ᠠᠬᠠ ᠮᠢᠨᠢ ᠴᠡᠷᠢᠭ - ᠭᠦᠷᠵᠠᠪ Ах минь цэрэг - Гүржав
293ᠠᠬᠠ ᠮᠢᠨᠢ ᠴᠡᠷᠢᠭ
ᠭᠦᠷᠵᠡᠪ
ᠰᠠᠨᠰᠠᠷ ᠶᠡᠬᠡ ᠲᠩᠷᠢ ᠶ᠋ᠢᠨ ᠴᠡᠭᠡᠯ ᠊ᠢ
ᠰᠠᠷᠠᠨ ᠢᠷᠲᠦ ᠰᠡᠯᠡᠮᠡ ᠪᠡᠷ ᠶ᠋ᠢᠡᠨ ᠲᠤᠯᠵᠤ
ᠰᠠᠷᠠᠭᠤᠯ ᠠᠭᠤᠲᠠᠮ ᠬᠢᠯᠢ ᠶ᠋ᠢᠨ ᠶ᠋ᠢᠡᠨ ᠡᠭᠦᠲᠡ ᠶ᠋ᠢ
ᠰᠠᠶ᠋ᠢᠬᠠᠨ ᠴᠠᠶ᠋ᠢᠯᠭᠠᠨ ᠰᠡᠤᠠᠬᠢᠯ ᠶ᠋ᠢᠡᠷ ᠶ᠋ᠢᠡᠨ ᠰᠠᠬᠢᠬᠰᠠᠨ
ᠠᠬᠠ ᠮᠢᠨᠢ ᠴᠡᠷᠢᠭ
ᠳᠤᠷᠠᠰᠴᠤ ᠰᠠᠭᠤᠬᠤ ᠮᠢᠨᠥᠬᠢ ᠪᠡᠨ ᠵᠡᠭᠦᠲᠦ ᠶ᠋ᠢ
ᠳᠠᠭᠤᠯᠠᠵᠤ ᠢᠷᠡᠬᠦ ᠲᠦᠷᠬᠦ ᠪᠡᠷ ᠶ᠋ᠢᠡᠨ ᠪᠠᠶᠠᠰᠬᠠᠵᠤ
ᠳᠤᠯᠠᠶ᠋ᠢᠵᠤ ᠮᠠᠨᠲᠤᠬᠤ ᠦᠦᠷ ᠦ᠋ᠨ ᠶ᠋ᠢᠡᠨ ᠭᠡᠭᠡ ᠶ᠋ᠢ
ᠳᠤᠷᠠᠨᠳᠠᠵᠤ ᠵᠣᠭᠰᠣᠬᠤ ᠰᠦᠷ ᠶ᠋ᠢᠡᠷ ᠶ᠋ᠢᠡᠨ ᠳᠤᠰᠤᠭᠰᠠᠨ
ᠠᠬᠠ ᠮᠢᠨᠢ ᠴᠡᠷᠢᠭ
ᠠᠷᠮᠢ ᠡᠩᠨᠡᠭᠡ ᠨᠥᠬᠥᠳ ᠦ᠋ᠨ ᠶ᠋ᠢᠡᠨ ᠳᠤᠮᠳᠠ
ᠠᠵᠢᠯᠴᠢ ᠰᠢᠯᠤᠭᠤᠨ ᠠᠰᠪᠤᠷᠢ ᠴᠡᠷᠢᠭ
ᠠᠲᠠᠭᠠᠲᠠᠨ ᠲᠦᠷᠢᠮᠡᠬᠡᠢ ᠳᠠᠶ᠋ᠢᠰᠤᠨ ᠪ ᠡᠰᠡᠷᠭᠦ
ᠠᠷᠰᠯᠠᠨ ᠪᠠᠷᠰ — ᠳᠣᠭᠰᠢᠨ ᠴᠡᠷᠢᠭ
ᠠᠬᠠ ᠮᠢᠨᠢ ᠴᠡᠷᠢᠭ
ᠬᠦᠰᠡᠯ ᠮᠥᠷᠥᠭᠡᠲᠦᠯ ᠦᠢᠯᠡᠰ ᠠᠲᠠᠯ ᠳ᠋ᠠᠭᠠᠨ
ᠬᠦᠴᠦ ᠪᠡᠨ ᠲᠦᠷᠡᠯᠵᠡᠭᠦᠯᠦᠨ ᠵᠢᠳᠬᠦᠳᠡᠭ ᠵᠢᠷᠦᠬᠡ
ᠬᠥᠮᠦᠨ ᠪ ᠳᠣᠷᠣᠮᠵᠢᠯᠠᠯ ᠪᠤᠰᠤᠳ ᠦ᠋ᠨ ᠭᠣᠲᠣᠭᠠᠯ ᠳ᠋ᠤ᠌
ᠬᠥᠮᠥᠰᠬᠡ ᠪᠡᠨ ᠵᠠᠩᠭᠢᠲᠤᠨ ᠪᠣᠰᠲᠠᠭ ᠵᠣᠷᠢᠬ
ᠠᠬᠠ ᠮᠢᠨᠢ ᠴᠡᠷᠢᠭ
ᠠᠲᠠᠷ ᠰᠢᠯᠢ ᠶ᠋ᠢᠨ ᠲᠦᠮᠡᠨ ᠴᠡᠴᠡᠭᠡᠰ
ᠠᠬᠠ ᠶ᠋ᠢᠨ ᠮᠢᠨᠢ ᠪᠠᠷᠠ ᠪᠠᠷ ᠠᠮᠤᠭᠤᠯᠠᠩ ᠰᠣᠯᠣᠩᠭᠠᠷᠠᠨᠠ
ᠠᠭᠯᠠᠭ ᠰᠢᠭᠤᠢ ᠶ᠋ᠢᠨ ᠮᠢᠩᠭᠠᠨ ᠰᠢᠪᠠᠭᠤᠳ
ᠠᠬᠠ ᠶ᠋ᠢᠨ ᠮᠢᠨᠢ ᠰᠤᠷᠠᠭ ᠶ᠋ᠢᠠᠷ ᠠᠯᠢᠶᠠᠷᠬᠠᠨ ᠵᠢᠷᠭᠢᠨᠡ
ᠠᠬᠠ ᠮᠢᠨᠢ ᠴᠡᠷᠢᠭ
ᠠᠵᠠ ᠵᠢᠷᠭᠠᠯ ᠡᠷᠬᠡ ᠴᠢᠯᠥᠭᠡ
ᠠᠮᠠᠷᠠᠭ ᠳᠣᠲᠣᠨᠣ ᠠᠬᠠ ᠳ᠋ᠤ᠌ ᠮᠢᠨᠢ ᠶᠣᠰᠣᠯᠠᠨᠠ
ᠠᠮᠤᠷ ᠲᠦᠪᠰᠢᠨ ᠡᠩᠬᠡ ᠲᠠᠶ᠋ᠢᠪᠤᠩ
ᠠᠵᠢᠬᠴᠢ ᠬᠢᠷᠠᠬᠠᠢ ᠠᠬᠠ ᠳ᠋ᠤ᠌ ᠮᠢᠨᠢ ᠲᠠᠯᠠᠷᠬᠠᠨᠠ
ᠠᠬᠠ ᠮᠢᠨᠢ ᠴᠡᠷᠢᠭ᠃
ᠢᠷᠡᠯᠲᠡ ᠄
ᠭᠦᠷᠵᠠᠪ ᠦ᠋ᠨ ᠵᠣᠬᠢᠶᠠᠭᠰᠠᠨ《 ᠬᠡᠦᠬᠡᠳ ᠨᠠᠰᠤ ᠰᠠᠶ᠋ᠢᠬᠠᠨ 》 ᠭᠡᠳᠡᠭ ᠨᠣᠮ ᠠ᠋ᠴᠠ ᠬᠠᠭᠤᠯᠤᠨ ᠪᠢᠴᠢᠪᠡ ᠂
ᠥᠪᠥᠷ ᠮᠣᠩᠭᠣᠯ ᠦ᠋ᠨ ᠠᠷᠠᠳ ᠦ᠋ᠨ ᠬᠡᠪᠯᠡᠯ ᠦ᠋ᠨ ᠬᠣᠷᠢᠶᠠ
ᠥᠪᠥᠷ ᠮᠣᠩᠭᠣᠯ ᠦ᠋ᠨ ᠰᠢᠨᠬᠤᠸᠠ ᠪᠢᠴᠢᠭ ᠦ᠋ᠨ ᠳᠡᠯᠭᠡᠭᠦᠷ ᠲᠠᠷᠬᠠᠭᠠᠪᠠ
ᠥᠪᠥᠷ ᠮᠣᠩᠭᠣᠯ ᠦ᠋ᠨ ᠭᠠᠵᠠᠷ ᠠᠭᠤᠷᠬᠠᠢ ᠶ᠋ᠢᠨ ᠬᠡᠪᠯᠡᠬᠦ ᠦᠢᠯᠡᠤᠠᠪᠦᠷᠢ ᠬᠡᠪᠯᠡᠪᠡ
2004 ᠣᠨ ᠪ 9 ᠰᠠᠷᠠ ᠳᠤ ᠠᠩᠬᠠᠲᠤᠭᠠᠷ ᠬᠡᠪ ᠊ᠢ ᠬᠢᠪᠡ
2004 ᠣᠨ ᠪ 9 ᠰᠠᠷᠠ ᠳᠤ ᠠᠩᠬᠠ ᠤᠲᠠᠬ᠋ᠠ ᠬᠡᠪᠯᠡᠪᠡ
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ ᠄ ᠤᠷᠠᠨᠴᠡᠴᠡᠭ
ᠬᠢᠨᠠᠭᠴᠢ ᠄ ᠪᠠᠶᠠᠷᠴᠡᠴᠡᠭ
2023 ᠣᠨ ᠪ3 ᠰᠠᠷᠠ ᠶ᠋ᠢᠨ 31 ᠪ ᠡᠲᠦᠷ