ᠪᠦᠯᠬᠦᠮᠲᠡᠯ ᠦ᠋ᠨ ᠦᠭᠡ - ᠭᠦᠷᠵᠠᠪ Бүлхэмдлийн үг - Гүржав
260ᠪᠦᠯᠬᠦᠮᠲᠡᠯ ᠦ᠋ᠨ ᠦᠭᠡ
ᠭᠦᠷᠵᠠᠪ
ᠪᠦᠲᠦᠷᠢᠵᠦ ᠲᠡᠪᠡᠭᠳᠡᠭᠰᠡᠳ ᠦ᠋ᠨ
ᠪᠥᠬᠡᠴᠡᠶ᠋ᠢᠯᠡᠵᠦ ᠡᠪᠡᠶ᠋ᠢᠯᠡᠬᠦ
ᠪᠦᠯᠢᠶᠡᠨ ᠬᠠᠯᠠᠭᠤᠨ ᠠᠮᠢᠰᠬᠤᠬ᠋ᠠ
ᠪᠦᠷᠢᠯᠭᠡᠵᠦ ᠰᠦᠢᠳᠬᠡᠭᠰᠡᠳ ᠶ᠋ᠢᠡᠨ
ᠵᠠᠰᠠᠵᠤ ᠰᠤᠷᠭᠠᠬᠤ
ᠪᠦᠲᠦᠨ ᠴᠠᠭᠠᠨ ᠰᠠᠨᠠᠬ᠋ᠠ
ᠪᠦᠯᠬᠦᠮᠲᠡᠯ ᠶᠤᠮ ᠡ
ᠪᠥᠮᠪᠥᠷᠴᠡᠭ ᠳᠡᠭᠡᠷᠡ ᠠᠮᠢᠲᠤᠷᠠᠭᠰᠳ
ᠪᠦᠯᠢ ᠨᠢᠭᠡ ᠶᠤᠮ
ᠪᠦᠲᠦᠭᠡᠵᠦ ᠪᠠᠶ᠋ᠢᠭᠤᠯᠬᠤ
ᠬᠦᠰᠡᠯ ᠨᠢᠭᠡ ᠶᠤᠮ ᠭᠡᠰᠡᠨ
ᠪᠦᠷᠬᠦᠭᠡᠰᠦ ᠦᠭᠡᠢ ᠦᠵᠡᠯᠲᠡ ᠪᠣᠯ
ᠪᠦᠯᠬᠦᠮᠲᠡᠯ ᠶᠤᠮ ᠡ
ᠪᠦᠬᠦᠨ ᠪ ᠡᠮᠦᠨᠡ ᠨᠢ ᠪᠢ ᠣᠷᠣᠶᠠ
ᠪᠦᠰᠡᠨ ᠪ ᠮᠢᠨᠢ ᠠᠷᠤ ᠠ᠋ᠴᠠ ᠲᠠᠲᠠᠨᠤᠰ ᠴᠢᠩᠭᠠᠬ᠋ᠠ
ᠪᠦᠲᠦᠷᠢᠭᠡᠨ ᠶᠡᠬᠡᠲᠡᠢ ᠠᠮᠢᠲᠤᠷᠠᠯ ᠦ᠋ᠨ ᠵᠠᠮ ᠊ᠢ
ᠪᠦᠭᠦᠲᠡᠭᠡᠷ ᠶ᠋ᠢᠡᠨ ᠴᠤᠭᠭᠠᠷ ᠶ᠋ᠢᠠᠨ ᠳᠠᠭᠤᠯᠤᠶᠠ ᠭᠡᠰᠡᠨ
ᠪᠦᠷᠢᠨ ᠬᠦᠰᠡᠯᠲᠦ ᠰᠡᠤᠠᠬᠢᠯ ᠪᠣᠯ
ᠪᠦᠯᠬᠦᠮᠲᠡᠯ ᠶᠤᠮ ᠡ ᠁
ᠪᠣᠰᠬᠠᠵᠤ ᠪᠦᠲᠦᠭᠡᠶᠡ ᠭᠡᠪᠡᠯ
ᠪᠣᠷᠣᠭᠵᠢᠵᠤ ᠲᠡᠰᠪᠦᠷᠢᠯᠡ ᠭᠡᠰᠡᠨ
ᠪᠣᠯᠣᠳ ᠴᠢᠭᠢᠷᠠᠭ ᠵᠣᠷᠢᠬ ᠪᠣᠯ
ᠪᠦᠯᠬᠦᠮᠲᠡᠯ ᠶᠤᠮ ᠡ
ᠪᠤᠲᠠᠷᠠᠵᠤ ᠰᠠᠷᠨᠢᠪᠠᠯ
ᠪᠤᠰᠢᠭᠤᠬᠠᠨ ᠨᠡᠶ᠋ᠢᠯᠡ ᠭᠡᠰᠡᠨ
ᠪᠣᠲᠠᠲᠠᠢ ᠴᠢᠭᠡᠴᠢ ᠰᠤᠷᠭᠠᠯ ᠪᠣᠯ
ᠪᠦᠯᠬᠦᠮᠲᠡᠯ ᠶᠤᠮ ᠡ
ᠪᠠᠭᠤᠲᠠᠯ ᠵᠡᠷᠭᠡᠯᠡᠲᠡᠭᠡ ᠪᠡᠨ
ᠪᠤᠤ ᠭᠣᠮᠣᠲᠠᠬ᠋ᠠ ᠭᠡᠳᠡᠭ
ᠪᠣᠷᠣᠭᠵᠢᠭᠤᠨ ᠪᠣᠷᠣ ᠦᠭᠡ ᠪᠣᠯ
ᠪᠦᠯᠬᠦᠮᠲᠡᠯ ᠶᠤᠮ ᠡ
ᠪᠠᠭᠤᠷᠠᠢ ᠳᠣᠷᠣᠢ ᠪᠠᠨ
ᠪᠣᠲᠣᠯᠲᠠᠢ ᠬᠠᠪᠰᠤᠷᠠ ᠭᠡᠳᠡᠭ
ᠪᠤᠰᠤᠳ ᠦ᠋ᠨ ᠨᠠᠨᠲᠢᠨ ᠰᠠᠨᠠᠭᠤᠯᠬ᠋ᠠ ᠪᠣᠯ
ᠪᠦᠯᠬᠦᠮᠲᠡᠯ ᠶᠤᠮ ᠡ
ᠪᠣᠯᠪᠠᠰᠤᠨ ᠣᠷᠣᠨ ᠶ᠋ᠢᠠᠨ
ᠬᠠᠶ᠋ᠢᠷᠠᠯᠠᠶᠠ ᠂ ᠬᠠᠮᠠᠭᠠᠯᠠᠶᠠ ᠭᠡᠳᠡᠭ
ᠪᠣᠰᠤᠬ᠋ᠠ ᠴᠠᠭᠠᠨ ᠳᠠᠭᠤᠳᠠᠯᠬ᠋ᠠ ᠪᠣᠯ
ᠪᠦᠯᠬᠦᠮᠲᠡᠯ ᠶᠤᠮ ᠡ
ᠪᠤᠯᠲᠤ ᠳᠠᠶᠠᠭᠠᠷ ᠶ᠋ᠢᠠᠨ
ᠨᠠᠶ᠋ᠢᠷᠠᠮᠲᠠᠶᠠ ᠂ ᠡᠪᠰᠡᠶᠡ ᠭᠡᠳᠡᠭ
ᠪᠤᠴᠠᠰᠢ ᠦᠭᠡᠢ ᠤᠷᠢᠶᠠᠯᠠᠬ᠋ᠠ ᠪᠣᠯ
ᠪᠦᠯᠬᠦᠮᠲᠡᠯ ᠶᠤᠮ ᠡ ᠁
ᠪᠦᠯᠬᠦᠮᠲᠡᠯ ᠊ᠢ ᠪᠢᠲᠡ ᠡᠷᠬᠢᠮᠨᠡᠶᠡ
ᠪᠦᠯᠬᠦᠮᠲᠡᠯ ᠊ᠢ ᠪᠢᠲᠡ ᠡᠷᠢᠯᠬᠢᠯᠡᠶᠡ
ᠪᠦᠯᠢ ᠶᠡᠬᠡ ᠤᠯᠤᠰ ᠶ᠋ᠢᠠᠨ
ᠪᠦᠯᠬᠦᠮᠲᠡᠯ ᠦ᠋ᠨ ᠥᠩᠭᠡ ᠪᠡᠷ
ᠪᠢᠲᠡ ᠴᠢᠮᠡᠭᠯᠡᠶᠡ
ᠪᠦᠭᠦᠲᠡ ᠣᠯᠠᠨ ᠢᠷᠭᠡᠳ ᠶ᠋ᠢᠡᠨ
ᠪᠦᠯᠬᠦᠮᠲᠡᠯ ᠦ᠋ᠨ ᠰᠦᠨᠡᠰᠦ ᠪᠡᠷ
ᠪᠢᠲᠡ ᠬᠣᠯᠪᠣᠶᠠ
ᠪᠦᠲᠦᠭᠡᠨ ᠴᠣᠭᠴᠠᠯᠠᠬᠤ ᠦᠢᠯᠡᠰ ᠶ᠋ᠢᠡᠨ
ᠪᠦᠯᠬᠦᠮᠲᠡᠯ ᠦ᠋ᠨ ᠰᠦᠷ ᠶ᠋ᠢᠡᠷ ᠪᠢᠲᠡ ᠡᠷᠭᠦᠶᠡ
ᠪᠦᠪᠡᠢ ᠶ᠋ᠢᠨ ᠠᠶᠠᠰᠲᠤ ᠬᠣᠷᠸ᠋ᠠ ᠪᠠᠨ
ᠪᠦᠯᠬᠦᠮᠲᠡᠯ ᠦ᠋ᠨ ᠳᠠᠭᠤᠤ ᠪᠠᠷ
ᠪᠢᠲᠡ ᠪᠠᠶᠠᠰᠬᠠᠶᠠ ᠁
ᠪᠦᠯᠬᠦᠮᠲᠡᠯ ᠊ᠢ
ᠪᠢᠲᠡ ᠬᠡᠵᠢᠶᠡ ᠡᠬᠦᠷᠢᠲᠡ
ᠨᠠᠮᠢᠷᠠᠭᠤᠯᠵᠤ ᠶᠠᠪᠤᠶᠠ !
ᠢᠷᠡᠯᠲᠡ ᠄
ᠭᠦᠷᠵᠠᠪ ᠦ᠋ᠨ ᠵᠣᠬᠢᠶᠠᠭᠰᠠᠨ《 ᠬᠡᠦᠬᠡᠳ ᠨᠠᠰᠤ ᠰᠠᠶ᠋ᠢᠬᠠᠨ 》 ᠭᠡᠳᠡᠭ ᠨᠣᠮ ᠠ᠋ᠴᠠ ᠬᠠᠭᠤᠯᠤᠨ ᠪᠢᠴᠢᠪᠡ ᠂
ᠥᠪᠥᠷ ᠮᠣᠩᠭᠣᠯ ᠦ᠋ᠨ ᠠᠷᠠᠳ ᠦ᠋ᠨ ᠬᠡᠪᠯᠡᠯ ᠦ᠋ᠨ ᠬᠣᠷᠢᠶᠠ
ᠥᠪᠥᠷ ᠮᠣᠩᠭᠣᠯ ᠦ᠋ᠨ ᠰᠢᠨᠬᠤᠸᠠ ᠪᠢᠴᠢᠭ ᠦ᠋ᠨ ᠳᠡᠯᠭᠡᠭᠦᠷ ᠲᠠᠷᠬᠠᠭᠠᠪᠠ
ᠥᠪᠥᠷ ᠮᠣᠩᠭᠣᠯ ᠦ᠋ᠨ ᠭᠠᠵᠠᠷ ᠠᠭᠤᠷᠬᠠᠢ ᠶ᠋ᠢᠨ ᠬᠡᠪᠯᠡᠬᠦ ᠦᠢᠯᠡᠤᠠᠪᠦᠷᠢ ᠬᠡᠪᠯᠡᠪᠡ
2004 ᠣᠨ ᠪ 9 ᠰᠠᠷᠠ ᠳᠤ ᠠᠩᠬᠠᠲᠤᠭᠠᠷ ᠬᠡᠪ ᠊ᠢ ᠬᠢᠪᠡ
2004 ᠣᠨ ᠪ 9 ᠰᠠᠷᠠ ᠳᠤ ᠠᠩᠬᠠ ᠤᠲᠠᠬ᠋ᠠ ᠬᠡᠪᠯᠡᠪᠡ
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ ᠄ ᠤᠷᠠᠨᠴᠡᠴᠡᠭ
ᠬᠢᠨᠠᠭᠴᠢ ᠄ ᠪᠠᠶᠠᠷᠴᠡᠴᠡᠭ
2023 ᠣᠨ ᠪ3 ᠰᠠᠷᠠ ᠶ᠋ᠢᠨ 27 ᠪ ᠡᠲᠦᠷ