ᠮᠣᠩᠭᠣᠯ ᠣᠨᠢᠰᠤᠭᠠ ᠶᠢᠨ ᠲᠡᠭᠦᠪᠦᠷᠢ – ᠭᠤᠷᠪᠠᠳᠤᠭᠠᠷ ᠪᠦᠯᠦᠭ –1 Монгол оньсгын түүвэр –Гуравдугаар бүлэг– 1
1077ᠭᠤᠷᠪᠠᠲᠤᠭᠠᠷ ᠪᠦᠯᠦᠭ – ᠪᠢᠴᠢᠭ ᠦ᠋ᠨ ᠬᠥᠮᠦᠨ ᠪ ᠵᠣᠬᠢᠶᠠᠭᠰᠠᠨ ᠣᠨᠢᠰᠤᠬ᠋ᠠ
ᠢᠨᠵᠠᠨᠨᠠᠰᠢ ᠶ᠋ᠢᠨ ᠣᠨᠢᠰᠣᠬ᠋ᠠ①
ᠵᠢᠷᠦᠪᠡᠰᠦ ᠲᠥᠭᠥᠷᠡᠭ
ᠪᠢᠴᠢᠪᠡᠰᠦ ᠠᠷᠵᠠᠭᠠᠷ
ᠬᠠᠯᠠᠭᠤᠨ ᠪᠣᠯᠪᠠᠴᠤ ᠤᠲᠠᠭᠠᠨ
ᠬᠥᠢᠲᠡᠨ ᠪᠣᠯᠪᠠᠴᠤ ᠬᠤᠷᠲᠤᠨ
ᠡᠨᠡ ᠨᠢᠭᠡᠨ ᠦᠰᠦᠭ ᠊ᠢ ᠲᠠᠶ᠋ᠢᠯ
( ᠨᠠᠷᠠ )
ᠵᠠᠯᠠᠭᠤ ᠵᠥᠭᠡᠯᠡᠨ ᠊ᠢ ᠳᠠᠷᠤᠯᠠᠨ
ᠵᠠᠯᠢ ᠲᠠᠢ ᠬᠠᠲᠠᠭᠤ ᠠ᠋ᠴᠠ ᠵᠠᠶ᠋ᠢᠯᠠᠨ
ᠵᠠᠪᠰᠠᠷ ᠪᠤᠢ ᠪᠣᠯᠪᠠᠰᠤ ᠣᠷᠣᠭᠠᠳ
ᠵᠠᠢ ᠦᠭᠡᠢ ᠪᠥᠭᠡᠰᠦ ᠵᠣᠭᠰᠤᠮᠤᠢ
ᠪᠣᠲᠠ ᠦᠭᠡᠢ ᠨᠢᠭᠡᠨ ᠶᠠᠭᠤᠮᠠ ᠶ᠋ᠢ ᠲᠠᠶ᠋ᠢᠯ
( ᠰᠠᠯᠬᠢ )
ᠴᠠᠭᠠᠨ ᠰᠢᠪᠠᠭᠤ ᠶ᠋ᠢ ᠤᠭᠲᠠᠷᠭᠤᠢ ᠳ᠋ᠤᠷ ᠳᠡᠭᠳᠡᠭᠡᠬᠦ ᠨᠥᠬᠥᠷ
ᠴᠢᠪᠬᠠᠲᠠᠰᠤ ᠶ᠋ᠢᠨ ᠳᠠᠭᠤᠨ ᠊ᠢ ᠠᠯᠤᠰ ᠲᠤ ᠬᠦᠷᠭᠡᠬᠦ ᠵᠠᠭᠤᠴᠢ
ᠰᠠᠶ᠋ᠢᠬᠠᠨ ᠬᠥᠮᠦᠨ ᠪ ᠥᠩᠭᠡ ᠳ᠋ᠤᠷ ᠨᠡᠮᠡᠷᠢᠯᠡᠬᠦ ᠴᠢᠮᠡᠭ
ᠰᠠᠷᠬᠤᠳ ᠤᠤᠭᠤᠬᠤᠢ ᠳ᠋ᠤ᠌ ᠴᠠᠭᠠᠵᠠ ᠵᠠᠷᠯᠠᠬᠤ ᠶ᠋ᠢᠨ ᠡᠯᠴᠢ
ᠬᠥᠢᠲᠡᠨ ᠊ᠢ ᠬᠥᠭᠵᠢᠭᠡᠬᠦ ᠬᠥᠯᠲᠡᠭᠦᠦ ᠬᠠᠰ ᠦ᠋ᠨ ᠬᠡᠮᠬᠡᠳᠡᠭ
ᠭᠦᠰᠡᠷᠡ ᠬᠥᠷᠦᠰᠦᠯᠡᠬᠦ ᠬᠥᠩᠭᠡᠨ ᠮᠥᠩᠭᠦᠨ ᠪ ᠥᠷᠦᠪᠲᠡᠰᠦ
ᠬᠤᠷᠮᠤᠰᠲᠠ ᠲᠡᠭᠷᠢ ᠶ᠋ᠢᠨ ᠠᠯᠲᠠᠭᠰᠠᠨ ᠠᠯᠲᠠᠨ ᠴᠠᠷ
ᠬᠤᠮᠰᠢᠮ ᠪᠣᠲᠢᠰᠠᠲᠣᠡ ᠶ᠋ᠢᠨ ᠡᠯᠭᠦᠭᠰᠡᠨ ᠮᠥᠩᠭᠦᠨ ᠲᠣᠯᠢ
(ᠰᠠᠯᠬᠢᠨ ᠴᠡᠴᠡᠭ ᠴᠠᠰᠤ ᠰᠠᠷᠠ )
ᠵᠠᠮ ᠲᠣᠭᠣᠷᠢᠭᠤ ᠪᠥᠭᠡᠲᠡᠯᠡ ᠬᠣᠯᠠ ᠪᠤᠰᠤ
ᠴᠢᠯᠠᠭᠤᠨ ᠳᠠᠪᠬᠤᠷ ᠪᠣᠯᠪᠠᠴᠤ ᠠᠭᠤᠯᠠ ᠦᠭᠡᠢ
ᠠᠶᠤᠩᠬ᠋ᠠ ᠬᠦᠷᠴᠢᠬᠢᠨᠡᠨ ᠪᠥᠭᠡᠳ ᠬᠤᠷᠠ ᠴᠤᠬᠠᠭ
ᠴᠠᠰᠤ ᠯᠠᠪᠰᠠᠵᠤ ᠣᠷᠣᠪᠠᠴᠤ ᠬᠥᠢᠲᠡᠨ ᠴᠦᠬᠡᠨ
( ᠳᠡᠭᠡᠷᠮᠠ )
ᠡᠷᠲᠡᠨᠢ ᠣᠭ᠌ᠶᠦ ᠶ᠋ᠢᠨ ᠥᠩᠭᠡᠲᠡᠢ
ᠡᠷᠡᠰ ᠳᠡᠰ ᠶᠠᠪᠤᠲᠠᠯ ᠲᠠᠢ
ᠡᠷᠡᠬᠡᠢ ᠴᠢᠨᠡᠭᠡᠨ ᠭᠦᠶᠦᠲᠡᠯ ᠲᠡᠢ
ᠡᠷᠡ ᠬᠣᠩᠭᠣᠷ ᠳᠠᠭᠤ ᠲᠠᠢ
( ᠨᠣᠭᠣᠭᠠᠨ ᠭᠤᠯᠢᠶᠠ )
ᠬᠡᠲᠦᠢ ᠡᠮᠦᠨᠡ ᠤᠮᠠᠷᠠ ᠭᠠᠵᠠᠷ ᠲᠥᠷᠦᠪᠡᠴᠤ
ᠬᠡᠪ ᠶ᠋ᠢᠡᠷ ᠵᠠᠩ ᠴᠢᠨᠠᠷ ᠠᠨᠤ ᠨᠢᠭᠡᠨ ᠠᠲᠠᠯᠢ
ᠤᠴᠢᠷ ᠰᠢᠯᠲᠠᠭᠠᠨ ᠊ᠢ ᠵᠦᠢ ᠵᠦᠢ ᠪᠠᠷ ᠪᠢᠴᠢᠪᠡᠰᠦ
ᠤᠩᠰᠢᠭᠠᠳ ᠭᠠᠰᠢᠭᠤᠨ ᠊ᠢ ᠬᠡᠨ ᠪ ᠵᠥᠭ ᠬᠡᠯᠡᠯᠴᠡᠮᠦᠢ
ᠬᠡᠷᠪᠡ ᠭᠡᠨᠡᠤᠠᠲᠡ ᠪᠡᠯ ᠯᠤᠬ᠋ᠠ ᠠᠭᠤᠯᠵᠠᠪᠠᠰᠤ
ᠬᠡᠲᠦᠷᠬᠡᠶᠡ ᠢᠨᠠᠭᠯᠠᠨ ᠨᠢᠭᠡᠨ ᠭᠡᠰᠡᠭ ᠪᠣᠯᠤᠭᠠᠳ
ᠬᠥᠮᠦᠨ ᠊ᠢ ᠲᠡᠩᠭᠡᠷᠡᠭᠦᠯᠬᠦᠢ᠋ ᠳ᠋ᠤᠷ ᠬᠡᠷᠡᠭᠯᠡᠪᠡᠰᠦ
ᠬᠦᠷᠴᠢᠬᠢᠨᠡᠨ ᠣᠷᠣᠭᠠᠳ ᠭᠠᠪᠢᠶᠠ ᠪᠠᠶ᠋ᠢᠭᠤᠯᠤᠮᠤᠢ
( ᠡᠮ ᠷᠢᠯᠦᠲᠡᠬᠦ )
ᠦᠵᠡᠪᠡᠰᠦ ᠦᠶᠡ ᠤᠯᠠᠷᠢᠯ ᠪᠤᠢ
ᠲᠡᠮᠲᠡᠷᠢᠪᠡᠰᠦ ᠲᠡᠮᠲᠡᠭ ᠭᠡᠰᠢᠭᠦᠨ ᠦᠭᠡᠢ
ᠬᠣᠶᠠᠷ ᠦᠵᠦᠭᠦᠷ ᠬᠣᠩᠭᠢᠨᠠᠮᠠ ᠬᠥᠢᠲᠡᠨ
ᠬᠣᠭᠤᠰ ᠳᠤᠮᠳᠠ ᠬᠠᠪ ᠬᠠᠯᠠᠭᠤᠨ
( ᠬᠤᠸᠠᠩᠯᠢ )
ᠤᠷᠭᠤᠭᠰᠠᠨ ᠪᠣᠲᠡᠰ ᠴᠥᠮ ᠬᠠᠯᠠᠭᠤᠨ ᠪ ᠰᠢᠮᠡ
ᠤᠷᠠᠯᠠᠭᠰᠠᠨ ᠡᠨᠡ ᠭᠠᠭᠴᠠᠭᠠᠷ ᠰᠡᠷᠢᠭᠦᠨ ᠪ ᠡᠬᠡ
ᠣᠷᠢᠶᠠᠨ ᠡᠪᠬᠡᠷᠦᠨ ᠴᠠᠭᠠᠨ ᠬᠠᠰ ᠵᠥᠭᠡᠯᠡᠨ
ᠤᠷᠪᠠᠭᠤᠯᠤᠨ ᠳᠡᠯᠭᠡᠪᠡᠰᠦ ᠰᠢᠨᠡ ᠶ᠋ᠢᠨ ᠰᠠᠷᠠᠨ ᠮᠤᠷᠤᠢ
ᠣᠯᠠᠨ ᠢᠯᠭᠠᠬ᠋ᠠ ᠤᠭᠲᠤᠨ ᠰᠠᠵᠢᠬᠤ ᠦᠯᠲᠡᠭᠡᠷ
ᠤᠯᠠᠭᠠᠨ ᠨᠠᠷᠠᠨ ᠳ᠋ᠤ᠌ ᠳᠡᠭᠡᠭᠰᠢ ᠡᠷᠭᠦᠬᠦ ᠰᠢᠭᠦᠷ
ᠣᠤᠠᠬᠤ ᠢᠷᠡᠬᠦᠢ ᠳ᠋ᠤᠷ ᠬᠡᠮᠵᠢᠶᠡ ᠪᠤᠢ ᠶ᠋ᠢᠨ ᠲᠤᠯᠠᠲᠠ
ᠤᠯᠠᠮ ᠵᠢᠭᠡᠭᠦᠨᠡ ᠨᠢᠭᠤᠨ ᠣᠷᠣᠰᠢᠬᠤ ᠶ᠋ᠢᠨ ᠴᠠᠭ
( ᠭᠦᠪᠢᠭᠦᠷ ＜ ᠳᠡᠪᠢᠭᠦᠷ ＞ )
ᠳᠤᠯᠠᠭᠠᠨ ᠭᠠᠵᠠᠷ ᠲᠥᠷᠥᠭᠰᠡᠨ ᠳᠣᠬᠢᠶᠠ ᠨᠡᠷᠡᠲᠦ ᠪᠣᠯᠵᠣᠮᠣᠷ
ᠪᠠᠯᠲᠠᠷ ᠬᠠᠷᠠ ᠮᠥᠷᠡᠨ ᠳ᠋ᠤᠷ ᠪᠡᠶᠡ ᠶᠤᠭᠡᠨ ᠤᠬᠢᠶᠠᠭᠠᠳ
ᠴᠠᠶ᠋ᠢᠲᠠᠮ ᠰᠠᠷᠠᠭᠤᠯ ᠲᠠᠯᠠ ᠳ᠋ᠤᠷ ᠴᠠᠤᠠᠲᠠᠯᠠ ᠢᠲᠡᠰᠢᠯᠡᠵᠦ
ᠮᠥᠩᠭᠥᠨ ᠴᠠᠭᠠᠨ ᠠᠭᠤᠯᠠᠨ ᠳ᠋ᠤᠷ ᠮᠥᠷ ᠶ᠋ᠢᠡᠨ ᠣᠷᠬᠢᠮᠤᠢ
( ᠪᠢᠷ ᠪᠡᠬᠡ ᠵᠢᠭᠤᠷᠤᠭᠤᠯ ᠴᠠᠭᠠᠰᠤ )
ᠵᠠᠯᠠᠭᠤ ᠨᠠᠰᠤᠨᠠ ᠦᠰᠦ ᠴᠠᠭᠠᠨ ᠂ ᠥᠲᠡᠯᠪᠡᠰᠦ ᠬᠠᠷᠢᠨ ᠬᠠᠷᠠ
ᠵᠠᠷᠢᠮ ᠴᠠᠭ ᠲᠦ ᠬᠣᠵᠢᠭᠢᠷ ᠪᠣᠯᠤᠭᠠᠳ ᠪᠠᠰᠠ ᠮᠠᠯᠠᠭᠠᠢ ᠡᠮᠦᠰᠦᠮᠦᠢ
ᠪᠡᠬᠢ ᠬᠠᠲᠠᠭᠤ ᠪᠠᠭᠰᠢ ᠶ᠋ᠢᠨ ᠪᠠᠷᠢᠮᠲᠠ ᠬᠡᠲᠦᠢ ᠴᠢᠩᠬ᠋ᠠ ᠪᠣᠯᠪᠠᠴᠤ
ᠪᠡᠶᠡ ᠶ᠋ᠢ ᠮᠡᠲᠡᠵᠦ ᠪᠣᠯᠬᠤ ᠪᠤᠢ ᠵᠠ ᠂ ᠲᠣᠯᠣᠭᠠᠢ ᠶ᠋ᠢ ᠮᠡᠲᠡᠬᠦ ᠦᠭᠡᠢ
( ᠦᠰᠦᠨ ᠪᠢᠷ )
ᠰᠢᠷᠡᠭᠡᠨ ᠪ ᠳᠡᠭᠡᠷᠡ ᠲᠡᠮᠡᠴᠡᠯᠭᠡᠨ ᠳᠡᠭᠳᠡᠵᠦ
ᠰᠢᠷᠬᠡᠭ ᠦ᠋ᠨ ᠳᠣᠣᠷᠠ ᠠᠶᠠᠯᠭᠤ ᠭᠠᠷᠤᠮᠤᠢ
ᠰᠢᠨᠵᠢᠬᠦ ᠪᠦᠷᠢ ᠠᠮᠲᠠ ᠮᠡᠳᠡᠭᠳᠡᠮᠦᠢ
ᠰᠢᠷᠲᠡᠬᠦ ᠳᠣᠳᠣᠮ ᠥᠩᠭᠡ ᠢᠯᠭᠠᠷᠠᠮᠤᠢ
( ᠮᠢᠭᠮᠡᠨ ᠶᠠᠲᠤᠬ᠋ᠠ ᠪᠢᠴᠢᠭ ᠵᠢᠷᠤᠭ )
ᠭᠤᠷᠪᠠᠨ ᠪᠣᠭᠲᠠ ᠮᠢᠨᠦ ᠠᠬᠠ ᠮᠦᠨ
ᠲᠠᠪᠤᠨ ᠮᠠᠬᠠᠪᠣᠳ ᠮᠢᠨᠦ ᠳᠡᠭᠦᠦ ᠪᠤᠶᠤ
ᠨᠠᠮᠠᠶ᠋ᠢ ᠡᠷᠭᠦᠪᠡᠰᠦ ᠠᠷᠤᠤᠬᠠᠨ ᠲᠣᠭᠠᠨ ᠳ᠋ᠤᠷ ᠣᠷᠣᠭᠤᠯᠤᠭᠠᠳ
ᠨᠠᠮᠠᠶ᠋ᠢ ᠳᠣᠷᠣᠮᠵᠢᠯᠠᠪᠠᠰᠤ ᠨᠣᠬᠠᠢ ᠶ᠋ᠢᠨ ᠨᠡᠷᠡ ᠪᠣᠯᠭᠠᠮᠤᠢ
( ᠳᠥᠷᠪᠡ ᠶ᠋ᠢᠨ ᠲᠣᠬ᠋ᠠ )
ᠲᠡᠷᠭᠡᠯ ᠰᠠᠷᠠᠨ ᠶᠠᠭᠤᠨ ᠪ ᠤᠴᠢᠷ ᠳᠤᠮᠳᠠ ᠪᠠᠨ
ᠴᠣᠭᠣᠷᠣᠬᠠᠢ ᠪᠣᠯᠪᠠ
ᠲᠡᠭᠰᠢ ᠦᠭᠡᠢ ᠶᠢᠷᠲᠢᠨᠴᠦ ᠶ᠋ᠢᠨ ᠬᠡᠷᠡᠭ ᠊ᠢ
ᠬᠤᠲᠠᠯᠲᠤᠬᠤ ᠶ᠋ᠢᠨ ᠲᠤᠯᠠ ᠪᠣᠯᠪᠠᠤ
《 ᠲᠩᠷᠢ ᠶ᠋ᠢᠨ ᠲᠡᠳᠬᠦᠭᠰᠡᠨ 》 ᠬᠣᠶᠠᠷ ᠦᠰᠦᠭ ᠊ᠢ
ᠳᠡᠭᠡᠷᠡ ᠳᠣᠣᠷᠠ ᠪᠠᠨ ᠬᠤᠪᠢᠶᠠᠭᠠᠳ
ᠲᠡᠮᠲᠡᠭ ᠦᠭᠡᠢ ᠲᠡᠮᠡᠴᠡᠯ ᠵᠠᠷᠭᠤ ᠶ᠋ᠢ
ᠣᠯᠬᠤ ᠶ᠋ᠢᠨ ᠬᠠᠷᠠᠬ᠋ᠠ ᠳ᠋ᠤᠷ ᠪᠤᠢ
( ᠭᠠᠤᠯᠢᠨ ᠵᠣᠭᠣᠰ )
ᠬᠤᠲᠠᠯᠲᠤᠨ ᠥᠭᠭᠦᠭᠴᠢᠳ ᠳᠠᠭᠤᠨ ᠭᠠᠷᠬᠤ ᠶ᠋ᠢᠨ ᠤᠷᠢᠳ
ᠬᠤᠲᠠᠯᠲᠤᠨ ᠠᠪᠤᠭᠴᠢᠳ ᠳᠠᠷᠤᠢ ᠮᠡᠲᠡᠭᠡᠳ
ᠬᠠᠷᠢᠯᠴᠠᠨ ᠬᠤᠲᠠᠯᠲᠤᠨ ᠪᠠᠷᠠᠭᠰᠠᠨ ᠬᠣᠶ᠋ᠢᠨᠠ
ᠬᠣᠶᠠᠷ ᠡᠲᠡᠭᠡᠳ ᠴᠥᠮ ᠠᠪᠬᠤ ᠦᠭᠡᠢ
( ᠬᠤᠲᠠᠯᠲᠤᠭᠴᠢᠳ ᠦ᠋ᠨ ᠡᠪᠡᠰᠦᠨ ᠲᠡᠮᠲᠡᠭ )
ᠤᠭ ᠠ᠋ᠴᠠ ᠲᠥᠷᠥᠭᠰᠡᠨ ᠢᠨᠤ ᠪᠦᠬᠦᠯᠢ ᠪᠡᠶᠡ ᠴᠠᠭᠠᠨ
ᠤᠤᠠᠬᠠ ᠤᠶᠠᠩᠬ᠋ᠠ ᠬᠡᠪᠡᠯᠢ ᠳ᠋ᠤᠷ ᠳᠦᠭᠦᠷᠴᠦ ᠭᠣᠣᠯ ᠵᠢᠷᠦᠬᠡ ᠴᠡᠭᠡ
ᠤᠴᠢᠷ ᠦᠭᠡᠢ ᠨᠠᠶ᠋ᠢᠷ ᠦ᠋ᠨ ᠲᠤᠯᠠ ᠰᠡᠤᠠᠬᠢᠯ ᠦ᠋ᠨ ᠡᠪᠡᠤᠠᠴᠢᠨ ᠣᠯᠤᠭᠠᠳ
ᠤᠯᠠᠮ ᠤᠯᠠᠮ ᠤᠶᠠᠷᠠᠨ ᠤᠬᠢᠯᠠᠭᠰᠠᠭᠠᠷ ᠪᠡᠶᠡ ᠬᠠᠲᠠᠬᠤ ᠰᠢᠬᠠᠪᠠᠢ
( ᠯᠠ )
ᠶᠠᠭᠵᠢᠭᠠᠷ ᠪᠡᠶᠡ ᠳ᠋ᠤᠷ ᠬᠤᠪᠴᠠᠰᠤ ᠬᠤᠨᠠᠷ ᠳᠠᠪᠬᠤᠷ ᠳᠠᠪᠬᠤᠷ
ᠶᠠᠷᠠ ᠭᠠᠷᠤᠭᠰᠠᠨ ᠣᠷᠣᠢ ᠳᠡᠭᠡᠷᠡ ᠰᠥᠪᠡᠲᠡᠢ ᠮᠡᠲᠦ
ᠶᠠᠨᠵᠢᠷᠭᠠ ᠲᠡᠢ ᠳᠠᠭᠤᠨ ᠳ᠋ᠤᠷ ᠲᠩᠷᠢ ᠭᠠᠵᠠᠷ ᠲᠤᠷᠭᠢᠯᠤᠨ ᠪᠥᠭᠡᠲᠡᠯᠡ
ᠶᠠᠭᠤᠨ ᠪ ᠤᠴᠢᠷ ᠪᠡᠶᠡ ᠪᠡᠨ ᠬᠠᠮᠠᠭᠠᠯᠠᠵᠤ ᠦᠯᠦ ᠴᠢᠲᠠᠮᠤᠢ
( ᠫᠤᠤᠵᠢᠩ )
ᠠᠮᠠᠨ ᠳ᠋ᠠᠭᠠᠨ ᠢᠷᠲᠦ ᠮᠡᠰᠡ ᠶ᠋ᠢ ᠵᠠᠭᠤᠵᠤ
ᠠᠷᠤ ᠳ᠋ᠠᠭᠠᠨ ᠵᠢᠭᠦᠷ ᠥᠲᠥ ᠲᠡᠭᠦᠰᠦᠭᠡᠳ
ᠳᠡᠭᠳᠡᠢᠭᠰᠡᠨ ᠬᠡᠪᠡᠯᠢ ᠪᠡᠨ ᠴᠢᠨᠡᠭᠡ ᠮᠡᠲᠡᠨ ᠴᠠᠤᠠᠬᠤᠭᠠᠨ
ᠳᠡᠭᠰᠢᠭᠰᠡᠨ ᠭᠡᠵᠢᠭᠡ ᠪᠡᠷ ᠨᠢᠭᠡᠨᠲᠡ ᠬᠤᠶᠠᠭᠲᠠᠵᠤ ᠭᠠᠷᠭᠠᠪᠠᠢ
( ᠨᠤᠮᠤ ᠰᠤᠮᠤ )
ᠠᠯᠲᠠᠢ ᠬᠠᠩᠭᠠᠢ ᠶ᠋ᠢᠨ ᠠᠷᠤ ᠳ᠋ᠤ᠌
ᠠᠯᠢᠮᠠ ᠴᠢᠪᠠᠬ᠋ᠠ ᠲᠦᠷᠦᠪᠡᠢ
ᠠᠬᠠ ᠳᠡᠭᠦᠦ ᠠᠷᠪᠠᠭᠤᠯᠠ
ᠠᠪᠴᠤ ᠡᠰᠡ ᠴᠢᠲᠠᠭᠰᠠᠨ ᠊ᠢ
ᠠᠯᠠᠩᠲᠠᠢ ᠴᠠᠯᠠᠩᠲᠠᠢ ᠬᠣᠶᠠᠭᠤᠯᠠ
ᠠᠮᠠᠨ ᠳ᠋ᠠᠭᠠᠨ ᠡᠮᠬᠦᠪᠡᠢ
( ᠭᠠᠯ ᠬᠤᠷᠤᠭᠤ ᠬᠠᠪᠴᠢᠭᠤᠷ )
ᠬᠠᠷᠠ ᠲᠣᠷᠭᠠᠨ ᠮᠠᠯᠠᠭᠠ ᠲᠠᠢ
ᠬᠠᠪᠲᠠᠭᠠᠢ ᠪᠥᠭᠲᠥᠷ ᠪᠡᠶᠡ ᠲᠡᠢ
ᠱᠣᠷ ᠱᠣᠷ ᠶᠠᠪᠤᠳᠠᠯ ᠲᠠᠢ
ᠱᠣᠯᠳᠤᠩ ᠬᠦᠬᠡ ᠮᠣᠷᠢ ᠲᠠᠢ
( ᠬᠤᠷᠤᠭᠤᠪᠴᠢ ᠵᠤᠯᠤᠭ ᠤᠲᠠᠰᠤ ᠵᠡᠭᠦᠦ )
ᠰᠠᠭᠰᠠᠶ᠋ᠢᠬᠰᠠᠨ ᠦᠰᠦ ᠪᠡᠨ ᠰᠠᠯᠬᠢᠨ ᠤᠷᠤᠭᠤ ᠲᠠᠯᠪᠢᠮᠤᠢ
ᠰᠠᠷᠢᠰᠤᠯᠠᠭᠰᠠᠨ ᠳᠡᠪᠡᠯ ᠢᠶ᠋ᠡᠨ ᠨᠠᠷᠠᠨ ᠤ ᠵᠦᠭ ᠨᠥᠮᠥᠷᠥᠮᠦᠢ
ᠰᠠᠪᠠᠭᠠ ᠦᠭᠡᠢ ᠰᠢᠳᠦ ᠪᠡᠨ ᠬᠦᠮᠦᠨ ᠦ ᠵᠦᠭ ᠠᠷᠵᠠᠶ᠋ᠢᠭᠠᠳ
ᠰᠠᠯᠠᠭᠠ ᠦᠭᠡᠢ ᠶᠠᠰᠤ ᠪᠠᠨ ᠭᠠᠵᠠᠷ ᠤᠨ ᠳᠤᠮᠳᠠ ᠲᠠᠶᠠᠭᠳᠠᠮᠤᠢ
( ᠡᠷᠳᠡᠨᠢ ᠰᠢᠰᠢ )
ᠪᠠᠭᠯᠠᠷᠠᠨ ᠤᠷᠭᠤᠭᠰᠠᠨ ᠤᠯᠠᠭᠠᠨ ᠴᠡᠴᠡᠭ ᠢ
ᠣᠷᠣᠢ ᠳ᠋ᠠᠭᠠᠨ ᠬᠠᠳᠬᠤᠭᠠᠳ
ᠪᠠᠶ᠋ᠢᠯᠳᠤᠭᠠᠨ ᠤ ᠬᠤᠪᠴᠠᠰᠤ ᠶ᠋ᠢ ᠣᠭ ᠠ᠋ᠴᠠ ᠪᠡᠶᠡ ᠳ᠋ᠡᠭᠡᠨ ᠡᠮᠦᠰᠴᠦᠬᠦᠢ
ᠪᠠᠭᠠᠲᠤᠷ ᠢᠳᠡᠷᠬᠡᠭ ᠶᠡᠬᠡ ᠡᠷᠡ ᠳ᠋ᠦᠷ ᠠᠳᠠᠯᠢᠳᠬᠠᠨ ᠡᠰᠡ ᠴᠢᠳᠠᠪᠠᠰᠤ
ᠪᠠᠷᠬᠢᠷᠠᠨ ᠵᠠᠩᠳᠤᠪᠠᠰᠤ ᠮᠢᠩᠭᠠᠨ ᠡᠭᠦᠳᠡ ᠂
ᠲᠦᠮᠡᠨ ᠬᠠᠭᠠᠯᠭᠠ ᠶ᠋ᠢ ᠨᠡᠭᠡᠭᠡᠯᠭᠡᠮᠦᠢ
( ᠲᠠᠬᠢᠶᠠ ) ᠍ ᠋
ᠬᠬᠢᠷ ᠦᠭᠡᠢ ᠠᠷᠢᠭᠤᠨ ᠲᠣᠯᠢ ᠪᠠᠨ ᠬᠥᠮᠥᠷᠢᠭᠡᠳ
ᠬᠬᠢᠪ ᠲᠣᠷᠭᠠ ᠪᠠᠨ ᠳᠠᠪᠬᠤᠷ ᠳᠠᠪᠬᠤᠷ ᠳᠡᠪᠢᠰᠪᠡᠢ
ᠬᠢᠯᠤᠪ ᠬᠢᠯᠣᠪ ᠬᠡᠲᠡ ᠴᠠᠬᠢᠭᠤᠷ ᠢ ᠴᠣᠬᠢᠨ
ᠬᠢᠩᠭᠠᠷ ᠬᠠᠩᠭᠠᠷ ᠬᠠᠳᠬᠤᠭᠤᠷ ᠪᠠᠭᠤᠪᠴᠢ ᠪᠠᠨ ᠲᠠᠶᠠᠭᠳᠠᠪᠠᠢ
ᠣᠭ᠌ᠶᠦ ᠱ᠌ᠢᠷᠦ ᠶ᠋ᠢᠨ ᠣᠭᠣᠰᠣᠷ ᠢᠶ᠋ᠠᠨ ᠲᠠᠲᠠᠭᠠᠳ
ᠤᠶ᠋ᠢᠯᠠᠨ ᠬᠠᠶ᠋ᠢᠯᠠᠨ ᠨᠢᠯᠪᠤᠰᠤ ᠪᠠᠨ ᠠᠰᠬᠠᠷᠠᠭᠤᠯᠪᠠᠢ
( ᠣᠭᠲᠠᠷᠭᠤᠢ ᠡᠭᠦᠯᠡ ᠴᠠᠬᠢᠯᠭᠠᠨ ᠠᠶᠤᠩᠭᠠ ᠰᠣᠯᠣᠩᠭᠠ ᠪᠣᠷᠣᠭᠠᠨ )
ᠲᠣᠯᠣᠭᠠᠢ ᠪᠡᠶᠡ ᠦᠷᠭᠦᠯᠵᠢ ᠲᠣᠩᠭᠣᠷᠴᠢᠯᠠᠨ ᠶᠠᠪᠤᠬᠤ ᠵᠠᠩᠲᠠᠢ
ᠳᠣᠲᠣᠷᠠ ᠭᠣᠣᠯ ᠨᠢᠯᠪᠠᠷᠬᠠᠢ ᠂ ᠲᠣᠭᠠᠯᠠᠰᠢ ᠦᠭᠡᠢ ᠬᠠᠷᠠᠲᠠᠢ
ᠲᠣᠷᠭᠠᠨ ᠰᠢᠷᠬᠡᠭ ᠵᠠᠯᠭᠠᠯᠳᠤᠨ ᠲᠣᠪᠬᠢᠵᠤ ᠣᠶᠣᠭᠰᠠᠨ ᠮᠡᠲᠦ
ᠲᠣᠳᠣᠷᠬᠠᠢ ᠵᠤᠨ ᠪᠣᠢ ᠂ ᠲᠤᠩᠭᠠᠯᠠᠭ ᠡᠪᠦᠯ ᠦᠭᠡᠢ
( ᠲᠠᠷᠪᠤᠰ )
ᠬᠥᠯ ᠦᠭᠡᠢ ᠬᠡᠪᠲᠡᠭᠡ ᠶᠠᠪᠤᠭᠴᠢ ᠶ᠋ᠢᠨ ᠳᠡᠷᠭᠡᠳᠡ
ᠬᠥᠯᠥᠰᠥ ᠦᠭᠡᠢ ᠣᠷᠢᠶᠠᠩᠭᠤ ᠨᠣᠶᠠᠨ ᠰᠠᠭᠤᠵᠤ
ᠰᠡᠭᠦᠵᠢ ᠦᠭᠡᠢ ᠲᠦᠰᠢᠮᠡᠯ ᠢᠶ᠋ᠡᠨ ᠵᠠᠷᠤᠭᠠᠳ
ᠰᠡᠭᠦᠯ ᠦᠭᠡᠢ ᠪᠠᠭᠠᠲᠤᠷ ᠢ ᠪᠡᠷᠢ ᠬᠡᠮᠡᠮᠦᠢ
( ᠤᠰᠤ ᠮᠣᠭᠠᠢ ᠵᠢᠭᠠᠰᠤ ᠮᠡᠯᠡᠬᠡᠢ )
ᠪᠦᠬᠦᠯᠢ ᠰᠠᠶ᠋ᠢᠬᠠᠨ ᠦ ᠦᠭᠡᠢ ᠬᠠᠰ
ᠪᠦᠷᠬᠦᠭ ᠭᠡᠭᠡᠬᠡᠨ ᠢᠯᠭᠠᠷᠠᠭᠠᠳᠤᠢ ᠴᠠᠭ
ᠪᠦᠲᠦᠭᠡᠵᠦ ᠬᠠᠳᠠᠭᠠᠯᠠᠬᠤ ᠬᠣᠶᠠᠷ ᠠᠷᠪᠠᠨ ᠬᠣᠨᠣᠭ
ᠪᠦᠲᠦᠵᠦ ᠭᠠᠷᠪᠠᠰᠤ ᠲᠠᠪᠤᠨ ᠡᠷᠳᠡᠮ ᠲᠡᠭᠦᠰ
( ᠥᠨᠳᠡᠭᠡ )
ᠭᠡᠭᠡᠨ ᠪᠡᠯᠮᠡ ᠭᠡᠷ ᠦᠨ ᠳᠤᠮᠳᠠ ᠰᠠᠭᠤᠭᠠᠳ
ᠭᠡᠪᠭᠦᠢ ᠭᠣᠨᠢᠷ ᠯᠠᠪᠷᠢ ᠬᠥᠰᠢᠭᠡ ᠲᠠᠲᠠᠵᠤ
ᠬᠢᠶᠦᠭ ᠱᠠᠪᠢ ᠡᠭᠦᠳᠡ ᠶ᠋ᠢ ᠪᠥᠭᠯᠡᠨ ᠰᠠᠬᠢᠪᠠᠴᠤ
ᠭᠡᠨᠡᠨ ᠠᠷᠠᠳ ᠬᠦᠷᠴᠦ ᠢᠷᠡᠭᠡᠳ ᠮᠥᠷᠭᠥᠮᠦᠢ
( ᠳ᠋ᠧᠩᠯᠦ )
ᠡᠮᠦᠨᠡᠰᠢ ᠬᠠᠨᠳᠤᠨ ᠵᠣᠭᠰᠣᠭᠠᠳ
ᠡᠰᠡᠷᠭᠦ ᠬᠠᠨᠳᠤᠭᠤᠯᠤᠨ ᠪᠠᠷᠢᠮᠤᠢ
ᠢᠨᠢᠶᠡᠪᠡᠰᠦ ᠬᠠᠷᠢᠨ ᠡᠯᠡᠭᠯᠡᠭᠡᠳ
ᠡᠪᠰᠢᠶᠡᠪᠡᠰᠦ ᠪᠠᠰᠠ ᠢᠷᠠᠶ᠋ᠢᠮᠤᠢ
( ᠲᠣᠯᠢ )
ᠰᠠᠯᠠᠭᠠ ᠦᠭᠡᠢ ᠰᠢᠭᠤᠢ ᠶ᠋ᠢ ᠳᠠᠷᠠᠭᠠ ᠳᠠᠷᠠᠭᠠ ᠪᠠᠷ ᠱᠤᠯᠤᠵᠤ
ᠰᠠᠯᠤᠰᠢ ᠦᠭᠡᠢ ᠴᠢᠳᠬᠦᠷ ᠢ ᠨᠢᠭᠡ ᠨᠢᠭᠡ ᠪᠡᠷ ᠠᠷᠢᠯᠭᠠᠮᠤᠢ
ᠰᠠᠷᠨᠢᠬᠤ ᠰᠢᠬᠠᠭᠰᠠᠨ ᠡᠭᠦᠯᠡ ᠶ᠋ᠢ ᠬᠥᠨᠳᠡᠯᠡᠨ ᠡᠴᠡ ᠦᠯᠦᠭᠡᠳ
ᠰᠠᠵᠢᠬᠤ ᠰᠢᠬᠠᠭᠰᠠᠨ ᠬᠡᠮᠬᠡ ᠶ᠋ᠢ ᠳᠤᠮᠳᠠ ᠠ᠋ᠴᠠ ᠪᠣᠭᠣᠮᠢ
( ᠰᠠᠮ ᠱᠦᠭᠦᠷ ᠬᠠᠳᠬᠤᠭᠤᠷ ᠲᠤᠤᠷ )
ᠪᠤᠯᠪᠠᠷᠠᠢ ᠵᠥᠭᠡᠯᠡᠨ ᠬᠠᠰ ᠲᠣᠯᠢ ᠳ᠋ᠤᠷ
ᠪᠤᠭᠤᠲᠠᠢ ᠶ᠋ᠢᠨ ᠭᠤᠯᠢᠷ ᠰᠠᠴᠤᠮᠤᠢ
ᠪᠣᠮᠪᠣᠭᠣᠷ ᠨᠡᠮᠡᠭᠦᠨ ᠬᠣᠣᠰ ᠬᠤᠮᠪᠢᠭᠤᠷ ᠲᠤᠷ
ᠪᠤᠷᠠᠮ ᠳᠤᠰᠤ ᠲᠦᠷᠬᠢᠮᠦᠢ
ᠪᠤᠲᠠᠷᠠᠵᠤ ᠤᠷᠭᠤᠭᠰᠠᠨ ᠬᠠᠷᠠ ᠡᠭᠦᠯᠠᠨᠡ
ᠪᠤᠯᠠᠭ ᠦ᠋ᠨ ᠤᠰᠤ ᠰᠢᠮᠡᠲᠦᠭᠡᠳ
ᠪᠣᠷᠣᠭᠠᠨ ᠪ ᠬᠣᠶ᠋ᠢᠨᠠᠬᠢ ᠬᠥᠬᠡ ᠠᠭᠤᠯᠠ ᠶ᠋ᠢᠨ
ᠪᠣᠷᠭᠢᠶᠠᠨ ᠲᠣᠭᠣᠰᠣᠨ ᠳᠠᠷᠤᠭᠳᠠᠮᠤᠢ
( ᠣ ᠡᠩᠭᠡᠰᠬᠡ ᠭᠡᠵᠢᠭᠡᠨ ᠳᠤᠰᠤ ᠬᠥᠮᠥᠰᠬᠡ ᠶ᠋ᠢᠨ ᠬᠥ )
ᠪᠦᠵᠢᠭᠴᠢ ᠬᠤᠯᠠᠭᠠᠢ ᠰᠠᠩ ᠊ᠢ ᠵᠥᠭᠡᠭᠡᠬᠦ ᠶ᠋ᠢᠨ ᠤᠴᠢᠷ
ᠪᠥᠭᠬᠦᠭᠴᠢ ᠳᠠᠷᠤᠬ᠋ᠠ ᠰᠥᠨᠢ ᠰᠠᠬᠢᠵᠤ ᠰᠠᠭᠤᠷᠤᠨ
ᠪᠥᠭᠰᠢᠨ ᠶᠠᠪᠤᠭᠴᠢ ᠬᠢᠶᠡ ᠯᠤᠬ᠋ᠠ ᠵᠣᠬᠢᠯᠲᠤᠭᠠᠳ
ᠪᠦᠭᠦᠲᠡ ᠶ᠋ᠢ ᠰᠡᠷᠢᠭᠡᠭᠴᠢ ᠪᠥᠬᠡ ᠶ᠋ᠢ ᠳᠠᠭᠤᠨ ᠭᠠᠷᠭᠠᠮᠤᠢ
( ᠬᠤᠯᠤᠭᠠᠨᠠ ᠮᠤᠤᠷ ᠨᠣᠬᠠᠢ ᠲᠠᠬᠢᠶᠠ )
ᠪᠠᠭᠠᠲᠤᠷ ᠪᠤᠰᠤ ᠢᠲᠡ ᠲᠡᠢ
ᠪᠠᠶᠠᠨ ᠪᠤᠰᠤ ᠡᠳ᠋ ᠲᠡᠢ
ᠪᠠᠷᠰ ᠪᠤᠰᠤ ᠡᠷᠢᠶᠡᠨ
ᠪᠠᠭᠰᠢ ᠪᠤᠰᠤ ᠨᠣᠮ ᠲᠠᠢ
( ᠵᠥᠭᠡᠢ )
ᠬᠦᠴᠦᠨ ᠪᠠᠭᠤᠷᠠᠵᠤ ᠨᠢᠷᠤᠭᠤ ᠪᠦᠭᠲᠦᠢᠭᠡᠳ ᠴᠡᠷ ᠨᠢᠰᠦ ᠲᠡᠢ
ᠬᠥᠲᠡᠯᠦᠨ ᠶᠠᠲᠠᠵᠤ ᠪᠦᠭᠰᠢᠨ ᠬᠡᠪᠲᠡᠭᠡᠳ ᠳᠠᠭᠤᠨ ᠤᠶᠠᠩᠬ᠋ᠠ ᠲᠠᠢ
ᠬᠦᠵᠦᠭᠦᠦ ᠪᠡᠨ ᠬᠦᠯᠲᠦᠶ᠋ᠢᠨ ᠨᠢᠲᠦ ᠪᠡᠨ ᠠᠨᠢᠵᠤ ᠠᠮᠢᠰᠬᠤᠬᠤ ᠦᠭᠡᠢ
ᠬᠥᠭᠰᠢᠨ ᠪᠠᠶᠠᠷᠯᠠᠨ ᠂ ᠡᠮᠡᠭᠡᠨ ᠠᠶᠤᠵᠤ ᠂ ᠨᠢᠯᠬᠠ ᠣᠬᠢᠯᠠᠮᠤᠢ
( ᠥᠲᠡᠯᠬᠦ ᠡᠪᠡᠤᠠᠬᠦ ᠦᠬᠦᠬᠦ ᠲᠥᠷᠥᠬᠦ )
ᠮᠣᠲᠣᠴᠢ ᠠᠪᠤᠭᠠᠢ ᠲᠡᠮᠦᠷ ᠬᠤᠶᠠᠭ ᠡᠮᠦᠰᠦᠭᠡᠳ
ᠮᠣᠷᠣᠶ᠋ᠢᠬᠠᠢ ᠪᠡᠶᠡ ᠰᠢᠲᠤᠷᠭᠤ ᠴᠢᠭᠴᠢ ᠶᠠᠪᠤᠲᠠᠯ ᠲᠠᠢ
ᠮᠣᠭᠠᠢ ᠵᠢᠯᠲᠡᠨ ᠭᠠᠯ ᠬᠦᠷᠭᠡᠵᠦ ᠢᠷᠠᠪᠠᠰᠤ
ᠮᠣᠷᠲᠠᠵᠤ ᠭᠠᠷᠤᠭᠠᠳ ᠵᠢᠭᠠᠭᠰᠠᠨ ᠪᠦᠬᠦᠨ ᠊ᠢ ᠣᠨᠣᠮᠤᠢ
( ᠫᠤᠤ )
ᠲᠣᠶ᠋ᠢᠩᠺᠠᠷ ① ᠦ᠋ᠨ ᠣᠨᠢᠰᠣᠬ᠋ᠠ
ᠬᠠᠶ᠋ᠢᠯᠤᠮᠠᠯ ᠴᠢᠯᠠᠭᠤ ᠤᠷᠠᠯᠠᠭᠰᠠᠨ ᠯᠠᠪᠠᠢ ᠦᠵᠡᠮᠵᠢᠲᠡᠢ
ᠬᠠᠮᠠᠭᠠᠯᠠᠨ ᠣᠷᠣᠰᠢᠭᠤᠯᠬᠤ ᠳ᠋ᠤ᠌ ᠬᠥᠨᠲᠡᠢ ᠵᠥᠭᠡᠯᠡᠨ ᠡᠪᠲᠡᠢ
ᠬᠠᠶ᠋ᠢᠷᠠᠯᠠᠬᠤ ᠶ᠋ᠢ ᠰᠠᠨᠠᠪᠠᠰᠤ ᠨᠢᠯᠬᠠᠰ ᠠ᠋ᠴᠠ ᠨᠢᠭᠤᠬᠤ ᠬᠡᠷᠡᠭᠲᠡᠢ
ᠬᠠᠩᠭᠢᠨᠠᠬᠤ ᠳᠠᠭᠤᠨ ᠭᠠᠷᠪᠠᠰᠤ ᠰᠦᠢᠤᠠᠬᠦ ᠶ᠋ᠢ ᠰᠡᠷᠡᠮᠵᠢᠯᠡ
( ᠱᠠᠵᠠᠩ )
ᠡᠯᠡᠰᠦ ᠴᠢᠯᠠᠭᠤ ᠳᠠᠪᠬᠤᠷ ᠪᠣᠯᠪᠠᠴᠤ ᠠᠭᠤᠯᠠ ᠲᠠᠢ
ᠡᠷᠭᠢᠬᠦ ᠵᠠᠮ ᠨᠢ ᠬᠣᠯᠠ ᠪᠣᠯᠪᠠᠴᠤ ᠬᠣᠯᠠ ᠪᠢᠰᠢ
ᠡᠭᠡᠨᠡᠭᠲᠡ ᠠᠶᠤᠩᠬ᠋ᠠ ᠳᠤᠤᠭᠠᠷᠪᠠᠴᠤ ᠪᠣᠷᠣᠭᠠᠨ ᠠ᠋ᠴᠠ ᠥᠭᠡᠷᠡ
ᠡᠯᠪᠡᠭ ᠴᠠᠰᠤᠨ ᠣᠷᠣᠪᠠᠴᠤ ᠬᠦᠢᠲᠡᠨ ᠡᠴᠡ ᠣᠨᠲᠣᠣ
( ᠲᠡᠭᠡᠷᠮᠡ )
ᠶᠠᠰᠤ ᠦᠭᠡᠢ ᠪᠡᠶᠡ ᠳ᠋ᠡᠭᠡᠨ ᠬᠤᠪᠴᠠᠰᠤ ᠬᠤᠨᠠᠷ ᠳᠠᠪᠬᠤᠷ ᠳᠠᠪᠬᠤᠷ ᠡᠮᠦᠰᠴᠦ
ᠶᠠᠷᠠ ᠦᠭᠡᠢ ᠪᠥᠭᠡᠲᠡᠯᠡ ᠣᠷᠣᠢ ᠳᠡᠭᠡᠷᠡ ᠪᠡᠨ ᠰᠦᠪᠡ ᠲᠡᠢ
ᠶᠠᠷᠰᠢᠬᠲᠠᠢ ᠬᠡᠴᠡᠭᠦᠦ ᠳᠠᠭᠤᠨ ᠶ᠋ᠢᠠᠷ ᠲᠩᠷᠢ ᠭᠠᠵᠠᠷ ᠰᠣᠴᠢᠭᠠᠪᠠᠴᠤ
ᠶᠠᠮᠠᠷ ᠤᠴᠢᠷ ᠪᠡᠶᠡ ᠪᠡᠨ ᠬᠠᠮᠠᠭᠠᠯᠠᠬᠤ ᠶ᠋ᠢᠨ ᠪᠣᠲᠣᠯᠬ᠋ᠠ ᠡᠰᠡ ᠲᠥᠷᠥᠭᠳᠡᠪᠡᠢ
( ᠫᠤᠤᠵᠢᠩ )
ᠲᠦᠮᠡᠨ ᠣᠯᠠᠨ ᠊ᠢ ᠳᠠᠭᠠᠭᠤᠯᠤᠭᠴᠢ ᠨᠠᠢ᠍ᠮᠠᠨ ᠦᠶᠡ ᠲᠡᠢ
ᠬᠣᠶᠠᠷ ᠵᠣᠴᠢᠨ ᠲᠡᠷᠢᠭᠦᠯᠡᠨ
ᠲᠥᠪ ᠳᠤᠮᠳᠠ ᠪᠠᠨ ᠤᠷᠭᠤᠭᠰᠠᠨ ᠭᠤᠴᠢᠨ ᠬᠣᠶᠠᠷ ᠨᠠᠪᠴᠢ
ᠠᠩᠬᠢ ᠳ᠋ᠠᠭᠠᠨ ᠵᠢᠬᠰᠠᠭᠠᠳ
ᠲᠥᠭᠥᠷᠢᠭᠯᠡᠨ ᠬᠢᠭᠰᠡᠨ ᠠᠷᠪᠠᠨ ᠬᠣᠶᠠᠷ ᠲᠠᠪᠠᠭ
ᠠᠰ ᠠᠰ ᠲᠠᠭᠠᠨ ᠨᠡᠢᠯᠡᠭᠰᠡᠨ
ᠲᠥᠪᠡᠭᠳᠡᠯ ᠦᠭᠡᠢ ᠡᠭᠦᠷᠦᠭᠴᠢ ᠨᠢᠭᠡ ᠶᠡᠬᠡ ᠬᠦᠴᠦᠲᠡᠨ ᠪ
ᠪᠠᠭᠠᠲᠤᠷ ᠠᠨᠤ ᠭᠠᠶ᠋ᠢᠬᠠᠮᠰᠢᠬ
( ᠮᠣᠲᠣᠨ ᠲᠡᠷᠭᠡ )
ᠨᠢᠭᠡᠨ ᠣᠶᠣᠲᠠᠯᠲᠤ ᠬᠥᠬᠡ ᠲᠣᠷᠭᠠᠨ ᠰᠢᠭᠦᠷ
ᠨᠡᠶ᠋ᠢᠭᠡᠮ ᠰᠠᠴᠤᠷᠠᠭᠰᠠᠨ ᠭᠡᠭᠡᠨ ᠪᠣᠯᠣᠷ ᠰᠤᠪᠤᠳ
ᠨᠢᠰᠤᠨ ᠣᠷᠴᠢᠬᠤ ᠬᠠᠰ ᠡᠷᠲᠡᠨᠢ ᠶ᠋ᠢᠨ ᠲᠣᠯᠢ
ᠨᠡᠯᠢᠶᠡᠳ ᠤᠲᠠᠭᠠᠨ ᠬᠠᠷᠠᠪᠠᠰᠤ ᠡᠷᠬᠡ ᠦᠭᠡᠢ ᠠᠯᠵᠢᠶᠠᠮᠤᠢ
( ᠰᠥᠨᠢ)
ᠤᠭ ᠠ᠋ᠴᠠ ᠲᠥᠷᠥᠭᠰᠡᠨ ᠪᠡᠶᠡ ᠨᠢ ᠰᠢᠲᠤᠷᠭᠤ ᠪᠥᠭᠡᠳ ᠰᠢᠯᠤᠭᠤᠨ
ᠤᠶᠠᠨ ᠡᠷᠬᠡᠲᠡᠨ ᠵᠥᠭᠡᠯᠡᠨ ᠪᠥᠭᠡᠲᠡᠯᠡ ᠭᠣᠣᠯ ᠵᠢᠷᠦᠬᠡ ᠬᠠᠲᠠᠭᠤ
ᠤᠴᠢᠷ ᠦᠭᠡᠢ ᠪᠤᠰᠤᠳ ᠦ᠋ᠨ ᠲᠥᠯᠥᠭᠡ ᠬᠠᠯᠠᠭᠤᠨ ᠡᠪᠡᠤᠠᠴᠢᠨ ᠣᠯᠤᠭᠠᠳ
ᠤᠬᠢᠯᠠᠨ ᠬᠠᠶ᠋ᠢᠯᠠᠨ ᠪᠠᠶ᠋ᠢᠬᠰᠠᠭᠠᠷ ᠨᠢᠭᠡᠨ ᠨᠠᠰᠤ ᠶ᠋ᠢ ᠪᠠᠷᠠᠮᠤᠢ
( ᠯᠠ)
ᠲᠦᠭᠡᠮᠡᠯ ᠶᠡᠬᠡ ᠡᠷᠲᠡᠮ ᠊ᠢ ᠳᠡᠯᠭᠡᠷᠡᠭᠦᠯᠦᠭᠴᠢ ᠮᠡᠷᠭᠡᠨ ᠪᠠᠭᠰᠢ
ᠲᠥᠷᠥ ᠭᠦᠷᠦᠨ ᠊ᠢ ᠬᠠᠮᠠᠭᠠᠯᠠᠭᠴᠢ ᠳᠦᠷᠪᠡᠨ ᠪᠠᠷᠰ ᠦ᠋ᠨ ᠵᠠᠩᠵᠤᠨ
ᠲᠥᠭᠥᠷᠢᠭ᠌ᠯᠡᠨ ᠬᠦᠷᠢᠶᠡᠯᠡᠵᠦ ᠰᠠᠭᠤᠭᠰᠠᠨ ᠱᠠᠰᠢᠨ ᠪ ᠣᠯᠠᠨ ᠬᠤᠸᠠᠷᠠᠭ
ᠲᠥᠯᠥᠪᠯᠡᠵᠦ ᠰᠢᠨᠵᠢᠭᠡᠳ ᠦᠵᠡᠬᠦᠯᠡ ᠭᠣᠣᠯ ᠰᠤᠲᠠᠰᠤ ᠨᠢ ᠨᠢᠭᠡ
( ᠡᠷᠢᠭᠡ)
ᠬᠥᠭᠡᠷᠦᠬᠦᠢ ᠮᠠᠨ ᠪ ᠮᠣᠩᠭᠣᠯ ᠳ᠋ᠤ᠌ ᠬᠥᠭᠵᠢᠮ ᠪᠣᠯᠤᠨ ᠲᠥᠷᠥᠵᠦ
ᠬᠥᠷᠪᠡᠬᠦ ᠬᠡᠲᠦᠨ ᠲᠠᠯᠠ ᠨᠢ ᠳᠦᠷᠪᠡᠨ ᠬᠣᠰᠢᠭᠤ ᠮᠠᠯ ᠮᠡᠲᠦ
ᠬᠦᠮᠦᠨ ᠠᠮᠢᠲᠠᠨ ᠬᠥᠭᠵᠢᠨ ᠨᠠᠭᠠᠲᠤᠭᠠᠳ ᠨᠡᠷᠡ ᠠᠯᠲᠠᠷ ᠊ᠢ ᠨᠢ ᠠᠰᠠᠭᠤᠪᠠᠰᠤ
ᠬᠦᠨᠲᠦᠲᠦ ᠭᠤᠲᠠᠭᠠᠷ ᠵᠡᠷᠭᠡ ᠶ᠋ᠢᠨ ᠬᠢᠶᠡ ᠬᠡᠮᠡᠨ ᠬᠡᠯᠡᠮᠦᠢ
( ᠱᠠᠬ᠋ᠠ)
ᠳᠣᠲᠣᠭᠠᠳᠤ ᠭᠠᠵᠠᠷ ᠲᠥᠷᠥᠭᠰᠡᠨ ᠤᠷᠠᠨ ᠮᠡᠷᠭᠡᠨ ᠲᠣᠲᠢ
ᠲᠣᠭᠲᠠᠮᠠᠯ ᠬᠠᠷᠠ ᠨᠠᠭᠤᠷ ᠲᠤ ᠬᠣᠰᠢᠭᠤ ᠪᠠᠨ ᠲᠦᠷᠦᠨ
ᠳᠣᠪᠲᠣᠯᠤᠨ ᠣᠤᠠᠬᠤ ᠮᠥᠷ ᠊ᠢ ᠨᠢ ᠦᠵᠡᠬᠦᠯᠡ
ᠳᠣᠲᠣᠷᠠ ᠰᠠᠨᠠᠭᠠᠨ ᠯᠤᠬ᠋ᠠ ᠨᠢᠭᠡᠨ ᠠᠲᠠᠯᠢ
( ᠦᠰᠦᠨ ᠪᠢᠷ)
ᠭᠠᠩ ᠨᠠᠷᠢᠨ ᠪᠡᠶᠡ ᠲᠡᠢ ᠠᠲᠠᠯᠠ
ᠭᠠᠲᠠᠭᠠᠲᠤ ᠳᠣᠲᠣᠭᠠᠳᠤ ᠳ᠋ᠤᠷ ᠬᠡᠷᠡᠭᠰᠡᠯ ᠶᠡᠬᠡ
ᠭᠠᠷᠴᠤ ᠶᠠᠪᠤᠭᠰᠠᠨ ᠵᠠᠮ ᠊ᠢ ᠨᠢ ᠠᠰᠠᠭᠤᠪᠠᠰᠤ
ᠭᠠᠶ᠋ᠢᠬᠠᠮᠰᠢᠬᠲᠠᠢ ᠮᠥᠷ ᠦ᠋ᠨ ᠬᠠᠲᠠᠭᠠᠰᠤ
( ᠵᠡᠭᠦᠦ)
ᠵᠢᠤᠠᠬᠦᠭᠦᠦ ᠭᠤᠷᠪᠠᠨ ᠰᠢᠯᠢ
ᠴᠡᠴᠡᠬ᠋ᠲᠦ ᠭᠤᠷᠪᠠᠨ ᠲᠠᠯᠠ
ᠵᠢᠮᠢᠰᠲᠦ ᠭᠤᠷᠪᠠᠨ ᠠᠭᠤᠯᠠ
ᠵᠢᠯᠢᠢᠭᠡᠷ ᠭᠤᠷᠪᠠᠨ ᠳᠠᠪᠠᠬ᠋ᠠ
( ᠳᠦᠷᠪᠡᠨ ᠤᠯᠠᠷᠢᠯ)
ᠲᠥᠷᠥ ᠶ᠋ᠢᠨ ᠳᠦᠷᠪᠡᠨ ᠲᠦᠰᠢᠮᠡᠯ
ᠲᠥᠭᠥᠷᠢᠭ ᠭᠤᠷᠪᠠᠨ ᠵᠠᠰᠠᠭ
ᠠᠷᠪᠠᠨ ᠬᠣᠶᠠᠷ ᠪᠣᠱᠣᠭᠣ
ᠠᠯᠪᠠᠨ ᠪ ᠬᠣᠶᠠᠷ ᠲᠠᠬᠠᠷᠠ
( ᠲᠤᠯᠬ᠋ᠠ ᠪᠠ ᠬᠠᠶ᠋ᠢᠴᠢ)
ᠰᠢᠷ ᠪᠣᠲᠣᠭ ᠦᠭᠡᠢ ᠪᠠᠶ᠋ᠢᠲᠠᠯᠠ ᠥᠩᠭᠡ ᠨᠢ ᠤᠯᠠᠭᠠᠨ
ᠰᠢᠯᠢᠳᠡᠭ ᠤᠨᠤᠬ᠋ᠠ ᠦᠭᠡᠢ ᠪᠥᠭᠡᠲᠡᠯᠡ ᠶᠠᠪᠤᠬᠤ ᠨᠢ ᠲᠦᠷᠭᠡᠨ
ᠰᠢᠩᠭᠡᠭᠡᠵᠦ ᠲᠣᠭᠲᠠᠭᠠᠬᠤ ᠭᠡᠲᠡᠰᠦ ᠦᠭᠡᠢ ᠭᠡᠲᠡᠯᠡ ᠢᠲᠡᠬᠦ ᠨᠢ ᠶᠡᠬᠡ
ᠰᠢᠮᠡᠵᠦ ᠰᠣᠷᠣᠬᠤ ᠬᠣᠭᠣᠯᠠᠢ ᠦᠭᠡᠢ ᠬᠡᠮᠡᠲᠡᠯᠡ ᠠᠩᠭᠠᠬᠤ ᠨᠢ ᠪᠡᠷᠬᠡ
( ᠲᠦᠢᠮᠡᠷ)
ᠠᠷᠰᠯᠠᠨ ᠬᠦᠷᠲᠦ ᠶ᠋ᠢ ᠡᠷᠭᠢᠭᠦᠯᠦᠭᠴᠢ ᠬᠦᠵᠦᠭᠦᠨ ᠭᠠᠪᠢᠶᠠᠲᠤ ᠲᠦᠰᠢᠮᠡᠯ
ᠠᠯᠤᠰ ᠭᠠᠵᠠᠷ ᠊ᠢ ᠲᠣᠪᠴᠢᠯᠠᠭᠴᠢ ᠡᠪᠡᠷ ᠵᠢᠭᠦᠷ ᠲᠡᠢ ᠲᠣᠭᠣᠰ
ᠠᠮᠲᠠ ᠰᠢᠮᠲᠡ ᠶ᠋ᠢ ᠪᠦᠷᠢᠯᠲᠦᠭᠦᠯᠦᠭᠰᠡᠨ ᠦᠰᠦᠲᠡᠢ ᠲᠣᠰᠣᠨ ᠲᠣᠭᠣᠷ
ᠠᠴᠢᠶᠠ ᠵᠢᠩ ᠳ᠋ᠤ᠌ ᠰᠢᠯᠭᠠᠷᠠᠭᠰᠠᠨ ᠴᠠᠰᠤᠨ ᠬᠥᠯᠥᠭᠲᠦ ᠵᠠᠭᠠᠨ
( ᠦᠬᠡᠷ ᠠᠲᠤᠭᠤ ᠬᠣᠨᠢ ᠲᠡᠮᠡᠭᠡ)
ᠴᠢᠮᠡᠭᠯᠡᠨ ᠰᠡᠷᠭᠡᠢᠯᠡᠭᠴᠢ ᠬᠣᠶᠠᠷ ᠬᠥᠪᠡᠭᠦᠨ ᠨᠢ ᠳᠠᠩᠴᠢ ᠰᠦᠷᠡᠬᠡᠢ ᠥᠨᠲᠥᠷ
ᠴᠢᠭ᠌ᠯᠡᠯ ᠊ᠢ ᠳᠠᠭᠠᠭᠤᠯᠤᠭᠴᠢ ᠬᠣᠶᠠᠷ ᠬᠡᠦᠬᠡᠨ ᠨᠢ ᠲᠤᠩᠭᠠᠯᠠᠭ ᠪᠥᠭᠡᠳ ᠤᠯᠠᠪᠢᠷ
ᠴᠢᠷᠴᠦ ᠲᠠᠲᠠᠬᠤ ᠳᠦᠷᠪᠡᠨ ᠳᠡᠭᠦᠦ ᠨᠢ ᠥᠨᠲᠥᠷ ᠪᠣᠭᠣᠨᠢ ᠲᠡᠭᠰᠢ ᠪᠤᠰᠤ
ᠴᠢᠮᠬᠢᠯᠡᠨ ᠬᠤᠷᠢᠶᠠᠬᠤ ᠨᠢᠭᠡᠨ ᠵᠠᠷᠤᠴᠠ ᠨᠢ ᠥᠷᠥᠭᠡᠰᠦᠨ ᠲᠠᠯᠠ ᠨᠢ ᠰᠡᠲᠡᠷᠬᠡᠢ
( ᠲᠠᠤᠯᠠᠢ)
ᠳᠠᠪᠬᠤᠷ ᠮᠣᠳᠣᠨ ᠬᠣᠷᠮᠣᠶ᠋ᠢᠪᠴᠢ ᠲᠠᠢ ᠲᠡᠮᠦᠷ ᠬᠤᠶᠠᠭ ᠡᠮᠦᠰᠴᠦ
ᠳᠠᠯᠳᠠᠯᠠᠨ ᠣᠷᠣᠰᠢᠭᠤᠯᠤᠭᠰᠠᠨ ᠬᠦᠷᠡᠯ ᠡᠷᠳᠡᠨᠢ ᠶ᠋ᠢᠨ ᠬᠥᠪᠡᠭᠦᠨ
ᠲᠠᠴᠢᠭᠢᠨᠠᠲᠠᠯᠠ ᠳᠤᠤᠭᠠᠷᠴᠤ ᠬᠢᠯᠢᠩ ᠤᠨ ᠭᠠᠯ ᠪᠠᠳᠠᠷᠠᠭᠠᠳ
ᠳᠠᠪᠰᠢᠬᠤ ᠶ᠋ᠢᠨ ᠵᠠᠭᠤᠷᠠ ᠰᠠᠨᠠᠭᠰᠠᠨ ᠭᠠᠵᠠᠷ ᠬᠦᠷᠦᠮᠦᠢ
( ᠫᠤᠤ ᠰᠤᠮᠤ )
ᠣᠶᠤᠨ ᠡᠷᠳᠡᠮ ᠲᠡᠭᠦᠰᠦᠭᠰᠡᠨ ᠨᠢᠭᠡᠨ ᠮᠡᠷᠭᠡᠨ ᠪᠠᠭᠰᠢ
ᠣᠷᠣᠨ ᠭᠠᠵᠠᠷ ᠢ ᠣᠯᠭᠣᠭᠴᠢ ᠲᠠᠪᠤᠨ ᠰᠠᠶ᠋ᠢᠳ ᠲᠦᠰᠢᠮᠡᠯ
ᠣᠰᠣᠯᠳᠠᠯ ᠦᠭᠡᠢ ᠰᠠᠬᠢᠬᠴᠢ ᠶᠢᠰᠦᠨ ᠭᠡᠷ ᠦᠨ ᠪᠣᠭᠣᠯ
ᠤᠮᠠᠷᠲᠠᠰᠢ ᠦᠭᠡᠢ ᠰᠠᠨᠠᠭᠤᠯᠤᠭᠴᠢ ᠪᠠᠲᠤ ᠪᠡᠬᠢ ᠭᠡᠷᠡᠴᠢ
( ᠰᠤᠸᠠᠮᠫᠠᠨ )
ᠤᠷᠠᠨ ᠰᠠᠶ᠋ᠢᠬᠠᠨ ᠬᠣᠰᠢᠭᠤ ᠲᠠᠢ
ᠤᠷᠲᠤ ᠵᠢᠭᠠᠰᠤᠨ ᠰᠡᠭᠦᠯ ᠲᠠᠢ
ᠬᠠᠯᠠᠭᠤᠨ ᠭᠠᠯ ᠤᠨ ᠬᠣᠭᠣᠯᠠ ᠲᠠᠢ
ᠬᠠᠮᠪᠤ ᠲᠣᠷᠭᠠᠨ ᠳᠡᠪᠢᠰᠭᠡᠷ ᠲᠠᠢ
( ᠢᠯᠡᠦᠷ )
ᠭᠠᠪᠠᠯᠠ ᠶ᠋ᠢᠨ ᠠᠭᠤᠯᠠᠨ ᠳᠤ ᠡᠭᠦᠷᠯᠡᠭᠰᠡᠨ
ᠭᠠᠪᠢᠷᠠ ᠰᠠᠶ᠋ᠢᠬᠠᠨ ᠥᠨᠳᠡᠭᠡ
ᠭᠠᠶ᠋ᠢᠬᠠᠮᠰᠢᠬᠲᠤ ᠬᠠᠷᠳᠠᠮ ᠨᠢ ᠨᠡᠭᠡᠭᠡᠭᠳᠡᠬᠦᠶᠡ
ᠭᠠᠵᠠᠷ ᠢ ᠪᠦᠷᠬᠦᠬᠦ ᠡᠷᠳᠡᠨᠢ
( ᠨᠢᠳᠦ )
ᠬᠥᠷᠥᠰᠥᠯᠡᠨ ᠠᠮᠢᠳᠤᠷᠠᠭᠰᠠᠨ ᠨᠢᠭᠡ ᠪᠦᠯᠦᠭ ᠤᠨ ᠨᠤᠲᠤᠭ ᠲᠠᠢ
ᠬᠥᠭᠡᠰᠦ ᠮᠡᠲᠦ ᠵᠥᠭᠡᠯᠡᠨ ᠪᠥᠭᠡᠳ ᠣᠣᠠ ᠶ᠋ᠢᠨ ᠥᠩᠭᠡ ᠲᠠᠢ
ᠬᠦᠷᠳᠦ ᠮᠡᠲᠦ ᠲᠥᠭᠥᠷᠢᠭ ᠪᠣᠯᠪᠠᠴᠤ ᠬᠡᠭᠡᠰᠦᠨ ᠤ ᠲᠣᠭᠠ ᠣᠯᠠᠨ
ᠬᠦᠢᠲᠡᠨ ᠤ ᠭᠠᠵᠠᠷ ᠲᠥᠷᠥᠭᠡᠳ ᠬᠠᠯᠠᠭᠤᠨ ᠤ ᠭᠠᠵᠠᠷ ᠬᠦᠨᠳᠦᠯᠡᠭᠳᠡᠮᠦᠢ
( ᠮᠥᠭᠥ )
ᠠᠯᠲᠠᠨ ᠯᠤᠤ ᠳᠣᠩᠭᠣᠳᠴᠤ ᠪᠠᠷᠰ ᠤᠨ ᠰᠢᠷᠪᠥᠰᠥ ᠬᠠᠪᠰᠤᠷᠤᠭᠠᠳ
ᠠᠭᠤᠤ ᠬᠦᠴᠦᠨ ᠪᠦᠷᠢᠳᠴᠦ ᠠᠷᠭᠠ ᠶ᠋ᠢᠨ ᠡᠭᠦᠳᠡ ᠨᠡᠭᠡᠭᠡᠭᠳᠡᠭᠡᠳ
ᠠᠷᠰᠯᠠᠨ ᠤ ᠳᠠᠭᠤᠨ ᠭᠠᠷᠤᠮᠠᠭᠴᠠ ᠭᠠᠷᠤᠳᠢ ᠶ᠋ᠢᠨ ᠵᠤᠯᠵᠠᠭᠠ ᠨᠢᠰᠴᠦ
ᠭ᠌ᠱᠠᠨ ᠵᠠᠭᠤᠷᠠ ᠶ᠋ᠢᠨ ᠬᠣᠭᠣᠷᠣᠨᠳᠣ ᠰᠠᠨᠠᠭᠰᠠᠨ ᠭᠠᠵᠠᠷ ᠬᠦᠷᠦᠮᠦᠢ
( ᠨᠤᠮᠤ ᠰᠤᠮᠤ )
ᠭᠡᠭᠡᠨ ᠮᠡᠷᠭᠡᠳ ᠤᠨ ᠣᠶᠤᠨ ᠤ ᠲᠡᠩᠰᠡᠯ
ᠬᠡᠰᠦᠭᠦᠷ ᠬᠥᠮᠦᠨ ᠤ ᠭᠤᠲᠤᠯ ᠤᠨ ᠬᠠᠮᠠᠭᠠᠯᠠᠯ
ᠬᠡᠷᠰᠡᠦ ᠬᠥᠮᠦᠨ ᠦ ᠪᠦᠲᠦᠭᠡᠯ ᠤᠨ ᠣᠨᠢᠰᠣ
ᠭᠡᠮᠲᠡᠢ ᠲᠡᠨᠡᠭ ᠤᠨ ᠣᠷᠣᠯᠳᠣᠬᠤ ᠶ᠋ᠢᠨ ᠵᠣᠭᠣᠰ
( ᠱᠠᠭᠠᠨᠴᠢᠬ )
ᠡᠮᠦᠰᠦᠭᠰᠡᠨ ᠴᠠᠮᠴᠠ ᠨᠢ ᠦᠨᠦᠷᠲᠦ ᠴᠡᠴᠡᠭ ᠤᠨ ᠪᠦᠷᠢᠯᠸ᠋ᠠ
ᠦᠵᠡᠭᠡᠳ ᠳᠤᠷᠠᠯᠠᠬᠤ ᠨᠢ ᠬᠡᠴᠡᠭᠦᠦ ᠦᠢᠯᠡ ᠶ᠋ᠢᠨ ᠦᠷᠡ ᠶ᠋ᠢᠨ ᠲᠠᠷᠢᠶᠠ
( ᠶᠠᠩᠵᠤᠤᠷ )
ᠭᠡᠨᠡᠳᠲᠡ ᠶ᠋ᠢᠨ ᠬᠡᠳᠦᠨ ᠳᠤᠰᠤᠯ ᠤᠬᠢᠶᠠᠯ ᠢᠶ᠋ᠠᠷ ᠡᠷᠭᠦᠮᠵᠢᠯᠡᠭᠡᠳ
ᠭᠡᠷ ᠲᠤ᠌ ᠵᠠᠯᠠᠵᠤ ᠣᠷᠣᠭᠤᠯᠤᠮᠠᠭᠴᠠ ᠨᠢᠭᠤᠷ ᠬᠤᠪᠢᠷᠠᠵᠤ
ᠭᠡᠳᠡᠷᠭᠦ ᠲᠤᠰᠢᠶᠠᠯ ᠠ᠋ᠴᠠ ᠮᠢᠨᠢ ᠪᠠᠭᠤᠯᠭᠠᠨ ᠦᠯᠳᠡᠭᠰᠡᠨᠠ
ᠭᠡᠮᠰᠢᠬᠦ ᠳ᠋ᠡᠭᠡᠨ ᠬᠠᠭᠠᠯᠭᠠᠨ ᠤ ᠠᠷᠤ ᠳ᠋ᠤ᠌ ᠤᠬᠢᠯᠠᠮᠤᠢ
( ᠪᠣᠷᠣᠭᠠᠨ ᠤ ᠴᠤᠪᠠ )
ᠵᠢᠷᠠᠨ ᠳᠥᠷᠪᠡᠨ ᠬᠤᠪᠢᠶᠠᠷᠢ ᠲᠠᠢ ᠠᠭᠤᠯᠠ ᠲᠠᠯᠠ ᠶ᠋ᠢ ᠡᠵᠡᠯᠡᠵᠦ
ᠵᠢᠪᠬᠤᠯᠠᠩᠲᠤ ᠬᠣᠶᠠᠷ ᠪᠠᠷᠰ ᠲᠤᠰ ᠲᠤᠰ ᠲᠠᠭᠠᠨ ᠬᠠᠮᠢᠶᠠᠷᠤᠭᠠᠳ
ᠵᠢᠬᠰᠠᠭᠠᠯ ᠤᠨ ᠳᠣᠯᠣᠭᠠᠨ ᠢᠷᠪᠠᠰ ᠨᠠᠢ᠍ᠮᠠᠨ ᠪᠠᠮᠪᠠᠷ ᠢ ᠬᠥᠭᠵᠢᠭᠦᠯᠵᠦ
ᠵᠢᠷᠭᠠᠨ ᠲᠣᠭᠯᠠᠬᠤ ᠮᠡᠷᠭᠡᠨ ᠪᠥᠵᠢᠭ ᠶᠢᠷᠲᠢᠨᠴᠦ ᠳ᠋ᠦᠷ ᠬᠣᠣᠰ ᠦᠭᠡᠢ
( ᠰᠢᠲᠠᠷᠠ ᠨᠠᠭᠠᠳᠬᠤ )
ᠣᠷᠣᠭᠠ ᠴᠠᠭᠠᠨ ᠠᠵᠢᠷᠭᠠ
ᠣᠩᠭᠣᠨ ᠴᠠᠭᠠᠨ ᠪᠤᠤᠷᠠ
ᠲᠠᠷᠭᠠᠢ ᠴᠠᠭᠠᠨ ᠦᠬᠡᠷ
ᠳᠠᠷᠬᠠᠨ ᠴᠠᠭᠠᠨ ᠬᠣᠨᠢ
( ᠱᠠᠭᠠ )
ᠳᠦᠷᠢ ᠶᠠᠩᠵᠤ ᠳᠥᠷᠪᠡᠯᠵᠢᠨ ᠪᠥᠭᠡᠳ ᠬᠣᠲᠣᠭᠣᠷ ᠭᠦᠳᠦᠭᠡᠷ ᠲᠠᠢ
ᠲᠥᠪ ᠰᠠᠭᠤᠷᠢᠨ ᠳᠤ ᠰᠠᠭᠤᠪᠠᠰᠤ ᠡᠷᠬᠡ ᠲᠤᠰᠢᠶᠠᠯ ᠶᠡᠬᠡ
ᠲᠥᠷᠥ ᠶᠣᠰᠣ ᠶ᠋ᠢ ᠰᠠᠬᠢᠨ ᠴᠠᠭᠠᠵᠠ ᠶ᠋ᠢ ᠳᠠᠭᠠᠬᠤ ᠶ᠋ᠢᠨ ᠤᠴᠢᠷ
ᠲᠡᠮᠦᠷ ᠤᠨ ᠳᠠᠷᠬᠠᠨ ᠤ ᠵᠠᠷᠯᠢᠬ ᠢ ᠬᠡᠵᠢᠶᠡ ᠪᠣᠯᠪᠠᠴᠤ ᠰᠣᠨᠣᠰᠤᠮᠤᠢ
(ᠣᠨᠢᠰᠣ )
① ᠲᠣᠶ᠋ᠢᠩᠺᠠᠷ ᠪᠠᠷᠤᠭ 1850 —1921 ᠣᠨ ᠪ ᠦᠶᠡ ᠳ᠋ᠤ᠌ ᠠᠮᠢᠲᠤᠷᠠᠵᠤ ᠪᠠᠶ᠋ᠢᠵᠠᠢ ᠃ ᠪᠠᠷᠠᠭᠤᠨ ᠦᠵᠦᠮᠦᠴᠢᠨ ᠪ ᠠᠷᠪᠠᠨ ᠬᠣᠶᠠᠲᠤᠭᠠᠷ ᠦᠶᠡ ᠶ᠋ᠢᠨ ᠸᠠᠩ ᠠᠯᠲᠠᠨᠬᠤᠶᠠᠭᠲᠤ ᠶ᠋ᠢᠨ ᠳᠡᠭᠦᠦ ᠃ 《 ᠰᠠᠢᠨ ᠦᠭᠡᠰ ᠦ᠋ᠨ ᠰᠠᠩ 》 ᠭᠡᠬᠦ ᠮᠡᠲᠦ ᠶ᠋ᠢᠨ ᠵᠣᠬᠢᠶᠠᠯ ᠊ᠢ ᠪᠢᠴᠢᠵᠡᠢ ᠃
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ ᠄ ᠣᠶᠤᠨᠲᠤᠨᠠᠯ ᠂ ᠠᠯᠲᠠᠨᠲᠤᠶᠠᠭᠠ ᠂ ᠳ᠋ᠦ᠋ᠩ ᠹᠧᠩ ᠂ ᠮᠢᠩᠭᠠᠳ · ᠴᠢᠮᠡᠭ ᠂
ᠬᠠᠷᠠᠨᠤᠳ · ᠲᠤᠶᠠᠭᠠ ᠂ ᠬᠠᠳᠠᠴᠢ · ᠤᠷᠠᠨᠠ
ᠬᠢᠨᠠᠭᠴᠢ ᠄ ᠬᠠᠷᠠᠨᠤᠳ · ᠲᠤᠶᠠᠭᠠ ᠂ ᠮᠢᠩᠭᠠᠳ · ᠴᠢᠮᠡᠭ