ᠬᠦᠩ ᠦ᠋ᠨ ᠵᠣᠣ ᠶ᠋ᠢᠨ ᠭᠡᠭᠡᠨ ᠦ᠌ ᠠᠯᠲᠠᠨ ᠰᠤᠷᠭᠠᠯ ᠣᠷᠣᠰᠢᠪᠠ1-5Гүнгийн жуугийн гэгээний алтан сургаал оршивой ᠲᠣᠷᠭᠠᠨ ᠵᠢᠯᠣᠭᠣ

ᠨᠢᠭᠡᠳᠦᠭᠡᠷ ᠪᠦᠯᠦᠭ ᠰᠤᠷᠭᠠᠯ ᠰᠢᠯᠦᠭ
  ᠲᠠᠪᠤ
ᠬᠠᠷ᠎ᠠ ᠬᠥᠮᠦᠨ ᠡᠮ᠎ᠡ ᠠᠪᠬᠤ ᠶᠣᠰᠣ ᠪᠦᠬᠦᠢ ᠶ᠋ᠢᠨ ᠳᠣᠲᠣᠷ᠎ᠠ ᠂
ᠬᠠᠮᠤᠭ ᠳᠡᠭᠡᠷ᠎ᠡ ᠵᠢᠯᠣᠭᠣᠳᠤᠨ ᠵᠢᠷᠤᠮᠯᠠᠬᠤ ᠬᠡᠷᠡᠭᠲᠡᠢ ᠂
ᠬᠠᠶ᠋ᠢᠷ᠎ᠠ ᠰᠢᠨᠤᠯ ᠬᠡᠲᠦᠷᠡᠭᠡᠳ ᠶᠣᠰᠣ ᠵᠢᠷᠤᠮ ᠠᠯᠳᠠᠪᠠᠯ ᠂
ᠬᠠᠮᠤᠭ ᠪᠡᠶ᠎ᠡ ᠶ᠋ᠢᠨ ᠪᠠᠭᠤᠷᠠᠯ ᠴᠤ᠌ ᠲᠡᠭᠦᠨ ᠡᠴᠡ ᠡᠭᠦᠰᠦᠮᠦᠢ ᠃

ᠬᠡᠪᠯᠡᠯ ᠦᠭᠡᠢ ᠡᠶ᠎ᠡ ᠨᠠᠶ᠋ᠢᠷᠠᠯ ᠶᠣᠰᠣ ᠵᠢᠷᠤᠮ ᠡᠪᠳᠡᠮᠦᠢ ᠂
ᠬᠡᠮᠨᠡᠯ ᠦᠭᠡᠢ ᠲᠠᠴᠢᠶᠠᠩᠭᠤᠢ ᠪᠡᠶ᠎ᠡ ᠶᠠᠰᠤ ᠡᠪᠳᠡᠮᠦᠢ ᠂
ᠬᠡᠷᠡᠭ ᠦᠭᠡᠢ ᠰᠢᠨᠤᠯ ᠳᠤᠷ᠎ᠠ ᠨᠡᠷ᠎ᠡ ᠠᠯᠳᠠᠷ ᠪᠠᠷᠠᠮᠤᠢ ᠂
ᠭᠡᠭᠡ ᠦᠭᠡᠢ ᠨᠢᠭᠤᠷ ᠰᠡᠳᠬᠢᠯ ᠬᠥᠮᠦᠨ ᠴᠢᠨᠠᠷ ᠳᠠᠭᠤᠰᠤᠮᠤᠢ᠃

ᠡᠷ᠎ᠡ ᠬᠥᠮᠦᠨ ᠡᠵᠡᠯᠡᠬᠦ ᠶᠣᠰᠣ ᠤᠴᠢᠷ ᠪᠠᠶ᠋ᠢᠲᠠᠯ᠎ᠠ᠂
ᠡᠨᠡ ᠴᠠᠭ ᠲᠤᠷ ᠡᠵᠡᠯᠡᠭᠳᠡᠨ ᠠᠶᠤᠮᠰᠢᠭ ᠣᠯᠠᠨ ᠪᠣᠢ ᠂
ᠡᠷᠬᠢᠮ ᠪᠡᠶ᠎ᠡ ᠶ᠋ᠢᠨ ᠬᠦᠰᠡᠯ ᠳ᠋ᠡᠭᠡᠨ ᠠᠪᠲᠠᠷᠠᠵᠤ ᠶᠠᠪᠤᠭᠴᠢ ᠂
ᠥᠮᠥᠳᠥ ᠪᠡᠨ ᠲᠣᠯᠣᠭᠠᠢ ᠳ᠋ᠠᠭᠠᠨ ᠡᠮᠦᠰᠦᠭᠰᠡᠨ ᠬᠡᠷᠡᠭ ᠮᠥᠨ᠃

ᠤᠴᠠᠷᠠᠭᠰᠠᠨ ᠨᠥᠬᠥᠷ ᠯᠤᠭᠡ ᠡᠪᠲᠦ ᠵᠢᠷᠤᠮ ᠪᠠᠶ᠋ᠢᠪᠠᠴᠤ ᠂
ᠤᠴᠢᠷ ᠰᠤᠩᠭᠤᠮᠵᠢᠯᠠᠨ ᠬᠢᠴᠢᠶᠡᠬᠦ ᠬᠡᠷᠡᠭᠲᠡᠢ ᠂
ᠤᠯᠠᠮ ᠢ᠋ᠶ᠋ᠠᠷ ᠮᠠᠲᠠᠯ ᠠᠪᠴᠤ ᠲᠤᠰᠠᠲᠠᠢ ᠰᠢᠭ᠋ ᠠᠭᠰᠠᠭᠠᠷ ᠂
ᠣᠯᠭᠣᠮ ᠪᠣᠭᠣᠯ ᠮᠠᠲᠠᠯ ᠦᠭᠡᠢ ᠬᠥᠮᠦᠨ ᠦ᠌ ᠡᠯᠡᠭ ᠪᠣᠯᠤᠮᠤᠢ᠃

ᠠᠪᠤ ᠡᠵᠢ ᠡᠷᠬᠢᠮ ᠪᠣᠯᠤᠭᠠᠳ ᠭᠡᠷ ᠤᠨ ᠡᠵᠡᠨ ᠭᠡᠬᠦᠯ᠎ᠡ ᠂
ᠠᠰᠤᠷᠤ ᠮᠡᠷᠭᠡᠨ ᠪᠠᠲᠤ ᠲᠦᠪᠰᠢᠨ ᠶᠠᠩᠵᠤᠲᠠᠢ ᠰᠢᠭ᠋ ᠠᠭᠰᠠᠭᠠᠷ ᠂
ᠠᠪᠢᠶᠠᠰ ᠤ᠋ᠨ ᠴᠢᠨᠳᠠᠭ᠎ᠠ ᠪᠠᠷ ᠳᠤᠭᠲᠤᠷᠤᠭᠲᠤᠨ ᠰᠥᠭᠥᠳᠴᠦ ᠂
ᠠᠶ᠋ᠢᠯ ᠤ᠋ᠨ ᠬᠥᠮᠦᠨ ᠦ᠌ ᠪᠣᠭᠣᠯ ᠪᠣᠯᠬᠤ ᠬᠠᠶ᠋ᠢᠷᠠᠨ ᠪᠡᠶ᠎ᠡ ᠪᠢᠰᠢ ‍ᠦᠦ ?

  ᠠᠮᠢᠯᠠᠭᠤᠯᠤᠭᠰᠠᠨ ᠨᠢ ᠄ ᠦᠯᠵᠡᠶ᠋ᠢᠪᠠᠭᠠᠲᠤᠷ
  ᠬᠢᠨᠠᠭᠰᠠᠨ ᠨᠢ ᠄ ᠰᠡᠬᠡᠭᠡᠷᠡᠯ ᠂ ᠭᠠᠷᠮ᠎ᠠ