ᠶᠢᠷᠲᠢᠨᠴᠦ ᠶᠢᠨ ᠭᠤᠷᠪᠠ – ᠱ ᠂ ᠪᠤᠶᠠᠨᠲᠣᠭᠲᠠᠬᠤ ᠡᠮᠬᠢᠤᠠᠬᠡᠨ ᠨᠠᠶ᠋ᠢᠷᠠᠭᠤᠯᠪᠠ < ᠣᠷᠣᠰᠢᠯ ᠤᠨ ᠣᠷᠣᠨ ᠳᠤ – 1 > Ертөнцийн гурав – Ш᠂ Буянтогтох эмхиохэн найруулав < Оршлын оронд – 1 >
309ᠣᠷᠣᠰᠢᠯ ᠤᠨ ᠣᠷᠣᠨ ᠳᠤ - 1
— ᠣᠷᠣᠰᠢᠯ ᠦ᠋ᠨ ᠣᠷᠣᠨ ᠳ᠋ᠦ᠍
ᠨᠢᠭᠡ ᠂ 《 ᠶᠢᠷᠲᠢᠨᠴᠦ ᠶ᠋ᠢᠨ ᠭᠤᠷᠪᠠ 》 ᠶ᠋ᠢᠨ ᠪᠦᠲᠦᠴᠡ ᠪᠦᠷᠢᠯᠲᠦᠬᠦᠨ ᠬᠢᠭᠡᠳ ᠤᠬᠠᠭᠲᠠᠬᠤᠨ ᠮᠡᠳᠡᠭᠳᠡᠬᠦᠨ ᠪ ᠲᠤᠬᠠᠢ
《 ᠶᠢᠷᠲᠢᠨᠴᠦ ᠶ᠋ᠢᠨ ᠭᠤᠷᠪᠠ 》 ᠪᠣᠯᠪᠠᠰᠤ ᠮᠣᠩᠭᠣᠯ ᠦᠨᠲᠦᠰᠦᠲᠡᠨ ᠪ ᠠᠷᠠᠳ ᠦ᠋ᠨ ᠠᠮᠠᠨ ᠵᠣᠬᠢᠶᠠᠯ ᠦ᠋ᠨ ᠳᠣᠲᠣᠷᠠᠬᠢ ᠪᠡᠶᠡ ᠪᠡᠨ ᠳᠠᠭᠠᠭᠠᠭᠰᠠᠨ ᠬᠡᠪ ᠨᠠᠮᠪᠠ ᠲᠠᠢ ᠂ ᠥᠪᠡᠷᠮᠢᠴᠡ ᠣᠨᠴᠠᠯᠢᠬ ᠲᠠᠢ ᠨᠢᠭᠡ ᠲᠥᠷᠥᠯ ᠦ᠋ᠨ ᠣᠬᠣᠷ ᠬᠡᠯᠪᠡᠷᠢ ᠶ᠋ᠢᠨ ᠠᠮᠠᠨ ᠢᠷᠠᠭᠤ ᠨᠠᠶ᠋ᠢᠷᠠᠭ ᠮᠥᠨ ᠃ ᠡᠨᠡ ᠨᠢ ᠮᠣᠩᠭᠣᠯ ᠦᠨᠲᠦᠰᠦᠲᠡᠨ ᠪ ᠠᠷᠠᠳ ᠦ᠋ᠨ ᠠᠮᠠᠨ ᠵᠣᠬᠢᠶᠠᠯ — ᠢᠷᠥᠭᠡᠯ ᠮᠠᠭᠲᠠᠭᠠᠯ ᠂ ᠵᠦᠢᠷ ᠰᠡᠴᠡᠨ ᠦᠭᠡ ᠂ ᠣᠨᠢᠰᠣᠬ᠋ᠠ ᠳᠠᠭᠠᠪᠤᠷᠢ ᠂ ᠰᠢᠯᠦᠭ ᠬᠣᠯᠪᠣᠬ᠋ᠠ ᠂ ᠪᠠᠭᠠᠲᠤᠷᠯᠢᠬ ᠲᠤᠤᠯᠢ ᠂ ᠠᠷᠠᠳ ᠦ᠋ᠨ ᠳᠠᠭᠤᠤ ᠂ ᠰᠢᠲᠢᠲᠦ ᠥᠯᠢᠭᠡᠷ ᠂ ᠳᠣᠮᠣᠭ ᠶᠠᠷᠢᠶᠠ ᠂ ᠶᠠᠪᠠᠭᠠᠨ ᠦᠯᠢᠭᠡᠷ ᠁ ᠵᠡᠷᠭᠡ ᠶ᠋ᠢᠨ ᠠᠮᠠᠨ ᠵᠣᠬᠢᠶᠠᠯ ᠲᠠᠢ ᠠᠲᠠᠯᠢ ᠪᠠᠷ ᠠᠯᠢ ᠡᠷᠲᠡᠨ ᠡᠴᠡ ᠡᠬᠢᠯᠡᠨ ᠵᠣᠬᠢᠶᠠᠭᠲᠠᠵᠤ ᠂ ᠡᠲᠦᠭᠡ ᠳ᠋ᠦ᠍ ᠲᠤᠯᠲᠠᠯᠠ ᠠᠷᠠᠳ ᠦ᠋ᠨ ᠳᠤᠮᠳᠠ ᠤᠯᠠᠮᠵᠢᠯᠠᠭᠲᠠᠨ ᠶᠠᠷᠢᠬᠲᠠᠵᠤ ᠂ ᠪᠠᠶᠠᠯᠢᠬᠵᠢᠨ ᠲᠦᠭᠡᠵᠦ ᠬᠥᠭᠵᠢᠯᠲᠡ ᠪᠡᠨ ᠣᠯᠤᠭᠰᠠᠭᠠᠷ ᠢᠷᠡᠭᠰᠡᠨ ᠪᠥᠭᠡᠳ ᠥᠪᠡᠷᠦᠨ ᠵᠣᠬᠢᠬᠤ ᠬᠡᠮᠵᠢᠶᠡᠨ ᠪ ᠦᠢᠯᠡᠲᠦᠯ ᠶ᠋ᠢᠡᠨ ᠪᠠᠲᠠᠷᠠᠭᠤᠯᠤᠭᠰᠠᠭᠠᠷ ᠢᠷᠡᠭᠰᠡᠨ ᠪᠠᠶ᠋ᠢᠨᠠ ᠃
《 ᠶᠢᠷᠲᠢᠨᠴᠦ ᠶ᠋ᠢᠨ ᠭᠤᠷᠪᠠ 》 ᠨᠢ ᠮᠣᠩᠭᠣᠯ ᠦᠨᠲᠦᠰᠦᠲᠡᠨ ᠪ ᠬᠥᠲᠡᠯᠮᠦᠷᠢᠴᠢᠨ ᠠᠷᠠᠳ ᠲᠦᠮᠡᠨ ᠪ ᠣᠶᠤᠨ ᠪ ᠪᠦᠲᠦᠭᠡᠯ ᠮᠥᠨ ᠃ ᠡᠨᠡ ᠨᠢ ᠠᠷᠠᠳ ᠦ᠋ᠨ ᠳᠤᠮᠳᠠ ᠵᠣᠬᠢᠶᠠᠭᠲᠠᠵᠤ ᠂ ᠠᠷᠠᠳ ᠦ᠋ᠨ ᠳᠤᠮᠳᠠ ᠳᠡᠯᠭᠡᠷᠡᠨ ᠬᠡᠷᠡᠭᠯᠡᠭᠲᠡᠭᠰᠡᠨ ᠪᠠᠶ᠋ᠢᠨᠠ ᠃ ᠡᠨᠡᠬᠦ ᠲᠥᠷᠥᠯ ᠦ᠋ᠨ ᠠᠮᠠᠨ ᠵᠣᠬᠢᠶᠠᠯ ᠨᠢ ᠳᠡᠯᠡᠬᠡᠢ ᠶ᠋ᠢᠨ ᠪᠤᠰᠤᠳ ᠣᠯᠠᠨ ᠬᠡᠯᠡᠨ ᠳ᠋ᠦ᠍ ᠬᠣᠪᠣᠷᠬᠠᠨ ᠪᠠᠶ᠋ᠢᠲᠠᠭ ᠪᠥᠭᠡᠳ ᠭᠠᠭᠴᠠᠬᠦ ᠮᠣᠩᠭᠣᠯ ᠬᠡᠯᠡᠨ ᠳ᠋ᠦ᠍ ᠯᠡ ᠥᠷᠭᠡᠨ ᠶ᠋ᠢᠡᠷ ᠵᠣᠬᠢᠶᠠᠭᠲᠠᠨ ᠳᠡᠯᠭᠡᠷᠡᠭᠰᠡᠨ ᠬᠣᠪᠣᠷ ᠨᠠᠨᠲᠢᠨ ᠪᠦᠲᠦᠭᠡᠯ ᠪᠣᠯᠤᠨᠠ ᠃ ᠡᠭᠦᠨ ᠪ ᠲᠤᠬᠠᠢ ᠬᠠᠯᠬᠠ ᠶ᠋ᠢᠨ ᠡᠷᠲᠡᠮᠲᠡᠨ ᠪ · ᠰᠣᠤᠠᠨᠠᠮ ᠶᠠᠷᠢᠬᠤ ᠳ᠋ᠠᠭᠠᠨ ᠄ 《 ᠶᠠᠭ ᠡᠶ᠋ᠢᠮᠦ ᠬᠡᠯᠪᠡᠷᠢ ᠶ᠋ᠢᠨ ᠵᠣᠬᠢᠶᠠᠯ ᠡᠸᠥ᠋ᠷᠦᠫᠡ ᠳ᠋ᠠᠬᠢᠨ ᠪ ᠬᠡᠯᠡᠨ ᠳ᠋ᠦ᠍ ᠪᠠᠶ᠋ᠢᠬᠤ ᠦᠭᠡᠢ ᠪᠥᠭᠡᠳ ᠡᠨᠡᠳᠬᠡᠭ ᠮᠡᠲᠦ ᠶ᠋ᠢᠨ ᠠᠽᠢᠶᠠ ᠶ᠋ᠢᠨ ᠵᠠᠷᠢᠮ ᠬᠡᠯᠡᠨ ᠳ᠋ᠦ᠍ ᠦᠵᠡᠭᠳᠡᠬᠦ ᠪᠣᠯᠪᠠᠴᠤ ᠂ ᠮᠣᠩᠭᠣᠯ ᠦ᠋ᠨ ᠬᠢ ᠲᠡᠢ ᠠᠲᠠᠯᠢ ᠣᠯᠠᠨ ᠪᠢᠰᠢ ᠪᠥᠭᠡᠳ ᠵᠢᠩᠬᠢᠨᠢ ᠶᠠᠷᠢᠶᠠᠨ ᠪ ᠬᠡᠯᠡᠨ ᠳ᠋ᠦ᠍ ᠥᠷᠭᠡᠨ ᠳᠡᠯᠭᠡᠷᠡᠵᠦ ᠲᠦᠭᠡᠭᠡ ᠦᠭᠡᠢ 》(1) ᠭᠡᠵᠦ ᠬᠡᠯᠡᠭᠰᠡᠨ ᠪᠠᠶ᠋ᠢᠨᠠ ᠃ ᠲᠡᠭᠦᠨ ᠪ ᠡᠨᠡᠬᠦ ᠳᠠᠷᠬᠠᠨ ᠳᠡᠯᠭᠡᠷᠡᠭᠰᠡᠨ ᠬᠦᠷᠢᠶᠡ ᠬᠡᠪᠴᠢᠶᠡ ᠶ᠋ᠢ ᠶᠠᠷᠢᠬᠰᠠᠨ ᠨᠢ ᠶᠡᠬᠡ ᠣᠨᠣᠪᠴᠢᠲᠠᠢ ᠪᠢᠯᠡ ᠃ ᠡᠨᠡᠬᠦ ᠬᠡᠯᠪᠡᠷᠢ ᠶ᠋ᠢᠨ ᠠᠮᠠᠨ ᠵᠣᠬᠢᠶᠠᠯ ᠨᠢ ᠡᠨᠡᠳᠬᠡᠭ ᠲᠥᠪᠡᠳ ᠦ᠋ᠨ ᠨᠣᠮ ᠵᠣᠬᠢᠶᠠᠯ ᠳ᠋ᠦ᠍ ᠬᠠᠶᠠ ᠬᠠᠷᠠᠭᠲᠠᠬᠤ ᠪᠣᠯᠪᠠᠴᠤ ᠲᠡᠶ᠋ᠢᠮᠦ ᠣᠯᠠᠨ ᠪᠢᠰᠢ ᠂ ᠲᠣᠬ᠋ᠠ ᠶ᠋ᠢᠨ ᠲᠠᠯᠠ ᠪᠠᠷ ᠶ᠋ᠢᠠᠨ ᠴᠥᠭᠡᠨ ᠪᠥᠭᠡᠳ ᠳᠠᠷᠬᠠᠨ ᠳᠡᠯᠭᠡᠷᠡᠭᠰᠡᠨ ᠬᠡᠪᠴᠢᠶᠡ ᠨᠢ ᠢᠪᠴᠤᠤ ᠪᠠᠶ᠋ᠢᠵᠤ ᠂ ᠭᠣᠣᠯ ᠨᠢ ᠪᠢᠴᠢᠭ ᠦ᠋ᠨ ᠵᠣᠬᠢᠶᠠᠯ ᠳ᠋ᠦ᠍ ᠲᠡᠮᠲᠡᠭᠯᠡᠯ ᠲᠡᠢ ᠪᠣᠯᠪᠠᠴᠤ ᠵᠢᠩᠬᠢᠨᠢ ᠶᠠᠷᠢᠶᠠᠨ ᠪ ᠬᠡᠯᠡᠨ ᠳ᠋ᠦ᠍ ᠥᠷᠭᠡᠨ ᠳᠡᠯᠭᠡᠷᠡᠵᠦ ᠴᠢᠲᠠᠭᠰᠠᠨ ᠦᠭᠡᠢ ᠃ 《 ᠶᠢᠷᠲᠢᠨᠴᠦ ᠶ᠋ᠢᠨ ᠭᠤᠷᠪᠠ 》 ᠶ᠋ᠢ ᠪᠦᠲᠦᠴᠡ ᠪᠦᠷᠢᠯᠲᠦᠬᠦᠨ ᠪ ᠲᠠᠯᠠ ᠠ᠋ᠴᠠ ᠠᠪᠴᠤ ᠦᠵᠡᠪᠡᠯ ᠂ ᠶᠢᠷᠲᠢᠨᠴᠦ ᠳᠡᠯᠡᠬᠡᠢ ᠳ᠋ᠦ᠍ ᠣᠷᠣᠰᠢᠨ ᠲᠣᠭᠲᠠᠨᠢᠵᠤ ᠪᠠᠶ᠋ᠢᠬ᠋ᠠ ᠬᠠᠴᠢᠨ ᠰᠣᠨᠢᠨ ᠂ ᠣᠨᠴᠣᠭᠣᠢ ᠳᠣᠪᠣᠶ᠋ᠢᠮᠠ ᠬᠡᠷᠡᠭ ᠪᠣᠲᠠᠰ ᠂ ᠠᠮᠢᠲᠠᠨ ᠤᠷᠭᠤᠮᠠᠯ ᠊ᠢ ᠭᠦᠨᠵᠡᠭᠡᠢ ᠵᠠᠲᠠᠯᠤᠨ ᠰᠢᠨᠵᠢᠵᠦ ᠂ ᠭᠦᠨ ᠤᠬᠠᠭᠠᠨ ᠪ ᠡᠭᠦᠲᠡᠨ ᠡᠴᠡ ᠪᠣᠲᠠᠲᠠᠢ ᠶᠠᠪᠤᠲᠠᠯ ᠊ᠢ ᠪᠣᠲᠠᠲᠠᠢ ᠪᠠᠷ ᠵᠠᠲᠠᠯᠤᠨ ᠬᠡᠷᠡᠭ ᠶᠠᠭᠤᠮᠠ ᠶ᠋ᠢᠨ ᠠᠲᠠᠯᠢᠪᠲᠤᠷ ᠠᠭᠤᠯᠬ᠋ᠠ ᠬᠡᠯᠪᠡᠷᠢ ᠶ᠋ᠢ ᠪᠠᠷᠢᠵᠤ ᠂ ᠠᠲᠠᠯᠢ ᠨᠠᠶ᠋ᠢᠷᠠᠭᠤᠯᠬ᠋ᠠ ᠶ᠋ᠢᠨ ᠬᠡᠯᠪᠡᠷᠢ ᠪᠡᠷ ᠵᠢᠬᠰᠠᠭᠠᠵᠤ ᠂ ᠭᠤᠷᠪᠠᠨ ᠮᠥᠷ ᠊ᠢ ᠨᠢᠭᠡ ᠪᠠᠲᠠᠭ ᠪᠣᠯᠭᠠᠨ ᠰᠢᠯᠦᠭᠯᠡᠳᠡᠭ ᠪᠠᠶ᠋ᠢᠨᠠ ᠃ ᠡᠨᠡᠬᠦ ᠪᠠᠲᠠᠭ ᠨᠢ ᠮᠥᠨᠴᠥ ᠪᠤᠰᠤᠳ ᠲᠥᠷᠥᠯ ᠦ᠋ᠨ ᠢᠷᠠᠭᠤ ᠨᠠᠶ᠋ᠢᠷᠠᠭ ᠲᠠᠢ ᠠᠲᠠᠯᠢ ᠪᠠᠷ ᠦᠭᠡ ᠪᠠ ᠦᠶᠡ ᠶ᠋ᠢᠨ ᠲᠣᠬ᠋ᠠ ᠶ᠋ᠢ ᠲᠡᠩᠴᠡᠭᠦᠯᠵᠦ ᠂ ᠲᠣᠯᠣᠭᠠᠢ ᠂ ᠰᠡᠭᠦᠯ ᠬᠣᠯᠪᠣᠨ ᠡᠩ ᠵᠡᠷᠭᠡᠴᠡᠭᠦᠯᠵᠦ ᠪᠦᠲᠦᠭᠡᠳᠡᠭ ᠃ ᠰᠡᠭᠦᠯ ᠬᠣᠯᠪᠣᠬᠤ ᠶ᠋ᠢ ᠣᠨᠴᠣᠭᠣᠶ᠋ᠢᠯᠠ ᠴᠢᠬᠤᠯᠠᠴᠢᠯᠠᠲᠠᠭ ᠪᠣᠯᠬᠣᠷ 《 ᠶᠢᠷᠲᠢᠨᠴᠦ ᠶ᠋ᠢᠨ ᠭᠤᠷᠪᠠ 》 ᠶ᠋ᠢᠨ ᠪᠠᠲᠠᠭ ᠪᠦᠷᠢ ᠶ᠋ᠢᠨ ᠮᠥᠷ ᠪᠣᠯᠭᠠᠨ ᠪ ᠡᠴᠦᠰ ᠦ᠋ᠨ ᠦᠭᠡ ᠨᠢ ᠪᠦᠷ ᠠᠲᠠᠯᠢ ᠪᠠᠶ᠋ᠢᠲᠠᠭ ᠪᠢᠯᠡ ᠃ ᠨᠥᠭᠦᠭᠡ ᠲᠠᠯᠠ ᠪᠠᠷ ᠠᠪᠴᠤ ᠬᠡᠯᠡᠪᠡᠯ ᠂ ᠪᠠᠲᠠᠭ ᠪᠦᠷᠢ ᠨᠢ ᠨᠡᠶ᠋ᠢᠭᠡᠮ ᠪᠠ ᠠᠮᠢᠲᠤᠷᠠᠯ ᠦ᠋ᠨ ᠮᠡᠲᠡᠯᠭᠡ ᠶ᠋ᠢ ᠤᠯᠠᠮᠵᠢᠯᠠᠵᠤ ᠂ ᠰᠤᠷᠭᠠᠨ ᠬᠥᠮᠦᠵᠢᠭᠦᠯᠬᠦ ᠦᠢᠯᠡᠲᠦᠯ ᠊ᠢ ᠪᠠᠲᠠᠷᠠᠭᠤᠯᠵᠤ ᠂ ᠭᠦᠨ ᠤᠬᠠᠭᠠᠨᠴᠢ ᠴᠢᠨᠠᠷ ᠲᠠᠢ ᠶᠣᠰᠣ ᠤᠴᠢᠷ ᠊ᠢ ᠬᠠᠪᠤᠯᠢᠬ ᠰᠠᠶ᠋ᠢᠬᠠᠨ ᠥᠭᠦᠯᠡᠵᠦ ᠪᠠᠶ᠋ᠢᠲᠠᠭ ᠪᠢᠯᠡ ᠃ ᠵᠢᠱ᠌ᠢᠶᠡᠯᠡᠪᠡᠯ ᠄
ᠡᠷᠡ ᠡᠮᠡ ᠨᠠᠰᠤᠨ ᠪ ᠬᠣᠯᠪᠣᠬ᠋ᠠ
ᠡᠴᠢᠭᠡ ᠬᠦᠦ ᠴᠢᠰᠤᠨ ᠪ ᠬᠣᠯᠪᠣᠬ᠋ᠠ
ᠡᠮᠡᠭᠡᠯ ᠮᠣᠷᠢ ᠵᠠᠮ ᠦ᠋ᠨ ᠬᠣᠯᠪᠣᠬ᠋ᠠ
( ᠶᠢᠷᠲᠢᠨᠴᠦ ᠶ᠋ᠢᠨ ᠭᠤᠷᠪᠠᠨ ᠬᠣᠯᠪᠣᠬ᠋ᠠ )
ᠡᠷᠡ ᠪᠡᠨ ᠡᠵᠡᠯᠡᠭᠰᠡᠨ ᠡᠬᠡᠨᠡᠷ ᠳᠣᠭᠰᠢᠨ
ᠡᠮᠡᠭᠡᠯ ᠶ᠋ᠢᠡᠨ ᠬᠥᠨᠭᠭᠡᠯᠡᠭᠰᠡᠨ ᠮᠣᠷᠢ ᠳᠣᠭᠰᠢᠨ
ᠡᠵᠡᠨ ᠶ᠋ᠢᠡᠨ ᠠᠶᠤᠯᠭᠠᠭᠰᠠᠨ ᠲᠦᠰᠢᠮᠡᠯ ᠳᠣᠭᠰᠢᠨ
( ᠶᠢᠷᠲᠢᠨᠴᠦ ᠶ᠋ᠢᠨ ᠭᠤᠷᠪᠠᠨ ᠳᠣᠭᠰᠢᠨ )
ᠭᠡᠬᠦ ᠮᠡᠲᠦ ᠪᠡᠷ ᠭᠤᠷᠪᠠᠯᠠᠭᠰᠠᠨ ᠳᠦᠷᠢᠮ ᠊ᠢ ᠪᠠᠷᠢᠮᠲᠠᠯᠠᠨ ᠤᠴᠢᠷ ᠶᠠᠪᠤᠲᠠᠯ ᠂ ᠣᠯᠠᠨ ᠬᠡᠷᠡᠭ ᠊ᠢ ᠭᠣᠶ᠋ᠢᠲᠠ ᠰᠠᠶ᠋ᠢᠬᠠᠨ ᠶ᠋ᠢᠠᠷ ᠲᠤᠰᠬᠠᠨ ᠥᠭᠦᠯᠡᠵᠦ ᠪᠠᠶ᠋ᠢᠬᠤ ᠪᠠᠷ ᠬᠥᠮᠦᠰ ᠦ᠋ᠨ ᠰᠣᠨᠢᠷᠬᠠᠯ ᠊ᠢ ᠲᠠᠲᠠᠵᠤ ᠂ ᠵᠣᠬᠢᠶᠠᠭᠲᠠᠨ ᠳᠡᠯᠭᠡᠷᠡᠵᠦ ᠴᠢᠲᠠᠭᠰᠠᠨ ᠪᠠᠶ᠋ᠢᠨᠠ ᠃
《 ᠶᠢᠷᠲᠢᠨᠴᠦ ᠶ᠋ᠢᠨ ᠭᠤᠷᠪᠠ 》 ᠶ᠋ᠢ ᠤᠬᠠᠭᠲᠠᠬᠤᠨ ᠪ ᠲᠠᠯᠠ ᠠ᠋ᠴᠠ ᠠᠪᠴᠤ ᠶᠠᠷᠢᠪᠠᠯ ᠂ ᠶᠠᠭᠤ ᠶ᠋ᠢ 《 ᠶᠢᠷᠲᠢᠨᠴᠦ ᠶ᠋ᠢᠨ ᠭᠤᠷᠪᠠ 》 ᠭᠡᠵᠦ ᠬᠡᠯᠡᠬᠦ ᠪᠤᠢ ᠭᠡᠳᠡᠭ ᠠᠰᠠᠭᠤᠯᠲᠠ ᠳ᠋ᠦ᠍ ᠣᠨᠣᠪᠴᠢᠲᠠᠢ ᠂ ᠲᠣᠬᠢᠷᠠᠮᠵᠢᠲᠠᠢ ᠨᠢᠭᠡᠨ ᠬᠠᠷᠢᠭᠤᠯᠲᠠ ᠥᠭᠬᠦ ᠶᠠᠪᠤᠲᠠᠯ ᠪᠣᠯᠤᠨᠠ ᠃ ᠡᠨᠡᠬᠦ ᠤᠬᠠᠭᠲᠠᠬᠤᠨ ᠪ ᠲᠤᠬᠠᠢ ᠣᠯᠠᠨ ᠡᠷᠲᠡᠮᠲᠡᠳ ᠦ᠋ᠨ ᠰᠠᠨᠠᠯ ᠨᠢᠭᠡᠤᠠᠴᠦ ᠳᠡᠶ᠋ᠢᠯᠦᠭᠡᠳᠦᠢ ᠪᠠᠶ᠋ᠢᠨᠠ ᠃ ᠵᠢᠱ᠌ᠢᠶᠡᠯᠡᠪᠡᠯ ᠄ ᠵᠥᠪᠯᠡᠯᠲᠦ ᠬᠣᠯᠪᠣᠭᠠᠲᠤ ᠤᠯᠤᠰ ᠦ᠋ᠨ ᠮᠣᠩᠭᠣᠯᠴᠢ ᠡᠷᠲᠡᠮᠲᠡᠨ ᠪ · ᠨ · ᠺᠯᠢᠦᠸᠸᠠ · ᠮ · ᠬ · ᠬᠠᠩᠭᠠᠯᠤᠸ ᠪᠠ ᠪᠤᠷᠢᠶᠠᠳ ᠦ᠋ᠨ ᠮᠣᠩᠭᠣᠯᠴᠢ ᠡᠷᠲᠡᠮᠲᠡᠨ ᠮ · ᠫ · ᠬᠠᠮᠭᠠᠨᠤᠸ ᠂ ᠮᠣᠩᠭᠣᠯ ᠠᠷᠠᠳ ᠤᠯᠤᠰ ᠦ᠋ᠨ ᠡᠷᠲᠡᠮᠲᠡᠨ ᠫ · ᠬᠣᠷᠯᠣ · ᠽ · ᠥᠯᠵᠡᠶ᠋ᠢᠬᠣᠲᠣᠭ ᠵᠡᠷᠭᠡ ᠶ᠋ᠢᠨ ᠰᠤᠲᠤᠯᠤᠭᠴᠢᠳ 《 ᠶᠢᠷᠲᠢᠨᠴᠦ ᠶ᠋ᠢᠨ ᠭᠤᠷᠪᠠ 》 ᠶ᠋ᠢ ᠦᠨᠲᠦᠰᠦᠨ ᠰᠢᠨᠵᠢ ᠪᠡᠷ ᠨᠢ ᠣᠨᠢᠰᠣᠬ᠋ᠠ ᠲᠠᠭᠠᠪᠤᠷᠢ ᠶ᠋ᠢᠨ ᠣᠨᠴᠣᠭᠣᠢ ᠬᠡᠯᠪᠡᠷᠢ ᠭᠡᠵᠦ ᠦᠵᠡᠭᠰᠡᠨ ᠪᠠᠶ᠋ᠢᠨᠠ ᠃ᠮᠣᠩᠭᠣᠯ ᠠᠷᠠᠳ ᠤᠯᠤᠰ ᠦ᠋ᠨ ᠪ · ᠰᠣᠤᠠᠨᠠᠮ ᠂ ᠨ · ᠳᠠᠮᠪᠠᠰᠥ᠋ᠷᠦᠩ ᠪᠠ ᠹᠷᠠᠨᠼᠢ ᠶ᠋ᠢᠨ ᠮᠣᠩᠭᠣᠯᠴᠢ ᠡᠷᠲᠡᠮᠲᠡᠨ ᠠ᠊ ᠂ ᠮᠣᠰᠲ᠋ᠸᠷᠲ ᠨᠠᠷ ᠡᠮᠬᠢᠤᠠᠬᠡᠯ ᠲᠡᠭᠦᠪᠦᠷᠢ ᠨᠡᠶ᠋ᠢᠲᠡᠯᠡᠭᠦᠯᠬᠦ ᠳ᠋ᠡᠭᠡᠨ ᠵᠦᠢᠷ ᠰᠡᠴᠡᠨ ᠦᠭᠡᠨ ᠳ᠋ᠦ᠍ ᠬᠠᠮᠢᠶᠠᠷᠤᠭᠤᠯᠤᠭᠰᠠᠨ ᠪᠠᠶ᠋ᠢᠨᠠ ᠃ ᠢᠯᠠᠩᠭᠤᠶᠠ ᠪ · ᠰᠣᠤᠠᠨᠠᠮ 《 ᠮᠣᠩᠭᠣᠯ ᠠᠷᠠᠳ ᠦ᠋ᠨ ᠶᠢᠷᠲᠢᠨᠴᠦ ᠶ᠋ᠢᠨ ᠭᠤᠷᠪᠠ ᠂ ᠳᠥᠷᠪᠡ ᠶ᠋ᠢᠨ ᠲᠤᠬᠠᠢ 》 ᠭᠡᠳᠡᠭ ᠥᠭᠦᠯᠡᠯ ᠳ᠋ᠦ᠍ ᠤᠬᠠᠭᠲᠠᠬᠤᠨ ᠪ ᠲᠤᠬᠠᠢ ᠶᠠᠷᠢᠬᠤ ᠳ᠋ᠠᠭᠠᠨ ᠄ 《 ᠶᠢᠷᠲᠢᠨᠴᠦ ᠶ᠋ᠢᠨ ᠭᠤᠷᠪᠠ ᠂ ᠳᠥᠷᠪᠡ ᠭᠡᠳᠡᠭ ᠪᠣᠯ ᠮᠣᠩᠭᠣᠯ ᠠᠷᠠᠳ ᠦ᠋ᠨ ᠠᠮᠠᠨ ᠵᠣᠬᠢᠶᠠᠯ ᠦ᠋ᠨ ᠰᠡᠴᠡᠯᠡᠯ ᠪᠤᠶᠤ ᠰᠤᠷᠭᠠᠯ ᠦᠭᠡᠰ ᠦ᠋ᠨ ᠨᠢᠭᠡ ᠲᠤᠰᠬᠠᠢ ᠪᠡᠶᠡ ᠪᠡᠨ ᠳᠠᠭᠠᠭᠠᠭᠰᠠᠨ ᠬᠡᠯᠡᠯᠭᠡ ᠮᠥᠨ ᠃ 》(2) ᠭᠡᠵᠡᠢ ᠃ ᠮᠢᠨᠦ ᠦᠵᠡᠬᠦ ᠪᠡᠷ 《 ᠶᠢᠷᠲᠢᠨᠴᠦ ᠶ᠋ᠢᠨ ᠭᠤᠷᠪᠠ 》 ᠶ᠋ᠢ ᠣᠨᠢᠰᠣᠬ᠋ᠠ ᠪᠤᠶᠤ ᠵᠦᠢᠷ ᠰᠡᠴᠡᠨ ᠦᠭᠡ ᠶ᠋ᠢᠨ ᠨᠢᠭᠡ ᠬᠡᠯᠪᠡᠷᠢ ᠮᠥᠨ ᠬᠡᠮᠡᠵᠦ ᠦᠵᠡᠬᠦ ᠪᠤᠶᠤ ᠲᠡᠭᠡᠵᠦ ᠤᠬᠠᠭᠲᠠᠬᠤᠨ ᠥᠭᠬᠦ ᠨᠢ ᠵᠣᠬᠢᠰ ᠦᠭᠡᠢ ᠃ ᠤᠴᠢᠷ ᠨᠢ ᠂《 ᠶᠢᠷᠲᠢᠨᠴᠦ ᠶ᠋ᠢᠨ ᠭᠤᠷᠪᠠ 》 ᠪᠣᠯ ᠥᠪᠡᠷᠦᠨ ᠪᠡᠶᠡ ᠪᠡᠨ ᠳᠠᠭᠠᠭᠠᠭᠰᠠᠨ ᠨᠢᠭᠡ ᠲᠥᠷᠥᠯ ᠦ᠋ᠨ ᠠᠮᠠᠨ ᠵᠣᠬᠢᠶᠠᠯ ᠮᠥᠨ ᠃
ᠮᠣᠩᠭᠣᠯ ᠠᠷᠠᠳ ᠤᠯᠤᠰ ᠦ᠋ᠨ ᠡᠷᠲᠡᠮᠲᠡᠨ ᠯ · ᠲᠦᠲᠦᠪ ᠂ ᠬ ᠂ ᠰᠠᠮᠫᠢᠯᠲᠠᠨᠲᠠᠪ ᠵᠢᠴᠢ ᠵᠤᠤᠵᠠ ᠂ ᠶ ᠂ ᠪᠠᠭᠠᠲᠤᠷᠰᠥ᠋ᠬᠡ ᠂ ᠭᠣᠩᠭᠣᠷᠵᠠᠪ ᠨᠠᠷ ᠪᠠ ᠮᠠᠨ ᠪ ᠤᠯᠤᠰ ᠦ᠋ᠨ ᠲᠥᠪ ᠦ᠋ᠨ ᠦᠨᠲᠦᠰᠦᠲᠡᠨ ᠪ ᠳᠡᠭᠡᠳᠦ ᠰᠤᠷᠭᠠᠭᠤᠯᠢ ᠶ᠋ᠢᠨ ᠪᠠᠭᠰᠢ ᠮᠠᠨᠲᠤᠬᠤ ᠵᠢᠴᠢ ᠨᠥᠬᠥᠷ ᠪᠤᠶᠠᠨᠬᠡᠰᠢᠭ᠌ ᠵᠡᠷᠭᠡ ᠶ᠋ᠢᠨ ᠬᠥᠮᠦᠰ 《 ᠶᠢᠷᠲᠢᠨᠴᠦ ᠶ᠋ᠢᠨ ᠭᠤᠷᠪᠠ 》 ᠶ᠋ᠢ ᠪᠦᠷ ᠪᠡᠶᠡ ᠪᠡᠨ ᠳᠠᠭᠠᠭᠠᠭᠰᠠᠨ ᠨᠢᠭᠡ ᠲᠥᠷᠥᠯ ᠦ᠋ᠨ ᠠᠮᠠᠨ ᠵᠣᠬᠢᠶᠠᠯ ᠭᠡᠵᠦ ᠦᠵᠡᠭᠰᠡᠨ ᠨᠢ ᠮᠢᠨᠦ ᠰᠠᠨᠠᠯ ᠲᠠᠢ ᠮᠠᠰᠢ ᠲᠣᠬᠢᠷᠠᠵᠤ ᠪᠤᠢ ᠃ ᠬ · ᠰᠠᠮᠫᠢᠯᠲᠠᠨᠲᠠᠪ ᠦ᠋ᠨ 《 ᠬᠡᠦᠬᠡᠳ ᠦ᠋ᠨ ᠠᠮᠠᠨ ᠵᠣᠬᠢᠶᠠᠯ ᠦ᠋ᠨ ᠤᠴᠢᠷ 》 ᠭᠡᠳᠡᠭ ᠨᠣᠮ ᠳ᠋ᠦ᠍ 《 ᠶᠢᠷᠲᠢᠨᠴᠦ ᠶ᠋ᠢᠨ ᠭᠤᠷᠪᠠ 》 ᠶ᠋ᠢᠨ ᠤᠬᠠᠭᠲᠠᠬᠤᠨ ᠪ ᠲᠤᠬᠠᠢ ᠪᠢᠴᠢᠬᠦ ᠳ᠋ᠡᠭᠡᠨ ᠄ 《 ᠶᠢᠷᠲᠢᠨᠴᠦ ᠶ᠋ᠢᠨ ᠭᠤᠷᠪᠠ ᠭᠡᠳᠡᠭ ᠨᠢ ᠶᠢᠷᠲᠢᠨᠴᠦ ᠶ᠋ᠢᠨ ᠦᠵᠡᠭᠳᠡᠯ ᠦ᠋ᠨ ᠳᠣᠲᠣᠷᠠ ᠠ᠋ᠴᠠ ᠰᠢᠨᠵᠢ ᠲᠥᠯᠥᠪ ᠶ᠋ᠢᠡᠷ ᠶ᠋ᠢᠡᠨ ᠨᠡᠢᠲᠡᠯᠢᠭ ᠭᠤᠷᠪᠠᠨ ᠵᠦᠢᠯ ᠊ᠢ ᠣᠨᠴᠠᠯᠠᠨ ᠠᠷᠠᠳ ᠲᠦᠮᠡᠨ ᠪ ᠠᠮᠢᠲᠤᠷᠠᠯ ᠨᠡᠶ᠋ᠢᠭᠡᠮ ᠲᠡᠦᠬᠡ ᠶ᠋ᠢᠨ ᠲᠤᠷᠰᠢᠯᠬ᠋ᠠ ᠂ ᠲᠠᠨᠢᠨ ᠮᠡᠲᠡᠬᠦᠢ ᠶ᠋ᠢᠨ ᠳ᠋ᠦ᠋ᠩᠨᠡᠯᠲᠡ ᠶ᠋ᠢ ᠭᠤᠷᠪᠠᠨ ᠮᠥᠷ ᠶ᠋ᠢᠡᠷ ᠢᠯᠡᠷᠬᠡᠶ᠋ᠢᠯᠡᠨ ᠵᠣᠬᠢᠶᠠᠭᠰᠠᠨ ᠤᠷᠠᠨ ᠰᠢᠯᠦᠭ ᠊ᠢ ᠬᠡᠯᠡᠨᠡ 》(3) ᠭᠡᠵᠡᠢ ᠃ ᠯ ᠂ ᠲᠦᠲᠦᠪ 《 ᠮᠣᠩᠭᠣᠯ ᠤᠷᠠᠨ ᠵᠣᠬᠢᠶᠠᠯ ᠦ᠋ᠨ ᠦᠨᠲᠦᠰᠦᠲᠡᠨ ᠪ ᠪᠣᠯᠤᠨ ᠨᠡᠢᠲᠡᠯᠢᠭ ᠰᠢᠨᠵᠢ 》 ᠭᠡᠳᠡᠭ ᠤᠷᠲᠤ ᠥᠭᠦᠯᠡᠯ ᠳ᠋ᠡᠭᠡᠨ 《 ᠶᠢᠷᠲᠢᠨᠴᠦ ᠶ᠋ᠢᠨ ᠭᠤᠷᠪᠠ 》 ᠶ᠋ᠢ ᠪᠡᠶᠡ ᠪᠡᠨ ᠳᠠᠭᠠᠭᠠᠭᠰᠠᠨ ᠵᠣᠬᠢᠶᠠᠯ ᠬᠡᠮᠡᠨ ᠶᠠᠷᠢᠵᠤ ᠥᠩᠭᠡᠷᠡᠵᠡᠢ ᠃
ᠮᠠᠨᠲᠤᠬᠤ ᠪᠠᠭᠰᠢ ᠂ ᠥᠪᠥᠷ ᠮᠣᠩᠭᠣᠯ ᠦ᠋ᠨ ᠰᠤᠷᠭᠠᠨ ᠬᠥᠮᠦᠵᠢᠯ ᠦ᠋ᠨ ᠬᠡᠪᠯᠡᠯ ᠦ᠋ᠨ ᠬᠣᠷᠢᠶᠠ ᠪᠠᠷ ᠬᠡᠪᠯᠡᠭᠦᠯᠦᠭᠰᠡᠨ 《 ᠮᠣᠩᠭᠣᠯ ᠠᠷᠠᠳ ᠦ᠋ᠨ ᠠᠮᠠᠨ ᠵᠣᠬᠢᠶᠠᠯ ᠦ᠋ᠨ ᠲᠣᠶ᠋ᠢᠮᠣ 》 ᠭᠡᠳᠡᠭ ᠨᠣᠮ ᠳ᠋ᠦ᠍ 《 ᠶᠢᠷᠲᠢᠨᠴᠦ ᠶ᠋ᠢᠨ ᠭᠤᠷᠪᠠ 》 ᠶ᠋ᠢᠨ ᠲᠤᠬᠠᠢ ᠶᠠᠷᠢᠬᠤ ᠳ᠋ᠠᠭᠠᠨ ᠄ 《 ᠮᠣᠩᠭᠣᠯ ᠠᠷᠠᠳ ᠦ᠋ᠨ ᠠᠮᠠᠨ ᠵᠣᠬᠢᠶᠠᠯ ᠳ᠋ᠦ᠍ ᠶᠢᠷᠲᠢᠨᠴᠦ ᠶ᠋ᠢᠨ ᠭᠤᠷᠪᠠ ᠭᠡᠵᠦ ᠪᠡᠶᠡ ᠪᠡᠨ ᠳᠠᠭᠠᠭᠠᠭᠰᠠᠨ ᠰᠣᠨᠢᠷᠬᠠᠯᠲᠠᠢ ᠨᠢᠭᠡ ᠵᠦᠢᠯ ᠪᠠᠶ᠋ᠢᠲᠠᠭ ᠃ ᠶᠢᠷᠲᠢᠨᠴᠦ ᠶ᠋ᠢᠨ ᠭᠤᠷᠪᠠ ᠪᠣᠯ ᠭᠤᠷᠪᠠᠯ ᠦ᠋ᠨ ᠵᠢᠷᠤᠮ ᠪᠠ ᠰᠢᠯᠦᠭᠯᠡᠬᠦ ᠵᠠᠷᠴᠢᠮ ᠶ᠋ᠢᠠᠷ ᠪᠦᠲᠦᠭᠰᠡᠨ ᠪᠠᠬ᠋ᠠ ᠬᠡᠯᠪᠡᠷᠢ ᠶ᠋ᠢᠨ ᠠᠮᠠᠨ ᠢᠷᠠᠭᠤ ᠨᠠᠶ᠋ᠢᠷᠠᠭ ᠮᠥᠨ 》(4) ᠭᠡᠵᠦ ᠣᠬᠣᠷ ᠠᠪᠰᠠᠷᠬᠠᠨ ᠶ᠋ᠢᠠᠷ ᠶᠠᠭᠤ ᠶ᠋ᠢ 《 ᠶᠢᠷᠲᠢᠨᠴᠦ ᠶ᠋ᠢᠨ ᠭᠤᠷᠪᠠ 》 ᠭᠡᠳᠡᠭ ᠤᠬᠠᠭᠲᠠᠬᠤᠨ ᠊ᠢ ᠬᠠᠷᠢᠭᠤᠯᠤᠭᠰᠠᠨ ᠪᠠᠶ᠋ᠢᠨᠠ ᠃ ᠲᠤᠰ ᠵᠣᠬᠢᠶᠠᠯ ᠶ᠋ᠢᠠᠨ 《 ᠥᠪᠥᠷ ᠮᠣᠩᠭᠣᠯ ᠦ᠋ᠨ ᠡᠲᠦᠷ ᠦ᠋ᠨ ᠰᠣᠨᠢᠨ 》 ᠪ 80 ᠣᠨ ᠪ 3 ᠰᠠᠷᠠᠶ᠋ᠢᠨ 18 ᠪ ᠡᠲᠦᠷ ᠨᠡᠶ᠋ᠢᠲᠡᠯᠡᠵᠦ ᠂ ᠥᠪᠡᠷᠦᠨ ᠰᠠᠨᠠᠯ ᠪᠠ ᠦᠵᠡᠯᠲᠡ ᠪᠡᠨ ᠳᠤᠷᠠᠳᠤᠭᠰᠠᠨ ᠪᠠᠶ᠋ᠢᠨᠠ ᠃
ᠨᠥᠬᠥᠷ ᠪᠤᠶᠠᠨᠭᠡᠰᠢᠭ ᠂ 《 ᠮᠣᠩᠭᠣᠯ ᠬᠡᠯᠡ ᠤᠤᠠᠬᠠ ᠵᠣᠬᠢᠶᠠᠯ 》 ᠰᠡᠤᠠᠬᠦᠯ ᠦ᠋ᠨ 84 ᠣᠨ ᠪ 4 ᠳ᠋ᠦ᠍ᠭᠡᠷ ᠬᠤᠭᠤᠴᠠᠭᠠᠨ ᠳ᠋ᠦ᠍ ᠨᠡᠢᠲᠡᠯᠡᠭᠰᠡᠨ 《 ᠮᠣᠩᠭᠣᠯ ᠦᠨᠲᠦᠰᠦᠲᠡᠨ ᠪ ᠠᠷᠠᠳ ᠦ᠋ᠨ ᠠᠮᠠᠨ ᠵᠣᠬᠢᠶᠠᠯ ᠊ᠢ ᠠᠩᠭᠢᠯᠠᠬᠤ ᠲᠤᠬᠠᠢ 》ᠭᠡᠳᠡᠭ ᠥᠭᠦᠯᠡᠯ ᠳ᠋ᠡᠭᠡᠨ 《 ᠶᠢᠷᠲᠢᠨᠴᠦ ᠶ᠋ᠢᠨ ᠭᠤᠷᠪᠠ 》 ᠶ᠋ᠢ ᠰᠤᠷᠭᠠᠯ ᠦ᠋ᠨ ᠴᠢᠨᠠᠷ ᠲᠠᠢ ᠢᠷᠠᠭᠤ ᠨᠠᠶ᠋ᠢᠷᠠᠭ ᠬᠡᠮᠡᠨ ᠳ᠋ᠦ᠋ᠩᠨᠡᠭᠰᠡᠨ ᠪᠠᠶ᠋ᠢᠨᠠ ᠃ ᠳᠡᠭᠡᠷᠡᠬᠢ ᠶᠠᠷᠢᠬᠰᠠᠨ ᠠ᠋ᠴᠠ ᠦᠵᠡᠪᠡᠯ ᠂ ᠣᠯᠠᠨ ᠰᠤᠲᠤᠯᠤᠭᠴᠢᠳ ᠦ᠋ᠨ ᠰᠠᠨᠠᠯ ᠨᠢ ᠨᠢᠭᠡᠤᠠᠴᠦ ᠳᠡᠶ᠋ᠢᠯᠦᠭᠡᠳᠦᠢ ᠭᠡᠳᠡᠭ ᠊ᠢ ᠭᠡᠷᠡᠴᠢᠯᠡᠵᠦ ᠪᠠᠶ᠋ᠢᠨᠠ ᠃ ᠵᠠᠷᠢᠮ ᠰᠤᠲᠤᠯᠤᠭᠴᠢᠳ ᠦ᠋ᠨ ᠰᠠᠨᠠᠯ ᠪᠠ ᠦᠵᠡᠯᠲᠡ ᠨᠢ ᠶᠡᠬᠡ ᠲᠥᠯᠥᠪ ᠳᠡᠭᠡᠷᠡ ᠪᠡᠨ ᠣᠶ᠋ᠢᠷᠠᠤᠠᠴᠤ ᠪᠠᠶ᠋ᠢᠪᠠᠴᠤ ᠨᠢᠬᠲᠠ ᠵᠦᠢᠯ ᠳ᠋ᠡᠭᠡᠨ ᠠᠲᠠᠯᠢ ᠦᠭᠡᠢ ᠃ ᠨᠡᠩ ᠵᠠᠷᠢᠮ ᠰᠤᠲᠤᠯᠤᠭᠴᠢᠳ ᠦ᠋ᠨ ᠦᠵᠡᠯᠲᠡ ᠨᠢ ᠬᠣᠭᠣᠷᠣ ᠬᠣᠭᠣᠷᠣᠨᠲᠣ ᠪᠠᠨ ᠡᠷᠡᠰ ᠣᠨᠲᠣᠣ ᠪᠤᠶᠤ ᠨᠡᠯᠢᠶᠡᠳ ᠶᠡᠬᠡ ᠵᠥᠷᠢᠶᠡ ᠭᠠᠷᠴᠤ ᠪᠠᠶ᠋ᠢᠨᠠ ᠃
ᠪᠢᠲᠡ ᠴᠣᠬᠣᠮ ᠶᠠᠭᠤ ᠶ᠋ᠢ 《 ᠶᠢᠷᠲᠢᠨᠴᠦ ᠶ᠋ᠢᠨ ᠭᠤᠷᠪᠠ 》 ᠭᠡᠵᠦ ᠬᠡᠯᠡᠬᠦ ᠪᠤᠢ ? 《 ᠶᠢᠷᠲᠢᠨᠴᠦ ᠶ᠋ᠢᠨ ᠭᠤᠷᠪᠠ 》 ᠭᠡᠳᠡᠭ ᠨᠢ ᠣᠷᠴᠢᠯᠠᠩ ᠶᠢᠷᠲᠢᠨᠴᠦ ᠳ᠋ᠦ᠍ ᠣᠷᠣᠰᠢᠨ ᠲᠣᠭᠲᠠᠨᠢᠵᠤ ᠪᠠᠶ᠋ᠢᠬ᠋ᠠ ᠰᠢᠨᠵᠢ ᠲᠥᠯᠥᠪ ᠶ᠋ᠢᠡᠷ ᠨᠡᠢᠲᠡᠯᠢᠭ ᠂ ᠣᠨᠴᠣᠭᠣᠢ ᠳᠣᠪᠣᠶ᠋ᠢᠮᠠ ᠭᠤᠷᠪᠠᠨ ᠵᠦᠢᠯ ᠦ᠋ᠨ ᠬᠡᠷᠡᠭ ᠦᠵᠡᠭᠳᠡᠯ᠂ ᠦᠢᠯᠡ ᠶᠠᠪᠤᠲᠠᠯ ᠂ ᠠᠮᠢᠲᠠᠨ ᠤᠷᠭᠤᠮᠠᠯ ᠦ᠋ᠨ ᠭᠠᠲᠠᠷ ᠪᠠᠶ᠋ᠢᠲᠠᠯ ᠂ ᠳᠣᠲᠣᠭᠠᠳᠤ ᠵᠢᠮᠡ ᠬᠢᠭᠡᠳ ᠨᠡᠶ᠋ᠢᠭᠡᠮ ᠪᠠ ᠠᠮᠢᠲᠤᠷᠠᠯ ᠦ᠋ᠨ ᠲᠤᠷᠰᠢᠯᠬ᠋ᠠ ᠰᠤᠷᠭᠠᠮᠵᠢ ᠵᠡᠷᠭᠡ ᠶ᠋ᠢᠨ ᠠᠲᠠᠯᠢᠪᠲᠤᠷ ᠣᠨᠴᠠᠯᠢᠬ ᠊ᠢ ᠪᠠᠷᠢᠵᠤ ᠂ ᠠᠲᠠᠯᠢ ᠨᠠᠶ᠋ᠢᠷᠠᠭᠤᠯᠬ᠋ᠠ ᠶ᠋ᠢᠨ ᠬᠡᠯᠪᠡᠷᠢ ᠪᠡᠷ ᠭᠤᠷᠪᠠᠨ ᠮᠥᠷ ᠊ᠢ ᠨᠢᠭᠡ ᠪᠠᠲᠠᠭ ᠪᠣᠯᠭᠠᠨ ᠶᠣᠰᠣᠴᠢᠯᠠᠨ ᠰᠢᠯᠦᠭᠯᠡᠭᠰᠡᠨ ᠰᠤᠷᠭᠠᠯ ᠦ᠋ᠨ ᠴᠢᠨᠠᠷ ᠲᠠᠢ ᠪᠡᠶᠡ ᠪᠡᠨ ᠳᠠᠭᠠᠭᠠᠭᠰᠠᠨ ᠣᠬᠣᠷ ᠬᠡᠯᠪᠡᠷᠢ ᠶ᠋ᠢᠨ ᠠᠮᠠᠨ ᠢᠷᠠᠭᠤ ᠨᠠᠶ᠋ᠢᠷᠠᠭ ᠊ᠢ ᠬᠡᠯᠡᠨᠡ ᠃ ᠪᠣᠲᠠᠲᠤ ᠵᠢᠱ᠌ᠢᠶᠡ ᠡᠴᠡ ᠦᠵᠡᠪᠡᠯ ᠄
ᠥᠰᠬᠦ ᠳ᠋ᠦ᠍ ᠰᠢᠳᠦ ᠴᠠᠭᠠᠨ
ᠥᠲᠡᠯᠬᠦ ᠳ᠋ᠦ᠍ ᠦᠰᠦ ᠴᠠᠭᠠᠨ
ᠦᠬᠦᠬᠦ ᠳ᠋ᠦ᠍ ᠶᠠᠰᠤ ᠴᠠᠭᠠᠨ
( ᠶᠢᠷᠲᠢᠨᠴᠦ ᠶ᠋ᠢᠨ ᠭᠤᠷᠪᠠᠨ ᠴᠠᠭᠠᠨ )
ᠬᠠᠶ᠋ᠢᠷᠠᠭᠤᠯ ᠲᠣᠭᠣᠭᠠᠨ ᠪ ᠬᠦ᠋ ᠬᠠᠷᠠ
ᠬᠠᠷᠠᠮᠴᠢ ᠬᠥᠮᠦᠨ ᠪ ᠭᠠᠷ ᠬᠠᠷᠠ
ᠬᠠᠷᠢᠶᠠᠯᠴᠢ ᠬᠥᠮᠦᠨ ᠪ ᠰᠠᠨᠠᠬ᠋ᠠ ᠬᠠᠷᠠ
( ᠶᠢᠷᠲᠢᠨᠴᠦ ᠶ᠋ᠢᠨ ᠭᠤᠷᠪᠠᠨ ᠬᠠᠷᠠ )
ᠠᠭᠤᠤ ᠮᠣᠩᠭᠣᠯ ᠦ᠋ᠨ ᠰᠦᠯᠲᠡ ᠬᠥᠬᠡ
ᠠᠨᠠᠪᠠᠳ ᠳᠠᠯᠠᠢ ᠶ᠋ᠢᠨ ᠤᠰᠤ ᠬᠥᠬᠡ
ᠠᠰᠬᠠ ᠬᠠᠲᠠᠨ ᠪ ᠥᠩᠭᠡ ᠬᠥᠬᠡ
( ᠶᠢᠷᠲᠢᠨᠴᠦ ᠶ᠋ᠢᠨ ᠭᠤᠷᠪᠠᠨ ᠬᠥᠬᠡ )
ᠭᠠᠵᠠᠷ ᠦᠨᠲᠦᠰᠦ ᠪᠡᠷ ᠨᠢᠭᠡ ᠪᠠᠶᠠᠨ
ᠲᠩᠷᠢ ᠣᠲᠣ ᠪᠠᠷ ᠨᠢᠭᠡ ᠪᠠᠶᠠᠨ
ᠳᠠᠯᠠᠢ ᠤᠰᠤ ᠪᠠᠷ ᠨᠢᠭᠡ ᠪᠠᠶᠠᠨ
( ᠶᠢᠷᠲᠢᠨᠴᠦ ᠶ᠋ᠢᠨ ᠭᠤᠷᠪᠠᠨ ᠪᠠᠶᠠᠨ )
ᠡᠨᠡ ᠳᠥᠷᠪᠡᠨ ᠪᠠᠲᠠᠭ ᠊ᠢ ᠤᠩᠰᠢᠨ ᠦᠵᠡᠬᠦ ᠳ᠋ᠦ᠍ ᠮᠠᠰᠢ ᠠᠶᠠᠲᠠᠢ ᠰᠠᠶ᠋ᠢᠬᠠᠨ ᠤᠷᠤᠰᠤᠮᠠ ᠰᠠᠨᠠᠭᠲᠠᠬᠤ ᠮᠥᠷᠲᠡᠭᠡᠨ ᠬᠦᠭ ᠬᠡᠮᠵᠢᠶᠡ ᠂ ᠠᠶᠠᠰ ᠠᠶ᠋ᠢᠵᠠᠮ ᠵᠣᠬᠢᠴᠠᠵᠤ ᠂ ᠶᠣᠰᠣ ᠤᠴᠢᠷ ᠊ᠢ ᠬᠥᠮᠦᠰ ᠲᠤ ᠮᠡᠲᠡᠭᠦᠯᠦᠨ ᠰᠤᠷᠭᠠᠵᠤ ᠪᠠᠶ᠋ᠢᠨᠠ ᠃ ᠳᠡᠭᠡᠷᠡᠬᠢ ᠲᠠᠲᠠᠭᠰᠠᠨ ᠵᠢᠱ᠌ᠢᠶᠡᠨ ᠪ 《 ᠶᠢᠷᠲᠢᠨᠴᠦ ᠶ᠋ᠢᠨ ᠭᠤᠷᠪᠠᠨ ᠴᠠᠭᠠᠨ 》 ᠶ᠋ᠢᠠᠷ ᠠᠪᠴᠤ ᠦᠵᠡᠪᠡᠯ ᠂ ᠬᠥᠮᠦᠨ ᠪ ᠨᠢᠭᠡ ᠪᠡᠶᠡ ᠳ᠋ᠦ᠍ ᠲᠣᠬᠢᠶᠠᠯᠲᠤᠬᠤ ᠡᠩ ᠦ᠋ᠨ ᠪᠤᠰᠤ ᠂ ᠣᠨᠴᠣᠭᠣᠢ ᠂ ᠳᠣᠪᠣᠶ᠋ᠢᠮᠠ ᠭᠤᠷᠪᠠᠨ ᠵᠦᠢᠯ ᠦ᠋ᠨ ᠬᠡᠷᠡᠭ ᠤᠴᠢᠷ ᠊ᠢ ᠥᠭᠦᠯᠡᠵᠡᠢ ᠃ ᠲᠡᠷᠡᠬᠦ ᠴᠠᠭᠠᠨ ᠭᠡᠳᠡᠭ ᠨᠢ ᠬᠡᠷᠡᠭ ᠤᠴᠢᠷ ᠦ᠋ᠨ ᠰᠢᠭᠤᠳ ᠦᠵᠡᠭᠳᠡᠬᠦ ᠭᠠᠲᠠᠷ ᠪᠠᠶ᠋ᠢᠲᠠᠯ ᠪᠣᠯᠤᠨᠠ ᠃ ᠴᠣᠬᠣᠮ ᠶᠠᠭᠠᠬᠢᠪᠠᠯ ᠴᠠᠭᠠᠨ ᠪᠣᠯᠬᠤ — 《 ᠥᠰᠬᠦ ᠳ᠋ᠦ᠍ ᠂ ᠥᠲᠡᠯᠬᠦ ᠳ᠋ᠦ᠍ ᠂ ᠦᠬᠦᠬᠦ ᠳ᠋ᠦ᠍ 》 ᠭᠡᠳᠡᠭ ᠨᠢ ᠡᠨᠡ ᠭᠤᠷᠪᠠᠨ ᠬᠡᠷᠡᠭ ᠤᠴᠢᠷ ᠦ᠋ᠨ ᠦᠨᠲᠦᠰᠦᠨ ᠰᠢᠯᠲᠠᠭᠠᠨ ᠪᠣᠯᠤᠭᠰᠠᠨ ᠳᠣᠲᠣᠭᠠᠳᠤ ᠵᠢᠮᠡ ᠪᠣᠯᠤᠨᠠ ᠃ ᠪᠢᠲᠡ 《 ᠶᠢᠷᠲᠢᠨᠴᠦ ᠶ᠋ᠢᠨ ᠭᠤᠷᠪᠠᠨ ᠬᠠᠷᠠ 》 ᠭᠡᠳᠡᠭ ᠬᠣᠶᠠᠲᠤᠭᠠᠷ ᠵᠢᠱ᠌ᠢᠶᠡ ᠪᠠ ᠭᠤᠷᠪᠠᠲᠤᠭᠠᠷ ᠵᠢᠱ᠌ᠢᠶᠡ 《 ᠶᠢᠷᠲᠢᠨᠴᠦ ᠶ᠋ᠢᠨ ᠭᠤᠷᠪᠠᠨ ᠬᠥᠬᠡ 》 ᠶ᠋ᠢ ᠵᠠᠲᠠᠯᠵᠤ ᠦᠵᠡᠪᠡᠯ ᠂ ᠪᠦᠲᠦᠴᠡ ᠪᠠ ᠨᠠᠶ᠋ᠢᠷᠠᠭᠤᠯᠬ᠋ᠠ ᠶ᠋ᠢᠨ ᠲᠠᠯᠠ ᠪᠠᠷ ᠶ᠋ᠢᠠᠨ ᠮᠣᠩᠭᠣᠯ ᠰᠢᠯᠦᠭ ᠦ᠋ᠨ ᠦᠭᠡ ᠶ᠋ᠢᠨ ᠲᠣᠬ᠋ᠠ ᠲᠡᠩᠴᠡᠭᠦᠯᠵᠦ ᠂ ᠲᠣᠯᠣᠭᠠᠢ ᠬᠣᠯᠪᠣᠨ ᠡᠩ ᠵᠡᠷᠭᠡᠴᠡᠭᠦᠯᠵᠦ ᠂ ᠰᠡᠭᠦᠯ ᠳᠠᠷᠤᠬᠤ ᠶᠣᠰᠣ ᠪᠠᠷ 《 ᠬᠠᠶ᠋ᠢᠷᠠᠭᠤᠯ ᠂ ᠬᠠᠷᠠᠮᠴᠢ ᠂ ᠬᠠᠷᠢᠶᠠᠯᠴᠢ 》 ᠪᠠ 《 ᠠᠭᠤᠤ ᠂ ᠠᠨᠠᠪᠠᠳ ᠂ ᠠᠰᠬᠠ 》 ᠵᠡᠷᠭᠡ ᠦᠭᠡᠰ ᠶ᠋ᠢᠡᠷ ᠲᠣᠯᠣᠭᠠᠢ ᠬᠣᠯᠪᠣᠵᠤ ᠂ 《 ᠲᠣᠭᠣᠭᠠᠨ ᠪ ᠬᠦ᠋ ᠂ ᠬᠥᠮᠦᠨ ᠪ ᠰᠠᠨᠠᠬ᠋ᠠ ᠂ ᠬᠥᠮᠦᠨ ᠪ ᠭᠠᠷ 》 ᠪᠠ 《 ᠮᠣᠩᠭᠣᠯ ᠦ᠋ᠨ ᠰᠦᠯᠲᠡ ᠂ ᠳᠠᠯᠠᠢ ᠶ᠋ᠢᠨ ᠤᠰᠤ ᠂ ᠬᠠᠲᠠᠨ ᠪ ᠥᠩᠭᠡ 》 ᠭᠡᠬᠦ ᠮᠡᠲᠦᠰ ᠦ᠋ᠨ ᠦᠭᠡ ᠪᠡᠷ ᠡᠩ ᠵᠡᠷᠭᠡᠴᠡᠭᠦᠯᠵᠦ ᠂ 《 ᠬᠠᠷᠠ 》 ᠪᠠ 《 ᠬᠥᠬᠡ 》 ᠮᠡᠲᠦ ᠶ᠋ᠢᠨ ᠦᠭᠡ ᠪᠡᠷ ᠰᠡᠭᠦᠯ ᠳᠠᠷᠤᠵᠤ ᠰᠢᠯᠦᠭᠯᠡᠭᠰᠡᠨ ᠡᠴᠡ ᠳᠠᠭᠠᠪᠤᠷᠢ ᠨᠢ ᠴᠦ᠍ ᠢᠯᠡᠭᠦᠦ ᠳᠤᠲᠠᠭᠤ ᠦᠭᠡᠢ ᠶᠠᠪ ᠴᠠᠪ ᠲᠠᠭᠠᠷᠠᠵᠤ ᠂ ᠨᠡᠶ᠋ᠢᠭᠡᠮ ᠨᠡᠶ᠋ᠢᠲᠡ ᠳ᠋ᠦ᠍ ᠣᠷᠣᠰᠢᠬᠰᠠᠭᠠᠷ ᠢᠷᠡᠭᠰᠡᠨ ᠬᠡᠷᠡᠭ ᠤᠴᠢᠷ ᠊ᠢ ᠦᠨᠡᠨ ᠮᠥᠨ ᠶ᠋ᠢᠡᠷ ᠶᠣᠰᠣᠴᠢᠯᠠᠨ ᠶᠠᠷᠢᠬᠰᠠᠨ ᠪᠠᠶ᠋ᠢᠨᠠ ᠃
《 ᠶᠢᠷᠲᠢᠨᠴᠦ ᠶ᠋ᠢᠨ ᠭᠤᠷᠪᠠᠨ ᠪᠠᠶᠠᠨ 》 ᠭᠡᠳᠡᠭ ᠵᠢᠱ᠌ᠢᠶᠡ ᠪᠡᠷ ᠠᠪᠴᠤ ᠦᠵᠡᠭᠰᠡᠨ ᠴᠦ᠍ ᠣᠷᠴᠢᠯᠠᠩ ᠳᠡᠯᠡᠬᠡᠢ ᠳ᠋ᠦ᠍ ᠣᠷᠣᠰᠢᠵᠤ ᠪᠠᠶ᠋ᠢᠬ᠋ᠠ ᠬᠠᠮᠤᠭ ᠦ᠋ᠨ ᠣᠯᠠᠨ ᠭᠤᠷᠪᠠᠨ ᠵᠦᠢᠯ ᠦ᠋ᠨ ᠶᠠᠭᠤᠮᠠ ᠶ᠋ᠢ ᠨᠢᠭᠡ ᠪᠠᠲᠠᠭ ᠪᠣᠯᠭᠠᠨ ᠰᠢᠯᠦᠭᠯᠡᠬᠦ ᠳ᠋ᠡᠭᠡᠨ ᠬᠥᠮᠦᠰ ᠲᠤ ᠮᠡᠲᠡᠯᠭᠡ ᠪᠣᠯᠭᠠᠨ ᠮᠡᠲᠡᠭᠦᠯᠦᠨ ᠰᠤᠷᠭᠠᠵᠤ ᠪᠠᠶ᠋ᠢᠲᠠᠭ ᠃ ᠡᠨᠡ ᠨᠢ ᠬᠡᠲᠦᠶ᠋ᠢᠪᠡᠷ ᠰᠤᠷᠭᠠᠯ ᠦᠭᠡ ᠰᠢᠭ᠌ ᠰᠤᠷᠭᠠᠬᠤ ᠦᠭᠡᠢ ᠪᠣᠯᠪᠠᠴᠤ ᠂ ᠤᠴᠢᠷ ᠶᠣᠰᠣ ᠶ᠋ᠢ ᠶᠣᠰᠣᠴᠢᠯᠠᠨ ᠶᠠᠷᠢᠬᠤ ᠶ᠋ᠢᠨ ᠳᠠᠭᠠᠤ ᠳ᠋ᠠᠭᠠᠨ ᠬᠥᠮᠦᠰ ᠲᠤ ᠮᠡᠲᠡᠯᠭᠡ ᠰᠤᠷᠭᠠᠯ ᠦ᠋ᠨ ᠭᠦᠨ ᠬᠦᠷᠲᠡᠭᠡᠯ ᠣᠯᠭᠣᠴᠢᠬᠠᠲᠠᠭ ᠨᠢ ᠲᠡᠭᠦᠨ ᠪ ᠪᠠᠰᠠ ᠨᠢᠭᠡ ᠵᠦᠢᠯ ᠦ᠋ᠨ ᠤᠪᠠᠲᠢᠰ ᠮᠥᠨ ᠃ 《 ᠶᠢᠷᠲᠢᠨᠴᠦ ᠶ᠋ᠢᠨ ᠭᠤᠷᠪᠠ 》 ᠶ᠋ᠢᠨ ᠪᠦᠲᠦᠴᠡ ᠪᠦᠷᠢᠯᠲᠦᠬᠦᠨ ᠬᠢᠭᠡᠳ ᠤᠬᠠᠭᠲᠠᠬᠤᠨ ᠪ ᠲᠠᠯᠠ ᠪᠠᠷ ᠬᠢ ᠶᠡᠷᠦᠩᠬᠡᠢ ᠮᠡᠳᠡᠭᠳᠡᠭᠦᠨ ᠨᠢ ᠡᠶ᠋ᠢᠮᠦ ᠯᠡ ᠪᠠᠶ᠋ᠢᠨᠠ ᠃
ᠲᠠᠶ᠋ᠢᠯᠪᠤᠷᠢ ᠄
(1) (2) ᠬᠠᠯᠬᠠ ᠶ᠋ᠢᠨ ᠪ ᠂ ᠰᠣᠤᠠᠨᠠᠮ ᠦ᠋ᠨ 《 ᠮᠣᠩᠭᠣᠯ ᠠᠷᠠᠳ ᠦ᠋ᠨ ᠶᠢᠷᠲᠢᠨᠴᠦ ᠶ᠋ᠢᠨ ᠭᠤᠷᠪᠠ ᠂ ᠳᠥᠷᠪᠡ ᠶ᠋ᠢᠨ ᠲᠤᠬᠠᠢ 》 ᠭᠡᠳᠡᠭ ᠥᠭᠦᠯᠡᠯ ᠳ᠋ᠦ᠍ ᠦᠵᠡ ( ᠵᠢᠷᠢᠮ ᠦ᠋ᠨ ᠤᠷᠠᠨ ᠵᠣᠬᠢᠶᠠᠯ ᠦ᠋ᠨ ᠨᠠᠶ᠋ᠢᠷᠠᠭᠤᠯᠬᠤ ᠬᠡᠯᠲᠡᠰ ᠦ᠋ᠨ 《 ᠵᠣᠬᠢᠶᠠᠨ ᠪᠢᠴᠢᠯᠭᠡ ᠶ᠋ᠢᠨ ᠯᠠᠪᠯᠠᠯᠲᠠ 》 ᠶ᠋ᠢᠨ 81 ᠣᠨ ᠪ ᠭᠤᠷᠪᠠᠲᠤᠭᠠᠷ ᠬᠤᠭᠤᠴᠠᠬ᠋ᠠ ᠳ᠋ᠦ᠍ ᠪᠤᠢ ) ᠃
(3) ᠥᠪᠥᠷ ᠮᠣᠩᠭᠣᠯ ᠦ᠋ᠨ ᠠᠷᠠᠳ ᠦ᠋ᠨ ᠬᠡᠪᠯᠡᠯ ᠦ᠋ᠨ ᠬᠣᠷᠢᠶᠠ ᠠ᠋ᠴᠠ ᠭᠠᠷᠭᠠᠭᠰᠠᠨ ᠬᠠᠯᠬᠠ ᠶ᠋ᠢᠨ ᠬ ᠂ ᠰᠠᠮᠫᠢᠯᠲᠠᠨᠲᠠᠪ ᠦ᠋ᠨ 《 ᠬᠡᠦᠬᠡᠳ ᠦ᠋ᠨ ᠠᠮᠠᠨ ᠵᠣᠬᠢᠶᠠᠯ ᠦ᠋ᠨ ᠤᠴᠢᠷ 》 ᠭᠡᠳᠡᠭ ᠨᠣᠮ ᠠ᠋ᠴᠠ ᠃
(4) ᠮᠠᠨᠲᠤᠬᠤ ᠶ᠋ᠢᠨ 《 ᠮᠣᠩᠭᠣᠯ ᠠᠷᠠᠳ ᠦ᠋ᠨ ᠠᠮᠠᠨ ᠵᠣᠬᠢᠶᠠᠯ ᠦ᠋ᠨ ᠲᠣᠶ᠋ᠢᠮᠣ 》 ᠶ᠋ᠢᠨ 220 ᠨᠢᠭᠤᠷ ᠲᠦ ᠦᠵᠡ ᠃
ᠦᠰᠦᠭ ᠠᠮᠢᠯᠠᠭᠤᠯᠤᠭᠰᠠᠨ ᠨᠢ ᠄ ᠮᠢᠩᠭᠠᠳ · ᠴᠢᠮᠡᠭ
ᠬᠢᠨᠠᠭᠴᠢ ᠄ ᠬᠠᠷᠠᠨᠤᠳ · ᠲᠤᠶᠠᠭᠠ ᠂ ᠬᠠᠳᠠᠴᠢ · ᠤᠷᠠᠨᠠ