ᠮᠣᠩᠭᠣᠯ ᠣᠨᠢᠰᠤᠭᠠ ᠶᠢᠨ ᠲᠡᠭᠦᠪᠦᠷᠢ – ᠭᠤᠷᠪᠠᠳᠤᠭᠠᠷ ᠪᠦᠯᠦᠭ –2 Монгол оньсгын түүвэр –Гуравдугаар бүлэг– 2
1247ᠭᠤᠷᠪᠠᠳᠤᠭᠠᠷ ᠪᠦᠯᠦᠭ – ᠪᠢᠴᠢᠭ ᠦᠨ ᠬᠥᠮᠥᠨ ᠦ ᠵᠣᠬᠢᠶᠠᠭᠰᠠᠨ ᠣᠨᠢᠰᠣᠬ᠋ᠠ
ᠡᠷᠭᠢᠬᠦ ᠬᠣᠶᠠᠷ ᠬᠦᠷᠲᠦ ᠨᠢ ᠭᠠᠵᠠᠷ ᠦ᠋ᠨ ᠬᠣᠯᠠ ᠶ᠋ᠢ ᠲᠤᠭᠤᠯᠬᠤ ᠦᠭᠡᠢ
ᠡᠷᠡᠤ ᠲᠤᠯᠤᠭᠰᠠᠨ ᠰᠢᠲᠤ ᠨᠢ ᠢᠲᠡᠵᠦ ᠤᠤᠭᠤᠬᠤ ᠳ᠋ᠤ᠌ ᠳᠤᠰᠠ ᠦᠭᠡᠢ
ᠡᠯᠢᠭᠡᠨ ᠳᠤᠮᠳᠠ ᠪᠠᠨ ᠰᠤᠮᠤ ᠲᠠᠢ ᠣᠴᠢᠵᠤ ᠲᠤᠰᠪᠠᠴᠤ ᠬᠣᠣᠷᠯᠠᠬᠤ ᠦᠭᠡᠢ
ᠡᠷᠴᠢᠮ ᠲᠠᠭᠠᠷᠠᠭᠰᠠᠨ ᠬᠥᠪᠴᠢ ᠲᠡᠢ ᠬᠠᠷᠪᠤᠪᠠᠴᠤ ᠨᠠᠮᠨᠠᠬᠤ ᠳ᠋ᠤ᠌ ᠲᠤᠰᠠ ᠦᠭᠡᠢ
( ᠬᠢᠷᠦᠭᠡ )
ᠬᠦᠩᠭᠢᠨᠡᠨ ᠳᠤᠤᠭᠠᠷᠬᠤ ᠬᠦᠬᠡ ᠯᠤᠤ
ᠬᠦᠴᠦᠨ ᠲᠡᠭᠦᠰ ᠴᠠᠭᠠᠨ ᠠᠷᠰᠯᠠᠨ
ᠬᠦᠷᠴᠢᠭᠢᠨᠡᠨ ᠠᠷᠬᠢᠷᠠᠭᠴᠢ ᠬᠠᠷᠠ ᠪᠠᠷᠰ
ᠬᠦᠪᠴᠢᠯᠡᠨ ᠨᠢᠰᠬᠦ ᠤᠯᠠᠭᠠᠨ ᠭᠠᠷᠤᠲᠢ
( ᠭᠠᠯ ᠫᠤᠤ )
ᠡᠷᠲᠡᠨᠢ ᠶ᠋ᠢᠨ ᠤᠯᠠᠭᠠᠨ ᠵᠢᠩᠰᠡ ᠶ᠋ᠢ ᠡᠵᠡᠨ ᠡᠴᠡ ᠡᠰᠢ ᠦᠭᠡᠢ ᠵᠡᠭᠦᠵᠦ
ᠡᠯᠲᠡᠪ ᠴᠡᠴᠡᠭ ᠦ᠋ᠨ ᠥᠨᠦᠷ ᠊ᠢ ᠪᠡᠶᠡ ᠳ᠋ᠡᠭᠡᠨ ᠰᠢᠩᠭᠡᠭᠡᠵᠦ
ᠡᠩ ᠬᠣᠯᠠ ᠣᠶ᠋ᠢᠷᠠ ᠶ᠋ᠢ ᠡᠶᠡᠪᠡᠷ ᠲᠠᠨᠢᠭᠤᠯᠤᠭᠴᠢ
ᠡᠷᠬᠢᠮ ᠪᠡᠶᠡ ᠪᠡᠷ ᠶ᠋ᠢᠠᠨ ᠵᠣᠴᠢᠯᠠᠨ ᠳᠠᠶ᠋ᠢᠯᠠᠵᠤ ᠬᠦᠨᠲᠦᠤᠠᠬᠡᠮᠦᠢ
( ᠭᠦᠬᠦᠷ )
ᠬᠠᠮᠠᠭᠠᠯᠠᠨ ᠳᠤᠰᠢᠶᠠᠵᠤ ᠰᠠᠬᠢᠬᠤ ᠳᠠᠪᠬᠤᠷ ᠬᠦᠷᠢᠶᠡᠲᠦ ᠬᠣᠲᠠ
ᠬᠠᠭᠠᠨ ᠲᠥᠷᠥ ᠶ᠋ᠢ ᠲᠤᠯᠬᠤ ᠪᠠᠲᠤ ᠳᠦᠷᠪᠡᠨ ᠪᠠᠭᠠᠲᠤᠷ
ᠬᠠᠯᠠᠭᠤᠨ ᠤᠷᠤᠰᠬᠠᠯ ᠳ᠋ᠤ᠌ ᠪᠤᠯᠪᠠᠰᠤᠷᠠᠭᠰᠠᠨ ᠰᠢᠯᠢᠳᠡᠭ ᠨᠢᠭᠡᠨ ᠴᠡᠷᠢᠭ
ᠬᠠᠨᠠ ᠲᠠᠢ ᠭᠡᠷ ᠲᠦ ᠵᠣᠬᠢᠴᠠᠭᠤᠯᠤᠭᠰᠠᠨ ᠡᠷᠲᠡᠨ ᠪ ᠭᠠᠪᠢᠶᠠᠲᠤ ᠡᠲᠯᠡᠯ
( ᠲᠤᠯᠬ᠋ᠠ )
ᠡᠷᠲᠡ ᠲᠥᠷᠥᠭᠰᠡᠨ ᠪᠡᠶᠡ ᠨᠢ ᠤᠷᠲᠤ ᠪᠦᠭᠡᠳ ᠨᠠᠷᠢᠨ
ᠡᠷᠴᠢᠲᠦ ᠮᠢᠨᠲᠠᠰᠤᠨ ᠵᠠᠩᠭᠢᠶᠠ ᠶ᠋ᠢ ᠬᠦᠵᠦᠭᠦᠨ ᠳ᠋ᠡᠭᠡᠨ ᠵᠡᠭᠦᠵᠡᠢ
ᠡᠯᠲᠡᠪ ᠪᠤᠷᠤᠩᠬᠤᠢ ᠶ᠋ᠢ ᠬᠤᠷᠢᠶᠠᠮᠵᠢᠯᠠᠵᠤ ᠡᠷᠬᠡᠨ ᠳ᠋ᠡᠭᠡᠨ ᠣᠷᠣᠭᠤᠯᠬᠤ ᠤᠴᠢᠷ
ᠡᠵᠡᠨ ᠪ ᠰᠠᠨᠠᠬ᠋ᠠ ᠶ᠋ᠢ ᠳᠠᠭᠠᠵᠤ ᠡᠰᠢ ᠲᠡᠰᠢ ᠪᠡᠨ ᠪᠦᠵᠢᠭᠯᠡᠮᠦᠢ
( ᠤᠷᠬ᠋ᠠ )
ᠠᠯᠤᠰ ᠦ᠋ᠨ ᠠᠭᠤᠯᠠ ᠶ᠋ᠢ ᠬᠠᠷᠠᠭᠰᠠᠭᠠᠷ ᠬᠡᠨᠡᠷᠡᠬᠦ ᠡᠪᠡᠤᠠᠴᠢᠨ ᠣᠯᠵᠤ
ᠠᠰ ᠳᠤᠮᠳᠠ ᠶ᠋ᠢ ᠴᠢᠭᠯᠡᠭᠰᠡᠭᠡᠷ ᠬᠣᠭᠣᠰᠣᠨ ᠴᠢᠨᠠᠷ ᠊ᠢ ᠡᠳ᠋ᠯᠡᠵᠦᠬᠦᠢ
ᠠᠭᠠᠷ ᠲᠩᠷᠢ ᠶ᠋ᠢ ᠳᠠᠭᠤᠷᠢᠶᠠᠵᠤ ᠴᠠᠰᠤ ᠬᠠᠶᠠᠯᠠᠨ ᠠᠯᠬᠤᠭᠠᠳ
ᠠᠪᠤᠷᠠᠯᠲᠤ ᠯᠠᠮᠠ ᠲᠠᠢ ᠮᠥᠴᠡᠭᠡᠷᠬᠡᠨ ᠰᠡᠷᠵᠢᠮ ᠡᠷᠭᠦᠨ ᠵᠣᠭᠰᠣᠮᠤᠢ
( ᠪᠤᠤᠷᠠ )
ᠬᠠᠲᠠᠭᠤ ᠵᠥᠭᠡᠯᠡᠨ ᠬᠣᠶᠠᠷ ᠶ᠋ᠢᠠᠷ ᠪᠦᠲᠦᠭᠰᠡᠨ ᠨᠢᠭᠡᠨ ᠵᠦᠢᠯ ᠦ᠋ᠨ ᠡᠳ᠋
ᠬᠠᠷᠢᠭᠤ ᠦᠶᠡ ᠳ᠋ᠤ᠌ ᠭᠤᠸ᠋ᠠ ᠪᠣᠯᠪᠠᠴᠤ ᠳᠣᠲᠣᠷᠠ ᠰᠤᠲᠠᠯ ᠨᠢ ᠬᠣᠣᠷ
ᠬᠠᠯᠠᠭᠤᠨ ᠭᠠᠯ ᠦ᠋ᠨ ᠢᠲᠡᠰᠢ ᠶ᠋ᠢ ᠵᠣᠭᠣᠭᠯᠠᠵᠤ ᠵᠤᠷᠪᠤᠰ ᠮᠠᠨᠠᠨ ᠲᠠᠲᠠᠭᠠᠳ
ᠬᠠᠪᠤᠲᠠᠢ ᠵᠦᠢᠯ ᠶ᠋ᠢᠡᠷ ᠵᠠᠷᠢᠮ ᠨᠢ ᠦᠵᠡᠪᠡᠴᠦ ᠭᠠᠢ ᠬᠥᠨᠥᠭᠡᠯ ᠦᠯᠡᠮᠵᠢ
( ᠭᠠᠩᠰᠠ )
ᠳᠡᠪᠰᠢᠯᠲᠡ ᠦᠭᠡᠢ ᠳᠠᠯᠠᠨ ᠬᠣᠶᠠᠷ ᠨᠠᠰᠤ ᠲᠠᠢ
ᠳᠠᠯᠵᠢᠷ ᠦᠭᠡᠢ ᠲᠥᠪ ᠲᠥᠭᠥᠷᠢᠭ ᠪᠡᠶᠡ ᠲᠡᠢ
ᠳᠣᠩ ᠴᠠᠭᠠᠨ ᠭᠡᠷᠡᠯ ᠲᠠᠲᠠᠮᠠ ᠵᠢᠰᠦ ᠲᠡᠢ
ᠳᠤᠮᠳᠠᠳᠤ ᠭᠦᠷᠦᠨ ᠪ ᠠᠮᠢᠲᠤᠷᠠᠯ ᠦ᠋ᠨ ᠡᠬᠡ ᠬᠥᠷᠥᠩᠭᠡ
( ᠮᠥᠩᠭᠥᠨ ᠵᠣᠭᠣᠰ )
ᠪᠦᠭᠦᠲᠡᠭᠡᠷ ᠰᠦᠯᠲᠡ ᠶ᠋ᠢ ᠳᠠᠭᠠᠭᠴᠢ ᠪᠠᠲᠤ ᠡᠷᠲᠡᠨᠢ ᠶ᠋ᠢᠨ ᠦᠰᠦᠭ
ᠪᠦᠷᠢᠨ ᠵᠥᠪ ᠊ᠢ ᠣᠯᠭᠣᠭᠴᠢ ᠭᠡᠭᠡᠨ ᠲᠣᠲᠣ ᠦᠭᠡᠰ
ᠪᠦᠲᠦᠭᠡᠯ ᠵᠢᠤᠠᠬᠦᠯ ᠭᠠᠷᠭᠠᠭᠴᠢ ᠰᠢᠲᠠᠷ ᠪᠠᠷᠰ ᠦ᠋ᠨ ᠴᠢᠭᠤᠯᠭᠠᠨ
ᠪᠦᠬᠦᠯᠢ ᠶᠣᠰᠣ ᠶ᠋ᠢ ᠪᠠᠷᠢᠬᠴᠢ ᠠᠯᠲᠠᠨ ᠥᠩᠭᠡᠲᠦ ᠯᠤᠤ
( ᠲᠠᠮᠠᠭᠠᠲᠤ ᠪᠢᠴᠢᠭ )
ᠬᠠᠰ ᠬᠣᠷᠢᠶᠠ ᠲᠣᠭᠣᠷᠢᠬ ᠮᠥᠷᠲᠡᠭᠡᠨ ᠳᠤᠮᠳᠠ ᠨᠢ ᠪᠠᠬᠠᠨ ᠬᠣᠲᠣᠭᠣᠷ
ᠬᠠᠭᠠᠯᠬᠤ ᠵᠠᠩᠵᠤᠨ ᠬᠣᠶᠠᠷ ᠪᠥᠭᠡᠳ ᠢᠯᠡᠷᠡᠬᠦ ᠦᠶᠡ ᠳ᠋ᠡᠭᠡᠨ ᠢᠳᠡᠷᠬᠡᠭ
ᠬᠠᠮᠤᠭ ᠊ᠢ ᠳᠠᠭᠠᠭᠠᠭᠰᠠᠨ ᠡᠷᠡᠬᠡᠢ ᠮᠡᠷᠭᠡᠨ ᠬᠠᠷᠪᠤᠬᠤ ᠶᠠᠭᠤᠲᠠᠢ ᠱᠠᠯᠠᠮᠠᠭᠠᠢ
ᠬᠠᠪᠢᠲᠠᠭᠰᠠᠨ ᠠᠮᠢᠲᠠᠨ ᠭᠡᠨᠡᠨ ᠶᠠᠪᠤᠪᠠᠰᠤ ᠲᠡᠭᠦᠨ ᠪ ᠡᠷᠬᠡᠨ ᠳ᠋ᠤ᠌ ᠭᠠᠰᠠᠯᠤᠮᠤᠢ
( ᠬᠠᠪᠬᠠ )
ᠠᠷᠤ ᠴᠠᠰᠤᠲᠤ ᠠᠭᠤᠯᠠᠨ ᠪ ᠠᠷᠰᠯᠠᠨ ᠪ ᠵᠣᠭᠲᠣᠷ ᠦ᠋ᠨ ᠴᠢᠮᠡᠭᠡ ᠲᠡᠢ
ᠠᠭᠠᠷ ᠲᠤ ᠳᠤᠷᠠ ᠪᠠᠷ ᠴᠡᠩᠬᠡᠭ᠍ᠴᠢ ᠯᠤᠤ ᠶ᠋ᠢᠨ ᠪᠡᠶᠡ ᠶ᠋ᠢᠨ ᠴᠡᠭᠡᠵᠢ ᠲᠠᠢ
ᠠᠯᠤᠰ ᠭᠠᠵᠠᠷ ᠊ᠢ ᠣᠶ᠋ᠢᠷᠠᠲᠤᠭᠤᠯᠤᠭᠴᠢ ᠭᠠᠷᠤᠲᠢ ᠶ᠋ᠢᠨ ᠵᠢᠭᠦᠷ ᠮᠡᠲᠦ ᠬᠥᠯ ᠲᠡᠢ
ᠠᠯᠢᠪᠠ ᠵᠦᠢᠯ ᠊ᠢ ᠬᠦᠷᠭᠡᠭᠴᠢ ᠪᠠᠷᠰ ᠦ᠋ᠨ ᠨᠢᠷᠤᠭᠤᠨ ᠴᠢᠲᠠᠯ ᠲᠠᠢ
( ᠲᠡᠮᠡᠭᠡ )
ᠬᠠᠭᠠᠯᠭᠠ ᠦᠭᠡᠢ ᠣᠷᠳᠣᠨ ᠳ᠋ᠠᠭᠠᠨ ᠨᠢᠭᠡ ᠯᠡ ᠰᠡᠳᠬᠢᠯ ᠢ ᠪᠠᠷᠢᠬᠰᠠᠭᠠᠷ
ᠬᠠᠯᠠᠭᠤᠨ ᠢᠯᠴᠢ ᠶ᠋ᠢᠨ ᠰᠢᠲᠡᠰ ᠢᠶ᠋ᠠᠷ ᠡᠭᠦᠯᠡᠨ ᠬᠤᠪᠴᠠᠰᠤ ᠪᠦᠲᠦᠭᠡᠪᠡ
ᠬᠠᠮᠢᠶᠠᠲᠤ ᠴᠠᠭ ᠪᠣᠯᠬᠤᠢ ᠳ᠋ᠤ᠌ ᠠᠭᠤᠢ ᠪᠠᠨ ᠭᠡᠨᠡᠳᠲᠡ ᠡᠪᠳᠡᠯᠦᠭᠡᠳ
ᠬᠠᠨ ᠬᠤᠷᠮᠤᠰᠲᠠ ᠪᠠᠷ ᠣᠳᠴᠤ ᠦᠷᠡᠰ ᠦᠨ ᠬᠤᠷᠢᠮ ᠡᠳ᠋ᠯᠡᠮᠦᠢ
( ᠥᠨᠳᠡᠭᠡ ᠨᠡᠪᠴᠢᠬᠦ )
ᠬᠡᠯᠡ ᠳᠡᠭᠡᠷᠡ ᠬᠦᠷᠪᠡᠰᠦ ᠪᠠᠯ ᠪᠤᠷᠠᠮ ᠤᠨ ᠠᠮᠲᠠ ᠲᠠᠢ
ᠬᠡᠪᠡᠯᠢ ᠳᠣᠲᠣᠷᠠ ᠣᠷᠣᠪᠠᠰᠤ ᠬᠣᠤᠷᠲᠤ ᠮᠣᠭᠠᠢ ᠶ᠋ᠢᠨ ᠴᠢᠨᠠᠷ ᠲᠠᠢ
ᠬᠡᠨ ᠬᠦᠮᠦᠨ ᠪᠥᠬᠥᠳᠡ ᠪᠠᠶᠠᠷ ᠤᠨ ᠮᠠᠩᠯᠠᠢ ᠳ᠋ᠤᠷ ᠡᠷᠬᠢᠮᠯᠡᠪᠡᠴᠦ
ᠬᠡᠮᠵᠢᠶᠡᠨ ᠡᠴᠡ ᠪᠡᠨ ᠭᠡᠲᠦᠷᠪᠡᠰᠦ ᠤᠬᠠᠭᠠᠨ ᠮᠤᠩᠬᠠᠷᠠᠭᠤᠯᠬᠤ ᠡᠳ᠋
( ᠠᠷᠢᠬᠢ )
ᠬᠦᠢᠲᠡᠨ ᠢ ᠬᠥᠭᠵᠢᠭᠡᠬᠦ ᠵᠢᠬᠡᠭᠦᠨ ᠬᠠᠰ ᠤᠨ ᠬᠡᠮᠬᠡᠳᠡᠭ
ᠬᠦᠯᠳᠡᠬᠦᠢ ᠳ᠋ᠤᠷ ᠲᠤᠰᠠᠯᠠᠬᠤ ᠬᠥᠩᠭᠡᠨ ᠮᠥᠩᠭᠥᠨ ᠦ ᠦᠷᠦᠪᠳᠡᠰᠦ
ᠬᠦᠮᠦᠨ ᠠᠮᠢᠲᠠᠨ ᠲᠡᠭᠦᠨ ᠢ ᠳᠡᠮᠡᠢ ᠬᠦᠰᠡᠪᠡᠴᠦ
ᠬᠥᠷᠥᠰᠥᠲᠦ ᠳᠡᠯᠡᠬᠡᠢ ᠳ᠋ᠠᠬᠢᠨᠠ ᠰᠢᠨᠡ ᠲᠡᠵᠢᠭᠡᠯ ᠪᠣᠯᠤᠮᠤᠢ
( ᠴᠠᠰᠤ )
ᠠᠩᠬᠠ ᠲᠥᠷᠥᠭᠰᠡᠨ ᠪᠡᠶᠡ ᠰᠠᠬᠠᠯ ᠰᠠᠮᠪᠠᠢ ᠵᠤᠵᠠᠭᠠᠨ
ᠠᠬᠠ ᠳᠡᠭᠦᠦ ᠶ᠋ᠢᠨ ᠲᠤᠰᠠ ᠪᠠᠷ ᠲᠡᠮᠦᠷ ᠲᠠᠪᠠᠭ ᠢ ᠡᠳ᠋ᠯᠡᠪᠡᠢ
ᠠᠭᠠᠷ ᠲᠤ ᠳᠡᠭᠳᠡᠨ ᠭᠠᠷᠴᠤ ᠢᠨᠠᠭᠰᠢ ᠴᠢᠨᠠᠭᠰᠢ ᠨᠢᠰᠬᠦ ᠳ᠋ᠤ᠌
ᠠᠩᠬᠠᠷᠤᠭᠰᠠᠨ ᠲᠦᠮᠡᠨ ᠨᠢᠳᠦ ᠲᠡᠭᠦᠨ ᠢ ᠳᠠᠭᠠᠨ ᠡᠷᠭᠢᠯᠳᠦᠮᠦᠢ
( ᠲᠡᠪᠡᠭ )
ᠰᠠᠶ᠋ᠢᠬᠠᠨ ᠬᠡᠭᠡᠨᠴᠢᠷ ᠭᠡᠷ ᠲᠤᠨᠢ ᠵᠣᠴᠢᠨ ᠪᠠᠭᠤᠬᠤ ᠦᠭᠡᠢ
ᠰᠠᠳᠤᠨ ᠲᠥᠷᠥᠯ ᠣᠯᠠᠨ ᠴᠦ᠍ ᠨᠢᠭᠡᠨ ᠢᠶ᠋ᠡᠨ ᠥᠮᠥᠭᠯᠡᠬᠦ ᠴᠢᠳᠠᠯ ᠦᠭᠡᠢ
ᠰᠠᠳᠤᠷ ᠰᠢᠨᠤᠯ ᠠᠪᠢᠶᠠᠰ ᠢᠶ᠋ᠠᠷ ᠳᠤᠷᠠ ᠶ᠋ᠢ ᠲᠠᠲᠠᠬᠤ ᠡᠷᠳᠡᠮ ᠲᠡᠢ
ᠰᠠᠨᠠᠭᠠ ᠰᠢᠭᠤᠳᠤᠨ ᠬᠠᠨᠢᠯᠠᠪᠠᠰᠤ ᠪᠤᠳᠤᠩᠭᠤᠢ ᠬᠣᠤᠷ ᠤᠨ ᠦᠨᠳᠦᠰᠦ
( ᠶᠠᠩᠵᠤᠤᠷ )
ᠲᠩᠷᠢ ᠶ᠋ᠢᠨ ᠣᠷᠣᠨ ᠤ ᠠᠷᠪᠠᠨ ᠠᠷᠪᠠ ᠨᠠᠢ᠍ᠮᠠᠨ ᠣᠳᠣᠨ ᠪᠠᠭᠤᠵᠤ
ᠲᠡᠮᠳᠡᠭᠯᠡᠨ ᠵᠠᠬᠢᠷᠬᠤ ᠳᠦᠷᠪᠡᠨ ᠮᠣᠵᠢ ᠶ᠋ᠢ ᠬᠠᠷᠢᠶᠠᠲᠤ ᠪᠣᠯᠭᠠᠭᠠᠳ
ᠲᠡᠷᠡ ᠪᠣᠭᠳᠠ ᠳᠤ ᠪᠣᠭᠣᠯ ᠭᠡᠮᠡᠨ ᠳᠠᠭᠠᠬᠤ ᠳ᠋ᠠᠭᠠᠨ ᠭᠠᠭᠴᠠ ᠬᠦ
ᠲᠦᠭᠳᠡᠷᠡᠯ ᠦᠭᠡᠢ ᠰᠢᠳᠤᠷᠭᠤ ᠪᠠᠲᠤ ᠶᠣᠰᠣᠨ ᠳᠤ ᠬᠤᠮᠪᠤᠭᠲᠠᠪᠠᠢ
( ᠡᠷᠢᠬᠡ )
ᠲᠣᠯᠣᠭᠠᠢ ᠬᠥᠯ ᠢᠯᠭᠠᠯ ᠦᠭᠡᠢ ᠪᠣᠯᠪᠠᠴᠤ ᠤᠤᠠᠬᠤ ᠦᠭᠡᠢ
ᠲᠣᠩ ᠴᠦ᠍ ᠲᠦᠷᠭᠡᠨ ᠳᠣᠪᠲᠣᠯᠪᠠᠴᠤ ᠲᠣᠭᠣᠰᠣ ᠦᠯᠦ ᠳᠡᠭᠳᠡᠮᠦᠢ
ᠲᠣᠯᠢ ᠮᠡᠲᠦ ᠲᠣᠲᠣᠷᠬᠠᠢ ᠦᠵᠡᠪᠡᠴᠦ ᠨᠢᠲᠦᠨ ᠣᠷᠣᠨ ᠣᠯᠲᠠᠬᠤ ᠦᠭᠡᠢ
ᠲᠣᠷᠭᠣᠯ ᠦᠭᠡᠢ ᠱᠤᠩᠪᠠᠪᠠᠴᠤ ᠪᠡᠶᠡ ᠮᠠᠬᠠᠪᠣᠳ ᠡᠪᠲᠡᠷᠡᠬᠦ ᠦᠭᠡᠢ
( ᠭᠣᠣᠯ ᠦ᠋ᠨ ᠤᠰᠤ )
ᠦᠵᠡᠪᠡᠴᠦ ᠪᠡᠶᠡ ᠨᠢ ᠪᠢᠴᠢᠬᠠᠨ ᠪᠣᠯᠪᠠᠴᠤ ᠭᠤᠸ᠋ᠠ ᠴᠡᠪᠡᠷ ᠲᠥᠷᠥᠵᠦ
ᠦᠨᠡ ᠯᠤᠭᠡ ᠲᠡᠩᠴᠡᠭᠦᠯᠪᠡᠰᠦ ᠮᠢᠩᠬ᠋ᠠ ᠲᠦᠮᠡ ᠲᠡᠢ ᠵᠡᠷᠭᠡᠴᠡᠮᠦᠢ
ᠥᠲᠡᠯᠦᠭᠡ ᠥᠩᠭᠡᠨ ᠳ᠋ᠤᠷ ᠳᠤᠷᠠᠲᠠᠢ ᠲᠤᠯᠠ ᠨᠢᠭᠤᠷ ᠶᠤᠭᠠᠨ ᠡᠩᠭᠡᠰᠬᠡᠲᠡᠭᠡᠳ
ᠦᠷᠭᠦᠯᠵᠢ ᠰᠠᠯᠤᠯ ᠦᠭᠡᠢ ᠪᠢᠴᠢᠭ ᠦ᠋ᠨ ᠭᠡᠷ ᠲᠤᠷ ᠵᠠᠷᠤᠭᠲᠠᠮᠤᠢ
( ᠵᠢᠭᠤᠷᠠᠭᠤᠯ )
ᠲᠥᠷᠥᠭᠰᠡᠨ ᠪᠡᠶᠡ ᠨᠠᠷᠢᠨ ᠪᠥᠭᠡᠳ ᠭᠠᠭᠴᠠ ᠬᠥᠯ ᠨᠢ ᠱᠣᠶ᠋ᠢᠱᠣᠭ
ᠲᠥᠷᠥᠯᠬᠢ ᠤᠲᠤᠮ ᠨᠢ ᠴᠢᠭᠢᠭ ᠲᠡᠢ ᠤᠴᠢᠷ ᠥᠯᠮᠡᠢ ᠳ᠋ᠡᠭᠡᠨ ᠬᠠᠷᠠ ᠰᠢᠪᠠᠷ ᠲᠠᠢ
ᠲᠥᠪ ᠴᠢᠬᠡᠴᠢ ᠵᠠᠮᠨᠠᠬᠤ ᠶ᠋ᠢᠨ ᠲᠥᠯᠥᠭᠡ ᠬᠥᠯᠥᠰᠥ ᠪᠡᠨ ᠦᠷᠭᠦᠯᠵᠢ ᠴᠤᠪᠤᠷᠠᠭᠤᠯᠵᠤ
ᠲᠦᠮᠡᠨ ᠢᠷᠭᠡᠨ ᠊ᠢ ᠰᠡᠬᠡᠭᠡᠷᠡᠭᠦᠯᠬᠦ ᠶᠠᠪᠤᠲᠠᠯ ᠶ᠋ᠢᠠᠷ ᠨᠠᠰᠤᠨ ᠪ ᠦᠢᠯᠡᠰ ᠶ᠋ᠢᠡᠨ ᠪᠣᠯᠭᠠᠵᠤᠬᠤᠢ
( ᠦᠰᠦᠨ ᠪᠢᠷ )
ᠠᠮᠲᠠᠲᠤ ᠰᠦ᠋ ᠶ᠋ᠢ ᠨᠢ ᠬᠥᠬᠥᠪᠡᠴᠦ ᠰᠢᠮᠡ ᠨᠢ ᠦᠯᠦ ᠪᠠᠷᠠᠭᠲᠠᠬᠤ
ᠠᠯᠠᠭᠠᠨ ᠳᠡᠭᠡᠷᠡ ᠡᠴᠡ ᠨᠢ ᠳᠤᠲᠠᠭᠠᠪᠠᠴᠤ ᠭᠠᠷᠴᠤ ᠦᠯᠦ ᠴᠢᠲᠠᠬᠤ
ᠠᠯᠠᠬᠤ ᠮᠡᠰᠡ ᠪᠡᠷ ᠴᠠᠪᠴᠢᠪᠠᠴᠤ ᠬᠢᠯᠢᠩ ᠦᠯᠦ ᠲᠥᠷᠥᠬᠦ
ᠠᠮᠢᠲᠠᠨ ᠪᠦᠭᠦᠲᠡ ᠶ᠋ᠢ ᠡᠭᠦᠷᠪᠡᠴᠦ ᠠᠯᠵᠢᠶᠠᠨ ᠦᠯᠦ ᠪᠣᠲᠣᠬᠤ
( ᠭᠠᠵᠠᠷ ᠳᠡᠯᠡᠬᠡᠢ )
ᠴᠢᠭᠢᠷᠠᠭ ᠭᠦᠷᠦᠨ ᠊ᠢ ᠡᠵᠡᠯᠡᠭᠴᠢ ᠬᠦᠷᠡᠩ ᠡᠷᠢᠶᠡᠨ ᠪᠠᠷᠰ
ᠴᠠᠬᠢᠯᠭᠠᠨ ᠬᠤᠷᠠ ᠶ᠋ᠢᠨ ᠪᠠᠭᠤᠯᠭᠠᠭᠴᠢ ᠠᠭᠠᠷ ᠦ᠋ᠨ ᠬᠥᠬᠡ ᠯᠤᠤ
ᠴᠡᠩᠬᠡᠷ ᠰᠢᠷᠠ ᠪᠠᠷ ᠬᠤᠸᠠᠷᠯᠠᠭᠴᠢ ᠬᠠᠨ ᠭᠠᠷᠤᠲᠢ ᠶ᠋ᠢᠨ ᠵᠤᠯᠵᠠᠬ᠋ᠠ
ᠴᠢᠮᠡᠭ ᠵᠠᠰᠠᠯ ᠶ᠋ᠢᠠᠷ ᠪᠦᠷᠬᠦᠭᠳᠡᠭᠰᠡᠨ ᠠᠭᠤᠯᠠ ᠶ᠋ᠢᠨ ᠴᠠᠭᠠᠨ ᠠᠷᠰᠯᠠᠨ
( ᠳᠥᠷᠪᠡᠨ ᠤᠯᠠᠷᠢᠯ )
ᠵᠠᠰᠠᠭ ᠨᠣᠶᠠᠳ ᠳᠡᠷᠭᠡᠳᠡ ᠪᠠᠶ᠋ᠢᠪᠠᠴᠤ ᠳᠡᠮᠡᠢ ᠬᠡᠷᠡᠭ ᠲᠡᠢ ᠪᠤᠰᠤ
ᠵᠠᠩᠲᠤᠷᠬᠤ ᠳᠠᠭᠤᠨ ᠪᠠᠬ᠋ᠠ ᠪᠣᠯᠪᠠᠴᠤ ᠬᠡᠨ ᠪᠦᠬᠦᠨ ᠲᠥᠪᠡᠭᠰᠢᠶᠡᠮᠦᠢ
ᠵᠠᠮ ᠳ᠋ᠤ᠌ ᠲᠣᠬᠢᠶᠠᠯᠲᠤᠬᠤ ᠮᠤᠤᠰᠠᠶ᠋ᠢᠨ ᠊ᠢ ᠠᠯᠠᠭᠤᠯᠵᠤ ᠬᠥᠭᠡᠭᠡᠬᠦ ᠤᠴᠢᠷ
ᠵᠠᠪᠠᠯ ᠬᠠᠷᠢᠨ ᠬᠠᠷᠠᠩᠭᠤᠢ ᠰᠥᠨᠢ ᠡᠵᠡᠨ ᠪ ᠡᠯᠪᠡᠭ ᠊ᠢ ᠭᠦᠢᠴᠡᠤᠠᠬᠡᠮᠦᠢ
( ᠲᠣᠩᠰᠢᠭᠤᠷ ᠮᠠᠨᠠᠬ᠋ᠠ )
ᠳᠡᠭᠡᠷᠡ ᠨᠢ ᠰᠠᠭᠤᠭᠰᠠᠨ ᠨᠣᠶᠠᠨ ᠨᠢ ᠮᠡᠷᠭᠡᠨ ᠪᠥᠭᠡᠳ ᠰᠡᠴᠡᠨ
ᠲᠠᠮᠠᠬ᠋ᠠ ᠶ᠋ᠢ ᠪᠠᠷᠢᠬᠰᠠᠨ ᠲᠤᠰᠠᠯᠠᠭᠴᠢ ᠨᠢ ᠲᠠᠷᠭᠤᠨ ᠪᠥᠭᠡᠳ ᠪᠣᠭᠣᠨᠢ
ᠭᠠᠷ ᠦ᠋ᠨ ᠳᠣᠣᠷᠠᠬᠢ ᠬᠢᠶᠡ ᠨᠢ ᠪᠥᠭᠳᠦᠷ ᠪᠥᠭᠡᠳ ᠶᠠᠬᠢᠷ
ᠭᠠᠲᠠᠭᠰᠢ ᠪᠠᠨ ᠵᠠᠷᠤᠬᠤ ᠭᠤᠴᠢᠬ ᠨᠢ ᠡᠪᠡᠷ ᠲᠡᠢ ᠪᠥᠭᠡᠳ ᠵᠢᠭᠦᠷ ᠲᠡᠢ
( ᠳᠠᠯᠤ ᠬᠠᠷᠢᠶᠠᠲᠤ ᠪᠣᠭᠲᠣᠰ ᠰᠢᠭᠢᠷᠡ )
ᠲᠩᠷᠢ ᠭᠠᠵᠠᠷ ᠦ᠋ᠨ ᠰᠢᠮᠡ ᠪᠡᠷ ᠪᠣᠲᠠᠰ ᠪᠣᠯᠤᠨ ᠪᠦᠷᠢᠯᠲᠦᠭᠡᠳ
ᠲᠡᠭᠦᠯᠲᠡᠷ ᠦᠨᠦᠷ ᠠᠮᠲᠠ ᠪᠠᠷ ᠬᠥᠮᠦᠨ ᠪ ᠳᠤᠷᠠ ᠶ᠋ᠢ ᠪᠤᠯᠢᠶᠠᠭᠴᠢ
ᠲᠡᠮᠦᠷ ᠭᠠᠤᠯᠢ ᠮᠣᠲᠣᠨ ᠭᠠᠯ ᠶ᠋ᠢᠠᠷ ᠬᠥᠮᠦᠨ ᠪ ᠪᠡᠶᠡ ᠶ᠋ᠢ ᠰᠥᠨᠥᠭᠡᠭᠴᠢ
ᠲᠡᠭᠦᠨ ᠡᠴᠡ ᠪᠤᠵᠠᠷ ᠬᠣᠣᠷ ᠳᠡᠯᠡᠬᠡᠢ ᠳ᠋ᠠᠬᠢᠨ ᠳ᠋ᠤᠷ ᠬᠣᠪᠣᠷ
( ᠲᠠᠮᠠᠬᠢ )
ᠬᠠᠷᠠᠪᠠᠰᠤ ᠲᠥᠯᠥᠪ ᠢᠨᠤ ᠲᠥᠪ ᠲᠥᠭᠥᠷᠢᠭ ᠢᠯᠡᠷᠬᠡᠢ ᠪᠣᠯᠪᠠᠴᠤ
ᠬᠠᠪᠢᠲᠠᠵᠤ ᠬᠦᠷᠦᠭᠡᠳ ᠦᠵᠡᠶᠡ ᠭᠡᠬᠦᠯᠡᠷ ᠬᠠᠷᠢᠨ ᠮᠠᠰᠢ ᠬᠣᠯᠠ
ᠬᠠᠵᠠᠭᠠᠢ ᠦᠭᠡᠢ ᠶᠠᠪᠤᠲᠠᠭ ᠨᠢᠭᠡ ᠯᠡ ᠵᠠᠮ ᠶ᠋ᠢᠠᠷ ᠤᠤᠠᠬᠤ ᠪᠥᠭᠡᠳ
ᠬᠠᠯᠠᠭᠤᠨ ᠤᠲᠠᠭᠠᠨ ᠬᠦᠢᠲᠡᠨ ᠲᠦᠷᠭᠡᠨ ᠡᠨᠡ ᠶᠠᠭᠤᠨ ᠪ ᠬᠠᠷᠠᠬ᠋ᠠ ᠪᠤᠢ
( ᠰᠠᠷᠠ )
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ ᠄ ᠣᠶᠤᠨᠲᠤᠨᠠᠯ ᠂ ᠠᠯᠲᠠᠨᠲᠤᠶᠠᠭᠠ ᠂ ᠳ᠋ᠦ᠋ᠩ ᠹᠧᠩ ᠂ ᠮᠢᠩᠭᠠᠳ · ᠴᠢᠮᠡᠭ
ᠬᠢᠨᠠᠭᠴᠢ ᠄ ᠬᠠᠷᠠᠨᠤᠳ · ᠲᠤᠶᠠᠭᠠ ᠂ ᠮᠢᠩᠭᠠᠳ · ᠴᠢᠮᠡᠭ