ᠬᠥᠬᠡ ᠪᠠᠩᠵᠠᠯ ᠤᠨ ᠦᠯᠢᠭᠡᠷ Хөх банзлын үлгэр
383ᠬᠥᠬᠡ ᠪᠠᠩᠵᠠᠯ ᠤ᠋ᠨ ᠦᠯᠢᠭᠡᠷ
ᠣᠯᠠᠨ ᠵᠢᠯ ᠦ᠋ᠨ ᠡᠮᠦᠨᠡ ᠠᠮᠧᠷᠢᠺᠠ ᠶ᠋ᠢᠨ ᠨᠢᠭᠡ ᠲᠣᠰᠬᠣᠨ ᠤ᠋ ᠪᠠᠭᠠ ᠰᠤᠷᠭᠠᠭᠤᠯᠢ ᠳ᠋ᠤ᠌ ᠰᠢᠨᠡ ᠪᠠᠭᠰᠢ ᠢᠷᠡᠵᠡᠢ ᠃ ᠰᠤᠷᠭᠠᠭᠤᠯᠢ ᠡᠬᠢᠯᠡᠬᠦ ᠦᠶᠡ ᠪᠡᠷ ᠡᠨᠡ ᠬᠤᠭᠤᠴᠠᠭᠠᠨ ᠳ᠋ᠤ᠌ ᠬᠡᠨ ᠨᠢ ᠬᠠᠮᠤᠭ ᠤ᠋ᠨ ᠴᠢᠷᠮᠠᠶ᠋ᠢᠯᠲᠠ ᠲᠠᠢ ᠪᠣᠯ ᠲᠡᠭᠦᠨ ᠳ᠋ᠦ᠍ ᠥᠪᠡᠷ ᠦ᠋ᠨ ᠬᠢᠭᠰᠡᠨ ᠪᠡᠯᠡᠭ ᠢ᠋ᠶ᠋ᠡᠨ ᠭᠠᠷᠳᠠᠭᠤᠯᠤᠨᠠ ᠭᠡᠵᠦ ᠲᠡᠷᠡ ᠪᠠᠭᠰᠢ ᠠᠩᠭᠢ ᠶ᠋ᠢᠨ ᠰᠤᠷᠤᠭᠴᠢᠳ ᠲᠤ᠌ ᠪᠠᠨ ᠬᠡᠯᠡᠪᠡ ᠃
ᠬᠤᠭᠤᠴᠠᠭᠠᠨ ᠡᠴᠦᠰ ᠪᠣᠯᠬᠤ ᠳ᠋ᠤ᠌ ᠨᠢᠭᠡ ᠵᠢᠭᠠᠯ ᠥᠬᠢᠨ 《 ᠬᠠᠮᠤᠭ ᠤ᠋ᠨ ᠴᠢᠷᠮᠠᠶ᠋ᠢᠯᠲᠠ ᠲᠠᠢ ᠰᠤᠷᠤᠭᠴᠢ 》 ᠪᠠᠷ ᠰᠣᠩᠭᠣᠭᠳᠠᠪᠠ ᠃ ᠪᠠᠭᠰᠢ ᠨᠢ ᠬᠡᠯᠡᠭᠰᠡᠨ ᠶᠤᠰᠤᠭᠠᠷ ᠢᠶᠠᠨ ᠭᠣᠶᠣ ᠰᠠᠶᠢᠬᠠᠨ ᠬᠥᠬᠡ ᠪᠠᠩᠵᠠᠯ ᠪᠡᠯᠡᠭᠯᠡᠯᠡ ᠃
ᠵᠢᠭᠠᠯ ᠥᠬᠢᠨ ᠪᠠᠶᠠᠷ ᠪᠠᠬᠠᠳᠤᠯ ᠲᠠᠢ ᠪᠠᠷ ᠭᠡᠷ ᠲᠦ᠍ ᠪᠡᠨ ᠬᠠᠷᠢᠵᠤ ᠂ ᠪᠠᠩᠵᠠᠯ ᠢ᠋ᠶ᠋ᠠᠨ ᠡᠮᠦᠰᠴᠦ ᠂ ᠡᠵᠢ ᠳ᠋ᠦ᠍ ᠪᠡᠨ ᠦᠵᠡᠭᠦᠯᠪᠡ ᠃ ᠡᠵᠢ ᠨᠢ ᠬᠠᠷᠠᠭᠠᠳ ᠪᠠᠶ᠋ᠢᠬᠤᠯᠠᠷ ᠶᠠᠮᠠᠷ ᠨᠢᠭᠡ ᠭᠠᠵᠠᠷ ᠨᠢ ᠡᠪ ᠦᠭᠡᠢ ᠰᠢᠭ ᠪᠠᠶ᠋ᠢᠯᠠ ᠃ ᠤᠤᠯ ᠨᠢ ᠬᠠᠯᠲᠠᠷ ᠴᠢᠷᠠᠢ ᠲᠠᠢ ᠥᠬᠢᠨ ᠴᠣ ᠰᠢᠨᠡ ᠪᠠᠩᠵᠠᠯ ᠲᠠᠢ ᠵᠣᠬᠢᠴᠠᠬᠤ ᠦᠭᠡᠢ ᠪᠣᠯᠤᠭᠰᠠᠨ ᠪᠠᠶ᠋ᠢᠵᠠᠢ ᠃
ᠡᠵᠢ ᠨᠢ ᠥᠬᠢᠨ ᠦ᠌ ᠪᠡᠨ ᠪᠡᠶᠡ ᠶ᠋ᠢ ᠨᠢ ᠤᠬᠢᠶᠠᠵᠤ ᠂ ᠦᠰᠦ ᠭᠡᠵᠢᠭᠡ ᠶ᠋ᠢ ᠨᠢ ᠰᠠᠢᠬᠠᠨ ᠪᠣᠭᠣᠵᠤ ᠥᠭᠭᠦᠯᠡ ᠃ ᠠ ! ᠶᠠᠮᠠᠷ ᠭᠣᠶᠣ ᠵᠢᠭᠠᠯ ᠭᠦᠩᠵᠦ ᠪᠣᠢ ! ᠥᠬᠢᠨ ᠦ᠌ ᠪᠡᠨ ᠬᠤᠪᠢᠷᠠᠯᠲᠠ ᠶ᠋ᠢ ᠦᠵᠡᠭᠡᠳ ᠡᠵᠢ ᠨᠢ ᠮᠠᠰᠢ ᠪᠠᠶᠠᠷᠯᠠᠯᠠ ᠃
ᠳᠡᠮᠡᠢ ᠤᠳᠠᠯ ᠦᠭᠡᠢ ᠡᠵᠢ ᠨᠢ ᠭᠡᠷ ᠦ᠋ᠨ ᠢ᠋ᠶ᠋ᠡᠨ ᠲᠢᠭ ᠦᠭᠡᠢ ᠪᠠᠶ᠋ᠢᠲᠠᠯ ᠊ᠢ ᠦᠵᠡᠭᠡᠳ 《 ᠵᠢᠭᠠᠯ ᠭᠦᠩᠵᠦ 》 ᠲᠡᠢ ᠠᠷᠠᠢ ᠵᠣᠬᠢᠴᠠᠬᠤ ᠦᠭᠡᠢ ᠭᠡᠰᠡᠨ ᠊ᠢ ᠰᠡᠷᠡᠵᠦ ᠂ ᠥᠬᠢᠨ ᠲᠡᠢ ᠪᠡᠨ ᠬᠠᠮᠲᠤ ᠭᠡᠷ ᠢ᠋ᠶ᠋ᠡᠨ ᠭᠢᠯᠡᠶ᠋ᠢᠲᠡᠯᠡ ᠴᠡᠪᠡᠷᠯᠡᠪᠡ ᠃
ᠣᠷᠣᠢ ᠠᠪᠤ ᠨᠢ ᠬᠠᠷᠢᠵᠤ ᠢᠷᠡᠭᠡᠳ ᠴᠡᠪᠡᠷ ᠰᠠᠢᠬᠠᠨ ᠭᠡᠷ ᠢ᠋ᠶ᠋ᠡᠨ ᠬᠠᠷᠠᠭᠠᠳ ᠠᠶ᠋ᠢᠯ ᠡᠨᠳᠡᠭᠦᠷᠡᠭᠰᠡᠨ ᠶᠦ᠍ᠮ ᠦᠦ ᠭᠡᠵᠦ ᠰᠠᠨᠳᠤᠷᠴᠤ ᠠᠪᠤᠪᠠ ᠃
ᠳᠠᠷᠠᠭᠠ ᠡᠳᠦᠷ ᠠᠪᠤ ᠨᠢ ᠠᠵᠢᠯ ᠳ᠋ᠤ᠌ ᠪᠠᠨ ᠭᠠᠷᠬᠤ ᠳ᠋ᠤ᠌ ᠪᠠᠨ ᠬᠦᠷᠢᠶᠡ ᠳᠦᠭᠦᠷᠡᠩ ᠬᠣᠭ ᠨᠣᠪᠰᠢ ᠂ ᠰᠢᠷ ᠪᠣᠳᠣᠭ ᠨᠢ ᠤᠨᠠᠭᠰᠠᠨ ᠡᠭᠦᠳᠡ ᠴᠣᠩᠬᠣ ᠪᠠᠨ ᠬᠠᠷᠠᠭᠠᠳ ᠴᠡᠪᠡᠷ ᠰᠠᠢᠬᠠᠨ ᠭᠡᠷ ᠲᠡᠢ ᠨᠢ ᠵᠣᠬᠢᠴᠠᠬᠤ ᠦᠭᠡᠢ ᠰᠢᠭ ᠰᠠᠨᠠᠭᠳᠠᠭᠰᠠᠨ ᠲᠤᠯᠠ ᠴᠢᠯᠥᠭᠡ ᠭᠤᠶᠤᠵᠤ ᠪᠦᠬᠦᠨ ᠊ᠢ ᠰᠡᠯᠪᠢᠨ ᠵᠠᠰᠠᠵᠤ ᠤᠬᠢᠶᠠᠨ ᠴᠡᠪᠡᠷᠯᠡᠯᠡ ᠃ ᠭᠤᠷᠪᠠᠨ ᠡᠳᠦᠷ ᠦ᠋ᠨ ᠳᠠᠷᠠᠭᠠ ᠭᠣᠶᠣ ᠰᠠᠶᠢᠬᠠᠨ ᠴᠡᠪᠡᠷ ᠴᠡᠮᠴᠡᠭᠡᠷ ᠪᠠᠶ᠋ᠢᠰᠢᠩ ᠵᠡᠭᠡᠯᠢ ᠳᠤᠮᠳᠠ ᠢᠯᠡᠷᠡᠪᠡ ᠃
ᠵᠡᠷᠭᠡᠯᠡᠳᠡᠭᠡ ᠠᠶ᠋ᠢᠯ ᠦ᠋ᠳ ᠨᠢ ᠡᠶ᠋ᠢᠮᠦ ᠰᠠᠢᠬᠠᠨ ᠪᠠᠶ᠋ᠢᠰᠢᠩ ᠤ᠋ᠨ ᠬᠠᠵᠠᠭᠤ ᠳ᠋ᠤ᠌ ᠥᠪᠡᠷ ᠦ᠋ᠨ ᠬᠢᠨᠢ ᠪᠠᠶ᠋ᠢᠰᠢᠩ ᠨᠢ ᠶᠠᠭ ᠵᠣᠬᠢᠴᠠᠮᠵᠢ ᠦᠭᠡᠢ ᠪᠣᠳᠣᠭᠳᠠᠭᠰᠠᠨ ᠠ᠋ᠴᠠ ᠥᠪᠡᠷ ᠥᠪᠡᠷ ᠦ᠋ᠨ ᠪᠠᠶ᠋ᠢᠰᠢᠩ ᠢ᠋ᠶ᠋ᠠᠨ ᠴᠢᠮᠡᠭᠯᠡᠵᠦ ᠡᠬᠢᠯᠡᠯᠡ ᠃
ᠨᠢᠭᠡ ᠰᠠᠷᠠ ᠶ᠋ᠢᠨ ᠳᠠᠷᠠᠭᠠ ᠴᠡᠪᠡᠷ ᠲᠡᠭᠰᠢ ᠵᠡᠭᠡᠯᠢ ᠭᠤᠳᠤᠮᠵᠢ ᠲᠤᠰ ᠲᠣᠰᠬᠣᠨ ᠳ᠋ᠤ᠌ ᠢᠯᠡᠷᠡᠵᠡᠢ ᠁
ᠬᠡᠯᠡ ᠪᠢᠴᠢᠭ ᠦ᠋ᠨ ᠬᠣᠶᠠᠳᠤᠭᠠᠷ ᠣᠨ ( ᠳᠡᠭᠡᠳᠦ )
( 2012 ᠣᠨ ᠤ᠋ 5 ᠰᠠᠷᠠ ᠳ᠋ᠤ᠌ ᠠᠩᠬᠠᠳᠤᠭᠠᠷ ᠬᠡᠪ ) ᠡᠴᠡ ᠬᠠᠭᠤᠯᠪᠠ ᠃
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ ᠄ ᠮᠢᠩᠭᠠᠳ ᠂ ᠴᠢᠮᠡᠭ
ᠬᠢᠨᠠᠭᠴᠢ ᠄ ᠲᠦᠮᠡᠳ · ᠠᠵᠠᠲᠦ