ᠮᠣᠩᠭᠣᠯ ᠣᠨᠢᠰᠤᠭᠠ ᠶᠢᠨ ᠲᠡᠭᠦᠪᠦᠷᠢ – ᠲᠡᠭᠦᠰᠭᠡᠯ ᠦᠨ ᠦᠭᠡ Монгол оньсгын түүвэр – Төгсгөлийн үг
1335ᠲᠡᠭᠦᠰᠭᠡᠯ ᠦᠨ ᠦᠭᠡ
《 ᠮᠣᠩᠭᠣᠯ ᠣᠨᠢᠰᠣᠬ᠋ᠠ ᠶ᠋ᠢᠨ ᠲᠡᠭᠦᠪᠦᠷᠢ》 ᠳᠤ ᠣᠷᠣᠭᠰᠠᠨ ᠮᠢᠩᠬ᠋ᠠ ᠲᠠᠪᠤᠨ ᠵᠠᠭᠤᠭᠠᠳ ᠣᠨᠢᠰᠣᠬ᠋ᠠ ᠶ᠋ᠢ 1964---1980 ᠣᠨ ᠳᠤ ᠴᠤᠭᠯᠠᠭᠤᠯᠤᠭᠰᠠᠨ ᠬᠣᠶᠠᠷ ᠮᠢᠩᠬ᠋ᠠ ᠲᠠᠪᠤᠨ ᠵᠠᠭᠤ ᠭᠠᠷᠤᠢ ᠣᠨᠢᠰᠣᠬ᠋ᠠ ᠶ᠋ᠢᠨ ᠳᠣᠲᠣᠷᠠ ᠠ᠋ᠴᠠ ᠰᠢᠯᠢᠵᠦ ᠡᠮᠬᠢᠤᠠᠬᠡᠵᠦ ᠠᠪᠤᠯᠠ ᠃
ᠪᠣᠲᠠᠲᠠᠢ ᠴᠤᠭᠯᠠᠭᠤᠯᠵᠤ ᠡᠮᠬᠢᠳᠬᠡᠭᠰᠡᠨ ᠪᠠᠶ᠋ᠢᠲᠠᠯ ᠊ᠢ ᠲᠣᠲᠣᠷᠬᠠᠶ᠋ᠢᠯᠠᠪᠠᠯ ᠡᠶ᠋ᠢᠮᠦ ᠪᠠᠶ᠋ᠢᠨᠠ ᠄
1964.5---6 ᠰᠠᠷᠠ ᠳᠤ ᠶᠡᠬᠡ ᠵᠣᠣ ᠠᠶ᠋ᠢᠮᠠᠭ ᠦ᠋ᠨ ᠬᠣᠶᠠᠲᠤᠭᠠᠷ ᠳᠤᠮᠳᠠᠳᠤ ᠰᠤᠷᠭᠠᠭᠤᠯᠢ ᠶ᠋ᠢᠨ ᠠᠩᠬᠠ ᠵᠡᠷᠭᠡ ᠶ᠋ᠢᠨ ᠨᠢᠭᠡᠲᠦᠭᠡᠷ ᠣᠨ ᠪ ᠰᠤᠷᠤᠭᠴᠢ ᠵᠠᠮᠰᠥ᠋ᠷᠦᠩᠵᠠᠪ ( ᠡᠷᠡᠭᠲᠡᠢ ᠂17 ᠨᠠᠰᠤᠲᠠᠢ) ᠴᠠᠩᠭᠡᠯᠵᠡᠪ ( ᠡᠷᠡᠭᠲᠡᠢ ᠂18 ᠨᠠᠰᠤᠲᠠᠢ) ᠂ ᠠᠯᠲᠠᠨᠭᠠᠯᠠᠭᠤ ( ᠡᠮᠡᠭᠲᠡᠢ 16 ᠨᠠᠰᠤᠲᠠᠢ) ᠵᠡᠷᠭᠡ ᠰᠤᠷᠤᠭᠴᠢ ᠨᠠᠷ ᠠ᠋ᠴᠠ ᠨᠡᠶ᠋ᠢᠲᠡ ᠵᠠᠭᠤ ᠭᠠᠷᠤᠢ ᠣᠷᠲᠣᠰ ᠣᠨᠢᠰᠣᠬ᠋ᠠ ᠪᠢᠴᠢᠵᠦ ᠠᠪᠤᠪᠠ ᠃
1965----1966 ᠣᠨ ᠳᠤ ᠰᠢᠯᠢ ᠶ᠋ᠢᠨ ᠭᠣᠣᠯ ᠦ᠋ᠨ ᠵᠡᠭᠦᠨ ᠰᠥᠨᠢᠳ ᠬᠣᠰᠢᠭᠤᠨ ᠪ ᠳᠠᠷᠬᠠᠨ ᠠᠭᠤᠯᠠ ᠨᠢᠭᠡᠲᠦᠯ ᠦ᠋ᠨ ᠪᠠᠶᠠᠨ ᠲᠥᠭᠥᠷᠢᠭ ᠪᠠᠷᠢᠭᠠᠲᠠ ᠶ᠋ᠢᠨ ᠮᠠᠯᠴᠢᠨ ᠭᠠᠵᠢᠳ ( ᠡᠮᠡᠭᠲᠡᠢ᠂ 47 ᠨᠠᠰᠤᠲᠠᠢ) ᠂ ᠣᠪᠲᠤᠯᡁᠡᠮᠤ( ᠡᠮᠡᠭᠲᠡᠢ᠂ 61 ᠨᠠᠰᠤᠲᠠᠢ) ᠂ ᠠᠪᠤᠷᠠ ( ᠡᠷᠡᠭᠲᠡᠢ᠂ 62 ᠨᠠᠰᠤᠲᠠᠢ) ᠂ ᠵᠢᠪᠵᠢᠳ ( ᠡᠮᠡᠭᠲᠡᠢ᠂ 46 ᠨᠠᠰᠤᠲᠠᠢ) ᠨᠠᠷ ᠠ᠋ᠴᠠ ᠭᠤᠷᠪᠠᠨ ᠵᠠᠭᠤ ᠰᠢᠬᠠᠮ ᠣᠨᠢᠰᠣᠬ᠋ᠠ ᠪᠢᠴᠢᠵᠦ ᠠᠪᠴᠠᠢ ᠃
1966---1972 .1976---1982 ᠣᠨ ᠳᠤ ᠪᠠᠭᠠᠷᠢᠨ ᠪᠠᠷᠠᠭᠤᠨ ᠬᠣᠰᠢᠭᠤᠨ ᠪ ᠴᠠᠭᠠᠨ ᠮᠥᠷᠡᠨ ᠨᠢᠭᠡᠲᠦᠯ ᠦ᠋ᠨ ᠰᠢᠪᠠᠷᠲᠠᠢ ᠪᠠᠷᠢᠭᠠᠲᠠ ᠶ᠋ᠢᠨ ᠰᠡᠷᠢᠭᠡᠮᠡ ( ᠡᠮᠡᠭᠲᠡᠢ᠂ 65 ᠨᠠᠰᠤᠲᠠᠢ) ᠂ ᠲᠦᠮᠡᠨ ( ᠡᠷᠡᠭᠲᠡᠢ᠂ 52 ᠨᠠᠰᠤᠲᠠᠢ) ᠂ ᠳᠠᠯᠠᠨᠲᠠᠢ ( ᠡᠷᠡᠭᠲᠡᠢ᠂ 17 ᠨᠠᠰᠤᠲᠠᠢ) ᠂ ᠬᠠᠶ᠋ᠢᠷᠠᠬᠠᠨ( ᠡᠮᠡᠭᠲᠡᠢ᠂ 12 ᠨᠠᠰᠤᠲᠠᠢ) ᠨᠠᠷ ᠠ᠋ᠴᠠ ᠨᠡᠯᠢᠶᠡᠳ ᠠᠷᠪᠢᠨ ᠣᠨᠢᠰᠣᠬ᠋ᠠ ᠣᠯᠵᠤ ᠲᠡᠮᠲᠡᠭᠯᠡᠪᠡ ᠃ ᠬᠣᠵᠢᠮ ᠨᠢ ᠪᠠᠭᠠᠷᠢᠨ ᠪᠠᠷᠠᠭᠤᠨ ᠬᠣᠰᠢᠭᠤᠨ ᠪ ᠪᠠᠶᠠᠠᠡᠷᠲᠡᠨᠢ ᠨᠢᠭᠡᠲᠦᠯ ᠦ᠋ᠨ ᠬᠠᠪᠴᠢᠯ ᠪᠠᠷᠢᠭᠠᠲᠠ ᠶ᠋ᠢᠨ ᠨᠠᠰᠤᠲᠠᠨ ᠨᠠᠤᠠᠮᠢᠳ ᠠ᠋ᠴᠠ ᠨᠡᠯᠢᠶᠡᠳ ᠣᠨᠢᠰᠣᠬ᠋ᠠ ᠣᠯᠵᠤ ᠲᠡᠮᠲᠡᠭᠡᠯᠡᠯᠡ ᠃
1980 ᠣᠨ ᠪ 3 ᠰᠠᠷᠠ ᠳᠤ ᠵᠢᠷᠢᠮ ᠠᠶ᠋ᠢᠮᠠᠭ ᠦ᠋ᠨ ᠵᠠᠷᠤᠳ ᠬᠣᠰᠢᠭᠤᠨ ᠪ ᠪᠠᠶᠠᠷᠲᠤᠬᠤᠰᠢᠭᠤ ᠨᠢᠭᠡᠲᠦᠯ ᠦ᠋ᠨ ᠪᠠᠶᠠᠷᠲᠤᠬᠤᠰᠢᠭᠤ ᠪᠠᠷᠢᠭᠠᠲᠠ ᠶ᠋ᠢᠨ ᠨᠠᠰᠤᠲᠠᠨ ᠪᠠᠶᠠᠰᠬᠤᠯᠠᠩ( ᠡᠷᠡᠭᠲᠡᠢ᠂ 70 ᠨᠠᠰᠤᠲᠠᠢ) ᠠ᠋ᠴᠠ ᠵᠠᠭᠤ ᠭᠠᠷᠤᠢ ᠣᠨᠢᠰᠣᠬ᠋ᠠ ᠲᠡᠮᠲᠡᠭᠯᠡᠵᠦ ᠠᠪᠤᠪᠠ ᠃ ᠮᠥᠨ ᠵᠢᠯ ᠦ᠋ᠨ ᠬᠣᠶᠠᠷ ᠂ ᠭᠤᠷᠪᠠᠲᠤᠭᠠᠷ ᠰᠠᠷᠠ ᠳᠤ ᠣᠲᠣ ᠶ᠋ᠢᠨ ᠬᠢᠩᠭᠠᠨ ᠠᠶ᠋ᠢᠮᠠᠭ ᠦ᠋ᠨ ᠬᠣᠷᠴᠢᠨ ᠪᠠᠷᠠᠭᠤᠨ ᠭᠠᠷ ᠦ᠋ᠨ ᠳᠤᠮᠳᠠᠳᠤ ᠬᠣᠰᠢᠭᠤᠨ ᠪ ᠲᠠᠪᠢᠨ ᠨᠢᠭᠡᠲᠦᠯ ᠶ᠋ᠢᠡᠷ ᠶᠠᠪᠤᠭᠠᠳ ᠨᠥᠬᠥᠷ ᠯᠢᠶᠠᠨ ᠱᠦᠨ( ᠡᠷᠡᠭᠲᠡᠢ᠂ 30 ᠨᠠᠰᠤᠲᠠᠢ) ᠠ᠋ᠴᠠ ᠨᠢᠭᠡ ᠭᠡᠰᠡᠭ ᠣᠨᠢᠰᠣᠬ᠋ᠠ ᠲᠡᠮᠲᠡᠭᠯᠡᠵᠦ ᠠᠪᠴᠠᠢ ᠂ ᠰᠡᠭᠦᠯᠡᠷ ᠨᠢ ᠲᠤᠰ ᠨᠥᠬᠥᠷ ᠥᠪᠡᠷ ᠦ᠋ᠨ ᠴᠤᠭᠯᠠᠭᠤᠯᠤᠭᠠᠳ ᠪᠠᠶ᠋ᠢᠬᠰᠠᠨ ᠬᠡᠲᠦᠨ ᠵᠠᠭᠤᠨ ᠣᠨᠢᠰᠣᠬ᠋ᠠ ᠪᠠᠨ ᠬᠠᠷᠠᠮ ᠦᠭᠡᠢ ᠢᠯᠡᠭᠡᠵᠦ ᠥᠭᠪᠡ ᠃
1979 .12---1980.5 ᠪᠠ 1985 ᠣᠨ ᠪ 8 ᠰᠠᠷᠠ ᠳᠤ ᠵᠢᠷᠢᠮ ᠠᠶ᠋ᠢᠮᠠᠭ ᠦ᠋ᠨ ᠵᠠᠷᠤᠳ ᠬᠣᠰᠢᠭᠤᠨ ᠪ ᠪᠠᠶᠠᠨᠲᠠᠯᠠ ᠨᠢᠭᠡᠲᠦᠯ ᠦ᠋ᠨ ᠪᠠᠷᠠᠭᠤᠨ ᠪᠠᠶᠠᠨᠲᠠᠯᠠ ᠠᠶ᠋ᠢᠯ ᠦ᠋ᠨ ᠨᠠᠰᠤᠲᠠᠨ ᠠᠰᠢᠮᠠ ( 70 ᠨᠠᠰᠤᠲᠠᠢ ᠂ ᠡᠮᠡᠭᠲᠡᠢ ) ᠂ ᠲᠡᠮᠦᠷᠪᠠᠲᠤ ( 36 ᠨᠠᠰᠤᠲᠠᠢ ᠂ ᠡᠷᠡᠭᠲᠡᠢ ) ᠨᠠᠷ ᠠ᠋ᠴᠠ ᠪᠠᠰᠠ ᠨᠢᠭᠡ ᠭᠡᠰᠡᠭ ᠣᠨᠢᠰᠣᠬ᠋ᠠ ᠣᠯᠵᠠᠢ ᠃ ᠮᠥᠨ ᠦᠶᠡ ᠪᠡᠷ ᠵᠣᠣ ᠤᠲᠠ ᠶ᠋ᠢᠨ ᠠᠷᠤ ᠬᠣᠷᠴᠢᠨ ᠬᠣᠰᠢᠭᠤᠨ ᠪ ᠲᠣᠬᠣᠢ ᠪᠠᠷᠢᠭᠠᠲᠠ ᠦ᠋ᠨ ᠬᠡᠦᠬᠡᠳ ᠦ᠋ᠨ ᠳᠤᠮᠳᠠ ᠠ᠋ᠴᠠ ᠨᠢᠭᠡ ᠭᠡᠰᠡᠭ ᠣᠨᠢᠰᠣᠬ᠋ᠠ ᠣᠯᠵᠤ ᠲᠡᠮᠲᠡᠭᠯᠡᠯᠡ ᠃
1980 ᠣᠨ ᠳᠤ ᠰᠢᠯᠢ ᠶ᠋ᠢᠨ ᠭᠣᠣᠯ ᠠᠶ᠋ᠢᠮᠠᠭ ᠦ᠋ᠨ ᠰᠢᠯᠤᠭᠤᠨ ᠬᠥᠬᠡ ᠬᠣᠰᠢᠭᠤᠨ ᠪ ᠳᠤᠮᠳᠠᠳᠤ ᠬᠣᠰᠢᠭᠤᠨ ᠶ᠋ᠢᠨ ᠨᠥᠬᠥᠷ ᠲᠦᠨᠭᠰᠢᠭ ᠪᠠᠰᠠ ᠨᠢᠭᠡ ᠭᠡᠰᠡᠭ ᠣᠨᠢᠰᠣᠬ᠋ᠠ ᠶᠠᠪᠤᠭᠤᠯᠵᠠᠢ ᠂ ᠡᠭᠦᠨ ᠪ ᠳᠣᠲᠣᠷᠠ ᠠ᠋ᠴᠠ ᠡᠷᠲᠡᠨ ᠪ ᠰᠢᠯᠦᠭᠴᠢ ᠲᠤᠶ᠋ᠢᠩᠺᠡᠷ ᠦ᠋ᠨ ᠣᠨᠢᠰᠣᠬ᠋ᠠ ᠂《 ᠣᠨᠢᠰᠣᠭᠠ ᠬᠤᠳᠠᠯᠳᠤᠬᠤ ᠳᠠᠭᠤᠤ 》 ᠶ᠋ᠢ ᠲᠤᠰ ᠲᠡᠭᠦᠪᠦᠷᠢ ᠳᠤ ᠣᠷᠣᠭᠤᠯᠪᠠ ᠃ ᠮᠥᠨ ᠵᠢᠯ ᠨᠢ ᠰᠢᠨᠵᠢᠶᠠᠩ ᠤᠨ ᠢᠯᠢ ᠶ᠋ᠢᠨ ᠵᠣᠣ ᠰᠸ᠋ ᠰᠢᠶᠠᠨ ᠤ ᠨᠥᠬᠥᠷ ᠮᠸᠡᠳ᠋ᠳ᠋ ᠥᠭᠡᠯᠡᠳ ᠣᠨᠢᠰᠣᠭᠠ ᠲᠠᠪᠢᠭᠠᠳ ᠢ ᠶᠠᠨᠳᠠᠭᠠ ᠲᠠᠢ ᠬᠠᠮᠲᠤ ᠶᠠᠪᠤᠭᠤᠯᠤᠭᠰᠠᠨ ᠢ ᠲᠤᠰ ᠲᠡᠭᠦᠪᠦᠷᠢ ᠳᠤ ᠪᠦᠭᠦᠳᠡ ᠶ᠋ᠢ ᠬᠡᠷᠡᠭᠯᠡᠭᠰᠡᠨ ᠪᠠᠶ᠋ᠢᠨᠠ ᠃
1985 ᠣᠨ ᠳᠤ ᠲᠤᠰ ᠡᠮᠬᠢᠳᠬᠡᠯ ᠢ ᠬᠣᠶᠠᠳᠠᠬᠢ ᠤᠳᠠᠭᠠ ᠡᠮᠬᠢᠳᠬᠡᠨ ᠨᠠᠶ᠋ᠢᠷᠠᠭᠤᠯᠬᠤ ᠦᠶᠡ ᠳᠤ ᠪᠠᠷᠠᠭᠤᠨ ᠬᠣᠶ᠋ᠢᠲᠤ ᠣᠷᠣᠨ ᠤ ᠦᠨᠳᠦᠰᠦᠲᠡᠨ ᠦ ᠳᠡᠭᠡᠳᠦ ᠰᠤᠷᠭᠠᠭᠤᠯᠢ ᠶ᠋ᠢᠨ ᠨᠥᠬᠥᠷ ᠴᠠᠪᠰᠢᠭ᠌ ᠤᠨ ᠶᠠᠪᠤᠭᠤᠯᠤᠭᠰᠠᠨ ᠵᠠᠭᠤᠨ ᠣᠨᠢᠰᠣᠭᠠ ᠠ᠋ᠴᠠ ᠬᠣᠷᠢᠨ ᠲᠠᠪᠤ ᠂ ᠬᠥᠬᠡᠨᠠᠭᠤᠷ ᠤᠨ ᠦᠨᠳᠦᠰᠦᠲᠡᠨ ᠤ ᠳᠡᠭᠡᠳᠦ ᠰᠤᠷᠭᠠᠭᠤᠯᠢ ᠶ᠋ᠢᠨ ᠨᠥᠬᠥᠷ ᠲᠠᠩᠭᠢᠰ ᠦᠨ ᠶᠠᠪᠤᠭᠤᠯᠤᠭᠰᠠᠨ ᠲᠠᠪᠢᠭᠠᠳ ᠣᠨᠢᠰᠣᠭᠠ ᠠ᠋ᠴᠠ ᠠᠷᠪᠠ ᠶ᠋ᠢ ᠰᠣᠩᠭᠣᠵᠤ ᠣᠷᠣᠭᠤᠯᠵᠠᠢ ᠃
ᠡᠴᠦᠰ ᠤᠨ ᠡᠮᠬᠢᠯᠡᠯ ᠤᠨ ᠦᠶᠡ ᠳᠤ ᠨᠥᠬᠥᠳ ᠤᠨ ᠰᠠᠨᠠᠯ ᠢᠶ᠋ᠠᠷ ᠳᠠᠬᠢᠨ ᠨᠢᠭᠡ ᠤᠳᠠᠭᠠ ᠰᠢᠯᠢᠯᠲᠡ ᠬᠢᠵᠦ ᠵᠠᠰᠠᠭᠰᠠᠨ ᠪᠥᠭᠡᠳ ᠠᠭᠤᠯᠭᠠ ᠶ᠋ᠢ ᠨᠢ ᠥᠷᠭᠡᠳᠬᠡᠬᠦ ᠶ᠋ᠢᠨ ᠲᠤᠰᠠᠳᠠ ᠪᠠᠷᠭᠤ ᠪᠤᠷᠢᠶᠠᠳ ᠤᠨ ᠣᠨᠢᠰᠣᠭᠠ ᠶ᠋ᠢ ᠬᠣᠷᠢᠨ ᠲᠠᠪᠤ ( ᠥᠪᠥᠷ ᠮᠣᠩᠭᠣᠯ ᠤᠨ ᠠᠷᠠᠳ ᠤᠨ ᠬᠡᠪᠯᠡᠯ ᠤᠨ ᠬᠣᠷᠢᠶᠠ ᠶ᠋ᠢᠨ1984 ᠣᠨ ᠤ 11 ᠰᠠᠷᠠ ᠳᠤ ᠭᠠᠷᠤᠭᠰᠠᠨ 《 ᠪᠠᠷᠭᠤ ᠠᠮᠠᠨ ᠠᠶᠠᠯᠭᠤ ᠶ᠋ᠢᠨ ᠦᠭᠡ ᠬᠡᠯᠡᠯᠭᠡ ᠶ᠋ᠢᠨ ᠮᠠᠲ᠋ᠧᠷᠢᠶᠠᠯ ᠠ᠋ᠴᠠ 》 ) ᠰᠢᠯᠢᠨ ᠠᠪᠴᠤ ᠣᠷᠣᠭᠤᠯᠪᠠ ᠃ ᠮᠥᠨ ᠡᠮᠬᠢᠳᠬᠡᠨ ᠨᠠᠶ᠋ᠢᠷᠠᠭᠤᠯᠤᠭᠴᠢ ᠶ᠋ᠢᠨ ᠵᠥᠪᠰᠢᠶᠡᠷᠡᠯ ᠢᠶ᠋ᠠᠷ ᠥᠪᠥᠷ ᠮᠣᠩᠭᠣᠯ ᠤᠨ ᠠᠷᠠᠳ ᠤᠨ ᠬᠡᠪᠯᠡᠯ ᠤᠨ ᠬᠣᠷᠢᠶᠠ ᠶ᠋ᠢᠨ 1980 ᠣᠨ ᠤ 3 ᠳ᠋ᠤᠭᠠᠷ ᠰᠠᠷᠠ ᠳᠤ ᠬᠡᠪᠯᠡᠭᠦᠯᠦᠭᠰᠡᠨ 《 ᠣᠨᠢᠰᠣᠭᠠ 》 ( ᠭᠤᠸ᠋ᠠ ᠨᠥᠬᠥᠷ ᠤᠨ ᠡᠮᠬᠢᠳᠬᠡᠭᠰᠡᠨ ) ᠠ᠋ᠴᠠ ᠨᠡᠯᠢᠶᠡᠳ ᠢ ᠰᠢᠯᠢᠨ ᠠᠪᠴᠤ ᠣᠷᠣᠭᠤᠯᠪᠠ ᠃
ᠡᠶ᠋ᠢᠮᠦ ᠠ᠋ᠴᠠ ᠲᠤᠰ ᠲᠡᠭᠦᠪᠦᠷᠢ ᠳᠤ ᠬᠣᠷᠴᠢᠨ ᠂ ᠰᠢᠯᠢ ᠶ᠋ᠢᠨ ᠭᠣᠣᠯ ᠂ ᠣᠶ᠋ᠢᠷᠠᠳ ᠂ ᠣᠷᠳᠣᠰ ᠂ ᠪᠠᠷᠭᠤ ᠂ ᠪᠤᠷᠢᠶᠠᠳ ᠂ ᠳᠡᠭᠡᠳᠦ ᠮᠣᠩᠭᠣᠯ ( ᠬᠥᠬᠡᠨᠠᠭᠤᠷ ᠤᠨ ᠮᠣᠩᠭᠣᠯᠴᠤᠳ ) ᠤᠨ ᠣᠨᠢᠰᠣᠭᠠ ᠨᠤᠭᠤᠳ ᠪᠠᠭᠲᠠᠵᠤ ᠪᠠᠶ᠋ᠢᠨᠠ ᠃ ᠤᠳᠬᠠ ᠵᠣᠬᠢᠶᠠᠯ ᠤᠨ ᠰᠣᠨᠢᠷᠬᠠᠯ ᠪᠠ ᠰᠤᠳᠤᠯᠭᠠᠨ ᠳᠤ ᠳᠥᠭᠥᠮ ᠦᠵᠡᠭᠦᠯᠬᠦ ᠭᠡᠵᠦ ᠣᠨᠢᠰᠣᠭᠠ ᠪᠠᠨ ᠠᠮᠠ ᠪᠠᠷ ᠵᠣᠬᠢᠶᠠᠭᠳᠠᠭᠰᠠᠨ ᠪᠠ ᠪᠢᠴᠢᠭ ᠤᠨ ᠬᠥᠮᠦᠨ ᠤ ᠵᠣᠬᠢᠶᠠᠭᠰᠠᠨ ᠭᠡᠵᠦ ᠢᠯᠭᠠᠵᠤ ᠥᠭᠴᠡᠢ ᠃ ᠠᠷᠠᠳ ᠤᠨ ᠠᠮᠠᠨ ᠵᠣᠬᠢᠶᠠᠯ ᠤᠨ ᠬᠡᠪᠰᠢᠮᠡᠯ ᠤᠷᠠᠨ ᠬᠡᠯᠡᠯᠭᠡ ᠶ᠋ᠢᠨ ᠲᠤᠬᠠᠢ ᠰᠤᠳᠤᠯᠤᠯ ᠳᠤ ᠲᠤᠰᠠ ᠪᠣᠯᠤᠭ ᠭᠡᠵᠦ 《 ᠣᠨᠢᠰᠣᠭᠠ ᠬᠤᠳᠠᠯᠳᠤᠬᠤ ᠳᠠᠭᠤᠤ 》 ᠪᠠ 《 ᠶᠠᠨᠳᠠᠭᠠ 》 ᠶ᠋ᠢ ᠨᠢᠭᠡ ᠪᠦᠯᠦᠭ ᠪᠣᠯᠭᠠᠵᠤ ᠡᠮᠬᠢᠳᠬᠡᠯᠡ ᠃
ᠡᠴᠦᠰ ᠲᠤ᠌ ᠣᠨᠢᠰᠣᠭᠠ ᠴᠤᠭᠯᠠᠭᠤᠯᠬᠤ ᠳᠤ ᠳᠡᠮᠵᠢᠯᠭᠡ ᠦᠵᠡᠭᠦᠯᠦᠭᠰᠡᠨ ᠨᠠᠰᠤᠲᠠᠳ ᠪᠠ ᠨᠠᠶ᠋ᠢᠵᠢ ᠨᠥᠬᠥᠳ ᠂ ᠬᠡᠦᠬᠡᠳ ᠳᠡᠭᠦᠦ ᠨᠠᠷ ᠲᠤ᠌ ᠴᠢᠩ ᠰᠡᠳᠬᠢᠯ ᠦᠨ ᠲᠠᠯᠠᠷᠬᠠᠯ ᠳᠡᠪᠰᠢᠭᠦᠯᠦᠶᠡ!
ᠨᠢᠮᠠ ᠰᠡᠴᠡᠩᠭᠣᠸ᠋ᠠ ᠠ᠋ᠴᠠ
1980-1985.9 ᠳᠤ
ᠮᠣᠩᠭᠣᠯ ᠣᠨᠢᠰᠣᠭᠠ ᠶ᠋ᠢᠨ ᠲᠡᠭᠦᠪᠦᠷᠢ
ᠨᠢᠮᠠ ᠰᠡᠴᠡᠩᠭᠣᠸ᠋ᠠ ᠡᠮᠬᠢᠳᠬᠡᠪᠡ
ᠰ · ᠳ᠋ᠠᠮᠪᠠᠷᠢᠨᠴᠢᠨ ᠬᠢᠨᠠᠪᠠ
ᠥᠪᠥᠷ ᠮᠣᠩᠭᠣᠯ ᠤᠨ ᠰᠣᠶᠣᠯ ᠤᠨ ᠬᠡᠪᠯᠡᠯ ᠤᠨ ᠬᠣᠷᠢᠶᠠ ᠬᠡᠪᠯᠡᠭᠦᠯᠪᠡ
ᠥᠪᠥᠷ ᠮᠣᠩᠭᠣᠯ ᠤᠨ ᠬᠠᠶ᠋ᠢᠯᠠᠷ ᠲᠠᠬᠢ ᠰᠢᠨᠬᠤᠸᠠ ᠬᠡᠪᠯᠡᠬᠦ ᠦᠢᠯᠡᠳᠪᠦᠷᠢ ᠬᠡᠪᠯᠡᠪᠡ
ᠬᠥᠯᠥᠨ ᠪᠤᠶ᠋ᠢᠷ ᠠᠶ᠋ᠢᠮᠠᠭ ᠤᠨ ᠰᠢᠨᠬᠤᠸᠠ ᠪᠢᠴᠢᠭ ᠤᠨ ᠳᠡᠯᠭᠡᠭᠦᠷ ᠲᠠᠷᠬᠠᠭᠠᠪᠠ
1986 ᠣᠨ ᠤ 6 ᠰᠠᠷᠠ ᠳᠤ ᠠᠩᠬᠠᠳᠤᠭᠠᠷ ᠬᠡᠪ ᠢ ᠬᠢᠪᠡ
1986 ᠣᠨ ᠤ 8 ᠰᠠᠷᠠ ᠳᠤ ᠠᠩᠬᠠᠳᠤᠭᠠᠷ ᠤᠳᠠᠭᠠ ᠬᠡᠪᠯᠡᠪᠡ
ᠦᠰᠦᠭ ᠠᠮᠢᠯᠠᠭᠤᠯᠤᠭᠰᠠᠨ ᠨᠢ ᠄ ᠬᠠᠷᠠᠨᠤᠳ · ᠲᠤᠶᠠᠭᠠ ᠂ ᠬᠠᠳᠠᠴᠢ · ᠤᠷᠠᠨᠠ
ᠬᠢᠨᠠᠭᠴᠢ ᠄ ᠬᠠᠷᠠᠨᠤᠳ · ᠲᠤᠶᠠᠭᠠ ᠂ ᠮᠢᠩᠭᠠᠳ · ᠴᠢᠮᠡᠭ