ᠬᠦᠦ ᠳ᠋ᠡᠭᠡᠨ ᠪᠢᠴᠢᠭᠰᠡᠨ ᠵᠠᠬᠢᠳᠠᠯХүүдээ бичсэн захидал
893ᠬᠦᠦ ᠳ᠋ᠡᠭᠡᠨ ᠪᠢᠴᠢᠭᠰᠡᠨ ᠵᠠᠬᠢᠳᠠᠯ
ᠥᠴᠥᠭᠡᠳᠦᠷ ᠦᠳᠡ ᠳ᠋ᠦ᠍ ᠡᠮᠧ ᠴᠢᠨᠢ ᠪᠤᠤᠵᠠ ᠪᠠᠷᠢᠴᠢᠬᠠᠭᠠᠳ 《 ᠰᠠᠢᠬᠠᠨ ᠬᠣᠭᠣᠯᠠ ᠬᠢᠭᠰᠡᠭᠡᠷ ᠯᠡ ᠬᠦᠦ ᠪᠡᠨ ᠰᠠᠨᠠᠭᠠᠳ ᠪᠠᠶ᠋ᠢᠬᠤ ᠶᠤᠮ 》 ᠭᠡᠯᠡ ᠃
ᠥᠨᠥ ᠥᠷᠯᠥᠭᠡ ᠬᠠᠷᠠ ᠡᠷᠲᠡ ᠪᠡᠷ 《ᠡᠴᠢᠭᠡ ᠲᠡᠢ ᠪᠡᠨ ᠠᠳᠠᠯᠢᠬᠠᠨ ᠵᠠᠯᠬᠠᠭᠤ ᠠᠮᠢᠲᠠᠨ ᠂ ᠥᠷᠯᠥᠭᠡᠨ ᠦ᠌ ᠲᠠᠮᠢᠷ ᠲᠤ᠌ ᠭᠦᠶᠦᠵᠦ ᠱᠠᠬᠠᠢ ᠪᠠᠨ
ᠨᠣᠷᠭᠠᠴᠢᠬᠠᠭᠠᠳ ᠂ ᠨᠣᠷᠤᠭᠰᠠᠨ ᠱᠠᠬᠠᠢ ᠪᠠᠨ ᠰᠣᠯᠢᠬᠤ ᠠ᠋ᠴᠠ ᠪᠠᠨ ᠵᠠᠯᠬᠠᠭᠤᠷᠠᠭᠠᠳ ᠱᠠᠯᠴᠢᠭᠢᠨᠠᠭᠤᠯᠤᠭᠠᠳ ᠭᠦᠶᠦᠵᠦ ᠪᠠᠶ᠋ᠢᠬ᠋ᠠ ᠂᠂᠂᠂ 》 ᠭᠡᠵᠦ ᠶᠠᠷᠢᠭᠠᠳ ᠡᠬᠢᠯᠡᠴᠢᠬᠡᠯᠡ ᠃ ᠡᠨᠡ ᠭᠠᠷᠠᠭ ᠴᠢᠮᠠ ᠶ᠋ᠢ ᠣᠴᠢᠵᠤ ᠦᠵᠡᠭᠰᠡᠨ ᠦᠭᠡᠢ ᠰᠠᠨᠠᠴᠢᠬᠠᠭᠠᠳ ᠯᠠ ᠪᠠᠶ᠋ᠢᠬ᠋ᠠ ᠤᠴᠢᠷ ᠠ᠋ !
ᠭᠠᠷᠠᠭ ᠤ᠋ᠨ ᠵᠢᠷᠭᠤᠭᠠᠨ ᠤ᠋ ᠦᠳᠡ ᠡᠴᠡ ᠡᠮᠦᠨᠡ ᠡᠮᠧ ᠳ᠋ᠦ᠍ ᠪᠡᠨ ᠶᠠᠪᠤᠭᠤᠯᠤᠭᠰᠠᠨ ᠱᠠᠩᠳᠤ ᠶ᠋ᠢᠨ ᠭᠣᠣᠯ ᠤ᠋ᠨ ᠬᠥᠪᠡᠭᠡᠨ ᠳ᠋ᠦ᠍ ᠰᠠᠭᠤᠭᠠᠳ ᠵᠢᠷᠤᠭᠰᠠᠨ ᠵᠢᠷᠤᠭ᠂ ᠪᠢᠴᠢᠭᠰᠡᠨ ᠰᠡᠳᠬᠢᠭᠳᠡᠯ ᠊ᠢ ᠴᠢᠨᠢ ᠣᠯᠵᠤ ᠬᠠᠷᠠᠬᠤ ᠪᠠᠷ 《 ᠶᠠᠭᠠᠬᠢᠭᠰᠠᠨ ᠠᠭᠤᠤ ᠪᠠᠭᠰᠢ ᠪᠣᠢ ! 》 ᠭᠡᠵᠦ ᠮᠣᠩᠭᠣᠯ ᠬᠡᠯᠡᠨ ᠦ᠌ ᠪᠠᠭᠰᠢ ᠶ᠋ᠢ ᠴᠢᠨᠢ ᠪᠢᠰᠢᠷᠡᠨ ᠬᠦᠨᠳᠦᠳᠬᠡᠯᠡ ᠃ ᠮᠢᠨᠦ ᠬᠦᠦ ᠶ᠋ᠢᠨ ᠪᠠᠭᠰᠢ ᠶᠡᠬᠡ ᠮᠤᠨᠳᠠᠭ ᠬᠥᠮᠦᠨ ᠶᠦ᠍ᠮ ᠠ᠋ ! 《 ᠰᠢᠩᠭᠡᠯᠢᠭ 》 ᠴᠦ᠍ ᠭᠡᠮᠡᠷ ᠰᠤᠷᠭᠠᠭᠤᠯᠢ ᠶ᠋ᠢᠨ ᠬᠦᠷᠢᠶᠡᠨ ᠡᠴᠡ ᠲᠠᠨᠠᠷ ᠊ᠢ ᠳᠠᠭᠠᠭᠤᠯᠤᠨ ᠠᠪᠴᠤ ᠭᠠᠷᠤᠭᠠᠳ ᠂ ᠲᠡᠨᠢᠭᠡᠷ ᠠᠭᠤᠳᠠᠮ ᠲᠠᠯᠠ ᠶ᠋ᠢᠨ ᠳᠤᠮᠳᠠᠭᠤᠷ ᠮᠤᠷᠤᠯᠵᠠᠨ ᠤᠷᠤᠰᠬᠤ ᠭᠣᠣᠯ ᠤ᠋ᠨ ᠬᠥᠪᠡᠭᠡᠨ ᠳ᠋ᠦ᠍ ᠢᠷᠠᠭᠤ ᠰᠠᠢᠬᠠᠨ ᠡᠬᠡ ᠬᠡᠯᠡ ᠪᠡᠷ ᠢ᠋ᠶ᠋ᠡᠨ ᠬᠢᠴᠢᠶᠡᠯᠯᠡᠵᠦ ᠪᠠᠶ᠋ᠢᠬᠤ ᠵᠠᠭᠤᠷᠠ ᠪᠠᠭᠰᠢ ᠶ᠋ᠢᠨ ᠴᠢᠨᠢ ᠨᠢᠯᠪᠤᠰᠤ ᠡᠩᠭᠡᠷ ᠤᠷᠤᠭᠤ ᠪᠠᠨ ᠪᠢᠰᠢ ᠵᠢᠷᠦᠬᠡ ᠥᠭᠡᠳᠡ ᠨᠢ ᠲᠤᠰᠤᠯᠵᠤ ᠪᠠᠢᠭᠰᠠᠨ ᠊ᠢ ᠮᠢᠨᠦ ᠬᠦᠦ ᠲᠣᠮᠣ ᠪᠣᠯᠤᠭᠠᠳ ᠠᠶᠠᠨᠳᠠᠭᠠᠨ ᠤᠬᠠᠭᠠᠷᠠᠵᠤ ᠬᠠᠷᠠᠨᠠ ᠃
ᠤᠯᠤᠰ ᠤ᠋ᠨ ᠰᠢᠯᠭᠠᠯᠲᠠᠨ ᠳ᠋ᠤ᠌ ᠣᠷᠣᠬᠤ ᠦᠭᠡᠢ ᠭᠡᠵᠦ ᠡᠬᠡ ᠬᠡᠯᠡ ᠪᠡᠨ ᠰᠤᠷᠬᠤ ᠦᠭᠡᠢ ᠪᠠᠶ᠋ᠢᠵᠤ ᠪᠣᠯᠬᠤ ᠦᠭᠡᠢ ᠰᠢᠦ ᠬᠦᠦ ᠮᠢᠨᠢ ! ᠭᠠᠷᠠᠭ ᠲᠤ᠌ ᠨᠢᠭᠡ ᠴᠠᠭ ᠴᠤ᠌ ᠪᠣᠯᠤᠭ ᠂ ᠬᠡᠯᠡ ᠪᠢᠴᠢᠭ ᠦ᠋ᠨ ᠬᠢᠴᠢᠶᠡᠯ ᠢ᠋ᠶ᠋ᠡᠨ ᠨᠠᠨᠳᠢᠩᠨᠠᠵᠤ ᠶᠠᠪᠤᠭᠠᠷᠠᠢ ! ᠬᠣᠪᠣᠷᠬᠠᠨ ᠲᠣᠬᠢᠶᠠᠯᠳᠤᠬᠤ ᠮᠥᠴᠡ ᠪᠦᠷᠢ ᠳ᠋ᠦ᠍ ᠪᠡᠨ 《 ᠬᠠᠮᠤᠭ ᠰᠡᠭᠦᠯᠴᠢ ᠶ᠋ᠢᠨ ᠬᠢᠴᠢᠶᠡᠯ 》 ᠭᠡᠵᠦ ᠰᠠᠨᠠᠵᠤ ᠶᠠᠪᠤᠬᠤ ᠶᠤᠮ ᠰᠢᠦ ᠬᠦᠦ ᠮᠢᠨᠢ ! 《 ᠤᠯᠤᠰ ᠤ᠋ᠨ ᠬᠡᠯᠡ 》 ᠶ᠋ᠢ ᠨᠢ ᠴᠦ᠍ ᠭᠡᠰᠡᠨ ᠰᠠᠢᠨ ᠰᠤᠷ ᠂ ᠪᠦᠷ ᠲᠡᠷᠡ ᠦᠨᠳᠦᠰᠦᠲᠡᠨ ᠦ᠌ ᠬᠢᠨᠢ ᠬᠡᠦᠬᠡᠳ ᠡᠴᠡ ᠨᠢ ᠢᠯᠡᠭᠦᠦ ᠰᠠᠢᠨ ᠰᠤᠷᠬᠤ ᠪᠠᠷ ᠬᠢᠴᠢᠶᠡ !
ᠬᠣᠵᠢᠮ ᠮᠢᠨᠦ ᠬᠦᠦ ᠲᠣᠮᠣ ᠪᠣᠯᠤᠭᠠᠳ ᠠᠶ᠋ᠢᠯ ᠂ ᠡᠷᠦᠬᠡ ᠪᠤᠰᠬᠠᠬᠤ ᠳ᠋ᠤ᠌ ᠠᠵᠠᠢ ᠡᠮᠧ ᠬᠣᠶᠠᠷ ᠨᠢ ᠪᠤᠰᠤᠳ ᠬᠡᠦᠬᠡᠳ ᠦ᠋ᠨ ᠠᠪᠤ ᠡᠵᠢ ᠰᠢᠭ ᠰᠠᠭᠤᠬᠤ ᠠ᠋ᠴᠠ ᠠᠰᠠᠷ ᠲᠡᠷᠭᠡ ᠂ ᠡᠲᠯᠡᠬᠦ ᠡᠳ᠋ ᠮᠥᠩᠭᠥ ᠦᠯᠡᠳᠡᠭᠡᠵᠦ ᠳᠡᠶ᠋ᠢᠯᠬᠦ ᠦᠭᠡᠢ ᠪᠠᠶ᠋ᠢᠵᠤ ᠮᠡᠳᠡᠨᠡ ᠃ ᠲᠡᠭᠡᠬᠦ ᠳ᠋ᠡᠭᠡᠨ ᠠᠵᠠᠢ ᠡᠮᠧ ᠨᠢ ᠬᠣᠷᠭᠣ ᠳᠦᠭᠦᠷᠡᠩ ᠂ ᠥᠷᠥᠭᠡ ᠳᠦᠭᠦᠷᠡᠩ ᠨᠣᠮ ᠯᠠ ᠬᠦᠦ ᠳ᠋ᠡᠭᠡᠨ ᠣᠳᠣ ᠠ᠋ᠴᠠ ᠡᠬᠢᠯᠡᠨ ᠬᠤᠷᠢᠶᠠᠵᠤ ᠬᠠᠳᠠᠭᠠᠯᠠᠵᠤ ᠴᠢᠳᠠᠨᠠ ᠭᠡᠳᠡᠭ ᠊ᠢ ᠪᠠᠷᠳᠠᠮ ᠠᠮᠠᠯᠠᠵᠤ ᠴᠢᠳᠠᠨᠠ ᠠ᠋ !
ᠦᠭᠡ ᠬᠡᠯᠡ ᠂ ᠦᠰᠦᠭ ᠪᠢᠴᠢᠭ ᠂ ᠵᠠᠩ ᠦᠢᠯᠡ ᠭᠡᠭᠴᠢ ᠨᠢᠭᠡ ᠦᠨᠳᠦᠰᠦᠲᠡᠨ ᠦ᠌ ᠠᠮᠢᠨ ᠰᠦᠨᠡᠰᠦ ᠪᠣᠯᠳᠠᠭ ᠪᠣᠯ ᠂ ᠬᠣᠵᠢᠮ ᠦᠶᠡ ᠶ᠋ᠢᠨ ᠨᠠᠶ᠋ᠢᠵᠠ ᠨᠥᠬᠥᠳ ᠴᠢᠨᠢ ᠡᠳ᠋ ᠮᠥᠩᠭᠥ ᠪᠡᠷ ᠪᠠᠶᠠᠷᠬᠠᠵᠤ ᠶᠠᠪᠤᠳᠠᠭ ᠪᠣᠯ ᠮᠢᠨᠦ ᠬᠦᠦ 《 ᠮᠣᠩᠭᠣᠯ 》 ᠢ᠋ᠶ᠋ᠠᠷ ᠢ᠋ᠶ᠋ᠠᠨ ᠪᠠᠷᠳᠠᠮᠨᠠᠵᠤ ᠂ ᠪᠠᠶᠠᠷᠬᠠᠵᠤ ᠶᠠᠪᠤᠬᠤ ᠶ᠋ᠢ ᠠᠵᠠᠢ ᠡᠮᠧ ᠬᠣᠶᠠᠷ ᠨᠢ ᠢᠲᠡᠭᠡᠵᠦ ᠪᠠᠶ᠋ᠢᠨᠠ ᠃
ᠠᠵᠠᠢ ᠨᠢ 2023 ᠣᠨ ᠤ᠋ 《 4 ᠰᠠᠷᠠ ᠶ᠋ᠢᠨ 4 ᠡᠳᠦᠷ 》
ᠠᠮᠢᠯᠠᠭᠤᠯᠤᠭᠴᠢ ᠄ ᠭᠠᠸᠠ
ᠬᠢᠨᠠᠭᠴᠢ ᠄ ᠰᠡᠬᠡᠭᠡᠷᠡᠯ᠂ ᠬᠥᠬᠡ ᠮᠣᠩᠭᠣᠯ᠂ ᠣᠤᠠᠬᠠᠨᠰᠤᠡ