ᠬᠣᠨᠢ ᠮᠠᠶ᠋ᠢᠯᠠᠲᠠᠭ ᠶᠤᠮ – ᠭᠦᠷᠵᠠᠪ Хонь майлдаг юм – Гүржав
234ᠬᠣᠨᠢ ᠮᠠᠶ᠋ᠢᠯᠠᠲᠠᠭ ᠶᠤᠮ
ᠭᠦᠷᠵᠠᠪ
ᠬᠣᠨᠢ ᠮᠠᠶ᠋ᠢᠯᠠᠲᠠᠭ ᠶᠤᠮ
ᠬᠣᠷᠣᠬ᠋ᠠ ᠪᠠᠨ ᠳᠦᠭᠦᠷᠲᠡᠯᠡ ᠮᠠᠶ᠋ᠢᠯᠠᠲᠠᠭ ᠶᠤᠮ !
ᠬᠣᠲᠣᠭᠣᠲᠣ ᠭᠡᠲᠡᠰᠦ ᠮᠢᠨᠢ ᠥᠯᠦᠰᠴᠢᠬᠡᠯᠡ
ᠬᠣᠭᠣᠯᠠᠢ ᠠᠮᠠ ᠮᠢᠨᠢ ᠬᠠᠲᠠᠴᠢᠬᠠᠯᠠ
ᠬᠣᠨᠣᠭ ᠦ᠋ᠨ ᠬᠡᠪᠲᠡᠯᠭᠡ ᠮᠢᠨᠢ ᠴᠢᠭᠢᠭᠳᠡᠴᠢᠭᠡᠯᠡ
ᠬᠣᠩᠭᠣᠷ ᠦᠷᠡ ᠮᠢᠨᠢ ᠬᠢᠮᠤᠷᠠᠴᠢᠬᠠᠯᠠ
ᠬᠣᠯᠠ ᠶ᠋ᠢᠨ ᠪᠡᠯᠴᠢᠭᠡᠷ ᠲᠡᠭᠡᠨ ᠶᠠᠪᠤᠶᠠ ᠳ᠋ᠠ
ᠬᠣᠭ ᠲᠣᠭᠣᠰᠣ ᠪᠠᠨ ᠭᠦᠪᠢᠶᠡ ᠳ᠋ᠡ
ᠬᠣᠷᠪᠣᠶ᠋ᠢᠬᠰᠠᠨ ᠵᠢᠰᠦ ᠪᠡᠨ ᠥᠩᠭᠡᠯᠡᠶᠡ ᠳ᠋ᠡ ᠡ ᠭᠡᠳ
ᠬᠣᠷᠣᠬ᠋ᠠ ᠪᠠᠨ ᠳᠦᠭᠦᠷᠲᠡᠯᠡ ᠮᠠᠶ᠋ᠢᠯᠠᠲᠠᠭ ᠶᠤᠮ ᠁
ᠬᠣᠨᠢ ᠮᠠᠶ᠋ᠢᠯᠠᠬᠤ ᠳ᠋ᠤ᠌
ᠡᠮᠡᠭᠡ ᠶ᠋ᠢᠨ ᠰᠡᠤᠠᠬᠢᠯ ᠤᠶᠠᠷᠠᠲᠠᠭ ᠶᠤᠮ
ᠬᠣᠶᠠᠷ ᠨᠢᠲᠦᠨ ᠡᠴᠡ ᠪᠡᠨ
ᠨᠢᠯᠪᠤᠰᠤ ᠪᠥᠮᠪᠥᠷᠢᠭᠦᠯᠦᠨ
ᠬᠤᠪᠢ ᠶ᠋ᠢᠨ ᠬᠢᠲᠡᠯ ᠶ᠋ᠢᠡᠨ
ᠬᠢᠵᠦ ᠲᠥᠪᠲᠡᠬᠦ ᠦᠭᠡᠢ ᠪᠣᠯᠲᠠᠯᠠ ᠤᠶᠠᠷᠠᠲᠠᠭ ᠶᠤᠮ !
ᠬᠥᠭᠡᠷᠦᠬᠦᠢ ᠡᠨᠡ ᠠᠮᠢᠲᠠᠳ ᠊ᠢ
ᠬᠣᠷᠢᠭᠠᠳ ᠪᠠᠶ᠋ᠢᠲᠠᠭ ᠨᠢ ᠶᠠᠭᠤ ᠪᠢᠯᠡ ᠳ᠋ᠧ ᠡ ⁈
ᠬᠥᠯ ᠭᠠᠷ ᠊ᠢ ᠨᠢ ᠲᠤᠱᠠᠭᠠᠳ
ᠬᠥᠰᠢᠭᠡᠳ ᠪᠠᠶ᠋ᠢᠲᠠᠭ ᠨᠢ ᠶᠠᠭᠤ ᠪᠢᠯᠡ ᠳ᠋ᠧ ᠡ ⁈
ᠬᠡᠭᠡᠷᠡ ᠰᠢᠯᠢ ᠳ᠋ᠡᠭᠡᠨ ᠶᠠᠪᠤᠭ ᠳ᠋ᠠ
ᠬᠡᠷᠱᠢ ᠱᠠᠭᠠᠭ ᠶ᠋ᠢᠠᠨ ᠢᠳᠡᠭ ᠳ᠋ᠡ
ᠬᠡᠪᠡᠯᠢ ᠰᠠᠪᠠ ᠪᠠᠨ ᠳᠦᠭᠦᠷᠭᠡᠭ ᠳ᠋ᠡ
ᠬᠡᠵᠢᠶᠡᠲᠡ ᠴᠠᠤᠠᠬᠤᠯᠠᠩ ᠪᠠᠶ᠋ᠢᠬ ᠳ᠋ᠠ ᠡ ᠭᠡᠳ
ᠡᠭᠦᠲᠡ ᠬᠠᠰᠢᠯᠬ᠋ᠠ ᠶ᠋ᠢ ᠨᠢ ᠨᠡᠭᠡᠭᠡᠨ
ᠦᠶᠡᠯᠵᠡᠭᠰᠡᠨ ᠪᠡᠯᠴᠢᠭᠡᠷ ᠲᠦ ᠵᠠᠯᠠᠲᠠᠭ ᠶᠤᠮ ᠡ
ᠦᠵᠦᠭᠦᠷ ᠲᠠᠷᠭᠤ ᠠᠪᠤᠭᠠᠳ
ᠦᠷᠡᠵᠢᠬᠦ ᠶ᠋ᠢᠨ ᠶᠡᠬᠡ ᠪᠡᠷ ᠦᠷᠡᠵᠢᠬᠦ ᠶ᠋ᠢ ᠨᠢ
ᠦᠨᠡᠨ ᠭᠣᠣᠯ ᠠ᠋ᠴᠠ ᠪᠠᠨ ᠢᠷᠦᠭᠡᠳᠡᠭ ᠶᠤᠮ ᠡ !
ᠢᠷᠡᠯᠲᠡ ᠄
ᠭᠦᠷᠵᠠᠪ ᠦ᠋ᠨ ᠵᠣᠬᠢᠶᠠᠭᠰᠠᠨ《 ᠬᠡᠦᠬᠡᠳ ᠨᠠᠰᠤ ᠰᠠᠶ᠋ᠢᠬᠠᠨ 》 ᠭᠡᠳᠡᠭ ᠨᠣᠮ ᠠ᠋ᠴᠠ ᠬᠠᠭᠤᠯᠤᠨ ᠪᠢᠴᠢᠪᠡ ᠂
ᠥᠪᠥᠷ ᠮᠣᠩᠭᠣᠯ ᠦ᠋ᠨ ᠠᠷᠠᠳ ᠦ᠋ᠨ ᠬᠡᠪᠯᠡᠯ ᠦ᠋ᠨ ᠬᠣᠷᠢᠶᠠ
ᠥᠪᠥᠷ ᠮᠣᠩᠭᠣᠯ ᠦ᠋ᠨ ᠰᠢᠨᠬᠤᠸᠠ ᠪᠢᠴᠢᠭ ᠦ᠋ᠨ ᠳᠡᠯᠭᠡᠭᠦᠷ ᠲᠠᠷᠬᠠᠭᠠᠪᠠ
ᠥᠪᠥᠷ ᠮᠣᠩᠭᠣᠯ ᠦ᠋ᠨ ᠭᠠᠵᠠᠷ ᠠᠭᠤᠷᠬᠠᠢ ᠶ᠋ᠢᠨ ᠬᠡᠪᠯᠡᠬᠦ ᠦᠢᠯᠡᠤᠠᠪᠦᠷᠢ ᠬᠡᠪᠯᠡᠪᠡ
2004 ᠣᠨ ᠪ 9 ᠰᠠᠷᠠ ᠳᠤ ᠠᠩᠬᠠᠲᠤᠭᠠᠷ ᠬᠡᠪ ᠊ᠢ ᠬᠢᠪᠡ
2004 ᠣᠨ ᠪ 9 ᠰᠠᠷᠠ ᠳᠤ ᠠᠩᠬᠠ ᠤᠲᠠᠬ᠋ᠠ ᠬᠡᠪᠯᠡᠪᠡ
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ ᠄ ᠪᠠᠶᠠᠷᠴᠡᠴᠡᠭ
ᠬᠢᠨᠠᠭᠴᠢ ᠄ ᠪᠠᠶᠠᠷᠴᠡᠴᠡᠭ
20230328