ᠢᠰᠭᠡᠷᠴᠦ ᠶᠠᠪᠤᠬᠤ ᠰᠠᠢᠬᠠᠨ - ᠷᠠᠳᠨᠠᠪᠠᠽᠠᠷ Исгэрч явах сайхан - Раднаабазар ᠰᠢᠯᠦᠭ ᠢᠷᠠᠭᠤ ᠨᠠᠢᠷᠠᠭ

  1. ᠲᠡᠷᠢᠭᠦᠨ ᠨᠢᠭᠤᠷ >
  2. ᠨᠡᠪᠲᠡᠷᠡᠭᠦᠯᠭᠡ >
  3. ᠢᠰᠭᠡᠷᠴᠦ ᠶᠠᠪᠤᠬᠤ ᠰᠠᠢᠬᠠᠨ - ᠷᠠᠳᠨᠠᠪᠠᠽᠠᠷ Исгэрч явах сайхан - Раднаабазар

ᠢᠰᠭᠡᠷᠴᠦ ᠶᠠᠪᠤᠬᠤ ᠰᠠᠢᠬᠠᠨ - ᠷᠠᠳᠨᠠᠪᠠᠽᠠᠷ Исгэрч явах сайхан - Раднаабазар

ᠠᠩᠭᠢᠯᠠᠯ：ᠰᠢᠯᠦᠭ ᠢᠷᠠᠭᠤ ᠨᠠᠢᠷᠠᠭ
2023-04-01

267

ᠢᠰᠭᠡᠷᠴᠦ ᠶᠠᠪᠤᠬᠤ ᠰᠠᠢᠬᠠᠨ

                 
                             ᠷᠠᠳᠨᠠᠪᠠᠽᠠᠷ    

 ᠠᠭᠲᠠ ᠮᠣᠷᠢᠨ ᠳ᠋ᠠᠭᠠᠨ ᠮᠣᠷᠲᠠᠵᠤ 
          ᠢᠰᠬᠡᠷᠴᠦ ᠶᠠᠪᠤᠬᠤ ᠰᠠᠢᠬᠠᠨ 
 ᠠᠮᠠᠷᠠᠭ ᠬᠣᠩᠭᠣᠷ ᠶ᠋ᠢᠠᠨ ᠰᠠᠨᠠᠵᠤ 
          ᠢᠰᠬᠡᠷᠴᠦ ᠶᠠᠪᠤᠬᠤ ᠰᠠᠢᠬᠠᠨ  
 ᠠᠷᠢᠬᠢᠨ  ᠳ᠋ᠦ᠍ ᠰᠣᠭᠲᠣᠭᠰᠠᠨ ᠶ᠋ᠢᠠᠨ ᠪᠣᠲᠣᠵᠤ 
          ᠢᠰᠬᠡᠷᠴᠦ ᠶᠠᠪᠤᠬᠤ ᠰᠠᠶ᠋ᠢᠬᠠᠨ
 ᠠᠯᠢᠶᠠᠷᠬᠠᠵᠤ ᠶᠠᠪᠤᠭᠰᠠᠨ ᠶ᠋ᠢᠠᠨ ᠡᠷᠭᠢᠴᠡᠭᠦᠯᠵᠦ 
          ᠢᠰᠬᠡᠷᠴᠦ ᠶᠠᠪᠤᠬᠤ ᠰᠠᠶ᠋ᠢᠬᠠᠨ

 ᠮᠣᠷᠢᠨ ᠳ᠋ᠠᠭᠠᠨ ᠭᠡᠯᠲᠡᠬᠡᠢ ᠰᠠᠭᠤᠵᠤ  
          ᠢᠰᠬᠡᠷᠴᠦ ᠶᠠᠪᠤᠬᠤ ᠰᠠᠶ᠋ᠢᠬᠠᠨ
 ᠮᠠᠯ ᠶ᠋ᠢᠠᠨ ᠳᠠᠷᠬᠠᠨ ᠪᠡᠯᠴᠢᠭᠦᠯᠵᠦ
          ᠢᠰᠬᠡᠷᠴᠦ ᠶᠠᠪᠤᠬᠤ ᠰᠠᠶ᠋ᠢᠬᠠᠨ
 ᠮᠠᠯᠠᠭᠠᠢ ᠪᠠᠨ ᠬᠠᠵᠠᠭᠠᠢ ᠳᠠᠷᠤᠵᠤ  
          ᠢᠰᠬᠡᠷᠴᠦ ᠶᠠᠪᠤᠬᠤ ᠰᠠᠶ᠋ᠢᠬᠠᠨ 
 ᠮᠢᠯᠠᠬ᠋᠎ᠠ ᠪᠠᠨ ᠬᠥᠨᠲᠡᠯᠡᠨ ᠰᠠᠵᠢᠯᠠᠵᠤ   
          ᠢᠰᠬᠡᠷᠴᠦ ᠶᠠᠪᠤᠬᠤ ᠰᠠᠶ᠋ᠢᠬᠠᠨ

 ᠥᠨᠲᠥᠷ ᠵᠢᠯᠠᠬ᠋᠎ᠠ ᠳᠡᠭᠡᠭᠦᠷ   
          ᠢᠰᠬᠡᠷᠴᠦ ᠶᠠᠪᠤᠬᠤ ᠰᠠᠶ᠋ᠢᠬᠠᠨ                  
 ᠥᠯᠥᠩ ᠡᠪᠡᠰᠦᠨ ᠳᠤᠮᠳᠠᠭᠤᠷ  
          ᠢᠰᠬᠡᠷᠴᠦ ᠶᠠᠪᠤᠬᠤ ᠰᠠᠶ᠋ᠢᠬᠠᠨ
 ᠥᠤᠠᠬᠡᠨ ᠣᠢ ᠶ᠋ᠢᠨ ᠵᠠᠬ᠎ᠠ ᠪᠠᠷ 
           ᠢᠰᠬᠡᠷᠴᠦ ᠶᠠᠪᠤᠬᠤ ᠰᠠᠶ᠋ᠢᠬᠠᠨ
 ᠥᠷᠭᠡᠨ ᠮᠥᠷᠡᠨ ᠪ ᠬᠥᠪᠡᠭᠡ ᠪᠡᠷ    
          ᠢᠰᠬᠡᠷᠴᠦ ᠶᠠᠪᠤᠬᠤ ᠰᠠᠶ᠋ᠢᠬᠠᠨ

 ᠦᠭᠡ ᠶ᠋ᠢ ᠨᠢ ᠮᠠᠷᠲᠠᠭᠰᠠᠨ ᠳᠠᠭᠤᠤ ᠪᠠᠨ  
          ᠢᠰᠬᠡᠷᠴᠦ ᠶᠠᠪᠤᠬᠤ ᠰᠠᠢᠬᠠᠨ
 ᠤᠷᠤᠭᠤᠯ ᠦ᠋ᠨ ᠠᠶ᠎ᠠ ᠪᠠᠷ ᠠᠶᠠᠰᠯᠠᠵᠤ    
          ᠢᠰᠬᠡᠷᠴᠦ ᠶᠠᠪᠤᠬᠤ ᠰᠠᠶ᠋ᠢᠬᠠᠨ
 ᠨᠢᠲᠦᠨ ᠰᠢᠯ ᠵᠡᠭᠦᠭᠡᠳ      
          ᠢᠰᠬᠡᠷᠴᠦ ᠶᠠᠪᠤᠬᠤ ᠰᠠᠶ᠋ᠢᠬᠠᠨ
 ᠨᠢᠭᠤᠴᠠ ᠶᠠᠪᠤᠲᠠᠯ ᠶ᠋ᠢᠠᠨ ᠪᠣᠲᠣᠭᠠᠳ         
          ᠢᠰᠬᠡᠷᠴᠦ ᠶᠠᠪᠤᠬᠤ ᠰᠠᠶ᠋ᠢᠬᠠᠨ

 ᠥᠩᠭᠡᠲᠦ ᠰᠣᠯᠣᠩᠬ᠋᠎ᠠ ᠶ᠋ᠢ ᠰᠣᠨᠢᠷᠬᠠᠵᠤ     
          ᠢᠰᠬᠡᠷᠴᠦ ᠵᠣᠭᠰᠣᠬᠤ ᠰᠠᠶ᠋ᠢᠬᠠᠨ
 ᠦᠨᠡᠭᠡ ᠴᠢᠨᠣ᠎ᠠ ᠶ᠋ᠢ ᠠᠵᠢᠶᠠᠷᠬᠠᠵᠤ      
          ᠢᠰᠬᠡᠷᠴᠦ ᠵᠣᠭᠰᠣᠬᠤ ᠰᠠᠶ᠋ᠢᠬᠠᠨ
 ᠨᠠᠭᠤᠷ ᠦ᠋ᠨ ᠰᠢᠪᠠᠭᠤᠳ ᠊ᠢ ᠰᠡᠭᠦᠲᠡᠷᠯᠡᠵᠦ      
          ᠢᠰᠬᠡᠷᠴᠦ ᠵᠣᠭᠰᠣᠬᠤ ᠰᠠᠶ᠋ᠢᠬᠠᠨ
 ᠨᠠᠭᠠᠰᠢᠯᠠᠬᠤ ᠬᠡᠦᠬᠡᠨ ᠊ᠢ ᠳᠤᠷᠠᠨᠳᠠᠵᠤ       
          ᠢᠰᠬᠡᠷᠴᠦ ᠵᠣᠭᠰᠣᠬᠤ ᠰᠠᠶ᠋ᠢᠬᠠᠨ

 ᠦᠬᠡᠷ ᠮᠠᠯ ᠶ᠋ᠢᠠᠨ ᠤᠰᠤᠯᠠᠵᠤ      
          ᠢᠰᠬᠡᠷᠴᠦ ᠵᠣᠭᠰᠣᠬᠤ ᠰᠠᠶ᠋ᠢᠬᠠᠨ
 ᠦᠷᠢᠶ᠎ᠡ  ᠬᠥᠯᠥᠭ ᠶ᠋ᠢᠡᠨ ᠬᠥᠷᠪᠥᠭᠦᠯᠵᠦ        
          ᠢᠰᠬᠡᠷᠴᠦ ᠵᠣᠭᠰᠣᠬᠤ ᠰᠠᠶ᠋ᠢᠬᠠᠨ
 ᠣᠴᠣᠷᠤᠭᠰᠠᠨ ᠤᠨᠠᠬ᠋᠎ᠠ ᠪᠠᠨ ᠳᠤᠤᠭᠠᠷᠴᠤ      
          ᠢᠰᠬᠡᠷᠴᠦ ᠵᠣᠭᠰᠣᠬᠤ ᠰᠠᠶ᠋ᠢᠬᠠᠨ
 ᠣᠯᠠᠲᠠᠭᠰᠠᠨ ᠨᠣᠬᠠᠢ ᠪᠠᠨ ᠳᠠᠭᠤᠳᠠᠵᠤ        
          ᠢᠰᠬᠡᠷᠴᠦ ᠵᠣᠭᠰᠣᠬᠤ ᠰᠠᠶ᠋ᠢᠬᠠᠨ

 ᠭᠠᠷ ᠤᠲᠠᠰᠤ ᠪᠠᠨ ᠠᠪᠤᠭᠠᠳ        
          ᠢᠰᠬᠡᠷᠴᠦ ᠰᠠᠭᠤᠬᠤ ᠰᠠᠶ᠋ᠢᠬᠠᠨ
 ᠭᠠᠵᠠᠷ ᠳᠡᠭᠡᠷ᠎ᠡ ᠡᠷᠢᠶᠡᠴᠢᠵᠦ       
          ᠢᠰᠬᠡᠷᠴᠦ ᠰᠠᠭᠤᠬᠤ ᠰᠠᠶ᠋ᠢᠬᠠᠨ
 ᠦᠵᠡᠮᠵᠢᠲᠦ ᠨᠤᠲᠤᠭ ᠶ᠋ᠢᠠᠨ ᠬᠠᠷᠠᠭᠠᠳ              
          ᠢᠰᠬᠡᠷᠴᠦ ᠰᠠᠭᠤᠬᠤ ᠰᠠᠶ᠋ᠢᠬᠠᠨ
 ᠥᠭᠡᠳᠡᠷᠬᠡᠭ ᠠᠮᠢᠲᠤᠷᠠᠯ ᠶ᠋ᠢᠠᠨ ᠪᠣᠲᠣᠭᠠᠳ    
          ᠢᠰᠬᠡᠷᠴᠦ ᠰᠠᠭᠤᠬᠤ ᠰᠠᠶ᠋ᠢᠬᠠᠨ

 ᠴᠠᠭᠠᠨ ᠮᠠᠩᠬᠠᠨ  ᠳ᠋ᠦ᠍ ᠲᠠᠩᠭᠠᠶ᠋ᠢᠵᠤ    
          ᠢᠰᠬᠡᠷᠴᠦ ᠬᠡᠪᠲᠡᠬᠦ ᠰᠠᠶ᠋ᠢᠬᠠᠨ
 ᠴᠠᠭᠠᠨ ᠡᠭᠦᠯᠡ ᠶ᠋ᠢ ᠰᠢᠷᠲᠡᠵᠦ      
          ᠢᠰᠬᠡᠷᠴᠦ ᠬᠡᠪᠲᠡᠬᠦ ᠰᠠᠶ᠋ᠢᠬᠠᠨ
 ᠴᠠᠭᠠᠨ ᠨᠢᠰᠬᠡᠯ ᠊ᠢ ᠬᠠᠷᠠᠵᠤ          
          ᠢᠰᠬᠡᠷᠴᠦ ᠬᠡᠪᠲᠡᠬᠦ ᠰᠠᠶ᠋ᠢᠬᠠᠨ
 ᠴᠠᠭᠠᠨ ᠠᠭᠠᠷᠤ ᠶ᠋ᠢ ᠦᠨᠦᠷᠲᠦᠵᠦ          
          ᠢᠰᠬᠡᠷᠴᠦ ᠬᠡᠪᠲᠡᠬᠦ ᠰᠠᠶ᠋ᠢᠬᠠᠨ

 ᠤᠬᠤᠷᠢ ᠬᠣᠷᠣᠬᠠᠢ ᠶ᠋ᠢ ᠪᠤᠯᠠᠵᠤ        
          ᠢᠰᠬᠡᠷᠴᠦ ᠡᠯᠢᠭᠡᠲᠡᠬᠦ ᠰᠠᠶ᠋ᠢᠬᠠᠨ
 ᠣᠭᠣᠲᠣᠨ᠎ᠠ ᠶ᠋ᠢᠨ ᠪᠤᠲᠠᠬ᠋᠎ᠠ ᠶ᠋ᠢ ᠪᠥᠭᠡᠯᠵᠢᠭᠦᠯᠵᠦ   
          ᠢᠰᠬᠡᠷᠴᠦ ᠡᠯᠢᠭᠡᠲᠡᠬᠦ ᠰᠠᠢᠬᠠᠨ
 ᠰᠢᠭᠡᠷᠡᠩ ᠪᠠᠮᠪᠤ ᠶ᠋ᠢ ᠭᠡᠲᠡᠭᠡᠯᠡᠵᠦ      
          ᠢᠰᠬᠡᠷᠴᠦ ᠡᠯᠢᠭᠡᠲᠡᠬᠦ ᠰᠠᠶ᠋ᠢᠬᠠᠨ 
 ᠰᠢᠪᠠᠤᠬᠠᠢ ᠶ᠋ᠢᠨ  ᠳᠡᠭᠳᠡᠭᠡᠯᠡᠢ ᠶ᠋ᠢ ᠬᠣᠷᠢᠵᠤ      
          ᠢᠰᠬᠡᠷᠴᠦ ᠡᠯᠢᠭᠡᠲᠡᠬᠦ ᠰᠠᠶ᠋ᠢᠬᠠᠨ

 ᠡᠴᠢᠭᠡ ᠶ᠋ᠢᠨ ᠵᠢᠭᠠᠪᠤᠷᠢ ᠪᠠᠷ ᠶᠠᠪᠤᠵᠤ       
          ᠢᠰᠬᠡᠷᠴᠦ ᠪᠤᠴᠠᠬᠤ ᠰᠠᠢᠬᠠᠨ
 ᠡᠬᠡ ᠶ᠋ᠢᠨ ᠵᠠᠬᠢᠶ᠎ᠠ ᠪᠠᠷ ᠠᠵᠢᠯᠯᠠᠵᠤ       
          ᠢᠰᠬᠡᠷᠴᠦ ᠪᠤᠴᠠᠬᠤ ᠰᠠᠶ᠋ᠢᠬᠠᠨ
 ᠡᠷᠲᠡᠮ ᠊ᠢ ᠭᠦᠨ ᠰᠤᠷᠴᠤ        
          ᠢᠰᠬᠡᠷᠴᠦ ᠪᠤᠴᠠᠬᠤ ᠰᠠᠶ᠋ᠢᠬᠠᠨ
 ᠡᠳ᠋ ᠊ᠢ ᠦᠯᠡᠮᠵᠢ ᠡᠪᠦᠷᠲᠦᠯᠡᠵᠦ     
          ᠢᠰᠬᠡᠷᠴᠦ ᠪᠤᠴᠠᠬᠤ ᠰᠠᠶ᠋ᠢᠬᠠᠨ

 ᠤᠯᠤᠰ ᠊ᠢ ᠪᠠᠷᠠᠲᠠᠯ᠎ᠠ ᠲᠣᠭᠣᠷᠢᠭᠠᠳ       
          ᠢᠰᠬᠡᠷᠴᠦ ᠪᠤᠴᠠᠬᠤ ᠰᠠᠢᠬᠠᠨ
 ᠦᠵᠡᠮᠵᠢ ᠶ᠋ᠢ ᠬᠠᠨᠲᠠᠯ᠎ᠠ ᠰᠣᠨᠢᠷᠬᠠᠭᠠᠳ    
          ᠢᠰᠬᠡᠷᠴᠦ ᠪᠤᠴᠠᠬᠤ ᠰᠠᠶ᠋ᠢᠬᠠᠨ
 ᠠᠵᠢᠯ ᠦ᠋ᠨ ᠠᠮᠵᠢᠯᠲᠠ ᠳ᠋ᠠᠭᠠᠨ ᠪᠡᠶᠡᠰᠴᠦ           
          ᠢᠰᠬᠡᠷᠴᠦ ᠪᠤᠴᠠᠬᠤ ᠰᠠᠶ᠋ᠢᠬᠠᠨ
 ᠠᠷᠤ ᠭᠡᠷ ᠶ᠋ᠢᠡᠨ ᠰᠠᠨᠠᠵᠤ      
          ᠢᠰᠬᠡᠷᠴᠦ ᠪᠤᠴᠠᠬᠤ ᠰᠠᠶ᠋ᠢᠬᠠᠨ ᠃

                                   2012.4.28

      ᠦᠰᠦᠭ᠋ ᠠᠮᠢᠯᠠᠭᠤᠯᠤᠭᠴᠢ ᠄ ᠪᠠᠶᠠᠨᠰᠡᠷᠡᠩ
        ᠬᠢᠨᠠᠭᠴᠢ ᠪᠠᠭᠰᠢ ᠄ ᠣᠤᠠᠬᠠᠨᠰᠣ᠎ᠠ