ᠮᠣᠩᠭᠣᠯ ᠣᠨᠢᠰᠤᠭᠠ ᠶᠢᠨ ᠲᠡᠭᠦᠪᠦᠷᠢ – ᠬᠣᠶᠠᠳᠤᠭᠠᠷ ᠪᠦᠯᠦᠭ –15 Монгол оньсгын түүвэр –Хоёрдугаар бүлэг– 15
1629ᠬᠣᠶᠠᠳᠤᠭᠠᠷ ᠪᠦᠯᠦᠭ – ᠠᠷᠠᠳ ᠦ᠋ᠨ ᠠᠮᠠ ᠪᠠᠷ ᠵᠣᠬᠢᠶᠠᠭᠲᠠᠭᠰᠠᠨ ᠣᠨᠢᠰᠣᠬ᠋ᠠ
ᠬᠣᠷᠣᠬᠠᠢ ᠰᠢᠪᠡᠵᠡᠢ ᠠᠷᠪᠢᠨ ᠵᠦᠢᠯ
ᠬᠥᠯ ᠦᠭᠡᠢ ᠬᠡᠪᠲᠡᠭᠡ ᠶᠠᠪᠤᠭᠴᠢ
ᠬᠥᠯᠥᠰᠥ ᠦᠭᠡᠢ ᠤᠷᠢᠶᠠᠩᠬᠠᠢ ᠨᠣᠶᠠᠨ
ᠰᠡᠭᠦᠵᠢ ᠦᠭᠡᠢ ᠬᠡᠯᠲᠡᠩ ᠲᠦᠰᠢᠮᠡᠯ
ᠰᠡᠭᠦᠯ ᠦᠭᠡᠢ ᠣᠭᠣᠲᠣᠩ ᠪᠠᠭᠠᠲᠤᠷ
( ᠤᠰᠤ ᠮᠣᠭᠠᠢ ᠵᠢᠭᠠᠰᠤ ᠮᠡᠯᠡᠬᠡᠢ)
ᠰᠡᠭᠦᠯ ᠦᠭᠡᠢ ᠭᠣᠲᠣᠩ ᠴᠣᠬᠣᠷ
ᠰᠡᠭᠦᠵᠢ ᠦᠭᠡᠢ ᠬᠡᠯᠲᠡᠩ ᠴᠣᠬᠣᠷ
( ᠮᠡᠯᠡᠬᠡᠢ)
ᠲᠥᠪ ᠲᠦᠪ ᠳᠡᠭᠳᠡᠭᠡᠬᠡᠢ ᠴᠣᠬᠣᠷ
ᠳᠦᠷᠪᠡᠨ ᠬᠦᠯ ᠨᠢ ᠮᠠᠶ᠋ᠢᠵᠡᠬᠢ ᠴᠣᠬᠣᠷ
ᠬᠦᠮᠦᠨ ᠪ ᠭᠠᠵᠠᠷ ᠬᠥᠷᠵᠡᠩ ᠴᠣᠬᠣᠷ
ᠬᠥᠲᠡᠭᠡ ᠶ᠋ᠢᠨ ᠭᠠᠵᠠᠷ ᠳᠡᠪᠬᠡᠨ ᠴᠣᠬᠣᠷ
( ᠮᠡᠯᠡᠬᠡᠢ)
ᠭᠣᠶᠣᠮᠰᠣᠭ ᠨᠣᠭᠣᠭᠠᠨ ᠳᠡᠪᠡᠯ ᠲᠡᠢ
ᠭᠤᠸ᠋ᠠ ᠪᠦᠮᠪᠦᠷᠬᠡᠨ ᠨᠢᠲᠦ ᠲᠡᠢ
ᠭᠠᠪ ᠱᠠᠪ ᠦᠰᠦᠷᠳᠡᠭ
ᠭᠠᠪᠰᠢᠭᠠᠢ ᠱᠠᠯᠠᠮᠠᠭ ᠵᠠᠩ ᠲᠠᠢ
( ᠮᠡᠯᠡᠬᠡᠢ)
ᠬᠤᠶᠠᠭ ᠲᠠᠢ ᠪᠠᠶ᠋ᠢᠭᠠᠳ ᠳᠤᠭᠤᠯᠠᠬ᠋ᠠ ᠦᠭᠡᠢ
ᠨᠢᠲᠦ ᠲᠡᠢ ᠪᠠᠶ᠋ᠢᠭᠠᠳ ᠬᠥᠮᠥᠰᠬᠡ ᠦᠭᠡᠢ
ᠵᠢᠭᠢᠳᠡᠭ ᠦᠭᠡᠢ ᠪᠠᠶ᠋ᠢᠭᠠᠳ ᠶᠠᠪᠤᠲᠠᠭ
ᠵᠢᠭᠦᠷ ᠪᠠᠶ᠋ᠢᠭᠠᠳ ᠨᠢᠰᠳᠡᠭ ᠦᠭᠡᠢ
( ᠵᠢᠭᠠᠰᠤ)
ᠲᠣᠯᠢ ᠶ᠋ᠢᠨ ᠮᠠᠩᠬᠠᠨ ᠳ᠋ᠤ᠌ ᠲᠣᠭᠣᠰᠣ ᠦᠭᠡᠢ
ᠬᠣᠯᠠ ᠶ᠋ᠢᠨ ᠮᠠᠩᠬᠠᠨ ᠳ᠋ᠤ᠌ ᠮᠥᠷ ᠦᠭᠡᠢ
ᠭᠤᠯᠠᠰ ᠭᠤᠯᠠᠰ ᠶᠠᠪᠤᠲᠠᠯ ᠲᠠᠢ
ᠭᠤᠴᠢᠨ ᠭᠤᠷᠪᠠᠨ ᠨᠢᠷᠤᠭᠤ ᠲᠠᠢ
( ᠵᠢᠭᠠᠰᠤ)
ᠵᠡᠭᠦᠦ ᠪᠠᠶ᠋ᠢᠭᠠᠳ ᠤᠲᠠᠰᠤ ᠦᠭᠡᠢ
ᠤᠲᠠᠰᠤ ᠪᠠᠶ᠋ᠢᠭᠠᠳ ᠵᠡᠭᠦᠦ ᠦᠭᠡᠢ
ᠭᠡᠷᠡᠯ ᠪᠠᠶ᠋ᠢᠭᠠᠳ ᠭᠠᠯ ᠦᠭᠡᠢ
( ᠵᠥᠭᠡᠢ ᠠᠭᠠᠯᠵᠢ ᠭᠠᠯᠲᠤ ᠬᠣᠷᠣᠬᠠᠢ)
ᠡᠮᠦᠨᠡ ᠭᠠᠵᠠᠷ ᠦ᠋ᠨ ᠵᠦ᠍ ᠭᠧ ᠯᠢᠶᠠᠩ
ᠡᠪᠡᠰᠦᠨ ᠣᠷᠲᠣᠨ ᠳ᠋ᠤ᠌ ᠵᠠᠯᠠᠷᠠᠨ ᠰᠠᠭᠤᠵᠤ
ᠨᠠᠢ᠍ᠮᠠᠨ ᠬᠦᠯ ᠦ᠋ᠨ ᠵᠢᠬᠰᠠᠭᠠᠯ ᠵᠢᠬᠰᠠᠵᠤ
ᠨᠢᠰᠴᠦ ᠢᠷᠡᠬᠦ ᠵᠠᠩᠵᠤᠨ ᠊ᠢ ᠪᠠᠷᠢᠪᠴᠢᠯᠠᠨᠠ
( ᠠᠭᠠᠯᠵᠢ)
ᠭᠠᠷ ᠶ᠋ᠢᠠᠷ ᠨᠡᠬᠡᠳᠡᠭ ᠦᠭᠡᠢ
ᠭᠠᠶ᠋ᠢᠬᠠᠮᠰᠢᠬᠲᠠᠢ ᠲᠣᠣᠷ
( ᠠᠭᠠᠯᠵᠢ ᠶ᠋ᠢᠨ ᠰᠢᠯᠣᠰᠤ)
ᠡᠷᠡᠬᠡᠢ ᠶ᠋ᠢᠨ ᠴᠢᠨᠡᠭᠡ ᠪᠡᠶᠡ ᠲᠡᠢ
ᠡᠷᠡ ᠬᠣᠩᠬᠣᠷ ᠳᠠᠭᠤ ᠲᠠᠢ
( ᠵᠥᠭᠡᠢ)
ᠡᠷᠢᠶᠡᠨ ᠭᠡᠬᠦ ᠳ᠋ᠤ᠌ ᠪᠠᠷᠰ ᠪᠢᠰᠢ
ᠡᠪᠡᠷ ᠲᠡᠢ ᠭᠡᠬᠦ ᠳ᠋ᠤ᠌ ᠪᠤᠬᠠ ᠪᠢᠰᠢ
ᠨᠣᠮ ᠲᠠᠢ ᠭᠡᠬᠦ ᠳ᠋ᠤ᠌ ᠯᠠᠮᠠ ᠪᠢᠰᠢ
ᠯᠣᠩᠬᠣ ᠲᠠᠢ ᠭᠡᠬᠦ ᠳ᠋ᠤ᠌ ᠠᠷᠢᠬᠢ ᠪᠢᠰᠢ
( ᠵᠥᠭᠡᠢ)
ᠪᠠᠭᠠᠲᠤᠷ ᠪᠢᠰᠢ ᠪᠠᠶ᠋ᠢᠭᠠᠳ ᠵᠢᠲᠠ ᠲᠠᠢ
ᠪᠠᠭᠰᠢ ᠪᠢᠰᠢ ᠪᠠᠶ᠋ᠢᠭᠠᠳ ᠨᠣᠮ ᠲᠠᠢ
ᠪᠠᠷᠰ ᠪᠢᠰᠢ ᠪᠠᠶ᠋ᠢᠭᠠᠳ ᠡᠷᠢᠶᠡᠨ ᠲᠡᠢ
ᠪᠠᠶᠠᠨ ᠪᠢᠰᠢ ᠪᠠᠶ᠋ᠢᠭᠠᠳ ᠡᠳ᠋ ᠲᠡᠢ
( ᠵᠥᠭᠡᠢ)
ᠡᠷᠭᠢᠯᠲᠦᠭᠡᠳ ᠪᠠᠶ᠋ᠢᠨᠠ ᠡᠷᠭᠢᠭᠦᠦ ᠶᠤᠮ ᠤᠤ ? ᠪᠠᠰᠠ ᠪᠢᠰᠢ
ᠡᠷᠢᠶᠡᠨ ᠪᠠᠶ᠋ᠢᠨᠠ ᠪᠠᠷᠰ ᠶᠤᠮ ᠤᠤ ? ᠪᠠᠰᠠ ᠪᠢᠰᠢ
ᠤᠩᠰᠢᠭᠠᠳ ᠪᠠᠶ᠋ᠢᠨᠠ ᠯᠠᠮᠠ ᠶᠤᠮ ᠤᠤ ? ᠪᠠᠰᠠ ᠪᠢᠰᠢ
ᠤᠬᠢᠯᠠᠭᠠᠳ ᠪᠠᠶ᠋ᠢᠨᠠ ᠬᠡᠦᠬᠡᠨ ᠶᠤᠮ ᠤᠤ ? ᠪᠠᠰᠠ ᠪᠢᠰᠢ
( ᠵᠥᠭᠡᠢ)
ᠨᠠᠮ ᠰᠠᠭᠤᠵᠤ ᠴᠢᠲᠠᠲᠠᠭ ᠦᠭᠡᠢ
ᠨᠠᠭᠠᠤᠠᠴᠤ ᠲᠣᠭᠯᠠᠬᠤ ᠶ᠋ᠢ ᠮᠡᠳᠡᠳᠡᠭ ᠦᠭᠡᠢ
ᠴᠡᠴᠡᠭ ᠦ᠋ᠨ ᠬᠦᠷᠢᠶᠡᠯᠡᠩ ᠳ᠋ᠤ᠌ ᠠᠵᠢᠯ ᠲᠠᠢ
ᠰᠢᠯᠢᠳᠡᠭ ᠬᠥᠲᠡᠯᠮᠦᠷᠢᠴᠢ ᠶ᠋ᠢᠨ ᠴᠣᠯᠠ ᠲᠠᠢ
( ᠵᠥᠭᠡᠢ)
ᠬᠠᠨᠠᠭᠤᠷ ᠲᠠᠢ ᠪᠠᠶ᠋ᠢᠨᠠ
ᠡᠮᠴᠢ ᠪᠠᠶ᠋ᠢᠬᠠ
ᠬᠦᠩᠭᠢᠨᠡᠮᠡ ᠳᠠᠭᠤ ᠲᠠᠢ ᠪᠠᠶ᠋ᠢᠨᠠ
ᠣᠩᠵᠢᠳ( ᠤᠮᠵᠠᠳ) ᠪᠠᠶ᠋ᠢᠬᠠ
( ᠵᠥᠭᠡᠢ)
ᠡᠷᠢᠶᠡᠨ ᠠᠯᠠᠭ ᠪᠡᠶᠡ ᠲᠡᠢ
ᠡᠷᠡ ᠬᠣᠩᠭᠣᠷ ᠳᠠᠭᠤ ᠲᠠᠢ
( ᠬᠡᠲᠡᠭᠡᠨᠡ)
ᠡᠷᠢᠶᠡᠨ ᠯᠡ ᠪᠠᠶ᠋ᠢᠨᠠ
ᠪᠠᠷᠰ ᠪᠠᠶ᠋ᠢᠯᠭᠦᠢ
ᠡᠪᠡᠷᠲᠡᠢ ᠯᠡ ᠪᠠᠶ᠋ᠢᠨᠠ
ᠪᠤᠭᠤ ᠪᠠᠶ᠋ᠢᠯᠭᠦᠢ
( ᠬᠡᠲᠡᠭᠡᠨᠡ)
ᠡᠮᠦᠨᠡ ᠡᠴᠡ ᠢᠷᠡᠭᠰᠡᠨ ᠤᠤᠠᠪᠠᠯᠠ ᠴᠡᠴᠡᠭ
ᠴᠢᠰᠤ ᠴᠤ᠌ ᠦᠭᠡᠢ ᠶᠠᠰᠤ ᠴᠤ᠌ ᠦᠭᠡᠢ
( ᠡᠷᠪᠡᠬᠡᠢ)
ᠬᠡᠢ ᠪᠡᠶᠡ ᠲᠡᠢ
ᠬᠡᠶ᠋ᠢᠰᠬᠦ ᠵᠢᠭᠦᠷ ᠲᠡᠢ
ᠦᠵᠡᠬᠦ ᠳ᠋ᠤ᠌ ᠰᠠᠶ᠋ᠢᠬᠠᠨ
ᠦᠯᠢᠭᠡᠷ ᠠᠪᠤᠯᠲᠠᠢ
( ᠡᠷᠪᠡᠬᠡᠢ)
ᠨᠠᠩᠭᠢᠶᠠᠳ ᠭᠤᠷᠭᠤᠤᠯ ᠦ᠋ᠨ ᠰᠡᠭᠦᠯ ᠊ᠢ
ᠲᠡᠷᠢᠭᠦᠨ ᠳᠡᠭᠡᠷᠡ ᠪᠡᠨ ᠬᠠᠤᠠᠬᠤᠵᠤ
ᠨᠠᠪᠴᠢᠨ ᠬᠤᠸᠠᠷᠲᠠᠢ ᠳᠡᠪᠡᠯ ᠊ᠢ
ᠪᠡᠶᠡ ᠳ᠋ᠡᠭᠡᠨ ᠡᠮᠦᠰᠦᠭᠡᠳ
ᠮᠢᠩᠭᠠᠨ ᠴᠡᠴᠡᠭ ᠦ᠋ᠨ ᠬᠦᠷᠢᠶᠡᠯᠡᠩ ᠳ᠋ᠤ᠌
ᠮᠢᠷᠠᠯᠵᠠᠨ ᠲᠣᠭᠣᠷᠢᠬᠴᠢ ᠬᠡᠦᠬᠡᠨ
( ᠡᠷᠪᠡᠬᠡᠢ)
ᠬᠡᠷᠦᠯᠦᠨ ᠡᠴᠡ ᠢᠷᠡᠭᠰᠡᠨ
ᠬᠡᠬᠡᠷ ᠴᠣᠬᠣᠷ ᠳᠠᠬ᠋ᠠ
ᠬᠡᠷᠢᠶᠡ ᠴᠠᠤᠠᠬᠠᠬᠤ ᠵᠣᠪᠠᠯᠬ᠋ᠠ ᠦᠭᠡᠢ
ᠬᠡᠩᠰᠢᠭᠦᠦ ᠲᠠᠯᠪᠢᠬᠤ ᠶᠠᠰᠤ ᠦᠭᠡᠢ
( ᠡᠷᠪᠡᠬᠡᠢ)
ᠡᠮᠦᠨᠡ ᠡᠴᠡ ᠢᠷᠡᠭᠰᠡᠨ
ᠥᠩᠭᠡᠲᠦ ᠬᠡᠦᠬᠡᠨ
ᠴᠡᠴᠡᠭ ᠬᠤᠸᠠᠷ ᠲᠤ
ᠴᠡᠩᠭᠡᠨ ᠵᠢᠷᠭᠠᠵᠤ
ᠴᠢᠮᠡᠭᠡ ᠢᠮᠡᠭᠡ ᠦᠭᠡᠢ
ᠵᠠᠶ᠋ᠢᠯᠠᠵᠤ ᠤᠤᠠᠲᠠᠭ
( ᠡᠷᠪᠡᠬᠡᠢ)
ᠵᠢᠩᠭᠢᠷ ᠵᠠᠩᠭᠠᠷ ᠳᠠᠭᠤ ᠲᠠᠢ ᠵᠡᠰ ᠭᠠᠤᠯᠢᠨ ᠬᠣᠩᠰᠢᠶᠠᠷ ᠲᠠᠢ
( ᠪᠠᠲᠠᠭᠠᠨᠠ)
ᠭᠠᠩ ᠦᠵᠦᠭᠦᠷᠲᠦ ᠬᠠᠨᠠᠭᠤᠷ ᠶ᠋ᠢᠠᠨ ᠭᠠᠷ ᠳᠠᠭᠠᠨ ᠪᠠᠷᠢᠵᠤ
ᠭᠠᠢ ᠲᠠᠢ ᠴᠢᠰᠤᠨ ᠲᠤᠯᠤᠮ ᠶ᠋ᠢᠠᠨ ᠠᠷᠤ ᠳ᠋ᠠᠭᠠᠨ ᠡᠭᠦᠷᠴᠦ
ᠭᠠᠰᠠᠯᠠᠩ ᠦ᠋ᠨ ᠭᠤᠨᠢᠬᠲᠤ ᠳᠠᠭᠤ ᠪᠠᠨ ᠶᠠᠩᠭᠢᠨᠠᠭᠤᠯᠤᠨ ᠭᠢᠩᠰᠢᠭᠰᠡᠭᠡᠷ
ᠭᠠᠯᠠᠪ ᠳᠡᠯᠡᠬᠡᠢ ᠶ᠋ᠢᠨ ᠠᠮᠢᠲᠠᠨ ᠪᠦᠬᠦᠨ ᠊ᠢ ᠠᠮᠤᠷ ᠪᠠᠶ᠋ᠢᠯᠭᠠᠬᠤ ᠦᠭᠡᠢ
( ᠪᠠᠲᠠᠭᠠᠨᠠ )
ᠶᠠᠳᠠᠮᠠᠭ ᠡᠮᠡᠭᠡᠨ
ᠴᠠᠳᠤᠮᠠᠭ ᠴᠢᠮᠥᠭᠡ ᠲᠠᠢ
( ᠰᠢᠮᠠᠭᠤᠯ )
ᠰᠠᠭᠤᠵᠤ ᠪᠠᠶ᠋ᠢᠬᠤ ᠨᠢ ᠰᠢᠪᠠᠭᠤ ᠰᠢᠭ᠋
ᠰᠣᠷᠣᠵᠤ ᠪᠠᠶ᠋ᠢᠬᠤ ᠨᠢ ᠴᠢᠨᠣᠠ ᠰᠢᠭ᠋
( ᠰᠢᠮᠠᠭᠤᠯ )
ᠤᠲᠠᠰᠤᠨ ᠨᠠᠷᠢᠨ ᠪᠡᠶᠡ ᠲᠠᠢ
ᠤᠯᠠᠭᠠᠨ ᠬᠦᠷᠡᠩ ᠴᠠᠮᠴᠠ ᠲᠠᠢ
ᠴᠢᠨᠡᠭᠡᠯᠢᠭ ᠪᠠᠶᠠᠨ ᠠᠮᠢᠳᠤᠷᠠᠯ ᠲᠠᠢ
ᠴᠢᠭᠢᠭ ᠲᠦ ᠶᠠᠪᠤᠬᠤ ᠮᠡᠷᠭᠡᠵᠢᠯ ᠲᠠᠢ
( ᠴᠢᠭᠢᠭ ᠤᠨ ᠤᠯᠠᠭᠠᠨ ᠬᠣᠷᠣᠬᠠᠢ )
ᠬᠠᠷᠠ ᠲᠡᠮᠦᠷ ᠬᠤᠶᠠᠭ ᠢ ᠪᠡᠶᠡ ᠳ᠋ᠡᠭᠡᠨ ᠬᠡᠳᠦᠷᠴᠤ
ᠬᠠᠯᠢᠨ ᠨᠢᠰᠬᠦ ᠵᠢᠭᠦᠷ ᠢ ᠪᠡᠶᠡ ᠳ᠋ᠡᠭᠡᠨ ᠠᠭᠰᠠᠵᠤ
ᠬᠠᠮᠤᠭ ᠣᠯᠠᠨ ᠤ ᠦᠢᠮᠡᠭᠡᠨ ᠳᠤᠮᠳᠠ ᠠ᠋ᠴᠠ
ᠬᠠᠷᠠ ᠪᠥᠮᠪᠥᠭᠡ ᠶ᠋ᠢ ᠠᠪᠤᠨ ᠣᠳᠳᠠᠭ
ᠬᠠᠮᠢᠭᠠᠰᠢ ᠭᠠᠵᠠᠷ ᠤᠨ ᠵᠠᠩᠵᠤᠨ ᠪᠤᠢ
( ᠪᠠᠮᠪᠤ )
ᠲᠥᠷᠥᠭᠰᠡᠨ ᠪᠡᠶᠡ ᠨᠢ ᠪᠠᠭᠠ ᠪᠣᠯᠪᠠᠴᠤ
ᠲᠡᠮᠦᠷ ᠬᠦᠷᠡᠯ ᠤᠨ ᠥᠩᠭᠡ ᠲᠠᠢ
ᠭᠠᠪᠢᠶᠠ ᠴᠢᠳᠠᠯ ᠨᠢ ᠪᠠᠭᠤᠷᠠᠢ ᠪᠣᠯᠪᠠᠴᠤ
ᠭᠠᠷᠤᠳᠢ ᠶ᠋ᠢᠨ ᠵᠢᠭᠦᠷ ᠢ ᠵᠡᠭᠦᠭᠡᠳ
ᠡᠩ ᠣᠯᠠᠨ ᠢᠶ᠋ᠠᠷ ᠢᠶ᠋ᠠᠨ ᠴᠤᠭᠯᠠᠷᠠᠨ
ᠡᠷᠳᠡᠨᠢ ᠶ᠋ᠢᠨ ᠪᠥᠮᠪᠥᠭᠡ ᠶ᠋ᠢ ᠪᠤᠯᠢᠶᠠᠯᠳᠤᠨᠠ
( ᠪᠠᠮᠪᠤ )
ᠡᠷᠳᠡᠨᠢ ᠰᠠᠶ᠋ᠢᠬᠠᠨ ᠥᠩᠭᠡᠲᠡᠢ
ᠡᠷᠡᠰ ᠲᠡᠷᠡᠰ ᠶᠠᠪᠤᠳᠠᠯ ᠲᠠᠢ
ᠡᠷᠡᠬᠡᠢ ᠶ᠋ᠢᠨ ᠴᠢᠨᠡᠭᠡ ᠪᠡᠶᠡ ᠲᠠᠢ
ᠡᠷᠡ ᠬᠣᠩᠭᠣᠷ ᠳᠠᠭᠤ ᠲᠠᠢ
( ᠭᠦᠷᠡᠯᠵᠡᠭᠡᠨᠡ )
ᠵᠢᠳᠠᠨ ᠰᠡᠭᠦᠯ ᠲᠠᠢ
ᠵᠢᠭᠠᠰᠤᠨ ᠬᠠᠶ᠋ᠢᠷ ᠲᠠᠢ
( ᠭᠣᠯᠢᠶᠠ )
ᠯᠣᠩᠬᠣᠨ ᠭᠡᠳᠡᠰᠦ ᠲᠠᠢ
ᠨᠠᠪᠴᠢᠨ ᠪᠡᠯᠴᠢᠭᠡᠷ ᠲᠠᠢ
( ᠭᠣᠯᠢᠶᠠ )
ᠨᠣᠭᠣᠭᠠᠨ ᠪᠠᠶ᠋ᠢᠨᠠ ᠨᠣᠮᠢᠨ ᠶᠤᠮ ᠤᠤ
ᠯᠣᠩᠬᠣ ᠲᠠᠢ ᠪᠠᠶ᠋ᠢᠨᠠ ᠲᠣᠰᠣ ᠶᠤᠮ ᠤᠤ
ᠡᠷᠢᠶᠡᠨ ᠪᠠᠶ᠋ᠢᠨᠠ ᠪᠠᠷᠰ ᠶᠤᠮ ᠤᠤ
ᠡᠪᠡᠷ ᠲᠠᠢ ᠪᠠᠶ᠋ᠢᠨᠠ ᠦᠬᠡᠷ ᠶᠤᠮ ᠤᠤ
( ᠭᠣᠯᠢᠶᠠ )
ᠬᠠᠶᠠᠭᠠᠨ ᠳᠣᠣᠭᠤᠷ ᠨᠤᠲᠤᠭ ᠲᠠᠢ
ᠬᠠᠷᠠ ᠲᠡᠮᠦᠷ ᠬᠤᠶᠠᠭ ᠲᠠᠢ
ᠬᠠᠯᠳᠠᠵᠤ ᠣᠷᠣᠯᠳᠣᠪᠠᠯ ᠪᠣᠯᠠᠢ ᠲᠠᠢ
ᠬᠠᠮᠠᠷ ᠭᠠᠳᠠᠮᠠ ᠦᠨᠦᠷ ᠲᠠᠢ
( ᠦᠮᠡᠬᠡᠢ ᠴᠣᠬᠣ )
ᠠᠷᠪᠠᠭᠠᠷ ᠰᠠᠷᠪᠠᠭᠠᠷ ᠮᠤᠲᠤᠷ ᠲᠠᠢ
ᠠᠷᠴᠠ ᠽᠠᠨᠳᠠᠨ ᠦᠨᠦᠷ ᠲᠠᠢ
ᠠᠪᠳᠠᠷᠠ ᠬᠣᠷᠭᠣ ᠳᠣᠣᠭᠤᠷ ᠨᠤᠲᠤᠭ ᠲᠠᠢ
ᠠᠯᠢ ᠭᠠᠵᠠᠷ ᠤᠨ ᠴᠣᠶ᠋ᠢᠵᠠᠩ ᠪᠤᠢ
( ᠦᠮᠡᠬᠡᠢ ᠴᠣᠬᠣ )
ᠵᠢᠷᠤᠭ ᠰᠠᠶ᠋ᠢᠬᠠᠨ ᠪᠡᠶᠡ ᠲᠠᠢ
ᠵᠢᠷᠭᠤᠭᠠᠨ ᠰᠠᠶ᠋ᠢᠬᠠᠨ ᠮᠤᠲᠤᠷ ᠲᠠᠢ
ᠠᠭᠠᠷᠤ ᠽᠠᠨᠳᠠᠨ ᠦᠨᠦᠷ ᠲᠠᠢ
ᠠᠯᠢ ᠭᠠᠵᠠᠷ ᠤᠨ ᠲᠣᠶ᠋ᠢᠨ ᠪᠤᠢ
( ᠦᠮᠡᠬᠡᠢ ᠴᠣᠬᠣ )
ᠰᠡᠷ ᠰᠡᠷ ᠳᠠᠭᠤ ᠲᠠᠢ
ᠰᠠᠷᠢᠰᠤᠨ ᠬᠣᠶᠠᠷ ᠵᠢᠭᠦᠷ ᠲᠠᠢ
ᠦᠰᠦᠷᠬᠦ ᠨᠢ ᠪᠤᠭᠤ ᠰᠢᠭ᠋
ᠢᠳᠡᠬᠦ ᠨᠢ ᠢᠮᠠᠭᠠ ᠰᠢᠭ᠋
( ᠴᠠᠷᠴᠠᠬᠠᠢ )
ᠤᠷᠢᠳᠤ ᠠ᠋ᠴᠠ ᠨᠢ ᠬᠠᠷᠠᠪᠠᠯ
ᠤᠬᠤᠨᠠ ᠤᠬᠤᠨᠠ ᠪᠠᠷ
ᠬᠣᠶ᠋ᠢᠨᠠ ᠠ᠋ᠴᠠ ᠨᠢ ᠬᠠᠷᠠᠪᠠᠯ
ᠬᠣᠮ ᠲᠠᠢ ᠲᠡᠮᠡᠭᠡ ᠰᠢᠭ᠌
( ᠴᠠᠷᠴᠠᠬᠠᠢ )
ᠪᠥᠮᠪᠥᠭᠡᠷ ᠪᠥᠮᠪᠥᠭᠡᠷ ᠠᠯᠬᠤᠭᠠ ᠲᠠᠢ
ᠪᠣᠷᠣ ᠲᠣᠷᠭᠠᠨ ᠳᠡᠪᠡᠯ ᠲᠠᠢ
ᠠᠭᠠᠷᠤ ᠽᠠᠨᠳᠠᠨ ᠦᠨᠦᠷ ᠲᠠᠢ
ᠠᠯᠢ ᠯᠠᠮᠠ ᠶ᠋ᠢᠨ ᠱᠠᠪᠢ ᠪᠤᠢ
( ᠴᠣᠬᠣ )
ᠢᠳᠡᠬᠦ ᠠᠮᠠ ᠲᠠᠢ
ᠪᠠᠭᠠᠬᠤ ᠪᠥᠭᠰᠡ ᠦᠭᠡᠢ
( ᠱᠠᠯᠵᠠ )
ᠭᠥᠯᠢᠢᠭᠰᠡᠨ ᠲᠠᠷᠭᠤᠨ
ᠭᠦᠵᠡᠭᠡ ᠦᠭᠡᠢ ᠲᠠᠷᠭᠤᠨ
ᠶᠠᠨᠳᠠᠶ᠋ᠢᠬᠰᠠᠨ ᠲᠠᠷᠭᠤᠨ
ᠶᠠᠰᠤ ᠦᠭᠡᠢ ᠲᠠᠷᠭᠤᠨ
( ᠬᠤᠪᠢᠯᠵᠠᠭᠠᠨᠠ )
ᠤᠩᠭᠠᠰᠤᠨ ᠳᠣᠲᠣᠷᠠ
ᠤᠯᠠᠭᠠᠨ ᠬᠦᠦ
( ᠱᠠᠯᠵᠠ )
ᠶᠠᠰᠤ ᠦᠭᠡᠢ ᠶᠠᠨᠵᠠᠬᠠᠢ
ᠦᠰᠦ ᠦᠭᠡᠢ ᠦᠯᠭᠡᠬᠡᠢ
( ᠬᠤᠪᠢᠯᠵᠠᠭᠠᠨᠠ )
ᠠᠯᠲᠠᠨ ᠲᠠᠰᠢᠭᠤᠷ ᠢ
ᠠᠳᠬᠤᠵᠤ ᠪᠣᠯᠬᠤ ᠦᠭᠡᠢ
( ᠮᠣᠭᠠᠢ )
ᠰᠡᠭᠡᠷ ᠦᠭᠡᠢ ᠰᠡᠷᠲᠡᠩ
ᠰᠡᠮᠡᠵᠡ ᠦᠭᠡᠢ ᠭᠤᠯᠳᠤᠩ
( ᠮᠣᠭᠠᠢ )
ᠳᠡᠪᠡᠯ ᠤᠨ ᠬᠢᠨᠢ ᠬᠡ ᠶ᠋ᠢ
ᠬᠡᠨ ᠲᠣᠭᠠᠯᠠᠬᠤ ᠪᠤᠢ
( ᠮᠣᠭᠠᠢ )
ᠬᠣᠯᠠ ᠶᠠᠪᠤᠬᠤ ᠦᠭᠡᠢ ᠭᠠᠶ᠋ᠢᠬᠠᠯ
ᠬᠤᠯᠠᠭᠠᠶ᠋ᠢᠴᠢ ᠠᠪᠠᠴᠢᠬᠤ ᠦᠭᠡᠢ ᠭᠠᠶ᠋ᠢᠬᠠᠯ
ᠳᠡᠭᠡᠭᠦᠷ ᠳᠡᠭᠳᠡᠬᠦ ᠦᠭᠡᠢ ᠭᠠᠶ᠋ᠢᠬᠠᠯ
ᠳᠡᠭᠡᠰᠦᠨ ᠳᠤ ᠣᠷᠣᠬᠤ ᠦᠭᠡᠢ ᠭᠠᠶ᠋ᠢᠬᠠᠯ
( ᠪᠥᠭᠡᠰᠦ )
ᠦᠶᠡ ᠦᠭᠡᠢ ᠮᠣᠳᠣᠨ ᠳᠤ
ᠳᠠᠭᠤ ᠦᠭᠡᠢ ᠨᠣᠬᠠᠢ
( ᠪᠥᠭᠡᠰᠦ )
ᠤᠤᠬᠠᠢ ᠲᠤᠤᠬᠠᠢ ᠪᠠᠭᠠᠲᠤᠷ
ᠣᠩᠭᠣᠴᠠᠨ ᠳᠤᠮᠳᠠᠭᠤᠷ ᠢᠶ᠋ᠠᠨ
ᠲᠠᠰᠤᠷᠬᠠᠢ ᠪᠠᠭᠠᠲᠤᠷ
ᠬᠠᠳᠠᠨ ᠳᠤ ᠬᠠᠯᠲᠤᠷᠢᠳᠠᠭ ᠦᠭᠡᠢ ᠪᠠᠭᠠᠲᠤᠷ
ᠬᠠᠷᠪᠤᠭᠠᠳ ᠣᠨᠣᠭᠳᠠᠳᠠᠭ ᠦᠭᠡᠢ ᠪᠠᠭᠠᠲᠤᠷ
( ᠰᠢᠷᠭᠤᠯᠵᠢ )
ᠡᠩᠭᠡᠷ ᠦᠭᠡᠢ ᠮᠠᠩᠬᠠᠨ ᠳᠡᠭᠡᠷᠡ
ᠬᠢᠯᠢᠨᠴᠡ ᠦᠭᠡᠢ ᠴᠠᠭᠠᠨ ᠰᠢᠪᠠᠭᠤ
( ᠬᠣᠨᠢᠨ ᠭᠦᠷᠪᠡᠯ )
ᠲᠠᠯᠠ ᠶ᠋ᠢᠨ ᠴᠣᠬᠣᠷ ᠠᠵᠢᠷᠭᠠ
ᠲᠠᠯᠠ ᠳᠤ ᠳᠠᠪᠬᠢᠵᠤ
ᠪᠥᠭᠰᠡ ᠪᠠᠨ ᠪᠥᠮᠪᠦᠯᠵᠡᠭᠦᠯᠦᠨ
ᠰᠡᠭᠦᠯ ᠢᠶ᠋ᠠᠨ ᠰᠢᠷᠪᠠᠨᠠ
( ᠭᠦᠷᠪᠡᠯ )
ᠡᠷᠦᠬᠡ ᠬᠣᠷᠣᠭᠠ ᠨᠢ ᠳᠣᠷᠣᠭᠰᠢ ᠬᠠᠨᠳᠤᠵᠤ
ᠡᠭᠦᠳᠡ ᠴᠣᠩᠬᠣ ᠨᠢ ᠮᠠᠰᠢ ᠣᠯᠠᠨ
ᠬᠣᠪᠣᠷ ᠰᠢᠮᠡ ᠶ᠋ᠢ ᠲᠡᠵᠢᠭᠡᠵᠦ
ᠬᠤᠷᠢᠶᠠᠵᠤ ᠰᠠᠶ᠋ᠢᠬᠠᠨ ᠬᠠᠳᠠᠭᠠᠯᠠᠨᠠ
( ᠵᠥᠭᠡᠢ ᠶ᠋ᠢᠨ ᠡᠭᠦᠷ )
ᠦᠰᠦᠭ ᠠᠮᠢᠯᠠᠭᠤᠯᠤᠭᠰᠠᠨ ᠨᠢ : ᠬᠠᠷᠠᠨᠤᠳ · ᠲᠤᠶᠠᠭᠠ ᠂ ᠬᠠᠲᠠᠴᠢ · ᠤᠷᠠᠨᠠ
ᠬᠢᠨᠠᠭᠴᠢ ᠄ ᠬᠠᠷᠠᠨᠤᠳ · ᠲᠤᠶᠠᠭᠠ ᠂ ᠮᠢᠩᠭᠠᠳ · ᠴᠢᠮᠡᠭ