ᠬᠤᠪᠢᠷᠠᠯ - ᠬᠣᠨᠳᠣᠨ ᠪᠠᠭᠠᠲᠤᠷХувирал-хондон баатар
371ᠬᠤᠪᠢᠷᠠᠯ
ᠬᠣᠨᠳᠣᠨ ᠪᠠᠭᠠᠲᠤᠷ
ᠡᠪᠦᠯ ᠦ᠋ᠨ ᠳᠤᠮᠳᠠ ᠰᠠᠷᠠ ᠶ᠋ᠢᠨ ᠡᠬᠢᠨ ᠦ᠌ ᠨᠢᠭᠡ ᠡᠳᠦᠷ ᠪᠠᠷᠬᠡ ᠶ᠋ᠢᠨ ᠬᠠᠯᠲᠠᠷ ᠭᠢᠴᠢᠢ ᠭᠥᠯᠥᠭᠡᠯᠡᠪᠡ
᠃
ᠬᠥᠳᠡᠭᠡ ᠠᠶ᠋ᠢᠯ ᠢ᠋ᠶ᠋ᠠᠷ ᠬᠣᠪᠣᠷ ᠪᠣᠯᠤᠭᠰᠠᠨ
ᠨᠤᠲᠤᠭ ᠤ᠋ᠨ ᠪᠠᠩᠬᠠᠷ ᠭᠡᠭᠴᠢ ᠳᠥᠷᠪᠡᠨ ᠨᠢᠳᠦᠲᠡᠢ ᠬᠠᠯᠲᠠᠷ ᠨᠣᠬᠠᠢ ᠬᠣᠯᠠ ᠣᠶ᠋ᠢᠷᠠ ᠶ᠋ᠢᠨ ᠬᠥᠮᠦᠰ ᠦ᠋ᠨ ᠨᠢᠳᠦᠨ ᠦ᠌
ᠬᠣᠷᠣᠬᠠᠢ ᠪᠣᠯᠵᠤ 《
ᠭᠥᠯᠥᠭᠡ ᠠᠪᠤᠶᠠ 》ᠭᠡᠳᠡᠭ ᠬᠥᠮᠦᠰ ᠪᠠᠩᠬᠠᠷ ᠲᠠᠢ
ᠠᠶ᠋ᠢᠯ ᠠ᠋ᠴᠠ 《
ᠨᠠᠳᠠ ᠨᠢᠭᠡ ᠦᠯᠡᠳᠡᠭᠡᠵᠦ ᠥᠭ ᠂ ᠪᠢᠲᠡᠭᠡᠢ ᠮᠠᠷᠲᠠᠴᠢᠬᠠ ᠳᠠ 》 ᠭᠡᠵᠦ ᠦᠢᠯᠡ ᠶ᠋ᠢ ᠨᠢ ᠦᠵᠡᠬᠦ ᠪᠣᠯᠤᠭᠰᠠᠨ ᠊ᠢ ᠶᠠᠭᠠᠬᠢᠯᠲᠠᠢ ᠃ᠪᠠᠷᠬᠡ ᠶ᠋ᠢᠨ
ᠭᠢᠴᠢᠢ ᠵᠢᠷᠭᠤᠭᠠᠨ ᠬᠠᠯᠲᠠᠷ ᠭᠥᠯᠥᠭᠡ ᠭᠥᠯᠥᠭᠡᠯᠡᠭᠰᠡᠨ ᠪᠥᠭᠡᠳ ᠠᠷᠪᠠᠨ ᠳᠥᠷᠪᠡ ᠬᠣᠨᠣᠭ ᠲᠤ᠌ ᠪᠠᠨ ᠨᠢᠳᠦ ᠪᠡᠨ
ᠨᠡᠭᠡᠭᠡᠵᠦ ᠬᠣᠷᠢᠨ ᠨᠢᠭᠡ ᠬᠣᠨᠣᠭ ᠲᠤ᠌ ᠪᠠᠨ ᠢᠳᠡᠰᠢᠨ ᠳ᠋ᠦ᠍ ᠣᠷᠣᠪᠠ ᠃ ᠪᠠᠷᠬᠡ ᠴᠦ᠍ ᠡᠳᠡᠭᠡᠷ ᠭᠥᠯᠥᠭᠡ ᠪᠡᠨ
ᠬᠡᠨ ᠬᠡᠨ ᠳ᠋ᠦ᠍ ᠥᠭᠬᠦ ᠪᠡᠨ ᠳᠣᠲᠣᠷᠠ ᠪᠠᠨ ᠲᠣᠭᠠᠴᠠᠭᠠᠯᠠᠵᠤ
ᠬᠡᠳᠦ ᠬᠣᠨᠣᠪᠠ ᠃ ᠭᠡᠪᠡᠴᠦ ᠠᠪᠤᠶᠠ ᠭᠡᠰᠡᠨ ᠬᠥᠮᠦᠨ ᠨᠢ ᠣᠯᠠᠨ ᠂ ᠭᠥᠯᠥᠭᠡ ᠨᠢ ᠲᠣᠭᠠᠲᠠᠢ ᠪᠣᠯᠬᠣᠷ ᠪᠠᠰᠠ ᠴᠤ᠌ ᠵᠣᠪᠠᠭᠤᠷᠢᠲᠠᠢ ᠂ ᠣᠳᠣ ᠶ᠋ᠢᠨ
ᠬᠥᠮᠦᠰ ᠪᠠᠭᠠ ᠯᠠ ᠶᠠᠭᠤᠮᠠᠨ ᠳ᠋ᠤ᠌ ᠭᠣᠮᠣᠳᠠᠴᠢᠬᠠᠬᠤ ᠨᠢ ᠭᠠᠶ᠋ᠢᠬᠠᠮᠠᠷ ᠂ ᠬᠥᠮᠦᠨ ᠦ᠌ ᠵᠣᠪᠠᠯᠠᠩ ᠊ᠢ ᠮᠡᠳᠡᠬᠦ ᠦᠭᠡᠢ 《 ᠮᠠᠭᠤ ᠨᠣᠬᠠᠢ ᠶ᠋ᠢᠨ ᠭᠥᠯᠥᠭᠡ ᠪᠡᠨ ᠬᠦᠷᠲᠡᠯᠡ ᠬᠠᠷᠠᠮᠨᠠᠭᠠᠳ 》 ᠭᠡᠵᠦ ᠣᠯᠵᠤ ᠠᠪᠤᠭᠠ ᠦᠭᠡᠢ ᠵᠠᠷᠢᠮ ᠨᠢ ᠢᠯᠡ ᠳᠠᠯᠳᠠ ᠦᠭᠡ ᠢᠳᠡᠭᠦᠯᠦᠨᠡ
᠃ ᠶᠡᠷᠦ ᠨᠢ ᠮᠠᠯᠴᠢᠨ
ᠨᠣᠬᠠᠢ ᠳ᠋ᠤ᠌ ᠶᠡᠬᠡ ᠬᠠᠶ᠋ᠢᠷᠠᠲᠠᠢ ᠂ ᠲᠥᠭᠡᠷᠢᠭᠰᠡᠨ ᠲᠡᠨᠦᠭᠰᠡᠨ ᠵᠣᠯᠪᠢᠩ ᠨᠣᠬᠠᠢ ᠶ᠋ᠢ ᠴᠦ᠍ ᠦᠷᠦ ᠡᠪᠡᠳᠦᠨ
ᠭᠡᠷ ᠲᠦ᠍ ᠪᠡᠨ ᠠᠪᠴᠢᠷᠠᠨ ᠲᠡᠵᠢᠭᠡᠳᠡᠭ ᠨᠢ ᠶᠡᠷᠦ ᠶ᠋ᠢᠨ ᠤᠴᠢᠷ ᠂ ᠲᠡᠶ᠋ᠢᠮᠦ ᠳ᠋ᠦ᠍ ᠪᠡᠨ ᠴᠦ᠍ ᠮᠣᠷᠢ ᠨᠣᠬᠠᠢ
ᠬᠣᠶᠠᠷ ᠪᠣᠯ ᠮᠠᠯᠴᠢᠨ ᠤ᠋ ᠳᠣᠲᠣᠨᠣ ᠬᠠᠨᠢ ᠭᠡᠳᠡᠭ ᠂ ᠳᠡᠭᠡᠷᠡ ᠦᠶᠡ ᠳ᠋ᠦ᠍ ᠨᠤᠲᠤᠭ ᠬᠤᠪᠢᠶᠠᠭᠠ ᠦᠭᠡᠢ ᠂
ᠲᠣᠣᠷ ᠬᠦᠷᠢᠶᠡ ᠲᠠᠲᠠᠭᠠ ᠦᠭᠡᠢ ᠂ ᠵᠤᠨ ᠨᠠᠮᠤᠷ ᠬᠣᠨᠢ ᠵᠠᠳᠠᠭᠠᠢ ᠬᠣᠨᠣᠳᠠᠭ ᠪᠠᠶ᠋ᠢᠬᠰᠠᠨ ᠴᠠᠭ ᠲᠤ᠌ ᠬᠣᠶᠠᠷ ᠭᠤᠷᠪᠠᠨ ᠰᠠᠢᠨ ᠨᠣᠬᠠᠢ ᠲᠠᠢ
ᠮᠠᠯᠴᠢᠳ ᠬᠤᠯᠠᠭᠠᠢ ᠵᠡᠯᠡᠭᠡᠢ ᠬᠡᠭᠡᠷᠡ ᠶ᠋ᠢᠨ ᠪᠣᠣᠬᠠᠢ ᠠ᠋ᠴᠠ ᠠᠶᠤᠬᠤ ᠤᠴᠢᠷ ᠦᠭᠡᠢ ᠰᠠᠨᠠᠭᠠ ᠠᠮᠤᠷ ᠪᠠᠶ᠋ᠢᠲᠠᠭ
᠃ ᠲᠡᠷᠡ ᠦᠶᠡ ᠶ᠋ᠢᠨ ᠭᠢᠴᠢᠢ ᠭᠤᠷᠪᠠ ᠶᠢᠰᠦ ᠳ᠋ᠦ᠍ ᠭᠥᠯᠥᠭᠡᠯᠡᠵᠦ ᠳᠣᠯᠣᠭᠠᠨ ᠡᠷᠡ ᠭᠥᠯᠥᠭᠡ ᠭᠥᠯᠥᠭᠡᠯᠡᠪᠡᠯ
ᠴᠡᠭᠡᠵᠢᠨ ᠦ᠌ ᠭᠥᠯᠥᠭᠡ ᠨᠢ ᠴᠢᠨᠣᠠ ᠪᠠᠷᠢᠳᠠᠭ ᠬᠡᠴᠡᠭᠦᠦ ᠨᠣᠬᠠᠢ ᠪᠣᠯᠤᠨᠠ ᠭᠡᠵᠦ ᠡᠪᠦᠭᠡᠳ ᠬᠠᠭᠤᠴᠢᠯᠠᠳᠠᠭ ᠰᠠᠨ ᠃ ᠲᠡᠭᠡᠭᠡᠳ ᠴᠦ᠍ ᠰᠠᠢᠨ ᠨᠣᠬᠠᠢ ᠭᠡᠷ ᠦ᠋ᠨ ᠢ᠋ᠶ᠋ᠡᠨ
ᠭᠠᠳᠠᠨᠠ ᠦᠬᠦᠳᠡᠭ ᠦᠭᠡᠢ ᠵᠠᠶ᠋ᠢᠲᠠᠭᠤ ᠳᠠᠯᠳᠠ ᠣᠴᠢᠵᠤ ᠦᠬᠦᠳᠡᠭ ᠨᠢ ᠪᠠᠰᠠ ᠴᠤ᠌ ᠴᠠᠭᠠᠨᠠ ᠪᠠᠨ ᠨᠢᠭᠡ ᠤᠴᠢᠷᠲᠠᠢ
᠃ ᠮᠠᠯᠴᠢᠳ ᠬᠥᠭᠰᠢᠷᠡᠵᠦ ᠦᠬᠦᠭᠰᠡᠨ ᠨᠣᠬᠠᠢ ᠪᠠᠨ ᠥᠨᠳᠥᠷᠬᠡᠨ ᠲᠣᠯᠣᠭᠠᠢ ᠶ᠋ᠢᠨ ᠡᠩᠭᠡᠷ ᠲᠦ᠍ ᠣᠷᠣᠰᠢᠭᠤᠯᠬᠤ ᠳ᠋ᠤ᠌ ᠪᠠᠨ
ᠰᠡᠭᠦᠯ ᠊ᠢ ᠨᠢ ᠣᠭᠲᠣᠯᠵᠤ ᠳᠡᠷᠡᠯᠡᠭᠦᠯᠦᠨ ᠠᠮᠠᠨ ᠳ᠋ᠤ᠌ ᠨᠢ ᠰᠢᠷᠠ ᠲᠣᠰᠣ ᠬᠣᠨᠢᠨ ᠤ᠋ ᠰᠡᠭᠦᠯ ᠡᠮᠬᠦᠭᠦᠯᠵᠦ 《 ᠳᠠᠷᠠᠭᠠ ᠲᠥᠷᠥᠯ ᠳ᠋ᠦ᠍ ᠪᠡᠨ
ᠬᠥᠮᠦᠨ ᠪᠣᠯᠵᠤ ᠪᠤᠴᠠᠵᠤ ᠢᠷᠡᠭᠡᠷᠡᠢ 》 ᠭᠡᠵᠦ ᠪᠡᠯᠭᠡᠰᠢᠶᠡᠳᠡᠭ ᠃ ᠣᠶ᠋ᠢᠷᠠ ᠶ᠋ᠢᠨ
ᠵᠢᠯ ᠡᠴᠡ ᠠᠶ᠋ᠢᠯ ᠪᠦᠷᠢ ᠨᠤᠲᠤᠭ ᠢ᠋ᠶ᠋ᠠᠨ ᠲᠣᠣᠷᠯᠠᠵᠤ ᠂ ᠬᠦᠷᠰᠢ ᠰᠠᠬᠠᠭᠠᠯᠲᠠ ᠬᠣᠭᠣᠷᠣᠨᠳᠣ ᠪᠠᠨ ᠶᠠᠪᠤᠯᠴᠠᠬᠤ
ᠨᠢ ᠴᠥᠭᠡᠷᠡᠭᠰᠡᠨ ᠡᠴᠡ
《 ᠪᠢ ᠪᠣᠯᠵᠤ ᠯᠠ ᠪᠠᠶ᠋ᠢᠪᠠᠯ ᠴᠢ ᠶᠠᠭᠠᠬᠢᠵᠤ ᠪᠠᠶ᠋ᠢᠬᠰᠠᠨ ᠴᠤ᠌ ᠨᠠᠳᠠ
ᠫᠠᠳ ᠦᠭᠡᠢ 》 ᠭᠡᠰᠡᠨ ᠠᠳᠬᠠᠭ ᠮᠠᠭᠤᠬᠠᠢ ᠪᠣᠳᠣᠯ ᠬᠥᠮᠦᠰ ᠦ᠋ᠨ ᠵᠢᠷᠦᠬᠡᠨ ᠳ᠋ᠦ᠍ ᠨᠡᠪᠴᠢᠵᠦ
ᠡᠬᠢᠯᠡᠭᠰᠡᠨ ᠨᠢ ᠴᠦ᠍ ᠬᠤᠳᠠᠯ ᠪᠢᠰᠢ ᠃ ᠮᠥᠨ ᠴᠦ᠍ ᠰᠢᠨᠡᠴᠢᠯᠡᠯ ᠬᠥᠭᠵᠢᠯᠲᠡ ᠶ᠋ᠢ ᠳᠠᠭᠠᠯᠳᠤᠨ ᠬᠡᠮᠵᠢᠶᠡ ᠲᠡᠢ
ᠪᠡᠯᠴᠢᠭᠡᠷ ᠲᠦ᠍ ᠲᠣᠭᠠᠲᠠᠢ ᠮᠠᠯ ᠢ᠋ᠶ᠋ᠠᠨ ᠬᠠᠷᠠᠬᠤ ᠪᠣᠯᠤᠭᠰᠠᠨ ᠠ᠋ᠴᠠ ᠨᠣᠬᠠᠢ ᠶ᠋ᠢᠨ ᠡᠭᠦᠷᠭᠡ ᠬᠡᠷᠡᠭᠴᠡᠭᠡ
ᠴᠦ᠍ ᠪᠠᠭᠠᠰᠴᠤ ᠠᠶ᠋ᠢᠯ
ᡂᠨ ᠢ᠋ᠶ᠋ᠡᠷ ᠴᠡᠪᠡᠷ ᠤᠳᠤᠮ ᠤ᠋ᠨ ᠪᠠᠩᠬᠠᠷ ᠭᠡᠳᠡᠭ ᠲᠤᠩ ᠴᠥᠭᠡᠨ ᠬᠠᠷᠠᠭᠳᠠᠬᠤ ᠪᠣᠯᠪᠠ ᠃ ᠲᠡᠶ᠋ᠢᠮᠦ ᠳ᠋ᠦ᠍ ᠪᠡᠨ
ᠴᠦ᠍ ᠭᠠᠳᠠᠨᠠ ᠬᠣᠰᠢᠭᠤ
ᠠᠶ᠋ᠢᠮᠠᠭ ᠤ᠋ᠨ ᠬᠢᠨ ᠬᠥᠯᠥᠨ ᠪᠤᠶ᠋ᠢᠷ ᠤ᠋ᠨ ᠮᠠᠯᠴᠢᠳ ᠠ᠋ᠴᠠ ᠡᠪᠦᠯ ᠪᠣᠯᠤᠭᠰᠠᠭᠠᠷ ᠭᠥᠯᠥᠭᠡ ᠭᠥᠯᠥᠭᠡ ᠭᠡᠵᠦ
ᠲᠠᠨᠢᠯ ᠬᠥᠮᠦᠰ ᠲᠡᠢ ᠪᠡᠨ ᠵᠢᠭᠤᠷᠠᠯᠳᠤᠬᠤ ᠨᠢ ᠰᠣᠨᠢᠨ ᠪᠢᠰᠢ ᠯᠡ ᠳᠡ ᠃ ᠪᠠᠷᠬᠡ ᠬᠡᠳᠦᠨ ᠭᠥᠯᠥᠭᠡ ᠪᠡᠨ ᠲᠡᠷᠭᠡᠨ ᠳ᠋ᠦ᠍ ᠪᠡᠨ ᠲᠡᠭᠡᠭᠡᠵᠦ ᠬᠣᠰᠢᠭᠤ
ᠣᠷᠣᠬᠤ ᠵᠠᠮ ᠊ᠢ ᠡᠯᠭᠦᠯᠡ ᠃ ᠥᠰᠵᠦ ᠲᠥᠷᠥᠭᠰᠡᠨ ᠨᠤᠲᠤᠭ ᠨᠢ ᠥᠰᠬᠡᠵᠦ ᠠᠷᠠᠴᠢᠯᠠᠭᠰᠠᠨ ᠰᠦᠷᠦᠭ ᠨᠢ ᠣᠷᠣᠰᠢᠨ
ᠠᠮᠢᠳᠤᠷᠠᠳᠠᠭ ᠬᠥᠮᠦᠨ ᠠᠷᠠᠳ ᠤ᠋ᠨ ᠪᠣᠳᠣᠯ ᠰᠡᠳᠬᠢᠯ ᠨᠢ ᠪᠦᠷ ᠯᠡ ᠬᠠᠭᠤᠴᠢᠨ ᠠ᠋ᠴᠠ ᠪᠠᠨ ᠣᠨᠳᠣᠣ ᠪᠣᠯᠵᠤ ᠬᠤᠪᠢᠷᠠᠭᠰᠠᠭᠠᠷ ᠪᠠᠶ᠋ᠢᠬ᠋ᠠ
ᠰᠢᠭ᠋ ᠲᠡᠭᠦᠨ ᠳ᠋ᠦ᠍ ᠪᠣᠳᠣᠭᠳᠠᠨᠠ ᠃ ᠲᠡᠭᠡᠭᠡᠳ ᠥᠪᠡᠷ ᠢ᠋ᠶ᠋ᠡᠨ ᠴᠦ᠍ ᠴᠠᠭ ᠤ᠋ᠨ ᠪᠠᠶ᠋ᠢᠲᠠᠯ ᠊ᠢ ᠳᠠᠭᠠᠵᠤ ᠡᠭᠦᠯᠳᠡᠷ ᠰᠠᠶ᠋ᠢᠵᠢᠷᠠᠭᠤᠯᠤᠨᠠ
ᠭᠡᠵᠦ ᠡᠮᠦᠨᠡ ᠬᠣᠶᠠᠷ ᠵᠢᠯ ᠡᠴᠡ ᠨᠤᠲᠤᠭ ᠤ᠋ᠨ ᠮᠠᠯ ᠢ᠋ᠶ᠋ᠠᠨ ᠴᠦᠯᠡᠵᠦ ᠰᠠᠢᠨ ᠡᠭᠦᠯᠳᠡᠷ ᠦ᠋ᠨ ᠥᠨᠳᠥᠷ ᠦᠨᠡ ᠲᠡᠢ ᠦᠬᠡᠷ ᠠᠪᠴᠢᠷᠠᠭᠠᠳ
ᠣᠳᠣ 《 ᠮᠢᠬᠠ ᠪᠠᠨ ᠢᠳᠡᠵᠦ 》 ᠪᠠᠶ᠋ᠢᠬ᠋ᠠ ᠪᠠᠨ ᠪᠣᠳᠣᠨ ᠬᠠᠴᠠᠷ ᠨᠢᠭᠤᠷ ᠨᠢ ᠬᠠᠯᠠᠭᠤ ᠣᠷᠬᠢᠬᠤ
ᠰᠢᠭ᠋ ᠪᠣᠯᠪᠠ ᠂ ᠂ ᠂ ᠂
ᠬᠠᠮᠤᠭ ᠶᠠᠭᠤᠮᠠ ᠬᠤᠪᠢᠷᠠᠭᠰᠠᠭᠠᠷ ᠂ ᠂ ᠂ ᠂
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ
᠄ ᠣᠶᠤᠨᠴᠢᠮᠡᠭ
ᠬᠢᠨᠠᠭᠴᠢ ᠪᠠᠭᠰᠢ
᠄ ᠣᠣᠬᠠᠭᠰᠣᠡ