ᠮᠣᠲᠣᠴᠢᠨ ᠰᠠᠨᠲᠠᠭ Модчин сандаг
274ᠮᠣᠲᠣᠴᠢᠨ ᠰᠠᠨᠲᠠᠭ
ᠮᠣᠲᠣᠴᠢᠨ ᠰᠠᠨᠲᠠᠭ ᠦ᠋ᠨ ᠲᠡᠷᠭᠡ ᠨᠢ ᠡᠪᠲᠡᠷᠡᠭᠡᠳ ᠪᠣᠯᠬᠤ ᠪᠠᠨ ᠪᠠᠶ᠋ᠢᠵᠠᠢ ᠃ ᠨᠢᠭᠡ ᠡᠲᠦᠷ ᠵᠠᠰᠠᠬᠤ ᠭᠡᠵᠦ ᠣᠷᠣᠯᠲᠣᠵᠠᠢ ᠭᠡᠨᠡ ᠃ ᠡᠬᠢᠯᠡᠭᠡᠳ ᠨᠢᠭᠡ ᠲᠡᠩᠬᠡᠯᠢᠭ ① ᠬᠢᠶᠡ ᠭᠡᠳ ᠪᠦᠲᠦᠨ ᠰᠠᠶ᠋ᠢᠬᠠᠨ ᠳ᠋ᠦ᠋ᠨᠵᠡ ② ᠶ᠋ᠢ ᠴᠠᠪᠴᠢᠵᠤ ᠡᠲᠦᠷᠵᠢᠨ ᠣᠷᠣᠯᠲᠣᠪᠠ ᠭᠡᠨᠡ ᠃ ᠣᠷᠣᠢ ᠪᠣᠯᠲᠠᠯᠠ ᠴᠠᠪᠴᠢᠭᠠᠳ ᠲᠡᠷᠭᠡᠨ ᠲᠡᠩᠬᠡᠯᠢᠭ ᠴᠤ᠌ ᠪᠢᠰᠢ ᠂ ᠶᠠᠭᠤ ᠴᠤ᠌ ᠪᠢᠰᠢ ᠶᠠᠭᠤᠮᠠ ᠪᠣᠯᠭᠠᠵᠠᠢ ᠃
《 ᠵᠠ ᠂ ᠲᠡᠭᠡᠪᠡᠯ ᠡᠨᠡ ᠮᠠᠭᠤ ᠮᠣᠲᠣ ᠪᠠᠷ ᠨᠢᠭᠡ ᠰᠠᠶ᠋ᠢᠬᠠᠨ ᠰᠦᠬᠡᠨ ᠪ ᠡᠰᠢ ᠬᠢᠭᠡᠳ ᠠᠪᠤᠶᠠ 》 ᠭᠡᠵᠦ ᠵᠠᠯᠭᠠᠭᠠᠳ ᠴᠠᠪᠴᠢᠬᠰᠠᠨ ᠭᠡᠨᠡ ᠃ ᠪᠦᠷᠦᠢ ᠪᠣᠯᠬᠤ ᠳ᠋ᠤ᠌ ᠪᠠᠰᠠ ᠶᠠᠭᠤ ᠴᠤ᠌ ᠪᠢᠰᠢ ᠶᠠᠭᠤᠮᠠ ᠪᠣᠯᠵᠠᠢ ᠃ 《 ᠶᠠᠭᠠᠬᠢᠬᠰᠠᠨ ᠠᠶ᠋ᠢᠬᠤᠪᠲᠤᠷ ᠵᠣᠯᠢᠬ ᠪᠤᠢ ? ᠵᠠᠪᠠᠯ ᠨᠢᠭᠡ ᠶᠠᠭᠤᠮᠠ ᠬᠢᠨᠡ ᠳ᠋ᠡ 》 ᠭᠡᠵᠦ ᠪᠣᠲᠣᠭᠠᠳ ᠂ 《 ᠣᠲᠣ ᠨᠢᠭᠡ ᠠᠶᠠᠲᠠᠶ᠋ᠢᠬᠠᠨ ᠡᠭᠡᠷᠡᠭᠦᠯ ③ ᠬᠢᠴᠢᠬᠡᠶᠡ 》 ᠭᠡᠳ ᠵᠠᠯᠭᠠᠭᠠᠳ ᠴᠠᠪᠴᠢᠵᠠᠢ ᠃ ᠭᠡᠪᠡᠴᠦ ᠪᠠᠰᠠ ᠯᠠ ᠣᠯᠢᠬᠲᠠᠢ ᠶᠠᠭᠤᠮᠠ ᠪᠣᠯᠵᠤ ᠴᠢᠲᠠᠭᠰᠠᠨ ᠦᠭᠡᠢ ᠃
ᠲᠡᠭᠡᠲᠡᠯᠡ ᠰᠥᠨᠢ ᠪᠣᠯᠵᠤ ᠶᠠᠭᠤ ᠴᠤ᠌ ᠬᠠᠷᠠᠭᠲᠠᠬᠤ ᠪᠠᠨ ᠪᠣᠯᠢᠵᠠᠢ ᠃ ᠮᠣᠲᠣᠴᠢᠨ ᠰᠠᠨᠲᠠᠭ ᠴᠤ᠌ ᠠᠭᠤᠷ ᠨᠢ ᠬᠦᠷᠴᠦ ᠄ 《 ᠵᠠ ᠂ ᠮᠠᠭᠤ ᠴᠢᠰᠤ ᠶ᠋ᠢ ᠵᠠᠪᠠᠯ ᠨᠢᠭᠡ ᠬᠡᠷᠡᠭ ᠲᠡᠢ ᠶᠠᠭᠤᠮᠠ ᠪᠣᠯᠭᠠᠵᠤ ᠣᠷᠬᠢᠨᠠ ᠳ᠋ᠠ ᠂ ᠶᠡᠷᠦ ᠨᠢ ᠨᠢᠭᠡ ᠰᠠᠶ᠋ᠢᠬᠠᠨ ᠰᠢᠭᠢᠴᠢᠯᠡᠭᠦᠷ ᠬᠢᠴᠢᠬᠡᠶᠡ 》 ᠭᠡᠳ ᠵᠣᠷᠢᠬ ᠰᠢᠢᠤᠠᠴᠦ ᠪᠠᠶ᠋ᠢᠲᠠᠯᠠ ᠂ ᠡᠬᠡᠨᠡᠷ ᠨᠢ ᠄ 《 ᠠ ᠬᠦ᠋ ᠂ ᠰᠠᠨᠲᠠᠭ ᠠ᠋ ! ᠬᠠᠷᠠᠩᠭᠤᠢ ᠪᠣᠯᠤᠯᠠ ᠂ ᠪᠤᠯᠢ ᠳ᠋ᠠ ᠃ ᠴᠢ ᠨᠢᠭᠡ ᠶᠠᠭᠤᠮᠠ ᠬᠢᠬᠦ ᠳ᠋ᠤ᠌ ᠶᠠᠭᠠᠬᠢᠭᠠᠳ ᠢᠩᠭᠢᠵᠦ ᠨᠣᠶ᠋ᠢᠷ ᠬᠣᠭᠣᠯᠠ ᠦᠭᠡᠢ ᠤᠯᠠᠶ᠋ᠢᠵᠤ ④ ᠪᠠᠶ᠋ᠢᠲᠠᠭ ᠶᠤᠮ ᠪᠤᠢ ? ᠬᠣᠭᠣᠯᠠ ᠪᠠᠨ ᠢᠲᠡ 》 ᠭᠡᠵᠦ ᠳᠠᠭᠤᠳᠠᠬᠤ ᠳ᠋ᠤ᠌ ᠨᠢ ᠰᠠᠨᠲᠠᠭ ᠄ 《 ᠶᠠᠮᠠᠷ ᠬᠣᠭᠣᠯᠠ ᠪᠤᠢ ? 》 ᠭᠡᠵᠦ ᠠᠰᠠᠭᠤᠵᠠᠢ ᠃ 《 ᠮᠢᠬᠠ ᠴᠢᠨᠠᠭᠰᠠᠨ 》 ᠭᠡᠬᠦ ᠶ᠋ᠢ ᠰᠣᠨᠣᠰᠤᠭᠠᠳ ᠄ 《 ᠵᠠ ᠂ ᠶᠠᠭᠠᠬᠢᠮᠠᠢ ᠂ ᠰᠢᠲᠦ ᠰᠢᠭᠢᠴᠢᠯᠡᠬᠦ ᠬᠣᠭᠣᠯᠠ ᠬᠢᠭᠰᠡᠨ ᠨᠢ ᠪᠣᠯᠵᠠᠢ ᠳ᠋ᠠ ! 》 ᠭᠡᠵᠦ ᠪᠠᠶᠠᠷᠯᠠᠭᠰᠠᠭᠠᠷ ᠭᠡᠷ ᠲᠤ ᠪᠡᠨ ᠣᠷᠣᠭᠰᠠᠨ ᠭᠡᠨᠡ ᠃
① ᠲᠡᠩᠬᠡᠯᠢᠭ — ᠲᠡᠷᠭᠡᠨ ᠪ ᠬᠣᠶᠠᠷ ᠬᠦᠷᠲᠦ ᠶ᠋ᠢ ᠬᠣᠯᠪᠣᠭᠰᠠᠨ ᠮᠣᠲᠣ ᠃
② ᠳ᠋ᠦ᠋ᠨᠵᠡ — ᠣᠭᠲᠣᠯᠵᠤ ᠵᠠᠰᠠᠭᠰᠠᠨ ᠪᠥᠭᠡᠷᠡᠩᠬᠡᠢ ᠪᠦᠲᠦᠭᠦᠨ ᠮᠣᠲᠣ ᠃
③ ᠡᠭᠡᠷᠡᠭᠦᠯ — ᠬᠥᠪᠥᠩ ᠂ ᠨᠣᠣᠰᠣ ᠂ ᠮᠢᠨᠲᠠᠰᠤ ᠵᠡᠷᠭᠡ ᠶ᠋ᠢ ᠰᠢᠷᠬᠡᠭᠯᠡᠨ ᠡᠷᠴᠢᠯᠡᠵᠦ ᠲᠠᠮᠤᠬᠤ ᠪᠠᠭᠠᠵᠢ ᠃
④ ᠤᠯᠠᠶ᠋ᠢᠵᠤ — ᠰᠢᠨᠤᠵᠤ ᠂ ᠵᠣᠷᠢᠬ ᠰᠢᠢᠤᠠᠴᠦ ᠠᠵᠢᠯᠯᠠᠵᠤ ᠣᠷᠣᠯᠲᠣᠬᠤ ᠃
ᠬᠡᠯᠡ ᠪᠢᠴᠢᠭ ᠦ᠋ᠨ ᠬᠣᠶᠠᠲᠤᠭᠠᠷ ᠣᠨ ( ᠳᠣᠣᠷᠠᠳᠤ )
( 2012 ᠣᠨ ᠪ 11 ᠰᠠᠷᠠ ᠳᠤ ᠠᠩᠬᠠᠲᠤᠭᠠᠷ ᠬᠡᠪ ) ᠡᠴᠡ ᠬᠠᠭᠤᠯᠪᠠ ᠃
ᠠᠮᠢᠯᠠᠭᠤᠯᠤᠭᠰᠠᠨ ᠨᠢ ᠄ ᠮᠢᠩᠭᠠᠳ ᠂ ᠴᠢᠮᠡᠭ
ᠬᠢᠨᠠᠭᠴᠢ ᠄ ᠲᠦᠮᠡᠳ · ᠠᠵᠠᠲᠦ