ᠭᠠᠩᠬ᠋᠎ᠠ ᠶ᠋ᠢᠨ ᠤᠷᠤᠰᠬᠠᠯ – ᠴᠢᠩᠭᠢᠰ ᠡᠵᠡᠨ ᠪ ᠠᠯᠲᠠᠨ ᠤᠷᠤᠭ ᠦ᠋ᠨ ᠲᠡᠦᠬᠡ ᠺᠠᠩᠺᠠ ᠶ᠋ᠢᠨ ᠤᠷᠤᠰᠬᠠᠯ ᠨᠡᠷᠡᠲᠦ ᠪᠢᠴᠢᠭ ᠣᠷᠣᠰᠢᠪᠠ < ᠠᠩᠬᠠᠨ ᠤ ᠪᠦᠯᠦᠭ –6 > Гангын урсгал – Чингис  эзний алтан ургийн түүх  Канкны урсгал нэрт бичиг о ᠲᠡᠦᠬᠡ ᠰᠣᠶᠣᠯ

ᠭᠠᠩᠬ᠋᠎ᠠ ᠶ᠋ᠢᠨ ᠤᠷᠤᠰᠬᠠᠯ – ᠴᠢᠩᠭᠢᠰ ᠡᠵᠡᠨ ᠪ ᠠᠯᠲᠠᠨ ᠤᠷᠤᠭ ᠦ᠋ᠨ ᠲᠡᠦᠬᠡ ᠺᠠᠩᠺᠠ ᠶ᠋ᠢᠨ ᠤᠷᠤᠰᠬᠠᠯ ᠨᠡᠷᠡᠲᠦ ᠪᠢᠴᠢᠭ ᠣᠷᠣᠰᠢᠪᠠ < ᠠᠩᠬᠠᠨ ᠤ ᠪᠦᠯᠦᠭ –6 > Гангын урсгал – Чингис  эзний алтан ургийн түүх  Канкны урсгал нэрт бичиг о

ᠴᠢᠩᠭᠢᠰ ᠡᠵᠡᠨ ᠪ ᠠᠯᠲᠠᠨ ᠤᠷᠤᠭ ᠦ᠋ᠨ ᠲᠡᠦᠬᠡ ᠺᠠᠩᠺᠠ ᠶ᠋ᠢᠨ ᠤᠷᠤᠰᠬᠠᠯ ᠨᠡᠷᠡᠲᠦ ᠪᠢᠴᠢᠭ ᠣᠷᠣᠰᠢᠪᠠ

ᠠᠩᠬᠠᠨ ᠤ ᠪᠦᠯᠦᠭ – 6

     ᠲᠡᠷᠡ ᠴᠠᠭ ᠲᠤᠷ ᠲᠩᠷᠢ ᠶ᠋ᠢᠨ ᠬᠦᠨᠳᠦ ᠬᠡᠰᠢᠭ ᠂ ᠬᠦᠴᠡᠷ ᠢᠪᠡᠭᠡᠯ ᠂ ᠪᠠ ᠪᠦᠷᠢᠨ ᠦ᠌ ᠳᠠᠶ᠋ᠢᠴᠢᠩ ᠤᠯᠤᠰ ᠲᠤᠷ ᠲᠤᠰᠠᠯᠠᠵᠤ ᠂  ᠪᠣᠱᠣᠭᠠᠯᠭᠠᠰᠠᠨ ᠲᠤᠯᠠᠳᠠ ᠂ ᠨᠡᠭᠦᠬᠦ ᠮᠣᠩᠭᠣᠯ ᠤ᠋ᠨ ᠪᠣᠭᠳᠠ ᠴᠢᠩᠭᠢᠰ ᠬᠠᠭᠠᠨ ᠤ᠋ ᠦᠷ᠎ᠡ ᠦᠨᠳᠦᠰᠦᠨ ᠮᠣᠵᠢ ᠶ᠋ᠢᠨ ᠨᠣᠶᠠᠳ ᠂ ᠤᠯᠤᠰ ᠤ᠋ᠨ ᠲᠥᠷᠥᠯ ᠤᠷᠤᠭ ᠪᠦᠬᠦᠨ ᠃ ᠳᠠᠶ᠋ᠢᠴᠢᠩ ᠤ᠋ᠨ ᠶᠡᠬᠡ ᠲᠥᠷᠥ ᠶ᠋ᠢ ᠱᠢᠳᠦᠵᠤ ᠡᠩᠬᠡ ᠡᠰᠡᠨ ᠢ᠋ᠶ᠋ᠡᠷ ᠥᠨᠢ ᠦᠯᠡᠮᠵᠢ ᠵᠢᠷᠭᠠᠪᠠ ᠃ 

     ᠪᠠᠰᠠ ᠳᠣᠲᠣᠭᠠᠳᠤ ᠬᠠᠴᠠᠳ ᠤ᠋ᠨ ᠬᠤᠪᠢ ᠣᠯᠵᠤ ᠤᠯᠠᠮᠵᠢᠯᠠᠨ  ᠡᠵᠡᠯᠡᠭᠰᠡᠨ ᠠᠨᠤ ᠂ ᠶᠢᠰᠦᠭᠡᠢ ᠡᠵᠢᠨ ᠦ᠌ ᠳᠡᠭᠦᠦ ᠳᠡᠷᠳᠡᠢ ᠨᠣᠶᠠᠨ ᠤ᠋ ᠠᠴᠢᠨᠠᠷ ᠠ᠋ᠴᠠ ᠂ ᠴᠤ᠌ ᠸᠠᠩ ᠵᠠᠬᠠᠲᠤ ②  ᠶᠦᠩ ᠨᠢᠩ ᠸᠠᠩ ᠪᠤᠶᠠᠨ ᠮᠥᠷ ③  ᠂ ᠵᠢᠩ ᠸᠠᠩ ᠳᠣᠭᠳᠣᠮᠣᠢ ④ ᠂ ᠾᠧ ᠵᠢᠶᠠᠨ ᠸᠠᠩ ᠬᠤᠴᠢᠨ⑤ ᠠᠨ  

— — — — 

① ᠬᠠᠴᠠᠳ ᠄ ᠣᠳᠣ ᠶ᠋ᠢᠨ ᠮᠣᠩᠭᠣᠯ ᠬᠡᠯᠡᠨ ᠳ᠋ᠡᠬᠢ ᠭᠠᠵᠠᠷ ᠤ᠋ᠨ ᠣᠯᠠᠨ ᠤᠳᠬ᠎ᠠ ᠪᠤᠶᠤ ᠃ ᠡᠨᠳᠡ 《 ᠳᠣᠲᠣᠭᠠᠳᠤ ᠬᠠᠴᠠᠳ ᠤ᠋ᠨ ᠬᠤᠪᠢ ᠣᠯᠵᠤ 》 ᠭᠡᠰᠡᠨ ᠨᠢ 《 ᠳᠣᠲᠣᠭᠠᠳᠤ ᠭᠠᠵᠠᠷ ᠦ᠋ᠳ ᠡᠴᠡ ᠬᠤᠪᠢ ᠣᠯᠵᠤ 》 ᠬᠡᠮᠡᠬᠦ ᠤᠳᠬ᠎ᠠ ᠲᠠᠢ ᠃ 

② ᠵᠠᠬᠠᠲᠤ ᠄ ᠲᠣᠯᠢ ᠶ᠋ᠢᠨ ᠭᠤᠷᠪᠠᠳᠤᠭᠠᠷ ᠬᠥᠪᠡᠭᠦᠨ ᠪᠦᠴᠠᠭ ᠤ᠋ᠨ ᠬᠥᠪᠡᠭᠦᠨ ᠃ ᠶᠤᠸᠠᠨ ᠤᠯᠤᠰ ᠤ᠋ᠨ ᠲᠠ ᠲᠧ ᠶ᠋ᠢᠨ ᠠᠷᠪᠠᠨ ᠨᠢᠭᠡᠳᠦᠭᠡᠷ ᠣᠨ (1317 ) ᠳ᠋ᠤ᠌ ᠴᠤ᠌ ᠸᠠᠩ  (楚王 )  ᠡᠷᠭᠦᠮᠵᠢᠯᠡᠭᠳᠡᠵᠡᠢ ᠃ 

③ ᠪᠤᠶᠠᠨ ᠮᠥᠷ ᠄ ᠲᠣᠯᠢ ᠶ᠋ᠢᠨ ᠵᠢᠷᠭᠤᠳᠤᠭᠠᠷ ᠬᠥᠪᠡᠭᠦᠨ ᠦ᠌ ᠬᠣᠶ᠋ᠢᠴᠢ ᠦᠶ᠎ᠡ ᠂ ᡁᠢ ᡁᠢ ᠶ᠋ᠢᠨ ᠣᠨ (1321  —1323 ) ᠳ᠋ᠤ᠌ ᠶᠦᠩ ᠨᠢᠩ ᠸᠠᠩ ( 永宁王)  ᠡᠷᠭᠦᠮᠵᠢᠯᠡᠭᠳᠡᠵᠡᠢ ᠃ 

④ ᠲᠣᠬᠠᠲᠤᠮᠣᠷ ᠄ ᠲᠣᠯᠢ ᠶ᠋ᠢᠨ ᠳᠣᠯᠣᠳᠤᠭᠠᠷ  ᠬᠥᠪᠡᠭᠦᠨ ᠰᠦᠢᠬᠡᠲᠦ ᠶᠢᠨ ᠬᠣᠢᠴᠢ ᠦᠶ᠎ᠡ  ᠶᠢᠰᠦᠨᠪᠤᠬ᠎ᠠ ᠶᠢᠨ ᠬᠥᠪᠡᠬᠦᠨ᠃ ᠠᠯᠢ ᠣᠨ ᠳ᠋ᠤ᠌  ᠵᠢᠩ ᠸᠠᠩ (荆王 )   ᠡᠷᠭᠦᠮᠵᠢᠯᠡᠭᠳᠡᠭᠰᠡᠨ ᠨᠢ ᠲᠣᠳᠣ ᠦᠭᠡᠢ᠃

⑤  ᠬᠤᠴᠢᠨ᠄   ᠴᠢᠩᠬᠢᠰ ᠬᠠᠭᠠᠨ ᠤ᠋  ᠬᠤᠯᠠᠨ ᠬᠠᠲᠤᠨ ᠠᠴᠠ  ᠲᠥᠷᠥᠭᠰᠡᠨ ᠬᠥᠯᠥᠭᠡᠨ  ( ᠪᠠᠰᠠ ᠬᠥᠯᠦᠭᠠᠨ ᠭᠡᠬᠦ )  ᠤ  ᠬᠥᠪᠡᠬᠦᠨ᠃ ᠠᠯᠢ ᠣᠨ ᠳ᠋ᠤ᠌  ᠾᠧ ᠵᠢᠶᠠᠨ ᠸᠠᠩ (河间王 )   ᠡᠷᠭᠦᠮᠵᠢᠯᠡᠭᠳᠡᠭᠰᠡᠨ ᠨᠢ ᠲᠣᠳᠣ ᠦᠭᠡᠢ᠃

ᠲᠢᠩ ᠸᠠᠩ ᠲᠣᠭᠠᠨ ᠲᠠᠨ ᠊ᠢ ① ᠵᠣᠴᠢ ᠶ᠋ᠢᠨ ᠲᠠᠪᠲᠤᠬᠠᠷ ᠬᠥᠪᠡᠭᠦᠨ ᠨᠡᠩ ᠰᠦ᠍ ᠸᠠᠩ ᠲᠤᠬ᠎ᠠ ② ᠂ ᠴᠠᠬᠠᠲᠠᠢ ᠶ᠋ᠢᠨ ᠠᠴᠢᠨᠠᠷ ᠠ᠋ᠴᠠ ᠸᠧᠢ ᠶᠤᠸᠠᠨ ᠠᠴᠠᠬᠢ ③ ᠂ ᠰᠢᠶᠠ ᠸᠠᠩ ᠮᠠᠶ᠋ᠢᠴᠤᠬᠠᠨ④ ᠂  ᠨᠠᠨ ᠫᠢᠩ ᠸᠠᠩ ᠲᠤᠯᠤ ⑤ ᠂ ᠲᠠᠨ ᠃ ᠲᠤᠯᠤ ᠲᠠᠨ ᠭᠦᠸᠠᠩ ᠲᠠᠶ᠋ᠢᠵᠢ ⑥ ᠶ᠋ᠢᠨ ᠠᠴᠢ ᠶ᠋ᠢᠨ ᠶᠠᠩ ᠸᠠᠩ ᠪᠠᠳ ᠲᠡᠮᠦᠷ ⑦ ᠂ ᠬᠦᠴᠦᠨ ᠦ᠌ ᠬᠥᠪᠡᠭᠦᠨ ᠰᠢᠯᠢᠮᠢᠨ ᠦ᠌ ᠠᠴᠢ ᠰᠢᠶᠠᠩ ᠨᠢᠩ ᠸᠠᠩ ᠠᠯᠤᠬᠤ ⑧ ᠂ ᠬᠠᠳᠠᠨ ᠤ᠋ ᠠᠴᠢ ᠿᠦ᠍ ᠨᠢᠩ ᠸᠠᠩ 

 — — — — 

① ᠲᠣᠭᠠᠨ ᠄ ᠭᠥᠯᠦᠭᠡᠨ ᠦ᠌ ᠬᠣᠶ᠋ᠢᠴᠢ ᠦᠶ᠎ᠡ ᠃ ᠬᠤᠸᠠᠩ ᠴᠢᠩ ᠦ᠋ᠨ ᠬᠣᠶᠠᠳᠤᠭᠠᠷ ᠣᠨ (1333 ) ᠳ᠋ᠤ᠌ ᠠᠨ ᠲᠢᠩ ᠸᠠᠩ (安定王 )  ᠡᠷᠭᠦᠮᠵᠢᠯᠡᠭᠳᠡᠵᠡᠢ ᠃ 

② ᠲᠤᠬ᠎ᠠ ᠄ 《 ᠶᠤᠸᠠᠨ ᠱᠢ 》 ᠳ᠋ᠦ᠍ ᠲᠣᠭᠲᠠᠭ᠎ᠠ ᠭᠡᠵᠡᠢ ᠃ ᠵᠥᠴᠢ ᠶ᠋ᠢᠨ ᠲᠠᠪᠤᠳᠤᠭᠠᠷ ᠬᠥᠪᠡᠭᠦᠨ ᠃ ᡁᠢ ᠲᠠ ᠶ᠋ᠢᠨ ᠠᠩᠬᠠᠨ ᠣᠨ (1308 ) ᠳ᠋ᠤ᠌ ᠨᠢᠩ ᠰᠦ᠍ ᠸᠠᠩ ( 宁肃王)  ᠡᠷᠭᠦᠮᠵᠢᠯᠡᠭᠳᠡᠵᠡᠢ ᠃ 

③ ᠠᠴᠠᠬᠢ ᠄ ᠴᠠᠭᠠᠲᠠᠢ ᠶ᠋ᠢᠨ ᠬᠥᠪᠡᠭᠦᠨ ᠪᠦᠷᠢ ᠶ᠋ᠢᠨ ᠬᠦᠦ ᠪᠣᠯᠤᠨ᠎ᠠ ᠃ 

④ ᠮᠠᠶ᠋ᠢᠴᠤᠬᠠᠨ ᠄ ᠴᠠᠭᠠᠲᠠᠢ ᠶ᠋ᠢᠨ ᠬᠣᠶ᠋ᠢᠴᠢ ᠦᠶ᠎ᠡ ᠂ ᡁᠢ ᠲᠠ ᠶ᠋ᠢᠨ ᠭᠤᠲᠠᠭᠠᠷ ᠣᠨ (1310 ， ᠳ᠋ᠤ᠌ ᠶᠠᠨ ᠸᠠᠩ ( 兖王)  ᠡᠷᠭᠦᠮᠵᠢᠯᠡᠭᠳᠡᠵᠡᠢ ᠃ 

⑤ ᠲᠤᠯᠤ ᠄ ᠭᠦᠶᠦᠭ ᠬᠠᠭᠠᠨ ᠤ᠋ ᠬᠣᠶ᠋ᠢᠴᠢ ᠦᠶ᠎ᠡ ᠪᠣᠯᠬᠤ ᠶᠤᠮ ᠂ ᡁᠢ ᠶᠤᠸᠠᠨ ᠤ᠋ ᠳᠣᠯᠣᠳᠤᠭᠠᠷ ᠣᠨ (1272 ) ᠲᠤ᠌ ᠨᠠᠨ ᠫᠢᠩ ᠸᠠᠩ  ᠡᠷᠭᠦᠮᠵᠢᠯᠡᠭᠳᠡᠵᠡᠢ ᠃ 

⑥ ᠡᠨᠳᠡ ᠭᠦᠸᠠᠩ ᠲᠠᠶ᠋ᠢᠵᠢ ᠭᠡᠵᠦ ᠭᠦᠶᠦᠭ ᠬᠠᠭᠠᠨ ᠊ᠢ ᠵᠢᠭᠠᠭᠰᠠᠨ ᠪᠣᠯᠤᠯᠲᠠᠢ ᠃ 

⑦ ᠪᠠᠳ ᠲᠡᠮᠦᠷ ᠄ ᠥᠭᠡᠳᠡᠢ ᠬᠠᠭᠠᠨ ᠤ᠋ ᠬᠥᠪᠡᠭᠦᠨ ᠬᠥᠳᠡᠨ ᠦ᠌ ᠣᠮᠪᠠᠯ ᠃ ᠶᠠᠨ ᠢᠥ ᠶ᠋ᠢᠨ ᠳᠣᠯᠣᠳᠤᠭᠠᠷ ᠣᠨ (1320 ) ᠳ᠋ᠤ᠌ ᠹᠸᠨ ᠶᠠᠩ ᠸᠠᠩ (汾阳王 )  ᠡᠷᠭᠦᠮᠵᠢᠯᠡᠭᠳᠡᠵᠡᠢ ᠃ 

⑧ ᠠᠯᠤᠬᠤ ᠄ ᠥᠭᠡᠳᠡᠢ ᠬᠠᠭᠠᠨ ᠤ᠋ ᠤᠮᠪᠠᠯ ᠰᠢᠯᠢᠮᠢᠨ ᠂ ᠰᠢᠯᠢᠮᠢᠨ ᠦ᠌ ᠬᠥᠪᠡᠭᠦᠨ ᠪᠣᠯᠣᠴᠤ ᠂ ᠲᠡᠭᠦᠨ ᠦ᠌ ᠬᠥᠪᠡᠭᠦᠨ ᠰᠢᠶᠠᠩ ᠨᠢᠩ ᠸᠠᠩ (襄宁王 ) ᠠᠯᠤᠬᠤ ᠪᠤᠶᠤ ᠃ 

ᠴᠠᠪᠠᠷᠢ① ᠯᠦᠩ ᠸᠠᠩ ᠬᠣᠯᠠᠭᠰᠠᠷ② ᠮᠢᠷᠢ ᠶ᠋ᠢᠨ ᠠᠴᠢ ᠶᠠᠩ ᠽᠠᠢ ᠸᠠᠩ ᠂ ᠲᠠᠶ᠋ᠢᠫᠢᠩ ᠲᠠᠨ ③ 

     ᠰᠢᠶᠠᠨ ᠽᠦᠩ ᠬᠠᠭᠠᠨ ᠤ᠋ ᠠᠴᠢᠨᠠᠷ ᠠ᠋ᠴᠠ ᠲᠠᠱ‍ᠢ ᠶ᠋ᠢᠨ ᠬᠣᠶᠠᠷ ᠬᠥᠪᠡᠭᠦᠨ ᠸᠧᠢ ᠸᠠᠩ ᠦᠯᠢᠢ④ ᠂ ᠲᠠᠨ ᠸᠠᠩ ᠢᠨᠲᠦ ⑤ ᠃ 

     ᠱ‍ᠢᠽᠦ ᠬᠠᠭᠠᠨ ᠤ᠋ ᠠᠴᠢᠨᠠᠷ ᠠ᠋ᠴᠠ ᠮᠠᠩᠬᠠᠯ᠎ᠠ ᠶ᠋ᠢᠨ ᠬᠥᠪᠡᠭᠦᠨ ᠠᠨ ᠰᠢ ᠸᠠᠩ ᠠᠬᠠᠳᠠᠨ⑥ ᠂ ᠴᠢᠨ ᠸᠠᠩ ᠠᠯᠲᠠᠨ ᠪᠣᠩ⑦ ᠶᠦᠩ ᠨᠠᠨ  

— — — — 

① ᠴᠠᠪᠠᠷᠢ ᠄ ᠥᠭᠡᠳᠡᠢ ᠶ᠋ᠢᠨ ᠣᠮᠪᠠᠯ ᠬᠠᠶ᠋ᠢᠲᠤ ᠳᠠ ᠸᠠᠩ ᠤ᠋ᠨ ᠬᠥᠪᠡᠭᠦᠨ ᠪᠤᠶᠤ ᠃ ᠶᠠᠨ ᠢᠦ ᠠᠩᠬᠠᠨ ᠣᠨ (1314 ) ᠳ᠋ᠦ᠍ ᠿᠦ᠍ ᠨᠢᠩ ᠸᠠᠩ (汝宁王 )  ᠡᠷᠭᠦᠮᠵᠢᠯᠡᠭᠳᠡᠵᠡᠢ ᠃ 

② ᠬᠤᠯᠠᠭᠰᠠᠷ ᠄ ᠥᠭᠡᠳᠡᠢ ᠶ᠋ᠢᠨ ᠬᠥᠪᠡᠭᠦᠨ ᠬᠠᠳᠠᠨ ᠳᠠ ᠸᠠᠩ ᠤ᠋ᠨ ᠣᠮᠪᠠᠯ ᡁᠢ ᠲᠠ ᠶ᠋ᠢᠨ ᠠᠩᠬᠠᠨ ᠣᠨ (1308 ) ᠳ᠋ᠤ᠌ ᠯᠦᠩ ᠸᠠᠩ (陇王 )  ᠡᠷᠭᠦᠮᠵᠢᠯᠡᠭᠳᠡᠵᠡᠢ ᠃ 

③ ᠲᠠᠶ᠋ᠢᠫᠢᠩ ᠄ ᠥᠭᠡᠳᠡᠢ ᠬᠠᠭᠠᠨ ᠤ᠋ ᠤᠳᠬᠤᠨ ᠬᠥᠪᠡᠭᠦᠨ ᠮᠢᠷᠢ ᠳᠠ ᠸᠠᠩ ᠤ᠋ᠨ ᠬᠣᠶ᠋ᠢᠴᠢ ᠦᠶ᠎ᠡ ᠃ ᠲᠠᠶ᠋ᠢᠲᠢᠩ ᠤ᠋ᠨ ᠠᠩᠬᠠᠨ ᠣᠨ (1324 ) ᠳ᠋ᠦ᠍ ᠶᠠᠩ ᠵᠠᠢ ᠸᠠᠩ (阳翟王 )  ᠡᠷᠭᠦᠮᠵᠢᠯᠡᠭᠳᠡᠵᠡᠢ ᠃ 

④ ᠥᠯᠢᠢ ᠄ ᠥᠯᠵᠡᠢ ᠪᠤᠶᠤ ᠃ 《 ᠶᠤᠸᠠᠨ ᠱᠢ 》 ᠳ᠋ᠦ᠍ ᠰᠢᠶᠠᠨ ᠽᠦᠩ ᠬᠠᠭᠠᠨ ᠤ᠋ ᠭᠤᠲᠠᠭᠠᠷ ᠬᠥᠪᠡᠭᠦᠨ ᠢᠦᠢ ᠯᠦᠩ ᠲᠠᠱ‍ᠢ ᠳᠠ ᠸᠠᠩ ᠬᠡᠮᠡᠵᠦᠬᠦᠢ ᠃ ᠲᠡᠭᠦᠨ ᠦ᠌ ᠬᠥᠪᠡᠭᠦᠨ ᠸᠧᠢ ᠸᠠᠩ (伟王 ) ᠥᠯᠵᠡᠢ ᠪᠣᠯ ᡁᠢ ᠲᠠ ᠶ᠋ᠢᠨ ᠭᠤᠲᠠᠭᠠᠷ ᠣᠨ (1310 ) ᠳ᠋ᠤ᠌  ᠡᠷᠭᠦᠮᠵᠢᠯᠡᠭᠳᠡᠵᠡᠢ ᠃ 

⑤ 《 ᠶᠤᠸᠠᠨ ᠱᠢ 》 ᠳ᠋ᠦ᠍ ᠸᠧᠢ ᠸᠠᠩ ᠥᠯᠵᠡᠢ ᠶ᠋ᠢᠨ ᠬᠥᠪᠡᠭᠦᠨ ᠊ᠢ ᠲᠠᠨ ᠸᠠᠩ (郯王 ) ᠡᠷᠭᠦᠮᠵᠢᠯᠡᠪᠡ ᠭᠡᠵᠦ ᠪᠣᠢ ᠃ 

⑥ ᠬᠤᠪᠢᠯᠠᠢ ᠬᠠᠭᠠᠨ ᠤ᠋ ᠭᠤᠲᠠᠭᠠᠷ ᠬᠥᠪᠡᠭᠦᠨ ᠮᠠᠩᠬᠠᠬ᠎ᠠ ᡁᠢ ᠶᠤᠸᠠᠨ ᠤ᠋ ᠶᠢᠰᠦᠳᠦᠭᠡᠷ ᠣᠨ ᠳ᠋ᠤ᠌ ᠠᠨ ᠰᠢ ᠸᠠᠩ   ᠡᠷᠭᠦᠮᠵᠢᠯᠡᠭᠳᠡᠵᠦ ᠂ ᠲᠡᠭᠦᠨ ᠦ᠌ ᠬᠥᠪᠡᠭᠦᠨ ᠠᠬᠠᠳᠠᠨ ᠠᠨᠤ ᠲᠠ ᠲᠧ ᠶ᠋ᠢᠨ ᠠᠷᠪᠠᠨ ᠨᠢᠭᠡᠳᠦᠭᠡᠷ ᠣᠨ (1307 ) ᠳ᠋ᠤ᠌ ᠠᠨ ᠰᠢ ᠸᠠᠩ (安西王 ) ᠵᠠᠯᠭᠠᠮᠵᠢᠯᠠᠪᠠᠢ ᠃ 

⑦ 《 ᠶᠤᠸᠠᠨ ᠱᠢ 》 ᠳ᠋ᠦ᠍ ᠠᠯᠲᠠᠨ ᠪᠤᠬ᠎ᠠ ᠭᠡᠵᠦ ᠲᠡᠮᠳᠡᠭᠯᠡᠵᠡᠢ ᠃ ᠠᠯᠲᠠᠨ ᠪᠣᠩ ᠤ᠋ᠨ ᠡᠴᠢᠭᠡ ᠮᠠᠩᠬᠠᠯ᠎ᠠ ᠤᠤᠯ ᠨᠢ ᠴᠢᠨ ᠸᠠᠩ (秦王 ) ᠪᠠᠶ᠋ᠢᠵᠤ ᡁᠢ ᠶᠤᠸᠠᠨ ᠤ᠋ ᠶᠢᠰᠦᠳᠦᠭᠡᠷ ᠣᠨ ᠳ᠋ᠤ᠌ ᠠᠨ ᠰᠢ ᠸᠠᠩ ᠤ᠋ᠨ ᠲᠤᠰᠢᠶᠠᠯ ᠊ᠢ ᠳᠠᠪᠬᠤᠷᠯᠠᠨ ᠬᠠᠷᠢᠭᠤᠴᠠᠵᠠᠢ ᠃ ᠮᠠᠩᠬᠠᠯ᠎ᠠ ᠨᠠᠰᠤ ᠪᠠᠷᠠᠭᠰᠠᠨ ᠤ᠋ ᠳᠠᠷᠠᠭ᠎ᠠ ᡁᠢ ᠶᠤᠸᠠᠨ ᠤ᠋ ᠬᠣᠷᠢᠨ ᠳᠥᠷᠪᠡᠳᠦᠭᠡᠷ ᠣᠨ ᠳ᠋ᠤ᠌ ᠠᠯᠲᠠᠨ ᠪᠣᠩ ᠴᠢᠨ ᠸᠠᠩ ᠤ᠋ᠨ ᠵᠡᠷᠭᠡ ᠶ᠋ᠢ ᠵᠠᠯᠭᠠᠮᠵᠢᠯᠠᠵᠠᠢ ᠃ 

 ᠸᠠᠩ ᠬᠥᠩᠬᠥᠷ ᠴᠡᠯ ᠦ᠋ᠨ ᠬᠥᠪᠡᠭᠦᠨ ᠨᠡᠩ ᠸᠠᠩ ᠰᠠᠢᠨ ᠲᠡᠮᠦᠷ① ᠂ ᠰᠢ ᠫᠢᠩ ᠸᠠᠩ ᠠᠭᠤᠯᠠᠬᠴᠢ ᠶ᠋ᠢᠨ ᠶᠡᠬᠡ ᠬᠥᠪᠡᠭᠦᠨ ᠂ ᠦ᠌ ᠰᠢ ᠡᠦ ᠨᠢᠩ ᠸᠠᠩ ᠨᠠᠰᠤᠨ ᠲᠡᠮᠦᠷ ᠪᠤᠬ᠎ᠠ② ᠃ ᠲᠡᠭᠦᠨᠦ ᠭᠤᠷᠪᠠᠨ ᠬᠥᠪᠡᠭᠦᠨ ᠶᠦᠩ ᠨᠠᠨ ᠸᠠᠩ ᠯᠣᠲᠠᠨ③ ᠡᠦ ᠂ ᠵᠢᠩ ᠸᠠᠩ ᠰᠤᠰᠭᠡᠨ᠎ᠡ① ᠢᠦᠢ [ᠸᠠᠩ ] ᠠᠲᠠᠨᠠ ᠰᠢᠷᠢ⑤ ᠲᠠᠨ ᠤ᠋  ᠨᠠᠨ ᠸᠠᠩ ᠲᠤᠬᠠᠨ ᠤ᠋ ᠭᠤᠷᠪᠠᠨ ᠬᠥᠪᠡᠭᠦᠨ ᠦ᠌ ᠨᠠᠨ ᠸᠠᠩ ᠲᠡᠭᠦᠰ ᠪᠤᠬ᠎ᠠ⑥ ᠸᠧᠢ ᠱᠦᠨ ᠸᠠᠩ  

— — — — 

① ᠬᠤᠪᠢᠯᠠᠢ ᠬᠠᠭᠠᠨ ᠤ᠋ ᠲᠠᠪᠤᠳᠤᠭᠠᠷ ᠬᠥᠪᠡᠭᠦᠨ ᠬᠥᠩᠬᠥᠷ ᠴᠡᠯ ᡁᠢ ᠶᠤᠸᠠᠨ ᠤ᠋ ᠳᠥᠲᠥᠭᠡᠷ ᠣᠨ (1267 ) ᠳ᠋ᠤ᠌ ᠶᠦᠩ  ᠨᠠᠨ ᠸᠠᠩ (云南王 )  ᠡᠷᠭᠦᠮᠵᠢᠯᠡᠭᠳᠡᠪᠡ ᠃ ᠲᠡᠭᠦᠨ ᠦ᠌ ᠬᠥᠪᠡᠭᠦᠨ ᠰᠠᠢᠨ ᠲᠡᠮᠦᠷ ᠮᠥᠨ ᡁᠢ ᠶᠤᠸᠠᠨ ᠤ᠋ ᠳᠣᠯᠣᠳᠤᠭᠠᠷ ᠣᠨ (1270 ) ᠳ᠋ᠤ᠌ ᠶᠦᠩ ᠨᠠᠨ ᠸᠠᠩ   ᠡᠷᠭᠦᠮᠵᠢᠯᠡᠭᠳᠡᠨ ᠦᠽᠥ᠋ᠩ ᠬᠠᠭᠠᠨ ᠤ᠋ ᠦᠶ᠎ᠡ ᠳ᠋ᠦ᠍ ᠲᠠᠪᠰᠢᠭᠤᠯᠤᠨ ᠢᠩ ᠸᠠᠩ (营王 )ᠡᠷᠭᠦᠮᠵᠢᠯᠡᠵᠡᠢ ᠃ 

② ᠬᠤᠪᠢᠯᠠᠢ ᠬᠠᠭᠠᠨ ᠤ᠋ ᠳᠣᠯᠣᠳᠤᠭᠠᠷ ᠬᠥᠪᠡᠭᠦᠨ ᠠᠭᠤᠯᠠᠭᠴᠢ ᡁᠢ ᠶᠤᠸᠠᠨ ᠤ᠋ ᠵᠢᠷᠭᠤᠳᠤᠭᠠᠷ ᠣᠨ (1269 ) ᠳ᠋ᠦ᠍ ᠰᠢ ᠫᠢᠩ ᠸᠠᠩ (西平王 )   ᠡᠷᠭᠦᠮᠵᠢᠯᠡᠭᠳᠡᠵᠡᠢ ᠃ ᠲᠡᠭᠦᠨ ᠦ᠌ ᠬᠥᠪᠡᠭᠦᠨ ᠨᠠᠰᠤᠨ ᠲᠡᠮᠦᠷ ᠪᠤᠬ᠎ᠠ ᠲᠠ ᠲᠧ ᠶ᠋ᠢᠨ ᠭᠤᠲᠠᠭᠠᠷ ᠣᠨ (1299 ) ᠵᠸᠨ ᠰᠢ ᠡᠦ ᠵᠢᠩ ᠸᠠᠩ (镇西武精王 ) ᠡᠷᠭᠦᠮᠵᠢᠯᠡᠭᠳᠡᠵᠡᠢ ᠃ 

③ ᠯᠤᠲᠠᠨ ᠄ ᠨᠠᠰᠤᠨ ᠲᠡᠮᠦᠷ ᠪᠤᠬ᠎ᠠ ᠶ᠋ᠢᠨ ᠶᠡᠬᠡ ᠬᠥᠪᠡᠭᠦᠨ ᠃ ᡁᠢ ᠲᠠ ᠶ᠋ᠢᠨ ᠬᠣᠶᠠᠳᠤᠭᠠᠷ ᠣᠨ (1309 ) ᠳ᠋ᠦ᠍ ᠶᠦᠩ ᠨᠠᠨ ᠸᠠᠩ (云南王 )  ᠡᠷᠭᠦᠮᠵᠢᠯᠡᠭᠳᠡᠪᠡ ᠃ 

④ 《 ᠶᠤᠸᠠᠨ ᠱᠢ 》 ᠳ᠋ᠦ᠍ ᠨᠠᠰᠤᠨ ᠲᠡᠮᠦᠷ ᠪᠤᠬ᠎ᠠ ᠶ᠋ᠢᠨ ᠬᠣᠶᠠᠳᠤᠭᠠᠷ ᠬᠥᠪᠡᠭᠦᠨ ᠰᠣᠰᠭᠡᠨ᠎ᠡ ᠶ᠋ᠢ ᠡᠦ ᠵᠢᠩ ᠸᠠᠩ (武精王 ) ᠭᠡᠵᠦ ᠲᠡᠮᠳᠡᠭᠡᠯᠡᠵᠦ ᠪᠣᠢ ᠃ 

⑤ ᠢᠦᠢ ᠠᠲᠠᠨᠠ ᠰᠢᠷᠢ ᠄ ᠢᠦᠢ ᠸᠠᠩ (豫王 ) ᠠᠲᠠᠨᠠ ᠰᠢᠷᠢ ᠪᠤᠶᠤ ᠃ ᠲᠢᠶᠠᠨ ᠯᠢ ᠶ᠋ᠢᠨ ᠬᠣᠶᠠᠳᠤᠭᠠᠷ ᠣᠨ (1329 ) ᠳ᠋ᠦ᠍ ᠡᠷᠭᠦᠮᠵᠢᠯᠡᠭᠳᠡᠵᠡᠢ ᠃ ᠡᠭᠦᠨ ᠊ᠢ 《 ᠶᠤᠸᠠᠨ ᠱᠢ 》 ᠳ᠋ᠦ᠍ ᠶᠦᠩ  ᠨᠠᠨ ᠸᠠᠩ ᠯᠣᠲᠠᠨ ᠤ᠋ ᠬᠥᠪᠡᠭᠦᠨ ᠭᠡᠵᠦ ᠲᠡᠮᠳᠡᠭᠡᠯᠡᠵᠦ ᠪᠣᠢ ᠃ 

⑥ 《 ᠶᠤᠸᠠᠨ ᠱᠢ 》 ᠳ᠋ᠦ᠍ ᠬᠤᠪᠢᠯᠠᠢ ᠶ᠋ᠢᠨ ᠶᠢᠰᠦᠳᠦᠭᠡᠷ ᠬᠥᠪᠡᠭᠦᠨ ᠲᠣᠭᠠᠨ ᠂ ᡁᠢ ᠶᠤᠸᠠᠨ ᠤ᠋ ᠬᠣᠷᠢᠨ ᠨᠢᠭᠡᠳᠦᠭᠡᠷ ᠣᠨ (1284 ) ᠳ᠋ᠦ᠍ ᠸᠸᠨ ᠨᠠᠨ ᠸᠠᠩ   ᠡᠷᠭᠦᠮᠵᠢᠯᠡᠭᠳᠡᠵᠦ  ᠲᠠ ᠲᠧ ᠶ᠋ᠢᠨ ᠲᠠᠪᠤᠳᠤᠭᠠᠷ ᠣᠨ (1301 ) ᠳ᠋ᠦ᠍ ᠨᠠᠰᠤ ᠪᠠᠷᠠᠭᠰᠠᠨ ᠤ᠋ ᠬᠣᠶ᠋ᠢᠨ᠎ᠠ ᠲᠡᠭᠦᠨ ᠦ᠌ ᠬᠥᠪᠡᠭᠦᠨ ᠯᠣᠵᠠᠩ ᠵᠠᠯᠭᠠᠮᠵᠢᠯᠠᠨ  ᠡᠷᠭᠦᠮᠵᠢᠯᠡᠭᠳᠡᠪᠡ ᠭᠡᠵᠦ ᠪᠣᠢ ᠃ ᠡᠨᠳᠡ ᠲᠣᠭᠠᠨ ᠤ᠋ ᠬᠥᠪᠡᠭᠦᠨ ᠯᠣᠵᠠᠩ ᠭᠡᠵᠦ ᠳᠤᠷᠠᠳᠤᠭᠰᠠᠨ ᠦᠭᠡᠢ ᠂ ᠬᠠᠷᠢᠨ ᠲᠣᠭᠠᠨ ᠤ᠋ ᠭᠤᠷᠪᠠᠨ ᠬᠥᠪᠡᠭᠦᠨ ᠲᠡᠭᠦᠰ ᠪᠤᠬ᠎ᠠ ᠂ ᠬᠠᠴᠠ ᠪᠤᠬ᠎ᠠ ᠂ ᠲᠡᠮᠦᠷ ᠪᠤᠬ᠎ᠠ ᠭᠡᠵᠦ ᠲᠡᠮᠳᠡᠭᠯᠡᠭᠰᠡᠨ ᠪᠠᠶ᠋ᠢᠨ᠎ᠠ ᠃ 

ᠬᠠᠴᠠ ᠪᠤᠬ᠎ᠠ ①᠂ ᠰᠢᠦᠸᠠᠨ ᠿᠠᠨ ᠸᠠᠩ ᠲᠡᠮᠦᠷ ᠪᠤᠬ᠎ᠠ② ᠃ ᠲᠠᠶ᠋ᠢᠲᠦᠩ ( ᠲᠠᠶ᠋ᠢᠲᠢᠩ ) ᠬᠠᠭᠠᠨ ᠤ᠋ ᠠᠬ᠎ᠠ ᠯᠢᠶᠠᠩ ᠸᠠᠩ ᠰᠥᠩ ᠰᠠᠨ③ ᠳᠡᠭᠦᠦ ᠯᠢᠶᠠᠩ ᠨᠢᠩ ᠸᠠᠩ ᠳᠡᠯᠭᠡᠷ ④ ᠃ ᠦᠴᠦᠩ ( ᠦᠽᠥ᠋ᠩ ) ᠬᠠᠭᠠᠨ ᠤ᠋ ᠳᠡᠭᠦᠦ ᠸᠧᠢ ᠸᠠᠩ ᠡᠮᠦᠩ ⑤ ᠦ᠋ᠨ ᠬᠣᠶᠠᠷ ᠬᠥᠪᠡᠭᠦᠨ ᠰᠢ ᠢᠩ ᠸᠠᠩ ᠠᠯᠤ⑥ ᠃ ᠸᠧᠢ ᠸᠠᠩ ᠂ ᠪᠣᠯᠣᠳ ᠲᠡᠮᠦᠷ⑦ ᠡᠳᠡᠨ ᠦ᠌ ᠵᠠᠷᠢᠮ ᠠᠨᠤ ᠭᠤᠷᠪᠠᠨ ᠦᠶ᠎ᠡ ᠂ ᠵᠠᠷᠢᠮ ᠠᠨᠤ ᠂ ᠬᠣᠶᠠᠷ ᠦᠶ᠎ᠡ ᠵᠠᠯᠭᠠᠮᠵᠢᠯᠠᠵᠤᠬᠤᠢ ᠃ ᠪᠠᠰᠠ ᠪᠤᠰᠤ ᠂ ᠨᠠᠴᠢᠨ ᠡᠵᠢᠨ ᠬᠠᠮ ᠬᠠᠴᠤᠯᠠ ᠲᠡᠷᠡᠭᠦᠲᠡᠨ ᠦ᠌ ᠰᠠᠯᠪᠤᠷᠢ ᠦᠷ᠎ᠡ ᠦᠨᠳᠦᠰᠦᠨ ᠂ ᠤᠬᠠᠭᠠᠨᠲᠤ ᠬᠠᠭᠠᠨ ᠤ᠋ ᠴᠠᠭ ᠠ᠋ᠴᠠ ᠣᠷᠣᠭᠰᠢ ᠨᠡᠷᠡᠲᠡᠨ ᠲᠥᠷᠥ ᠲᠠᠨ ᠶᠠᠪᠤᠭᠰᠠᠨ ᠣᠯᠠᠨ ᠪᠣᠯᠪᠠᠴᠤ ᠂ ᠡᠳᠦᠭᠡ ᠮᠣᠩᠭᠣᠯ ᠬᠢᠲᠠᠳ ᠤ᠋ᠨ ᠣᠷᠣᠨ᠎ᠠ ᠠᠬᠤ ᠠᠨᠤ ᠲᠡᠮᠳᠡᠭ ᠦᠭᠡᠢ ᠃ ᠵᠠᠷᠢᠮ ᠦ᠋ᠳ ᠡᠮᠦᠨ᠎ᠡ ᠭᠠᠵᠠᠷ᠎ᠠ ᠬᠣᠴᠣᠷᠤᠭᠰᠠᠨ ᠤᠤ ᠣᠪᠣᠭᠲᠠᠨ ᠪᠣᠯᠪᠠᠢ ᠬᠡᠮᠡᠮᠦᠢ ᠃ ᠪᠣᠭᠳᠠ ᠴᠢᠩᠭᠢᠰ ᠬᠠᠭᠠᠨ ᠠ᠋ᠴᠠ  ᠯᠢᠭᠳᠡᠨ ᠬᠤᠲᠤᠭᠲᠤ ᠬᠠᠭᠠᠨ ᠊ᠢ ᠬᠦᠷᠲᠡᠯᠡᠨ ᠬᠤᠴᠢᠨ ᠲᠠᠪᠤᠨ ᠬᠠᠭᠠᠨ ᠃ ᠴᠢᠩᠭᠢᠰ ᠬᠠᠭᠠᠨ ᠤ᠋ ᠭᠠᠯ ᠪᠠᠷᠰ   

— — — — 

①ᠬᠠᠴᠠ ᠪᠤᠬ᠎ᠠ ᠄ ᠲᠠᠶ᠋ᠢᠲᠢᠩ ᠤ᠋ᠨ ᠭᠤᠲᠠᠭᠠᠷ ᠸᠧᠢ ᠱᠦᠨ ᠸᠠᠩ( 威顺王 )  ᠡᠷᠭᠦᠮᠵᠢᠯᠡᠭᠳᠡᠪᠡ ᠃ 

②ᠲᠡᠮᠦᠷ ᠪᠤᠬ᠎ᠠ ᠄ ᠤᠤᠯ ᠨᠢ ᠰᠢᠦᠸᠠᠨ ᠿᠠᠨ ᠸᠠᠩ ( 宣让王) ᠪᠠᠶ᠋ᠢᠵᠠᠢ ᠃ ᡁᠢ ᠵᠧᠩ ᠬᠣᠷᠢᠨ ᠳᠣᠯᠣᠳᠤᠭᠠᠷ ᠣᠨ ᠳ᠋ᠤ᠌ ᠬᠤᠸᠠᠢ ᠸᠠᠩ （淮王）ᠡᠷᠭᠦᠮᠵᠢᠯᠡᠭᠳᠡᠵᠡᠢ ᠃ 

③ᠰᠥᠩ ᠰᠠᠨ ᠄ ᠭᠠᠮᠠᠯᠠ ᠶ᠋ᠢᠨ ᠬᠥᠪᠡᠭᠦᠨ ᠂ ᡁᠢ ᠶᠤᠸᠠᠨ ᠤ᠋ ᠭᠤᠴᠢᠳᠤᠭᠠᠷ ᠣᠨ(1293) ᠳ᠋ᠤ᠌ ᠯᠢᠶᠠᠩ ᠸᠠᠩ  ᠡᠷᠭᠦᠮᠵᠢᠯᠡᠭᠳᠡᠵᠡᠢ ᠃ 

④ᠳᠡᠯᠭᠡᠷ ᠄ 《 ᠶᠤᠸᠠᠨ ᠱᠢ 》 ᠪᠣᠯᠤᠨ 《蒙兀儿史记》( ᠮᠣᠩᠭᠣᠯ ᠤ᠋ᠨ ᠲᠡᠦᠬᠡᠨ ᠲᠡᠮᠳᠡᠭᠯᠡᠯ ) ᠳ᠋ᠦ᠍ ᠳᠡᠯᠭᠡᠷᠪᠥ᠋ᠬᠡ ᠭᠡᠳᠡᠭ ᠃ ᡁᠢ ᠶᠤᠸᠠᠨ ᠤ᠋ ᠳᠥᠲᠥᠭᠡᠷ ᠣᠨ(1311) ᠳ᠋ᠦ᠍ ᠰᠢᠶᠠᠩ ᠨᠢᠩ ᠸᠠᠩ (湘宁王 )  ᠡᠷᠭᠦᠮᠵᠢᠯᠡᠭᠳᠡᠵᠡᠢ ᠃ 

⑤ᠡᠮᠦᠩ ᠄ ᠳ᠋ᠠᠷᠮᠠᠪᠠᠯᠠ ᠶ᠋ᠢᠨ ᠭᠤᠲᠠᠭᠠᠷ ᠬᠥᠪᠡᠭᠦᠨ ᠃ ᠬᠦᠯᠦᠭ ᠬᠠᠭᠠᠨ ᠤ᠋ ᠦᠶ᠎ᠡ ᠳ᠋ᠦ᠍ ᠸᠧᠢ ᠸᠠᠩ （魏王 )  ᠡᠷᠭᠦᠮᠵᠢᠯᠡᠭᠳᠡᠵᠡᠢ ᠃ 

⑥ᠠᠯᠤ ᠄ ᠡᠮᠦᠩ ᠦ᠋ᠨ ᠬᠥᠪᠡᠭᠦᠨ ᠂ ᡁᠢ ᠱᠦᠨ ᠦ᠌ ᠠᠩᠬᠠᠨ ᠣᠨ(1330) ᠳ᠋ᠤ᠌ ᠰᠢ ᠵᠢᠩ ᠸᠠᠩ  ᠡᠷᠭᠦᠮᠵᠢᠯᠡᠭᠳᠡᠵᠡᠢ᠃ 

⑦ᠪᠣᠯᠣᠳ ᠲᠡᠮᠦᠷ ᠄ ᠲᠠᠶ᠋ᠢᠲᠢᠩ ᠤ᠋ᠨ ᠠᠩᠬᠠᠳᠤᠭᠠᠷ ᠣᠨ(1324) ᠳ᠋ᠦ᠍ ᠪᠣᠯᠣᠳ ᠲᠡᠮᠦᠷ ᠦ᠋ᠨ ᠡᠴᠢᠭᠡ ᠡᠮᠦᠩ ᠨᠠᠰᠤ ᠪᠠᠷᠠᠭᠰᠠᠨ ᠤ᠋ ᠬᠣᠶ᠋ᠢᠨ᠎ᠠ ᠪᠣᠯᠣᠳ ᠲᠡᠮᠦᠷ ᠸᠧᠢ ᠸᠠᠩ ᠵᠠᠯᠭᠠᠮᠵᠢᠯᠠᠪᠠᠢ ᠃  

 ᠠᠩᠬᠠᠨ ᠣᠨ ᠠ᠋ᠴᠠ ᠂ ᠬᠤᠲᠤᠭᠲᠤ ᠬᠠᠭᠠᠨ ᠤ᠋ ᠮᠣᠳᠣᠨ ᠨᠣᠬᠠᠢ ᠠᠳᠠᠭ ᠤ᠋ᠨ ᠣᠨ ᠬᠦᠷᠲᠯᠡᠨ ᠳᠥᠷᠪᠡᠨ ᠵᠠᠭᠤᠨ ᠶᠢᠰᠦᠨ ᠣᠨ ① ᠪᠣᠯᠵᠤᠬᠤᠢ ᠃  

— — — — 

① ᠴᠢᠩᠭᠢᠰ ᠬᠠᠭᠠᠨ ᠤ᠋ ᠰᠠᠭᠣᠷᠢᠨ᠎ᠠ ᠰᠠᠭᠤᠭᠰᠠᠨ ᠭᠠᠯ ᠪᠠᠷᠰ ᠵᠢᠯ (1206 ) ᠠ᠋ᠴᠠ   ᠯᠢᠭᠳᠡᠨ ᠬᠠᠭᠠᠨ ᠤ᠋ ᠨᠠᠰᠤ ᠪᠠᠷᠠᠭᠰᠠᠨ ᠮᠣᠳᠣᠨ ᠨᠣᠬᠠᠢ ᠵᠢᠯ ᠬᠦᠷᠲᠡᠯ᠎ᠡ (1634 ) ᠨᠡᠶ᠋ᠢᠲᠡ ᠳᠥᠷᠪᠡᠨ ᠵᠠᠭᠤ ᠬᠣᠷᠢᠨ ᠶᠢᠰᠦᠨ ᠵᠢᠯ ᠪᠣᠯᠤᠭᠰᠠᠨ ᠠᠵᠠᠢ ᠃ 

ᠭᠠᠩᠬ᠋᠎ᠠ ᠶ᠋ᠢᠨ ᠤᠷᠤᠰᠬᠠᠯ ( ᠪᠦᠬᠦ ᠨᠣᠮ ) Гангын урсгал ( бүх ном )

ᠭᠠᠩᠬ᠋᠎ᠠ ᠶ᠋ᠢᠨ ᠤᠷᠤᠰᠬᠠᠯ ( ᠪᠦᠬᠦ ᠨᠣᠮ ) – ᠴᠤᠶ᠋ᠢᠵᠢ ᠲᠤᠯᠭᠠᠨ ᠬᠠᠷᠢᠴᠠᠭᠤᠯᠵᠤ ᠲᠠᠶ᠋ᠢᠯᠪᠤᠷᠢᠯᠠᠪᠠ Гангын урсгал ( бүх ном )– Чойж Тулган харьцуулж тайлбарлав