ᠢᠷᠦᠭᠡᠯᠲᠦ ᠴᠠᠭᠠᠨ ᠮᠣᠩᠭᠣᠯ ᠭᠡᠷ – ᠦ᠊ ᠂ ᠳᠠᠮᠷᠢᠨ Ерөөлт цагаан монгол гэр – Ү᠂ Дамиран
1230ᠢᠷᠦᠭᠡᠯᠲᠦ ᠴᠠᠭᠠᠨ ᠮᠣᠩᠭᠣᠯ ᠭᠡᠷ
ᠦ᠊ ᠂ ᠳᠠᠮᠷᠢᠨ
ᠡᠷᠳᠡᠨᠢ ᠰᠢᠬᠦᠷᠲᠦ ᠲᠤᠭᠤᠨᠤ ᠲᠠᠢ
ᠡᠩᠬᠦᠷᠡᠢ ᠠᠯᠲᠠᠨ ᠪᠣᠱᠣᠭᠠ ᠲᠠᠢ
ᠵᠠᠭᠤᠨ ᠨᠠᠢ᠍ᠮᠠᠨ ᠤᠨᠢ ᠲᠠᠢ
ᠵᠢᠷᠭᠤᠭᠠᠨ ᠶᠡᠬᠡ ᠬᠠᠨᠠ ᠲᠠᠢ
ᠬᠥᠪᠥᠩ ᠴᠠᠭᠠᠨ ᠡᠷᠦᠬᠡ ᠲᠠᠢ
ᠬᠥᠯᠳᠦᠷᠭᠡᠲᠦ ᠴᠠᠭᠠᠨ ᠳᠡᠭᠡᠪᠦᠷ ᠲᠡᠢ
ᠥᠷᠭᠡᠨ ᠴᠠᠭᠠᠨ ᠲᠤᠭᠤᠷᠭᠠ ᠲᠠᠢ
ᠥᠭᠡᠳᠡᠩ ᠬᠠᠷᠠ ᠪᠦᠰᠡᠯᠡᠭᠦᠷ ᠲᠠᠢ
ᠭᠠᠷ ᠤᠨ ᠤᠷᠠᠯᠢᠭ ᠢ ᠭᠠᠢᠬᠠᠭᠤᠯᠤᠭᠰᠠᠨ
ᠭᠠᠢᠬᠠᠮᠰᠢᠭᠲᠤ ᠴᠠᠭᠠᠨ ᠮᠣᠩᠭᠣᠯ ᠭᠡᠷ
ᠭᠠᠯᠪᠠ ᠳᠡᠯᠡᠬᠡᠢ ᠳ᠋ᠤ᠌ ᠬᠣᠣᠰ ᠦᠭᠡᠢ
ᠦᠵᠡᠰᠬᠦᠯᠡᠩᠲᠦ ᠴᠠᠭᠠᠨ ᠮᠣᠩᠭᠣᠯ ᠭᠡᠷ
ᠠᠷᠪᠠᠨ ᠳᠡᠰ ᠤᠨ ᠰᠠᠯᠬᠢᠨ ᠳ᠋ᠤ᠌
ᠬᠥᠳᠡᠯᠦᠰᠢ ᠦᠭᠡᠢ ᠴᠢᠭᠲᠠᠭᠠ ᠲᠠᠢ
ᠠᠭᠠᠳᠠᠷ ᠰᠢᠷᠦᠭᠦᠨ ᠪᠣᠷᠣᠭᠠᠨ ᠳ᠋ᠤ᠌
ᠨᠡᠪᠲᠡᠷᠡᠰᠢ ᠦᠭᠡᠢ ᠪᠦᠷᠢᠶᠡᠰᠦ ᠲᠠᠢ
ᠬᠦᠬᠡᠭᠡ ᠡᠪᠦᠯ ᠤ᠋ᠨ ᠬᠦᠢᠲᠡᠨ ᠳ᠋ᠤ᠌
ᠬᠥᠰᠢᠭᠡ ᠶ᠋ᠢ ᠨᠢ ᠳᠠᠳᠠᠴᠢᠬᠠᠪᠠᠯ ᠳᠤᠯᠠᠭᠠᠬᠠᠨ
ᠲᠤᠩᠭᠠᠯᠠᠭ ᠵᠤᠨ ᠤ᠋ ᠬᠠᠯᠠᠭᠤᠨ ᠳ᠋ᠤ᠌
ᠲᠤᠭᠤᠷᠭᠠ ᠶ᠋ᠢ ᠨᠢ ᠰᠡᠬᠦᠴᠢᠬᠡᠪᠡᠯ ᠰᠡᠷᠢᠭᠦᠬᠡᠨ
ᠴᠢ ᠪᠢᠳᠡᠨ ᠳ᠋ᠤ᠌ ᠵᠠᠶᠠᠭᠠᠭᠰᠠᠨ
ᠢᠷᠥᠭᠡᠯᠲᠦ ᠴᠠᠭᠠᠨ ᠮᠣᠩᠭᠣᠯ ᠭᠡᠷ
ᠴᠡᠩᠭᠡᠯ ᠪᠠᠶᠠᠷ ᠪᠢᠯᠬᠠᠭᠰᠠᠨ
ᠪᠠᠶᠠᠰᠬᠤᠯᠠᠩᠲᠤ ᠴᠠᠭᠠᠨ ᠮᠣᠩᠭᠣᠯ ᠭᠡᠷ
ᠥᠷᠭᠡᠨ ᠴᠠᠭᠠᠨ ᠰᠢᠷᠳᠡᠭ ᠳᠡᠭᠡᠷᠡ ᠨᠢ
ᠥᠩᠭᠡ ᠶ᠋ᠢᠨ ᠬᠡᠪᠢᠰ ᠮᠢᠷᠠᠯᠵᠠᠭᠰᠠᠨ
ᠡᠷᠢᠶᠡᠨ ᠬᠤᠸᠠᠷ ᠲᠠᠢ ᠬᠠᠢᠷᠴᠠᠭ ᠳᠡᠭᠡᠷᠡ ᠨᠢ
ᠡᠭᠡᠰᠢᠭᠲᠦ ᠷᠠᠳᠢᠣ᠋ ᠬᠠᠩᠭᠢᠨᠠᠭᠰᠠᠨ
ᠰᠢᠵᠢᠷ ᠴᠠᠭᠠᠷᠢᠭᠲᠤ ᠭᠠᠩ ᠳ᠋ᠤᠨᠢ
ᠰᠢᠮᠡᠳᠦ ᠠᠢᠷᠠᠭ ᠬᠥᠭᠡᠰᠦᠷᠡᠭᠰᠡᠨ
ᠱ᠌ᠢᠷᠦᠨ ᠤᠯᠠᠭᠠᠨ ᠪᠤᠲᠤᠩ ᠳ᠋ᠦ᠍ᠨᠢ
ᠰᠢᠷᠠ ᠲᠣᠰᠣ ᠪᠢᠯᠬᠠᠷᠠᠭᠰᠠᠨ
ᠴᠡᠭᠡ ᠠᠢᠷᠠᠭ ᠬᠠᠩᠬᠤᠯᠤᠭᠰᠠᠨ
ᠥᠯᠵᠡᠢᠲᠦ ᠴᠠᠭᠠᠨ ᠮᠣᠩᠭᠣᠯ ᠭᠡᠷ
ᠴᠡᠯᠡᠭᠡᠷ ᠲᠠᠯᠠ ᠪᠠᠷ ᠨᠡᠭᠦᠳᠡᠯᠯᠡᠭᠰᠡᠨ
ᠲᠡᠦᠬᠡᠲᠦ ᠴᠠᠭᠠᠨ ᠮᠣᠩᠭᠣᠯ ᠭᠡᠷ
ᠡᠪᠡᠰᠦ ᠤᠰᠤ ᠮᠠᠭᠤᠳᠠᠭᠠᠳ ᠬᠥᠳᠡᠯᠦᠶᠡ ᠭᠡᠪᠡᠯ ᠠᠴᠢᠴᠢᠬᠠᠨᠠ
ᠥᠨᠥ ᠮᠠᠷᠭᠠᠰᠢ ᠬᠡᠵᠢᠶᠡ ᠴᠤ᠌ ᠨᠡᠭᠦᠶᠡ ᠭᠡᠪᠡᠯ ᠨᠡᠭᠦᠴᠢᠬᠡᠨᠡ
ᠰᠢᠮᠡᠳᠦ ᠪᠡᠯᠴᠢᠭᠡᠷ ᠬᠠᠮᠢᠭᠠ ᠪᠤᠯ ᠲᠡᠨᠳᠡ ᠨᠡᠭᠦᠭᠡᠳ ᠪᠠᠭᠤᠴᠢᠬᠠᠨᠠ
ᠰᠢᠨᠡ ᠰᠣᠷᠭᠣᠭ ᠨᠤᠲᠤᠭ ᠲᠤ ᠥᠷᠭᠦᠭᠡ ᠭᠡᠷ ᠢᠶᠠᠨ ᠪᠠᠷᠢᠴᠢᠬᠠᠨᠠ
ᠨᠠᠷᠠᠨ ᠮᠠᠨᠳᠠᠯᠲᠤ ᠠᠭᠤᠯᠠ ᠶ᠋ᠢᠨ ᠢᠶᠠᠨ ᠡᠩᠭᠡᠷ ᠳᠡᠭᠡᠷᠡ ᠨᠢ ᠪᠠᠭᠤᠴᠠ ᠲᠠᠢ
ᠨᠠᠪᠴᠢ ᠴᠡᠴᠡᠭᠲᠦ ᠲᠠᠯᠠ ᠶ᠋ᠢᠨ ᠢᠶᠡᠨ ᠡᠯᠢᠭᠡᠨ ᠳᠡᠭᠡᠷᠡ ᠨᠢ ᠪᠠᠭᠤᠴᠠ ᠲᠠᠢ
ᠪᠣᠯᠣᠷ ᠤᠷᠤᠰᠬᠠᠯᠲᠤ ᠭᠤᠤᠯ ᠤᠨ ᠢᠶᠡᠨ ᠳᠡᠨᠵᠢᠨ ᠳᠡᠭᠡᠷᠡ ᠨᠢ ᠪᠠᠭᠤᠴᠠ ᠲᠠᠢ
ᠳᠠᠶᠠᠩ ᠦᠷᠡᠵᠢᠯᠲᠦ ᠰᠦᠷᠦᠭ ᠤ᠋ᠨ ᠢᠶᠡᠨ ᠪᠡᠯᠴᠢᠭᠡᠷ ᠳᠡᠭᠡᠷᠡ ᠨᠢ ᠪᠠᠭᠤᠴᠠ ᠲᠠᠢ
ᠰᠦᠯᠳᠡ ᠴᠠᠭᠠᠨ ᠬᠡᠢᠮᠣᠷᠢ ᠲᠠᠢ ᠭᠡᠷᠡᠯᠲᠦ ᠴᠠᠭᠠᠨ ᠮᠣᠩᠭᠣᠯ ᠭᠡᠷ
ᠰᠦᠷᠦᠭ ᠮᠠᠯ ᠤᠨ ᠳᠠᠯᠠᠯᠭᠠ ᠲᠠᠢ ᠬᠡᠰᠢᠭᠲᠦ ᠴᠠᠭᠠᠨ ᠮᠣᠩᠭᠣᠯ ᠭᠡᠷ
ᠡᠪᠦᠭᠡᠳ ᠤ᠋ᠨ ᠠᠯᠳᠠᠷ ᠢ᠋ ᠳᠠᠭᠤᠷᠢᠰᠬᠠᠭᠰᠠᠨ
ᠳᠤᠷᠠᠰᠬᠠᠯᠲᠤ ᠴᠠᠭᠠᠨ ᠮᠣᠩᠭᠣᠯ ᠭᠡᠷ
ᠦᠷᠡᠰ ᠨᠢ ᠵᠠᠯᠭᠠᠵᠤ ᠭᠡᠷᠡᠯᠳᠥᠭᠦᠯᠦᠭᠰᠡᠨ
ᠤᠯᠠᠮᠵᠢᠯᠠᠯᠲᠤ ᠴᠠᠭᠠᠨ ᠮᠣᠩᠭᠣᠯ ᠭᠡᠷ
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ ᠄ ᠣᠳᠬᠣᠨᠴᠡᠴᠡᠭ
ᠬᠢᠨᠠᠭᠴᠢ ᠪᠠᠭᠰᠢ ᠄ ᠭᠠᠷᠮᠡ ᠂ ᠪᠠᠶᠠᠷᠴᠡᠴᠡᠭ ᠂ ᠢᠷᠡᠭᠡᠳᠦᠢ
ᠦᠰᠦᠭ ᠬᠠᠳᠠᠭᠰᠠᠨ ᠨᠢ ᠄ ᠣᠳᠬᠣᠨᠴᠡᠴᠡᠭ