ᠭᠠᠩᠬ᠋᠎ᠠ ᠶ᠋ᠢᠨ ᠤᠷᠤᠰᠬᠠᠯ – ᠴᠢᠩᠭᠢᠰ ᠡᠵᠡᠨ ᠪ ᠠᠯᠲᠠᠨ ᠤᠷᠤᠭ ᠦ᠋ᠨ ᠲᠡᠦᠬᠡ ᠺᠠᠩᠺᠠ ᠶ᠋ᠢᠨ ᠤᠷᠤᠰᠬᠠᠯ ᠨᠡᠷᠡᠲᠦ ᠪᠢᠴᠢᠭ ᠣᠷᠣᠰᠢᠪᠠ Гангын урсгал – Чингис  эзний алтан ургийн түүх  Канкны урсгал нэрт бичиг оршив ᠲᠡᠦᠬᠡ ᠰᠣᠶᠣᠯ

ᠭᠠᠩᠬ᠋᠎ᠠ ᠶ᠋ᠢᠨ ᠤᠷᠤᠰᠬᠠᠯ – ᠴᠢᠩᠭᠢᠰ ᠡᠵᠡᠨ ᠪ ᠠᠯᠲᠠᠨ ᠤᠷᠤᠭ ᠦ᠋ᠨ ᠲᠡᠦᠬᠡ ᠺᠠᠩᠺᠠ ᠶ᠋ᠢᠨ ᠤᠷᠤᠰᠬᠠᠯ ᠨᠡᠷᠡᠲᠦ ᠪᠢᠴᠢᠭ ᠣᠷᠣᠰᠢᠪᠠ Гангын урсгал – Чингис  эзний алтан ургийн түүх  Канкны урсгал нэрт бичиг оршив

ᠴᠢᠩᠭᠢᠰ ᠡᠵᠡᠨ  ᠦ᠌ ᠠᠯᠲᠠᠨ ᠤᠷᠤᠭ  ᠤ᠋ᠨ ᠲᠡᠦᠬᠡ ᠺᠠᠩᠺᠠ  ᠶ᠋ᠢᠨ ᠤᠷᠤᠰᠬᠠᠯ ᠨᠡᠷᠡᠲᠦ ᠪᠢᠴᠢᠭ ᠣᠷᠣᠰᠢᠪᠠ

    ᠪᠤᠲᠠᠨᠴᠢᠷ ᠠ᠋ᠴᠠ ᠲᠥᠷᠥᠭᠰᠡᠨ ᠬᠣᠶᠠᠷ  ᠬᠥᠪᠡᠭᠦᠨ ᠊ᠢ  ᠢᠨᠤ ᠪᠠᠷᠢᠵᠤ  ᠠᠪᠤᠭᠰᠠᠨ ᠡᠮ᠎ᠡ ᠡᠴᠡ  ᠲᠥᠷᠥᠭᠰᠡᠨ ᠪᠠᠬᠠᠷᠲᠠᠢ ①  ᠬᠠᠨ ᠢᠬᠤᠷ ② ᠲᠤ᠌ ᠬᠠᠪᠢᠴᠢ ᠪᠠᠭᠠᠲᠤᠷ ᠭᠡᠮᠡᠨ ᠨᠡᠷᠡᠢᠳᠪᠡ  ᠬᠠᠪᠢᠴᠢ ᠶ᠋ᠢᠨ ᠬᠥᠪᠡᠭᠦᠨ  ᠪᠠᠬᠢᠷ ᠪᠠᠭᠠᠲᠤᠷ ᠲᠡᠭᠦᠨ ᠦ᠌ ᠬᠥᠪᠡᠭᠦᠨ  ᠮᠠᠬ᠎ᠠ ᠳᠤᠲᠠᠨ  ᠪᠢᠯᠡ ᠂ ᠡᠭᠦᠨ ᠦ᠌ ᠬᠦᠦ ᠬᠠᠴᠢ ᠬᠦᠯᠦᠭ ᠮᠥᠨ 

      ᠠᠴᠢᠲᠤ ᠢᠶ᠋ᠭᠤᠷ ᠬᠢᠭᠡᠳ ᠦᠨᠳᠦᠰᠦᠨ ᠪᠯᠠᠮ᠎ᠠ  ᠢᠳᠠᠮ ᠭᠤᠷᠪᠠᠨ ᠡᠷᠳᠡᠨᠢ ③ ᠂ 

      ᠠᠬᠤᠢ ᠶᠡᠬᠡ ᠲᠦᠭᠡᠮᠡᠯ ᠡᠭᠦᠰᠬᠡᠨ  ᠲᠡᠳᠬᠦᠭᠴᠢ ᠬᠥᠬᠡ ᠮᠥᠩᠬᠡ ᠲᠡᠭᠷᠢ ᠂ 

      ᠠᠯᠢᠨ᠎ᠠ ᠡᠰᠢ ᠥᠭᠲᠡᠭᠡᠳ ᠰᠠᠢᠨ ᠪᠤᠶᠠᠨ ᠪᠠᠲᠤ ᠶᠢᠷᠦᠭᠡᠷ [ ᠢᠷᠥᠬᠡᠷ ] ᠦ᠋ᠨ ᠬᠦᠴᠦᠪᠡᠷ ᠂ 

 — — — — 

① 《 ᠮᠣᠩᠭᠣᠯ ᠤ᠋ᠨ ᠨᠢᠭᠤᠴᠠ ᠲᠣᠪᠴᠢᠶᠠᠨ 》 ᠳ᠋ᠤ᠌ ᠪᠠᠭᠠᠷᠢᠳᠠᠢ ᠃ 

② ᠢᠵᠠᠭᠤᠷ ᠭᠡᠰᠡᠨ ᠊ᠢ  ᠡ‍  —  ᠊ᠢ᠍᠊ — ᠊ᠬᠤᠷ ᠭᠡᠪᠡ ᠃ 

③ ᠢᠳᠠᠮ ᠭᠡᠵᠦ ᠪᠤᠷᠬᠠᠨ ᠤ᠋ ᠨᠡᠷ᠎ᠡ ᠂ ᠡᠨᠳᠡ ᠪᠤᠷᠬᠠᠨ ᠭᠤᠷᠪᠠᠨ ᠡᠷᠳᠡᠨᠢ ᠭᠡᠰᠡᠨ ᠤᠳᠬ᠎ᠠ ᠪᠠᠷ ᠬᠡᠷᠡᠭᠯᠡᠵᠡᠢ ᠃ ᠪᠤᠷᠬᠠᠨ ᠱᠠᠰᠢᠨ ᠤ᠋ ᠤᠬᠠᠭᠠᠨ ᠳ᠋ᠤ᠌ ᠥᠭᠦᠯᠡᠳᠡᠭ 《 ᠭᠤᠷᠪᠠᠨ ᠡᠷᠳᠡᠨᠢ 》 ᠭᠡᠳᠡᠭ ᠨᠢ ᠪᠤᠷᠬᠠᠨ ᠂ ᠨᠣᠮ ᠂ ᠪᠤᠷᠰᠡᠭ ᠬᠤᠸᠠᠷᠠᠭ ( ᠯᠠᠮᠠ ᠂ ᠯᠠᠮᠠ ᠶ᠋ᠢᠨ ᠬᠤᠷᠠᠯ ) ᠭᠤᠷᠪᠠ ᠪᠣᠯᠤᠨ᠎ᠠ ᠃  

        ᠠᠯᠲᠠᠨ ᠲᠠᠯᠬᠢ [ ᠳᠡᠯᠡᠬᠡᠢ ] ᠶ᠋ᠢ ᠡᠵᠡᠯᠡᠭᠰᠡᠨ ᠰᠣᠳᠣ  ᠪᠣᠭᠳᠠ ᠴᠢᠩᠭᠢᠰ ᠬᠠᠭᠠᠨ ᠢᠯᠠᠲᠤᠭᠠᠢ  ᠂ 

        ᠥᠯᠢᠰᠢ ᠦᠭᠡᠢ ᠬᠦᠴᠦᠨ  ᠬᠦᠷᠳᠦᠨ ᠊ᠢ ᠣᠷᠴᠢᠭᠤᠯᠤᠭᠴᠢ ① ᠲᠡᠷᠬᠦ ᠪᠣᠭᠳᠠ ᠬᠢᠭᠡᠳ ᠂

        ᠦᠷ᠎ᠡ ᠦᠨᠳᠦᠰᠦᠨ ᠪᠠ ᠤᠭ  ᠨᠢᠭᠡᠲᠡ ᠳᠣᠲᠣᠭᠠᠳᠤ ᠭᠠᠳᠠᠭᠠᠳᠤ ᠬᠠᠳ ᠨᠣᠶᠠᠳ ᠤ᠋ᠨ  ᠂ 

        ᠦᠯᠡᠮᠵᠢ ᠪᠢᠯᠭᠡ ᠪᠢᠯᠢᠭ ᠪᠣᠯᠤᠭᠰᠠᠨ  ᠭᠠᠢᠬᠠᠮᠰᠢᠭ ᠳᠡᠭᠡᠳᠦ ᠰᠦᠷ ᠰᠦᠯᠳᠡ ᠳ᠋ᠦ᠍ᠷ ᠂

        ᠦᠨᠡᠨ ᠰᠡᠳᠬᠢᠯ ᠴᠢᠩ ᠪᠢᠰᠷᠡᠯ [ ᠪᠢᠰᠢᠷᠡᠯ ] ᠢ᠋ᠶ᠋ᠡᠷ ᠪᠦᠬᠦᠨ ᠡᠴᠡ ᠰᠥᠰᠥᠯᠡᠨ ᠵᠠᠯᠪᠠᠷᠢᠮᠤᠢ ᠂

        ᠢᠮᠠᠭᠲᠠ ᠬᠣᠴᠤᠷᠯᠢ ᠦᠭᠡᠢ ᠲᠡᠳᠡᠭᠡᠷ ᠦ᠋ᠨ ᠢᠪᠡᠭᠡᠯ ᠠᠪᠤᠷᠠᠯ ᠯᠣᠬ᠎ᠠ ᠰᠡᠯᠲᠡᠨ ②  ᠂

        ᠢᠯᠠᠩᠭᠤᠶ᠎ᠠ ᠨᠡᠷ᠎ᠡ ᠠᠯᠳᠠᠷ ᠲᠡᠭᠦᠯᠳᠡᠷ ᠳᠠᠭᠤᠷᠢᠰᠬᠠᠰᠠᠨ ᠰᠡᠴᠡᠨ ᠵᠢᠨᠦᠩ ᠴᠡᠸᠠᠩ③ ᠂ 

 — — — — 

① ᠡᠷᠲᠡᠨ ᠦ᠌ ᠡᠨᠡᠳᠬᠡᠭ ᠦ᠋ᠨ ᠬᠠᠭᠠᠨ  ᠴᠡᠭᠷᠡᠸᠡᠷᠳᠢ   ᠬᠠᠭᠠᠨ ᠊ᠢ ᠮᠣᠩᠭᠣᠯ ᠤ᠋ᠨ ᠡᠷᠲᠡᠨ ᠦ᠌ ᠲᠡᠦᠬᠡᠨ  ᠰᠤᠷᠪᠤᠯᠵᠢ ᠳ᠋ᠤ᠌ ᠬᠦᠷᠳᠦᠨ  ᠣᠷᠴᠢᠭᠤᠯᠤᠭᠴᠢ ᠂ ᠬᠦᠷᠳᠦᠨ ᠡᠷᠭᠢᠭᠦᠯᠦᠭᠴᠢ ᠂ ᠠᠯᠲᠠᠨ ᠬᠦᠷᠳᠦᠨ ᠡᠷᠭᠢᠭᠦᠯᠦᠭᠴᠢ ᠭᠡᠵᠦ ᠣᠷᠴᠢᠭᠤᠯᠤᠨ ᠲᠡᠮᠳᠡᠭᠯᠡᠭᠰᠡᠨ  ᠪᠠᠢᠳᠠᠭ ᠃ 

②  ᠰᠡᠯᠲᠡᠨ ᠄ ᠰᠡᠯᠲᠡ ᠶ᠋ᠢᠨ ᠣᠯᠠᠨ ᠲᠣᠭ᠎ᠠ ᠪᠣᠯᠤᠨ᠎ᠠ ᠃ ᠵᠡᠷᠭᠡ ᠂ ᠬᠠᠮᠲᠤ ᠭᠡᠰᠡᠨ ᠤᠳᠬ᠎ᠠ ᠲᠠᠢ ᠃ 

③ ᠦᠵᠦᠮᠦᠴᠢᠨ ᠪᠠᠷᠠᠭᠤᠨ ᠭᠠᠷᠤᠨ ᠵᠠᠰᠠᠭ  ᠬᠣᠱᠣᠢ ᠰᠡᠴᠡᠨ ᠴᠢᠨ ᠸᠠᠩ  ᠳᠣᠷᠵᠢ ᠶ᠋ᠢ ᠬᠡᠯᠡᠵᠡᠢ ᠃ ᠠᠳᠠ 《 ᠴᠢᠨ ᠸᠠᠩ 》 ᠭᠡᠰᠡᠨ  ᠊ᠢ   ᠨᠡᠢᠯᠡᠭᠦᠯᠵᠦ ᠪᠢᠴᠢᠬᠦ ᠳ᠋ᠡᠭᠡᠨ 《 ᠴᠡᠸᠠᠩ 》 ᠭᠡᠵᠦ  ᠰᠢᠳᠦ ᠳᠤᠲᠠᠭᠤ  ᠪᠢᠴᠢᠭᠰᠡᠨ ᠪᠣᠯᠤᠯᠲᠠᠢ ᠃《 ᠢᠯᠡᠳᠬᠡᠯ ᠱᠠᠰᠲᠢᠷ 》 ᠲᠤ᠌ ᠲᠡᠮᠳᠡᠭᠯᠡᠭᠰᠡᠨ ᠨᠢ ᠄ 《 ᠵᠢᠷᠭᠤᠳᠤᠭᠠᠷ (1667 ) ᠵᠠᠷᠯᠢᠭ ᠢ᠋ᠶ᠋ᠠᠷ ᠳᠣᠷᠵᠢ ᠶ᠋ᠢ ᠵᠠᠰᠠᠭ ᠬᠣᠱᠣᠢ ᠰᠡᠴᠡᠨ ᠴᠢᠨ  ᠸᠠᠩ  ᠡᠷᠭᠦᠮᠵᠢᠯᠡᠪᠡᠢ ᠂ ᠡᠶᠡᠪᠡᠷ ᠵᠠᠰᠠᠭᠴᠢ ᠶ᠋ᠢᠨ ᠭᠤᠷᠪᠠᠳᠤᠭᠠᠷ ᠣᠨ ᠵᠠᠷᠯᠢᠭ ᠢ᠋ᠶ᠋ᠠᠷ ᠰᠡᠷᠡᠩ ᠊ᠢ ᠵᠠᠰᠠᠭ ᠲᠥᠷᠥ ᠶ᠋ᠢᠨ ᠡᠷᠳᠡᠨᠢ  ᠪᠡᠢᠯᠡ ᠡᠷᠭᠦᠮᠵᠢᠯᠡᠭᠡᠳ ᠂ ᠳᠣᠷᠵᠢ ᠶ᠋ᠢ ᠵᠡᠭᠦᠨ ᠭᠠᠷ ( ᠪᠠᠷᠠᠭᠤᠨ ᠭᠠᠷ ) ᠊ᠢ ᠵᠠᠬᠢᠷᠭᠠᠵᠤ ᠂ ᠰᠡᠷᠡᠩ ᠊ᠢ ᠪᠠᠷᠠᠭᠤᠨ ᠭᠠᠷ ( ᠵᠡᠭᠦᠨ ᠭᠠᠷ ) ᠊ᠢ ᠵᠠᠬᠢᠷᠬᠠᠪᠠᠢ 》 ᠭᠡᠵᠡᠢ ᠃ 

        ᠢᠯᠢᠭᠡᠶ᠎ᠠ [ ᠢᠯᠡᠷᠬᠡᠢ  ] ᠲᠠᠪᠤᠨ ᠤᠬᠠᠭᠠᠨ ① ᠤ᠋ ᠣᠷᠣᠨ ᠊ᠢ ᠲᠣᠬᠣᠯᠣᠭᠰᠠᠨ ᠠᠴᠢᠲᠤ ᠬᠣᠩ ᠲᠠᠢᠵᠤ ② ᠂

        ᠢᠨᠠᠳᠤ ᠴᠢᠨᠠᠳᠤ ᠬᠣᠣᠰ ᠶᠣᠰᠣᠨ᠎ᠠ③ ᠮᠡᠷᠭᠡᠨ ᠴᠠᠬᠠᠨ④ ᠨᠡᠷᠡᠲᠦ ᠲᠠᠨ ᠠᠰᠠᠷᠠᠲᠣᠬᠠᠢ᠃

    ᠲᠩᠷᠢᠯᠠᠭ᠌ ᠡᠵᠡᠨ ᠦ᠌ ᠠᠯᠲᠠᠨ ᠤᠷᠤᠭ ᠤ᠋ᠨ ᠬᠤᠤᠯ ᠰᠠᠯᠠᠭᠠᠨ ᠊ᠢ ᠶᠡᠬᠡ ᠠᠷᠤᠬᠤᠪᠠᠴᠢᠯᠠᠨ ⑤ ᠲᠡᠳᠦᠢ ᠡᠳᠦᠢ ᠲᠣᠪᠴᠢᠯᠠᠬᠤ ᠶ᠋ᠢ ᠬᠦᠰᠡᠭᠴᠢᠳ ᠳᠠᠬᠢᠨ ᠳᠠᠬᠢᠨ  ᠰᠠᠨᠠᠭᠤᠯᠤᠭᠰᠠᠨ ᠢ᠋ᠶ᠋ᠠᠷ ᠲᠡᠳᠡᠭᠡᠷ ᠦ᠋ᠨ ᠳᠤᠷᠠᠴᠢᠯᠠᠨ ᠪᠠᠶᠠᠰᠤᠭᠠᠳ ᠡᠪᠯᠡᠭᠦᠯᠦᠨ ᠦᠢᠯᠡᠳᠬᠦᠶ᠎ᠡ ᠲᠤᠭᠤᠷᠪᠢᠵᠤ ᠪᠦᠷ ᠦ᠋ᠨ ᠲᠡᠦᠬᠡ ᠰᠤᠳᠤᠷ ᠨᠤᠭᠤᠳ ᠠ᠋ᠴᠠ ᠴᠣᠬᠤᠯᠵᠤ ᠠᠪᠤᠭᠠᠳ ᠵᠡᠷᠭᠡ ᠪᠡᠷ ᠪᠢᠴᠢᠪᠡᠢ ᠃ 

 — — — — 

① ᠮᠣᠩᠭᠣᠯ ᠰᠤᠷᠪᠤᠯᠵᠢ ᠪᠢᠴᠢᠭ ᠦ᠋ᠳ ᠲᠦ᠍ 《 ᠭᠠᠨᠵᠤᠤᠷ 》  ᠂《 ᠳ᠋ᠠᠨᠵᠤᠤᠷ 》 ᠊ᠢ ᠲᠠᠪᠤᠨ ᠤᠬᠠᠭᠠᠨ ᠤ᠋ ᠨᠣᠮ ᠭᠡᠳᠡᠭ ᠃ 

② ᠠᠴᠢᠲᠤ ᠬᠣᠩ   ᠲᠠᠢᠵᠤ ᠄ ᠷᠠᠰᠢᠫᠤᠩᠰᠤᠭ ᠤ᠋ᠨ 《 ᠪᠣᠯᠣᠷ ᠡᠷᠢᠭᠡ 》 ᠳ᠋ᠦ᠍ 《 ᠰᠡᠴᠡᠨ ᠵᠢᠨᠦᠩ ᠳᠣᠷᠵᠢ ᠶ᠋ᠢᠨ ᠭᠤᠲᠠᠭᠠᠷ ᠬᠥᠪᠡᠭᠦᠨ ᠠᠴᠢᠲᠤ ᠬᠣᠩ  ᠲᠠᠢᠵᠢ 》 ᠭᠡᠰᠡᠨ ᠪᠠ ᠮᠥᠨ 《ᠭᠠᠩᠭ᠎ᠠ ᠶ᠋ᠢᠨ ᠤᠷᠤᠰᠬᠠᠯ ᠤ᠋ᠨ 》 《 ᠦᠵᠦᠮᠦᠴᠢᠨ ᠨᠣᠶᠠᠳ ᠤ᠋ᠨ ᠤᠭ 》 ᠲᠤ᠌ 《 ᠵᠢᠨᠦᠩ ᠰᠡᠴᠡᠨ ᠴᠢᠨ ᠸᠠᠩ ᠬᠡᠷᠡᠭ ᠪᠣᠯᠤᠭᠰᠠᠨ ᠬᠣᠢᠨ᠎ᠠ ᠂ ᠠᠴᠢᠲᠤ ᠬᠣᠩ  ᠲᠠᠢᠵᠢ ᠤᠷᠢᠳᠠ ᠬᠣᠴᠣᠷᠤᠭᠰᠠᠨ ᠢ᠋ᠶ᠋ᠠᠷ ᠲᠡᠭᠦᠨ ᠦ᠌ ᠤᠭ ᠲᠤ᠌ ᠠᠴᠢ ᠠᠨᠤ ᠰᠡᠴᠡᠨ ᠴᠢᠨ ᠸᠠᠩ ᠴᠠᠭᠠᠨ  ᠪᠠᠪᠠᠢ ᠵᠠᠯᠭᠠᠮᠵᠢᠯᠠᠪᠠᠢ 》 ᠭᠡᠵᠡᠢ ᠃ 

③ᠬᠣᠣᠰ ᠶᠣᠰᠣᠨ ᠄ ᠮᠣᠩᠭᠣᠯ ᠤ᠋ᠨ  ᠡᠷᠲᠡᠨ ᠦ᠌ ᠰᠤᠷᠪᠤᠯᠵᠢ ᠪᠢᠴᠢᠭ ᠦ᠋ᠳ ᠲᠦ᠍ 《 ᠱᠠᠰᠢᠨ ᠂ ᠲᠥᠷᠥ ᠬᠣᠶᠠᠷ ᠶᠣᠰᠣᠨ ᠊ᠢ ᠵᠡᠷᠭᠡᠪᠡᠷ  ᠮᠠᠨᠳᠤᠭᠤᠯᠤᠭᠰᠠᠨ ᠁  ᠁ 》 ᠭᠡᠬᠦ ᠮᠡᠲᠦᠴᠢᠯᠡᠨ ᠲᠡᠮᠲᠡᠭ᠍ᠯᠡᠳᠡᠭ ᠃ 

④ ᠴᠠᠬᠠᠨ ᠄ ᠴᠠᠭᠠᠨ ᠃ ᠡᠨᠳᠡ ᠡᠷᠬᠢᠮ ᠳᠡᠭᠡᠳᠦ ᠭᠡᠰᠡᠨ ᠤᠳᠬ᠎ᠠ ᠪᠠᠷ ᠬᠡᠷᠡᠭᠯᠡᠵᠡᠢ ᠃ 

⑤ ᠢᠷᠤᠬᠤᠪᠠᠴᠢᠯᠠᠨ ᠄ ᠨᠢᠷᠤᠭᠤᠪᠠᠴᠢᠯᠠᠨ ᠭᠡᠰᠡᠨ ᠊ᠢ ᠪᠤᠷᠤᠭᠤ ᠪᠢᠴᠢᠭᠰᠡᠨ ᠪᠠᠢᠨ᠎ᠠ᠃   

ᠭᠠᠩᠬ᠋᠎ᠠ ᠶ᠋ᠢᠨ ᠤᠷᠤᠰᠬᠠᠯ ( ᠪᠦᠬᠦ ᠨᠣᠮ ) Гангын урсгал ( бүх ном )

ᠭᠠᠩᠬ᠋᠎ᠠ ᠶ᠋ᠢᠨ ᠤᠷᠤᠰᠬᠠᠯ ( ᠪᠦᠬᠦ ᠨᠣᠮ ) – ᠴᠤᠶ᠋ᠢᠵᠢ ᠲᠤᠯᠭᠠᠨ ᠬᠠᠷᠢᠴᠠᠭᠤᠯᠵᠤ ᠲᠠᠶ᠋ᠢᠯᠪᠤᠷᠢᠯᠠᠪᠠ Гангын урсгал ( бүх ном )– Чойж Тулган харьцуулж тайлбарлав