ᠪᠢ ᠡᠮᠡᠭᠡ ᠶ᠋ᠢᠨ ᠬᠡᠦᠬᠡᠳ- ᠠᠯᠢᠮᠠБи эмгийн хүүхэд-алим
519ᠪᠢ ᠡᠮᠡᠭᠡ ᠶ᠋ᠢᠨ ᠬᠡᠦᠬᠡᠳ
ᠰᠢᠯᠦᠭ ᠄ ᠭᠠᠩᠪᠠᠭᠠᠲᠤᠷ ᠤ᠋ᠨ ᠨᠠᠨᠲᠢᠨᠪᠢᠯᠢᠭ᠌
ᠤᠶᠠᠩᠭᠠᠯᠠᠭᠴᠢ ᠄ ᠠᠯᠢᠮᠠ
ᠪᠢ ᠡᠮᠡᠭᠡ ᠶ᠋ᠢᠨ ᠬᠡᠦᠬᠡᠳ
ᠪᠡᠶᠡ ᠡᠴᠡ ᠪᠡᠨ ᠰᠠᠨᠠᠭᠠ ᠨᠢ ᠲᠦᠷᠦᠭᠦᠯᠡᠵᠦ ᠥᠰᠦᠭᠰᠡᠨ
ᠪᠠᠯ ᠠ᠋ᠴᠠ ᠨᠢ ᠠᠭᠤᠯᠠ ᠶ᠋ᠢᠨ ᠣᠷᠭᠢᠯ ᠊ᠢ ᠬᠠᠷᠠᠵᠤ ᠰᠤᠷᠤᠭᠰᠠᠨ
ᠪᠢ ᠡᠮᠡᠭᠡ ᠶ᠋ᠢᠨ ᠬᠡᠦᠬᠡᠳ
ᠨᠠᠷᠠ ᠬᠠᠨᠠ ᠶ᠋ᠢᠨ ᠲᠣᠯᠣᠭᠠᠢ ᠰᠢᠭᠦᠷᠡᠲᠡᠯᠡ ᠤᠨᠲᠠᠭᠠᠳ
ᠨᠠᠭᠠᠲᠤᠭᠠᠢ ᠶ᠋ᠢᠨ ᠴᠢᠮᠡᠭᠡᠨ ᠢ᠋ᠶ᠋ᠡᠷ ᠰᠠᠶᠢ ᠯᠠ ᠰᠡᠷᠡᠳᠡᠭ ᠰᠠᠨ ᠃
ᠤᠨᠢᠨ ᠠ᠋ᠴᠠ ᠵᠡᠭᠦᠭᠰᠡᠨ ᠨᠠᠮᠬᠠᠨ ᠠᠨᠳᠠᠷᠠ ᠳᠡᠭᠡᠷᠡ
ᠦᠨᠳᠦᠰᠦᠨ ᠠᠶᠠᠭᠠ ᠲᠠᠢ ᠵᠥᠭᠡᠬᠡᠢ ᠪᠠᠶ᠋ᠢᠲᠠᠭ ᠰᠠᠨ ᠃
ᠭᠡᠷ ᠦ᠋ᠨ ᠪᠦᠰᠡᠯᠡᠭᠦᠷ ᠲᠦ᠍ ᠵᠡᠭᠦᠭᠳᠡᠨ ᠡᠷᠬᠡᠯᠡᠵᠦ
ᠦᠨᠢᠶᠡᠨ ᠵᠠᠯᠠᠨ ᠠ᠋ᠴᠠ ᠡᠮᠡᠭᠡ ᠪᠡᠨ ᠬᠦᠯᠢᠶᠡᠳᠡᠭ ᠰᠠᠨ ᠃
ᠠᠪᠤ ᠡᠵᠢ ᠪᠡᠨ ᠰᠠᠨᠠᠬᠤ ᠶ᠋ᠢᠨ ᠵᠦᠩ ᠢ᠋ᠶ᠋ᠡᠷ
ᠠᠯᠠᠭ ᠱᠠᠭᠠᠵᠠᠭᠠᠢ ᠶ᠋ᠢᠨ ᠬᠡᠯᠡ ᠶ᠋ᠢ ᠠᠷᠭᠠᠳᠠᠳᠠᠭ ᠰᠠᠨ ᠃
ᠠᠮᠠᠨ ᠤ᠋ ᠤᠰᠤ ᠳᠥᠭᠥᠭᠦᠯᠬᠦ ᠪᠡᠷ ᠦᠳᠡ ᠪᠡᠷ ᠭᠠᠷᠤᠭᠠᠳ
ᠠᠶ᠋ᠢᠯ ᠭᠡᠷ ᠥᠷᠥᠵᠦ
ᠪᠤᠯᠠᠭ ᠳᠡᠭᠡᠷᠡ ᠥᠨᠵᠢᠳᠡᠭ ᠰᠠᠨ ᠃
ᠪᠦᠲᠦᠨ ᠡᠳᠦᠷ ᠨᠠᠷᠠ ᠠᠮᠲᠠᠯᠠᠭᠰᠠᠨ ᠤᠰᠤ
ᠪᠣᠷᠲᠣᠭᠣᠨ ᠳᠣᠲᠣᠷᠠ ᠪᠠᠨ ᠪᠦᠯᠢᠶᠡᠬᠡᠨ ᠪᠠᠶ᠋ᠢᠲᠠᠭ ᠰᠠᠨ ᠃
ᠪᠦᠷᠦᠩᠬᠦᠢ ᠶ᠋ᠢᠨ ᠡᠮᠦᠨᠡ ᠦᠨᠢᠶᠡ ᠲᠤᠭᠤᠯ ᠪᠣᠯᠤᠯᠴᠠᠬᠤ ᠳ᠋ᠤ᠌
ᠪᠣᠨᠲᠣᠭᠣᠷ ᠬᠣᠳᠣᠭᠣᠳᠣ ᠲᠠᠷᠠᠭ ᠢ᠋ᠶ᠋ᠠᠨ ᠰᠠᠨᠠᠭᠰᠠᠨ ᠪᠠᠶ᠋ᠢᠲᠠᠭ ᠰᠠᠨ ᠃
《 ᠨᠣᠬᠠᠢ ᠬᠠᠬᠠᠯᠠ 》 ᠭᠡᠬᠦ ᠡᠮᠡᠭᠡ ᠶ᠋ᠢᠨ ᠳᠠᠭᠤᠨ ᠢ᠋ᠶ᠋ᠠᠷ
ᠨᠣᠶ᠋ᠢᠲᠠᠨ ᠪᠣᠷᠪᠢ ᠪᠠᠯᠭᠤᠬᠠᠨ ᠤᠰᠤ ᠲᠠᠢ ᠳᠡᠭᠳᠡᠵᠦ ᠬᠠᠷᠢᠳᠠᠭ ᠰᠠᠨ ᠃
ᠠᠶ᠋ᠢᠷᠠᠭ ᠪᠦᠯᠢᠬᠦ ᠣᠷᠣᠢ ᠶ᠋ᠢᠨ ᠠᠵᠢᠯ ᠡᠮᠬᠢᠷᠡᠬᠦ ᠳ᠋ᠦ᠍
ᠠᠶ᠋ᠢᠯ ᠤ᠋ᠨ ᠥᠪᠡᠷ ᠦ᠋ᠨ ᠡᠮᠡᠭᠡ ᠳ᠋ᠦ᠍ ᠮᠠᠭᠲᠠᠭᠤᠯᠬᠤ ᠰᠠᠶ᠋ᠢᠬᠠᠨ ᠰᠠᠨ ᠃
ᠠᠮᠠ ᠴᠠᠭᠠᠨ ᠬᠤᠯᠤᠭᠠᠨᠠ ᠶ᠋ᠢᠨ ᠳᠠᠭᠠᠭᠠᠵᠤ ᠶᠠᠳᠠᠨ ᠠᠪᠴᠢᠷᠠᠬᠤ
ᠠᠯᠲᠠᠨ ᠳᠣᠩᠪᠣ ᠲᠠᠢ ᠰᠦ ᠶ᠋ᠢ
ᠠᠮᠲᠠᠷᠬᠠᠨ ᠵᠡᠭᠦᠳᠦᠯᠡᠵᠦ ᠬᠣᠨᠣᠳᠠᠭ ᠰᠠᠨ ᠃
ᠪᠢ ᠡᠮᠡᠭᠡ ᠶ᠋ᠢᠨ ᠬᠡᠦᠬᠡᠳ
ᠦᠰᠦᠭ ᠠᠮᠢᠯᠠᠭᠤᠯᠤᠭᠰᠠᠨ ᠨᠢ ᠄ ᠰᠡᠷᠭᠦᠯᠡᠩ
ᠬᠢᠨᠠᠭᠴᠢ ᠪᠠᠭᠰᠢ ᠄ ᠠᠯᠲᠠᠨ ᠠᠭᠤᠯᠠ ᠂ ᠾᠦᠩ ᠸᠧᠢ ᠂ ᠮᠠᠨᠲᠠᠷᠸ᠋ᠠ ᠂ ᠭᠠᠷᠮᠠ ᠂ ᠬᠠᠲᠠᠨᠪᠠᠭᠠᠲᠤᠷ