ᠳᠡᠯᠡᠬᠡᠢ ᠳ᠋ᠦ᠍ ᠪᠢ ᠶᠠᠯᠠ ᠲᠠᠢ ᠬᠡᠮᠡᠬᠦ ᠲᠡᠨᠡᠭ ᠬᠥᠮᠦᠨ ᠦ᠌ ᠥᠴᠢᠭ- ᠳᠠᠪᠬᠤᠷᠪᠠᠶᠠᠷДэлхийд би ялтай хэмээх тэнэг хүний өчиг-давхарбаяр
255ᠳᠡᠯᠡᠬᠡᠢ ᠳ᠋ᠦ᠍ ᠪᠢ ᠶᠠᠯᠠ ᠲᠠᠢ ᠬᠡᠮᠡᠬᠦ ᠲᠡᠨᠡᠭ ᠬᠥᠮᠦᠨ ᠦ᠌ ᠥᠴᠢᠭ
ᠳᠠᠪᠬᠤᠷᠪᠠᠶᠠᠷ
ᠣᠷᠴᠢᠬᠤ
ᠬᠣᠷᠸ᠋ᠠ ᠣᠷᠴᠢᠯᠠᠩ ᠶᠢᠷᠲᠢᠨᠴᠦ
ᠣᠭᠲᠠᠷᠭᠤᠢ
ᠳᠦᠭᠦᠷᠡᠩ ᠡᠦᠲᠦ ᠭᠠᠷᠠᠭ
ᠦᠯᠡᠮᠵᠢ ᠭᠡᠭᠡᠨ ᠨᠠᠷᠠᠨ
ᠰᠠᠷᠠᠨ
ᠡᠭᠦᠷᠢᠳᠡ ᠶ᠋ᠢᠨ ᠲᠡᠵᠢᠭᠡᠯ
ᠡᠬᠡ ᠪᠠᠢᠭᠠᠯᠢ
ᠡᠳᠡᠭᠡᠷ ᠪᠦᠭᠦᠳᠡ ᠶ᠋ᠢ
ᠡᠪᠦᠷ ᠲᠡᠭᠡᠨ
ᠪᠦᠪᠡᠢᠯᠡᠵᠦ
ᠡᠰᠡᠨ
ᠮᠡᠲᠦ ᠪᠡᠷ ᠠᠮᠢᠨᠴᠢᠷᠬᠠᠨ
ᠬᠠᠮᠠᠭᠠᠯᠠᠭᠰᠠᠨ
ᠡᠬᠡ
ᠳᠡᠯᠡᠬᠡᠢ ᠶ᠋ᠢᠨ ᠬᠥᠷᠥᠰᠥᠨ
ᠳᠡᠭᠡᠷᠡ
ᠬᠥᠯᠲᠡᠨ
ᠳᠡᠭᠡᠳᠦ ᠠᠮᠢᠲᠠᠨ ᠪᠣᠯᠵᠤ
ᠬᠥᠮᠦᠨ
ᠵᠠᠶᠠᠭᠠ ᠲᠠᠢ ᠲᠥᠷᠥᠭᠰᠡᠨ ᠢ᠋ᠶ᠋ᠡᠨ
ᠬᠤᠷᠮᠤᠰᠲᠠ ᠠ᠋ᠴᠠ ᠢᠪᠡᠭᠡᠵᠦ
ᠥᠷᠥᠰᠢᠶᠡᠭᠰᠡᠨ
ᠬᠣᠪᠣᠷ
ᠴᠤᠬᠠᠭ ᠢᠷᠦᠭᠡᠯ ᠭᠡᠵᠦ ᠰᠢᠲᠦᠳᠡᠭ
ᠳᠡᠯᠡᠬᠡᠢ ᠶ᠋ᠢᠨ ᠰᠠᠶᠠ
ᠠᠮᠢᠲᠠᠳ ᠠ᠋ᠴᠠ
ᠳᠡᠭᠡᠳᠦ
ᠣᠶᠤᠨ ᠲᠠᠢ ᠬᠥᠮᠦᠨ ᠪᠣᠯᠵᠤ ᠲᠥᠷᠥᠭᠡᠳ
ᠳᠡᠮᠡᠢ
ᠪᠠᠯᠠᠢ ᠲᠣᠯᠣᠭᠠᠢ ᠳᠡᠭᠦᠵᠢᠯᠡᠨ ᠶᠠᠪᠤᠵᠤ
ᠳᠠᠮ ᠲᠣᠮᠵᠢᠶᠠ ᠦᠭᠡᠢ ᠬᠥᠯᠴᠥᠭᠦᠦ
ᠰᠣᠭᠲᠣᠭᠤ ᠠᠮᠢᠳᠤᠷᠠᠵᠤ
ᠡᠯᠦᠨᠴᠡ ᠶ᠋ᠢᠨ ᠳᠠᠷᠬᠠᠨ
ᠡᠬᠡ
ᠪᠠᠢᠭᠠᠯᠢ ᠪᠠᠨ ᠴᠥᠯᠪᠡᠵᠦ
ᠡᠷᠳᠡᠨᠢᠰ ᠦ᠋ᠨ ᠰᠠᠢᠬᠠᠨ
ᠡᠳ᠋
ᠠᠭᠤᠷᠬᠠᠢ ᠪᠠᠨ ᠠᠭᠤᠳᠠᠯᠵᠤ
ᠨᠠᠷᠠᠨ ᠤ᠋ ᠳᠣᠣᠷᠠ
ᠨᠣᠶ᠋ᠢᠲᠠᠨ ᠬᠠᠮᠬᠤᠤᠯ
ᠰᠢᠭ᠋ ᠪᠥᠮᠪᠥᠷᠢᠵᠦ
ᠰᠠᠷᠠᠨ ᠤ᠋ ᠳᠣᠣᠷᠠ
ᠰᠢᠷᠦᠭᠦᠨ
ᠠᠭᠠᠭ ᠰᠢᠭ᠋ ᠠᠭᠰᠠᠶ᠋ᠢᠵᠤ
ᠦᠨᠡᠨ ᠦ᠌ ᠲᠥᠯᠥᠭᠡ
ᠦᠭᠡ
ᠬᠡᠯᠡᠬᠦ ᠲᠠᠮᠢᠷ ᠦᠭᠡᠢ
ᠥᠪᠡᠷ ᠦ᠋ᠨ ᠲᠥᠯᠥᠭᠡ
ᠦᠢᠯᠡᠰ ᠪᠤᠰᠬᠠᠬᠤ ᠲᠣᠬᠢᠶᠠᠯ ᠦᠭᠡᠢ
ᠥᠷᠯᠥᠭᠡ ᠶ᠋ᠢᠨ ᠤᠰᠤᠨ
ᠰᠢᠭᠦᠳᠡᠷᠢ ᠰᠢᠭ
ᠦᠭᠡᠨ ᠦ᠌ ᠰᠠᠢᠬᠠᠨ ᠢ᠋ ᠶᠠᠷᠢᠵᠤ
ᠦᠳᠡᠰᠢ ᠶ᠋ᠢᠨ ᠰᠢᠷᠠ
ᠪᠦᠷᠦᠢ ᠰᠢᠭ
ᠥᠪᠡᠷ ᠢ᠋ ᠪᠡᠨ ᠥᠪᠡᠷ ᠢ᠋ᠶ᠋ᠡᠨ ᠪᠠᠯᠠᠯᠵᠤ
ᠳᠡᠯᠡᠬᠡᠢ ᠳ᠋ᠦ᠍ ᠢᠷᠡᠭᠡᠳ
ᠪᠤᠴᠠᠬᠤ
ᠲᠣᠭᠠ ᠲᠠᠢ
ᠴᠤᠬᠠᠭ ᠨᠠᠰᠤ ᠪᠠᠨ
ᠲᠣᠭᠯᠠᠭᠠᠮ ᠤ᠋ᠨ ᠶᠠᠭᠤᠮᠠ
ᠰᠢᠭ᠋ ᠦᠷᠡᠵᠦ
ᠲᠣᠮᠣᠭᠠ ᠦᠭᠡᠢ ᠰᠦᠢᠳᠬᠡᠵᠦ
ᠶᠠᠪᠤᠵᠠᠢ
ᠪᠣᠯᠪᠠᠰᠤᠨ
ᠳᠡᠭᠡᠳᠦᠰ ᠦ᠋ᠨ ᠵᠠᠩᠰᠢᠯ ᠢ᠋
ᠪᠤᠷᠤᠭᠤᠳᠬᠠᠨ
ᠥᠭᠡᠷᠡᠴᠢᠯᠡᠵᠦ ᠰᠢᠨᠡᠳᠬᠡᠵᠦ ᠦᠵᠡᠯᠡ
ᠪᠣᠰᠤᠭᠠ
ᠡᠬᠡ ᠬᠡᠯᠡ ᠪᠡᠨ
ᠪᠠᠭᠤᠯᠭᠠᠵᠤ
ᠰᠣᠯᠢᠨ ᠬᠡᠪᠲᠡᠭᠦᠯᠵᠦ ᠦᠵᠡᠯᠡ
ᠲᠠᠯᠠ ᠶ᠋ᠢᠨ ᠰᠢᠮᠡ ᠪᠡᠷ ᠦᠷᠡᠵᠢᠳᠡᠭ
ᠲᠠᠪᠤᠨ
ᠬᠣᠰᠢᠭᠤ ᠮᠠᠯ ᠢ᠋ᠶ᠋ᠠᠨ
ᠲᠠᠸᠠᠷ ᠤ᠋ᠨ ᠥᠷᠲᠡᠭ
ᠬᠦᠷᠭᠡᠨᠡ ᠭᠡᠵᠦ
ᠲᠣᠭᠣᠭᠠᠨ
ᠳᠣᠲᠣᠷᠠ ᠬᠠᠰᠢᠶᠠᠯᠠᠵᠤ ᠦᠵᠡᠯᠡ
ᠳᠡᠯᠡᠬᠡᠢ ᠶ᠋ᠢᠨ ᠲᠦᠪᠰᠢᠨ ᠡᠴᠡ ᠳᠠᠪᠠᠭᠰᠠᠨ
ᠲᠧᠭᠨᠢᠭ
ᠰᠢᠨᠵᠢᠯᠡᠭᠡᠨ ᠢ᠋ ᠡᠭᠦᠳᠬᠦ
ᠭᠡᠵᠦ
ᠲᠤᠨᠤᠳᠠᠰᠤ ᠬᠤᠷᠠ ᠶ᠋ᠢ ᠤᠷᠢᠵᠤ
ᠲᠡᠭᠷᠢ ᠪᠠᠶ᠋ᠢᠭᠠᠯᠢ ᠪᠠᠨ
ᠬᠠᠷᠪᠤᠵᠤ ᠦᠵᠡᠯᠡ
ᠪᠦᠲᠦᠯ ᠦᠭᠡᠢ ᠡᠨᠡᠬᠦ
ᠦᠢᠯᠡ ᠶ᠋ᠢ
ᠪᠤᠷᠬᠠᠨ
ᠬᠤᠷᠮᠤᠰᠲᠠ ᠴᠤ᠌ ᠵᠠᠯᠬᠠᠭᠠᠬᠤ ᠪᠣᠯᠵᠤ
ᠪᠣᠳᠣᠵᠤ
ᠣᠯᠤᠮᠠ ᠦᠭᠡᠢ ᠨᠢᠳᠦ
ᠬᠠᠯᠲᠤᠷᠢᠮᠠ
ᠪᠠᠶ᠋ᠢᠭᠠᠯᠢ ᠶ᠋ᠢᠨ ᠭᠠᠮᠰᠢᠭ ᠤ᠋ᠳ ᠢᠯᠡᠷᠡᠬᠦ ᠪᠣᠯᠵᠠᠢ
ᠲᠡᠭᠷᠢ ᠭᠠᠵᠠᠷ ᠤ᠋ᠨ ᠵᠢᠮᠡ ᠬᠠᠤᠯᠢ ᠶ᠋ᠢ
ᠲᠡᠷᠰᠯᠡᠵᠦ
ᠵᠥᠷᠢᠴᠡᠵᠦ ᠶᠠᠪᠤᠭᠰᠠᠨ ᠢ᠋ᠶ᠋ᠠᠨ ᠮᠠᠷᠲᠠᠵᠤ
ᠳᠡᠯᠡᠬᠡᠢ ᠳᠦ ᠪᠢ ᠶᠠᠯᠠ ᠲᠠᠢ ᠬᠡᠮᠡᠬᠦ
ᠲᠡᠨᠡᠭ ᠬᠥᠮᠦᠨ
ᠥᠴᠢᠭ ᠢ᠋ᠶ᠋ᠡᠨ ᠪᠢᠴᠢᠯᠡ
2023.3.25 ᠳᠠᠪᠠᠭᠠᠨᠠᠭᠤᠷ ᠲᠤ᠌
ᠦᠰᠦᠭ
ᠠᠮᠢᠯᠠᠭᠤᠯᠤᠭᠴᠢ ᠄ ᠠᠵᠠᠵᠠᠶᠠᠭᠠ
ᠬᠢᠨᠠᠭᠴᠢ ᠄ ᠣᠳᠬᠠᠨᠰᠸ᠋ᠠ