ᠪᠢ ᠪᠣᠯ ᠲᠠᠯᠠ ᠶ᠋ᠢᠨ ᠮᠠᠯᠴᠢᠨ ᠪ ᠬᠦᠤ – ᠭᠦᠷᠵᠠᠪ Би бол талын малчны хүү – Гүржав
279ᠪᠢ ᠪᠣᠯ ᠲᠠᠯᠠ ᠶ᠋ᠢᠨ ᠮᠠᠯᠴᠢᠨ ᠪ ᠬᠦᠤ
— ᠠᠶ᠋ᠢᠯ ᠦ᠋ᠨ ᠠᠬᠠ ᠶ᠋ᠢᠨ ᠦᠭᠡ
ᠭᠦᠷᠵᠠᠪ
ᠪᠢ ᠪᠣᠯ ᠲᠠᠯᠠ ᠶ᠋ᠢᠨ ᠮᠠᠯᠴᠢᠨ ᠪ ᠬᠦᠤ
ᠪᠡᠯᠴᠢᠭᠡᠷ ᠳᠠᠭᠠᠭᠰᠠᠨ ᠨᠣᠭᠣᠭᠠᠨ ᠵᠤᠰᠠᠭᠠᠯ ᠦ᠋ᠳ
ᠰᠡᠤᠠᠬᠢᠯ ᠰᠡᠷᠭᠦᠭᠡᠬᠦ ᠪᠠᠶᠠᠨ ᠪᠠᠶ᠋ᠢᠭᠠᠯᠢ
ᠪᠢᠷᠠᠭᠤ ᠰᠡᠭᠦᠯᠲᠡᠬᠦ ᠂ ᠴᠢᠯᠠᠭᠤ ᠲᠡᠭᠦᠬᠦ
ᠪᠠᠯᠴᠢᠷ ᠪᠠᠬ᠋ᠠ ᠶ᠋ᠢᠨ ᠮᠢᠨᠢ ᠬᠠᠴᠢᠨ ᠲᠣᠭᠯᠠᠭᠠᠮ
ᠪᠢ ᠪᠣᠯ ᠲᠠᠯᠠ ᠶ᠋ᠢᠨ ᠮᠠᠯᠴᠢᠨ ᠪ ᠬᠦᠦ
ᠲᠠᠯᠠ ᠳ᠋ᠤ᠌ ᠰᠣᠷᠯᠠᠬᠤ ᠡᠪᠡᠰᠦ ᠨᠣᠭᠤᠭᠠᠳ
ᠲᠠᠪᠤᠨ ᠬᠣᠰᠢᠭᠤᠲᠤ ᠶ᠋ᠢᠨ ᠮᠢᠨᠢ ᠲᠡᠵᠢᠭᠡᠯ ᠰᠢᠮᠡ ᠪᠢᠯᠡ
ᠲᠠᠭᠱᠠ ᠳ᠋ᠤ᠌ ᠱᠤᠤᠭᠢᠬᠤ ᠠᠶ᠋ᠢᠷᠠᠭ ᠰᠦ᠋
ᠲᠠᠩᠰᠤᠭ ᠢᠲᠡᠭᠡᠨ ᠪ ᠮᠢᠨᠢ ᠥᠩᠭᠡ ᠳᠡᠭᠡᠵᠢ ᠪᠢᠯᠡ
ᠪᠢ ᠪᠣᠯ ᠲᠠᠯᠠ ᠶ᠋ᠢᠨ ᠮᠠᠯᠴᠢᠨ ᠪ ᠬᠦᠦ ᠁
ᠳᠡᠨᠵᠢ ᠪᠣᠯ ᠮᠢᠨᠦ ᠭᠡᠷ ᠶᠤᠮ
ᠳᠡᠯᠳᠡᠦ ᠪᠣᠯ ᠮᠢᠨᠦ ᠵᠠᠭᠤᠰᠢ ᠶᠤᠮ
ᠲᠡᠷᠡᠰᠦ ᠪᠣᠯ ᠮᠢᠨᠦ ᠳᠡᠷᠡ ᠶᠤᠮ
ᠳᠡᠭᠳᠡᠭᠡᠬᠡᠢ ᠪᠣᠯ ᠮᠢᠨᠦ ᠬᠠᠨᠢ ᠶᠤᠮ
ᠪᠢ ᠪᠣᠯ ᠲᠠᠯᠠ ᠶ᠋ᠢᠨ ᠮᠠᠯᠴᠢᠨ ᠪ ᠬᠦᠦ
ᠤᠷᠬ᠋ᠠ ᠰᠡᠶ᠋ᠢᠭᠡᠭᠦᠯᠦᠨ ᠠᠲᠤᠭᠤ ᠬᠤᠷᠢᠶᠠᠬᠤ
ᠤᠨᠠᠭᠠᠨ ᠨᠠᠰᠤᠨ ᠪ ᠮᠢᠨᠢ ᠪᠠᠬᠠᠲᠤᠯ ᠵᠢᠷᠭᠠᠯ ᠪᠢᠯᠡ
ᠤᠯᠤᠰ ᠦ᠋ᠨ ᠠᠲᠠᠯᠢᠤᠠᠬᠠᠯ ᠳ᠋ᠤ᠌ ᠮᠠᠩᠯᠠᠶ᠋ᠢᠯᠠᠵᠤ ᠬᠣᠰᠢᠭᠤᠷᠠᠬᠤ
ᠤᠬᠠᠭᠠᠨ ᠬᠥᠲᠡᠯᠮᠦᠷᠢ ᠶ᠋ᠢᠨ ᠮᠢᠨᠢ ᠤᠷᠢ ᠬᠦᠰᠡᠯ ᠪᠢᠯᠡ
ᠪᠢ ᠪᠣᠯ ᠲᠠᠯᠠ ᠶ᠋ᠢᠨ ᠮᠠᠯᠴᠢᠨ ᠪ ᠬᠦᠦ
ᠪᠢᠴᠢᠭ᠋ ᠰᠣᠶᠣᠯ ᠂ ᠮᠡᠲᠡᠯᠭᠡ ᠡᠷᠲᠡᠮ
ᠪᠠᠶᠠᠵᠢᠵᠤ ᠪᠣᠰᠬᠤ ᠶ᠋ᠢᠨ ᠮᠢᠨᠢ ᠵᠢᠭᠦᠷ ᠳᠠᠯᠠᠪᠴᠢ ᠪᠢᠯᠡ
ᠪᠤᠰᠤᠳ ᠦ᠋ᠨ ᠲᠤᠷᠰᠢᠯᠬ᠋ᠠ ᠂ ᠥᠪᠡᠷ ᠦ᠋ᠨ ᠮᠡᠷᠡᠶ᠋ᠢᠯᠭᠡ
ᠪᠠᠲᠠᠷᠠᠵᠤ ᠲᠠᠪᠰᠢᠬᠤ ᠶ᠋ᠢᠨ ᠮᠢᠨᠢ ᠬᠥᠪᠴᠢ ᠬᠦᠴᠦᠨ ᠪᠢᠯᠡ
ᠪᠢ ᠪᠣᠯ ᠲᠠᠯᠠ ᠶ᠋ᠢᠨ ᠮᠠᠯᠴᠢᠨ ᠪ ᠬᠦᠦ ᠃
ᠢᠷᠡᠯᠲᠡ ᠄
ᠭᠦᠷᠵᠠᠪ ᠦ᠋ᠨ ᠵᠣᠬᠢᠶᠠᠭᠰᠠᠨ《 ᠬᠡᠦᠬᠡᠳ ᠨᠠᠰᠤ ᠰᠠᠶ᠋ᠢᠬᠠᠨ 》 ᠭᠡᠳᠡᠭ ᠨᠣᠮ ᠠ᠋ᠴᠠ ᠬᠠᠭᠤᠯᠤᠨ ᠪᠢᠴᠢᠪᠡ ᠂
ᠥᠪᠥᠷ ᠮᠣᠩᠭᠣᠯ ᠦ᠋ᠨ ᠠᠷᠠᠳ ᠦ᠋ᠨ ᠬᠡᠪᠯᠡᠯ ᠦ᠋ᠨ ᠬᠣᠷᠢᠶᠠ
ᠥᠪᠥᠷ ᠮᠣᠩᠭᠣᠯ ᠦ᠋ᠨ ᠰᠢᠨᠬᠤᠸᠠ ᠪᠢᠴᠢᠭ ᠦ᠋ᠨ ᠳᠡᠯᠭᠡᠭᠦᠷ ᠲᠠᠷᠬᠠᠭᠠᠪᠠ
ᠥᠪᠥᠷ ᠮᠣᠩᠭᠣᠯ ᠦ᠋ᠨ ᠭᠠᠵᠠᠷ ᠠᠭᠤᠷᠬᠠᠢ ᠶ᠋ᠢᠨ ᠬᠡᠪᠯᠡᠬᠦ ᠦᠢᠯᠡᠤᠠᠪᠦᠷᠢ ᠬᠡᠪᠯᠡᠪᠡ
2004 ᠣᠨ ᠪ 9 ᠰᠠᠷᠠ ᠳᠤ ᠠᠩᠬᠠᠲᠤᠭᠠᠷ ᠬᠡᠪ ᠊ᠢ ᠬᠢᠪᠡ
2004 ᠣᠨ ᠪ 9 ᠰᠠᠷᠠ ᠳᠤ ᠠᠩᠬᠠ ᠤᠲᠠᠬ᠋ᠠ ᠬᠡᠪᠯᠡᠪᠡ
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ ᠄ ᠳᠠᠰᠢᠮᠠ
ᠬᠢᠨᠠᠭᠴᠢ ᠄ ᠪᠠᠶᠠᠷᠴᠡᠴᠡᠭ
2023 ᠣᠨ ᠪ3 ᠰᠠᠷᠠ ᠶ᠋ᠢᠨ 29 ᠪ ᠡᠲᠦᠷ