ᠬᠢᠷᠠᠭᠤ ᠤᠨᠠᠨᠠ – ᠭᠦᠷᠵᠠᠪ Хяруу унана – Гүржав
260ᠬᠢᠷᠠᠭᠤ ᠤᠨᠠᠨᠠ
ᠭᠦᠷᠵᠠᠪ
ᠬᠢᠷᠠᠭᠤ ᠤᠨᠠᠨᠠ ᠂
ᠨᠠᠮᠤᠷ ᠦ᠋ᠨ
ᠬᠢᠷᠠᠭᠤ ᠤᠨᠠᠨᠠ
ᠨᠠᠷᠠᠨ ᠪ ᠰᠢᠷᠭᠠᠯ
ᠭᠡᠷᠡᠯ ᠳᠠᠷᠤᠵᠤ
ᠨᠠᠪᠴᠢᠨ ᠪ ᠨᠣᠭᠣᠭᠠᠨ
ᠥᠩᠭᠡ ᠳᠠᠷᠤᠵᠤ
ᠨᠠᠭᠠᠲᠤᠮ ᠦ᠋ᠨ ᠣᠯᠠᠨ
ᠬᠡᠦᠬᠡᠳ ᠴᠡᠴᠡᠷᠡᠭᠦᠯᠵᠦ
ᠨᠠᠮᠤᠷ ᠦ᠋ᠨ
ᠬᠢᠷᠠᠭᠤ ᠤᠨᠠᠨᠠ ᠃
ᠨᠡᠭᠦᠲᠡᠯ ᠦ᠋ᠨ ᠴᠤᠪᠤᠬ᠋ᠠ
ᠨᠤᠲᠤᠭ ᠦ᠋ᠨ ᠵᠠᠬᠠ ᠳᠤ
ᠴᠠᠶ᠋ᠢᠷᠠᠵᠤ
ᠨᠢᠰᠬᠦ ᠭᠠᠯᠠᠭᠤᠨ
ᠠᠯᠤᠰ ᠦ᠋ᠨ ᠣᠭᠲᠠᠷᠭᠤᠢ ᠳᠤ
ᠵᠠᠮᠬᠠᠷᠠᠵᠤ
ᠬᠦᠢᠲᠡᠨ ᠰᠠᠯᠬᠢ
ᠬᠥᠨᠲᠡᠢ ᠶ᠋ᠢ ᠲᠦᠯᠬᠢᠨ
ᠨᠠᠭᠠᠰᠢᠯᠠᠨᠠ
ᠬᠥᠩᠭᠡᠨ ᠴᠠᠰᠤ
ᠡᠭᠦᠯᠡ ᠶ᠋ᠢ ᠢᠷᠡᠨ
ᠢᠨᠢᠶᠡᠮᠰᠦᠭᠯᠡᠨᠡ ᠃
ᠬᠦᠷᠴᠦ ᠢᠷᠡᠬᠦ ᠡᠪᠦᠯ
ᠬᠦᠷᠡᠯ ᠮᠥᠩᠭᠥᠨ ᠬᠤᠶᠠᠭ ᠶ᠋ᠢᠠᠨ
ᠬᠡᠲᠦᠷᠴᠦ
ᠬᠣᠯᠠ ᠶ᠋ᠢᠨ ᠴᠢᠮᠡᠭᠡ ᠴᠢᠩᠨᠠᠨ
ᠬᠣᠶᠠᠷ ᠬᠥᠯ ᠳᠡᠭᠡᠷᠡ ᠪᠡᠨ ᠥᠨᠲᠡᠯᠵᠡᠨᠡ
ᠬᠦᠵᠢ ᠰᠠᠶ᠋ᠢᠬᠠᠨ ᠳᠡᠯᠡᠬᠡᠢ
ᠬᠥᠷᠥᠰᠥ — ᠳᠡᠪᠡᠯ ᠶ᠋ᠢᠡᠨ ᠪᠡᠬᠢᠯᠡᠵᠦ
ᠬᠥᠮᠦᠨ ᠪ ᠠᠯᠲᠠᠨ ᠬᠣᠷᠸ᠋ᠠ ᠶ᠋ᠢ
ᠪᠦᠪᠡᠶ᠋ᠢᠯᠡᠵᠦ
ᠬᠥᠪᠴᠢ ᠶ᠋ᠢᠨ ᠥᠨᠲᠥᠷ ᠳᠠᠪᠠᠭᠠᠳ ᠊ᠢ
ᠡᠩᠬᠡᠬᠡᠨ ᠲᠤᠭᠤᠯᠬᠤ ᠪᠠᠷ ᠶᠠᠭᠠᠷᠠᠨᠠ
ᠢᠷᠡᠯᠲᠡ ᠄
ᠭᠦᠷᠵᠠᠪ ᠦ᠋ᠨ ᠵᠣᠬᠢᠶᠠᠭᠰᠠᠨ《 ᠬᠡᠦᠬᠡᠳ ᠨᠠᠰᠤ ᠰᠠᠶ᠋ᠢᠬᠠᠨ 》 ᠭᠡᠳᠡᠭ ᠨᠣᠮ ᠠ᠋ᠴᠠ ᠬᠠᠭᠤᠯᠤᠨ ᠪᠢᠴᠢᠪᠡ ᠂
ᠥᠪᠥᠷ ᠮᠣᠩᠭᠣᠯ ᠦ᠋ᠨ ᠠᠷᠠᠳ ᠦ᠋ᠨ ᠬᠡᠪᠯᠡᠯ ᠦ᠋ᠨ ᠬᠣᠷᠢᠶᠠ
ᠥᠪᠥᠷ ᠮᠣᠩᠭᠣᠯ ᠦ᠋ᠨ ᠰᠢᠨᠬᠤᠸᠠ ᠪᠢᠴᠢᠭ ᠦ᠋ᠨ ᠳᠡᠯᠭᠡᠭᠦᠷ ᠲᠠᠷᠬᠠᠭᠠᠪᠠ
ᠥᠪᠥᠷ ᠮᠣᠩᠭᠣᠯ ᠦ᠋ᠨ ᠭᠠᠵᠠᠷ ᠠᠭᠤᠷᠬᠠᠢ ᠶ᠋ᠢᠨ ᠬᠡᠪᠯᠡᠬᠦ ᠦᠢᠯᠡᠤᠠᠪᠦᠷᠢ ᠬᠡᠪᠯᠡᠪᠡ
2004 ᠣᠨ ᠪ 9 ᠰᠠᠷᠠ ᠳᠤ ᠠᠩᠬᠠᠲᠤᠭᠠᠷ ᠬᠡᠪ ᠊ᠢ ᠬᠢᠪᠡ
2004 ᠣᠨ ᠪ 9 ᠰᠠᠷᠠ ᠳᠤ ᠠᠩᠬᠠ ᠤᠲᠠᠬ᠋ᠠ ᠬᠡᠪᠯᠡᠪᠡ
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ ᠄ ᠪᠠᠶᠠᠷᠴᠡᠴᠡᠭ
ᠬᠢᠨᠠᠭᠴᠢ ᠄ ᠪᠠᠶᠠᠷᠴᠡᠴᠡᠭ
20230325