ᠬᠥᠪᠦᠩ ᠴᠠᠭᠠᠨ ᠮᠣᠷᠢГүвэн цагаан морь ᠤᠷᠲᠤ ᠶ᠋ᠢᠨ ᠳᠠᠭᠤᠤ

ᠬᠥᠪᠥᠩ ᠯᠠ ᠴᠠᠭᠠᠨ ᠮᠣᠷᠢ ᠨᠢ

ᠬᠥᠳᠡᠭᠡ ᠯᠡ ᠲᠠᠯ᠎ᠠ ᠳᠤ ᠪᠠᠨ ᠨᠢ ᠪᠡᠯᠴᠢᠭᠡᠷ ᠲᠠᠢ᠃

ᠤᠷᠭᠠᠯᠠᠶ᠎ᠠ ᠭᠡᠰᠡᠨ ᠤᠷᠭ᠎ᠠ ᠨᠢ

ᠤᠷᠲᠤ ᠶᠢᠨ ᠭᠣᠣᠯ ᠤᠨ ᠪᠤᠷᠭᠠᠰᠤ᠃

ᠤᠨᠤᠶ᠎ᠠ ᠯᠠ ᠭᠡᠰᠡᠨ ᠬᠥᠮᠦᠨ ᠨᠢ

ᠮᠠᠨ ᠤ ᠴᠡᠷᠢᠭ ᠦᠨ ᠵᠠᠩᠵᠤᠨ ᠰᠢᠦ᠃

ᠬᠠᠵᠠᠭᠠᠷᠯᠠᠶ᠎ᠠ ᠭᠡᠰᠡᠨ ᠬᠠᠵᠠᠭᠠᠷ ᠨᠢ

ᠲᠣᠯᠢ ᠮᠥᠩᠭᠥᠨ ᠬᠠᠵᠠᠭᠠᠷ ᠰᠢᠦ᠃

ᠲᠣᠬᠣᠶ᠎ᠠ ᠯᠠ ᠭᠡᠰᠡᠨ ᠲᠣᠬᠣᠮ ᠨᠢ

ᠲᠣᠭᠣᠰ ᠤᠨ ᠡᠷᠢᠶᠡᠨ ᠲᠣᠬᠣᠮ ᠰᠢᠦ᠃

ᠡᠮᠡᠭᠡᠯᠯᠡᠶ᠎ᠡ ᠯᠡ ᠭᠡᠰᠡᠨ ᠡᠮᠡᠭᠡᠯ ᠨᠢ

ᠲᠣᠬᠣᠢ ᠽᠠᠨᠳᠠᠨ ᠪᠦᠬᠦᠷᠭᠡ ᠲᠠᠢ᠃

ᠵᠤᠤᠵᠠᠢᠯᠠᠶ᠎ᠠ ᠭᠡᠰᠡᠨ ᠵᠤᠤᠵᠠᠢ ᠨᠢ

ᠵᠠᠭᠤᠨ ᠯᠠᠩ ᠤᠨ ᠲᠥᠩᠬᠡᠯᠢᠭ ᠰᠢᠦ᠃

ᠴᠣᠯᠪᠤᠭᠤᠷᠯᠠᠶ᠎ᠠ ᠭᠡᠰᠡᠨ ᠴᠤᠯᠪᠤᠭᠤᠷ ᠨᠢ

ᠴᠢᠨᠦ᠎ᠠ ᠶᠢᠨ ᠠᠷᠠᠰᠤᠨ ᠮᠢᠨᠳᠠᠰᠤ ᠰᠢᠦ᠃

ᠵᠢᠯᠣᠭᠣᠯᠠᠶ᠎ᠠ ᠭᠡᠰᠡᠨ ᠵᠢᠯᠣᠭᠣ ᠨᠢ

ᠵᠢᠷᠭᠤᠭ᠎ᠠ ᠪᠠᠷ ᠭᠦᠷᠦᠭᠰᠡᠨ ᠮᠢᠨᠳᠠᠰᠤ ᠰᠢᠦ᠃

ᠳᠥᠷᠥᠭᠡᠯᠡᠶ᠎ᠡ ᠭᠡᠰᠡᠨ ᠳᠥᠷᠥᠭᠡ ᠨᠢ

ᠠᠯᠲᠠᠨ ᠮᠥᠩᠭᠦᠨ ᠳᠥᠷᠥᠭᠡ ᠰᠢᠦ᠃

ᠣᠯᠣᠩᠨᠠᠶ᠎ᠠ ᠭᠡᠰᠡᠨ ᠣᠯᠣᠩ ᠨᠢ

ᠠᠷᠪᠠ ᠪᠠᠷ ᠭᠦᠷᠦᠭᠰᠡᠨ ᠮᠢᠨᠳᠠᠰᠤ ᠰᠢᠦ᠃

ᠪᠠᠷᠢᠶ᠎ᠠ ᠭᠡᠰᠡᠨ ᠲᠠᠰᠢᠭᠤᠷ ᠨᠢ

ᠪᠠᠷᠰ ᠡᠷᠢᠶᠡᠨ ᠵᠡᠪᠡᠷᠡᠢ ᠲᠠᠢ᠃

ᠤᠨᠤᠶ᠎ᠠ ᠭᠡᠰᠡᠨ ᠬᠥᠮᠥᠨ ᠨᠢ

ᠴᠢᠩᠭᠢᠰ ᠦᠨ ᠦᠷᠡᠰ ᠪᠢᠳᠡ ᠨᠠᠷ ᠶᠤᠮ᠃

ᠨᠣᠭᠲᠣᠯᠠᠶ᠎ᠠ ᠭᠡᠰᠡᠨ ᠨᠣᠭᠲᠣ ᠨᠢ

ᠨᠠᠢ᠌ᠮᠠᠨ ᠯᠠᠩ ᠤᠨ ᠱᠠᠩ ᠬᠤᠢ ᠲᠠᠢ ᠯᠠ ᠶᠤᠮ᠃

ᠴᠢᠳᠦᠷᠯᠡᠶ᠎ᠡ ᠭᠡᠰᠡᠨ ᠴᠢᠳᠦᠷ ᠨᠢ

ᠪᠤᠭᠤ ᠶᠢᠨ ᠠᠷᠠᠰᠤᠨ ᠴᠢᠳᠦᠷ ᠲᠠᠢ ᠯᠠ ᠶᠤᠮ᠃