ᠬᠢᠯᠢ ᠳ᠋ᠦ᠍ ᠮᠠᠨ ᠪ ᠬᠢᠨ ᠵᠤᠰᠠᠲᠠᠭ - ᠭᠦᠷᠵᠠᠪ Хилд манайхан зусдаг - Гүржав
255ᠬᠢᠯᠢ ᠳ᠋ᠦ᠍ ᠮᠠᠨ ᠪ ᠬᠢᠨ ᠵᠤᠰᠠᠲᠠᠭ
ᠭᠦᠷᠵᠠᠪ
ᠬᠢᠯᠢ ᠳ᠋ᠤ᠌ ᠮᠠᠨ ᠪ ᠬᠢᠨ ᠵᠤᠰᠠᠲᠠᠭ
ᠬᠡᠵᠢᠶᠡᠲᠡ ᠪᠡᠨ ᠠᠮᠤᠭᠤᠯᠠᠩ ᠵᠤᠰᠠᠲᠠᠭ ᠁
ᠬᠡᠬᠡᠷᠡ ᠶ᠋ᠢᠨ ᠠᠯᠠᠭ ᠴᠡᠴᠡᠭᠡᠰ ᠦ᠋ᠨ
ᠬᠡᠭᠡᠨᠴᠢᠷ ᠶᠠᠭᠠᠨ
ᠮᠦᠰᠢᠶᠡᠲᠦ ᠲᠡᠢ ᠵᠤᠰᠠᠲᠠᠭ
ᠵᠡᠭᠡᠷᠡ ᠶ᠋ᠢᠨ ᠴᠠᠭᠠᠨ ᠰᠦᠷᠦᠭ ᠦ᠋ᠨ
ᠵᠢᠷᠢᠯᠵᠡᠭᠰᠡᠨ ᠬᠤᠷᠲᠤᠨ
ᠭᠦᠶᠦᠲᠡᠯ ᠲᠡᠢ ᠵᠤᠰᠠᠲᠠᠭ
ᠨᠠᠭᠤᠷ ᠦ᠋ᠨ
ᠨᠤᠲᠤᠭᠴᠢ ᠰᠢᠪᠠᠭᠤᠳ ᠦ᠋ᠨ
ᠨᠤᠷᠭᠢᠬᠰᠠᠨ ᠬᠦᠭ
ᠳᠠᠭᠤᠨ ᠲᠠᠢ ᠵᠤᠰᠠᠲᠠᠭ
ᠨᠠᠶ᠋ᠢᠷ ᠦ᠋ᠨ
ᠨᠠᠷᠭᠢᠶᠠᠨᠴᠢ ᠭᠡᠶ᠋ᠢᠴᠢᠳ ᠦ᠋ᠨ
ᠨᠠᠮᠢᠷᠠᠭᠰᠠᠨ ᠬᠣᠩᠭᠣᠷ
ᠰᠡᠤᠠᠬᠢᠯ ᠲᠡᠢ ᠵᠤᠰᠠᠲᠠᠭ ᠁
ᠬᠢᠯᠢ ᠳ᠋ᠤ᠌ ᠮᠠᠨ ᠪ ᠬᠢᠨ ᠵᠤᠰᠠᠲᠠᠭ
ᠬᠡᠵᠢᠶᠡᠲᠡ ᠪᠡᠨ ᠠᠮᠤᠭᠤᠯᠠᠩ ᠵᠤᠰᠠᠲᠠᠭ !
ᠬᠢᠯᠢ ᠶ᠋ᠢᠨ ᠮᠢᠨᠢ
ᠴᠡᠩᠬᠡᠷ ᠲᠡᠭᠷᠢ ᠶ᠋ᠢ ᠡᠯᠢᠭᠡᠲᠡᠭᠡᠳ
ᠬᠣᠯᠠ ᠶ᠋ᠢᠨ ᠡᠭᠦᠯᠡᠰ ᠬᠣᠷᠭᠣᠲᠠᠲᠠᠭ
ᠰᠢᠯᠢ ᠶ᠋ᠢᠨ ᠮᠢᠨᠢ
ᠰᠢᠮᠡᠯᠢᠭ ᠪᠡᠯᠴᠢᠭᠡᠷ ᠊ᠢ ᠱᠠᠭᠰᠢᠭᠠᠳ
ᠬᠤᠷᠠ ᠶ᠋ᠢᠨ ᠰᠠᠯᠬᠢ ᠲᠣᠭᠲᠠᠲᠠᠭ
ᠰᠦᠷᠦᠭ ᠦ᠋ᠨ ᠶ᠋ᠢᠡᠨ
ᠪᠠᠶᠠᠨ ᠪᠠᠷᠠ ᠶ᠋ᠢ ᠪᠠᠷᠠᠯᠠᠭᠠᠳ
ᠠᠪᠤ ᠶ᠋ᠢᠨ ᠴᠢᠷᠠᠢ ᠪᠠᠶᠠᠰᠲᠠᠭ
ᠰᠢᠯᠦᠭ ᠦ᠋ᠨ ᠶ᠋ᠢᠡᠨ
ᠤᠶᠠᠩᠬ᠋ᠠ ᠡᠭᠡᠰᠢᠭ ᠊ᠢ ᠴᠢᠩᠨᠠᠭᠠᠳ
ᠠᠬᠤᠢ ᠬᠣᠷᠸ᠋ᠠ ᠮᠢᠨᠢ ᠴᠠᠬᠢᠯᠵᠠᠲᠠᠭ
ᠬᠢᠯᠢ ᠳ᠋ᠤ᠌ ᠮᠠᠨ ᠪ ᠬᠢᠨ ᠵᠤᠰᠠᠲᠠᠭ
ᠬᠡᠵᠢᠶᠡᠲᠡ ᠪᠡᠨ ᠠᠮᠤᠭᠤᠯᠠᠩ ᠵᠤᠰᠠᠲᠠᠭ !
ᠢᠷᠡᠯᠲᠡ ᠄
ᠭᠦᠷᠵᠠᠪ ᠦ᠋ᠨ ᠵᠣᠬᠢᠶᠠᠭᠰᠠᠨ《 ᠬᠡᠦᠬᠡᠳ ᠨᠠᠰᠤ ᠰᠠᠶ᠋ᠢᠬᠠᠨ 》 ᠭᠡᠳᠡᠭ ᠨᠣᠮ ᠠ᠋ᠴᠠ ᠬᠠᠭᠤᠯᠤᠨ ᠪᠢᠴᠢᠪᠡ ᠂
ᠥᠪᠥᠷ ᠮᠣᠩᠭᠣᠯ ᠦ᠋ᠨ ᠠᠷᠠᠳ ᠦ᠋ᠨ ᠬᠡᠪᠯᠡᠯ ᠦ᠋ᠨ ᠬᠣᠷᠢᠶᠠ
ᠥᠪᠥᠷ ᠮᠣᠩᠭᠣᠯ ᠦ᠋ᠨ ᠰᠢᠨᠬᠤᠸᠠ ᠪᠢᠴᠢᠭ ᠦ᠋ᠨ ᠳᠡᠯᠭᠡᠭᠦᠷ ᠲᠠᠷᠬᠠᠭᠠᠪᠠ
ᠥᠪᠥᠷ ᠮᠣᠩᠭᠣᠯ ᠦ᠋ᠨ ᠭᠠᠵᠠᠷ ᠠᠭᠤᠷᠬᠠᠢ ᠶ᠋ᠢᠨ ᠬᠡᠪᠯᠡᠬᠦ ᠦᠢᠯᠡᠤᠠᠪᠦᠷᠢ ᠬᠡᠪᠯᠡᠪᠡ
2004 ᠣᠨ ᠪ 9 ᠰᠠᠷᠠ ᠳᠤ ᠠᠩᠬᠠᠲᠤᠭᠠᠷ ᠬᠡᠪ ᠊ᠢ ᠬᠢᠪᠡ
2004 ᠣᠨ ᠪ 9 ᠰᠠᠷᠠ ᠳᠤ ᠠᠩᠬᠠ ᠤᠲᠠᠬ᠋ᠠ ᠬᠡᠪᠯᠡᠪᠡ
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ ᠄ ᠳᠠᠰᠢᠮᠠ
ᠬᠢᠨᠠᠭᠴᠢ ᠄ ᠪᠠᠶᠠᠷᠴᠡᠴᠡᠭ
2023 ᠣᠨ ᠪ3 ᠰᠠᠷᠠ ᠶ᠋ᠢᠨ 31 ᠪ ᠡᠲᠦᠷ