ᠮᠣᠩᠭᠣᠯ ᠣᠨᠢᠰᠤᠭᠠ ᠶᠢᠨ ᠲᠡᠭᠦᠪᠦᠷᠢ – ᠬᠣᠶᠠᠳᠤᠭᠠᠷ ᠪᠦᠯᠦᠭ –8 Монгол оньсгын түүвэр –Хоёрдугаар бүлэг–8
744ᠬᠣᠶᠠᠳᠤᠭᠠᠷ ᠪᠦᠯᠦᠭ – ᠠᠷᠠᠳ ᠦ᠋ᠨ ᠠᠮᠠ ᠪᠠᠷ ᠵᠣᠬᠢᠶᠠᠭᠲᠠᠭᠰᠠᠨ ᠣᠨᠢᠰᠣᠬ᠋ᠠ
ᠬᠡᠷᠡᠭᠯᠡᠵᠦ ᠡᠲᠯᠡᠬᠦ ᠶ᠋ᠢᠨ ᠵᠤᠶ᠋ᠢᠯ – ( ᠨᠢᠭᠡ )
ᠡᠯᠢᠭᠡᠨ ᠴᠢᠯᠠᠭᠤ ᠳᠠᠪᠬᠤᠷ ᠪᠣᠯᠪᠠᠴᠤ ᠠᠭᠤᠯᠠ ᠪᠢᠰᠢ
ᠡᠷᠭᠢᠬᠦ ᠵᠠᠮ ᠨᠢ ᠲᠣᠭᠣᠷᠢᠤ ᠪᠣᠯᠪᠠᠴᠤ ᠬᠣᠯᠠ ᠪᠢᠰᠢ
ᠡᠭᠦᠷᠢᠲᠡ ᠠᠶᠤᠩᠬ᠋ᠠ ᠳᠤᠤᠭᠠᠷᠪᠠᠴᠤ ᠬᠤᠷᠠ ᠣᠷᠣᠬᠤ ᠦᠭᠡᠢ
ᠡᠯᠪᠡᠭ᠋ ᠴᠠᠰᠤ ᠣᠷᠣᠪᠠᠴᠤ ᠬᠦᠢᠲᠡᠨ ᠪᠣᠯᠬᠤ ᠦᠭᠡᠢ
( ᠲᠡᠭᠡᠷᠮᠡ )
ᠠᠭᠤᠯᠠ ᠪᠢᠰᠢ ᠪᠠᠶ᠋ᠢᠲᠠᠯᠠ ᠬᠠᠲᠠ ᠲᠠᠢ
ᠠᠰᠠᠷ ᠪᠢᠰᠢ ᠪᠠᠶ᠋ᠢᠲᠠᠯᠠ ᠳᠠᠪᠬᠤᠷᠯᠢᠬ ᠲᠠᠢ
ᠡᠭᠦᠯᠡ ᠦᠭᠡᠢ ᠪᠠᠶ᠋ᠢᠲᠠᠯᠠ ᠠᠶᠤᠩᠬ᠋ᠠ ᠲᠠᠢ
ᠡᠪᠦᠯ ᠪᠢᠰᠢ ᠪᠠᠶ᠋ᠢᠲᠠᠯᠠ ᠴᠠᠰᠤ ᠲᠠᠢ
( ᠲᠡᠭᠡᠷᠮᠡ )
ᠵᠠᠮ ᠪᠠᠶ᠋ᠢᠭᠠᠳ ᠦᠵᠦᠭᠦᠷ ᠦᠭᠡᠢ
( ᠲᠡᠬᠡᠷᠡᠮᠡ )
ᠤᠯᠠᠭᠠᠨ ᠦᠬᠡᠷ ᠬᠠᠷᠠ ᠦᠬᠡᠷ ᠊ᠢ ᠳᠣᠯᠢᠶᠠᠨᠠ
( ᠭᠠᠯ ᠲᠣᠭᠣᠬ᠋ᠠ )
ᠬᠠᠨ ᠲᠡᠮᠦᠷ ᠠᠪᠤ ᠲᠠᠢ
ᠬᠣᠷᠪᠣᠭ ᠰᠣᠷᠪᠣᠭ ( ᠬᠣᠷᠪᠣᠭᠣᠷ ᠰᠣᠷᠪᠣᠭᠣᠷ ) ᠡᠵᠢ ᠲᠡᠢ
ᠪᠤᠭᠤᠲᠠᠢ ᠴᠠᠭᠠᠨ ᠬᠤᠬᠡᠨ ᠲᠠᠢ
ᠶᠣᠨᠲᠤᠨ ᠬᠠᠷᠠ ᠬᠦᠷᠭᠡᠨ ᠲᠠᠢ
( ᠲᠣᠭᠣᠬ᠋ᠠ ᠭᠠᠯ ᠦᠨᠡᠰᠦ ᠰᠢᠯᠡᠭᠡᠪᠦᠷ )
ᠬᠠᠨᠵᠤᠨ ᠳᠡᠭᠡᠷᠡᠬᠢ ᠬᠠᠷᠠ ᠡᠪᠦᠭᠡᠨ
ᠬᠠᠯᠠᠭᠤᠨ ᠰᠡᠤᠠᠬᠢᠯ ᠶ᠋ᠢᠡᠷ
ᠬᠠᠮᠤᠭ ᠣᠯᠠᠠ ᠊ᠢ ᠬᠠᠩᠭᠠᠨᠠ
( ᠲᠣᠭᠣᠬ᠋ᠠ )
ᠬᠠᠷᠠ ᠯᠠᠮᠠ ᠰᠢᠷᠡᠭᠡᠨ ᠳ᠋ᠤ᠌
ᠬᠠᠮᠤᠭ ᠦ᠋ᠨ ᠰᠠᠨᠠᠬ᠋ᠠ ᠲᠡᠭᠦᠨ ᠳ᠋ᠤ᠌
( ᠲᠣᠭᠣᠬ᠋ᠠ )
ᠰᠠᠭ ᠰᠠᠭ ᠭᠦᠶᠦᠵᠦ ᠢᠷᠡᠭᠡᠳ
ᠰᠠᠬᠠᠯ ᠶ᠋ᠢᠠᠨ ᠬᠤᠶ᠋ᠢᠬᠠᠯᠠᠭᠤᠯᠤᠭᠠᠳ ᠪᠤᠴᠠᠨᠠ
( ᠲᠣᠭᠣᠭᠠᠨ ᠱᠦᠭᠦᠷ )
ᠡᠴᠡᠩᠬᠡᠢ ᠲᠡᠮᠡᠭᠡᠨ ᠳ᠋ᠤ᠌
ᠡᠰᠡᠨ ᠪᠤᠰᠤᠨ ᠶᠠᠭᠤᠮᠠ ᠠᠴᠢᠬᠤ
( ᠲᠣᠭᠣᠭᠠᠨ ᠲᠠᠯᠪᠢᠭᠤᠷ )
ᠠᠷᠤ ᠨᠢ ᠠᠰᠬᠠ
ᠥᠪᠥᠷ ᠨᠢ ᠵᠦᠯᠭᠡ
( ᠲᠣᠭᠣᠬ᠋ᠠ )
ᠬᠠᠲᠠᠨ ᠪᠠᠨᠲᠢ ᠶ᠋ᠢᠨ
ᠭᠡᠲᠡᠰᠦ ᠨᠢ ᠶᠡᠬᠡ
( ᠲᠣᠭᠣᠬ᠋ᠠ )
ᠪᠦᠲᠦᠭᠦᠨ ᠮᠠᠩᠭᠤᠰ
ᠪᠥᠭᠰᠡ ᠪᠡᠨ ᠰᠢᠷᠠᠨᠠ
( ᠲᠣᠭᠣᠬ᠋ᠠ )
ᠳᠡᠭᠡᠭᠰᠢ ᠪᠡᠨ ᠬᠠᠷᠠᠭᠰᠠᠨ ᠭᠠᠬᠠᠢ ᠶ᠋ᠢ
ᠳᠡᠯᠡᠬᠡᠢ ᠪᠡᠷ ᠶ᠋ᠢᠡᠨ ᠪᠦᠷ ᠱᠠᠭᠠᠶ᠋ᠢᠨᠠ
( ᠲᠣᠭᠣᠬ᠋ᠠ )
ᠡᠴᠢᠭᠡ ᠨᠢ ᠳᠣᠩᠬᠣᠭᠣᠷ
ᠡᠬᠡ ᠨᠢ ᠶᠠᠩᠬᠢᠭᠠᠷ
ᠬᠦᠦ ᠨᠢ ᠬᠤᠯᠠᠭᠠᠶ᠋ᠢᠴᠢ
ᠬᠡᠦᠬᠡᠨ ᠨᠢ ᠴᠢᠮᠬᠢᠯᠡᠭᠦᠷ
( ᠲᠣᠭᠣᠬ᠋ᠠ ᠲᠤᠯᠬ᠋ᠠ ᠬᠠᠶ᠋ᠢᠴᠢ ᠰᠢᠨᠠᠬ᠋ᠠ )
ᠢᠲᠡᠬᠦ ᠦᠭᠡᠢ ᠪᠣᠯᠪᠠᠴᠤ
ᠶᠡᠬᠡ ᠭᠡᠲᠡᠰᠦ ᠲᠡᠢ
( ᠲᠣᠭᠣᠬ᠋ᠠ )
ᠲᠦᠯᠡᠭᠡᠳ ᠲᠦᠯᠡᠭᠳᠡᠳᠡᠭ ᠦᠭᠡᠢ
ᠲᠦᠨᠲᠦᠭᠡᠷ ᠬᠠᠷᠠ
( ᠲᠣᠭᠣᠬ᠋ᠠ )
ᠶᠠᠪᠤᠭᠠᠳ ᠶᠠᠪᠤᠭᠠᠳ ᠮᠥᠷ ᠦᠬᠡᠢ
ᠣᠭᠲᠣᠯᠤᠭᠠᠳ ᠴᠢᠰᠤ ᠦᠭᠡᠢ
( ᠵᠠᠪᠢ )
ᠵᠠᠶᠠᠭᠠᠨ ᠪ ᠡᠮᠨᠢᠭ ᠲᠦ
ᠰᠠᠨᠠᠭᠠᠨ ᠪ ᠡᠮᠡᠭᠡᠯ ᠲᠣᠬᠣᠨᠠ
( ᠤᠰᠤᠨ ᠣᠩᠭᠣᠴᠠ )
ᠰᠢᠭᠤᠢ ᠳᠣᠲᠣᠷᠠ
ᠰᠣᠬᠣᠷ ᠴᠢᠤᠠᠬᠥᠷ
( ᠰᠠᠯ )
ᠭᠠᠵᠠᠷ ᠠ᠋ᠴᠠ ᠭᠠᠢ ᠲᠠᠢ
ᠭᠠᠭᠴᠠ ᠮᠤᠲᠤᠨ ᠠ᠋ᠴᠠ ᠬᠥᠯᠭᠡ ᠲᠡᠢ
( ᠰᠠᠯ )
ᠬᠠᠷᠭᠤᠢ ᠳ᠋ᠤ᠌ ᠬᠠᠲᠠᠭᠰᠠᠨ ᠴᠢᠤᠠᠬᠥᠷ
ᠬᠠᠷᠠᠩᠭᠤᠢ ᠰᠥᠨᠢ ᠦᠳᠡᠭᠰᠡᠨ ᠴᠢᠤᠠᠬᠥᠷ
( ᠰᠠᠯ )
ᠵᠠᠮ ᠳ᠋ᠤ᠌ ᠣᠷᠣᠪᠠᠯ ᠵᠠᠶ᠋ᠢᠰᠠᠩ
ᠵᠠᠮ ᠠ᠋ᠴᠠ ᠭᠠᠷᠪᠠᠯ ᠬᠠᠶ᠋ᠢᠰᠠᠩ
( ᠬᠠᠰᠠᠭ )
ᠳᠠᠩ ᠳᠠᠩ ᠵᠢᠷᠣᠬ᠋ᠠ
ᠳᠡᠯ ᠰᠡᠭᠦᠯ ᠦᠭᠡᠢ ᠵᠢᠷᠣᠬ᠋ᠠ
ᠪᠦᠩ ᠪᠦᠩ ᠵᠢᠷᠣᠬ᠋ᠠ
ᠪᠥᠭᠡᠷᠡ ᠵᠢᠷᠦᠬᠡ ᠦᠭᠡᠢ ᠵᠢᠷᠣᠬ᠋ᠠ
( ᠦᠬᠡᠷ ᠲᠡᠷᠭᠡ )
ᠬᠥᠭᠡᠭᠡᠪᠡᠯ ᠭᠦᠢᠴᠡᠬᠦ ᠦᠭᠡᠢ
ᠬᠦᠯᠢᠶᠡᠪᠡᠯ ᠢᠷᠡᠬᠦ ᠦᠭᠡᠢ
( ᠦᠬᠡᠷ ᠲᠡᠷᠭᠡ )
ᠬᠠᠱᠠᠩ ᠬᠠᠲᠠᠭᠤ ᠶᠠᠪᠤᠲᠠᠯ ᠲᠠᠢ
ᠬᠠᠩᠭᠢᠨᠠᠵᠤ ᠬᠢᠬᠤᠨᠠᠬᠤ ᠳᠠᠭᠤ ᠲᠠᠢ
ᠲᠣᠭᠣᠷᠢᠬ ᠬᠣᠶᠠᠷ ᠬᠦᠯ ᠲᠡᠢ
ᠮᠠᠯ ᠦ᠋ᠨ ᠬᠦᠴᠦ ᠶ᠋ᠢ ᠮᠥᠯᠵᠢᠳᠡᠭ
ᠣᠯᠠᠨ ᠶᠠᠭᠤᠮᠠ ᠠᠴᠢᠲᠠᠭ
ᠣᠯᠣᠰᠣ ᠳᠡᠭᠡᠰᠦ ᠪᠡᠷ ᠬᠥᠯᠢᠭᠦᠯᠳᠡᠭ
( ᠦᠬᠡᠷ ᠲᠡᠷᠭᠡ)
ᠶᠠᠭ ᠶᠠᠭ ᠳᠠᠭᠤ ᠲᠠᠢ
ᠶᠠᠰᠤᠨ ᠬᠡᠯᠬᠢᠶᠡ ᠪᠡᠶᠡ ᠲᠡᠢ
ᠳᠠᠰ ᠳᠠᠰ ᠳᠠᠭᠤ ᠲᠠᠢ
ᠲᠠᠰᠠᠮᠠ ᠶ᠋ᠢᠨ ᠬᠡᠯᠬᠢᠶᠡ ᠪᠡᠶᠡ ᠲᠡᠢ
( ᠬᠠᠩᠭᠠᠢ ᠲᠡᠷᠭᠡ)
ᠰᠠᠷᠠ ᠠᠲᠠᠯᠢ ᠲᠥᠭᠥᠷᠢᠭ
ᠰᠠᠮ ᠠᠲᠠᠯᠢ ᠰᠠᠲᠠᠷᠬᠠᠢ
( ᠲᠡᠷᠭᠡᠨ ᠬᠦᠷᠲᠦ)
ᠪᠤᠷᠤᠭᠤᠲᠠᠭᠰᠠᠨ ᠦᠭᠡᠢ ᠪᠠᠶ᠋ᠢᠲᠠᠯᠠ
ᠪᠣᠭᠣᠯᠢᠲᠠᠭᠰᠠᠨ ᠳᠡᠭᠡᠰᠦ ᠲᠡᠢ
ᠪᠤᠷᠬᠠᠨ ᠦᠭᠡᠢ ᠪᠠᠶ᠋ᠢᠲᠠᠯᠠ
ᠵᠤᠯᠠ ᠶ᠋ᠢᠨ ᠲᠣᠰᠣ ᠲᠠᠢ
( ᠲᠡᠷᠭᠡᠨ ᠲᠣᠰᠣᠨ ᠯᠣᠩᠬᠣ)
ᠲᠣᠰᠣ ᠲᠠᠢ ᠬᠤᠤᠠᠲᠤᠭ ᠠ᠋ᠴᠠ
ᠦᠰᠦ ᠲᠡᠢ ᠬᠣᠪᠣᠭᠣ ᠪᠠᠷ ᠤᠰᠤ ᠲᠠᠲᠠᠨᠠ
( ᠲᠡᠷᠭᠡ ᠲᠣᠰᠣᠲᠠᠬᠤ)
ᠢᠳᠡᠭᠰᠡᠨ ᠴᠦ ᠴᠣᠲᠣᠭᠣᠷ
ᠢᠳᠡᠭᠰᠡᠨ ᠦᠭᠡᠢ ᠴᠦ ᠴᠣᠲᠣᠭᠣᠷ
( ᠯᠣᠩᠬᠣ)
ᠨᠠᠷᠢᠨ ᠬᠠᠷᠠ ᠭᠡᠭᠦᠦ
ᠨᠠᠶᠠᠨ ᠬᠣᠶᠠᠷ ᠲᠠᠮᠠᠬ᠋ᠠ ᠲᠠᠢ
( ᠵᠢᠩᠯᠡᠭᠦᠷ)
ᠨᠢᠷᠤᠭᠤ ᠦᠭᠡᠢ ᠪᠣᠯᠪᠠᠴᠤ ᠳᠠᠭᠠᠭᠠᠮᠠᠭᠠᠢ
ᠰᠡᠭᠦᠯ ᠦᠭᠡᠢ ᠪᠣᠯᠪᠠᠴᠤ ᠰᠢᠷᠪᠠᠮᠠᠲᠠᠭᠠᠢ
( ᠵᠢᠩᠯᠡᠭᠦᠷ)
ᠰᠠᠬᠠᠯ ᠊ᠢ ᠨᠢ ᠲᠠᠲᠠᠪᠠᠯ
ᠨᠠᠰᠤ ᠪᠠᠨ ᠲᠣᠭᠠᠴᠢᠨᠠ
( ᠵᠢᠩᠯᠡᠭᠦᠷ)
ᠢᠲᠡᠬᠦ ᠦᠭᠡᠢ ᠪᠠᠶ᠋ᠢᠲᠠᠯᠠ
ᠶᠡᠬᠡ ᠭᠡᠲᠡᠰᠦ ᠲᠡᠢ
ᠶᠠᠪᠤᠬᠤ ᠦᠭᠡᠢ ᠪᠠᠶ᠋ᠢᠲᠠᠯᠠ
ᠳᠦᠷᠪᠡᠨ ᠬᠦᠯ ᠲᠡᠢ
( ᠠᠪᠲᠠᠷᠠ)
ᠮᠣᠭᠠᠢ ᠵᠢᠭᠠᠰᠤᠨ ᠬᠡᠯᠪᠡᠷᠢ ᠲᠡᠢ
ᠮᠢᠩᠬ᠋ᠠ ᠲᠦᠮᠡᠨ ᠰᠢᠲᠤ ᠲᠠᠢ
ᠮᠣᠲᠣᠨ ᠦᠷᠦᠪᠲᠡᠰᠦᠨ ᠬᠣᠭᠣᠯᠠ ᠲᠠᠢ
ᠮᠠᠷᠠᠵᠤ ᠱᠦᠷᠭᠦᠭᠡᠬᠦ ᠡᠷᠲᠡᠮ ᠲᠡᠢ
( ᠮᠣᠲᠣᠨ ᠬᠠᠤᠷᠠᠢ)
ᠬᠤᠷ ᠬᠠᠷ ᠴᠢᠮᠡᠭᠡ ᠲᠡᠢ
ᠬᠣᠶᠠᠷ ᠲᠠᠯᠠ ᠳ᠋ᠠᠭᠠᠨ ᠴᠢᠬᠢ ᠲᠡᠢ
ᠡᠴᠢᠵᠦ ᠢᠷᠡᠬᠦ ᠨᠢ ᠲᠦᠷᠭᠡᠨ
ᠡᠯᠢᠭᠡ ᠪᠡᠷ ᠶ᠋ᠢᠠᠨ ᠢᠳᠡᠳᠡᠭ
ᠨᠢᠷᠤᠭᠤ ᠪᠠᠷ ᠶ᠋ᠢᠠᠨ ᠪᠠᠭᠠᠲᠠᠭ
( ᠬᠠᠷᠤᠭᠤᠯ)
ᠢᠲᠡᠭᠡᠳ ᠢᠲᠡᠭᠡᠳ ᠴᠠᠤᠠᠲᠠᠭ ᠦᠭᠡᠢ
ᠢᠳᠡᠭᠰᠡᠨ ᠬᠣᠶ᠋ᠢᠨᠠ ᠪᠠᠨ ᠲᠣᠭᠲᠠᠭᠠᠲᠠᠭ ᠦᠭᠡᠢ
( ᠬᠠᠷᠤᠭᠤᠯ)
ᠳᠣᠭᠤᠤᠷ ᠶ᠋ᠢᠠᠨ ᠢᠲᠡᠵᠦ
ᠳᠡᠭᠡᠭᠦᠷ ᠶ᠋ᠢᠡᠨ ᠪᠠᠭᠠᠲᠠᠭ
( ᠬᠠᠷᠤᠭᠤᠯ)
ᠲᠠᠩᠭᠤᠳ ᠦ᠋ᠨ ᠰᠢᠷᠠ ᠨᠣᠬᠠᠢ
ᠲᠠᠷᠢᠬᠢ ᠪᠠᠷ ᠶ᠋ᠢᠠᠨ ᠪᠥᠭᠡᠯᠵᠢᠨᠡ
( ᠬᠠᠷᠤᠭᠤᠯ)
ᠤᠷᠤᠭᠤᠯ ᠶ᠋ᠢᠠᠷ ᠶ᠋ᠢᠠᠨ ᠢᠲᠡᠵᠦ
ᠤᠭᠤᠴᠠ ᠪᠠᠷ ᠶ᠋ᠢᠠᠨ ᠭᠠᠷᠭᠠᠲᠠᠭ
( ᠬᠠᠷᠤᠭᠤᠯ)
ᠬᠡᠪᠲᠡᠭᠡ ᠪᠡᠷ ᠶ᠋ᠢᠡᠨ ᠶᠠᠪᠤᠵᠤ
ᠬᠡᠪᠡᠯᠢ ᠪᠡᠷ ᠶ᠋ᠢᠡᠨ ᠢᠳᠡᠳᠡᠭ
( ᠬᠠᠷᠤᠭᠤᠯ)
ᠳᠠᠩ ᠳᠠᠩ ᠳᠠᠭᠤ ᠲᠠᠢ
ᠳᠠᠯᠠᠨ ᠬᠣᠶᠠᠷ ᠰᠢᠲᠤ ᠲᠠᠢ
( ᠬᠢᠷᠥᠭᠡ)
ᠪᠠᠷᠢᠮᠠ ᠪᠡᠶᠡ ᠲᠡᠢ
ᠪᠠᠤᠠᠮᠠᠷᠠᠬ᠋ᠠ ᠵᠢᠩᠰᠡ ᠲᠡᠢ
( ᠬᠦᠬᠦᠷ)
ᠱᠣᠪᠣᠭᠣᠷ ᠡᠪᠦᠭᠡᠨ
ᠰᠢᠷᠣᠢ ᠶ᠋ᠢᠨ ᠭᠡᠲᠡᠰᠦ ᠲᠡᠢ
( ᠬᠦᠬᠦᠷ)
ᠰᠣᠨᠲᠣᠭᠣᠷ ᠡᠪᠦᠭᠡᠨ
ᠰᠢᠷᠤᠨ ᠬᠣᠲᠣᠭᠣᠲᠣ ᠲᠠᠢ
( ᠬᠦᠬᠦᠷ)
ᠡᠷᠳᠡᠨᠢ ᠶ᠋ᠢᠨ ᠵᠢᠩᠰᠡ ᠢ
ᠡᠵᠡᠨ ᠨᠢ ᠡᠰᠢ ᠦᠭᠡᠢ ᠵᠡᠭᠦᠭᠡᠳ
ᠪᠠᠷᠢᠮᠠᠬᠠᠨ ᠪᠡᠶᠡ ᠲᠠᠢ
ᠪᠠᠳᠮᠠᠷᠠᠭᠠ ᠵᠢᠩᠰᠡ ᠲᠠᠢ
ᠪᠠᠭᠰᠢ ᠶ᠋ᠢᠨ ᠶᠠᠭᠤᠮᠠ ᠶ᠋ᠢ ᠬᠠᠯᠪᠠᠭᠠ ᠪᠠᠷ ᠬᠡᠮᠵᠢᠳᠡᠭ
( ᠬᠦᠬᠦᠷ )
ᠡᠬᠡ ᠨᠢ ᠡᠩᠭᠡᠷ ᠳᠠᠭᠠᠵᠤ
ᠬᠦᠦ ᠨᠢ ᠬᠥᠮᠦᠨ ᠳᠠᠭᠠᠨᠠ
( ᠣᠨᠢᠰᠣ ᠲᠦᠯᠬᠢᠭᠦᠷ )
ᠪᠣᠰᠣᠭᠠᠨ ᠳᠡᠭᠡᠷᠡ ᠪᠣᠷᠣ ᠰᠢᠪᠠᠭᠤ
( ᠣᠨᠢᠰᠣ )
ᠡᠬᠡ ᠨᠢ ᠡᠷᠬᠢ ᠶ᠋ᠢᠨ ᠨᠢᠭᠤᠷ ᠲᠤ᠌
ᠬᠦᠦ ᠨᠢ ᠬᠥᠮᠦᠨ ᠤ ᠡᠪᠦᠷ ᠲᠤ᠌
( ᠣᠨᠢᠰᠣ ᠲᠦᠯᠬᠢᠭᠦᠷ )
ᠨᠣᠨ ᠭᠣᠣᠯ ᠤᠨ ᠬᠥᠪᠡᠭᠡᠨ ᠳᠤ
ᠨᠢᠳᠤᠷᠭᠠᠨ ᠴᠢᠨᠡᠭᠡᠨ ᠲᠠᠤᠯᠠᠢ
ᠲᠠᠤᠯᠠᠢ ᠭᠡᠵᠦ ᠲᠠᠤᠯᠠᠢ ᠤᠤ
ᠲᠣᠷᠭᠠᠨ ᠳᠡᠪᠡᠯ ᠲᠠᠢ ᠲᠠᠤᠯᠠᠢ
( ᠣᠨᠢᠰᠣ )
ᠵᠠᠩ ᠭᠡᠷ ᠤᠨ ᠡᠮᠦᠨᠡ
ᠵᠠᠪᠢᠯᠤᠭᠠᠳ ※ ᠰᠠᠭᠤᠭᠰᠠᠨ ᠨᠣᠶᠠᠨ
ᠵᠠᠶᠠᠭᠠᠲᠤ ᠦᠷᠡ ᠪᠠᠨ ᠢᠷᠡᠬᠦᠯᠡᠷ
ᠵᠠᠶ᠋ᠢᠯᠠᠭᠠᠳ ᠥᠭᠳᠡᠭ ᠨᠣᠶᠠᠨ
( ᠣᠨᠢᠰᠣ )
※ ᠵᠠᠪᠢᠯᠤᠭᠠᠳ — ᠡᠨᠳᠡ ᠵᠠᠪᠢᠯᠠᠭᠠᠳ ᠰᠠᠭᠤᠭᠰᠠᠨ ᠤ ᠵᠠᠪᠢᠯᠠᠭᠠᠳ ᠢ ᠤᠭ ᠬᠡᠪᠯᠡᠯ ᠳᠤ ᠶᠣᠰᠣᠭᠠᠷ 《 ᠵᠠᠪᠢᠯᠤᠭᠠᠳ 》 ᠭᠡᠵᠦ ᠬᠠᠭᠤᠯᠵᠤ ᠪᠢᠴᠢᠪᠡ ᠃
ᠬᠠᠵᠠᠭᠤ ᠳᠡᠭᠡᠷᠡᠬᠢ ᠬᠠᠷᠠ ᠪᠤᠬᠠ ᠶ᠋ᠢ
ᠬᠡᠨ ᠴᠤ᠌ ᠲᠠᠭᠤᠭᠠᠳ ᠪᠣᠰᠬᠤ ᠦᠭᠡᠢ
ᠬᠠᠷᠠᠭᠤᠯᠵᠤ ᠪᠠᠶ᠋ᠢᠭᠠ ᠡᠵᠡᠨ ᠨᠢ ᠢᠷᠡᠭᠡᠳ
ᠬᠠᠳᠬᠤᠭᠠᠳ ᠠᠪᠤᠪᠠᠯ ᠪᠣᠰᠴᠢᠬᠠᠨᠠ
( ᠣᠨᠢᠰᠣ )
ᠽᠠᠨᠳᠠᠨ ᠮᠣᠳᠣᠨ ᠬᠠᠵᠠᠭᠤ ᠳᠤ
ᠵᠠᠪᠢᠯᠤᠭᠠᠳ ᠰᠠᠭᠤᠭᠰᠠᠨ ᠬᠦᠦ ᠭᠡᠨᠡ
ᠵᠠᠶᠠᠭᠠᠲᠤ ᠬᠥᠮᠦᠨ ᠨᠢ ᠢᠷᠡᠭᠰᠡᠨ ᠳᠤ
ᠵᠠᠶ᠋ᠢᠯᠠᠭᠠᠳ ᠬᠣᠶᠠᠭᠤᠯᠠ ᠶᠠᠪᠤᠵᠤ ᠭᠡᠨᠡ
( ᠣᠨᠢᠰᠣ ᠲᠦᠯᠬᠢᠭᠦᠷ )
ᠽᠠᠨᠳᠠᠨ ᠮᠣᠳᠣᠨ ᠤ ᠥᠪᠥᠷ ᠲᠤ᠌
ᠵᠠᠶ᠋ᠢᠳᠠᠯᠠᠵᠤ ᠰᠠᠭᠤᠭᠠ ᠵᠠᠶ᠋ᠢᠰᠠᠩ
ᠵᠠᠶᠠᠭᠠᠲᠠᠨ ᠡᠵᠡᠨ ᠨᠢ ᠢᠷᠡᠬᠦᠯᠡᠷ
ᠵᠠᠶ᠋ᠢᠯᠠᠨ ᠪᠣᠰᠤᠨ ᠬᠠᠷᠠᠶ᠋ᠢᠭᠠ
( ᠣᠨᠢᠰᠣ ᠲᠦᠯᠬᠢᠭᠦᠷ )
ᠡᠷᠬᠢ ᠳᠡᠭᠡᠷᠡ ᠬᠡᠪᠲᠡᠭᠰᠡᠨ ᠳᠦᠷᠦ ᠲᠠᠢ ᠪᠢᠷᠠᠭᠤ
ᠡᠯᠳᠡᠪᠡᠴᠦ ᠪᠣᠰᠬᠤ ᠦᠭᠡᠢ
ᠬᠥᠭᠡᠭᠡᠪᠡᠴᠦ ᠪᠣᠰᠬᠤ ᠦᠭᠡᠢ
ᠡᠵᠡᠨ ᠨᠢ ᠢᠷᠡᠭᠡᠳ ᠬᠠᠮᠠᠷ ᠢ ᠨᠢ ᠬᠠᠳᠬᠤᠪᠠᠯ
ᠡᠷᠬᠡ ᠦᠭᠡᠢ ᠪᠣᠰᠤᠭᠠᠳ ᠰᠠᠯᠵᠤ ᠶᠠᠪᠤᠨᠠ
( ᠣᠨᠢᠰᠣ ᠲᠦᠯᠬᠢᠭᠦᠷ )
ᠡᠴᠢᠭᠡ ᠨᠢ ᠡᠷᠭᠢᠨ ᠳᠤ ᠰᠠᠭᠤᠨᠠ
ᠬᠦᠦ ᠨᠢ ᠬᠣᠲᠠ ᠲᠣᠭᠣᠷᠢᠨᠠ
( ᠣᠨᠢᠰᠣ ᠲᠦᠯᠬᠢᠭᠦᠷ )
ᠬᠠᠷᠠᠮᠴᠢ ᠡᠬᠡᠨᠡᠷ ᠤᠨ
ᠬᠠᠴᠠᠷ ᠴᠣᠭᠣᠷᠣᠬᠠᠢ
( ᠣᠨᠢᠰᠣ )
ᠡᠷᠡᠬᠡᠢ ᠴᠢᠨᠡᠭᠡ ᠪᠡᠶᠡ ᠲᠠᠢ ᠪᠠᠶ᠋ᠢᠭᠠᠳ
ᠡᠨᠡ ᠭᠡᠷ ᠢ ᠰᠠᠬᠢᠨᠠ
( ᠣᠨᠢᠰᠣ )
ᠬᠠᠵᠠᠭᠤ ᠳᠡᠭᠡᠷᠡᠬᠢ ᠬᠥᠬᠡ ᠪᠤᠬᠠ
ᠴᠥᠬᠥ ᠭᠡᠳ ᠪᠣᠰᠬᠤ ᠦᠭᠡᠢ
ᠴᠢᠴᠢᠪᠡᠯ ᠰᠠᠶᠢ ᠪᠣᠰᠤᠨᠠ
( ᠣᠨᠢᠰᠣ )
ᠬᠦᠷᠡᠩ ᠮᠣᠷᠢ ᠬᠦᠳᠡᠷ ᠴᠢᠳᠥᠷ ᠲᠠᠢ
( ᠣᠨᠢᠰᠣ ᠲᠠᠢ ᠠᠪᠳᠠᠷᠠ )
ᠭᠠᠵᠠᠷ ᠳᠣᠣᠷᠠ ᠠ᠋ᠴᠠ ᠭᠠᠢ ᠭᠠᠷᠤᠨᠠ
( ᠬᠠᠪᠬᠠ )
ᠭᠠᠵᠠᠷ ᠳᠣᠣᠷᠠ
ᠬᠠᠪᠲᠠᠭᠠᠢ ᠪᠤᠤᠷᠠ
ᠭᠠᠶ᠋ᠢᠲᠠᠢ ᠠᠮᠢᠲᠠᠨ ᠢ ᠬᠠᠵᠠᠳᠠᠭ ᠪᠤᠤᠷᠠ
( ᠬᠠᠪᠬᠠ )
ᠬᠡᠭᠡᠷᠡ ᠬᠡᠪᠲᠡᠬᠦ ᠵᠠᠶᠠᠭᠠ ᠲᠠᠢ
ᠬᠡᠲᠦᠷᠬᠡᠢ ᠶᠡᠬᠡ ᠴᠢᠳᠠᠯ ᠲᠠᠢ
ᠲᠠᠯᠠ ᠳᠤ ᠬᠡᠪᠲᠡᠬᠦ ᠵᠠᠶᠠᠭᠠ ᠲᠠᠢ
ᠳᠠᠪᠤᠤ ᠣᠯᠪᠣᠭ ᠬᠤᠴᠢᠯᠭᠠ ᠲᠠᠢ
( ᠬᠠᠪᠬᠠ )
ᠭᠠᠵᠠᠷ ᠳᠣᠣᠷᠠ ᠭᠠᠪᠰᠢᠭᠠᠢ ᠬᠤᠯᠠᠭᠠᠶ᠋ᠢᠴᠢ
( ᠬᠠᠪᠬᠠ )
ᠪᠥᠭᠲᠥᠷ ᠡᠪᠦᠭᠡᠨ
ᠪᠥᠭᠰᠡᠨ ᠳ᠋ᠡᠭᠡᠨ ᠰᠢᠳᠦ ᠲᠠᠢ
( ᠰᠠᠪᠠᠷ )
ᠳᠣᠯᠣᠭᠠᠨ ᠢᠮᠠᠭᠠ
ᠭᠠᠭᠴᠠ ᠡᠪᠡᠷ ᠲᠠᠢ
( ᠰᠠᠪᠠᠷ )
ᠳᠠᠪᠤᠨ ᠨᠡᠬᠡᠢ ᠪᠠᠷ ᠬᠢᠭᠰᠡᠨ
ᠲᠡᠰᠢᠶᠡ ᠦᠭᠡᠢ ᠳᠡᠪᠡᠯ
( ᠠᠷᠤᠭ )
ᠶᠡᠬᠡ ᠰᠢᠷᠭᠠ ᠪᠠᠨ ᠤᠨᠤᠵᠤ
ᠪᠠᠭᠠ ᠰᠢᠷᠭᠠ ᠪᠠᠨ ᠬᠥᠲᠥᠯᠦᠨᠡ
( ᠠᠷᠤᠭ ᠰᠠᠪᠠᠷ )
ᠬᠣᠩᠭᠢᠯ ᠮᠣᠳᠣ
ᠬᠣᠶᠠᠷ ᠲᠠᠯᠠ ᠳ᠋ᠠᠭᠠᠨ ᠵᠢᠯᠣᠭᠣ ᠲᠠᠢ
( ᠠᠷᠭᠠᠯ ᠤᠨ ᠳᠥᠷᠪᠡᠯᠵᠢ )
ᠠᠶ᠋ᠢᠯ ᠠᠶ᠋ᠢᠯ ᠤᠨ ᠭᠠᠳᠠᠨᠠ
ᠠᠯᠠᠭ ᠪᠤᠬᠠ
ᠬᠥᠮᠦᠨ ᠬᠥᠮᠦᠨ ᠤ ᠭᠠᠳᠠᠨᠠ
ᠬᠦᠷᠡᠩ ᠪᠤᠬᠠ
( ᠣᠪᠣᠭᠠ ᠲᠠᠢ ᠠᠷᠭᠠᠯ )
ᠳᠦᠭᠦᠷᠡᠩ ᠰᠠᠶ᠋ᠢᠬᠠᠨ
ᠳᠥᠷᠪᠡᠨ ᠵᠠᠰᠠᠭ
ᠲᠥᠷᠥ ᠶ᠋ᠢᠨ ᠳᠥᠷᠪᠡᠨ ᠲᠦᠰᠢᠮᠡᠯ
ᠲᠡᠭᠦᠨ ᠢ ᠳᠠᠭᠠᠭᠰᠠᠨ ᠬᠣᠶᠠᠷ ᠪᠣᠱᠣᠭᠣ
( ᠲᠤᠯᠭᠠ ᠬᠠᠶ᠋ᠢᠴᠢ )
ᠭᠡᠷ ᠤᠨ ᠳᠥᠷᠪᠡᠨ ᠰᠠᠶ᠋ᠢᠳ
ᠰᠠᠶ᠋ᠢᠳ ᠤᠨ ᠳᠥᠷᠪᠡᠨ ᠲᠤᠰᠠᠯᠠᠭᠴᠢ
ᠲᠤᠰᠠᠯᠠᠭᠴᠢ ᠶ᠋ᠢᠨ ᠠᠷᠪᠠᠨ ᠵᠢᠷᠭᠤᠭᠠᠨ ᠬᠢᠶᠡ
ᠵᠠᠷᠯᠢᠬ ᠤᠨ ᠪᠢᠴᠢᠭᠡᠴᠢ
( ᠲᠤᠯᠭᠠ )
ᠬᠡᠷᠢᠶᠡᠨ ᠬᠣᠰᠢᠭᠤ ᠲᠠᠢ
ᠬᠡᠩᠭᠡᠷᠭᠡᠨ ᠭᠡᠳᠡᠰᠦ ᠲᠠᠢ
( ᠲᠤᠯᠭᠠ )
ᠳᠥᠷᠪᠡᠨ ᠲᠡᠭᠡᠭᠡ
ᠭᠤᠷᠪᠠᠨ ᠳᠤᠭᠤᠢ
ᠭᠠᠤᠯᠢᠨ ᠪᠤᠷᠬᠠᠨ
( ᠲᠤᠯᠬ᠋ᠠ ᠭᠠᠯ )
ᠣᠷᠣᠢ ᠨᠢ ᠣᠩᠭᠣᠷᠬᠠᠢ
ᠠᠭᠤᠰᠬᠢ ᠤᠯᠠᠭᠠᠨ
( ᠲᠤᠯᠬ᠋ᠠ ᠭᠠᠯ )
ᠡᠭᠡᠴᠢ ᠳᠡᠭᠦᠦ ᠳᠥᠷᠪᠡᠭᠦᠯᠡ ᠨᠢᠭᠡ ᠪᠡᠨ ᠡᠭᠡᠭᠡᠨᠡ
ᠡᠮᠡᠭᠡᠨ ᠭᠠᠭᠴᠠᠭᠠᠷ ᠶ᠋ᠢᠠᠨ ᠪᠥᠭᠰᠡ ᠪᠡᠨ ᠲᠥᠭᠡᠨᠡᠨᠡ
( ᠲᠤᠯᠬ᠋ᠠ ᠲᠣᠭᠣᠬ᠋ᠠ )
ᠭᠠᠯ ᠬᠠᠯᠠᠭᠤᠨ ᠡᠪᠤᠷ ᠲᠠᠢ
ᠭᠠᠷᠬᠠᠨ ᠪᠦᠰᠡᠯᠡᠭᠦᠷ ᠦ᠋ᠨ ᠬᠣᠯᠪᠣᠭᠠᠰᠤ ᠲᠠᠢ
ᠢᠵᠢᠯ ᠲᠥᠷᠥᠭᠰᠡᠨ ᠡᠭᠡᠴᠢ ᠳᠡᠭᠦᠦ ᠳᠥᠷᠪᠡᠭᠦᠯᠡ
ᠢᠯᠡᠭᠦᠦ ᠳᠤᠲᠠᠭᠤ ᠦᠭᠡᠢ ᠳᠠᠩ ᠰᠠᠴᠠᠭᠤ
ᠬᠦᠨᠲᠦ ᠶ᠋ᠢ ᠲᠤᠯᠬᠤ ᠬᠦᠴᠦ ᠨᠢ ᠨᠢᠭᠡ
ᠬᠦᠷᠡᠯ ᠬᠠᠷᠠ ᠵᠢᠰᠤ ᠨᠢ ᠨᠢᠭᠡ
( ᠲᠤᠯᠬ᠋ᠠ )
ᠤᠯᠠᠭᠠᠨ ᠢᠮᠠᠬ᠋ᠠ
ᠲᠡᠮᠦᠷ ᠡᠪᠡᠷ ᠲᠡᠢ
( ᠭᠠᠯ ᠲᠤᠯᠬ᠋ᠠ )
ᠲᠠᠩᠭᠤᠳ ᠦ᠋ᠨ ᠬᠦᠦ
ᠲᠠᠪᠤᠨ ᠪᠦᠰᠡ ᠲᠡᠢ
ᠳᠥᠷᠪᠡᠳ ᠦ᠋ᠨ ᠬᠦᠦ
ᠳᠦᠷᠪᠡᠨ ᠪᠦᠰᠡ ᠲᠡᠢ
( ᠲᠤᠯᠬ᠋ᠠ )
ᠡᠮᠡᠭᠡᠨ ᠡᠪᠦᠭᠡᠨ ᠳᠥᠷᠪᠡᠭᠦᠯᠡ
ᠡᠩᠭᠡᠷ ᠡᠪᠴᠢᠭᠦᠦ ᠪᠡᠨ ᠡᠭᠡᠭᠡᠨᠡ
( ᠲᠤᠯᠬ᠋ᠠ ᠶ᠋ᠢᠨ ᠳᠦᠷᠪᠡᠨ ᠳᠣᠳᠤᠭ )
ᠬᠦᠵᠦᠭᠦᠦ ᠦᠭᠡᠢ ᠲᠡᠮᠡᠭᠡ
ᠬᠡᠪᠲᠡᠭᠡ ᠪᠡᠷ ᠶ᠋ᠢᠡᠨ ᠢᠲᠡᠨᠡ
( ᠵᠤᠤᠬᠠ )
ᠬᠦᠵᠦᠭᠦᠦ ᠦᠭᠡᠢ ᠲᠡᠮᠡᠭᠡ
ᠬᠡᠭᠡᠷᠡ ᠶ᠋ᠢᠨ ᠡᠪᠡᠰᠦ ᠶ᠋ᠢ ᠪᠠᠷᠠᠨᠠ
( ᠵᠤᠤᠬᠠ )
ᠬᠥᠨᠲᠡᠢ ᠴᠡᠭᠡᠵᠢᠨ ᠳ᠋ᠤ᠌ ᠭᠠᠯ ᠲᠠᠢ
ᠬᠥᠮᠦᠨ ᠪᠣᠯᠭᠠᠨ ᠳ᠋ᠤ᠌ ᠡᠭᠡᠯᠢᠲᠡᠢ
ᠬᠠᠯᠠᠭᠤᠨ ᠳ᠋ᠤ᠌ ᠭᠠᠲᠠᠨᠠ ᠬᠡᠪᠲᠡᠵᠦ
ᠬᠦᠢᠲᠡᠨ ᠳ᠋ᠤ᠌ ᠭᠡᠷ ᠲᠤ ᠰᠠᠭᠤᠲᠠᠭ
(ᠲᠡᠮᠦᠷ ᠵᠤᠤᠬᠠ )
ᠪᠤᠷᠬᠠᠨ ᠪ ᠭᠡᠷ ᠲᠤ ᠣᠷᠣᠵᠤ ᠪᠣᠯᠬᠤ ᠦᠭᠡᠢ
ᠪᠤᠭᠤᠲᠠᠢ ᠶ᠋ᠢᠨ ᠭᠤᠯᠢᠷ ᠊ᠢ ᠢᠲᠡᠵᠦ ᠪᠣᠯᠬᠤ ᠦᠭᠡᠢ
( ᠵᠤᠤᠬᠠ ᠦᠨᠡᠰᠦ )
ᠠᠬᠠ ᠳᠡᠭᠦᠦ ᠭᠤᠷᠪᠠᠭᠤᠯᠠ
ᠳᠤᠮᠳᠠ ᠪᠠᠨ ᠭᠤᠷᠪᠠᠨ ᠪᠦᠰᠡ ᠲᠡᠢ
( ᠭᠤᠷᠪᠠᠨ ᠬᠥᠯ ᠲᠡᠢ ᠲᠤᠯᠬ᠋ᠠ )
ᠤᠯᠠᠶ᠋ᠢᠬᠤ ᠳ᠋ᠤ᠌ ᠴᠤ᠌ ᠲᠡᠷᠡ
ᠬᠤᠵᠠᠶ᠋ᠢᠬᠤ ᠳ᠋ᠤ᠌ ᠴᠤ᠌ ᠲᠡᠷᠡ
( ᠭᠠᠯ ᠦ᠋ᠨ ᠰᠢᠯᠡᠭᠡᠪᠦᠷ )
ᠲᠦᠷᠦ ᠶ᠋ᠢᠨ ᠳᠦᠷᠪᠡᠨ ᠳᠦᠰᠢᠮᠡᠯ
ᠲᠥᠭᠥᠷᠢᠭ ᠭᠤᠷᠪᠠᠨ ᠰᠠᠶ᠋ᠢᠳ
ᠵᠠᠪᠰᠠᠷ ᠦ᠋ᠨ ᠠᠷᠪᠠᠨ ᠬᠣᠶᠠᠷ ᠵᠠᠩᠬᠢ
ᠵᠠᠪᠲᠤᠲᠠᠭ ᠬᠣᠶᠠᠷ ᠪᠣᠱᠣᠭᠣ
( ᠲᠤᠯᠬ᠋ᠠ ᠬᠠᠪᠴᠢᠭᠤᠷ )
ᠬᠠᠷᠠ ᠪᠤᠬᠠ
ᠭᠠᠭᠴᠠ ᠡᠪᠡᠷ ᠲᠡᠢ
( ᠵᠤᠤᠬᠠ ᠶᠡᠩᠲᠦᠩ )
ᠬᠦᠨᠳᠡᠢ ᠳ᠋ᠤ᠌ ᠪᠢᠲᠡᠭᠡᠢ ᠲᠠᠯᠪᠢᠭᠠᠷᠠᠢ
ᠨᠠᠮᠠᠶ᠋ᠢ ᠳᠤᠤᠭᠠᠷᠪᠠᠯ ᠦᠬᠦᠯᠡ ᠭᠡᠵᠦ ᠰᠠᠨᠠᠭᠠᠷᠠᠢ
( ᠱᠠᠵᠠᠩ ᠠᠶᠠᠭᠠ )
ᠰᠡᠭᠦᠯ ᠨᠢ ᠡᠷᠬᠢ ᠳᠡᠭᠡᠷᠡ
ᠲᠣᠯᠣᠭᠠᠢ ᠨᠢ ᠳᠠᠯᠠᠢ ᠳᠣᠲᠣᠷᠠ
( ᠰᠢᠨᠠᠭᠠ )
ᠲᠦᠭᠡ ᠪᠡᠶᠡ ᠲᠡᠢ
ᠲᠥᠭᠥᠷᠢᠭ ᠨᠢᠭᠤᠷ ᠲᠠᠢ
( ᠰᠢᠨᠠᠭᠠ )
ᠪᠦᠬᠦᠶ᠋ᠢᠪᠡᠯ ᠪᠥᠭᠡᠯᠵᠢᠵᠦ
ᠭᠡᠳᠡᠶ᠋ᠢᠪᠡᠯ ᠭᠡᠭᠡᠷᠡᠨᠡ
(ᠳᠡᠪᠦᠷᠡ )
ᠬᠠᠷᠠ ᠦᠬᠡᠷ
ᠬᠠᠪᠢᠷᠭᠠ ᠪᠠᠷ ᠢᠶ᠋ᠠᠨ ᠰᠢᠭᠡᠨᠡ
( ᠳᠡᠪᠦᠷᠡ )
ᠣᠷᠣᠢ ᠳᠡᠭᠡᠷᠡ ᠪᠡᠨ ᠵᠢᠩᠰᠡ ᠲᠡᠢ
ᠣᠮᠣᠷᠤᠤ ᠳ᠋ᠠᠭᠠᠨ ᠮᠣᠨᠴᠣᠭ ᠲᠠᠢ
ᠣᠯᠠᠨ ᠳ᠋ᠠᠭᠠᠨ ᠥᠩᠭᠡ ᠲᠡᠢ
( ᠳᠡᠪᠦᠷᠡ )
ᠭᠠᠬᠠᠢ ᠶ᠋ᠢᠨ ᠭᠡᠳᠡᠰᠦ ᠲᠡᠢ
ᠭᠠᠯᠠᠭᠤᠨ ᠬᠦᠵᠦᠭᠦᠦ ᠲᠡᠢ
( ᠳᠡᠪᠦᠷᠡ )
ᠰᠢᠷᠠ ᠴᠠᠭᠠᠨ ᠪᠢᠯᠵᠤᠤᠬᠠᠢ
ᠰᠢᠷᠡᠭᠡᠨ ᠳᠡᠭᠡᠭᠦᠷ ᠲᠣᠭᠯᠠᠨᠠ
ᠰᠡᠭᠦᠯ ᠡᠴᠡ ᠨᠢ ᠠᠪᠤᠭᠠᠳ
ᠠᠮᠠ ᠤᠷᠤᠭᠤ ᠪᠠᠨ ᠬᠢᠨᠡ
( ᠬᠠᠯᠪᠠᠭᠠ )
ᠠᠬᠠ ᠳᠡᠭᠦᠦ ᠬᠣᠶᠠᠭᠤᠯᠠ ᠳᠠᠩ ᠰᠠᠴᠠᠭᠤ
ᠠᠪᠴᠤ ᠬᠡᠷᠡᠭᠯᠡᠪᠡᠯ ᠬᠠᠷᠢᠯᠴᠠᠨ ᠬᠡᠷᠡᠯᠳᠦᠨᠡ
( ᠰᠠᠪᠬᠠ )
ᠥᠯᠥᠰᠪᠡᠯ ᠳᠦᠭᠦᠷᠴᠦ
ᠡᠮᠬᠦᠪᠡᠯ ᠬᠣᠭᠣᠰᠣᠷᠠᠨᠠ
( ᠠᠶᠠᠭᠠ )
ᠤᠷᠢᠳᠠ ᠠ᠋ᠴᠠ ᠢᠷᠡᠭᠰᠡᠨ ᠲᠡᠮᠡᠭᠡ
ᠤᠷᠤᠭᠤᠯ ᠢᠶ᠋ᠠᠨ ᠤᠨᠵᠢᠭᠤᠯᠵᠤ ᠵᠣᠭᠰᠣᠨᠠ
(ᠲᠠᠩᠬᠤ )
ᠨᠣᠶᠠᠨ ᠰᠢᠭ᠋ ᠵᠢᠩᠰᠡ ᠲᠡᠢ
ᠨᠣᠬᠠᠢ ᠰᠢᠭ᠋ ᠰᠠᠭᠤᠳᠠᠯ ᠲᠠᠢ
ᠲᠡᠮᠡᠭᠡ ᠰᠢᠭ᠌ ᠬᠦᠵᠦᠭᠦᠦ ᠲᠡᠢ
ᠲᠡᠷᠭᠡ ᠰᠢᠭ᠌ ᠭᠡᠳᠡᠰᠦ ᠲᠡᠢ
( ᠳᠡᠪᠦᠷᠡ )
ᠪᠡᠷᠢ ᠶ᠋ᠢᠨ ᠡᠮᠦᠨᠡ
ᠪᠢᠯᠳᠠᠤᠴᠢ ᠲᠣᠶ᠋ᠢᠮᠣᠭ
( ᠰᠢᠨᠠᠭᠠ )
ᠬᠠᠪᠲᠠᠭᠠᠢ ᠳᠥᠷᠪᠡᠯᠵᠢᠨ ᠪᠡᠶᠡ ᠲᠡᠢ
ᠬᠠᠷᠠ ᠪᠠᠷᠠᠭᠠᠨ ᠵᠢᠰᠦ ᠲᠡᠢ
ᠨᠣᠭᠣᠭᠠ ᠢᠳᠡᠬᠦ ᠡᠴᠡ ᠪᠢᠰᠢ ᠪᠤᠳᠠᠭᠠ ᠢᠳᠡᠬᠦ ᠦᠭᠡᠢ
ᠮᠢᠬᠠ ᠢᠳᠡᠬᠦ ᠡᠴᠡ ᠪᠢᠰᠢ ᠠᠷᠢᠬᠢ ᠤᠤᠭᠤᠬᠤ ᠦᠭᠡᠢ
( ᠪᠣᠣᠳᠣᠣ )
ᠬᠠᠷᠠ ᠦᠬᠡᠷ ᠦᠨ ᠲᠣᠯᠣᠭᠠᠢ ᠶ᠋ᠢ
ᠬᠤᠶ᠋ᠢᠬᠠᠯᠠᠭᠠᠳ ᠪᠠᠷᠠᠬᠤ ᠦᠭᠡᠢ
( ᠲᠣᠭᠣᠭᠠ )
ᠲᠠᠩᠬᠠᠢ ᠬᠦᠦ
ᠲᠠᠪᠤᠨ ᠪᠦᠰᠡ ᠲᠡᠢ
ᠡᠷᠡᠦ ᠳᠤᠲᠠᠭᠤ
ᠣᠷᠣᠢ ᠴᠣᠭᠣᠷᠣᠬᠠᠢ
( ᠲᠣᠮᠪᠤ )
ᠪᠣᠷᠣ ᠬᠦᠦ ᠪᠣᠰᠤᠭᠠ ᠪᠠᠷ ᠢᠶ᠋ᠠᠨ ᠬᠣᠨᠣᠨᠠ
( ᠲᠣᠮᠪᠤ )
ᠪᠠᠷᠠᠭᠤᠨᠳᠠᠢ ᠠ᠋ᠴᠠ ᠢᠷᠡᠭᠰᠡᠨ
ᠪᠠᠨᠳᠢ ᠶ᠋ᠢᠨ ᠡᠷᠡᠦ ᠳᠤᠲᠠᠭᠤ
( ᠲᠣᠮᠪᠤ )
ᠲᠥᠭᠥᠷᠢᠭ ᠪᠡᠶᠡ ᠲᠡᠢ
ᠲᠦᠷᠦ ᠶ᠋ᠢᠨ ᠪᠠᠶ᠋ᠢᠷᠢ ᠶ᠋ᠢᠨ ᠵᠢᠩᠰᠡ ᠲᠡᠢ
ᠬᠠᠪᠢᠷᠭᠠ ᠰᠢᠭ᠋ ᠨᠢᠷᠤᠭᠤ ᠲᠠᠢ
ᠬᠠᠷᠠ ᠤᠰᠤᠨ ᠳᠣᠲᠣᠷ ᠲᠠᠢ
( ᠲᠠᠩᠬᠤ )
ᠦᠨᠳᠦᠷ ᠯᠠᠮᠠ
ᠥᠷᠥᠭᠡᠰᠦᠨ ᠴᠢᠬᠢ ᠲᠡᠢ
( ᠲᠠᠩᠬᠤ )
ᠨᠢᠷᠤᠭᠤ ᠪᠠᠷ ᠢᠶ᠋ᠠᠨ ᠤᠤᠭᠤᠵᠤ
ᠨᠤᠭᠤᠰᠤ ᠪᠠᠷ ᠢᠶ᠋ᠠᠨ ᠭᠣᠭᠣᠵᠢᠭᠤᠯᠤᠨᠠ
(ᠲᠠᠩᠬᠤ )
ᠭᠠᠯᠠᠭᠤ ᠰᠢᠭ᠋ ᠬᠦᠵᠦᠭᠦᠦ ᠲᠡᠢ
ᠭᠠᠬᠠᠢ ᠰᠢᠭ᠋ ᠭᠡᠳᠡᠰᠦ ᠲᠡᠢ
ᠭᠠᠯ ᠤᠨ ᠵᠠᠬᠠ ᠠ᠋ᠴᠠ ᠬᠥᠳᠡᠯᠳᠡᠭ ᠦᠭᠡᠢ
( ᠲᠠᠩᠬᠤ )
ᠦᠨᠳᠦᠷ ᠤᠯᠠᠭᠠᠨ ᠪᠠᠨᠳᠢ
ᠥᠷᠥᠭᠡᠰᠦᠨ ᠡᠭᠡᠮᠦᠭ ᠲᠡᠢ
( ᠴᠠᠢ ᠶ᠋ᠢᠨ ᠬᠤᠤ )
ᠦᠰᠦᠭ ᠠᠮᠢᠯᠠᠭᠤᠯᠤᠭᠰᠠᠨ ᠨᠢ : ᠬᠠᠷᠠᠨᠤᠳ · ᠲᠤᠶᠠᠭᠠ ᠂ ᠬᠠᠲᠠᠴᠢ · ᠤᠷᠠᠨᠠ ᠂
ᠣᠶᠤᠨᠲᠤᠨᠠᠯ ᠂ ᠳ᠋ᠦ᠋ᠩ ᠹᠧᠩ ᠂ ᠮᠢᠩᠭᠠᠳ · ᠴᠢᠮᠡᠭ
ᠬᠢᠨᠠᠭ᠍ᠴᠢ : ᠬᠠᠷᠠᠨᠤᠳ · ᠲᠤᠶᠠᠭᠠ ᠂ ᠮᠢᠩᠭᠠᠳ · ᠴᠢᠮᠡᠭ