ᠮᠣᠩᠭᠣᠯ ᠣᠨᠢᠰᠤᠭᠠ ᠶᠢᠨ ᠲᠡᠭᠦᠪᠦᠷᠢ – ᠬᠣᠶᠠᠳᠤᠭᠠᠷ ᠪᠦᠯᠦᠭ –8 Монгол оньсгын түүвэр –Хоёрдугаар бүлэг–8
1030ᠬᠣᠶᠠᠳᠤᠭᠠᠷ ᠪᠦᠯᠦᠭ – ᠠᠷᠠᠳ ᠦ᠋ᠨ ᠠᠮᠠ ᠪᠠᠷ ᠵᠣᠬᠢᠶᠠᠭᠲᠠᠭᠰᠠᠨ ᠣᠨᠢᠰᠣᠬ᠋ᠠ
ᠬᠡᠷᠡᠭᠯᠡᠵᠦ ᠡᠲᠯᠡᠬᠦ ᠶ᠋ᠢᠨ ᠵᠤᠶ᠋ᠢᠯ – ( ᠬᠤᠶᠠᠷ )
ᠬᠠᠷᠠ ᠲᠠᠬᠢᠶᠠ
ᠤᠯᠠᠭᠠᠨ ᠬᠣᠩᠰᠢᠶᠠᠷ ᠲᠠᠢ
( ᠲᠣᠰᠤᠨ ᠳ᠋ᠧᠩ )
ᠰᠢᠷᠦᠨ ᠵᠢᠩᠰᠡ ᠲᠡᠢ
ᠰᠢᠭᠦᠰᠦᠨ ᠪᠥᠭᠰᠡ ᠲᠡᠢ
( ᠳᠤᠰᠤᠨ ᠳ᠋ᠸᠩ )
ᠰᠢᠷᠣᠢ ᠬᠠᠷᠠ ᠲᠠᠬᠢᠶᠠ
ᠰᠢᠩᠬᠤᠨ ᠤᠯᠠᠭᠠᠨ ᠬᠣᠰᠢᠭᠤ ᠲᠠᠢ
( ᠳᠤᠰᠤᠨ ᠳ᠋ᠸᠩ )
ᠭᠣᠸ᠋ᠠ ᠤᠯᠠᠭᠠᠨ
ᠭᠠᠭᠴᠠᠬᠠᠨ ᠴᠢᠪᠠᠬ᠋ᠠ
ᠭᠤᠷᠪᠠᠨ ᠲᠠᠰᠤᠯᠬ᠋ᠠ
ᠭᠡᠷ ᠲᠤ ᠪᠠᠭᠲᠠᠬᠤ ᠦᠭᠡᠢ
( ᠳ᠋ᠸᠩ ᠦ᠋ᠨ ᠭᠡᠷᠡᠯ )
ᠯᠢᠩᠬᠤᠠ ᠴᠡᠴᠡᠭ ᠮᠡᠲᠦ ᠬᠡᠯᠪᠡᠷᠢ ᠲᠡᠢ
ᠨᠠᠪᠴᠢ ᠮᠥᠴᠢᠷ ᠮᠡᠲᠦ ᠪᠠᠷᠢᠭᠤᠯ ᠲᠠᠢ
ᠳᠣᠲᠣᠷᠠ ᠲᠠᠯᠠ ᠳ᠋ᠠᠭᠠᠨ ᠭᠠᠯ ᠲᠠᠢ
ᠭᠠᠲᠠᠷ ᠲᠠᠯᠠ ᠳ᠋ᠠᠭᠠᠨ ᠭᠡᠷᠡᠯ ᠲᠡᠢ
( ᠳ᠋ᠸᠩᠯᠦ )
ᠤᠷᠤᠰᠬᠤ ᠦᠭᠡᠢ ᠤᠰᠤ
ᠤᠲᠤᠬ᠋ᠠ ᠦᠭᠡᠢ ᠭᠠᠯ
( ᠵᠤᠯᠠ )
ᠠᠪᠲᠠᠷᠠ ᠳᠡᠭᠡᠷᠡ
ᠠᠯᠢᠮᠠ ᠪᠠᠶ᠋ᠢᠨᠠ
ᠠᠪᠤᠶᠠ ᠭᠡᠰᠡᠨ
ᠠᠶᠤᠭᠠᠳ ᠪᠠᠶ᠋ᠢᠨᠠ
ᠢᠲᠡᠶᠡ ᠭᠡᠰᠡᠨ
ᠢᠴᠢᠭᠡᠳ ᠪᠠᠶ᠋ᠢᠨᠠ
( ᠵᠤᠯᠠ )
ᠶᠣᠰᠣ ᠲᠠᠢ ᠬᠥᠮᠦᠨ ᠪ ᠡᠮᠦᠨᠡ
ᠶᠣᠨᠲᠣᠨ ᠭᠠᠲᠠᠰᠤ
( ᠵᠤᠯᠠ )
ᠪᠠᠷᠠᠭᠠᠨ ᠳᠡᠭᠡᠷᠡ
ᠪᠠᠲᠠᠷᠠᠭᠰᠠᠨ ᠴᠡᠴᠡᠭ
( ᠵᠤᠯᠠ )
ᠥᠨᠲᠥᠷ ᠰᠢᠷᠠ ᠬᠥᠮᠦᠨ
ᠥᠪᠡᠷ ᠦ᠋ᠨ ᠪᠡᠶᠡ ᠪᠡᠨ ᠢᠲᠡᠨᠡ
( ᠬᠦᠵᠢ )
ᠤᠯᠠᠭᠠᠨ ᠯᠠᠮᠠ
ᠰᠢᠷᠠ ᠯᠠᠮᠠ ᠶ᠋ᠢ ᠢᠲᠡᠨᠡ
( ᠬᠦᠵᠢ ᠠᠰᠠᠭᠠᠬᠤ )
ᠠᠶ᠋ᠢᠯ ᠦ᠋ᠨ ᠲᠣᠭᠠᠨ ᠳ᠋ᠤ᠌ ᠣᠷᠣᠲᠠᠭ ᠦᠭᠡᠢ
ᠠᠶᠠᠬ᠋ᠠ ᠬᠣᠭᠣᠯᠠ ᠴᠤ᠌ ᠢᠳᠡᠳᠡᠭ ᠦᠭᠡᠢ
( ᠪᠤᠷᠬᠠᠨ )
ᠳᠡᠯᠳᠡᠩ ᠳᠡᠯᠳᠡᠩ ᠰᠢᠪᠠᠭᠤ
ᠳᠠᠯᠤ ᠳᠡᠭᠡᠷᠡ ᠪᠡᠨ ᠪᠢᠴᠢᠭ᠌ ᠲᠡᠢ
ᠳᠠᠯᠠᠢ ᠯᠠᠮᠠ ᠶ᠋ᠢᠨ ᠱᠠᠪᠢ
ᠬᠡᠯᠡ ᠳᠡᠭᠡᠷᠡ ᠪᠡᠨ ᠪᠢᠴᠢᠭ᠌ ᠲᠡᠢ
( ᠲᠠᠷᠴᠠᠭ ᠂ ᠬᠡᠢ ᠮᠣᠷᠢ )
ᠠᠷᠢᠭᠤᠨ ᠴᠠᠭᠠᠨ ᠪᠡᠶᠡ ᠲᠡᠢ
ᠠᠰᠬᠠᠨ ᠲᠥᠷᠥᠭᠰᠡᠨ ᠨᠢᠭᠡ ᠵᠠᠯᠠᠭᠤ
ᠤᠴᠢᠷ ᠦᠭᠡᠢ ᠪᠡᠷ ᠪᠤᠰᠤᠳ ᠦ᠋ᠨ ᠲᠥᠯᠥᠭᠡ
ᠣᠬᠢᠯᠠᠭᠰᠠᠭᠠᠷ ᠨᠢᠭᠡᠨ ᠨᠠᠰᠤ ᠪᠠᠨ ᠪᠠᠷᠠᠪᠠ
( ᠯᠠ )
ᠤᠭ ᠪᠡᠶᠡ ᠨᠢ ᠰᠢᠯᠤᠭᠤᠨ
ᠤᠬᠠᠭᠠᠨ ᠰᠠᠨᠠᠬ᠋ᠠ ᠨᠢ ᠰᠢᠲᠤᠷᠭᠤ
ᠭᠡᠵᠢᠭᠡ ᠡᠴᠡ ᠨᠢ ᠭᠡᠷᠡᠯ ᠭᠠᠷᠴᠤ
ᠭᠡᠲᠡᠰᠦ ᠡᠴᠡ ᠨᠢ ᠬᠠᠶ᠋ᠢᠯ ᠪᠠᠭᠤᠨᠠ
( ᠯᠠ )
ᠵᠣᠪᠠᠯᠠᠩ ᠦᠭᠡᠢ ᠪᠠᠶ᠋ᠢᠭᠠᠳ
ᠵᠠᠯᠬ᠋ᠠ ᠣᠬᠢᠯᠠᠭᠰᠠᠭᠠᠷ
ᠵᠢᠷᠭᠠᠯ ᠦᠭᠡᠢ ᠪᠠᠶ᠋ᠢᠭᠠᠳ
ᠵᠣᠭᠣᠭ ᠦ᠋ᠨ ᠳᠤᠮᠳᠠ ᠰᠠᠭᠤᠭᠰᠠᠭᠠᠷ
ᠵᠢᠭᠠᠬᠠᠨ ᠪᠡᠶᠡ ᠪᠡᠨ ᠰᠥᠨᠥᠭᠡᠳᠡᠭ
( ᠯᠠ )
ᠵᠠ ᠵᠠ ᠂ ᠵᠠᠭ ᠵᠠᠭ
ᠵᠠ ᠡᠮᠡᠭᠡᠨ ᠳ᠋ᠣᠭ ᠳ᠋ᠣᠭ
( ᠤᠭᠤᠷ ᠨᠦᠲᠦᠭᠦᠷ )
ᠳᠤᠮᠳᠠ ᠪᠠᠨ ᠠᠭᠤᠢ ᠲᠠᠢ
ᠳᠣᠯᠳᠣᠭᠣ ᠪᠠᠭᠠᠲᠤᠷ
( ᠤᠭᠤᠷ )
ᠢᠰᠢᠭᠡ ᠲᠡᠢ ᠢᠮᠠᠬ᠋ᠠ
ᠠᠶ᠋ᠢᠯ ᠡᠷᠭᠢᠨᠡ
( ᠤᠭᠤᠷ ᠨᠦᠲᠦᠭᠦᠷ )
ᠡᠮᠦᠨᠡ ᠠᠶ᠋ᠢᠯ ᠨᠢ ᠪᠤᠲᠠᠬ᠋ᠠ ᠢᠲᠡᠨ
ᠬᠣᠶ᠋ᠢᠲᠤ ᠠᠶ᠋ᠢᠯ ᠨᠢ ᠰᠢᠷᠣᠢ ᠢᠲᠡᠨᠡ
( ᠬᠥᠯ ᠤᠭᠤᠷ )
ᠲᠡᠨᠡᠭ ᠡᠪᠦᠭᠡᠨ
ᠲᠩᠷᠢ ᠥᠭᠡᠲᠡ ᠦᠰᠦᠷᠦᠨᠡ
( ᠨᠦᠲᠦᠭᠦᠷ )
ᠡᠮᠡᠭᠡᠨ ᠡᠪᠦᠭᠡᠨ ᠬᠣᠶᠠᠷ
ᠥᠷᠯᠥᠭᠡ ᠪᠣᠰᠤᠭᠠᠳ ᠵᠣᠲᠣᠯᠲᠤᠨᠠ
( ᠤᠭᠤᠷ ᠨᠦᠲᠦᠭᠦᠷ )
ᠬᠣᠲᠠ ᠨᠢ ᠬᠣᠩᠬᠣᠶ᠋ᠢᠲᠠᠭ
ᠬᠤᠴᠠ ᠨᠢ ᠮᠥᠷᠭᠦᠳᠡᠭ
( ᠤᠭᠤᠷ ᠨᠦᠲᠦᠭᠦᠷ )
ᠤᠰᠤ ᠨᠡᠪᠲᠡᠷᠡᠳᠡᠭ ᠦᠭᠡᠢ
ᠬᠡᠷᠡᠭ ᠨᠡᠪᠲᠡᠷᠡᠳᠡᠭ
( ᠰᠢᠯ )
ᠭᠡᠷ ᠭᠡᠷ ᠲᠦ
ᠨᠣᠬᠠᠢ ᠶ᠋ᠢᠨ ᠭᠤᠶᠠ
( ᠱᠦᠭᠦᠷ )
ᠪᠠᠷᠠᠭᠤᠨᠲᠠᠢ ᠠ᠋ᠴᠠ ᠢᠷᠡᠬᠦ ᠪᠠᠭᠰᠢ
ᠪᠠᠯᠭᠠᠷ ᠮᠣᠲᠣᠨ ᠪ ᠨᠠᠪᠴᠢ
ᠰᠢᠲᠦᠯᠡᠩ ᠦᠬᠡᠷ ᠦ᠋ᠨ ᠰᠢᠲᠦ
ᠰᠢᠷᠡᠭᠡᠲᠦ ᠯᠠᠮᠠ ᠶ᠋ᠢᠨ ᠬᠤᠪᠢᠯᠭᠠᠨ
( ᠬᠡᠲᠡ )
ᠠᠷᠤ ᠶ᠋ᠢᠨ ᠪᠡᠶᠡ ᠪᠡᠷ ᠨᠤᠲᠤᠭ ᠲᠠᠢ
ᠠᠷᠠᠰᠤ ᠰᠢᠷᠢᠨ ᠤᠭᠤᠲᠠ ᠲᠠᠢ
ᠬᠠᠶ᠋ᠢᠷ ᠴᠢᠯᠠᠭᠤᠨ ᠨᠥᠬᠥᠷ ᠲᠡᠢ
ᠬᠠᠶ᠋ᠢᠷᠰᠢᠨ ᠳᠡᠰᠦᠷᠡᠳᠡᠭ ᠭᠠᠯ ᠲᠠᠢ
ᠤᠯᠠᠭᠠᠨ ᠮᠥᠨᠲᠥᠷ ᠪᠠᠭᠤᠯᠭᠠᠲᠠᠭ
ᠤᠯᠤᠰ ᠦ᠋ᠨ ᠬᠡᠷᠡᠭ ᠊ᠢ ᠪᠦᠷᠦᠭᠡᠳᠡᠭ
( ᠬᠡᠲᠡ )
ᠴᠢᠨ ᠴᠢᠨ ᠪ ᠮᠥᠩᠭᠥ
ᠴᠢᠩᠭᠢᠰ ᠬᠠᠭᠠᠨ ᠪ ᠪᠡᠯᠡᠭ
ᠠᠷᠤ ᠭᠠᠵᠠᠷ ᠦ᠋ᠨ ᠨᠠᠪᠴᠢ
ᠠᠯᠲᠠ ᠮᠥᠩᠭᠥᠨ ᠥᠭᠡᠲᠡᠰᠦ
( ᠬᠡᠲᠡ ᠴᠠᠬᠢᠭᠤᠷ )
ᠬᠥᠨᠲᠡᠢ ᠮᠣᠲᠣᠨ ᠳ᠋ᠤ᠌
ᠬᠥᠬᠡ ᠴᠢᠨᠣᠠ
( ᠬᠢᠲᠤᠬ᠋ᠠ )
ᠬᠥᠮᠦᠨ ᠰᠢᠭ᠌ ᠮᠢᠬᠠ ᠢᠲᠡᠭᠡᠳ
ᠬᠤᠯᠤᠭᠠᠨᠠ ᠰᠢᠭ᠋ ᠨᠦᠬᠡ ᠤᠷᠤᠭᠤ ᠪᠠᠨ ᠭᠦᠶᠦᠨᠡ
( ᠬᠢᠲᠤᠬ᠋ᠠ )
ᠢᠳᠡᠳᠡᠭ ᠨᠢ ᠢᠷᠭᠡ ᠰᠡᠷᠭᠡ
ᠬᠣᠨᠣᠲᠠᠭ ᠨᠢ ᠬᠣᠩᠬᠢᠶᠠ ᠮᠣᠲᠣ
( ᠬᠢᠲᠤᠬ᠋ᠠ )
ᠮᠠᠨ ᠪ ᠬᠡᠦᠬᠡᠳ
ᠮᠢᠬᠠᠨ ᠳ᠋ᠤ᠌ ᠳᠤᠷᠠᠲᠠᠢ
ᠮᠠᠨᠵᠤ ᠶ᠋ᠢᠨ ᠬᠡᠦᠬᠡᠳ
ᠪᠤᠲᠠᠭᠠᠨ ᠳ᠋ᠤ᠌ ᠳᠤᠷᠠᠲᠠᠢ
( ᠬᠢᠲᠤᠬ᠋ᠠ ᠰᠠᠪᠬᠠ )
ᠬᠠᠵᠠᠭᠤ ᠪᠡᠶᠡ ᠪᠡᠷ ᠨᠤᠲᠤᠭᠯᠠᠲᠠᠭ
ᠬᠠᠷᠠᠪᠲᠤᠷ ᠬᠣᠩᠬᠢᠶᠠ ᠭᠡᠷ ᠲᠡᠢ
ᠬᠠᠷᠰᠢ ᠳᠠᠶ᠋ᠢᠰᠤᠨ ᠊ᠢ ᠰᠥᠨᠥᠭᠡᠳᠡᠭ
ᠬᠠᠲᠠᠭᠤ ᠡᠷᠡᠰ ᠵᠠᠩ ᠲᠠᠢ
ᠬᠣᠣᠰᠯᠠᠨ ᠶᠠᠪᠤᠵᠤ ᠰᠢᠭᠦᠷᠡᠳᠡᠭ
ᠬᠣᠶᠠᠷ ᠭᠣᠸ᠋ᠠ ᠳᠡᠭᠦᠦ ᠲᠡᠢ
( ᠬᠢᠲᠤᠬ᠋ᠠ ᠰᠠᠪᠬᠠ )
ᠬᠠᠮᠲᠤ ᠶ᠋ᠢᠨ ᠲᠥᠯᠥᠭᠡ
ᠬᠠᠲᠠ ᠮᠥᠷᠭᠥᠨᠡ
ᠬᠠᠶ᠋ᠢᠷᠠᠨ ᠪᠡᠶᠡ ᠪᠡᠨ
ᠬᠠᠷᠠᠮ ᠦᠭᠡᠢ ᠰᠥᠨᠥᠭᠡᠨᠡ
( ᠴᠦᠢᠲᠡᠩ )
ᠡᠷᠡᠭ᠋ ( ᠡᠷᠡᠦ ) ᠦᠭᠡᠢ ᠲᠡᠮᠡᠭᠡ
ᠡᠪᠡᠰᠦ ᠢᠲᠡᠬᠦ ᠬᠡᠴᠡᠭᠦᠦ
( ᠬᠠᠲᠤᠭᠤᠷ )
ᠡᠷᠡ ᠬᠥᠮᠦᠨ ᠪ ᠲᠣᠯᠣᠭᠠᠢ ᠶ᠋ᠢ
ᠡᠷᠡᠦ ᠪᠡᠷ ᠶ᠋ᠢᠡᠨ ᠳᠣᠯᠢᠶᠠᠵᠤ
ᠦᠰᠦ ᠰᠠᠬᠠᠯ ᠊ᠢ ᠨᠢ ᠢᠲᠡᠵᠦ
ᠥᠪᠡᠷ ᠦ᠋ᠨ ᠣᠷᠣᠨ ᠳ᠋ᠠᠭᠠᠨ ᠤᠨᠲᠠᠲᠠᠭ
( ᠲᠣᠩᠭᠣᠷᠠᠭ)
ᠪᠡᠶᠡ ᠳ᠋ᠡᠭᠡᠨ ᠰᠠᠯᠬᠢ ᠲᠠᠢ
ᠪᠡᠭᠡᠵᠢᠩ ᠭᠠᠵᠠᠷ ᠦ᠋ᠨ ᠬᠦᠦ
ᠬᠠᠯᠠᠭᠤᠨ ᠳ᠋ᠤ᠌ ᠬᠠᠨᠢ ᠪᠣᠯᠤᠨᠠ
ᠬᠦᠢᠲᠡᠨ ᠳ᠋ᠤ᠌ ᠬᠤᠪᠢ ᠪᠠᠨ ᠬᠥᠭᠡᠭᠡᠨᠡ
( ᠳᠡᠪᠢᠭᠦᠷ)
ᠠᠮᠠ ᠦᠭᠡᠢ ᠪᠠᠶ᠋ᠢᠭᠠᠳ ᠨᠢᠭᠤᠷ ᠲᠠᠢ
ᠠᠯᠬᠤᠬᠤ ᠦᠭᠡᠢ ᠪᠠᠶ᠋ᠢᠭᠠᠳ ᠬᠦᠯ ᠲᠡᠢ
ᠠᠵᠢᠯᠯᠠᠬᠤ ᠦᠭᠡᠢ ᠪᠠᠶ᠋ᠢᠭᠠᠳ ᠠᠴᠢᠶᠠ ᠲᠠᠢ
ᠠᠯᠢ ᠴᠤ᠌ ᠢᠲᠡᠭᠡᠨ ᠡᠴᠡ ᠬᠣᠵᠢᠬᠲᠠᠬᠤ ᠦᠭᠡᠢ
( ᠰᠢᠷᠡᠭᠡ)
ᠨᠢᠭᠤᠷ ᠪᠠᠶ᠋ᠢᠭᠠᠳ ᠠᠮᠠ ᠦᠭᠡᠢ
ᠬᠦᠯ ᠪᠠᠶ᠋ᠢᠭᠠᠳ ᠭᠠᠷ ᠦᠭᠡᠢ
ᠰᠠᠶ᠋ᠢᠨ ᠠᠷᠢᠬᠢ ᠠ᠋ᠴᠠ ᠬᠣᠴᠣᠷᠬᠤ ᠦᠭᠡᠢ
ᠰᠠᠶ᠋ᠢᠬᠠᠨ ᠬᠣᠭᠣᠯᠠ ᠠ᠋ᠴᠠ ᠬᠣᠵᠢᠬᠲᠠᠬᠤ ᠦᠭᠡᠢ
( ᠰᠢᠷᠡᠭᠡ)
ᠢᠳᠡᠳᠡᠭ ᠦᠭᠡᠢ ᠪᠠᠶ᠋ᠢᠲᠠᠯᠠ ᠪᠠᠨ
ᠶᠡᠬᠡ ᠭᠡᠲᠡᠰᠦ ᠲᠡᠢ
ᠶᠠᠪᠤᠲᠠᠭ ᠦᠭᠡᠢ ᠪᠠᠶ᠋ᠢᠲᠠᠯᠠ ᠪᠠᠨ
ᠳᠦᠷᠪᠡᠨ ᠬᠥᠯ ᠲᠡᠢ
( ᠰᠢᠷᠡᠭᠡ)
ᠭᠡᠭᠡᠨ ᠪ ᠮᠣᠷᠢ
ᠭᠡᠲᠡᠰᠦ ᠦᠭᠡᠢ
( ᠰᠢᠷᠡᠭᠡ)
ᠳᠦᠷᠪᠡᠨ ᠬᠦᠮᠦᠨ
ᠨᠢᠭᠡ ᠮᠠᠯᠠᠭᠠᠢ ᠲᠠᠢ
( ᠰᠢᠷᠡᠭᠡ)
ᠠᠬᠠ ᠳᠡᠭᠦᠦ ᠳᠥᠷᠪᠡᠭᠦᠯᠡ ᠪᠡᠨ
ᠨᠢᠭᠡ ᠮᠠᠯᠠᠬ᠋ᠠ ᠡᠮᠦᠰᠦᠨᠡ
( ᠰᠢᠷᠡᠭᠡ)
ᠬᠥᠮᠥᠰᠬᠡ ᠶ᠋ᠢ ᠨᠢ ᠲᠠᠲᠠᠵᠤ
ᠨᠢᠲᠦ ᠶ᠋ᠢ ᠨᠢ ᠣᠩᠭᠣᠶ᠋ᠢᠯᠭᠠᠨᠠ
( ᠰᠢᠷᠭᠤᠤᠯ)
ᠬᠠᠪᠲᠠᠰᠤᠨ ᠪᠡᠶᠡ ᠲᠡᠢ
ᠬᠠᠪᠲᠠᠭᠠᠢ ᠳᠦᠷᠰᠦ ᠲᠡᠢ
ᠬᠠᠮᠤᠭ ᠬᠥᠮᠦᠰ ᠊ᠢ ᠤᠨᠤᠭᠤᠯᠲᠠᠭ
ᠬᠠᠯᠠᠭᠤᠨ ᠰᠡᠤᠠᠬᠢᠯ ᠲᠡᠢ ᠬᠥᠯᠥᠭ
( ᠰᠠᠨᠲᠠᠯᠢ)
ᠬᠠᠷᠠᠭᠴᠢ ᠦᠨᠢᠶᠡᠨ ᠳ᠋ᠤ᠌
ᠬᠠᠲᠠᠭᠤ ᠬᠦᠲᠡᠬᠦᠦ ᠶ᠋ᠢ ᠠᠴᠢᠨᠠ
( ᠲᠠᠯᠪᠢᠭᠤᠷ)
ᠡᠴᠡᠩᠬᠡᠢ ᠲᠡᠮᠡᠭᠡ
ᠡᠯᠲᠡᠪ ᠶᠠᠭᠤᠮᠠ ᠶ᠋ᠢ ᠳᠠᠭᠠᠭᠠᠨᠠ
( ᠲᠠᠯᠪᠢᠭᠤᠷ)
ᠮᠣᠷᠢᠨ ᠲᠣᠯᠣᠭᠠᠢ ᠲᠠᠢ
ᠮᠣᠲᠣᠨ ᠪᠡᠶᠡ ᠲᠡᠢ
( ᠠᠨᠵᠢᠰᠤ)
ᠬᠠᠷᠠ ᠦᠬᠡᠷ ᠳᠡᠭᠡᠷᠡ
ᠬᠠᠲᠠᠭᠤ ᠬᠦᠲᠡᠬᠦᠦ ᠶ᠋ᠢ ᠠᠴᠢᠬᠤ
( ᠳᠡᠪᠡᠯ ᠦ᠋ᠨ ᠡᠯᠭᠦᠭᠦᠷ)
ᠠᠭᠤᠯᠠ ᠭᠣᠣᠯ ᠳ᠋ᠤ᠌ ᠨᠤᠲᠤᠭ ᠲᠠᠢ
ᠤᠷᠲᠤ ᠨᠠᠷᠢᠬᠠᠨ ᠪᠡᠶᠡ ᠲᠡᠢ
ᠬᠥᠲᠡᠭᠡ ᠶ᠋ᠢᠨ ᠮᠠᠯᠴᠢᠨ ᠵᠠᠯᠠᠵᠤ ᠢᠷᠡᠭᠡᠳ
ᠬᠦᠴᠦᠲᠦ ᠪᠠᠭᠠᠲᠤᠷ ᠳᠠᠭᠠᠨ ᠬᠣᠯᠪᠣᠵᠤ
ᠡᠷᠡ ᠴᠢᠲᠠᠯ ᠊ᠢ ᠨᠢ ᠦᠵᠡᠬᠦ ᠪᠡᠷ
ᠡᠲᠦᠷ ᠦ᠋ᠨ ᠮᠠᠷᠭᠠᠰᠢ ᠨᠣᠴᠣᠯᠲᠤᠭᠤᠯᠤᠨᠠ
( ᠤᠷᠬ᠋ᠠ)
ᠠᠤᠠᠬᠤᠨ ᠳ᠋ᠤ᠌ ᠪᠠᠭᠲᠠᠭᠠᠳ
ᠠᠪᠲᠠᠷᠠ ᠳ᠋ᠤ᠌ ᠪᠠᠭᠲᠠᠬᠤ ᠦᠭᠡᠢ
( ᠤᠷᠬ᠋ᠠ)
ᠬᠦᠵᠦᠭᠦᠦ ᠦᠭᠡᠢ ᠪᠤᠬᠠ
ᠬᠦᠴᠦ ᠲᠡᠢ
( ᠡᠷᠭᠢᠨᠡᠭ )
ᠲᠣᠷᠭᠠᠨ ᠳᠡᠭᠡᠭᠦᠷ ᠭᠦᠶᠦᠪᠡᠴᠦ
ᠲᠣᠷᠬ᠋ᠠ ᠡᠮᠦᠰᠬᠦ ᠦᠭᠡᠢ ᠬᠡᠦᠬᠡᠨ
( ᠵᠡᠭᠦᠦ)
ᠬᠠᠲᠠᠭᠤ ᠨᠠᠷᠢᠨ ᠪᠡᠶᠡ ᠲᠡᠢ
ᠬᠠᠤᠠᠬᠤᠵᠤ ᠰᠢᠪᠡᠬᠦ ᠡᠷᠲᠡᠮ ᠲᠡᠢ
ᠬᠠᠮᠠᠷ ᠠ᠋ᠴᠠ ᠪᠠᠨ ᠳᠥᠷᠦᠯᠡᠭᠦᠯᠦᠨ ᠶᠠᠪᠤᠵᠤ
ᠬᠠᠭᠠᠷᠠᠭᠰᠠᠨ ᠰᠢᠷᠬᠠ ᠶ᠋ᠢ ᠨᠠᠭᠠᠲᠠᠭ
( ᠵᠡᠭᠦᠦ)
ᠬᠥᠬᠡ ᠢᠰᠢᠭᠡ
ᠬᠥᠭᠡᠨᠡ ᠪᠡᠨ ᠴᠢᠷᠦᠭᠡᠳ ᠭᠦᠶᠦᠨᠡ
( ᠵᠡᠭᠦᠦ)
ᠥᠷᠥᠭᠡᠰᠦᠨ ᠨᠢᠲᠦ ᠲᠡᠢ
ᠥᠷᠥᠭᠡᠰᠦᠨ ᠬᠦᠯ ᠲᠡᠢ
( ᠵᠡᠭᠦᠦ)
ᠰᠦᠷᠡᠬᠡᠢ ᠬᠥᠬᠡ ᠮᠣᠷᠢ
ᠰᠦᠷ ᠰᠦᠷ ᠭᠦᠶᠦᠨᠡ
( ᠵᠡᠭᠦᠦ)
ᠱᠣᠲᠣᠩ ᠬᠥᠬᠡ ᠮᠣᠷᠢ ᠲᠠᠢ
ᠱᠣᠪᠣᠭᠣᠷ ᠣᠷᠣᠶ᠋ᠢᠪᠴᠢ ᠮᠠᠯᠠᠬ᠋ᠠ ᠲᠠᠢ
( ᠵᠡᠭᠦᠦ ᠬᠤᠷᠤᠭᠤᠪᠴᠢ)
ᠬᠤᠪᠠᠨ ᠪᠣᠷᠣ ᠬᠦᠦ
ᠬᠣᠷᠢ ᠭᠤᠴᠢᠨ ᠰᠢᠷᠬᠠ ᠲᠠᠢ
( ᠬᠤᠷᠤᠭᠤᠪᠴᠢ)
ᠣᠲᠣᠯᠠᠢ ᠮᠣᠲᠣᠨ ᠳᠡᠭᠡᠷᠡ
ᠲᠣᠲᠣᠯᠠᠢ ᠰᠢᠪᠠᠭᠤ
( ᠬᠤᠷᠤᠭᠤᠪᠴᠢ)
ᠲᠣᠯᠣᠭᠠᠢ ᠡᠪᠡᠤᠠᠬᠦ ᠳ᠋ᠤ᠌
ᠲᠣᠭᠣᠷᠴᠣᠭ ᠡᠮᠦᠰᠦᠨᠡ
( ᠬᠤᠷᠤᠭᠤᠪᠴᠢ )
ᠢᠲᠡᠬᠦ ᠠᠮᠠ ᠲᠠᠢ
ᠵᠠᠯᠭᠢᠬᠤ ᠬᠣᠭᠣᠯᠠᠢ ᠦᠭᠡᠢ
( ᠬᠠᠶ᠋ᠢᠴᠢ)
ᠡᠭᠡᠴᠢ ᠳᠡᠭᠦᠦ ᠬᠣᠶᠠᠭᠤᠯᠠ ᠶ᠋ᠢᠨ
ᠡᠭᠡᠮ ᠰᠠᠴᠠᠭᠤ
( ᠬᠠᠶ᠋ᠢᠴᠢ)
ᠮᠡᠯᠡᠬᠡᠢ ᠶ᠋ᠢᠨ ᠪᠡᠶᠡ ᠲᠡᠢ
ᠱᠠᠭᠠᠵᠠᠭᠠᠢ ᠶ᠋ᠢᠨ ᠬᠣᠩᠰᠢᠶᠠᠷ ᠲᠠᠢ
( ᠬᠠᠶ᠋ᠢᠴᠢ)
ᠨᠣᠮᠣᠨ ᠬᠡᠯᠪᠡᠷᠢ ᠶ᠋ᠢᠨ ᠪᠡᠶᠡ ᠲᠡᠢ
ᠨᠠᠷᠢᠨ ᠤᠷᠲᠤ ᠬᠣᠩᠰᠢᠶᠠᠷ ᠲᠠᠢ
ᠪᠤᠲᠠᠬ᠋ᠠ ᠵᠠᠭᠤᠰᠢ ᠢᠲᠡᠬᠦ ᠦᠭᠡᠢ
ᠪᠥᠰ ᠴᠠᠭᠠᠰᠤ ᠢᠲᠡᠨᠡ
( ᠬᠠᠶ᠋ᠢᠴᠢ)
ᠡᠷᠲᠡᠮ ᠨᠢ ᠨᠡᠮᠡᠭᠳᠡᠭᠡᠳ ᠨᠢᠰᠬᠦ ᠳ᠋ᠡᠭᠡᠨ ᠬᠦᠷᠴᠦ
ᠡᠭᠡᠯ ᠴᠠᠭᠠᠨ ᠰᠢᠳᠡᠮᠡᠰᠦ ᠳ᠋ᠤ᠌ ᠪᠣᠭᠣᠮᠢᠯᠠᠭᠳᠠᠪᠠ
( ᠡᠭᠡᠷᠡᠦᠯ )
ᠡᠵᠢ ᠶ᠋ᠢᠨ ᠡᠮᠦᠨᠡ ᠡᠬᠡᠷ ᠳᠡᠭᠡᠷ
( ᠡᠭᠡᠷᠡᠦᠯ )
ᠴᠠᠭᠠᠨ ᠳᠠᠭᠠ ᠵᠢᠷᠢᠢᠭᠡᠳ
ᠳᠡᠪᠢᠵᠦ ᠳᠡᠪᠢᠵᠦ ᠲᠠᠷᠭᠤᠯᠠᠨᠠ
( ᠡᠭᠡᠷᠡᠦᠯ )
ᠬᠠᠯᠠᠭᠤᠨ ᠭᠠᠯ ᠤᠨ ᠢᠳᠡᠰᠢ ᠲᠠᠢ
ᠬᠠᠮᠪᠤ ᠲᠣᠷᠭᠠᠨ ᠳᠡᠪᠢᠰᠭᠡᠷ ᠲᠠᠢ
ᠬᠠᠮᠢᠭᠠ ᠠ᠋ᠴᠠ ᠢᠷᠡᠭᠰᠡᠨ ᠵᠣᠴᠢᠨ ᠪᠤᠢ
ᠬᠡᠨ ᠲᠡᠭᠦᠨ ᠢ ᠲᠠᠨᠢᠬᠤ ᠪᠤᠢ
( ᠢᠯᠡᠦᠷ )
ᠬᠠᠪᠲᠠᠭᠠᠢ ᠭᠤᠷᠪᠠᠯᠵᠢᠨ ᠪᠡᠶᠡ ᠲᠠᠢ
ᠬᠠᠨᠢᠭᠠᠷ ᠤᠷᠲᠤ ᠰᠡᠭᠦᠯ ᠲᠠᠢ
ᠬᠠᠯᠠᠭᠤᠨ ᠭᠠᠯ ᠤᠨ ᠬᠡᠪᠲᠡᠰᠢ ᠲᠠᠢ
ᠬᠠᠩᠪᠤ ᠲᠣᠷᠭᠠᠨ ᠳᠡᠪᠢᠰᠭᠡᠷ ᠲᠠᠢ
( ᠢᠯᠡᠦᠷ )
ᠲᠣᠷᠭᠠᠨ ᠳᠡᠭᠡᠷᠡ ᠰᠠᠭᠤᠳᠠᠭ ᠰᠦᠨᠡᠰᠦᠭᠡᠢ ( ᠰᠦᠨᠡᠰᠦ )
ᠲᠣᠰᠣ ᠢᠳᠡᠬᠦ ᠦᠭᠡᠢ ᠰᠦᠨᠡᠰᠦᠭᠡᠢ
ᠦᠨᠡᠰᠦᠨ ᠳᠡᠭᠡᠷᠡ ᠰᠠᠭᠤᠳᠠᠭ ᠰᠦᠨᠡᠰᠦᠭᠡᠢ
ᠥᠭᠡᠬᠦ ᠢᠳᠡᠬᠦ ᠦᠭᠡᠢ ᠰᠦᠨᠡᠰᠦᠭᠡᠢ
( ᠢᠯᠡᠦᠷ )
ᠵᠤᠰᠠᠭ ᠢᠮᠠᠭᠠ ᠵᠢᠷᠭᠤᠭᠠᠨ ᠬᠥᠬᠥ ᠲᠠᠢ
( ᠰᠤᠶ᠋ᠢᠬᠡ )
ᠴᠢᠩᠨᠠᠭᠴᠢ ᠶ᠋ᠢᠨ ᠭᠠᠳᠠᠨᠠ
ᠰᠢᠷᠭᠠ ᠳᠠᠭᠠ ᠤᠶᠠᠭᠠᠲᠠᠢ
( ᠡᠭᠡᠮᠦᠭ )
ᠴᠢᠩᠨᠠᠭᠴᠢ ᠶ᠋ᠢᠨ ᠭᠠᠳᠠᠨᠠ
ᠴᠢᠩ ᠰᠢᠷᠭᠠ ᠳᠠᠭᠠ
( ᠡᠭᠡᠮᠦᠭ )
ᠮᠣᠭᠠᠢ ᠮᠡᠲᠦ ᠣᠷᠢᠶᠠᠨᠠ
( ᠪᠦᠯᠡᠵᠡᠭ )
ᠲᠠᠪᠤᠨ ᠳᠠᠭᠢᠷ ᠤᠨ ᠡᠷᠬᠡ ᠪᠠᠷ ᠮᠣᠷᠳᠠᠭᠴᠢ
ᠳᠠᠭᠢᠷ ᠬᠠᠷᠠ ᠶ᠋ᠢᠨ ᠬᠣᠣᠷ ᠱᠦᠭᠦᠷᠳᠡᠭᠴᠢ
ᠲᠠᠪᠢ ᠵᠢᠷᠠᠨ ᠰᠠᠴᠠᠭᠤ ᠬᠥᠯᠲᠡᠨ
( ᠰᠠᠮ )
ᠨᠢᠷᠤᠭᠤ ᠨᠢ ᠬᠤᠭᠤᠷᠳᠠᠭ
ᠨᠤᠭᠤᠰᠤ ᠨᠢ ᠲᠠᠰᠤᠷᠠᠳᠠᠭ ᠦᠭᠡᠢ
( ᠡᠷᠢᠬᠡ )
ᠵᠠᠭᠤ ᠨᠠᠢ᠍ᠮᠠᠨ ᠬᠤᠤᠱᠠᠩ
ᠨᠢᠭᠡ ᠵᠠᠮ ᠢᠶ᠋ᠠᠷ ᠴᠤᠪᠤᠷᠠᠨᠠ
( ᠡᠷᠢᠬᠡ )
ᠮᠣᠭᠠᠢ ᠡᠷᠢᠶᠡᠨ ᠪᠡᠶᠡ ᠲᠠᠢ
ᠮᠣᠳᠣᠨ ᠭᠤᠷᠪᠠᠨ ᠬᠢᠮᠤᠰᠤ ᠲᠠᠢ
ᠬᠣᠶᠠᠷ ᠭᠠᠷ ᠲᠠᠢ ᠨᠢᠭᠡ ᠬᠥᠯ ᠲᠠᠢ
( ᠴᠢᠳᠥᠷ )
ᠡᠷᠬᠢ ᠳᠣᠭᠤᠤᠷ
ᠡᠷᠢᠶᠡᠨ ᠮᠣᠭᠠᠢ
( ᠴᠢᠳᠥᠷ )
ᠮᠣᠷᠢᠨ ᠠ᠋ᠴᠠ ᠥᠨᠳᠥᠷ
ᠨᠣᠬᠠᠢ ᠠ᠋ᠴᠠ ᠪᠣᠭᠣᠨᠢ
( ᠡᠮᠡᠭᠡᠯ )
ᠬᠢᠷᠠ ᠳᠡᠭᠡᠷᠡ
ᠬᠠᠷᠴᠠᠭᠠᠢ ᠶ᠋ᠢᠨ ᠶᠠᠰᠤ
( ᠡᠮᠡᠭᠡᠯ )
ᠬᠠᠭᠠᠯᠭᠠᠨ ᠠᠷᠤ ᠳ᠋ᠤ᠌
ᠬᠠᠩᠭᠢᠷ ᠴᠢᠩᠭᠢᠷ
( ᠬᠠᠵᠠᠭᠠᠷ )
ᠲᠠᠨ ᠠ᠋ᠴᠠ ᠵᠢᠭᠠᠬᠠᠨ
ᠲᠠᠨ ᠢ ᠳᠠᠭᠠᠭᠠᠨᠠ
( ᠳᠥᠷᠥᠭᠡ )
ᠬᠠᠨ ᠨᠣᠶᠠᠨ
ᠬᠠᠯᠠ ᠲᠠᠢ ᠨᠣᠶᠠᠨ
ᠲᠤᠯᠬᠤ ᠨᠣᠶᠠᠨ
ᠳᠣᠪᠲᠣᠯᠬᠤ ᠨᠣᠶᠠᠨ
( ᠡᠮᠡᠭᠡᠯ ᠲᠠᠰᠢᠭᠤᠷ ᠳᠥᠷᠥᠭᠡ ᠮᠣᠷᠢ )
ᠳᠠᠩ ᠳᠠᠪᠠᠭᠠ
ᠳᠠᠪᠬᠤᠷ ᠳᠠᠪᠠᠭᠠ
ᠬᠥᠨᠳᠡᠢ ᠳᠠᠪᠠᠭᠠ
ᠬᠥᠲᠥᠯ ᠳᠠᠪᠠᠭᠠ
( ᠡᠮᠡᠭᠡᠯ )
ᠴᠢ ᠴᠠᠰᠢ ᠪᠠᠨ
ᠪᠢ ᠨᠡᠰᠢ ᠪᠠᠨ
ᠴᠢᠷᠠᠢ ᠴᠢᠷᠠᠢ ᠪᠠᠨ
ᠪᠤᠤ ᠦᠵᠡᠶᠡ
( ᠬᠣᠶᠠᠷ ᠪᠦᠭᠦᠷᠭᠡ )
ᠪᠠᠶ᠋ᠢᠩᠭᠤ ᠬᠢᠭᠰᠡᠨ ᠬᠣᠶᠠᠷ ᠳᠤᠭᠤᠢ
ᠪᠠᠬᠢᠮ ᠬᠢᠭᠰᠡᠨ ᠳᠥᠷᠪᠡᠨ ᠳᠤᠭᠤᠢ
ᠪᠠᠲᠤ ᠲᠠᠪᠤᠨ ᠵᠠᠩᠭᠢᠯᠠᠭᠠ
ᠪᠠᠷᠢᠬᠤ ᠨᠢᠭᠡ ᠦᠵᠦᠭᠦᠷ
( ᠬᠠᠵᠠᠭᠠᠷ )
ᠣᠨᠢᠰᠣᠭᠠ ᠶ᠋ᠢᠨ ᠨᠢᠳᠦ
ᠣᠯᠢᠭᠤ ᠰᠣᠯᠢᠭᠤ
ᠣᠯᠤᠭᠰᠠᠨ ᠬᠥᠮᠦᠨ ᠤ
ᠪᠠᠷᠠᠭᠤᠨ ᠨᠢᠳᠦ ᠵᠢᠷᠲᠠᠭᠠᠢ
( ᠦᠳᠡᠭᠡᠷᠢ ᠣᠯᠣᠩ )
ᠴᠢᠮᠠ ᠠ᠋ᠴᠠ ᠵᠢᠭᠠᠬᠠᠨ ᠪᠠᠶ᠋ᠢᠭᠠᠳ
ᠴᠢᠮᠠᠶ᠋ᠢ ᠡᠷᠭᠦᠵᠦ ᠲᠠᠯᠪᠢᠨᠠ
( ᠳᠥᠷᠥᠭᠡ )
ᠳᠡᠭᠡᠷᠡ ᠪᠠᠨ ᠨᠦᠬᠡ ᠲᠠᠢ
ᠳᠡᠯᠳᠡᠩ ᠪᠠᠭᠠᠲᠤᠷ
( ᠰᠦᠬᠡ )
ᠲᠡᠮᠦᠷ ᠪᠤᠬᠠ
ᠮᠣᠳᠣᠨ ᠳᠦᠷᠦ ᠲᠠᠢ
( ᠰᠦᠬᠡ )
ᠠᠳᠬᠤ ᠨᠠᠴᠢᠨ
ᠠᠴᠠ ᠰᠡᠭᠦᠯ ᠲᠠᠢ
ᠨᠢᠷᠭᠡᠬᠦ ᠨᠠᠴᠢᠨ
ᠨᠢᠭᠡ ᠰᠡᠭᠦᠯ ᠲᠡᠢ
( ᠥᠷᠥᠯᠪᠢ ᠠᠯᠤᠬᠠ )
ᠨᠠᠷᠢᠨ ᠮᠣᠳᠣ
ᠨᠠᠪᠴᠢ ᠪᠠᠨ ᠳᠠᠭᠠᠭᠠᠬᠤ ᠦᠭᠡᠢ
( ᠬᠥᠭᠡᠨᠡ )
ᠳᠠᠪᠬᠤᠷ ᠨᠡᠶ᠋ᠢᠳᠬᠡᠮᠡᠯ ᠡᠷᠴᠢ ᠲᠠᠢ
ᠳᠠᠩ ᠰᠦᠯᠵᠢᠮᠡᠯ ᠵᠠᠩᠭᠢᠯᠠᠬ᠋ᠠ ᠲᠠᠢ
ᠬᠡᠨ ᠪᠦᠬᠦᠨ ᠳ᠋ᠤ᠌ ᠪᠠᠶ᠋ᠢᠬᠤ ᠦᠭᠡᠢ
ᠬᠡᠷᠡᠭᠯᠡᠬᠦ ᠴᠠᠭ ᠲᠦ ᠴᠢᠬᠤᠯᠠ
( ᠬᠥᠭᠡᠨᠡ )
ᠳᠥᠪ ᠳᠦᠭᠦᠷᠡᠩ ᠡᠭᠦᠯᠡᠨ ᠡᠴᠡ
ᠲᠦᠷᠭᠡᠨ ᠪᠣᠷᠣᠭᠠᠨ ᠣᠷᠣᠨᠠ
( ᠰᠠᠶ᠋ᠢᠵᠠ )
ᠨᠠᠷᠢᠨ ᠭᠤᠤ ᠳ᠋ᠤ᠌
ᠨᠠᠷᠠ ᠲᠤᠰᠬᠤ ᠦᠭᠡᠢ
( ᠭᠠᠩᠰᠠ ᠶ᠋ᠢᠨ ᠮᠤᠲᠤ )
ᠭᠠᠵᠠᠷ ᠳᠡᠭᠡᠷᠡ ᠤᠷᠭᠤᠲᠠᠭ ᠦᠭᠡᠢ ᠴᠡᠴᠡᠭ
ᠭᠠᠷ ᠳᠡᠭᠡᠷᠡ ᠦᠨᠲᠦᠰᠦ ᠦᠭᠡᠢ ᠴᠡᠴᠡᠭ
ᠬᠤᠷᠴᠠ ᠨᠠᠷᠠᠨ ᠳ᠋ᠤ᠌ ᠴᠤ᠌ ᠳᠡᠯᠭᠡᠷᠡᠨᠡ
ᠬᠤᠷᠠ ᠪᠣᠷᠣᠭᠠᠨ ᠳ᠋ᠤ᠌ ᠳᠡᠯᠭᠡᠷᠡᠨᠡ
( ᠰᠢᠭᠦᠷ )
ᠠᠰᠬᠠᠨ ᠰᠠᠢᠬᠠᠨ ᠬᠥᠯ ᠶ᠋ᠢᠡᠨ
ᠠᠤᠠᠬᠤᠨ ᠳ᠋ᠤ᠌ ᠮᠢᠨᠢ ᠴᠢᠬᠢᠵᠦ
ᠠᠯᠲᠠ ᠥᠨᠲᠥᠷ ᠪᠡᠶᠡ ᠪᠡᠨ
ᠠᠭᠠᠷ ᠳᠤᠮᠳᠠ ᠭᠡᠲᠡᠶ᠋ᠢᠵᠦ
ᠠᠷᠪᠠᠨ ᠵᠥᠭ ᠦ᠋ᠨ ᠬᠤᠷᠠ ᠠ᠋ᠴᠠ
ᠬᠠᠯᠬᠠᠯᠠᠨ ᠰᠡᠷᠭᠡᠶ᠋ᠢᠯᠡᠬᠦ ᠡᠭᠦᠷᠭᠡ ᠲᠡᠢ
ᠠᠭᠠᠷ ᠲᠩᠷᠢ ᠶ᠋ᠢᠨ ᠨᠠᠷᠠ ᠠ᠋ᠴᠠ
ᠬᠠᠮᠠᠭᠠᠯᠠᠵᠤ ᠳᠠᠯᠳᠠᠯᠠᠬᠤ ᠲᠤᠰᠢᠶᠠᠯ ᠲᠠᠢ
( ᠰᠢᠭᠦᠷ )
ᠨᠣᠶᠠᠨ ᠰᠢᠭ᠋ ᠰᠠᠭᠤᠲᠠᠯ ᠲᠠᠢ
ᠨᠣᠬᠠᠢ ᠰᠢᠭ᠋ ᠭᠢᠨᠵᠢ ᠲᠡᠢ
( ᠪᠤᠮᠪᠠ )
ᠶᠡᠬᠡ ᠬᠡᠭᠡᠷ ᠮᠣᠷᠢ
ᠶᠡᠷᠡ ᠶᠢᠰᠦᠨ ᠲᠠᠮᠠᠬ᠋ᠠ ᠲᠠᠢ
( ᠬᠡᠪᠢᠰ )
ᠪᠤᠬᠠ ᠶ᠋ᠢᠨ ᠰᠢᠭᠢᠷᠡ ᠶ᠋ᠢᠨ ᠬᠠᠭᠠᠰ
ᠪᠤᠷᠭᠠᠰᠤᠨ ᠮᠤᠲᠤᠨ ᠪ ᠬᠠᠭᠠᠰ
ᠪᠤᠯᠠᠭ ᠱᠠᠩᠲᠠᠨ ᠶ᠋ᠢᠨ ᠬᠠᠭᠠᠰ
( ᠬᠣᠪᠣᠭᠣ )
ᠳᠡᠭᠳᠡᠬᠡᠢ ᠳᠡᠭᠡᠰᠦᠨ ᠵᠢᠯᠣᠭᠣ ᠲᠠᠢ
( ᠬᠥᠨᠥᠭ )
ᠬᠤᠤᠠᠲᠤᠭ ᠳᠣᠲᠣᠷᠠ ᠬᠣᠪᠤ ᠢᠰᠢᠭᠡ
( ᠬᠣᠪᠣᠭᠣ )
ᠨᠢᠷᠤᠭᠤ ᠦᠭᠡᠢ ᠨᠢ ᠨᠤᠭᠤᠷᠠᠬᠤ ᠳ᠋ᠤ᠌
ᠨᠤᠭᠤᠰᠤ ᠨᠢ ᠬᠠᠷᠢᠨ ᠲᠠᠰᠤᠷᠠᠬᠤ ᠦᠭᠡᠢ
( ᠰᠤᠸᠡᠮᠫᠠᠨ )
ᠲᠠᠯᠠ ᠳᠡᠭᠡᠷᠡ ᠳᠠᠪᠠᠭᠠᠷ ᠬᠤᠤᠠᠲᠤᠭ
( ᠰᠠᠭᠤᠯᠠᠬ᠋ᠠ )
ᠥᠩᠭᠡ ᠴᠠᠭᠠᠨ ᠳᠡᠪᠡᠯ ᠲᠡᠢ
ᠥᠷᠭᠡᠨ ᠬᠠᠷᠠ ᠡᠮᠵᠢᠶᠡᠷᠢ ᠲᠡᠢ
ᠦᠵᠡᠬᠦ ᠦᠭᠡᠢ ᠳᠦᠷᠪᠡᠨ ᠨᠢᠲᠤ ᠲᠠᠢ
ᠰᠣᠨᠣᠰᠬᠤ ᠦᠭᠡᠢ ᠬᠣᠶᠠᠷ ᠴᠢᠬᠢ ᠲᠡᠢ
ᠭᠡᠲᠡᠶ᠋ᠢᠪᠡᠯ ᠬᠡᠬᠡᠷᠡᠨᠡ
ᠪᠥᠬᠥᠶ᠋ᠢᠪᠡᠯ ᠪᠥᠭᠡᠯᠵᠢᠨᠡ
(ᠰᠠᠭᠤᠯᠠᠬ᠋ᠠ )
ᠭᠠᠲᠠᠷ ᠶ᠋ᠢᠠᠨ ᠶᠠᠰᠤ ᠲᠠᠢ
ᠳᠣᠲᠣᠷᠠ ᠪᠠᠨ ᠦᠰᠦ ᠲᠡᠢ
ᠠᠮᠢ ᠦᠭᠡᠢ ᠪᠠᠶ᠋ᠢᠭᠠᠳ
ᠠᠮᠢᠰᠬᠤᠯ ᠲᠠᠢ
( ᠬᠥᠭᠡᠷᠭᠡ )
ᠰᠡᠭᠦᠯ ᠳᠡᠭᠡᠷᠡ ᠪᠡᠨ ᠨᠣᠭᠣᠭᠠᠨ ᠬᠤᠨ
ᠰᠡᠭᠦᠵᠢᠨ ᠳᠡᠭᠡᠷᠡ ᠪᠡᠨ ᠭᠣᠶᠣᠬᠠᠨ ᠬᠤᠨ
( ᠲᠣᠭᠣᠰ ᠦ᠋ᠨ ᠰᠡᠭᠦᠯ )
ᠠᠪᠤ ᠶ᠋ᠢᠨ ᠬᠢᠭᠰᠡᠨ ᠬᠤᠪᠢᠩ ᠊ᠢ
ᠬᠥᠮᠥᠷᠴᠦ ᠪᠣᠯᠲᠠᠭ ᠦᠭᠡᠢ
( ᠬᠤᠤᠠᠲᠤᠭ )
ᠬᠣᠭᠣᠰᠣᠨ ᠲᠣᠯᠣᠭᠠᠢ
ᠬᠣᠶᠠᠷ ᠴᠢᠬᠢ ᠲᠡᠢ
( ᠸᠠᠭᠠᠷ ᠰᠠᠪᠠ )
ᠲᠦᠭᠡ ᠴᠢᠨᠡᠭᠡᠨ ᠪᠡᠶᠡ ᠲᠡᠢ
ᠲᠠᠯᠠ ᠳᠤᠬᠤᠨ ᠳ᠋ᠠᠭᠠᠨ ᠦᠰᠦ ᠲᠡᠢ
ᠶᠠᠰᠤ ᠮᠢᠬᠠᠨ ᠪ ᠵᠠᠪᠰᠠᠷ
ᠶᠠᠪᠤᠲᠠᠯ ᠮᠥᠷ ᠦ᠋ᠨ ᠠᠯᠪᠠ ᠲᠠᠢ
( ᠰᠢᠲᠦᠨ ᠱᠤᠸᠠᠵᠠ )
ᠠᠮᠠ ᠳᠥᠷᠪᠡᠯᠵᠢᠨ ᠪᠡᠶᠡ ᠲᠡᠢ
ᠠᠯᠲᠠ ᠤᠷᠲᠤ ᠰᠡᠭᠦᠯ ᠲᠡᠢ
( ᠬᠦᠷᠵᠡ )
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ ᠄ ᠮᠢᠩᠭᠠᠳ · ᠴᠢᠮᠡᠭ ᠂ ᠬᠠᠷᠠᠨᠤᠳ · ᠲᠤᠶᠠᠭᠠ ᠂ ᠬᠠᠳᠠᠴᠢ · ᠤᠷᠠᠨᠠ
ᠬᠢᠨᠠᠭᠴᠢ ᠄ ᠬᠠᠷᠠᠨᠤᠳ · ᠲᠤᠶᠠᠭᠠ ᠂ ᠮᠢᠩᠭᠠᠳ · ᠴᠢᠮᠡᠭ