ᠪᠠᠶᠠᠨ ᠣᠪᠣᠭ᠎ᠠБаян овоо ᠦᠯᠢᠭᠡᠷ ᠬᠣᠯᠪᠣᠭ᠎ᠠ

ᠠᠷᠠᠯᠲᠤ ᠬᠤᠭᠤᠷ ᠢ᠋ᠶ᠋ᠠᠨ ᠠᠳᠬᠤᠵᠤ
ᠠᠶᠠᠯᠭᠤ ᠲᠡᠳᠡᠨ ᠬᠥᠭᠵᠢᠮᠲᠡᠶ᠎ᠡ
ᠠᠷᠠᠳ ᠣᠯᠠᠨ ᠨᠥᠬᠥᠳ ᠲᠡᠭᠡᠨ
ᠠᠵᠢᠭᠯᠠᠭᠰᠠᠨ ᠢ᠋ᠶ᠋ᠠᠨ ᠬᠣᠯᠪᠣᠵᠤ ᠪᠠᠷᠢᠶ᠎ᠠ
ᠥᠷᠨᠢᠭᠦᠨ ᠬᠥᠭᠵᠢᠯᠲᠡ ᠶ᠋ᠢᠨ ᠳᠣᠯᠭᠢᠶᠠᠨ
ᠥᠪᠥᠷ ᠮᠣᠩᠭᠣᠯ ᠳ᠋ᠤ᠌ ᠮᠢᠨᠢ ᠳᠠᠪᠠᠯᠭᠠᠯᠠᠭᠠᠳ
ᠦᠨᠳᠦᠰᠦᠲᠡᠨ ᠨᠤᠭᠦᠳ ᠦ᠋ᠨ ᠠᠷᠠᠳ ᠲᠦᠮᠡᠨ ᠦ᠌
ᠡᠷᠴᠢ ᠵᠣᠷᠢᠭ ᠊ᠢ ᠪᠠᠳᠠᠷᠠᠭᠤᠯᠵᠠᠢ ᠃
ᠡᠨᠡ ᠪᠦᠬᠦᠨ ᠦ᠌ ᠳᠣᠲᠣᠷ᠎ᠠ ᠠ᠋ᠴᠠ
ᠣᠨᠴᠣᠭᠣᠢ ᠨᠢᠭᠡ ᠶ᠋ᠢ ᠨᠢ ᠲᠠᠲᠠᠵᠤ
ᠴᠢᠳᠠᠬᠤ ᠶ᠋ᠢᠨ ᠬᠢᠷᠢ ᠪᠡᠷ ᠡᠪᠯᠡᠭᠦᠯᠦᠨ
ᠮᠡᠳᠡᠭᠰᠡᠨ ᠬᠢᠷᠢ ᠪᠡᠷ ᠢ᠋ᠶ᠋ᠡᠨ ᠲᠠᠨᠢᠯᠴᠠᠭᠤᠯᠤᠶ᠎ᠠ !

ᠪᠤᠭᠤᠲᠤ ᠶ᠋ᠢᠨ ᠬᠦᠨᠳᠦ ᠦᠢᠯᠡᠳᠪᠦᠷᠢ
ᠪᠤᠰᠢᠭᠤ ᠲᠦᠷᠭᠡᠨ ᠬᠥᠭᠵᠢᠵᠦ ᠪᠠᠶ᠋ᠢᠨ᠎ᠠ
ᠪᠠᠶᠠᠨ ᠣᠪᠣᠭᠠᠨ ᠤ᠋ ᠪᠣᠯᠣᠳ ᠴᠢᠯᠠᠭᠤ ᠶ᠋ᠢ
ᠪᠣᠯᠪᠠᠰᠤᠷᠠᠭᠤᠯᠵᠤ ᠪᠣᠷᠣᠯᠠᠭᠤᠯᠤᠨ ᠭᠠᠷᠭᠠᠵᠤ ᠪᠠᠶ᠋ᠢᠨ᠎ᠠ ᠃
ᠠᠪᠤᠷᠭᠤ ᠬᠦᠴᠦᠲᠡᠢ ᠭᠠᠵᠠᠷ ᠫᠤᠤ
ᠠᠭᠤᠷᠬᠠᠢ ᠪᠤᠯᠠᠭᠳᠠᠮᠠᠯ ᠊ᠢ ᠳᠡᠯᠪᠡᠴᠢᠵᠦ
ᠠᠭᠰᠢᠭᠤᠨ ᠬᠠᠷ᠎ᠠ ᠤᠲᠤᠭ᠎ᠠ ᠨᠢ
ᠠᠭᠠᠷ ᠊ᠢ ᠬᠠᠯᠬᠠᠯᠠᠨ ᠮᠠᠨᠠᠷᠠᠵᠤ ᠪᠠᠶ᠋ᠢᠨ᠎ᠠ ᠃
ᠬᠦᠴᠦ ᠴᠢᠳᠠᠯ ᠲᠠᠢ ᠠᠵᠢᠯᠴᠢᠨ ᠠᠩᠭᠢ
ᠬᠦᠳᠡᠷ ᠊ᠢ ᠠᠪᠴᠢᠷᠠᠭᠠᠳ ᠬᠠᠶ᠋ᠢᠯᠤᠭᠤᠯᠵᠤ ᠪᠠᠶ᠋ᠢᠨ᠎ᠠ
ᠬᠥᠭᠰᠢᠨ ᠵᠠᠯᠠᠭᠤ ᠪᠦᠭᠦᠳᠡᠭᠡᠷ
ᠬᠦᠷᠴᠦ ᠢᠷᠡᠭᠡᠳ ᠰᠣᠨᠢᠷᠬᠠᠵᠤ ᠪᠠᠶ᠋ᠢᠨ᠎ᠠ ᠃
ᠬᠦᠴᠦ ᠶᠡᠬᠡᠲᠡᠢ ᠭᠠᠵᠠᠷ ᠫᠤᠤ
ᠬᠥᠪᠴᠢᠨ ᠳᠡᠯᠡᠬᠡᠢ ᠶ᠋ᠢ ᠲᠤᠷᠭᠢᠭᠤᠯᠵᠤ ᠪᠠᠶ᠋ᠢᠨ᠎ᠠ
ᠬᠥᠬᠡ ᠬᠠᠷ᠎ᠠ ᠤᠲᠤᠭ᠎ᠠ ᠨᠢ
ᠬᠥᠬᠡᠮᠳᠦᠭ ᠣᠭᠲᠠᠷᠭᠤᠢ ᠶ᠋ᠢ ᠪᠦᠷᠬᠦᠵᠦ ᠪᠠᠶ᠋ᠢᠨ᠎ᠠ ᠃

   ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ ᠂ ᠣᠶᠤᠨᠴᠢᠮᠡᠭ
   ᠬᠢᠨᠠᠭᠴᠢ ᠪᠠᠭᠰᠢ ᠂ ᠣᠤᠠᠬᠠᠭᠰᠤ᠎ᠡ