ᠰᠢᠨᠵᠢᠯᠡᠬᠦ ᠤᠬᠠᠭᠠᠨ ᠤ ᠣᠷᠭᠢᠯ ᠳᠤ ᠠᠪᠠᠷᠢᠭ᠍ᠰᠡᠨ ᠨᠢ（ ᠬᠡᠯᠡ ᠪᠢᠴᠢᠭ – ᠶᠢᠰᠦᠳᠦᠭᠡᠷ ᠳᠡᠪᠲᠡᠷ） Шинжлэх ухааны оргилд авирсэн нь（ Хэл бичиг – Есдүгээр дэвтэр）
396ᠰᠢᠨᠵᠢᠯᠡᠬᠦ ᠤᠬᠠᠭᠠᠨ ᠤ ᠣᠷᠭᠢᠯ ᠳᠤ ᠠᠪᠠᠷᠢᠭ᠍ᠰᠡᠨ ᠨᠢ
ᠬᠣᠶᠠᠷ ᠵᠠᠭᠤ ᠭᠠᠷᠤᠢ ᠵᠢᠯ ᠦ᠋ᠨ ᠡᠮᠦᠨᠡ ᠭᠧᠷᠮᠠᠨ ᠤ᠋ ᠲᠣᠭᠠᠨ ᠤ᠋ ᠤᠬᠠᠭᠠᠨᠲᠠᠨ ᠭᠣᠯᠳ᠋ᠪᠠᡁᠨ ᠭᠡᠳᠡᠭ ᠬᠥᠮᠦᠨ ᠲᠣᠭᠠᠨ ᠤ᠋ ᠤᠬᠠᠭᠠᠨ ᠤ᠋ ᠨᠢᠭᠡ ᠰᠡᠳᠦᠪ ᠭᠠᠷᠭᠠᠭᠰᠠᠨ ᠭᠡᠨᠡ ᠃ ᠬᠣᠶᠠᠷ ᠵᠠᠭᠤ ᠢᠯᠡᠭᠦᠦ ᠵᠢᠯ ᠦ᠋ᠨ ᠲᠣᠷᠰᠢ ᠂ ᠣᠯᠠᠨ ᠤᠯᠤᠰ ᠤ᠋ᠨ ᠲᠣᠭᠠᠨ ᠤ᠋ ᠤᠬᠠᠭᠠᠨᠲᠠᠨ ᠨᠠᠷ ᠲᠡᠭᠦᠨ ᠊ᠢ ᠪᠠᠲᠤᠯᠠᠵᠤ ᠴᠢᠳᠠᠭᠠ ᠦᠭᠡᠢ ᠪᠠᠶ᠋ᠢᠯᠠ ᠃ ᠭᠡᠲᠡᠯᠡ ᠮᠠᠨ ᠤ᠋ ᠤᠯᠤᠰ ᠤ᠋ᠨ ᠵᠠᠯᠠᠭᠤ ᠲᠣᠭᠠᠨ ᠪ ᠤᠬᠠᠭᠠᠨᠲᠠᠨ ᠴᠸᠨ ᠵᠢᠩ ᠿᠦᠨ ᠠᠪᠠᠭᠠ ᠡᠨᠡ ᠰᠡᠳᠦᠪ ᠊ᠢ ᠪᠠᠲᠤᠯᠠᠭᠠᠳ ᠂ ᠳᠡᠯᠡᠬᠡᠢ ᠳᠡᠭᠡᠷᠡ ᠬᠠᠮᠤᠭ ᠰᠠᠢᠨ ᠦᠷᠡ ᠪᠦᠲᠦᠭᠡᠯ ᠊ᠢ ᠣᠯᠵᠤ ᠂ ᠲᠡᠭᠦᠨ ᠦ᠌ ᠪᠠᠲᠤᠯᠠᠭᠰᠠᠨ ᠡᠨᠡ ᠲᠣᠮᠢᠶᠠ ᠨᠢ 《 ᠴᠸᠨ ᠣᠪᠣᠭᠲᠤ ᠶ᠋ᠢᠨ ᠪᠠᠲᠤᠶᠤᠰᠤ 》 ᠭᠡᠵᠦ ᠨᠡᠷᠡᠯᠡᠭᠳᠡᠵᠡᠢ᠃
ᠴᠸᠨ ᠠᠪᠠᠭᠠ ᠪᠣᠯ 1953 ᠣᠨ ᠳ᠋ᠤ᠌ ᠶᠡᠬᠡ ᠰᠤᠷᠭᠠᠭᠤᠯᠢ ᠲᠡᠭᠦᠰᠦᠭᠰᠡᠨ ᠪᠢᠯᠡ ᠂ ᠲᠡᠷᠡ ᠦᠶᠡ ᠳ᠋ᠤ᠌ ᠰᠠᠶᠢ ᠬᠣᠷᠢ ᠬᠦᠷᠴᠦ ᠪᠠᠶ᠋ᠢᠬᠰᠠᠨ ᠪᠣᠯᠪᠠᠴᠤ ᠡᠷᠡᠯᠬᠡᠭ ᠰᠠᠨᠠᠭᠠ ᠠᠤᠭᠠ ᠵᠣᠷᠢᠭ ᠊ᠢ ᠡᠪᠦᠷᠯᠡᠨ ᠂ ᠡᠬᠡ ᠣᠷᠣᠨ ᠪ ᠢ᠋ᠶ᠋ᠡᠨ ᠲᠣᠭᠠᠨ ᠪ ᠤᠬᠠᠭᠠᠨ ᠪ ᠰᠤᠳᠤᠯᠤᠯ ᠳ᠋ᠤ᠌ ᠥᠪᠡᠷ ᠦ᠋ᠨ ᠤᠷᠢ ᠵᠠᠯᠠᠭᠤ ᠨᠠᠰᠤ ᠪᠠᠨ ᠵᠣᠷᠢᠭᠤᠯᠬᠤ ᠪᠠᠷ ᠵᠣᠷᠢᠭ ᠰᠢᠭᠤᠳᠴᠤ ᠂ ᠬᠠᠮᠤᠭ ᠥᠨᠳᠥᠷ ᠣᠷᠭᠢᠯ ᠳ᠋ᠤ᠌ ᠠᠪᠠᠷᠢᠬᠤ ᠪᠠᠷ ᠬᠠᠲᠠᠭᠤᠵᠢᠯᠲᠠᠢ ᠲᠡᠮᠡᠴᠡᠵᠦ ᠡᠬᠢᠯᠡᠪᠡ ᠃
ᠰᠢᠨᠵᠢᠯᠡᠬᠦ ᠤᠬᠠᠭᠠᠨ ᠊ᠢ ᠨᠠᠷᠢᠪᠴᠢᠯᠠᠨ ᠰᠤᠳᠤᠯᠬᠤ ᠳ᠋ᠠᠭᠠᠨ ᠰᠢᠷᠭᠠᠭᠤ ᠬᠠᠲᠠᠭᠤᠵᠢᠯᠲᠠᠢ ᠤᠷᠤᠯᠳᠤᠵᠤ ᠂ ᠰᠥᠨᠢ ᠳᠦᠯᠢ ᠪᠣᠯᠲᠠᠯᠠ ᠰᠠᠭᠤᠳᠠᠭ ᠪᠣᠯᠪᠠᠴᠤ ᠡᠳᠦᠷ ᠪᠦᠷᠢ ᠶ᠋ᠢᠨ ᠥᠷᠯᠥᠭᠡ ᠡᠷᠲᠡ ᠶ᠋ᠢᠨ ᠭᠤᠷᠪᠠᠨ ᠴᠠᠭ ᠦ᠋ᠨ ᠦᠶᠡ ᠪᠡᠷ ᠬᠥᠮᠦᠰ ᠶᠠᠭ ᠠᠮᠲᠠᠲᠠᠢ ᠰᠠᠢᠬᠠᠨ ᠤᠨᠲᠠᠵᠤ ᠪᠠᠶ᠋ᠢᠬᠤ ᠳ᠋ᠤ᠌ ᠴᠸᠨ ᠠᠪᠠᠭᠠ ᠬᠡᠲᠦᠶ᠋ᠢᠨ ᠠᠵᠢᠯᠯᠠᠭᠠᠳ ᠡᠬᠢᠯᠡᠴᠢᠬᠡᠳᠡᠭ ᠃ ᠴᠠᠭ ᠮᠥᠴᠡ ᠲᠡᠭᠦᠨ ᠳ᠋ᠤ᠌ ᠶᠠᠭᠤᠨ ᠠ᠋ᠴᠠ ᠴᠤ᠌ ᠡᠷᠬᠢᠮ ᠶᠦ᠍ᠮ᠂ ᠵᠠᠷᠢᠮ ᠳ᠋ᠠᠭᠠᠨ ᠮᠥᠷᠯᠡᠨ ᠵᠣᠭᠰᠣᠵᠤ ᠪᠤᠳᠠᠭᠠ ᠠᠪᠬᠤ ᠴᠠᠭ ᠢ᠋ᠶ᠋ᠠᠨ ᠠᠷᠪᠢᠯᠠᠬᠤ ᠶ᠋ᠢᠨ ᠲᠥᠯᠥᠭᠡ ᠮᠠᠨᠲᠠᠤ ᠪᠠᠨ ᠠᠪᠤᠭᠠᠳ ᠠᠵᠢᠯᠯᠠᠬᠤ ᠪᠠᠷ ᠶᠠᠪᠤᠴᠢᠬᠠᠳᠠᠭ ᠃ ᠨᠡᠶ᠋ᠢᠲᠡ ᠶ᠋ᠢᠨ ᠮᠠᠰᠢᠨ ᠲᠡᠷᠭᠡᠨ ᠳ᠋ᠤ᠌ ᠰᠠᠭᠤᠬᠤ ᠳ᠋ᠠᠭᠠᠨ ᠴᠤ᠌ ᠪᠢᠴᠢᠭ ᠳᠡᠪᠲᠡᠷ ᠢ᠋ᠶ᠋ᠡᠨ ᠠᠪᠠᠴᠢᠵᠤ ᠂ ᠬᠡᠵᠢᠶᠡ ᠴᠦ᠍ ᠭᠡᠰᠡᠨ ᠦᠵᠡᠵᠦ ᠰᠠᠭᠤᠳᠠᠭ ᠃ ᠪᠢᠴᠢᠭ ᠳᠡᠪᠲᠡᠷ ᠨᠢ ᠬᠡᠲᠦᠷᠬᠡᠢ ᠵᠤᠵᠠᠭᠠᠨ ᠪᠣᠯᠴᠢᠬᠠᠪᠠᠯ ᠬᠡᠳᠦᠨ ᠳᠠᠰᠢ ᠠᠩᠭᠢᠯᠠᠨ ᠰᠠᠯᠭᠠᠵᠤ᠂ ᠳᠡᠪᠡᠯ ᠦ᠋ᠨ ᠬᠠᠷᠮᠠᠨ ᠳ᠋ᠠᠭᠠᠨ ᠲᠡᠭᠰᠢᠯᠡᠨ ᠬᠢᠳᠡᠭ ᠃ ᠵᠠᠷᠢᠮ ᠳ᠋ᠠᠭᠠᠨ ᠡᠪᠡᠳᠴᠢᠯᠡᠭᠰᠡᠨ ᠴᠦ᠍ ᠬᠢᠲᠠᠳ ᠡᠮ ᠊ᠢ ᠴᠢᠨᠠᠭᠠᠳ ᠴᠠᠭ ᠣᠷᠣᠨᠠ ᠭᠡᠵᠦ ᠧᠦ᠋ᠷᠣᠫᠠ ᠡᠮ ᠶ᠋ᠢᠠᠷ ᠠᠷᠭᠠᠴᠠᠭᠠᠳᠠᠭ ᠃ ᠨᠢᠭᠡ ᠯᠡ ᠦᠭᠡ ᠪᠡᠷ ᠬᠡᠯᠡᠪᠡᠯ ᠂ ᠠᠯᠢᠪᠠ ᠢᠬᠢᠷ ᠰᠢᠬᠢᠷ ᠴᠠᠭ ᠊ᠢ ᠲᠡᠷᠡ ᠪᠦᠷ ᠰᠤᠷᠤᠯᠴᠠᠬᠤ ᠳ᠋ᠤ᠌ ᠬᠡᠷᠡᠭᠯᠡᠳᠡᠭ ᠪᠠᠶ᠋ᠢᠨᠠ ᠃ ᠲᠡᠷᠡ ᠪᠣᠯ ᠴᠠᠭ ᠮᠥᠴᠡ ᠶ᠋ᠢᠨ ᠵᠢᠩᠬᠢᠨᠢ ᠡᠵᠡᠨ ᠨᠢ ᠪᠣᠯᠤᠭᠰᠠᠨ ᠶᠤᠮ᠃
ᠠᠷᠪᠠᠨ ᠬᠡᠳᠦᠨ ᠵᠢᠯ ᠦ᠋ᠨ ᠲᠤᠷᠰᠢ ᠲᠡᠷᠡ ᠠᠵᠢᠯ ᠳ᠋ᠤ᠌ ᠭᠠᠷᠬᠤ ᠪᠠᠭᠤᠬᠤ ᠴᠠᠭ ᠭᠡᠵᠦ ᠢᠯᠭᠠᠭᠰᠠᠨ ᠦᠭᠡᠢ ᠂ ᠠᠮᠠᠷᠠᠯᠲᠠ ᠳᠤᠷᠠᠰᠬᠠᠯ ᠦ᠋ᠨ ᠡᠳᠦᠷ ᠭᠡᠵᠦ ᠠᠮᠠᠷᠠᠭᠰᠠᠨ ᠦᠭᠡᠢ ᠪᠢᠯᠡ ᠃ ᠬᠡᠷᠪᠡ 《 ᠴᠸᠨ ᠠᠪᠠᠭᠠ ᠲᠣᠭᠠᠨ ᠪ ᠤᠬᠠᠭᠠᠨ ᠪ ᠰᠡᠳᠦᠪ ᠪᠣᠳᠣᠭᠠᠳ ᠴᠣᠬᠣᠮ ᠬᠡᠳᠦᠢ ᠴᠠᠭᠠᠰᠤ ᠬᠡᠷᠡᠭᠯᠡᠭᠰᠡᠨ ᠶᠦ᠍ᠮ ᠪᠣᠯ ᠠ᠋ ? 》 ᠭᠡᠵᠦ ᠠᠰᠠᠭᠤᠬᠤ ᠳ᠋ᠤ᠌ ᠬᠦᠷᠪᠡᠯ ᠬᠡᠨ ᠴᠦ᠍ ᠲᠣᠳᠣᠷᠬᠠᠢ ᠬᠠᠷᠢᠭᠤᠯᠵᠤ ᠴᠢᠳᠠᠬᠤ ᠦᠭᠡᠢ ᠶᠦ᠍ᠮ ᠃ ᠵᠥᠪᠬᠡᠨ ᠲᠡᠭᠦᠨ ᠪ ᠪᠠᠶ᠋ᠢᠷᠢ ᠶ᠋ᠢᠨ ᠭᠡᠷ ᠲᠦ᠋ᠨᠢ ᠣᠪᠣᠭᠠᠯᠠᠵᠤ ᠪᠠᠢᠭᠰᠠᠨ ᠴᠠᠭᠠᠰᠤ ᠨᠢ ᠬᠡᠳᠦ ᠬᠡᠳᠦᠨ ᠮᠠᠳᠠᠢ ᠪᠠᠶ᠋ᠢᠬᠰᠠᠨ ᠶᠤᠮ᠃ ᠡᠳᠡᠭᠡᠷ ᠡᠬᠡ ᠪᠢᠴᠢᠭ ᠦ᠋ᠨ ᠴᠠᠭᠠᠰᠤ ᠶ᠋ᠢ ᠣᠪᠣᠭᠠᠯᠠᠪᠠᠯ ᠲᠡᠭᠦᠨ ᠪ ᠪᠡᠶᠡ ᠡᠴᠡ ᠨᠢ ᠪᠠᠰᠠ ᠥᠨᠳᠥᠷ ᠪᠣᠯᠬᠤ ᠪᠠᠶ᠋ᠢᠬᠰᠠᠨ ᠶᠤᠮ ᠃
ᠲᠣᠭᠠᠨ ᠪ ᠤᠬᠠᠭᠠᠨ ᠊ᠢ ᠰᠤᠳᠤᠯᠬᠤ ᠳ᠋ᠤ᠌ ᠡᠳᠦᠷ ᠲᠡᠭᠡᠨ ᠲᠣᠭᠠ ᠂ ᠲᠣᠮᠢᠶᠠ ᠲᠠᠢ ᠣᠷᠣᠯᠳᠣᠭᠠᠳ ᠪᠠᠶ᠋ᠢᠬᠤ ᠨᠢ ᠠᠮᠲᠠ ᠰᠢᠮᠳᠠ ᠦᠭᠡᠢ ᠰᠢᠭ ᠪᠣᠳᠣᠭᠳᠠᠳᠠᠭ ᠶᠤᠮ ᠃ ᠭᠡᠲᠡᠯᠡ ᠵᠣᠪᠠᠯᠠᠩ ᠦ᠋ᠨ ᠳᠣᠲᠣᠷᠠ ᠵᠢᠷᠭᠠᠯ ᠪᠠᠶ᠋ᠢᠨᠠ ᠭᠡᠭᠴᠢ ᠪᠡᠷ ᠪᠡᠷᠬᠡ ᠪᠣᠭᠣᠮᠲᠠ ᠶ᠋ᠢ ᠨᠢᠭᠡ ᠨᠢᠭᠡ ᠪᠡᠷ ᠳᠠᠭᠠᠷᠢᠨ ᠭᠠᠷᠬᠤ ᠦᠶᠡ ᠳ᠋ᠤ᠌ ᠲᠡᠷᠡ ᠬᠢᠵᠠᠭᠠᠷᠯᠠᠰᠢ ᠦᠭᠡᠢ ᠪᠠᠶᠠᠷ ᠪᠠᠬᠠᠳᠤᠯ ᠊ᠢ ᠣᠯᠳᠠᠭ ᠶᠤᠮ ᠃
ᠨᠢᠭᠡ ᠤᠳᠠᠭᠠ ᠲᠡᠷᠡ ᠪᠢᠴᠢᠭ ᠬᠠᠳᠠᠭᠠᠯᠠᠬᠤ ᠭᠠᠵᠠᠷ ᠣᠴᠢᠵᠤ ᠮᠠᠲ᠋ᠧᠷᠢᠶᠠᠯ ᠦᠵᠡᠭᠰᠡᠭᠡᠷ ᠪᠠᠶ᠋ᠢᠵᠤ ᠠᠮᠲᠠᠨ ᠳ᠋ᠤᠨᠢ ᠣᠷᠣᠭᠠᠳ ᠂ ᠴᠠᠭ ᠮᠥᠴᠡ ᠬᠡᠳᠦᠢ ᠪᠣᠯᠤᠭᠰᠠᠨ ᠊ᠢ ᠶᠡᠷᠦ ᠮᠡᠳᠡᠭᠰᠡᠨ ᠦᠭᠡᠢ ᠃ ᠠᠵᠢᠯ ᠠ᠋ᠴᠠ ᠪᠠᠭᠤᠬᠤ ᠦᠶᠡ ᠳ᠋ᠤ᠌ ᠬᠠᠮᠢᠶᠠᠷᠤᠭᠴᠢ ᠨᠢ ᠬᠥᠮᠦᠨ ᠪ ᠴᠢᠮᠡᠭᠡ ᠠᠨᠢᠷ ᠦᠭᠡᠢ ᠪᠠᠶ᠋ᠢᠬᠰᠠᠨ ᠴᠤ᠌ ᠪᠠᠰᠠ 《 ᠬᠥᠮᠦᠨ ᠪᠠᠶ᠋ᠢᠨᠠ ᠤᠤ ? 》 ᠭᠡᠵᠦ ᠠᠰᠠᠭᠤᠭᠠᠳ ᠤᠳᠠᠲᠠᠯᠠ ᠬᠠᠷᠢᠭᠤ ᠦᠭᠡᠢ ᠲᠤᠯᠠ ᠡᠭᠦᠳᠡ ᠪᠡᠨ ᠣᠨᠢᠰᠤᠯᠠᠭᠰᠠᠨ ᠴᠢᠨᠢ ᠬᠠᠷᠢᠨ ᠨᠢᠭᠡ ᠯᠡ ᠰᠡᠳᠬᠢᠯ ᠶ᠋ᠢᠡᠷ ᠨᠣᠮ ᠦᠵᠡᠵᠦ ᠪᠠᠶ᠋ᠢᠬᠰᠠᠨ ᠴᠸᠨ ᠠᠪᠠᠭᠠ ᠶ᠋ᠢ ᠣᠨᠢᠰᠤᠯᠠᠴᠢᠬᠠᠭᠰᠠᠨ ᠪᠠᠶ᠋ᠢᠵᠠᠢ᠃
ᠡᠶ᠋ᠢᠮᠦ ᠤᠴᠢᠷ ᠨᠢᠭᠡ ᠯᠡ ᠤᠳᠠᠭᠠ ᠭᠠᠷᠤᠭᠰᠠᠨ ᠪᠢᠰᠢ ᠂ ᠲᠡᠷᠡ ᠲᠣᠭᠠᠨ ᠪ ᠤᠬᠠᠭᠠᠨ ᠶ᠋ᠢᠠᠨ ᠪᠣᠳᠣᠭᠠᠳ ᠯᠠ ᠶᠠᠪᠤᠳᠠᠭ ᠲᠤᠯᠠ ᠦᠷᠭᠦᠯᠵᠢ ᠬᠣᠭᠣᠯᠠᠨ ᠭᠡᠷ ᠲᠦ᠍ ᠣᠴᠢᠨᠠ ᠭᠡᠰᠡᠨ ᠶ᠋ᠢᠠᠨ ᠪᠠᠶ᠋ᠢᠷᠢ ᠳ᠋ᠠᠭᠠᠨ ᠬᠦᠷᠦᠭᠡᠳ ᠣᠴᠢᠴᠢᠬᠠᠳᠠᠭ ᠪᠢᠯᠡ ᠃
ᠴᠸᠨ ᠠᠪᠠᠭᠠ ᠴᠠᠭᠠᠨ ᠴᠣᠷᠣᠢ ᠶ᠋ᠢᠨ ᠦᠷᠪᠢᠰᠦᠯ ᠡᠪᠡᠳᠴᠢᠨ ᠲᠡᠢ ᠲᠤᠯᠠ ᠡᠪᠡᠳᠦᠮᠡᠭᠴᠡ ᠬᠠᠮᠤᠭ ᠪᠡᠶᠡ ᠡᠴᠡ ᠨᠢ ᠬᠦᠢᠲᠡᠨ ᠬᠥᠯᠥᠰᠥ ᠠᠰᠬᠠᠷᠠᠳᠠᠭ ᠃ ᠤᠳᠤᠷᠢᠳᠤᠯᠭᠠ ᠨᠢ ᠲᠡᠭᠦᠨ ᠊ᠢ ᠠᠮᠠᠷᠠ ᠭᠡᠵᠦ ᠢᠳᠬᠠᠬᠤ ᠳ᠋ᠤ᠌ ᠲᠡᠷᠡ ᠄ 《 ᠪᠡᠷᠬᠡ ᠪᠣᠭᠣᠮᠲᠠ ᠶ᠋ᠢ ᠳᠠᠭᠠᠷᠢᠬᠤ ᠨᠢ ᠳᠠᠶ᠋ᠢᠨ ᠬᠢᠬᠦ ᠲᠡᠢ ᠠᠳᠠᠯᠢ ᠪᠠᠷ ᠠᠮᠢ ᠪᠠᠨ ᠴᠦᠯᠡᠬᠦ ᠦᠭᠡᠢ ᠪᠣᠯ ᠪᠣᠯᠬᠤ ᠦᠭᠡᠢ 》 ᠭᠡᠵᠦ ᠦᠷᠭᠦᠯᠵᠢ ᠨᠢᠭᠡ ᠭᠠᠷ ᠶ᠋ᠢᠠᠷ ᠢ᠋ᠶ᠋ᠠᠨ ᠬᠡᠪᠡᠯᠢ ᠪᠡᠨ ᠲᠡᠪᠡᠷᠢᠨ ᠂ ᠨᠢᠭᠡ ᠭᠠᠷ ᠶ᠋ᠢᠠᠷ ᠢ᠋ᠶ᠋ᠠᠨ ᠰᠡᠳᠦᠪ ᠶ᠋ᠢᠠᠨ ᠪᠣᠳᠣᠳᠠᠭ ᠃ ᠡᠮᠨᠡᠯᠭᠡ ᠳ᠋ᠤ᠌ ᠣᠷᠣᠵᠤ ᠡᠮᠨᠡᠭᠦᠯᠵᠦ ᠪᠠᠶ᠋ᠢᠬᠤ ᠦᠶᠡ ᠳ᠋ᠡᠭᠡᠨ ᠴᠦ᠍ ᠭᠡᠰᠡᠨ ᠥᠷᠯᠥᠭᠡ ᠡᠷᠲᠡ ᠶ᠋ᠢᠨ ᠭᠤᠷᠪᠠᠨ ᠴᠠᠭ ᠲᠤ᠌ ᠪᠣᠰᠴᠤ ᠰᠡᠳᠦᠪ ᠶ᠋ᠢᠠᠨ ᠪᠣᠳᠣᠬᠤ ᠪᠤᠶᠤ ᠭᠠᠳᠠᠭᠠᠳᠤ ᠬᠡᠯᠡᠨ ᠦ᠌ ᠨᠡᠪᠲᠡᠷᠡᠭᠦᠯᠭᠡ ᠶ᠋ᠢ ᠰᠣᠨᠣᠰᠳᠠᠭ ᠪᠥᠭᠡᠳ ᠲᠣᠭᠠᠨ ᠤ᠋ ᠤᠬᠠᠭᠠᠨ ᠪ ᠲᠤᠬᠠᠢ ᠥᠭᠦᠯᠡᠯ ᠦ᠋ᠳ ᠊ᠢ ᠪᠢᠴᠢᠳᠡᠭ ᠃
《 ᠳᠥᠷᠪᠡᠨ ᠬᠠᠮᠰᠠᠭᠠᠲᠠᠨ 》 ᠰᠡᠬᠡᠭᠡᠲᠡᠨ ᠊ᠢ ᠬᠢᠬᠠᠨ ᠬᠣᠣᠷᠯᠠᠬᠤ ᠦᠶᠡ ᠳ᠋ᠤ᠌ ᠴᠸᠨ ᠠᠪᠠᠭᠠ ᠴᠤ᠌ 《 ᠴᠠᠶ᠋ᠢᠵᠤ ᠮᠡᠷᠭᠡᠵᠢᠬᠦ ᠵᠠᠮ ᠶ᠋ᠢᠠᠷ ᠶᠠᠪᠤᠵᠤ ᠪᠠᠶ᠋ᠢᠨᠠ 》ᠭᠡᠵᠦ ᠵᠢᠮᠡᠯᠡᠭᠳᠡᠵᠦ ᠯᠡ ᠪᠠᠶ᠋ᠢᠯᠠ ᠃ ᠭᠡᠪᠡᠴᠦ ᠲᠡᠷᠡ ᠡᠬᠡ ᠣᠷᠣᠨ ᠪ ᠢ᠋ᠶ᠋ᠡᠨ ᠰᠢᠨᠵᠢᠯᠡᠬᠦ ᠤᠬᠠᠭᠠᠨ ᠊ᠢ ᠬᠥᠭᠵᠢᠭᠦᠯᠬᠦ ᠶ᠋ᠢᠨ ᠲᠥᠯᠥᠭᠡ ᠲᠡᠮᠡᠴᠡᠨᠡ ᠭᠡᠵᠦ ᠵᠣᠷᠢᠭ ᠰᠢᠭᠤᠳᠤᠭᠰᠠᠨ ᠤᠴᠢᠷ ᠠ᠋ᠴᠠ ᠰᠠᠯᠬᠢ ᠳᠠᠪᠠᠯᠭᠠᠨ ᠳ᠋ᠤ᠌ ᠴᠣᠬᠢᠭᠳᠠᠭᠰᠠᠨ ᠴᠤ᠌ ᠴᠤᠴᠠᠯᠲᠠ ᠦᠭᠡᠢ ᠤᠷᠤᠭᠰᠢᠯᠠᠨ ᠂ ᠨᠢᠭᠤᠨ ᠳᠠᠯᠳᠠᠯᠠᠵᠤ ᠪᠠᠶ᠋ᠢᠭᠠᠳ ᠰᠤᠳᠤᠯᠭᠠᠨ ᠶ᠋ᠢᠠᠨ ᠬᠢᠪᠡ ᠃ ᠲᠡᠷᠡ ᠡᠷᠳᠡᠮ ᠰᠢᠨᠵᠢᠯᠡᠭᠡᠨ ᠦ᠌ ᠥᠭᠦᠯᠡᠯ ᠳᠥᠴᠢᠨ ᠬᠡᠳᠦ ᠪᠢᠴᠢᠵᠦ ᠳᠡᠯᠡᠬᠡᠢ ᠳ᠋ᠤ᠌ ᠲᠡᠷᠢᠭᠦᠯᠡᠭᠰᠡᠨ ᠠᠮᠵᠢᠯᠲᠠ ᠶ᠋ᠢ ᠣᠯᠤᠭᠰᠠᠨ ᠪᠣᠯᠪᠠᠴᠤ ᠰᠢᠨᠵᠢᠯᠡᠬᠦ ᠤᠬᠠᠭᠠᠨ ᠪ ᠰᠢᠨᠡ ᠣᠷᠭᠢᠯ ᠥᠭᠡᠳᠡ ᠦᠷᠭᠦᠯᠵᠢᠯᠡᠨ ᠤᠷᠤᠭᠰᠢᠯᠠᠭᠰᠠᠭᠠᠷ ᠪᠠᠶ᠋ᠢᠨᠠ ᠃
ᠢᠷᠡᠯᠲᠡ ᠄
ᠲᠠᠪᠤᠨ ᠵᠢᠯ ᠦᠨ ᠲᠦᠷᠢᠮᠳᠦ ᠪᠠᠭᠠ ᠰᠤᠷᠭᠠᠭᠤᠯᠢ ᠳᠤ ᠦᠵᠡᠬᠦ
ᠬᠡᠯᠡ ᠪᠢᠴᠢᠭ ᠶᠢᠰᠦᠳᠦᠭᠡᠷ ᠲᠡᠪᠳᠡᠷ ※
ᠦᠪᠦᠷ ᠮᠤᠩᠭᠤᠯ ᠤᠨ ᠰᠤᠷᠭᠠᠨ ᠬᠦᠮᠦᠵᠢᠯ ᠦᠨ ᠬᠡᠪᠯᠡᠯ ᠦᠨ ᠬᠤᠷᠢᠶᠠ ᠨᠠᠢᠢᠷᠠᠭᠤᠯᠤᠨ ᠬᠡᠪᠯᠡᠭᠦᠯᠪᠡ
ᠦᠪᠦᠷ ᠮᠤᠩᠭᠤᠯ ᠤᠨ ᠰᠢᠨᠬᠤᠸᠠ ᠨᠤᠮ ᠤᠨ ᠲᠡᠯᠭᠡᠭᠦᠷ ᠲᠠᠷᠬᠠᠭᠠᠪᠠ
ᠦᠪᠦᠷ ᠮᠤᠩᠭᠤᠯ ᠤᠨ ᠮᠤᠩᠭᠤᠯ ᠪᠢᠴᠢᠭ ᠬᠡᠪᠯᠠᠬᠦ ᠦᠢᠯᠡᠳᠪᠦᠷᠢ ᠬᠡᠪᠯᠡᠪᠡ
1981 ᠤᠨ ᠤ 5 ᠰᠠᠷᠠ ᠳᠤ ᠬᠤᠶᠠᠳᠤᠭᠠᠷ ᠬᠡᠪ ᠢ ᠬᠢᠪᠡ
1984 ᠤᠨ ᠤ 4 ᠰᠠᠷᠠ ᠳᠤ ᠲᠦᠷᠪᠡᠳᠦᠭᠡᠷ ᠤᠳᠠᠭᠠ ᠶ᠋ᠢᠨ ᠬᠡᠪᠯᠡᠯ ᠡᠴᠡ ᠰᠣᠩᠭᠣᠪᠠ ᠃
ᠦᠰᠦᠭ ᠠᠮᠢᠯᠠᠭᠤᠯᠤᠬᠴᠢ ᠄ ᠨᠠᠷᠠᠨᠰᠤᠶᠤᠯ
ᠬᠢᠨᠠᠬᠴᠢ ᠄ ᠣᠤᠠᠬᠠᠨᠰᠣᠠ ᠂ ᠲᠣ᠋ · ᠨᠠᠨᠲᠢᠨ
2023.3.2