ᠠᠮᠢᠲᠤᠷᠠᠯ – ᠭᠦᠷᠵᠠᠪ Амьдрал – Гүржав
263ᠠᠮᠢᠲᠤᠷᠠᠯ
ᠭᠦᠷᠵᠠᠪ
ᠠᠮᠢᠲᠤᠷᠠᠯ ᠪᠣᠯ
ᠨᠢᠭᠡ ᠪᠤᠲᠠ ᠴᠡᠴᠡᠭ ᠶᠤᠮ
ᠠᠷᠠᠴᠢᠯᠠᠵᠤ ᠤᠰᠤᠯᠠᠨ ᠲᠣᠲᠤᠮᠲᠠᠪᠠᠯ
ᠠᠷᠪᠠᠨ ᠥᠩᠭᠡ ᠪᠡᠷ ᠰᠣᠯᠣᠩᠭᠠᠷᠠᠲᠠᠭ ᠶᠤᠮ
ᠠᠶᠠ ᠳᠤᠷᠠ ᠪᠠᠷ ᠨᠢ ᠲᠠᠯᠪᠢᠪᠠᠯ
ᠠᠲᠠᠷᠰᠢᠵᠤ ᠬᠠᠲᠠᠨ ᠬᠣᠷᠪᠣᠶ᠋ᠢᠲᠠᠭ ᠶᠤᠮ
ᠠᠮᠢᠲᠤᠷᠠᠯ ᠪᠣᠯ
ᠨᠡᠯᠦᠭᠡᠷ ᠶᠡᠬᠡ ᠳᠠᠯᠠᠢ ᠶᠤᠮ
ᠠᠶ᠋ᠢᠵᠠᠮ ᠵᠢᠮᠡ ᠪᠡᠷ ᠨᠢ ᠤᠮᠪᠠᠭᠰᠠᠳ
ᠠᠯᠤᠰ ᠬᠢᠵᠠᠭᠠᠷ ᠲᠤᠨᠢ ᠬᠦᠷᠳᠡᠭ ᠶᠤᠮ
ᠠᠷᠬ᠋ᠠ ᠳᠡᠮ ᠦᠭᠡᠢ ᠱᠤᠩᠪᠠᠭᠰᠠᠳ
ᠠᠵᠠ — ᠦᠭᠡᠶ᠋ᠢᠲᠡᠪᠡᠯ ᠡᠨᠳᠡᠳᠡᠭ ᠶᠤᠮ
ᠠᠮᠢᠲᠤᠷᠠᠯ ᠪᠣᠯ
ᠠᠷᠲᠠᠭ ᠴᠢᠩᠬ᠋ᠠ — ᠠᠯᠠᠬ᠋ᠠ ᠶᠤᠮ
ᠠᠵᠢᠯ ᠦᠢᠯᠡᠰ ᠴᠢᠨᠢ ᠥᠭᠡᠲᠡ ᠪᠣᠯ
ᠠᠰ ᠳᠡᠭᠡᠭᠰᠢ ᠪᠡᠨ ᠡᠷᠭᠦᠳᠡᠭ ᠶᠤᠮ
ᠠᠪᠢᠶᠠᠰ ᠰᠡᠤᠠᠬᠢᠴᠡ ᠴᠢᠨᠢ ᠬᠤᠮᠰᠠᠤᠠᠪᠠᠯ
ᠠᠷᠤ ᠲᠤᠬᠤ ᠪᠠᠷ ᠴᠢᠨᠢ ᠠᠯᠠᠭᠠᠲᠠᠲᠠᠭ ᠶᠤᠮ
ᠠᠮᠢᠲᠤᠷᠠᠯ ᠪᠣᠯ
ᠠᠵᠢᠬᠴᠢ ᠬᠢᠷᠠᠬᠠᠢ ᠨᠢᠲᠦ ᠶᠤᠮ
ᠠᠴᠢ ᠵᠢᠤᠠᠭᠦᠯ ᠴᠢᠨᠢ ᠲᠣᠪᠣᠶ᠋ᠢᠮᠠ ᠪᠣᠯ
ᠠᠯᠲᠠᠷ ᠬᠦᠨᠲᠦ — ᠬᠠᠶ᠋ᠢᠷᠠᠯᠠᠲᠠᠭ ᠶᠤᠮ
ᠠᠯᠲᠠᠰᠢ ᠭᠠᠷᠤᠵᠠ ᠴᠢᠨᠢ ᠶᠡᠬᠡ ᠪᠣᠯ
ᠠᠰ ᠰᠢᠭᠤᠷᠬᠠᠢ ᠰᠢᠤᠠᠭᠡᠲᠡᠭ ᠶᠤᠮ
ᠠᠮᠢᠲᠤᠷᠠᠯ ᠪᠣᠯ
ᠠᠶᠠᠨ ᠪ ᠤᠷᠲᠤ ᠬᠠᠷᠭᠤᠢ ᠶᠤᠮ
ᠠᠯᠵᠠᠭᠤᠷᠠᠯ ᠦᠭᠡᠢ ᠵᠠᠮᠨᠠᠭᠰᠠᠳ
ᠠᠮᠵᠢᠯᠲᠠ ᠲᠡᠭᠦᠰ ᠲᠤᠭᠤᠯᠲᠠᠭ ᠶᠤᠮ
ᠠᠯᠬᠤᠮ ᠶ᠋ᠢᠠᠨ ᠪᠠᠬ᠋ᠠ ᠯᠡ ᠰᠤᠯᠠᠷᠠᠭᠤᠯᠤᠭᠰᠠᠳ
ᠠᠶᠠᠯᠠᠯ ᠲᠤᠮᠲᠠ ᠪᠠᠨ ᠬᠠᠶᠠᠭᠲᠠᠲᠠᠭ ᠶᠤᠮ ᠁
ᠢᠷᠡᠯᠲᠡ ᠄
ᠭᠦᠷᠵᠠᠪ ᠦ᠋ᠨ ᠵᠣᠬᠢᠶᠠᠭᠰᠠᠨ《 ᠬᠡᠦᠬᠡᠳ ᠨᠠᠰᠤ ᠰᠠᠶ᠋ᠢᠬᠠᠨ 》 ᠭᠡᠳᠡᠭ ᠨᠣᠮ ᠠ᠋ᠴᠠ ᠬᠠᠭᠤᠯᠤᠨ ᠪᠢᠴᠢᠪᠡ ᠂
ᠥᠪᠥᠷ ᠮᠣᠩᠭᠣᠯ ᠦ᠋ᠨ ᠠᠷᠠᠳ ᠦ᠋ᠨ ᠬᠡᠪᠯᠡᠯ ᠦ᠋ᠨ ᠬᠣᠷᠢᠶᠠ
ᠥᠪᠥᠷ ᠮᠣᠩᠭᠣᠯ ᠦ᠋ᠨ ᠰᠢᠨᠬᠤᠸᠠ ᠪᠢᠴᠢᠭ ᠦ᠋ᠨ ᠳᠡᠯᠭᠡᠭᠦᠷ ᠲᠠᠷᠬᠠᠭᠠᠪᠠ
ᠥᠪᠥᠷ ᠮᠣᠩᠭᠣᠯ ᠦ᠋ᠨ ᠭᠠᠵᠠᠷ ᠠᠭᠤᠷᠬᠠᠢ ᠶ᠋ᠢᠨ ᠬᠡᠪᠯᠡᠬᠦ ᠦᠢᠯᠡᠤᠠᠪᠦᠷᠢ ᠬᠡᠪᠯᠡᠪᠡ
2004 ᠣᠨ ᠪ 9 ᠰᠠᠷᠠ ᠳᠤ ᠠᠩᠬᠠᠲᠤᠭᠠᠷ ᠬᠡᠪ ᠊ᠢ ᠬᠢᠪᠡ
2004 ᠣᠨ ᠪ 9 ᠰᠠᠷᠠ ᠳᠤ ᠠᠩᠬᠠ ᠤᠲᠠᠬ᠋ᠠ ᠬᠡᠪᠯᠡᠪᠡ
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ ᠄ ᠤᠷᠠᠨᠴᠡᠴᠡᠭ
ᠬᠢᠨᠠᠭᠴᠢ ᠄ ᠪᠠᠶᠠᠷᠴᠡᠴᠡᠭ
2023 ᠣᠨ ᠪ3 ᠰᠠᠷᠠ ᠶ᠋ᠢᠨ 26 ᠪ ᠡᠲᠦᠷ