ᠤᠳᠠᠲᠤ ᠶᠢᠨ ᠲᠠᠯᠠ ᠶᠢᠨ ᠰᠠᠯᠬᠢ ᠢᠰᠬᠢᠷᠦᠨᠡ – ᠭᠦᠷᠵᠠᠪ Удатын талын салхи исгэрнэ – Гүржав
343ᠤᠳᠠᠲᠤ ᠶᠢᠨ ᠲᠠᠯᠠ ᠶᠢᠨ ᠰᠠᠯᠬᠢ ᠢᠰᠬᠢᠷᠦᠨᠡ
ᠭᠦᠷᠵᠡᠪ
ᠣᠲᠠᠲᠤ ᠶ᠋ᠢᠨ ᠲᠠᠯᠠ ᠶ᠋ᠢᠨ ᠰᠠᠯᠬᠢ
ᠤᠶᠠᠬᠠᠨ ᠢᠰᠬᠡᠷᠦᠨᠡ
ᠤᠯᠠᠪᠢᠷ ᠬᠠᠴᠠᠷ ᠊ᠢ ᠮᠢᠨᠢ ᠢᠯᠪᠢᠨ
ᠤᠰᠬᠠᠯ ᠨᠢᠲᠦ ᠶ᠋ᠢ ᠮᠢᠨᠢ ᠲᠠᠭᠠᠯᠠᠨ
ᠤᠶᠠᠬᠠᠨ ᠢᠰᠬᠡᠷᠦᠨᠡ
ᠤᠬᠠᠭᠠᠨ ᠰᠠᠨᠠᠬ᠋ᠠ ᠶ᠋ᠢ ᠮᠢᠨᠢ ᠠᠭᠤᠵᠢᠷᠠᠭᠤᠯᠤᠨ
ᠤᠷᠮᠠᠰ ᠴᠣᠭ ᠊ᠢ ᠮᠢᠨᠢ ᠰᠡᠷᠭᠦᠭᠡᠨ
ᠤᠶᠠᠬᠠᠨ ᠢᠰᠬᠡᠷᠦᠨᠡ ᠁
ᠤᠶᠠᠬᠠᠨ ᠢᠰᠬᠡᠷᠬᠦ
ᠤᠲᠠᠲᠤ ᠶ᠋ᠢᠨ ᠲᠠᠯᠠ ᠶ᠋ᠢᠨ ᠰᠠᠯᠬᠢ ᠶ᠋ᠢ ᠲᠡᠪᠡᠷᠢᠭᠡᠳ
ᠠᠭᠤᠯᠠ ᠶ᠋ᠢᠨ ᠣᠷᠣᠢ ᠳᠡᠭᠡᠷᠡ
ᠭᠠᠭᠴᠠᠬᠠᠨ ᠭᠦᠶᠦᠭᠡᠳ ᠭᠠᠷᠴᠢᠬᠠᠶᠠ ᠭᠡᠵᠦ
ᠪᠢ ᠪᠣᠲᠣᠨᠠ —
ᠠᠭᠤᠯᠠ ᠶ᠋ᠢᠨ ᠣᠷᠣᠢ ᠳᠡᠭᠡᠷᠡ
ᠭᠠᠭᠴᠠᠬᠠᠨ ᠬᠦᠷᠴᠦ ᠭᠠᠷᠴᠢᠬᠠᠭᠠᠳ
ᠤᠲᠠᠲᠠᠯᠠ ᠨᠢᠭᠡ ᠲᠣᠭᠲᠣᠯᠵᠤ ᠬᠡᠶ᠋ᠢᠰᠴᠦ
ᠵᠣᠭᠰᠣᠶᠠ ᠭᠡᠵᠦ ᠪᠣᠲᠣᠨᠠ
ᠤᠷᠤᠭᠤ ᠨᠢ ᠲᠡᠭᠡᠭᠡᠳ
ᠤᠷᠪᠠᠲᠠᠯᠠ ᠪᠠᠨ ᠬᠥᠷᠪᠡᠲᠡᠯᠡ ᠪᠡᠨ
ᠪᠦᠮᠪᠦᠷᠢᠭᠡᠳ ᠪᠠᠭᠤᠶᠠ ᠭᠡᠵᠦ ᠴᠤ᠌ ᠪᠣᠲᠣᠨᠠ
ᠤᠰᠤᠨ ᠪ ᠬᠥᠪᠡᠭᠡ ᠳᠠᠭᠠᠵᠤ
ᠬᠠᠨᠲᠠᠯᠠ ᠂ ᠮᠣᠬᠣᠲᠠᠯᠠ
ᠭᠦᠶᠦᠶᠡ ᠭᠡᠵᠦ ᠪᠣᠲᠣᠨᠠ
ᠤᠷᠤᠰᠬᠠᠯ ᠦ᠋ᠨ ᠬᠢᠨᠢ ᠳᠡᠭᠡᠷᠡ ᠬᠡᠪᠲᠡᠴᠢᠬᠡᠭᠡᠳ
ᠬᠠᠭᠠᠷᠠᠲᠠᠯᠠ ᠂ ᠪᠤᠲᠠᠷᠠᠲᠠᠯᠠ
ᠲᠣᠭᠯᠠᠶᠠ ᠭᠡᠵᠦ ᠴᠦ᠍ ᠪᠣᠲᠣᠨᠠ
ᠤᠷᠭᠤᠵᠤ ᠪᠠᠶ᠋ᠢᠬ᠋ᠠ ᠴᠡᠴᠡᠭ ᠲᠠᠭᠠᠷᠠᠪᠠᠯ
ᠲᠠᠯᠪᠢ ᠶ᠋ᠢᠨ ᠬᠢᠨᠢ ᠳᠡᠭᠡᠷᠡ
ᠰᠠᠭᠤᠭᠠᠳ ᠨᠢᠭᠡ ᠭᠠᠷᠤᠶᠠ ᠭᠡᠵᠦ ᠪᠣᠲᠣᠨᠠ
ᠤᠨᠲᠠᠵᠤ ᠪᠠᠶ᠋ᠢᠬ᠋ᠠ ᠪᠣᠯᠵᠣᠮᠣᠷ ᠲᠣᠬᠢᠶᠠᠯᠲᠤᠪᠠᠯ
ᠳᠡᠷᠭᠡᠳᠡᠭᠦᠷ ᠨᠢ ᠰᠡᠮᠡᠭᠡᠷᠬᠡᠨ
ᠥᠩᠭᠡᠷᠡᠶᠡ ᠭᠡᠵᠦ ᠴᠦ᠍ ᠪᠣᠲᠣᠨᠠ ᠁
ᠤᠲᠠᠲᠤ ᠶ᠋ᠢᠨ ᠲᠠᠯᠠ ᠶ᠋ᠢᠨ ᠰᠠᠯᠬᠢ
ᠤᠶᠠᠬᠠᠨ ᠢᠰᠬᠡᠷᠦᠨᠡ ᠃
ᠢᠷᠡᠯᠲᠡ ᠄
ᠭᠦᠷᠵᠠᠪ ᠦ᠋ᠨ ᠵᠣᠬᠢᠶᠠᠭᠰᠠᠨ《 ᠬᠡᠦᠬᠡᠳ ᠨᠠᠰᠤ ᠰᠠᠶ᠋ᠢᠬᠠᠨ 》 ᠭᠡᠳᠡᠭ ᠨᠣᠮ ᠠ᠋ᠴᠠ ᠬᠠᠭᠤᠯᠤᠨ ᠪᠢᠴᠢᠪᠡ ᠂
ᠥᠪᠥᠷ ᠮᠣᠩᠭᠣᠯ ᠦ᠋ᠨ ᠠᠷᠠᠳ ᠦ᠋ᠨ ᠬᠡᠪᠯᠡᠯ ᠦ᠋ᠨ ᠬᠣᠷᠢᠶᠠ
ᠥᠪᠥᠷ ᠮᠣᠩᠭᠣᠯ ᠦ᠋ᠨ ᠰᠢᠨᠬᠤᠸᠠ ᠪᠢᠴᠢᠭ ᠦ᠋ᠨ ᠳᠡᠯᠭᠡᠭᠦᠷ ᠲᠠᠷᠬᠠᠭᠠᠪᠠ
ᠥᠪᠥᠷ ᠮᠣᠩᠭᠣᠯ ᠦ᠋ᠨ ᠭᠠᠵᠠᠷ ᠠᠭᠤᠷᠬᠠᠢ ᠶ᠋ᠢᠨ ᠬᠡᠪᠯᠡᠬᠦ ᠦᠢᠯᠡᠤᠠᠪᠦᠷᠢ ᠬᠡᠪᠯᠡᠪᠡ
2004 ᠣᠨ ᠪ 9 ᠰᠠᠷᠠ ᠳᠤ ᠠᠩᠬᠠᠲᠤᠭᠠᠷ ᠬᠡᠪ ᠊ᠢ ᠬᠢᠪᠡ
2004 ᠣᠨ ᠪ 9 ᠰᠠᠷᠠ ᠳᠤ ᠠᠩᠬᠠ ᠤᠲᠠᠬ᠋ᠠ ᠬᠡᠪᠯᠡᠪᠡ
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ ᠄ ᠤᠷᠠᠨᠴᠡᠴᠡᠭ
ᠬᠢᠨᠠᠭᠴᠢ ᠄ ᠪᠠᠶᠠᠷᠴᠡᠴᠡᠭ
2023 ᠣᠨ ᠪ3 ᠰᠠᠷᠠ ᠶ᠋ᠢᠨ 28 ᠪ ᠡᠲᠦᠷ