ᠮᠣᠩᠭᠣᠯ ᠣᠨᠢᠰᠤᠭᠠ ᠶᠢᠨ ᠲᠡᠭᠦᠪᠦᠷᠢ – ᠬᠣᠶᠠᠳᠤᠭᠠᠷ ᠪᠦᠯᠦᠭ –6 Монгол оньсгын түүвэр –Хоёрдугаар бүлэг–6
1421ᠬᠣᠶᠠᠳᠤᠭᠠᠷ ᠪᠦᠯᠦᠭ – ᠠᠷᠠᠳ ᠦ᠋ᠨ ᠠᠮᠠ ᠪᠠᠷ ᠵᠣᠬᠢᠶᠠᠭᠲᠠᠭᠰᠠᠨ ᠣᠨᠢᠰᠣᠬ᠋ᠠ
ᠬᠤᠪᠴᠠᠯᠠᠵᠤ ᠡᠮᠦᠰᠬᠦ ᠶ᠋ᠢᠨ ᠵᠤᠶ᠋ᠢᠯ
ᠠᠶ᠋ᠢᠮᠠᠭ ᠵᠠᠶ᠋ᠢᠮᠠᠭ ᠲᠡᠮᠡᠭᠡᠨ ᠠᠮᠠ
ᠢᠵᠢᠷ ᠪᠢᠵᠢᠷ ᠢᠰᠢᠭᠡᠨ ᠠᠮᠠ
ᠠᠷᠢᠭᠤᠨ ᠰᠠᠶ᠋ᠢᠬᠠᠨ ᠮᠣᠷᠢᠨ ᠠᠮᠠ
ᠬᠣᠶᠠᠷ ᠰᠠᠶ᠋ᠢᠬᠠᠨ ᠬᠣᠨᠢᠨ ᠠᠮᠠ
( ᠮᠣᠩᠭᠣᠯ ᠳᠡᠪᠡᠯ )
ᠳᠡᠭᠡᠭ ᠳᠡᠭᠡᠷᠡ
ᠲᠡᠭᠡ ᠤᠬᠤᠨᠠ ᠬᠣᠶᠠᠷ ᠮᠥᠷᠭᠥᠯᠳᠦᠨᠡ
( ᠲᠣᠪᠴᠢ ᠰᠢᠯᠪᠢ )
ᠲᠠᠩᠭᠤᠳ ᠤᠨ ᠲᠠᠪᠤᠨ ᠰᠢᠷᠠ ᠨᠣᠬᠠᠢ
ᠡᠳᠦᠷ ᠤᠶᠠᠭᠠ ᠲᠠᠢ
ᠰᠥᠨᠢ ᠲᠠᠯᠪᠢᠭᠠ ᠲᠠᠢ
( ᠲᠣᠪᠴᠢ ᠰᠢᠯᠪᠢ )
ᠥᠭᠡᠯᠡᠳ ᠤᠨ ᠬᠡᠦᠬᠡᠳ ᠥᠷᠯᠥᠭᠡ ᠪᠣᠰᠤᠭᠠᠳ ᠵᠣᠯᠭᠠᠨᠠ
( ᠲᠣᠪᠴᠢ ᠰᠢᠯᠪᠢ )
ᠥᠯᠵᠡᠶ᠋ᠢᠲᠦ ᠶ᠋ᠢᠨ ᠬᠣᠨᠢ
ᠥᠷᠯᠥᠭᠡ ᠪᠣᠯᠭᠠᠨ ᠨᠡᠶ᠋ᠢᠯᠡᠳᠡᠭ
ᠦᠳᠡᠰᠢ ᠪᠣᠯᠭᠠᠨ ᠰᠠᠯᠳᠠᠭ
( ᠲᠣᠪᠴᠢ ᠰᠢᠯᠪᠢ )
ᠠᠩᠭᠠᠰ ᠭᠡᠪᠡᠯ
ᠪᠤᠯᠲᠠᠰ ᠭᠡᠨᠡ
( ᠲᠣᠪᠴᠢᠯᠠᠬᠤ )
ᠬᠠ ᠦᠭᠡᠢ
ᠬᠠᠷᠠᠭᠴᠢ ᠭᠡᠭᠦᠦ
( ᠬᠠᠨᠵᠢᠶᠠᠷ )
ᠡᠳᠦᠷ ᠴᠢᠮᠥᠭᠡ ᠲᠠᠢ
ᠰᠥᠨᠢ ᠴᠢᠮᠥᠭᠡ ᠦᠭᠡᠢ
( ᠬᠠᠨᠴᠤᠢ )
ᠡᠳᠦᠷ ᠬᠣᠭᠣᠯᠠ ᠲᠠᠢ ᠬᠣᠶᠠᠷ ᠲᠤᠯᠤᠮ
ᠰᠥᠨᠢ ᠬᠣᠭᠣᠯᠠ ᠦᠭᠡᠢ ᠬᠣᠶᠠᠷ ᠲᠤᠯᠤᠮ
( ᠬᠠᠨᠴᠤᠢ )
ᠠᠭᠤᠯᠠᠨ ᠠᠷᠤ ᠳᠤ
ᠤᠯᠠᠭᠠᠨ ᠳᠠᠷᠴᠠᠭ
( ᠮᠠᠯᠠᠭᠠᠢ ᠶ᠋ᠢᠨ ᠪᠦᠴᠡ )
ᠥᠨᠳᠥᠷ ᠠᠭᠤᠯᠠ ᠶ᠋ᠢᠨ ᠣᠷᠣᠢ ᠳᠤ
ᠤᠯᠠᠭᠠᠨ ᠪᠢᠷᠠᠭᠤ ᠤᠶᠠᠭᠠ ᠲᠠᠢ
( ᠮᠠᠯᠠᠭᠠᠢ ᠶ᠋ᠢᠨ ᠵᠠᠯᠠᠭᠠ )
ᠠᠶ᠋ᠢᠯ ᠨᠢᠭᠡᠲᠡᠨ ᠤ ᠠᠮᠠ ᠨᠢ ᠨᠢᠭᠡ
ᠠᠮᠠ ᠨᠢᠭᠡᠲᠡᠨ ᠤ ᠬᠥᠯ ᠨᠢ ᠬᠣᠶᠠᠷ
( ᠥᠮᠥᠳᠥ )
ᠭᠤᠷᠭᠤᠤᠯᠳᠠᠢ ᠭᠤᠷᠪᠠᠨ ᠠᠮᠠ ᠲᠠᠢ
( ᠥᠮᠥᠳᠥ )
ᠪᠢᠴᠢᠬᠠᠨ ᠶᠠᠭᠤᠮᠠ ᠭᠤᠷᠪᠠᠨ ᠠᠮᠠᠰᠠᠷ ᠲᠠᠢ
ᠪᠠᠶᠠᠨ ᠶᠠᠳᠠᠭᠤ ᠳᠤ ᠪᠦᠷ ᠬᠡᠷᠡᠭᠲᠡᠢ
ᠪᠠᠶ᠋ᠢᠯᠠ ᠭᠡᠳ ᠪᠠᠶᠠᠨ ᠳᠤ ᠣᠷᠣᠬᠤ ᠦᠭᠡᠢ
ᠪᠠᠶ᠋ᠢᠬᠤ ᠦᠭᠡᠢ ᠪᠣᠯ ᠶᠠᠳᠠᠭᠤ ᠶ᠋ᠢᠨ ᠲᠤᠶ᠋ᠢᠯ
( ᠥᠮᠥᠳᠥ )
ᠭᠠᠭᠴᠠᠬᠠᠨ ᠰᠢᠭᠤᠳᠠᠢ ᠭᠤᠷᠪᠠᠨ ᠠᠮᠠᠰᠠᠷ ᠲᠠᠢ
( ᠥᠮᠥᠳᠥ )
ᠲᠣᠬᠣᠢ ᠴᠢᠨᠡᠭᠡᠨ ᠪᠡᠶᠡ ᠲᠠᠢ
ᠲᠦᠷᠡᠢ ᠵᠤᠯᠤᠭ ᠤᠯᠠ ᠲᠠᠢ
( ᠭᠤᠲᠤᠯ )
ᠡᠳᠦᠷ ᠲᠡᠭᠡᠨ ᠮᠢᠬᠠᠨ ᠲᠤᠯᠤᠮ
ᠰᠥᠨᠢ ᠳ᠋ᠡᠭᠡᠨ ᠬᠣᠭᠣᠰᠣᠨ ᠲᠤᠯᠤᠮ
( ᠭᠤᠲᠤᠯ )
ᠵᠠᠯᠠᠭᠤ ᠳ᠋ᠠᠭᠠᠨ ᠵᠡᠭᠦᠭᠰᠡᠨ ᠴᠡᠴᠡᠭ ᠢ
ᠥᠲᠡᠯᠲᠡᠯᠡ ᠪᠠᠨ ᠵᠡᠭᠦᠨᠡ
ᠵᠠᠪᠠᠯ ᠬᠣᠶᠠᠭᠤᠯᠠ ᠠᠯᠪᠠ ᠬᠠᠰᠢᠨᠠ
ᠵᠠᠪᠠᠵᠢᠨ ᠦᠰᠦ ᠨᠢ ᠴᠠᠶ᠋ᠢᠭᠠᠳ ᠢᠷᠡᠭᠰᠡᠭᠡᠷ
ᠵᠠᠮ ᠤᠨ ᠬᠠᠵᠠᠭᠤ ᠳᠤ ᠭᠡᠭᠡᠭᠳᠡᠨᠡ
( ᠭᠤᠲᠤᠯ )
ᠬᠥᠮᠦᠨ ᠬᠣᠨᠢ ᠮᠥᠷᠭᠥᠭᠡ
ᠬᠣᠨᠢ ᠦᠬᠡᠷ ᠮᠥᠷᠭᠥᠭᠡ
ᠦᠬᠡᠷ ᠭᠠᠵᠠᠷ ᠮᠥᠷᠭᠥᠭᠡ
( ᠬᠥᠯ ᠣᠶ᠋ᠢᠮᠣᠰᠤ ᠭᠤᠲᠤᠯ )
ᠬᠠᠷᠠ ᠮᠣᠷᠢᠨ ᠦ ᠬᠠᠵᠠᠭᠠᠷ ᠨᠢ ᠨᠣᠭᠣᠭᠠᠨ
(ᠪᠤᠯᠢᠭᠠᠷᠢ ᠭᠤᠲᠤᠯ )
ᠤᠯᠠᠭᠠᠨ ᠲᠤᠭᠤᠯ ᠨᠣᠭᠣᠭᠠᠨ ᠨᠣᠭᠲᠣ ᠲᠠᠢ
( ᠭᠤᠲᠤᠯ )
ᠲᠥᠭᠡ ᠴᠢᠨᠡᠭᠡᠨ ᠪᠡᠶᠡ ᠲᠠᠢ
ᠲᠦᠭ ᠲᠦᠮᠡᠨ ᠰᠢᠷᠬᠠ ᠲᠠᠢ
( ᠭᠤᠲᠤᠯ ᠱᠠᠬᠠᠢ ᠶ᠋ᠢᠨ ᠤᠯᠠ )
ᠵᠠᠯᠠᠭᠤ ᠳ᠋ᠠᠭᠠᠨ ᠬᠠᠳᠬᠤᠭᠰᠠᠨ ᠴᠡᠴᠡᠭ ᠢ
ᠵᠠᠭᠠᠯ ᠪᠣᠯᠲᠠᠯᠠ ᠬᠠᠯᠠᠬᠤ ᠦᠭᠡᠢ
ᠵᠠᠪᠠᠯ ᠬᠣᠶᠠᠭᠤᠯᠠ ᠪᠠᠶ᠋ᠢᠬᠤ ᠦᠭᠡᠢ ᠪᠣᠯ
ᠠᠯᠪᠠ ᠬᠠᠭᠠᠵᠤ ᠴᠢᠳᠠᠬᠤ ᠦᠭᠡᠢ
ᠵᠠᠭᠤᠨ ᠡᠳᠦᠷ ᠠᠪᠤᠭᠠᠢ ᠶ᠋ᠢ ᠳᠠᠭᠠᠪᠠᠴᠤ
ᠱᠠᠩ ᠦᠭᠡᠢ ᠳᠡᠭᠡᠷᠡ ᠪᠠᠨ ᠬᠠᠯᠠ ᠲᠠᠢ
ᠵᠠᠳᠠᠷᠠᠵᠤ ᠬᠥᠭᠰᠢᠷᠡᠬᠦ ᠶ᠋ᠢᠨ ᠴᠠᠭ ᠲᠤ᠌
ᠵᠠᠮ ᠤᠨ ᠬᠠᠵᠠᠭᠤ ᠳᠤ ᠬᠠᠶᠠᠭᠳᠠᠨᠠ
( ᠭᠤᠲᠤᠯ ᠱᠠᠬᠠᠢ )
ᠵᠢᠯᠭᠠᠨ ᠳᠣᠭᠤᠤᠷ ᠵᠢᠷᠠᠨ ᠨᠡᠭᠦᠳᠡᠯ
( ᠤᠯᠠ ᠶ᠋ᠢᠨ ᠰᠢᠷᠢᠭᠡᠰᠦ )
ᠠᠷᠪᠠ ᠳᠡᠭᠡᠷᠡ ᠠᠷᠪᠠ ᠨᠡᠮᠡᠪᠡᠴᠦ ᠠᠷᠪᠠ
ᠠᠷᠪᠠ ᠠ᠋ᠴᠠ ᠠᠷᠪᠠ ᠬᠠᠰᠤᠪᠠᠴᠤ ᠠᠷᠪᠠ
( ᠪᠡᠭᠡᠯᠡᠢ )
ᠱᠠᠨᠳᠦ᠋ᠩ ᠭᠠᠵᠠᠷ ᠤᠨ ᠠᠬᠢᠷᠠ ᠬᠠᠷᠠ ᠲᠠᠬᠢᠶᠠ
ᠰᠢᠷᠣᠢ ᠢᠳᠡᠬᠦ ᠠ᠋ᠴᠠ ᠪᠢᠰᠢ ᠪᠤᠳᠠᠭᠠ ᠢᠳᠡᠬᠦ ᠦᠭᠡᠢ
ᠲᠤᠩᠭᠠᠯᠠᠭ ᠡᠳᠦᠷ ᠭᠡᠷ ᠠ᠋ᠴᠠ ᠭᠠᠷᠬᠤ ᠦᠭᠡᠢ
ᠪᠣᠷᠣᠭᠠᠨ ᠲᠠᠢ ᠡᠳᠦᠷ ᠵᠦᠭᠡᠷ ᠰᠠᠭᠤᠬᠤ ᠦᠭᠡᠢ
( ᠤᠰᠤᠨ ᠱᠠᠬᠠᠢ )
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ ᠄ ᠬᠠᠷᠠᠨᠤᠳ · ᠲᠤᠶᠠᠭᠠ ᠂ ᠬᠠᠳᠠᠴᠢ · ᠤᠷᠠᠨᠠ
ᠬᠢᠨᠠᠭᠴᠢ ᠄ ᠮᠢᠩᠭᠠᠳ · ᠴᠢᠮᠡᠭ ᠂ ᠬᠠᠷᠠᠨᠤᠳ · ᠲᠤᠶᠠᠭᠠ