ᠰᠢᠨᠠᠯᠠᠮ᠎ᠠ- ᠤᠷᠳᠤᠰ ᠠᠷᠠᠳ ᠤᠨ ᠳᠠᠭᠤᠤШанаалам-ордос ардын дуу ᠠᠷᠠᠳ ᠤ᠋ᠨ ᠳᠠᠭᠤᠤ

   ᠤᠷᠳᠤᠰ ᠠᠷᠠᠳ ᠤᠨ ᠳᠠᠭᠤᠤ 

 ᠦᠯᠵᠡᠢᠵᠢᠷᠭᠠᠯ ᠲᠤᠸᠠᠨᠵᠠᠩ ᠤᠨ 

 ᠤᠳᠤᠷᠢᠳᠤᠭᠰᠠᠨ ᠬᠤᠪᠢᠰᠬᠠᠯ ᠨᠢ 

 ᠤᠷᠳᠤᠰ ᠨᠤᠲᠤᠭ ᠤᠨ ᠳᠡᠨᠵᠢᠨ ᠳᠡᠭᠡᠷ᠎ᠡ 

 ᠤᠯᠠᠭᠠᠨ ᠲᠤᠭ ᠢᠶᠠᠨ ᠮᠠᠨᠳᠤᠭᠤᠯᠵᠠᠢ᠃ 

 ᠤᠯᠠᠭᠠᠨ ᠴᠡᠷᠢᠭ ᠤᠨ ᠪᠠᠢᠯᠳᠤᠭᠴᠢ 

 ᠤᠷᠳᠤᠰ ᠮᠤᠩᠭᠤᠯ ᠤᠨ ᠮᠠᠯᠴᠢᠨ ᠬᠦᠤ 

 ᠤᠷᠢᠳᠤ ᠵᠦᠭ ᠤᠨ ᠵᠢᠩ ᠵᠢᠢ ᠶᠢ 

 ᠡᠤ ᠳ᠋ᠢᠩ ᠾᠧ ᠪᠠᠷ ᠬᠦᠭᠡᠭᠡᠯ᠎ᠡ᠃ 

 ᠤᠯᠠᠭᠠᠨᠲᠤᠯᠤᠭᠠᠢ ᠪᠠᠷ ᠡᠷᠭᠢᠭᠦᠯᠦᠭᠡᠳ 

 ᠤᠷᠤᠭᠤ ᠬᠠᠨᠳᠤᠭᠤᠯᠵᠤ ᠭᠦᠭᠡᠭᠡᠭᠡᠳ 

 ᠤᠷᠢᠳᠤ ᠵᠦᠭ ᠤᠨ ᠳᠠᠢᠰᠤᠨ ᠢ 

 ᠤᠷᠤ ᠮᠦᠷ ᠦᠭᠡᠢ ᠪᠤᠯᠭᠠᠯ᠎ᠠ᠃ 

 ᠬᠤᠷᠢᠶ᠎ᠠ ᠪᠠᠲ᠋ᠠᠯᠢᠶᠤᠨ ᠢ ᠪᠠᠢᠭᠤᠯᠵᠤ 

 ᠬᠤᠨᠢᠴᠢᠨ ᠠᠷᠠᠳ ᠢᠶᠠᠨ ᠳᠠᠢᠴᠢᠯᠠᠭᠠᠳ 

 ᠬᠤᠷᠴᠠ ᠵᠡᠪᠰᠡᠭ ᠤᠨ ᠬᠦᠴᠦᠨ ᠢᠶᠠᠷ

 ᠬᠤᠤᠷᠳᠠᠨ ᠳᠠᠢᠰᠤᠨ ᠢ ᠳᠠᠷᠤᠯ᠎ᠠ᠃

 ᠰᠠᠯᠪᠤᠷᠢ ᠳᠤᠭᠤᠢᠯᠠᠩ ᠪᠠᠢᠭᠤᠯᠵᠤ

 ᠰᠠᠬᠢᠯᠭ᠎ᠠ ᠪᠠᠳᠤ ᠪᠠᠨ ᠳᠤᠭᠳᠠᠭᠠᠭᠠᠳ

 ᠰᠠᠨᠠᠭ᠎ᠠ ᠰᠡᠳᠭᠢᠯ ᠢᠶᠠᠨ ᠨᠢᠭᠡᠳᠭᠡᠵᠤ

 ᠰᠠᠮᠠᠭᠤᠨ ᠳᠠᠢᠰᠦᠨ ᠢ ᠳᠠᠷᠤᠯ᠎ᠠ᠃

 ᠮᠤᠩᠭᠤᠯ ᠤᠨ ᠬᠡᠢ ᠮᠤᠷᠢ ᠶᠢ ᠮᠠᠨᠳᠤᠭᠤᠯᠵᠤ

 ᠮᠠᠭᠤ ᠬᠤᠯᠠᠭᠠᠢ ᠶᠢ ᠰᠦᠨᠦᠭᠡᠯ᠎ᠡ

 ᠮᠤᠩᠬᠠᠭ ᠬᠤᠯᠠᠭᠠᠢ ᠵᠢᠩ ᠲᠦᠩ ᠯᠢᠩ

 ᠮᠠᠭᠤ ᠳᠠᠭᠤ ᠪᠠᠷ ᠳᠤᠳᠠᠭᠠᠯ᠎ᠠ᠃

 ᠵᠢᠩ ᠤᠨ ᠴᠡᠷᠢᠭ ᠭᠠᠯᠵᠠᠭᠤᠷᠠᠵᠤ

 ᠵᠡᠷᠭᠡ ᠪᠠᠷ ᠮᠤᠷᠳᠠᠭᠠᠳ ᠢᠷᠡᠭᠰᠡᠨ ᠴᠤ᠌

 ᠵᠢᠩᠭᠢᠷ ᠭᠠᠩᠭᠠᠷ ᠰᠤᠮᠦ ᠪᠠᠷ ᠢᠶᠠᠨ

 ᠵᠢᠯᠪᠢ ᠶᠢ ᠨᠢ ᠳᠠᠷᠤᠭᠠᠳ ᠡᠷᠭᠢᠭᠦᠯᠦᠯ᠎ᠡ᠃

 ᠵᠢᠩ ᠤᠨ ᠴᠡᠷᠢᠭ ᠴᠢ ᠪᠢᠩ ᠲᠤᠸᠠᠨ 

 ᠵᠡᠷᠭᠡ ᠪᠠᠷ ᠳᠠᠷᠤᠭᠠᠳ ᠢᠷᠡᠭᠰᠡᠨ ᠴᠤ᠌

 ᠵᠢᠩ ᠭᠠᠩ ᠰᠤᠮᠤ ᠶᠢ ᠬᠦᠷᠳᠡᠭᠦᠯᠦᠭᠡᠳ

 ᠵᠢᠯᠪᠢ ᠶᠢ ᠨᠢ ᠳᠠᠷᠤᠭᠠᠳ ᠮᠤᠷᠳᠠᠭᠤᠯᠤᠯ᠎ᠠ᠃

 ᠵᠢᠷᠤᠭ᠎ᠠ ᠵᠢᠷᠤᠭ᠎ᠠ ᠮᠤᠷᠢ ᠶᠢ ᠪᠠᠨ

 ᠵᠢᠯᠤᠭᠤ ᠶᠢ ᠨᠢ ᠰᠤᠢᠭᠠᠳ ᠮᠤᠷᠳᠠᠶ᠎ᠠ ᠳ᠋ᠤᠤ

 ᠵᠢᠪᠬᠤᠯᠠᠩᠳᠤ ᠲᠦᠷᠤ ᠶᠢᠨ ᠡᠵᠡᠨ ᠪᠢᠳᠠ

 ᠵᠤᠷᠢᠭᠰᠠᠨ ᠭᠠᠵᠠᠷ ᠲᠠᠭᠠᠨ ᠬᠦᠷᠴᠢᠭᠡᠶ᠎ᠡ ᠳ᠋ᠤᠤ᠃

 ᠰᠢᠨᠠᠯᠠᠮ᠎ᠠ ᠶᠢᠨ ᠴᠡᠷᠢᠭ ᠤᠳ ᠨᠢ 

 ᠰᠢᠯᠢᠭᠰᠡᠨ ᠬᠤᠷᠴᠠ ᠴᠡᠷᠢᠭ ᠰᠢᠤ

 ᠰᠢᠨᠵᠢ ᠮᠠᠭᠤᠲᠠᠢ ᠵᠢᠩ ᠵᠢᠢ ᠶᠢᠨ

 ᠰᠢᠯᠪᠢ ᠶᠢ ᠤᠭᠳᠤᠯᠤᠭᠠᠳ ᠬᠦᠭᠡᠭᠡᠯ᠎ᠡ᠃

 ᠰᠢᠪᠠᠷ ᠳᠡᠷᠡᠰᠥᠨ ᠴᠠᠢᠳᠠᠮ ᠳᠤ

 ᠰᠢᠯᠢᠨ ᠡ᠊ᠡᠭᠨᠡᠵᠤ ᠰᠠᠭᠤᠵᠤ ᠪᠠᠢᠨ᠎ᠠ

 ᠰᠢᠷᠭᠤᠨ ᠢᠷᠡᠭᠰᠡᠨ ᠳᠠᠢᠰᠤᠨ ᠢ

 ᠰᠢᠯᠢ ᠶᠢ ᠨᠢ ᠳᠠᠰᠢᠭᠠᠳ ᠬᠦᠭᠡᠭᠡᠯ᠎ᠡ᠃

 ᠰᠢᠨᠡᠯᠠᠮ᠎ᠠ ᠶᠢᠨ ᠠᠨᠳᠠ ᠪᠢᠳᠡ

 ᠰᠢᠯᠢᠳᠡᠭ ᠴᠢᠩᠭ᠎ᠠ ᠪᠠᠢᠯᠭᠦᠢ ᠳ᠋ᠤᠤ

 ᠰᠢᠨᠵᠢ ᠮᠠᠭᠤᠲᠠᠢ ᠬᠠᠷᠬᠢᠰᠴᠤᠳ ᠢ

 ᠰᠦᠨᠡᠰᠦ ᠶᠢ ᠨᠢ ᠠᠪᠦᠭᠠᠳ ᠳᠠᠷᠤᠯ᠎ᠠ᠃

 ᠰᠢᠨᠡᠯᠠᠮ᠎ᠠ ᠪᠠᠨᠳᠢᠳᠠ ᠲᠠᠢ ᠪᠠᠨ

 ᠵᠠᠩᠵᠦᠨ ᠪᠤᠯᠵᠤ ᠢᠷᠡᠭᠡᠳ

 ᠵᠠᠩ ᠵᠢᠶᠠ ᠺᠸᠦ ᠠᠴᠠ ᠴᠡᠷᠢᠭ ᠠᠪᠦᠭᠠᠳ

 ᠳᠠᠭᠠᠭᠤᠯᠤᠭᠠᠳ ᠢᠷᠡᠯ᠎ᠡ ᠳ᠋ᠤᠤ᠃

 ᠰᠢᠨᠡᠯᠡᠮ᠎ᠠ ᠶᠢᠨ ᠠᠬ᠎ᠠ ᠳᠡᠭᠦᠦ ᠪᠢᠳᠠ

 ᠰᠢᠯᠭᠠᠷᠠᠵᠤ ᠪᠠᠢᠨ᠎ᠠ ᠰᠢᠤ ᠳ᠋ᠤᠤ

 ᠰᠢᠨ᠎ᠠ ᠴᠠᠭ ᠤᠨ ᠵᠢᠷᠤᠮ ᠶᠤᠰᠤ ᠶᠢ

 ᠳᠠᠭᠠᠵᠠᠭᠠᠶ᠎ᠠ ᠳ᠋ᠤᠤ᠃

 ᠬᠠᠷᠭᠢᠰ ᠳᠠᠢᠰᠦᠨ ᠨᠤᠭᠤᠳ ᠬᠠᠪᠰᠤᠷᠤᠯᠴᠠᠭᠠᠳ

 ᠬᠠᠩᠬᠢᠨ ᠴᠡᠷᠢᠭ ᠲᠠᠢ ᠨᠡᠢᠯᠡᠯᠴᠡᠭᠡᠳ

 ᠬᠠᠷ᠎ᠠ ᠬᠢᠳᠠᠳ ᠵᠢᠩ ᠵᠢᠢ ᠲᠠᠢ

 ᠬᠠᠮᠵᠢᠪᠠᠴᠤ ᠶᠠᠭᠠᠬᠢᠭᠰᠠᠨ ᠦᠭᠡᠢ᠃

 ᠰᠧ ᠳ᠋ᠠᠢ ᠰᠤᠮᠤ ᠪᠠᠨ ᠪᠦᠰᠡᠯᠡᠭᠡᠳ

 ᠰᠧᠯᠡᠢᠳᠠᠢ ᠫᠤᠤ ᠪᠠᠨ ᠡᠬᠦᠷᠤᠭᠡᠳ

 ᠰᠢ ᠪᠸᠢ ᠵᠠᠰᠠᠭ ᠵᠢᠩ ᠵᠢᠢ ᠶᠢ

 ᠰᠧᠯᠢᠨ ᠲᠠᠪᠠᠭᠠᠨ ᠳᠤ ᠮᠤᠷᠳᠠᠭᠤᠯᠤᠯ᠎ᠠ᠃

 ᠰᠠᠯᠠᠭᠠᠨ ᠲᠠᠷᠤᠭ᠎ᠠ ᠯᠢᠶᠠᠨᠵᠠᠩ ᠤᠨ

 ᠰᠠᠯᠪᠤᠷᠢ ᠠᠩᠭᠢ ᠶᠢᠨ ᠳ᠋ᠢ ᠰᠢᠶᠦ᠋ᠡᠭ ᠤᠳ

 ᠰᠠᠨᠠᠭ᠎ᠠ ᠵᠤᠷᠢᠭ ᠢᠶᠠᠨ ᠨᠢᠭᠡᠳᠭᠡᠭᠡᠳ

 ᠰᠠᠮᠠᠭᠤᠨ ᠲᠠᠢᠰᠤᠨ ᠢ ᠲᠠᠷᠤᠵᠠᠭᠠᠶ᠎ᠠ ᠳ᠋ᠤᠤ᠃

 ᠠᠷᠪᠠ ᠶᠢᠨ ᠲᠠᠷᠤᠭ᠎ᠠ ᠱᠢ ᠵᠠᠩ ᠤᠳ

 ᠠᠬ᠎ᠠ ᠲᠡᠬᠦᠤ ᠳ᠋ᠢ ᠰᠢᠶᠦ᠋ᠡᠭ ᠤᠳ

 ᠠᠶᠤᠯᠳᠤ ᠲᠠᠢᠰᠤᠨ ᠢ ᠲᠠᠷᠤᠴᠢᠬᠠᠭᠠᠳ

 ᠠᠮᠤᠷ ᠲᠠᠢᠪᠤᠡᠭ ᠵᠢᠷᠭᠠᠵᠠᠭᠠᠶ᠎ᠠ ᠳ᠋ᠤᠤ᠃

 ᠲᠠᠪᠤ ᠶᠢᠨ ᠲᠠᠷᠤᠭ᠎ᠠ ᠦ᠋ ᠵᠠᠩ ᠤᠳ

 ᠲᠠᠩᠭᠠᠷᠢᠭ ᠰᠠᠢᠳᠤ ᠳ᠋ᠢ ᠰᠢᠶᠦ᠋ᠡᠭ ᠤᠳ

 ᠲᠡᠮᠢᠷ ᠮᠠᠭᠤᠳᠤ ᠵᠢᠩ ᠵᠢᠢ ᠶᠢ

 ᠲᠠᠮᠤ ᠶᠢᠨ ᠤᠷᠤᠨ ᠳᠤ ᠵᠤᠯᠢᠶ᠎ᠠ᠃

 ᠮᠠᠨ ᠤ ᠴᠡᠷᠢᠭ ᠤᠨ ᠲᠤᠸᠠᠨᠵᠠᠩ ᠨᠢ

 ᠮᠠᠯᠴᠢᠨ ᠠᠷᠠᠳ ᠤᠨ ᠮᠠᠩᠯᠠᠢ ᠬᠦᠤ᠂

 ᠮᠤᠩᠭᠤᠯ ᠠᠷᠠᠳ ᠤᠯᠠᠨ ᠳᠠᠭᠠᠨ

 ᠮᠠᠰᠢ ᠬᠠᠯᠠᠭᠤᠨ ᠰᠡᠳᠬᠢᠯ ᠲᠠᠢ᠃

 ᠦᠨᠳᠤᠷ ᠴᠠᠭᠠᠨ ᠮᠠᠩᠬ᠎ᠠ ᠨᠢ

 ᠡᠳᠤᠷ ᠤᠨ ᠭᠠᠵᠠᠷ ᠠᠴᠠ ᠬᠠᠷᠠᠬᠳᠠᠨ᠎ᠠ᠂

 ᠦᠯᠵᠡᠢᠵᠢᠷᠭᠠᠯ ᠤᠨ ᠠᠨᠳᠠ ᠪᠢᠳᠡ

 ᠦᠭᠡᠳᠡᠯᠡᠨ ᠮᠠᠨᠳᠤᠵᠤ ᠲᠠᠪᠰᠢᠨ᠎ᠠ᠃

 ᠠᠪᠤ ᠡᠵᠢ ᠶᠢᠨ ᠠᠰᠠᠷᠠᠯ ᠬᠠᠢᠷ᠎ᠠ

 ᠠᠷᠪᠢᠨ ᠢᠯᠡᠬᠦᠤ ᠪᠠᠢᠨ᠎ᠠ᠂

 ᠠᠴᠢ ᠦᠷ᠎ᠡ ᠪᠢᠳᠡ ᠨᠠᠷ

 ᠠᠴᠢᠯᠠᠨ ᠬᠠᠷᠢᠭᠤᠯᠤᠶ᠎ᠠ᠃

 ᠠᠮᠢᠳᠠᠨ ᠤ ᠡᠷᠬᠢᠮ ᠮᠠᠩᠯᠠᠢ

 ᠪᠤᠯᠤᠬᠰᠠᠨ(ᠴᠤ᠌)ᠬᠤᠢᠨ᠎ᠠ

 ᠠᠴᠢ ᠦᠷ᠎ᠡ ᠭᠡᠤᠭᠡᠳ ᠪᠢᠳᠡᠨ

 ᠬᠦᠭᠵᠢᠬᠦᠯᠵᠤ ᠮᠠᠨᠳᠤᠭᠤᠯᠤᠶ᠎ᠠ᠃

   ᠤᠷᠳᠤᠰ ᠲᠤᠯᠤᠭᠠᠨ ᠬᠤᠰᠢᠭᠤ ᠶᠢ ᠲᠤᠬᠳᠤᠯᠭᠠᠬᠰᠠᠨ ᠦᠨᠳᠤᠰᠤᠳᠠᠨ ᠤ ᠪᠠᠭᠠᠳᠤᠷ ᠬᠤᠪᠢᠰᠬᠠᠯᠴᠢ ᠰᠢᠨᠡᠯᠠᠮ᠎ᠠ ᠶᠢᠨ ᠲᠤᠬᠠᠢ ᠨᠡᠯᠢᠶᠡᠳ ᠭᠡᠳᠤᠨ ᠲᠠᠭᠤᠤ ᠪᠠᠢᠳᠠᠭ ᠪᠤᠯᠪᠠᠴᠤ ᠪᠠᠶ᠎ᠠ ᠪᠠᠨ ᠲᠠᠭᠠᠬᠰᠠᠨ ᠲᠤᠰᠬᠠᠢ ᠠᠶᠠᠯᠭᠤ ᠭᠡᠵᠤ ᠪᠠᠢᠳᠠᠭ ᠦᠭᠡᠢ ᠳᠡᠭᠡᠨ ᠪᠦᠷ ᠴᠤ᠌ ᠠᠷᠠᠳ ᠤᠨ ᠲᠠᠭᠤᠤ ᠶᠢᠨ ᠠᠶᠠᠯᠭᠤ ᠲᠡᠭᠡᠷ᠎ᠡ ᠦᠭᠡ ᠲᠠᠭᠠᠷᠠᠭᠤᠯᠤᠬᠰᠠᠨ ᠪᠠᠢᠳᠠᠭ᠃ ᠰᠢᠨᠡᠯᠠᠮ᠎ᠠ ᠶᠢᠨ ᠲᠠᠭᠤᠤ ᠭᠡᠳᠡᠭ ᠨᠢ ᠰᠢᠨᠡᠯᠠᠮ᠎ᠠ ᠦᠪᠡᠷ ᠢᠶᠠᠨ ᠵᠤᠬᠢᠶᠠᠬᠰᠠᠨ ᠪᠢᠰᠢ᠂ ᠠᠷᠠᠳ ᠲᠦᠮᠡᠨ ᠤ ᠵᠤᠬᠢᠶᠠᠯ ᠪᠤᠯᠬᠤ ᠪᠦᠭᠡᠳ ᠵᠢᠴᠢ ᠲᠡᠬᠦᠨ ᠤ ᠤᠳᠤᠷᠢᠳᠤᠬᠰᠠᠨ ᠠᠷᠠᠳᠴᠢᠯᠠᠬᠰᠠᠨ ᠬᠤᠪᠢᠰᠬᠠᠯ ᠤᠨ ᠦᠢᠯᠡ ᠶᠠᠪᠤᠳᠠᠯ ᠢ ᠮᠠᠬᠳᠠᠨ ᠲᠠᠭᠤᠯᠠᠬᠰᠠᠨ ᠶᠤᠮ᠃

  ᠡᠬᠢ ᠰᠤᠷᠪᠤᠯᠵᠢ᠄ ᠣᠷᠳᠣᠰ ᠬᠣᠲᠠ᠎ᠶᠢᠨ ᠠᠷᠠᠳ᠎ᠤᠨ ᠵᠠᠰᠠᠭ ᠤᠨ ᠣᠷᠳᠣᠨ ᠤ ᠰᠦᠯᠵᠢᠶ᠎ᠡ ᠡᠴᠡ