ᠮᠣᠩᠭᠣᠯ ᠣᠨᠢᠰᠤᠭᠠ ᠶᠢᠨ ᠲᠡᠭᠦᠪᠦᠷᠢ – ᠬᠣᠶᠠᠳᠤᠭᠠᠷ ᠪᠦᠯᠦᠭ –13 Монгол оньсгын түүвэр –Хоёрдугаар бүлэг– 13
1321ᠬᠣᠶᠠᠳᠤᠭᠠᠷ ᠪᠦᠯᠦᠭ – ᠠᠷᠠᠳ ᠦ᠋ᠨ ᠠᠮᠠ ᠪᠠᠷ ᠵᠣᠬᠢᠶᠠᠭᠲᠠᠭᠰᠠᠨ ᠣᠨᠢᠰᠣᠬ᠋ᠠ
ᠪᠠᠶᠠᠨ ᠪᠠᠶ᠋ᠢᠭᠠᠯᠢ ᠶ᠋ᠢᠨ ᠪᠦᠷᠢᠨ ᠵᠤᠶ᠋ᠢᠯ
ᠨᠠᠶ᠋ᠢᠷᠲᠤ ᠭᠤᠷᠪᠠᠨ ᠳᠠᠪᠠᠭᠠ
ᠨᠠᠪᠴᠢᠲᠤ ᠭᠤᠷᠪᠠᠨ ᠳᠠᠪᠠᠭᠠ
ᠴᠠᠰᠤᠲᠤ ᠭᠤᠷᠪᠠᠨ ᠳᠠᠪᠠᠭᠠ
ᠴᠡᠩᠬᠡᠯᠲᠤ ᠭᠤᠷᠪᠠᠨ ᠳᠠᠪᠠᠭᠠ
( ᠳᠦᠷᠪᠡᠨ ᠤᠯᠠᠷᠢᠯ )
ᠳᠤᠩ ᠴᠠᠭᠠᠨ
ᠬᠠᠷᠠ ᠪᠠᠷᠠᠭᠠᠨ
ᠬᠤᠷᠴᠠ ᠤᠯᠠᠭᠠᠨ
ᠬᠣᠩᠭᠣᠷ ᠰᠢᠷᠠ
( ᠳᠦᠷᠪᠡᠨ ᠤᠯᠠᠷᠢᠯ )
ᠬᠦᠨᠳᠡᠢ ᠶ᠋ᠢᠨ ᠭᠤᠷᠪᠠᠨ ᠬᠦᠬᠦᠭᠡ
ᠬᠦᠬᠡ ᠭᠤᠷᠪᠠᠨ ᠳᠠᠪᠠᠭᠠ
ᠵᠢᠮᠢᠰᠲᠦ ᠭᠤᠷᠪᠠᠨ ᠮᠣᠳᠣ
ᠵᠢᠷᠭᠠᠯᠠᠩᠲᠤ ᠭᠤᠷᠪᠠᠨ ᠲᠠᠯᠠ
( ᠳᠦᠷᠪᠡᠨ ᠤᠯᠠᠷᠢᠯ )
ᠰᠢᠮᠡ ᠶ᠋ᠢᠨ ᠭᠤᠷᠪᠠᠨ ᠳᠠᠪᠠᠭᠠ ᠶ᠋ᠢ
ᠰᠢᠯᠢᠷᠴᠤ ᠳᠠᠪᠠᠨᠠ
( ᠬᠠᠪᠤᠷ )
ᠨᠠᠮ ᠭᠤᠷᠪᠠᠨ ᠳᠠᠪᠠᠭᠠ
ᠨᠠᠬᠢᠭᠤ ᠭᠤᠷᠪᠠᠨ ᠳᠠᠪᠠᠭᠠ
ᠬᠢᠴᠡ ᠭᠤᠷᠪᠠᠨ ᠳᠠᠪᠠᠭᠠ
ᠬᠡᠴᠡᠭᠦᠦ ᠭᠤᠷᠪᠠᠨ ᠳᠠᠪᠠᠭᠠ
( ᠳᠦᠷᠪᠡᠨ ᠤᠯᠠᠷᠢᠯ )
ᠲᠦᠷᠦᠬᠦ ᠭᠤᠷᠪᠠᠨ ᠳᠠᠪᠠᠭᠠ
ᠲᠥᠭᠦᠬᠥ ᠭᠤᠷᠪᠠᠨ ᠰᠢᠯᠢ
ᠲᠥᠭᠥᠷᠢᠭ ᠭᠤᠷᠪᠠᠨ ᠠᠭᠤᠯᠠ
ᠲᠦᠭᠦᠬᠡᠢ ᠭᠤᠷᠪᠠᠨ ᠴᠠᠶ᠋ᠢᠳᠠᠮ
( ᠳᠦᠷᠪᠡᠨ ᠤᠯᠠᠷᠢᠯ )
ᠢᠳᠠᠮ ᠭᠤᠷᠪᠠᠨ ᠳᠠᠪᠠᠭᠠ
ᠪᠠᠶᠠᠨ ᠭᠤᠷᠪᠠᠨ ᠣᠪᠣᠭᠠ
ᠮᠥᠰᠥᠲᠦ ᠭᠤᠷᠪᠠᠨ ᠬᠦᠨᠳᠡᠢ
ᠴᠡᠴᠡᠭᠲᠦ ᠭᠤᠷᠪᠠᠨ ᠲᠠᠯᠠ
( ᠳᠦᠷᠪᠡᠨ ᠤᠯᠠᠷᠢᠯ )
ᠵᠠᠪᠠᠭ ᠲᠤ
ᠽᠠᠨᠳᠠᠨ ᠠᠶᠠᠭᠠ
( ᠨᠠᠷᠠ )
ᠵᠠᠭᠠᠨ ᠤ ᠠᠮᠠ ᠵᠠᠩᠭᠠᠰ ᠭᠡᠨᠡ
ᠽᠠᠨᠪᠤᠳᠢᠪ ᠮᠠᠯᠳᠠᠰ ᠭᠡᠨᠡ
( ᠨᠠᠷᠠ ᠭᠠᠷᠬᠤ )
ᠨᠢᠭᠡᠨ ᠣᠶᠣᠳᠠᠯ ᠲᠠᠢ ᠬᠦᠬᠡ ᠲᠣᠷᠭᠠᠨ ᠰᠢᠭᠦᠷ
ᠨᠡᠶ᠋ᠢᠬᠡᠨ ᠰᠠᠴᠤᠷᠠᠬᠤ ᠭᠡᠭᠡᠨ ᠰᠤᠪᠤᠳ ᠤᠨ ᠡᠷᠢᠬᠡ
ᠨᠡᠶ᠋ᠢᠲᠡ ᠶ᠋ᠢ ᠭᠡᠶ᠋ᠢᠭᠦᠯᠦᠭᠴᠢ ᠬᠠᠰ ᠡᠷᠳᠡᠨᠢ ᠶ᠋ᠢᠨ ᠲᠣᠯᠢ
ᠨᠢᠰᠦᠨ ᠳᠡᠭᠳᠡᠭᠴᠢ ᠤᠯᠠᠭᠠᠨ ᠠᠯᠲᠠᠨ ᠪᠥᠮᠪᠥᠭᠡ
( ᠰᠠᠷᠠ ᠣᠭᠲᠠᠷᠭᠤᠢ ᠣᠳᠣ ᠨᠠᠷᠠ )
ᠲᠣᠷᠭᠠᠨ ᠲᠠᠯᠠ ᠳᠤ
ᠲᠣᠭᠣᠰᠣ ᠦᠭᠡᠢ
ᠲᠣᠷᠭᠤᠳ ᠤᠨ ᠠᠳᠤᠭᠤᠨ ᠳᠤ
ᠲᠣᠭᠠ ᠦᠭᠡᠢ
( ᠲᠡᠭᠷᠢ ᠣᠳᠣ )
ᠬᠦᠬᠡ ᠪᠤᠬᠠ ᠳᠡᠭᠡᠷᠡ
ᠱ᠌ᠢᠷᠦ ᠰᠤᠪᠤᠳ ᠠᠴᠢᠵᠤ ᠪᠣᠢ
ᠨᠠ ᠭᠠᠯᠵᠠᠨ ( ᠬᠠᠯᠵᠠᠨ ) ᠨᠢ ᠬᠦᠲᠦᠯᠵᠦ ᠪᠣᠢ
ᠬᠡᠨ ᠭᠠᠯᠵᠠᠨ ᠨᠢ ᠲᠠᠭᠤᠵᠤ ᠪᠣᠢ
( ᠲᠡᠭᠷᠢ ᠣᠳᠣ ᠨᠠᠷᠠ ᠰᠠᠷᠠ )
ᠳᠠᠮᠵᠢᠨ ᠰᠢᠷᠠ ᠲᠠᠣᠯᠠᠢ
ᠲᠠᠪᠤᠨ ᠲᠦᠮᠡᠨ ᠠᠯᠠᠭᠴᠢ ᠬᠠᠯᠵᠠᠨ ᠲᠠᠤᠯᠠᠢ
( ᠰᠠᠷᠠ ᠣᠳᠣ )
ᠠᠯᠲᠠᠨ ᠳᠡᠯᠡᠬᠡᠢ ᠳᠦ ᠠᠷᠪᠠᠨ ᠬᠣᠶᠠᠷ
ᠠᠶ᠋ᠢᠯ ᠪᠦᠷᠢ ᠳᠦ ᠬᠡᠳᠦ ᠬᠡᠳᠦ
ᠠᠯᠢ ᠴᠤ᠌ ᠬᠦᠮᠦᠨ ᠳᠦ ᠨᠢᠭᠡ ᠨᠢᠭᠡ
( ᠠᠷᠪᠠᠨ ᠬᠣᠶᠠᠷ ᠵᠢᠯ )
ᠠᠷᠤ ᠶ᠋ᠢᠨ ᠪᠠᠭ ᠮᠣᠳᠣ
ᠠᠷᠪᠠᠨ ᠬᠣᠶᠠᠷ ᠰᠠᠯᠠᠭᠠ ᠲᠠᠢ
ᠠᠷᠪᠠᠨ ᠬᠣᠶᠠᠷ ᠰᠠᠯᠠᠭᠠᠨ ᠳ᠋ᠤᠨᠢ
ᠭᠤᠷᠪᠠᠨ ᠵᠠᠭᠤᠨ ᠵᠢᠷᠠᠨ ᠰᠢᠷᠠ ᠴᠡᠴᠡᠭ ᠳᠡᠭᠡᠭᠰᠢ ᠬᠠᠨᠳᠤᠨ ᠳᠡᠯᠭᠡᠷᠡᠵᠦ
ᠭᠤᠷᠪᠠᠨ ᠵᠠᠭᠤᠨ ᠵᠢᠷᠠᠨ ᠬᠠᠷᠠ ᠴᠡᠴᠡᠭ ᠳᠣᠷᠣᠭᠰᠢ ᠬᠠᠨᠳᠤᠨ ᠳᠡᠯᠭᠡᠷᠡᠨᠡ
( ᠵᠢᠯ ᠰᠠᠷᠠ ᠡᠳᠦᠷ ᠰᠥᠨᠢ )
ᠵᠢᠵᠢᠭ ᠴᠢᠯᠠᠭᠤ ᠨᠦᠬᠡ ᠦᠭᠡᠢ
ᠵᠢᠩ ᠲᠣᠷᠭᠠ ᠵᠠᠬᠠ ᠦᠭᠡᠢ
( ᠣᠳᠣ ᠲᠡᠭᠷᠢ )
ᠵᠤᠨ ᠪᠠᠶ᠋ᠢᠳᠠᠭ ᠦᠭᠡᠢ
ᠵᠢᠷᠭᠤᠭᠠᠨ ᠢᠯᠠᠭᠠ
( ᠮᠡᠴᠢᠳ )
ᠵᠤᠨ ᠠᠯᠳᠠᠭᠰᠠᠨ
ᠵᠢᠷᠭᠤᠭᠠᠨ ᠪᠠᠶ᠋ᠢᠳᠠᠰᠤ ᠶ᠋ᠢ
ᠡᠪᠦᠯ ᠣᠯᠵᠤ ᠠᠪᠤᠯᠠ
( ᠮᠡᠴᠢᠳ )
ᠡᠳᠦᠷ ᠤᠷᠭᠤᠬᠤ ᠦᠭᠡᠢ
ᠰᠥᠨᠢ ᠤᠷᠭᠤᠨᠠ
( ᠭᠤᠷᠪᠠᠨ ᠮᠠᠷᠠᠯ )
ᠲᠣᠭᠣᠳᠠᠭ ᠲᠣᠩᠭᠣᠰ
ᠲᠣᠯᠢ ᠭᠢᠯᠠᠰ
ᠠᠪᠳᠠᠷᠠ ᠠᠩᠭᠠᠰ
ᠠᠪᠠᠬᠠᠢ ᠦᠨᠳᠡᠰ
( ᠦᠷ ᠴᠠᠶ᠋ᠢᠬᠤ )
ᠬᠠᠷᠭᠤᠢ ᠳᠤ ᠬᠠᠳᠠᠭᠰᠠᠨ ᠴᠢᠳᠬᠦᠷ
ᠬᠠᠷᠠᠩᠭᠤᠢ ᠳᠤ ᠭᠡᠲᠡᠭᠰᠡᠨ ᠴᠢᠳᠬᠦᠷ
( ᠦᠷ ᠴᠠᠶ᠋ᠢᠬᠤ )
ᠨᠢᠭᠡ ᠮᠣᠳᠣ ᠠᠷᠪᠠᠨ ᠬᠣᠶᠠᠷ ᠮᠥᠴᠢᠷ ᠲᠡᠢ
ᠮᠥᠴᠢᠷ ᠪᠦᠷᠢ ᠭᠤᠴᠢᠨ ᠨᠠᠪᠴᠢ ᠲᠠᠢ
ᠨᠠᠪᠴᠢ ᠶ᠋ᠢᠨ ᠳᠣᠣᠷᠠ ᠲᠠᠯᠠ ᠨᠢ ᠬᠠᠷᠠ
ᠳᠡᠭᠡᠷᠡ ᠲᠠᠯᠠ ᠨᠢ ᠴᠠᠭᠠᠨ
( ᠵᠢᠯ ᠰᠠᠷᠠ ᠰᠥᠨᠢ ᠡᠳᠦᠷ )
ᠪᠡᠭᠡᠵᠢᠩ ᠡᠴᠡ ᠢᠷᠡᠭᠰᠡᠨ
ᠪᠡᠬᠢ ᠴᠠᠭᠠᠨ ᠳᠠᠪᠤᠤ
ᠠᠮᠠᠯᠠᠬᠤ ᠳᠤ ᠠᠷᠪᠠᠨ ᠬᠣᠶᠠᠷ ᠠᠮᠠ
ᠠᠯᠳᠠᠯᠠᠬᠤ ᠳᠤ ᠭᠤᠷᠪᠠᠨ ᠵᠠᠭᠤ ᠵᠢᠷᠠ
( ᠵᠢᠯ ᠰᠠᠷᠠ ᠬᠣᠨᠣᠭ )
ᠪᠠᠲᠤ ᠴᠠᠭᠠᠨ ᠪᠠᠶ᠋ᠢᠰᠢᠩ
ᠭᠤᠷᠪᠠᠨ ᠵᠠᠭᠤᠨ ᠵᠢᠷᠠᠨ ᠲᠠᠪᠤᠨ ᠬᠠᠳᠠᠭᠠᠰᠤ ᠲᠠᠢ
ᠠᠷᠪᠠᠨ ᠬᠣᠶᠠᠷ ᠦᠷᠦᠭᠡ ᠲᠡᠢ
ᠭᠤᠴᠢᠨ ᠴᠣᠩᠬᠣ ᠲᠠᠢ
( ᠵᠢᠯ ᠰᠠᠷᠠ ᠬᠣᠨᠣᠭ )
ᠥᠷᠥᠰᠢᠶᠡᠬᠦ ᠶ᠋ᠢ ᠮᠡᠳᠡᠬᠦ ᠦᠭᠡᠢ
ᠦᠷᠪᠦᠭᠡᠷ ᠬᠠᠷᠠ ᠠᠪᠤ
ᠦᠢ ᠣᠯᠠᠨ ᠤ ᠪᠠᠶᠠᠰᠬᠤᠯᠠᠩ
ᠦᠵᠡᠰᠭᠦᠯᠡᠩᠲᠦ ᠭᠤᠸ᠋ᠠ ᠬᠡᠦᠬᠡᠨ
( ᠡᠪᠦᠯ ᠵᠤᠨ )
ᠦᠶᠦᠭ ᠴᠠᠳᠬᠤᠯᠠᠩ ᠡᠵᠢ
ᠬᠠᠲᠠᠭᠤ ᠬᠠᠬᠢᠷ ᠡᠵᠢ
( ᠨᠠᠮᠤᠷ ᠬᠠᠪᠤᠷ )
ᠲᠣᠪ ᠭᠡᠰᠡᠨ ᠭᠠᠤᠯᠢ
ᠲᠣᠭᠣᠭᠠᠨ ᠴᠢᠨᠡᠭᠡᠨ ᠭᠠᠤᠯᠢ
ᠡᠷᠲᠡᠨᠢ ᠶ᠋ᠢᠨ ᠭᠠᠤᠯᠢ
ᠡᠨᠡ ᠣᠷᠣᠨ ᠳ᠋ᠤ᠌ ᠪᠠᠶ᠋ᠢᠬᠤ ᠦᠭᠡᠢ ᠭᠠᠤᠯᠢ
( ᠰᠠᠷᠠ )
ᠭᠠᠩᠬ᠋ᠠ ᠮᠥᠷᠡᠨ ᠪ ᠡᠷᠬᠢ ᠳᠡᠭᠡᠷᠡ
ᠭᠠᠭᠴᠠᠬᠠᠨ ᠴᠠᠭᠠᠨ ᠰᠢᠪᠠᠭᠤ
( ᠰᠢᠨᠡ ᠶ᠋ᠢᠨ ᠬᠣᠶᠠᠷ ᠦ᠋ᠨ ᠰᠠᠷᠠ )
ᠴᠡᠩᠬᠡᠷ ᠲᠣᠷᠭᠠᠨ ᠴᠠᠮᠴᠠ
ᠵᠠᠬᠠ ᠦᠭᠡᠢ ᠡᠯᠪᠡᠭ
( ᠲᠩᠷᠢ )
ᠲᠥᠭᠥᠷᠢᠭ ᠤᠯᠠᠭᠠᠨ ᠪᠡᠶᠡ
ᠲᠦᠮᠡᠨ ᠰᠢᠷᠠ ᠦᠰᠦ
( ᠨᠠᠷᠠᠨ ᠪ ᠰᠠᠴᠤᠷᠠᠬ᠋ᠠ )
ᠲᠥᠪ ᠲᠥᠭᠥᠷᠢᠭ ᠬᠥᠬᠡ ᠮᠠᠶ᠋ᠢᠬᠠᠨ
ᠲᠦᠮᠡ ᠮᠢᠩᠭᠠᠨ ᠬᠤᠶᠠᠭ ᠴᠡᠷᠢᠭ
ᠳᠥᠷᠪᠡᠨ ᠵᠦᠭ ᠊ᠢ ᠵᠠᠬᠢᠷᠤᠨ ᠡᠵᠡᠯᠡᠭᠰᠡᠨ
ᠲᠦᠷᠦᠭᠦᠨ ᠬᠣᠶᠠᠷ ᠪᠠᠭᠠᠲᠤᠷ ᠵᠠᠩᠵᠤᠨ
( ᠲᠩᠷᠢ ᠂ ᠣᠲᠣ ᠂ ᠨᠠᠷᠠ ᠂ ᠰᠠᠷᠠ )
ᠮᠥᠰᠥᠨ ᠳᠡᠭᠡᠷᠡ
ᠮᠥᠩᠭᠥᠨ ᠠᠶᠠᠬ᠋ᠠ
( ᠨᠠᠷᠠ )
ᠴᠠᠰᠤᠨ ᠳᠡᠭᠡᠷᠡ
ᠽᠠᠨᠲᠠᠨ ᠠᠶᠠᠬ᠋ᠠ
( ᠰᠠᠷᠠ )
ᠳᠣᠬᠢᠭᠤᠷ ᠲᠣᠬᠣᠢ ᠳᠣᠯᠣᠬ᠋ᠠ
ᠳᠣᠬᠢᠶᠠ ᠲᠡᠮᠲᠡᠭ ᠨᠢᠭᠡ
ᠲᠣᠭᠣᠷᠢᠵᠤ ᠶᠠᠪᠤᠬᠤ ᠭᠤᠷᠪᠠ
ᠲᠣᠯᠢ ᠪᠣᠯᠬᠤ ᠬᠣᠶᠠᠷ
( ᠳᠣᠬᠢᠭᠤᠷ ᠳᠣᠯᠣᠬ᠋ᠠ ᠴᠣᠯᠮᠣᠨ ᠭᠤᠷᠪᠠᠨ ᠮᠠᠷᠠᠯ ᠨᠠᠷᠠ ᠰᠠᠷᠠ )
ᠳᠠᠯᠠᠢ ᠶ᠋ᠢᠨ ᠴᠠᠭᠠᠨᠠ
ᠳᠠᠪᠠᠭᠠᠨ ᠪ ᠳᠠᠯᠳᠠ
ᠪᠣᠯᠣᠷ ᠰᠤᠪᠤᠳ
ᠪᠤᠯᠠᠭᠠᠲᠠᠢ ᠪᠠᠶ᠋ᠢᠨᠠ
ᠲᠣᠭᠣᠵᠤ ᠣᠯᠪᠠᠯ
ᠲᠣᠷᠭᠠᠨ ᠲᠡᠷᠯᠢᠭ ᠡᠮᠦᠰᠦᠭᠦᠯᠦᠶᠡ
ᠲᠣᠭᠣᠵᠤ ᠣᠯᠬᠤ ᠦᠭᠡᠢ ᠪᠣᠯ
ᠲᠣᠯᠣᠩ ᠲᠤᠶᠠᠬ᠋ᠠ ᠪᠠᠷ ᠮᠢᠯᠢᠶᠠᠶᠠ
( ᠴᠣᠯᠮᠣᠨ )
ᠲᠩᠷᠢ ᠳ᠋ᠤ᠌ ᠡᠯᠭᠦᠭᠰᠡᠨ ᠬᠤᠯᠤᠰᠤᠨ ᠨᠤᠮᠤ ᠶ᠋ᠢ
ᠲᠡᠯᠡᠵᠦ ᠳᠡᠶ᠋ᠢᠯᠬᠦ ᠦᠭᠡᠢ ᠪᠠᠭᠠᠲᠤᠷ ᠦᠭᠡᠢ
( ᠬᠠᠪᠢᠷᠭᠠᠨ ᠰᠠᠷᠠ )
ᠴᠣᠣ ᠳ᠋ᠤ᠌ ᠭᠠᠷᠤᠭᠰᠠᠨ ᠴᠤᠪᠤᠷᠠᠬ᠋ᠠ ᠭᠤᠷᠪᠠᠨ ᠮᠣᠲᠣ
ᠵᠤᠨ ᠤᠷᠭᠤᠬᠤ ᠦᠭᠡᠢ ᠡᠪᠦᠯ ᠤᠷᠭᠤᠨᠠ
ᠡᠲᠦᠷ ᠤᠷᠭᠤᠬᠤ ᠦᠭᠡᠢ ᠰᠥᠨᠢ ᠤᠷᠭᠤᠨᠠ
( ᠭᠤᠷᠪᠠᠨ ᠮᠠᠷᠠᠯ )
ᠡᠲᠦᠷ ᠲᠡᠭᠡᠨ ᠥᠷᠥᠭᠡᠯ ᠪᠣᠭᠣᠷᠰᠣᠭ
ᠰᠥᠨᠢ ᠳ᠋ᠡᠭᠡᠨ ᠪᠦᠬᠦᠯᠢ ᠪᠣᠭᠣᠷᠰᠣᠭ
( ᠰᠠᠷᠠ )
ᠮᠢᠨᠦ ᠮᠢᠩᠭᠠᠨ ᠬᠣᠨᠢᠳ
ᠮᠢᠲᠠᠷ ᠮᠢᠲᠠᠷ ᠭᠡᠵᠦ
ᠮᠢᠨᠦ ᠤᠯᠠᠭᠠᠨ ᠬᠤᠴᠠ
ᠬᠤᠲᠠᠷ ᠬᠤᠲᠠᠷ ᠬᠢᠨᠡ
( ᠣᠲᠣ ᠰᠠᠷᠠ )
ᠮᠥᠰᠥᠨ ᠳᠡᠭᠡᠷᠡ
ᠮᠥᠩᠭᠥᠨ ᠠᠶᠠᠬ᠋ᠠ
ᠠᠪᠲᠠᠷᠠ ᠳᠡᠭᠡᠷᠡ
ᠠᠯᠲᠠᠨ ᠠᠶᠠᠬ᠋ᠠ
( ᠰᠠᠷᠠ ᠨᠠᠷᠠ )
ᠮᠥᠰᠥᠨ ᠳᠡᠭᠡᠷᠡ
ᠮᠥᠩᠭᠥᠨ ᠬᠤᠨᠲᠠᠬ᠋ᠠ
( ᠰᠠᠷᠠ )
ᠡᠩ ᠲᠡᠢ ᠬᠥᠬᠡ ᠲᠣᠷᠬ᠋ᠠ ᠶ᠋ᠢ
ᠡᠪᠬᠡᠵᠦ ᠪᠣᠯᠬᠤ ᠦᠭᠡᠢ
( ᠣᠭᠲᠠᠷᠭᠤᠢ )
ᠬᠥᠲᠡᠯᠬᠦ ᠴᠦ᠍ ᠦᠭᠡᠢ
ᠬᠥᠬᠡ ᠳᠠᠯᠠᠢ
( ᠣᠭᠲᠠᠷᠭᠤᠢ )
ᠵᠢᠩᠴᠤ ᠲᠣᠷᠬ᠋ᠠ ᠶ᠋ᠢ
ᠨᠡᠬᠡᠵᠦ ᠪᠠᠷᠠᠲᠠᠭ ᠦᠭᠡᠢ
ᠵᠢᠵᠢᠭ᠌ ᠰᠤᠪᠤᠳ ᠊ᠢ
ᠬᠡᠯᠬᠢᠵᠦ ᠪᠠᠷᠠᠲᠠᠭ ᠦᠭᠡᠢ
( ᠣᠭᠲᠠᠷᠭᠤᠢ ᠣᠲᠣ )
ᠴᠡᠩᠬᠡᠷ ᠲᠣᠷᠬ᠋ᠠ ᠡᠩ ᠦᠭᠡᠢ
ᠵᠢᠵᠢᠭ᠌ ᠰᠤᠪᠤᠳ ᠰᠦᠪᠡ ᠦᠭᠡᠢ
( ᠣᠭᠲᠠᠷᠭᠤᠢ ᠣᠲᠣ )
ᠡᠷᠦᠬᠡᠨ ᠳᠡᠭᠡᠷᠡ
ᠥᠭᠡᠬᠦᠨ ᠴᠥᠪᠥᠲᠡᠯ
( ᠣᠲᠣ )
ᠪᠢᠵᠢᠳ ᠦ᠋ᠨ ᠲᠣᠷᠭᠠᠨ ᠳᠡᠪᠡᠯ
ᠪᠢᠲᠡᠭᠦᠦ ᠮᠥᠩᠭᠥᠨ ᠲᠣᠪᠴᠢ ᠲᠠᠢ
( ᠣᠲᠣ )
ᠬᠥᠬᠡ ᠮᠠᠩᠨᠤᠭ ᠳᠡᠭᠡᠷᠡ ᠰᠢᠭᠢᠳᠬᠡᠭᠰᠡᠨ
ᠬᠦᠲᠡᠷ ᠮᠥᠩᠭᠥᠨ ᠳᠣᠪᠣ ᠶ᠋ᠢ ᠬᠠᠷᠠᠬᠤ ᠳ᠋ᠤ᠌
ᠲᠣᠪ ᠲᠣᠲᠣᠷᠬᠠᠢ ᠦᠵᠡᠭᠳᠡᠪᠡᠴᠦ
ᠲᠣᠭᠠᠯᠠᠭᠠᠳ ᠬᠡᠵᠢᠶᠡᠲᠡ ᠪᠠᠷᠠᠰᠢ ᠦᠭᠡᠢ
( ᠣᠲᠣ )
ᠪᠠᠷᠢᠶᠠᠴᠢᠨ ᠪ ᠠᠲᠤᠭᠤ
ᠪᠠᠷᠠᠭᠤᠨ ᠲᠡᠰᠢ ᠪᠡᠨ ᠪᠡᠯᠴᠢᠨᠡ
( ᠣᠲᠣ )
ᠵᠠᠬᠠ ᠦᠭᠡᠢ ᠲᠣᠷᠭᠠᠨ ᠳᠡᠭᠡᠷᠡ
ᠵᠠᠮᠪᠠᠷᠠᠬ᠋ᠠ ᠦᠭᠡᠢ ᠰᠤᠪᠤᠳ
( ᠣᠲᠣ )
ᠬᠥᠬᠡ ᠲᠣᠷᠬ᠋ᠠ ᠶ᠋ᠢ
ᠬᠥᠭᠡᠭᠡᠭᠡᠳ ᠭᠦᠢᠴᠡᠬᠦ ᠦᠭᠡᠢ
( ᠲᠩᠷᠢ )
ᠡᠵᠢ ᠶ᠋ᠢᠨ ᠥᠭᠭᠦᠭᠰᠡᠨ ᠰᠤᠪᠤᠳ ᠊ᠢ
ᠲᠣᠭᠠᠯᠠᠭᠠᠳ ᠲᠣᠭᠠᠯᠠᠭᠠᠳ ᠪᠠᠷᠠᠬᠤ ᠦᠭᠡᠢ
ᠡᠴᠢᠭᠡ ᠶ᠋ᠢᠨ ᠥᠭᠭᠦᠭᠰᠡᠨ ᠲᠣᠷᠬ᠋ᠠ ᠶ᠋ᠢ
ᠡᠪᠬᠡᠭᠡᠳ ᠡᠪᠬᠡᠭᠡᠳ ᠪᠠᠷᠠᠬᠤ ᠦᠭᠡᠢ
( ᠣᠲᠣ ᠲᠩᠷᠢ )
ᠬᠥᠬᠡ ᠲᠣᠷᠭᠠᠨ ᠳ᠋ᠤ᠌ ᠬᠥᠪᠡᠭᠡ ᠦᠭᠡᠢ
ᠰᠢᠯᠢᠨ ᠱ᠌ᠢᠷᠦᠨ ᠳ᠋ᠤ᠌ ᠰᠦᠪᠡ ᠦᠭᠡᠢ
( ᠣᠭᠲᠠᠷᠭᠤᠢ ᠣᠲᠣᠳ )
ᠲᠡᠮᠦᠷ ᠠᠪᠲᠠᠷᠠ
ᠲᠦᠮᠡᠨ ᠬᠠᠲᠠᠭᠠᠰᠤ ᠲᠠᠢ
( ᠣᠭᠲᠠᠷᠭᠤᠢ ᠣᠲᠣ )
ᠲᠦᠮᠡᠨ ᠬᠣᠨᠢ ᠨᠢ ᠪᠡᠯᠴᠢᠭᠡᠳ ᠶᠠᠪᠤᠬᠤ ᠳ᠋ᠤ᠌
ᠲᠦᠨᠲᠦᠭᠡᠷ ᠬᠤᠴᠠ ᠨᠢ ᠤᠨᠲᠠᠭᠠᠳ ᠬᠣᠴᠣᠷᠤᠨᠠ
( ᠣᠲᠣ ᠰᠠᠷᠠ)
ᠠᠪᠤ ᠶ᠋ᠢᠨ ᠰᠤᠮᠤ ᠶ᠋ᠢ
ᠲᠣᠭᠠᠯᠠᠵᠤ ᠪᠠᠷᠠᠲᠠᠭ ᠦᠭᠡᠢ
ᠡᠵᠢ ᠶ᠋ᠢᠨ ᠬᠥᠨᠵᠢᠯᠡ ᠶ᠋ᠢ
ᠡᠪᠬᠡᠵᠦ ᠪᠠᠷᠠᠲᠠᠭ ᠦᠭᠡᠢ
( ᠣᠲᠣ ᠣᠭᠲᠠᠷᠭᠤᠢ)
ᠳᠠᠭᠠᠭᠤᠯᠵᠤ ᠶᠠᠪᠤᠬᠤ ᠳᠣᠯᠣᠬ᠋ᠠ
ᠲᠤᠯᠡᠶ᠋ᠢᠵᠦ ᠶᠠᠪᠤᠬᠤ ᠨᠢᠭᠡ
ᠭᠡᠶ᠋ᠢᠭᠦᠯᠵᠦ ᠶᠠᠪᠤᠬᠤ ᠭᠤᠷᠪᠠ
ᠭᠡᠷᠡᠯᠲᠦᠭᠦᠯᠵᠦ ᠶᠠᠪᠤᠬᠤ ᠬᠣᠶᠠᠷ
( ᠳᠣᠬᠢᠭᠤᠷ ᠳᠣᠯᠣᠬ᠋ᠠ ᠴᠣᠯᠮᠣᠨ ᠭᠤᠷᠪᠠᠨ ᠮᠠᠷᠠᠯ ᠨᠠᠷᠠ ᠰᠠᠷᠠ)
ᠲᠣᠪ ᠳᠤᠭᠤᠢ ᠴᠤ᠌ ᠪᠣᠯᠤᠭᠠᠰᠠᠢ
ᠳᠤᠮᠳᠠ ᠪᠠᠨ ᠨᠦᠬᠡ ᠲᠡᠢ ᠴᠤ᠌ ᠪᠣᠯᠤᠭᠠᠰᠠᠢ
ᠪᠠᠷᠢᠭᠠᠳ ᠠᠪᠬᠤ ᠴᠤ᠌ ᠪᠣᠯᠤᠭᠠᠰᠠᠢ
ᠪᠠᠬᠠ ᠪᠠᠨ ᠬᠠᠨᠲᠠᠯᠠ ᠲᠣᠭᠯᠠᠬᠤ ᠰᠠᠨ
( ᠰᠣᠯᠣᠩᠬ᠋ᠠ)
ᠪᠣᠷᠣᠭᠠᠨ ᠪ ᠬᠣᠶ᠋ᠢᠨᠠ ᠢᠷᠡᠳᠡᠭ
ᠪᠤᠯᠪᠠᠷᠠᠢ ᠰᠠᠶ᠋ᠢᠬᠠᠨ ᠥᠩᠭᠡ ᠲᠡᠢ
ᠡᠮᠦᠨᠡᠬᠡᠨ ᠬᠠᠷᠠᠭᠲᠠᠬᠤ ᠪᠠᠶ᠋ᠢᠲᠠᠯᠠ
ᠡᠭᠦᠷᠢᠲᠡ ᠶᠠᠪᠤᠭᠠᠳ ᠠᠭᠤᠯᠵᠠᠬᠤ ᠦᠭᠡᠢ
( ᠰᠣᠯᠣᠩᠬ᠋ᠠ)
ᠡᠷᠢᠶᠡᠨ ᠳᠡᠭᠡᠰᠦ ᠶ᠋ᠢ
ᠡᠪᠬᠡᠵᠦ ᠪᠣᠯᠬᠤ ᠦᠭᠡᠢ
( ᠰᠣᠯᠣᠩᠬ᠋ᠠ)
ᠶᠢᠰᠦᠨ ᠥᠩᠭᠡ ᠶ᠋ᠢᠨ ᠡᠷᠢᠶᠡᠨ ᠪᠥᠰ
ᠥᠨᠲᠥᠷ ᠳᠡᠭᠡᠷᠡ ᠡᠯᠭᠦᠭᠡ ᠲᠡᠢ
ᠦᠵᠡᠬᠦ ᠳ᠋ᠤ᠌ ᠨᠢᠲᠦᠨ ᠡᠮᠦᠨᠡ
ᠪᠠᠷᠢᠬᠤ ᠳ᠋ᠤ᠌ ᠭᠠᠷ ᠬᠦᠷᠬᠦ ᠦᠭᠡᠢ
( ᠰᠣᠯᠣᠩᠬ᠋ᠠ)
ᠲᠠᠯᠠ ᠳᠡᠭᠡᠷᠡᠬᠢ
ᠲᠠᠪᠤᠨ ᠥᠩᠭᠡ ᠶ᠋ᠢᠨ ᠳᠤᠷᠳᠤᠩ ᠊ᠢ
ᠡᠵᠢ ᠴᠤ᠌ ᠠᠪᠴᠤ ᠪᠣᠯᠬᠤ ᠦᠭᠡᠢ
ᠪᠢ ᠴᠤ᠌ ᠠᠪᠴᠤ ᠪᠣᠯᠬᠤ ᠦᠭᠡᠢ
( ᠰᠣᠯᠣᠩᠬ᠋ᠠ)
ᠠᠯᠲᠠᠨ ᠲᠡᠮᠡᠭᠡ ᠠᠩᠭᠠᠰ ᠬᠢᠨᠡ
ᠠᠷᠭᠠᠮᠵᠢᠨ ᠳᠡᠭᠡᠰᠦ ᠬᠦᠯᠢᠰ ᠬᠢᠨᠡ
( ᠭᠢᠯᠪᠠᠬ᠋ᠠ)
ᠡᠨᠲᠡ ᠡᠴᠡ ᠬᠠᠷᠪᠤᠭᠰᠠᠨ ᠰᠤᠮᠤ
ᠪᠡᠭᠡᠵᠢᠩ ᠬᠦᠷᠴᠦ
ᠪᠡᠭᠡᠵᠢᠩ ᠡᠴᠡ ᠬᠠᠷᠪᠤᠭᠰᠠᠨ ᠰᠤᠮᠤ
ᠡᠨᠲᠡ ᠢᠷᠡᠨᠡ
( ᠵᠠᠮ)
ᠬᠦᠵᠦᠭᠦᠦ ᠦᠭᠡᠢ ᠲᠡᠮᠡᠭᠡ
ᠬᠦᠷᠢᠶᠡ ᠬᠦᠷᠦᠨᠡ
( ᠵᠠᠮ)
ᠡᠷᠡᠦ ᠦᠭᠡᠢ ᠲᠡᠮᠡᠭᠡ
ᠡᠪᠡᠰᠦ ᠶ᠋ᠢ ᠪᠠᠷᠠᠨᠠ
( ᠲᠦᠢᠮᠡᠷ)
ᠡᠮᠦᠨᠡ ᠨᠢ ᠤᠯᠠᠭᠠᠨ ᠮᠣᠷᠢ ᠳᠠᠪᠬᠢᠯᠳᠤᠵᠤ
ᠬᠣᠶ᠋ᠢᠨᠠ ᠠ᠋ᠴᠠ ᠨᠢ ᠬᠠᠷᠠ ᠮᠣᠷᠢ ᠲᠣᠭᠯᠠᠨᠠ
( ᠲᠦᠢᠮᠡᠷ)
ᠰᠢᠷ ᠪᠣᠲᠣᠭ ᠲᠠᠯᠪᠢᠬᠰᠠᠨ ᠦᠭᠡᠢ ᠪᠠᠶ᠋ᠢᠲᠠᠯᠠ ᠥᠩᠭᠡ ᠨᠢ ᠤᠯᠠᠭᠠᠨ
ᠰᠢᠯᠢᠳᠡᠭ ᠰᠠᠶ᠋ᠢᠨ ᠶ᠋ᠢᠠᠨ ᠤᠨᠤᠭᠰᠠᠨ ᠦᠭᠡᠢ ᠪᠠᠶ᠋ᠢᠲᠠᠯᠠ ᠶᠠᠪᠤᠬᠤ ᠨᠢ ᠲᠦᠷᠭᠡᠨ
ᠰᠢᠩᠭᠡᠬᠦ ᠬᠣᠲᠣᠭᠣᠲᠣ ᠦᠭᠡᠢ ᠪᠠᠶ᠋ᠢᠲᠠᠯᠠ ᠢᠲᠡᠬᠦ ᠨᠢ ᠶᠡᠬᠡ
ᠰᠢᠯᠪᠢ ᠲᠣᠶ᠋ᠢᠬ ᠦᠭᠡᠢ ᠪᠠᠶ᠋ᠢᠲᠠᠯᠠ ᠮᠥᠷ ᠨᠢ ᠬᠠᠷᠠ
( ᠲᠦᠢᠮᠡᠷ)
ᠬᠡᠭᠡᠷ ᠮᠣᠷᠢ ᠲᠡᠯᠡᠮᠡᠨ ᠵᠢᠷᠣᠬ᠋ᠠ
ᠬᠡᠪᠢᠰ ᠦ᠋ᠨ ᠬᠦᠯᠢᠮ ᠲᠠᠪᠢᠨ ᠵᠢᠷᠣᠬ᠋ᠠ
ᠭᠠᠷ ᠦ᠋ᠨ ᠦᠵᠦᠭᠦᠷ ᠭᠠᠩᠬᠤᠨ ᠵᠢᠷᠣᠬ᠋ᠠ
ᠭᠠᠵᠠᠷ ᠲᠩᠷᠢ ᠨᠡᠶ᠋ᠢᠯᠡᠮᠡ ᠵᠢᠷᠣᠬ᠋ᠠ
( ᠲᠦᠢᠮᠡᠷ)
ᠭᠦᠶᠦᠨ ᠭᠦᠶᠦᠨ ᠰᠢᠷᠠᠭᠴᠢᠨ
ᠬᠦᠢᠴᠡᠭᠳᠡᠬᠦ ᠦᠭᠡᠢ ᠰᠢᠷᠠᠭᠴᠢᠨ
( ᠵᠡᠷᠭᠡᠯᠭᠡᠨ)
ᠲᠡᠷᠡ ᠲᠡᠨᠲᠡ ᠲᠡᠮᠡᠭᠡ ᠰᠢᠭ᠌
ᠲᠡᠭᠦᠨ ᠡᠴᠡ ᠨᠠᠭᠠᠭᠤᠷ ᠢᠮᠠᠬ᠋ᠠ ᠰᠢᠭ᠋
ᠠᠶ᠋ᠢᠯ ᠦ᠋ᠨ ᠭᠠᠲᠠᠨᠠ ᠲᠠᠤᠯᠠᠢ ᠰᠢᠭ᠋
ᠮᠠᠨ ᠪ ᠭᠠᠲᠠᠨᠠ ᠲᠠᠬᠢᠶᠠ ᠰᠢᠭ᠋
( ᠵᠡᠷᠭᠡᠯᠭᠡᠨ)
ᠡᠷᠡ ᠬᠥᠮᠦᠨ ᠪ ᠶᠠᠪᠤᠲᠠᠯ ᠰᠢᠭ᠋
ᠡᠷᠬᠡ ᠬᠡᠦᠬᠡᠳ ᠦ᠋ᠨ ᠲᠣᠭᠯᠠᠭᠠᠮ ᠰᠢᠭ᠋
( ᠵᠡᠷᠭᠡᠯᠭᠡᠨ)
ᠪᠠᠯ ᠶ᠋ᠢᠠᠷ ᠶᠠᠪᠤᠭᠰᠠᠨ ᠵᠠᠮ ᠰᠢᠭ᠋
ᠪᠡᠯᠡᠬᠡᠨ ᠪᠠᠷᠢᠬᠰᠠᠨ ᠪᠠᠶ᠋ᠢᠰᠢᠩ ᠰᠢᠭ᠋
( ᠵᠡᠷᠭᠡᠯᠭᠡᠨ)
ᠬᠦᠩ ᠬᠦᠩ ᠬᠦᠷᠢᠶᠡᠯᠡᠩ
ᠬᠦᠷᠡᠩ ᠮᠣᠷᠢ ᠵᠢᠷᠣᠭᠠᠯᠠᠩ
( ᠵᠡᠷᠭᠡᠯᠭᠡᠨ)
ᠨᠠᠷᠠᠨ ᠪ ᠳᠣᠣᠭᠤᠷ ᠨᠠᠭᠠᠤᠠᠴᠤ ᠪᠠᠶ᠋ᠢᠬᠤ ᠰᠢᠭ᠋
ᠨᠠᠪᠴᠢ ᠴᠡᠴᠡᠭ ᠳᠡᠯᠭᠡᠷᠡᠵᠦ ᠪᠠᠶ᠋ᠢᠬᠤ ᠰᠢᠭ᠋
ᠪᠥᠵᠥᠩ ᠲᠠᠤᠯᠠᠢ ᠪᠥᠩᠰᠢᠵᠦ ᠪᠠᠶ᠋ᠢᠬᠤ ᠰᠢᠭ᠋
ᠪᠥᠭᠡᠷᠡ ᠵᠢᠷᠦᠬᠡ ᠳᠣᠭᠳᠣᠯᠵᠤ ᠪᠠᠶ᠋ᠢᠬᠤ ᠰᠢᠭ᠋
( ᠵᠡᠷᠭᠡᠯᠭᠡᠨ)
ᠲᠡᠨᠲᠡ ᠲᠡᠨᠲᠡ ᠲᠡᠮᠡᠭᠡ ᠰᠢᠬ
ᠲᠡᠬ᠋ᠷᠢ ᠶ᠋ᠢᠨ ᠬᠠᠶᠠᠭᠠᠨ ᠳ᠋ᠤ᠌ ᠢᠮᠠᠬ᠋ᠠ ᠰᠢᠭ᠋
ᠨᠠᠷᠠᠨ ᠳᠣᠣᠭᠤᠷ ᠨᠠᠭᠠᠲᠤᠮ ᠰᠢᠭ᠋
ᠨᠠᠴᠢᠨ ᠱᠣᠩᠬᠣᠷ ᠨᠢᠰᠬᠦ ᠰᠢᠭ᠌
( ᠵᠡᠷᠭᠡᠯᠭᠡᠨ)
ᠠᠴᠢᠶᠠ ᠲᠠᠢ ᠲᠡᠮᠡᠭᠡ ᠶᠠᠪᠤᠵᠤ ᠪᠠᠶ᠋ᠢᠬᠤ ᠰᠢᠭ᠋
ᠠᠯᠲᠠᠨ ᠬᠣᠷᠭᠣᠢ ᠬᠡᠶ᠋ᠢᠰᠴᠦ ᠪᠠᠶ᠋ᠢᠬᠤ ᠰᠢᠭ᠋
ᠨᠠᠷᠠᠨ ᠲᠡᠬ᠋ᠷᠢ ᠨᠠᠶ᠋ᠢᠭᠤᠵᠤ ᠪᠠᠶ᠋ᠢᠬᠤ ᠰᠢᠭ᠋
ᠨᠠᠪᠴᠢ ᠴᠡᠴᠡᠭ ᠳᠡᠯᠭᠡᠷᠡᠵᠦ ᠪᠠᠶ᠋ᠢᠬᠤ ᠰᠢᠭ᠋
( ᠵᠡᠷᠭᠡᠯᠭᠡᠨ)
ᠪᠤᠲᠠᠯᠠᠩ ᠦ᠋ᠨ ᠠᠭᠤᠯᠠᠨ ᠪ ᠣᠷᠣᠢ ᠳᠡᠭᠡᠷᠡ
ᠪᠤᠭᠤ ᠢᠷᠡᠵᠦ ᠣᠷᠣᠮᠲᠠᠪᠠ
ᠪᠣᠲᠣᠯᠬ᠋ᠠ ᠦᠭᠡᠢ ᠪᠠᠶ᠋ᠢᠲᠠᠯᠠ
ᠡᠮᠡᠭᠡᠳ ᠢᠷᠡᠵᠦ ᠤᠬᠢᠯᠠᠪᠠ
( ᠪᠣᠷᠣᠭᠠᠨ)
ᠬᠦᠯ ᠦᠭᠡᠢ ᠪᠠᠶ᠋ᠢᠭᠠᠳ ᠶᠠᠪᠤᠲᠠᠭ
ᠨᠢᠲᠦ ᠦᠭᠡᠢ ᠪᠠᠶ᠋ᠢᠭᠠᠳ ᠤᠬᠢᠯᠠᠲᠠᠭ
( ᠪᠣᠷᠣᠭᠠᠨ)
ᠪᠤᠲᠠᠯᠠᠩ ᠠᠭᠤᠯᠠᠨ ᠪ ᠣᠷᠣᠢ ᠳᠡᠭᠡᠷᠡ
ᠪᠤᠷᠬᠠᠨ ᠢᠷᠡᠵᠦ ᠳᠤᠤᠭᠠᠷᠪᠠ
ᠪᠤᠮᠠᠨ ᠡᠷᠲᠡᠨᠢ ᠪᠡᠨ ᠨᠢᠭᠤᠲᠠᠯᠠ
ᠪᠤᠭᠤᠷᠤᠯ ᠡᠮᠡᠭᠡᠨ ᠤᠬᠢᠯᠠᠪᠠ
( ᠪᠣᠷᠣᠭᠠᠨ)
ᠲᠠᠯᠠᠭᠠᠢ ᠴᠠᠭᠠᠨ ᠢᠮᠠᠬ᠋ᠠ
ᠳᠠᠯᠠᠨ ᠠᠭᠤᠯᠠ ᠳᠠᠪᠠᠨᠠ
( ᠡᠭᠦᠯᠡ )
ᠥᠨᠳᠥᠷ ᠠ᠋ᠴᠠ ᠪᠤᠭᠤ ᠤᠷᠤᠮᠳᠠᠬᠤ ᠳᠤ
ᠦᠯᠦᠩ ᠠ᠋ᠴᠠ ᠰᠤᠭᠤ ᠭᠠᠷᠤᠨᠠ
( ᠲᠩᠷᠢ ᠳᠤᠤᠭᠠᠷᠴᠤ ᠪᠣᠷᠣᠭᠠᠯᠠᠬᠤ )
ᠠᠮᠠ ᠦᠭᠡᠢ ᠪᠠᠶ᠋ᠢᠭᠠᠳ ᠠᠶ᠋ᠢᠬᠤᠪᠲᠤᠷ ᠤᠷᠲᠤ ᠬᠣᠭᠣᠯᠠᠢ ᠲᠠᠢ
ᠬᠡᠯᠡ ᠦᠭᠡᠢ ᠪᠠᠶ᠋ᠢᠭᠠᠳ
ᠬᠡᠨ ᠪᠦᠬᠦᠨ ᠢ ᠰᠣᠴᠢᠭᠠᠬᠤ ᠳᠠᠭᠤ ᠲᠠᠢ
ᠭᠠᠷ ᠦᠭᠡᠢ ᠪᠠᠶ᠋ᠢᠭᠠᠳ
ᠭᠠᠭᠴᠠ ᠴᠣᠬᠢᠭᠠᠳ ᠠᠯᠠᠳᠠᠭ
( ᠠᠶᠤᠩᠭᠠ )
ᠬᠥᠨᠳᠡᠢ ᠮᠣᠳᠣᠨ ᠠ᠋ᠴᠠ
ᠬᠥᠬᠡ ᠰᠢᠪᠠᠭᠤ ᠨᠢᠰᠦᠨᠡ
( ᠤᠲᠤᠭᠠ )
ᠬᠠᠷᠠᠬᠤ ᠳᠤ ᠪᠡᠶᠡ ᠲᠠᠢ
ᠪᠠᠷᠢᠬᠤ ᠳᠤ ᠬᠣᠭᠣᠰᠣᠨ
( ᠤᠲᠤᠭᠠ )
ᠲᠣᠭᠣᠨᠣ ᠶ᠋ᠢᠨ ᠳᠡᠭᠡᠭᠦᠷ ᠲᠣᠭᠯᠠᠳᠠᠭ
ᠲᠣᠬᠣᠢ ᠪᠡᠶᠡ ᠪᠠᠨ ᠵᠠᠩᠭᠢᠳᠤᠭᠠᠳ
ᠡᠷᠭᠢᠨ ᠳᠡᠭᠡᠭᠦᠷ ᠡᠷᠭᠢᠯᠳᠦᠳᠡᠭ
ᠡᠨᠡ ᠪᠡᠶᠡ ᠪᠠᠨ ᠵᠠᠩᠭᠢᠳᠤᠭᠠᠳ
( ᠤᠲᠤᠭᠠ )
ᠪᠠᠷᠠ ᠦᠭᠡᠢ ᠵᠠᠮ ᠢᠶ᠋ᠠᠷ
ᠴᠢᠮᠡᠭᠡ ᠦᠭᠡᠢ ᠨᠡᠭᠦᠳᠡᠯ
( ᠤᠲᠤᠭᠠ )
ᠲᠩᠷᠢ ᠲᠤᠯᠤᠮᠠ
ᠲᠡᠮᠦᠷ ᠭᠣᠬᠠ
( ᠤᠲᠤᠭᠠ )
ᠭᠡᠷ ᠭᠡᠷ ᠤᠨ ᠣᠷᠣᠢ ᠳᠡᠭᠡᠷᠡ
ᠬᠥᠬᠡ ᠯᠤᠤ ᠲᠣᠭᠯᠠᠨᠠ
( ᠤᠲᠤᠭᠠ )
ᠬᠠᠲᠠᠷᠢᠭᠠᠳ ᠵᠣᠭᠰᠣᠬᠤ ᠦᠭᠡᠢ
ᠬᠠᠷᠠ ᠮᠣᠷᠢ
( ᠭᠣᠣᠯ )
ᠰᠥᠨᠢ ᠡᠳᠦᠷ ᠦᠭᠡᠢ ᠭᠦᠶᠦᠭᠡᠳ ᠯᠡ ᠪᠠᠶ᠋ᠢᠨᠠ
ᠰᠡᠭᠦᠳᠡᠷ ᠦᠭᠡᠢ ᠬᠥᠳᠡᠯᠦᠭᠡᠳ ᠯᠡ ᠪᠠᠶ᠋ᠢᠨᠠ
( ᠭᠣᠣᠯ )
ᠤᠷᠲᠤ ᠶ᠋ᠢᠨ ᠤᠷᠲᠤ ᠲᠣᠷᠭᠠᠨ ᠬᠠᠳᠠᠭ
ᠤᠭᠠᠯᠵᠠᠯᠠᠨ ᠮᠤᠰᠬᠢᠷᠤᠯᠳᠤᠭᠰᠠᠭᠠᠷ
ᠠᠯᠤᠰ ᠲᠤ᠌ ᠰᠤᠨᠤᠨᠠ
( ᠭᠣᠣᠯ )
ᠨᠢᠭᠡ ᠦᠵᠦᠭᠦᠷ ᠨᠢ ᠠᠭᠤᠯᠠᠨ ᠳᠤ ᠰᠢᠷᠭᠤᠵᠤ
ᠨᠥᠭᠦᠭᠡ ᠦᠵᠦᠭᠦᠷ ᠨᠢ ᠳᠠᠯᠠᠢ ᠲᠠᠢ ᠵᠠᠯᠭᠠᠯᠳᠤᠨᠠ
( ᠮᠥᠷᠡᠨ )
ᠰᠡᠯᠡᠮᠡᠨ ᠳᠤ ᠴᠠᠪᠴᠢᠬᠳᠠᠳᠠᠭ ᠦᠭᠡᠢ
ᠴᠠᠯᠮᠠ ᠳᠤ ᠠᠪᠲᠠᠭᠳᠠᠳᠠᠭ ᠦᠭᠡᠢ
( ᠭᠣᠷᠣᠬᠠ )
ᠦᠵᠡᠪᠡᠯ ᠥᠩᠭᠡ ᠦᠭᠡᠢ
ᠪᠠᠷᠢᠪᠠᠯ ᠳᠦᠷᠰᠦ ᠦᠭᠡᠢ
ᠡᠪᠦᠯ ᠬᠠᠲᠠᠭᠤ
ᠵᠤᠨ ᠵᠥᠭᠡᠯᠡᠨ
( ᠤᠰᠤ )
ᠬᠠᠵᠠᠭᠠᠷ ᠨᠣᠭᠲᠣ ᠦᠭᠡᠢ ᠵᠢᠷᠣᠭᠠ ᠮᠣᠷᠢ
ᠬᠠᠲᠠᠷᠢᠭᠠᠳ ᠵᠣᠭᠰᠣᠬᠤ ᠦᠭᠡᠢ ᠬᠠᠷᠠ ᠮᠣᠷᠢ
( ᠤᠰᠤ )
ᠠᠳᠬᠤᠭᠠᠳ ᠠᠳᠬᠤᠭᠳᠠᠬᠤ ᠦᠭᠡᠢ
ᠲᠡᠪᠡᠷᠢᠭᠡᠳ ᠲᠡᠪᠡᠷᠢᠭᠳᠡᠬᠦ ᠦᠭᠡᠢ
ᠠᠶ᠋ᠢᠯ ᠤᠨ ᠠᠮᠠᠷᠠᠭ
ᠠᠮᠢᠲᠠᠨ ᠤ ᠬᠣᠩᠭᠣᠷ
( ᠤᠰᠤ )
ᠤᠷᠤᠭᠤ ᠭᠠᠵᠠᠷ ᠮᠡᠯᠮᠡᠯᠵᠡᠳᠡᠭ
ᠥᠭᠡᠳᠡ ᠭᠠᠵᠠᠷ ᠡᠷᠭᠢᠯᠳᠦᠳᠡᠭ
ᠬᠠᠲᠠᠭᠤ ᠠ᠋ᠴᠠ ᠵᠠᠶ᠋ᠢᠯᠠᠳᠠᠭ
ᠵᠥᠭᠡᠯᠡᠨ ᠢ ᠵᠠᠬᠢᠷᠳᠠᠭ
ᠬᠥᠯ ᠦᠭᠡᠢ ᠪᠠᠶ᠋ᠢᠭᠠᠳ ᠭᠦᠶᠦᠭᠴᠢ
ᠬᠦᠷᠵᠡ ᠦᠭᠡᠢ ᠪᠠᠶ᠋ᠢᠭᠠᠳ ᠮᠠᠯᠲᠠᠭᠴᠢ
( ᠭᠣᠣᠯ ᠤᠨ ᠤᠰᠤ )
ᠬᠠᠲᠠᠭᠤ ᠪᠡᠬᠢ ᠪᠡᠶᠡ ᠲᠠᠢ ᠠᠲᠠᠯᠠ
ᠨᠠᠷᠠᠨ ᠤ ᠭᠡᠷᠡᠯ ᠠ᠋ᠴᠠ ᠠᠶᠤᠨᠠ
ᠬᠠᠪᠤᠷ ᠤᠨ ᠠᠭᠤᠷ ᠣᠷᠣᠬᠤ ᠳᠤ
ᠬᠠᠭᠤᠴᠢᠨ ᠤ ᠵᠢᠰᠦ ᠪᠠᠨ ᠰᠡᠷᠭᠦᠭᠡᠨᠡ
( ᠮᠥᠰᠥ )
ᠴᠠᠪᠴᠢᠪᠠᠴᠤ ᠴᠠᠪᠠ ᠭᠠᠷᠬᠤ ᠦᠭᠡᠢ
ᠴᠢᠴᠢᠪᠡᠴᠦ ᠨᠦᠬᠡ ᠭᠠᠷᠬᠤ ᠦᠭᠡᠢ
( ᠤᠰᠤ )
ᠪᠤᠵᠠᠷ ᠢ ᠠᠷᠢᠯᠭᠠᠬᠤ ᠳᠤ ᠪᠡᠶᠡ ᠪᠠᠨ ᠴᠦᠯᠡᠨᠡ
ᠪᠤᠰᠤᠳ ᠤᠨ ᠠᠮᠢᠳᠤᠷᠠᠬᠤ ᠳᠤ ᠠᠮᠢ ᠪᠠᠨ ᠥᠭᠭᠦᠨᠡ
( ᠤᠰᠤ )
ᠨᠢᠭᠤᠷ ᠦᠭᠡᠢ ᠪᠠᠶ᠋ᠢᠭᠠᠳ ᠲᠠᠨᠢᠯ ᠣᠯᠠᠨ
ᠨᠢᠳᠦ ᠦᠭᠡᠢ ᠪᠠᠶ᠋ᠢᠭᠠᠳ ᠦᠵᠡᠬᠦ ᠬᠣᠯᠠ
ᠬᠥᠯ ᠦᠭᠡᠢ ᠪᠠᠶ᠋ᠢᠭᠠᠳ ᠭᠦᠶᠦᠬᠦ ᠬᠤᠷᠳᠤᠨ
ᠪᠡᠶᠡ ᠦᠭᠡᠢ ᠪᠠᠶ᠋ᠢᠭᠠᠳ ᠬᠦᠴᠦ ᠶᠡᠬᠡ
( ᠦᠶᠡᠷ ᠤᠨ ᠤᠰᠤ )
ᠤᠷᠲᠤ ᠬᠠᠷᠠ ᠮᠣᠷᠢ
ᠤᠷᠭᠠᠯᠠᠵᠤ ᠭᠦᠢᠴᠡᠭᠳᠡᠬᠦ ᠦᠭᠡᠢ
( ᠭᠣᠣᠯ )
ᠴᠢᠨᠠᠭᠰᠠᠨ ᠴᠤ᠌ ᠪᠠᠷᠠᠭᠳᠠᠳᠠᠭ ᠦᠭᠡᠢ
ᠰᠢᠪᠬᠠᠭᠰᠠᠨ ᠴᠤ᠌ ᠳᠠᠭᠤᠰᠳᠠᠭ ᠦᠭᠡᠢ
( ᠤᠰᠤ )
ᠵᠢᠷᠣᠭᠠ ᠬᠠᠷᠠ ᠮᠣᠷᠢ
ᠵᠢᠭᠢᠮᠡ ᠵᠢᠷᠣᠭᠠ ᠤᠨᠠᠭᠠ ᠲᠠᠢ
( ᠤᠰᠤ ᠵᠢᠭᠠᠰᠤ )
ᠬᠥᠬᠡ ᠲᠩᠷᠢ ᠬᠥᠪᠬᠡᠯᠵᠡᠭᠡ
ᠬᠥᠨᠳᠡᠢ ᠮᠣᠳᠣ ᠨᠠᠬᠢᠯᠵᠠᠭᠠ
( ᠤᠰᠤ ᠵᠠᠪᠢ )
ᠬᠥᠨᠳᠡᠢ ᠳᠤ
ᠬᠥᠬᠡ ᠲᠣᠬᠣᠮ
( ᠨᠠᠭᠤᠷ )
ᠲᠠᠯᠠ ᠳᠤ ᠳᠣᠪᠣᠶ᠋ᠢᠬᠰᠠᠨ
ᠲᠠᠩᠭᠤᠳ ᠯᠠᠮᠠ ᠶ᠋ᠢᠨ ᠳᠣᠪᠣ
( ᠨᠣᠮᠣᠨ ᠰᠢᠷᠣᠢ )
ᠴᠡᠩᠬᠡᠷ ᠴᠠᠭᠠᠨ ᠥᠩᠭᠡᠲᠡᠢ
ᠴᠡᠯᠮᠡᠭ ᠣᠭᠲᠠᠷᠭᠤᠢ ᠳᠤ ᠭᠡᠷ ᠲᠠᠢ
ᠠᠶᠠᠯᠠᠬᠤ ᠠ᠋ᠴᠠ ᠠᠶᠤᠬᠤ ᠦᠭᠡᠢ
ᠰᠠᠯᠬᠢᠯᠠᠬᠤ ᠠ᠋ᠴᠠ ᠠᠶᠤᠳᠠᠭ
( ᠡᠭᠦᠯᠡ )
ᠲᠡᠷᠲᠡᠭᠡ ᠳᠡᠭᠡᠭᠦᠷ
ᠴᠢᠮᠡᠭᠡ ᠦᠭᠡᠢ ᠨᠡᠭᠦᠳᠡᠯ
( ᠡᠭᠦᠯᠡ )
ᠬᠥᠪᠥᠩ ᠭᠡᠬᠦ ᠳ᠋ᠤ᠌ ᠨᠣᠯᠣᠣᠷ ᠦᠭᠡᠢ
ᠬᠥᠨᠵᠢᠯᠡ ᠭᠡᠬᠦ ᠳ᠋ᠤ᠌ ᠵᠠᠬᠠ ᠦᠭᠡᠢ
ᠭᠤᠯᠢᠷ ᠭᠡᠬᠦ ᠳ᠋ᠤ᠌ ᠤᠰᠤ ᠦᠭᠡᠢ
ᠤᠰᠤ ᠭᠡᠬᠦ ᠳ᠋ᠤ᠌ ᠮᠥᠬᠦᠯᠢᠭ ᠦᠭᠡᠢ
( ᠴᠠᠰᠤ )
ᠨᠠᠷᠠᠨ ᠪ ᠨᠠᠭᠠᠲᠠᠢ ᠨᠠᠭᠠᠲᠤᠭᠰᠠᠨ ᠰᠢᠭ᠋
ᠨᠠᠪᠴᠢ ᠴᠡᠴᠡᠭ ᠬᠠᠶᠠᠯᠠᠭᠰᠠᠨ ᠰᠢᠭ᠋
ᠠᠴᠢᠶᠠ ᠲᠠᠢ ᠲᠡᠮᠡᠭᠡ ᠲᠣᠶ᠋ᠢᠯᠤᠭᠰᠠᠨ ᠰᠢᠭ᠋
ᠠᠷᠠᠰᠤ ᠤᠩᠭᠠᠰᠤ ᠪᠤᠲᠠᠷᠠᠭᠰᠠᠨ ᠰᠢᠭ᠋
( ᠴᠠᠰᠤ )
ᠬᠥᠢᠲᠡᠨ ᠬᠥᠭᠵᠢᠭᠡᠬᠦ ᠵᠢᠭᠡᠬᠦᠨ ᠬᠠᠰ ᠦ᠋ᠨ ᠬᠡᠮᠬᠡᠲᠡᠭ᠋
ᠬᠥᠯᠲᠡᠬᠦ ᠳ᠋ᠤ᠌ ᠳᠤᠰᠠᠲᠠᠢ ᠬᠥᠬᠡ ᠮᠥᠩᠭᠥᠨ ᠥᠷᠦᠪᠲᠡᠰᠦ
ᠬᠥᠮᠦᠨ ᠠᠮᠢᠲᠠᠨ ᠳ᠋ᠤ᠌ ᠬᠦᠰᠡᠭᠳᠡᠳᠡᠭ ᠦᠭᠡᠢ ᠪᠣᠯᠪᠠᠴᠤ
ᠬᠥᠷᠦᠰᠦᠲᠦ ᠳᠡᠯᠡᠬᠡᠢ ᠳ᠋ᠤ᠌ ᠭᠦᠴᠦ ᠰᠢᠮᠡ ᠪᠣᠯᠲᠠᠭ
( ᠴᠠᠰᠤ )
ᠥᠪᠴᠢ ᠳᠡᠯᠡᠬᠡᠢ ᠶ᠋ᠢ ᠪᠦᠷᠬᠦᠭᠰᠡᠨ
ᠥᠩᠭᠡ ᠴᠠᠭᠠᠨ ᠳᠡᠪᠡᠯ
ᠡᠪᠦᠯ ᠥᠩᠭᠡᠷᠡᠬᠦ ᠶ᠋ᠢ ᠦᠵᠡᠪᠡᠯ
ᠦᠪᠡᠷ ᠲᠡᠭᠡᠨ ᠤᠷᠠᠭᠲᠠᠵᠤ ᠪᠠᠷᠠᠨᠠ
( ᠴᠠᠰᠤ )
ᠪᠤᠭᠤᠷᠤᠯ ᠲᠡᠮᠡᠭᠡ ᠪᠥᠬᠦ ᠨᠢ ᠰᠠᠭᠰᠠᠶ᠋ᠢᠨᠠ
ᠪᠤᠶᠠᠨ ᠲᠥᠬᠦᠮ ᠰᠠᠬᠠᠯ ᠨᠢ ᠰᠠᠭᠰᠠᠶ᠋ᠢᠨᠠ
ᠬᠠᠷᠠ ᠡᠷᠢᠶᠡᠨ ᠬᠠᠨᠴᠤᠢ ᠨᠢ ᠰᠠᠭᠰᠠᠶ᠋ᠢᠨᠠ
ᠬᠠᠨᠴᠤᠢ ᠲᠣᠲᠣᠷᠠ ᠪᠦᠨᠲᠦᠶ᠋ᠢᠨ ᠰᠠᠭᠰᠠᠶ᠋ᠢᠨᠠ
( ᠴᠠᠰᠤ )
ᠴᠠᠭᠯᠠᠰᠢ ᠦᠭᠡᠢ ᠰᠠᠶ᠋ᠢᠬᠠᠨ ᠥᠩᠭᠡᠲᠡᠢ
ᠴᠠᠭᠠᠨ ᠮᠥᠩᠭᠦᠨ ᠴᠡᠴᠡᠭ
ᠦᠷᠡ ᠰᠠᠴᠤᠬᠤ ᠦᠭᠡᠢ ᠠᠲᠠᠯᠠ
ᠡᠪᠦᠯ ᠦ᠋ᠨ ᠴᠠᠭ ᠲᠦ ᠳᠡᠯᠭᠡᠷᠡᠨᠡ
( ᠴᠠᠰᠤ )
ᠥᠪᠴᠢ ᠳᠡᠯᠡᠬᠡᠢ ᠶ᠋ᠢ ᠪᠦᠷᠬᠦᠭᠰᠡᠨ
ᠦᠰᠦ ᠲᠡᠢ ᠴᠠᠭᠠᠨ ᠳᠡᠪᠡᠯ
( ᠴᠠᠰᠤ )
ᠲᠤᠯᠠᠬ᠋ᠠ ᠬᠥᠬᠡ ᠲᠡᠮᠡᠭᠡᠨ ᠡᠴᠡ
ᠲᠤᠩ ᠴᠠᠭᠠᠨ ᠨᠣᠣᠰᠤ ᠤᠨᠠᠨᠠ
( ᠴᠠᠰᠤ )
ᠤᠨᠠᠵᠤ ᠯᠠ ᠪᠠᠶ᠋ᠢᠨᠠ
ᠨᠢᠰᠴᠦ ᠯᠠ ᠪᠠᠶ᠋ᠢᠨᠠ
( ᠴᠠᠰᠤ )
ᠬᠣᠨᠢ ᠨᠢ ᠪᠡᠯᠴᠢᠵᠦ
ᠬᠣᠲᠠ ᠨᠢ ᠬᠣᠴᠣᠷᠴᠠᠢ
( ᠴᠠᠰᠤ ᠬᠠᠶ᠋ᠢᠯᠬᠤ )
ᠪᠠᠭᠤᠲᠠᠯ ᠦᠭᠡᠢ ᠤᠨᠠᠭᠠᠵᠤ
ᠵᠠᠵᠢᠯᠤᠯ ᠦᠭᠡᠢ ᠢᠲᠡᠨᠡ
( ᠴᠠᠰᠤ ᠬᠠᠶ᠋ᠢᠯᠬᠤ )
ᠴᠠᠭᠠᠨ ᠮᠣᠷᠢ
ᠬᠠᠷᠠ ᠣᠯᠤᠩ ᠲᠠᠢ
( ᠮᠦᠰᠦᠨ ᠬᠠᠷᠠᠤ )
ᠭᠠᠯ ᠳ᠋ᠤ᠌ ᠰᠢᠲᠠᠲᠠᠭ ᠦᠭᠡᠢ
ᠤᠰᠤᠨ ᠳ᠋ᠤ᠌ ᠲᠤᠨᠤᠲᠠᠭ ᠦᠭᠡᠢ
( ᠮᠦᠰᠦ )
ᠰᠢᠯ ᠦ᠋ᠨ ᠳᠣᠣᠭᠤᠷ
ᠰᠢᠪᠡᠨᠡᠯᠲᠦᠭᠡᠳ ᠪᠠᠶ᠋ᠢᠨᠠ
( ᠮᠥᠰᠥ ᠤᠰᠤ )
ᠬᠠᠷᠠ ᠲᠣᠷᠬ᠋ᠠ ᠶ᠋ᠢ
ᠬᠠᠪᠠᠵᠤ ᠪᠣᠯᠲᠠᠭ ᠦᠭᠡᠢ
ᠰᠢᠷᠠ ᠲᠣᠷᠬ᠋ᠠ ᠶ᠋ᠢ
ᠱᠠᠭᠯᠠᠵᠤ ᠪᠣᠯᠲᠠᠭ ᠦᠭᠡᠢ
( ᠤᠰᠤ ᠭᠠᠯ )
ᠬᠠᠷᠠ ᠪᠤᠬᠠ
ᠬᠠᠶᠠᠭᠠᠨ ᠠ᠋ᠴᠠ ᠰᠠᠯᠲᠠᠭ ᠦᠭᠡᠢ
( ᠰᠡᠭᠦᠲᠡᠷ )
ᠬᠠᠪᠲᠠᠭᠠᠢ ᠴᠢᠯᠠᠭᠤ ᠶ᠋ᠢ
ᠬᠠᠭᠠᠯᠵᠤ ᠪᠣᠯᠬᠤ ᠦᠭᠡᠢ
( ᠰᠡᠭᠦᠲᠡᠷ )
ᠪᠤᠯᠠᠵᠤ ᠪᠣᠯᠲᠠᠭ ᠦᠭᠡᠢ
ᠪᠤᠯᠤ ᠬᠠᠷᠠ ᠴᠢᠯᠠᠭᠤ
( ᠰᠡᠭᠦᠲᠡᠷ )
ᠬᠠᠲᠠᠨ ᠪ ᠬᠠᠵᠠᠭᠤ ᠳ᠋ᠤ᠌
ᠬᠠᠷᠠ ᠲᠣᠷᠬ᠋ᠠ
( ᠰᠡᠭᠦᠲᠡᠷ )
ᠣᠷᠣᠪᠠᠴᠤ ᠴᠤᠭ
ᠭᠠᠷᠪᠠᠴᠤ ᠴᠤᠭ
ᠭᠡᠷᠡᠯ ᠲᠡᠢ ᠭᠠᠵᠠᠷ ᠬᠠᠮᠲᠤ ᠶᠠᠪᠤᠬᠤ ᠠ᠋ᠴᠠ ᠪᠢᠰᠢ
ᠬᠠᠷᠠᠩᠭᠤᠢ ᠭᠠᠵᠠᠷ ᠬᠠᠨᠢ ᠪᠣᠯᠬᠤ ᠦᠭᠡᠢ
( ᠰᠡᠭᠦᠲᠡᠷ )
ᠡᠲᠦᠷ ᠦ᠋ᠨ ᠭᠡᠭᠡ ᠲᠡᠢ ᠳ᠋ᠤ᠌ ᠨᠥᠬᠥᠴᠡᠭᠡᠳ ᠭᠦᠶᠦᠨᠡ
ᠦᠲᠡᠰᠢ ᠶ᠋ᠢᠨ ᠬᠠᠷᠠᠩᠭᠤᠢ ᠳ᠋ᠤ᠌ ᠰᠠᠯᠤᠭᠠᠳ ᠣᠲᠤᠨᠠ
( ᠰᠡᠭᠦᠲᠡᠷ )
ᠬᠠᠶ᠋ᠢᠷᠠᠲᠤ ᠡᠵᠢ ᠶ᠋ᠢᠨ ᠮᠢᠨᠢ
ᠬᠢᠵᠦ ᠥᠭᠭᠦᠭᠰᠡᠨ
ᠬᠠᠷᠠ ᠪᠠᠷᠢᠨᠲᠠᠭ
ᠬᠡᠵᠢᠶᠡ ᠴᠤ᠌ ᠨᠠᠮᠠᠶ᠋ᠢ ᠳᠠᠭᠠᠨᠠ
( ᠰᠡᠭᠦᠲᠡᠷ )
ᠡᠲᠦᠷ ᠲᠡᠭᠡᠨ ᠬᠣᠶᠠᠭᠤᠯᠠ
ᠰᠥᠨᠢ ᠳ᠋ᠡᠭᠡᠨ ᠭᠠᠭᠴᠠᠭᠠᠷ
( ᠰᠡᠭᠦᠲᠡᠷ )
ᠲᠠᠯᠠ ᠳᠡᠭᠡᠭᠦᠷ ᠲᠠᠯᠪᠢᠨᠠ
ᠲᠠᠰᠢᠭᠤᠷ ᠦᠭᠡᠢ ᠭᠤᠶᠠᠲᠠᠨᠠ
( ᠰᠢᠭᠤᠷᠭᠠᠨ )
ᠵᠠᠯᠠᠭᠤ ᠵᠥᠭᠡᠯᠡᠨ ᠊ᠢ ᠳᠠᠷᠤᠯᠠᠨ
ᠵᠠᠯᠢᠬᠠᠢ ᠬᠠᠲᠠᠭᠤ ᠠ᠋ᠴᠠ ᠵᠠᠶ᠋ᠢᠯᠠᠨ
ᠵᠠᠪᠰᠠᠷ ᠪᠠᠶ᠋ᠢᠪᠠᠯ ᠰᠢᠷᠭᠤᠯᠠᠵᠤ
ᠵᠠᠢ ᠦᠭᠡᠢ ᠪᠣᠯ ᠪᠤᠴᠠᠨᠠ
( ᠰᠠᠯᠬᠢᠨ )
ᠭᠦᠶᠦᠪᠡᠯ ᠬᠦᠢᠴᠡᠭᠳᠡᠬᠦ ᠦᠭᠡᠢ
ᠬᠦᠴᠦᠯᠡᠪᠡᠯ ᠳᠡᠢᠯᠦᠭᠳᠡᠬᠦ ᠦᠭᠡᠢ
ᠪᠠᠷᠢᠪᠠᠯ ᠪᠡᠶᠡ ᠦᠭᠡᠢ
ᠪᠠᠶ᠋ᠢᠯᠲᠤᠪᠠᠯ ᠪᠠᠷᠠ ᠦᠭᠡᠢ
( ᠰᠠᠯᠬᠢᠨ )
ᠬᠥᠨᠲᠡᠢ ᠳ᠋ᠤ᠌ ᠭᠦᠶᠦᠪᠡᠯ
ᠬᠥᠯ ᠦᠭᠡᠢ ᠭᠣᠶ᠋ᠢᠪᠠᠯ
ᠲᠠᠯᠠ ᠳᠡᠭᠡᠷᠡ ᠲᠠᠶ᠋ᠢᠪᠢᠩ
ᠲᠠᠰᠢᠭᠤᠷ ᠦᠭᠡᠢ ᠭᠤᠶ᠋ᠢᠪᠢᠩ
( ᠰᠠᠯᠬᠢᠨ )
ᠬᠡᠭᠡᠷ ᠮᠣᠷᠢ ᠨᠢ ᠬᠠᠶ᠋ᠢᠪᠢᠩ ᠵᠢᠷᠣᠬ᠋ᠠ
ᠬᠡᠪᠢᠰᠦᠨ ᠬᠥᠯᠢᠮ ᠨᠢ ᠳᠡᠪᠢᠨ ᠵᠢᠷᠣᠬ᠋ᠠ
ᠴᠣᠬᠣᠷ ᠮᠣᠷᠢ ᠨᠢ ᠴᠣᠮᠣᠨ ᠵᠢᠷᠣᠬ᠋ᠠ
ᠴᠢᠨᠣᠠ ᠶ᠋ᠢᠨ ᠬᠦᠷᠮᠡ ᠪᠡᠨ ᠲᠠᠶ᠋ᠢᠯᠤᠨ ᠵᠢᠷᠣᠬ᠋ᠠ
( ᠰᠠᠯᠬᠢᠨ )
ᠪᠠᠶ᠋ᠢᠨᠠ ᠭᠡᠬᠦᠯᠡᠷ ᠪᠠᠷᠠ ᠨᠢ ᠦᠵᠡᠭᠳᠡᠬᠦ ᠦᠭᠡᠢ
ᠪᠠᠷᠢᠨᠠ ᠭᠡᠬᠦᠯᠡᠷ ᠪᠡᠶᠡ ᠨᠢ ᠬᠠᠷᠠᠭᠲᠠᠬᠤ ᠦᠭᠡᠢ
ᠪᠢᠨᠳᠠᠷᠢᠶᠠ ᠳᠡᠯᠡᠬᠡᠢ ᠶ᠋ᠢᠨ ᠪᠠᠶᠠᠨ ᠬᠥᠷᠥᠩᠭᠡ
ᠪᠠᠶ᠋ᠢᠳᠠᠭ ᠠᠮᠢᠲᠠᠨ ᠤ ᠠᠮᠢᠨ ᠬᠠᠨᠢ
( ᠠᠭᠠᠷ )
ᠤᠷᠤᠰᠤᠭᠠᠳ ᠪᠠᠷᠠᠭᠲᠠᠬᠤ ᠦᠭᠡᠢ
ᠤᠷᠭᠠᠯᠠᠭᠠᠳ ᠪᠠᠷᠢᠬᠳᠠᠬᠤ ᠦᠭᠡᠢ
ᠤᠤᠭᠤᠵᠤ ᠢᠳᠡᠭᠡᠳ ᠴᠠᠳᠬᠤ ᠦᠭᠡᠢ ᠴᠤ᠌
ᠤᠷᠭᠤᠮᠠᠯ ᠠᠮᠢᠲᠠᠨ ᠳᠤ ᠳᠤᠲᠠᠵᠤ ᠪᠣᠯᠬᠤ ᠦᠭᠡᠢ
( ᠠᠭᠠᠷ )
ᠲᠥᠷᠥᠭᠰᠡᠨ ᠪᠡᠶᠡ ᠨᠢ ᠬᠠᠲᠠᠭᠤ ᠪᠥᠭᠡᠳ ᠠᠮᠢ ᠦᠭᠡᠢ
ᠬᠠᠯᠠᠭᠤᠨ ᠳᠤ ᠬᠠᠯᠠᠬᠤ ᠴᠤ᠌ ᠦᠭᠡᠢ
ᠬᠥᠢᠲᠡᠨ ᠳᠦ ᠬᠦᠷᠬᠦ ᠴᠤ᠌ ᠦᠭᠡᠢ
ᠬᠦᠮᠦᠨ ᠪᠠᠰᠠ ᠪᠢᠰᠢᠷᠡᠬᠦ ᠴᠤ᠌ ᠦᠭᠡᠢ
( ᠴᠢᠯᠠᠭᠤ )
ᠪᠠᠷᠢᠬᠤ ᠳᠤ ᠪᠡᠶᠡ ᠦᠭᠡᠢ
ᠦᠵᠡᠬᠦ ᠳᠦ ᠦᠩᠭᠡ ᠦᠭᠡᠢ
ᠡᠭᠦᠷᠢᠳᠡ ᠶ᠋ᠢᠨ ᠴᠢᠨᠠᠷᠲᠠᠢ
ᠡᠳᠦᠷ ᠪᠦᠷᠢ ᠪᠠᠶ᠋ᠢᠳᠠᠭ
ᠴᠠᠭ ᠪᠦᠷᠢ ᠬᠤᠪᠢᠷᠠᠳᠠᠭ
ᠴᠠᠭᠯᠠᠰᠢ ᠦᠭᠡᠢ ᠬᠡᠮᠵᠢᠶᠡᠲᠡᠢ
( ᠬᠡᠢ ᠠᠭᠠᠷ )
ᠥᠷᠥᠰᠢᠶᠡᠬᠦ ᠶ᠋ᠢ ᠮᠡᠳᠡᠬᠦ ᠦᠭᠡᠢ
ᠦᠷᠪᠦᠭᠡᠷ ᠬᠠᠷᠠ ᠠᠪᠤ
ᠦᠢ ᠣᠯᠠᠨ ᠤ ᠪᠠᠶᠠᠰᠬᠤᠯᠠᠩ
ᠦᠵᠡᠰᠭᠦᠯᠡᠩᠲᠦ ᠭᠤᠸ᠋ᠠ ᠦᠬᠢᠨ
( ᠡᠪᠦᠯ ᠵᠤᠨ )
ᠬᠥᠯ ᠦᠭᠡᠢ ᠪᠠᠶ᠋ᠢᠲᠠᠯᠠ ᠲᠤᠷᠠᠵᠤ ᠪᠦᠳᠦᠷᠢᠬᠦ ᠦᠭᠡᠢ ᠶᠠᠪᠤᠬᠤ
ᠬᠥᠳᠡᠭᠡ ᠲᠠᠯᠠ ᠳᠤ ᠴᠢᠨᠡᠭᠡ ᠪᠡᠷ ᠢᠶ᠋ᠠᠨ ᠳᠣᠪᠲᠣᠯᠪᠠᠴᠤ ᠲᠣᠭᠣᠰᠣ ᠦᠯᠦ ᠭᠠᠷᠬᠤ
ᠬᠥᠨᠳᠡᠯᠡᠨ ᠮᠣᠷᠣᠢ ᠶᠠᠪᠤᠭᠰᠠᠨ ᠴᠤ᠌ ᠵᠣᠷᠢᠬᠰᠠᠨ ᠭᠠᠵᠠᠷ ᠲᠠᠭᠠᠨ ᠬᠦᠷᠬᠦ
ᠬᠦᠮᠦᠨ ᠠᠮᠢᠲᠠᠨ ᠳᠤ ᠲᠤᠰᠠᠲᠠᠢ ᠪᠣᠯᠪᠠᠴᠤ ᠪᠠᠰᠠᠴᠤ ᠠᠶᠤᠮᠰᠢᠬᠲᠠᠢ
( ᠦᠶᠡᠷ )
ᠦᠰᠦᠭ ᠠᠮᠢᠯᠠᠭᠤᠯᠤᠭᠰᠠᠨ ᠨᠢ : ᠳ᠋ᠦ᠋ᠩ ᠹᠧᠩ ᠂ ᠮᠢᠩᠭᠠᠳ · ᠴᠢᠮᠡᠭ ᠂ ᠬᠠᠷᠠᠨᠤᠳ · ᠲᠤᠶᠠᠭᠠ ᠂
ᠬᠠᠳᠠᠴᠢ · ᠤᠷᠠᠨᠠ ᠂ ᠣᠶᠤᠨᠲᠤᠨᠠᠯ ᠂ ᠠᠯᠲᠠᠨᠲᠤᠶᠠᠭᠠ
ᠬᠢᠨᠠᠭᠴᠢ ᠄ ᠬᠠᠷᠠᠨᠤᠳ · ᠲᠤᠶᠠᠭᠠ ᠂ ᠮᠢᠩᠭᠠᠳ · ᠴᠢᠮᠡᠭ