ᠡᠪᠡᠰᠦ ᠪᠢ - ᠭᠦᠷᠵᠠᠪ Өвс би - Гүржав
223ᠡᠪᠡᠰᠦ ᠪᠢ
ᠭᠦᠷᠵᠠᠪ
( ᠬᠢᠯᠢ ᠳᠡᠭᠡᠷᠡ ᠬᠡᠪᠲᠡᠵᠦ ᠪᠠᠶ᠋ᠢᠬᠤ ᠳ᠋ᠤ᠌
ᠬᠡᠭᠡᠷᠡ ᠶ᠋ᠢᠨ ᠡᠪᠡᠰᠦ ᠨᠠᠲᠠ ᠢᠩᠭᠢᠵᠦ ᠰᠢᠪᠡᠨᠡᠵᠡᠢ ᠄ )
ᠠᠭᠤᠲᠠᠮ ᠲᠠᠯᠠ ᠶ᠋ᠢᠨ
ᠤᠶᠠᠬᠠᠨ ᠨᠣᠭᠣᠭᠠᠨ ᠵᠢᠰᠦ
ᠤᠯᠠᠷᠢᠬᠤ ᠴᠠᠭ ᠦ᠋ᠨ
ᠭᠣᠶᠣᠬᠠᠨ ᠴᠡᠯᠡᠭᠡᠷ ᠠᠶᠠᠰ
ᠡᠪᠡᠰᠦ ᠪᠢ
ᠥᠩᠭᠡ ᠰᠣᠷᠭᠣᠭ
ᠥᠰᠴᠦ ᠤᠷᠭᠤᠬᠤ
ᠬᠦᠰᠡᠯ ᠪᠦᠷᠢᠨ
ᠮᠠᠯ ᠬᠠᠷᠠ ᠶ᠋ᠢᠨ
ᠮᠢᠷᠠᠯᠵᠠᠮᠠ ᠰᠢᠷᠭᠠᠯ ᠢᠲᠡᠰᠢ
ᠮᠠᠩᠬᠠ ᠵᠣ᠋ ᠶ᠋ᠢᠨ
ᠮᠢᠨᠲᠠᠰᠤᠨ ᠲᠣᠷᠭᠠᠨ ᠳᠡᠪᠡᠯ
ᠡᠪᠡᠰᠦ ᠪᠢ
ᠦᠯ ᠵᠤᠵᠠᠭᠠᠨ
ᠥᠷᠭᠡᠵᠢᠵᠦ ᠦᠷᠡᠵᠢᠬᠦ
ᠦᠷᠡ ᠣᠯᠠᠨ ᠁
ᠣᠲᠣᠷ ᠨᠡᠭᠦᠲᠡᠯ ᠦ᠋ᠨ
ᠣᠨᠴᠠᠯᠠᠵᠤ ᠰᠢᠯᠢᠳᠡᠭ ᠪᠡᠯᠴᠢᠭᠡᠷ
ᠣᠷᠴᠢᠯᠠᠩ ᠶᠢᠷᠲᠢᠨᠴᠦ ᠶ᠋ᠢᠨ
ᠤᠨᠲᠤᠷᠤᠯ ᠳᠡᠭᠵᠢᠷᠡᠯ ᠦ᠋ᠨ ᠡᠬᠢ
ᠡᠪᠡᠰᠦ ᠪᠢ
ᠥᠷᠲᠡᠭ ᠶᠡᠬᠡ
ᠥᠨᠢᠲᠡ ᠦᠨᠲᠦᠰᠦᠯᠡᠬᠦ
ᠡᠭᠦᠷᠭᠡ ᠬᠦᠨᠲᠦ
ᠪᠥᠮᠪᠥᠷᠴᠡᠭ ᠳᠡᠯᠡᠬᠡᠢ ᠶ᠋ᠢ
ᠪᠦᠪᠡᠶ᠋ᠢᠯᠡᠵᠦ ᠬᠠᠶ᠋ᠢᠷᠠᠯᠠᠲᠠᠭ ᠠᠮᠢ
ᠪᠦᠭᠦᠲᠡ ᠣᠯᠠᠨ ᠪ
ᠪᠦᠬᠡᠴᠡᠶ᠋ᠢᠯᠡᠵᠦ ᠬᠠᠮᠠᠭᠠᠯᠠᠲᠠᠭ ᠡᠷᠲᠡᠨᠢ
ᠡᠪᠡᠰᠦ ᠮᠢᠨᠦ
ᠥᠮᠥᠭ ᠴᠢᠩᠬ᠋ᠠ
ᠥᠮᠴᠢᠯᠡᠵᠦ ᠡᠲᠯᠡᠬᠦ ᠨᠢ
ᠴᠢᠨᠦ ᠡᠷᠬᠡ !
ᠢᠷᠡᠯᠲᠡ ᠄
ᠭᠦᠷᠵᠠᠪ ᠦ᠋ᠨ ᠵᠣᠬᠢᠶᠠᠭᠰᠠᠨ《 ᠬᠡᠦᠬᠡᠳ ᠨᠠᠰᠤ ᠰᠠᠶ᠋ᠢᠬᠠᠨ 》 ᠭᠡᠳᠡᠭ ᠨᠣᠮ ᠠ᠋ᠴᠠ ᠬᠠᠭᠤᠯᠤᠨ ᠪᠢᠴᠢᠪᠡ ᠂
ᠥᠪᠥᠷ ᠮᠣᠩᠭᠣᠯ ᠦ᠋ᠨ ᠠᠷᠠᠳ ᠦ᠋ᠨ ᠬᠡᠪᠯᠡᠯ ᠦ᠋ᠨ ᠬᠣᠷᠢᠶᠠ
ᠥᠪᠥᠷ ᠮᠣᠩᠭᠣᠯ ᠦ᠋ᠨ ᠰᠢᠨᠬᠤᠸᠠ ᠪᠢᠴᠢᠭ ᠦ᠋ᠨ ᠳᠡᠯᠭᠡᠭᠦᠷ ᠲᠠᠷᠬᠠᠭᠠᠪᠠ
ᠥᠪᠥᠷ ᠮᠣᠩᠭᠣᠯ ᠦ᠋ᠨ ᠭᠠᠵᠠᠷ ᠠᠭᠤᠷᠬᠠᠢ ᠶ᠋ᠢᠨ ᠬᠡᠪᠯᠡᠬᠦ ᠦᠢᠯᠡᠤᠠᠪᠦᠷᠢ ᠬᠡᠪᠯᠡᠪᠡ
2004 ᠣᠨ ᠪ 9 ᠰᠠᠷᠠ ᠳᠤ ᠠᠩᠬᠠᠲᠤᠭᠠᠷ ᠬᠡᠪ ᠊ᠢ ᠬᠢᠪᠡ
2004 ᠣᠨ ᠪ 9 ᠰᠠᠷᠠ ᠳᠤ ᠠᠩᠬᠠ ᠤᠲᠠᠬ᠋ᠠ ᠬᠡᠪᠯᠡᠪᠡ
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ ᠄ ᠪᠠᠶᠠᠷᠴᠡᠴᠡᠭ
ᠬᠢᠨᠠᠭᠴᠢ ᠄ ᠪᠠᠶᠠᠷᠴᠡᠴᠡᠭ
20230331