ᠰᠣᠷᠢᠯᠲᠠ-ᠬᠣᠯᠪᠣᠭᠠ-ᠪᠠᠯᠵᠢХолбоо-Сорилт-балжи
1107ᠰᠣᠷᠢᠯᠲᠠ
ᠪᠠᠯᠵᠢ
ᠬᠣᠯᠪᠣᠭᠠ ᠄
ᠵᠦᠢᠯ ᠦ᠋ᠨ ᠴᠡᠴᠡᠭ ᠳᠡᠯᠭᠡᠷᠡᠬᠦ ᠨᠢ
ᠵᠤᠨ ᠤ᠋ ᠰᠠᠢᠬᠠᠨ ᠤᠯᠠᠷᠢᠯ ᠶᠤᠮ
ᠵᠥᠪ ᠪᠢᠴᠢᠯᠭᠡ ᠶ᠋ᠢᠨ ᠬᠣᠯᠪᠣᠭᠠᠨ ᠳ᠋ᠤ᠌ ᠪᠠᠨ
ᠵᠥᠩᠨᠡᠯ ᠪᠡᠯᠭᠡᠳᠡᠯ ᠲᠡᠢ ᠵᠣᠯᠭᠠᠶᠠ !
ᠥᠩᠭᠡ ᠶ᠋ᠢᠨ ᠴᠡᠴᠡᠭ ᠰᠣᠯᠣᠩᠭᠠᠷᠠᠬᠤ ᠨᠢ
ᠥᠭᠭᠢᠶᠡᠮᠦᠷ ᠵᠤᠨ ᠤ᠋ ᠤᠯᠠᠷᠢᠯ ᠶᠤᠮ
ᠣᠨᠣᠪᠴᠢ ᠲᠠᠢ ᠺᠣᠳ᠋ ᠢ᠋ᠶ᠋ᠠᠷ ᠪᠣᠯᠪᠠᠰᠤᠷᠠᠬᠤ ᠨᠢ
ᠡᠷᠢᠨ ᠵᠠᠭᠤᠨ ᠤ᠋ ᠬᠥᠭᠵᠢᠯᠲᠡ ᠶᠦ᠍ᠮ
ᠰᠦᠯᠵᠢᠶᠡ ᠲᠦᠭᠡᠮᠡᠯᠵᠢᠭᠰᠡᠨ ᠴᠠᠬᠢᠮ ᠣᠷᠴᠢᠨ ᠳ᠋ᠤ᠌
ᠰᠣᠷᠢᠯᠲᠠ ᠶ᠋ᠢᠨ ᠰᠡᠳᠦᠪ ᠢ᠋ᠶ᠋ᠡᠨ ᠵᠣᠬᠢᠶᠠᠯᠠ
ᠰᠡᠳᠬᠢᠯ ᠨᠢᠭᠡᠲᠡᠢ ᠪᠠᠭᠰᠢ ᠨᠠᠷ ᠮᠢᠨᠢ
ᠰᠢᠮᠳᠠᠵᠤ ᠣᠯᠠᠨ ᠢ᠋ᠶ᠋ᠠᠨ ᠲᠡᠢᠴᠢᠯᠡᠯᠡ !
ᠡᠳᠦᠷ ᠡᠳᠦᠷ ᠦ᠋ᠨ ᠰᠣᠷᠢᠯᠲᠠ ᠶ᠋ᠢ
ᠦᠰᠦᠭ ᠦᠰᠦᠭ ᠢ᠋ᠶ᠋ᠡᠷ ᠨᠢ ᠬᠢᠨᠠᠵᠤ ᠪᠠᠢᠨᠠ
ᠠᠴᠤᠭ᠂ ᠰᠢᠯᠪᠢ᠂ ᠭᠡᠳᠡᠰᠦ ᠂ ᠳᠠᠭᠠᠪᠤᠷᠢ ᠭᠡᠵᠦ
ᠠᠯᠳᠠᠭᠠ ᠭᠠᠷᠬᠤ ᠶ᠋ᠢ ᠯᠡ ᠬᠢᠴᠢᠶᠡᠵᠦ ᠪᠠᠢᠨᠠ
ᠲᠣᠯᠢ ᠪᠢᠴᠢᠭ ᠦ᠋ᠨ ᠪᠠᠷᠢᠮᠵᠢᠶᠠ ᠺᠣᠳ᠋ ᠢ᠋ᠶ᠋ᠠᠷ
ᠲᠣᠳᠣᠳᠬᠠᠵᠤ ᠣᠷᠣᠭᠤᠯᠤᠭᠰᠠᠨ ᠦᠰᠦᠭ ᠶᠦ᠍ᠮ
ᠲᠦᠭ ᠲᠦᠮᠡᠨ ᠢ᠋ᠶ᠋ᠡᠨ ᠰᠤᠷᠭᠠᠬᠤ ᠪᠠᠷ
ᠲᠥᠪᠯᠡᠭᠦᠨ ᠯᠠᠪᠯᠠᠭᠰᠠᠨ ᠪᠢᠴᠢᠭᠡᠰᠦ ᠶᠦ᠍ᠮ
ᠬᠥᠬᠡ ᠥᠩᠭᠡ ᠲᠡᠢ ᠯᠠᠲ᠋ᠢᠨ ᠬᠠᠶᠢᠭ᠋
ᠬᠥᠮᠦᠰ ᠦ᠋ᠨ ᠬᠠᠷᠠᠭᠠᠨ ᠳ᠋ᠤ᠌ ᠲᠣᠳᠣᠷᠠᠯᠠ
ᠬᠥᠩᠭᠡᠬᠡᠨ ᠬᠤᠷᠤᠭᠤ ᠪᠠᠷ ᠲᠣᠪᠰᠢᠪᠠᠯ
ᠬᠥᠰᠢᠭᠡ ᠨᠢ ᠨᠡᠭᠡᠭᠡᠭᠳᠡᠭᠡᠳ ᠭᠠᠢᠬᠠᠮᠰᠢᠭ
ᠣᠶᠤᠨ ᠪᠢᠴᠢᠭᠯᠡᠭᠦᠷ ᠦ᠋ᠨ ᠴᠢᠳᠠᠮᠵᠢ ᠪᠠᠷ
ᠤᠷᠠᠯᠠᠵᠤ ᠬᠢᠭᠰᠡᠨ ᠰᠣᠷᠢᠯᠲᠠ ᠳᠠ
ᠤᠭᠰᠠᠷᠠᠵᠤ ᠴᠢᠳᠠᠭᠠᠳ ᠬᠡᠷᠡᠭᠯᠡᠬᠦ ᠳ᠋ᠦ᠍
ᠤᠬᠠᠭᠠᠨ ᠢ᠋ ᠲᠡᠩᠰᠡᠬᠦ ᠰᠢᠯᠭᠠᠯᠲᠠ ᠳᠠ
ᠨᠡᠷᠡ ᠪᠡᠨ ᠪᠢᠴᠢᠵᠦ ᠳ᠋ᠤᠭᠠᠷ ᠲᠠᠯᠪᠢᠬᠤ ᠨᠢ
ᠨᠡᠢᠲᠡ ᠡᠴᠡ ᠢᠯᠭᠠᠭᠳᠠᠬᠤ ᠲᠡᠮᠳᠡᠭ ᠪᠠᠢᠨᠠ
ᠨᠢᠭᠤᠴᠠ ᠨᠣᠮᠧᠷ ᠳᠥᠷᠪᠡᠨ ᠶᠢᠰᠦ ᠨᠢ
ᠨᠡᠢᠳᠡᠮ ᠳ᠋ᠡᠭᠡᠨ ᠬᠡᠷᠡᠭᠯᠡᠬᠦ ᠳ᠋ᠤᠭᠠᠷ ᠪᠠᠢᠨᠠ
ᠮᠥᠷᠯᠡᠵᠦ ᠵᠢᠭᠰᠠᠭᠠᠭᠰᠠᠨ ᠦᠰᠦᠭ ᠢ᠋ ᠦᠵᠡ
ᠮᠥᠷᠡᠨ ᠭᠣᠣᠯ ᠤ᠋ᠨ ᠳᠠᠪᠠᠯᠭᠠᠨ ᠰᠢᠭ᠋
ᠮᠥᠷᠳᠡᠵᠦ ᠬᠠᠭᠤᠯᠬᠤ ᠪᠢᠴᠢᠭᠡᠰᠦ ᠶ᠋ᠢ ᠬᠠᠷᠠ
ᠮᠥᠩᠭᠥᠨ ᠳᠣᠯᠭᠢᠶᠠ ᠴᠠᠯᠭᠢᠯᠠᠬᠤ ᠰᠢᠭ᠋
ᠬᠡᠪᠲᠡᠭᠡ ᠪᠡᠷ ᠪᠢᠴᠢᠭᠳᠡᠭᠰᠡᠨ ᠦᠰᠦᠭ ᠢ᠋
ᠬᠠᠷᠠᠬᠤ ᠳ᠋ᠤ᠌ ᠵᠢᠭᠠᠬᠠᠨ ᠠᠶᠠᠭᠦᠢ ᠴᠦ᠍
ᠬᠥᠨᠳᠡᠯᠡᠨ ᠱᠤᠭᠤᠮ ᠢ᠋ ᠠᠰᠢᠭᠯᠠᠬᠤ ᠲᠤᠯᠠ
ᠺᠣᠳ᠋ ᠪᠣᠯᠪᠠᠰᠤᠷᠠᠬᠤ ᠨᠢ ᠴᠢᠬᠤᠯᠠ ᠶᠤᠮ
ᠳ᠋ᠤᠭᠠᠷ ᠦᠰᠦᠭ ᠢ᠋ ᠨᠢ ᠳᠠᠷᠠᠭᠠᠯᠠᠨ
ᠦᠯᠡᠳᠡᠭᠡᠯ ᠦᠭᠡᠢ ᠬᠠᠭᠤᠯᠵᠤ ᠪᠢᠴᠢᠨᠡ
ᠳᠤᠲᠠᠭᠤ ᠢᠯᠡᠭᠦᠦ ᠭᠠᠷᠭᠠᠯ ᠦᠭᠡᠢ
ᠳᠡᠭᠡᠷᠡᠬᠢ ᠲᠡᠢ ᠪᠡᠨ ᠵᠡᠷᠭᠡᠴᠡᠭᠦᠯᠵᠦ ᠪᠢᠴᠢᠨᠡ
ᠣᠷᠣᠭᠰᠢ ᠴᠠᠴᠤᠯᠭᠠ ᠲᠠᠢ《 ᠠ 》 ᠶ᠋ᠢ ᠦᠵᠡ
ᠤᠭ ᠳᠦᠷᠰᠦ ᠪᠣᠯᠤᠭᠠᠳ ᠬᠤᠪᠢᠷᠠᠭᠰᠠᠨ ᠰᠢᠭ᠋
ᠤᠴᠢᠷ ᠤᠬᠠᠭᠠᠨ ᠢ᠋ ᠨᠢ ᠣᠯᠬᠤ ᠦᠭᠡᠢ ᠪᠡᠷ
ᠰᠠᠯᠤᠩᠭᠢ ᠪᠢᠴᠢᠪᠡᠯ ᠪᠤᠷᠤᠭᠤᠳᠠᠨᠠ
ᠠᠷᠭᠠ ᠴᠢᠨᠠᠷ ᠢᠯᠡᠷᠡᠭᠰᠡᠨ ᠰᠢᠭ
ᠤᠯᠠᠭᠠᠨ ᠪᠣᠯᠳᠠᠭ ᠨᠢ ᠬᠠᠴᠢᠨ ᠪᠠᠢᠨᠠ
ᠠᠯᠳᠠᠭᠠ ᠪᠤᠷᠤᠭᠤ ᠭᠠᠷᠤᠭᠰᠠᠨ ᠲᠤᠯᠠ
ᠣᠬᠢᠵᠤ ᠵᠠᠰᠠᠬᠤ ᠴᠢᠬᠤᠯᠠ ᠲᠠᠢ ᠪᠠᠢᠨᠠ
ᠬᠣᠭᠣᠰᠣᠨ ᠳᠠᠷᠤᠭᠤᠯ ᠢ᠋ᠶ᠋ᠠᠨ ᠲᠣᠪᠰᠢᠪᠠᠯ
ᠬᠣᠶᠠᠳᠠᠬᠢ ᠮᠥᠷ ᠲᠦ᠍ ᠪᠡᠨ ᠰᠢᠯᠵᠢᠵᠦ ᠪᠣᠯᠤᠨᠠ
ᠬᠣᠭᠣᠷᠣᠨᠳᠣᠬᠢ ᠵᠠᠢ ᠨᠢ ᠶᠡᠬᠡᠳᠡᠬᠦ ᠦᠭᠡᠢ ᠪᠣᠯ
ᠬᠤᠷᠳᠤᠴᠠ ᠪᠠᠨ ᠳᠡᠭᠡᠭᠰᠢᠯᠡᠭᠦᠯᠵᠦ ᠪᠢᠴᠢᠵᠦ ᠪᠣᠯᠤᠨᠠ
ᠳᠥᠭᠥᠮ ᠢ᠋ᠶ᠋ᠡᠷ ᠪᠢᠴᠢᠭᠯᠡᠬᠦ ᠠᠷᠭᠠ ᠨᠢ
ᠲᠦᠷᠭᠡᠨ ᠪᠣᠯᠬᠤ ᠶ᠋ᠢᠨ ᠦᠨᠳᠦᠰᠦ ᠮᠥᠨ
ᠳᠠᠷᠤᠭᠤᠯ ᠤ᠋ᠨ ᠪᠠᠢᠷᠢᠰᠢᠯ ᠢ᠋ᠶ᠋ᠠᠨ ᠡᠵᠡᠮᠳᠡᠬᠦ ᠨᠢ
ᠳᠠᠪᠰᠢᠩᠭᠤᠢ ᠪᠢᠴᠢᠬᠦ ᠶ᠋ᠢᠨ ᠰᠠᠭᠤᠷᠢ ᠮᠥᠨ
ᠪᠠᠷᠢᠮᠵᠢᠶᠠ ᠠᠪᠢᠶᠠ ᠪᠠᠷ ᠤᠩᠰᠢᠬᠤ ᠨᠢ
ᠪᠤᠰᠢᠭᠤ ᠪᠢᠴᠢᠬᠦ ᠶ᠋ᠢᠨ ᠵᠠᠭᠪᠤᠷ ᠮᠥᠨ
ᠬᠣᠶᠠᠷ ᠬᠤᠷᠤᠭᠤ ᠪᠠᠨ ᠬᠡᠷᠡᠭᠯᠡᠬᠦ ᠨᠢ
ᠬᠤᠷᠳᠤᠴᠠ ᠪᠠᠨ ᠳᠡᠭᠡᠭᠰᠢᠯᠡᠬᠦ ᠵᠣᠷᠢᠯᠭᠠ ᠮᠥᠨ᠃
ᠥᠩᠭᠡ ᠨᠢ ᠨᠣᠭᠣᠭᠠᠨ ᠭᠠᠷᠴᠤ ᠪᠠᠢᠪᠠᠯ
ᠦᠵᠡᠬᠦ ᠳ᠋ᠦ᠍ ᠪᠠᠰᠠ ᠲᠠᠭᠠᠯᠠᠮᠵᠢᠲᠠᠢ
ᠦᠨᠡᠬᠡᠷ ᠰᠠᠢᠬᠠᠨ ᠪᠢᠴᠢᠵᠦ ᠪᠠᠢᠨᠠ ᠭᠡᠳ
ᠥᠪᠡᠷ ᠢ᠋ᠶ᠋ᠡᠨ ᠪᠢᠳᠡ ᠮᠠᠭᠲᠠᠭᠤᠱᠢᠲᠠᠢ
ᠦᠭᠡᠨ ᠦ᠌ ᠪᠠᠷᠢᠮᠵᠢᠶᠠ ᠠᠪᠢᠶᠠ ᠶ᠋ᠢ
ᠦᠨᠡᠯᠡᠵᠦ ᠪᠠᠢᠭᠠ ᠰᠣᠷᠢᠯᠲᠠ !
ᠢᠵᠢᠯ ᠳᠦᠷᠰᠦ ᠲᠡᠢ ᠡᠭᠡᠰᠢᠭ ᠢ᠋
ᠢᠯᠭᠠᠨ ᠲᠠᠨᠢᠭᠤᠯᠤᠭᠰᠠᠨ ᠰᠣᠷᠢᠯᠲᠠ !
ᠡᠵᠢ ᠶ᠋ᠢᠨ ᠠᠷᠢᠭᠤᠨ ᠤᠭᠤᠷᠠᠭ ᠢ᠋
ᠠᠮᠲᠠᠯᠠᠭᠤᠯᠵᠤ ᠪᠠᠢᠭᠠ ᠰᠣᠷᠢᠯᠲᠠ !
ᠡᠬᠡ ᠬᠡᠯᠡᠨ ᠦ᠌ ᠣᠷᠴᠢᠨ ᠳ᠋ᠤ᠌
ᠡᠭᠡᠭᠦᠯᠵᠦ ᠪᠠᠢᠭᠠ ᠰᠣᠷᠢᠯᠲᠠ !
ᠥᠰᠪᠥᠷᠢ ᠶ᠋ᠢᠨ ᠪᠠᠭᠠ ᠬᠡᠦᠬᠡᠳ ᠦ᠋ᠳ
ᠣᠷᠣᠯᠴᠠᠬᠤ ᠳ᠋ᠤ᠌ ᠪᠠᠬᠠ ᠲᠠᠢ ᠰᠣᠷᠢᠯᠲᠠ !
ᠦᠶᠡ ᠵᠡᠷᠭᠡ ᠶ᠋ᠢᠨ ᠵᠠᠯᠠᠭᠤᠴᠤᠳ ᠲᠤ᠌
ᠣᠷᠣᠯᠳᠣᠬᠤ ᠳ᠋ᠤ᠌ ᠤᠷᠮᠠ ᠲᠠᠢ ᠰᠣᠷᠢᠯᠲᠠ !
ᠡᠳᠦᠷ ᠦ᠋ᠨ ᠠᠵᠢᠯ ᠤ᠋ᠨ ᠵᠦᠳᠡᠷᠡᠯ ᠳ᠋ᠦ᠍
ᠴᠢᠯᠡᠭᠡ ᠲᠠᠢᠯᠳᠠᠭ ᠰᠣᠷᠢᠯᠲᠠ !
ᠥᠨᠳᠥᠷ ᠨᠠᠰᠤᠲᠠᠢ《 ᠲᠩᠷᠢ ᠡᠵᠢ 》 ᠡᠴᠡ
ᠳᠠᠭᠤᠷᠢᠶᠠᠯ ᠪᠣᠯᠤᠭᠰᠠᠨ ᠰᠣᠷᠢᠯᠲᠠ !
ᠬᠣᠲᠠ ᠬᠥᠳᠡᠭᠡ ᠶ᠋ᠢᠨ ᠬᠠᠷᠢᠯᠴᠠᠭᠠ ᠶ᠋ᠢ
ᠬᠣᠯᠪᠣᠵᠤ ᠪᠠᠢᠭᠠ ᠰᠣᠷᠢᠯᠲᠠ !
ᠬᠣᠲᠠᠯᠠ ᠮᠣᠩᠭᠣᠯ ᠲᠦᠮᠡᠨ ᠢ᠋ᠶ᠋ᠡᠨ
ᠤᠷᠢᠶᠠᠯᠠᠵᠤ ᠪᠠᠢᠭᠠ ᠰᠣᠷᠢᠯᠲᠠ !
ᠤᠢᠭᠤᠷᠵᠢᠨ ᠦᠰᠦᠭ ᠦ᠋ᠨ ᠠᠴᠢᠶᠠᠯᠠᠭᠴᠢ ᠪᠣᠯᠤᠭᠰᠠᠨ ᠥᠪᠥᠷᠴᠤᠳ ᠲᠤ᠌
ᠤᠰᠠᠳᠬᠠᠬᠤ ᠠᠶᠤᠯ ᠤ᠋ᠨ ᠲᠣᠭᠰᠢᠨ ᠲᠦᠢᠮᠡᠷ ᠦᠨᠳᠦᠰᠦ ᠡᠴᠡ ᠰᠢᠲᠠᠭᠠᠵᠤ ᠪᠠᠢᠨᠠ
ᠦᠭᠡ ᠰᠣᠨᠣᠰᠤᠭᠠᠳ᠂ ᠶᠣᠰᠣ ᠶ᠋ᠢ ᠨᠢ ᠳᠠᠭᠠᠭᠠᠳ ᠡᠭᠡᠯ ᠠᠮᠢᠳᠤᠷᠠᠪᠠᠴᠤ
ᠠ᠂ ᠳ᠋ᠠᠣᠲ᠋ᠠᠢ ᠶ᠋ᠢᠨ 《 ᠰᠡᠭᠦᠯᠴᠢ ᠶ᠋ᠢᠨ ᠬᠢᠴᠢᠶᠡᠯ 》 ᠢ᠋ ᠰᠠᠨᠠᠭᠠᠯᠵᠠᠵᠤ ᠶᠠᠪᠤᠭᠠᠷᠠᠢ !
ᠴᠢᠩᠭᠢᠰ ᠪᠣᠭᠳᠠ ᠠ᠋ᠴᠠ ᠥᠪᠯᠡᠭᠰᠡᠨ ᠪᠣᠰᠤᠭᠠ ᠦᠰᠦᠭ ᠢ᠋ᠶ᠋ᠡᠨ
ᠴᠠᠭ ᠤ᠋ᠨ ᠤᠷᠤᠰᠬᠠᠯ ᠴᠠᠬᠢᠮ ᠣᠷᠴᠢᠨ ᠳ᠋ᠤ᠌ ᠠᠮᠢᠳᠤ ᠬᠡᠷᠡᠭᠵᠢᠭᠦᠯᠦᠶᠡ !
ᠴᠢᠨᠠᠷ ᠴᠢᠨᠰᠠᠭᠠ ᠶ᠋ᠢ ᠳᠡᠭᠡᠭᠰᠢᠯᠡᠭᠦᠯᠵᠦ ᠶᠦᠨᠢᠺᠣᠳ᠋ ᠲᠤ᠌ ᠣᠷᠣᠭᠤᠯᠬᠤ
ᠴᠢᠩ ᠵᠢᠷᠦᠬᠡᠨ ᠦ᠌ ᠬᠦᠰᠡᠯ ᠢᠲᠡᠭᠡᠯ ᠢ᠋ᠶ᠋ᠡᠨ ᠬᠣᠢᠴᠢᠰ ᠲᠤ᠌ ᠪᠠᠨ ᠨᠠᠢᠳᠠᠶᠠ ᠭᠦ !
23.4.21
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠪᠠᠯᠵᠢ
ᠦᠰᠦᠭ ᠬᠢᠨᠠᠭᠴᠢ ᠄ ᠤᠤᠠᠬᠠᠨᠰᠣ ᠠ᠋