ᠨᠠᠮᠠ ᠶᠢ ᠬᠦᠯᠢᠶᠡᠵᠦ ᠪᠠᠢᠭᠠᠷᠠᠢ - ᠠᠷᠲᠠᠢНамыг хүлээж байгаарай-артай
260ᠨᠠᠮᠠ ᠶᠢ ᠬᠦᠯᠢᠶᠡᠵᠦ ᠪᠠᠢᠭᠠᠷᠠᠢ
ᠠᠷᠲᠠᠢ
ᠮᠢᠨᠦ ᠰᠠᠢᠬᠠ ᠣᠷᠣᠨ
ᠠᠭᠤᠳᠠᠮ ᠰᠠᠷᠠᠭᠤᠯᠬᠠᠨ ᠲᠠᠯᠠ ᠲᠠᠢ
ᠮᠢᠩᠭᠠᠨ ᠴᠡᠴᠡᠭ ᠠᠯᠠᠭᠯᠠᠭᠰᠠᠨ
ᠤᠷᠭᠤᠴᠠ ᠪᠠᠶᠠᠨ ᠪᠡᠯᠴᠢᠭᠡᠷ ᠲᠡᠢ
ᠴᠠᠭᠠᠨ ᠡᠭᠦᠯᠡ ᠰᠢᠭ ᠬᠣᠨᠢᠳ
ᠪᠡᠯᠴᠢᠭᠡᠷ ᠳᠡᠭᠡᠭᠦᠷ ᠨᠢ ᠬᠥᠪᠳᠡᠭ ᠶᠦ᠍ᠮ
ᠴᠠᠬᠢᠯᠭᠠᠨ ᠬᠤᠷᠳᠤᠨ ᠬᠦᠯᠦᠭ ᠦ᠋ᠳ
ᠴᠡᠴᠡᠭ ᠳᠡᠭᠡᠭᠦᠷ ᠨᠢ ᠨᠢᠰᠳᠡᠭ ᠶᠦ᠍ᠮ
ᠡᠶ᠋ᠢᠮᠦ ᠰᠠᠢᠬᠠᠨ ᠣᠷᠣᠨ ᠳ᠋ᠤ᠌
ᠮᠠᠯᠴᠢᠨ ᠤ᠋ ᠬᠦᠦ ᠪᠢ ᠲᠥᠷᠥᠭᠰᠡᠨ ᠶᠦ᠍ᠮ
ᠡᠵᠢ ᠶ᠋ᠢᠨ ᠳᠤᠯᠠᠭᠠᠨ ᠡᠪᠦᠷ ᠰᠢᠭ
ᠮᠠᠩᠨᠤᠭ ᠲᠠᠯᠠ ᠪᠠᠨ ᠬᠠᠶ᠋ᠢᠷᠠᠯᠠᠲᠠᠭ ᠶᠤᠮ ᠃
ᠮᠢᠨᠦ ᠰᠠᠢᠬᠠᠨ ᠣᠷᠣᠨ
ᠥᠨᠳᠥᠷ ᠰᠦᠷᠯᠢᠭ ᠠᠭᠤᠯᠠ ᠲᠠᠢ
ᠴᠡᠩᠬᠡᠷ ᠮᠠᠨᠠᠨ ᠬᠥᠰᠢᠭᠡᠯᠡᠭᠰᠡᠨ
ᠦᠵᠦᠮ ᠵᠢᠮᠢᠰᠲᠦ ᠣᠢ ᠲᠠᠢ
ᠠᠯᠲᠠ ᠮᠥᠩᠭᠥᠨ ᠦ᠌ ᠪᠤᠯᠠᠭᠳᠠᠴᠠ
ᠲᠡᠪᠡᠷᠢ ᠳ᠋ᠦ᠍ ᠨᠢ ᠳᠦᠭᠦᠷᠡᠩ ᠪᠠᠶ᠋ᠢᠲᠠᠭ ᠶᠤᠮ
ᠠᠷᠰᠯᠠᠨ ᠪᠤᠭᠤ ᠭᠥᠷᠥᠭᠡᠰᠦ
ᠡᠪᠦᠷ ᠲᠦ᠍ ᠨᠢ ᠲᠣᠭᠯᠠᠨ ᠨᠠᠭᠠᠳᠳᠠᠭ ᠶᠤᠮ
ᠡᠶ᠋ᠢᠮᠦ ᠰᠠᠢᠬᠠᠨ ᠣᠷᠣᠨ ᠳ᠋ᠤ᠌
ᠮᠠᠯᠴᠢᠨ ᠤ᠋ ᠬᠦᠦ ᠪᠢ ᠲᠥᠷᠥᠭᠰᠡᠨ ᠶᠦ᠍ᠮ
ᠡᠴᠢᠭᠡ ᠶ᠋ᠢᠨ ᠠᠷᠢᠭᠤᠨ ᠰᠦᠷ ᠰᠢᠭ
ᠮᠠᠨᠳᠠᠯ ᠬᠠᠶ᠋ᠢᠷᠬᠠᠨ ᠢ᠋ᠶ᠋ᠠᠨ ᠬᠠᠮᠠᠭᠠᠯᠠᠳᠠᠭ ᠶᠤᠮ ᠃
ᠮᠢᠨᠦ ᠰᠠᠢᠬᠠᠨ ᠣᠷᠣᠨ
ᠰᠢᠯ ᠦ᠋ᠨ ᠪᠣᠯᠣᠷ ᠮᠥᠷᠡᠨ ᠲᠡᠢ
ᠮᠠᠨᠳᠤᠬᠤ ᠨᠠᠷᠠᠨ ᠤ᠋ ᠲᠤᠶᠠᠭᠠᠨ ᠳ᠋ᠤ᠌
ᠰᠢᠭᠢᠳᠬᠡᠭᠡ ᠬᠠᠶᠠᠯᠠᠭᠰᠠᠨ ᠳᠣᠯᠭᠢᠶᠠ ᠲᠠᠢ
ᠮᠥᠷᠭᠥ ᠬᠡᠯᠲᠡᠭᠡ ᠵᠢᠭᠠᠰᠤ ᠨᠤᠭᠤᠳ
ᠤᠰᠤᠨ ᠳ᠋ᠤ᠌ ᠨᠢ ᠴᠣᠯᠭᠢᠯᠠᠵᠤ ᠪᠠᠶ᠋ᠢᠲᠠᠭ ᠶᠤᠮ
ᠮᠣᠩᠭᠣᠯ ᠤᠷᠲᠤ ᠶ᠋ᠢᠨ ᠳᠠᠭᠤᠤ ᠶ᠋ᠢ
ᠤᠷᠤᠰᠬᠠᠯ ᠨᠢ ᠳᠠᠭᠤᠯᠠᠵᠤ ᠶᠠᠪᠤᠳᠠᠭ ᠶᠤᠮ
ᠡᠶ᠋ᠢᠮᠦ ᠰᠠᠢᠬᠠᠨ ᠣᠷᠣᠨ ᠳ᠋ᠤ᠌
ᠮᠠᠯᠴᠢᠨ ᠤ᠋ ᠬᠦᠦ ᠪᠢ ᠲᠥᠷᠥᠭᠰᠡᠨ ᠶᠦ᠍ᠮ
ᠡᠯᠢᠭᠡᠨ ᠭᠤᠷᠪᠠᠨ ᠰᠤᠳᠠᠰᠤ ᠪᠠᠨ ᠰᠢᠭ᠋
ᠡᠷᠴᠢᠲᠦ ᠮᠥᠷᠡᠨ ᠢ᠋ᠶ᠋ᠡᠨ ᠪᠣᠳᠣᠳᠠᠭ ᠶᠤᠮ ᠃
ᠮᠢᠨᠦ ᠰᠠᠢᠬᠠᠨ ᠣᠷᠣᠨ
ᠠᠰᠠᠷ ᠪᠠᠷᠢᠯᠭᠠ ᠬᠣᠲᠠ ᠲᠠᠢ
ᠮᠠᠰᠢᠨ ᠮᠣᠲ᠋ᠣᠷ ᠬᠦᠩᠭᠢᠨᠡᠭᠰᠡᠨ
ᠠᠪᠤᠷᠭᠤ ᠲᠣᠮᠣ ᠦᠢᠯᠡᠳᠪᠦᠷᠢ ᠲᠡᠢ
ᠮᠡᠳᠡᠯᠭᠡ ᠰᠣᠶᠣᠯ ᠤ᠋ᠨ ᠴᠡᠴᠡᠭ ᠦ᠋ᠳ
ᠠᠰᠠᠷ ᠲᠤ᠌ ᠨᠢ ᠳᠡᠯᠭᠡᠷᠡᠵᠦ ᠪᠠᠶ᠋ᠢᠲᠠᠭ ᠶᠤᠮ
ᠮᠡᠷᠭᠡᠵᠢᠯ ᠣᠲᠣᠬᠢᠴᠢᠯᠠᠯ ᠤ᠋ᠨ ᠪᠦᠲᠦᠭᠡᠯ ᠢ᠋ᠶ᠋ᠡᠷ
ᠠᠯᠲᠠᠨ ᠰᠧᠺᠦᠢᠨᠳ᠋ ᠨᠢ ᠴᠣᠬᠢᠯᠠᠳᠠᠭ ᠶᠤᠮ
ᠡᠶ᠋ᠢᠮᠦ ᠰᠠᠢᠬᠠᠨ ᠣᠷᠣᠨ ᠳ᠋ᠤ᠌
ᠮᠠᠯᠴᠢᠨ ᠤ᠋ ᠬᠦᠦ ᠪᠢ ᠲᠥᠷᠥᠭᠰᠡᠨ ᠶᠦ᠍ᠮ
ᠡᠪ ᠬᠠᠮᠲᠤ ᠶᠣᠰᠣᠨ ᠤ᠋ ᠦᠢᠯᠡᠰ ᠦ᠋ᠨ
ᠴᠡᠴᠡᠭ ᠨᠢ ᠪᠣᠯᠵᠤ ᠤᠷᠭᠤᠭᠰᠠᠨ ᠶᠤᠮ ᠃
ᠮᠢᠨᠦ ᠰᠠᠢᠬᠠᠨ ᠣᠷᠣᠨ
ᠥᠯᠵᠡᠶ᠋ᠢᠲᠦ ᠮᠣᠩᠭᠣᠯ ᠭᠡᠷ ᠲᠡᠢ
ᠮᠥᠩᠬᠡ ᠶ᠋ᠢᠨ ᠤᠯᠠᠭᠠᠨ ᠭᠠᠯ ᠢ᠋ᠶ᠋ᠠᠷ
ᠥᠨᠢᠳᠡ ᠪᠠᠳᠠᠷᠠᠬᠤ ᠭᠣᠯᠣᠮᠲᠠ ᠲᠠᠢ
ᠠᠮᠢᠯᠠᠯ ᠤ᠋ᠨ ᠰᠠᠷᠠᠭᠤᠯ ᠲᠤᠶᠠᠭᠠ
ᠲᠣᠭᠣᠨᠣ ᠪᠠᠷ ᠨᠢ ᠲᠣᠰᠴᠤ ᠪᠠᠶ᠋ᠢᠲᠠᠭ ᠶᠤᠮ
ᠠᠮᠢᠳᠤᠷᠠᠯ ᠤ᠋ᠨ ᠠᠷᠢᠭᠤᠨ ᠰᠦ
ᠲᠣᠭᠣᠭᠠᠨ ᠳ᠋ᠤ᠌ ᠨᠢ ᠪᠤᠴᠠᠯᠵᠤ ᠪᠠᠶ᠋ᠢᠲᠠᠭ ᠶᠤᠮ
ᠡᠶ᠋ᠢᠮᠦ ᠰᠠᠢᠬᠠᠨ ᠣᠷᠣᠨ ᠳ᠋ᠤ᠌
ᠮᠠᠯᠴᠢᠨ ᠤ᠋ ᠬᠦᠦ ᠪᠢ ᠲᠥᠷᠥᠭᠰᠡᠨ ᠶᠦ᠍ᠮ
ᠢᠰᠡᠭᠡᠢ ᠴᠠᠭᠠᠨ ᠭᠡᠷ ᠢ᠋ᠶ᠋ᠡᠨ ᠰᠢᠭ
ᠡᠬᠡ ᠣᠷᠣᠨ ᠢ᠋ᠶ᠋ᠠᠨ ᠰᠠᠨᠠᠳᠠᠭ ᠶᠤᠮ ᠃
ᠮᠢᠨᠦ ᠰᠠᠢᠬᠠᠨ ᠣᠷᠣᠨ
ᠠᠵᠢᠯᠴᠢ ᠴᠡᠴᠡᠨ ᠠᠷᠠᠳ ᠲᠠᠢ
ᠮᠠᠨᠳᠤᠭᠰᠠᠨ ᠨᠠᠮ ᠳ᠋ᠤ᠌ ᠪᠠᠨ ᠵᠢᠳᠬᠦᠬᠦ
ᠠᠷᠢᠭᠤᠨ ᠰᠢᠳᠤᠷᠭᠤ ᠰᠡᠳᠬᠢᠯ ᠲᠡᠢ
ᠳᠠᠯᠠᠢ ᠪᠠᠶᠠᠨ ᠵᠢᠷᠭᠠᠯ ᠊ᠢ
ᠠᠷᠠᠳ ᠨᠢ ᠪᠦᠲᠦᠭᠡᠵᠦ ᠪᠠᠶ᠋ᠢᠲᠠᠭ ᠶᠤᠮ
ᠳᠠᠶᠠᠩ ᠳᠡᠯᠡᠬᠡᠢ ᠶ᠋ᠢᠨ ᠨᠢᠳᠦᠨ ᠳ᠋ᠦ᠍
ᠠᠮᠵᠢᠯᠲᠠ ᠨᠢ ᠭᠢᠯᠠᠯᠵᠠᠵᠤ ᠪᠠᠶ᠋ᠢᠲᠠᠭ ᠶᠤᠮ
ᠡᠶ᠋ᠢᠮᠦ ᠰᠠᠢᠬᠠᠨ ᠣᠷᠣᠨ ᠳ᠋ᠤ᠌
ᠮᠠᠯᠴᠢᠨ ᠤ᠋ ᠬᠦᠦ ᠪᠢ ᠲᠥᠷᠥᠭᠰᠡᠨ ᠶᠦ᠍ᠮ
ᠡᠷᠡᠯᠬᠡᠭ ᠪᠠᠭᠠᠲᠤᠷ ᠠᠷᠠᠳ ᠤ᠋ᠨ ᠢ᠋ᠶ᠋ᠠᠨ
ᠮᠡᠷᠭᠡᠨ ᠰᠤᠷᠭᠠᠯ ᠢ᠋ᠶ᠋ᠠᠷ ᠪᠣᠶ᠋ᠢᠵᠢᠬᠰᠠᠨ ᠶᠤᠮ ᠃
ᠳᠠᠭᠵᠢᠨ ᠮᠠᠨᠳᠤᠬᠤ ᠪᠡᠯᠭᠡ ᠲᠡᠢ
ᠳᠡᠯᠭᠡᠷ ᠪᠠᠶᠠᠨ ᠵᠠᠶᠠᠭᠠ ᠲᠠᠢ
ᠳᠡᠭᠡᠳᠦᠰ ᠬᠣᠶ᠋ᠢᠴᠢ ᠦᠭᠡᠢ ᠵᠣᠷᠢᠭ ᠲᠠᠢ
ᠳᠡᠯᠡᠬᠡᠢ ᠳ᠋ᠦ᠍ ᠬᠣᠣᠰ ᠦᠭᠡᠢ ᠵᠣᠯᠪᠣᠭᠠ ᠲᠠᠢ
ᠰᠠᠷᠠᠨ ᠤ᠋ ᠲᠤᠶᠠᠭᠠᠨ ᠳ᠋ᠤ᠌ ᠰᠠᠷᠠᠭᠤᠯᠵᠢᠵᠤ
ᠨᠠᠷᠠᠨ ᠤ᠋ ᠲᠤᠶᠠᠭᠠᠨ ᠳ᠋ᠤ᠌ ᠭᠢᠯᠠᠯᠵᠠᠭᠰᠠᠨ
ᠰᠠᠢᠬᠠᠨ ᠡᠬᠡ ᠣᠷᠣᠨ ᠮᠢᠨᠢ
ᠨᠠᠮᠠ ᠶ᠋ᠢ ᠬᠦᠯᠢᠶᠡᠵᠦ ᠪᠠᠶ᠋ᠢᠭᠠᠷᠠᠢ
ᠡᠷᠳᠡᠮ ᠮᠡᠳᠡᠯᠭᠡ ᠰᠤᠷᠤᠭᠠᠳ
ᠡᠷᠡ ᠶ᠋ᠢᠨ ᠴᠡᠭᠡᠯ ᠳ᠋ᠦ᠍ ᠬᠦᠷᠦᠭᠡᠳ
ᠡᠬᠡ ᠣᠷᠣᠨ ᠴᠢᠮᠠ ᠳ᠋ᠤ᠌ ᠪᠠᠨ
ᠡᠨᠡ ᠪᠡᠶᠡ ᠪᠡᠨ ᠵᠣᠷᠢᠭᠤᠯᠤᠨᠠ ᠪᠢ !
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ ᠄ ᠭᠠᠷᠮᠠ
ᠬᠢᠨᠠᠭᠴᠢ ᠄ ᠣᠤᠠᠬᠠᠨᠰᠣᠠ