ᠠᠮᠢᠲᠠᠨ ᠭᠡᠷᠬᠢᠨ ᠡᠪᠦᠯᠵᠢᠳᠡᠭ ᠪᠤᠢ Амьтан хэрхэн өвөлждөг вэ
308ᠠᠮᠢᠲᠠᠨ ᠭᠡᠷᠬᠢᠨ ᠡᠪᠦᠯᠵᠢᠳᠡᠭ ᠪᠤᠢ
ᠰᠢᠷᠭᠤᠯᠵᠢ ᠭᠡᠷ ᠡᠴᠡ ᠪᠡᠨ ᠭᠠᠷᠤᠭᠠᠳ ᠣᠢ ᠳ᠋ᠤ᠌ ᠶᠠᠪᠤᠵᠤ ᠪᠠᠶ᠋ᠢᠭᠠᠳ ᠱᠠᠭᠠᠵᠠᠭᠠᠢ ᠰᠠᠭᠯᠠᠭᠠᠷ ① ᠮᠣᠲᠣᠨ ᠳᠡᠭᠡᠷᠡ ᠰᠠᠭᠤᠭᠠᠳ 《 ᠱᠠᠭ ᠱᠠᠭ 》 ᠱᠠᠭᠰᠢᠵᠤ ᠪᠠᠶ᠋ᠢᠬᠤ ᠲᠠᠢ ᠲᠠᠭᠠᠷᠠᠯᠲᠤᠯᠠ ᠃ ᠰᠢᠷᠭᠤᠯᠵᠢ ᠄ 《 ᠱᠠᠭᠠᠵᠠᠭᠠᠢ ᠡᠭᠡᠴᠢ ᠡ ! ᠬᠤᠨ ᠂ ᠬᠠᠷᠢᠶᠠᠴᠠᠢ ᠪᠦᠷ ᠬᠠᠮᠢᠬ᠋ᠠ ᠶᠠᠪᠤᠴᠢᠬᠠᠭᠰᠠᠨ ᠪᠤᠢ ? 》 ᠭᠡᠵᠦ ᠠᠰᠠᠭᠤᠪᠠ ᠃
ᠱᠠᠭᠠᠵᠠᠭᠠᠢ ᠄ 《 ᠲᠩᠷᠢ ᠬᠦᠢᠲᠡᠷᠡᠭᠰᠡᠨ ᠲᠤᠯᠠ ᠲᠡᠲᠡ ᠪᠦᠷ ᠡᠮᠦᠨᠡᠲᠦ ᠣᠷᠣᠨ ᠳ᠋ᠤ᠌ ᠡᠪᠦᠯᠵᠢᠬᠦ ᠪᠡᠷ ᠶᠠᠪᠤᠴᠢᠬᠠᠵᠠᠢ ᠃ ᠬᠠᠪᠤᠷ ᠬᠠᠷᠢᠵᠤ ᠢᠷᠡᠨᠡ 》 ᠭᠡᠪᠡ ᠃
《 ᠲᠠ ᠶᠠᠭᠠᠬᠢᠭᠠᠳ ᠶᠠᠪᠤᠭᠰᠠᠨ ᠦᠭᠡᠢ ᠪᠤᠢ ? 》 ᠭᠡᠵᠦ ᠰᠢᠷᠭᠤᠯᠵᠢ ᠤᠬᠤᠴᠢᠯᠠᠨ ᠠᠰᠠᠭᠤᠭᠰᠠᠨ ② ᠳ᠋ᠤ᠌ ᠄
《 ᠪᠢ ᠡᠨᠲᠡ ᠪᠡᠨ ᠡᠪᠦᠯᠵᠢᠨᠡ ᠃ ᠪᠢ ᠲᠡᠲᠡᠨ ᠰᠢᠭ᠌ ᠬᠦᠢᠲᠡᠨ ᠡᠴᠡ ᠠᠶᠤᠲᠠᠭ ᠦᠭᠡᠢ 》 ᠭᠡᠵᠦ ᠱᠠᠭᠠᠵᠠᠭᠠᠢ ᠬᠠᠷᠢᠭᠤᠯᠤᠯᠠ᠃
ᠰᠢᠷᠭᠤᠯᠵᠢ ᠴᠢᠨᠠᠭᠰᠢ ᠶᠠᠪᠤᠭᠠᠳ ᠮᠡᠯᠡᠬᠡᠢ ᠲᠡᠢ ᠤᠴᠠᠷᠠᠪᠠ ᠃
《 ᠮᠡᠯᠡᠬᠡᠢ ᠠᠬᠠ ᠠ᠋ ᠂ ᠲᠠ ᠪᠠᠰᠠ ᠡᠮᠦᠨᠡᠲᠦ ᠣᠷᠣᠨ ᠳ᠋ᠤ᠌ ᠣᠴᠢᠵᠤ ᠡᠪᠦᠯ ᠊ᠢ ᠥᠩᠭᠡᠷᠡᠭᠡᠨᠡ ᠦᠦ ? 》 ᠭᠡᠵᠦ ᠰᠢᠷᠭᠤᠯᠵᠢ ᠰᠠᠨᠠᠭᠠᠰᠢᠷᠠᠨ ᠠᠰᠠᠭᠤᠭᠰᠠᠨ ᠳ᠋ᠤ᠌ ᠮᠡᠯᠡᠬᠡᠢ ᠄
《 ᠪᠢ ᠣᠴᠢᠬᠤ ᠦᠭᠡᠢ ᠃ ᠡᠨᠲᠡ ᠪᠡᠨ ᠡᠪᠦᠯ ᠊ᠢ ᠥᠩᠭᠡᠷᠡᠭᠡᠨᠡ 》 ᠭᠡᠪᠡ ᠃
ᠰᠢᠷᠭᠤᠯᠵᠢ ᠄ 《 ᠲᠠ ᠶᠠᠭᠠᠬᠢᠵᠤ ᠡᠪᠦᠯ ᠊ᠢ ᠥᠩᠭᠡᠷᠡᠭᠡᠬᠦ ᠪᠤᠢ ? 》 ᠭᠡᠰᠡᠨ ᠳ᠋ᠤ᠌ ᠮᠡᠯᠡᠬᠡᠢ ᠄
《 ᠪᠢᠲᠡ ᠡᠪᠦᠯ ᠪᠣᠯᠪᠠᠯ ᠭᠠᠵᠠᠷ ᠳᠣᠣᠷᠠ ᠣᠷᠣᠭᠠᠳ ᠬᠥᠲᠡᠯᠬᠦ ᠦᠭᠡᠢ ᠂ ᠢᠲᠡᠬᠦ ᠦᠭᠡᠢ ᠪᠡᠷ ᠢᠷᠡᠬᠦ ᠬᠠᠪᠤᠷ ᠪᠣᠯᠲᠠᠯᠠ ᠤᠨᠲᠠᠨᠠ ᠃ ᠡᠨᠡ ᠪᠣᠯ ᠪᠢᠲᠡᠨ ᠪ ᠡᠪᠦᠯᠵᠢᠬᠦ ᠠᠷᠬ᠋ᠠ ᠶᠤᠮ ᠃ ᠬᠥᠮᠦᠰ ᠡᠭᠦᠨ ᠊ᠢ ᠢᠴᠡᠭᠡᠯᠡᠨᠡ ᠭᠡᠳᠡᠭ 》 ᠭᠡᠯᠡ ᠃
ᠰᠢᠷᠭᠤᠯᠵᠢ ᠴᠢᠨᠠᠭᠰᠢ ᠶᠠᠪᠤᠭᠠᠳ ᠨᠠᠭᠤᠷ ᠦ᠋ᠨ ᠬᠥᠪᠡᠭᠡᠨ ᠳ᠋ᠤ᠌ ᠤᠰᠤᠨ ᠬᠤᠯᠤᠭᠠᠨᠠ ᠲᠠᠢ ᠠᠭᠤᠯᠵᠠᠪᠠ ᠃ ᠤᠰᠤᠨ ᠬᠤᠯᠤᠭᠠᠨᠠ ᠰᠢᠷᠭᠤᠯᠵᠢ ᠶ᠋ᠢ ᠦᠵᠡᠭᠡᠳ ᠄ 《 ᠰᠢᠷᠭᠤᠯᠵᠢ ᠠ᠋ ! ᠪᠢᠲᠡ ᠭᠠᠵᠠᠷ ᠳᠣᠣᠷᠠ ᠰᠢᠨᠡ ᠭᠡᠷ ᠶ᠋ᠢᠡᠨ ᠵᠠᠰᠠᠴᠢᠬᠠᠭᠰᠠᠨ ᠰᠢᠦ ᠂ ᠣᠷᠣᠵᠤ ᠦᠵᠡᠬᠦ ᠦᠭᠡᠢ ᠦᠦ ? 》 ᠭᠡᠵᠦ ᠤᠷᠢᠪᠠ ᠃ ᠤᠰᠤᠨ ᠬᠤᠯᠤᠭᠠᠨᠠ ᠶ᠋ᠢᠨ ᠰᠢᠨᠡ ᠭᠡᠷ ᠨᠢ ᠭᠠᠵᠠᠷ ᠳᠣᠣᠭᠤᠷ ᠤᠰᠤ ᠤᠷᠤᠭᠤ ᠣᠷᠣᠬᠤ ᠵᠠᠮ ᠲᠠᠢ ᠪᠠᠶ᠋ᠢᠯᠠ ᠃ ᠤᠰᠤᠨ ᠬᠤᠯᠤᠭᠠᠨᠠ ᠡᠨᠡ ᠵᠠᠮ ᠶ᠋ᠢᠠᠷ ᠶ᠋ᠢᠠᠨ ᠤᠰᠤᠨ ᠳ᠋ᠤ᠌ ᠣᠷᠣᠵᠤ ᠵᠢᠭᠠᠰᠤ ᠠᠩᠨᠠᠨ ᠡᠪᠦᠯᠵᠢᠳᠡᠭ ᠪᠠᠶ᠋ᠢᠵᠠᠢ ᠃
ᠤᠰᠤᠨ ᠬᠤᠯᠤᠭᠠᠨᠠ ᠶ᠋ᠢᠨ ᠡᠵᠢ ᠄ 《 ᠠᠮᠢᠲᠠᠨ ᠪᠦᠭᠦᠲᠡᠭᠡᠷ ᠶ᠋ᠢᠡᠨ ᠡᠪᠦᠯᠵᠢᠬᠦ ᠪᠡᠷ ᠪᠠᠵᠠᠭᠠᠵᠤ ③ ᠪᠠᠶ᠋ᠢᠨᠠ ᠃ ᠲᠠᠨ ᠪ ᠬᠢᠨ ᠬᠦᠨᠡᠰᠦ ᠪᠡᠨ ᠭᠦᠢᠴᠡᠳ ᠨᠥᠭᠡᠴᠡᠯᠡᠭᠰᠡᠨ ᠪᠢᠵᠡ ? 》 ᠭᠡᠵᠦ ᠬᠠᠯᠠᠮᠵᠢᠯᠠᠨ ᠠᠰᠠᠭᠤᠪᠠ ᠃
ᠨᠥᠬᠥᠳ ᠨᠢ ᠠᠯᠢ ᠬᠡᠵᠢᠶᠡᠨ ᠪ ᠭᠠᠵᠠᠷ ᠳᠣᠣᠷᠠᠬᠢ ᠭᠡᠷ ᠲᠤ ᠪᠡᠨ ᠮᠠᠰᠢ ᠠᠷᠪᠢᠨ ᠬᠦᠨᠡᠰᠦ ᠪᠡᠯᠡᠳᠬᠡᠭᠰᠡᠨ ᠊ᠢ ᠰᠢᠷᠭᠤᠯᠵᠢ ᠰᠠᠨᠠᠵᠤ ᠣᠯᠤᠭᠠᠳ ᠄ 《 ᠲᠡᠶ᠋ᠢᠮᠦ ᠡ ᠂ ᠮᠠᠨ ᠪ ᠬᠢᠨ ᠪᠦᠷ ᠪᠡᠯᠡᠨ ᠪᠣᠯᠭᠠᠵᠠᠢ ᠃ ᠪᠢ ᠣᠲᠣ ᠭᠡᠷ ᠲᠤ ᠪᠡᠨ ᠬᠠᠷᠢᠵᠤ ᠨᠥᠬᠥᠳ ᠲᠡᠢ ᠪᠡᠨ ᠴᠤᠭ ᠡᠪᠦᠯᠵᠢᠨᠡ 》 ᠭᠡᠳ ᠤᠰᠤᠨ ᠬᠤᠯᠤᠭᠠᠨᠠ ᠲᠠᠢ ᠰᠠᠯᠬᠤ ᠶᠣᠰᠣ ᠬᠢᠪᠡ ᠃
– – – – –
① ᠰᠠᠭᠯᠠᠭᠠᠷ — ᠮᠣᠲᠣᠨ ᠪ ᠨᠠᠪᠴᠢ ᠨᠠᠮᠠᠬ᠋ᠠ ᠂ ᠰᠠᠯᠠᠬ᠋ᠠ ᠮᠥᠴᠢᠷ ᠨᠢ ᠰᠠᠭᠯᠠᠶ᠋ᠢᠵᠤ ᠤᠷᠭᠤᠭᠰᠠᠨ ᠪᠠᠶ᠋ᠢᠲᠠᠯ ᠃
② ᠤᠬᠤᠴᠢᠯᠠᠨ ᠠᠰᠠᠭᠤᠬᠤ — ᠤᠴᠢᠷ ᠶᠠᠪᠤᠲᠠᠯ ᠦ᠋ᠨ ᠦᠨᠲᠦᠰᠦ ᠰᠢᠯᠲᠠᠭᠠᠨ ᠊ᠢ ᠮᠡᠲᠡᠬᠦ ᠭᠡᠵᠦ ᠨᠠᠷᠢᠪᠴᠢᠯᠠᠨ ᠠᠰᠠᠭᠤᠬᠤ ᠃
③ ᠪᠠᠵᠠᠭᠠᠬᠤ — ᠪᠡᠯᠡᠤᠠᠬᠡᠵᠦ ᠲᠥᠬᠥᠭᠡᠷᠬᠦ ᠃
ᠬᠡᠯᠡ ᠪᠢᠴᠢᠭ᠌ ᠦ᠋ᠨ ᠬᠣᠶᠠᠲᠤᠭᠠᠷ ᠣᠨ ( ᠳᠣᠣᠷᠠᠳᠤ )
( 2012 ᠣᠨ ᠪ 11 ᠰᠠᠷᠠ ᠳ᠋ᠤ᠌ ᠠᠩᠬᠠᠲᠤᠭᠠᠷ ᠬᠡᠪ ) ᠡᠴᠡ ᠬᠠᠭᠤᠯᠪᠠ ᠃
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ ᠄ ᠮᠢᠩᠭᠠᠳ ᠂ ᠴᠢᠮᠡᠭ
ᠬᠢᠨᠠᠭᠴᠢ ᠄ ᠲᠦᠮᠡᠳ · ᠠᠵᠠᠲᠦ