠷᠬᠦ ᠬᠦᠷᠲᠡᠯᠡ ᠪᠡᠨ ᠴᠢᠭ ᠢ᠋ᠶ᠋ᠡᠷ ᠢ᠋ᠶ᠋ᠡᠨ ᠶᠠᠪᠤ᠂ ᠭᠦᠩᠵᠦ ᠳᠡᠭᠡᠷᠡ ᠣᠴᠢᠵᠤ ᠲᠡᠭᠦᠨ ᠊ᠢ ᠦᠨᠦᠰ᠂ ᠰᠥᠨᠢ ᠳᠤᠮᠳᠠ ᠪᠣᠯᠬᠤ ᠳ᠋ᠤ᠌ ᠭᠦᠩᠵᠦ ᠤᠰᠤᠨ ᠰᠠᠩ ᠤᠷᠤᠭᠤ ᠶᠠᠪᠤᠳᠠᠭ ᠃ ᠭᠦᠩᠵᠦ ᠴᠢᠮᠠ ᠶ᠋ᠢ ᠳᠠᠭᠠᠵᠤ ᠶᠠᠪᠤᠬᠤ ᠶ᠋ᠢ ᠵᠥᠪᠰᠢᠶᠡᠷᠡᠨᠡ᠃ ᠭᠡᠬᠦ ᠳ᠋ᠦ᠍ ᠪᠡᠨ ᠪᠣᠯᠭᠣᠮᠵᠢ ᠲᠠᠢ ᠪᠠᠶ᠋ᠢᠬᠲᠤᠨ ! ᠴᠢ ᠲᠡᠭᠦᠨ ᠊ᠢ ᠦᠷᠦ ᠡᠪᠡᠳᠴᠦ ᠠᠪᠤ ᠡᠵᠢ ᠲᠡᠢ ᠪᠡᠨ ᠰᠠᠯᠬᠤ ᠶᠣᠰᠣ ᠬᠢᠬᠦ ᠶ᠋ᠢ ᠨᠢ ᠵᠥᠪᠰᠢᠶᠡᠷᠡᠵᠦ ᠪᠣᠯᠬᠤ ᠦᠭᠡᠢ ᠰᠢᠦ ! 》 ᠲᠡᠳᠡ ᠰᠢᠯᠲᠦᠭᠡᠨ ᠳ᠋ᠦ᠍ ᠢᠷᠡᠯᠡ᠃ ᠦᠨᠡᠭᠡᠨ ᠦ᠌ ᠬᠡᠯᠡᠭᠰᠡᠨ ᠪᠦᠬᠦᠨ ᠦᠨᠡᠨ ᠪᠠᠶ᠋ᠢᠯᠠ ᠃ ᠰᠥᠨᠢ ᠳᠤᠮᠳᠠ ᠪᠣᠯᠬᠤ ᠳ᠋ᠤ᠌ ᠵᠠᠯᠠᠭᠤ ᠡᠷᠡ ᠭᠦᠩᠵᠦ ᠲᠡᠢ ᠠᠭᠤᠯᠵᠠᠵᠤ ᠲᠡᠭᠦᠨ ᠊ᠢ ᠦᠨᠦᠰᠪᠡ᠃ ᠭᠦᠩᠵᠦ ᠬᠠᠮᠲᠤ ᠵᠢᠭᠤᠲᠠᠬᠤ ᠶ᠋ᠢ ᠵᠥᠪᠰᠢᠶᠡᠷᠡᠭᠰᠡᠨ ᠴᠦ᠍ ᠠᠪᠤ ᠲᠠᠢ ᠪᠠᠨ ᠰᠠᠯᠬᠤ ᠶᠣᠰᠣ ᠬᠢᠶᠡ ᠭᠡᠮᠡᠨ ᠨᠢᠯᠪᠤᠰᠤ ᠲᠣᠰᠣᠯᠠᠭᠤᠯᠤᠭᠰᠠᠭᠠᠷ ᠵᠠᠯᠠᠭᠤ ᠡᠷᠡ ᠡᠴᠡ ᠭᠤᠶᠤᠵᠠᠢ ᠭᠡᠨᠡ᠃ ᠡᠴᠦᠰ ᠲᠦ᠍ ᠨᠢ ᠵᠠᠯᠠᠭᠤ ᠡᠷᠡ ᠵᠥᠪᠰᠢᠶᠡᠷᠡᠵᠡᠢ᠃ ᠭᠡᠪᠡᠴᠦ ᠭᠦᠩᠵᠦ ᠠᠪᠤ ᠶ᠋ᠢᠨ ᠢ᠋ᠶ᠋ᠡᠨ ᠥᠷᠥᠭᠡᠨ ᠳ᠋ᠦ᠍ ᠣᠷᠣᠵᠤ ᠢᠷᠡᠬᠦ ᠳ᠋ᠦ᠍ ᠵᠠᠯᠠᠭᠤ ᠡᠷᠡ ᠶ᠋ᠢ ᠣᠬᠢᠭᠠᠳ ᠬᠠᠷᠠᠭᠤᠯ ᠦ᠋ᠳ ᠪᠠᠷᠢᠪᠴᠢᠯᠠᠪᠠ᠃ 《 ᠴᠢ ᠨᠠᠢ᠍ᠮᠠᠨ ᠡᠳᠦᠷ ᠦ᠋ᠨ ᠳᠣᠲᠣᠷᠠ ᠴᠣᠩᠬᠣ ᠪᠠᠷ ᠬᠠᠷᠠᠭᠳᠠᠬᠤ ᠲᠣᠭᠠᠯᠠᠩ ᠳ᠋ᠤ᠌ ᠦᠵᠡᠭᠲᠡᠬᠦ ᠣᠷᠴᠢᠨ ᠊ᠢ ᠮᠢᠨᠢ ᠬᠠᠭᠠᠵᠤ ᠪᠠᠶ᠋ᠢᠭᠠ ᠲᠡᠷᠡ ᠠᠭᠤᠯᠠ ᠶ᠋ᠢ ᠤᠬᠤᠵᠤ ᠬᠣᠯᠠᠳᠠᠭᠤᠯᠬᠤ ᠠ᠋ᠴᠠ ᠨᠠᠭᠠᠰᠢ ᠪᠢ ᠬᠡᠵᠢᠶᠡ ᠴᠦ᠍ ᠴᠢᠮᠠ ᠳ᠋ᠤ᠌ ᠥᠬᠢᠨ ᠢ᠋ᠶ᠋ᠡᠨ ᠥᠭᠬᠦ ᠦᠭᠡᠢ 》 ᠨᠦᠰᠡᠷ ᠲᠣᠮᠣ ᠠᠭᠤᠯᠠ ᠪᠠᠶ᠋ᠢᠬᠰᠠᠨ ᠤᠴᠢᠷ ᠬᠡᠴᠢᠨᠡᠭᠡᠨ ᠬᠢᠴᠢᠶᠡᠭᠡᠳ ᠴᠦ᠍ ᠤᠬᠤᠵᠤ ᠳᠠᠭᠤᠰᠬᠤ ᠪᠠᠷ ᠦᠭᠡᠢ ᠪᠠᠶ᠋ᠢᠯᠠ᠃ ᠳᠣᠯᠣᠭᠠᠨ ᠡᠳᠦᠷ ᠥᠩᠭᠡᠷᠡᠬᠦ ᠳ᠋ᠦ᠍ ᠪᠠᠭᠠᠬᠠᠨ ᠬᠡᠰᠡᠭ ᠊ᠢ ᠤᠬᠤᠭᠰᠠᠨ ᠪᠠᠶ᠋ᠢᠯᠠ᠃ ᠰᠡᠳᠬᠢᠯ ᠢ᠋ᠶ᠋ᠡᠷ ᠤᠨᠠᠨ ᠰᠠᠭᠤᠬᠤ ᠵᠠᠯᠠᠭᠤ ᠡᠷᠡ ᠶ᠋ᠢ ᠬᠠᠷᠠᠭᠰᠠᠨ ᠦᠨᠡᠭᠡ ᠣᠬᠢᠨ ᠲᠡᠭᠦᠨ ᠳ᠋ᠦ᠍ ᠲᠤᠰᠠᠯᠠᠬᠤ ᠪᠠᠷ ᠢᠷᠡᠵᠡᠢ ᠭᠡᠨᠡ᠃ 《 ᠣᠳᠣ ᠤᠨᠲᠠ ᠳᠠ ᠂ ᠪᠢ ᠴᠢᠨᠦ ᠡᠮᠦᠨᠡ ᠡᠴᠡ ᠠᠵᠢᠯ ᠊ᠢ ᠴᠢᠨᠢ ᠬᠢᠶᠡ ! 》 ᠥᠷᠯᠥᠭᠡ ᠪᠣᠯᠬᠤ ᠳ᠋ᠤ᠌ ᠠᠭᠤᠯᠠ ᠠᠯᠠᠭᠠ ᠪᠣᠯᠤᠭᠰᠠᠨ ᠪᠠᠶ᠋ᠢᠯᠠ ᠃ ᠭᠡᠬᠦ ᠳ᠋ᠦ᠍ ᠪᠠᠶᠠᠷᠯᠠᠭᠰᠠᠨ ᠬᠠᠭᠠᠨ ᠥᠬᠢᠨ ᠢ᠋ᠶ᠋ᠡᠨ ᠲᠡᠭᠦᠨ ᠳ᠋ᠦ᠍ ᠥᠭᠴᠦ᠂ ᠵᠠᠯᠠᠭᠤ ᠡᠷᠡ ᠭᠦᠩᠵᠦ ᠬᠣᠶᠠᠷ ᠊ᠢ ᠶᠠᠪᠤᠭᠤᠯᠤᠯᠠ᠃ ᠠᠭᠢᠨ ᠨᠢᠭᠡ ᠤᠳᠠᠭᠠ ᠦᠨᠡᠭᠡ ᠲᠡᠢ ᠠᠭᠤᠯᠵᠠᠵᠠᠢ ᠭᠡᠨᠡ᠃ 《 ᠴᠢ ᠭᠤᠷᠪᠠᠭᠤᠯᠠ ᠶ᠋ᠢ ᠨᠢ ᠠᠪᠴᠤ ᠴᠢᠳᠠᠨᠠ ᠃ ᠭᠦᠩᠵᠦ᠂ ᠮᠣᠷᠢ ᠪᠠᠰᠠ ᠰᠢᠪᠠᠭᠤ ᠶ᠋ᠢ 》 《 ᠦᠨᠡᠨ ᠭᠡᠵᠦ ᠦᠦ ? ᠶᠠᠭᠠᠬᠢᠵᠤ ᠲᠡᠷᠡ ᠦᠦ ? 》 《 ᠨᠠᠮᠠ ᠶ᠋ᠢ ᠰᠠᠢᠨ ᠰᠣᠨᠣᠰ ! ᠬᠠᠭᠠᠨ ᠳᠡᠭᠡᠷᠡ ᠣᠴᠢᠭᠠᠳ ᠭᠦᠩᠵᠦ ᠶ᠋ᠢ ᠥᠭ ! ᠬᠠᠭᠠᠨ ᠶᠡᠬᠡᠳᠡ ᠪᠠᠶᠠᠷᠯᠠᠨ ᠠᠮᠠᠯᠠᠭᠰᠠᠨ ᠶᠣᠰᠣᠭᠠᠷ ᠴᠢᠮᠠ ᠳ᠋ᠤ᠌ ᠠᠯᠲᠠᠨ ᠮᠣᠷᠢ ᠶ᠋ᠢ ᠥᠭᠭᠦᠨᠡ ᠃ ᠴᠢᠮᠠ ᠲᠠᠢ ᠭᠠᠷ ᠪᠠᠷᠢᠵᠤ ＜ ᠠᠪᠴᠤ ᠶᠠᠪᠤᠵᠤ ᠪᠣᠯᠤᠨᠠ ＞ ᠭᠡᠵᠦ ᠬᠡᠯᠡᠨᠡ᠃ ᠰᠡᠭᠦᠯ ᠳ᠋ᠦ᠍ ᠨᠢ ᠭᠦᠩᠵᠦ ᠲᠡᠢ ᠭᠠᠷ ᠪᠡᠷᠢ ! ᠲᠡᠭᠡᠭᠡᠳ ᠭᠦᠩᠵᠦ ᠶ᠋ᠢ ᠶᠠᠭᠠᠷᠠᠪᠴᠢᠯᠠᠨ ᠮᠣᠷᠢᠨ ᠳᠡᠭᠡᠷᠡ ᠪᠡᠨ ᠮᠣᠷᠳᠠᠭᠤᠯᠤᠭᠠᠳ ᠴᠢᠳᠠᠬᠤ ᠴᠢᠨᠡᠭᠡ ᠪᠡᠷ ᠢ᠋ᠶ᠋ᠡᠨ ᠳᠠᠪᠬᠢᠨ ᠤᠳᠤᠭᠠᠷᠠᠢ ! ᠲᠡᠭᠡᠭᠡᠳ ᠰᠢᠪᠠᠭᠤ ᠪᠠᠶ᠋ᠢᠯᠭᠠᠵᠤ ᠪᠠᠶ᠋ᠢᠭᠠ ᠰᠢᠯᠲᠦᠭᠡᠨ ᠤᠷᠤᠭᠤ ᠣᠴᠢ ! ᠪᠢ ᠬᠠᠭᠠᠯᠭᠠᠨ ᠳᠡᠭᠡᠷᠡ ᠭᠦᠩᠵᠦ ᠲᠡᠢ ᠬᠠᠮᠲᠤ ᠦᠯᠡᠳᠡᠨᠡ᠃ ᠠᠯᠲᠠᠨ ᠮᠣᠷᠢ ᠶ᠋ᠢ ᠬᠠᠭᠠᠨ ᠳ᠋ᠤ᠌ ᠬᠠᠷᠠᠭᠤᠯ ! ᠬᠠᠭᠠᠨ ᠠᠯᠲᠠᠨ ᠰᠢᠪᠠᠭᠤ ᠶ᠋ᠢ ᠭᠠᠷᠭᠠᠨ ᠢᠷᠡᠨᠡ᠃ ᠦᠨᠡᠬᠡᠷ ᠴᠣᠯ ᠠᠯᠲᠠᠨ ᠰᠢᠪᠠᠭᠤ ᠮᠥᠨ ᠡᠰᠡᠬᠦ ᠶ᠋ᠢ ᠨᠢ ᠮᠡᠳᠡᠬᠦ ᠶ᠋ᠢᠨ ᠲᠤᠯᠠᠳᠠ ᠢᠯᠡᠭᠦᠦ ᠣᠶ᠋ᠢᠷᠠ ᠠ᠋ᠴᠠ ᠬᠠᠷᠠᠮᠠᠷ ᠪᠠᠶ᠋ᠢᠨᠠ ᠭᠡᠵᠦ ᠬᠡᠯᠡ ! ᠰᠢᠪᠠᠭᠤ ᠶ᠋ᠢ ᠭᠠᠷ ᠲᠤ᠌ ᠪᠠᠨ ᠣᠷᠣᠭᠤᠯᠤᠭᠰᠠᠨ ᠳᠠᠷᠤᠢ ᠳ᠋ᠤ᠌ ᠪᠠᠨ ᠮᠣᠷᠢᠨ ᠳ᠋ᠤ᠌ ᠪᠠᠨ ᠰᠠᠭᠤᠭᠠᠳ ᠵᠢᠭᠤᠲᠠ ! 》 ᠪᠦᠬᠦ ᠵᠦᠢᠯ ᠦᠨᠡᠭᠡᠨ ᠦ᠌ ᠬᠡᠯᠡᠭᠰᠡᠨ ᠢ᠋ᠶ᠋ᠡᠷ ᠪᠣᠯᠪᠠ᠃
《 ᠦᠨᠡᠲᠦ ᠵᠥᠪᠯᠡᠯᠭᠡ ᠥᠭᠭᠦᠭᠰᠡᠨ ᠳ᠋ᠦ᠍ ᠴᠢᠨᠢ ᠪᠠᠶᠠᠷᠯᠠᠯᠠ᠂ ᠨᠠᠶ᠋ᠢᠵᠠ ᠮᠢᠨᠢ ! ᠪᠢ ᠴᠢᠮᠠ ᠳ᠋ᠤ᠌ ᠥᠷᠢ ᠲᠡᠢ ᠪᠣᠯᠤᠯᠠ᠃ 》 《 ᠲᠡᠶ᠋ᠢᠮᠦ ᠪᠣᠯ ᠭᠤᠶᠤᠶᠠ ! ᠨᠠᠮᠠ ᠶ᠋ᠢ ᠠᠯᠠᠭᠠᠴᠢ ! 》 《 ᠶᠠᠭᠤ ? ᠪᠢ ᠲᠡᠶ᠋ᠢᠮᠦ ᠵᠦᠢᠯ ᠬᠢᠬᠦ ᠦᠭᠡᠢ᠂ ᠴᠢ ᠪᠣᠯ ᠮᠢᠨᠦ ᠨᠠᠶ᠋ᠢᠵᠠ 》 《 ᠵᠠ ᠶᠠᠭᠠᠬᠢᠬᠤᠪ ᠴᠢᠨᠦ ᠬᠦᠰᠡᠯ ᠢ᠋ᠶ᠋ᠡᠷ ᠪᠣᠯᠤᠭ ! ᠣᠳᠣ ᠪᠢ ᠴᠢᠮᠠ ᠳ᠋ᠤ᠌ ᠠᠭᠢᠭᠠᠳ ᠨᠢᠭᠡ ᠦᠨᠡᠲᠡᠢ ᠵᠥᠪᠯᠡᠯᠭᠡ ᠥᠭᠭᠦᠶᠡ ᠂ ᠪᠤᠴᠠᠬᠤ ᠵᠠᠮ ᠳ᠋ᠤ᠌ ᠪᠠᠨ ᠬᠣᠶᠠᠷ ᠵᠦᠢᠯ ᠡᠴᠡ ᠪᠣᠯᠭᠣᠮᠵᠢᠯᠠ ! ᠴᠠᠭᠠᠵᠠ ᠶ᠋ᠢᠨ ᠳᠡᠭᠦᠵᠢᠯᠡᠭᠦᠷ ᠡᠴᠡ ᠬᠡᠨ ᠊ᠢ ᠴᠦ᠍ ᠪᠤᠤ ᠠᠪᠤᠷᠠ ! ᠪᠠᠰᠠ ᠭᠣᠣᠯ ᠤ᠋ᠨ ᠡᠷᠭᠢ ᠳᠡᠭᠡᠷᠡ ᠪᠤᠤ ᠰᠠᠭᠤ ! 》 ᠵᠠᠯᠠᠭᠤ ᠡᠷᠡ ᠬᠣᠶᠠᠷ ᠠᠬᠠ ᠶ᠋ᠢ ᠪᠡᠨ ᠣᠷᠬᠢᠭᠰᠠᠨ ᠲᠣᠰᠬᠣᠨ ᠳ᠋ᠤ᠌ ᠲᠤᠯᠵᠤ ᠢᠷᠡᠲᠡᠯᠡ ᠪᠡᠨ ᠭᠦᠩᠵᠦ ᠶ᠋ᠢ ᠰᠤᠨᠳᠠᠯᠠᠨ ᠵᠣᠭᠰᠣᠯᠲᠠ ᠦᠭᠡᠢ ᠳᠠᠪᠬᠢᠵᠠᠢ ᠭᠡᠨᠡ᠃ ᠲᠣᠰᠬᠣᠨ ᠳ᠋ᠤ᠌ ᠬᠦᠷᠴᠦ ᠣᠴᠢᠲᠠᠯᠠ ᠴᠢᠩᠭᠠ ᠴᠢᠮᠡᠭᠡ ᠰᠣᠨᠣᠰᠳᠠᠪᠠ ᠭᠡᠨᠡ᠃ ᠬᠣᠶᠠᠷ ᠡᠷᠡ ᠶ᠋ᠢ ᠳᠡᠭᠦᠵᠢᠯᠡᠬᠦ ᠭᠡᠵᠦ ᠪᠠᠶ᠋ᠢᠭᠠ ᠶ᠋ᠢ ᠬᠠᠷᠠᠪᠠ ᠭᠡᠨᠡ᠃ ᠰᠣᠨᠢᠭᠤᠴᠢᠷᠬᠠᠨ ᠣᠶ᠋ᠢᠷᠠᠤᠠᠴᠤ ᠣᠴᠢᠲᠠᠯᠠ ᠲᠡᠷᠡ ᠬᠣᠶᠠᠷ ᠡᠷᠡ ᠠᠬᠠ ᠨᠠᠷ ᠨᠢ ᠪᠠᠶ᠋ᠢᠪᠠ ᠭᠡᠨᠡ᠃ ᠲᠡᠳᠡ ᠬᠤᠯᠠᠭᠠᠢ ᠬᠢᠭᠰᠡᠨ ᠪᠠᠶ᠋ᠢᠵᠠᠢ ᠃ 《 ᠮᠢᠨᠦ ᠪᠦᠬᠦ ᠮᠥᠩᠭᠥ ᠶ᠋ᠢ ᠠᠪ᠂ ᠠᠬᠠ ᠨᠠᠷ ᠤ᠋ᠨ ᠮᠢᠨᠢ ᠠᠮᠢ ᠶ᠋ᠢ ᠭᠡᠯᠳᠦᠷᠢᠭᠦᠯᠦᠭᠡᠴᠢ ᠳᠡ ! 》 ᠠᠬᠠ ᠨᠠᠷ ᠊ᠢ ᠪᠡᠨ ᠠᠪᠤᠷᠠᠭᠰᠠᠨ ᠤ᠋ ᠳᠠᠷᠠᠭᠠ ᠲᠡᠳᠡ ᠦᠨᠡᠭᠡ ᠲᠡᠢ ᠠᠩᠬᠠ ᠲᠠᠭᠠᠷᠠᠭᠰᠠᠨ ᠭᠠᠵᠠᠷ ᠢ᠋ᠶ᠋ᠠᠨ ᠬᠦᠷᠴᠦ ᠢᠷᠡᠪᠡ ᠭᠡᠨᠡ᠃ ᠠᠬᠠ ᠨᠠᠷ ᠨᠢ ᠢᠩᠭᠢᠵᠦ ᠬᠡᠯᠡᠪᠡ᠃ ᠭᠣᠣᠯ ᠤ᠋ᠨ ᠡᠷᠭᠢ ᠳᠡᠭᠡᠷᠡ ᠲᠦᠷ ᠰᠠᠭᠠᠲᠠᠵᠤ ᠠᠯᠵᠢᠶᠠᠯ ᠢ᠋ᠶ᠋ᠠᠨ ᠲᠠᠶ᠋ᠢᠯᠤᠨ ᠬᠣᠭᠣᠯᠠ ᠤᠮᠳᠠ ᠢᠳᠡᠶᠡ ᠃ 》 ᠲᠡᠷᠡ ᠪᠡᠷ ᠦᠨᠡᠭᠡᠨ ᠦ᠌ ᠵᠥᠪᠯᠡᠯᠭᠡ ᠶ᠋ᠢ ᠮᠠᠷᠲᠠᠨ ᠠᠬᠠ ᠨᠠᠷ ᠤ᠋ᠨ ᠢ᠋ᠶ᠋ᠠᠨ ᠰᠠᠨᠠᠯ ᠊ᠢ ᠵᠥᠪᠰᠢᠶᠡᠷᠡᠪᠡ᠃ ᠭᠣᠣᠯ ᠤ᠋ᠨ ᠡᠷᠭᠢ ᠳᠡᠭᠡᠷᠡ ᠲᠠᠶ᠋ᠢᠪᠤᠩ ᠰᠠᠭᠤᠵᠤ ᠪᠠᠶ᠋ᠢᠲᠠᠯᠠ ᠠᠬᠠ ᠨᠠᠷ ᠨᠢ ᠰᠡᠮᠬᠡᠨ ᠢᠷᠡᠵᠦ ᠲᠡᠭᠦᠨ ᠊ᠢ ᠭᠣᠣᠯ ᠤᠷᠤᠭᠤ ᠲᠦᠯᠬᠢᠨ ᠤᠨᠠᠭᠠᠵᠠᠢ᠃ ᠭᠦᠩᠵᠦ ᠶ᠋ᠢ ᠂ ᠮᠣᠷᠢ ᠶ᠋ᠢ ᠰᠢᠪᠠᠭᠤ ᠶ᠋ᠢ ᠠᠪᠤᠨ ᠬᠠᠭᠠᠨ ᠡᠵᠡᠨ ᠳᠡᠭᠡᠷᠡ ᠪᠡᠨ ᠶᠠᠪᠤᠵᠤ ᠣᠴᠢᠪᠠ᠃ 《 ᠡᠷᠬᠢᠮ ᠳᠡᠭᠡᠳᠦᠰ ᠮᠢᠨᠢ ᠪᠢᠳᠡ ᠠᠯᠲᠠᠨ ᠰᠢᠪᠠᠭᠤ ᠶ᠋ᠢ ᠠᠪᠴᠢᠷᠠᠭᠠᠳ ᠵᠣᠭᠰᠣᠬᠤ ᠦᠭᠡᠢ ᠢᠯᠡᠭᠦᠦ ᠶᠡᠬᠡ ᠣᠯᠵᠠ ᠣᠮᠣᠭ ᠲᠠᠢ ᠪᠤᠴᠠᠵᠤ ᠢᠷᠡᠯᠡ᠃ ᠡᠨᠡ ᠪᠦᠭᠦᠳᠡ ᠶ᠋ᠢ ᠥᠪᠡᠷᠰᠡᠳ ᠦ᠋ᠨ ᠬᠦᠴᠦ ᠬᠥᠳᠡᠯᠮᠦᠷᠢ ᠶ᠋ᠢ ᠳᠠᠶ᠋ᠢᠴᠢᠯᠠᠨ ᠪᠠᠶ᠋ᠢᠵᠤ ᠣᠯᠵᠤ ᠠᠪᠤᠭᠰᠠᠨ ᠪᠢᠯᠡ᠃ 》 ᠶᠡᠬᠡ ᠪᠠᠶᠠᠷ ᠨᠠᠭᠠᠳᠤᠮ ᠪᠣᠯᠤᠯᠠ᠃ ᠭᠡᠪᠡᠴᠦ ᠮᠣᠷᠢ ᠡᠪᠡᠰᠦ ᠪᠡᠨ ᠢᠳᠡᠬᠦ ᠦᠭᠡᠢ᠂ ᠰᠢᠪᠠᠭᠤ ᠳᠠᠭᠤᠯᠠᠬᠤ ᠦᠭᠡᠢ᠂ ᠭᠦᠩᠵᠦ ᠵᠣᠭᠰᠣᠯᠲᠠ ᠦᠭᠡᠢ ᠤᠬᠢᠯᠠᠵᠤ ᠪᠠᠶ᠋ᠢᠯᠠ ᠃ ᠴᠡᠴᠡᠷᠯᠢᠭᠴᠢᠨ ᠦ᠌ ᠤᠳᠬᠤᠨ ᠬᠦᠦ ᠭᠣᠣᠯ ᠤ᠋ᠨ ᠵᠠᠬᠠ ᠳ᠋ᠤ᠌ ᠤᠨᠠᠵᠤ ᠠᠵᠠ ᠪᠣᠯᠵᠤ ᠭᠣᠣᠯ ᠤᠷᠤᠭᠤ ᠤᠨᠠᠭᠠ ᠦᠭᠡᠢ ᠪᠠᠶ᠋ᠢᠪᠠ ᠭᠡᠨᠡ᠃ ᠭᠡᠪᠡᠴᠦ ᠭᠣᠣᠯ ᠤ᠋ᠨ ᠳᠠᠯᠠᠩ ᠶᠡᠬᠡ ᠥᠨᠳᠥᠷ ᠪᠠᠶ᠋ᠢᠬᠰᠠᠨ ᠤᠴᠢᠷ ᠶᠠᠭᠠᠬᠢᠵᠤ ᠴᠤ᠌ ᠬᠢᠴᠢᠶᠡᠭᠡᠳ ᠳᠠᠯᠠᠩ ᠳᠠᠪᠠᠵᠤ ᠴᠢᠳᠠᠬᠤ ᠦᠭᠡᠢ ᠪᠠᠶ᠋ᠢᠯᠠ ᠃ ᠤᠳᠠᠯ ᠦᠭᠡᠢ ᠬᠥᠭᠰᠢᠨ ᠦᠨᠡᠭᠡ ᠠᠭᠢᠨ ᠨᠢᠭᠡ ᠤᠳᠠᠭᠠ ᠢᠷᠡᠵᠦ ᠵᠠᠯᠠᠭᠤ ᠡᠷᠡ ᠶ᠋ᠢ ᠠᠪᠤᠷᠠᠵᠠᠢ᠃ 《 ᠮᠢᠨᠦ ᠦᠭᠡ ᠶ᠋ᠢ ᠰᠣᠨᠣᠰᠤᠭᠰᠠᠨ ᠪᠣᠯ ᠴᠢᠮᠠ ᠳ᠋ᠤ᠌ ᠡᠶ᠋ᠢᠮᠦ ᠮᠠᠭᠤ ᠵᠦᠢᠯ ᠲᠣᠬᠢᠶᠠᠯᠳᠤᠬᠤ ᠦᠭᠡᠢ ᠪᠠᠶ᠋ᠢᠬᠤ ᠪᠠᠶ᠋ᠢᠯᠠ ᠃ ᠲᠡᠭᠡᠯᠡ ᠴᠦ᠍ ᠴᠢ ᠪᠣᠯ ᠮᠢᠨᠦ ᠨᠠᠶ᠋ᠢᠵᠠ ᠂ ᠪᠢ ᠴᠢᠮᠠ ᠶ᠋ᠢ ᠡᠨᠳᠡ ᠣᠷᠬᠢᠵᠤ ᠴᠢᠳᠠᠬᠤ ᠦᠭᠡᠢ ᠮᠢᠨᠦ ᠰᠡᠭᠦᠯ ᠡᠴᠡ ᠴᠢᠩᠭᠠ ᠵᠠᠭᠤᠷᠠᠭᠠᠷᠠᠢ ! ᠴᠢᠩᠭᠠ ᠵᠠᠭᠤᠷᠠᠨᠠ ᠰᠢᠦ ! 》 ᠦᠨᠡᠭᠡ ᠵᠠᠯᠠᠭᠤ ᠡᠷᠡ ᠶ᠋ᠢ ᠭᠣᠣᠯ ᠠ᠋ᠴᠠ ᠲᠡᠳᠡᠨ ᠭᠠᠷᠭᠠᠪᠠ᠃ ᠠᠬᠠ ᠨᠠᠷ ᠴᠢᠨᠢ ᠴᠢᠮᠠ ᠶ᠋ᠢ ᠬᠠᠭᠠᠨᠲᠤ ᠤᠯᠤᠰ ᠲᠤ᠌ ᠪᠠᠶ᠋ᠢᠭᠠ ᠶ᠋ᠢ ᠮᠡᠳᠡᠪᠡᠯ ᠠᠭᠢᠭᠠᠳ ᠠᠯᠠᠬᠤ ᠭᠡᠵᠦ ᠣᠷᠣᠯᠳᠣᠬᠤ ᠪᠣᠯᠤᠨᠠ 》 ᠲᠡᠭᠦᠨ ᠊ᠢ ᠶᠠᠳᠠᠭᠤ ᠭᠡᠵᠦ ᠬᠠᠷᠠᠭᠳᠠᠭᠤᠯᠬᠤ ᠶ᠋ᠢᠨ ᠲᠤᠯᠠᠳᠠ ᠨᠣᠣᠷᠬᠠᠢ ᠬᠤᠪᠴᠠᠰᠤ ᠡᠮᠦᠰᠬᠡᠪᠡ᠃ ᠵᠠᠯᠠᠭᠤ ᠡᠷᠡ ᠨᠢᠭᠤᠴᠠ ᠪᠠᠷ ᠬᠠᠭᠠᠨ ᠤ᠋ ᠲᠢᠩᠬᠢᠮ ᠳ᠋ᠦ᠍ ᠣᠷᠣᠪᠠ᠃ ᠠᠶᠤᠵᠤ ᠰᠠᠨᠳᠤᠷᠤᠭᠰᠠᠨ ᠬᠡᠪ ᠢ᠋ᠶ᠋ᠡᠷ ᠬᠠᠭᠠᠯᠭᠠ ᠪᠠᠷ ᠣᠷᠣᠵᠤ ᠢᠷᠡᠬᠦ ᠳ᠋ᠦ᠍ ᠮᠣᠷᠢ ᠡᠪᠡᠰᠦ ᠪᠡᠨ ᠢᠳᠡᠵᠦ ᠂ ᠰᠢᠪᠠᠭᠤ ᠳᠠᠭᠤᠯᠠᠵᠤ᠂ ᠭᠦᠩᠵᠦ ᠴᠦ᠍ ᠤᠬᠢᠯᠠᠬᠤ ᠪᠠᠨ ᠪᠣᠯᠢᠪᠠ ᠭᠡᠨᠡ᠃ ᠵᠠᠯᠠᠭᠤ ᠡᠷᠡ ᠬᠠᠭᠠᠨ ᠤᠷᠤᠭᠤ ᠣᠶ᠋ᠢᠷᠠᠲᠤᠨ ᠣᠴᠢᠵᠤ᠂ ᠠᠬᠠ ᠨᠠᠷ ᠤ᠋ᠨ ᠢ᠋ᠶ᠋ᠠᠨ ᠲᠤᠬᠠᠢ ᠪᠦᠭᠦᠳᠡ ᠶ᠋ᠢ ᠬᠡᠯᠡᠵᠡᠢ ᠭᠡᠨᠡ᠃ ᠲᠡᠳᠡᠨ ᠊ᠢ ᠪᠠᠷᠢᠪᠴᠢᠯᠠᠨ ᠰᠢᠢᠳᠬᠡᠪᠡ ᠃ ᠲᠡᠭᠦᠨ ᠳ᠋ᠦ᠍ ᠭᠦᠩᠵᠦ ᠶ᠋ᠢ ᠡᠷᠭᠢᠭᠦᠯᠦᠨ ᠥᠭᠴᠡᠢ᠃ ᠬᠠᠭᠠᠨ ᠡᠵᠡᠨ ᠨᠠᠰᠤᠨ ᠥᠭᠡᠳᠡ ᠪᠣᠯᠤᠭᠰᠠᠨ ᠤ᠋ ᠳᠠᠷᠠᠭᠠ ᠵᠠᠯᠠᠭᠤ ᠡᠷᠡ ᠬᠠᠭᠠᠨᠲᠤ ᠤᠯᠤᠰ ᠊ᠢ ᠥᠪᠯᠡᠨ ᠠᠪᠤᠪᠠ ᠃ ᠬᠡᠰᠡᠭ ᠬᠤᠭᠤᠴᠠᠭᠠᠨ ᠤ᠋ ᠳᠠᠷᠠᠭᠠ ᠲᠡᠷᠡ ᠪᠡᠷ ᠣᠢ ᠳᠤᠮᠳᠠᠭᠤᠷ ᠠᠯᠬᠤᠵᠤ ᠶᠠᠪᠤᠭᠠᠳ ᠬᠥᠭᠰᠢᠨ ᠦᠨᠡᠭᠡ ᠲᠡᠢ ᠣᠬᠢᠨ ᠲᠠᠭᠠᠷᠠᠵᠠᠢ ᠭᠡᠨᠡ᠃ ᠦᠨᠡᠭᠡ ᠨᠢᠯᠪᠤᠰᠤ ᠳᠤᠰᠤᠯᠠᠭᠤᠯᠤᠨ ᠥᠪᠡᠷ ᠊ᠢ ᠪᠡᠨ ᠠᠯᠠᠬᠤ ᠶ᠋ᠢ ᠵᠠᠯᠠᠭᠤ ᠡᠷᠡ ᠡᠴᠡ ᠭᠤᠶᠤᠵᠠᠢ᠃ 《 ᠭᠤᠶᠤᠶᠠ ! ᠨᠠᠶ᠋ᠢᠵᠠ ᠮᠢᠨᠢ᠂ ᠪᠢ ᠴᠢᠮᠠ ᠠ᠋ᠴᠠ ᠭᠠᠭᠴᠠᠬᠠᠨ ᠵᠦᠢᠯ ᠭᠤᠶᠤᠵᠤ ᠪᠠᠶ᠋ᠢᠨᠠ ᠃ ᠨᠠᠳᠠ ᠳ᠋ᠤ᠌ ᠲᠤᠰᠠᠯᠠᠭᠠᠴᠢ ᠳᠠ ! 》 ᠤᠳᠬᠤᠨ ᠬᠦᠦ ᠭᠤᠨᠢᠭᠲᠠᠢ ᠪᠠᠷ ᠵᠥᠪᠰᠢᠶᠡᠷᠡᠪᠡ᠃ ᠦᠨᠡᠭᠡ ᠦᠬᠦᠭᠡᠳ ᠲᠡᠷᠡ ᠳᠣᠣᠷᠠ ᠪᠠᠨ ᠬᠥᠮᠦᠨ ᠪᠣᠯᠵᠤ ᠬᠤᠪᠢᠷᠠᠪᠠ ᠭᠡᠨᠡ᠃ ᠲᠡᠷᠡ ᠦᠨᠡᠭᠡ ᠦᠨᠡᠨ ᠳ᠋ᠦ᠍ ᠪᠡᠨ ᠣᠯᠠᠨ ᠵᠢᠯ ᠣᠷᠣ ᠰᠤᠷᠠᠭ ᠦᠭᠡᠢ ᠪᠣᠯᠤᠭᠠᠳ ᠪᠠᠶ᠋ᠢᠬᠰᠠᠨ ᠭᠦᠩᠵᠦ ᠶ᠋ᠢᠨ ᠠᠬᠠ ᠨᠢ ᠪᠠᠶ᠋ᠢᠬᠰᠠᠨ ᠭᠡᠨᠡ᠃
ᠦᠰᠦᠭ ᠬᠠᠲᠠᠭᠰᠠᠨ ᠨᠢ ᠄ ᠮᠥᠩᠭᠦᠨᠴᠡᠴᠡᠭ
ᠦᠰᠦᠭ ᠠᠮᠢᠯᠠᠭᠤᠯᠤᠭᠰᠠᠨ ᠨᠢ ᠄ᠮᠥᠩᠭᠦᠨᠴᠡᠴᠡᠭ
ᠬᠢᠨᠠᠭᠴᠢ ᠪᠠᠭᠰᠢ ᠄ ᠮᠥᠴᠢᠷ